ନନ୍ଦିଘୋଷ ବ୍ୟୁରୋ : ବିଧାନସଭାରେ ୨୦୨୫-୨୬ର ପ୍ରଥମ ଅତିରିକ୍ତ ବଜେଟ ଉପସ୍ଥାପିତ। ଗୃହରେ ଉପସ୍ଥାପନ କଲେ ମୁଖ୍ୟମନ୍ତ୍ରୀ ମୋହନ ମାଝୀ। ୧୭ ହଜାର ୪୪୦ କୋଟି ଟଙ୍କାର ଅତିରିକ୍ତ ବଜେଟ ଉପସ୍ଥାପିତ। ପ୍ରଶାସନିକ ଖର୍ଚ୍ଚ ୩୩୮୯ କୋଟି। ବିପର୍ଯ୍ୟୟ ପରିଚାଳନା ପାଇଁ ୧୭୧ କୋଟି। ସାମାଜିକ ସେବା ପାଇଁ ପାଇଁ ୫୯୪୮ କୋଟି। ସୁଭଦ୍ରା ଯୋଜନା ପାଇଁ ୨୯୫ କୋଟି । ମମତା ଯୋଜନା ପାଇଁ ୧୪୨ କୋଟି । ମିଶନ ଶକ୍ତି ପାଇଁ ୪୦୫ କୋଟି । ଅଙ୍ଗନବାଡି ଗୃହ ନିର୍ମାଣ ପାଇଁ ୨୦୦ କୋଟି। ଜାତୀୟ ସ୍ୱାସ୍ଥ୍ୟ ମିଶନ ପାଇଁ ୯୫୪ କୋଟି । ଗୋପବନ୍ଧୁ ଜନ ଆରୋଗ୍ୟ ଯୋଜନା ପାଇଁ ୪୦ କୋଟି। ପାଇପ ଜଳ ଯୋଗାଣ ପାଇଁ ୧୧୬ କୋଟି। ବିକଶିତ ଗାଁ ବିକଶିତ ଓଡ଼ିଶା ପାଇଁ ୫୭ କୋଟି । ରାଷ୍ଟ୍ରୀୟ ଗ୍ରାମ୍ୟ ସ୍ୱରାଜ ଅଭିଯାନ ପାଇଁ ୪୦ କୋଟି।
ମାଓବାଦୀଙ୍କ ବଢିଲା ଆତ୍ମସମର୍ପଣ ଅର୍ଥ ରାଶି
ନନ୍ଦିଘୋଷ ବ୍ୟୁରୋ : ମାଓବାଦୀଙ୍କ ବଢିଲା ଆତ୍ମସମର୍ପଣ ଅର୍ଥ ରାଶି। ୩ ଲକ୍ଷ ୩୦ ହଜାର ଟଙ୍କାରୁ ୪ ଲକ୍ଷ ୯୫ ହଜାର ଟଙ୍କାକୁ ବୃଦ୍ଧି କରାଗଲା। AK 47 ରାଇଫଲ ଧରି ଆତ୍ମସମର୍ପଣ କଲେ ଏହି ରାଶି ପ୍ରଦାନ କରିବେ ରାଜ୍ୟ ସରକାର। ସେହିଭଳି SLR ରାଇଫଲ ସହ ଆତ୍ମସମର୍ପଣ କଲେ ପୂର୍ବରୁ ୧ ଲକ୍ଷ ୬୫ ହଜାର ଟଙ୍କା ଦିଆଯାଉଥିବା ବେଳେ ଏବେ ସେମାନେ ମଧ୍ଯ ୪ ଲକ୍ଷ ୯୫ ହଜାର ଟଙ୍କା ଆତ୍ମସମର୍ପଣ ରାଶି ପାଇବେ। ସେହିଭଳି ଯେଉଁ ମାଓବାଦୀଙ୍କ ଉପରେ ୧୦ ଲକ୍ଷ ଟଙ୍କା ମୁଣ୍ଡ ଜାମିନ ଅର୍ଥ ରାଶି ରହିଛି ସେମାନେ ଆତ୍ମସମର୍ପଣ କଲେ ରାଜ୍ଯ ସରକାର ୫ ଲକ୍ଷ ଟଙ୍କା ସହାୟତା ରାଶି ପ୍ରଦାନ କରିବେ। ଏପରିକି ସେମାନଙ୍କ ନାମରେ ଥିବା ଛୋଟମୋଟ ସମସ୍ତ ମାମଲା ପ୍ରତ୍ୟାହାର କରିନେବେ ରାଜ୍ଯ ସରକାର
ସାଙ୍ଗ ହେବ ତ ଏମିତି ; ରାତ୍ରୀଭୋଜନ ପାଇଁ ଡାକିଲେ ନିଜେ ନେଇ ହୋଟେଲ୍ ଛାଡିଲେ
