spot_img
Home Blog Page 5134

କୂଟନୀତିଜ୍ଞଙ୍କ ଶବ ଜବତ, ରୁଷ ଗୁପ୍ତଚର ସଂସ୍ଥାର ଏଜେଣ୍ଟ ସନ୍ଦେହ

ବର୍ଲିନ: ଜର୍ମାନୀ ରାଜଧାନୀ ବର୍ଲିନରେ ଥିବା ରୁଷ ଦୂତାବାସ ସମ୍ମୁଖରୁ ଜଣେ କୂଟନୀତିଜ୍ଞଙ୍କ ଶବ ମିଳିବାକୁ ନେଇ ଚର୍ଚ୍ଚା ଜୋର ଧରିଛି । ରାସ୍ତାକଡ଼ରୁ ତାଙ୍କ ଶବ ଜବତ କରାଯାଇଛି । ମୃତକ ଜଣଙ୍କ ରୁଷ ଗୁପ୍ତଚର ସଂସ୍ଥାର ଏଜେଣ୍ଟ ଭାବେ କାମ କରୁଥିଲେ ବୋଲି ଜର୍ମାନୀ ଅଧିକାରୀ କହିଛନ୍ତି । ମୃତ୍ୟୁର କାରଣ ଏଯାଏଁ ସ୍ପଷ୍ଟ ହୋଇନି । ୩୫ ବର୍ଷୀୟ କୂଟନୀତିଜ୍ଞଙ୍କ ଶବ ୧୯ ଅକ୍ଟୋବର ସକାଳେ ମିଳିଥିଲା । ରୁଷ ଦୂତାବାସ ଉପରୁ ପଡ଼ି ତାଙ୍କ ମୃତ୍ୟୁ ଘଟିଥିବା ଅନୁମାନ କରାଯାଉଛି ।

ଡେର ସ୍ପାଇଗେଲ ଏବଂ ଅନୁସନ୍ଧାନକାରୀ ସଂସ୍ଥା ବେଲିଙ୍ଗକେଟ ରିପୋର୍ଟ ଅନୁସାରେ ୨୦୧୯ରେ ରୁଷ ଦୂତାବାସର ଦ୍ବିତୀୟ ସଚିବ ଭାବେ ମୃତ କୂଟନୀତିଜ୍ଞଙ୍କୁ ନିଯୁକ୍ତି ମିଳିଥିଲା । ଜର୍ମାନୀ ସୁରକ୍ଷା କର୍ମୀ ଭାବୁଛନ୍ତି ସେ ରୁଷର ଆନ୍ତରୀଣ ସୁରକ୍ଷା ଓ କାଉଣ୍ଟର ଇଣ୍ଟେଲିଜେନ୍ସି ସର୍ଭିସ୍ (ଏଫଏସବି)ର ଅଣ୍ଡର କଭର ଏଜେଣ୍ଟ ଥିଲେ ଏବଂ ଗୁପ୍ତଚରୀ ସଂସ୍ଥାରେ ବଡ଼ ପଦବୀରେ କାମ କରୁଥିଲେ ।

ରୁଷ ଦୂତାବାସ ପକ୍ଷରୁ ମୃତ ଅଧିକାରୀଙ୍କ ନାଁ ପ୍ରକାଶ କରାଯାଇନି । ହେଲେ ଏମିତି ଘଟଣା ଦୁଃଖଦାୟକ ବୋଲି କୁହାଯାଇଛି । ରିପୋର୍ଟ ମୁତାବକ ରୁଷ ଦୂତାବାସ ପକ୍ଷରୁ ମୃତକଙ୍କ ଶବ ବ୍ୟବଚ୍ଛେଦ କରିବାକୁ ମଧ୍ୟ ମନା କରାଯାଇଥିଲା । କୂଟେନୖତିକ ସୁରକ୍ଷା କଥା କହି ଜର୍ମାନୀ ଅଧିକାରୀଙ୍କୁ ମାମଲାର ତଦନ୍ତ ନକରିବାକୁ କହିଥିଲା । ଜର୍ମାନୀ ବିଦେଶ ମନ୍ତ୍ରାଳୟ, ଅଧିକାରୀଙ୍କ ମୃତ୍ୟୁକୁ ସ୍ପଷ୍ଟ କରିଥିଲେ ବି ବିଶେଷ କିଛି ସୂଚନା ଦେଇନାହିଁ ।

ଏକ ବିବୃତ୍ତିରେ ରୁଷ ଦୂତାବାସ ତରଫରୁ କୁହାଯାଇଛି, ୨୦୨୧ ଅକ୍ଟୋବର ୧୯ ତାରିଖରେ ଏକ ଦୁଃଖଦ ଘଟଣା ଘଟିଛି । କୂଟନୀତିଜ୍ଞଙ୍କ ମୃତ୍ୟୁକୁ ନେଇ ଯେଉଁ ମିଡ଼ିଆ ରିପୋର୍ଟ ପ୍ରକାଶ ପାଉଛି ସେଥିରେ କୌଣସି ସତ୍ୟତା ନାହିଁ ।

ପ୍ରତ୍ୟେକ ଭାରତୀୟ ଶେୟାର ବଜାରରେ ନିବେଶ କରନ୍ତୁ: ରାକେଶ ଝୁନଝୁନଓ୍ବାଲା

ନୂଆଦିଲ୍ଲୀ: ପୁଞ୍ଜି ବିନିଯୋଗ ଏକ ବୃତ୍ତିଗତ କାର୍ଯ୍ୟ ଏମିତି କହିଛନ୍ତି ଶେୟାର ବଜାରର ଭେଟରାନ ରାକେଶ ଝୁନଝୁନଓ୍ବାଲା । ବଲିଉଡ ଅଭିନେତ୍ରୀ ଶ୍ରଦ୍ଧା କାପୁରଙ୍କ ସହ କଥା ହେବା ସମୟରେ ଏମିତି କିଛି କହିଥିଲେ ରାକେଶ ଝୁନଝନଓ୍ବାଲା । ସେ କହିଛନ୍ତି କି ଯଦି ସେ ଶେୟାର ମାର୍କେଟରେ ନିବେଶ କରିବାକୁ ଚାହାନ୍ତି ତେବେ ସେ ଏକ ସାଂଗଠନିକ ଭାବରେ କରନ୍ତି । ଶ୍ରଦ୍ଧା କାପୁରଙ୍କ ସହ କଥା ହେବା ବେଳେ ରାକେଶ କହିଥିଲେ କି ନବ ବର୍ଷ ତାଙ୍କ ପାଇଁ ସୁଖ ଓ ସନ୍ତୁଷ୍ଟ ଆଣିବ । ଶେୟାର ମାର୍କେଟର ଏହି ବିଗ୍ ବୁଲ କହିଛନ୍ତି କି ସମ୍ପତ୍ତି ଓ ସଫଳତା ଅସ୍ଥାୟୀ । କିନ୍ତୁ ଏହା ଲୋକମାନଙ୍କ ମନୋବଳ ବଢ଼ାଇଥାଏ । ମୋର ସ୍ବପ୍ନ ଥିଲା ମୁଁ ବଡ଼ ଇକ୍ୟୁଟି ନିବେଶକ ହେବି ବୋଲି ଯାହା ଏବେ ସତ ହେବାକୁ ଯାଉଛି ବୋଲି କହିଥିଲେ ରାକେଶ ।

