spot_img
Home Blog Page 4110

ବିଶ୍ୱ ଶୁଣୁଛି ଓଡ଼ିଶା ସଫଳତାର କାହାଣୀ, ବିଦେଶରେ ରାଜ୍ୟର ରୂପାନ୍ତରଣ ବଖାଣୁଛନ୍ତି ମୁଖ୍ୟମନ୍ତ୍ରୀ

Santosh Kumar Sahoo
-
0
ବିଶ୍ୱ ଶୁଣୁଛି ଓଡ଼ିଶା ସଫଳତାର କାହାଣୀ, ବିଦେଶରେ ରାଜ୍ୟର ରୂପାନ୍ତରଣ ବଖାଣୁଛନ୍ତି ମୁଖ୍ୟମନ୍ତ୍ରୀ

ରୋମ୍: ବିଶ୍ୱ ଶୁଣୁଛି ଓଡ଼ିଶା ସଫଳତାର କାହାଣୀ । ବିଦେଶରେ ଓଡ଼ିଶାର ରୂପାନ୍ତରଣ ବଖାଣୁଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ  । ଗତକାଲି ରୋମରେ ଓ୍ୱାର୍ଲ୍ଡ ଫୁଡ୍ ପ୍ରୋଗ୍ରାମରେ ପ୍ରାକୃତିକ ବିପର୍ଯ୍ୟୟ ପରିଚାଳନା ଓ ଖାଦ୍ୟ ସୁରକ୍ଷା କ୍ଷେତ୍ରରେ ରାଜ୍ୟର ପାରଦର୍ଶିତା ଦେଖିଥିଲା ସାରା ବିଶ୍ୱ  । ଏଣିକି ଆନ୍ତର୍ଜାତୀୟ ସ୍ତରରେ ଅନ୍ୟ ରାଷ୍ଟ୍ର ଓ ରାଜ୍ୟକୁ ଓଡ଼ିଶା ଶିଖାଇବ ରଣକୌଶଳ । ଏଥିପାଇଁ ଓ୍ୱାର୍ଲ୍ଡ ଫୁଡ୍ ପ୍ରୋଗ୍ରାମ ଓ ରାଜ୍ୟ ସରକାରଙ୍କ ମିଳିତ ଉଦ୍ୟମରେ ହେବ ପ୍ରଶିକ୍ଷଣ ଶିବିର । ଓଡ଼ିଶାର ସଫଳତାକୁ ବିଶ୍ୱବ୍ୟାପୀ ରୋଲ ମଡେଲ୍ କରାଯିବ । ଓଡ଼ିଶାରେ ହୋଇଥିବା ପ୍ରାକୃତିକ ବିପର୍ଯ୍ୟୟ, ଖାଦ୍ୟ ସୁରକ୍ଷା ଓ ଖାଦ୍ୟ ଉତ୍ପାଦନରେ ରୂପାନ୍ତରଣକୁ WFP ଭୂୟସୀ ପ୍ରଶଂସା କରିବା ସହ ଓଡ଼ିଶା ଭଳି ସ୍ଥିତିରେ ଥିବା ଅନ୍ୟ ରାଷ୍ଟ୍ରଙ୍କ ପାଇଁ ଏହା ଖୁବ୍ ଉପାଦେୟ ବୋଲି ଓ୍ୱାର୍ଲ୍ଡ ଫୁଡ୍ ପ୍ରୋଗ୍ରାମର କାର୍ଯ୍ୟନିର୍ବାହୀ ନିର୍ଦ୍ଦେଶକ ଡେଭିଡ ବିସଲେ କହିଛନ୍ତି ।

ଅନ୍ୟପଟେ ଆସନ୍ତାକାଲି ଦୁବାଇ ଗସ୍ତ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ୨୯ ତାରିଖରେ ମଧ୍ୟପ୍ରାଚ୍ୟର ପୁଞ୍ଜିପତିଙ୍କ ସହ ଶିଳ୍ପାୟନ ପାଇଁ ରାଜ୍ୟରେ ଥିବା ଅପାର ସୁଯୋଗ ଓ ସମ୍ଭାବନା ବାବଦରେ ଆଲୋଚନା କରିବେ ନବୀନ । ଓଡ଼ିଶାରେ ପୁଞ୍ଜିନିବେଶ ପାଇଁ ଉଦ୍ୟମ କରିବେ । ରୋମରେ ପ୍ରବାସୀ ଓଡ଼ିଆଙ୍କ ସହିତ ନବୀନ ଆଲୋଚନା କରିଥିବାବେଳେ ଦୁବାଇରେ ମଧ୍ୟ ପ୍ରବାସୀ ଓଡ଼ିଆଙ୍କ ସହ ମଧ୍ୟ ଆଲୋଚନା କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।

