ନୂଆଦିଲ୍ଲୀ: ଆଦାନି ଗ୍ରୁପ୍ର ଚେୟାରମ୍ୟାନ୍ ଗୌତମ ଆଦାନୀ ଦୁନିଆର ସବୁଠାରୁ ଧନୀ ବ୍ୟକ୍ତିଙ୍କ ଫୋର୍ବସ୍ ତାଲିକାରେ ପଞ୍ଚମ ସ୍ଥାନରେ ରହିଛନ୍ତି । ଆଦାନୀର ସମୁଦାୟ ସମ୍ପତ୍ତି ୧୨୩.୧ ବିଲିୟନ ଡ଼ଲାର୍ ରହିଛି । ବରେକଶେର୍ ହାଥୱେର ୱାରେନ୍ ବଫେଟଙ୍କୁ ପଠରେ ପକାଇ ଧନୀ ତାଲିକାର ପଞ୍ଚମରେ ପହଞ୍ଚିଛନ୍ତି । ବର୍ତ୍ତମାନ ବଫେଟଙ୍କ ସମୁଦାୟ ସମ୍ପତ୍ତି ୧୨୧.୭ ବିଲିୟନ ସହିତ ଷଷ୍ଠ ସ୍ଥାନକୁ ଖସି ଆସିଛି ।
ରିଲାଏନ୍ସ ଇଣ୍ଡଷ୍ଟ୍ରିର ଚେୟାରମ୍ୟାନ୍ ମୁକେଶ ଅମ୍ବାନୀ ଫୋର୍ବସ୍ ତାଲିକାରେ ବିଶ୍ୱର ସବୁଠାରୁ ଧନୀ ବ୍ୟକ୍ତିଙ୍କ ତାଲିକାରେ ଅଷ୍ଟମ ସ୍ଥାନରେ ଅଛନ୍ତି । ଏହିପରି, ଦୁନିଆର ୧୦ ଜଣ ଧନୀ ବ୍ୟକ୍ତିଙ୍କ ମଧ୍ୟରୁ ଦୁଇଜଣ ହେଉଛନ୍ତି ଭାରତୀୟ । ଅମ୍ବାନୀଙ୍କ ସମୁଦାୟ ସମ୍ପତ୍ତି ୧୦୩.୭୦ ବିଲିୟନ ଡ଼ଲାର୍ ରହିଛି ।
ଏଲୋନ୍ ମସ୍କ ଏହି ତାଲିକାରେ ପ୍ରଥମ ସ୍ଥାନରେ ଅଛନ୍ତି । ତାଙ୍କର ସମୁଦାୟ ସମ୍ପତ୍ତି ୨୬୯.୭୦ ବିଲିୟନ ଡ଼ଲାର୍ ରହିଛି । ଜେଫ୍ ବେଜୋସ୍ ୧୭୦.୨ ବିଲିୟନ ଡ଼ଲାର୍ ସହିତ ଦ୍ୱିତୀୟ ସ୍ଥାନରେ ଅଛନ୍ତି । ଫ୍ରାନ୍ସର ବର୍ନାର୍ଡ ଆର୍ନାଲ୍ଟ ଏବଂ ତାଙ୍କ ପରିବାରର ମୋଟ ସମ୍ପତ୍ତି ୧୬୬.୮ ବିଲିୟନ ଡ଼ଲାର ଥିବା ବେଳେ ଧନୀ ତାଲିକାରେ ସେ ତୃତୀୟ ସ୍ଥାନ ରହିଛନ୍ତି ।
ଦୁନିଆର ସବୁଠାରୁ ଧନୀ ବ୍ୟକ୍ତିଙ୍କ ଫୋର୍ବସ୍ ତାଲିକାରେ ବିଲ୍ ଗେଟ୍ସ ଚତୁର୍ଥ ସ୍ଥାନରେ ଅଛନ୍ତି ଅଛନ୍ତି। ତାଙ୍କର ସମୁଦାୟ ସମ୍ପତ୍ତି ୧୩୦.୨ ବିଲିୟନ ଡ଼ଲାର ରହିଛି । ଏହି ତାଲିକାରେ ଲ୍ୟାରି ଏଲିସନ ସପ୍ତମ ସ୍ଥାନରେ ଅଛନ୍ତି । ତାଙ୍କର ସମୁଦାୟ ସମ୍ପତ୍ତି ହେଉଛି ୧୦୭.୪ ବିଲିୟନ ଡଲାର । ଲ୍ୟାରି ପେଜର ସମୁଦାୟ ସମ୍ପତ୍ତି ୧୦୨.୪ ବିଲିୟନ ଡ଼ଲାର୍ ରହିଛି ଏବଂ ସେ ଏହି ତାଲିକାରେ ନବମ ସ୍ଥାନରେ ଅଛନ୍ତି । ଏଥି ସହିତ, ସର୍ଗେଇ ବ୍ରିନ ମୋଟ ସମୁଦାୟ ସମ୍ପତ୍ତି ୯୮.୫ ବିଲିୟନ ଡଲାର ସହିତ ଦଶମ ସ୍ଥାନରେ ଅଛନ୍ତି ।
