spot_img
Home Blog Page 5071

ନ୍ୟୁଜିଲାଣ୍ଡ ଟିମରେ ପୁଣି ଜଣେ ଭାରତୀୟ; ସଚିନ ଓ ଦ୍ରାବିଡଙ୍କ ନାଁ ସହ ଅଛି କନେକସନ

ଜୟପୁର: ଗତକାଲି ଭାରତ-ନ୍ୟୁଜିଲାଣ୍ଡ ମଧ୍ୟରେ ପ୍ରଥମ ଟି-୨୦ ମ୍ୟାଚ ଖେଳାଯାଇଥିଲା । ଏହି ମ୍ୟାଚକୁ ୫ ଓ୍ବିକେଟର ବିଜୟ ଲାଭ କରିଛି ଟିମ୍ ଇଣ୍ଡିଆ । ତେବେ ଏହି ମ୍ୟାଚରେ ନ୍ୟୁଜିଲାଣ୍ଡ ପକ୍ଷରୁ ଆଉ ଜଣେ ଭାରତୀୟ ଖେଳିଥିଲେ । ସେ ହେଉଛନ୍ତି ରଚିନ୍ ରବିନ୍ଦ୍ର ।  ନ୍ୟୁଜିଲାଣ୍ଡ ସ୍ପିନର ଇସ୍ ସୋଢ଼ିଙ୍କ ପରେ ଦ୍ବିତୀୟ ଭାରତୀୟ ଭାବରେ ନ୍ୟୁଜିଲାଣ୍ଡରେ ପକ୍ଷରୁ ଖେଳୁଛନ୍ତି ରଚିନ । ତେବେ ଗତକାଲି ମ୍ୟାଚରେ କିଛି ଦମଦାର ପ୍ରଦର୍ଶନ କରି ପାରିନଥିଲେ ରଚିନ ।  କିନ୍ତୁ ତାଙ୍କ ନାଁକୁ ନେଇ ବେଶ୍ ଚର୍ଚ୍ଚାରେ ଅଛନ୍ତି ରଚିନ୍ ।

ନ୍ୟୁଜିଲାଣ୍ଡ ବ୍ୟାଟ୍ସମ୍ୟାନ ରବିନ୍ଦ୍ରଙ୍କ ପିତା ଆର, କୃଷ୍ଣାମୂର୍ତ୍ତି ୯୦ ଦଶକରେ ତାଙ୍କ କାମ ପାଇଁ ନ୍ୟୁଜିଲାଣ୍ଡ ଯାଇଥିଲେ । ସେଠାରେ ରବିନ୍ଦ୍ର ଜନ୍ମ ଗ୍ରହଣ କରିଥିଲେ । ରଚିନଙ୍କ ପିତା କ୍ରିକେଟକୁ ବହୁତ ପସନ୍ଦ କରୁଥିଲେ । ଯେଉଁଥି ପାଇଁ ସେ ଓ୍ବିଲିଙ୍ଗଟନରେ ତାଙ୍କର ଗୋଟିଏ କ୍ରିକେଟ କ୍ଲବ ଆରମ୍ଭ କରିଥିଲେ । ଭାରତୀୟ କ୍ରିକେଟର ସଚିନ୍ ତେନ୍ଦୁଲକର ଓ ରାହୁଲ ଦ୍ରାବିଡଙ୍କ ଫ୍ୟାନ ଥିବା ରବିନ୍ଦ୍ରଙ୍କ ପିତା ଏହି ଦୁଇ ଭାରତୀୟ ବ୍ୟାଟ୍ସମ୍ୟାନଙ୍କ ନାଁର ଅକ୍ଷର ମିଶାଇ ତାଙ୍କ ପୁଅର ନାମ ‘ରଚିନ୍’ ରଖିଥିଲା । (RACHIN: Ra-Rahul; Chin-Sachin)

ନ୍ୟୁଜିଲାଣ୍ଡର ଘରୋଇ କ୍ରିକେଟରେ ରଚିନ୍ ଆଗାମୀ ସମୟରେ ଷ୍ଟାର ଖେଳାଳି ଭାବରେ ଜଣାଯାଉଛି । ରଚିନ୍ ୨୦୧୬ରେ ଓ ୨୦୧୮ରେ ନ୍ୟୁଜିଲାଣ୍ଡ ପାଇଁ ଅଣ୍ଡର-୧୯ ବିଶ୍ବକପରେ ଭାଗ ନେଇଥିଲେ ଏବଂ ଦମଦାର ପ୍ରଦର୍ଶନ କରିଥିଲେ । ଏହା ବ୍ୟତୀତ ରଚିନ୍ ଲଗାତର ଭାବରେ ନ୍ୟୁଜିଲାଣ୍ଡ ଦଳରେ ରହିଛନ୍ତି । ରଚିନ୍ ୨୦୨୧ ସେପ୍ଟମ୍ବରରେ ବାଂଲାଦେଶ ବିପକ୍ଷରେ ଅନ୍ତର୍ଜାତୀୟ କ୍ରିକେଟରେ ଡେବ୍ୟୁ କରିଥିଲେ ।

