ଭୁବନେଶ୍ୱର: ବିଜେପି ଛାଡିଲେ ଆଉ ଜଣେ ରାଜ୍ୟ କାର୍ଯ୍ୟକାରିଣୀ ସଦସ୍ୟ। ବିଜେପିରେ ଅଞ୍ଜଳି ବେହେରା ମିଶିବାକୁ ବିରୋଧ କରି ଦଳ ଛାଡିଲେ ଅଶୋକ ନାୟକ । ଅଶୋକ 2019ରେ ହିନ୍ଦୋଳରୁ ବିଜେପିର ବିଧାୟକ ପ୍ରାର୍ଥୀ ଥିଲେ । କିଛିଦିନ ତଳେ ବିଜେପିରେ ମିଶିଥିବା ପୂର୍ବତନ ବିଜେଡ଼ି ନେତ୍ରୀ ଅଞ୍ଜଳି ବେହେରାଙ୍କ ଭାଇ ।
ଅଞ୍ଜଳି ବିଜେଡିରେ ଥିବା ସମୟରେ ଅଶୋକ ବିଜେପିରୁ ପ୍ରାର୍ଥୀ ହୋଇଥିଲେ । ଏବେ ଅଞ୍ଜଳି ବିଜେପିରେ ଯୋଗଦେବା ପରେ ଅଶୋକଙ୍କ ରାଜନୈତିକ ଭବିଷ୍ୟତ ନେଇ ପ୍ରଶ୍ନବାଚୀ ସୃଷ୍ଟି ହୋଇଥିଲା। ଏହି କାରଣରୁ ଅଶୋକ ବିଜେପି ଛାଡ଼ିଥିବା କହିଛନ୍ତି ।
ଇସଲାମାବାଦ: ସୁଯୋଗ ପାଇବା ମାତ୍ରେ ପାକିସ୍ତାନ ଗୃହମନ୍ତ୍ରୀ ଶେଖ ରଶିଦ ଭାରତ ବିରୋଧରେ ବିଷ ଉଗାରିବାକୁ ପଛାଇ ନଥାନ୍ତି । ସେ ପଛେ ଖେଳ ହୋଇଥାଉ । ଏଥିରେ ବି ଧର୍ମକୁ ପୂରାଇ ରାଜନୀତି କରିବା ଓ ହିନ୍ଦୁ, ମୁସଲମାନଙ୍କ ମଧ୍ୟରେ ବିବାଦ ସୃଷ୍ଟି କରିବାକୁ ଚେଷ୍ଟା କରିଛନ୍ତି । ଟି-୨୦ ବିଶ୍ବକପରେ ଭାରତ-ପାକିସ୍ତାନ ମ୍ୟାଚକୁ ଦୁଇ ଧର୍ମ ମଧ୍ୟରେ ଯୁଦ୍ଧ ଭଳି ବିବାଦୀୟ ବୟାନ ଦେଇଛନ୍ତି ରଶିଦ । ପାକିସ୍ତାନଠାରୁ ଭାରତ ହାରିବାକୁ ରଶିଦ ଇସଲାମର ବିଜୟ କହିଛନ୍ତି । ଏହାସହ ଭାରତୀୟ ମୁସଲମାନଙ୍କ ସମେତ ପୂରା ବିଶ୍ବରେ ରହୁଥିବା ମୁସଲିମଙ୍କୁ ଉତ୍ସବ ମନାଇବାକୁ ଆହ୍ବାନ ଦେଇଛନ୍ତି ।
ରଶିଦ କହିଛନ୍ତି, ‘ବ୍ୟସ୍ତତା କାରଣରୁ ମୁଁ ଭାରତ ଓ ପାକିସ୍ତାନ ମ୍ୟାଚ୍ ଦେଖି ପାରିନଥିବାରୁ ଦୁଃଖିତ । ହେଲେ ଏହି ବିଜୟ ଉତ୍ସବ ପାଳନରେ ଯେମିତି କୌଣସି ସମସ୍ୟା ନ ହେବ ସେଥିପାଇଁ ଇସଲାମାବାଦ ଓ ରାଓ୍ବଲପିଣ୍ଡରେ ଲାଗିଥିବା ସମସ୍ତ ଟ୍ରାଫିକ ପ୍ରତିବନ୍ଧକ ହଟାଇ ଦେବାକୁ ନିର୍ଦ୍ଦେଶ ଦେଇଛି ।’ ସୂଚନାଯୋଗ୍ୟ, ଉଗ୍ରବାଦୀ ଟିଏଲପିର ବାରମ୍ବାର ଆକ୍ରମଣ କାରଣରୁ ଦୁଇ ସହରରେ ରାସ୍ତା ଜାମ କରାଯାଇ ଏଠାକୁ ଆସୁଥିବା ଲୋକଙ୍କ ଚେକିଂ କରାଯାଉଛି । ବିଜୟ ଉତ୍ସବ ପାଇଁ ଏହାକୁ ହଟାଇ ଦେବାକୁ ରଶିଦ ନିର୍ଦ୍ଦେଶ ଦେଇଛନ୍ତି ।
"Pakistan's victory against India is victory of Islam (against Hindus of course). All Muslims of world including Indian Muslims are celebrating."
