spot_img
Home Blog Page 5066

ଇଲାସଙ୍କ ସଂଘର୍ଷ କାହାଣୀ: ପଥର ପିଟିଲେ ୬ ପ୍ରାଣୀ କୁଟୁମ୍ବଙ୍କ ପେଟକୁ ଯାଏ ଦାନା

ଭଞ୍ଜନଗର: ପଥର ପିଟିଲେ ଘର ଜଳୁଛି, ଭୋକ ମେଣ୍ଟୁଛି । ଏଇଥିରୁ ରୋଜଗାର ପଇସାରେ ସ୍ବାମୀଙ୍କ ଚିକତ୍ସା ବି ହେଉଛି । ଏ ହେଉଛି ଗଞ୍ଜାମ ଜିଲ୍ଲା ଘାଟିପଲ୍ଲୀ ଗାଁର ଇଲାସ ନାୟକଙ୍କ ସଂଘର୍ଷର କାହାଣୀ ।  ଲିଭର ନଷ୍ଟ କାରଣରୁ ସ୍ବାମୀ ଘରେ ବସି ରହିଥିବା ବେଳେ ୬ ପ୍ରାଣୀ କୁଟୁମ୍ବଙ୍କ ଦାୟିତ୍ବ ମୁଣ୍ଡାଇଛନ୍ତି ଇଲାସ ।

ଭଙ୍ଗା ଦଦରା ଘର । ଛପର ଦେଇ ଦିଶୁଛନ୍ତି ଚନ୍ଦ୍ର, ସୂର୍ଯ୍ୟ । ଚାରିପାଖରେ ଝାଟିମାଟିର ବାଡ଼ । ଏହାରି ଭିତରେ ପଥର ପିଟିଲେ ଘରେ ଚୁଲି ଜଳେ । ରୋଗୀଣା ସ୍ବାମୀ ସହିତ ୬ ପ୍ରାଣୀଙ୍କର ପେଟକୁ ଦାନା ଯାଏ । ମାସେ ନୁହେଁ କି ବର୍ଷେ ନୁହେଁ, ୫ ବର୍ଷ ହେବ ଏମିତି ସଂଘର୍ଷ କରୁଛନ୍ତି ଇଲାସ । ପଥର ବାଡେଇ ସ୍ବାମୀଙ୍କ ଚିକିତ୍ସା ଖର୍ଚ୍ଚ ସାଙ୍ଗକୁ ପିଲାଙ୍କ ବୋଝ ଉଠାଉଛନ୍ତି । ଯେଉଁଦିନ କାମ କରୁନାହାନ୍ତି ସେଦିନ ଚୁଲି ଜଳୁନି । ସାହି ପଡୋଶୀ ଯାହା ଦେଲେ ସେତିକିରେ କଟୁଛି ଦିନ । ଏମିତି ସ୍ଥିତିରେ ପଡୋଶୀ ବି କେତେ ସାହାଯ୍ୟ କରିବେ ।

୫ ବର୍ଷ ପୂର୍ବେ ବୃନ୍ଦାବନଙ୍କୁ ପ୍ରଥମେ ଜ୍ବର ହୋଇଥିଲା । ପରେ ତାଙ୍କର ଲିଭର ନଷ୍ଟ ହୋଇଯାଇଥିବା ଜଣାପଡିଥିଲା । ବ୍ରହ୍ମପୁର ବଡ଼ ମେଡିକାଲରେ ଚିକିତ୍ସା ପରେ ମଧ୍ୟ କିଛି ସଫଳତା ମିଳିନଥିଲା । ରହିବାକୁ ଭଲ ଘରେ ଖଣ୍ଡେ ନଥିବାବେଳେ ଅନିଶ୍ଚିତ ଭବିଷ୍ୟତର ଦିନ ଗଣୁଛନ୍ତି ଚାରି ଚାରୋଟି ପିଲା । ଏ ସମ୍ପର୍କରେ ଜଗନ୍ନାଥ ପ୍ରସାଦ ବିଡିଓଙ୍କୁ ଯୋଗାଯୋଗ କରାଯିବାରେ ବୃନ୍ଦାବନଙ୍କ ଚିକିତ୍ସା ସାଙ୍ଗକୁ ଅନ୍ୟାନ୍ୟ ସୁବଧା ସୁଯୋଗ ଯୋଗାଇ ଦିଆାଯିବ ବୋଲି ପ୍ରତିଶ୍ରୁତି ଦେଇଛନ୍ତି ।

ବଦଳୁଛି ଗାଁ ସ୍କୁଲର ଚିତ୍ର: ମୁଖ୍ୟମନ୍ତ୍ରୀ ଦେଉଛନ୍ତି ନୂଆରୂପ

ଭଦ୍ରକ/କଣ୍ଟାବାଞ୍ଜି: ବଦଳୁଛି ସ୍କୁଲର ରୂପ । ଗାଁରେ ମିଳୁଛି ବେସରକାରୀ ସ୍କୁଲ ଭଳି ସୁବିଧା । ୫-ଟି ସ୍କୁଲ ଟ୍ରାନ୍ସଫରମେସନରେ ସାରା ରାଜ୍ୟରେ ଶିକ୍ଷା ବ୍ୟବସ୍ଥାରେ ଆସୁଛି ବୈପ୍ଳବିକ ପରିବର୍ତ୍ତନ । ଭଦ୍ରକ ଜିଲ୍ଲାରେ ୧୭ଟି ରୂପାନ୍ତରିତ ସ୍କୁଲର ଲୋକାର୍ପଣ ହୋଇଛି ।

