ବିଡିଏର ପ୍ରତିଷ୍ଠା ଦିବସରେ ଭେଟି । ସହର ନୁହେଁ ଉପକଣ୍ଠରେ ତିଆରି ହେବ ନୂଆ ଭୁବନେଶ୍ୱର । ୮ଶହ ଏକର ଜାଗାରେ ଗଢି ଉଠିବ ସହର । ସିଙ୍ଗାପୁର ଦୋଲେରା ସିଟି ଢାଞ୍ଚାରେ ହେବ ନିର୍ମାଣ । ମଳିପଡା, ଦାସପୁର, ଅନ୍ଧାରୁଆ, ଗୋଠପଟଣା ଭଳି ଅଞ୍ଚଳକୁ ନେଇ ହେଉଛି ନୂଆ ସହର । ଆଇଟି ପାର୍କ, ମେଡିକାଲ ସୁବିଧା, ଲୋକ ରହିବା ପାଇଁ ଘର, ବ୍ୟବସାୟିକ ପ୍ରତିଷ୍ଠାନ, ପେଡେଷ୍ଟ୍ରିୟାନଙ୍କ ପାଇଁ ଚାଲିବା ବ୍ୟବସ୍ଥା, ଓପନ ସ୍ପେସ, ଅର୍ଥନୀତିକ ଆକ୍ଟିଭିଟି ରହିବା ସହ ପ୍ରଦୂଷଣ ମୁକ୍ତ ନେଇ ବ୍ୟବସ୍ଥା ହୋଇଛି । ଏହାସହ ଶିଳ୍ପ ସଂସ୍ଥାକୁ ମଧ୍ୟ ଗୁରୁତ୍ୱ ଦିଆଯିବ । ଏହାର ଡିପିଆର ସିଙ୍ଗାପୁର ସରକାର ବନାଉଥିବାବେଳେ ଆବଶ୍ୟକ ଅର୍ଥ ମଧ୍ୟ ସେମାନଙ୍କୁ ଦିଆଯାଇଛି । ଗତବର୍ଷ ଘୋଷଣା ହୋଇଥିବା ବେଳେ ଏବେ ବି ଆଗେଇ ପରିନି ପ୍ଲାନ । ଚଳିତବର୍ଷ ସିଡିପିରେ ୫୬୯ ଗାଁ ବାଦ ଆହୁରି ୧୪୩ ଗାଁ ସାମିଲ କରିବା ପାଇଁ ପ୍ରସ୍ତାବ ଦେଇଛି ବିଡିଏ । ଭୁବନେଶ୍ବର ରେଳୱେ ଷ୍ଟେସନକୁ ଏକ ପ୍ରମୁଖ ମଳ୍ଟିହବରେ ପରିଣତ କରିବା ପାଇଁ ଭୁବନେଶ୍ବର ଟାଉନ ସେଣ୍ଟର ପ୍ରକଳ୍ପକୁ ତ୍ବରାନ୍ବିତ କରାଯାଇଛି ।
କ୍ରୀଡାର ଇନ୍ନତି ପାଇଁ ୯୮ କୋଟି ଟଙ୍କା ଖର୍ଚ୍ଚରେ ଭୁବନେଶ୍ବରରେ ତିଆରି ହେବ ୨୦ ଫୁଟବଲ ପଡ଼ିଆ । କଳିଙ୍ଗ ବିହାର K-9 B ରେ ୫ କୋଟି ୫୦ ଲକ୍ଷ ଟଙ୍କାରେ ଖେଳ ପଡିଆ ଓ ପାର୍କର ଉଦଘାଟନ ହୋଇଛି । ଟିପି ସ୍କିମ ଧିମେଇ ଥିବାବେଳେ ଟିପି ୮ ର ଚିଠା କରାଯାଇ ସରକାରଙ୍କ ଅନୁମୋଦନ ପାଇଁ ପଠାଯାଇଛି । ସୁଲଭ ଗୃହନିର୍ମାଣ ଯୋଜନାରେ ୬ଟି ପ୍ରକଳ୍ପ କାର୍ଯ୍ଯଧୀନ ରହିଛି । ସୁବୁଦ୍ଧିପୁର ଆବାସିକ ଫ୍ଳାଟ ଉପଭୋକ୍ତାଙ୍କୁ ବିକ୍ରୟ କରାଯିବ । ଚଳିତବର୍ଷ ୩୬ ଏକର ସରକାରୀ ଜାଗାକୁ ଜବରଦଖଲ ମୁକ୍ତ କରିଛି ବିଡିଏ । କ୍ଵାଡ୍ ସିଟି ପ୍ରୋଗ୍ରାମ ଜରିଆରେ ଭୁବନେଶ୍ଵର, ପୁରୀ, କଟକ, ପାରାଦୀପକୁ ମିଶାଇ ଇକୋନୋମିକ ଜୋନ୍ ଗଠନ କରିବାକୁ ରାଜ୍ୟ ସରକାର ଲକ୍ଷ୍ୟ ରଖିଛନ୍ତି । କେବଳ ଏହି ୪ଟି ସ୍ଥାନ ନୁହେଁ, ରାଜ୍ୟର ୪ ଦିଗରେ ଥିବା ପ୍ରମୁଖ ସହର, ଯେଉଁଗୁଡିକର ଅର୍ଥନୀତିରେ ପ୍ରମୁଖ ଯୋଗଦାନ ରହିଛି, ସେସବୁର ବିକାଶ କରାଯିବ ।
ବିଡିଏର ପ୍ରତିଷ୍ଠା ଦିବସରେ ଭେଟି: ସହର ନୁହେଁ ଉପକଣ୍ଠରେ ତିଆରି ହେବ ନୂଆ ଭୁବନେଶ୍ୱର
ସରକାରୀ ନିର୍ଦ୍ଦେଶକୁ ମାନୁ ନାହାନ୍ତି ଅଫିସର
୬୮ ବର୍ଷ ବୟସରେ ବି ଚାଲିଛି ସରକାରୀ ଚାକିରି । ସରକାରୀ ନିର୍ଦ୍ଦେଶକୁ ମାନୁ ନାହାନ୍ତି ଅଫିସର । ଅବସର ନେବା ବୟସ ଗଡ଼ିଥିଲେ ବି ଛାଡୁ ନାହାନ୍ତି ପଦବୀ । ରାଉରକେଲା ସ୍ମାର୍ଟ ସିଟି ଲିମିଟେଡ ଅଫିସରେ ଚିଫ ଫାଇନାନ୍ସିଆଲ୍ ଅଫିସର ବା CFO ସରକାରୀ ନିର୍ଦ୍ଦେଶର ଅବମାନନା କରି କାର୍ଯ୍ୟ କରୁଥିବା ଅଭିଯୋଗ ହୋଇଛି । ୬୫ ବର୍ଷ ବୟସରୁ ଅଧିକ ବୟସ୍କ ବ୍ୟକ୍ତିଙ୍କୁ ନିଯୁକ୍ତି ନଦେବା ପାଇଁ ରାଜ୍ୟ ସରକାରଙ୍କ GA ଆଣ୍ଡ PG ବିଭାଗ ପକ୍ଷରୁ ୨୦୨୪ ସେପ୍ଟେମ୍ବର ୧୨ ତାରିଖରେ ଚିଠି କରାଯାଇଛି । କିନ୍ତୁ ରାଉରକେଲା ସ୍ଟାର୍ଟ ସିଟି ଲିମିଟେଡରେ ଏହାର ବ୍ଯତିକ୍ରମ ଦେଖିବାକୁ ମିଳିଛି । ଶିକ୍ଷିତ ବେକାରଙ୍କୁ ସରକାର ନିଯୁକ୍ତି ଦେଇ ପାରୁନଥିବା ବେଳେ ସରକାରୀ ନିୟମର ଉଲ୍ଲଙ୍ଘନ କରି ଜଣେ ୬୮ ବୟସର ବ୍ୟକ୍ତି କିପରି କାମ କରୁଛନ୍ତି ତାକୁ ନେଇ ଉଠିଛି ପ୍ରଶ୍ନ ।
ରାଉରକେଲା ସ୍ମାର୍ଟସିଟି ଲିମିଟେଡ ପକ୍ଷରୁ ୧୨୦ କୋଟି ଟଙ୍କା ବ୍ୟୟରେ ନିର୍ମିତ ୱାନ ପ୍ରକଳ୍ପ ନିର୍ମାଣ କାର୍ଯ୍ୟ ନିମ୍ନ ମାନର କାର୍ଯ୍ୟ ହେଉଥିବା ଅଭିଯୋଗ ହେଉଛି। ବିଲଡିଙ୍ଗର ବିଭିନ୍ନ ସ୍ଥାନରେ ଫାଟ ସୃଷ୍ଟି ହୋଇଥିବାରୁ ଏହା ଭୁଷୁଡି ପଡିବାର ସମ୍ଭାବନା ରହିଛି । ଚିଫ ଫାଇନାନ୍ସିଆଲ୍ ଅଫିସର କାର୍ଯ୍ୟ କରିବା ସମୟରେ ବିଭିନ୍ନ ଅନୀୟମିତା ଓ ଦୁର୍ନୀତି ହୋଇଥିବା ଅଭିଯୋଗ ହୋଇଛି । ଏପରି ସ୍ଥିତିରେ ଚିଫ ଫାଇନାନ୍ସିଆଲ୍ ଅଫିସର ସରକାରୀ ନିର୍ଦ୍ଦେଶ ମାନି ଇସ୍ତଫା ଦେଇନଥିବାରୁ ଏ ସମ୍ପର୍କରେ ସୁନ୍ଦରଗଡ଼ ଜିଲ୍ଲାପାଳ ଓ ସରକାରଙ୍କ ଦୃଷ୍ଟି ଆକର୍ଷଣ କରାଯିବ ବୋଲି ବିଜେପି ମୁଖପାତ୍ର କହିଛନ୍ତି। ଏନେଇ ଚିଫ ଫାଇନାନ୍ସିଆଲ୍ ଅଫିସର କ୍ୟାମେରା ଆଗରେ କିଛି ମତାମତ ଦେବାକୁ ମନା କରିଥିବାବେଳେ ଘଟଣାର ଅନୁସଂଧାନ ପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ମୁଖ୍ୟ ନିର୍ବାହୀ ଅଧିକାରୀ ସୂଚନା ଦେଇଛନ୍ତି ।
କଟକ ଐତିହାସିକ ବାଲିଯାତ୍ରା ଆରମ୍ଭ ପୂର୍ବରୁ ବିବାଦ
କଟକ ଐତିହାସିକ ବାଲିଯାତ୍ରା ଆରମ୍ଭ ପୂର୍ବରୁ ବିବାଦ । କେବଳ ତଳ ପଡ଼ିଆରେ ଯାତ୍ରା କରିବାକୁ ପ୍ରଶାସନର ଯୋଜନା । ବୁଦ୍ଧିଜୀବୀଙ୍କ ନାପସନ୍ଦ, ଆଲୋଚନା ପାଇଁ ମେୟରଙ୍କ ପ୍ରତିଶ୍ରୁତି । ବାଲିଯାତ୍ରାକୁ ମଝିରେ ଦୁଇ ମାସରୁ କମ ସମୟ ଥିବାବେଳେ ଏନେଇ ପ୍ରସ୍ତୁତି ଆରମ୍ଭ କରିଛି କଟକ ପ୍ରଶାସନ । ଚଳିତ ଯାତ୍ରାକୁ କେବଳ ନଦୀପଠା ତଳ ପଡିଆରେ ଆୟୋଜନ କରିବାକୁ ଯୋଜନା କରାଯାଉଛି । ପ୍ରଥମରୁ ଯାତ୍ରା ହୋଇ ଆସୁଥିବା ଉପର ପଡିଆକୁ ପାର୍କିଂ ଓ ଯାତ୍ରା ପରିଚାଳନା କାମରେ ଲଗାଇବାକୁ ଯୋଜନା କରୁଛି ପ୍ରଶାସନ । ତେବେ ଏହାକୁ ନାପସନ୍ଦ କରିଛନ୍ତି କଟକ ମେୟର ଓ ବୁଦ୍ଧିଜୀବୀ । ବିଗତ ବର୍ଷ ଏହି ନିଷ୍ପତ୍ତି ନିଆଯାଇଥିଲେ ସୁଦ୍ଧା ଶେଷ ସମୟରେ ଏହାକୁ ବାତିଲ କରାଯାଇଥିଲା । ତେଣୁ ଏଥର ଏହା ପୁଣି ମୁଣ୍ଡ ଟେକିଥିବାରୁ ଏନେଇ ପ୍ରଶାସନ ଓ ସରକାରଙ୍କ ସହ ଆଲୋଚନା କରାଯିବ ବୋଲି କହିଛନ୍ତି ମେୟର ।