କିନ୍ତୁ ଏହି ସିରିଜରେ ରଚିନ୍ ବ୍ୟାଟରେ କିଛି କମାଲ କରିପାରିନଥିଲେ କିନ୍ତୁ ୬ଟି ଟି-୨୦ ଅନ୍ତର୍ଜାତୀୟ ମ୍ୟାଚରେ ୬ଟି ଓ୍ବିକେଟ ଅକ୍ତିଆର କରି ନ୍ୟୁଜିଲାଣ୍ଡ ଟିମରେ ସ୍ଥାନ ପକ୍କା କରିଛନ୍ତି । ନ୍ୟୁଜିଲାଣ୍ଡ ଘରୋଇ କ୍ରିକେଟରେ ରଚିନ୍ ଗତ ଦୁଇଟି ସିଜିନରେ ଦମଦାର ପ୍ରଦର୍ଶନ କରିଛନ୍ତି । ପ୍ରଥମ ଶ୍ରେଣୀ କ୍ରିକେଟରେ ରଚିନ୍ ୨୮ ମ୍ୟାଚରେ ୩୮.୯୦ ହାରାହାରି ରନ ସଂଗ୍ରହ କରନ୍ତି । ଯେଉଁଥିରେ ୩ଟି ଶତକ ଏବଂ ୧୦ଟି ଅର୍ଦ୍ଧଶତକ ହାସଲ କରିଥିଲେ ।

ମମିତା ହତ୍ୟା ମାମଲାର ଷ୍ଟାଟସ୍ ରିପୋର୍ଟ ମାଗିଲେ ହାଇକୋର୍ଟ

କଟକ: ମମିତା ମେହେର ହତ୍ୟା ମାମଲାରେ ସରକାରଙ୍କୁ ତଦନ୍ତର ଷ୍ଟାଟସ୍ ରିପୋର୍ଟ ମାଗିଛନ୍ତି ହାଇକୋର୍ଟ । ତଦନ୍ତ କେତେଦୂର ଆଗେଇଛି, ତା’ର ରିପୋର୍ଟ ଦେବାକୁ କୁହାଯାଇଛି । ଡିସେମ୍ବର ୩ରେ ମାମଲାର ପରବର୍ତ୍ତୀ ଶୁଣାଣି ହେବ । ମାମଲାର ତ୍ୱରିତ ଶୁଣାଣି ଓ ଫାଷ୍ଟଟ୍ରାକ୍ କୋର୍ଟରେ ବିଚାର ପାଇଁ ଗତ ୧୬ ତାରିଖରେ ହାଇକୋର୍ଟରେ ଆବେଦନ କରିଥିଲେ ମମିତାଙ୍କ ପରିବାର ।

ମମିତାଙ୍କ ହତ୍ୟା ମାମଲାରେ ଅଯଥା ରାଜନୀତି ହେଉଥିବା ପରିବାର ଲୋକ ଅଭିଯୋଗ କରିଥିଲେ । କିଛି ନିର୍ଦ୍ଦିଷ୍ଟ ଗଣମାଧ୍ୟମ ରାଜନୈତିକ ଦଳର ହାତ ବାରିସି ସାଜି ସମ୍ବେଦନଶୀଳ ଖବର ପରିବେଷଣ କରୁଛନ୍ତି । ତେଣୁ ତ୍ବରିତ ତଦନ୍ତ ହିଁ ଏକମାତ୍ର ସମାଧାନ ବୋଲି କହି ହାଇକୋର୍ଟରେ ଆବେଦନ କରିଥିଲେ ମମିତାଙ୍କ ପରିବାର । ଘଟଣାରେ ପରିବାରର ଅଧିକାର କ୍ଷୁର୍ଣ୍ଣ କରାଯାଉଛି । ଘଟଣାର ତଦନ୍ତ ବିଳମ୍ବ ହେଉଥିବାରୁ କିଛି ରାଜନୈତିକ ଦଳ ଏହାକୁ ଅଯଥା ପ୍ରସଙ୍ଗ କରୁଥିବା ବେଳେ ଓ କିଛି ନିର୍ଦ୍ଦିଷ୍ଟ ଗଣମାଧ୍ୟମ ଅତିରଞ୍ଜିତ ଖବର ପରିବେଷଣ କରି ମୃତ ମମିତାଙ୍କର ଚରିତ୍ର ସଂହାର କରୁଥିବା ଆବେଦନରେ ଦର୍ଶାଇଥିଲେ ମମିତାଙ୍କ ପରିବାର ।

ପୁଣି ପାଣି ପାଣି ଚେନ୍ନାଇ, ଲଗାଣ ବର୍ଷାରେ ବେଲଗାମ ଜଳ

ଚେନ୍ନାଇ: ପୁଣି ପାଣି ପାଣି ହେଲା ଚେନ୍ନାଇ । ଲଗାଣ ବର୍ଷା ଯୋଗୁ ଚେନ୍ନାଇ ସମେତ କୁଡାଲୋର, ଭିଲୁପୁରମ୍, ଚେଙ୍ଗାଲପଟ୍ଟୁ, କାଞ୍ଚିପୁରମ୍, ଥିରୁଭାଲୁର ଆଦି ଜିଲ୍ଲାର ଅଧିକାଂଶ ଅଞ୍ଚଳ ଜଳମଗ୍ନ ହୋଇଛି । କେନ୍ଦ୍ରଶାସିତ ଅଞ୍ଚଳ ପୁଡୁଚେରୀରେ ବି ପ୍ରବଳ ବର୍ଷା ଲାଗି ରହିଛି । ବର୍ଷା ଯୋଗୁ ୧୯ ଜିଲ୍ଲାରେ ସ୍କୁଲ, କଲେଜ ଛୁଟି ଘୋଷଣା କରାଯାଇଛି । ପେରାମ୍ବଲୁରୁ, ଭେଲେର, ରାଣିପତରେ ଆଜି ପ୍ରବଳରୁ ଅତି ପ୍ରବଳ ବର୍ଷା ହୋଇପାରେ ବୋଲି ପୂର୍ବାନୁମାନ କରିଛି ଭାରତୀୟ ପାଣିପାଗ ବିଭାଗ ।