ନୂଆ ରୂପରେ ସଜେଇ ହୋଇଛି ସ୍କୁଲ୍ । ଦୂର ହୋଇଛି ସହର ଓ ଗାଁ ବିଦ୍ୟାଳୟ ମଧ୍ୟରେ ପ୍ରଭେଦ । ୫-ଟି ସ୍କୁଲ ଟ୍ରାନ୍ସଫରମେସନ୍ କାର୍ଯ୍ୟକ୍ରମରରେ ଭଦ୍ରକ ଜିଲ୍ଲାରେ  ୧୭ ରୂପାନ୍ତରିତ ସ୍କୁଲର ଲୋକାର୍ପଣ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।  ପ୍ରାଥମିକ ପର୍ଯ୍ୟାୟରେ କେବଳ ଭଦ୍ରକ ନିର୍ବାଚନ ମଣ୍ଡଳୀର ୪ଟି ରୂପାନ୍ତରିତ ସ୍କୁଲର ଲୋକାର୍ପିତ ହୋଇଛି । ଶ୍ରେଣୀଗୃହର ରୂପ ବଦଳିବା ସହିତ ପିଲାମାନଙ୍କ ବୌଦ୍ଧିକ ଓ ଶାରୀରିକ ଉନ୍ନତି ପାଇଁ ଅନେକ ପଦକ୍ଷେପ ନିଆଯାଇଛି । ରାଜ୍ୟ ସରକାରଙ୍କର ଏଭଳି ଐତିହାସିକ ପଦକ୍ଷେପ ପାଇଁ ମୁଖ୍ୟମନ୍ତ୍ରୀଙ୍କ ସମେତ ୫ଟି ସଚିବ ଓ ବିଧାୟକ ସଞ୍ଜିବ ମଲ୍ଲିକଙ୍କୁ କୃତଜ୍ଞତା ଜଣାଇଛନ୍ତି ଅଞ୍ଚଳବାସୀ ।

ସେପଟେ ବଲାଙ୍ଗୀର ଜିଲ୍ଲା କଣ୍ଟାବାଞ୍ଜି ନିର୍ବାଚନ ମଣ୍ଡଳୀରେ ୬ଟି ବିଦ୍ୟାଳୟର ରୂପାନ୍ତରଣ ହୋଇଛି । ଶ୍ରେଣୀଗୃହରେ ଅତ୍ୟାଧୁନିକ ବ୍ୟବସ୍ଥା ସହିତ ସ୍କୁଲ ପରିବେଶର ସଜ୍ଜିତ ରୂପ ଦେଖି ବେଶ୍ ଖୁସି ପ୍ରକାଶ କରିଛନ୍ତି ଅଞ୍ଚଳବାସୀ । ଶୀଘ୍ର ଏସବୁ ସ୍କୁଲ ଲୋକାର୍ପିତ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଗାଁ ମାଟିରେ ବିଦ୍ୟାଳୟର ପରିବର୍ତ୍ତିତ ରୂପ ଦେଖି ରାଜ୍ୟ ସରକାରଙ୍କୁ ଧନ୍ୟବାଦ ଦେଇଛନ୍ତି ଅଞ୍ଚଳବାସୀ ।

ସ୍ମାର୍ଟ ସ୍କୁଲରେ ନିଜ ଭବିଷ୍ୟତ ଗଢ଼ିବେ ବଣ ପାହାଡ଼ ଘେରା ଉପାନ୍ତ ଇଲାକାର ପିଲା

ଧର୍ମଗଡ଼: ଉପାନ୍ତ ଇଲାକାର ବିଲା ବି ଏଣିକି ପଛରେ ରହିବେନି । ସେମାନେ ବି ପଢ଼ିବେ, ଆଗକୁ ବଢ଼ିବେ । ରାଜ୍ୟର ଅନ୍ୟ ପିଲାମାନଙ୍କ ସହ ତାଳ ଦେଇ ନିଜ ଭବିଷ୍ୟତ ଗଠନ କରିପାରିବେ । କାରଣ ଆଦିବାସୀ ଅଧ୍ୟୁଷିତ ଅଞ୍ଚଳରେ ସ୍ମାର୍ଟ ହେବ ସ୍କୁଲ୍ । ଏହି କ୍ରମରେ କଳାହାଣ୍ଡି ଜିଲ୍ଲା କୋକସରା ବ୍ଲକ ଅନ୍ତର୍ଗତ ଗୋତାମୁଣ୍ଡା ସ୍କୁଲକୁ ରୂପାନ୍ତରିତ କରିବାକୁ ନିଷ୍ପତ୍ତି ନେଇଛନ୍ତି ରାଜ୍ୟ ସରକାର ।

