spot_img
Home Blog Page 5244

ମଣ୍ଡପ ଆସିବେନି ଭକ୍ତ, ଅନଲାଇନରେ ଦର୍ଶନ ଦେଉଛନ୍ତି ମା’

ଭୁବନେଶ୍ୱର: କରୋନା କଟକଣାକୁ ଦେଖି ରସୁଲଗଡ଼ ପୂଜା କମିଟି ପକ୍ଷରୁ ହୋଇଛି ଅନଲାଇନ ବ୍ୟବସ୍ଥା । ଅନଲାଇନରେ ପୂଜାମଣ୍ଡପରୁ ଲାଇଭ ପୂଜା ଦେଖି ପାରୁଛନ୍ତି ଶ୍ରଦ୍ଧାଳୁ । କୋଭିଡ କଟକଣା ଭିତରେ ଶ୍ରଦ୍ଧାଳୁ ପୂଜାମଣ୍ଡପକୁ ଆସିବା ପାଇଁ କଟକଣା ଥିବାରୁ ମାଙ୍କ ପୂଜାର୍ଚ୍ଚନା ଦେଖିବାକୁ ରସୁଲଗଡ଼ ପୂଜା କମିଟି ପକ୍ଷରୁ ଏଭଳି ସୁବିଧା କରାଯାଇଛି ।

ମାଙ୍କର ସନ୍ଧିପୂଜା ସହ ପାଣିକଖାରୁ ବଳି ଦିଆଯାଇଛି । ସେପଟେ ପ୍ରଶାସନ କୋଭିଡ ଗାଇଡଲାଇନ ଜାରି କରିଥିବାବେଳେ ପୂଜା ମଣ୍ଡପରେ ମଧ୍ୟ ମାଙ୍କ ରୀତିନୀତି ସୁରୁଖୁରରେ ହେବା ନେଇ ସମସ୍ତ ପ୍ରସ୍ତୁତି କରିଚନ୍ତି କମିଟି  । ଭକ୍ତଙ୍କ ଗହଳି ନଜମିବା ପାଇଁ କମିଟି ପକ୍ଷରୁ ଅନଲାଇନ ଦର୍ଶନର ବ୍ୟବସ୍ଥା କରାଯାଇଛି  ।

ଗୋଷାଣୀ ଯାତ୍ରାରେ କଟକଣା: ମାଆ ଯିବେ, ଲୋକେ ଦେଖିବେନି

ପୁରୀ: କରୋନା ସଂକ୍ରମଣକୁ ଦୃଷ୍ଟିରେ ରଖି ଆସନ୍ତା ୧୬ ତାରିଖରେ ସିଂହଦ୍ବାର ସମ୍ମୁଖରେ ହେବାକୁ ଥିବା ଗୋଷାଣୀ ଯାତ୍ରା ଉପରେ ଲାଗିଲା କଟକଣା । ସର୍ବସାଧାରଣଙ୍କ ଦର୍ଶନ ଉପରେ ପ୍ରଶାସନ ପକ୍ଷରୁ କଟକଣା ଜାରି କରାଯାଇଛି । ମେଢ ଦେଖିବାକୁ ଶ୍ରଦ୍ଧାଳୁଙ୍କ ଭିଡ ସହ ସାମାଜିକ ଦୂରତ୍ବ ରକ୍ଷା ନିୟମ ଭଙ୍ଗ ହେବା ଆଶଙ୍କା ଥିବାରୁ ଏହି କଟକଣା ଲଗାଯାଇଛି ।

