ବରଗଡ଼: ବିଶ୍ବ ପ୍ରସିଦ୍ଧ ବରଗଡ଼ ଧନୁଯାତ୍ରାରେ କଂସ ଭୂମିକାରେ ନଜର ଆସିବେ ହୃଷିକେଶ ଭୋଇ । ହୃଷିକେଶଙ୍କ ନାଁ ଚୟନ କରିଛି ଚୟନ କମିଟି । ଆଜି ଯାତ୍ରାର ମୁଖ୍ୟ ଚରିତ୍ର କଂସ ଭୂମିକା ପାଇଁ ଚୟନ ପ୍ରକିୟାର ଶେଷ ଦିନ ରହିଥିଲା । ଚୟନ ପ୍ରିକ୍ରିୟାରେ 56ଜଣ ପ୍ରତିଯୋଗୀ ଅଂଶ ଗ୍ରହଣ କରିଥିଲେ । କିନ୍ତୁ ଚୟନ କମିଟି ହୃଷିକେଶ ଭୋଇଙ୍କୁ ଚୟନ କରିଥିଲେ ।
କଂଶ ଭୂମିକାରେ କେବଳ ଓଡିଶା ନୁହେଁ ସମଗ୍ର ବିଶ୍ୱରେ ବେସ୍ ନାଁ କମାଇଛନ୍ତି ହୃଷିକେଶ ଭୋଇ । ବିଗତ କିଛି ବର୍ଷ ହେବ କଂଶ ଭୂମିକାରେ ନଜର ଆସୁ ନଥିଲେ ହୃଷିକେଶ । ପୁଣି ଥରେ ହୃଷିକେଶଙ୍କ ନାରେ ମୋହର ଲାଗିଥିବାବେଳେ ଦର୍ଶକ ମଧ୍ୟ ବେଶ ଉତ୍ସାହିତ ହୋଇଛନ୍ତି ।
ବରଗଡ଼: ପଦ୍ମପୁର ନିର୍ବାଚନ ପୂର୍ବରୁ ଆହୁରି ବଢୁଛି ବିଜେଡି । ବିଜେପି ଛାଡ଼ି ବିଜେଡିରେ ମିଶିଲେ ପଦମପୁର ବ୍ଲକ ସର୍ଗିବାହାଲ ପଞ୍ଚାୟତର ବିଜେପି ନେତା ବାବୁଲୁ ବହିଦାର । ଏହାସହ ବରିହାପାଲି ପଞ୍ଚାୟତର ସ୍ବାଧୀନ ସମିତି ସଭ୍ୟ ଶ୍ରୀକାନ୍ତ ସାହୁ ମଧ୍ୟ ବିଜେଡିରେ ସାମିଲ ହୋଇଛନ୍ତି ।
ମୁଖ୍ୟମନ୍ତ୍ରୀଙ୍କ ସ୍ବଚ୍ଛ ଶାସନରେ ଅନୁପ୍ରାଣିତ ହୋଇ ସେମାନେ ଦଳ ଛାଡି ବିଜେଡିରେ ସାମିଲ ହୋଇଥିବା କହିଛନ୍ତି । ବିଜେଡି ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ, ଅର୍ଥମନ୍ତ୍ରୀ ନିରଞ୍ଜନ ପୂଜାରୀଙ୍କ ଉପସ୍ଥିତିରେ ଅନୁଷ୍ଠିତ ହୋଇଛି ଏହି ମିଶ୍ରଣ ପର୍ବ ।