ଆରମ୍ଭରୁ ଉପର ପଡ଼ିଆରେ ବାଲିଯାତ୍ରା ହୋଇ ଆସୁଛି । ବାଲିଯାତ୍ରା କହିଲେ ଲୋକେ ଉପର ପଡିଆକୁ ହିଁ ବୁଝନ୍ତି। ତେଣୁ ଯାତ୍ରାର ମୁଖଶାଳାକୁ ଛାଡ଼ି ତଳ ପଡ଼ିଆରେ ଯାତ୍ରା କରିବା ଉଚିତ୍ ନୁହେଁ ବୋଲି କହିଛନ୍ତି ବୁଦ୍ଧିଜୀବୀ । ତେଣୁ ଏହାର ପୂନର୍ବିଚାର କରା ନଗରେ ବିଭିନ୍ନ ଫୋରମରେ ବିରୋଧ କରାଯିବ ବୋଲି ଚେତାବନୀ ଦେଇଛନ୍ତି । ବାଲିଯାତ୍ରାକୁ ଆସୁଥିବା ଲୋକେ ପ୍ରଥମେ ଉପର ପଡିଆରେ ବୁଲିବା ପରେ ନୌକାଗେଟ୍ ଦେଇ ତଳ ପଡିଆକୁ ଯାଆନ୍ତି । ଉଭୟ ପଡିଆରେ ବାଲିଯାତ୍ରା ହେଲେ ଭିଡ ପରିଚାଳନା ସହଜ ହେବା ସହ ବାଲିଯାତ୍ରାର ଗାରିମା ବଜାଇ ରହିବ ବୋଲି ମତ ପ୍ରକାଶ ପାଇଛି ।
ଏଥର ଡିଜେ, ବାଣ ଓ ନିଶା ମୁକ୍ତ ପୂଜା: ଜଳିବନି ଲେଜର ଲାଇଟ, ହେବନି ଅଶ୍ଳୀଳ ନୃତ୍ୟ
ଏଥର ଡିଜେ, ବାଣ ଓ ନିଶା ମୁକ୍ତ ପୂଜା । ଜଳିବନି ଲେଜର ଲାଇଟ, ଷ୍ଟେଜରେ ହେବନି ଅଶ୍ଳୀଳ ନୃତ୍ୟ । ମୁତୟନ ହେବେ ମହିଳା ପୋଲିସ, ସିସିଟିଭିରେ ଛାଉଣୀ ହେବ ମଣ୍ଡପ । ବଟି ମାଗିଲେ ବନ୍ଧାହେବେ ପୂଜା କମିଟି ସଦସ୍ୟ । ଖୁସି ଓ ଉତ୍ସାହ ନେଇ ପୁଣି ଫେରିଛି ମହାପାର୍ବଣ ଦୁର୍ଗାପୂଜା । ମା’ଙ୍କର ଷୋଳ ପୂଜାର ଅବ୍ୟବହିତ ପୂର୍ବରୁ ସରିଛି ପ୍ରସ୍ତୁତି ବୈଠକ । ଭୁବନେଶ୍ୱରରେ ଏଥର ଲୋକେ ଦେଖିବେ ୧୮୭ ଟି ମୃଣ୍ମୟୀ ମୂର୍ତ୍ତି । ପୂର୍ବବର୍ଷ ଭଳି ଧୁମଧାମରେ ଦଶହରା ପାଳନ ହେବ ତାହାକୁ ନେଇ ଅଣ୍ଟା ଭିଡ଼ିଛି ପ୍ରଶାସନ । ଟ୍ରାଫିକ, ଲ ଆଣ୍ଡ ଅର୍ଡର, ପୋଲିସ ପାଇଁ ପାଲଟିଛି ବଡ଼ ଚ୍ୟାଲେଞ୍ଜ । ସେହିପରି ବିନା କେମିକାଲ ଓ ବିନା ପ୍ଲାଷ୍ଟିକରେ ମୂର୍ତ୍ତି ନିର୍ମାଣ କରିବାକୁ ଅନେକ ପୂଜା କମିଟି କହିଛନ୍ତି । ପୂଜା ମଣ୍ଡମରେ ଅନୁଷ୍ଠିତ ହେଉଥିବା ମେଲୋଡି କାର୍ଯ୍ୟକ୍ରମ ୧୦ ଟା ପରିବର୍ତ୍ତେ ୧୨ ଟା ସୁଦ୍ଧା ଶେଷ କରିବାକୁ କୁହାଯାଇଛି । ରାବଣ ପୋଡିବେଳେ ଶବ୍ଦ ପ୍ରଦୂଷଣ କରୁଥିବା ବାଣ କୁ ବ୍ୟବହାର ନକରିବାକୁ ନିବେଦନ କରାଯାଇଛି । ଭସାଣ ବେଳେ ଭାଇବ୍ରେଟ ମ୍ୟୁଜିକ, ଡିଜେ ବାରଣ କରାଯାଇଛି । ଅବକାରୀ ବିଭାଗକୁ ଚୋରା ମଦ ଓ ଡ୍ରଗ୍ସ ରୋକିବାକୁ ନିର୍ଦ୍ଦେଶ ସମନ୍ୱୟ ବୈଠକରେ ମତ ପ୍ରକାଶ ପାଇଛି ।
ବିଏମସି ପକ୍ଷରୁ ଡ୍ରେନେଜ ସମସ୍ୟାର ସମାଧାନ, ରାସ୍ତା ଘାଟ ମରାମତି ଓ ଅନ୍ୟାନ୍ୟ ସୁବିଧା ଯୋଗାଇବା ପାଇଁ ଆର୍ଥିକ ଅନୁଦାନ ପାଇଁ ଦାବି ହୋଇଛି । ସେହିପରି ବିଦ୍ୟୁତ ପାଇଁ ସିଙ୍ଗିଲ ମିଟର ବ୍ୟବସ୍ଥା, ଭ୍ରାମ୍ୟମାଣ ଟଏଲେଟ ବ୍ୟବସ୍ଥା ଓ ଅଗ୍ନିଶମ, ପାନୀୟ ଜଳ, ଖୋଳା ହୋଇଥିବା ରାସ୍ତାଘାଟ ନିର୍ମାଣ, ଗଛକଟା ଆଦି ପ୍ରସଙ୍ଗରେ ବିଭିନ୍ନ ବିଭାଗର ସହଯୋଗ ଲୋଡିଥିଲେ ପୂଜା କମିଟି ସଦସ୍ୟ । ସହରରେ ହେଉଥିବା ପୂଜା ଓ ଭଷାଣି ପାଇଁ ସିଙ୍ଗିଲ window ବ୍ୟବସ୍ଥା ଦ୍ୱାରା ଲାଇସେନ୍ସ ପାଇବାରେ କୌଣସି ଅସୁବିଧା ହେବନାହିଁ । ଆଜିର ବୈଠକରେ ସମସ୍ତ ବରିଷ୍ଠ ପୋଲିସ ଅଧିକାରୀଙ୍କ ସହ ଦୁଇ ବିଧାୟକ, ଅଗ୍ନିଶମ, watco, Tata power, ଟ୍ରାଫିକ ଓ ଅବକାରୀ ବିଭାଗର ବରିଷ୍ଠ ଅଧିକାରୀ ମାନେ ସାମିଲ ଥିଲେ । ପାର୍ବଣ ବେଳେ ଆକ୍ଟିଭ ହୋଇପାରନ୍ତି ଲୁଟେରା । ରାଜଧାନୀରେ ଅପରାଧୀଙ୍କ ଉପରେ ନଜର ରଖିବା ପାଇଁ ଏବେଠୁ ଭୁବନେଶ୍ୱର ପୋଲିସ ସଜାଗ ଥିବା କହିଛନ୍ତି କମିଶନର ।
ପ୍ରଦୂଷଣ ଗାଇଡଲାଇନକୁ ଫୁ: ମାନିଲେନି କଟକଣା, ପ୍ରଦୂଷିତ ମହାନଦୀ
ପ୍ରଦୂଷଣ ଗାଇଡଲାଇନକୁ ଫୁ । ମାନିଲେନି କଟକଣା, ପ୍ରଦୂଷିତ ମହାନଦୀ । ପ୍ରଶାସନର ଅବହେଳାରୁ ସଂକଟରେ ଓଡ଼ିଶାର ଲାଇଫଲାଇନ୍ । ଗଣେଶ ବିସର୍ଜନ ପାଇଁ ନାହିଁ ଅସ୍ଥାୟୀ ପୋଖରୀ । ନଦୀ ଜଳରେ ବିସର୍ଜିତ ହେଲା ଶହଶହ ମୂର୍ତ୍ତି । କାର୍ଯ୍ୟାନୁଷ୍ଠାନ ନେଇ ପ୍ରଦୂଷଣ ନିୟନ୍ତ୍ରଣ ବୋର୍ଡର ଚେତାବନୀ । ଚଳିତ ପାର୍ବଣରେ ସମ୍ବଲପୁର ସହରରେ ପ୍ରଶାସନ ପକ୍ଷରୁ କୌଣସି ବ୍ୟବସ୍ଥା କରାଯାଇ ନଥିବା ଅଭିଯୋଗ ହୋଇଛି । ଫଳରେ ଲୋକେ ମହାନଦୀରେ ଗଣେଶ ମୂର୍ତ୍ତି ବିସର୍ଜନ କରିଛନ୍ତି । ଭଲଭାବେ ଦେଖନ୍ତୁ ମହାନଦୀର ଏହି ଦୃଶ୍ୟକୁ । ମୂର୍ତ୍ତି ବିସର୍ଜନ ଯୋଗୁଁ କିପରି ପ୍ରଦୂଷିତ ହୋଇଛି ନଦୀଜଳ । ରାସାୟନିକ ପାଣିରେ ବଦଳି ଯାଇଛି ସ୍ୱଚ୍ଛ ମହାନଦୀର ଅମୃତ ଧାରା ।
ପୂଜା ପୂର୍ବରୁ ସମ୍ବଲପୁର ମହାନଗର ନିଗମକୁ ଏନେଇ ଚିଠି ଲେଖିଥିଲା ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡ । ତଥାପି କୌଣସି ପଦକ୍ଷେପ ନେଇନି ପ୍ରଶାସନ । ଯାହାକୁ ନେଇ ଉଦବେଗ ପ୍ରକାଶ କରିଛି ଆଞ୍ଚଳିକ ପ୍ରଦୂଷଣ ନିୟନ୍ତ୍ରଣ ବୋର୍ଡ l ମହାନଦୀ ଜଳ ନମୂନା ପାଇଁ ଦୁଇଟି ସ୍ଵତନ୍ତ୍ର ଟିମ୍ ଗଠନ କରାଯାଇଛି । ମହାନଦୀର ବିଭିନ୍ନ ଘାଟକୁ ଯାଇ ଏହି ଟିମ୍ ନମୁନା ସଂଗ୍ରହ କରିବେ । ପାର୍ବଣ ପୂର୍ବରୁ ବିସର୍ଜନ ପାଇଁ ସ୍ବତନ୍ତ୍ର ବ୍ୟବସ୍ଥା କରିବା ସହ ଆଇନ ନମାନିଲେ ହେବ ଦୃଢ କାର୍ଯ୍ୟାନୁଷ୍ଠାନ ବୋଲି ନିଆଯିବ ବୋଲି କହିଲେ ଅଧିକାରୀ ।
ଭାରତର ପଡ଼ୋଶୀ ଆଫଗାନିସ୍ତାନରେ ବାରମ୍ବାର ଭୂମିକମ୍ପ କାହିଁକି ତାଣ୍ଡବ ରଚାଇଥାଏ?
ନନ୍ଦିଘୋଷ ବ୍ୟୁରୋ: ଆଫଗାନିସ୍ତାନର ଜଲାଲାବାଦରେ ଘଟିଥିବା ୬ ତୀବ୍ରତାର ଭୂମିକମ୍ପ ଯୋଗୁଁ ୮୦୦ ରୁ ଅଧିକ ଲୋକଙ୍କର ମୃତ୍ୟୁ ହୋଇଛି । ଏବଂ ୨୫୦୦ ରୁ ଅଧିକ ଲୋକ ଆହତ ହୋଇଥିବା ସୂଚନା ମିଳିଛି । ଆଫଗାନିସ୍ତାନ-ପାକିସ୍ତାନ ଅଞ୍ଚଳ ଭୂମିକମ୍ପ ଦୃଷ୍ଟିରୁ ଅତ୍ୟନ୍ତ ସମ୍ବେଦନଶୀଳ। ତେବେ ଆପଣଙ୍କ ମନରେ ପ୍ରଶ୍ନ ଆସୁଥିବ ବାରମ୍ବାର ଭାରତର ଏହି ସବୁ ପଡ଼ୋଶୀ ଦେଶ ଗୁଡ଼ିକରେ ଏତେ ମାତ୍ରାରେ ଭୁକମ୍ପ ଝଟକା କାହିଁକି ଲାଗିଥାଏ । ଏହାର କାରଣ କ’ଣ? ତେବେ ଆପଣଙ୍କୁ ଜଣାଉଛୁ କି ଗତ ୫ ବର୍ଷ ମଧ୍ୟରେ, ଏହି ଅଞ୍ଚଳରେ ୩୦ ରୁ ଅଧିକ ଭୂମିକମ୍ପ ହୋଇଛି, ଯେଉଁଥିରେ ୨ ହଜାରରୁ ଅଧିକ ଲୋକଙ୍କର ମୃତ୍ୟୁ ହୋଇଛି। ତେବେ ଆସନ୍ତୁ ଜାଣିବା ଏହି ଅଞ୍ଚଳରେ ଭୂମିକମ୍ପ ହେବାର ୩ଟି ଗୁରୁତ୍ୱପୂର୍ଣ୍ଣ କାରଣ କ’ଣ ? ଏହା ସହିତ, ୨୦୨୧ ରୁ ୨୦୨୫ ପର୍ଯ୍ୟନ୍ତ ଏହି ଅଞ୍ଚଳରେ କେତେ ତୀବ୍ରତାର ଭୂମିକମ୍ପ ହୋଇଥିଲା…