ଦକ୍ଷିଣ ପୂର୍ବ ବଙ୍ଗୋପସାଗରରେ ସୃଷ୍ଟି ହୋଇଥିବା ଲଘୁଚାପ ବଳୟ ଅବପାତରେ ପରିଣତ ହୋଇଛି । ଯାହା ପ୍ରଭାବରେ ତାମିଲନାଡୁ ଉପକୂଳରେ ବର୍ଷାଲାଗି ରହିଛି । ତିରୁପୁର ଜିଲ୍ଲାରେ ସର୍ବାଧିକ ୨୦ ସେମି ବର୍ଷା ରେକର୍ଡ ହୋଇଛି । ଅଧିକାଂଶ ଜିଲ୍ଲାରେ ଆଜି ବି ପ୍ରବଳବର୍ଷା ଜାରି ରହିଛି । ତଳିଆ ଅଞ୍ଚଳଗୁଡ଼ିକରେ ଉଦ୍ଧାର କାର୍ଯ୍ୟ ଜୋରଦାର କରାଯାଉଛି । ଚେନ୍ନାଇରେ ଏନଡିଆରଏଫର ଦୁଇଟି ଟିମ୍ ନିୟୋଜିତ କରାଯାଇଥିବା ବେଳେ ଅନ୍ୟ ଜିଲ୍ଲାରେ ଉଦ୍ଧାରକାରୀ ଟିମ୍ ନିୟୋଜିତ ହୋଇଛନ୍ତି । ଆସନ୍ତାକାଲି ସକାଳ ସୁଦ୍ଧା ଅବପାତ ତାମିଲନାଡୁ ଉପକୂଳ ଅତିକ୍ରମ କରିବ ବୋଲି ଆଞ୍ଚଳିକ ପାଣିପାଗ ବିଭାଗ ପୂର୍ବାନୁମାନ କରିଛି ।

ଗ୍ୟାସ ସିଲିଣ୍ଡର ଫାଟି ଲାଗିଲା ନିଆଁ

0

କଟକ: କଟକ କାଜି ବଜାରରେ ଭୟାବହ ଅଗ୍ନିକାଣ୍ଡ । ଇଲେକ୍ଟ୍ରି ଅଫିସ ନିକଟରେ ଗ୍ୟାସ ସିଲିଣ୍ଡର ଫାଟି ଲାଗିଲା ନିଆଁ । ଜଳିଗଲା ଘର । ଅଗ୍ନିକାଣ୍ଡରେ ଜଣେ ଲୋକ ଗୁରୁତର ଆହତ । ତାଙ୍କୁ କଟକ ବଡ଼ ମେଡିକାଲରେ ଭର୍ତ୍ତି କରାଯାଇଛି । ଅଗ୍ନିଶମ ବାହିନୀ କର୍ମଚାରୀ ଘଟଣାସ୍ଥଳରେ ପହଞ୍ଚି ନିଆଁ ଲିଭାଇଲେ ।

ଅଫଲାଇନ୍ ମୁଡ଼ରେ ଦଶମ ଓ ଦ୍ବାଦଶ ପରୀକ୍ଷା

0

ନୂଆଦିଲ୍ଲୀ: ଅଫଲାଇନ ମୋଡରେ ହେବ ଦଶମ, ଦ୍ବାଦଶ ପରୀକ୍ଷା । ଅନ୍‌ଲାଇନ୍‌ରେ ପରୀକ୍ଷା କରିବା ନେଇ ଛାତ୍ରଛାତ୍ରୀଙ୍କ ଆବେଦନକୁ ଖାରଜ କଲେ ସୁପ୍ରିମକୋର୍ଟ । ନଭେମ୍ବର ୧୬ରୁ ସିବିଏସଇ ଟର୍ମ-ଓ୍ବାନ୍ ପରୀକ୍ଷା ଆରମ୍ଭ ହୋଇଛି । ତେଣୁ ଏହି ସମୟରେ କୌଣସି ହସ୍ତକ୍ଷେପ ପୂରା ପ୍ରକ୍ରିୟାରେ ବାଧା ସୃଷ୍ଟି କରିବ । ସେହିପରି ନଭେମ୍ବର ୨୨ ତାରିଖରୁ ଆଇସିଏସଇ ଟର୍ମ ପରୀକ୍ଷା ଆରମ୍ଭ ହେବାକୁ ଅଛି । କରୋନା କଟକଣାରେ ଧାର୍ଯ୍ୟ ତାରିଖରେ ପରୀକ୍ଷା କରିବାକୁ ସୁପ୍ରିମକୋର୍ଟ ନିର୍ଦ୍ଦେଶ ଦେଇଛନ୍ତି ।

