ନୂଆଦିଲ୍ଲୀ: ଦିଲ୍ଲୀ ଗାଜିଆବାଦରେ ଅଘଟଣ । ୨୫ ମହଲା ବିଲ୍ଡିଂରୁ ଖସି ଜାଆଁଳା ଭାଇଙ୍କ ମୃତ୍ୟୁ । ଘଣ ବାଲକୋନୀରେ ଖେଳୁଥିବା ବେଳେ ଖସିପଡ଼ିଲେ ।
ପୋଲିସ ଘଟଣା ସ୍ଥଳରେ ପହଞ୍ଚି ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇଛି । ଗାଜିଆବାଦର ବିଜୟ ନଗର ଥାନା ଅଞ୍ଚଳର ସିଦ୍ଧାର୍ଥ ବିହାରରେ ଘଟିଛି ଘଟଣା । ୨୫ମହଲାରେ ରହୁଥିବା ଏକ ପରିବାରର ୧୪ ବର୍ଷୀୟ ଦୁଇ ପୁଅ ବାଲକୋନୀରେ ଖେଳୁଥିବା ବେଳେ ତଳକୁ ଖସି ପଡ଼ିଥିଲେ । ବିଳମ୍ବିତ ରାତି ପ୍ରାୟ ଗୋଟାଏ ବେଳେ ରେ ଏହି ଦୁର୍ଘଟଣା ଘଟିଥିଲା । ଦୁର୍ଘଟଣା ସମୟରେ ଦୁଇ ଭାଇଙ୍କ ମାଆ ମଧ୍ୟ ଘରେ ଥିଲେ ।
ଜୟପୁର: ରାଜସ୍ଥାନରେ ପୁଣି ମୁଣ୍ଡ ଟେକିଛି ମୁଖ୍ୟମନ୍ତ୍ରୀ ଚୌକି ବିବାଦ । ଅଶୋକ ଗେହଲଟଙ୍କୁ ହଟାଇ ତାଙ୍କ ସ୍ଥାନରେ ସଚିନ ପାଇଲଟଙ୍କୁ ମୁଖ୍ୟମନ୍ତ୍ରୀ କରିବା ଲାଗି ଦାବି ଜୋର ଧରିଛି ।
ଗତକାଲି କଂଗ୍ରେସ କାର୍ଯ୍ୟକାରିଣୀ ବୈଠକ ବସିଥିବା ବେଳେ ସୋନିଆ ଗାନ୍ଧି ନିଜକୁ ପୂର୍ଣ୍ଣକାଳୀନ ସଭାପତି ଥିବା କହିଥିଲେ । ଏହାସହ ଦଳୀୟ ମତାନ୍ତରକୁ ମିଡିଆ ଆଗକୁ ନଆଣି ଆଲୋଚନା ମାଧ୍ୟମରେ ସମାଧାନ କରିବାକୁ ପରାମର୍ଶ ଦେଇଥିଲେ ।
ବୈଠକ ପରେ ରାହୁଲ ଗାନ୍ଧିଙ୍କୁ ତାଙ୍କ ବାସଭବନରେ ଭେଟିଥିଲେ ଗେହଲଟ । ଦୁଇ ନେତାଙ୍କ ମଧ୍ୟରେ ରାଜ୍ୟ ରାଜନୀତିକୁ ନେଇ ଚର୍ଚ୍ଚା ହୋଇଥିଲା । ଏହାସହ ସଚିନଙ୍କୁ ନେଇ ମଧ୍ୟ ଉଭୟଙ୍କ ମଧ୍ୟରେ ଆଲୋଚନା ହୋଇଥିବା କୁହାଯାଉଛି । ଏହି ଆଲୋଚନାରେ କଂଗ୍ରେସ ସଂଗଠନ ସାଧାରଣ ସମ୍ପାଦିକା ପ୍ରିୟଙ୍କା ଗାନ୍ଧି ଭଦ୍ରା, ସାଧାରଣ ସମ୍ପାଦକ କେ.ସି. ଭେନୁଗୋପାଳ, ଦଳର ରାଜସ୍ଥାନ ପ୍ରଭାରୀ ଅଜୟ ମାକେନ ପ୍ରମୁଖ ଉପସ୍ଥିତ ଥିଲେ ।
