spot_img
Home Blog Page 5174

ପାଗଳ ହୋଇଯାଇଛି ପିଟିଭି: ସୋଏବ ଆଖତର

ନୂଆଦିଲ୍ଲୀ: ଚର୍ଚ୍ଚାରେ ସୋଏବ ଅଖତାର । ପାକିସ୍ତାନର ପୂର୍ବତନ ଦ୍ରୁତ ବୋଲର ସୋଏବ ଅଖତାର ବର୍ତ୍ତମାନ ଚର୍ଚ୍ଚାରେ ଅଛନ୍ତି । ନ୍ୟୁଜିଲାଣ୍ଡ ବିପକ୍ଷରେ ପାକିସ୍ତାନର ବିଜୟ ପରେ ପିଟିଭିର ସ୍ପୋର୍ଟ୍ସ ଆଙ୍କର ନାଉମାନ ନିଆଜଙ୍କ ତାଙ୍କର ବିବାଦ ହୋଇଥିଲା ।  ଏହାପରେ ଅଖତାର ନିଜେ ଲାଇଭ ସୋ’ରେ ଇସ୍ତଫା ଘୋଷଣା କରିଥିଲେ । ତେବେ ଏହି ଘଟଣାରେ ଆଜି ଅଖତାର ଓ ଆଙ୍କର ନାଉମାନଙ୍କୁ ଅଫ ଏୟାର କରିଛି । ଉଭୟଙ୍କ ମଧ୍ୟରେ ବିବାଦର ତଦନ୍ତ ଶେଷ ନହେବା ପର୍ଯ୍ୟନ୍ତ ଉଭୟ ନାଉମାନ ଓ ସୋଏବ ଅଖତାରଙ୍କୁ ଅଫ ଏୟାର କରିଛି । ଉଭୟଙ୍କୁ PTV ଦ୍ବାରା ପ୍ରସାରିତ କୌଣସି  କାର୍ଯ୍ୟକ୍ରମରେ ଅଂଶ ଗ୍ରହଣ କରିବାକୁ ଅନୁମତି ଦିଆଯିବ ନାହିଁ ।

ତେବେ ଏହାର ଜବାବରେ ସୋଏବ ଅଖତାର ଟୁଇଟ କରି କହିଛନ୍ତି କି ଏହା ଏକ ମଜ୍ଜା କଥା । ମୁଁ  ୨୨୦ ମିଲିୟନ ପାକିସ୍ତାନୀ ଏବଂ ବିଶ୍ବର କୋଟି କୋଟି ଲୋକଙ୍କ ସାମ୍ନାରେ ଇସ୍ତଫା ଦେଇଛି । PTV ପାଗଳ କି? ସେମାନେ କିଏ ମୋତେ ଅଫ ଏୟାର କରିବାକୁ? PTVର ନିଷ୍ପତି ପରେ ଏମିତି କିଛି କହିଛନ୍ତି ସୋଏବ ଅଖତାର ।

ପରଲୋକରେ ପୁନିତ, କର୍ଣ୍ଣାଟକରେ ହାଇ ଆଲର୍ଟ

 ନୂଆଦିଲ୍ଲୀ: କନ୍ନଡ ସିନେମାର ପାୱାର ଷ୍ଟାର କୁହାଯାଉଥିବା ଅଭିନେତା ପୁନିତ ରାଜକୁମାରଙ୍କ ଆଜି ଦେହାନ୍ତ ହୋଇଛି। ଅକ୍ଟୋବର ୨୯ରେ ହୃଦଘାତ ପରେ ତାଙ୍କୁ ବାଙ୍ଗାଲୋରର ଏକ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ସ୍ୱାସ୍ଥ୍ୟାବସ୍ଥା ଗମ୍ଭୀର ଥିବାରୁ ତାଙ୍କୁ ଆଇସିୟୁର ଆବଶ୍ୟକତା ପଡ଼ିଥିଲା ।  କ୍ରିକେଟର ଭେଙ୍କଟେଶ ପ୍ରସାଦ ଟ୍ୱିଟରରେ ଟ୍ୱିଟ କରି ତାଙ୍କ ମୃତ୍ୟୁ ସମ୍ପର୍କରେ ସୂଚନା ଦେଇଛନ୍ତି।

ସୂଚନାଯୋଗ୍ୟ ପୁନିତ ରାଜକୁମାର ୪୬ ବର୍ଷ ବୟସରେ ଶେଷ ନିଶ୍ୱାସ ତ୍ୟାଗ କରିଛନ୍ତି । ବିକ୍ରମ ହସ୍ପିଟାଲର ଡାକ୍ତର ରଙ୍ଗନାଥ ନାୟକଙ୍କ କହିବା ହେଉଛି ଛାତିରେ ଯନ୍ତ୍ରଣା ହେତୁ ପୁନିତଙ୍କୁ ଶୁକ୍ରବାର ସକାଳ ୧୧ଟା ୩୦ରେ ହସ୍ପିଟାଲରେ ଭର୍ତ୍ତି କରାଯାଇଥିଲା । ତତକ୍ଷଣାତ ତାଙ୍କୁ  ଆଇସିୟୁକୁ ସ୍ଥାନାନ୍ତର କରାଯାଇଥିଲା | ରାଜକୁମାରଙ୍କୁ ଚିକିତ୍ସା କରିଥିବା ଡାକ୍ତରଙ୍କ କହିବା ହେଉଛି ସେମାନେ ପୁନିତଙ୍କୁ  ବଞ୍ଚାଇବାକୁ ଅନେକ ଚେଷ୍ଟା କରିଥିଲେ ମଧ୍ୟ ବଞ୍ଚାଇ ପାରିଲେନି । ତେବେ ଡାକ୍ତର ଏହା ମଧ୍ୟ କହିଛନ୍ତିଯେ ହସ୍ପିଟାଲକୁ ଆସିବା ପୂର୍ବରୁ ପୁନିତ ଏକ ଲୋକାଲ କ୍ଲିନିକକୁ ଯାଇଥିଲେ, ଯେଉଁଠାରେ ତାଙ୍କୁ ହାର୍ଟ ଆଟାକ୍‌ ଆସିଥିବା କ୍ଲିନିକ୍‌ କର୍ତ୍ତୃପକ୍ଷ ସ୍ପଷ୍ଟ କରିଥିଲେ । ପରେ ବିକ୍ରମ ହସ୍ପିଟାଲକୁ ଯିବା ରାସ୍ତାରେ ତାଙ୍କୁ କାର୍ଡ଼ିଆକ୍‌ ଅରେଷ୍ଟ ଆସିଥିଲା ।