ନନ୍ଦିଘୋଷ ବ୍ୟୁରୋ : କିମ୍ବଦନ୍ତୀ ଭାରତୀୟ ଅଧିନାୟକ ଏବଂ ପୂର୍ବତନ ୱିକେଟକିପର-ବ୍ୟାଟସମ୍ୟାନ୍ ମହେନ୍ଦ୍ର ସିଂହ ଧୋନିଙ୍କୁ ‘ୟାରୋ କା ୟାର’ ବୋଲି ଖାଲିରେ କୁହାଯାଏନି, ବରଂ ସେ ଏହାକୁ ପ୍ରମାଣିତ କରି ଦେଖାଇଛନ୍ତି। ଗୁରୁବାର ସେ ବିରାଟ କୋହଲି ଏବଂ ରିଷଭ ପନ୍ତଙ୍କୁ ରାଞ୍ଚି ସ୍ଥିତ ତାଙ୍କ ବାସଭବନରେ ରାତ୍ରୀଭୋଜନ ପାଇଁ ନିମନ୍ତ୍ରଣ କରିଥିଲେ। ଖାଲି ଏତିକି ନୁହେଁ, ଏବେ ଏକ ଭିଡିଓ ମଧ୍ୟ ସାମ୍ନାକୁ ଆସିଛି ଯେଉଁଥିରେ ଧୋନି ବ୍ୟକ୍ତିଗତ ଭାବରେ ଧୋନି କୋହଲିଙ୍କୁ ଗାଡ଼ି ଚଲାଇ ହୋଟେଲରେ ଛାଡିବାକୁ ଯାଉଥିବା ଦେଖିବାକୁ ମିଳିଛି। ପ୍ରଶଂସକମାନେ ସୋସିଆଲ ମିଡିଆ ପ୍ଲାଟଫର୍ମ X ରେ ଏହି ଭିଡିଓକୁ ବହୁ ମାତ୍ରାରେ ସେୟାର କରୁଛନ୍ତି । ଧୋନି କୋହଲିଙ୍କୁ ଟିମ୍ ହୋଟେଲରେ ଛାଡିବାର ଅନେକ ଫଟୋ ଏବଂ ଭିଡିଓ ସେୟାର ହେଉଥିବା ଦେଖିବାକୁ ମିଳିଛି।
ଧୋକା ଦେଲା ନାଭିଗେସନ୍ ଆପ୍ , ମୃତ୍ୟୁ ମୁହଁରୁ ଅକ୍ପକେ ବର୍ତ୍ତିଲେ ବ୍ୟକ୍ତି
ନନ୍ଦିଘୋଷ ବ୍ୟୁରୋ : ଟେକ୍ନୋଲୋଜି ଆମ ପାଇଁ ଯେତିକି ସୁବିଧାଦାୟକ, ସେତିକି କ୍ଷତିକାରକ। ଅପରିଚିତ ରାସ୍ତାରେ ଆମର ସବୁଠାରୁ ବିଶ୍ୱସ୍ତ ସାଥୀ,କିନ୍ତୁ ନାଭିଗେସନ୍ ଆପ୍ ମଧ୍ୟ ଆମକୁ ମଝି ରାସ୍ତାରେ ବିପଦରେ ପକାଇପାରେ। ଏବେ ଦିଲ୍ଲୀରେ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି। ଏକ ନାଭିଗେସନ୍ ଆପ୍ ଜଣେ ବ୍ୟକ୍ତିଙ୍କୁ ରାସ୍ତା ଦେଖାଇବା ବଦଳରେ ଏକ ବଡ଼ ପଙ୍କ ପୋଖରୀକୁ ନେଇଗଲା ।
ବୁଧବାର ପୁରୁଣା ରାଜେନ୍ଦ୍ର ନଗରର ବାସିନ୍ଦା ରାଜନ ସାହାଣୀ ତାଙ୍କ ଭାଇଙ୍କ ସହିତ ପିହାନି ଚୁଙ୍ଗୀ ନିକଟରେ ତାଙ୍କ ବନ୍ଧୁ ଗୋବିନ୍ଦଙ୍କୁ ଭେଟିବାକୁ ଯାଉଥିଲେ। ଆପ୍ରେ ଠିକଣା ଲେଖିବା ପରେ, ସେମାନଙ୍କୁ ଭୁଲ ରାସ୍ତା ଦେଖାଯାଇଥିଲା, ଯାହା ଫଳରେ ସେମାନଙ୍କ କାର ସିଧା ପଙ୍କ ପୋଖରୀକୁ ନେଇଯାଇଥିଲା। କାରକୁ ବାହାର କରିବାକୁ ଚେଷ୍ଟା କରିବା ସମୟରେ, ଚକଗୁଡ଼ିକ ଆହୁରି ଗଭୀରକୁ ବୁଡ଼ିଗଲା ଏବଂ ଇଞ୍ଜିନ୍ ଅଧିକ ଗରମ ହୋଇଗଲା। କାରରୁ ଧୂଆଁ ବାହାରି ନିଆଁ ଲାଗିଗଲା । ସଙ୍ଗେ ସଙ୍ଗେ ତାଙ୍କ କାରରୁ ବାହାରି ସାହାଣୀଙ୍କୁ ମଧ୍ୟ କାରରେ ନିଆଁ ଲାଗିବା ପୂର୍ବରୁ ବାହାର କରିଦେଲେ। ଆପ୍ ରେ ଠିକଣା ଦେଖି ଭୁଲ ରାସ୍ତାରେ ଯାଇ ଏପରି ମୃତ୍ୟୁ ମୁହଁରୁ ଅଳ୍ପକେ ବର୍ତ୍ତିଲେ ବୋଲି କହିଛନ୍ତି ରାଜନ ସାହାଣୀ ।
