spot_img
Home Blog Page 5076

ବରିଷ୍ଠ ସାମ୍ବାଦିକ ଶେଖର ଗୁପ୍ତାଙ୍କୁ ହକି ଇଣ୍ଡିଆ ଜର୍ସି ଭେଟିଦେଲେ ମୁଖ୍ୟମନ୍ତ୍ରୀ

ଭୁବନେଶ୍ୱର: ବରିଷ୍ଠ ସାମ୍ବାଦିକ ଶେଖର ଗୁପ୍ତାଙ୍କୁ ଜର୍ସି ଭେଟିଦେଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ  । ଓଡ଼ିଶାରେ ଜୁନିୟର ହକି ବିଶ୍ୱକପ ଆୟୋଜିତ ହେବାକୁ ଯାଉଥିବାବେଳେ ମୁଖ୍ୟମନ୍ତ୍ରୀ ଏହି ଜର୍ସିକୁ ଭାରତର ବରିଷ୍ଠ ସାମ୍ବାଦିକ ଶେଖର ଗୁପ୍ତାଙ୍କୁ ପ୍ରଦାନ କରିଛନ୍ତି  । ଏକ କାର୍ଯ୍ୟକ୍ରମରେ ଯୋଗଦେବା ପାଇଁ ଓଡ଼ିଶା ଗସ୍ତରେ ଅଛନ୍ତି ଶେଖର ଗୁପ୍ତା  ।

ଏହି ସମୟରେ ସେ ନବୀନ ନିବାସ ଯାଇ ମୁଖ୍ୟମନ୍ତ୍ରୀଙ୍କ ସାକ୍ଷାତ କରିଥିଲେ  । ମୁଖ୍ୟମନ୍ତ୍ରୀ ବରିଷ୍ଠ ସାମ୍ବାଦିକ ଶେଖର ଗୁପ୍ତାଙ୍କୁ ସ୍ୱାଗତ କରିବା ସହ ଜୁନିୟର ଓଡ଼ିଶା ବିଶ୍ୱକପ ହକିର ଏକ ଜର୍ସି ପ୍ରଦାନ କରିଥିଲେ  । ମୁଖ୍ୟମନ୍ତ୍ରୀଙ୍କ ଏହି ଗିଫ୍ଟକୁ ନେଇ ଖୁସି ପ୍ରକଟ କରିଛନ୍ତି ଶେଖର ଗୁପ୍ତା  । ଟ୍ୱିଟରରେ ଏକ ଫଟୋ ପୋଷ୍ଟ କରି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଧନ୍ୟବାଦ ଜଣାଇଛନ୍ତି  ।

ସେହିପରି ଓଡ଼ିଶା ପୁରୁଷ ବିଶ୍ୱକପ ହକି ଆୟୋଜିତ କରିବା ପରେ ପୁନର୍ବାର ଜୁନିୟର  ପୁରୁଷ ହକି ବିଶ୍ୱକପ ଆୟୋଜିତ କରିବାକୁ ଯାଉଛି  । ଯେଉଁ ସମୟରେ ହକି ଅଥୋରିଟି ଓଡ଼ିଶାକୁ ଏହି ଦାୟିତ୍ୱ ଦେଇଥିଲେ, ସେହି ସମୟରେ ଓଡ଼ିଶା ପ୍ରସ୍ତୁତ ନଥିଲା  । କିନ୍ତୁ ଖୁବ ସ୍ୱଳ୍ପ ସମୟରେ ଭବ୍ୟ ପ୍ରସ୍ତୁତି କରିଥିଲା  । ତେବେ ନଭେମ୍ବର ୨୪ରେ ପୁଣି ଥରେ ଓଡ଼ିଶା ହକି ବିଶ୍ୱକପର ଆୟୋଜନ କରିବାକୁ ଯାଇଛି  । ଓଡ଼ିଶା ମଧ୍ୟ ହକି ଇଣ୍ଡିଆର ପ୍ରାୟୋଜକ ରହିଥିବା କହିଛନ୍ତି ଶେଖର ଗୁପ୍ତା  ।