ଆଗୁଆ ହେବେ ପଛୁଆ ଅଞ୍ଚଳର ଛାତ୍ରଛାତ୍ରୀ । ରୂପାନ୍ତରିତ ବିଦ୍ୟାଳୟରେ ଗଢା ହେବେ ଦେଶର ଭବିଷ୍ୟତ । ସାହାଜଖୋଲ ସଂରକ୍ଷିତ ଜଙ୍ଗଲ ପାଦ ଦେଶରେ ସ୍ମାର୍ଟ ହେବେ ପିଲା । ସ୍ଥାନୀୟ ଗୋତାମୁଣ୍ଡା ସ୍କୁଲର ରାପାନ୍ତର ପାଇଁ ଅନୁମତି ଦେଇଛନ୍ତି ରାଜ୍ୟ ସରକାର । ପ୍ରକ୍ରିୟା ଆରମ୍ଭ ପୂର୍ବରୁ ସ୍କୁଲ ପରିଦର୍ଶନ କରି ଭିତ୍ତିଭୂମି ଅନୁଧ୍ୟାନ କରିଛନ୍ତି ବିଧାୟକ । ଖୁବଶୀଘ୍ର ଗୋତାମୁଣ୍ଡା ସ୍କୁଲ ସ୍ମାର୍ଟ କାହାଣୀରେ ସାମିଲ ହେବ ବୋଲି ଆଶା ରଖିଛନ୍ତି ଅଞ୍ଚଳବାସୀ ।

୧୯୫୨ ମସିହାରେ ବିଦ୍ୟାଳୟ ସ୍ଥାପିତ ହୋଇଥିଲା । ଆଖପାଖ ପ୍ରାୟ ୧୦ଟି ଗାଁର ଛାତ୍ରଛାତ୍ରୀ ଏଇଠି ପାଠ ପଢି ଭବିଷ୍ୟତ ଗଢିଥାନ୍ତି । ଆଗାମୀ ଦିନରେ ସ୍କୁଲର ରୂପାନ୍ତର ହେଲେ ପ୍ରାୟ ୪୦୦ ପିଲା ଏହାଦ୍ବାରା ଉପକୃତ ହେବେ । ସ୍ମାର୍ଟ କ୍ଲାସ ରୁମ ସାଙ୍ଗକୁ ଇ-ଲାଇବ୍ରେରୀ, ଲାବ୍ରୋଟାରି ଓ ଉନ୍ନତ ଭିତ୍ତିଭୂମି ପାଇ ଆଗକୁ ବଢିବେ ଉପାନ୍ତଅଞ୍ଚଳର ଛାତ୍ରଛାତ୍ରୀ ।

ଶିକ୍ଷାକ୍ଷେତ୍ରରେ ବୈପ୍ଳବିକ ପରିବର୍ତ୍ତନରେ ଆଦିବାସୀ ଅଧ୍ୟୁଷିତ ଅଞ୍ଚଳକୁ ସାମିଲ କରିବାକୁ ସରକାର ଚଲାଇଛନ୍ତି ପ୍ରଚେଷ୍ଟା । ରାଜ୍ୟ ସରକାରଙ୍କର ଏପରି ନିଷ୍ପତ୍ତି ପରେ ପିଲାଙ୍କ ସହିତ ଅଭିଭାବକମାନେ ମଧ୍ୟ ବହୁତ ଖୁସି । ଏଥିପାଇଁ ରାଜ୍ୟ ସରକାରଙ୍କୁ କୃତଜ୍ଞତା ଜଣାଇଛନ୍ତି ।

ବାବୁଙ୍କ ଭୋଜି ନିଶା: ଅଫିସରେ ତାଲା ପକାଇ ଚାଲିଗଲେ

ଖୋର୍ଦ୍ଧା: ସରକାରୀ ବାବୁଙ୍କ ମନମାନି । ଇଚ୍ଛାରେ ଅଫିସ ଖୋଲୁଛନ୍ତି, ଇଚ୍ଛାରେ ବନ୍ଦ କରୁଛନ୍ତି । ଏମିତି କି କାର୍ଯ୍ୟ ସମୟରେ ଅଫିସରେ ତାଲା ପକାଇ ସବୁ କର୍ମଚାରୀ ପଳାଉଛନ୍ତି ଭୋଜି ଖାଇବା । ଏମିତି ଅଭିଯୋଗ ଆସିଛି ଖୋର୍ଦ୍ଧା ଜିଲ୍ଲା ଟାଙ୍ଗୀ ସବ୍ ଟ୍ରେଜେରୀରୁ କର୍ମଚାରୀମାନେ କାର୍ଯ୍ୟରେ ଅବହେଳା କରୁଥିବା ଅଭିଯୋଗ ହୋଇଛି ।

ମନ୍ଦିରରେ ଭୋଜି ଖାଇବାକୁ ଅଫିସ୍ ବନ୍ଦ କରି ଦେଉଛନ୍ତି ବାବୁମାନେ । ଗତ ୧୮ ତାରିଖରେ ଅଫିସରେ ତାଲା ପକାଇ ଭୋଜି ଖାଇବାକୁ ସରକାରୀ ବାବୁମାନେ ଚାଲିଯାଇଥିବା ଅଭିଯୋଗ ହୋଇଛି । ଏଇ ଗୋଟିଏ ଦିନ ନୁହେଁ । ବିଳମ୍ବରେ ଅଫିସ୍ ଆସିବା ବାବୁମାନଙ୍କର ନିତିଦିନିଆ ଘଟଣା । ଅଫିସ ୧୦ଟାରେ ଖୋଲୁଥିଲେ ବି ବାବୁମାନେ ନିଜ ଇଚ୍ଛାରେ ଅଫିସ ଆସିଥାନ୍ତି । ପଚାରିଲେ ଶୁଣିବାକୁ ମିଳିଥାଏ ଅବାନ୍ତର ଯୁକ୍ତି ।