ପୁନିତ ହେଉଛନ୍ତି ଅଭିନେତା ରାଜକୁମାର ଏବଂ ପାର୍ବତମ୍ମାଙ୍କ ପୁତ୍ର  । ଦୁଇଟି କିମ୍ବା ତିନୋଟି ନୁହେଁ ବରଂ ୨୯ରୁ ଅଧିକ କନ୍ନଡ ଚଳଚ୍ଚିତ୍ରରେ କାମ କରିଥିଲେ ପୁନିତ | ଦେଶର ପ୍ରତି ଘରେ ଘରେ ସେ ପରିଚିତ ।

ପୁନିତ  ଶିଶୁ କଳାକାର ଭାବରେ ନିଜର କ୍ୟାରିଅର୍ ଆରମ୍ଭ କରିଥିଲେ ଏବଂ ଶ୍ରେଷ୍ଠ ଶିଶୁ କଳାକାର ଭାବରେ ଜାତୀୟ ଚଳଚ୍ଚିତ୍ର ପୁରସ୍କାରରେ ମଧ୍ୟ ସମ୍ମାନିତ ହୋଇଥିଲେ | ତାଙ୍କ ପ୍ରଥମ ଚଳଚ୍ଚିତ୍ରର ନାଁ ହେଉଛି ‘ବେଟାଡା ହୁଭୁ’, ଯାହା ୧୯୮୫ ମସିହାରେ ମୁକ୍ତିଲାଭ କରିଥିଲା ​​|

କେବଳ ସେତିକି ନୁହେଁ, ବରଂ ସେ ଫିଲ୍ମ ଚଲିସୁଭା ମୋଡାଗାଲୁ ଏବଂ ୟେରାଡୁ ନକ୍ଷତ୍ରଗାଲୁରେ ଶ୍ରେଷ୍ଠ ଶିଶୁ କଳାକାର ଭାବେ କର୍ଣ୍ଣାଟକ ରାଜ୍ୟ ପୁରସ୍କାର ପାଇଥିଲେ।  ପୁନିତ, ଆପୁ ଭାବରେ ସାରା ଦେଶରେ ବେଶ୍‌ ପ୍ରସିଦ୍ଧ | ସେ ‘ଅଭି’, ‘ଭେରା କନ୍ନଡିଗା’, ‘ଅଜୟ’, ‘ଆରାସୁ’, ‘ରାମ’, ‘ହୁଡୁଗୁରୁ’ ଏବଂ ‘ଅଞ୍ଜାନୀ ପୁତ୍ର’ ଭଳି ପ୍ରସିଦ୍ଧ ଚଳଚ୍ଚିତ୍ର ପାଇଁ ବେଶ୍‌ ଜଣାଶୁଣା। ତାଙ୍କୁ ଶେଷ ଥର ପାଇଁ ‘ଯୁବାରଥନା’ରେ ଦେଖିବାକୁ ମିଳିଥିଲା। ଏହି ଚଳଚ୍ଚିତ୍ର ଚଳିତ ବର୍ଷ ମୁକ୍ତିଲାଭ କରିଥିଲା ​​|

ସୂଚନାଯୋଗ୍ୟ ପୁନିତଙ୍କ ପରଲୋକରେ ଫିଲ୍ମ ଇଣ୍ଡଷ୍ଟ୍ରିରୁ ଆରମ୍ଭ କରି ତାଙ୍କ ଫ୍ୟାନ୍ସଙ୍କ ମଧ୍ୟରେ ଦୁଃଖର ଛାୟା ଖେଳିଯାଇଛି । ଏବେ ସମସ୍ତେ କେବଳ ତାଙ୍କ ଶେଷ ଦର୍ଶନ ଅପେକ୍ଷାରେ । ଅନ୍ୟପଟେ ଯେପରି ପୁନିତଙ୍କ ପରଲୋକରେ ତାଙ୍କ ଫ୍ୟାନ୍ସଙ୍କ ଗହଳି ନ ଜମେ ସେଥିପାଇଁ କର୍ଣ୍ଣାଟକ ସରକାର ଜିଲ୍ଲା କମିଶନର ଏବଂ ପୋଲିସ ଡିପାର୍ଟମେଣ୍ଟକୁ ସିକ୍ୟୁରିଟି ବ୍ୟବସ୍ଥାକୁ କଡ଼ାକଡ଼ି କରିବାକୁ ନିର୍ଦ୍ଦେଶ ଦେଇଛନ୍ତି ।

ରାଜନୀତି ପାଇଁ ମନଗଢ଼ା କାହାଣୀ ଗଢ଼ୁଛନ୍ତି ନିର୍ଦ୍ଦିଷ୍ଟ ମିଡ଼ିଆ: ମନ୍ତ୍ରୀ ଦିବ୍ୟଶଙ୍କର

ଭୁବନେଶ୍ୱର: ମହାଲିଙ୍ଗ ମମିତା ମେହେର ହତ୍ୟା ମାମଲାରେ ବିବୃତ୍ତି ରଖିଛନ୍ତି ମନ୍ତ୍ରୀ ଦିବ୍ୟଶଙ୍କର ମିଶ୍ର । ମମିତାଙ୍କ ମୃତ୍ୟୁରେ ଗଭୀର ଭାବେ ଦୁଃଖିତ ଓ ମର୍ମାହତ ହୋଇଥିବା କହିଛନ୍ତି ମନ୍ତ୍ରୀ । ପରିବାର କିଭଳି ଯନ୍ତ୍ରଣାରେ ଅଛି ମୁଁ ବୁଝିପାରୁଛି । ଆଇନ୍ ଅନୁଯାୟୀ ଦୋଷୀଙ୍କୁ କଠୋର ଦଣ୍ଡ ମିଳୁ ବୋଲି ଗୃହ ରାଷ୍ଟ୍ର ମନ୍ତ୍ରୀ ଦିବ୍ୟଶଙ୍କର ମିଶ୍ର କହିଛନ୍ତି ।

State Home Minister Dibya Shankar Mishra Targets Certain Media In Mamita Case

ତିନିଟି ନିର୍ଦ୍ଦିୃଷ୍ଟ ଗଣମାଧ୍ୟମ ମୋର ଚରିତ୍ର ସଂହାର କରିଛନ୍ତି । ସେମାନଙ୍କ ବିରୋଧରେ ମାନହାନୀ ମକଦ୍ଦମା କରିଛି । ରାଜନୀତି ପାଇଁ ମନଗଢ଼ା କାହାଣୀ ଦେଖାଇଛନ୍ତି । ବଦନାମ୍‌ କରିବାକୁ ଅଭିଯାନ ଚଳାଇଛନ୍ତି । ମୁଁ ବିଧାୟକ ଭାବେ ଶିକ୍ଷାନୁଷ୍ଠାନକୁ ଯାଏ । ପରେ ଅପରାଧ ଘଟିଲେ ମୁଁ କେମିତି ଦାୟୀ ?

ପ୍ରମାଣ ଥିଲେ କୋର୍ଟ କି ଥାନାରେ ଦାଖଲ କରନ୍ତୁ । ନିର୍ଦ୍ଦିଷ୍ଟ ମିଡିଆକୁ ମନ୍ତ୍ରୀ ଚ୍ୟାଲେଞ୍ଜ ଦେଇଛନ୍ତି । ଅପରାଧକୁ ବ୍ୟକ୍ତିଗତ ଏଜେଣ୍ଡା ନକରି ନୈତିକତାର ସାମ୍ବାଦିକତା କରିବାକୁ ଅନୁରୋଧ କରିଛନ୍ତି ଦିବ୍ୟଶଙ୍କର । ଲୋକଙ୍କ ସେବା ପାଇଁ ରାଜନୀତିରେ ଯୋଗ ଦେଇଛି । କଳାହାଣ୍ଡିବାସୀଙ୍କର ମୋ ଉପରେ ଗଭୀର ବିଶ୍ୱାସ ରହିଛି । ଅପରାଧ ସହିତ କୌଣସି ସମ୍ପର୍କ ନଥିବା କହିଛନ୍ତି ମନ୍ତ୍ରୀ ।

ପଶ୍ଚିମବଙ୍ଗରେ କୌଣସି ପର୍ବ, ଉତ୍ସବରେ ଫୁଟିବନି ବାଣ, ହାଇକୋର୍ଟଙ୍କ ଆଦେଶ

କୋଲକତା: କୋଲକତା ହାଇକୋର୍ଟ ଆଗାମୀ ପର୍ବପର୍ବାଣିକୁ ଦୃଷ୍ଟିରେ ରଖି କଠୋର ନିଷ୍ପତ୍ତି ନେଇଛନ୍ତି । କୋର୍ଟ ବାଣ ବିକ୍ରି ସହ ବାଣ ଫୁଟାଇବା ଉପରେ ମଧ୍ୟ ସମ୍ପୂର୍ଣ୍ଣ ପ୍ରତିବନ୍ଧକ ଲଗାଇଛନ୍ତି । କେବଳ ଦୀପାବଳି ନୁହେଁ କାଳୀ ପୂଜା, ଛଟ୍ ପୂଜା ଓ ଖ୍ରୀଷ୍ଟମାସ ଆଦିରେ ବାଣ ଫୁଟାଇବା ବ୍ୟାନ୍ କରାଯାଇଛି ।

Calcutta High Court Bans Firecrackers In West Bengal During Diwali & Other Festivals

ଏହା ପୂର୍ବରୁ ପଶ୍ଚିମବଙ୍ଗ ସରକାର ଦୀପାବଳିରେ ୮ରୁ ୧୦ଟା, ଛଟ୍ ପୂଜାରେ ୬ରୁ ୮ଟା ଏବଂ ନବ ବର୍ଷରେ ୩୫ ମିନିଟ୍ ସମୟ ପାଇଁ ବାଣ ଫୁଟାଇବାକୁ ଅନୁମତି ଦେଇଥିଲା । ମାତ୍ର ଆଜି କଲିକତା ହାଇକୋର୍ଟ ଏସବୁ ପର୍ବପର୍ବାଣିରେ ବାଣ ଫୁଟାଇବା ଉପରେ ସମ୍ପୂର୍ଣ୍ଣ ଭାବେ ପ୍ରତିବନ୍ଧକ ଲଗାଇଛି ।

ସୁପ୍ରିମକୋର୍ଟ ବି କହିଥିଲେ ଏମିତି କଥା

ସବୁଜ ବାଣ ତିଆରି ଓ ବିକ୍ରି ଉପରେ ସୁପ୍ରିମକୋର୍ଟ ଜାରି କରିଥିବା ପୂର୍ବ ନିୟମାବଳୀ ଉଲ୍ଲଂଘନ ହେବାରୁ ବର୍ତ୍ତମାନ ପୁଣି ଦୃଢ଼ ପଦକ୍ଷେପ ନେଇଛନ୍ତି ସୁପ୍ରିମକୋର୍ଟ । ସବୁଜ ବାଣ ନାଁରେ ବଜାରରେ ନକଲି ବାଣ ବିକ୍ରି ହେବା ସହ କ୍ୟୁଆର କୋଡ୍ ମଧ୍ୟ ନକଲି ଆସୁଥିବା ଜଷ୍ଟିସ୍ ଶାହ ସୂଚନା ଦେଇଛନ୍ତି । ସୁପ୍ରିମକୋର୍ଟ ବାଣ ଉତ୍ପାଦନ ଓ ଏହାର ବିକ୍ରି ଉପରେ ଧ୍ୟାନ ଦେବା ସହ ନକଲି ସବୁଜ ବାଣ ମାମଲାର ଯାଞ୍ଚ ପାଇଁ ସିବିଆଇକୁ ଦାୟିତ୍ୱ ଦେଇଛନ୍ତି । ଶୁଣାଣି ସମୟରେ କୋର୍ଟ କହିଥିଲେ ଯେ, ଲୋକଙ୍କ ସୁରକ୍ଷା ଏବଂ ଜନହିତକୁ ଦୃଷ୍ଟିରେ ରଖି ଏହି ଆଦେଶ ଦିଆଯାଇଥିଲା ମାତ୍ର, ଏବେ ବି ବଜାରରେ ବାଣ ମିଳୁଛି । କେବଳ ଏତିକି ନୁହେଁ ଏସବୁ ସମୟରେ ଲୋକେ ରାସ୍ତାଘାଟରେ ବାଣ ଫୁଟାଉଛନ୍ତି । ସାରା ଦେଶରେ ବାଣ ଉପରେ ପ୍ରତିବନ୍ଧକ ଆଦେଶକୁ ଅଧିକ ପ୍ରଭାବଶାଳୀ କରିବା ପାଇଁ କୋର୍ଟ ଏହି ନିୟମ ଜାରି କରାଯାଇଛି ବୋଲି ସୂଚନା ଦେଇଛନ୍ତି ।