ଗାନ୍ଧୀଙ୍କୁ ନେଇ କଙ୍ଗନାଙ୍କ ବିବାଦୀୟ ମନ୍ତବ୍ୟ; ଦେଶ ବ୍ୟାପୀ ବିରୋଧ

ନୂଆଦିଲ୍ଲୀ: ପୁଣି ବିବାଦରେ ବଲିଉଡ ଅଭିନେତ୍ରୀ ପଦ୍ମଶ୍ରୀ କଙ୍ଗନା ରାଣାଓ୍ବତ । ନିଜର ମନ୍ତବ୍ୟ ପାଇଁ ସବୁବେଳେ ଚର୍ଚ୍ଚାରେ ରହୁଥିବା କଙ୍ଗନା ପୁଣି ଥରେ ଏକ ବିବାଦୀୟ ବୟାନ ଦେଇ ଚର୍ଚ୍ଚାକୁ ଆସିଛନ୍ତି । କିଛି ଦିନ ପୂର୍ବେ ପଦ୍ମଶ୍ରୀ ପାଇଥିବା କଙ୍ଗନା କହିଥିଲେ କି ୧୯୪୭ ମସିହାରେ ଭାରତ ଯେଉଁ ସ୍ବାଧିନ ପାଇଥିଲା ତାହା ପ୍ରକୃତ ସ୍ବାଧିନ ନଥିଲା ତାହା ଥିଲା ଭିକ । ପ୍ରକୃତ ସ୍ବାଧିନତା ୨୦୧୪ରେ ଭାରତ ପାଇଥିଲା । କଙ୍ଗନାଙ୍କ ଏହି ବୟାନ ପରେ ବହୁ ବିବାଦକୁ ଆସିଥିଲେ କଙ୍ଗନା ରାଣାଓ୍ବତ । ତେବେ ଏହି ବୟାନର ନିଆଁ ଏବେ ଲିଭିନଥିବାବେଳେ ପୁଣି ଏକ ବୟାନ ଦେଇ ବିବାଦ ଘେର ମଧ୍ୟକୁ ଆସିଛନ୍ତି କଣ୍ଟ୍ରୋଭର୍ସି କୁଇନ କଙ୍ଗନା ରାଣାଓ୍ବାତ । ତେବେ ପୂର୍ବ ଥର ସ୍ବାଧିନତାକୁ ନେଇ ବିବାଦୀୟ ବୟାନ ଦେଇଥିବାବେଳେ ଏବେ ଜାତୀୟ ପିତା ମହାତ୍ମା ଗାନ୍ଧୀଙ୍କୁ ନେଇ ବିବାଦୀୟ ବୟାନ ଦେଇଛନ୍ତି କଙ୍ଗନା ।  କଙ୍ଗନା ତାଙ୍କ ଇନଷ୍ଟାଗ୍ରାମରେ କହିଛନ୍ତି ମହାତ୍ମା ଗାନ୍ଧିଙ୍କଠାରୁ ସୁଭାଷ ଚନ୍ଦ୍ର ବୋଷ ଓ ଭଗତ ସିଂ ସମର୍ଥନ ପାଇ ନଥିଲେ । ଏହା ସହ ଗାନ୍ଧିଜୀଙ୍କ ଅହିଂସା ନୀତିକୁ ସେ ସମାଲୋଚନା କରିଛନ୍ତି ।

କଙ୍ଗନା କହିଛନ୍ତି କି ଗୋଟିଏ ଗାଲ ଦେଖାଇ ସ୍ବାଧୀନତା ପାଇବା ଏକ ଭିକ୍ଷା । ନିଜ ଇନଷ୍ଟାଗ୍ରାମରେ କଙ୍ଗନା କହିଛନ୍ତି ଆପଣମାନେ ନିଜ ଜ୍ଞାନ ଓ ବିବେକ ଅନୁସାରେ ନିଜର ନାୟକଙ୍କୁ ଚିହ୍ନନ୍ତୁ । ସେ ଏହା ସହ ନେତାଜୀଙ୍କୁ ବ୍ରିଟିଶକୁ ହସ୍ତାନ୍ତର କରିବା ଲାଗି ଗାନ୍ଧିଜୀ ଓ ଅନ୍ୟମାନେ ରାଜି ହୋଇଥିଲେ ବୋଲି ପ୍ରକାଶିତ ଖବରର ଏକ କ୍ଲିପିଂ ବି ସେୟାର କରିଛନ୍ତି । ଏହି ରିପୋର୍ଟରେ ପ୍ରକାଶିତ ହୋଇଛି- ଯଦି ନେତାଜୀ ଭାରତରେ ପ୍ରବେଶ କରନ୍ତି ତେବେ ତାଙ୍କୁ ହସ୍ତାନ୍ତର କରିବା ଲାଗି ବ୍ରିଟିଶ ସହ ଗାନ୍ଧିଜୀ, ଜବାହାରଲାଲ ନେହରୁ ଓ ମହମ୍ମଦ ଅଲ୍ଲୀ ଜିନ୍ନା ଏକ ରାଜିନାମା କରିଥିଲେ । କଙ୍ଗନା କହିଛନ୍ତି ଆପଣ ଗାନ୍ଧିଜୀ କିମ୍ବା ନେତାଜୀଙ୍କ ମଧ୍ୟରୁ ଜଣକର ହିଁ ସମର୍ଥକ ହୋଇପାରିବେ । ଦୁଇ ଜଣଙ୍କ ସମର୍ଥକ ହୋଇପାରିବେ ନାହିଁ । ସେ ଆହୁରି କହିଛନ୍ତି ଶୋଷଣକାରୀ ଶକ୍ତି ବିରୋଧରେ ଲଢେଇ ଲାଗି ସାହସ ନଥିବା କ୍ଷମତାଲିପସୁ ଓ ଚତୁର ବ୍ୟକ୍ତିମାନେ ପ୍ରକୃତ ସଂଗ୍ରାମୀମାନଙ୍କୁ ହସ୍ତାନ୍ତର କରିଥିଲେ । ଏପରିକି ଭଗତ ସିଂ ଫାଶୀ ପାଆନ୍ତୁ ବୋଲି ଗାନ୍ଧିଜୀ ଚାହୁଁଥିବା ନେଇ ପ୍ରମାଣ ରହିଛି ବୋଲି କଙ୍ଗନା କହିଛନ୍ତି ।