ଆଜି ରାହୁଲର ଘର ବାହୁଡା, ଡାକ୍ତରଖାନାରୁ ଡିସଚାର୍ଜ ହେବେ ରାହୁଲ

Santosh Kumar Sahoo
-
0
ଆଜି ରାହୁଲର ଘର ବାହୁଡା, ଡାକ୍ତରଖାନାରୁ ଡିସଚାର୍ଜ ହେବେ ରାହୁଲ

ବିଳାସପୁର: ଆଜି ରାହୁଲର ଘର ବାହୁଡ଼ା । ଡାକ୍ତରଖାନାରୁ ଆଜି ଡିସଚାର୍ଜ ହେବ ରାହୁଲ । ଏ ନେଇ ତାଙ୍କୁ ଚିକିତ୍ସା କରୁଥିବା ଡାକ୍ତର ସୂଚନା ଦେଇଛନ୍ତି । ଜାଞ୍ଜିଗିର୍ ଚାମ୍ପାର ପିହିରିଦ୍ ଗାଁରେ ଖେଳୁଥିବା ସମୟରେ ବୋରୱେଲରେ ଖସିପଡ଼ିଥିଲା ରାହୁଲ । ୫ ଦିନର ପରିଶ୍ରମ ପରେ ରାହୁଲଙ୍କୁ ବୋରଓ୍ୱେଲ ମଧ୍ୟରୁ ଉଦ୍ଧାର କରାଯାଇଥିଲା । ଅସୁସ୍ଥ ରାହୁଲକୁ ବିଳାସପୁର ଆପୋଲୋ ମେଡିକାଲରେ ଭର୍ତ୍ତି କରାଯାଇଥିଲା । କିଛି ଦିନ ରାହୁଲର ଚିକିତ୍ସା ହେବା ପରେ ରାହୁଲର ସ୍ବାସ୍ଥ୍ୟାବସ୍ଥାରେ ଧିରେଧିରେ ଉନ୍ନତି ଆସୁଥିବା ବେଳେ ଏବେ ସେ ସମ୍ପୂର୍ଣ୍ଣ ସୁସ୍ଥ ଥିବା ଡାକ୍ତର କହିଛନ୍ତି । ସେପଟେ ରାହୁଲଙ୍କୁ ସ୍ୱାଗତ କରିବାକୁ ତାଙ୍କ ଗାଁରେ ବ୍ୟାପକ ଆୟୋଜନ କରାଯାଇଛି ।

ମୌସୁମୀକୁ ଶକ୍ତ କରୁଛି ଘୂର୍ଣ୍ଣିବଳୟ, ଆଜି ୧୫ ଜିଲ୍ଲାରେ ପ୍ରବଳ ବର୍ଷା ସମ୍ଭାବନା

Santosh Kumar Sahoo
-
0
ମୌସୁମୀକୁ ଶକ୍ତ କରୁଛି ଘୂର୍ଣ୍ଣିବଳୟ, ଆଜି ୧୫ ଜିଲ୍ଲାରେ ପ୍ରବଳ ବର୍ଷା ସମ୍ଭାବନା

ଭୁବନେଶ୍ୱର: ମୌସୁମୀକୁ ଶକ୍ତ କରୁଛି ଘୂର୍ଣ୍ଣିବଳୟ । ରାଜ୍ୟରେ ଜାରି ରହିଛି ମୌସୁମୀ ବର୍ଷା । ବିଭିନ୍ନ ଜିଲ୍ଲାରେ ସାମାନ୍ୟରୁ ମଧ୍ୟମ ଧରଣର ବର୍ଷା ହେଉଛି । ଆସନ୍ତା ୨୭ ତାରିଖ ପର୍ଯ୍ୟନ୍ତ ଏହି ଭଳି ପାଗ ଲାଗି ରହିବ । ଆଜି ଉତ୍ତର, ଉପକୂଳ ଓ ଆଭ୍ୟନ୍ତରୀଣ ଓଡ଼ିଶାର ୧୫ ଜିଲ୍ଲାରେ ପ୍ରବଳ ବର୍ଷା ହେବାର ସମ୍ଭାବନା ରହିଛି । ଏଥିପାଇଁ ବାଲେଶ୍ୱର, ଭଦ୍ରକ, ଯାଜପୁର, କେନ୍ଦ୍ରାପଡ଼ା, ଜଗତସିଂହପୁର, କଟକ, କେନ୍ଦ୍ରାପଡ଼ା ଢେଙ୍କାନାଳ ଆଦି ଜିଲ୍ଲାକୁ ୟେଲୋ ଆଲର୍ଟ ଜାରି କରିଛି ଆଞ୍ଚଳିକ ପାଣିପାଗ କେନ୍ଦ୍ର । କେତେକ ସ୍ଥାନରେ ଅତି ପ୍ରବଳ ବର୍ଷା ହେବାର ସମ୍ଭାବନା ରହିଛି ।

ସେହିପରି ଆସନ୍ତାକାଲି ୭ଟି ଜିଲ୍ଲା ଓ ୨୭ ତାରିଖରେ ୪ଟି ଜିଲ୍ଲାକୁ ପ୍ରବଳ ବର୍ଷା ପାଇଁ ୟେଲୋ ଆଲର୍ଟ ଜାରି କରିଛି ଆଞ୍ଚଳିକ ପାଣିପାଗ କେନ୍ଦ୍ର । ଏହା ପରେ ୨୮ ତାରିଖରୁ ପାଗରେ ପରିବର୍ତ୍ତନ ହେବାର ପୂର୍ବାନୂମାନ କରିଛି ଆଞ୍ଚଳିକ ପାଣିପାଗ କେନ୍ଦ୍ର ।