ଭୋପାଲ: ପୁଣି ହିଟ୍ ଆଣ୍ଡ ରନ୍ ଘଟଣା । ଦୁଗାର୍ ମେଢ଼ ଭସାଣ ବେଳେ ଲୋକଙ୍କ ଉପରେ ଚଢ଼ିଗଲା କାର । ୩ ଗୁରୁତର, ମେଡିକାଲରେ ଭର୍ତ୍ତି। ଏମିତି ଘଟଣା ଘଟିଛି ମଧ୍ୟପ୍ରଦେଶର ଭୋପାଲରେ । ସୋସିଆଲ ମିଡିଆରେ ଭାଇରାଲ ହେଉଛି ଦୁର୍ଘଟଣା ବେଳର ଦୃଶ୍ୟ ।
ଭୋପାଳର ବଜରିୟା ଥାନା ଅଞ୍ଚଳରେ ଘଟିଛି ଏହି ଘଟଣା । ପ୍ରାୟ ରାତି ୧୧ଟା ସମୟରେ ଭସାଣ ଶୋଭାଯାତ୍ରାରେ ଲୋକେ ନାଚି ନାଚି ଯାଉଛ ଥିବା ବେଳେ ଏକ କାର୍ ଦ୍ରୁତ ଗତିରେ ଆସି ଧକ୍କା ଦେଇଥିଲା। ହଠାତ୍ କାରଟି ଧକ୍କା ଦେବା ପରେ ଲୋଙ୍କ ମଧ୍ୟରେ ଧାଁଦୌଡ ଆରମ୍ଭ ହୋଇଯାଇଥିଲା । ପରେ ପୋଲିସ ଡ୍ରାଇଭରକୁ ଅଟକ ରଖି ଘଟଣାର ତଦନ୍ତ ଚଳାଇଛି ।
ସୂଚନାଯୋଗ୍ୟ, ପ୍ରଥମେ ଲଖିମପୁର, ପରେ ଛତିଶଗଡ଼ ଓ ଏବେ ଭୋପାଲ । ତିନୋଟି ସ୍ଥାନରେ ଲୋକଙ୍କ ଉପରେ ଦ୍ରୁତଗତିରେ ମାଡ଼ିଗଲା କାର୍ । ବାରମ୍ବାର ସମାନ ଢଙ୍ଗରେ ଦୁର୍ଘଟଣା ଘଟିବା ଚିନ୍ତା ବଢ଼ାଇବା ସହ ପ୍ରଶ୍ନ ମଧ୍ୟ ଛିଡ଼ା କରିଛି । ୩ଟି ଦୁର୍ଘଟଣା ଭିତରେ କିଛି ଲିଙ୍କ ଅଛି କି ? ନା ଏହା କେବଳ ଏକ ସଂଯୋଗ ତାହାର ତଦନ୍ତ ହେବା ଆବଶ୍ୟକ ବୋଲି ମତ ପ୍ରକାଶ ପାଇବାରେ ଲାଗିଛି ।
ସୀମାରେ ଆଲର୍ଟ । ଭାରତୀୟ ସେନାର ବରିଷ୍ଠ ଅଧିକାରୀଙ୍କ ଲଦାଖ ଅଞ୍ଚଳକୁ ଘନ ଘନ ଗସ୍ତ । ଚୀନର ମେରୁଦଣ୍ଡ ଭାଙ୍ଗିବାକୁ ପୂରା ପ୍ରସ୍ତୁତି । ଗୋଟିଏ ଭୁଲକୁ ଅପେକ୍ଷା । ଛାରଖାର କରିବାକୁ ଭାରତୀୟ ସେନା ପ୍ରସ୍ତୁତ । ଗତ ଦୁଇ ସପ୍ତାହ ପୂର୍ବରୁ ଆର୍ମୀ ଚିଫ୍ ଜେନେରାଲ ଏମଏମ ନରଓ୍ବାଣେ ଦଲାଖ ଗସ୍ତ କରିଥିବା ବେଳେ ଆଜି ପୂର୍ବ ଲଦାଖରେ ପହଞ୍ଚିଛନ୍ତି ବାୟୁସେନା ପ୍ରମୁଖ ଭିଆର ଚୌଧୁରୀ ।
