spot_img
Home Blog Page 5064

ଡେବ୍ୟୁରେ ମ୍ୟାନ ଅଫ ଦି ମ୍ୟାଚ ଆଓ୍ବାର୍ଡ ଜିତିଲେ ହର୍ଷଲ ପଟେଲ

ରାଞ୍ଚି: ଆଇପିଏଲରେ ଦମଦାର ପ୍ରଦର୍ଶନ ପରେ ଭାରତ ପକ୍ଷରୁ ରାଞ୍ଚିରେ ଦମଦାର ଡେବ୍ୟୁ କରିଛନ୍ତି ହର୍ଷଲ ପଟେଲ । ନିଜର ପ୍ରଥମ ଅନ୍ତର୍ଜାତୀୟ ମ୍ୟାଚରେ ହିଁ ମ୍ୟାନ ଅଫ ଦି ମ୍ୟାଚ ପୁରସ୍କାର ଜିତିଥିଲେ ହର୍ଷଲ । ଯାହାଚ ହର୍ଷଲଙ୍କ ପାଇଁ ଏକ ଡ୍ରିମ୍ ଡେବ୍ୟୁ ରହିଥିଲା । ନ୍ୟୁଜିଲାଣ୍ଡଙ୍କ ବିପକ୍ଷରେ ରାଞ୍ଚିରେ ଖେଳାଯାଇଥିବା ଦ୍ବିତୀୟ ଟି-୨୦ରେ ୪ ଓଭର ବୋଲିଂ କରି ୨୫ ରନ ଦେଇ ଦୁଇ ଓ୍ବିକେଟ ଅକ୍ତିଆର କରିଥିଲେ ।

ପ୍ରଥମ ବ୍ୟାଟିଂ କରି ଦମଦାର ଆରମ୍ଭ ପରେ ନ୍ୟୁଜିଲାଣ୍ଡ ବଡ଼ ସ୍କୋର ପାଇଁ ଦମଦାର ବ୍ୟାଟିଂ କରୁଥିଲା । ତେବେ ଏହି ସମୟରେ ୧୨ତମ ଓଭର ବୋଲିଂ କରିବାକୁ ଆସିଥିଲେ ହର୍ଷଲ ପଟେଲ । ୧୨ତମ ଓଭରରେ ନ୍ୟୁଜିଲାଣ୍ଡ ଡାରେଲି ମିଚେଲଙ୍କ ଓ୍ବିକେଟ ଅକ୍ତିଆର କରି ନ୍ୟୁଜିଲାଣ୍ଡ ଟିମକୁ ବ୍ୟାକଫୁଟକୁ ନେଇଯାଇଥିଲେ । ମିଚେଲଙ୍କ ଓ୍ବିକେଟ ପରେ ବ୍ଲାକକ୍ୟାପ୍ ଦ୍ରୁତ ଗତିରେ ରନ୍ ସ୍କୋର କରିପାରିନଥିଲେ । ଯାହା ଫଳରେ ଭାରତ ନ୍ୟୁଜିଲାଣ୍ଡକୁ ମାତ୍ର ୧୫୪ ରନରେ ରୋକି ପାରିଥିଲେ । ୧୫୪ ରନର ଲକ୍ଷ୍ୟ ପରେ ଭାରତ ପକ୍ଷରୁ ରୋହିତ ଶର୍ମା ଓ କେଏଲ ରାହୁଲ ଦମଦାର ବ୍ୟାଟିଂ କରି ୧୬ଟି ବଲ ବାକି ଥାଇ ଏହି ମ୍ୟାଚକୁ ନିଜ ନାମରେ କରିଥିଲା ଟିମ୍ ଇଣ୍ଡିଆ । ଏହି ବିଜୟ ସହ ଭାରତ ଏହି ସିରିଜରେ ୨—୦ରେ ନିଜ ନାମରେ ମଧ୍ୟ କରିଛି ରୋହିତ ବ୍ରିଗେଡ । ତେବେ ଏହି ମ୍ୟାଚରେ ମ୍ୟାନ ଅଫ ଦି ମ୍ୟାଚ ଆଓ୍ବାର୍ଡ ଜିତିବା ପରେ ସେ କହିଥିଲେ କି ମୋର ଡେବ୍ୟୁ ଦମଦାର ହୋଇଥିଲା । ଆଗକୁ ଥିବା ମ୍ୟାଚରେ ମଧ୍ୟ ଏପରି ଫର୍ମ ଜାରି ରଖିବା ପାଇଁ ଚେଷ୍ଟା କରିବି ବୋଲି କହିଥିଲେ ହର୍ଷଲ ପଟେଲ ।