ସୁସ୍ଥ ହେଲେ ମହାପ୍ରଭୁ, ଦଶମୂଳ ଔଷଧ ସେବନ କରି ଲାଭ କଲେ ଆରୋଗ୍ୟ

Santosh Kumar Sahoo
-
0
ସୁସ୍ଥ ହେଲେ ମହାପ୍ରଭୁ, ଦଶମୂଳ ଔଷଧ ସେବନ କରି ଲାଭ କଲେ ଆରୋଗ୍ୟ

ପୁରୀ: ସୁସ୍ଥ ହେଲେ ମହାପ୍ରଭୁ । ସ୍ନାନପୂର୍ଣ୍ଣିମା ୧୦୮ ଗରା ସୁବାସିତ ଜଳରେ ସ୍ନାନ କରି ଜ୍ୱରରେ ପୀଡ଼ିତ ଥିବା ମହାପ୍ରଭୁ ସୁସ୍ଥ ହୋଇଛନ୍ତି । ଦଶମୀରେ ଚକାବିଜେ ଅନୁଷ୍ଠିତ ହୋଇଥିବାବେଳେ ରାଜବୈଦ୍ୟଙ୍କ ପ୍ରସ୍ତୁତ ଦଶମୂଳ ଔଷଧ ସେବନ କରି ସମ୍ପୂର୍ଣ୍ଣ ସୁସ୍ଥ ହୋଇଛନ୍ତି ମହାବାହୁ । ଏହି ସୁସ୍ଥ ହେବାର ସମାଚାର ନେଇ ଆଜି ଦଇତାପତି ସେବକମାନେ ଶ୍ରୀନଅରକୁ ଯାଇ ଗଜପତିଙ୍କୁ ଅବଗତ କରାଇବେ । ପରମ୍ପରା ଅନୁସାରେ ମହାପ୍ରଭୁଙ୍କ ଅନବନର ସମୟରେ ଶ୍ରୀଅଙ୍ଗରୁ ବାହାରିଥିବା ବିବିଧ ସାମଗ୍ରୀକୁ ପ୍ରସାଦ ରୂପରେ ରାଜନଅରକୁ ବିଜେ କରାଯିବ । ଏହି ବିଜେ ନୀତିକୁ ରାଜପ୍ରସାଦ ବିଜେ କୁହାଯାଏ । ସକାଳ ଧୂପ ଭୋଗ ମଣ୍ଡପ ପରେ ଏହି ବିଶେଷ ନୀତି ଅନୁଷ୍ଠିତ ହେବ ।

ନକଲି ଚେକରେ ୪୬ ଲକ୍ଷ ଠକେଇ

sitakanta dash
-
0
ନକଲି ଚେକରେ ୪୬ ଲକ୍ଷ ଠକେଇ

ଜଗତସିଂହପୁର: ନକଲି ଚେକ୍ ମାଧ୍ୟମରେ ସରକାରୀ ଅର୍ଥ ଠକେଇ । ଲକ୍ଷେ କି ଦୁଇଲକ୍ଷ ନୁହେଁ କୋଟିଏର ଉର୍ଦ୍ଧ୍ୱ ଟଙ୍କା ଗାଏବ । ଏଭଳି ଘଟଣା ଘଟିଛି ଜଗତସିଂହପୁର ବ୍ୟାଙ୍କ ଅଫ ବରୋଦା ଶାଖାରେ । ଖାଲି ଜଗତସିଂହପୁର ନୁହେଁ କଟକ ନୂଆବଜାର, ସୋନପୁର ଶାଖାରୁ ମଧ୍ୟ ଉଠାଯାଇଛି ଟଙ୍କା । 17 ତାରିଖରେ ଜଗତସିଂହପୁର ଜିଲ୍ଲା ଶିଳ୍ପ କେନ୍ଦ୍ରର ଜମା ଖାତାରୁ 46 ଲକ୍ଷ 12 ହଜାର ଟଙ୍କା ଅବିକଳ ନକଲି ଚେକ୍ ମାଧ୍ୟରେ ଉଠାଣ ହୋଇଛି । ଏନେଇ ଜିଲ୍ଲା ଶିଳ୍ପ କେନ୍ଦ୍ର ପକ୍ଷରୁ ଜଗତସିଂହପୁର ଥାନାରେ ଲିଖିତ ଅଭିଯୋଗ ହୋଇଛି ।