ଭୋପାଳରେ ଦୁଷ୍କର୍ମ ଅଭିଯୁକ୍ତକୁ ଗୁଳି, ପୋଲିସ କର୍ମୀଙ୍କ ସହ ଧସ୍ତାଧସ୍ତି ପରେ ଫାୟାରିଂ
ନନ୍ଦିଘୋଷ ବ୍ୟୁରୋ : ମଧ୍ୟପ୍ରଦେଶ ଭୋପାଳରେ ଦୁଷ୍କର୍ମ ଅଭିଯୁକ୍ତକୁ ଗୁଳି। ମଧ୍ୟରାତ୍ରୀରେ ପୋଲିସ ହାତରୁ ଖସିଯିବାକୁ ଉଦ୍ୟମବେଳେ ଫରାହାନ ନାମକ ଅଭିଯୁକ୍ତକୁ ଏନକାଉଣ୍ଟର କଲା ପୋଲିସ।ଶୌଚାଳୟ ଯିବାକୁ କହି ଖସିଯିବାକୁ ଉଦ୍ୟମ କରିଥିଲା ଅଭିଯୁକ୍ତ। ପୋଲିସ କର୍ମୀଙ୍କ ସହ ଧସ୍ତାଧସ୍ତି ପରେ ଫାୟାରିଂ କରିଥିଲେ ସୁରକ୍ଷାକର୍ମୀ। ଫରାହାନର ଗୋଡ଼ରେ ବାଜିଛି ଗୁଳି। ଜଣେ ଛାତ୍ରୀଙ୍କୁ ଦୁଷ୍କର୍ମ ଅଭିଯୋଗରେ ଗିରଫ କରିଛି ପୋଲିସ।
ଅଭିଯୁକ୍ତ ଜଣକ ଶୌଚାଳୟ ଯିବା ବାହାନାରେ ଗାଡ଼ିକୁ ଅଟକାଇ ଜଣେ ସବ-ଇନ୍ସପେକ୍ଟରଙ୍କ ପିସ୍ତଲ ଛଡ଼ାଇ ନେଇ ଖସିଯିବାକୁ ଚେଷ୍ଟା କରିଥିଲା। ଧସ୍ତାଧସ୍ତି ବେଳେ ଅଭିଯୁକ୍ତର ଡାହାଣ ଗୋଡ଼ରେ ଗୁଳି ବାଜିଥିଲା। ପୋଲିସ ହାତରୁ ଫେରାର ହୋଇଯାଇଥିବା ଆଉ ଜଣେ ଅଭିଯୁକ୍ତ ଅବରାରର ସମ୍ଭାବ୍ୟ ଆଡ୍ଡା ଖୋଜିବା ପାଇଁ ଫରହାନକୁ ବିଲକିସଗଞ୍ଜ ଗାଁକୁ ନେଇ ଯାଉଥିଲା ପୋଲିସ।
ଅଭିଯୁକ୍ତକୁ ଗୁରୁତର ଅବସ୍ଥାରେ ହମିଦିଆ ହସ୍ପିଟାଲରେ ଭର୍ତ୍ତି କରାଯାଇଛି। ଫରହାନ ଭୋପାଳରେ ସକ୍ରିୟ ଗ୍ୟାଙ୍ଗଷ୍ଟର ଗୋଷ୍ଠୀର ସଦସ୍ୟ। ଛାତ୍ରୀଙ୍କୁ ନିଶା ଦେଇ ଦୁଷ୍କର୍ମ ସହ ଭିଡିଓ କରିଥିଲେ। ପରେ ସେହି ଚିତ୍ରକୁ ବ୍ୟବହାର କରି ସେମାନଙ୍କୁ ବ୍ଲାକମେଲ୍ କରିଥିଲେ। ଏକ ଘରୋଇ କଲେଜର ୩ ଜଣ ଛାତ୍ର ସାମ୍ନାକୁ ଆସିବା ପରେ ପୋଲିସ ମାମଲା ରୁଜୁ କରି ତନାଘନା କରୁଥିଲା। ମହିଳାଙ୍କ ବୟାନକୁ ଆଧାର କରି, ପୋଲିସ ଅଭିଯୁକ୍ତ ଫରହାନ ଏବଂ ଅଲି ବିରୁଦ୍ଧରେ ଗଣଦୁଷ୍କର୍ମର ଅଭିଯୋଗ ଯୋଡିଛି। ମାମଲାରେ ଫରହାନ ସମେତ ପାଞ୍ଚ ଜଣଙ୍କୁ ଗିରଫ କରିଛି ପୋଲିସ।…