ସୂଚନାଯୋଗ୍ୟ, ଟାଙ୍ଗୀ ସବ୍- ଟ୍ରେଜେରୀ ଅଫିସ ଉପରେ ଟାଙ୍ଗୀ ଓ ଚିଲିକା ବ୍ଲକ୍ ସହିତ ରଣପୁର ଅଞ୍ଚଳର ଲୋକେ ନିର୍ଭର କରନ୍ତି । ପ୍ରତିଦିନ ଶହଶହ ଲୋକ ଏଠାକୁ କାମରେ ଆସିଥାନ୍ତି । ଏଠାରେ  ସରକାରୀ କର୍ମଚାରୀଙ୍କ ଦରମା ସହିତ ଅବସରପ୍ରାପ୍ତ  କର୍ମଚାରୀଙ୍କ  ପେନସନ୍ କାର୍ଯ୍ୟ କରାଯାଇଥାଏ । କିନ୍ତୁ କର୍ମଚାରୀଙ୍କ ଅବହେଳା ପାଇଁ ପ୍ରତିଦିନ ଲୋକେମାନେ ସମସ୍ୟା ଭୋଗୁଛନ୍ତି ।

ବଜ୍ରକପ୍ତା କାତି ଜବତ, ୧୫ ଅଟକ

ବାରିପଦା: ଫସର ଫାଟିଲା ବଜ୍ରକାପ୍ତା କାତି ଚୋରା ଚାଲାଣ । ଡିଲ୍ ବେଳେ ମାଡ଼ଇ ବସିଲା ବନ ବିଭାଗ । କାତି ଜବତ ସହ ୧୫ ଜଣଙ୍କୁ ଅଟକ ରଖି ପଚରାଉଚରା କରୁଛି ବିନ ବିଭାଗ । ଘଟଣା ଘଟିଛି ମୟୂରଭଞ୍ଜ ଜିଲ୍ଲା କରଞ୍ଜିଆ ଗୋଲେଇ ବାଇପାସ ନିକଟରେ ।

ବଜ୍ରକାପ୍ତା କାତି କାରବାର ହେଉଥିବା ନେଇ ବନ ବିଭାଗ ପାଖରେ ଖବର ପହଞ୍ଚି ଥିଲା । ଏହାପରେ ସଦଳବଳେ ବିଭାଗୀୟ କର୍ମଚାରୀ ଚଢ଼ାଉ କରିଥିଲେ ।

ଏହି କାରବାର ପଛରେ ଏକ ଆନ୍ତରାଜ୍ୟ ଗ୍ୟାଙ୍ଗ କାମ କରୁଥିବା ଅନୁମାନ କରାଯାଉଛି । ଅଟକ ଅଭିଯୁକ୍ତଙ୍କ ମଧ୍ୟରୁ କେନ୍ଦୁଝରରୁ ୮ ଜଣ ଥିବା ବେଳେ ଯାଜପୁରରୁ ଜଣେ,  ଝାଡ଼ଖଣ୍ଡରୁ ୩ ଜଣ ଓ କରଞ୍ଚିଆରୁ ୩ ଜଣ ଅଛନ୍ତି ।

ଜେଲ୍ ଗଲେ ସରକାରୀ ଟଙ୍କା ହଡ଼ପକାରୀ ବ୍ୟାଙ୍କ କର୍ମଚାରୀ

ପୁରୀ: ପିପିଲି ବ୍ଲକ ସାତଶଙ୍ଖ ୟୁନିୟନ ବ୍ୟାଙ୍କ ଶାଖାରୁ ସରକାରୀ ଟଙ୍କା ହଡ଼ପ ଅଭିଯୋଗରେ ଗିରଫ ୬ ଅଭିଯୁକ୍ତ ଜେଲ ଗଲେ । ଜାମିନ ଆବେଦନ ଖାରଜ ହେବା ପରେ ନିମାପଡ଼ା ସ୍ଥିତ ବିଚାର ବିଭାଗୀୟ ହାଜତକୁ ପଠାଇ ଦେଇଛନ୍ତି ପିପିଲି କୋର୍ଟ ।

ସୂଚନାଯୋଗ୍ୟ, ବ୍ୟାଙ୍କ ଶାଖାରେ ଥିବା ରଥପୁରୁଷୋତ୍ତମପୁର ପଞ୍ଚାୟତ ଆକାଉଣ୍ଟ ସମେତ ଓଡିଶା ଜୀବିକା ମିଶନର ୩ଟି ପଞ୍ଚାୟତସ୍ତରୀୟ ସଂଘର ଆକାଉଣ୍ଟରୁ ୩୮ ଲକ୍ଷରୁ ଊର୍ଦ୍ଧ୍ବ ସରକାରୀ ଅର୍ଥ ଆତ୍ମସାତ ହୋଇଥିବା ଅଭିଯୋଗ ହୋଇଥିଲା । ଏହାପରେ ପିପିଲି ପୋଲିସ ବ୍ୟାଙ୍କର ପୂର୍ବତନ ଶାଖା ପରିଚାଳକ ସନ୍ତୋଷ କୁମାର ନାୟକ, ପୂର୍ବତନ ବ୍ୟାଙ୍କ ଅଫିସର ପଦ୍ମନ ବେହେରା ଏବଂ ଯୋଗେଶ ସାହୁ, ପୂର୍ବତନ କିରାଣି ମନୋଜ କୁମାର ପାତ୍ର, ଅମୀୟ କୁମାର ସାହୁ ଓ ଭାଗ୍ୟଶ୍ରୀ ମହାପାତ୍ରଙ୍କୁ ଗତକାଲି ଗିରଫ କରିଥିଲା । ଗିରଫ ପରେ ସମସ୍ତଙ୍କୁ ପିପିଲି କୋର୍ଟରେ ଭର୍ତ୍ତି କରାଯାଇଥିଲା । ସେଠାରେ ଜାମିନ ନାମଞ୍ଜୁର ହେବାରୁ ସେମାନଙ୍କୁ ବିଚାର ବିଭାଗୀୟ ହାଜତକୁ ପଠାଇ ଦିଆାଯାଇଛି । ବ୍ୟାଙ୍କ ଚେକ୍ ବହି, ଉଠାଣ ଫର୍ମ, ଡେବିଟ୍ ଭାଉଚର ସହ ଅନେକ ଗୁରୁତ୍ୱପୂର୍ଣ୍ଣ କାଗଜପତ୍ର ଜବତ କରିଛି ପୋଲିସ ।