ସେହିପରି କଟକ ନୂଆବଜାର ଶାଖାରୁ 42 ଲକ୍ଷ ଓ ସୋନପୁର ଶାଖାରୁ 72 ଲକ୍ଷ ଟଙ୍କା ଉଠାଯାଇଥିବା ଜଣାପଡିଛି । ଶିଳ୍ପ କେନ୍ଦ୍ରର ଚେକ ନମ୍ବର 119 ମାଧ୍ୟମରେ ଏହି ଟଙ୍କା କୋଲକାତା ରୁମା ଟେଲିକମକୁ ଟ୍ରାନ୍ସଫର୍ କରାଯାଇଛି । ଅଭିଯୋଗ ପରେ ବ୍ୟାଙ୍କ କତ୍ତୃପକ୍ଷ ସିସିଟିଭି ଫୁଟେଜ ଯାଞ୍ଚ କରିଛନ୍ତି । ତେବେ ଏତେଟଙ୍କା ଟ୍ରାନ୍ସଫର କରିବା ପୂର୍ବରୁ ବ୍ୟାଙ୍କ କର୍ତ୍ତୃପକ୍ଷ ଚେକ୍ ଓ ଶିଳ୍ପ କେନ୍ଦ୍ରର ସହକାରୀ ନିର୍ଦ୍ଦେଶକଙ୍କ ଦସ୍ତଖତ କିପରି ଯାଞ୍ଚ କରି ନଥିଲେ ସେନେଇ ଉଠିଛି ପ୍ରଶ୍ନ । ସେପଟେ ଅଭିଯୋଗ ପରେ ଘଟଣାର ତଦନ୍ତ ଆରମ୍ଭ କରିଛି ଜଗତସିଂହପୁର ପୋଲିସ୍ ।

ପ୍ରେମିକାକୁ କନ୍ଦାଇ ପ୍ରେମ କରିଥିଲେ ରାଇମୋହନ

sitakanta dash
-
0
ପ୍ରେମିକାକୁ କନ୍ଦାଇ ପ୍ରେମ କରିଥିଲେ ରାଇମୋହନ

ନନ୍ଦିଘୋଷ ବ୍ୟୁରୋ: ଧଳା-କଳା ଟିଭିରେ ଏଇ ଆବାଜ ସେତେବେଳେ ଆତଙ୍କ ରଚାଏ । କେବଳ ସ୍ୱର ଶୁଣିଲେ ଡରି ଛାନିଆ ହୁଅନ୍ତି ପିଲାଏ । କାରଣ ନାଁ ଟି ହେଉଛି ରାଇମୋହନ ପରିଡ଼ା । ଦର୍ଶକଙ୍କ ପାଇଁ ବାସ, ଗୋଟିଏ ଡାଇଲଗ ହିଁ ଜାଣିବା ପାଇଁ ଯଥେଷ୍ଟ । ମଞ୍ଚ ନାଟକରୁ ଚଳଚ୍ଚିତ୍ର ଏବଂ ଯାତ୍ରା ପେଣ୍ଡାଲ । ସବୁଠି ଦର୍ଶକଙ୍କୁ ଭିଡିଆଣେ ଏହି ପରିଚିତ ମୁହଁ ଟି ।

ରାଇମୋହନଙ୍କ ବାସ୍ତବ କାହାଣୀ କିଛି ଭିନ୍ନ । ତାଙ୍କ ପ୍ରେମ କାହାଣୀ ବି ଡାଇଲଗରୁ ଆରମ୍ଭ ହୋଇଥିଲା । ହିରୋ ହୋଇ ନୁହେଁ ବଂର ଭିଲିୟାନରୁ ସାଜିଥିଲେ ଅସଲି ପ୍ରେମିକ । ସଂଗୀତ ମହା ବିଦ୍ୟାଳୟରେ ପାଠ ପଢୁଥିବାବେଳେ ସେ ବେସ ବାଳୁଙ୍ଗା ଥିଲେ । ବଦମାସ ବୋଲି ପରିଚିତ ଥିଲେ । ରାଇମୋହନଙ୍କ ଏହି ବଦମାସୀକୁ ସାଥି ପିଲାଏ ଡରିଥାନ୍ତି । ଆଉ ଏହାରି ଭିତରେ ଆରମ୍ଭ ହୋଇଥିଲା ପ୍ରେମ । ସେଦିନ ଉତ୍କଳ ସଙ୍ଗୀତ ମହା ବିଦ୍ୟାଳୟରେ କ୍ଲାସ ଥାଏ । ଗୋଟେ ସିଧା ସାଧା ଝିଅ ଟି ଟେବୁଲ ଉପରେ ବସିପଡିଥାଏ । ଆଉ ସେହି ସମୟରେ ରୁମକୁ ଏଣ୍ଟ୍ରି କରନ୍ତି ରାଇମୋହନ ।

ଓ ମଡାମ, ଟେବୁଲ ଟା ପଢିବା ପାଇ ହୋଇଛି, ବସିବା ପାଇଁ ନୁହେଁ । ଟେବୁଲ ଉପରେ ବସିଥିବା ଝିଅଟିର ଉତ୍ତର ଥିଲା । ତମର କଣ ଗଲା । ଝିଅଟିର ଏହି ଉତ୍ତରରେ ରାଗିଯାଇଥିଲେ ରାଇମୋହନ । କାନ୍ଦିକି ସେଦିନ ଚାଲିଯାଇଥିଲେ । ଆଉ ତା ପରଠାରୁ କଲେଜ ଆସିନଥିଲେ ସେଇ ଝିଅ ଟି । କିନ୍ତୁ ମନେ ମନେ ଖୋଜି ହେଉଥିଲେ ବଦମାସୀ ରାଇମୋହନ । ଶେଷରେ ଖୋଜି ଖୋଜି ତାଙ୍କ ଘରେ ପହଁଚିଥିଲେ । ଆଉ ଭୁଲ ବି ମାଗିଥିଲେ । ଏଇ ବଦମାସୀ ରାଇମୋହନର ସରଳ ଭୁଲ ମାଗିବାର ଜାଲରେ ଫସି ଯାଇଥିଲେ ସେଦିନ ଟେବୁଲ ଉପରେ ବସିଥିବା ଝିଅଟି । ପରେ ପ୍ରେମିକା ଆଉ ପତ୍ନୀ ସାଜିଥିଲେ ରଞ୍ଜିତା ପରିଡା ।