ବିଳମ୍ବିତ ରାତ୍ରିରେ ଥରିଲା ଜାଲୋର

ଜାଲୋର: ମଧ୍ୟରାତ୍ରିରେ ଥରିଲା ଜାଲେର । ରାଜସ୍ଥାନର ଜାଲେରରେ ଗତକାଲି ରାତି ପ୍ରାୟ ୨.୨୬ ସମୟରେ ଭୂକମ୍ପର ଝଟକା ଅନୁଭବ ହୋଇଛି । ଏହି ଭୂକମ୍ପର ତୀବ୍ରତା ରିକ୍ଟର ସ୍କେଲରେ ୪.୬ ବୋଲି କୁହାଯାଇଛି । ତେବେ ଏହି ଭୂକମ୍ପରେ କ’ଣ କ୍ଷୟକ୍ଷତି ହୋଇଛି ତା’ର ସୂଚନା ଏପର୍ଯ୍ୟନ୍ତ ମିଳିପାରିନାହିଁ ।

 

ନ୍ୟାସନାଲ ସେଣ୍ଟର ଫର୍ ସିସମୋଲୋଜୀ ଅନୁସାରେ ଗତକାଲି ବିଳମ୍ବିତ ରାତିରେ ଜାଲେରରେ ୪.୬ ତୀବ୍ରତାର ଭୂକମ୍ପ ଅନୁଭବ ହୋଇଥିଲା । ତେବେ ଏହି ଭୂକମ୍ପର କେନ୍ଦ୍ର ସ୍ଥଳି କେଉଁଠାରେ ତାହା ଜଣା ପଡ଼ିନି । ଅନ୍ୟପକ୍ଷରେ ଏହି ଭୂକମ୍ପ ଦ୍ବାରା କ୍ଷୟକ୍ଷତି ହୋଇଛି ତାହାର ସୂଚନା ଏପର୍ଯ୍ୟନ୍ତ ମିଳିପାରିନାହିଁ ।

ଚାପରେ ପଡ଼ି ଆଇନ୍ ପ୍ରତ୍ୟାହାର କଲେ କେନ୍ଦ୍ର ସରକାର: ବିରୋଧୀ

ଭୁବନେଶ୍ୱର: ଚାଷୀଙ୍କ ଜିଦ୍ ଆଗରେ ହାର ମାନିଛି କେନ୍ଦ୍ର ସରକାରଙ୍କ ଅହଙ୍କାର। ତିନି କୃଷି ଆଇନ୍ ପ୍ରତ୍ୟାହାର କରିବାକୁ ନିଷ୍ପତ୍ତି ନେଇଛନ୍ତି ପ୍ରଧାନମନ୍ତ୍ରୀ। ଶୀତ ଅଧିବେଶନରେ ଏ ନେଇ ଆରମ୍ଭ ହେବ ପ୍ରକ୍ରିୟା। ତେବେ କୃଷି ଆଇନ୍ ପ୍ରତ୍ୟାହାର ନିଷ୍ପତ୍ତି ପରେ ବିରୋଧୀ ଶିବିର ଏବେ କେନ୍ଦ୍ର ସରକାରଙ୍କୁ ଘେରିବାକୁ କୌଣସି ସୁଯୋଗ ହାତଛଡା କରୁନାହାନ୍ତି। ମୁଖ୍ୟ ବିରୋଧୀ କଂଗ୍ରେସ କେନ୍ଦ୍ର ସରକାରଙ୍କୁ ସମାଲୋଚନା କରିବା ସହ ଆଜି କିଷାନ ବିଜୟ ଦିବସ ପାଳନ କରିବାକୁ ନିଷ୍ପତ୍ତି ନେଇଛି। ଏ ନେଇ ସମସ୍ତ ରାଜ୍ୟର ପିସିସିକୁ ଏଆଇସିସି ପକ୍ଷରୁ ସୂଚନା ଦିଆଯାଇଛି।