ଲଦାଖରେ ପହଞ୍ଚିବା ପରେ ବାୟୁସେନା ପ୍ରସ୍ତୁତିର ସମୀକ୍ଷା କରିଥିଲେ ଚୌଧୁରୀ। ଏହାସହ ଏୟାରବେଶ କର୍ମଚାରୀ ଓ ବାୟୁବୀରଙ୍କ ସହ କଥା ହୋଇ ସେମାନଙ୍କ ମନୋବଳ ବଢ଼ାଇଥିଲେ ।
ସୂଚନାଯୋଗ୍ୟ, ଗତ ୮ ତାରିଖରେ ୮୯ତମ ବାୟୁସେନା ଦିବସରେ ପୂର୍ବ ଲଦାଖରେ ଚୀନ ସେନାର ଗତିବିଧି ବଢ଼ିଥିବା କହିଥିଲେ ଏୟାର ଚିଫ୍ ମାର୍ଶଲ ଚୌଧୁରୀ । ଏହାସହ ସେ ଆହୁରି କହିଥିଲେ ଯେ, ଚୀନ୍ ବାୟୁସେନା ଏଲଏସି ଆରପଟେ ୩ଟି ଏୟାର ଫିଲ୍ଡରେ ଉପସ୍ଥିତି ବଢ଼ାଇଛି । ହେଲେ ଏହା ଆମ ପ୍ରସ୍ତୁତି ଉପରେ କୌଣସି ପ୍ରଭାବ ପକାଇବନି ।
ବାୟୁସେନା ପ୍ରମୁଖ ପଦ ସମ୍ଭାଳିବା ପରେ ଏୟାର ଚିଫ୍ ମାର୍ଶଲଙ୍କ ଏହା ପ୍ରଥମ ଲଦାଖ ଗସ୍ତ । ଶନିବାର ସେ ଲେହରେ ଏୟାରଫୋର୍ସ ଷ୍ଟେସନ ଓ ଉତ୍ତରୀ ସେକ୍ଟରରେ ଭାରତୀୟ ବାୟୁସେନାର ପ୍ରସ୍ତୁତି ସମୀକ୍ଷା କରିଥିଲେ ।
ଗୋଟିଏ ପଟେ ଚୀନ ସୀମାରେ ଅନୁପ୍ରବେଶ କରୁଥିବା ବେଳେ ଆରପଟେ କମାଣ୍ଡର ସ୍ତରୀୟ ବୈଠକକୁ ଆସି ଶାନ୍ତିବାର୍ତ୍ତାର କଥା କହୁଛି । ଗତ ୧୦ ତାରିଖରେ ହୋଇଥିବା ୧୩ତମ କମାଣ୍ଡର ସ୍ତରୀୟ କଥାବାର୍ତ୍ତାରୁ କୌଣସି ନିଷ୍ପତ୍ତି ବାହାରି ପାରିନଥିଲା ।
ମୋହନା: ଆଦିବାସୀ ଉନ୍ନୟନ ମନ୍ତ୍ରୀ ଜଗନ୍ନାଥ ସାରକାଙ୍କୁ ନେଇ ଯାଉଥିବା ପାଇଲଟିଂ ଗାଡ଼ି ଦୁର୍ଘଟଣାଗ୍ରସ୍ତ ହୋଇଛି । ଗଜପତି ଜିଲ୍ଲା ଅଡ଼ବା ଥାନା ବିରିକୋଟ ନିକଟ ହୁଲିଆପଦା ନିକଟରେ ଘଟିଛି ଦୁର୍ଘଟଣା । ଗାଡ଼ିର ଡ୍ରାଇଭର ପି.