ଯାତ୍ରା ଦିନ ମଧ୍ୟାହ୍ନ ୧୨ ଘଟିକାରୁ ଗୋଷାଣୀ ଯାତ୍ରା ଶେଷ ହେବା ପର୍ଯ୍ୟନ୍ତ ଶ୍ରୀମନ୍ଦିର ଚତୁଃପାର୍ଶ୍ବ ଏବଂ ସିଂହଦ୍ବାର ଠାରୁ ମର୍ଚ୍ଚିକୋଟ ଛକ ପର୍ଯ୍ୟନ୍ତ ସର୍ବସାଧରଣଙ୍କ ଯାତାୟତ ଉପରେ କଟକଣା ଲାଗିଛି । ଶ୍ରୀମନ୍ଦିର ନୀତିକାନ୍ତି ସହ ସଂପୃକ୍ତ ବ୍ୟକ୍ତବିଶେଷ ଏବଂ ପୂଜା କମିଟିର ସର୍ବାଧିକ ୭ଜଣଙ୍କୁ ପ୍ରବେଶାନୁମତି ରହିବ । ତେବେ ଅତ୍ୟାବଶ୍ୟକୀୟ ସେବା ଉପରେ କୌଣସି କଟକଣା ରହିବ ନାହିଁ । ଉପ ଜିଲ୍ଲାପାଳ ଶ୍ରୀ ଭବତାରଣ ସାହୁ ଏ ସଂକ୍ରାନ୍ତୀୟ ନିର୍ଦ୍ଦେଶନାମା ଜାରି କରିଛନ୍ତି ।

ଫାଇନାଲରେ KKR ପ୍ରବେଶ, ସଂଘର୍ଷପୂର୍ଣ୍ଣ ମ୍ୟାଚରେ ପରାଜୟ ଦିଲ୍ଲୀ

ସାରଜାହା:  ଆଇପିଏଲ୍ ଫାଇନାଲ୍ ଟିକେଟ୍ ପାଇଁ ଦିଲ୍ଲୀ କ୍ୟାପିଟାଲ୍ସ ଓ କୋଲକାତା ନାଇଟ୍ ରାଇଡର୍ସ ମଧ୍ୟରେ ଚାଲିଥିବା ମହା ମୁକାବିଲାରେ ବିଜୟ ହାସଲ କରିଛି କୋଲକାତା ନାଇଟ ରାଇଡର୍ସ  । ପ୍ରଥମେ ବ୍ୟାଟିଂ କରି କୋଲକାତାକୁ ୧୩୬ ରନର ଟାର୍ଗେଟ୍ ଦେଇଥିଲା ଦିଲ୍ଲୀ । ସେପଟେ ଦିଲ୍ଲୀକୁ ହରାଇ ଆଇପିଏଲ୍ ଫାଇନାଲରେ ପ୍ରବେଶ କରିଛି KKR

ପ୍ରଥମ ଇଂନିସରେ ଦିଲ୍ଲୀ ୧୩୫ ରନ କରିଥିବାବେଳେ କୋଲକାତାକୁ 136 ରନର ଟାର୍ଗେଟ୍ ଦେଇଥିଲା । ସେପଟେ ବିପର୍ଯ୍ୟସ୍ଥ ବ୍ୟାଟିଂ ସ୍ୱତେ କୋଲକାତା ନାଇଟ ରାଇଡର୍ସ ୮ମ ୱିକେଟ ମ୍ୟାଚ ଅକ୍ତିଆର କରିବାରେ ସଫଳ କରିଛି  । 7 ଓ୍ବିକେଟ ହରାଇ ସଂଘର୍ଷପୂର୍ଣ୍ଣ ମ୍ୟାଚରେ  କେକେଆର ବିଜୟ ହାସଲ କରିଛି  । ଶେଷ ତିନୋଟି ବଲକୁ ୬ ରନ ବାକି ଥିବା ବେଳେ ତୃତୀୟ ବଲରେ ମଧ୍ୟ ୱିକେଟ ହାସଲ କରିଥିଲା ଦିଲ୍ଲୀ  ।

ଅନ୍ୟପଟେ ଦଳ ପକ୍ଷରୁ ରାହୁଲ ତ୍ରିପାଠୀ ପଞ୍ଚମ ବଳରେ ଲଙ୍ଗ ଡ୍ରାଇଭରେ :କା ମାରି ଦଳକୁ ବିଜୟ ଅଭିମୁଖୀ କରିଥିଲେ  । ସେପଟେ ପୂର୍ବରୁ ଚେନ୍ନାଇ ସେମି ଫାଇନାଲ ଜିତିବା ସହ ଫାଇନାଲରେ ପ୍ରବେଶ କରିଛି  । ବୁଧାବର ଆୟୋଜିତ ସେମି ଫାଇନାଲ ମ୍ୟାଚରେ ଦିଲ୍ଲୀକୁ ହରାଇ କୋଲକାତା ମଧ୍ୟ ଫାଇନାରେ ପ୍ରବେଶ କରିବାକୁ ଯାଉଛି  । ଅକ୍ଟୋବର ୧୫ ତାରିଖରେ ହେବାକୁ ଯାଉଥିବା ଫାଇନାଲ ମ୍ୟାଚରେ ଚେନ୍ନାଇ ଏବଂ କୋଲକାତା ମୁହାଁମୁହିଁ ହେବାକୁ ଯାଉଛନ୍ତି  ।