ଅନ୍ୟପକ୍ଷରେ କଙ୍ଗନାଙ୍କ ଏମିତି ବିବାଦୀୟ ବୟାନ ସାମ୍ନାକୁ ଆସିବା ପରେ ନେତାଜୀ ସୁବାଷ ଚନ୍ଦ୍ର ବୋଷଙ୍କ ଝିଅ ଅନୀତା ବୋଷଙ୍କର ପ୍ରତିକ୍ରିୟା ମଧ୍ୟ ସାମ୍ନାକୁ ଆସିଛି । ଅନୀତା ବୋଷ କହିଛନ୍ତି କି ମୋ ପିତା ସୁବାଷ ଚନ୍ଦ୍ର ବୋଷ ଓ ମହାତ୍ମା ଗାନ୍ଧୀଙ୍କ ମଧ୍ୟରେ ଭଲ ସମ୍ପର୍କ ନଥିଲା । କିନ୍ତୁ ମୋ ବାପା ମହାତ୍ମା ଗାନ୍ଧିଙ୍କର ଜଣେ ଦୃଢ଼ ପ୍ରଶଂସକ ଥିଲେ ବୋଲି କହିଛନ୍ତି ସୁଭାଷ ଚନ୍ଦ୍ର ବୋଷଙ୍କ ଝିଅ ଅନୀତା ବୋଷ ।

 

ପଳାତକ ଘୋଷିତ ହେଲେ ମୁମ୍ବାଇର ପୂର୍ବତନ ପୋଲିସ କମିଶନର ପରମବୀର ସିଂହ

ମୁମ୍ବାଇ: ମୁମ୍ବାଇର ପୂର୍ବତନ ପୋଲିସ କମିଶନର ପରମବୀର ସିଂହଙ୍କୁ ବୁଧବାର ଦିନ ଏକ କୋର୍ଟ ପଳାତକ ଘୋଷିତ କରିଛନ୍ତି । ଏଥିସହିତ ୩୦ ଦିନ ଭିତରେ ହାଜିର ହେବା ଲାଗି ପରମବୀର ସିଂହଙ୍କୁ କଡ଼ା ଚେତାବନୀ ଦେଇଛନ୍ତି କୋର୍ଟ। ଏହି ସମୟ ମଧ୍ୟରେ ଯଦି ସେ ହାଜର ନହୁଅନ୍ତି ତେବେ ତାଙ୍କ ସମ୍ପତ୍ତିକୁ ବାଜ୍ୟାପ୍ତ କରିବା ପାଇଁ ପ୍ରକ୍ରିୟା ଆରମ୍ଭ ହେବ ।

ପରବୀର ସିଂହଙ୍କ ବିରୋଧରେ ୧୦୦ କୋଟି ଟଙ୍କାର ବଟି ଅଭିଯୋଗ ଆଣିଥିଲା କ୍ରାଇମବ୍ରାଞ୍ଚ । ଆଉ ଏହି ମାମଲା ପରେ ସେ ଫେରାର ହେବା ସହ ଯାଞ୍ଚ କମିଟି ସମ୍ମୁଖକୁ ମଧ୍ୟ ଆସିନଥିଲେ।

ଅଧିକ ପଢନ୍ତୁ- ଗୃହମନ୍ତ୍ରୀ ମାସକୁ ମାଗୁଥିଲେ ୧୦୦ କୋଟି, ମୁଖ୍ୟମନ୍ତ୍ରୀଙ୍କୁ ଚିଠି ଲେଖି ଅଭିଯୋଗ କଲେ ପୂର୍ବତନ କମିଶନର

ଉଲ୍ଲେଖଯୋଗ୍ୟ, ମୁମ୍ବାଇ ପୋଲିସର ପୂର୍ବତନ କମିଶନର ପରମବୀର ସିଂହ ମହାରାଷ୍ଟ୍ର ଗୃହମନ୍ତ୍ରୀଙ୍କ ବିରୋଧରେ ବଟି ଅଭିଯୋଗ କରିଥିଲେ। ବାର, ପବ୍ ଓ ରେଷ୍ଟୁରାଣ୍ଟରୁ ବଟି ଆଦାୟ ପାଇଁ ଦେଶମୁଖ କହିଥିଲେ। ଏପରିକି ଅନୀଲ ଦେଶମୁଖ, ସଚିନ ୱାଜେଙ୍କ ଠାରୁ ପ୍ରତିମାସରେ ୧୦୦ କୋଟି ମାଗୁଥିବା ନେଇ ଅଭିଯୋଗ ଲଗାଇଥିଲେ ପୂର୍ବତନ ପୋଲିସ କମିଶନର।

କୁଲଭୁଷଣ ଯାଦବଙ୍କୁ ପାକିସ୍ତାନ ଦେଲା ଅପିଲ ଅଧିକାର, ପାକ୍ ସଂସଦ ତିଆରି କଲା ନୂଆ ଆଇନ

ଭାରତୀୟ ନାଗରିକ କୁଳଭୂଷଣଙ୍କୁ ଇଣ୍ଟରନ୍ୟାସନାଲ୍ କୋର୍ଟ ଅଫ୍ ଜଷ୍ଟିସ୍ (ଆଇସିଜେ)ର ନିଷ୍ପତ୍ତି ଅନୁସାରେ ଅପିଲ୍ କରିବାର ଅଧିକାର ଦେବା ନେଇ ଏକ ବିଲ୍ ପାକିସ୍ତାନ ପାର୍ଲାମେଣ୍ଟରେ ପାରିତ ହୋଇଛି । ଯାହାକୁ ନେଇ କୁଳଭୂଷଣ ଯାଦବଙ୍କୁ ଏକ ବଡ଼ ଆଶ୍ୱସ୍ତି ମିଳିଛି।