୧. ଟେକ୍ଟୋନିକ୍ ପ୍ଲେଟର ଧକ୍କା
ଭୂମିକମ୍ପ ହେବାର ୩ଟି ଗୁରୁତ୍ୱପୂର୍ଣ୍ଣ କାରଣ
ଆଫଗାନିସ୍ତାନ ଭାରତୀୟ ପ୍ଲେଟ୍ ଏବଂ ୟୁରେସିଆନ୍ ପ୍ଲେଟ୍ର ସଂଘର୍ଷ ଅଞ୍ଚଳରେ ଅବସ୍ଥିତ। ଭାରତୀୟ ପ୍ଲେଟ୍ ଧୀରେ ଧୀରେ ଉତ୍ତର ଆଡକୁ ଘୁଞ୍ଚି ୟୁରେସିଆନ୍ ପ୍ଲେଟ୍ ସହିତ ଧକ୍କା ହେଉଛି। ଏହି ସଂଘର୍ଷ ଭୂମିକମ୍ପ ସୃଷ୍ଟି କରେ। ଏହି ସଂଘର୍ଷ ହିମାଳୟ ପର୍ବତମାଳାକୁ ଧୀରେ ଧୀରେ ଉପରକୁ ଉଠାଇ ସମଗ୍ର ଅଞ୍ଚଳକୁ ସମ୍ବେଦନଶୀଳ କରିଥାଏ। ଯାହା ଫଳରେ ସେହି ଅଞ୍ଚଳ ଗୁଡ଼ିକରେ ଭୁମିକମ୍ପ ଅନୁଭବ ହୋଇଥାଏ ।
୨. ହିନ୍ଦୁକୁଶ କ୍ଷେତ୍ରର ଗଭୀରତା ସହିତ ଭୂମିକମ୍ପ :
ଆଫଗାନିସ୍ତାନର ହିନ୍ଦୁକୁଶ ଅଞ୍ଚଳରେ ପ୍ରାୟତଃ ଗଭୀର ଭୂମିକମ୍ପ (୧ ଲକ୍ଷ କିଲୋମିଟର) ଘଟେ। ଏହି ଭୂମିକମ୍ପଗୁଡ଼ିକ ପୃଷ୍ଠରେ କମ୍ କ୍ଷତି କରିଥାଏ। କିନ୍ତୁ, ଯେତେବେଳେ ଗଭୀରତା କମ୍ ଥାଏ (ଯଥା ୧୦୨୦ କିଲୋମିଟର), ସେତେବେଳେ କେବଳ ଭୂମିକମ୍ପ କ୍ଷତି କରିଥାଏ। ଯେତେବେଳେ ସେମାନଙ୍କର ଗଭୀରତା କିଛି ଶହ କିଲୋମିଟର ଥାଏ, ସେତେବେଳେ ପ୍ରବଳ ଧ୍ୱଂସ ଘଟେ।
୩. ସକ୍ରିୟ ଫଲ୍ଟ ରେଖାର ଉପସ୍ଥିତି
ଫଲ୍ଟ ଲାଇନ ହେଉଛି ଏପରି ଏକ ସ୍ଥାନ ଯେଉଁଠାରେ ପଥର ମଧ୍ୟରେ ଫାଟ କିମ୍ବା ଭଙ୍ଗା ଥିବା ଦେଖାଯାଏ। ଆଫଗାନିସ୍ତାନରେ ଚମନ ଫଲ୍ଟ, ହରି ରୁଡ୍ ଫଲ୍ଟ ଏବଂ ପାମିର ଥ୍ରଷ୍ଟ ଫଲ୍ଟ ଭଳି ଅନେକ ସକ୍ରିୟ ଫଲ୍ଟ ଲାଇନ ଅଛି। ଏହି ଫଲ୍ଟ ଲାଇନ ସହିତ ନିରନ୍ତର ଟେକ୍ଟୋନିକ୍ ଗତି ରହିଥାଏ, ଯାହା ଭୂମିକମ୍ପ ସୃଷ୍ଟି କରେ।
ତେବେ ସେଠାରେ ବାରମ୍ବାର ଭୁ-କମ୍ପ ହେବାର ଏହା ହେଉଛି ମୂଳ କାରଣ ।
୨୦୨୧ ରୁ ୨୦୨୫ ପର୍ଯ୍ୟନ୍ତ ଏହି ଅଞ୍ଚଳରେ କେତେ ତୀବ୍ରତାର ଭୂମିକମ୍ପ ହୋଇଥିଲା:
୨୦୨୧ ମସିହା :
- ମେ ୧୯ ତାରିଖରେ ଆଫଗାନିସ୍ତାନରେ ୧୭.୬ କିଲୋମିଟର ଗଭୀରତାରେ ୪.୬ ତୀବ୍ରତାର ଭୂମିକମ୍ପ ହୋଇଥିଲା।
- ଅକ୍ଟୋବର ୭ ତାରିଖରେ ଦକ୍ଷିଣ ପାକିସ୍ତାନରେ ହୋଇଥିବା ଭୂମିକମ୍ପରେ ଅତି କମରେ ୧୫ ଜଣଙ୍କର ମୃତ୍ୟୁ ହୋଇଥିଲା।
୨୦୨୨ ମସିହା:
- ଜାନୁଆରୀ ୧୭ ତାରିଖରେ, ପଶ୍ଚିମ ଆଫଗାନିସ୍ତାନରେ ୩୦ କିଲୋମିଟର ଗଭୀରତାରେ ୫.୬ ତୀବ୍ରତାର ଏକ ଭୂମିକମ୍ପ ହୋଇଥିଲା।
- ଫେବୃଆରୀ ୫ ତାରିଖରେ ଆଫଗାନିସ୍ତାନର ହିନ୍ଦୁକୁଶ ଅଞ୍ଚଳରେ ୫.୭ ତୀବ୍ରତାର ଏକ ଭୂମିକମ୍ପ ଅନୁଭୂତ ହୋଇଥିଲା।
- ସେପ୍ଟେମ୍ବର ୫ ଏବଂ ୬ ତାରିଖରେ ଆଫଗାନିସ୍ତାନରେ ଅତି କମରେ ଦୁଇଟି ଭୂମିକମ୍ପ ହୋଇଥିଲା, ଯେଉଁଥିରେ ୮ ଜଣଙ୍କର ମୃତ୍ୟୁ ହୋଇଥିଲା।
- ଡିସେମ୍ବର ୧୬ ତାରିଖରେ ଦକ୍ଷିଣ-ପୂର୍ବ ଆଫଗାନିସ୍ତାନରେ ୪.୩ ତୀବ୍ରତାର ଏକ ଭୂମିକମ୍ପ ଘଟିଥିଲା।
୨୦୨୩ ମସିହା :
- ଜାନୁଆରୀ ୫ ତାରିଖରେ ଆଫଗାନିସ୍ତାନର ହିନ୍ଦୁକୁଶ ଅଞ୍ଚଳରେ ୫.୮ ତୀବ୍ରତାର ଏକ ଭୂମିକମ୍ପ ଅନୁଭୂତ ହୋଇଥିଲା।