ସମ୍ବଲପୁର: ଯୁବ ବୈଜ୍ଞାନିକ ଶେଷ କିଷାନଙ୍କ ବିବାହ । ଜୀବନକୁ ଆସିଲେ ନୂଆ ସାଥୀ । ବିବାହ ବନ୍ଧନରେ ବାନ୍ଧିହେଲେ ଯୁବ ବୈଜ୍ଞାନିକ ଶେଷ କିଷାନ । ରେଢାଖୋଲରେ ରେଜିଷ୍ଟ୍ରି ମ୍ୟାରେଜ କରିଛନ୍ତି ଶେଷ କିଷାନ । ଜୟଶ୍ରୀ ଜେନାଙ୍କୁ ସେ ବିବାହ କରିଥିବା ଜଣା ପଡ଼ିଛି । ରେଜିଷ୍ଟ୍ରି ମ୍ୟାରେଜ ପରେ ଶେଷଙ୍କୁ ପରିବାର ପରିଜନ ଶୁଭେଚ୍ଛା ଜଣାଇଛନ୍ତି ।
ତେବେ ଆସନ୍ତା ୨୨ ତାରିଖରେ ସମ୍ବଲପୁର ଜିଲ୍ଲା ବଲାସିଂଘା ଗାଁରେ ବୈଦିକ ରୀତିନୀତିରେ ଶେଷଙ୍କ ବିବାହ କାର୍ଯ୍ୟ ଅନୁଷ୍ଠିତ ହେବ । ବହୁ ସଂଷର୍ଷ ପରେ ଶେଷ କିଷାନ ସଫଳାତାର ସ୍ବାଦ ଚାଖିଥିଲେ । ଏକ ଅଭାବ ପରିବାରରୁ ବୈଜ୍ଞାନିକ ହୋଇପାରିଛନ୍ତି ଶେଷ କିଷାନ । ସେ ଏବେ ଜର୍ମାନରେ ବୈଜ୍ଞାନିକ ଭାବେ କାର୍ଯ୍ୟରତ ଅଛନ୍ତି ।
ନୂଆଦିଲ୍ଲୀ: ବହୁଚର୍ଚ୍ଚିତ ଏଲଗାର ପରିଷଦ- ମାଓବାଦୀ ଲିଙ୍କ ମାମଲା । ଜେଲରେ ଥିବା ସାମାଜିକ କର୍ମୀ ଗୌତମ ନାଭଲାଖାଙ୍କୁ ତାଙ୍କ ଘରେ ଗୃହବନ୍ଦୀ କରି ରଖିବା ଲାଗି ନିର୍ଦ୍ଦେଶ ଦେଇଛନ୍ତି ସୁପ୍ରିମକୋର୍ଟ । ତେବେ ଗୃହବନ୍ଦୀ କ୍ଷେତ୍ରରେ କେତେକ ସର୍ତ୍ତ ଲାଗୁ କରିଛନ୍ତି କୋର୍ଟ । ଗୌତମଙ୍କ ମେଡିକାଲ ରିପୋର୍ଟକୁ ଅଣଦେଖା କରାଯାଇପାରିବ ନାହିଁ ବୋଲି କହିଛନ୍ତି ଅଦାଲତ । ୪୮ ଘଣ୍ଟା ଭିତରେ ସମସ୍ତ ପ୍ରକ୍ରିୟା ଯାଞ୍ଚ କରି ଗୌତମଙ୍କୁ ଗୃହବନ୍ଦୀ ଅବସ୍ଥାରେ ରଖିବା ଲାଗି କୋର୍ଟ ନିର୍ଦ୍ଦେଶ ଦେଇଛନ୍ତି ।
ଏହା ସହ ଗୃହବନ୍ଦୀ ସମୟରେ ପୋଲିସ ମୁତୟନ ଖର୍ଚ୍ଚ ଲାଗି ଆବଶ୍ୟକ ୨ ଲକ୍ଷ ୪୦ ହଜାର ଟଙ୍କା ଜମା କରିବା ଲାଗି ଗୌତମଙ୍କୁ କୋର୍ଟ ନିର୍ଦ୍ଦେଶ ଦେଇଛନ୍ତି । ଗୃହବନ୍ଦୀ କାଳରେ ଏହି ସୁଯୋଗର ଅପବ୍ୟବହାର ନ କରିବା, ମୋବାଇଲ, ଇଣ୍ଟରନେଟ, ଲାପଟପ ଓ ଅନ୍ୟାନ୍ୟ କମ୍ୟୁନିକେସନ ବ୍ୟବସ୍ଥା ବ୍ୟବହାର ନ କରିବା ଲାଗି କୋର୍ଟ କହିଛନ୍ତି । ଦୈନିକ ତାଙ୍କୁ ଥରଟିଏ ଲାଗି ମାତ୍ର ୧୦ ମିନଟ ମୋବାଇଲ ବ୍ୟବହାର ସକାଶେ ଅନୁମତି ଦିଆଯିବ ।
