ନୂଆଦିଲ୍ଲୀ: ଦିନକୁ ଦି ହୁ ହୁ ହୋଇ ବଢ଼ିବାରେ ଲାଗିଛି ପେଟ୍ରୋଲ ଓ ଡିଜେଲ ଦର । ତୈଳ ଦର ବୃଦ୍ଧି ମଧ୍ୟରେ ମୁମ୍ବାଇା ଏକ କାର ନିର୍ମାତା କମ୍ପାନୀ ଏହ ଇଲେକ୍ଟ୍ରିକ୍ କାର ତିଆରି କରୁଥିବା ଦାବି କରିଛି । ଏହି କାର ଲୁକ୍ ଓ ଡିଜାଇନ୍ ସାଧାରଣ କାରଠାରୁ ଭିନ୍ନ । ସବୁଠାରୁ ବଡ଼ କଥା ହେଉଛି ଏହି କାରରେ ତିନୋଟି ଚକ ରହିଛି । ତିନୋଟି ଚକ ତିବା ସତ୍ତ୍ୱେ ଏହା ଅଟୋ ରିକ୍ସାଠାରୁ ବହୁତ ଭିନ୍ନ । ଏହି କାରର ବୁକିଂ ମଧ୍ୟ ଜୋରସୋରରେ ଜାରି ରହିଛି ।
ଏହି କାରକୁ ପ୍ରଥମ ବୁକିଂରେ ୫୦ ହଜାର ଟଙ୍କା ପର୍ଯ୍ୟନ୍ତ ଅପଗ୍ରେଡ୍ ଲାଭ ପାଇପାରିବେ । ଏବେ ସୁଦ୍ଧା ଭାରତରେ ଅନେକ ଇଲେକ୍ଟ୍ରିକ୍ କାର ବିକ୍ରି ପାଇଁ ଉପଲବ୍ଧ ରହିଛି । କିନ୍ତୁ ତିନୋଟି ଚକ ବିଶିଷ୍ଟ ଏହି କାରର ମୂଲ୍ୟ ଅନ୍ୟ କାର ମୂଲ୍ୟ ଅପେକ୍ଷା ବହୁତ କମ୍ ରହିଛି । ଦେଶରେ ପ୍ରଦୂଷଣ ହାର କମ୍ କରିବାକୁ କେନ୍ଦ୍ର ସରକାର ଇଲେକ୍ଟ୍ରିକ୍ କାରକୁ ପ୍ରୋତ୍ସାହିତ କରୁଛନ୍ତି । ଯଦି ଆପଣ ମଧ୍ୟ ଏହି ତିନି ଚକ ବିଶିଷ୍ଟ କାର ବୁକିଂ କରୁବାକୁ ଚାହୁଁଛନ୍ତି ତେବେ ଏଥିପାଇଁ ଆପଣଙ୍କୁ କେବଳ ୧୦ ହଜାର ଖର୍ଚ୍ଚ କରିବାକୁ ପଡ଼ିବ । ତେବେ ବର୍ତ୍ତମାନ ଏହି କାର କେବଳ ମୁମ୍ବାଇ ଓ ଦିଲ୍ଲୀରେ ବାସ କରୁଥିବା ଲୋକଙ୍କ ଉପଲବ୍ଧ । Strom Motorsର ଅଫିସିଆଲ ଓ୍ୱେବସାଇଟକୁ ଯାଇ ଏହାକୁ ଅତି ସହଜରେ ବୁକ୍ କରିପାରିବେ । ଏହି କାରକୁ ବୁକ୍ କରିବାକୁ ହେଲେ ଆପଣଙ୍କୁ ଆଧାର କାର୍ଡ ନମ୍ବର ଓ ଠିକଣା ଦେବାକୁ ପଡ଼ିବ ।
ଏହି Storm R3 ଇଲେକ୍ଟ୍ରିକ୍ କାରର ସବୁଠୁ ବଡ଼ ବିଶେଷତ୍ୱ ହେଉଛି ଏହାର ଆଗରେ ଦୁଇଟି ଓ ପଛରେ ଗୋଟିଏ ଚକ ରହିଛି । ଏହାକୁ ଗୋଟିଏ ଥର ଚାର୍ଜ କରିଲେ ୨୦୦ କିଲୋମିଟର ପର୍ଯ୍ୟନ୍ତ ଚାଲି ପାରିବ । ଏହି କାର ୮୦ କିଲୋମିଟର ପ୍ରତି ଘଣ୍ଟା ବେଗରେ ଯାଇପାରିବ । ଏଥିରେ 4G ସଂଯୋଗ, ଜଳବାୟୁ ପରିବର୍ତ୍ତନ ବିକଳ୍ପ ସହ ଏକ ଟଚ୍ ସ୍କ୍ରିନ୍ ଡିସପ୍ଲେ ମଧ୍ୟ ରହିଛି । ଏହି କାରଟି ବହୁତ ଛୋଟ ଦେଖାଯାଉଥିଲେ ମଧ୍ୟ ଏଥିରେ ଏକାସାଙ୍ଗରେ ଦୁଇ ଜଣ ଯାତ୍ରା କରିପାରିବେ ।
ଏହି କାରର ମୂଲ୍ୟ ରହିଛି ୪.୫ ଲକ୍ଷ ଟଙ୍କା । ଏହି କାର ୫୫୦ କିଲୋଗ୍ରାମର ଓଜନ ବହନ କରିବାର କ୍ଷମତା ରହିଛି । ଏହି କାରରେ ୧୫kWର ବ୍ୟାଟେରୀ ରହିଛି । ଏଥିରେ ତିନୋଟି ଡ୍ରାଇଭିଂ ମୋଡ ଇକୋ, ନର୍ମାଲ ଓ ସ୍ପୋର୍ଟ ମୋଡ୍ ରହିଛି । ବର୍ତ୍ତମାନ ସୁଦ୍ଧା ଏହି କାରକୁ ୧୬୦ ଜଣ ବୁକ୍ କରିସାରିଛନ୍ତି । ଏହି କାର ୩ ଘଣ୍ଟାରେ ସମ୍ପୂର୍ଣ୍ଣ ଚାର୍ଜ ହୋଇଥାଏ । ଯଦି ଆପଣ ମଧ୍ୟ ଏହି କାର କିଣିବାକୁ ଚାହାଁନ୍ତି, ତେବେ ଆପଣ ଅନଲାଇନ୍ ବୁକିଂ କରି ପେଟ୍ରୋଲ ଏବଂ ଡିଜେଲ କାରରୁ ମୁକ୍ତି ପାଇପାରିବେ ।
