ଆଜି ସାରା ଦେଶରେ ମହା ଶିବରାତ୍ରୀ ପର୍ବ ପାଳନ କରାଯାଉଛି । ମହାଶିବରାତ୍ରୀ ଫାଲଗୁନ୍ ମାସର କୃଷ୍ଣ ପକ୍ଷ ଚାତୁର୍ଦ୍ଦଶୀ ତିଥିରେ ପାଳନ କରାଯାଏ । ଏହି ଦିନ ଭକ୍ତମାନେ ଉପବାସ କରି ଦେବ ଦେବ ମହାଦେବଙ୍କୁ ପ୍ରସନ୍ନ କରିବାକୁ ଚେଷ୍ଟା କରିଥାନ୍ତି । ମହାଶିବରାତ୍ରୀରେ ଦେଶର ୧୨ଟି ଜ୍ୟୋତିର୍ଲିଙ୍ଗରେ ଶିବ ଭକ୍ତଙ୍କ ଭିଡ ଜମିଥାଏ । ଏହି ଦିନ ଶିବଲିଙ୍ଗରେ କିଛି ବିଶେଷ ଜିନିଷ ଚଢାଯାଇଥାଏ । ବିଶ୍ୱାସ କରାଯାଏ ଯେ, ଏହା କରିବା ଦ୍ୱାରା ମାହାଦେବ ପ୍ରସନ୍ନ ହୁଅନ୍ତି ।
ମହାଶିବତ୍ରୀ
ମଙ୍ଗଳବାର, ମାର୍ଚ୍ଚ ୧, ୨୦୨୨ ନିଶିତା କାଳ ପୂଜା ସମୟ – ୧୨:୦୮ରୁ ୨ ମାର୍ଚ୍ଚ ୧୨:୫୮ ପର୍ଯ୍ୟନ୍ତ ଶିବରାତ୍ରୀ ପରାନ ସମୟ ୨ମାର୍ଚ୍ଚ ପ୍ରାତଃ ୦୬:୪୫ ସମୟରେ ।
ମହାଦେବଙ୍କର ଏହି ୮ଟି ଜିନିଷ ପ୍ରିୟ ଅଟେ
ମହାଶିବରାତ୍ରୀରେ ସହଜରେ ସନ୍ତୁଷ୍ଟ ହୋଇଯାଇଥାନ୍ତି ଭୋଳାଶଙ୍କର । ତାଙ୍କ ପୂଜା ସମୟରେ ଶିବଲିଙ୍ଗ ଅଭିଷେକ କରିବା ଦ୍ୱାରା ପ୍ରସନ୍ନ ହୋଇଯାଆନ୍ତି ମହାଦେବ । ଏହି ସମୟରେ ଶିବଲିଙ୍ଗ ଉପରେ ଅର୍ପଣ କରାଯାଉଥିବା ପ୍ରତ୍ୟେକ ଜିନିଷର ନିଜସ୍ୱ ମହତ୍ତ୍ୱ ରହିଛି ଯାହା ଦ୍ୱାରା ଭକ୍ତଙ୍କ ଇଚ୍ଛା ପୂରଣ ହେବାର ମାନ୍ୟତା ରହିଛି ।
ଜଳ-ମନ୍ତ୍ର ଜପ କରିବା ସହ ଶିବଲିଙ୍ଗ ଉପକରେ ଜଳ ଅର୍ପଣ କରିବା ଦ୍ୱାରା ମନୁଷ୍ୟର ଆଚରଣ ଶାନ୍ତ ଏବଂ ସ୍ନେହପୂର୍ଣ୍ଣ ହୋଇଥାଏ ।
କ୍ଷୀର– ଶିବଶଙ୍କରଙ୍କୁ କ୍ଷୀର ଅର୍ପଣ କରିବା ଦ୍ୱାରା ସ୍ୱାସ୍ଥ୍ୟ ସର୍ବଦା ଭଲ ରହେ ଏବଂ ରୋଗ ଦୂର ହୁଏ ।
ବେଲପତ୍ର– ଶିବଲିଙ୍ଗ ପୂଜା ସମୟରେ ଏକ ଗୁରୁତ୍ତ୍ୱ ପୂର୍ଣ୍ଣ ଭୂମିକା ବେଲପତ୍ରର ରହିଛି ବିନା ବେଲପତ୍ରରେ ଶିବଙ୍କ ଉପାସନା ଅସଂପୂର୍ଣ୍ଣ । ଶିବଲିଙ୍ଗରେ ବେଲପତ୍ର ଅର୍ପଣ କରି ଭକ୍ତମାନେ ଇଚ୍ଛାକୃତ ଫଳାଫଳ ପାଇଥାନ୍ତି ।
ଭାଙ୍ଗ– ମାହାଦେବଙ୍କୁ ଭାଙ୍ଗ ଅତ୍ୟନ୍ତ ପ୍ରିୟ ହୋଇଥାଏ । ତେଣୁ ଭାଙ୍ଗ ଅର୍ପଣ କରିବା ଦ୍ୱାରା ଆମର ଅଭାବ ଏବଂ ନକରାରତ୍ମ ଚିନ୍ତାଧାରା ଦୂରେଇ ଯାଇଥାଏ ।
ଦୁଦୁରା ଫୁଲ– ଭଗବାନ ଶିବଙ୍କୁ ଦୁଦୁରା ଫୁଲ ଅର୍ପଣ କରିବା ଦ୍ୱାରା ରାହୁ ଶାନ୍ତ ହେବା ସହ କାଳସର୍ପ ଯୋଗ ଏବଂ ପିତୃ ଦୋଶ ଦୂର ହୋଇଥାଏ ।
ମିଶିରି– ମହାଦେବଙ୍କୁ ମିଶିରି ସହ ଅଭିଷେକ କରିବା ଦ୍ୱାରା ସୁଖ ଏବଂ ସମୃଦ୍ଧତା ବୃଦ୍ଧି ପାଇଥାଏ । ଏହା କରିବା ଦ୍ୱାରା ମନୁଷ୍ୟର ଜୀବନରୁ ଦାରିଦ୍ର୍ୟତା ଦୂରେଇ ଯାଏ ।
ଘିଅ– ଭଗବାନ ଶଙ୍କରଙ୍କ ଉପରେ ଘିଅ ଅର୍ପଣ କରିବା ଦ୍ୱାରା ମନୋବଳ ଦୃଢ ହୋଇଥାଏ ।
ଅତର– ଶିବଲିଙ୍ଗ ଉପରେ ଅତର ପ୍ରୟୋଗ କରିବା ଦ୍ୱାରା ଚିନ୍ତାଧାରା ପବିତ୍ର ଏବଂ ଶୁଦ୍ଧ ହୋଇଥାଏ । ଏହା ଆମକୁ ଜୀବନରେ ଖରାପ କାମରୁ ଦୂରେଇ ରଖେ ।
