ନୂଆଦିଲ୍ଲୀ: ବିଜନେସମ୍ୟାନ ଓ ଆଇପିଏଲର ପୂର୍ବତନ ଅଧ୍ୟକ୍ଷ ଲଳିତ ମୋଦୀଙ୍କ ସହ ବଲିଉଡ ଅଭିନେତ୍ରୀ ତଥା ପୂର୍ବତନ ବ୍ରହ୍ମାଣ୍ଡ ସୁନ୍ଦରୀ ସୁସ୍ମିତା ସେନଙ୍କ ସମ୍ପର୍କ ଘଟଣା ସାମ୍ନାକୁ ଆସିଛି । ଲଳିତ ଟ୍ୱିଟ କରି ନିଜ ବିବାହ ସମ୍ପର୍କରେ ଘୋଷଣା କରିଛନ୍ତି । ହେଲେ ଏହାର କିଛି ସମୟ ପରେ ଆଉ ଏକ ଟ୍ୱିଟ କରି ସଫେଇ ଦେଇଛନ୍ତି ଲଳିତ । ପ୍ରଥମ ଟ୍ୱିଟରେ ସୁସ୍ମିତାଙ୍କୁ ବେଟର ହାଫ ବୋଲି ସମ୍ବୋଧନ କରିବା ସହ ନୂଆ ଜୀବନ ଆରମ୍ଭ କରିବା କଥା କହିଥିଲେ । ହେଲେ ଏବେ ସଫେଇ ଦେଇ କହିଛନ୍ତି ବର୍ତ୍ତମାନ ଡେଟ କରୁଛୁ, ଖୁବଶୀଘ୍ର ବିବାହ କରିବୁ ।

Just back in london after a whirling global tour #maldives # sardinia with the families – not to mention my #betterhalf @sushmitasen47 – a new beginning a new life finally. Over the moon. 🥰😘😍😍🥰💕💞💖💘💓 pic.twitter.com/Vvks5afTfz

— Lalit Kumar Modi (@LalitKModi) July 14, 2022

ପ୍ରଥମ ଟ୍ୱିଟରେ ଲଳିତ ଲେଖିଥିଲେ, ସେମାନେ ୱାର୍ଲଡ ଟୁର୍ ସାରିବା ପରେ ଲଣ୍ଡନ ଫେରିଛନ୍ତି । ପରିବାର ସମେତ ମାଲଦୀପ ଏବଂ ସର୍ଦିନିଆ ଯାଇଥିଲେ । ସୁସ୍ମିତା ସେନଙ୍କୁ ସେ ନିଜର ବେଟର ହାଫ୍ କହି ଉଲ୍ଲେଖ କରିଛନ୍ତି । ନୂଆ ଜୀବନ ଏବଂ ନୂଆ ଆରମ୍ଭ ପାଇଁ ସେ ବହୁତ ଏକ୍ସାଇଟେଡ ଥିବା ନଜର ଆସିଥିଲେ । ଏଥିସହ ଉଭୟଙ୍କ କିଛି ରୋମାଣ୍ଟିକ ଫଟୋ ସେୟାର କରିଥିଲେ  ।

Just for clarity. Not married – just dating each other. That too it will happen one day. 🙏🏾🙏🏾🙏🏾🙏🏾 pic.twitter.com/Rx6ze6lrhE

— Lalit Kumar Modi (@LalitKModi) July 14, 2022

କିଛି ସମୟ ପରେ ଆଉ ଏକ ଟ୍ୱିଟ କରି ଲଳିତ ସଫେଇ ଦେଇଥିଲେ  । ଲଳିତ ମୋଦୀ ଟ୍ୱିଟରେ ଲେଖିଛନ୍ତି, କ୍ଲାରିଟି ପାଇଁ କହୁଛି । ଆମେ ଦୁହେଁ ଦୁହିଁଙ୍କୁ ଡେଟ କରୁଛୁ  । ଏପର୍ଯ୍ୟନ୍ତ ସୁଦ୍ଧା ବିବାହ କରିନାହୁଁ  । କିନ୍ତୁ ଖୁବଶୀଘ୍ର ଏପରି କରିପାରୁ । ଏଥିସହିତ ଲଳିତ ସୁଷ୍ମିତାଙ୍କ ସହ କିଛି ଫଟୋ ସେୟାର କରିଛନ୍ତି ।