ରାଜ୍ୟ ମୁଖ୍ୟାଳୟରେ କିଷାନ ବିଜୟ ଦିବସ ପାଳନ କରିବାକୁ ଘୋଷଣା କରିଛି କଂଗ୍ରେସ। ଏହି ଅବସରରେ ଦଳୀୟ ନେତା ରାଲି ଓ ସଭାର ଆୟୋଜନ କରିବେ। ଚାଷୀଙ୍କ ଆନ୍ଦୋଳନ ପାଇଁ କେନ୍ଦ୍ର ସରକାର ତିନି କୃଷି ଆଇନ୍ ପ୍ରତ୍ୟାହାର କରିବା ପାଇଁ ବାଧ୍ୟ ହୋଇଛନ୍ତି। ଏଣୁ କିଷାନ ବିଜୟ ଦିବସ ପାଳନ କରି ଆନ୍ଦୋଳନରତ ଚାଷୀଙ୍କୁ ସମସ୍ତ ଶ୍ରେୟ ଦେବା ପାଇଁ ଯୋଜନା କରିଛି କଂଗ୍ରେସ। ସେପଟେ ଆନ୍ଦୋଳନରତ ଚାଷୀଙ୍କ ଆଜି ରହିଛି ଗୁରୁତ୍ୱପୂର୍ଣ୍ଣ ବୈଠକ। ଏହି ବୈଠକରେ ଆଗାମୀ ରଣନୀତି ନେଇ ଆଲୋଚନା ହେବ।

କମଲା ହାରିସଙ୍କୁ ରାଷ୍ଟ୍ରପତି କ୍ଷମତା ହସ୍ତାନ୍ତର କଲେ ଜୋ ବାଇଡେନ

ଓ୍ବାସିଂଟନ: ଆମେରିକା ରାଜନୀତିରେ ନାଟକୀୟ ମୋଡ଼  । ଉପରାଷ୍ଟ୍ରପତି କମଲା ହାରିଶଙ୍କୁ କ୍ଷମତା ହସ୍ତାନ୍ତର କରିବେ ଜୋ ବାଇଡେନ୍‌  । ସ୍ବାସ୍ଥ୍ୟଗତ ସମସ୍ୟା ଯୋଗୁଁ ସେ ଏପରି କରିବେ ବୋଲି ହ୍ବାଇଟ ହାଇସ ପକ୍ଷରୁ କୁହାଯାଇଛି  । କମଲା ହାରିସଙ୍କୁ ରାଷ୍ଟ୍ରପତି ପଦ ହସ୍ତାନ୍ତର କଲେ ଆମେରିକା ରାଷ୍ଟ୍ରପତି ଜୋ ବାଇଡେନ । ଶୁକ୍ରବାର ବାଇଡେନ ତାଙ୍କ ସ୍ବାସ୍ଥ୍ୟ ପରୀକ୍ଷା ପାଇଁ ଓ୍ବାସିଂଟନ ଉପକଣ୍ଠରେ ଥିବା ଏକ ହସ୍ପିଟାଲକୁ ଯାଇଥିଲେ । ପ୍ରେସ ସେକ୍ରେଟରୀ ଜେନ ପସାକି କହିଛନ୍ତି ଯେ କୋଲୋନୋସ୍କୋପି ସମୟରେ ବିଡେନ ଆନାସ୍ଥେଆରେ ରହିବେ । ଯାହା ଫଳରେ ବାଇଡେନ ସାମୟିକ ଭାବରେ କମଲା ହାରିସଙ୍କୁ କ୍ଷମତା ହସ୍ତାନ୍ତର କରିବେ । ପସାକି କହିଛନ୍ତି ଯେ ହାରସ୍ ଏବଂ ହ୍ବାଇଟ ହାଉସର ମୁଖ୍ୟ ଷ୍ଟାଫ୍ ରୋନ୍ କ୍ଲାଏନଙ୍କ ସହ କଥା ହେବା ପରେ ୧୧.୩୫ରେ ବିଡେନ ପୁନର୍ବାର କାର୍ଯ୍ୟ ଆରମ୍ଭ କରିବେ । ପ୍ରତିବର୍ଷ ବାଇଡେନଙ୍କର ରୁଟିନ୍‌ ଚେକ୍‌ଅପ୍‌ କରାଯାଉଛି । ବାଇଡେନ୍‌ ଅନ୍ୟ କୌଣସି ସ୍ବାସ୍ଥ୍ୟଗତ ସମସ୍ୟା ନାହିଁ  । ସେ କୋଭିଡର ବୁଷ୍ଟର ଡୋଜ ମଧ୍ୟ ନେଇସାରିଛନ୍ତି  । ତେବେ ଖୁବ୍‌ଶୀଘ୍ର ସୁସ୍ଥ ହୋଇ ପୁଣି ଥରେ ରାଷ୍ଟ୍ରପତି ଦାୟିତ୍ବ ତୁଲାଇବେ ବୋଲି ହ୍ବାଇଟ ହାଉସ ପକ୍ଷରୁ କୁହାଯାଇଛି  ।