କରୋନା କଟକଣାକୁ ନଜରରେ ରଖି ଆବଶ୍ୟକ ବ୍ୟବସ୍ଥା କରାଯାଇଥିବା ସିବିଏସଇ ପକ୍ଷରୁ ତଥ୍ୟ ରଖିଛନ୍ତି ସୋସିସିଏଟର ଜେନେରାଲ ତୁଷାର ମେହଟ୍ଟା । ସାମାଜିକ ଦୂରତା ରକ୍ଷା ପାଇଁ ପରୀକ୍ଷା କେନ୍ଦ୍ର ୬ ହଜାର ୫ ଶହରୁ ବଢାଇ ୧୫ ହଜାର କରାଯାଇଛି । ସେହିପରି ପରୀକ୍ଷା ସମୟ ୩ ଘଣ୍ଟାରୁ କମାଇ ଦେଢ ଘଣ୍ଟା କରାଯାଇଛି । ୩୪ ଲକ୍ଷ ଛାତ୍ରଛାତ୍ରୀ ପରୀକ୍ଷା ଦେଉଥିବାରୁ ଏବେ ପରୀକ୍ଷାର ମୋଡ୍‌ ବଦଳାଇବା କଷ୍ଟକର ହେବ ବୋଲି କହିଛନ୍ତି ତୁଷାର ।

କ୍ରିପ୍ଟୋ କରେନ୍ସି ଭୁଲ ହାତକୁ ଗଲେ ଯୁବପିଢ଼ୀ ବର୍ବାଦ ହୋଇଯିବେ; ପ୍ରଧାନମନ୍ତ୍ରୀ

ନୂଆଦିଲ୍ଲୀ: ଭାରତରେ କିଛି ଦିନ ଧରି କ୍ରିପ୍ଟୋ କରେନ୍ସିକୁ ନେଇ ଚର୍ଚ୍ଚା ଜାରି ରହିଛି । ତେବେ କ୍ରିପ୍ଟୋ କରେନ୍ସିକୁ ନେଇ ଆଲୋଚନା ପରେ ଆଜି କ୍ରିପ୍ଟୋ କରେନ୍ସିକୁ ନେଇ ଚିନ୍ତା ପ୍ରକଟ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ବିଶ୍ବ ଗଣତାନ୍ତ୍ରିକ ରାଷ୍ଟ୍ରଗୁଡିକ କ୍ରିପ୍ଟୋ କରେନ୍ସି ଉପରେ ମିଳିତ ଭାବରେ କାର୍ଯ୍ୟ କରିବାକୁ କହିଛଡ଼୍ତି ମୋଦି । ମୋଦି କହିଛନ୍ତି କି ଏହା ଭୁଲ ହାତରେ ଯେପରିର ନପଡ଼େ ସେଥିପ୍ରତି ଧ୍ୟାନ ଦେବାକୁ କହିଛନ୍ତି ମୋଦି । ତେବେ ଭାରତରେ କ୍ରିପ୍ଟୋ କରେନ୍ସି ପାଇଁ ଏକ ନୂଆ ନିୟମ ଉପରେ ଭାରତ କାର୍ଯ୍ୟ କରୁଛି ବୋଲି ମଧ୍ୟ କହିଛନ୍ତି ପ୍ରଧାନମନ୍ତ୍ରୀ ମୋଦି । ଭାରତରେ କିପରି କ୍ରିପ୍ଟୋ କରେନ୍ସି କିପରି ଆଗକୁ ବଢ଼ିବ ସେନେଇ ଆଲୋଚନା ହେବାର କିଛି ଦିନ ପରେ ପ୍ରଧାନମନ୍ତ୍ରୀ ମୋଦି ଅବ୍ୟବହୃତ କ୍ରିପ୍ଟୋ କରେନ୍ସି ବଜାରରେ ଅର୍ଥ ହେରଫେର ତଥା ଆତଙ୍କବାଦୀଙ୍କ ପାଇଁ ଆର୍ଥିକ ସହାୟତା ପାଲଟିଛି ।

ବର୍ତ୍ତମାନ ଟେକ୍ନୋଲୋଜି ଓ ତଥ୍ୟ ନୂଆ ଅସ୍ତ୍ରରେ ପରିଣତ ହୋଇଛି । ଏବଂ ଏହି ତଥ୍ୟ ଶାସନ ପାଇଁ ଗଣତାନ୍ତ୍ରିକ ରାଷ୍ଟ୍ରଗୁଡିକୁ ନିଶ୍ଚିତ ଭାବରେ ସାହାର୍ଯ୍ୟ କରିବ ବୋଲି ପ୍ରଧାନମନ୍ତ୍ରୀ କହିଛନ୍ତି । ଉଦାହରଣ ସ୍ବରୂପ ଆମେ କ୍ରିପ୍ଟୋ କରେନ୍ସି ଓ ବିଟ୍ କଏନକୁ ନେଇ ପାରିବା । ଏହା ଗୁରୁତ୍ବପୂର୍ଣ୍ଣ ଯେ ଏହି କ୍ରିପ୍ଟୋ କରେନ୍ସି ଉପରେ ସମସ୍ତ ଗଣତାନ୍ତ୍ରିକ ରାଷ୍ଟ୍ର ଗୁଡିକ ମିଳିତ ଭାବରେ କାମ କରିବା ଜରୁରୀ । କାହିଁକି ନା ଯଦି ଏହା ଭୁଲ ହାତରେ ପଡ଼ିଯାଏ ତେବେ ଏହା ଆମ ଯୁବକମାନଙ୍କୁ ବରବାଦ୍ କରିଦେଇପାରେ ବୋଲି ସଡିନୀ ଡାଏଲୋଗରେ କହିଛନ୍ତି ନରେନ୍ଦ୍ର ମୋଦି ।