ପ୍ରେମ ପାଇଁ ପରିବାରରେ ଝଡ ଉଠିଥିଲା । ଘର ଲୋକ ରାଜି ନଥିଲେ । ତା ସ୍ୱତେ ପ୍ରେମିକାକୁ ଦେଇଥିବା ପ୍ରତିଶ୍ରୁତିକୁ ପାଳନ କରିଥିଲେ । ଅନେକ ଘାତ-ପ୍ରତିଘାତ, ଦୁଃଖ-ଦୁର୍ଦଶାର ପାହାଡ ଚଢି ପରିଚୟ ହାସଲ କରିଥିଲେ ରାଇମୋହନ । କିନ୍ତୁ ନଭିଲି ନଭିଲି ଡାଇଲଗରେ ମନ କିଣୁଥିବା ଏହି କଳାକାର ଆଜି ଅବିଳମ୍ବେ ଲିଭିଗଲେ ।

ସରକାରୀ ଡାକ୍ତରଖାନାରେ ବନ୍ଧ୍ୟାକରଣ ହେଲେ ମିଳିବ କ୍ଷତିପୂରଣ

sitakanta dash
-
0
ସରକାରୀ ଡାକ୍ତରଖାନାରେ ବନ୍ଧ୍ୟାକରଣ ହେଲେ ମିଳିବ କ୍ଷତିପୂରଣ

ଭୁବନେଶ୍ୱର: ସରକାରୀ ଡାକ୍ତରଖାନାରେ ବନ୍ଧ୍ୟାକରଣ ଅସ୍ତ୍ରୋପଚାର ପରେ ମହିଳା ଗର୍ଭବତୀ ଘଟଣାରେ ମହିଳାଙ୍କୁ କ୍ଷତିପୂରଣ ଦେବାକୁ ହାଇକୋର୍ଟ ନିର୍ଦ୍ଧେଶ ଦେଇଛନ୍ତି । ଆବେଦନକାରୀ ମହିଳାଙ୍କୁ ୩୦ ହଜାର ଟଙ୍କା କ୍ଷତିପୂରଣ ଓ ୨୦ ହଜାର ଟଙ୍କା କଷ୍ଟ ବାବଦରେ ପ୍ରଦାନ କରିବାକୁ ନିର୍ଦ୍ଦେଶ ଦେଇଛନ୍ତି କୋର୍ଟ । ଏହି ଅର୍ଥ ତିନି ସପ୍ତାହ ଭିତରେ ପ୍ରଦାନ କରିବାକୁ ସରକାରଙ୍କୁ ହାଇକୋର୍ଟ କହିଛନ୍ତି । ଏଥି ସହିତ ବନ୍ଧ୍ୟାକରଣ ଅସ୍ତ୍ରୋପଚାର ପରେ ଜନ୍ମ ନେଇଥିବା ଶିଶୁର ମଙ୍ଗଳ ପାଇଁ ଏହି ଅର୍ଥ ଖର୍ଚ୍ଚ ହେବ ବୋଲି ହାଇକୋର୍ଟ ପରାମର୍ଶ ଦେଇଛନ୍ତି ।

ଆବେଦନକାରୀ ମହିଳାଙ୍କ ୨୦୧୪, ଜାନୁଆରୀ ୨ରେ ବନ୍ଧ୍ୟାକରଣ ଅସ୍ତ୍ରୋପଚାର କରାଯାଇଥିଲା। ଅସ୍ତ୍ରୋପଚାରର ୨୪୮ ଦିନ ପରେ ମହିଳା ଗୋଟିଏ ସନ୍ତାନକୁ ଜନ୍ମ ଦେଇଥିଲେ । ଏହାପରେ ମହିଳା ଏ ନେଇ କର୍ତ୍ତୃପକ୍ଷଙ୍କ ନିକଟରେ ଅଭିଯୋଗ କରିଥିଲେ ମଧ୍ୟ କୌଣସି ପଦକ୍ଷେପ ନିଆଯାଇ ନଥିଲା । କ୍ଷତିପୂରଣ ମଧ୍ୟ ମିଳି ନଥିଲା । ଏହାପରେ ସେ କ୍ଷତିପୂରଣ ପାଇଁ ହାଇକୋର୍ଟଙ୍କ ଦ୍ୱାରସ୍ଥ ହୋଇଥିଲେ।