ହାରିସ୍ ପ୍ରଥମ ମହିଳା ଏବଂ ଦକ୍ଷିଣ ଏସୀୟ ବଂଶର ଉପରାଷ୍ଟ୍ରପତି ଭାବରେ କାର୍ଯ୍ୟ କରୁଥିବା କମଲା ହାରିସ ସ୍ବଳ୍ପ ସମୟ ପାଇଁ ରାଷ୍ଟ୍ରପତି ଭାବରେ ଦାୟିତ୍ବ ନେଇ ଇତିହାସ ସୃଷ୍ଟି କରିବେ । ୨୦୦୨ ଏବଂ ୨୦୦୭ରେ ଯେତେବେଳେ ରାଷ୍ଟ୍ରପତି ଜର୍ଜ ଡବ୍ଲୁ ବୁଶଙ୍କର ସମାନ ପ୍ରକ୍ରିୟା ହୋଇଥିଲା । ସେହି ସମୟରେ ଉପ ରାଷ୍ଟ୍ରପତି ଥିବା ଜୋ ବିଡେନଙ୍କୁ ସ୍ବଳ୍ପ ସମୟ ପାଇଁ ରାଷ୍ଟ୍ରପତିଙ୍କ ଦାୟିତ୍ବ ଗ୍ରହଣ କରିଥିଲେ ଜୋ ବାଇଡେନ୍ ।

ଦେବେନ୍ଦ୍ରଙ୍କ କାରୁକାର୍ଯ୍ୟରେ ନନ୍ଦିଘୋଷ ଟିଭିର ପ୍ରତିଛବି

ଭୁବନେଶ୍ବର: ତାଙ୍କ ହାତ କହେ, ଓଡିଶାର ଇତିହାସ। ନିହାଣ ଚାଲିଲେ, ଆଙ୍କି ହୋଇଯାଏ ଉଦ୍ଭାସିତ ଅତୀତ । ପଥର ବି ହୋଇଉଠେ ଜୀବନ୍ତ । ପାଷାଣ ହୋଇ ପଡିଥିବା ପସ୍ତର ବି ଉତ୍କଳର ଅତୀତକୁ କରେ ଉଜ୍ଜିବୀତ । ସୀମାହୀନ ଲକ୍ଷ୍ୟକୁ ନେଇ ବଞ୍ଚୁଥିବା ଏହି ଯୁବ ଭାସ୍କର୍ଯ୍ୟ ଶିଳ୍ପୀ ହେଉଛନ୍ତି ବାଲିପାଟଣାର ଦେବେନ୍ଦ୍ର ବାରିକ । ନିଜ ହାତରେ ସ୍ଥାନିତ କରିଛନ୍ତି ସାଧବପୁଅଙ୍କ ଗାଥା । ନିହାଣ-ମୁଗୁର ମୁନରେ ତିଆରି କରିଛନ୍ତି କଳା ଭାସ୍କର୍ଯ୍ୟର ଏନ୍ତୁଡ଼ିଶାଳ ଓଡ଼ିଶାର ଇତିହାସ । ଆଉ ଏଥିରେ ସ୍ଥାନିତ କରିଛନ୍ତି ନନ୍ଦିଘୋଷ ଟିଭିର ପ୍ରତିଛବି ।