କ୍ରିପ୍ଟୋ କରେନ୍ସି ଉପରେ ଭାରତ ସରକାର ଏକ ନିୟାମକ ଉପରେ କାର୍ଯ୍ୟ କରୁଛନ୍ତି । ଯାହା ଦ୍ବାରା ଭାରତରେ କ୍ରିପ୍ଟୋ କରେନ୍ସିକୁ ସମ୍ପୂର୍ଣ୍ଣ ଭାବରେ ବ୍ୟାନ କରାଯିବ ନାହିଁ । ସରକାର କାରବାର ଓ ପେମେଣ୍ଟ କରିବା ପାଇଁ କ୍ରିପ୍ଟୋ କରେନ୍ସିକୁ ବ୍ୟାନ କରିପାରେ । କିନ୍ତୁ ସାଧାରଣ ଲୋକମାନେ ଏହାକୁ ସୁନା, ଅଶଂଧନ କିମ୍ବା ବଣ୍ଡ ପରି ସମ୍ପତ୍ତି ଭାବରେ ରଖିପାରିବେ ।

ଗତ ଶନିବାର କ୍ରିପ୍ଟୋ କରେନ୍ସିକୁ ନେଇ ପ୍ରଧାନମନ୍ତ୍ରୀ ଏକ ବୈଠକ କରିଥିଲେ । ଯେଉଁଥିରେ ରିର୍ଜଭ ବ୍ୟାଙ୍କ ଅଫ ଇଣ୍ଡିଆ, ଅର୍ଥ ମନ୍ତ୍ରଣାଳୟ ଓ ଗୃହ ମନ୍ତ୍ରଣାଳୟର ବିଶେଷଜ୍ଞ ଯୋଗ ଦେଇଥିଲେ । ଅତ୍ୟଧିକ ବିଜ୍ଞାପନ ଯୁବକମାନଙ୍କୁ ବିଭ୍ରାନ୍ତ କରିବାକୁ ଚେଷ୍ଟା ବନ୍ଦ କରାଯିବ ଆବଶ୍ୟକ ବୋଲି ବୈଠକରେ ଆଲୋଚନା ହୋଇଥିଲା ।ତେବେ ଆରବିଆଇ ଗଭର୍ଣ୍ଣର ଶକ୍ତିକାନ୍ତ ଦାଶ କହିଛନ୍ତି କି କ୍ରିପ୍ଟୋ କରେନ୍ସି ବାବଦରେ ଭାରତକୁ ଆହୁରି ଅଧିକ ଆଲୋଚନା କରିବା ଜରୁରୀ । ଯେତେବେଳେ କି କେନ୍ଦ୍ରୀୟ ବ୍ୟାଙ୍କ କହିସାରିଛି କି ମାଇକ୍ରୋ ଅର୍ଥନୈତିକ ଏବଂ ଆର୍ଥିକ ସ୍ଥିରତାକୁ ଦୃଷ୍ଟିରେ ରଖି ଆମକୁ ଏହା ଉପରେ ଗମ୍ଭୀର ଭାବରେ ଆଲୋଚନା କରିବାକୁ ପଡ଼ିବ ।

ତେବେ ଆଜି ପ୍ରଧାନମନ୍ତ୍ରୀ ତାଙ୍କ ଅଭିଭାଷଣରେ କହିଛନ୍ତି କି ଡିଜିଟାଲ ଯୁଗ ଆମ ଚାରି ପାଖରେ ସବୁକିଛି ବଦଳାଇ ଦେଉଛି । ରାଜନିତୀ, ଅର୍ଥନୀତି ଓ ସମାଜକୁ ଡିଜିଟାଲ ପୁନଃବ୍ୟାଖ୍ୟା କରିଛି । ସେ ଆହୁରି କହିଛନ୍ତି କି ଏହା ସର୍ବଭୌମତା, ଶାସନ, ନୈତିକତା, ଆଇନ, ଅଧିକାର ଓ ସୁରକ୍ଷା ଉପରେ ନୂଆ ପ୍ରଶ୍ନ ଉଠାଇଛି ।

ଚୀନର ଦାଦାଗିରି; ଡୋକଲାମରେ କରିଛି ୪ଟି ଗାଁ

ନୂଆଦିଲ୍ଲୀ: ଅମାନିଆ ପଡ଼ୋଶୀ । ସୀମା ବିବାଦକୁ ନେଇ ଭାରତ-ଚୀନ୍ ବିବାଦ ସମାଧାନ ପାଇଁ ଆଲୋଚନା ଜାରି ରହିଥିବା ବେଳେ ବିସ୍ତାରବାଦୀ ଚିନର ଆଉ ଏକ ଚାଲାକି ସାମ୍ନାକୁ ଆସିଛି । ଭୁଟାନର ବିବାଦୀୟ ଅଞ୍ଚଳକୁ ବେଆଇନ ଭାବେ ଦଖଲ କରିଛନ୍ତି ଚୀନ୍ ସେନା । ଚୀନ ଓ ଭୁଟନର ବିବଦୀୟ କ୍ଷେତ୍ରରେ ଚାରୋଟି ଗ୍ରାମ ନିର୍ମାଣ କରିଛି ଚୀନ । ଏଲଏସି ଅତିକ୍ରମ କରି ଚୀନ ସେନା ଅନୁପ୍ରବେଶ କରିଥିବା ବେଳେ ଏହାକୁ ନିଜ ଦେଶର ବୋଲି ପ୍ରମାଣିତ କରିବା ପାଇଁ ସେଠାରେ ୪ଟି ଗାଁ ମଧ୍ୟ ନିର୍ମାଣ କରାଯାଇଛି ।