ଇଣ୍ଟରନ୍ୟାସନାଲ୍ କୋର୍ଟ ଅଫ୍ ଜଷ୍ଟିସ୍ (ଆଇସିଜେ) ଅନୁସାରେ କୁଳଭୂଷଣ ଯାଦବଙ୍କୁ ଅପିଲ୍ କରିବାର ଅଧିକାର ଦେବା  ସଂକ୍ରାନ୍ତିୟ ଏକ ବିଲ୍ Pakistan National Assembly ଗତ ଜୁନ୍ ୧୦ ତାରିଖରେ ଗ୍ରହଣ କରିଥିଲେ।

ଆଇସିଜେ ପକ୍ଷରୁ ଏନେଇ ପ୍ରଭାବଶାଳୀ ସମୀକ୍ଷା ଓ ପୁନର୍ବିଚାର କରିବା ଲାଗି ବିଧାନସଭାକୁ ନିର୍ଦ୍ଦେଶ ଦିଆଯାଇଥିଲା। ତେବେ ୨୦୨୦ ମସିହାରେ ଇମ୍ରାନ୍ ଖାନଙ୍କ ନେତୃତ୍ୱାଧୀନ ପାକିସ୍ତାନ ସରକାର ବିପକ୍ଷ ଦଳର ବିରୋଧ ସତ୍ୱେ କୁଳଭୂଷଣ ଯାଦବ ମାମଲାରେ ଆଇସିଜେର ନିଷ୍ପତ୍ତିକୁ ଦୃଷ୍ଟିରେ ରଖି National Assemblyରେ ଏକ ଅଧ୍ୟାଦେଶ ପେସ୍ କରିଥିଲେ ।

Review and Reconsideration Ordinance 2020 ଅଧ୍ୟାଦେଶକୁ ଆଇସିଜେ ଗତ ବର୍ଷ ମେ ୨୦ରେ ପ୍ରଣୟନ କରିଥିଲେ ।

କଥା ଦେଇ କଥା ରଖିଲେ ଆନନ୍ଦ ମହିନ୍ଦ୍ରା

0

ମହିନ୍ଦ୍ରା ଗ୍ରୁପର ଚେୟାରମ୍ୟାନ୍ ଆନନ୍ଦ ମହିନ୍ଦ୍ରା ନିଜେ ଦେଇଥିବା କଥା ପୂରଣ କରିଛନ୍ତି । ଆନନ୍ଦ ନିଜ ସୋସିଆଲ ମିଡିଆରେ ପୋଷ୍ଟ କରିଥିବା ପ୍ରତ୍ୟେକ ଭିଡିଓ କ୍ଷଣକରେ ଭାଇରାଲ ହୋଇଥାଏ । ସେ ସେୟାର କରୁଥିବା ଅନେକ ଭିଡିଓ ଲୋକଙ୍କୁ ପ୍ରେରଣା ଦେବା ସହ କିଛି ନା କିଛି ଶିକ୍ଷା ଦେଇଥାଏ। ଏଥିସହ ମହିନ୍ଦ୍ରା ଗ୍ରୁପ୍ ଭାରତରେ ଲୁକ୍କାୟିତ ଥିବା ପ୍ରତିଭାକୁ ସାରାବିଶ୍ୱରେ ପରିଚିତ କରାଏ  । କେବଳ ଏତିକି ନୁହେଁ ଏହି ପ୍ରତିଭାଶାଳୀ ବ୍ୟକ୍ତିଙ୍କୁ ଆଗକୁ ବଢ଼ିବାରେ ମଧ୍ୟ ସାହାଯ୍ୟ କରେ । ନିକଟରେ ଆନନ୍ଦ ମହିନ୍ଦ୍ରା ମଣିପୁର ସହରର ପ୍ରେମ ନିନଗୋମବମ୍ ନାମକ ଜଣେ ପିଲାର ଚମତ୍କାର ଉଦ୍ଭାବନ ଦେଖି ପିଲାଟିର ପାଠ ପଢ଼ାରେ ସାହାଯ୍ୟ କରିବାକୁ କଥା ଦେଇଥିଲେ । ଯାହାକୁ ପୂରଣ କରି ସେ ପୁଣି ଏବେ ଭାରତବାସୀଙ୍କ ପ୍ରଶଂସା ସାଉଁଟିଛନ୍ତି ।

ଆନନ୍ଦ ମହିନ୍ଦ୍ରା ନିଜ ଟ୍ୱିଟରରେ ଲେଖିଥିଲେ ପ୍ରେମକୁ ମନେରଖିଛନ୍ତି ତ ? ଇମ୍ଫାଲର ଭାରତୀୟ ଯୁବକ ଆଇରନ ମ୍ୟାନ୍ ଯିଏ ଇଞ୍ଜିନିୟରିଂ ପଢ଼ିବାକୁ ଚାହୁଁଥିଲା । ଯାହାକୁ ସାହାଯ୍ୟ କରିବା ଲାଗି ମୁଁ କଥା ଦେଇଥିଲି । ସେ ବର୍ତ୍ତମାନ ହାଇଦରାବାଦସ୍ଥିତ ‘ମହିନ୍ଦ୍ରା ୟୁନିଭର୍ସିଟିରେ’ ପହଁଞ୍ଚିସାରିଛି । ଆନନ୍ଦଙ୍କର ଏହି ଟ୍ୱିଟ୍, ଗଣମାଧ୍ୟମରେ ପ୍ରସାର ହେବା ଭିତରେ ଜନସାଧାରଣଙ୍କର ୨ ହଜାର ଲାଇକ୍ ଆସିସାରିଥିଲା ।