ଆର୍ୟନ ଖାନଙ୍କ ପାଇଁ ହାଇକୋର୍ଟଙ୍କ ୧୪ ସର୍ତ୍ତ, ଉଲ୍ଲଂଘନ କଲେ ରଦ୍ଦ ହେବ ଜାମିନ୍

ମୁମ୍ବାଇ: କ୍ରୁଜ୍ ଡ୍ରଗ୍ସରେ ଆର୍ୟନ ଖାନଙ୍କୁ ଗୁରୁବାର ଜାମିନ୍ ମିଳିଥିବା ବେଳେ ଆଜି ଆସିଛି ଅର୍ଡର କପି । ବମ୍ବେ ହାଇକୋର୍ଟ ଆର୍ୟନ ଖାନଙ୍କୁ ସର୍ତ୍ତମୂଳକ ଜାମିନ୍ ପ୍ରଦାନ କରିଛନ୍ତି । ତେବେ ଆଜି ଜାମିନ୍ ଅର୍ଡର ଆସିଥିଲେ ମଧ୍ୟ ଅର୍ଡର କପି ନିର୍ଦ୍ଧାରିତ ସମୟରେ ଆର୍ଥର ରୋଡ୍ ଜେଲରେ ପହଞ୍ଚି ନଥିବାରୁ ଶୁକ୍ରବାର ରାତି ଜେଲରେ ବିତାଇବାକୁ ପଡ଼ିବ ।

ଏଥିସହ ପଢ଼ନ୍ତୁ: ଆଜି ମୁକୁଳିବେନି ଆର୍ୟନ, ଜେଲରେ ପହଞ୍ଚିନି ବେଲ୍ ଅର୍ଡର

ଗୁରୁବାର ବମ୍ବେ ହାଇକୋର୍ଟ ଆର୍ୟନ, ଅରବାଜ ମର୍ଚ୍ଚାଣ୍ଟ ଓ ମୁନମୁନ ଧମେଚାଙ୍କୁ ଜାମିନ୍ ଦେଇଥିଲେ । ଜାମିନ୍ ସହ ୧୪ଟି ସର୍ତ୍ତ ରଖିଛନ୍ତି କୋର୍ଟ । ଯେଉଁ ସର୍ତ୍ତ ଉଲ୍ଲଂଘନ କଲେ ଆର୍ୟନଙ୍କ ଜାମିନ୍ ରଦ୍ଦ ହୋଇଯିବ ।

ହାଇକୋର୍ଟଙ୍କ ସର୍ତ୍ତ

  1. ପ୍ରତ୍ୟେକ ଅଭିଯୁକ୍ତଙ୍କୁ ଏକ ଲକ୍ଷ ଟଙ୍କାର ବ୍ୟକ୍ତିଗତ ମୁଚାଲିକା ଭରିବାକୁ ପଡ଼ିବ ।
  2. ଅଭିଯୁକ୍ତ ଏଭଳି କୌଣସି ମାମଲାରେ ପୁଣି ଥରେ ସାମିଲ୍ ହେବେ ନାହିଁ ।
  3. ଅଭିଯୁକ୍ତ କୌଣସି ସହ-ଅଭିଯୁକ୍ତଙ୍କ ସମ୍ପର୍କରେ ରହିବେ ନାହିଁ । ମାମଲା ସହ ପରୋକ୍ଷ କିମ୍ବା ପ୍ରତ୍ୟକ୍ଷ ଭାବେ ଜଡ଼ିତ କାହା ସହ ସମ୍ପର୍କ ପାଇଁ ଚେଷ୍ଟା କରିବେ ନାହିଁ ।
  4. ମାମଲା ଏନଡିପିଏସ୍ କୋର୍ଟରେ ଥିବା ପର୍ଯ୍ୟନ୍ତ ଅଭିଯୁକ୍ତ ମାମଲାକୁ ପ୍ରଭାବିତ କଲା ଭଳି କୌଣସି କାର୍ଯ୍ୟ କରିବେ ନାହିଁ ।
  5. ଅଭିଯୁକ୍ତ ନିଜେ ଅଥବା କାହା ଦ୍ୱାରା ପ୍ରମାଣ ନଷ୍ଟ ପାଇଁ ଚେଷ୍ଟ କରିବେନି ।
  6. ସମସ୍ତ ଅଭିଯୁକ୍ତଙ୍କୁ ନିଜର ପାସପୋର୍ଟ ସ୍ୱତନ୍ତ୍ର କୋର୍ଟରେ ଜମା କରିବାକୁ ପଡ଼ିବ ।
  7. ଏହି ମାମଲାକୁ ନେଇ ଅଭିଯୁକ୍ତ ଟେଲିଭିଜନ, ପ୍ରିଣ୍ଟ ଅଥବା ସୋସିଆଲ୍ ମିଡିଆରେ କୌଣସି ମତ ରଖିବେ ନାହିଁ ।
  8. ଏନଡିପିଏସର ସ୍ୱତନ୍ତ୍ର ବିଚାରପତିଙ୍କ ଅନୁମତି ବିନା ଦେଶ ବାହାରକୁ ଯାଇ ପାରିବେ ନାହିଁ ଅଭିଯୁକ୍ତ ।
  9. ମୁମ୍ବାଇ ବାହାରକୁ ଯିବାକୁ ହେଲେ ତଦନ୍ତକାରୀ ଅଧିକାରୀଙ୍କୁ ସୂଚନା ଦେବେ ଅଭିଯୁକ୍ତ ।
  10. ପ୍ରତି ଶୁକ୍ରବାର ଦିନ ୧୧ଟାରୁ ୨ଟା ଯାଏଁ ଏନସିବି କାର୍ଯ୍ୟାଳୟରେ ହାଜିରା ଦେବେ ଅଭିଯୁକ୍ତ ।
  11. କୋର୍ଟରେ ଶୁଣାଣିର ପ୍ରତି ତାରିଖରେ ଅଭିଯୁକ୍ତ ଉପସ୍ଥିତ ରହିବେ ।
  12. କେସର ଟ୍ରାଏଲ୍ ବେଳେ ଅଭିଯୁକ୍ତ ବିଳମ୍ବ କରିବେ ନାହିଁ ।
  13. ଯେତେବେଳେ ବି ତଦନ୍ତ ପାଇଁ ଏନସିବି ଡାକିବ, ଅଭିଯୁକ୍ତ ଆସିବେ ।
  14. ଏହି ସର୍ତ୍ତ ଉଲ୍ଲଂଘନ କଲେ ରଦ୍ଦ ହୋଇଯିବ ଜାମିନ୍ ।