କାର୍ତ୍ତିକ ପୂର୍ଣ୍ଣିମା ଏବଂ ବୋଇତ ବନ୍ଦାଣ ଭଳି ପବିତ୍ର ଦିନରେ ନନ୍ଦିଘୋଷ ଟିଭି ମୁଖ୍ୟ ସମ୍ପାଦକ ଶିଶିର ଭଟ୍ଟମିଶ୍ରଙ୍କୁ ଭେଟି ଦେଇଛନ୍ତି ନିଜ ହାତରେ ତିଆରି କାରୁକାର୍ଯ୍ୟ । ଯେଉଁ କାରୁକାର୍ଯ୍ୟ ମଧ୍ୟରେ ସ୍ଥାନିତ ରହିଛି ଓଡ଼ିଶାର ମୁଖଶାଳା କୁହାଯାଉଥିବା କୋଣାର୍କ ମନ୍ଦିର, ବୋଇତ ବନ୍ଦାଣର ଦୃଶ୍ୟ । ଏହା ସହିତ ଅନେକ ସୂକ୍ଷ୍ମ କାରୁକାର୍ଯ୍ୟ ବଖାଣୁଛି ଓଡ଼ିଶାର ଐତିହ୍ୟ  । ନନ୍ଦିଘୋଷ ଟିଭି ଭଳି ଏକ ଲୋକାଦୃତ ଗଣମାଧ୍ୟମର ଲୋଗୋକୁ ସ୍ଥାନିତ କରି ସେ ଖୁବ ଆନନ୍ଦିତ ଥିବା କହିଛନ୍ତି ।

ରାଜ୍ୟ କୃଷି ଭବନ ହେଉ କିମ୍ବା ବିଜୁ ପଟ୍ଟନାୟ ବିମାନ ବନ୍ଦରର ଟର୍ମିନାଲ ହେଉ । ଏ ସମସ୍ତ ସ୍ଥାନରେ ରହିଛି ଦେବେନ୍ଦ୍ରଙ୍କ ପରିକଳ୍ପନାର ଭାସ୍କର୍ଯ୍ୟ । ପିଲାଟି ଦିନରୁ ଭସ୍କର୍ଯ୍ୟ କଳା ପ୍ରତି ଆକଷ୍ଟିତ ଦେବେନ୍ଦ୍ର ଆଜି ଉତ୍କଳର ସାଧବ ପୁଅଙ୍କ ବୋଇତ ବନ୍ଦାଣର ଏକ ପ୍ରସ୍ତରେ କାରୁକାର୍ୟ୍ୟ ପ୍ରସ୍ତୁତ କରିବା ସହ ପ୍ରମୁଖ ତାଙ୍କ ପ୍ରିୟର ଗଣମାଧ୍ୟମ ନନ୍ଦିଘୋ ଟିଭିର ଲୋଗୋକୁ ସ୍ଥାନିତ କରିଛନ୍ତି ।