ଆନନ୍ଦ ନିଜ ସୋସିଆଲ ମିଡିଆରେ ମଣିପୁରର ଏହି ଯୁବକର ଏକ ଭିଡିଓ ସେୟାର କରିଥିଲେ । ସେ କହିଥିଲେଯେ ଏହି ଯୁବକ ଜଣକୁ ସାହାଯ୍ୟ କରିଥିବାରୁ ସେ ଅତ୍ୟନ୍ତ ଆନନ୍ଦ ଅନୁଭବ କରୁଛନ୍ତି । ସେ ଆହୁରି ମଧ୍ୟ କହିଥିଲେ ପ୍ରେମ କବାଡ଼ିଆ ବାଲାଙ୍କ ପାଖରେ ଥିବା ଜିନିଷ ଓ ଅନେକ ଛୋଟମୋଟ ବସ୍ତୁର ବ୍ୟବହାର କରି ଆଇରନ ମ୍ୟାନ୍ ପୋଷାକ ବନେଇଥିଲେ । ଅନେକ ଯୁବକଙ୍କ ମଧ୍ୟରେ ଏଭଳି ପ୍ରତିଭା ଥାଇ ମଧ୍ୟ ଅଭାବ ଏବଂ କାହାର ସାହାଯ୍ୟ ନପାଇବାରୁ ଏମାନେ ଆଗକୁ ବଢ଼ିପାରନ୍ତିନି ।

ଟଙ୍କା ୨ଶହ ପାଇଁ ମାମୁଁକୁ ଟାଙ୍ଗିଆରେ ହାଣିଲା ଭଣଜା

ନବରଙ୍ଗପୁର: ମାମୁଁ ହତ୍ୟାକାରୀ ସାଜିଲା ଭଣଜା  । ମାତ୍ର ଦୁଇଶହ ଟଙ୍କା ପାଇଁ ମାମୁଁଙ୍କୁ ହତ୍ୟା କରିଛି ଭଣଜା । ନବରଙ୍ଗପୁର ଜିଲ୍ଲା ଉମରକୋଟ ବ୍ଲକ ଧୁଙ୍ଗିଆପାଣି ଗାଁରେ ଘଟିଛି ଅଭାବନୀୟ ଘଟଣା । ପରିବାର ଲୋକଙ୍କ ଅଭିଯୋଗ ଅନୁସାରେ ମାମୁଁଙ୍କ ଠାରୁ ଭଣଜା ୨୦୦ ଟଙ୍କା ପାଇବାର ଥିଲା । ମାମୁଁଙ୍କୁ ଏହି ବାକି ଟଙ୍କା ମାଗିଥିଲେ ଭଣଜା  । କିନ୍ତୁ ୨୦୦ ଟଙ୍କାକୁ ନେଇ ଉଭୟ ମାମୁଁ ଓ ଭଣଜା ମଧ୍ୟରେ ଝଗଡା ହୋଇଥିଲା ।

ଏହି ୨୦୦ ଟଙ୍କା ପାଇଁ ଶେଷରେ କଳହ ପାଲଟିଲା କଳଙ୍କିତ ଅଧ୍ୟାୟ  । ଉତ୍ୟକ୍ତ ଭଣଜାମାମୁଁକୁ ଟାଙ୍ଗିଆରେ ଆକ୍ରମଣ କରିଥିଲା  । ଫଳରେ ମାମୁଁର ମୁଣ୍ଡରେ ଲାଗିଥିଲା ଶକ୍ତ ଆଘାତ  । ମିଳିଥିବା ସୂଚନା ମୁତବାକ ଘଟଣାସ୍ଥଳରେ ହିଁ ମାମୁଁର ମୃତ୍ୟୁ ହୋଇଥିଲା । ଏବଂ ହତ୍ୟା ପରେ ଭଣଜା ଫେରାର ହେବାକୁ ରଚିଥିଲା ପ୍ଲାନ  । କିନ୍ତୁ ଏହି ସମୟରେ  ଗାଁ ଲୋକ ଅଭିଯୁକ୍ତକୁ  ଧରି ପୋଲିସକୁ ଜିମା ଦେଇଥିଲେ  । ସେପଟେ ପୋଲିସ ଭଣଜାକୁ ଗିରଫ କରି ଅଧିକ ତଦନ୍ତ ଚଳାଇଛି ।

ବୈପ୍ଲବିକ ଆହ୍ୱାନ BSKY , ୩୦ ଲକ୍ଷ ପରିବାରରେ ପହଁଚିଲା ସ୍ମାର୍ଟ ସ୍ୱାସ୍ଥ୍ୟ କାର୍ଡ

ଭୁବନେଶ୍ୱର: ନବୀନଙ୍କ ସ୍ମାର୍ଟ ସ୍ୱାସ୍ଥ୍ୟ କାର୍ଡ ଏବେ ଓଡ଼ିଶାର ୩୦ ଲକ୍ଷ ପରିବାରରେ ପହଁଚିଛି  । ସ୍ୱାସ୍ଥ୍ୟ କ୍ଷେତ୍ରରେ ଉନ୍ନତି ପାଇଁ ଓଡ଼ିଶା ମଖ୍ୟମନ୍ତ୍ରୀ ନେଇଥିବା ଶୀର୍ଷ ନିଷ୍ପତ୍ତି ଏବେ ଶ୍ରେଷ୍ଠ ଖବର ପାଲଟିଛି  । ଅର୍ଥାତ ମାତ୍ର ସଂକ୍ଷିପ୍ତ ସମୟ ମଧ୍ୟରେ ବିଜୁ ସ୍ମାର୍ଟ ସ୍ୱାସ୍ଥ୍ୟ କାର୍ଡ ଅର୍ଥାତ BSKY ବର୍ତ୍ତମାନ ୩୦ ପରିବାରକୁ ବଣ୍ଟନ କରାଯାଇ ସାରିଛି  । ରାଜ୍ୟର ପ୍ରାୟ ୧୧ଟି ଜିଲ୍ଲାରେ ସ୍ମାର୍ଟ ସ୍ୱାସ୍ଥ୍ୟ କାର୍ଡ ବିତରଣ କରାଯାଇଥିବା ନେଇ ମୁଖ୍ୟମନ୍ତ୍ରୀ ସ୍ପଷ୍ଟ କରିଛନ୍ତି  ।