ଗାଁ ଗୁଡ଼ିକ ଡୋକଲାମ ନିକଟ ବିବାଦୀୟ ଜମିରେ ରହିଛି । ସାଟେଲାଇଟ ଇମେଜରୁ ଏହି ଗାଁ ସମ୍ପର୍କରେ ଜଣାପଡ଼ିଛି । ୨୦୨୦ରୁ ୨୦୨୧ ମଧ୍ୟରେ ଏହି ଗାଁ ନିର୍ମାଣ କରାଯାଇଛି । ପ୍ରାୟ ୧୦୦ ବର୍ଗ କିଲୋମିଟର ଅଞ୍ଚଳରେ ଚୀନ୍ ନିର୍ମାଣ କରିଥିବା ଗାଁ ଭାରତ ପାଇଁ ଚିନ୍ତା ବଢ଼ାଇଛି । ୨୦୧୭ରେ ଡୋକଲାମ ସୀମାକୁ ନେଇ ଭାରତ-ଚୀନ୍ ମଧ୍ୟରେ ଉତ୍ତେଜନା ପ୍ରକାଶ ପାଇଥିଲା । ତେବେ ଏହି ଚୀନର ଏପରି ପଦକ୍ଷେପରେ ଭାରତ ଦୃଷ୍ଟିରୁ ଠିକ୍ ନୁହେଁ ବୋଲି କୁହାଯାଉଛି ।

ଦୁର୍ନୀତି ବିରୋଧରେ ଜିରୋ ଟଲରାନ୍ସ: ପ୍ରତାପ ସାମଲଙ୍କୁ ବାଧ୍ୟତାମୂଳକ ଅବସର

ଭୁବନେଶ୍ବର: ଦୁର୍ନୀତି ବିରୋଧରେ ରାଜ୍ୟ ସରକାରଙ୍କ ଜିରୋ ଟଲରାନ୍ସ ଆଭିମୁଖ୍ୟ । ଦୁର୍ନୀତିରେ ଲିପ୍ତ ରହିଲେ ଯିବ ଚାକିରି । ସରକାରଙ୍କ ଏହି ନୀତି ପୁଣି ଥରେ ପ୍ରମାଣିତ କରିଛି ମୁଖ୍ୟମନ୍ତ୍ରୀ ପ୍ରଶାସନିକ ସ୍ବଚ୍ଛତାକୁ । ଓଡିଶା ରାଜ୍ୟ ପୋଲିସ ହାଉସିଂ ନିଗମର ପୂର୍ବତନ ଡେପୁଟି ମ୍ୟାନେଜର ପ୍ରତାପ ସାମଲଙ୍କୁ ଦିଆଗଲା ବାଧ୍ୟତାମୂଳକ ଅବସର । ପ୍ରତାପଙ୍କୁ ମିଶାଇ ଏପର୍ଯ୍ୟନ୍ତ ୧୩୧ ଅଧିକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ହୋଇସାରିଲାଣି ।

ସାଧୁତା ଓ ନୈତିକତା ବଜାୟ ରଖିବା ସହ ଜନସାଧାରଣଙ୍କୁ ସ୍ବଚ୍ଛ, ଦକ୍ଷ ଏବଂ ଉତ୍ତରଦାୟୀ ପ୍ରଶାସନ ସେବା ଯୋଗାଇ ଦେବା ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନିରନ୍ତର ପ୍ରଚେଷ୍ଟା ଜାରି ରଖିଛନ୍ତି। ସବୁ ସମୟରେ ପ୍ରଶାସନିକ ବ୍ୟବସ୍ଥାରେ ସ୍ବଚ୍ଛତା ଉପରେ ଗୁରୁତ୍ବ ଦେଇ ଆସିଛନ୍ତି । ମୁଖ୍ୟମନ୍ତ୍ରୀଙ୍କ ଆଭିମୁଖ୍ୟ ଅନୁଯାୟୀ ରାଜ୍ୟ ସରକାର ଦୁର୍ନୀତିଗ୍ରସ୍ତ ଓ ଅପାରଗ ଅଧିକାରୀଙ୍କ ବିରୋଧରେ ଜିରୋ ଟଲରାନ୍ସ ନୀତି ଅବଲମ୍ବନ କରି କଠୋର ପଦକ୍ଷେପ ଜାରି ରଖିଛନ୍ତି ।