ସେ ଆହୁରି କହିଥିଲେ କି ଲୋକମାନେ ନିଜର ପରାଜୟ ଗ୍ରହଣ କରିବାକୁ ସାହାସ ରଖିବା ଉଚିତ୍ । ସେ କହିଛନ୍ତି କି ପୁଞ୍ଜି ବିନିଯୋଗ କ୍ଷେତ୍ରରେ ଯଦି ଆପଣ ସଠିକ୍ ଦିଗରେ ପଦକ୍ଷପ ନିଅନ୍ତି ତେବେ ବି କ୍ଷତି ହୁଏ । ତେବେ କ୍ଷତି ହେଲେ ନିରାଶ ହେବାର ଆବଶ୍ୟକତା ନାହିଁ । ତୁମେ ନିଶ୍ବତ ହେବା କଥା ଯେ ଆପଣ ସଠିକ୍ ଦିଗରେ ଏକ ପଦକ୍ଷେପ ଗ୍ରହଣ କରିଛନ୍ତି । ରାକେଶଙ୍କ କଥା ହେବା ସମୟରେ ଶ୍ରଦ୍ଧା କାପୁର କହିଥିଲେ କି ଟଙ୍କାର କେବେ ବେପାରୁଆ ଭାବରେ ବ୍ୟବହାର କରିବା ଉଚିତ ନୁହେଁ । ତେବେ ଏହାର ଜବାବରେ ରାକେଶ କହିଥିଲେ କି ଯଦି ଆପଣ ଟଙ୍କାର ମହତ୍ତ୍ବ ବୁଝନ୍ତି ତାହାଲେ ଆପଣ ପ୍ରକୃତ ଅର୍ଥରେ ସ୍ବାଧିନତା ପାଇପାରିବେ ।

ରାକେଶ ଝୁନଝନଓ୍ବାଲା କହିଛନ୍ତି କି ଭାରତ ଏକ ବିକାଶଶୀଳ ଦେଶ ଏବଂ ଏହାର ଜିଡିପି ଅଭିବୃଦ୍ଧି ଆଗାମୀ କିଛି ବର୍ଷ ମଧ୍ୟରେ ଭାରତର ଜିଡିପି ଅଧିକ ବେଗରେ ଜାରି ରହିବ । ତେବେ ଭାରତର ଜିଡିପିର ଗ୍ରୋଥ ସହିତ ଏହାର ଫାଇଦା ପ୍ରତ୍ୟେକ ଭାରତୀୟ ଉଠାଇବା କଥା । ଏହାର ଫାଇଦା ଉଠାଇବା ପାଇଁ  ପ୍ରତ୍ୟେକ ଭାରତୀୟ ଶେୟାର ବଜାରରେ ନିବେଶ କରିବା ଦରକାର ବୋଲି କହିଥିଲେ ରାକେଶ ଝୁନଝୁନଓ୍ବାଲା । ଯଦି ଆପଣ ଠିକ୍ ଭାବରେ ଗବେଷଣା କରି ଶେୟାର ବଜାରରେ ନିବେଶ କଲେ ଆପଣ ଆଗାମୀ ୧୦-୧୫ ବର୍ଷ ମଧ୍ୟରେ କୋଟିପତି ହୋଇପାରିବେ ବୋଲି କହିଛନ୍ତି ଶେୟାର ବଜାରର ବିଗ୍ ବୁଲ୍ ରାକେଶ ଝୁନଝୁନଓ୍ବାଲା । ସେ ଆହୁରି କହିଛନ୍ତି କି କିଛି ଶେୟାରକୁ କିଣି ଏହାକୁ ଭୁଲି ଯିବା ଏକ ବୃତ୍ତିଗତ ପଦକ୍ଷେପ ନୁହେଁ । ଯଦି କିଛି କମ୍ପାନୀର କାରବାରର ବଦଳି ଥାଏ ତେବେ ସେହି ହିସାବରେ ସେହି କମ୍ପାନୀର ଶେୟାର ମଧ୍ୟ ବଦଳିଥାଏ । ତେଣୁ ଶେୟାର କିଣି ତାହା ଉପରେ ଗବେଷଣା ମଧ୍ୟ ଜରୁରୀ । ଯଦି ଆପଣ ଆଗାମୀ ୫-୭ ବର୍ଷ ପାଇଁ ଶେୟାର ବଜାରରେ ଟଙ୍କା ଲଗାଇବାକୁ  ଚାହୁଁଛନ୍ତି ତେବେ ଆପଣଙ୍କୁ ୧୫ରୁ ୨୦ ପ୍ରତିଶତ ରିଟର୍ଣ୍ଣ ମିଳିପାରେ ବୋଲି କହିଛନ୍ତି ରାକେଶ ଝୁନଝୁନଓ୍ବାଲା ।

କଂଗ୍ରେସ ଛାଡ଼ିଲେ ଲାଞ୍ଜିଗଡ଼ ପୂର୍ବତନ ବିଧାୟକ ଶିବାଜୀ ମାଝୀ

କଳାହାଣ୍ଡି: ହାତ ଛାଡ଼ିଲେ ଲାଞ୍ଜିଗଡ଼ ପୂର୍ବତନ ବିଧାୟକ ଶିବାଜୀ ମାଝୀ । ୨୦୦୭ରେ କଂଗ୍ରେସରେ ଯୋଗ ଦେଇଥିଲେ । ୨୦୦୯ରୁ ୨୦୧୪ ପର୍ଯ୍ୟନ୍ତ କଂଗ୍ରେସର ବିଧାୟକ ଥିଲେ । ଦଳର ଅଣଦେଖା ଯୋଗୁଁ ଇସ୍ତଫା ଦେଲେ ଶିବାଜୀ ମାଝୀ । ପିସିସି ସଭାପତିଙ୍କୁ ଇସ୍ତଫା ପତ୍ର ପଠାଇଲେ ଶିବାଜୀ । କଂଗ୍ରେସରୁ ଇସ୍ତଫା ଦେଲେ ପୂର୍ବତନ ବିଧାୟକ ଶିବାଜୀ ମାଝୀ ।