ଦେଶ ଛାଡିଲେ ଆଫଗାନିସ୍ତାନର ଶେଷ ଇହୁଦି

କାବୁଲ: ତାଲିବାନ ଆସିବା ପରେ ପ୍ରଥମ ଥର ପାଇଁ ଆଫଗାନିସ୍ତାନରେ ଇହୁଦିମାନଙ୍କର ନାମ ଲିଭାଇ ଦିଆଯାଇଛି ।  ତାଲିବାନ ଦେଶର କ୍ଷମତା ଗ୍ରହଣ କରିବା ପରଠାରୁ ଭୟଭୀତ ଅବସ୍ଥାରେ ରହୁଥିବା ଜଣେ ୮୩ ବର୍ଷିୟ ଇହୁଦି ମହିଳା ଦେଶ ଛାଡ଼ି ଚାଲି ଯାଇଛନ୍ତି । ଏହା ପୂର୍ବରୁ ସେପ୍ଟେମ୍ବର ମାସରେ ଜେବୁଲନ ସେମେଣ୍ଟୋଭ ନାମକ ଜଣେ ବ୍ୟକ୍ତି ଦାବି କରିଥିଲେ କି ଏହି ମହିଳା ଜଣକ ହେଉଛନ୍ତି ଶେଷ ଇହୁଦି । ଅଉ ଏବେ ସେ ମହିଳାଜଣକ ଚାଲିଯିବା ପରେ ଆଫଗାନିସ୍ତାନରେ ଇହୁଦି ଶୂନ୍ୟ ହୋଇପଡ଼ିଛି ।

ତେବେ ଆଫଗାନରେ ରହୁଥିବା ଶେଷ ଇହୁଦିଙ୍କ ନାମ ହେଉଛି ଟୋଭା ମୋରାଡି ।  ଜେବୁଲନ ସେମେଣ୍ଟୋଭଙ୍କ ସମ୍ପର୍କୀୟ ମୋରାଡି ଆଫଗାନିସ୍ତାନର ରାଜଧାନୀ କାବୁଲରେ ଜନ୍ମ ଗ୍ରହଣ କରିଥିଲେ । ତେବେ ମୋରାଡି ନ୍ୟୁଜ୍ ଏଜେନ୍ସିଙ୍କ କଥା ହୋଇ କହିଛନ୍ତି କି ତାଙ୍କ ସମ୍ପର୍କୀୟ ଜେବୁଲନ ସେମେଣ୍ଟୋଭ ଗତ ମାସରେ ଦେଶ ଛାଡିଥିଲେ । ଆଉ ଏବେ ତାଙ୍କ ପିଲାମାନଙ୍କ ସୁରକ୍ଷା ଦୃଷ୍ଟିରେ ରଖି ତାଙ୍କୁ ମଧ୍ୟ ଦେଶ ଛାଡିବାକୁ ପଡ଼ିଛି । ୧୬ ବର୍ଷ ବୟସରେ ମୋରାଡି ଘରୁ ବାହାରି ମୁସଲମାନ ଯୁବକଙ୍କୁ ବିବାହ କରି ଆଫଗାନିସ୍ତାନରେ ରହୁଥିଲେ । ମୋରାଡି ଆହୁରି କହିଛନ୍ତି କି ଆଜି ପର୍ଯ୍ୟନ୍ତ ସେ କେବେ ବି ତାଙ୍କ ଧର୍ମ ପରିବର୍ତ୍ତନ କରିନାହାନ୍ତି । ମୁଁ ଆଜି ବି ଇହୁଦି ପରମ୍ପରା ଗ୍ରହଣ କରୁଛି ବୋଲି କହିଛନ୍ତି ମୋରାଡି । ସେ ଆହୁରି କହିଛନ୍ତି କି ଯେତେବେଳେ ସେ ଛୋଟ ଥିଲେ ସେ ସମୟରେ ଦେଶ ଏତେ ବିପଦଜ୍ଜନକ ନଥିଲା । ତାଙ୍କର ମୁସଲମାନ ପଡୋସୀଙ୍କ ସହ ଭଲ ସମ୍ପର୍କ ରହିଛି । ସେ ଇହୁଦି ହୋଇଥିବାରୁ ତାଙ୍କ ମୁସଲମାନ ପଡୋସୀଙ୍କ କୌଣସି ଆପତ୍ତି ନାହିଁ  । କିନ୍ତୁ ବର୍ତ୍ତମାନ ତାଲିବାନ ଏଠାରେ ଶାସନ କରିବା ପରେ ଏଠାରେ ରହିବା ଆଉ ଉପଯୁକ୍ତ ନୁହେଁ ବୋଲି କହିଛନ୍ତି ମୋରେଡି । ଅନ୍ୟପଟେ କାନାଡାରେ ରହୁଥିବା ମୋରାଡିଙ୍କ ଝିଅ ନ୍ୟୁଜ ଏଜେନ୍ସିକୁ କହିଛନ୍ତି କି ସେ ତାଙ୍କ ମାଆଙ୍କୁ ଆଣିବାକୁ ଚେଷ୍ଟା କରିଛନ୍ତି । ଏଥିପାଇଁ ସେମାନେ ସରକାରଙ୍କ ସହ କଥା ହୋଇଥିବା କହିଛନ୍ତି  ମୋରେଡିଙ୍କ ଝିଅ ।