– Pakistan's interior minister Sheikh Rasheed pic.twitter.com/fwrf6TNlvo
— Pakistan Untold (@pakistan_untold) October 25, 2021
ଗତକାଲିର ମ୍ୟାଚକୁ ସେ ଫାଇନାଲ ବୋଲି କହିବା ସହ ପାକିସ୍ତାନୀ ଟିମ୍ ଓ ପାକିସ୍ତାନୀ ଜନସାଧାରଣଙ୍କୁ ବିଜୟର ଶୁଭକାମନା ଜଣାଇଛନ୍ତି ।
ପାକିସ୍ତାନ କ୍ରିକେଟ୍ ଟିମର ପୂର୍ବତନ ଅଧିନାୟକ ତଥା ବତ୍ତର୍ମାନ ଦେଶର ପ୍ରଧାନମନ୍ତ୍ରୀ ଥିବା ଇମରାନ ଖାନ୍ ପାକିସ୍ତାନୀ ଟିମକୁ ବିଜୟ ପାଇଁ ଶୁଭକାମନା ଦେଇଛନ୍ତି । ଇମରାନ ଟ୍ବିଟ କରି କହିଛନ୍ତି, ‘ପାକିସ୍ତାନ ଟିମ, ବିଶେଷ କରି ଅଧିନାୟକ ବାବର ଆଜମଙ୍କୁ ଶୁଭକାମନା ଜଣାଉଛି । ଏହାସହ ରିଜଓ୍ବାନ ଏବଂ ଶାହୀନ ଅଫ୍ରିଦଙ୍କୁ ଶୁଭେଚ୍ଛା, ଦେଶ ତୁମକୁ ନେଇ ଗର୍ବ କରୁଛି ।’
ସୂଚନାଯୋଗ୍ୟ, ପାକିସ୍ତାନ ସୁପର୍ ୧୨ ମ୍ୟାଚରେ ନିଜର ପ୍ରଥମ ମ୍ୟାଚରେ ଭାରତକୁ ହରାଇଛି । ଏହାସହ କୌଣସି ବିଶ୍ବକପ୍ ଇତିହାସରେ ପ୍ରଥମ ଥର ପାଇଁ ପାକିସ୍ତାନ ଭାରତକୁ ହରାଇବାକୁ ସକ୍ଷମ ହୋଇଛି ।
ଭୁବନେଶ୍ୱର: ମିଳିତ ଜାତିସଂଘର ‘ଉଚ୍ଚ ଦ ଚେଞ୍ଜ କ୍ୟାମ୍ପେନ’ରେ ସ୍ଥାନ ପାଇଛନ୍ତି ୨ ଓଡ଼ିଆ । ଭାରତରେ ଜଳବାୟୁ ପରିବର୍ତ୍ତନ କ୍ଷେତ୍ରରେ ଉଲ୍ଲଖନୀୟ କାମ କରୁଥିବା ଦେଶର ୧୭ଜଣ ଯୁବ ପରିବେଶବିତଙ୍କ ମଧ୍ୟରେ ସ୍ଥାନ ପାଇଛନ୍ତି ସୌମ୍ୟରଞ୍ଜନ ବିଶ୍ବାଳ ଓ ଅର୍ଚ୍ଚନା ସୋରେଙ୍ଗ । ଏନେଇ ଉଭୟଙ୍କୁ ପ୍ରଶଂସା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।
Congratulate climate activists from #Odisha, Soumya Ranjan Biswal and Archana Soreng on being selected as young climate change leaders for @UNinIndia's #WeTheChange campaign. Wish both of you all the best for your noble endeavours.