ସୂଚନା ଯୋଗ୍ୟ ଯେ, ପୂର୍ବରୁ କଂଗ୍ରେସ ନେତା ତଥା ପୂର୍ବତନ ସାଂସଦ ପ୍ରଦୀପ ମାଝି ମଧ୍ୟ କଂଗ୍ରେସରୁ ଇସ୍ତଫା ଦେଇଥିବା ବେଳେ ଆଜି ବିଜୁ ଜନତା ଦଳରେ ଯୋଗଦେଇଛନ୍ତି ।  ଏକ ବିରାଟ ରାଲିରେ ସମର୍ଥକଙ୍କ ସହ ଆସିବା ସହ ବିଜେଡିରେ ମିଶିଛନ୍ତି ପ୍ରଦୀପ ମାଝୀ । ନବରଙ୍ଗପୁର ଚାଉଁରିଆଗୁଡ଼ାରେ ଆୟୋଜିତ ସ୍ୱତନ୍ତ୍ର ମିଶ୍ରଣ ପର୍ବରେ ଶଙ୍ଖ ଧରିଛନ୍ତି ପ୍ରଦୀପ । ୧୦ ହଜାର ସମର୍ଥକଙ୍କୁ ଧରି ଦଳର ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସଙ୍କ ଉପସ୍ଥିତିରେ ବିଜେଡିରେ ପ୍ରଦୀପ ମାଝି ମିଶିଛନ୍ତି । ଗତ ୨୨ ତାରିଖରେ ପ୍ରଦୀପ କଂଗ୍ରେସ ନେତୃତ୍ୱ ପ୍ରତି ଅଙ୍ଗୁଳି ଉଠାଇ ଦଳରୁ ଇସ୍ତଫା ଦେଇଥିଲେ । କଂଗ୍ରେସ ହାଇକମାଣ୍ଡ, ପ୍ରଭାରୀ ଓ ପିସିସି ସଭାପତିଙ୍କୁ ପ୍ରାଥମିକ ସଦସ୍ୟ ପଦରୁ ଇସ୍ତଫା ଦେଉଥିବା ଉଲ୍ଲେଖ କରି ପତ୍ର ପଠାଇଥିଲେ । ଦଳରେ ଲୋକ ସେବାର ସୁଯୋଗ ନଥିବାରୁ ଦୁଃଖରେ ଦଳ ଛାଡ଼ୁଥିବା ଲେଖିଥିଲେ ପ୍ରଦୀପ ।

ଏଥିସହିତ ପଢ଼ନ୍ତୁ: ୧୦ ହଜାର ସମର୍ଥକଙ୍କ ସହ ବିଜେଡିରେ ମିଶିଲେ ପୂର୍ବତନ କଂଗ୍ରେସ ସାଂସଦ ପ୍ରଦୀପ ମାଝୀ

ପାଣି ଟାଙ୍କି ଭିତରେ ଚାଲିଗଲା ୫ ଶ୍ରମିକଙ୍କ ଜୀବନ

0

ଗୁଜୁରାଟ : ଗୁଜୁରାଟର ଗାନ୍ଧୀନଗରଠାରେ ଏକ ଅଭାବନୀୟ ଘଟଣା ଘଟିଛି  । ଗାଁରେ ଟାଙ୍କି ସଫା କରୁଥିବା ସମୟରେ ପାଞ୍ଚ ଜଣ ଶ୍ରମିକଙ୍କ ମୃତ୍ୟୁ ହୋଇଥିବା ଜଣାପଡ଼ିଛି  । ଟାଙ୍କି ପାଣି ଅସନା ହୋଇଯାଇଥିବାରୁ ଗ୍ରାମର ୫ ଜଣ ଶ୍ରମିକ ଏହାକୁ ସଫା କରିବା ପାଇଁ ଟାଙ୍କି ଭିତରକୁ ପଶିଥିଲେ । ଟାଙ୍କି ସଫା କରିବା ପରେ ୫ ଜଣଙ୍କର ମୃତ୍ୟୁ ହୋଇଯାଇଥିଲା  । ଏହି ଅସନା ପାଣି କୈାଣସି ଏକ କମ୍ପାନୀର ବୋଲି କୁହାଯାଉଛି ।

ଏହି ଘଟଣାଟି ଗାନ୍ଧୀନଗର ଜିଲ୍ଲା କଲୋଳର ଖଟରାଜ ଗାଁର ବୋଲି ଜଣାପଡ଼ିଛି  । ଖବର ପାଇ ସ୍ଥାନୀୟ ପୋଲିସ ଗାଁରେ ପହଁଞ୍ଚି ୫ ଜଣ ଯୁବକଙ୍କ ଶବକୁ ଉଦ୍ଧାର କରିବା ସହ ମାମଲାର ତଦନ୍ତ ଆରମ୍ଭ କରିଛି  । ଏହି ୫ ଜଣ ଯୁବକଙ୍କ ମୃତ୍ୟୁ ଅସନା ପାଣି ପାଇଁ ନୁହେଁ ବରଂ ଟାଙ୍କି ଭିତରେ ଅଣନିଶ୍ୱାସି ହେବା ଯୋଗୁଁ ହୋଇଛି ବୋଲି କୁହାଯାଉଛି  । ତେବେ ଘଟଣାର ଖୁବ୍ ଶୀଘ୍ର ଯାଞ୍ଚ କରାଯିବା ସହ ମୃତ୍ୟୁର ସଠିକ୍ କାରଣ ଏଯାଏ ମିଳିପାରିନାହିଁ ବୋଲି ପୋଲିସ ସ୍ପଷ୍ଟ କରିଛି  ।

ରାମଲିଲାରେ ହିନ୍ଦୁ ଦେବତାଙ୍କ ମଜ୍ଜା ଉଡାଇବାକୁ ନେଇ ବଢ଼ିଲା ଅସନ୍ତୋଷ

ନୂଆଦିଲ୍ଲୀ: ହରିୟାଣାର ଏକ ସ୍କୁଲରେ ରାମଲିଲା ମଞ୍ଚସ୍ଥ ବେଳେ ହିନ୍ଦୁ ଦେବାଦେବୀଙ୍କୁ ଥଟ୍ଟା କରାଯିବା ଭିଡିଓ ଭାଇରାଲ ହେବାକୁ ନେଇ ବଢ଼ିବାରେ ଲାଗିଛି ଅସନ୍ତୋଷ । ସମ୍ପୃକ୍ତ ସ୍କୁଲର ପ୍ରିନ୍ସପାଲଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ନେବାକୁ ଦାବି ଉଠିବାରେ ଲାଗିଛି । ହରିୟାଣାର ସେଣ୍ଟ ମ୍ୟାରୀ ସ୍କୁଲରେ ରାମଲିଲା ମଞ୍ଚସ୍ଥ ବେଳେ ଏମିତି ଘଟଣା ଘଟିଛି ।

