ଭୁବନେଶ୍ବର: ଆସି ସାରିଛି ନୂଆବର୍ଷ ୨୦୨୩ । ସବୁଠି ଉତ୍ସାହର ମାହୋଲ । ପିଲାଠୁ ବୟସ୍କ ସମସ୍ତେ ପରସ୍ପରକୁ ଅଭିନନ୍ଦନ ଜଣାଉଛନ୍ତି । ନୂଆବର୍ଷର ପ୍ରଥମ ମାସ କିଛି ରାଶିର ବ୍ୟକ୍ତିଙ୍କ ପାଇଁ ବହୁତ ଖୁସି ଖବର ନେଇ ଆସୁଛି । ଜ୍ୟୋତିଷଶାସ୍ତ୍ର ଅନୁସାରେ ମେଷ ଓ ମକର ରାଶିର ବ୍ୟକ୍ତିଙ୍କ ଆୟ ବଢ଼ିବାର ସମ୍ଭାବନା ରହିଛି । କିନ୍ତୁ ଏମିତି ବି କିଛି ରାଶିର ବ୍ୟକ୍ତି ଅଛନ୍ତି ଅତ୍ୟଧିକ ଖର୍ଚ୍ଚ ଯୋଗୁଁ ସେମାନଙ୍କ ବଜେଟ ବିଗିଡ଼ି ଯାଇପାରେ । ଆସନ୍ତୁ ଜାଣିବା ୨୦୨୩ ପ୍ରଥମ ମାସ ଜାନୁଆରୀରେ କେଉଁ ରାଶିର ବ୍ୟକ୍ତିଙ୍କ ପାଇଁ ଆର୍ଥିକ ସ୍ଥିତି କେମିତି ରହିବ ।
ମେଷ: ଏହି ରାଶିର ବ୍ୟକ୍ତି ବର୍ଷର ପ୍ରଥମ ମାସ ଜାନୁଆରୀରେ ଅଧିକ ଖର୍ଚ୍ଚାନ୍ତ ହେବେ । ତେବେ ମାସ ସାରା ଆୟ ହେବାର ସମ୍ଭାବନା ରହିଛି । ନିବେଶ କରି ଏହି ମାସ ଭଲ ଲାଭ ପାଇପାରିବେ । ଖର୍ଚ୍ଚ ସହ ସଞ୍ଚୟ ଉପରେ ଧ୍ୟାନ ଦିଅନ୍ତୁ । ବିଦେଶୀ ବ୍ୟବସାୟ କରୁଥିଲେ କିମ୍ବା ବିଦେଶୀ ମୁଦ୍ରାରେ ନେଣଦେଣ କରୁଥିଲା ସାବଧାନତା ଅବଲମ୍ବନ କରନ୍ତୁ ।
ବୃଷ: ଅର୍ଥ କ୍ଷେତ୍ରରେ ଏହି ମାସ ବୃଷ ରାଶିର ବ୍ୟକ୍ତି ପାଇଁ ଶୁଭ ସଙ୍କେତ ଦେଉଛି । ପୂର୍ବାପେକ୍ଷା ପ୍ରଥମ ମାସ ଏହି ରାଶିର ବ୍ୟକ୍ତିଙ୍କ ଆର୍ଥିକ ସ୍ଥିତି ଭଲ ରହିବ । ରୋଜଗାର ଭଲ ରହିବ । ଜମି କିଣିବାର ଯୋଗ ରହିଛି, ଯାହା ଭବିଷ୍ୟତରେ ଆପଣଙ୍କୁ ଲାଭ ଦେଇପାରେ । ପୈତୃକ ସମ୍ପତ୍ତିରୁ ଲାଭ ମିଳିବାର ସମ୍ଭାବାନ ରହିଛି ।
ମିଥୁନ: ଆର୍ଥିକ ଦୃଷ୍ଟିରୁ ମିଥୁନ ରାଶିର ବ୍ୟକ୍ତିଙ୍କ ପାଇଁ ପ୍ରଥମ ମାସ ଠିକଠାକ ରହିବ । ସର୍ଟକଟରେ ରୋଜଗାର କରିବା ଆପଣଙ୍କୁ ସମସ୍ୟାରେ ପକାଇପାରେ । ଲଟେରୀ ଓ ସେୟାର ବଜାରରେ ଧନ ନିବେଶ କରନ୍ତୁ ନାହିଁ ।
କର୍କଟ: ଏହି ରାଶିର ବ୍ୟକ୍ତିଙ୍କୁ ଆର୍ଥିକ ସ୍ଥିତିରେ ଶୁଭ ଫଳ ମିଳିବ । ରଚନାତ୍ମକ କ୍ଷେତ୍ରରେ ଥିବା ବ୍ୟକ୍ତିଙ୍କ ପାଇଁ ଜାନୁଆରୀ ମାସରେ ଆର୍ଥିକ ସ୍ଥିତି ଭଲ ରହିବ । ଚାକିରି ପରିବର୍ତ୍ତନ କରିବାକୁ ଚାହୁଁଥିଲେ, ଏହି ମାସ ଆପଣଙ୍କ ପାଇଁ ଭଲ ହୋଇପାରେ । ଏହାସହ ଦରମା ବଢ଼ିବାର ଆଶା ରହିଛି ।