ଡଙ୍ଗା ଭସାଇବାକୁ ଯାଇ ଦୁଇ ନାବଳକ ମୃତ

କୋଣାର୍କ: ଡଙ୍ଗା ଭସାଇବାକୁ ଯାଇ ଚାଲିଗଲା ଦୁଇ ଜଣଙ୍କ ଜୀବନ । ପାଣିରେ ବୁଡ଼ି ଉଭୟଙ୍କ ମୃତ୍ୟୁ । ଏମିତି ଦୁଃଖଦ ଘଟଣା ଘଟିଛି ନିମାପଡ଼ା ଥାନା ଡେଣୁଅଁ ପଞ୍ଚାୟତ ଆଳିପିଙ୍ଗଳରେ । ମୃତ ଦୁଇ ନାବାଳକ ହେଲେ ଧର୍ମେନ୍ଦ୍ର ସାହୁଙ୍କ ପୁଅ ସିପୁନ ଏବଂ ଗୋବିନ୍ଦ ବାରିକଙ୍କ ପୁଅ ସାଇ । ଉଭୟଙ୍କ ବୟସ ୧୨ ବର୍ଷ ହେବ । ଦୁଇ ଭାଇଙ୍କ ମୃତ୍ୟୁରେ ଆଳିପିଙ୍ଗଳରେ ଶୋକର ଛାୟା ଖେଳିଯାଇଛି ।

ଏପଟେ ଭୁବନ ବିଜ୍ଞାପିତ ଅଞ୍ଚଳ ପରିଷଦ ୧ ନମ୍ବର ଓ୍ବାର୍ଡର ୧୪ ବର୍ଷର ଅଷ୍ଟମ ଶ୍ରେଣୀ ଛାତ୍ର ରୋସନ ନାୟକ ଡଙ୍ଗା ଭସାଇବାକୁ ଯାଇ ବ୍ରାହ୍ମଣୀ ନଦୀରେ ନିଖୋଜ ହୋଇଯାଇଛନ୍ତି ।

ଅନୁଗୁଳ ଓ ଢେଙ୍କାନାଳ ଜିଲ୍ଲାବାସୀ କାଲି ପାଇବେ ସ୍ମାର୍ଟ ସ୍ବାସ୍ଥ୍ୟସେବା

ଭୁବନେଶ୍ବର: ଗୋଟିଏ ଜିଲ୍ଲାରୁ ଆଉ ଗୋଟିଏ ଜିଲ୍ଲାକୁ ଯାଉଛି ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନା ସ୍ମାର୍ଟ ହେଲଥ କାର୍ଡ ସେବା । ଲୋକେ ହେଉଛନ୍ତି ଉପକୃତ । ଗରିବ ଲୋକଙ୍କ ମଧ୍ୟରେ ଅର୍ଥାଭାବରୁ ଚିକିତ୍ସା କରାଇ ନପାରିବାର ଭୟ ଦୂର ହେବାରେ ଲାଗୁଛି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଏହି ସଫଳ ଯୋଜନା ଗରିବଙ୍କ ମୁହଁରେ ହସ ଫୁଟାଇବାରେ ସହାୟକ ହେଉଛି । ଏହି ପରିପେକ୍ଷୀରେ ଆସନ୍ତାକାଲି ଦୁଇ ଜିଲ୍ଲା ଅନୁଗୁଳ ଓ ଢେଙ୍କାନାଳରେ ଆରମ୍ଭ ହେବାକୁ ଯାଉଛି ସ୍ମାର୍ଟ ହେଲଥ କାର୍ଡ ସେବା ।