— Naveen Patnaik (@Naveen_Odisha) October 23, 2021
ପୁରୀ ଜିଲ୍ଲା ଗୁଣ୍ଡଳବା ଗ୍ରାମର ସୌମ୍ୟରଞ୍ଜନ ପିଲାଟି ବେଳୁ ସାମୁଦ୍ରିକ କଇଁଛ ଅଲିଭ ରିଡିଲେଙ୍କ ସୁରକ୍ଷା ପାଇଁ କାମ କରୁଥିଲେ । ସ୍ୱେଚ୍ଛାସେବୀଙ୍କ ସହାୟତାରେ ବେଳଭୂମି ସଫେଇଠାରୁ ଆରମ୍ଭ କରି ମତ୍ସ୍ୟଜୀବୀମାନଙ୍କୁ ସଚେତନ ମଧ୍ୟ କରାଇଛନ୍ତି । ଏଥିସହ ଲୁଣା ଜଙ୍ଗଲ ଓ ଉପକୂଳ ଓଡିଶାର ବିଭିନ୍ନ ସ୍ଥାନରେ ଜୈବ ବିବିଧତା ସୁରକ୍ଷା ପାଇଁ କାମ କରିଛନ୍ତି । ସୌମ୍ୟଙ୍କ ଏ ମହତ କାର୍ଯ୍ୟକୁ ସ୍ଥାନୀୟ ଲୋକ ମଧ୍ୟ ପ୍ରଶଂସା କରିଛନ୍ତି ।
ମୁମ୍ବାଇ: ମୁମ୍ବାଇ ଡ୍ରଗ୍ସ ଲିଙ୍କ ମାମଲା । ଅଡୁଆରେ ଏନସିବି ଅଧିକାରୀ ସମୀର ୱାଙ୍ଖଡେ । ୱାଙ୍ଖଡେଙ୍କ ବିରୋଧରେ ହେବ ଭିଜିଲାନ୍ସ ତଦନ୍ତ । ୱାଙ୍ଖଡେଙ୍କ ବିରୋଧରେ ତଦନ୍ତ କରିବେ ଚିଫ ଭିଜିଲାନ୍ସ ଅଫିସର । ଏହା ନେଇ ଉଚ୍ଚସ୍ତରୀୟ ବୈଠକରେ ନିଷ୍ପତ୍ତି ହୋଇଛି । ଏନସିବି ଉପମହାନିର୍ଦ୍ଦେଶକ ତଥା ଚିଫ ଭିଜିଲାନ୍ସ ଅଫିସର ଜ୍ଞାନେଶ୍ୱର ସିଂହ କହିଛନ୍ତି ୱାଙ୍ଖଡେଙ୍କ ବିରୋଧର ହେବାକୁ ଥିବା ତଦନ୍ତର ନେତୃତ୍ୱ ସେ ନେବେ ।
ତେବେ ଜୋନାଲ ନିର୍ଦ୍ଦେଶକ ପଦରେ ୱାୃଙ୍ଖଡେ ରହିବେ କି ନାହିଁ ସେନେଇ କିଛି ପ୍ରତିକ୍ରିୟା ରଖି ନାହାନ୍ତି ଜ୍ଞାନେଶ୍ୱର । ଏହାସହ ଲାଞ୍ଚ କାରବାର ନେଇ ସମସ୍ତ ତଥ୍ୟ ମଧ୍ୟ ଉପମହାନିର୍ଦ୍ଦେଶକଙ୍କ ନିକଟରେ ଦାଖଲ ହୋଇଛି । ତେଣେ ଅଭିଯୋଗକୁ ସମୀର ୱାଙ୍ଖଡେ ଖଣ୍ଡନ କରିଛନ୍ତି । ସେପଟେ ଏନସିବି ଅଧିକାରୀ ସମୀର ୱାଙ୍ଖଡେଙ୍କ ବିରୋଧରେ ଅର୍ଥ କାରବାର ଅଭିଯୋଗ ଆଣିଥିବା ସାକ୍ଷୀ ପ୍ରଭାକର ସାଇଲ ବୟାନ ବଦଳାଇଥିବା କୁହାଯାଇଛି ।