ସପ୍ତାହରେ ଥରେ ତାଙ୍କ ପରିବାରର ଦୁଇ ସଦସ୍ୟଙ୍କୁ ଭେଟିବା ଲାଗି ଅନୁମତି ଦିଆଯିବ । ସେ ରହୁଥିବା ଘର ଓ ବାହାରେ ସିସିଟିଭି କ୍ୟାମେରା ଲାଗିବ । ଗୌତମ ଥିଲେ ବହୁଳ ପ୍ରସାରିତ ଇକୋନୋମିକ ଆଣ୍ଡ ପଲିଟିକାଲ ଓ୍ବିକିଲିର ଏଡିଟୋରିଆଲ କନସଲଟାଣ୍ଟ । ସେ ବର୍ତ୍ତମାନ ମହାରାଷ୍ଟ୍ରର ତାଲୋଜା ଜେଲରେ ଅଛନ୍ତି ।
ଭୁବନେଶ୍ୱର: ଅର୍ଚ୍ଚନା ନାଗ ମାମଲାରେ ଇଡିରେ ତଦନ୍ତକୁ ନେଇ ବିଜେପିର ରାଜନୀତିକୁ ସମାଲୋଚନା କଲା ବିଜେଡି । ଏହି ବିବାଦରେ ମାଳମାଳ ବିଜେପି ନେତା ଛନ୍ଦି ହୋଇଛନ୍ତି । ଓଡ଼ିଶା ପୋଲିସ୍ ଅର୍ଚ୍ଚନାଙ୍କ ଅପରାଧିକ ମାମଲାର ତଦନ୍ତ କରୁଛି । ଅର୍ଥନୈତିକ ଦିଗର ଖୋଳତାଡ଼ ଆରମ୍ଭ କରିଛି ଇଡି । ପୂରା ତଦନ୍ତ ଶେଷ ହେବା ପରେ ବିଜେପି ନେତାଙ୍କ ଯେତେବେଳେ ମୁଖା ଖୋଲିବ, ସେତେବେଳେ ମିଡିଆ ଆଗରେ ମିଛ ଘୋଡ଼ାଇବାକୁ ନାଟକ କରୁଥିବା ବିଜେପି ନେତାଙ୍କ ହୋସ୍ ଉଡିଯିବ ।
ତେବେ ତଦନ୍ତକୁ ଅପେକ୍ଷା ନକରି ମିଡିଆରେ ମିଛ ଷ୍ଟେଟମେଣ୍ଟ ଦେବା ଅତ୍ୟନ୍ତ ହାସ୍ୟାସ୍ପଦ ବୋଲି କହିଛନ୍ତି ବିଜୁ ଜନତା ଦଳର ପ୍ୟାନେଲିଷ୍ଟ ଇପସିତା ସାହୁ । ଅର୍ଚ୍ଚନା ନାଗ ମାମଲାରେ କେନ୍ଦ୍ରୀୟ ତଦନ୍ତକାରୀ ଦଳ ଖଗେଶ୍ୱରଙ୍କୁ ଉଠାଇ ନେଇଥିବା ମଦ୍ୟ ସୂଚନା ମିଳୁଛି । ତେବେ ଆଗକୁ ପଦ୍ମପୁର ଉପନିର୍ବାଚନ ଥିବାବେଳେ ବିଜେପି ରାଜନୀତି କରୁଥିବା ଅଭିଯୋଗ ଆଣିଛନ୍ତି କଂଗ୍ରେସ ଏବଂ ବିଜେଡି ।