ମୁଖ୍ୟମନ୍ତ୍ରୀ-କେନ୍ଦ୍ରମନ୍ତ୍ରୀ ଆଲୋଚନା: ସୁନ୍ଦରଗଡ଼ରେ ଏମ୍ସ ପ୍ରତିଷ୍ଠା ଓ ଅନୁଗୁଳରେ ମେଡିକାଲ କଲେଜ କାର୍ଯ୍ୟକ୍ଷମ କରିବାକୁ ଦାବି

ଭୁବନେଶ୍ୱର: ସୁନ୍ଦରଗଡ଼ରେ ଏମ୍ସ ସହ ଅନୁଗୁଳରେ ମେଡିକାଲ କଲେଜ ଓ ହସ୍ପିଟାଲକୁ ତୁରନ୍ତ କାର୍ଯ୍ୟକ୍ଷମ କରିବା ପାଇଁ ପୁଣି ଦାବି ଦୋହରାଇଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ମୁଖ୍ୟମନ୍ତ୍ରୀଙ୍କୁ କେନ୍ଦ୍ର କୋଇଲା ମନ୍ତ୍ରୀ ପ୍ରହଲ୍ଲାଦ ଯୋଶୀ ଆଜି ସାକ୍ଷାତ କରିଥିଲେ । ଆଲୋଚନା ବେଳେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହି ଦାବି କରିଛନ୍ତି । କ୍ଲିନ ଏନର୍ଜି ସେସର ୬୦ ପ୍ରତିଶତ ଭାଗ ଓଡ଼ିଶାକୁ ଦେବା ପାଇଁ ମୁଖ୍ୟମନ୍ତ୍ରୀ ଦାବି କରିଛନ୍ତି ।

ଏନଟିପିସି ଦ୍ବାରା ସୁନ୍ଦରଗଡ଼ରେ ୫୦୦ ଶଯ୍ୟା ବିଶିଷ୍ଟ ହସ୍ପିଟାଲ ଏବଂ ୧୦୦ ସିଟର ମେଡିକାଲ କଲେଜ ସ୍ଥାପନ ହୋଇଥିବା ବେଳେ ଏପର୍ଯ୍ୟନ୍ତ କାର୍ଯ୍ୟକ୍ଷମ ହୋଇପାରିନାହିଁ । ଏନେଇ ରାଜ୍ୟ ସରକାର କେନ୍ଦ୍ରକୁ ବାରମ୍ବାର ଜଣାଇଥିଲେ ମଧ୍ୟ କୌଣସି ପଦକ୍ଷେପ ନିଆଯାଇନାହିଁ ।

ସାରା ଦେଶକୁ ଖଣିଜ, ଲୁହା, ଷ୍ଟିଲ ପ୍ରଦାନ ଦିଗରେ ଅବଦାନକୁ ଧ୍ୟାନରେ ରଖି କେନ୍ଦ୍ର ସରକାର ଏହି ଆଦିବାସୀ ଅଧ୍ୟୁଷିତ ଜିଲ୍ଲାବାସୀଙ୍କ ଦୀର୍ଘ ଦିନର ଦାବି ପୂରଣ କରିବେ ବୋଲି ମୁଖ୍ୟମନ୍ତ୍ରୀ ଆଶା ବ୍ୟକ୍ତ କରିଛନ୍ତି । ଅନୁଗୁଳରେ ମଧ୍ୟ ଏମସିଏଲ ମେଡିକାଲ କଲେଜ ସ୍ଥାପନ ହୋଇଥିବା ବେଳେ ଏହା ପରିଚାଳନା ପ୍ରତି ଗୁରୁତ୍ବ ଦିଆଯାଉନାହିଁ । ଏଥିସହ କ୍ଲିନ ଏନର୍ଜି ସେସର ୬୦ ପ୍ରତିଶତ ପାଇଁ ଦାବି କରିଛନ୍ତି ମୁଖ୍ୟମନ୍ତ୍ରୀ । କେନ୍ଦ୍ର ସରକାର ୪୦୦ ଟଙ୍କା ପ୍ରତି ଟନ୍ ହିସାବରେ କ୍ଲିନ ଏନର୍ଜି ସେସ୍ ସଂଗ୍ରହ କରୁଥିବା ବେଳେ ଏହାର ମୁଲ୍ୟ ୫୦ ହଜାର କୋଟି ଟଙ୍କାରୁ ଅଧିକ ହେବ । ଏଥିରୁ ୩୦ ହଜାର କୋଟି ରାଜ୍ୟକୁ ମିଳିଲେ ଖଣି ଅଞ୍ଚଳରେ ବିକାଶ ସହ ବିସ୍ଥାପିତ ଲୋକେ ଲାଭବାନ ହେବେ । ୨୦୨୦-୨୧ରେ ରାଜ୍ୟରେ ପ୍ରାୟ ୧୫୪ ମିଲିୟନ ଟନ କୋଇଲା ଉତ୍ପାଦନ ହୋଇଥିଲା । ଯାହା ସାରା ଦେଶର ଉତ୍ପାଦନର ୨୫ ପ୍ରତିଶତ ।