ମୁମ୍ବାଇର ଏକ ସ୍ୱତନ୍ତ୍ର କୋର୍ଟରେ ଏନସିବି ପକ୍ଷରୁ କୁହାଯାଇଛି, ସମୀରଙ୍କ ବିରୋଧରେ ପ୍ରଭାକର ଯେଉଁ ଅଭିଯୋଗ ଆଣିଥିଲେ, ତାକୁ ସେ ବଦଳାଇଛନ୍ତି । ଗତକାଲି ପ୍ରଭାକର ଯେଉଁ ସାନି ସତ୍ୟପାଠ ଦାଖଲ କରିଥିଲେ, ସେଥିରେ ସେ ନିଜ ବୟାନ ବଦଳାଇଥିଲେ । ଏହି ଅଭିଯୋଗ ବିରୋଧରେ ସମୀର ୱାଙ୍ଖଡେ ନିଜେ ଏକ ସତ୍ୟପାଠ ଦାଖଲ କରିଥିଲେ ।
ଭୁବନେଶ୍ୱର: କନସଲଟେନ୍ସି ନାରେ ଚାଲିଥିଲା ଦେହ ବ୍ୟବସାୟ । ଅଭିଯୋଗ ପାଇବା ପରେ ରେଡ଼ କଲା କମିଶନରେଟ ପୋଲିସ । ବିଭିନ୍ନ କ୍ଷେତ୍ରରେ ପରାମର୍ଶ ପାଇବା ନାଁ ରେ ଖୋଲାଯାଇଥିବା ଏହି ଅନୁଷ୍ଠାନରେ ଦେହବେପାର ଚାଲୁଥିବା ଅଭିଯୋଗ ପାଇଥିଲା ପୋଲିସ ।
କମିଶନରେଟ ପୋଲିସର ଏକ ଟିମ ଏଠାରେ ଚଢାଉ କରିଥିଲା । ଜଣେ ଦେହ ଦଲାଲୀକୁ ଗିରଫ କରିବା ସହ ୪ ଜଣ ଯୁବତୀଙ୍କୁ ଉଦ୍ଧାର କରିଛି ପୋଲିସ । ସେପଟେ ମିଳିଥିବା ସୂଚନା ମୁତାବକ ଗିରଫ ହୋଇଥିବା ଦଲାଲୀର ନାଁ ହେଉଛି ଲକ୍ଷ୍ମୀନାରାୟଣ ପଟ୍ଟନାୟକ ।
ଭୁବନେଶ୍ବର: ବିଶ୍ବକପ ଇତିହାସରେ ପାକିସ୍ତାନ ପ୍ରଥମ ଥର ଭାରତକୁ ହରାଇ ଐତିହାସିକ ବିଜୟ ହାସଲ କରିଛି । ଯାହାକୁ ନେଇ ଭାରତରେ ନିରାଶା ଖେଳି ଯାଇଥିବା ବେଳେ ପାକିସ୍ତାନରେ ଉତ୍ସବ ଚାଲିଛି । ମ୍ୟାଚ ସମୟରେ ଘଟିଥିବା କିଛି ଘଟଣାକୁ ନେଇ ଆଉ ଏକ କଥା ଆଲୋଚନା ହେଉଛି । କୁହାଯାଉଛି, ମ୍ୟାଚରେ କେବଳ ବିରାଟ କୋହଲି ନୁହେଁ ମେଣ୍ଟର ମହେନ୍ଦ୍ର ସିଂ ଧୋନୀଙ୍କ ମୁଣ୍ଡ ବି କାମ କରୁଥିଲା । ଉଭୟଙ୍କ ମଧ୍ୟରେ ମ୍ୟାଚ୍ ସମୟରେ ସବୁବେଳେ ମେସେଞ୍ଜରଙ୍କ ଜରିଆରେ କ’ଣ କରାଯିବ, କ’ଣ କରାଯିବନି