ସୁସ୍ମିତା ସେନ ବିବାହ ଉପରେ ନିକଟରେ ଏକ ସାକ୍ଷାତକାରରେ ଟିପ୍ପଣୀ ଦେଇ ଚର୍ଚ୍ଚା ପରିସରକୁ ଆସିଥିଲେ  । ସୁସ୍ମିତା ଅନେକ ରିଲେସନସିପରେ ରହିସାରିଛନ୍ତି, କିନ୍ତୁ ବିବାହ ବନ୍ଧରେ ଏପର୍ଯ୍ୟନ୍ତ ସୁଦ୍ଧା ବାନ୍ଧି ହୋଇନଥିଲେ । ବିବାହ ନକରିବା ଉପରେ ସେ କହିଥିଲେ ମୁଁ ୩ଥର ବିବାହ କରିବାର ବହୁତ ନିକଟତର ଥିଲି ହେଲେ ଭଗବାନ ମୋତେ ବଞ୍ଚାଇ ଦେଇଛନ୍ତି । ଆଉ ଏବେ ଲଳିତ ମୋଦୀଙ୍କ ସହ ସମ୍ପର୍କ ଖବର ସାମ୍ନାକୁ ଆସିବା ପରେ ପୁଣିଥରେ ଚର୍ଚ୍ଚା ପରିସରକୁ ଆସିଛନ୍ତି  । ସୂଚନାଥାଉକି ଲଳିତ ମୋଦୀ ୧୯୯୧ ମସିହାରେ ତାଙ୍କଠାରୁ ୯ ବର୍ଷ ବଡ଼ ମୀନଲଙ୍କୁ ବିବାହ କରିଥିଲେ  ।

ନିକଟରେ ସୁସ୍ମିତା ସେନ ରୋହମାନ ଶଲଙ୍କୁ ଅଢେଇ ବର୍ଷ ଡେଟ୍ କରିଥିଲେ । ରୋହମାନ ଏବଂ ସୁଷ୍ମିତାଙ୍କ ବୟସ ମଧ୍ୟରେ ୧୫ ବର୍ଷ ଅନ୍ତର ରହିଛି । ସୁସ୍ମିତାଙ୍କୁ ୪୬ ବର୍ଷ ହୋଇଥିବା ବେଳେ ରୋହମାନଙ୍କୁ ୩୦ ବର୍ଷ  । ଉଭୟ ଲିଭ୍ ଇନ ରିଲେସନରେ ରହିଥିଲେ ।

ଲଳିତ ଓ ରୋହମନଙ୍କ ବ୍ୟତୀତ ସୁସ୍ମିତା ଅନ୍ୟମାନଙ୍କ ସହ ମଧ୍ୟ ଆଫେୟାର ଥିଲା  । ମିସ୍ ୟୁନିଭର୍ସ ହେବା ପରେ ସୁସ୍ମିତାଙ୍କ ନାଁ ସର୍ବ ପ୍ରଥମେ ଫିଲ୍ମମେକର ବିକ୍ରମ ଭଟ୍ଟଙ୍କ ସହ ଯୋଡି ହୋଇଥିଲା  । ସୁସ୍ମିତା ଏବଂ ବିକ୍ରମ ଫିଲ୍ମ ଦସ୍ତକ (୧୯୯୬)ର ଶୁଟିଂ ସମୟରେ ନିକଟତର ହୋଇଥିଲେ  । କିଛି ସମୟ ରିଲେସନରେ ରହିବା ପରେ ବ୍ରେକଅପ୍ ହୋଇଯାଇଥିଲା  । ରଣଦୀପ ହୁଡ୍ଡାଙ୍କ ସମ୍ପର୍କ ମଧ୍ୟ ସୁସ୍ମିତାଙ୍କ ସହ ଥିବା ଚର୍ଚ୍ଚା ହୋଇଥିଲା  । ସେହିପରି ପୂର୍ବତନ ପାକିସ୍ତାନୀ କ୍ରିକେଟର ୱାସିମ ଅକରମଙ୍କ ସହ ୨୦୧୩ରେ ରିଲେସନରେ ଥିଲେ  । ଏମିତି କି କୁହାଯାଉଥିଲା ଯେ ଉଭୟ ବିବାହ କରିବେ  । କିନ୍ତୁ ସୁସ୍ମିତା ଖବରକୁ ସେ ସମୟରେ ଖଣ୍ଡନ କରିଥିଲେ  । ୨୦୧୫ ମସିହାରେ ମୁମ୍ବାଇର ଏକ ରେଷ୍ଟୁରାଣ୍ଟ ମାଲିକ ଋତିକ ଭସୀନଙ୍କ ସହ ମଧ୍ୟ ଆଫେୟାର କଥା ସାମ୍ନାକୁ ଆସିଥିଲା  । ହେଲେ ପରେ ଉଭୟଙ୍କ ମଧ୍ୟରେ ଦୂରତା ବଢିଯାଇଥିଲା  । ନିର୍ଦ୍ଦେଶକ ମୁଦ୍ଦସର ଅଜୀଜଙ୍କ ସହ ସୁସ୍ମିତାଙ୍କ ଆଫେୟାର କଥା ମଧ୍ୟ ଚର୍ଚ୍ଚା ହୋଇଥିଲା  ।