ନନ୍ଦିଘୋଷ ବ୍ୟୁରୋ: ଜୟ ଜଗନ୍ନାଥ..ଭାରତର ମାଟି ଖାଣ୍ଟି ସୁନା, ଭାରତର ଜଳ ଜୀବନ । ଭାରତର ପବନ ପ୍ରାଣ ସ୍ପନ୍ଦନ । ଭାରତର ଶିଳା ଶାଳଗ୍ରାମ । ଭାରତର ପ୍ରତି ବୃକ୍ଷ କଳ୍ପବଟ ।ରାଷ୍ଟ୍ରପତି ହେବା ପରେ ନିଜ ମାଟିକୁ ଏହା ମୋର ପ୍ରଥମ ଆଗମନ । ଏଭଳି କିଛି ଶବ୍ଦରୁ ଭାଷଣ ଆରମ୍ଭ କରିଥିଲେ ମହାମହିମ ରାଷ୍ଟ୍ରପତି । ରାଜଭବନରେ ଆୟୋଜିତ ସମ୍ବର୍ଦ୍ଧନା ଉତ୍ସବରେ କହିଥିଲେ- ଆପଣଙ୍କ ସ୍ନେହ , ଶ୍ରଦ୍ଧା ମୋତେ ଅଭିଭୁତ କରିଛି । ଆଜି ପୁରୀ ଯାଇ ଚତୁର୍ଦ୍ଧା ମୂର୍ତ୍ତିଙ୍କୁ ଦର୍ଶନ କରିଛି । ବିଶ୍ୱବାସୀଙ୍କ ମଙ୍ଗଳ ପାଇଁ ଜଗନ୍ନାଥଙ୍କ ନିକଟରେ ପ୍ରାର୍ଥନା କରିଛି । ଦାତା ପଣରେ ଜଗନ୍ନାଥଙ୍କ ସରି କେହି ନାହାଁନ୍ତି । ପୁରୀର ଏଏସଆଇର ସର୍କଲ ଅଫିସ ଖୋଲା ଯାଇଥିବାରୁ ମୁଁ କେନ୍ଦ୍ର ସଂସ୍କୃତି ମନ୍ତ୍ରୀଙ୍କୁ ଧନ୍ୟବାଦ ଜଣାଉଛି । ଭାରତର ପ୍ରତି ପ୍ରଦେଶ ମୋତେ ଆଉଣାଇଛି ।
ପଣ୍ଡିତ ଉତ୍କଳମଣୀ ଗୋପବନ୍ଧୁଙ୍କ ଆଦର୍ଶ ମୋତେ ଅନୁପ୍ରାଣିତ କରିଛି । ଯେଉଁଠି ଥିଲେ ମଧ୍ୟ ନିଜ ମାଟିର ମହକରେ ଭିନ୍ନତା ରହିଛି । ତଥାପି ନିଜ ଅଞ୍ଚଳର ଦିଗ ଦିଗନ୍ତ୍ରର ସୌନ୍ଦର୍ଯ୍ୟ ନିଆରା । ଓଡ଼ିଶା ଆସି ମୁଁ ଅତ୍ୟନ୍ତ ଆନନ୍ଦିତ । ଭାରତ ବର୍ଷର ଭୂଗୋଳ ଓ ଇତିହାସଲେର ଓଡିଶା ନିଜର ସ୍ୱତନ୍ତ୍ର ସ୍ଥାନ ବତଜାୟ ରଖିଛି । ଚିଲିକା ପରି ହ୍ରଦ, ଶିମିଳିପାଳ ପରି ଜୈବ ବିବିଧତା ଓ ଭିତରକନିକା ପରି ଜାତୀୟ ଉଦ୍ୟାନ ଆମ ପାଖରେ ରହିଛି । ଓଡିଶାର ଗୌରବମୟ ଇତିହାସ ଓ ସଂସ୍କୃତି ଭାରତକୁ ମହାନ କରିଛି । ଓଡିଶା ମାଟିରେ ଚଣ୍ଡାଶୋକ ଧର୍ମାଶୋକରେ ପରିଣତ ହୋଇଛନ୍ତି ।