ସିଂହ: ଏହି ରାଶିର ବ୍ୟକ୍ତି ପ୍ରଥମ ମାସରେ ଆର୍ଥିକ ସମସ୍ୟାରେ ପଡ଼ିପାରନ୍ତି । ନିବେଶରେ କ୍ଷତିର ସମ୍ମୁଖୀନ ହେବାକୁ ପଡ଼ିପାରେ । ଲଟେରୀ କି ସେୟାର ମାର୍କେଟରେ ନିବେଶ କରିବାକୁ ଯୋଜନା କରୁଥିଲେ ସତର୍କ ରୁହନ୍ତୁ । ଟଙ୍କା ବଞ୍ଚାଇବାର ଏକମାତ୍ର ଉପାୟ ହେଉଛି ଖର୍ଚ୍ଚକାଟ କରନ୍ତୁ ।
କନ୍ୟା: ବ୍ୟବସାୟ କରୁଥିବା ଏହି ରାଶିର ବ୍ୟକ୍ତି ୨୦୨୩ ଜାନୁଆରୀ ମାସରେ ବିଶେଷ ଲାଭବାନ ହେବେ ନାହିଁ । ତୃତୀୟ ସପ୍ତାହରେ ଆର୍ଥିକ ସ୍ଥିତି ସୁଦୃଢ଼ ହେବ । ପୈତୃକ ସମ୍ପତ୍ତିକୁ ନେଇ ବ୍ୟବସାୟ କରିବାକୁ ଚାହୁଁଥିଲେ, ଆପଣ ଲାଭବାନ ହୋଇପାରନ୍ତି । ଚାକିରି କରୁଥିବା ବ୍ୟକ୍ତିଙ୍କ ପାଇଁ ମାସଟି ଭଲରେ କଟିକ ।
ତୁଳା: ଏହି ରାଶିର ବ୍ୟକ୍ତିଙ୍କ ପାଇଁ ମାସଟି ଭଲରେ କଟିବ । ଭାବିଚିନ୍ତି ଖର୍ଚ୍ଚ କଲେ ଆର୍ଥିକ ସ୍ଥିତିରେ ସୁଧାର ଆସିବ । ରୋଜଗାର ଏକାଧିକ ବାଟ ଖୋଲିବ । ମାସର ଶେଷ ଦୁଇ ସପ୍ତାହ ବହୁତ ଭଲ ରହିବ । ବିଭିନ୍ନ କ୍ଷେତ୍ରରୁ ରୋଜଗାର ସୁଯୋଗ ପାଇବେ ।
ବିଚ୍ଛା: ଏହି ରାଶିର ବ୍ୟକ୍ତି ୨୦୨୩ ପ୍ରଥମ ମାସ ଅଧିକ ଖର୍ଚ୍ଚାନ୍ତ ହୋଇପାରନ୍ତି । ଅଯଥା ଖର୍ଚ୍ଚରୁ ଦୂରେଇ ରୁହନ୍ତୁ । ଖର୍ଚ୍ଚ ପୂର୍ବରୁ ନିଶ୍ଚିତ ଚିନ୍ତା କରନ୍ତୁ । ଏହା ଆପଣଙ୍କୁ ଭଲ ଫଳ ଦେଇପାରେ ।
ଧନୁ: ଜାନୁଆରୀ ମାସରେ ଏହି ରାଶିର ବ୍ୟକ୍ତିଙ୍କ ଆୟ ପ୍ରଭାବିତ ହୋଇପାରେ । ଆୟକୁ ଦେଖି ଖର୍ଚ୍ଚ କରନ୍ତୁ, ଅଯଥା ଖର୍ଚ୍ଚରୁ ଦୂରେଇ ରୁହନ୍ତୁ । ଧାର, କରଜରୁ ଦୂରେଇ ରୁହନ୍ତୁ । ଏହା ଭବିଷ୍ୟତରେ ଆପଣଙ୍କ ପାଇଁ ଲାଭଦାୟକ ହେବ ।
ମକର: ଏହି ମାସ ମକର ରାଶି ବ୍ୟକ୍ତିଙ୍କ ପାଇଁ ଭଲ ରହିବ । ଆୟ ବୃଦ୍ଧିର ସମ୍ଭାବନା ରହିଛି । ଗ୍ରହ ସ୍ଥିତି ଅନୁକୁଳ ଥିବାରୁ ଭଲ ଆୟ କରିବାର ଆଶା ରହିଛି ।
କୁମ୍ଭ: ପୁରୁଣା ନିବେଶରୁ ଏହି ରାଶିର ବ୍ୟକ୍ତି ଲାଭ ପାଇବେ । ରୋଜଗାର ଭଲ ହେଲେ ବି ହଠାତ ଖର୍ଚ୍ଚ ବଢ଼ିପାରେ । ଯାହାକୁ ନିୟନ୍ତ୍ରଣ କରିବାରେ ବିଫଳ ହୋଇପାରନ୍ତି । ଖର୍ଚ୍ଚ ଅଧିକ ହେବାର ସମ୍ଭାବନା ଥିବାରୁ ମାସ ଆରମ୍ଭରୁ ଯୋଜନା କରନ୍ତୁ ।
ମୀନ: ଏହି ରାଶିର ବ୍ୟକ୍ତିଙ୍କ ପାଇଁ ଅନ୍ୟ ବାଟରେ ରୋଜଗାର କରିବାର ବାଟ ମିଳିପାରେ । ଯାହା ଆପଣଙ୍କ ପାଇଁ ଲାଭଦାୟକ ହୋଇପାରେ । କାମର ଚାପ ରହିବ । ଅଧିକ ଆଶାରେ କମ ଲାଭ ମିଳିପାରେ । ତେଣୁ ତରବର ନହୋଇ ଧର୍ଯ୍ୟ ରଖନ୍ତୁ, ମାସଟି ଠିକଠାକ କଟିବ ।