ଏସ. ରାଓଙ୍କ ସମେତ ଏସ୍ଆଇ ଏଲ.ବିଶ୍ୱନାଥ, କନେଷ୍ଟବଳ ଜିତୁ ପଟ୍ଟନାୟକ, କମଳା ଦେବୀ ଏବଂ ମଞ୍ଜୁଳା ଭୂୟାଁ ଗୁରୁତର ଆହାତ ହୋଇଛନ୍ତି । ଖବର ପାଇ ଅଡ଼ବା ଥାନା ପୋଲିସ ଘଟଣା ସ୍ଥଳରେ ପହଞ୍ଚି ସେମାନଙ୍କୁ ବିରିକୋଟ ପ୍ରାଥମିକ ଚିକିତ୍ସାଳୟରେ ଭର୍ତ୍ତି କରିଛି ।
ଆଦିବାସୀ ଉନ୍ନୟନ ମନ୍ତ୍ରୀ ଜଗନ୍ନାଥ ସାରକା ଭୁବନେଶ୍ୱରରୁ ରାୟଗଡ଼ା ଅଭିମୁଖେ ଯାଉଥିଲେ । ତପ୍ତପାଣି ଠାରୁ ଗଜପତି ପୋଲିସ୍ ନେଇ ରାୟଗଡ଼ା ଜିଲ୍ଲା ସୀମା ଯାଏଁ ଛାଡ଼ିବାକୁ ଯାଉଥିଲା । ହୁଲିଆପଦା ନିକଟରେ ଜଣେ ବାଇକ୍ ଆରୋହୀ ଫୋନରେ କଥା ହୋଇ ପାଇଲଟିଂ ଗାଡ଼ି ସମ୍ମୁଖକୁ ଚାଲି ଆସିଥିଲେ । ବାଇକ୍ ଆରୋହୀଙ୍କୁ ବଞ୍ଚାଇବାକୁ ଯାଇ ପାଇଲଟିଂ ଗାଡ଼ିଟି ଓଲଟି ପଡ଼ିଛି ।
ଭୁବନେଶ୍ୱର: ଓଡ଼ିଶା ସିନିଅର ଓ ଜୁନିଅର ମହିଳା ହକି ଦଳ ଘୋଷଣା ହୋଇଛି । ସିନିଅର ନ୍ୟାସନାଲ ଓ ଜୁନିଅର ନ୍ୟାସନାଲ୍ ଟୁର୍ଣ୍ଣାମେଣ୍ଟ ପାଇଁ ୧୮ ଜଣିଆ ଲେଖାଏଁ ମହିଳା ଟିମ୍ ଘୋଷଣା କରାଯାଇଛି । ଓଡ଼ିଶା ସିନିଅର ନ୍ୟାସନାଲ ଟିମର ନେତୃତ୍ବ ଅସ୍ମିତା ବାର୍ଲା ନେଉଥିବା ବେଳେ ଜୁନିଅର ଟିମର ନେତୃତ୍ୱ ନେବେ ଜ୍ୟୋତି ଛେତ୍ରୀ ।
ଝାନ୍ସିରେ ଆସନ୍ତା ୨୧ରୁ ୩୧ ତାରିଖ ପର୍ଯ୍ୟନ୍ତ ହେବାକୁ ଯାଉଛି ଟୁର୍ଣ୍ଣାମେଣ୍ଟ । ଏଥିପାଇଁ ଓଡ଼ିଶା ସିନିଅର ମହିଳା ଦଳ ଆଜି ରାତିରେ ସେଠାକୁ ଯାତ୍ରା କରିବ । ସେପଟେ ଝାଡ଼ଖଣ୍ଡରେ ୨୦ରୁ ୨୯ ତାରିଖ ପର୍ଯ୍ୟନ୍ତ ହେବାକୁ ଥିବା ଜୁନିଅର ନ୍ୟାସନାଲ ପାଇଁ ଆସନ୍ତାକାଲି ଓଡ଼ିଶା ମହିଳା ଟିମ୍ ବାହାରିବ ।