ପରାକ୍ରମୀ ସମ୍ରାଟ ଖାରବେଳ ଅହିଂସାର ପୂଜାରୀ ଥିଲେ । ଭାରତ ବର୍ଷର ନୌବାଣିଜ୍ୟରେ ଓଡିଶାର ଦାନ ଅପୂରଣୀୟ । ଓଡିଶା ଭାରତର ପ୍ରଥମ ଭାଷା ଭିତ୍ତିକ ରାଜ୍ୟ । ଇତିହାସକାର କୁହନ୍ତି ୧୮୧୭ ମସିହାରେ ପ୍ରଥମ ବ୍ରିଟିସ ବିରୋଧି ଆନ୍ଦୋଳନ ଓଡିଶାରୁ ସୃଷ୍ଟି ହୋଇଥିଲା । ଭାରତର ସଂଗ୍ରାମୀ ଇତିହାସରେ ଓଡିଶାର ଅବଦାନ ବନ୍ଦନୀୟ । ରମାଦେବୀ , ସାରଳାଦେବୀ, ମାଳତୀ ଦେବୀଙ୍କ ଭଳି ନାରୀ ନେତ୍ରୀ ଓଡିଶାରୁ ସୃଷ୍ଟି ହୋଇଥିଲେ । ଓଡିଶାରେ ଲବଣ ସତ୍ୟାଗ୍ରହ, ଭାରତଛାଡ ଆନ୍ଦୋଳନ ଅନୁଷ୍ଠିତ ହୋଇଥିଲା । ଭଦ୍ରକର ଇରମରେ ଦ୍ୱିତୀୟ ଜାଲିୱାନାବାଗ ହତ୍ୟା କାଣ୍ଡ ଘଟିଥିଲା । ଦେଶୀୟ ରାଜ୍ୟ ମିଶ୍ରଣରେ ଓଡିଶାର ଅବଦାନ ସର୍ବାଗ୍ରେ । ଉତ୍କଳ କେଶରୀ ହରେକୃଷ୍ଣ ମହତାବଙ୍କ ଭୂମିକା ଯୋଗୁଁ ଓଡିଶାରେ ଦେଶୀୟ ରାଜ୍ୟ ମିଶ୍ରଣ ସମ୍ଭବ ପର ହୋଇପାରିଥିଲା । ଓଡିଶାରୁ ଆରମ୍ଭ ହେଉ ଭାରତର ପ୍ରଗତୀ ।
ବିକାଶର ସୁଫଳ ସମାଜର ସବୁ ବର୍ଗର ଲୋକଙ୍କ ପାଖରେ ପହଁଚିବା ଦରକାର । ସମାଜର ଶେଷ ଧାଡିରେ ଠିଆ ହୋଇଥିବା ଲୋକ ପାଖରେ ଯୋଜନା ପହଁଚିବା ଦରକାର । ରାଜ୍ୟ ଗୁଡିକରେ ବିକାଶରେ ଭାରତର ବିକାଶ । ତେଣୁ ଏହି ବିକାଶ ପକ୍ରିୟା ଓଡିଶାରୁ ଆରମ୍ଭ ହଉ ବୋଲି କାମନା କରିଥିଲେ ମହାମହିମ ରାଷ୍ଟ୍ରପତି ଦ୍ରୌପଦୀ ମୁର୍ମୁ ।
ଭୁବନେଶ୍ୱର: ଶ୍ରୀକ୍ଷେତ୍ରରେ ମହାପ୍ରଭୁଙ୍କୁ ଦର୍ଶନ କରି ଭୁବନେଶ୍ୱର ଫେରିଛନ୍ତି ମହାମହିମ । ରାଜଭବନରେ ରାଜ୍ୟ ସରକାରଙ୍କ ପକ୍ଷରୁ ଭବ୍ୟ ସ୍ୱାଗତ କରାଯାଇଛି । ଏହି ଅବସରରେ ରାଜଭବନରେ ଆୟୋଜିତ ହୋଇଛି ରାଷ୍ଟ୍ରପତିଙ୍କୁ ନାଗରିକ ସମ୍ବର୍ଦ୍ଧନା ଉତ୍ସବ । ରାଜ୍ୟବାସୀଙ୍କ ତରଫରୁ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ସ୍ବାଗତ ଜଣାଇଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ରାଷ୍ଟ୍ରପତି ହେବାପରେ ପ୍ରଥମ ଥର ଓଡିଶା ଗସ୍ତରେ ଆସିଛନ୍ତି ରାଷ୍ଟ୍ରପତି ଦ୍ରୌପଦୀ ମୁର୍ମୁ ।