ନବମ ଶ୍ରେଣୀର ଛାତ୍ର ରୋଜଗାର କଲେ ୧ କୋଟି: ଜାଣନ୍ତୁ କିଭଳି

ବାଲେଶ୍ୱର:୯ମାସରେ ୯ମ ଶ୍ରେଣୀ ଛାତ୍ର କୋଟିପତି । କଥାଟି ବିଶ୍ବାସ ହେଉନଥିଲେ ମଧ୍ୟ ସତ । ଗତ କରୋନା ମହାମାରୀ ସମୟରେ ଡ଼ିଜିଟାଲ ମିଡ଼ିଆକୁ ବ୍ୟବହାରକରି ବାଲେଶ୍ବରର ଆୟୁଷ୍ମାନ ପାଣିଗ୍ରାହୀ ରୋଜଗାର କରିଛନ୍ତି କୋଟିଏ ୩ଲକ୍ଷ ଟଙ୍କା । Crowd1 ପ୍ଲାଟଫର୍ମରେ କମ୍ପାନୀର ପ୍ରଡ଼କ୍ଟକୁ ପ୍ରମୋସନ କରି ସେ ରୋଜଗାର କରିଛନ୍ତି ଏହି ଟଙ୍କା । କରୋନା ସମୟରେ ଘରେ ବସି ସମୟ କଟାଇବାକୁ ପିଲାମାନେ ଇଚ୍ଛୁକ ଥିବାବେଳେ, ଆୟୁଷ୍ମାନଙ୍କୁ ଘାରିଥିଲା କୋଟିପତି ହେବାର ନିଶା । ସେ ଏହି କମ୍ପାନୀରେ ୯ ହଜାର ୫ଶହ ଟଙ୍କା ଦେଇ ମେମ୍ବର ହୋଇଥିଲେ । ପରେ ପରେ ତାଙ୍କ ମାଧ୍ୟମରେ ତଳକୁ ତଳ ଜଣେ ପରେ ଜଣେ କରି ମୋଟ ୪ ହଜାର ୫ଶହ ସହଯୋଗୀଙ୍କୁ ସେ ଯୋଡ଼ି ପାରିଛନ୍ତି ଏହି ପ୍ଲାଟଫର୍ମରେ ।

ସେହିପରି କମ୍ପାନୀ ତରଫରୁ ଦିଆଯାଉଥିବା ବିଭିନ୍ନ ପ୍ରମୋସନ କୋର୍ଡ଼କୁ ବ୍ୟବହାରକରି ସେ ପ୍ରମୋସନ କରିଚାଲିଛନ୍ତି । ସେହିପରି ତାଙ୍କ ଚେନ୍‌ରେ ଥିବା ଅନ୍ୟମାନେ ମଧ୍ୟ ଏହିପରି ପ୍ରମୋସନ୍‌ ଚଳାଇଛନ୍ତି । ଫଳରେ ତାଙ୍କ ତାଙ୍କ ଓ୍ବାଲେଟ୍‌ ଆସିଛି କୋଟିଏରୁ ଅଧିକ ଡ଼ିଜିଟାଲ ଟଙ୍କା । ଯାହାର କିଛି ଅଂଶ ଆୟୁସ୍ମାନ ଖର୍ଚ୍ଚ କରିପାରୁଥିବାବେଳେ, ଅନ୍ୟ କିଛି ପରିମାଣର ଟଙ୍କା କମ୍ପାନୀରେ ଯୋଗ ଦେଉଥିବା ସହଯୋଗୀଙ୍କ ପାଇଁ ବ୍ୟବହାର କରିଛନ୍ତି ।  ୨୦୨୫ ମସିହା ସୁଦ୍ଧା ଆୟୁଷ୍ମାନ ୧୦୦ କୋଟି ଟଙ୍କାର ଆୟ ଲକ୍ଷ୍ୟ ରଖିଛନ୍ତି ।

ଚିନ୍ତାରେ ଆଳୁ ଚାଷୀ: ଅଧିକ ବର୍ଷା ଓ ନକଲି ବିହନ ଯୋଗୁଁ ଫଳୁନି ଆଳୁ

କନ୍ଧମାଳ: ବର୍ଷା ଦିନେ ଆଳୁଚାଷ କରି ଚିନ୍ତାରେ ଚାଷୀ । ଅଧିକ ବର୍ଷା ଓ ନକଲି ବିହନ ପାଇଁ ଜମିରେ ଫଳୁନି ଆଳୁ । ଫଳରେ କରଜ କରି ଚାଷ କରିଥିବା ଚାଷୀଙ୍କ ମୁଣ୍ଡରେ ପଡିଛି ଚଡ଼କ । ହେକ୍ଟର ହେକ୍ଟର ଚାଷ ଜମିରେ ଫସଲ ନହେବାରୁ ଗଛକୁ ଉପାଡିବାକୁ ବାଧ୍ୟ ହେଉଛନି ଚାଷୀ ।

ମାତ୍ରାଧିକ ବର୍ଷା ଓ ନକଲି ବିହନ ଯୋଗୁ ଉଜୁଡ଼ିଲା ଚାଷୀଙ୍କ ସ୍ବପ୍ନ । ଆଳୁଚାଷ କରି ଚିନ୍ତାରେ କନ୍ଧମାଳର ଚାଷୀ । ଜମିରେ ଧାଡ଼ି କି ଧାଡ଼ି ହୋଇ ଗଛ ଲାଗିଛି । ଆଳୁ ଗଛ ଗୁଡ଼ିକ ବି ବେଶ ଛନଛନିଆ ହୋଇଛି । ହେଲେ ଗଛରେ ଆଶା ଆନୁଯାୟୀ ଫଳ ଧରୁନାହିଁ । ମାତ୍ରାଧିକ ବର୍ଷା ଓ ନକଲି ବିହନ ପାଇଁ ଆଳୁଚାଷ ଉଜୁଡ଼ି ଯାଇଥିବା ଅଭିଯୋଗ କରିଛନ୍ତି କନ୍ଧମାଳ ଜିଲ୍ଲା ଫୁଲବାଣୀର ଚାଷୀ । ଫଳରେ ଭଲ ଲାଭ ଆଶା ରଖିଥିବା ଚାଷୀ ଏବେ ଋଣ ସୁଝିବା ଚିନ୍ତାରେ ରହିଛନ୍ତି ।