ବିଗିଡିଲା ଜାତୀୟ ରାଜଧାନୀ ଦିଲ୍ଲୀର ବାୟୁ, ଅତି ଗମ୍ଭୀର ସ୍ଥିତିରେ ମାନ
ନନ୍ଦିଘୋଷ ବ୍ୟୁରୋ : ବିଗିଡିଲା ଜାତୀୟ ରାଜଧାନୀ ଦିଲ୍ଲୀର ବାୟୁ। ଅତି ଖରାପ ସ୍ତରକୁ ଖସିଲା ବାୟୁର ମାନ। ଅଧିକାଂଶ ସ୍ଥାନରେ ଏକ୍ୟୁଆଇ ୪୦୦ ପାର। ସହରର ମୋଟ ୩୯ ମନିଟରିଂ ଷ୍ଟେସନରୁ ୧୯ଟିରେ ପ୍ରଦୂଷଣ ମାତ୍ରା ଅତି ଖରାପ ରେକର୍ଡ କରାଯାଇଛି। ନୋଏଡାର ବାୟୁ ଗୁଣବତ୍ତା ଗମ୍ଭୀର ବର୍ଗରେ ରେକର୍ଡ କରାଯାଇଛି। ଗ୍ରେଟର ନୋଏଡା 380, ଗାଜିଆବାଦ 351 ଏବଂ ଗୁରୁଗ୍ରାମ 318 ଅତ୍ୟନ୍ତ ଖରାପ ପରିସର ମଧ୍ୟରେ ରହିଛି। ଅନେକ ମନିଟରିଂ ଷ୍ଟେସନରେ ବାୟୁ ଗୁଣବତ୍ତା ସୂଚକାଙ୍କ AQI ସ୍ତର 400 ଉପରେ ରେକର୍ଡ କରାଯାଇଥିଲା।
କେନ୍ଦ୍ରୀୟ ପ୍ରଦୂଷଣ ନିୟନ୍ତ୍ରଣ ବୋର୍ଡ CPCB ତଥ୍ୟ ଅନୁଯାୟୀ ସକାଳ 6 ଟାର ଦିଲ୍ଲୀର ହାରାହାରି AQI 384 ଥିଲା, ଯାହାକି ଅତ୍ୟନ୍ତ ଖରାପ ବର୍ଗରେ ବୋଲି କହିଛି। ଦିଲ୍ଲୀ ସରକାର GRAP-III କଟକଣା ପ୍ରତ୍ୟାହାର କରିବାର ମାତ୍ର 48 ଘଣ୍ଟା ପରେ, ଦିଲ୍ଲୀ-NCRର ବିଭିନ୍ନ ସ୍ଥାନରେ ବାୟୁ ଗୁଣବତ୍ତା ହ୍ରାସ ପାଇଛି। ଆନନ୍ଦ ବିହାର ୪୧୧, ବାୱାନା ୪୧୪, ଚାନ୍ଦନୀ ଚୌକ ୪୦୭, ନରେଲା ୪୦୭, ଜେଏଲଏନ୍ ଷ୍ଟାଡିୟମ୍ ୪୦୧, ବୁରାରି ୪୦୨, ଅଶୋକ ବିହାର ୪୧୭ ଏବଂ ଆୟା ନଗର ୪୦୨ ରେକର୍ଡ ହୋଇଛି। ସେହିପରି ITO 396, ଅଲୀପୁର 355, IGI ବିମାନବନ୍ଦର 360 ଏବଂ ନଜଫଗଡ଼ 361 ରେକର୍ଡ କରାଯାଇଛି। ଗତ 14 ଦିନ ଧରି ସହରରେ ବାୟୁ ଗୁଣବତ୍ତା ଖରାପ ରହିଛି। ଜାତୀୟ ରାଜଧାନୀରେ ବାୟୁ ଗୁଣବତ୍ତା ଆଗାମୀ ଛଅ ଦିନ ମଧ୍ୟରେ ପରିସ୍ଥିତି ଗୁରୁତର ଏବଂ ଅତ୍ୟନ୍ତ ଖରାପ ମଧ୍ୟରେ ଗତିକରିପାରେ
ଯୁବକଙ୍କୁ ଇଟାରେ ଛେଚି ନିର୍ମମ ହତ୍ୟା