ବଣାଇ: ବଣାଇ ବନାଞ୍ଚଳରେ ଥମୁନି ହାତୀ ଉପଦ୍ରବ । ବଣାଇ ବନାଞ୍ଚଳର ତାମଡ଼ା ବନଖଣ୍ଡ, ଜରଡ଼ା ବନଖଣ୍ଡ ସମେତ କୋଇଡ଼ା ବନଖଣ୍ଡରେ ହାତୀ ମାତିଛନ୍ତି । ବନ ବିଭାଗ ପକ୍ଷରୁ ହାତୀଙ୍କୁ ଘଉଡ଼ାଇବା ପାଇଁ ବ୍ୟବସ୍ଥା କରାଯାଉଥିଲେ ମଧ୍ୟ ପ୍ରୟାସ ଅସଫଳ ହେଉଛି । ଫଳରେ ପ୍ରତିଦିନ କ୍ଷୟକ୍ଷତି ଘଟାଉଛନ୍ତି ହାତୀ ।
ଏଥିସହ ପଢ଼ନ୍ତୁ: ମନୀଷ ମୃତ୍ୟୁ ମାମଲାରେ ୩ ଅଭିଯୁକ୍ତଙ୍କୁ ୪ ଦିନିଆ ରିମାଣ୍ଡରେ ନେବ ପୋଲିସ
ଗତ ରାତିରେ ପୁଣି ଥରେ ହାତୀ କୋଇଡ଼ା ବନଖଣ୍ଡର କନ୍ତର କୋଇଡ଼ାରେ ଆତଙ୍କ ଖେଳାଇଛନ୍ତି । ହାତୀପଲ ତିନୋଟି ଘର ଭାଙ୍ଗିବା ସହ ଗଚ୍ଛିତ ଧାନ ଚାଉଳ ଖାଇ ଦେଇଛନ୍ତି । ବେଶ୍ କିଛିଦିନ ହେବ ହାତୀପଲ ଗାଁ ମୁହାଁ ହେଉଥିବାରୁ ଜଙ୍ଗଲ ନିକଟରେ ବସବାସ କରୁଥିବା ଗ୍ରାମବାସୀ ଭୟଭୀତ ଅବସ୍ଥାରେ ଅଛନ୍ତି ।
ଭୁବନେଶ୍ୱର: ବହୁଚର୍ଚ୍ଚିତ ଭୁବନେଶ୍ୱର ମନୀଷ ଅନୁରାଗ ମୃତ୍ୟୁ ମାମଲା । ୩ ଅଭିଯୁକ୍ତଙ୍କୁ ୪ ଦିନିଆ ରିମାଣ୍ଡରେ ନେଇ ପଚରାଉଚରା କରିବ ପୋଲିସ । କମିଶନରେଟ୍ ପୋଲିସ ପକ୍ଷରୁ ୫ ଦିନ ଲାଗି ରିମାଣ୍ଡ ଆବେଦନ କରାଯାଇଥିଲା । ଜେଏମଏଫସି କୋର୍ଟ ୪ ଦିନ ଲାଗି ରିମାଣ୍ଡ ଅନୁମତି ପ୍ରଦାନ କରିଛନ୍ତି ।
ଗତକାଲି ପୋଲିସ ମନୀଷ ମୃତ୍ୟୁର ଖୁଲାସା କରିବା ପରେ ଅଭିଯୁକ୍ତଙ୍କୁ ୫ ଦିନିଆ ରିମାଣ୍ଡରେ ନେବାକୁ ଆବେଦନ କରିଥିଲା । ମନୀଷ ମୃତ୍ୟୁ ମାମଲାରେ ୩ ସାଙ୍ଗ ଦିନେଶ, ମୃତ୍ୟୁଞ୍ଜୟ ଓ ଅମ୍ରିତ ଗିରଫ ହୋଇଛନ୍ତି । ମନୀଷ ମୃତ୍ୟୁ ଘଟଣା ଉପରୁ ଗତକାଲି କମିଶନରେଟ୍ ପୋଲିସ ରହସ୍ୟ ହଟାଇଥିଲା ।