ଚଳିତ ବର୍ଷ, ବର୍ଷା ଋତୁ ପ୍ରାରମ୍ଭରେ ନିଅଣ୍ଟିଆ ବର୍ଷା ହୋଇଥିଲା । ଫଳରେ ଧାନ ବଦଳରେ ଫୁଣବାଣୀର ଜିଲ୍ଲା ରୁଜାଙ୍ଗୀ, ପିଟବାରୀ. ବନ୍ଧସାହି ଆଦି ଅଞ୍ଚଳରେ ଆଳୁ ଚାଷ କରିଥିଲେ ଚାଷୀ । ମୋଟ ୬୨୫ ଏକର ଜମିରେ ଚାଷ ହୋଇଥିଲା । ଏଥିପାଇଁ ଉଦ୍ୟାନ ବିଭାଗ ୧୭୪୪ଜଣ ଚାଷୀଙ୍କୁ ୩ହଜାର ୭୫୦ କୁଇଣ୍ଟାଲ ବିହନ ଯୋଗାଇ ଦେଇଥିଲା । ହେଲେ ଫଳ ଆସୁନଥିବାରୁ ଗଛକୁ ଓପାଡି ଦେଇଛନ୍ତି ଚାଷୀ । ସେପଟେ ପାଣିପାଗ ପରିବର୍ତ୍ତନ ଯୋଗୁ ଚାଷ ପ୍ରଭାବିତ ହୋଇଛି ବୋଲି କହିଛନ୍ତି ଜିଲ୍ଲା ଉଦ୍ୟାନ ବିଭାଗର ଉପନିର୍ଦ୍ଦେଶକ ।  ମାତ୍ରାଧିକ ବର୍ଷା ହେଉକି ନକଲି ବହିନ ଚାଷ ନଷ୍ଟ ହେଉ । ଏଭଳି ସ୍ଥfତିରେ ଏଭଳି ସ୍ଥିତିରେ ସରକାରୀ ସହାୟତା ଦାବି କରିଛନ୍ତି ଚାଷୀ ।

ଏଥିସହିତ ପଢ଼ନ୍ତୁ: ମମିତା ମୃତ୍ୟୁ ମାମଲାକୁ ନେଇ ସାଂଘାତିକ ଖୁଲାସା କଲେ ପୂର୍ବତନ ମନ୍ତ୍ରୀ ଦାମୋଦର ରାଉତ

ଶାହାରୁଖଙ୍କ ପୁଅ ଆର୍ଯ୍ୟନଙ୍କ ଜାମିନଦାର ହେଲେ ଜୁହି

ମୁମ୍ବାଇ: ବମ୍ବେ ହାଇକୋର୍ଟ ଶୁକ୍ରବାର ବଲିଉଡ ଷ୍ଟାର ଶାହାରୁଖ ଖାନଙ୍କ ପୁଅ ଆର୍ଯ୍ୟନ ଖାନଙ୍କ ବେଲ ଅର୍ଡ଼ର ଜାରି କରିଛନ୍ତି । ତାଙ୍କୁ ୧ ଲକ୍ଷ  ଟଙ୍କା ଓ ବ୍ୟକ୍ତିଗତ ମୁଚାଲିକାରେ ଜାମିନ ଦିଆଯାଇଛି । ରିପୋର୍ଟ ଅନୁସାରେ ଆର୍ଯ୍ୟନଙ୍କ ଜାମିନଦାର ହୋଇଛନ୍ତି ଜୁହି । ଜୁହି ଚାଓ୍ୱଲା ବେଲ୍‌ ବଣ୍ଡ୍‌ ରେ ଦସ୍ତଖତ କରିଛନ୍ତି ।

ଜୁହିଙ୍କୁ ଶାହାରୁଖଙ୍କ ଖୁବ ନିକଟତର ବୋଲି କୁହାଯାଏ । ଉଭୟ ରାଜୁ ବନଗୟା ଜେଣ୍ଟଳମ୍ୟାନ୍‌,ଡର୍‌,ଡୁପ୍ଲିକେଟ୍‌,ୟେସ୍‌ ବସ୍‌, ଫିର ଭି ଦିଲ ହୈ ହିନ୍ଦୁସ୍ତାନୀ ଏବଂ ଭୂତନାଥ ଭଳି ଏକାଧିକ ଫିଲ୍ମରେ ନଜର ଆସିଛନ୍ତି ।

ଗୁରୁବାର ଆର୍ଯ୍ୟନ୍‌ ଖାନ୍‌, ଅରବାଜ ମର୍ଚାଣ୍ଟ ଏବଂ ମୁନମୁନ୍‌ ଧମେଚାଙ୍କୁ ଜାମିନ୍‌ ଦେଇଥିବା ବିଚାରପତି ଏମ.ଡବ୍ଲ୍ୟୁ ସାମ୍ବ୍ରେ ତାଙ୍କୁ ନର୍କୋଟିକ୍ସ କଣ୍ଟ୍ରୋଲ ବ୍ୟୁରୋର ତଦନ୍ତ ଅଧିକାରୀଙ୍କ ଅନୁମତି ବିନା ମୁମ୍ବାଇ ବା ଭାରତ ଛାଡ଼ି ନଯିବାକୁ ଆଦେଶ ଦେଇଛନ୍ତି । ଏହା ବ୍ୟତୀତ ଏହି ବାବଦରେ କାହାକୁ କୌଣସି ସୂଚନା ନ ଦେବା, ସାର୍ବଜନୀନ ବୟାନ ନ ଦେବାକୁ କହିଛନ୍ତି କୋର୍ଟ । ଖାଲି ସେତିକି ନୁହେଁ ବରଂ ପ୍ରତି ଶୁକ୍ରବାର ଦିନ ୨ଟାରେ ଏନସିବି କାର୍ଯ୍ୟାଳୟରେ ଉପସ୍ଥିତ ହେବାପାଇଁ କୁହାଯାଇଛି ।

ଏହା ବ୍ୟତୀତ କୌଣସି ସାକ୍ଷୀଙ୍କୁ ପ୍ରଭାବିତ ନକରିବା ଏବଂ ମୋକଦ୍ଦମାରେ ବିଳମ୍ବ ନକରିବାକୁ ଆଦେଶ ଦିଆଯାଇଛି ।