ନନ୍ଦିଘୋଷ ବ୍ୟୁରୋ : ଯୁବକଙ୍କୁ ଇଟାରେ ଛେଚି ନିର୍ମମ ହତ୍ୟା । ମୟୂରଭଞ୍ଜ ଜିଲ୍ଲା ଖୁଣ୍ଟା ଥାନା ବଡ଼ଖୁଣ୍ଟା ଗ୍ରାମରେ ଘଟିଛି ଏଭଳି ଘଟଣା । ରାସ୍ତା ପାର୍ଶ୍ଵରେ ପଡିଛି ମୃତଦେହ । ଖୁଣ୍ଟା ଥାନା ଖପରାପାଳ ଗାଁର ଗଣେଷ ହେମ୍ବ୍ରମ ଗତକାଲି ଖୁଣ୍ଟା ସାପ୍ତାହିକ ହାଟକୁ ଆସିଥିଲେ। ହେଲେ ହାଟରୁ ଆଉ ଘରକୁ ଫେରି ନଥିଲେ ।
ଆଜି ସକାଳୁ ସ୍ଥାନୀୟ ଲୋକେ ରାସ୍ତାରେ ଯିବା ସମୟରେ ବଡ଼ଖୁଣ୍ଟା ରାସ୍ତା ପାର୍ଶ୍ଵରେ ମୃତଦେହ ପଡ଼ିଥିବା ଦେଖିବାକୁ ପାଇଥିଲେ। ଏନେଇ ପୋଲିସକୁ ଖବର ଦେବା ପରେ ଖୁଣ୍ଟା ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। ଏବଂ ଯୁବକଙ୍କ ମୁହଁକୁ ଅତି ନିର୍ମମ ଭାବେ ଇଟାରେ ଛେଚି ହତ୍ୟା କରାଯାଇଥିବା ପୋଲିସ ଜାଣିବାକୁ ପାଇଛି । ତେବେ କିଏ ଓ କାହିଁକି ଏଭଳି କାଣ୍ଡ ଘଟାଇଛି ତାହା ସ୍ପଷ୍ଟ ହୋଇନାହିଁ । ମୃତଦେହ ପାଖରୁ ଗାଡି ଚାବି ଜବତ କରି ପୋଲିସ ତଦନ୍ତ କରୁଛି ।
ଭୁବନେଶ୍ଵରରେ ବୋମାମାଡ଼ ; ଥରିଲା ସ୍ଥାନୀୟ ଅଞ୍ଚଳ ଓ ସ୍କୁଲ ପରିସର
ନନ୍ଦିଘୋଷ ବ୍ୟୁରୋ : ଭୁବନେଶ୍ଵରରେ ବୋମାମାଡ଼। ଗାଡକଣ ସ୍ଥିତ କେନ୍ଦ୍ରୀୟ ବିଦ୍ୟାଳୟ-୩ ଗେଟ୍ ସମ୍ମୁଖରେ ଫୁଟିଲା ବୋମା । ବୋମା ବିସ୍ଫୋରଣରେ ଥରିଲା ସ୍ଥାନୀୟ ଅଞ୍ଚଳ ଓ ସ୍କୁଲ ପରିସର । ସକାଳ ୮ ଟା ବେଳେ ବୋମା ଫୁଟିଥିବା କୁହାଯାଉଛି । ଘଟଣାସ୍ଥଳରେ ମଞ୍ଚେଶ୍ୱର୍ ପୋଲିସ ପହଞ୍ଚି ଛାନବିନ ଆରମ୍ଭ କରିଛି । ଆଖପାଖର ସିସିଟିଭି ଚିତ୍ରକୁ ନେଇ ଖୋଳତାଡ କରୁଛି ।
ପୁରୁଣା ତ୍ରୁଟିରୁ ବୁଦ୍ଧି ଶିଖିଲା ଓସିଏ: ବାରବାଟୀରେ ଟି୨୦ ବେଳେ ଫ୍ଲଡ ଲାଇଟକୁ ନେଇ ବ୍ୟାପକ ବ୍ୟବସ୍ଥା
ପୁରୁଣା ତ୍ରୁଟିରୁ ବୁଦ୍ଧି ଶିଖିଲା ଓସିଏ: ବାରବାଟୀରେ ଟି୨୦ ବେଳେ ଫ୍ଲଡ ଲାଇଟକୁ ନେଇ ବ୍ୟାପକ ବ୍ୟବସ୍ଥା
ନନ୍ଦିଘୋଷ ବ୍ୟୁରୋ: ଫେବୃଆରୀ ୯ ତାରିଖରେ ବାରବାଟୀରେ ଭାରତ-ଇଂଲଣ୍ଡ ମ୍ୟାଚବେଳେ ଫ୍ଲଡ ଲାଇଟ ବାରମ୍ବାର ବନ୍ଦ ହେବା ଯୋଗୁଁ ସାରା ବିଶ୍ବରେ ନିନ୍ଦିତ ହୋଇଥିଲା ଓସିଏ । ଡିସେମ୍ବର ୯ରେ ପୁଣି ବାରବାଟୀକୁ ଫେରିଛି ଅନ୍ତର୍ଜାତୀୟ ମ୍ୟାଚ । ଭାରତ- ଦକ୍ଷିଣ ଅଫ୍ରିକା ମ୍ୟାଚରେ ସେମିତି ଅଘଟଣ ଯେପରି ନଘଟେ ଏଥିପାଇଁ ସଜାଗ ହୋଇଛି ଓସିଏ । ସେଥିପାଇଁ ୮ଟି ନୂଆ ଜେନେରେଟର ଅଣାଯାଇଛି । ବ୍ୟାକଅପ୍ ପାଇଁ ପ୍ରତି ସ୍ଥାନରେ ଗୋଟିଏ ଲେଖାଏଁ ଡିଜେ ରହିବ । ସାଇଣ୍ଟିଫିକ କଣ୍ଟ୍ରୋଲ ରୁମ ଜରିଆରେ ଫ୍ଲଡ ଲାଇଟର ପୂରା ପରିଚାଳନା କରିବାକୁ ଓସିଏ ନିଷ୍ପତ୍ତି ନେଇଛି । ସେପଟେ ମ୍ୟାଚକୁ ନେଇ କ୍ରିକେଟ ପ୍ରେମୀଙ୍କ ମଧ୍ୟରେ ବଢିବାରେ ଲାଗିଛି ଉତ୍କଣ୍ଠ ।
ପୁରୁଣା ତ୍ରୁଟିରୁ ବୁଦ୍ଧି ଶିଖିଲେ ଓସିଏ । ଫ୍ଲଡ ଲାଇଟ ଉପରେ ଦିଆଯିବ ଅଧିକ ଗୁରୁତ୍ବ । ସବୁ ଷ୍ଟାଣ୍ଡରେ ପ୍ରସ୍ତୁତ ରହିବ ବ୍ୟାକଅପ ଜେନେରେଟର । ସାଇଣ୍ଟିଫିକ୍ କଣ୍ଟ୍ରୋଲ ରୁମ ଜରିଆରେ ହେବ ପରିଚାଳନା । ଫେବୃଆରୀ ୯ ତାରିଖରେ ବାରବାଟୀରେ ଭାରତ-ଇଂଲଣ୍ଡ ଦିବାରାତ୍ର ମ୍ୟାଚ ବେଳେ ହଠାତ ଫ୍ଲଡ ଲାଇଟ ତ୍ରୁଟି ଯୋଗୁଁ ପୂରା ଷ୍ଟାଡିୟମ ଅନ୍ଧାର ହୋଇଯାଇଥିଲା । ଖେଳ ମଝିରେ ୨୨ ମିନିଟ ବନ୍ଦ ହେବାରୁ ଖେଳାଳି ସମେତ ଦର୍ଶକ ବିରକ୍ତି ପ୍ରକାଶ କରିଥିଲେ । ଏହାକୁ ନେଇ ସାରା ବିଶ୍ବରେ ନିନ୍ଦିତ ହୋଇଥିଲା ଓସିଏ । ଏଥର କିନ୍ତୁ ସେହି ପୁରୁଣା ତ୍ରୁଟି ସୁଧାରି ଫ୍ଲଡ ଲାଇଟ ଉପରେ ଅଧିକ ଗୁରୁତ୍ବ ଦେଇଛି ଓସିଏ । ଆଗାମୀ ମ୍ୟାଚରେ ନୂଆ ୮ଟି ହାଇପାୱାର ଜେନେରଟର ନିୟୋଜିତ ରହିବେ । ପ୍ରତି ଟାୱାର ନିକଟରେ ବ୍ୟାକଅପ ଦେବାକୁ ରହିବ ଆଉଏକ ଡିଜେ । ଷ୍ଟାଣ୍ଡ ବାଏରେ ମୋଟ ୧୦ଟି ଡିଜେ ରହିବ । ସାଇଣ୍ଟିଫିକ କଣ୍ଟ୍ରୋଲ ରୁମ ଜରିଆରେ ପୂରା ଫ୍ଲଡ ଲାଇଟର ପରିଚାଳନା କରାଯିବ ବୋଲି ଓସିଏ ମୁଖ୍ୟ ବୈଷୟିକ ପରାମର୍ଶଦାତା ବିଷ୍ଣୁପଦ ମହାପାତ୍ର କହିଛନ୍ତି ।
ଡିସେମ୍ବର ୯ରେ ବାରବାଟୀରେ ହେବ ଭାରତ-ଦକ୍ଷିଣ ଆଫ୍ରିକା ଟି-ଟ୍ବେଣ୍ଟି ମୁକାବିଲା । ୫ ତାରିଖରୁ ସାଧାରଣ ଦର୍ଶକଙ୍କ ପାଇଁ ଆରମ୍ଭ ହେବ ଟିକେଟ ବିକ୍ରି । ତେଣୁ ମ୍ୟାଚକୁ ଆଉ ଗୋଟିଏ ସପ୍ତାହ ଥିବାରୁ ଫ୍ଲଡ ଲାଇଟଗୁଡ଼ିକ ଯାଞ୍ଚ କରିଛି ଓସିଏ । ଫ୍ଲଡ ଲାଇଟରେ ଏକ ଡିଜିଟାଲ ସିଙ୍କ୍ରୋନାଇଜ ଲାଇଟ ଡିସପ୍ଲେର ବ୍ୟବସ୍ଥା କରିବାକୁ ଯାଉଛି ଓସିଏ । ଓସିଏର ଏପରି ଉଦ୍ୟମକୁ ପ୍ରଶଂସା କରିଛନ୍ତି ପୂର୍ବତନ କ୍ରିକେଟର ପବନ ଅଗ୍ରୱାଲ ।