- ମାର୍ଚ୍ଚ ଶେଷ ଭାଗରେ, ଉତ୍ତର ଆଫଗାନିସ୍ତାନରେ ୬.୫ ତୀବ୍ରତାର ଏକ ଭୂମିକମ୍ପ ହୋଇଥିଲା, ଯେଉଁଥିରେ ୧୩ ଜଣଙ୍କର ମୃତ୍ୟୁ ହୋଇଥିଲା।
- ଅକ୍ଟୋବର ମାସରେ ଆଫଗାନିସ୍ତାନରେ ଅନେକ ଭୂମିକମ୍ପ ହୋଇଥିଲା, ଯେଉଁଥିରେ ଅନେକ ଲୋକଙ୍କର ମୃତ୍ୟୁ ହୋଇଥିଲା।
- ନଭେମ୍ବର ୧୫ ତାରିଖରେ ଆଫଗାନିସ୍ତାନ-ତାଜିକିସ୍ତାନ ସୀମାନ୍ତ ଅଞ୍ଚଳରେ ୫.୩ ତୀବ୍ରତାର ଏକ ଭୂମିକମ୍ପ ଅନୁଭୂତ ହୋଇଥିଲା।
୨୦୨୪ ମସିହା :
- ଜାନୁଆରୀ ୫ ତାରିଖରେ ଆଫଗାନିସ୍ତାନ-ତାଜିକିସ୍ତାନ ସୀମାନ୍ତ ଅଞ୍ଚଳରେ ୫ ତୀବ୍ରତାର ଭୂମିକମ୍ପ ଅନୁଭୂତ ହୋଇଥିଲା।
- ୯ ମାର୍ଚ୍ଚରୁ ୨୦ ମାର୍ଚ୍ଚ ମଧ୍ୟରେ ପାକିସ୍ତାନରେ ୫.୫ ଏବଂ ୫.୮ ତୀବ୍ରତାର ଭୂମିକମ୍ପ ହୋଇଥିଲା।
- ସେପ୍ଟେମ୍ବର ୧୧ ତାରିଖରେ ପାକିସ୍ତାନରେ ୧୦ କିଲୋମିଟର ଗଭୀରତାରେ ୫.୭୫ ତୀବ୍ରତାର ଏକ ଭୂମିକମ୍ପ ଅନୁଭୂତ ହୋଇଥିଲା।
- ଅକ୍ଟୋବର ୧୭ ତାରିଖରେ ଆଫଗାନିସ୍ତାନର ହିନ୍ଦୁକୁଶ ଅଞ୍ଚଳରେ ୫.୫ ତୀବ୍ରତାର ଭୂମିକମ୍ପ ଅନୁଭୂତ ହୋଇଥିଲା।
୨୦୨୫ ମସିହା:
- ଏପ୍ରିଲ ୧୨ ତାରିଖରେ ପାକିସ୍ତାନରେ ୩୯ କିଲୋମିଟର ଗଭୀରତାରେ ୫ ତୀବ୍ରତାର ଏକ ଭୂମିକମ୍ପ ଅନୁଭୂତ ହୋଇଥିଲା।
- ୧୬ ଏବଂ ୧୯ ଏପ୍ରିଲରେ, ହିନ୍ଦୁକୁଶ ଏବଂ ଆଫଗାନିସ୍ତାନ-ତାଜିକିସ୍ତାନ ସୀମାରେ ୫.୬ ଏବଂ ୫.୮ ତୀବ୍ରତାର ଭୂମିକମ୍ପ ହୋଇଥିଲା।
- ଅଗଷ୍ଟ ୧୯ ତାରିଖରେ ଆଫଗାନିସ୍ତାନର ହିନ୍ଦୁକୁଶ ଅଞ୍ଚଳରେ ୧୮୬ କିଲୋମିଟର ଗଭୀରତାରେ ୫.୨ ତୀବ୍ରତାର ଏକ ଭୂମିକମ୍ପ ଅନୁଭୂତ ହୋଇଥିଲା।
- ସେପ୍ଟେମ୍ବର ୧ ତାରିଖରେ ଆଫଗାନିସ୍ତାନରେ ୬ ତୀବ୍ରତାର ଏକ ଭୂମିକମ୍ପ ହୋଇଥିଲା, ଯେଉଁଥିରେ ୮୦୦ ରୁ ଅଧିକ ଲୋକଙ୍କର ମୃତ୍ୟୁ ହୋଇଥିଲା।
ମଝି ନଈରୁ ହେଲିକପ୍ଟର ଯୋଗେ ଉଦ୍ଧାର ହେଲେ ଯୁବକ
ମଝି ନଈରୁ ଉଦ୍ଧାର ହେଲେ ଯୁବକ। ହେଲିକପ୍ଟର ଯୋଗେ ଉଦ୍ଧାର ହେଲେ ଯୁବକ। ମାଲକାନଗିରି ଜିଲ୍ଲା କତାମାଟେରୁ ନିକଟସ୍ଥ ସବେରୀ ନଦୀରେ ଫସିଥିଲା ଯୁବକ। ଗତ ୨୪ ଘଣ୍ଟା ଧରି ଯୁବକ ନଦୀ ମଝିରେ ଫସି ରହିଥିଲା। ମଝିନଇରେ ଫସିରହିଥିବା ସ୍ଥାନୀୟ ଲୋକେ ଦେଖି ଅଗ୍ନିଶମ ବିଭାଗକୁ ଖବର ଦେଇଥିଲୋ। ମାଲକାନଗିରି ଅଗ୍ନିଶମ ବିଭାଗ କର୍ମଚାରୀ ଏବଂ ଛତିଶଗଡ଼ର ସୁକମା ଅଗ୍ନିଶମ କର୍ମଚାରୀ ଉଦ୍ଧାର କାର୍ଯ୍ୟରେ ଲାଗିଥିଲେ। ନଦୀରେ ପାଣିର ସ୍ରୋତ ପ୍ରଖର ଥିବାରୁ ଉଦ୍ଧାର କାର୍ଯ୍ୟରେ ବିଳମ୍ବ ହେଉଥିଲା । ଶେଷରେ ହେଲିକପ୍ଟର ଯୋଗେ ଯୁବକକୁ ଉଦ୍ଧାର କରାଯାଇଛି। ଗତକାଲି କତାମାଟେରୁ ଗ୍ରାମର ଇର୍ମା ସୋଡି ଏକ ଦେଶୀ ଡଙ୍ଗା ନେଇ ଛତିଶଗଡ଼ର ସୁକମା ଜିଲାର କୌଣସି ଏକ ଗ୍ରାମକୁ ଯାଇଥିଲେ। ଫେରିବା ସମୟରେ ପାଣିର ସ୍ରୋତ ବଡ଼ିବାରୁ ଡଙ୍ଗା ଭାରସାମ୍ୟ ହରାଇ ବୁଡି ଯାଇଥିଲା। ତେବେ ଇର୍ମା କୌଣସି ପ୍ରକାରେ ଏକ ଗଛ ଡାଳକୁ ଧରି ବଂଚିଯାଇଥିଲେ। ପରେ ସେ ଗୋଟିଏ ପଥର ଉପରେ ଛିଡା ହୋଇ ରହିଛନ୍ତି। ଇର୍ମାଙ୍କୁ ବଞ୍ଚାଇବା ପାଇଁ ପ୍ରଶାସନ ପକ୍ଷରୁ ଜୋରଦାର ଅପରେସନ କରାଯାଇ ଯୁବକଙ୍କୁ ଉଦ୍ଧାର କରାଯାଇଥିଲା।