ମୁଖ୍ୟମନ୍ତ୍ରୀଙ୍କ କାର୍ତ୍ତିକ ପୂର୍ଣ୍ଣମୀ ଭେଟି

0

ଯାଜପୁର: ବ୍ୟାସନଗର ସହରବାସୀଙ୍କୁ ମୁଖ୍ୟମନ୍ତ୍ରୀଙ୍କ କାର୍ତ୍ତିକ ପୂର୍ଣ୍ଣମୀ ଭେଟି ।  ମୁଖ୍ୟମନ୍ତ୍ରୀ ‘ମୁକ୍ତା’ ଯୋଜନାରେ ବ୍ୟାସନଗର ପୌରାଞ୍ଚଳକୁ ୬ କୋଟି ୬୨ ଲକ୍ଷ ଟଙ୍କା ଭେଟି ଦେଇଛନ୍ତି । ଏଥିରେ ପୌରାଞ୍ଚଳରେ ୫୬ଟି ପ୍ରକଳ୍ପ ନିର୍ମାଣ କରାଯିବ । ଏନେଇ ବ୍ୟାସନଗର ଠାରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି କୋରାଇ ବିଧାୟକ ଅଶୋକ ବଳ ।  ସହରର ବିକାଶ ପାଇଁ ଏବେ ମୁକ୍ତା ଯୋଜନାରେ ୬ କୋଟି ୬୨ ଲକ୍ଷ ଟଙ୍କା ଯୋଗାଇ ଦେଇଛନ୍ତି ରାଜ୍ୟ ସରକାର । ସହରରେ କ୍ଷୁଦ୍ର ଉଦ୍ୟାନ, ପବ୍ଲିକ ଜିମ୍, ଶିଶୁ କ୍ରିଡ଼ା ଉଦ୍ୟାନ, ପାଦଚଲା ରାସ୍ତା, ଖେଳପଡିଆ ବିକାଶ, ନୂତନ ଭେଡିଂ ଜୋନ୍, ନୂତନ ରାସ୍ତା ଓ ଡ୍ରେନ୍ ନିର୍ମାଣ ପାଇଁ ଏହି ଅର୍ଥ ବିନିଯୋଗ କରାଯିବ ।  ଏଥିପାଇଁ  ମୁକ୍ୟମନ୍ତ୍ରୀ ନବୀନ ପଟ୍ଟ ନାୟକଙ୍କୁ କୃତଜ୍ଞତା ଜଣାଇଛନ୍ତି ସହରବାସୀ ।

ସ୍ମାର୍ଟ ହେଲଥ କାର୍ଡରେ ସୁସ୍ଥ ହୋଇ ଘରକୁ ଫେରିଲେ ଉପେନ୍ଦ୍ର

0

ରାଉରକେଲା: ରାଉରକେଲାର ଉପେନ୍ଦ୍ର ସିଂଙ୍କୁ ନୂଆ ଜୀବନ ଦେଲା ବିଏସକେଓ୍ବାଇ ସ୍ମାର୍ଟ ହେଲଥ କାର୍ଡ । ୫୪ ବର୍ଷୀୟ ଉପେନ୍ଦ୍ର ଭୁବନେଶ୍ବରର ଏକ ଘରୋଇ ହସ୍ପିଟାଲରେ ମାଗଣାରେ କ୍ୟାନସର ଅପରେସନ ପରେ ସୁସ୍ଥ ହୋଇଛନ୍ତି । ସେକ୍ଟର ୧୬ ମାର୍କେଟରେ ଗୋଟିଏ ଛୋଟ ଫଟୋ ଷ୍ଟୁଡିଓ କରି ଦିନକୁ ଶହେରୁ ଦେଢ ଶହ ଟଙ୍କା ରୋଜଗାର କରୁଥିବା ଉପେନ୍ଦ୍ରଙ୍କ ପକ୍ଷେ ନିଜ ଅର୍ଥରେ କ୍ୟାନସର ଅପରେସନ କରି ସୁସ୍ଥ ହେଵା ସମ୍ଭଵ ନଥିଲା । ସ୍ମାର୍ଟ ହେଲଥ କାର୍ଡ ଜରିଆରେ ମାଗଣାରେ କ୍ୟାନସର ରୋଗର ଚିକିତ୍ସା କରି ସୁସ୍ଥ ହୋଇ ରାଉରକେଲା ଫେରିବା ପରେ ଖୁସିରେ କାନ୍ଦି ପକାଇଵା ସହ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଧନ୍ୟବାଦ ଜଣାଇଛନ୍ତି ।