ମାଉଣ୍ଟ ୟୁନୁମ୍ ଶୃଙ୍ଗରୁ ସଫଳ ପର୍ବତାରୋହଣ, ୮୦ଜଣ ମଧ୍ୟରୁ ଓଡ଼ିଶାରୁ ୬

ଭୁବନେଶ୍ୱର: ମାଉଣ୍ଟ ୟୁନୁମ୍ ଶୃଙ୍ଗର ସଫଳ ପର୍ବତାରୋହଣ ସହିତ ପ୍ରତ୍ୟାବର୍ତ୍ତନ କରିଛି ଭାରତୀୟ ଦଳ । ଭାରତୀୟ ଦଳରେ ମୋଟ ୮୦ଜଣ ପର୍ବତାରୋହୀ ଥିବା ବେଳେ ସେଥିରେ ଓଡିଶାରୁ ୬ଜଣ ପର୍ବତାରୋହୀ ସାମିଲ ଥିଲେ । ସଫଳ ପର୍ବାତାରୋହଣ ପରେ ଆଜି ଓଡିଶା ସଦସ୍ୟମାନେ ଭୁବନେଶ୍ବରରେ ପହଞ୍ଚିଛନ୍ତି । ଭୁବନେଶ୍ବର ରେଳ ଷ୍ଟେସନରେ ଆସୋସିଏସନ୍ ଫର ଆଡଭାଞ୍ଚର ଆଣ୍ଡ ସୋସିଆଲ ଆକ୍ଟିଭିଟି ସଙ୍ଗଠନ ପକ୍ଷରୁ ପର୍ବତାରୋହୀଙ୍କୁ ଭବ୍ୟ ସ୍ବାଗତ ସମ୍ବର୍ଧନା ଜ୍ଞାପନ କରାଯାଇଥିଲା ।

ଗତ ସେପ୍ଟମ୍ବର ୧୦ ତାରିଖରେ ହିମାଚଳପ୍ରଦେଶର ମନାଲି ଠାରୁ ଯାତ୍ରା ଆରମ୍ଭ କରିଥିଲା ଏହି ଦଳ । ମନାଲିରୁ ବାହାରି ଲାହୁଲ ସ୍ଥିତି ଓ ଭରତପୁର ଦେଇ ଯାତ୍ରା ଶେଷ କରିଥିଲା ଟିମ୍ । ପର୍ବତର ଶୀର୍ଷରେ ଭାରତର ଜାତୀୟ ପତାକା ଲଗାଇ ଖୁସି ଜାହିର କରିଛନ୍ତି ଟିମର ସଦସ୍ୟମାନେ ।

ବଢୁଛି ଦୈନିକ ସଂକ୍ରମଣ, ୨୪ ଘଣ୍ଟାରେ ୬ ଶହ ପାର

ଭୁବନେଶ୍ୱର: ରାଜଧାନୀରେ ବଢୁଛି ଦୈନିକ ସଂକ୍ରମଣ ସଂଖ୍ୟା  । ନିୟମିତ ସଂଖ୍ୟା ରହୁଛି ଦେଢଶହ ପାର  । ରାଜ୍ୟରେ ଗତ24ଘଣ୍ଟାରେ ମୋଟ ସଂକ୍ରମିତଙ୍କ ସଂଖ୍ୟା 6ଶହ ପାର କରି 615ରେ ପହଞ୍ଚିଛି  । ସେପଟେ ଗତ 24ଘଣ୍ଟାରେ ରାଜ୍ୟରୁ 615ଜଣ ନୂଆ ସଂକ୍ରମିତ ଚିହ୍ନଟ ହୋଇଥିବା ବେଳେ ଖୋର୍ଦ୍ଧାରେ କେବଳ ଚିହ୍ନଟ ହୋଇଛନ୍ତି 323 ଜଣ  । ନୂଆ ଚିହ୍ନଟଙ୍କ ମଧ୍ୟରୁ ଭୁବନେଶ୍ୱରରୁ ଅଛନ୍ତି 184ଜଣ  ।