ବିପର୍ଯ୍ୟସ୍ତ ଶିକ୍ଷା ବ୍ୟବସ୍ଥା: ସ୍କୁଲରେ ୨୫୬ ଜଣ ପିଲା, ପଢାଇବାକୁ ନାହାନ୍ତି ଆବଶ୍ୟକ ଶିକ୍ଷକ
ବିପର୍ଯ୍ୟସ୍ତ ଶିକ୍ଷା ବ୍ୟବସ୍ଥା । ସ୍କୁଲରେ ୨୫୬ ଜଣ ପିଲା । ମୋଟ ୯ ଟି ଶ୍ରେଣୀ । ହେଲେ ପଢାଇବାକୁ ନାହାନ୍ତି ଆବଶ୍ୟକ ଶିକ୍ଷକ । ୫ଜଣ ଶିକ୍ଷକରେ ଚାଲିଛି ପାଠପଢ଼ା । ଏ ହେଉଛି ଆସିକା ବ୍ଲକ ଗହଙ୍ଗୁ ଗ୍ରାମର ଭୀମ ଉଚ୍ଚ ପ୍ରାଥମିକ ବିଦ୍ୟାଳୟ । ସ୍କୁଲର ବଡ ସମସ୍ୟା ହେଉଛି ଶିକ୍ଷକ ଅଭାବ । ଗୋଟିଏ କ୍ଲାସରେ ପାଠ ପଢ଼ାହେଲେ ଅନ୍ୟ କ୍ଲାସ ପିଲା ଖାଲିରେ ବସୁଛନ୍ତି । ଫଳରେ ପିଲlଙ୍କ ପାଠ ପଢାରେ ନାହିଁ ନଥିବା ସମସ୍ୟା ସୃଷ୍ଟି ହେଉଥିବା ଛାତ୍ରଛାତ୍ରୀ ଅଭିଯୋଗ କରିଛନ୍ତି । ଦିନକୁ ପ୍ରାୟ ୩ରୁ୪ଟି କ୍ଳାସ ହୋଇପାରୁଛି । ଅନ୍ୟ ସମୟରେ ପିଲାମାନେ କେବଳ କ୍ଳାସରେ ବସି ବସି ଘରକୁ ଫେରୁଛନ୍ତି।
୧୯୫୦ ମସିହାରୁ ପ୍ରତିଷ୍ଠିତ ଏହି ବିଦ୍ୟାଳୟରେ ବାଲବାଟିକା ଠାରୁ ଆରମ୍ଭ କରି ଅଷ୍ଟମ ଶ୍ରେଣୀ ପର୍ଯ୍ୟନ୍ତ ରହିଛି । ୫ ଜଣ ଶିକ୍ଷକରେ କିଭଳି ସବୁ ପିଲାଙ୍କୁ ପାଠ ପଢା ଯାଇପାରିବ ସେଥିପାଇଁ ଗୋଟିଏ କୋଠରୀରେ ୨ଟି ଶ୍ରେଣୀ ପିଲାଙ୍କୁ ବସାଯାଉଛି । ଗୋଟିଏ କୋଠରିରେ ଦୁଇରୁ ତିନୋଟି ଶ୍ରେଣୀ ପିଲା ବସି ପଢିବାରୁ ଶୈକ୍ଷିକ ବାତାବରଣ ଠିକ୍ ରହୁନାହିଁ। ସ୍କୁଲରେ ଶିକ୍ଷକ ଅଭାବ ନେଇ ବିଦ୍ୟାଳୟର ଭାରପ୍ରାପ୍ତ ପ୍ରଧାନ ଶିକ୍ଷକ ଓ ସ୍ଥାନୀୟ ସରପଞ୍ଚ ବହୁବାର ବ୍ଳକ ଶିକ୍ଷାଧିକାରୀଙ୍କୁ ଜଣାଇଥିବା କହିଛନ୍ତି । ତଥାପି କୌଣସି ସୁଫଳ ମିଳିନି । ଅନ୍ୟପଟେ ଯଥାଶୀଘ୍ର ସ୍କୁଲକୁ ଜଣେ କି ଦୁଇ ଜଣ ଶିକ୍ଷକଙ୍କୁ ପଠାଯିବ ବୋଲି ଭଞ୍ଜନଗର ଉପଜିଲ୍ଲାପାଳ କହିଛନ୍ତି । ତୁରନ୍ତ ଶିକ୍ଷକ ନିଯୁକ୍ତି କରିବା ସହ ଶୈକ୍ଷିକ ବାତାବରଣ ସୃଷ୍ଟି କରିବାକୁ ଦାବି ହୋଇଛି । ଶିକ୍ଷକ ଅଭାବରୁ ଯେଭଳି କୌଣସି ପିଲା ପାଠପଢ଼ାରୁ ବଞ୍ଚିତ ନହୁଅନ୍ତି ତାଉପରେ ଗୁରୁତ୍ବ ଦେବା ଆବଶ୍ୟକ ହୋଇପଡ଼ିଛି।
ରାଜରାସ୍ତାରେ ବୁଣାକାର ଓ କାରିଗର: ହକ ପାଇଁ ଚାଲିଛି ଲଢ଼େଇ
ରାଜରାସ୍ତାରେ ବୁଣାକାର ଓ କାରିଗର । ହକ ପାଇଁ ଚାଲିଛି ଲଢ଼େଇ । ମୁଖ୍ୟମନ୍ତ୍ରୀ ବରିଷ୍ଠ ବୁଣାକାର ଓ କାରିଗର ସହାୟତା ଯୋଜନା ବାଟବଣା ହୋଇଥିବା ଅଭିଯୋଗ ହୋଇଛି । ଓଡିଶା ହସ୍ତତନ୍ତ ଓ ହସ୍ତଶିଳ୍ପ ବିକାଶ ଓ ଉନ୍ନୟନ ପରିଷଦ ମଧ୍ୟ ସକ୍ରିୟ ନାହିଁ । ଯାହାର ପ୍ରତିବାଦରେ ଯାଜପୁରରେ ବିଶାଳ ବିକ୍ଷୋଭ। ରାଜରାସ୍ତାକୁ ଓହ୍ଲାଇ ପ୍ରତିବାଦ କରିଛନ୍ତି ଶହଶହ ବୁଣାକାର ଓ ଶିଳ୍ପୀ କାରିଗର। ପୂର୍ବ ସରକାର ରାଜ୍ୟର ହସ୍ତଶିଳ୍ପୀ ଓ ବୁଣାକାରଙ୍କ ସାମାଜିକ ସୁରକ୍ଷା ପାଇଁ ମୁଖ୍ୟମନ୍ତ୍ରୀ ବରିଷ୍ଠ ବୁଣାକାର ଓ କାରିଗର ସହାୟତା ଯୋଜନା ଲାଗୁ କରିଥିଲେ । କିନ୍ତୁ ଏହି ଯୋଜନାରୁ ବାଦ୍ ପଡିଛନ୍ତି ଅନେତ ହସ୍ତଶିଳ୍ପୀ।