ମଞ୍ଚରେ ହିନ୍ଦୁ ଦେବାଦେବୀଙ୍କୁ ଥଟ୍ଟା କରାଯାଇ ସେମାନଙ୍କ ଚରିତ୍ରକୁ ଉପସ୍ଥାପନ କରାଯାଉଥିବା ବେଳେ ତଳେ ବସି ସ୍କୁଲର ଶିକ୍ଷକମାନେ ମଜ୍ଜା ଉଠାଉ ଥିଲେ । ଯାହା ଭାଇରାଲ ହେବା ପରେ ସୋସିଆଲ ମିଡିଆରେ ଉଠିବାରେ ଲାଗିଛି ବିରୋଧର ସ୍ବର । କିଛି ୟୁଜର୍ସ ଲେଖିଛନ୍ତି, ହିନ୍ଦୁ ଧର୍ମୀକ ଭାବନାକୁ ଆହତ କରିବା ଯେମିତି କିଛି ଲୋକଙ୍କ ଅଭ୍ୟାସ ହୋଇଗଲାଣି ।

କିଛି ୟୁଜର୍ସ ଖଟ୍ଟର ସରକାରଙ୍କୁ ସ୍କୁଲ ପ୍ରିନ୍ସପାଲଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେବାକୁ ଦାବି କରିଛନ୍ତି । ଜଣେ ସୋସିଆଲ ମିଡିଆ ୟୁଜର୍ସ ଲେଖିଛନ୍ତି, ‘ରାମଲିଲାକୁ ଏମିତି ପରିବେଷଣ କରିବାକୁ କେମିତି ଅନୁମତି ମିଳିଲା । କୌଣସି ଧର୍ମ ସହ ଏମିତି କରିବାକୁ ଏମାନଙ୍କୁ କିଏ ଅନୁମତି ଦେଲା।’

ତେବେ ହିନ୍ଦୁ ଧର୍ମକୁ ନେଇ ଏମିତି ଘଟଣା କିଛି ନୂଆ ନୁହେଁ । ଗତମାସ ଦିଲ୍ଲୀ ଏମ୍ସରେ ମଧ୍ୟ ରାମଲିଲାର ଭିଡିଓ ଭାଇରାଲ ହୋଇଥିଲା । ଏମବିବିଏସ୍ ପ୍ରଥମ ବର୍ଷ ଛାତ୍ରମାନେ ଏମ୍ସ ପରିସର ହଷ୍ଟେଲ ପାଖରେ ଦଶହରା ସମୟରେ ରାମଲିଲା ମଞ୍ଚସ୍ଥ କରିଥିଲେ । ଏଥିରେ ରାମାୟଣର କିଛି ବ୍ୟକ୍ତିତ୍ବଙ୍କ ମଜ୍ଜା ଉଡା ଯାଇଥିଲା । ଯାହାକୁ ନେଇ ଅସନ୍ତୋଷ ବଢ଼ିବା ପରେ ଏମ୍ସ ଛାତ୍ର ସଂଗଠନ ପକ୍ଷରୁ କ୍ଷମା ପ୍ରାର୍ଥନା କରାଯାଇଥିଲା ।

ଦିଲ୍ଲୀରେ କେବେ କମିବ ପେଟ୍ରୋଲ, ଡିଜେଲ ଦର? ଜାଣନ୍ତୁ ଦର କମ୍ ନେଇ କ’ଣ କହିଲେ ମନୀଷ ସିସୋଦିଆ

ନୂଆଦିଲ୍ଲୀ: ଦୀପାବଳିରେ ସାଧାରଣ ଲୋକଙ୍କୁ ଭେଟି ଦେଇଥିଲେ କେନ୍ଦ୍ର ସରକାର । ବିଗତ କିଛି ଦିନ ହେବ ପେଟ୍ରୋଲ-ଡିଜେଲ ଦର୍ ଲଗାତର ଭାବରେ ବଢ଼ି ଚାଲୁଥିଲା ।  ତେବେ ଲଗାତର ଭାବରେ ତୈଳ ଦର ବୃଦ୍ଧିରେ ଅସ୍ତ୍ୟବ୍ୟସ୍ତ ହୋଇଯାଇଥିଲେ ସାଧରଣ ଜନତା ।  ତେବେ ପେଟ୍ରୋଲ ଡିଜେଲ ଦରକୁ ନେଇ ଦୀପାବଳି ପୂର୍ବ ରାତିରେ ଏକ ବଡ଼ ନିଷ୍ପତି ନେଇଥିଲେ କେନ୍ଦ୍ର ସରକାର । ପେଟ୍ରୋଲ ଉପରୁ ୫ ଟଭ୍କା ଓ ଡିଜେଲ ଉପରୁ ୧୦ ଟଙ୍କାର ଏକ୍ସସାଇଜ ଡ୍ୟୁଟି କମ୍ କରିଥିଲେ କେନ୍ଦ୍ର ସରକାର । ତେବେ କେନ୍ଦ୍ର ସରକାର ତୈଳ ଦର ଉପରୁ ଏକ୍ସସାଇଜ ଡ୍ୟୁଟି କମ୍ କରିବା ପରେ ବିଜେପି ଓ ଏନଡିଏ ଶାସିତ ୧୫ ରାଜ୍ୟରେ ମଧ୍ୟ ଭାଟ୍‌ କମ୍ କରିଥିଲେ । ତେବେ ବିଜେପି ଶାସିତ ରାଜ୍ୟରେ ତୈଳ ଦର କମ୍ କରିବା ପରେ ଏବେ ଅନ୍ୟ ରାଜ୍ୟରେ ତୈଳ ଦର କମ୍ କରିବାକୁ ଚାପ ପଡ଼ୁଛି ।

ଯଦି ଦିଲ୍ଲୀ କଥା କହିବା ତାହାଲେ ଦିଲ୍ଲୀବାସୀ ଏବେ ଅପେକ୍ଷା କରିଛନ୍ତି କେବେ ଦିଲ୍ଲୀ ସରକାର ତୈଳ ଦର ଉପରୁ ଭାଟ୍ କମ୍ କରିବେ । ତେବେ ଏହି ମାମଲା ଉପରେ ଦିଲ୍ଲୀର ଉପ ମୁଖ୍ୟମନ୍ତ୍ରୀ ମନୀଷ ସିସୋଦିଆ କହିଛନ୍ତି କି ତୈଳ ଦର ଉପରୁ ଭାଟ୍ କମାଇବା ପାଇଁ ଆମେ ବଚାର କରୁଛୁ । କେନ୍ଦ୍ର ସରକାର ଏକ୍ସସାଇଜ ଡ୍ୟୁଟି କମ୍ କରିଛନ୍ତି, କିଛି ରାଜ୍ୟ ମଧ୍ୟ ଭାଟ୍‌ କମ୍ କରିଛନ୍ତି । ତେବେ ଆମେ ଭାଟ୍ କରିବା ନେଇ ପରୀକ୍ଷା କରୁଛୁ । ଗତ ଦୁଇ ତିନି ବର୍ଷ ମଧ୍ୟରେ କେନ୍ଦ୍ର ସରକାର ଏକ୍ସସାଇଜ ଡ୍ୟୁଡି ଲଗାତର ଭାବରେ ବଢ଼ାଇଥିଲେ । ଏକ୍ସସାଇଜ ଡ୍ୟୁଟିକୁ ୧୫ ଟଙ୍କାରୁ ନେଇ ୩୪ ଟଙ୍କା ପର୍ଯ୍ୟନ୍ତ ନେଇଥିଲେ । ଆଉ ଏବେ କେନ୍ଦ୍ର କିଛି ଟଙ୍କା କମ୍ କରଛନ୍ତି ଓ କିଛି ରାଜ୍ୟ ମଧ୍ୟ କିଛି ଭାଟ୍ ହ୍ରାସ କରିଛି । ମୁଁ କେନ୍ଦ୍ରକୁ ଅପିଲ କରୁଛି କି ଏକ୍ସସାଇଜ ଡ୍ୟୁଟିରୁ ଅତି କମରେ ୧୫ ଟଙ୍କା ହ୍ରାସ କରନ୍ତୁ ବୋଲି କହିଛନ୍ତି ମନୀଷ ସିସୋଦିଆ ।