ବିଲୀନ ହେଲେ ରାଇମୋହନ, ସ୍ୱର୍ଗଦାର ସାଜିଲା ଶେଷ ଠିକଣା

sitakanta dash
-
0
ବିଲୀନ ହେଲେ ରାଇମୋହନ, ସ୍ୱର୍ଗଦାର ସାଜିଲା ଶେଷ ଠିକଣା

ପୁରୀ: ବିଦାୟ ନେଲେ ବରିଷ୍ଠ ଅଭିନେତା ରାଇମୋହନ ପରିଡ଼ା ।  ପଞ୍ଚଭୂତରେ ବିଲୀନ ହେଲା ରାଇଙ୍କ ପାର୍ଥିବ ଶରୀର । ପୁରୀ ସ୍ୱର୍ଗଦ୍ୱାରରେ ଶୋକାକୂଳ ପରିବେଶରେ ରାଇମୋହନଙ୍କ ଶେଷକୃତ୍ୟ ସମ୍ପର୍ଣ୍ଣ ହୋଇଛି । ସାନ ଝିଅ ଉଦିତା ପରିଡ଼ା ମୁଖାଗ୍ନୀ ପ୍ରଦାନ କରିଥିଲେ । ଅନ୍ତିମ ସଂସ୍କାର ସମୟରେ ବହୁ କଳାକାରଙ୍କ ସମେତ ଶହଶହ ପ୍ରଶଂସକ ଆତ୍ମୀୟ ଓ ପରିଜନ ଉପସ୍ଥିତ ଥିଲେ । ଆଜି ପୂର୍ବାହ୍ନରେ ଆତ୍ମହତ୍ୟା କରିଥିଲେ ଭେଟରାନ କଳାକାର ରାଇମୋହନ । ବଡ଼ ଝିଅକୁ ଏକ ମେସେଜ କରିଥିଲେ  । ଆଉ ସେଇଟି ଥିଲା ବାଏ  ।  ଦଶନ୍ଧି ଦଶନ୍ଧି ଧରି ଦର୍ଶକଙ୍କୁ ବାନ୍ଧି ରଖିଥିବା  ଦୁର୍ଦ୍ଦଶ ଖଳନାୟକ ଆଜି ବିଦାୟ ନେଇଗଲେ  ।

ମେସେଜରେ ପତ୍ନୀ ଓ ସାନ ଝିଅଙ୍କୁ ବି ଜଣାଇଛନ୍ତି ବିଦାୟ । ପରିବାର ଲୋକ ଘରେ ନଥିବାବେଳେ ଝୁଲି ପଡ଼ିଛନ୍ତି ଏହି ବରିଷ୍ଠ ଅଭିନେତା । ମୃତ୍ୟୁ ପରେ ତାଙ୍କର ଚକ୍ଷୁ ଦାନ କରାଯାଇଛି । ରାଇଙ୍କ ଆତ୍ମହତ୍ୟା ନେଇ ଉଠିଛି ଅନେକ ପ୍ରଶ୍ନ । ସୁସ୍ଥ ଓ ଶକ୍ତ ମାନସିକତାର ଲୋକ କାହିଁକି କଲେ ଆତ୍ମହତ୍ୟା ? ଚରମ ନିଷ୍ପତ୍ତି ପଛରେ ରହିଛି କି ପାରିବାରିକ ଅଶାନ୍ତି । ଏନେଇ ପୋଲିସ ତଦନ୍ତ କରୁଥିବାବେଳେ ସତ ସାମ୍ନାକୁ ଆଣିବାକୁ ଦାବି କରିଛନ୍ତି କଳାକାର ଓ ଶୁଭେଚ୍ଛୁ ।

ଦ୍ରୌପଦୀ ମୁର୍ମୁଙ୍କୁ ନେଇ ଅପମାନଜନକ ଟିପ୍ପଣୀ ଦେବା ମହଙ୍ଗା ପଡିଲା

sitakanta dash
-
0
ଦ୍ରୌପଦୀ ମୁର୍ମୁଙ୍କୁ ନେଇ ଅପମାନଜନକ ଟିପ୍ପଣୀ ଦେବା ମହଙ୍ଗା ପଡିଲା

ନୂଆଦିଲ୍ଲୀ: ଏନଡିଏ ରାଷ୍ଟ୍ରପତି ପ୍ରାର୍ଥୀ ଦ୍ରୌପଦୀ ମୁର୍ମୁଙ୍କୁ ନେଇ ବୁଧବାର ଫିଲ୍ମ ନିର୍ଦେଶକ ରାମ ଗୋପାଳ ବର୍ମା ଏକ ଟ୍ୱିଟ କରିଥିଲେ  । ଯାହାକୁ ନେଇ ବିବାଦ ଦେଖା ଦେଖାଦେଇଛି  । ହାଇଦ୍ରାବାଦ ପୋଲିସ ଶୁକ୍ରବାର କହିଛି,  ଦ୍ରୌପଦୀ ମୁର୍ମୁଙ୍କ ବିରୋଧରେ ଅପମାନଜନକ ଟିପ୍ପଣୀ ପାଇଁ ଫିଲ୍ମ ନିର୍ଦେଶକ ରାମ ଗୋପାଳ ବର୍ମାଙ୍କ  ବିରୋଧରେ ଖୁବଶୀଘ୍ର ଏକ ଅପରାଧିକ ମାମଲା ରୁଜୁ କରାଯିବ  ।