CM Naveen Patnaik Distributes BSKY Card In Bijepur Bargarh

“ପ୍ରତ୍ୟେକ ଜୀବନ ମୂଲ୍ୟବାନ”ର ଆହ୍ୱାନ ଦେଇଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ  । ସେଥିପାଇଁ ଓଡ଼ିଶାର ସମସ୍ତ ଗିରିବୀ ଲୋକେ ଉନ୍ନତ ମାନର ସ୍ୱାସ୍ଥ୍ୟ ସୁବିଧା ପାଇବା ନେଇ ଓଡ଼ିଶା ସରକାର ଆରମ୍ଭ କରିଛନ୍ତି ଏହି ବୈପ୍ଲବିକ ଯୋଜନା  । ଯେଉଁଥିରେ  ମହିଳା ମାନେ  ୧୦ ଲକ୍ଷ ପର୍ଯ୍ୟନ୍ତ ଚିକିତ୍ସା ସୁବିଧା ପାଇପାରିବେ  । ଏବଂ ପୁରୁଷ ମାନେ ୫ ଲକ୍ଷ ପର୍ଯ୍ୟନ୍ତ ସ୍ୱାସ୍ଥ୍ୟ ସୁବିଧା ବା ଚିକିତ୍ସା ଖର୍ଚ୍ଚର ସୁବିଧା ନେଇପାରିବେ  ।

ରାଜ୍ୟ ସରକାର ପ୍ରଥମେ ଏହି ସ୍ମାର୍ଟ ସ୍ୱାସ୍ଥ୍ୟ କାର୍ଡ ଉପାନ୍ତ ଅଞ୍ଚଳ କୁହାଯାଉଥିବା ମାଲକାନଗିରିରୁ ଆରମ୍ଭ କରିଥିଲେ  । ଏହି କାର୍ଡରେ କେବଳ ରାଜ୍ୟ ନୁହେଁ ବଂର ରାଜ୍ୟ ବାହାରେ ମଧ୍ୟ ୨୦୦ଟି ଉନ୍ନତ ଓ ଦାମୀ ମେଡିକାଲ ରହିଛି  ।  ହିତାଧିକାରୀ ମାନେ ଚିକିତ୍ସା ପାଇଁ  କୌଣସି ସ୍ଥାନରେ ମଧ୍ୟ ଏହାର ସୁବିଧା ଉଠାଇପାରିବେ  । ଗୁଣାତ୍ମକ ସ୍ୱାସ୍ଥ୍ୟସେବା ପ୍ରଦାନ କରିବା ଉଦେଶ୍ୟ ବର୍ତ୍ତମାନ ୧୧ଟି ଜିଲ୍ଲାରେ ପହଁଚି ସାରିଛି  । ଯଦ୍ୱାରା ୩୦ ଲକ୍ଷ ପରିବାରଙ୍କ ପାଖରେ ପହଁଚିସାରିଛି ଏହି ସ୍ମାର୍ଟ ସ୍ୱାସ୍ଥ୍ୟ କାର୍ଡ  ।

କାର୍ ନେଇ ରାଷ୍ଟ୍ରପତି ଭବନରେ ପଶିଥିଲେ, ଯୁବକ ଓ ଯୁବତୀ ଗିରଫ

ନୂଆଦିଲ୍ଲୀ: ରାଷ୍ଟ୍ରପତି ଭବନରୁ ଦୁଇ ଯୁବକ ଓ ଯୁବତୀ ଗିରଫ ହୋଇଛନ୍ତି । ଏହି ଦୁଇ ଜଣ ରାତି ସମୟରେ କାର୍ ନେଇ ରାଷ୍ଟ୍ରପତି ଭବନରେ ପଶିଥିଲେ । ତେବେ ଘଟଣାଟି ସୋମବାର ଘଟିଥିବା ଜଣାପଡିଛି।

ସୂଚନା ଅନୁଯାୟୀ, ରାଷ୍ଟ୍ରପତି ଭବନର ଗେଟ୍ ନଂ ୩୫ରେ କେହି କାର୍ ନେଇ ପ୍ରବେଶ କରୁଥିବା ଖବର ସୁରକ୍ଷାକର୍ମୀଙ୍କୁ ମିଳିଥିଲା । ଯାହା ପରେ ତୁରନ୍ତ ସୁରକ୍ଷା ଅଧିକାରୀ ଉଭୟ ପୁଅ ଓ ଝିଅଙ୍କୁ  ଅଟକାଇ ପଚରାଉଚରା କରିବା ସହ ଗିରଫ କରିଥିଲେ ।