ଅନ୍ୟପଟେ ମନୀଷଙ୍କ ଏହି ମନ୍ତବ୍ୟ ଉପରେ କାଉଣ୍ଟର କରିଛନ୍ତି ବିଜେପି ସାଂସଦ ପ୍ରଭେଶ ସାହିବ ସିଂ । କାହିଁକି ଅରବିନ୍ଦ କେଜ୍ରୀଓ୍ବାଲ ପେଟ୍ରୋଲ-ଡିଜେଲ ଉପରୁ ଦର କମ୍  କରୁନାହାନ୍ତି ବୋଲି କହିଛନ୍ତି ପ୍ରଭେଶ ।  କେତେବେଳେ ତ ଦିଲ୍ଲୀବାସୀଙ୍କ କଥା ଭାବନ୍ତୁ ବୋଲି କହିଥିଲେ ପ୍ରଭେଶ । ତେବେ କେନ୍ଦ୍ର ସରକାର ପେଟ୍ରୋଲ-ଡିଜେଲ ଉପରୁ ଏକ୍ସସାଇଜ ଡ୍ୟୁଟି କମ୍ କରିଥିବାବେଳେ ବିଜେପ ଓ ଏନଡିଏ ଶାସିତ ରାଜ୍ୟ କେବଳ ଦର୍ କମ୍ କରିଛି । ତେବେ ଓଡ଼ିଶା ହେଉଛି ଏକ ମାତ୍ର ଏମିତି ରାଜ୍ୟ ଯେଉଁଠି ଅଣ ଏନଡିଏ ବିଜେଡି ସରକାର ପେଟ୍ରୋଲ-ଡିଜେଲ ଉପରେ ୩ ଟଙ୍କା ଭାଟ୍ କମ୍ କରିଛନ୍ତି ।

 

ପ୍ରତିଦିନ ଭରନ୍ତୁ ୫୦ ଟଙ୍କା, ପାଇବେ ୩୫ ଲକ୍ଷ

ଭୂବନେଶ୍ୱର: ଗୋଟିଏ ସମୟ ଥିଲା ଯେବେ ପୋଷ୍ଟ ଅଫିସର ବହୁତ ମହତ୍ତ୍ୱ ଥିଲା । ଆମ ପାଖରେ ଯେତେବେଳେ ଇଣ୍ଟରନେଟ ନଥିଲା । ଚିଠି ମାଧ୍ୟମରେ ସୂଚନା ଆଦାନପ୍ରଦାନ କରୁଥିଲେ । ସମୟ ବଦଳିଛି । ବର୍ତ୍ତମାନ ସ୍ମାର୍ଟ ଯୁଗରେ ପୋଷ୍ଟ ଅଫିସରେ ଆଉ ଆଗ ଭଳି ଭିଡ଼ ଦେଖିବାକୁ ମିଳୁନାହିଁ। କିନ୍ତୁ ଏବେ ବି ପୋଷ୍ଟ ଅଫିସ ସକ୍ରିୟ ଅଛି ଓ ଆମ ପାଇଁ ଆଣୁଛି ବହୁ ଲାଭଦାୟୀ ଯୋଜନା । ଆଉ ଏହି ଯୋଜନାଗୁଡ଼ିକ ଲୋକଙ୍କ ଦୃଷ୍ଟି ଆକର୍ଷଣ କରୁଛି ମଧ୍ୟ ।
ଆପଣ ବି ଯଦି ଏକ ସୁରକ୍ଷିତ ନିବେଶ ସହ ଭଲ ରିଟର୍ଣ୍ଣ ଚାହୁଁଛନ୍ତି ତେବେ ପୋଷ୍ଟ ଅଫିସର ଏହି ଯୋଜନାରେ ନିବେଶ କରିପାରିବେ । ଯୋଜନାଟିର ନାଁ ହେଉଛି ‘ପୋଷ୍ଟ ଅଫିସ୍ ଗ୍ରାମ୍ ସୁରକ୍ଷା ଯୋଜନା’। ଏଥିରେ ଆପଣଙ୍କୁ ବିନା ରିସ୍କରେ ଭଲ ଲାଭ ମିଳିବ । ଏହି ଯୋଜନାରେ, ଆପଣ ଅଳ୍ପ ପରିମାଣର ଅର୍ଥ ବିନିଯୋଗ କରି ରିଟର୍ଣ୍ଣରେ ମୋଟା ଅଙ୍କର ଟଙ୍କା ଉଠାଇ ପାରିବେ । ଯୋଜନାରେ ନିୟମିତ ବିନିଯୋଗ ପରେ, ଆପଣ ୩୫ ଲକ୍ଷ ଟଙ୍କା ପର୍ଯ୍ୟନ୍ତ ପାଇପାରିବେ । କେବଳ ଏତିକି ନୁହେଁ ‘ଗ୍ରାମ ସୁରକ୍ଷା ଯୋଜନା’ରେ ଉନ୍ନତ ରିଟର୍ଣ୍ଣ ସହିତ ଆପଣଙ୍କୁ ଜୀବନ ବୀମାର ସୁବିଧା ମଧ୍ୟ ମିଳିବ। କହିବାକୁ ଗଲେ ପୋଷ୍ଟ ଅଫିସର ଏହା ସବୁଠୁ ଭଲ ଯୋଜନା ମଧ୍ୟରୁ ଗୋଟିଏ । ତେବେ ଆସନ୍ତୁ ଏହି ସ୍କିମ୍ ବିଷୟରେ ବିସ୍ତୃତ ଭାବରେ ଜାଣିବା ।