ନିୟମ ରହିଛି ୪୦ ବର୍ଷର ମହିଳା ଓ ୫୦ ବର୍ଷର ପୁରୁଷ ବୁଣାକାର ଏବଂ ହସ୍ତଶିଳ୍ପୀ ଏହି ଯୋଜନାର ହିତାଧିକାରୀ ହୋଇପାରିବେ । କିନ୍ତୁ ଏହାକୁ କାର୍ଯକାରୀ କରାଯାଉନି । ଫଳରେ ରାଜ୍ୟର ହଜାର ହଜାର ଶିଳ୍ପୀ ଓ କାରିଗର ଏଥିରୁ ବଞ୍ଚିତ ହେଉଛନ୍ତି। ସେହିଭଳି ରାଜ୍ୟ ହସ୍ତତନ୍ତ ଓ ହସ୍ତଶିଳ୍ପ ବିକାଶ ଓ ଉନ୍ନୟନ ପରିଷଦର ପରିଚାଳନା ବୋର୍ଡ଼ ରାଜ୍ୟ ସରକାର ଏ ଯାଏ ପୁନର୍ଗଠନ କରିନାହାନ୍ତି । ଫଳରେ ସମସ୍ୟା ବଢ଼ିବାରେ ଲାଗିଛି। ରାଜ୍ୟର ହସ୍ତଶିଳ୍ପୀ ଓ ବୁଣାକାରଙ୍କ ପ୍ରତି ଅବିଚାର ପ୍ରତିିବାଦରେ କାରିଗର ବହୁଳ ସମସ୍ତ ଜିଲ୍ଲାରେ ଆନ୍ଦୋଳନ ଗଢ଼ି ତୋଳିବାକୁ ଓଡିଶା ଶିଳ୍ପୀ ମହାସଂଘ ନିଷ୍ପତି ନେଇଛି । ଏହିକ୍ରମରେ ବରିଷ୍ଠ ବୁଣାକାର ଓ କାରିଗର ସହାୟତା ଯୋଜନା ଓ ଓଡ଼ିଶା ହସ୍ତତନ୍ତ ଓ ହସ୍ତଶିଳ୍ପ ବିକାଶ ଓ ଉନ୍ନୟନ ପରିଷଦକୁ କାର୍ଯ୍ୟକାରୀ କରିବା ଦାବିରେ ମୁଖ୍ୟମନ୍ତ୍ରୀଙ୍କ ଉଦେଶ୍ୟରେ ଆଜି ଯାଜପୁର ଜିଲ୍ଲାପାଳଙ୍କୁ ସ୍ମାରକ ପତ୍ର ପ୍ରଦାନ କରାଯାଇଛି । ସେପଟେ ସମସ୍ୟା ସମାଧାନ କରାଯିବ ବୋଲି ହସ୍ତତନ୍ତ ଓ ବୟନ ଶିଳ୍ପ ମନ୍ତ୍ରୀ ପ୍ରତିଶୃତି ଦେଇଛନ୍ତି। ପୂର୍ବ ସରକାର ବୁଣାକାର ହସ୍ତଶିଳ୍ପ କାରିଗରଙ୍କ ଆର୍ଥିକ ବିକାଶ ପାଇଁ ଯୋଜନା ପ୍ରଣୟନ କରିଥିଲେ । ଚାଲୁ ରହିଥିବା ଯୋଜନାକୁ କାର୍ଯ୍ୟକାରୀ କରିବାରେ କାହିଁକି ଓ କେଉଁଠି ଅବହେଳା ରହିଛି ସେ ନେଇ ବିଭାଗୀୟ ମନ୍ତ୍ରୀ ବିଧିବଦ୍ଧ ତଦନ୍ତ କରି ପଦକ୍ଷେପ ନେବାକୁ ସବୁ ମହଲରେ ଦାବି ଉଠିଛି ।
ଜାତୀୟ ସ୍ତରୀୟ ଭଳିବଲ ଖେଳାଳୀଙ୍କ ନିଧନ
ଭୁବନେଶ୍ବର : ଭଲିବଲ ଖେଳି ଓଡ଼ିଶା ପାଇଁ ସୁନାମ ଆଣିଥିବା ଖେଳାଳୀଙ୍କ ଅକାଳ ବିୟୋଗ । ମାତ୍ର ୫୦ ବର୍ଷ ବୟସରେ ଭଲିବଲ ଖେଳାଳୀ ଅନୀଲ କୁମାର ଦାସଙ୍କ ଚିକିତ୍ସାଧୀନ ଅବସ୍ଥାରେ ପରଲୋକ ଘଟିଛି । ଅନିଲ କିଛି ଦିନ ହେବ ବୃକକ୍ ଜନିତ ରୋଗରେ ପୀଡ଼ିତ ଥିଲେ । ସ୍କୁଲରେ ପାଠ ପଢିବା ବେଳୁ ଭଲିବଲ ଖେଳ ପ୍ରତି ତାଙ୍କର ଭଲପାଇବା ବଢିଥିଲା । ସେ ସ୍କୁଲ ସ୍ତରରେ ଜାତୀୟ ଦଳକୁ ପ୍ରତିନିଧିତ୍ବ କରିବା ପରେ ଆଉ ପଛକୁ ଚାହିଁ ନଥିଲେ । ପରେ ସବ-ଜୁନିୟର ନ୍ୟାସନାଲ, ଜୁନିୟର ନ୍ୟାସନାଲ ଓ ସିନିୟର ନ୍ୟାସନାଲ ଟିମର ସଦସ୍ୟ ମଧ୍ୟ ରହିଥିଲେ । ସେ ଭୁବନେଶ୍ବରସ୍ଥିତ ପ୍ରିନ୍ସିପାଲ ଆକାଉଣ୍ଟ ଜେନେରାଲ ( ଏଜି) ଅଫିସରେ କାର୍ଯ୍ୟରତ ଥିଲେ । ୧୯୭୫ ମସିହାରେ ଜନ୍ମଗ୍ରହଣ କରିଥିବା ଅନିଲଙ୍କୁ ଓଡ଼ିଶାର ସବୁଠାରୁ ଷ୍ଟାଇଲିଶ ଖେଳାଳୀ ବୋଲି କୁହାଯାଏ । ତାଙ୍କ ମୃତ୍ୟୁରେ ଏଜି ଅଫିସର ସମସ୍ତ କର୍ମଚାରୀ, ଓଡ଼ିଶା ଭଲିବଲ ଆସୋସିଏସନ ସମେତ ବିଭିନ୍ନ ମହଲରୁ ଶୋକ ପ୍ରକାଶ କରାଯାଇଛି ।