କେନ୍ଦୁଝର: ରାଜ୍ୟରେ ପ୍ରଥମ ଥର ପାଇଁ ହଷ୍ଟେଲ ପିଲାମାନଙ୍କୁ ମିଳିଲା ମାଣ୍ଡିଆ ଲଡୁ । କେନ୍ଦୁଝର ଜିଲ୍ଲାର ୩୩୪ଟି ଅନୁସୂଚିତ ଜାତି ଓ ଜନଜାତି ବିଭାଗ ଦ୍ବାରା ପରିଚାଳିତ ହଷ୍ଟେଲ୍ ପିଲାଙ୍କୁ ଖାଦ୍ୟରେ ମାଣ୍ଡିଆ ଲଡୁ ପ୍ରଦାନ କରାଯାଇଛି । କୃଷି ବିଭାଗର ପ୍ରମୁଖ ସଚିବ ଅରବିନ୍ଦ ପାଢ଼ି ଜିଲ୍ଲା ସଂସ୍କୃତି ଭବନଠାରେ ଉପସ୍ଥିତ ରହି କାର୍ଯ୍ୟକ୍ରମର ଉଦଘାଟନ କରିଥିଲେ ।
ମାଣ୍ଡିଆ ଲଡୁରେ ଉପକୃତ ହେବେ ଜିଲ୍ଲାର ୩୯ ହଜାର ଛାତ୍ରଛାତ୍ରୀ । ପୂର୍ବରୁ ଜିଲ୍ଲାର ଅଙ୍ଗନବାଡ଼ି କେନ୍ଦ୍ରର ପିଲାମାନଙ୍କୁ ମାଣ୍ଡିଆ ଲଡୁ ଦିଆଯାଉଥିଲା । ଏବେ ପ୍ରଥମ ଥର ପାଇଁ ଅନୁସୂଚିତ ଜାତି ଓ ଜନଜାତି ହଷ୍ଟେଲ୍ ପିଲାମାନଙ୍କୁ ମାଣ୍ଡିଆ ଲଡୁ ଦିଆଯିବା ଉଦାହରଣ ସୃଷ୍ଟି କରିଛି ।
ରାଜ୍ୟ ସରକାରଙ୍କ ଏମିତି ଯୋଜନାକୁ ନିତି ଆୟୋଗ ଦ୍ବାରା ଉଚ୍ଚ ପ୍ରଶଂସା କରାଯାଇଛି । ମାଣ୍ଡିଆ ଖାଇବା ଦ୍ୱାରା ଛାତ୍ରଛାତ୍ରୀଙ୍କ ଶାରିରୀକ ଓ ବୌଦ୍ଧିକ ବିକାଶ ଘଟିବା ସହ ସ୍ବୟଂ ସହାୟିକା ଗୋଷ୍ଠୀର ମହିଳାମାନେ ମାଣ୍ଡିଆ ଚାଷ କରି ଲାଭ ପାଇପାରିବେ ।