ଆଲୋଚନା ହେଉଥିଲା । ଆଉ ଏହି ମେସେଞ୍ଜର ଥିଲେ ଇଶାନ କିଶନ । ଉଭୟଙ୍କ ମଧ୍ୟରେ କି ସୂଚନା ଦିଆନିଆ ହେଉଥିଲା ତାହା ଜଣା ନଥିଲେ ବି ବିରାଟ, ଧୋନୀଙ୍କ ସୂଚନାକୁ ଗ୍ରହଣ କରିବା ବଦଳରେ ନିଜ ଇଚ୍ଛାରେ ନିଷ୍ପତ୍ତି ନେବା ପରି ମନେ ହେଉଥିଲା ।
କେତେବେଳେ ଓଭର ସରିଲେ ତ ଆଉ କେତେବେଳେ ମ୍ୟାଚର ଗୁରୁତ୍ବପୂର୍ଣ୍ଣ ସମୟରେ ଇଶାନ କିଶାନ ପଡ଼ିଆରେ ହାଜର ହୋଇ ଯାଉଥିଲେ ଓ କୋହଲିଙ୍କ ସୂଚନା ନେଇ ଧୋନୀଙ୍କ ପାଖରେ ପହଞ୍ଚାଉ ଥିଲେ । ସେହିପରି ମ୍ୟାଚର କେଉଁ ସମୟରେ କେଉଁ ନିଷ୍ପତ୍ତି ନେବେ ତାହା ମଧ୍ୟ ଧୋନୀ ଇଶାନଙ୍କ ଜରିଆରେ କୋହଲିଙ୍କ ପାଖରେ ପହଞ୍ଚାଉଥିଲେ ।
ହେଲେ କୋହଲି, ଧୋନୀଙ୍କ ପରାମର୍ଶ ଗ୍ରହଣ କରୁଥିବା ପରି ମନେ ହେଉ ନଥିଲା । ଗୋଟିଏ ସମୟରେ ଭାରତ ଦୃଢ଼ ସ୍ଥିତିରେ ଥିଲା । କୋହଲି ଓ ରିଷଭ୍ ପନ୍ତ ଭଲ ବ୍ୟାଟି କରୁଥିଲେ । ଏହି ସମୟରେ ଇଶାନ ଧୋନୀଙ୍କ କିଛି ସୂଚନା ନେଇ ପଡ଼ିଆକୁ ଆସିଥିଲେ । ଏହାର ଜବାରେ କୋହଲି ନିଜ ନିଷ୍ପତ୍ତି ଶୁଣାଇଥିଲେ । କୋହିଲଙ୍କ ହିସାବରେ ରାଇଟ୍ ହ୍ୟାଣ୍ଡ ବ୍ୟାଟ୍ସମ୍ୟାନ ଆଉଟ୍ ହେଲେ ହାର୍ଦ୍ଦିକ ପାଣ୍ଡ୍ୟା ଏବଂ ରିଷଭ୍ ପନ୍ତ ଆଉଟ ହେଲେ ଲେଫ୍ଟ ହ୍ୟାଣ୍ଡ ବ୍ୟାଟ୍ସମ୍ୟାନ ରବୀନ୍ଦ୍ର ଜାଡ଼େଜା ପଡ଼ିଆକୁ ଆସିବେ । ପରେ ତାହା ହିଁ ଦେଖିବାକୁ ମିଳିଥିଲା । ପନ୍ତ ଆଉଟ ହେବା ପରେ ଜାଡେଜା ପଡ଼ିଆକୁ ଆସିଥିଲେ ।