ବାରରେ ବିଲ ପେମେଣ୍ଟକୁ ନେଇ ସାଙ୍ଗମାନଙ୍କ ମଧ୍ୟରେ ହୋଇଥିଲା ବିବାଦ । ପରେ ଠେଲା ପେଲା ଓ ଆକ୍ରମଣ ଯୋଗୁ ଯାଇଥିଲା ମନୀଷଙ୍କ ଜୀବନ । ପରେ ପ୍ରମାଣ ନଷ୍ଟ କରିବାକୁ ସାଙ୍ଗ ରଚିଥିଲେ ଷଡ଼ଯନ୍ତ୍ର । ଅକ୍ଟୋବର ୯ ତାରିଖରେ ବାହାଘର ବ୍ୟାଚଲର ପାର୍ଟି ଦେଉଥିଲେ ମନୀଷ । ବାର୍ ମଧ୍ୟରେ ବିଲ ବାବଦକୁ ୮ରୁ ୧୦ ହଜାର ଟଙ୍କା ହେବା ପରେ ପେମେଣ୍ଟକୁ ନେଇ ବିବାଦ ଓ ଝଗଡ଼ା ହୋଇଥିଲା । ବାରରୁ ବାହାରିବା ପରେ ୪ ଜଣଙ୍କ ଭିତରେ ମାରପିଟ ହୋଇଥିଲା ।
ସାଙ୍ଗମାନଙ୍କ ଆକ୍ରମଣରେ ମନୀଷଙ୍କର ମୃତ୍ୟୁ ହୋଇଥିଲା । ଶେଷରେ ପ୍ରମାଣ ନଷ୍ଟ କରିବାକୁ ପୋଖରିରେ ମୃତଦେହ ଫିଙ୍ଗି ଦେଇ ହୋଟେଲ ସ୍ୱାଗତ ପ୍ୟାଲେସରେ ୧୨ ଘଣ୍ଟା କାଟିଥିଲେ ସଇତାନ୍ ସାଙ୍ଗ । ଅଭିଯୁକ୍ତଙ୍କ ବିରୋଧରେ ୩୬୪ (କ) ଅପହରଣ କରି ଟଙ୍କା ମାଗିବା, ୩୦୨ ହତ୍ୟା ଓ ୨୦୧ ପ୍ରମାଣ ନଷ୍ଟ କରିବା ଧାରା ଲାଗିଛି ।
ନୂଆଦିଲ୍ଲୀ: ନେପାଳକୁ ୩-୦ ଗୋଲରେ ହରାଇ ୮ମ ଥର ପାଇଁ ସାଫ୍ ଚାମ୍ପିଅନସିପ୍ ମୁକୁଟ ପିନ୍ଧିଛି ଭାରତ । ଅଧିନାୟକ ସୁନୀଲ ଛେତ୍ରୀ ଧମାକାଦାର ପ୍ରର୍ଦଶନ ସହ ୮୦ତମ ଆନ୍ତର୍ଜାତୀୟ ଗୋଲ୍ ଦେଇ ଲିୟୋନେଲ ମେସିଙ୍କ ସମକକ୍ଷ ହୋଇଛନ୍ତି ।
ଏହି ହାଇ ପ୍ରୋଫାଲଇ ଫାଇନାଲର ଆରମ୍ଭରୁ ଭାରତୀୟ ଫୁଟବଲ୍ ଟିମର ଦବଦବା ଦେଖିବାକୁ ମିଳିଥିଲା । ପ୍ରଥମାର୍ଦ୍ଧରେ ଭାରତୀୟ ଦଳ ମ୍ୟାଚକୁ ନିୟନ୍ତ୍ରଣରେ ରଖିଥିଲେ ବି ଗୋଲ୍ ଦେବାକୁ ସକ୍ଷମ ହୋଇନଥିଲା ।
ଦ୍ବିତୀୟାର୍ଦ୍ଧର ୪୯ତମ ମିନିଟରେ ସୁନୀଲ ପ୍ରଥମ ଗୋଲ୍ ଦେଇ ଭାରତକୁ ଆଗୁଆ କରିଥିଲେ । ଏହାର ମାତ୍ର ୧ ମିନିଟ ପରେ ସୁରେଶ ସିଂହ ଦ୍ବିତୀୟ ଗୋଲ୍ ସ୍କୋର୍ କରିଥିଲେ । ମ୍ୟାଚର ୯୦ ମିନିଟରେ ସହଲ୍ ଅବଦୁଲ୍ ସମାଦ ବିଜୟ ସୂଚକ ତୃତୀୟ ଗୋଲ୍ ଦେଇଥିଲେ ।