ଅନ୍ୟପଟେ ନୂଆ ସଂକ୍ରମିତଙ୍କ ମଧ୍ୟରୁ 134ଜଣ ସ୍ଥାନୀୟ ସଂକ୍ରମିତ ଥିବାବେଳେ 50ଜଣ କ୍ଵାରେନଣ୍ଟାଇନରୁ ଚିହ୍ନଟ ହୋଇଥିଲେ । ରାଜ୍ୟରେ ମୋଟ 68ଜଣ ଶୁନରୁ 18ବର୍ଷ ବର୍ଗରେ ଚିହ୍ନଟ ହୋଇଥିବା ବେଳେ ଭୁବନେଶ୍ୱରରୁ ଚିହ୍ନଟ ହୋଇଛନ୍ତି 15ଜଣ  ।  ବର୍ତ୍ତମାନ ଶିଶୁଙ୍କ ସମେତ ବିଭିନ୍ନ ବର୍ଗରୁ ଲୋକେ ସଂକ୍ରମିତ ହେଉଥିବା ପରିଲକ୍ଷିତ ହେଉଛି ସଂକ୍ରମଣକୁ ଦୃଷ୍ଟିରେ ରଖି ବିଏମସି ପକ୍ଷରୁ ନିଆଯାଇଛି ଏହି ପଦକ୍ଷେପ  ।

ପୂଜା ସମୟରେ କୋଭିଡ ବଢିବା ନେଇ ପ୍ରଶାସନ ଆଶା ପ୍ରକଟ କରିଥିଲେ  । ପୂର୍ବରୁ ଏନେଇ ପୂଜା ଗାଇଡଲାଇଲନ ଜାରି କରିଥିଲେ ସରକାର । ଟ୍ୱିନ ସିଟିରେ ବ୍ୟାପକ କଟକଣା ପ୍ରସ୍ତୁତ କରିବା ସହ ମୂର୍ତ୍ତି ଉଚ୍ଚତା ଏବଂ ପୂଜା ମଣ୍ଡପରେ କମ ସଂଖ୍ୟକ ଲୋକରେ ପୂଜା କାର୍ଯ୍ୟ ସମାପନ କରିବାକୁ ଗାଇଡ ଲାଇନ ଜାରି କରିଥିଲେ ପ୍ରଶାସନ  ।

୧୫ ପିଲା ଜନ୍ମ କରିବାରୁ ମନ୍ତ୍ରୀ ଦେଲେ ୧ ଲକ୍ଷ ଟଙ୍କା

ଇମ୍ଫାଲ: ଏକାଧିକ ଛୁଆ ଜନ୍ମ କରିଥିବା ମହିଳାଙ୍କୁ ଟଙ୍କା ବାଣ୍ଟିଲେ ମନ୍ତ୍ରୀ । ମିଜୋରାମର ଖେଳ ମନ୍ତ୍ରୀ ରବର୍ଟ ସୋମାବିୟା ରୋୟତେ ୧୭ ଜଣ ମହିଳାଙ୍କୁ ୨.୫ ଲକ୍ଷ ଟଙ୍କା ବାଣ୍ଟିଛନ୍ତି । ୧୫ ଛୁଆ ଜନ୍ମ କରିଥିବା ମହିଳାଙ୍କୁ ପ୍ରଥମ ପୁରସ୍କାର ମିଳିଥିବା ବେଳେ ୧୩ ଛୁଆ ଜନ୍ମ କରିଥିବା ମହିଳାଙ୍କୁ ଦ୍ୱିତୀୟ ପୁରସ୍କାର ଦିଆଯାଇଛି ।