କ’ଣ ମିଳିବ ଫାଇଦା ?
‘ଗ୍ରାମ ସୁରକ୍ଷାର ଯୋଜନା’ର ନିୟମ ଅନୁଯାୟୀ ନିବେଶକଙ୍କ ବୟସ ୧୯ରୁ ୫୫ ବର୍ଷ ମଧ୍ୟରେ ହେବା ଉଚିତ୍ । ଏହି ଯୋଜନାରେ ୧୦ ହଜାରରୁ ୧୦ ଲକ୍ଷ ଟଙ୍କା ପର୍ଯ୍ୟନ୍ତ ନିବେଶ କରାଯାଇପାରିବ । ସବୁଠୁ ଭଲ କଥା ହେଉଛି, ଆପଣ ଏହାର ପ୍ରିମିୟମ୍ ମାସିକ, ତ୍ରୟ ମାସିକ, ଅର୍ଦ୍ଧ ବାର୍ଷିକ ଏବଂ ବାର୍ଷିକ ହିସାବରେ ଦେଇପାରିବେ । ଆଉ ପ୍ରିମିୟମ ଭରିବା ପାଇଁ ଆପଣଙ୍କୁ ୩୦ ଦିନର ସମୟ ବି ମିଳିବ ।

କେତେ ଟଙ୍କାର ପଲିସି କରିବେ ?
ପଲିସିଧାରୀ ହେବାର ୪ ବର୍ଷ ପରେ ଆପଣ ଋଣ ନେବାକୁ ବି ଯୋଗ୍ୟ ହୋଇଯିବେ । ଯୋଜନା ମୁତାବକ ଆପଣଙ୍କ ଯଦି ୧୯ ବର୍ଷ ବୟସରେ ୧୦ ଲକ୍ଷ ଟଙ୍କା ଦେଇ ‘ଗ୍ରାମ ସୁରକ୍ଷାର ଯୋଜନା’ କିଣୁଛନ୍ତି ତେବେ ୫୫ ବର୍ଷ ବୟସ ପର୍ଯ୍ୟନ୍ତ ଆପଣଙ୍କୁ ପ୍ରତି ମାସରେ ୧୫୧୫ ଟଙ୍କା ପ୍ରିମିୟମ ଦେବାକୁ ପଡ଼ିବ । ସେହିଭଳି ୫୮ ବର୍ଷ ପର୍ଯ୍ୟନ୍ତ ଭରିଲେ ୧୪୬୩ ଟଙ୍କା ଓ ୬୦ ବର୍ଷ ପାଇଁ ଆପଣଙ୍କୁ ମାସିକ ୧୪୧୪ ଟଙ୍କା ଭରିବାକୁ ପଡ଼ିବ। ଏହାକୁ ହିସାବ କଲେ ଆପଣଙ୍କୁ ପ୍ରତିଦିନ ମାତ୍ର ୫୦ ଟଙ୍କା ନିବେଶ କରିବାକୁ ପଡ଼ିବ ।

ରିଟର୍ଣ୍ଣ କେତେ ପାଇବେ ?
‘ଗ୍ରାମ ସୁରକ୍ଷା ଯୋଜନା’ରେ ନିବେଶକଙ୍କୁ ୫୫ ବର୍ଷ ପାଇଁ ୩୧.୬୦ ଲକ୍ଷ ଟଙ୍କା, ୫୮ ବର୍ଷ ପାଇଁ ୩୩.୪୦ ଲକ୍ଷ ଟଙ୍କାର ମ୍ୟାଚ୍ୟୁରିଟି ବେନିଫିଟ ମିଳିବ । ଯୋଜନା ମୁତାବକ ବ୍ୟକ୍ତି ୮୦ ବର୍ଷ ହେବା ପରେ ଟଙ୍କା ଉଠାଇ ପାରିବେ । ଏହା ପୂର୍ବରୁ ତାଙ୍କର ମୃତ୍ୟୁ ଘଟିଲେ, ନୋମିନଙ୍କୁ ଟଙ୍କା ମିଳିବ ।
ଯେବେ ଚାହିଁବେ ଭାଙ୍ଗି ପରିବେ
ପଲିସି ନେବାର ୩ ବର୍ଷ ପରେ ଆପଣ ଯେବେ ଚାହିଁବେ ଏହାକୁ ଭାଙ୍ଗି ପାରିବେ । ହେଲେ ଏଭଳି କ୍ଷେତ୍ରରେ ଆପଣଙ୍କୁ ବିଶେଷ କିଛି ଲାଭ ମିଳିବ ନାହିଁ। ପଲିସିର ସବୁଠାରୁ ବଡ ବିଶେଷତ୍ୱ ହେଉଛି ଇଣ୍ଡିଆ ପୋଷ୍ଟ ଦ୍ୱାରା ଦିଆଯାଇଥିବା ବୋନସ । ଏହି ସ୍କିମରେ ବାର୍ଷିକ ୧ହଜାର ଟଙ୍କା ପାଇଁ ୬୦ ଟଙ୍କା ବୋନସ ନିଶ୍ଚିତ ହୋଇଛି ।
ଆପଣଙ୍କୁ ଯଦି ଏହି ଯୋଜନାଟି ଭଲ ଲାଗୁଛି ଓ ଆପଣ ମଧ୍ୟ ଏହି ଯୋଜନାରେ ନିବେଶ କରିବାକୁ ଚାହୁଁଛନ୍ତି, ତେବେ ନିକଟସ୍ଥ ଡାକଘର ସହିତ ଯୋଗାଯୋଗ କରନ୍ତୁ |

ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଧନ୍ୟବାଦ ଜଣାଇଲେ ଦିଲ୍ଲୀପ ରାୟ: କହିଲେ, ଆଗାମୀ ଦିନରେ ସ୍ପୋର୍ଟସ ହବ୍ ହେବ ଓଡ଼ିଶା

ରାଉରକେଲା: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଧନ୍ୟବାଦ ଜଣାଇଲେ ରାଉରକେଲା ପୂର୍ବତନ ବିଧାୟକ ଦିଲ୍ଲୀପ ରାୟ । ରାଉରକେଲା ଅନ୍ତର୍ଜାତୀୟ ହକି ଷ୍ଟାଡିୟମ୍ ନିର୍ମାଣ ସହ ହକି ବିଶ୍ୱକପ୍ ଆୟୋଜନ ନେଇ ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଜଣାଇଛନ୍ତି ଦିଲ୍ଲୀପ ରାୟ ।  ସେ କହିଛନ୍ତି, ମୁଖ୍ୟମନ୍ତ୍ରୀ ଓଡ଼ିଶା ହକିକୁ ଅନ୍ତର୍ଜାତୀୟ ସ୍ତରରେ ପହଞ୍ଚାଇଛନ୍ତି । ଆଗାମୀ ଦିନରେ ଓଡ଼ିଶା ସ୍ପୋର୍ଟସ ହେବାକୁ ଯାଉଛି । ବିଶ୍ରା ଛକରେ ଓଡ଼ିଶାର ସବୁଠାରୁ ବଡ଼ ଫୁଟବଲ ଷ୍ଟାଡିୟମ୍ ନିର୍ମାଣ କରିବା ସହ ଇଣ୍ଡୋର ଷ୍ଟାଡିୟମ୍ କାର୍ଯ୍ୟ ଏବେ ଶେଷ ହେବାକୁ ଆସିଲାଣି, ଏଣୁ ମୁଁ ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଜଣାଉଛି ବୋଲି ସେ କହିଛନ୍ତି ।

