ନୂଆଦିଲ୍ଲୀ: ଫେସବୁକ ଓ ଅନ୍ୟ ସୋସିଆଲ ସାଇଟ୍ ପରି ଟ୍ବିଟରରେ ଏଡିଟ୍ ଅପସନ ନଥିଲା । ଯଦି କୌଣସି ପୋଷ୍ଟରେ କିଛି ଭୁଲ ରହି ଯାଉଥିଲା, ୟୁଜର୍ସଙ୍କୁ ପାଖରେ ଉକ୍ତ ପୋଷ୍ଟ ଏଡିଟ୍ କରିବାର କୌଣସି ବିକଳ୍ପ ନଥିଲା । ଫଳରେ ୟୁଜର୍ସ ବାଧ୍ୟ ହୋଇ ପୋଷ୍ଟକୁ ଡିଲିଟ୍ କରି ନୂଆ ପୋଷ୍ଟ କରୁଥିଲେ । ଏମିତି ସମସ୍ୟାର ସମାଧାନ ପାଇଁ ଟ୍ବିଟରରେ ଏଡିଟ ଅପସନ ରଖିବାକୁ ବହୁଦିନ ହେଲା ଦାବି ହୋଇ ଆସୁଥିଲା । ଯାହା ଏବେ ପୂରଣ ହୋଇଛି । ଟ୍ବିଟର ଏବେ ପୋଷ୍ଟରେ ଏଡିଟ୍ ଅପସନ ଆଡ କରିଛି । ତେବେ ଏହା ବର୍ତ୍ତମାନ କିଛି ନିର୍ଦ୍ଦିଷ୍ଟ ୟୁଜର୍ସଙ୍କୁ ଉବଲବ୍ଧ ହୋଇଛି ।
ଟିପ୍ସଟର ମୁକୁଲ ଶର୍ମାଙ୍କ ଅନୁସାରେ, ମାଇକ୍ରୋ ବ୍ଲଗିଂ ସାଇଟ ଏକ ନୂଆ ଫିଲ୍ଟର ଜାରି କରିଛି । ଏଥିରେ ୟୁଜର୍ସ ଆପତ୍ତିଜନକ ଟ୍ବିଟକୁ ଡିଲିଟ କରିବା ବଦଳରେ ଏଡିଟ୍ କରି ପାରିବେ । ଏହି ଫିଚର୍, ଟ୍ବିଟ୍ ପୋଷ୍ଟ କରିବା ପୂର୍ବରୁ ଆପତ୍ତିଜନକ ଶବ୍ଦକୁ ଏଡିଟ୍ କରିବାକୁ ସୂଚନା ଦେବ । ଏହାର ଅର୍ଥ ପୋଷ୍ଟ ପୂର୍ବରୁ ଆପତ୍ତିଜନକ ଶବ୍ଦ ଉପରେ ନଜର ରଖିବ ଟ୍ବିଟର୍ । ଫଳରେ ଯଦି କୌଣସି ୟୁଜର୍ସ ନିଜ ଟ୍ବିଟ ପୋଷ୍ଟରେ ଆପତ୍ତିଜନକ ଶବ୍ଦ ବ୍ୟବହାର କରିଥିବେ ତେବେ ତାଙ୍କୁ ଏଡିଟ ଟ୍ବିଟ୍, ଡିଲିଟ ଟ୍ବିଟ୍ ଓ ପୋଷ୍ଟ ଟ୍ବିଟ୍ ଅପସନ ଦେଖାଇବ । ଏହାବାଦ ଯଦି ୟୁଜର୍ସ ଏହି ୩ଟି ଅପସନରେ ସନ୍ତୁଷ୍ଟ ନଥିବେ ସେମାନଙ୍କୁ ଫିଡବ୍ୟାକ୍ ସେୟାର କରିବାକୁ ଅପସନ ମଧ୍ୟ ଦିଆଯାଇଛି । ରିପୋର୍ଟ ଅନୁସାରେ ଟ୍ବିଟର୍, ଏଡିଟ୍ ବଟମ୍ ବ୍ୟତୀତ ଟ୍ବିଟର ନୋଟିଫିକେସନ ପ୍ୟାନେଲରେ ଲାଇକ ଓ ଡିସଲାଇକ୍ ଅପସନ ଦେଉଛି ।
ଏହା ପୂର୍ବରୁ ଟ୍ବିଟର ତରଫରୁ ଡାଉନଭୋଟ୍ ଅପସନ ଟେଷ୍ଟ କରାଯାଇଥିଲା । ଏବେ ଏହି ଅପସନଟି ଲାଇକ ଅପସନ ସହ ନୋଟିଫିକେସନ୍ ପ୍ୟାନେଲରେ ରହିଛି । ଏଥିରେ ୟୁଜର୍ସଙ୍କୁ କୌଣସି ଟ୍ବିଟକୁ ଖୋଲି ଲାଇକ ଓ ଡିସଲାଇକ କରିବାକୁ ପଡୁନାହିଁ ।
ସୂଚନାଯୋଗ୍ୟ, କମ୍ପାନୀ ତରଫରୁ ଏହି ଦୁଇ ଫିଚରକୁ ନେଇ କୌଣସି ସ୍ପଷ୍ଟ କରାଯାଇନାହିଁ । ତେବେ ଏଡିଟ୍ ବଟମକୁ ନେଇ ଦାବି ହୋଇ ଆସୁଥିବା ବେଳେ ଏହା ଶୀଘ୍ର ସବୁ ୟୁଜର୍ସଙ୍କ ପାଇଁ ଉପଲବ୍ଧ ହେବ ବୋଲି ଅନୁମାନ କରାଯାଉଛି ।