ମନ୍ତ୍ରୀଙ୍କ ଅନୁସାରେ, ‘ଅଧିକ ଛୁଆ ଜନ୍ମ କର’ ଅଭିଯାନରେ ଏହି ଅର୍ଥ ଦିଆଯାଇଛି । ଏହି ଅଭିଯାନ ୟଙ୍ଗ ମିଜୋ ଆସୋସିଏସନ ଓ କେତେକ ଚର୍ଚ୍ଚ ସଂଗଠନ ଚଳାଇଛନ୍ତି । ଅବୈଧ ଅନୁପ୍ରବେଶ ରୋକିବା ପାଇଁ ସ୍ଥାନୀୟ ଜନସଂଖ୍ୟା ବୃଦ୍ଧି ଏହାର ଲକ୍ଷ୍ୟ । ପ୍ରଥମ ପୁରସ୍କାର ପାଇଥିବା ମହିଳାଙ୍କ ନାମ ନଙ୍ଗୁରାଉବି । ତାଙ୍କର ୮ଟି ଝିଅ ଓ ୭ ପୁଅ ଅଛନ୍ତି । ତାଙ୍କୁ ୧ ଲକ୍ଷ ଟଙ୍କା ଦିଆଯାଇଛି ।

ଦ୍ୱିତୀୟ ପୁରସ୍କାର ପାଇଥିବା ଲିୟାନଥାଙ୍ଗିଙ୍କ ୧୩ଟି ଛୁଆ ରହିଛି । ତାଙ୍କୁ ୩୦ ହଜାର ଟଙ୍କା ଦିଆଯାଇଛି । ଦୁଇ ମହିଳା ଓ ଜଣେ ପୁରୁଷ ତୃତୀୟ ପୁରସ୍କାର ପାଇଛନ୍ତି । ସେମାନଙ୍କର ୧୨ଟି ଲେଖାଏଁ ଛୁଆ ରହିଛନ୍ତି । ସମସ୍ତଙ୍କୁ ୨୦ ହଜାର ଟଙ୍କା ଲେଖାଏଁ ପୁରସ୍କାର ରାଶି ଦିଆଯାଇଛି । ୮ଟି ଲେଖାଏଁ ଛୁଆ ଥିବା ୧୨ ଜଣ ମହିଳାଙ୍କୁ ସାନ୍ତ୍ୱନାମୂଳକ ପୁରସ୍କାର ଭାବେ ୫ ହଜାର ଟଙ୍କା ଲେଖାଏଁ ଦିଆଯାଇଛି ।

ଓଡ଼ିଶା ଉଚ୍ଚ ନ୍ୟାୟାଳୟ ପାଇଁ ତିନି ନୂଆ ବିଚାରପତି, ନିଯୁକ୍ତି ଦେଲେ ରାଷ୍ଟ୍ରପତି

ଭୁବନେଶ୍ୱର: ଓଡ଼ିଶା ଉଚ୍ଚ ନ୍ୟାୟାଳୟ ପାଇଁ ତିନିଜଣ ବିଚାର ପତିଙ୍କୁ ନିଯୁକ୍ତି ଦେଲେ ରାଷ୍ଟ୍ରପତି ରାମନାଥ କୋବିନ୍ଦ । ସମ୍ବିଧାନ ଧାରା ୨୧୭ ଅନ୍ତର୍ଗତ ରାଷ୍ଟ୍ରପତି ଏହି ନିଯୁକ୍ତି ପ୍ରଦାନ କରିଛନ୍ତି  । ଓଡ଼ିଶା ହାଇକୋର୍ଟ ପାଇଁ ବିଚାରପତି ମୃଗାଙ୍କ ଶେଖର ସାହୁ, ରାଧାକୃଷ୍ଣ୍ ପଟ୍ଟନାୟକ ଏବଂ ଶଶିକାନ୍ତ ମିଶ୍ରଙ୍କୁ ବିଚାରପତି କରାଯାଇଛି  ।