ରାଷ୍ଟ୍ରପତିଙ୍କୁ ସ୍ୱାଗତ କରିବା ଅବସରରେ ମୁଖ୍ୟମନ୍ତ୍ରୀ କହିଥିଲେ, ମହାମହିମ ଆପଣଙ୍କ ସଫଳତା ଭିତରେ ପ୍ରତିଟି ଓଡ଼ିଆ ଦେଖୁଛି ନିଜ ସଫଳତା । ପ୍ରଥମଥର ପାଇଁ ଓଡ଼ିଶାରୁ ଜଣେ ମହିଳା ଦେଶର ପ୍ରଥମ ନାଗରିକ ହୋଇଛନ୍ତି’ ।‘ରାଇରଙ୍ଗପୁରରୁ ରାଇସିନା ହିଲ୍ସକୁ ତାଙ୍କ ଯାତ୍ରା ପାଇଁ ପ୍ରତିଟି ଓଡ଼ିଆ ଆଜି ଗର୍ବିତ’ । ଜୀବନରେ ବିଗ୍ ଡ୍ରିମ୍ ପାଇଁ ପ୍ରେରଣା ଦେଉଛନ୍ତି ରାଷ୍ଟ୍ରପତି । ଓଡ଼ିଶା ଆଜି ଆପଣଙ୍କ ଗର୍ବିତ ବୋଲି ଅଭିବାଦନ ଦେଇ କହିଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।
ଭୁବନେଶ୍ୱର: ରାଜଭବନରେ ରଷ୍ଟ୍ରପତିଙ୍କୁ ନାଗରିକ ସମ୍ବର୍ଦ୍ଧନା । ଏହି ଉତ୍ସବରେ ଯୋଗ ଦେଇଛନ୍ତି ଓଡ଼ିଶାର ମାନ୍ୟଗଣ୍ୟ ବ୍ୟକ୍ତି ବିଶେଷ । ରାଜ୍ୟବାସୀଙ୍କ ତରଫରୁ ରାଷ୍ଟ୍ରପତିଙ୍କୁ ସ୍ବାଗତ ଜଣାଇଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ମୁଖ୍ୟମନ୍ତ୍ରୀ ପ୍ରଥମେ ଅଭିଭାଷଣ ଦେଇ କହିଥିଲେ, ଆପଣଙ୍କ ସଫଳତା ଭିତରେ ପ୍ରତିଟି ଓଡ଼ିଆ ଦେଖୁଛି ନିଜ ସଫଳତା । ପ୍ରଥମଥର ପାଇଁ ଓଡ଼ିଶାରୁ ଜଣେ ମହିଳା ଦେଶର ପ୍ରଥମ ନାଗରିକ ହୋଇଛନ୍ତି’ ।‘ରାଇରଙ୍ଗପୁରରୁ ରାଇସିନା ହିଲ୍ସକୁ ତାଙ୍କ ଯାତ୍ରା ପାଇଁ ପ୍ରତିଟି ଓଡ଼ିଆ ଆଜି ଗର୍ବିତ’ ।