ଏହି ପରିପ୍ରେକ୍ଷୀରେ ଆଜି ରାଜ୍ୟ ସରକାର ଓଡିଶା ରାଜ୍ୟ ପୋଲିସ ଗୃହ ନିର୍ମାଣ ଓ କଲ୍ୟାଣ ନିଗମର ପୂର୍ବତନ ଡେପୁଟୀ ମ୍ୟାନେଜର ପ୍ରତାପ କୁମାର ସାମଲଙ୍କୁ ଅପାରଗତା ଓ ଦୁର୍ନୀତି ଯୋଗୁଁ ବାଧ୍ୟତାମୂଳକ ଅବସର ଦେଇଛନ୍ତି । ପୂର୍ବରୁ ସେ ନିଲମ୍ବିତ ହୋଇଥିଲେ । ନିକଟରେ ତାଙ୍କ ବାସଭବନରେ ଦୁର୍ନୀତି ନିବାରଣ ବିଭାଗ ପକ୍ଷରୁ ଚଢାଉ କରଯାଇ ବ୍ୟାପକ ପରିମାଣର ଆୟ ବହିର୍ଭୁତ ସମ୍ପତ୍ତି ଜବତ କରାଯାଇଥିଲା । ଏହାକୁ ମିଶାଇ ବର୍ତ୍ତମନ ସୁଦ୍ଧା ୧୩୧ ଜଣ ଅଧିକାରୀଙ୍କୁ ବାଧ୍ୟତାମୂଳକ ଅବସର ବା ଚାକିରିରୁ ବହିଷ୍କାର କରାଗଲାଣି ।

ସଜେଇ ହେଉଛି ସ୍ମାର୍ଟ ସ୍କୁଲ, ଧନ୍ୟବାଦ ଦେଉଛନ୍ତି ଗ୍ରାମବାସୀ

ବଲାଙ୍ଗୀର: ସରକାର ଶିକ୍ଷାର ଉନ୍ନତି ପାଇଁ ଆରମ୍ଭ କରିଛନ୍ତି ସ୍ମାର୍ଟ ବିଦ୍ୟାଳୟ । ବଦଳିଛି ସରକାରୀ ବିଦ୍ୟାଳୟର ରୂପରେଖ। ମୁଖ୍ୟମନ୍ତ୍ରୀଙ୍କ ୫ଟି ଯୋଜନାରେ ଏବେ ସରକାରୀ ବିଦ୍ୟାଳୟ ଗୁଡିକର ଭିତ୍ତିଭୂମୀ ସୁଦୃଢ କରାଯାଇ ଉନ୍ନତ୍ତ ମାନର ଶିକ୍ଷାଦାନ କରିବାର ବ୍ୟବସ୍ଥା କରାଯାଇଛି । ବଲାଙ୍ଗୀର ଜିଲ୍ଲାର କଣ୍ଟାବାଞ୍ଜି ନିର୍ବାଚନ ମଣ୍ଡଳୀର ୩ଟି ବ୍ଲକରେ ପ୍ରଥମ ପର୍ଯ୍ୟାୟରେ ୬ଟି ବିଦ୍ୟାଳୟକୁ ସ୍ଲାର୍ଟ ସ୍କୁଲ ର ମାନ୍ୟତା ମିଳିଛି । ଶେଷ ସ୍ପର୍ଶରେ ଏବେ ଏହି ସବୁ ବିଦ୍ୟାଳୟ । ପାଠ ପଢୁଥିବା ଛାତ୍ରଛାତ୍ରୀମାନେ ବେଶ୍ ଖୁସୀ ଥିବା ବେଳେ ଅବିଭାବକ ତଥା ଶିକ୍ଷକ ଶିକ୍ଷୟତ୍ରୀ ବେଶ୍ ଉତ୍ସାହିତ ଥିବା ଦେଖାଯାଇଛି ।

ବଦଳିଛି ସରକାରୀ ହାଇସ୍କୁଲର ଚିତ୍ର । ନୂଆ ରୂପ ପାଇଛି ହାଇସ୍କୁଲ । ସ୍କୁଲ ରୁପାନ୍ତରଣ କାର୍ଯ୍ୟକ୍ରମରେ ବଲାଙ୍ଗୀର ଜିଲ୍ଲାର କଣ୍ଟାବାଞ୍ଜି ନିର୍ବାଚନ ମଣ୍ଡଳୀ ର ପ୍ରଥମ ପର୍ଯ୍ୟାୟରେ ୬ ଟି ବିଦ୍ୟାଳୟ ଡିଜିଟାଲାଇଜେସନ ହେଇଛି ।  ବଙ୍ଗୋମୁଣ୍ଡା ବ୍ଲକ ସିଂଧେକେଲା ରେ ଥିବା ପଲ୍ଲୀ ପ୍ରଗତି ହାଇସ୍କୁଲ ର ଦୃଶ୍ୟ ଅତ୍ୟାଧୂନିକ ବ୍ୟବସ୍ଥା ସହିତ ସୌନ୍ଦର୍ଯ୍ୟିକରଣ ହୋଇଛି ।ସ୍ମାର୍ଟ କ୍ଲାସ ରୁମ, ଇ ଲାଇବ୍ରେରୀ, ଉନ୍ନତ୍ତମାନ ର ପରୀକ୍ଷାଗାର,ଇନଫରମେସ ପାର୍କ , ବୋଟାନିକାଲ ଗାର୍ଡେନ ସହିତ ସୁଦ୍ଧ ପାନୀୟ ଜଳ ଓ ସୌଚାଳୟ ବ୍ୟବସ୍ଥା କରାଯାଇଛି ଏହି ବିଦ୍ୟାଳୟଗୁଡିକରେ।ଛାତ୍ରଛାତ୍ରୀଙ୍କ ବୌଦ୍ଧିକ ବିକାଶ ପାଇଁ ସ୍କୁଲ କାନ୍ଥରେ ଲେଖାଯାଇଛି ନିତୀବାଣୀ ।