କାର୍ଯ୍ୟକ୍ଷେତ୍ରରେ ବରିଷ୍ଠତା ଅନୁଯୀୟ ବିଚାରପତି ଭାବେ ସରକାର ଏହି ପ୍ରକ୍ରିୟାରେ ନାମ ସାମିଲ କରିଛନ୍ତି  । କେନ୍ଦ୍ର ଆଇନ ମନ୍ତ୍ରାଳୟ ପକ୍ଷରୁ ଏହି ସୂଚନା ପ୍ରଦାନ କରାଯାଇଛି  । ଗତ ଅଗଷ୍ଟ ମାସରୁ ସେପ୍ଟେମ୍ବର ମାସ ମଧ୍ୟରେ ସୁପ୍ରିମକୋର୍ଟଙ୍କ କଲେଜିୟମ ଦ୍ବାରା ୧୦୦ରୁ ଉର୍ଦ୍ଧ୍ବ ବିଚାରପତିଙ୍କ ନାଁ ସୁପାରିଶ କରାଯାଇଥିଲା । ସେମାନଙ୍କ ମଧ୍ୟରୁ ୧୨ ଟି ହାଇକୋର୍ଟରେ ୬୮ ଜଣ ବିଚାରପତିଙ୍କୁ ନିଯୁକ୍ତି ପାଇଁ କେନ୍ଦ୍ର ସରକାରଙ୍କ ନିକଟକୁ ନାଁ ପଠାଯାଇଥିଲା ।

ସୟିଦ ମୁସ୍ତାକ ଅଲି ଟ୍ରଫି ପାଇଁ ଓଡ଼ିଶା ଦଳ ଘୋଷିତ, ରାଜେଶ ଧୂପର ଅଧିନାୟକ

କଟକ: ବିସିସିଆଇ ଘରୋଇ ସିଜିନ ସୟିଦ ମୁସ୍ତାକ ଅଲି ଟ୍ରଫି ପାଇଁ ଘୋଷଣା ହେଲା ଓଡିଶା ଦଳ ।  ୨୧ ଜଣିଆ ଦଳ ବୁଧବାର ବିଧିବଦ୍ଧ ଭାବରେ ଘୋଷଣା କରିଛି ଓସିଏ । ଚଳିତ ବର୍ଷ୍ ମ୍ୟାଚ ପାଇଁ ରାଜେଶ ଧୂପରଙ୍କୁ  ଅଧିନାୟକ ଦାୟିତ୍ୱ ଦେଇଛି କମିଟି । ଏହାସହ ଦକ୍ଷ ଅଲରାଉଣ୍ଡର ବିପ୍ଳବ ସାମନ୍ତରାୟଙ୍କୁ ଏହି ଟ୍ରଫି ପାଇଁ ବିଶ୍ରାମ ଦିଆଯାଇଛି ।

ସୁଚନା ମୁତାବକ ଚଳିତ ମାସ 27 ତାରିଖରେ ଲକ୍ଷ୍ମୌ ଗସ୍ତ କରିବ ଓଡିଶା ଟିମ । 4 ନଭେମ୍ବର ରୁ ଆରମ୍ଭ ହେବ ଓଡିଶା ର ଅଭିଯାନ । ପ୍ରଥମ ମ୍ୟାଚରେ ଗୋଆ, ଏହାପରେ ତାମିଲନାଡୁ, ମହାରାଷ୍ଟ୍ର , ପଞ୍ଜାବ  ଓ ପୁଡୁଚେରୀକୁ ଭେଟିବ ଓଡ଼ିଶା  କ୍ରିକେଟ ଦଳ ।

ତେବେ ଗତ ବର୍ଷ କୋଭିଡ ପାଇଁ ଅଭ୍ୟାସ ବାଧାପ୍ରାପ୍ତ ହେବାରୁ ଓଡିଶା ମୁସ୍ତାକ ଅଲି ଟ୍ରଫିରେ ଆଖି ଦୃଷ୍ଟିଆ ପ୍ରଦର୍ଶନ କରିପାରି ନଥିଲା।  ସେପଟେ ଚଳିତ ବର୍ଷ ଟ୍ରଫି ନେଇ ଓଡ଼ିଶା ଦଳ ଭଲ ଅଭ୍ୟାସ କରିଥିବାବେଳେ ଏଥର ଟ୍ରଫି ଅକ୍ତିଆର କରିବା ନେଇ ଆଶାବାଦୀ ଅଛି ଦଳ  ।