୯ ମାସ ପରେ ପୁଣି ବାରବାଟୀରେ ହେବାକୁ ଯାଉଛି ଅନ୍ତର୍ଜାତୀୟ ମ୍ୟାଚ । ଯାହାକୁ ନେଇ କ୍ରୀଡ଼ାପ୍ରେମୀ ଉତ୍ସାହିତ ଥିବାବେଳେ ଯେପରି କୌଣସି ତ୍ରୁଟି ନହୁଏ ସେଥିପ୍ରତି ରହିଛି କଡ଼ା ନଜର ।
ଏସଆଇ ପରୀକ୍ଷା କେଳେଙ୍କାରୀ: ସିବିଆଇ ହାତରେ ବଡ଼ ସୁରାକ, ଖଣି, ବାଲିଘାଟ ନିଲାମ ନେଉଥିଲେ ଦଲାଲ
ଏସଆଇ ପରୀକ୍ଷା କେଳେଙ୍କାରୀ: ସିବିଆଇ ହାତରେ ବଡ଼ ସୁରାକ, ଖଣି, ବାଲିଘାଟ ନିଲାମ ନେଉଥିଲେ ଦଲାଲ
ନନ୍ଦିଘୋଷ ବ୍ୟୁରୋ: ପୋଲିସ ଏସଆଇ ପରୀକ୍ଷା ମହାକେଳେଙ୍କାରୀ ମାମଲା । ୪ ଦଲାଲଙ୍କୁ ୩ ଦିନିଆ ରିମାଣ୍ଡରେ ନେଇ ଘାଣ୍ଟୁଛି ସିବିଆଇ । ତଦନ୍ତକାରୀ ସଂସ୍ଥା ହାତରେ ଲାଗିଛି ସାଙ୍ଘାତିକ ସୁରାକ । ରାଜ୍ୟ ବାହାରେ ବସି ସିଣ୍ଡିକେଟକୁ ଅପରେଟ କରୁଥିଲା ଶଙ୍କର । ଦଲାଲ ନେଉଥିଲେ ବାଲିଘାଟ, ମୋରମ ଖଣି ନିଲାମ । ଓପିଆରବିର ଅପାରଗତା ସମ୍ପର୍କରେ ଅଭିଯୁକ୍ତ ଦେଲେ ଚାଞ୍ଚଲ୍ୟକର ତଥ୍ୟ । ସେପଟେ ଜବତ ଡିଜିଟାଲ ଡିଭାଇସକୁ ନେଇ ତନାଘନା ଚଲାଇଛି ସିବିଆଇର ଟେକ୍ନିକାଲ ଟିମ ।
ଟଙ୍କା ଖାଇ ଟିଙ୍କ ବନିଥଲେ । ପୋଲିସ ଚାକିରି ପାଇଁ ପ୍ରତିଶ୍ରୁତି ଦେଇଥିଲେ । ଏବେ ସିବିଆଇକୁ ଦେଖି ଲୁଚିଲେଣି । ପାୱାର କରିଡରରେ କୋକୁଆ ଭୟ । ସମୟ ମଧ୍ୟାହ୍ନ ୧୨ ଟା ୧୫ରେ ଝାରପଡା ସ୍ୱତନ୍ତ୍ର ଜେଲ ପରିସରକୁ ପଶିଥିଲା ସିବିଆଇ ଟିମ । ଆଉ ଦୀର୍ଘ ଏକ ଘଣ୍ଟାର କାଗଜପତ୍ର ଯାଞ୍ଚ, ସ୍ୱାସ୍ଥ୍ୟ ପରୀକ୍ଷା ପରେ ୧ ଟା ୩୦ରେ ଜେଲରୁ ୪ ଅଭିଯୁକ୍ତଙ୍କୁ ଧରି ବାହାରିଲା ଟିମ । ୩ ଦିନିଆ ରିମାଣ୍ଡରେ ଥିବା ୪ ଦଲାଲ ଲୋକନାଥ ସାହୁ, ତଫିମ ଅହମ୍ମଦ ଖାନ, ବିଶ୍ୱଜିତ ହରିଚନ୍ଦନ, ଏସଏସବି ଯବାନ ବିଶ୍ୱରଞ୍ଜନ ସେନାପତିଙ୍କୁ ନେବା ପରେ ଘଣ୍ଟା ଘଣ୍ଟା ଧରି ଝାଳବୁହା ଜେରା କରିଛି ସିବିଆଇ । ଆଶାୟୀଙ୍କ ଝାଳବୁହା ଧନରେ ଅୟସ ଆରାମ କରୁଥିଲା ମାଷ୍ଟରମାଇଣ୍ଡ ଶଙ୍କର