ଏମିତି ନୂତନ ବିଦ୍ଯାଳୟକୁ ପାଇ ଛାତ୍ରାଛାତ୍ରୀ ତଥା ଗ୍ରାମବାସୀମାନେ ବେଶ୍ ଖୁସୀ ଥିବା ସହିତ ରାଜ୍ୟ ସରକାର ଓ 5ଟି ସଚିବଙ୍କୁ ଧନ୍ୟବାଦ ଦେଇଛନ୍ତି ।
୫ଟି ଅଧିନରେ କଣ୍ଟାବାଞ୍ଜି ନିର୍ବାଚନ ମଣ୍ଡଳୀ ର ପ୍ରଥମ ପର୍ଯ୍ୟାୟରେ ୩ ଟି ବ୍ଲକ ର ୬ଟି ହାଇସ୍କୁଲର ରୁପାନ୍ତରିକରଣ କରାଯାଇଛି । ବଙ୍ଗୋମୁଣ୍ଡା ବ୍ଲକ ର ପଲ୍ଲୀଶ୍ରୀ ନୋଡାଲ ଉଚ୍ଚ ବିଦ୍ୟାଳୟ ସିଂଧେକେଲା, ତୁରେକେଲା ବ୍ଲକର କଣ୍ଟାବାଞ୍ଜି ବାଳିକା ଉଚ୍ଚ ବିଦ୍ୟାଳୟ , ତୁରେକେଲା ଉଚ୍ଚ ବିଦ୍ୟାଳୟ ଓ ମୁରିବାହାଲ ବ୍ଲକର ସିରୋଲ ଉନ୍ନତି ଉଚ୍ଚ ବିଦ୍ୟାଳୟ , ଲେବଡା ଉଚ୍ଚ ବିଦ୍ୟାଳୟ, ମୁରିବାହଲ ପଂଚାୟତ ଉଚ୍ଚ ବିଦ୍ୟାଳୟ ହାଇସ୍କୁଲକୁ ରୁପାନ୍ତୀକରଣ କରାଯାଇଛି ।ଆସନ୍ତା ୨୦ ତାରିଖ ଦିନ ମୁଖ୍ୟମନ୍ତ୍ରୀଙ୍କ ଦ୍ବାରା ଭିଡିଓ କନଫରେନସିଂ ଜରିଆରେ ଲୋକାର୍ପିତ କରାଯିବାର କାର୍ଯ୍ୟକ୍ରମ ରହିଛି ।

ଏପରିକି ଏହି କାର୍ଯ୍ୟକ୍ରମରେ ଛାତ୍ରାଛାତ୍ରୀମାନେ ଯୋଗଦେଇ ମୁଖ୍ୟମନ୍ତ୍ରୀଙ୍କ ସହିତ ସିଧାସଳଖ ଆଲୋଚନା କରିବେ । ଗ୍ରାମାଞ୍ଚଳରେ ଥିବା ସରକାରୀ ବିଦ୍ୟାଳୟଗୁଡିର ରୁପାନ୍ତିକରଣ ଫଳରେ ଏବେ ଗାଁ ଗୁଡିକରେ ମିଳିବ ଉଚ୍ଚମାନର ଶିକ୍ଷା ସହିତ ଅତ୍ୟାଧୁନିକ ସୁବିଧା ସୁଯୋଗ । ଏହାକୁ ନେଇ ସବୁ ମହଲରେ ଏବେ ଉତ୍ସାହ ଦେଖିବାକୁ ମିଳିଛି ।

କରୋନା ଧରି ବୁଲୁଛନ୍ତି ସୁର: ହେବେ କି ସୁପର ସ୍ପ୍ରେଡର୍ ?

ଭୁବନେଶ୍ବର: କଂଗ୍ରେସ ବିଧାୟକ ସୁରେଶ କୁମାର ରାଉତରାୟ ମାନୁ ନାହାନ୍ତି କରୋନା କଟକଣା । କରୋନା ଆକ୍ରାନ୍ତ ହୋଇ ବି ମାନୁନାହାନ୍ତି । ଯୁଆଡେ ଇଚ୍ଛା ବୁଲୁଛନ୍ତି । ଏମିତି ସ୍ଥିତିରେ ସୁର ବାବୁ ସୁପର ସ୍ପ୍ରେଡର ହେବା ଭୟ ଘାରିଲାଣି ରାଜଧାନୀବାସୀଙ୍କୁ ।

ଗତକାଲି ସେ କରୋନା ପଜିଟିଭ୍‌ ଚିହ୍ନଟ ହେବା ପରେ ହୋମ୍ ଆଇସୋଲେସନରେ ଥିଲେ । ହେଲେ ଆଜି ସକାଳୁ ସେ ବାହାରେ ବୁଲୁଥିବା ଦେଖିବାକୁ ମିଳିଛି । କରୋନା ଆକ୍ରାନ୍ତ ହୋଇ ମଧ୍ୟ ବିନା ମାସ୍କରେ ସାଧାରଣରେ ବୁଲୁଛନ୍ତି । ଫଳରେ କରୋନା ସଂକ୍ରମଣ ବଢ଼ିବାର ଆଶଙ୍କା ରହିଛି ।