ସଂଧ୍ୟାରେ ରାଜଭବନରେ ଆୟୋଜିତ ହୋଇଥିଲା ନାଗରିକ ସମ୍ବର୍ଦ୍ଧନା କାର୍ଯ୍ୟକ୍ରମରେ ଯୋଗ ଦେଇ ଏହି ଉଦବୋଧନ ଦେଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ସମେତ କାର୍ଯ୍ୟକ୍ରମରେ ଅନେକ ପ୍ରତିଷ୍ଠିତ ବ୍ୟକ୍ତି ରାଷ୍ଟ୍ରପତିଙ୍କୁ ସମ୍ବର୍ଦ୍ଧିତ କରିଥିଲେ । ସ୍ଥପତି ସୁଦର୍ଶନ ସାହୁ ଏକ ପ୍ରସ୍ଥଳ କଳାକୃତି ମହାମହିମଙ୍କୁ ଉପହାର ଦେଇଥିଲେ । ସେହିଭଳି ପ୍ରଦ୍ମଶ୍ରୀ ଦିଲ୍ଲୀପ ତିର୍କୀ ହକି ଜର୍ସି, ବାନ୍ଧ ଶିଳ୍ପୀ ସୁରେନ୍ଦ୍ର ମେହେର ନିଜସ୍ବ ପ୍ରସ୍ତୁତ ଏକ ବାନ୍ଧକଳା ଉପହାର ଦେଇଥିଲେ । ଓଡ଼ିଶୀ ନୃତ୍ୟ ଗୁରୁ ପଦ୍ମଶୀ ଅରୁଣା ମହାନ୍ତି ତାଳପତ୍ରରେ ଏକ ଉପହାର ପ୍ରଦାନ କରିଥିଲେ ।
ଓଡ଼ିଶା ହାଇକୋର୍ଟର ମୁଖ୍ୟ ବିଚାରପତି, ବିଧାନସଭାର ବାଚସ୍ପତି ବିକ୍ରମକେଶରୀ ଆରୁଖ, ବିଏମସି ମେୟର ସୁଲୋଚନା ଦାଶ ମହାମହିମ ରାଷ୍ଟ୍ରପତିଙ୍କୁ ଭେଟି ବିଭିନ୍ନ ଉପହାର ଦେଇଥିଲେ । ମୟୁରଭଞ୍ଜର ମିଲେଟ ଚାଷୀ ସୁବାଷୋ ମହାନ୍ତି ମଧ୍ୟ ରାଷ୍ଟ୍ରପତିଙ୍କୁ ଭେଟି ମିଲେଟ ଗିଫ୍ଟ ହ୍ୟାମ୍ପର ଉପହାର ଦେଇଥିଲେ । ପଦ୍ମଶ୍ରୀ ଦିଲ୍ଲୀପ ତିର୍କି ମଧ୍ୟ ହକି ଇଣ୍ଡିଆର ଟି ସାର୍ଟ ଦେଇ ରାଷ୍ଟ୍ରପତିଙ୍କୁ ସମ୍ବର୍ଧନା ଜଣାଇଥିଲେ । ପଦ୍ମଶ୍ରୀ ହଳଧର ନାଗ ସମ୍ବଲପୁରୀ ଉତରୀୟ ଦେଇ ସମ୍ବର୍ଧନା ଜଣାଇଥିଲେ ।
ନନ୍ଦିଘୋଷ ବ୍ୟୁରୋ: ଫାଇନାଲରେ ଏଣ୍ଚ୍ରି କରିଛି ପାକିସ୍ତାନ । ନ୍ୟୁଜିଲ୍ୟାଣ୍ଡ ଠାରୁ ସେମି ଫାଇନାଲରେ ବିଜୟ ହୋଇଛି । କିନ୍ତୁ ଦର୍ଶକଙ୍କ ଆଖି ଖେଳ ଉପରେ ଯେତିକି ଥିଲା, ତାହା ଠୁ ଅଧିକ ଥିଲା ଜଣେ ପାକିସ୍ତାନୀ ଯୁବତୀଙ୍କ ଉପରେ । ଫାଇନାଲରେ ପାକିସ୍ତାନର ପ୍ରବେଶ ଯେତିକି ଖବର ନୁହେଁ, ସୋସିଆଲ ମିଡିଆରେ ଏହି ଯୁବତୀଙ୍କ ଚର୍ଚ୍ଚା ଢେର ଅଧିକ.. ସମସ୍ତଙ୍କ ଧ୍ୟାନ କେନ୍ଦ୍ରିତ କରିଥିବା ଏ ଯୁବତୀ କିଏ ? କାହିଁକି ତାଙ୍କ ନାଁରେ ଏତେ ଚର୍ଚ୍ଚା ?