ମୁଖ୍ୟମନ୍ତ୍ରୀ ଦୁଇ ଜିଲ୍ଲାକୁ ଗସ୍ତ କରି ସେଠାରେ ବିଏସକେୱାଇ ସ୍ମାର୍ଟ ହେଲଥ କାର୍ଡ ବଣ୍ଟନର ଶୁଭାରମ୍ଭ କରିବେ । ଦିନ ୧୧ଟାରେ ମୁଖ୍ୟମନ୍ତ୍ରୀ ଅନୁଗୁଳ ଷ୍ଟାଡିୟମରେ ଆୟୋଜିତ ସଭାରେ ସ୍ମାର୍ଟ ହେଲଥ କାର୍ଡ ବାଣ୍ଟିବେ । ଏହାସହ ଅନେକ ଉନ୍ନୟନମୂଳକ ପ୍ରକଳ୍ପର ଶୁଭାରମ୍ଭ କରିବେ । ପରେ ମଧ୍ୟାହ୍ନ ୧୨ଟାରେ ଢେଙ୍କାନାଳ ମେନ୍ ଷ୍ଟାଡିୟମରେ ପହଞ୍ଚି ଜିଲ୍ଲାରେ ସ୍ମାର୍ଟ ହେଲଥ କାର୍ଡ ବାଣ୍ଟିବେ । ଜିଲ୍ଲାର ପ୍ରାୟ ୯ ଲକ୍ଷ ହିତାଧିକାରୀଙ୍କୁ ବିଜୁ ସ୍ୱାସ୍ଥ୍ୟ କଲ୍ୟାଣ କାର୍ଡ ବାଣ୍ଟିବା ସହ ୮୦୦ କୋଟି ଟଙ୍କାର ବିଭିନ୍ନ ପ୍ରକଳ୍ପର ଉଦଘାଟନ କରିବାର କାର୍ଯ୍ୟକ୍ରମ ରହିଛି । ସ୍ଥାନୀୟ ମିନି ଷ୍ଟାଡିୟମ ପଡିଆରେ ଏନେଇ ବ୍ୟାପକ ବନ୍ଦୋବସ୍ତ କରାଯାଇଛି । ମିନି ଷ୍ଟାଡିୟମ ଚାରିପାଖରେ ସ୍ୱତନ୍ତ୍ର ବ୍ୟାରିକେଡ କରାଯାଇଛି । ସୁରକ୍ଷାକୁ ଦୃଷ୍ଟିରେ ରଖି ସାଧାରଣ ପ୍ରବେଶକୁ ବାରଣ କରାଯାଇଥିବା ବେଳେ ୧୯ ପ୍ଲାଟୁନ ପୋଲିସ ଫୋର୍ସ ମୁତୟନ ହେବେ ।

ଜାମ୍ମୁ କାଶ୍ମୀରକୁ ଫେରିବ ଧାରା-୩୭୦! , ସୋସିଆଲ ମିଡିଆରେ ଚର୍ଚ୍ଚା           

ନୂଆଦିଲ୍ଲୀ: ଆଜି ସକାଳେ ଏକ ବଡ଼ ଘୋଷଣା କରିଛନ୍ତି ମୋଦି ସରକାର । କୃଷି ଆଇନକୁ ନେଇ ଲାଗିରହିଥିବା ବିବାଦରେ ଆଜି ପୂର୍ଣ୍ଣଚ୍ଛେଦ ଟାଣିଛନ୍ତି ନରେନ୍ଦ୍ର ମୋଦି । ତିନୋଟି କୃଷି ଆଇନକୁ ପ୍ରତ୍ୟାହାର ନିଷ୍ପତି ନେଇଛନ୍ତି କେନ୍ଦ୍ର ସରକାର । ସାତ ବର୍ଷ କେନ୍ଦ୍ରରେ ଶାସନ କରିବା ପରେ ପ୍ରଥମ ଥର ପାଇଁ ସରକାର ବିରୋଧ ପ୍ରଦର୍ଶନ ପାଇଁ କୌଣସି ଆଇନକୁ ପ୍ରତ୍ୟାହାର କରିବାର ନିଷ୍ପତି ନେଇଛନ୍ତି । କେନ୍ଦ୍ର ସରକାରଙ୍କ ଏହି ନିଷ୍ପତି ପରେ ସୋସିଆଲ ମିଡିଆରେ ଧାରା ୩୭୦ ଓ ନାଗରିକ ସଂଶୋଧନ ଆଇନକୁ ନେଇ ପ୍ରଶ୍ନ ଉଠୁଛି । କୃଷି ଆଇନ ପରେ ସୋସିଆଲ ମିଡିଆରେ ଲୋକ ପ୍ରଶ୍ନ କରିଛନ୍ତି କି ଏହା ପରେ କେଉଁ ଆଇନ ରଦ୍ଦ ହେବ ଧାରା ୩୭୦ ନା ନାଗରିକ ସଂଶୋଧନ ଆଇନ ।