ରୁଦ୍ରପ୍ରସନ୍ନଙ୍କୁ ଲାଡଲୀ ମିଡ଼ିଆ ଆଓ୍ବାର୍ଡ

ଭୁବନେଶ୍ବର: ସାମାଜିକ ଲିଙ୍ଗଗତ ସମ୍ବେଦନଶୀଳତା ପାଇଁ ଜାତୀୟ ସ୍ତରରେ ଦିଆଯାଇଛି ଲାଡଲୀ ମିଡ଼ିଆ ଆଣ୍ଡ ଆଡଭାଟାଇଜିଂ ଆଓ୍ବାର୍ଡ ୨୦୨୧ । ଓଡ଼ିଶାରୁ ବିରିଷ୍ଠ ସାମ୍ବାଦିକ ଏବଂ ସ୍ତମ୍ଭକାର ରୁଦ୍ରପ୍ରସନ୍ନ ରଥ ଏହି ପୁରସ୍କାର ପାଇଛନ୍ତି । ସଂଯୁକ୍ତରାଷ୍ଟ୍ର ଜନସଂଖ୍ୟା କୋଷ ଏବଂ ଭାରତରେ ଥିବା ନରଓ୍ବେ ଦୂତାବାସ ମିଳିତ ସହଯୋଗରେ ଅନଲାଇନରେ ପୁରସ୍କାର ପ୍ରଦାନ କାର୍ଯ୍ୟକ୍ରମ ହୋଇଯାଇଛି ।

୨୦୨୦ ଡିସେମ୍ବର ୨୦ରେ ପ୍ରମେୟରେ ପ୍ରକାଶିତ ରୁଦ୍ରପ୍ରସନ୍ନଙ୍କ ସ୍ତମ୍ଭ ‘ବାହାଘର ଭାଙ୍ଗିଗଲା ପରେ’ ପାଇଁ ତାଙ୍କୁ ଏହି ପୁରସ୍କାର ଦିଆାଯାଇଛି । ଗତବର୍ଷ ଜାତୀୟ ସ୍ତରରେ ଏହି ପୁରସ୍କାର ପାଇବାକୁ ରୁଦ୍ର ଯୋଗ୍ୟ ବିବେଚିତ ହୋଇଥିଲେ । ବାହାଘର ଭାଙ୍ଗିଗଲା ପରେରେ ରୁଦ୍ର ନାରୀମାନଙ୍କ ଉପରେ ପଡୁଥିବା ମାନସିକ ଚାପ, ଏହାର କୁପରିମାଣ ଏବଂ ଏହାର ନିରାକରଣ କିପରି କରାଯିବ ତା’ଉପରେ ଆଲୋକପାତ କରିଥିଲେ । ଏହା ବ୍ୟତୀତ ସମ୍ବାଦର ସାମ୍ବାଦିକ ଶୁଭକାନ୍ତ ପଡିହାରୀଙ୍କୁ ତାଙ୍କ ବାଇଲାଇନ୍ ଷ୍ଟାରୀ ଅସହାୟ ପରୀମାନଙ୍କ ପାଇଁ ଏହି ପୁରସ୍କାର ମିଳିଥିବା ବେଳେ ସମାଜର କୋରାପୁଟ ପ୍ରତିନିଧି ବିଜୟ ଦ୍ବିବେଦୀଙ୍କୁ ‘ବହୁଦେଶୀୟ କମ୍ପାନୀ ଚାକିରି ଛାଡ଼ି ସଫଳ ପଶୁପାଳକ ହେଲେ ମହିଳା’ ପାଇଁ ଏହି ପୁରସ୍କାର ମିଳିଛି ।

 

ଚାରିଛକରେ ବିଜେଡିର ମହା ମିଶ୍ରଣ ପର୍ବ

କୋଣାର୍କ: ବିଜୁ ଜନତା ଦଳ ନିମାପଡା ଗୋପ ନିର୍ବାଚନ ମଣ୍ଡଳି ୨୧ନଂ ଜେନ ଚାରିଛକଠାରେ ମହା ମିଶ୍ରଣ ପର୍ବ । ତୁଳସୀପୁର, ଭୋଦର, ବlହାରlଣl, ତମ୍ପlଳ, ଛଣିଜଙ୍ଗ, ଓ କଳାପlଞ୍ଚଣ ପଞ୍ଚାୟତର ୩ ଶହରୁ ଅଧିକ ପରିବାରର ୨ ହଜାରରୁ ଊର୍ଦ୍ଧ୍ବ ଲୋକ ବିଜେପି ଓ କଂଗ୍ରେସ ଦଳ ଛାଡି ବିଜେଡିରେ ବିଧିବଦ୍ଧ ଭାବେ ଯୋଗଦେଇଛନ୍ତି ।

ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସ୍ବଚ୍ଛ ଶାସନ ଓ ଜନହିତକର କାର୍ଯ୍ୟରେ ପ୍ରଭାବିତ ହୋଇ ସେମାନେ ବିଜେଡିରେ ସାମିଲ ହୋଇଥିବା କହିଛନ୍ତି । ସ୍ଥାନୀୟ ବିଧାୟକ ତଥା ରାଜ୍ୟ ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶଙ୍କ ଉପସ୍ଥିରେ ଏମାନେ ବିଜେଡିରେ ମିଶିଥିଲେ ।

କାନ୍ଦି ପକାଇଲେ ଚନ୍ଦ୍ରବାବୁ ନାଉଡୁ

ଡାଇଦ୍ରାବାଦ: କାନ୍ଦିଲେ ଆନ୍ଧ୍ର ପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ଚନ୍ଦ୍ରବାବୁ ନାଇଡୁ । ପ୍ରେସମିଟରେ ନିଜର କୋହ ସମ୍ଭାଳି ନପାରି କାନ୍ଦି ପକାଇଲେ ।

ଆଜି ଆନ୍ଧ୍ର ପ୍ରଦେଶର ବିଧାନସଭା ଅଧିବେଶନ ଚାଲିଥିବାବେଳେ ନାରୀ ସଶକ୍ତିକରଣ ପ୍ରସଙ୍ଗରେ ମୁହାଁମୁହଁ ହୋଇଥିଲେ ଶାସକ ଓ୍ବାଇଏସଆର କଂଗ୍ରେସ ଓ ବିରୋଧୀ ଟିଡିପି । ଏହି ସମୟରେ ଚନ୍ଦ୍ରବାବୁ ନାଇଡୁଙ୍କ ପତ୍ନୀଙ୍କ ପ୍ରତି ଅପମାନଜନକ ମନ୍ତବ୍ୟ ଦେଇଥିଲେ ଓ୍ବାଇଏସଆର କଂଗ୍ରେସ ବିଧାୟକ । ଯାହାକୁ ବିରୋଧ କରିଥିଲେ ଚନ୍ଦ୍ରବାବୁ ନାଇଡୁ । ଏଥିସହ ସଙ୍ଗେ ସଙ୍ଗେ କକ୍ଷ ତ୍ୟାଗ କରିଥିଲେ । ଏହା ପରେ ନିଜ ବିଧାୟକମାନଙ୍କୁ ସମ୍ବୋଦ୍ଧିତ କରିବା ଅବସରରେ ସେ କାନ୍ଦି ପକାଇଥିଲେ ।

କହିଥିଲେ ମୋ ୪୦ ବର୍ଷର ରାଜୈନିତକ କ୍ୟାରିୟରରେ ମୁଁ ଏତେ କଷ୍ଟ ପାଇନି । ଅଢେଇ ବର୍ଷ ଧରି ମୋ ମାନ ସମ୍ନାନ ଓ ସ୍ବାଭିମାନ ଉପରେ ପ୍ରହାର କରାଯାଉଛି । ହେଲେ ମୁଁ ଚୁପ ରହୁଛି, ତେବେ କୌଣସି କାରଣ ନ ଥାଇ ମୋ ପତ୍ନୀଙ୍କ ବିଷୟରେ ବିଧାୟକ ଯେଉଁ ଟିପ୍ପଣୀ ଦେଲେ ତାହା ଦୁର୍ଭାଗ୍ୟଜନକ । ଏଭଳିକି ଏହି ସମୟରେ ବିଧାୟକଙ୍କୁ ଅଟକାଇନଥିଲେ ବାଚସ୍ପତି । ଏହା ବହୁ ଯନ୍ତ୍ରଣା ଦେଇଥିଲା, ଏଣୁ ମୁଁ ମୁଖ୍ୟମନ୍ତ୍ରୀ ନ ହେବା ପର୍ଯ୍ୟନ୍ତ ବିଧାନସଭା ମାଟି ମାଡିବି ନାହିଁ ବୋଲି କହିଛନ୍ତି ଚନ୍ଦ୍ରବାବୁ । ଜଣେ ପୂର୍ବତନ ମୁଖ୍ୟମନ୍ତ୍ରୀ କାନ୍ଦିବା ପରେ ଏହି ଭିଡିଓ ଏବେ ଭାଇରାଲ୍ ହେବାରେ ଲାଗିଛି ।