ସମ୍ପୃକ୍ତ ଯୁବକ ଜଣକ ଦିଲ୍‌ଲୀର ସଙ୍ଗମ ବିହାରର ଶିବମ ବୋଲି ଜଣାପଡିଛି। ଆଉ ଘଟଣା ଦିନ ସେ ନିଶାରେ ଥିଲା ବେଳେ ତା’ ସହିତ ଜଣେ ଝିଅ ସାଙ୍ଗ ମଧ୍ୟ ଥିଲେ।  କେବଳ ଏତିକି ନୁହେଁ ରାଷ୍ଟ୍ରପତି ଭବନରେ ପଶିବା ପୂର୍ବରୁ ବାହାରେ ଥିବା ବ୍ୟାରିକେଡରେ ମଧ୍ୟ କାର୍ ଧକ୍କା ହୋଇଥିଲା । ଏ

ତେବେ ଏହି ମାମଲାରେ ପୋଲିସ ପକ୍ଷରୁ ଏଫଆଇଆର୍ ଦାଏର କରାଯାଇଥିଲା। ବୁଧବାର ଦିନ ଦୁଇ ଜଣଙ୍କୁ ସାଉଥ୍ ଏଭେନ୍ୟୁ ପୋଲିସ ଦିଲ୍ଲୀର ପଟିଆଲା କୋର୍ଟରେ ହାଜର କରିଥିଲା । ଯାହା ପରେ କୋର୍ଟ ଉଭୟଙ୍କୁ ଜେଲ୍ ପଠାଇଥିବା ବେଳେ ପୋଲିସ ତଦନ୍ତ ଚଳାଇଛି ।

୭ ବର୍ଷରେ ୧୧୭ ଥର କଟିଲା ଚାଲାଣ; ଟଙ୍କାଟେ ବି ଦେଲେନି ସ୍କୁଟର ଚାଳକ

ହାଇଦ୍ରାବାଦ: ରାସ୍ତାରେ ଗାଡି ଚଳାଇବା ସମୟରେ ବାଇକ, ସ୍କୁଟର, କାର ଚଳାଉଥିବା ବ୍ୟକ୍ତି କିଛି ସମୟରେ ଟ୍ରାଫିକ ନିୟମ ଭାଙ୍ଗିଥାଏ । ଟ୍ରାଫିକ ନିୟମ ଭାଙ୍ଗିବା ପରେ ପୋଲିସ ସେମାନଙ୍କର ଚାଲାଣ ମଧ୍ୟ କାଟିଥାଏ । ଏହା ପରେ ଚାଲାଣରେ କଟାଯାଇଥିବା ଟଙ୍କାକୁ ପୈଠ କରିବାକୁ ପଡ଼ିଥାଏ । ତେବେ ସାଧାରଣତଃ ଲୋକ ଏହି ଚାଲଣକୁ ପୈଠ କରିଦିଅନ୍ତି । କିନ୍ତୁ ହାଇଦ୍ରାବାଦରେ ଏମିତି ଏକ ବ୍ୟକ୍ତି ଧରା ପଡ଼ିଛନ୍ତି ଯିଏ ଗତ ୭ ବର୍ଷ ମଧ୍ୟରେ ବହୁବାର ଟ୍ରାଫିକ ନିୟମ ଭାଙ୍ଗିଛନ୍ତି । ବିଗତ ୭ ବର୍ଷ ମଧ୍ୟରେ ସେହିତ ବ୍ୟକ୍ତିଙ୍କ ନାମରେ ୧୧୭ଟି ଚାଲାଣ କଟିଛି । କିନ୍ତୁ ସେଥିମଧ୍ୟରୁ ଗୋଟିଏ ବି ଚାଲାଣ ପୈଠ କରିନଥିଲେ । ତେବେ ଏବେ ସେହି ବ୍ୟକ୍ତିଙ୍କୁ ପୋଲିସ ଗିରଫ କରିଛି ।

ଏହି ଘଟଣା ହାଇଦ୍ରାବାଦରେ ହୋଇଛି । ହାଇଦ୍ରାବାଦରେ ରହୁଥିବା ଫରୀଦ ଖାନ ନାମକ ଜଣେ ଯୁବକ ତାଙ୍କ ସ୍କଟରରେ ବିଗତ ୭ ବର୍ଷ ମଧ୍ୟରେ ବହୁବାର ଟ୍ରାଫିକ ନିୟମ ଭାଙ୍ଗିଛନ୍ତି । ଫରୀଦଙ୍କ ନାମରେ ୧୧୭ ଥର ଚାଲଣ କଟିଥିଲା । କିନ୍ତୁ ସେ ଏଥିରୁ ଗୋଟିଏ ବି ଚାଲାଣ ଭରି ନଥିଲେ । ତା’ର ପୂରା ଚାଲାଣ ଯଦି କହିବା ତାହାଲେ ପୂରା ଚାଲାଣ ୨୯ ହଜାର ୭୨୦ ଟଙ୍କାର ଅଟେ । ହାଇଦ୍ରାବାଦ ସହରରେ ପୋଲିସ ନିୟମତି ଗାଡି ଚେକିଂ କରିଥାଏ । ଏହି ଚେକିଂ ସମୟରେ ଫରୀଦଙ୍କୁ ନାମପଲ୍ଲୀ ପାଖରେ ରୋକାଯାଇଥିଲା । ସେ ହେଲମେଟ ପିନ୍ଧିନଥିଲେ । ଏହି ସମୟରେ ଯେତେବେଳେ ଟ୍ରାଫିକ ପୋଲିସ ତାଙ୍କ ରେଜିଷ୍ଟ୍ରେସନ ଯାଞ୍ଚ କଲେ ତେବେ ଜଣାପଡ଼ିଥିଲା କି ତାଙ୍କ ଉପରେ ୧୧୭ ଥର ଚାଲାଣ କଟିଛି । ଏହି ଚାଲାଣର ମୋଟ ଟଙ୍କା ୨୯ ହଜାର ୭୨୦ ଟଙ୍କା । ଏପରି ସ୍ଥିତିରେ ଟ୍ରାଫିକ ପୋଲିସ ତା’ର ଗାଡି ଜବତ କରିଦେଇଛି ।ଏହା ସହ ଚାଲାଣ ଟଙ୍କା ପଇଠ କରି ସ୍କୁଟର ନେଇଯିବାକୁ କହୁଯାଇଛି ।