ବ୍ୟାଟିଂ ସମୟରେ ଇଶାନ ଆସି କୋହଲିଙ୍କୁ କିଛି ସୂଚନା ଦେଇଥିଲେ । ଏହାପରେ କୋହଲି ଚୌକା ମାରିଥିଲେ । ହୁଏତ ଧୋନୀଙ୍କ ତରଫରୁ ମେସେଜ ଯାଇଥିବ ୧୫ ଓଭର ହୋଇଗଲାଣି, ଏବେ ଦ୍ରୁତ୍ ରନ୍ ସଂଗ୍ରହ କର । କାରଣ ହିଟମ୍ୟାନ୍ ହାର୍ଦ୍ଦିକ ସେପର୍ଯ୍ୟନ୍ତ ପଡ଼ିଆକୁ ଓହ୍ଲାଇ ନଥିଲେ । ହେଲେ କୋହଲି ଓ ଜାଡେଜା ଦ୍ରୁତ ରନ୍ ସଂଗ୍ରହ କରିବାରେ ବିଫଳ ହୋଇଥିଲେ ଓ ଛକା ମାରିବାକୁ ଚେଷ୍ଟା କରି ୧୮ତମ ଓଭରରେ ଜାଡେଜା ଆଉଟ ହୋଇଯାଇଥିଲେ ।
ସେପଟେ ଆହତ ହାର୍ଦ୍ଦିକଙ୍କ ସ୍ଥାନରେ ଧୋନୀ ଇଶାନଙ୍କୁ ଫିଲ୍ଡିଂ ପାଇଁ ପଡ଼ିଆକୁ ଛାଡିଥିଲେ । ସେତେବେଳେ କୋହଲି ପ୍ରଥମ ୪ ଓଭର ୪ ଜଣ ବୋଲର ଭୁବନେଶ୍ବର କୁମାର, ମହମ୍ମଦ ଶାମି, ଜସପ୍ରିତ ବୁମ୍ରା ଏବଂ ବରୁଣ ଚର୍କବର୍ତ୍ତୀଙ୍କ ଦ୍ବାରା କରାଇଥିଲେ । ହେଲେ କାହାରିଙ୍କ ବୋଲିଂ କାମ ଦେଇ ନଥିଲା ଓ ପାକିସ୍ତାନ ୧୫୨ ରନର ବିଜୟ ଲକ୍ଷ୍ୟକୁ ବିନା କୌଣସି ଓ୍ବିକେଟ ହରାଇ ହାସଲ କରିବା ସହ ଭାରତ ବିରୋଧରେ କୌଣସି ବିଶ୍ବକପରେ ପ୍ରଥମ ଥର ଜିତିବାର ରେକର୍ଡ ନିଜ ନାଁରେ କରିନେଲା ।
ତେବେ କୋହଲି ଓ ଧୋନୀଙ୍କ ମଧ୍ୟରେ କ’ଣ ସୂଚନା ଦିଆାନିଆ ହେଉଥିଲା ? କୋହଲି ଧୋନୀଙ୍କ ପରାମର୍ଶ ମାନୁଥିଲେ କି ? ନା ନିଜ ହିସାବରେ ଖେଳକୁ ପରିଚାଳନା କରୁଥିଲେ, ଏହା କେବଳ ଇଶାନ କିଶାନଙ୍କୁ ହିଁ ଜଣାଥିବ ।
ଭୁବନେଶ୍ୱର: ରାଜଧାନୀରୁ ୨୫ଲକ୍ଷର ବ୍ରାଉନସୁଗାର ଜବତ । ସୁନ୍ଦରପଦା ହାଇଟେକ ଛକରୁ ଧଳା ଜହର ଜବତ କରିଛି ଏୟାରଫିଲ୍ଡ ଥାନା ପୋଲିସ । ବ୍ରାଉନସୁଗାର କାରବାରରେ ୟୁପିର ଡ୍ରଗ୍ସ ମାଫିଆ ଆନନ୍ଦ କୁମାରକୁ ଗିରଫ କରିଛି ପୋଲିସ । ଆନନ୍ଦଠାରୁ ୨୫୦ଗ୍ରାମ ବ୍ରାଉନସୁଗାର ସହ ନଗଦ ୭୬୦୦ଟଙ୍କା ଓ ୨ଟି ମୋବାଇଲ ଜବତ କରିଛି ପୋଲିସ ।