ତେଲେଙ୍ଗାନା ବିଜେପିର ବରିଷ୍ଠ ନେତା ଜୀ ନାରାୟଣ ରେଡ୍ଡୀ ପୋଲିସ ଥାନାରେ ରାମଗୋପାଳଙ୍କ ବିରୋଧରେ ଅଭିଯୋଗ କରିଛନ୍ତି  । ଅଭିଯୋଗରେ ଦର୍ଶାଯାଇଛି ଯେ, ରାମ ଗୋପାଳ ରାଷ୍ଟ୍ରପତି ପ୍ରାର୍ଥୀ ଦ୍ରୌପଦୀ ମୁର୍ମୁଙ୍କ ବିରୋଧରେ ଅପମାନଜନକ ଟିପ୍ପଣୀ କରିଛନ୍ତି  । ରାମ ଗୋପାଳଙ୍କ ବିରୋଧରେ ଅନୁସୂଚିତ ଜାତି ଓ ଅନୁସୂଚିତ ଜନ ଜାତି (ପ୍ରିଭେନ୍ସନ ଅଫ ଆଟ୍ରୋସିଟିଜ) ଆଇନ ଆଧାରରେ ମାମଲା ରୁଜୁ କରାଯାଉ  । ରାମ ଗୋପାଳ ବର୍ମା ଗତ ୨୨ ତାରିଖରେ ଏକ ଟ୍ୱିଟ କରି କହିଥିଲେ, ଯଦି ଦ୍ରୌପଦୀ ରାଷ୍ଟ୍ରପତି ତେବେ ପାଣ୍ଡବ କିଏ? ଏବଂ ଏହାଠାରୁ ବି ଗୁରୁତ୍ୱପୂର୍ଣ୍ଣ କଥା ହେଉଛି କୌରବ କିଏ? ତାଙ୍କର ଏପରି ଟ୍ୱିଟ ପରେ ସମସ୍ତେ ତାଙ୍କୁ ସମାଲୋଚନା କରିଛନ୍ତି  । ତେବେ ଏହା ପ୍ରଥମ ଥର ନୁହେଁ ଯେବେ ସେ କୌଣସି ଓଡିଆଙ୍କୁ ଅପମାନିତ କରିଛନ୍ତି  । ପୂର୍ବରୁ ମଧ୍ୟ ଓଡିଶାକୁ ଜାଣି ନଥିବା କଥା କହି ବିବାଦ ଘେରକୁ ଆସିଥିଲେ  ।

ଜୀ ନାରାୟଣ ରେଡ୍ଡୀ କହିଛନ୍ତି, ଟ୍ୱିଟରରେ ଜଣେ ବରିଷ୍ଠ ମହିଳା ରାଜନେତା ଓ ଝାଡଖଣ୍ଡର ପୂର୍ବତନ ରାଜ୍ୟପାଳଙ୍କୁ ନେଇ ରାମ ଗୋପାଳଙ୍କ ଏପରି ଟିପ୍ପଣୀ ଅତ୍ୟନ୍ତ ଅପମାନଜନକ ଅଟେ  । ବିବାଦ ବଢିବା ପରେ ଆଉ ଏକ ଟ୍ୱିଟ କରି ସଫେଇ ଦେଇଛନ୍ତି ରାମ ଗୋପାଳ  । ଟ୍ୱିଟରେ କହିଛନ୍ତି ମୋ କଥାକୁ ଅନ୍ୟ କୌଣସି ଅର୍ଥରେ ନିଅନ୍ତୁ ନାହିଁ, ମହାଭାରତର ଚରିତ୍ରକୁ କେବେଳ ମନେ ପକାଉଥିଲି  । କାହା ମନକୁ ଆଘାତ କରିବାର ଉଦ୍ଦେଶ୍ୟ ନଥିଲା  ।  ସୂଚନାଯୋଗ୍ୟ ଶୁକ୍ରବାର ଓଡିଶାର ଝିଅ ତଥା ଏନଡିଏ ରାଷ୍ଟ୍ରପତି ପ୍ରାର୍ଥି ନାମାଙ୍କନ ଦାଖଲ କରିଛନ୍ତି  ।