https://twitter.com/RiddhiKapil/status/1461561038625591305?s=20

ତେବେ ସୋସିଆଲ ମିଡିଆରେ ଏମିତି ମଧ୍ୟ କିଛି ଲୋକ ଅଛନ୍ତି ଯିଏ ଏହି କୃଷି ଆଇନ ପ୍ରତ୍ୟାହାର ସପକ୍ଷରେ ନାହାନ୍ତି । ସେମାନେ ଏହି ଘଟଣା ପରେ ଟୁଇଟ କରି କହିଛନ୍ତି କି ସରକାର ନିର୍ବାଚନ ପାଇଁ ଜାମ୍ମୁ କାଶ୍ମୀରରେ ଧାରା ୩୭୦ ପୁଣି ଥରେ ଲଗାଇବା ଓ ସିଏଏ ପ୍ରତ୍ୟାହାର କରିବା ନିଷ୍ପତି ନିଅନ୍ତୁ ନାହିଁ । ୨୦୧୯ ଅଗଷ୍ଟ ୫ରେ ଜାମ୍ମୁ କାଶ୍ମୀରରୁ ଅନୁଚ୍ଛେଦ ୩୭୦ ହଟା ଯାଇଥିଲା । ଧାରା ୩୭୦ ଅନୁଯାୟୀ ଜାମ୍ମୁ କାଶ୍ମୀର ରାଜ୍ୟକୁ ବିଶେଷ ଅଧିକାର ମିଳିଥିଲା । ଏହି ଧାରା ଫଳରେ ଜାମ୍ମୁ କାଶ୍ମୀରରେ ଅଲଗା ପତାକା ଏବଂ ଅଲଗା ସମ୍ବିଧାନ ଲାଗୁ ହେଉଥିଲା । ବିଦେଶ ଓ ଯୋଗାଯୋଗକୁ ଛାଡିଲେ ଆଉ ସବୁ ଆଇନ ବନାଇବା ପାଇଁ ରାଜ୍ୟକୁ ଅନୁମତି ଜରୁରୀ ଥିଲା । ଧାରା ୩୭୦ ପାଇଁ ଜାମ୍ମୁ କାଶ୍ମୀର ନାଗରିରକଙ୍କ ପାଖରେ ଦୁଇଟି ନାଗରିକତ୍ବ ରହିଥିଲା । ତେବେ ଏହି ଧାରା-୩୭୦କୁ ୫ ଅଗଷ୍ଟ ୨୦୧୯ରେ ମୋଦି ସରକାର ଉଠାଇ ଦେଇଥିଲେ  । ଧାରା ୩୭୦ ଉଠିବା ପରେ ଜାମ୍ମୁ କାଶ୍ମୀରରେ ସ୍ଥାନୀୟ ଲୋକ ବିରୋଧ କରିଥିଲେ । କାଶ୍ମୀର ଏକ ବଡ଼ ଗୋଷ୍ଠୀ ୩୭୦ ଧାରାକୁ ପୁଣି ଥରେ ଲାଗୁ କରିବାକୁ ଦାବି କରିଥିଲେ । ତେବେ ଏବେ କୃଷି ଆଇନକୁ ପ୍ରତ୍ୟାହାର କରିବା ପରେ ପୁଣି ଥରେ ଜାମ୍ମୁ କାଶ୍ମୀରରେ ଧାରା ୩୭୦ ଫେରାଇ ଆଣିବାକୁ ଦାବି କରିଛନ୍ତି ।

ଧାରା-୩୭୦ ବ୍ୟତୀତ ମୋଦି ସରକାର ୧୧ ଡିସେମ୍ବର ୨୦୧୯ରେ ନାଗରିକ ସଂଶୋଧନ ଆଇନ ସଂସଦରେ ପାସ୍ କରିଥିଲେ । ଏହା ପରେ ପୂରା ଦେଶରେ ଧାରଣ ଓ ପ୍ରଦର୍ଶନ ଆରମ୍ଭ ହୋଇଯାଇଥିଲା । ଦିଲ୍ଲୀର ଶାହିନ୍ ବାଗ ସହିତ ଦେଶର ବିଭିନ୍ନ ସ୍ଥାନରେ ଧାରଣା ଆରମ୍ଭ ହୋଇଯାଇଥିଲା । କିଛି ମାସ ଧରି ଚାଲୁଥିବା ଏହି ଆନ୍ଦୋଳନ ଆଗରେ ମୋଦି ସରକାର ମୁଣ୍ଡ ନୁଆଁଇନଥିଲେ । କିନ୍ତୁ ଏହି ତିନୋଟି କୃଷି ଆଇନକୁ ପ୍ରତ୍ୟାହାର ପରେ ପୁଣି ଥରେ ସୋସିଆଲା ମିଡିଆରେ ସିଏଏକୁ ପ୍ରତ୍ୟାହାର ଏବଂ ଧାରା-୩୭୦କୁ ପୁଣି ଫେରାଇବା ପାଇଁ ଦାବି ହେଉଛି ।

କ୍ରିକେଟକୁ ଅଲବିଦା କହିଲେ ମିଷ୍ଟର-୩୬୦; ଆଇପିଏଲରେ ବି ଦେଖିବାକୁ ମିଳିବନି ଡିଭିଲିୟର୍ସ ଜଲଓ୍ବା

କେପଟାଉନ୍: କ୍ରିକେଟ ପଡ଼ିଆରେ ଆଉ ଦେଖିବାକୁ ମିଳିବନି ୩୬୦ ଡିଗ୍ରୀ ସଟ୍‌ । କାହିଁକି ନା କ୍ରିକେଟର ସମସ୍ତ ଫର୍ମାଟରୁ ଅବସର ଘୋଷଣା କଲେ ଏବି ଡିଭିଲିୟର୍ସ । ଏହା ପୂର୍ବରୁ ଅନ୍ତର୍ଜାତୀୟ କ୍ରିକେଟରୁ ଅବସର ଘୋଷଣା କରିସାରିଥିଲେ ଡିଭିଲିୟର୍ସ । ତେବେ ଏବେ କ୍ରିକେଟର ଆଉ କୌଣସି ଫର୍ମାଟରେ ନଜର ଆସିବେନି ମିଷ୍ଟର-୩୬୦ । ସମସ୍ତ ଫର୍ମାଟରୁ ଅବସର ନେଇ ଟୁଇଟ କରି ସୂଚନା ଦେଇଛନ୍ତି ଡିଭିଲିୟର୍ସ ।