ମିଳିଥିବା ସୂଚନା ମୁତାବକ ବ୍ରାଉନସୁଗାର ମାଫିଆ ଭୁବନେଶ୍ବର କାର୍ଗିଲ ବସ୍ତିରେ ରହୁଥିଲା । କିଛିଦିନ ଧରି ଧଳାଜହର କାରବାର ବୃଦ୍ଧି ପାଇଥିବା ବେଳେ କମିଶନରେଟ ପୋଲିସ ଅପରେସନ ହ୍ୱାଇଟ ସ୍ପାଇଡର ଜାରି ରଖିଛି । ଚଳିତବର୍ଷ ଭୁବନେଶ୍ବରରୁ ୬କେଜି ବ୍ରାଉନସୁଗାର ଜବତ ହୋଇଥିବା ବେଳେ ମୋଟ ୬୮ଜଣଙ୍କୁ ଗିରଫ କରାଯାଇଛି ।
କଳାହାଣ୍ଡି : ଭିଜିଲାନ୍ସ ଜାଲରେ କଳାହାଣ୍ଡି ଜିଲ୍ଲା ଥୁଆମୂଳ- ରାମପୁର ସିଡିପିଓ । ଲକ୍ଷେ ଟଙ୍କା ଲାଞ୍ଚ ନେବା ବେଳେ ଧରାପଡିଛନ୍ତି ସିଡିପିଓ ପୁଷ୍ପାଞ୍ଜଳି ରଥ । ବିର୍ସିଂ ମାଝିଙ୍କୁ ଅଙ୍ଗନବାଡ଼ି କର୍ମୀ କରାଇଦେବା ପାଇଁ ସେ ଲାଞ୍ଚ ନେଉଥିଲେ । ଡିଏସପି ସୁଶାନ୍ତ ବିଶ୍ୱାଳଙ୍କ ନେତୃତ୍ୱରେ ଭବାନୀପାଟଣା ସ୍ଥିତ ପୁଷ୍ପାଞ୍ଜଳିଙ୍କ ଭଡ଼ା ଘରେ ଚଢ଼ାଉ କରିଥିଲା ଭିଜିଲାନ୍ସ । ଲାଞ୍ଚ ନେବା ସମୟରେ ଭିଜିଲାନ୍ସ ହାତରେ ଧରା ପଡିଛନ୍ତି କଳାହାଣ୍ଡି ଜିଲ୍ଲା ଥୁଆମୂଳ- ରାମପୁର ସିଡିପିଓ ପୁଷ୍ପାଞ୍ଜଳି ରଥ ।
ଆଗରୁ ମଧ୍ୟ ସିଡିପିଓଙ୍କ ନାମରେ ଅଭିଯୋଗ ହସ୍ତଗତ ହୋଇଛି । ଭିଜିଲାନ୍ସ ଟିମର ନଜରରେ ରହିଥିଲେ । ଲକ୍ଷେ ଟଙ୍କା ଲାଞ୍ଚ ନେଲା ବେଳେ ସିଡିପିଓ ପୁଷ୍ପାଞ୍ଜଳି ରଥଙ୍କୁ ଧରିଥିଲା ଭିଜିଲାନ୍ସ ଟିମ । ଏହା ପରେ ମଧ୍ୟ ତାଙ୍କ ବାସଘରେ ଚଢାଉ କରିଛି ଭିଜିଲାନ୍ସର ଏକ କମିଟି ।
କଳାହାଣ୍ଡି: ଆଜିଠାରୁ ପୁଣି ମହାଲିଙ୍ଗ କଲେଜରେ ପାଠପଢ଼ା ଆରମ୍ଭ ହୋଇଛି । କିନ୍ତୁ ଅଯଥାରେ କଲେଜକୁ ବଦନାମ କରାଯାଉଥିବାରୁ କଲେଜ କର୍ତ୍ତୃପକ୍ଷ, ଅଭିଭାବକ ଓ ଛାତ୍ରଛାତ୍ରୀ ରୈଜନାତିକ ବିରୋଧୀଙ୍କ ଉପରେ ବର୍ଷିଛନ୍ତି । ସନସାଇନ୍ ପବ୍ଲିକ୍ ସ୍କୁଲ ଅଲଗା ଓ କଲେଜ ଅଲଗା । ସନସାଇନ୍ ସ୍କୁଲର