ସୋସିଆଲ ମିଡିଆରେ ଲୋକେ ପଚାରୁଛନ୍ତି ଯୁବତୀ ଜଣଙ୍କ କିଏ ? ଟି ୨୦ ୱାର୍ଲଡ କପର ସେମିଫାଇନାଲ ମ୍ୟାଚ ଚାଲୁଥିବାବେଳେ ପାକିସ୍ତାନ ଟିମକୁ ଚିୟର କରୁଥିଲେ ଏହି ଯୁବତୀ । ପାକିସ୍ତାନର ପ୍ରଦର୍ଶନରେ କେତେବେଳେ ଯୁବତୀ ଜଣଙ୍କ ଫ୍ଲାଇଙ୍ଗ କିସ୍ ଦେଉଥିଲେ ତ, କେତେବେଳେ ହାତ ହଲାଇ ଡ୍ୟାନ୍ସ କରୁଥିଲେ । ଆଉ ଏହି ଯୁବତୀଙ୍କ ଉପରେ ଷ୍ଟାଡିୟମରେ ଥିବା ଅନ୍ୟ ଦର୍ଶକଙ୍କ ଯେତିକି ଆଖି ପଡୁଥିଲା, ସେତେକି ଥର କ୍ୟାମେରାମ୍ୟାନ ମଧ୍ୟ ଫୋକସ କରୁଥିଲେ ।
ରିପୋର୍ଟ ମୁତାବକ ସୋସିଆଲ ମିଡିଆ ସେନସେସନ ପାଲଟିଥିବା ସୁନ୍ଦରୀ ପାକିସ୍ତାନୀ ପ୍ରଶଂସକଙ୍କ ନାମ ନତାଶା । ଅଷ୍ଟ୍ରେଲିଆରେ ରହୁଥିବା ଏହି ଯୁବତୀଙ୍କ ଘର ପାକିସ୍ତାନରେ । ସେ ଅଷ୍ଟ୍ରେଲିଆରେ ଜନ୍ମ ହୋଇଛନ୍ତି ଏବଂ ପଢିଛନ୍ତି ମଧ୍ୟ । ନତାଶା ଏବେ ମେଲବର୍ଣ୍ଣରେ ରହୁଛନ୍ତି । ନିଜର ଇନଷ୍ଟାଗ୍ରାମ ବାୟୋଡାଟାରେ ସେ ନିଜେ ଅଷ୍ଟ୍ରେଲିଆଇ ପଞ୍ଜାବନ ଲେଖିଛନ୍ତି । ପାକିସ୍ତାନ ଏବଂ ନ୍ୟୁଜିଲ୍ୟାଣ୍ଡ ମ୍ୟାଚରେ ପାକ୍ ଟିମକୁ ଚିୟର କରୁଥିବା ଏହି ଯୁବତୀଙ୍କ କ୍ରେଜ ଏବେ ସୋସିଆଲ ମିଡିଆରେ ବଢିବାରେ ଲାଗିଛି । ପୂର୍ବରୁ ଦେଢ ହଜାର ଫଲୋୟର୍ସ ଥିବାବେଳେ ଏବେ ୩୫ ହଜାରରୁ ଅଧିକ ଫଲୋୟର୍ସ ରହିଛନ୍ତି । ସେପଟେ ଟ୍ୱିଟରରେ ମଧ୍ୟ ବେସ ଆକ୍ଟିଭ ରହୁଛନ୍ତି ପାକ୍ ସୁନ୍ଦରୀ ନତାଶା । ପାକିସ୍ତାନ ସହ ଫାଇନାଲରେ ଇଣ୍ଡିଆ ଖେଳୁ ବୋଲି ମଧ୍ୟ ପ୍ରତିକ୍ରିୟା ଦେଇଥିଲେ ନତାଶା ।
ଆଡିଲେଡ: ସେମି ଫାଇନାଲରେ ଭାରତର ପରାଜୟ । ପୁଣି ନିରାଶ ହେଲେ ଭାରତୀୟ କ୍ରେକଟପ୍ରେମୀ । ଭାରତର ଟି-୨୦ ବିଶ୍ୱକପ ଜିତିବା ସ୍ୱପ୍ନ ପୁଣିଥରେ ଅଧାରେ ରହି ଯାଇଛି। ୧୦ ୱିକେଟରେ ମ୍ୟାଚ କବ୍ଜା କରିନେଇଛି ଇଂଲଣ୍ଡ । ପ୍ରଥମେ ବ୍ୟାଟିଂ କରି ଭାରତ ନିର୍ଦ୍ଧାରିତ ୨୦ ଓଭରରେ ୧୬୮ ରନ୍ ସଂଗ୍ରହ କରିଥିଲା । ଦ୍ୱିତୀୟ ଇଂନିସରେ ଇଂଲଣ୍ଡ ୧୬ ଓଭରରେ ୧୭୦ ରନ୍ କରି ଫାଇନାଲରେ ପ୍ରବେଶ କରିଥିଲେ ।