୯ ମାସ ମଧ୍ୟରେ ସରିବ ଶ୍ରୀମନ୍ଦିର ପରିକ୍ରମା ପ୍ରକଳ୍ପ

sitakanta dash
-
0
୯ ମାସ ମଧ୍ୟରେ ସରିବ ଶ୍ରୀମନ୍ଦିର ପରିକ୍ରମା ପ୍ରକଳ୍ପ

ଭୁବନେଶ୍ୱର: ଆସନ୍ତା ୯ ମାସ ମଧ୍ୟରେ ସରିବ ଶ୍ରୀମନ୍ଦିର ପରିକ୍ରମା ପ୍ରକଳ୍ପ । ଫାଷ୍ଟଟ୍ରାକ୍‌ରେ ଚାଲିଛି ପରିକ୍ରମା ପ୍ରକଳ୍ପ କାମ । ପ୍ରକଳ୍ପର ଅନୁଧ୍ୟାନ କରି ଇଂଜିନିୟର ଓ ଓ୍ବାର୍କରଙ୍କୁ ନିର୍ଦ୍ଦେଶ ଦେଇଛନ୍ତି ମୁଖ୍ୟ ଶାସନ ସଚିବ ସୁରେଶ ମହାପାତ୍ର । ଗୁରୁବାର ସଂଧ୍ୟାରେ ମୁଖ୍ୟ ଶାସନ ସଚିବ ସୁରେଶ ମହାପାତ୍ର ସ୍ଥିତି ଅନୁଧ୍ୟାନ କରିବା ସହ ଇଂଜିନିୟରଙ୍କ ସହ ଆଲୋଚନା କରିଛନ୍ତି । ଏହି ଐତିହ ପ୍ରକଳ୍ପ କାମ ସରିଲେ ଜଗନ୍ନାଥଙ୍କ ସହ ଜଡିତ ବିଭିନ୍ନ ରିତିନୀତି ଓ ପର୍ବପର୍ବାଣୀ ଅତି ସହଜରେ ପାଳନ ହେବ ।

ଶ୍ରୀମନ୍ଦିର ପରିକ୍ରମା ପ୍ରକଳ୍ପରେ ରହିଛି ପାଞ୍ଚୋଟି ଜୋନ୍‌ । ପ୍ରବେଶ ନିଷେଧ ଜୋନ୍‌, ଭିତର ପ୍ରଦକ୍ଷିଣ ଜୋନ୍‌, ଶ୍ରୀମନ୍ଦିର ପରିସର, ବାହାର ପ୍ରଦକ୍ଷିଣ ଜୋନ୍‌, ଶ୍ରଦ୍ଧାଳୁଙ୍କ ସୁବିଧା ପାଇଁ ଏକ ଜୋନ୍‌ କରାଯାଇଛି । ସୁପ୍ରିମକୋର୍ଟଙ୍କ ନିଷ୍ପତ୍ତି ପରେ ତ୍ୱରାନ୍ୱିତ ହୋଇଛି ଶ୍ରୀମନ୍ଦିର ପରିକ୍ରମା ପ୍ରକଳ୍ପ କାର୍ଯ୍ୟ  । ପୁରୀ ପରିକ୍ରିମା ପ୍ରକଳ୍ପ ଦ୍ୱାରା ଶ୍ରଦ୍ଧାଳୁ ସହଜରେ ମନ୍ଦିର ଚତୁପାର୍ଶ୍ୱ ପରିଭ୍ରମଣ କରିବାରେ ସୁବିଧା ହେବ  । ଐତିହ୍ୟ କରିଡର ନିର୍ମାଣକୁ ରାଜ୍ୟ ସରକାର ଫୋକସ ଦେଇଛନ୍ତି  ।

5T ସତିବ ଭିକେ ପାଣ୍ଡିୟାନ ବିଭିନ୍ନ ସମୟରେ ପୁରୀ ଗସ୍ତ କରି ଶ୍ରୀମନ୍ଦିର ପରିକ୍ରମା ପ୍ରକଳ୍ପର ସମୀକ୍ଷା କରିଛନ୍ତି  । କାର୍ଯ୍ୟକୁ ତ୍ୱରାନିତ କରିବା ପାଇଁ ମଧ୍ୟ ନିର୍ମାଣକାରୀ ସଂସ୍ଥାକୁ ନିର୍ଦ୍ଦେଶ ଦେଇଛନ୍ତି  । ଏହାରି ଭିତରେ ମୁଖ୍ୟ ଶାସନ ସଚିବ ପୁରୀ ଗସ୍ତ କରିଥିବାବେଳେ ରଥଯାତ୍ରା ସୁରୁକ୍ଷୁରରେ ହେବା ନେଇ ସମୀକ୍ଷା କରିଥିଲେ  । ଅନ୍ୟପଟେ ପରିକ୍ରମା ପ୍ରକଳ୍ପକୁ ନିର୍ଦ୍ଧିଷ୍ଟ ସମୟରେ ସାରିବାକୁ ନିର୍ଦ୍ଦେଶ ଦେଇଥିଲେ  । ଅର୍ଥାତ ଆଉ ୯ ମାସ ମଧ୍ୟରେ ବହୁ ପ୍ରତିକ୍ଷୀତ ପ୍ରକଳ୍ପ କାର୍ଯ୍ୟକୁ ସାରିବାକୁ ଉକ୍ତ ସଂସ୍ଥାକୁ ନିର୍ଦ୍ଦେଶ ଦେଇଛନ୍ତି  ।

1...4,1094,1104,111...7,929Page 4,110 of 7,929

Latest Stories

Location

Popular Tags

Odisha16411NANDIGHOSHA TV5792INDIA3265BHUBANESWAR3062BJD2125Naveen Patnaik1903PURI1718BJP1618NandighoshaTv1584

Contact us