ଏହି ବିଜୟ ସହ ଭାରତ ୮ମ ଥର ସାଫ୍ ଚାମ୍ପିଅନସିପ୍ ଜିତିଛି । ମୁଖ୍ୟ କୋଚ୍ ଇଗରୋ ଷ୍ଟିମାକଙ୍କ ତତ୍ବାବଧାନରେ ଭାରତ ଏହି ମ୍ୟାଚ୍ ଜିତିବାକୁ ସକ୍ଷମ ହୋଇଛି । କୌଣସି ବିଦେଶୀ କୋଚଙ୍କ ତତ୍ବାବଧାନରେ ଏହା ଭାରତର ତୃତୀୟ ସାଫ୍ ଚାମ୍ପିଅନସିପ୍ ବିଜୟ ।
ବଲାଙ୍ଗିର: ସ୍ୱାମୀ-ସ୍ତ୍ରୀ କଳହର କରୁଣ ପରିଣତି । ମଦ୍ୟପ ସ୍ୱାମୀର ଟାଙ୍ଗିଆ ଚୋଟରେ ଗଲା ସ୍ତ୍ରୀର ଜୀବନ । ବଲାଙ୍ଗିର ପଟଣାଗଡ଼ ବ୍ଲକ ଭରତବାହାଳରେ ହତ୍ୟାକାଣ୍ଡ ଘଟିଛି । ପୋଷା ଠେକୁଆକୁ ଖାଇବାକୁ ଦେବାକୁ କେନ୍ଦ୍ରକରି ଗତ ରାତିରେ ଦମ୍ପତିଙ୍କ ମଧ୍ୟରେ କଳହ ଲାଗିଥିଲା । ମଦ୍ୟପ ସ୍ୱାମୀ ବାରମ୍ବାର ଟାଙ୍ଗିଆରେ ଆକ୍ରମଣ କରିବାରୁ ଘଟଣାସ୍ଥଳରେ ହିଁ ସ୍ତ୍ରୀର ମୃତ୍ୟୁ ହୋଇଛି । ମୃତକ ହେଲେ ଗାଁର ପଞ୍ଚୁ ନାଏକଙ୍କ ପତ୍ନୀ ଅମ୍ବିକା ।
ଏଥିସହ ପଢ଼ନ୍ତୁ: ଟାଟାରେ ଚାକିରି ନାଁରେ ଠକେଇ ମାମଲା, ପ୍ରଦୀପ ପାଣିଗ୍ରାହୀ ଓ ତାଙ୍କ ସହଯୋଗୀଙ୍କ ଘରେ ଭିଜିଲାନ୍ସ ରେଡ୍
ଖବର ପାଇ ଘଟଣା ସ୍ଥଳରେ ପୋଲିସ ପହଞ୍ଚି ତଦନ୍ତ କରୁଛି । ରାତି ପ୍ରାୟ ୮ଟା ସମୟରେ ସ୍ୱାମୀ-ସ୍ତ୍ରୀଙ୍କ ମଧ୍ଯରେ କୌଣସି ବିଷୟକୁ ନେଇ ଝଗଡ଼ା ହୋଇଥିଲା । ଏହାପରେ ସ୍ତ୍ରୀକୁ ଟାଙ୍ଗିଆରେ ଆକ୍ରମଣ କରିଥିଲା ସ୍ୱାମୀ । ସ୍ଥାନୀୟ ଲୋକେ ଦେଖିବା ବେଳକୁ ରକ୍ତ ଜୁଡୁବୁଡୁ ଅବସ୍ଥାରେ ଘର କବାଟ ପାଖରେ ଅମ୍ବିକା ପଡ଼ି ରହିଥିଲେ । ଅଭିଯୁକ୍ତ ସ୍ୱାମୀ ପଞ୍ଚୁ ଫେରାର ହୋଇଯାଇଛି ।