ଟୁଇଟରେ ସେ ଲେଖିଛନ୍ତି କି ଏହା ଏକ ଅବିଶ୍ବସନୀୟ ଯାତ୍ରା ଥିଲା । କିନ୍ତୁ ମୁଁ କ୍ରିକେଟର ସବୁ ଫର୍ମାଟରୁ ସନ୍ୟାସ ନେବା ପାଇଁ ନିଷ୍ପତି ନେଇଛି । ମୁଁ ଆମ ବ୍ୟାକୟାର୍ଡରେ ମୋ ବଡ଼ ଭାଇଙ୍କ ସହ କ୍ରିକେଟ ଖେଳିବା ଆରମ୍ଭ କରିଥିଲି । ସେହି ଦିନଠାରୁ ମୁଁ ଏହାକୁ ଆନନ୍ଦ ସହ ଉପଭୋଗ କରିଛି । ବର୍ତ୍ତମାନ ୩୭ ବର୍ଷ ବୟସରେ ଆଉ ଖେଲିବାରେ ସେହି ଯୋଶ ନାହିଁ । ସେଥିପାଇଁ, ମୁଁ ମୋର ଅବସର ଘୋଷଣା କରୁଛି” । ସେ ଆହୁରି ମଧ୍ୟ ତାଙ୍କ ଟ୍ୱିଟରେ ଲେଖିଛନ୍ତି, ” ଏହା ବାସ୍ତବତା ଯାହା ମୋତେ ଗ୍ରହଣ କରିବାକୁ ପଡିବ । ଯଦିଓ ଏହା ହଠାତ୍ ମନେହୁଏ, ସେଥିପାଇଁ ମୁଁ ଆଜି ଏହା ଘୋଷଣା କରୁଛି । ମୋର ସମୟ ଅଛି । ମୋ ପାଇଁ କ୍ରିକେଟ୍ ଅଛି । ସେ ଆଇପିଏ ହେଉ ଅବା ଦେଶ ପାଇଁ ସବୁ ଖେଳ ମୋତେ କଳ୍ପନା ଯୋଗ୍ୟ ଅନୁଭୂତି ଏବଂ ସୁଯୋଗ ଦେଇଛି । ସେଥିପାଇଁ ମୁଁ ସର୍ବଦା କୃତଜ୍ଞ ରହିବ ।

ସେ ଆହୁରି ଲେଖିଛନ୍ତି କି କ୍ରିକେଟ ଅସାଧାରଣ ରୂପରେ ମୋ ପ୍ରତି ଦୟାଳୁ ରହିଛି । ମୁଁ ଟାଇଟନ୍ ପାଇଁ ହେଉ କି ସାଉଥ ଆଫ୍ରିକା ହେଉ କିମ୍ବା ଆରସିବି ପାଇଁ ହେଉ ସମସ୍ତ ଟିମ୍ ମୋତେ ଅକଳ୍ପନୀୟ ଅନୁଭବ ଦେଇଛି ।  ଏଥିପାଇଁ ସବୁବେଳେ ମୁଁ ଆଭାରୀ । ମୋର ଟିମ୍ ମେଟ, କୋଚ୍, ଫିଜିଓ ଏବଂ ସମସ୍ତ ସପୋର୍ଟ ଷ୍ଟାଫଙ୍କୁ ଧନ୍ୟବାଦ ଦେଉଛି । ମୁଁ ସାଉଥ ଆଫ୍ରିକାରେ କିମ୍ବା ଭାରତରେ ଯେଉଁଠାରେ  ବି ଖେଳିଲେ ମୋତେ ଅଦ୍ଭୁତପୂର୍ଣ୍ଣ ସମର୍ଥନ ମିଳିଛି ବୋଲି ଟୁଇଟରେ କହିଛନ୍ତି ଡିଭିଲିୟର୍ସ ।

୩୭ ବର୍ଷିୟ ଡିଭିଲିୟର୍ସ ଆଇପିଏଲରେ ସବୁଠାରୁ ସଫଳ ବ୍ୟାଟ୍ସମ୍ୟାନ ମଧ୍ୟରୁ ଅନ୍ୟତମ । ସେ ଇଣ୍ଡିଆନ ପ୍ରିମିୟର ଲିଗରେ ୧୮୪ଟି ମ୍ୟାଚ ଖେଳି ୫ ହଜାର ୧୬୨ ରନ ସଂଗ୍ରହ କରିଛନ୍ତି । ଯେଉଁଥିରେ ତିନୋଟି ଶତକ ଏବଂ ୪୦ଟି ଅର୍ଦ୍ଧଶତକ ସାମିଲ ଅଛି । ଆଇପିଏଲ -୧୪ର ପ୍ରଥମ ସିଜିନରେ ଡିଭିଲିୟର୍ସ ଦମଦାର ପ୍ରଦର୍ଶନ କରିଥିଲେ କିନ୍ତୁ ଦୁବାଇ ଲିଗରେ ଖାସ ପ୍ରଦର୍ଶନ କରିପାରିନଥିଲେ ଡିଭିଲିୟର୍ସ । ତେବେ ଡିଭିଲିୟର୍ସ ଅବସର ପରେ ଆଇପିଏଲରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋରଙ୍କୁ ଏକ ବଡ଼ ଝଟକା ଲାଗିଛି ।