ଜମ୍ମୁ: ଭାରତୀୟ ସେନା ଦେଖାଇଲେ ମାନବିକତା । ବିପଜ୍ଜନକ ଅବସ୍ଥାରେ ଥିବା ୩୦ ନାଗରିକଙ୍କୁ କରିଛନ୍ତି ଉଦ୍ଧାର । ଜାମ୍ମୁ ଓ କାଶ୍ମୀରର ଚୋକିବାଲ- ଟଙ୍ଗଧର ରୋଡରେ ଯାଉଥିବାବେଳେ ୩୦ରୁ ଅଧିକ ଲୋକ ବରଫ ଖଣ୍ଡ ଭିତରେ ଚାପି ହୋଇଯାଇଥିଲେ । ଏହି ରୋଡର ଖୁନୀ ନାଳ ଓ ଏସଏମ ହିଲ ନିକଟରେ ଏହି ଦୁର୍ଘଟଣା ଘଟିଥିଲା । ବାରମ୍ବାର ବରଫ ସ୍ଖଳନ ହେବା ଯୋଗୁ ଲୋକମାନେ ଉଦ୍ଧାର ହୋଇପାରି ନଥିଲେ ।
ତେବେ ଭାରତୀୟ ସେନାର ଯବାନମାନେ ଜୀବନକୁ ବାଜି ଲଗାଇ ସେଠାରେ ପହଞ୍ଚି ସେମାନଙ୍କୁ ଉଦ୍ଧାର କରିଥିଲେ । ଯବାନଙ୍କୁ ସହାୟତା କରିଥିଲେ ଜେନେରାଲ ରିଜର୍ଭ ଇଞ୍ଜିନିୟର ଫୋର୍ସ । ଉଦ୍ଧାର ଯାତ୍ରୀମାନଙ୍କୁ ଚିକିତ୍ସା କରାଯିବା ସହ ସହାୟତା ପ୍ରଦାନ କରାଯାଇଛି । ସେପଟେ ଦେଶର ସୁରକ୍ଷା ଲାଗି ଯବାନମାନେ ଜାମ୍ମୁ ଓ କାଶ୍ମୀରରେ ପ୍ରବଳ ତୁଷାରପାତରେ ବି କରିଛନ୍ତି ପାଟ୍ରୋଲିଂ । ବରଫପାତ ସତ୍ତ୍ୱେ ସେମାନେ ଦିନରାତି ପାଟ୍ରୋଲିଂ କରୁଥିବା ଦେଖାଯାଇଛି ।
ରାଜନୀତିରେ ବିରଳ ବ୍ୟକ୍ତିତ୍ୱ । ଦୁର୍ନୀତି ମୁକ୍ତ ରାଜନୀତିକୁ ବିଶ୍ୱାସ । ନିସ୍ୱାର୍ଥପର ମାନବସେବାରେ ଇଚ୍ଛା । ମୁଖ୍ୟମନ୍ତ୍ରୀଙ୍କ ନିର୍ମଳ ଭାବମୂର୍ତ୍ତିରେ ଅନୁପ୍ରାଣିତ । ନା ଅଛି ରାଜନେତାଙ୍କ ପରି ଠାଣି, ନା ବେଶବୁସା । ନା ଗାଡି ଅଛି, ନା ଆଖି ଝଲସିଲା ଭଳି ଅଟ୍ଟାଳିକା । ପାଦରେ ହାଓ୍ୱାଇ ଚପଲ, ଆଉ ଦେହରେ ଖଣ୍ଡେ ସୂତା ଗଜି । ଏତିକରେ ଚାଲିଛି ରାଜନୀତି । ଦୁଇଥର ବ୍ଲକ୍ ଅଧ୍ୟକ୍ଷ ହୋଇଛନ୍ତି, ହେଲେ ଦୁର୍ନୀତି ପାଖ ପାସିନାହିଁ । ମୁଖ୍ୟମନ୍ତ୍ରୀଙ୍କ ସ୍ୱଚ୍ଛ ଭାବମୂର୍ତ୍ତିରେ ଅନୁପ୍ରାଣିତ ହୋଇଛି ରାଜନୀତିର ପସାପାଲିରେ ଗୋଟି ଗଡ଼ାଇ ଚାଲିଛନ୍ତି ଦେବଗଡ଼ ଜିଲ୍ଲା ବାରକୋଟର ସମରେନ୍ଦ୍ର କୁମାର ଜିତ୍ । ମାନବସେବାକୁ ମାଧବସେବା ଭାବି ଜାରି ରଖିଛନ୍ତି ସ୍ୱଚ୍ଛ ରାଜନୀତି ।