ମାଲିକ ଗୋବିନ୍ଦ ସାହୁ । କିନ୍ତୁ ଆଞ୍ଚଳିକ କଲେଜର ପରିଚାଳନା କମିଟି ଅଛି । ଗୋବିନ୍ଦ ସାହୁ କେବଳ ଏହି କମିଟିର ଜଣେ ସଦସ୍ୟ ମାତ୍ର । ହେଲେ ବିରୋଧୀ ରାଜନୈତିକ ଦଳ ଜାଣିଶୁଣି କଲେଜ ବନ୍ଦ କରିବାକୁ ଚାହୁଁଥିବା ଅଭିଯୋଗ ହୋଇଛି ।
କଲେଜରେ ବିଜ୍ଞାନ ଓ କଳା ବିଭାଗରେ ପଢୁଥିବା 2 ହଜାର ଛାତ୍ରଛାତ୍ରୀ ପାଠ ପଢୁଛନ୍ତି । ସେମାନଙ୍କ ଭବିଷ୍ୟତକୁ ଖରାପ କରିବାକୁ ଚେଷ୍ଟା କରାଯାଉଛି । ସେପଟେ କଲେଜ ଚାଲୁ ବୋଲି ଛାତ୍ରଛାତ୍ରୀ ଓ ଅଭିଭାବକ ସମସ୍ତେ ଚାହୁଁଛନ୍ତି । ଅଭିଭାବକମାନେ ନିଜ ଝିଅମାନଙ୍କୁ ଏଠାରେ ସୁରକ୍ଷିତ ଭାବେ ପାଠ ପଢୁଥିବା ଦେଖିଛନ୍ତି । କିଛି ଲୋକଙ୍କ ନାଁ ନେଇ କଲେଜକୁ ବଦନାମ କରିବାକୁ ଚେଷ୍ଟା କରାଯାଉଥିବାରୁ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି । ଅଭିଭାବକ ଏପରି ରାଜନୈତିକ ପରିଭାଷାକୁ ତୀବ୍ର ନିନ୍ଦା କରିଛନ୍ତି ।
ହାଇଦ୍ରାବାଦ: ତେଲେଙ୍ଗାନା ସୀମାରେ ଏନକାଉଣ୍ଟର । ଏନକାଉଣ୍ଟରରେ ୩ ନକ୍ସଲ ପ୍ରାଣ ହରାଇଥିବା ସୂଚନା । ବିଜାପୁର ଅନ୍ତର୍ଗତ ସୀମାରେ ଗ୍ରେହାଉଣ୍ଡ ଓ ମାଓବାଦୀଙ୍କ ମଧ୍ୟରେ ହୋଇଥିଲା ଗୁଳିବିନିୟ । ନକ୍ସଲଙ୍କ ନିକଟରୁ SLR ଓ AK-47 ରାଇଫଲ ଜବତ ହୋଇଛି । ସେଠାରେ ମାଓବାଦୀ ଥିବା ସୂଚନା ପାଇ ଯବାନ କରିଥିଲେ ସର୍ଚ୍ଚ ଅପରେସନ ।
ମିଳିଥିବା ସୂଚନା ମୁତବାକ ମୃତ 2 ମାଓବାଦୀ ହେଲେ ବଦୁର ଓରଫ କାଲୁ ଏବଂ କାମା । ବଦୁର ଦକ୍ଷିଣ ବସ୍ତର ଡିଭିଜନର ପାର୍ଟି କମାଣ୍ଡାଣ୍ଟ ଥିଲା । କାମା ଗଡ଼ଚୋରଲୀ ଡିଭିଜନର କମ୍ପାନୀ କମାଣ୍ଡାଣ୍ଟ ରହିଥିଲା ବୋଲି ସୂଚନା ମିଳିଛି ।