ସୂଚନା ଅନୁଯାୟୀ ତାଙ୍କ ପାଖକୁ କୋର୍ଟରୁ ନୋଟିସ୍ ମଧ୍ୟ ପଠାଯାଇଥିଲା । ଏହି ନୋଟିସରେ କହୁଯାଇଥିଲା କି ସେ ତାଙ୍କ ଚାଲଣ ଟଙ୍କା ଶୀଘ୍ର ଦେଇ ଦିଅନ୍ତୁ ନଚେତ ତାଙ୍କ ଗାଡିକୁ ଜବତ କରାଯିବ ଏବଂ ତାଙ୍କ ନାମରେ ଚାର୍ଜସିଟ ଦାୟର କରାଯିବ । କିନ୍ତୁ ଏହି ନୋଟିସକୁ ଗୁରୁତର ସହ ନେଇନଥିଲା ଫରୀଦ । ତେଣୁ ଏବେ ଟ୍ରାଫିକ ପୋଲିସ ଧରିବା ପରେ ତାଙ୍କ ଗାଡିକୁ ଜବତ କରିନେଇଛି ।

HockeyJuniorWorldCup: ପ୍ରସ୍ତୁତ କଳିଙ୍ଗ ଷ୍ଟାଡ଼ିୟମ, ପହଁଚିଲେ ବିଦେଶୀ ଟିମ୍

ଭୁବନେଶ୍ୱର: ବିଶ୍ୱକପ୍ ଜୁନିୟର ହକି ପାଇଁ ଆରମ୍ଭ ହୋଇଯାଇଛି କାଉଣ୍ଟଡ଼ାଉନ  । ୨୪ରେ କମ୍ପିକ କଳିଙ୍ଗ ଷ୍ଟାଡ଼ିୟମ  । ଏଥିପାଇଁ କ୍ରୀଡ଼ା ବିଭାଗ ପକ୍ଷରୁ ଆରମ୍ଭ ହୋଇଯାଇଛି ସମସ୍ତ ପ୍ରସ୍ତୁତି  । ଆଉ ଗୋଟେ ପରେ ଗୋଟିଏ ବିଦେଶୀ ଟିମ୍ ଏବେ ଓଡ଼ିଶାରେ ପହଁଚିବା ଆରମ୍ଭ କରିଦେଇଛନ୍ତି  ।  FIH କନିଷ୍ଠ ବିଶ୍ବକପ୍‌ ଲାଗି  ବିଦେଶୀ ଦଳ ଭୁବନେଶ୍ୱରରେ ପାଦ ରଖିଛନ୍ତି  ।

ବେଲ୍‌ଜିୟମ ଦଳ ମଙ୍ଗଳବାର ଭୁବନେଶ୍ୱରରେ ପହଞ୍ଚିଥିବା ବେଳେ ଆଜି ନେଦରଲ୍ୟାଣ୍ଡ , ଫ୍ରାନ୍ସ ଓ ଆର୍ଜେଣ୍ଟିନା ଦଳ ଭୁବନେଶ୍ୱରରେ ପହଞ୍ଚିଛନ୍ତି। ଏହାସହ ପୂର୍ବରୁ ଭାରତୀୟ ଟିମ ଭୁବନେଶ୍ୱରରେ ରହି କଳିଙ୍ଗ ଷ୍ଟାଡିୟମରେ କସରତ ଚଳାଇଛି  ।  ବର୍ତ୍ତମାନ ଯେଉଁ ଟିମ ଭୁବନେଶ୍ୱରରେ ପହଞ୍ଚିଛନ୍ତି ସେହି ଟିମ ଆଗୁଆ ଅଭ୍ୟାସ ଆରମ୍ଭ କରିଦେଇଛନ୍ତି  ।

ନଭେମ୍ବର 24 ତାରିଖରୁ ଆରମ୍ଭ ହେବାକୁ ଯାଉଛି ଏଫ୍‌ଆଇଏଚ୍‌ ଓଡ଼ିଶା ହକି ପୁରୁଷ କନିଷ୍ଠ ବିଶ୍ବକପ୍‌  । ଟୁର୍ଣ୍ଣାମେଣ୍ଟରେ ସମୁଦାୟ 16ଟି ଦେଶ ଭାଗନେବାକୁ ଯାଉଛି  । ସେପଟେ ଚୟନମଣ୍ଡଳୀ ଭାଗ ନେବାକୁ ଥିବା ଦେଶ ଗୁଡ଼ିକୁ ଚୟନ କରିସାରିଛନ୍ତି  । ଏହା ପରେ ଉକ୍ତ ୧୬ଟି ଟିମ ଏବେ  ଭୁବନେଶ୍ୱରରେ ଡେରା ପକାଇବା ଆରମ୍ଭ କରିଦେଇଛନ୍ତି ।