ପୃଷ୍ଟି । ଫର୍ଚୁନର ଗାଡି ମେଣ୍ଟେନ କରିବା ସହ ଓଡିଶା ବାହାରେ କେମିତି ଘର କିଣିଥିଲା ସେ ନେଇ ଆରମ୍ଭ ହୋଇଛି ଖୋଳତାଡ଼ । ଆଶାୟୀଙ୍କ ବାପାଙ୍କ ମଧ୍ୟରେ ବରିଷ୍ଠ ଆଇପିଏସ ଥିବା ଜଣାପଡିବା ପରେ ଚାକିରି କଳାବଜାରୀର ଗହନ କଥା ସମ୍ପର୍କରେ ଅଧିକ ହୋଇପାରେ ଖୋଳତାଡ଼ । ସେପଟେ ଦିଲ୍ଲୀରୁ ଆସି ଭୁବନେଶ୍ୱର ସିବିଆଇ ଅଫିସରେ ପହଞ୍ଚିଛି ଟେକ୍ନିକାଲ ଟିମ । ଜବତ ଡିଜିଟାଲ ଡିଭାଇସକୁ କରାଯିବ ଯାଞ୍ଚ ।
ପୂର୍ବରୁ ୧୩ ଜଣ ଆଶାୟୀଙ୍କୁ ଜେରା ସରିଛି । ଆଜି ପୁଣି ୨ ପରୀକ୍ଷାର୍ଥୀ ହାଜର ହୋଇ ପକ୍ଷ ରଖିଛନ୍ତି । ମିଳିଥିବା ତଥ୍ୟ ମୁତାବକ ପୋଲିସ ଏସଆଇ ପରୀକ୍ଷା ପରିଚାଳନା ଲାଗି କୋଲକାତାର ଆଇଟିଆଇ ସଂସ୍ଥାକୁ ଟେଣ୍ଡର ମିଳିଥିଲା । ପରେ ଏହି ସଂସ୍ଥା ହାଇଦ୍ରାବାଦର ସିଲିକନ୍ ଟେକ୍ଲାବ୍ ପ୍ରାଇଭେଟ୍ ଲିମିଟେଡ୍ ସଂସ୍ଥାକୁ ଦାୟିତ୍ବ ନ୍ୟସ୍ତ କରିଥିଲା । ସିଲିକନ୍ ଏହାକୁ ସବ୍ଲେଟେର ବ୍ରହ୍ମପୁରର ପଞ୍ଚସଫ୍ଟକୁ ଦେଇଥିଲା । ସେଣ୍ଟର ତଦାରଖଠାରୁ ଆରମ୍ଭ କରି ପରୀକ୍ଷା ପରିଚାଳନା ପର୍ଯ୍ୟନ୍ତ ସମସ୍ତ ଦାୟିତ୍ବ ପଞ୍ଚସଫ୍ଟକୁ ମିଳିଥିଲା । ପଞ୍ଚସଫ୍ଟକୁ ଦାୟିତ୍ବ ମିଳିବା ପରେ ସଂସ୍ଥାର ନିର୍ଦ୍ଦେଶକ ଶଙ୍କର ପୃଷ୍ଟି କେଳେଙ୍କାରୀ ଯୋଜନା କରିଥିଲେ । ଏହି ଅପରାଧ ସିଣ୍ଡିକେଟର ଦକ୍ଷିଣ ଓଡ଼ିଶାକୁ ମୁନା ମହାନ୍ତି ଓ ଉତ୍ତର ଓଡ଼ିଶାକୁ ଅରବିନ୍ଦ ଦାସ ସମ୍ଭାଳୁଥିଲେ । ଏମାନଙ୍କ ଅଧୀନରେ ୧୦ ଜଣ ଲେଖାଏଁ ଏଜେଣ୍ଟ ଥିଲେ । ସେମାନେ ଆଶାୟୀ ପ୍ରାର୍ଥୀଙ୍କୁ ଯୋଗାଡ଼ କରୁଥିଲେ । ଆଶାୟୀଙ୍କଠାରୁ ମୁନା ଆଗୁଆ ମୂଳ ପ୍ରମାଣପତ୍ର ହାତେଇବା ସହ ଶଙ୍କର ପାଖକୁ ଆଣି କୋଟି କୋଟି ଟଙ୍କା ଲୁଟିଥିଲା
ଅଭିଯୁକ୍ତଙ୍କୁ ଜେରା କରିବା ପରେ କିଛି ବଡ଼ ବଡ଼ିଆଙ୍କ ଲିଙ୍କ, ହାୱଲା କାରବାର ସମ୍ପର୍କରେ ଚାଞ୍ଚଲ୍ୟକର ତଥ୍ୟ ପାଇଛି ସିବିଆଇ । ଆଉ ଏହି ତଥ୍ୟ ଆଧାରରେ ଖୁବଶୀଘ୍ର ନୋଟିସ ହେବା ନେଇ ସୂଚନା ମିଳିବା ପରେ ପାୱାର କରିଡରରେ ଛନକା ପଶିଛି ।