ମୁଖ୍ୟମନ୍ତ୍ରୀ ରାଜ୍ୟରେ କ୍ରୀଡ଼ାର ବିକାଶ ନେଇ ବିଭିନ୍ନ ପଦକ୍ଷେପ ନେଇଥିବା ବେଳେ ଭାରତୀୟ ହକିର ପୁନରୁଦ୍ଧାର ଦିଗରେ ମଧ୍ୟ ଉଲ୍ଲେଖନୀୟ ଅବଦାନ ରହିଛି । ଭାରତୀୟ ହକି ଦଳର କେହିଁ ସ୍ପନ୍ସର ନଥିବା ବେଳେ ଭାରତୀୟ ହକି ଦଳର ସ୍ପନ୍ସର ସାଜିଥିଲା ଓଡ଼ିଶା । ଆଉ ଏହାର ଫଳ ସ୍ୱରୂପ ଭାରତୀୟ ଦଳ ଟୋକିଓ ଅଲିମ୍ପିକ୍ସରେ ଦୀର୍ଘ ବର୍ଷର ବ୍ୟବଧାନ ପରେ ପୁରୁଷ ଦଳ ପଦକ ଜିତିବା ସହ ମହିଳା ଦଳ ଖୁବ ଭଲ ପ୍ରଦର୍ଶନ କରିପାରିଥିଲା । ଏହା ପରେ ରାଜ୍ୟ ସରକାର ହକିକୁ ୫ ବର୍ଷ ପାଇଁ ସ୍ପନ୍ସର କରିବାକୁ ନିଷ୍ପତ୍ତି ନେଇଥିବା ବେଳେ ଏହାକୁ ଆଉ ୫ ବର୍ଷ ପାଇଁ ବୃଦ୍ଧି କରିଥିଲେ । ଏଥିସହିତ ଉଭୟ ଅଲିମ୍ପିକ୍ସ ଓ ପରା ଅଲିମ୍ପିକ୍ସରେ ଭାଗ ନେଇ ପଦକ ଜିତିଥିବା ଓଡ଼ିଆ ଖେଳାଳିଙ୍କୁ ଆର୍ଥିକ ପୁରସ୍କାର ମଧ୍ୟ ଯୋଗାଇଦେଇଥିଲେ । ଅଲିମ୍ପିକ୍ସ ପଦକ ବିଜେତା ପୁରୁଷ ହକି ଦଳର ସଦସ୍ୟ ଥିବା ଓଡ଼ିଆ ଖେଳାଳି ଅଢ଼େଇ କୋଟି ଟଙ୍କାର ଆର୍ଥିକ ପୁରସ୍କାର ଓ ସରକାରୀ ଚାକିରି ଦେଇଥିଲେ ।

 

ଅଖତାରଙ୍କ ନ୍ୟୁଜଲାଣ୍ଡକୁ ଚେତାବନୀ, ଯଦି ଆଫଗାନିସ୍ତାନଠାରୁ ହାରିବ ତେବେ…

0

ନୂଆଦିଲ୍ଲୀ:  ଚଳିତ ଟି-୨୦ ବିଶ୍ବକପରେ ଆସନ୍ତାକାଲି ମୁହାଁମୁହିଁ ହେବେ ଆଫଗାନିସ୍ତାନ ଓ ନ୍ୟୁଜିଲାଣ୍ଡ । ଆସନ୍ତାକାଲି ନ୍ୟୁଜିଲାଣ୍ଡ ତା’ର ଶେଷ ଗ୍ରୁପ ମ୍ୟାଚ ଆଫଗାନିସ୍ତାନ ବିପକ୍ଷରେ ଖେଳିବ । ଏହି ମ୍ୟାଚ ଆସନ୍ତାକାଲି ଆବୁଧାବିରେ ଖେଳାଯିବ । ତେବେ ଏହି ମ୍ୟାଚ ଉପରେ ସବୁଠାରୁ ଅଧିକ ନଜର ରହିବ ଭାରତୀୟଙ୍କର । କାହିଁକି ନା ଭାରତକୁ ସେମିଫାଇନାଲକୁ ଯିବାକୁ ହେଲେ ଏହି ଆଫଗାନିସ୍ତାନ ଏହି ମ୍ୟାଚକୁ ଜିତିବା ନିହାତି ଦରକାର । ଅନ୍ୟପକ୍ଷରେ ଯଦି ନ୍ୟୁଜିଲାଣ୍ଡ ଏହି ମ୍ୟାଚକୁ ବିଜୟ ଲାଭ କରେ ତାହାଲେ ବିରାଟ ବାହିନୀ ଚଳିତ ବିଶ୍ବକପର ସେମିଫାଇନାଲକୁ ଯାଇପାରିବ ନାହିଁ ।

ତେବେ ଏହି ମ୍ୟାଚ ପୂର୍ବରୁ ପାକିସ୍ତାନର ପୂର୍ବତନ ବୋଲର ସୋଏବ ଅଖତାର ନ୍ୟୁଜିଲାଣ୍ଡକୁ ଚେତାବନୀ ଦେଇଛନ୍ତି । ଏହି ବଡ଼ ମ୍ୟାଚ ପୂର୍ବରୁ ସୋଏବ ଏକ ବଡ଼ ବୟାନ ଦେଇଛନ୍ତି । ସୋଏବ ଅଖତାର କହିଛନ୍ତି କି ଯଦି ନ୍ୟୁଜିଲାଣ୍ଡ ଏହି ମ୍ୟାଚରେ ପରାଜୟ ବରଣ କରେ ତାହାଲେ ବହୁତ ପ୍ରଶ୍ନବାଚୀ ସୃଷ୍ଟି ହେବ । ତେବେ ଏପରି ସ୍ଥିତିରେ ସୋସିଆଲ ମିଡିଆକୁ ରୋକିବା ପାଇଁ କେହି ରହିବେ ନାହିଁ । ଅଖତାର ତାଙ୍କ ୟୁଟ୍ୟୁବ ଚ୍ୟାନେଲରେ କହିଛନ୍ତି ଯେ ଯଦି ଆସନ୍ତାକାଲି ନ୍ୟୁଜିଲାଣ୍ଡ ଏହି ମ୍ୟାଚକୁ ପରାଜୟ ବରଣ କରେ ତାହାଲେ ଏହାକୁ ନେଇ ଅନେକ ପ୍ରଶ୍ନ ସୃଷ୍ଟି ହେବ । ଏହା ମୁଁ ଆଗରୁ ଆପଣଙ୍କୁ ଚେତାଇ ଦେଉଛି । ମୋତେ ଡର ଲାଗୁଛି କି ଏହି ମ୍ୟାଚରେ ନ୍ୟୁଜିଲାଣ୍ଡ ପରାଜୟ ପରେ ଟପ୍ ଟ୍ରେଡିଂରେ ଆଉ କିଛି ଆରମ୍ଭ ହୋଇଯିବ ବୋଲି କହିଛନ୍ତି ସୋଏବ ଅଖତାର ।

ଅଖତାର ଆହୁରି କହିଛନ୍ତି କି ମୁଁ ଜାଣିଛି ନ୍ୟୁଜିଲାଣ୍ଡ ଏକ ଭଲ ଟିମ୍ ଯିଏକି ଆଫଗାନିସ୍ତାନକୁ ପରାସ୍ତ କରିପାରିବ । ଯଦି ନ୍ୟୁଜିଲାଣ୍ଡ ଭଲ ନଖେଳିବ ତାହାଲେ ସମସ୍ୟା ହୋଇପାରେ । ଯଦି ନ୍ୟୁଜିଲାଣ୍ଡ ପରାଜୟ ବରଣ କରେ ତେବେ ସୋସିଆଲ ମିଡିଆକୁ କେହି ରୋକି ପାରିବେ ନାହିଁ । ତେବେ ଭାରତ ସେମିଫାଇନାଲ ରେସରେ ଆସିବା ପରଠାରୁ ଏହି ଟୁର୍ଣ୍ଣାମେଣ୍ଟ ଆହୁରି ରୋମାଞ୍ଚକର ହୋଇଯାଇଛି । ପୁଣି ଥରେ ଭାରତ ପାକିସ୍ତାନ ମଧ୍ୟରେ ମ୍ୟାଚ ହୋଇପାରେ ବୋଲି କହିଛନ୍ତି ସୋଏବ ଅଖତାର । ମୁଁ ବି ଚାହେଁ କି ଭାରତ ପାକିସ୍ତାନ ଫାଇନାଲ ହେଉ । ଯଦି ଭାରତ-ପାକିସ୍ତାନ ଫାଇନାଲ ହୁଏ ତେବେ ଏହା ଦୁଇ ଦେଶ ପାଇଁ ଭଲ । ଅନ୍ୟପକ୍ଷରେ ଯଦି ଭାରତ ଏହି ଟୁର୍ଣ୍ଣାମେଣ୍ଟରୁ ବାହାରି ଯାଏ ତେବେ ଏହା ଅତ୍ୟନ୍ତ ହୃଦୟ ବିଦାରକ ହେବ । ଭାରତ ଭଲ କ୍ରିକେଟ ଖେଳିଛି କିନ୍ତୁ ଏହି କ୍ରିକେଟ ଟିକେ ବିଳମ୍ବରେ ଭାରତ ଖେଳିଲା ବୋଲି କହିଛନ୍ତି ସୋଏବ ଅଖତାର ।

ରାଜନୈତିକ ଲାଭ ଉଠାଇବାକୁ ସିଦ୍ଧୁ ମିଛ ପ୍ରଚାର କରୁଛନ୍ତି: ଦେଓଲ

ଲୁଧିଆନା: ପୂର୍ବତନ କ୍ରିକେଟର ତଥା ପଞ୍ଜାବ କଂଗ୍ରେସ ଅଧ୍ୟକ୍ଷ ନବଜ୍ୟୋତ ସିଂ ସିଦ୍ଧୁଙ୍କ ବିରୋଧରେ ମିଛ ପ୍ରଚାର ଅଭିଯୋଗ । ପଞ୍ଜାବ ଏଜି ଏପିଏସ ଦେଓଲ ଆଣିଛନ୍ତି ଏମିତି ଅଭିଯୋଗ । ରାଜେନୖତିକ ଫାଇଦା ନେବାକୁ ସିଦ୍ଧୁ ମିଛ ପ୍ରଚାର କରିବା ସହ କଂଗ୍ରେସ ଦଳର ଛବି ଖରାପ କରୁଛନ୍ତି ବୋଲି ଦେଓଲ ଏକ ସାମ୍ବାଦିକ ସମ୍ମିଳନୀରେ ଅଭିଯୋଗ କରିଛନ୍ତି ।

ସୂଚନାଯୋଗ୍ୟ, ୨୦୧୫ ପୋଲିସ୍ ଫାୟରିଙ୍ଗ ଓ ଅସହିଷ୍ଣୁ ମାମଲା କଥା ଉଠାଇ ସିଦ୍ଧୁ ଦେଓଲଙ୍କ ଇସ୍ତଫା ଦାବି କରିଥିଲେ । ସିଦ୍ଧୁ ବାରମ୍ବାର ଡ୍ରଗ୍ସ ଓ ଅସହିଷ୍ଣୁ ମାମଲା କଥା ଉଠାଇ ପରେ ଦେଓଲ ତାଙ୍କୁ ସମାଲୋଚନା କରିଛନ୍ତି । ସେ କହିଛନ୍ତି, ‘ରାଜ୍ୟ ସରକାର ମାମଲାକୁ ଗମ୍ଭୀରତାର ସହ ନେଇଥିବା ବେଳେ ଅଭିଯୁକ୍ତଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଉପରେ ଗୁରୁତ୍ବ ଦେଉଛନ୍ତି । ହେଲେ ମାମଲାକୁ ପଥଭ୍ରଷ୍ଟ କରିବାକୁ ସିଦ୍ଧୁ ଚେଷ୍ଟା କରୁଛନ୍ତି ।’

ସେ ଅଭିଯୋଗ କରି କହିଛନ୍ତି, ‘ଆସନ୍ତା ବର୍ଷ ପଞ୍ଜାବରେ ବିଧାନସଭା ନିର୍ବାଚନ ହେବ । ଏହା ପୂର୍ବରୁ ସିଦ୍ଧୁ ରାଜେନୖତିକ ଲାଭ ନେବାକୁ ମିଛ ପ୍ରଚାର କରୁଛନ୍ତି ।’

ସୂଚନାଯୋଗ୍ୟ, ଗତ ୧ ତାରିଖରେ ଦେଓଲ ଇସ୍ତଫା ଦେଇ ଦେଇଥିଲେ । ଏହାର ପରଦିନ ନିଜ ଇସ୍ତଫା ଖବରକୁ ଖାରଜ କରିବା ସହ ପଦ ଛାଡୁ ନଥିବା କହିଥିଲେ ।