ଆର୍ଯ୍ୟନଙ୍କ ବିରୋଧରେ NCB ଲଗାଇଲା ଅନ୍ତର୍ଜାତୀୟ ଡ୍ରଗ୍ସ ଚୋରାଚାଲାଣ ଅଭିଯୋଗ

ମୁମ୍ବାଇ: ସମୟ ଗଡ଼ିବା ସହ ଆର୍ଯ୍ୟନଙ୍କ ଲାଗି ଅଡ଼ୁଆ ବଢ଼ୁଛି । କ୍ରୁଜ୍ ଡ୍ରଗ୍ସ ମାମଲାରେ ଗିରଫ ଶାହରୁଖ ଖାନଙ୍କ ପୁଅ ଆର୍ଯ୍ୟନ ଖାନଙ୍କ ଜାମିନ ଆବେଦନ ଶୁଣାଣି ଗୁରୁବାରକୁ ଘୁଞ୍ଚିଛି । ଆଜି କୋର୍ଟରେ ଶୁଣାଣି ବେଳେ ଆଡିସନାଲ ସଲିସିଟର ଜେନେରାଲ୍ ଆର୍ଯ୍ୟନଙ୍କ ବିରୋଧରେ ଅନ୍ତର୍ଜାତୀୟ ଡ୍ରଗ୍ସ ଚୋରାଚାଲାଣ ଅଭିଯୋଗ ଆଣିଛନ୍ତି ।

ସେ କହିଛନ୍ତି, ଏହା ବିଶ୍ୱାସ କରିବା ସହଜ ନୁହେଁ ଯେ କେହି ଆର୍ଯ୍ୟନଙ୍କୁ ଆମନ୍ତ୍ରଣ କରିଥିଲେ । ଯଦି ଆମନ୍ତ୍ରଣ କରିଥିଲେ ତାହା ଗଲା କୁଆଡ଼େ ? ତାଙ୍କ ଯୁକ୍ତି ଅନୁସାରେ, ତାଙ୍କ ସହ ଅନ୍ୟ କେହି ଡ୍ରଗ୍ସ ନେଇ ଯାଇଥିଲେ । ସେଠାକୁ ସେ କେବଳ ନିମନ୍ତ୍ରଣରେ ପହଞ୍ଚିଥିଲେ ଏବଂ ଅଧିକରୁ ଅଧିକ ଡ୍ରଗ୍ସ ସେବନ କରିଥାନ୍ତେ ।

NCB Claims Aryan Khan Is Involved In International Drug Trafficking

ଅନ୍ୟପଟେ ଆର୍ଯ୍ୟନଙ୍କ ବିରୋଧରେ ଷଡ଼ଯନ୍ତ୍ର ନେଇ ଅଭିଯୋଗକୁ ଏନସିବି ପକ୍ଷରୁ ଖଣ୍ଡନ କରାଯାଇଛି । ଆର୍ଯ୍ୟନ ଖାନ ଓ ଡ୍ରଗ୍ସ ବେପାରୀଙ୍କ ମଧ୍ୟରେ ହୋଇଥିବା ବାର୍ତ୍ତାଳାପ ଏନିସିବି ହାତରେ ଲାଗିଛି । ମିଳିଥିବା ଚାଟରୁ ଟଙ୍କା କାରବାର ସହ ବିଦେଶୀ ନାଗରିକଙ୍କ ସମ୍ପୃକ୍ତି ସାମ୍ନାକୁ ଆସିଛି ।

ଡ୍ରଗ୍ସ ବ୍ୟବସାୟୀ ଜଣଙ୍କ ଆର୍ଯ୍ୟନଙ୍କ କାରରେ ତାଙ୍କ ଘରକୁ ଯାଇଥିଲେ । ଅରବାଜଙ୍କ ପାଖରେ ଡ୍ରଗ୍ସ ଥିଲା, ତାହା ଆର୍ଯ୍ୟନ ସେବନ କରିଥାନ୍ତେ । କ୍ରୁଜ୍ ଡ୍ରଗ୍ସ ମାମଲାରେ ଏନସିବି ଏଯାବତ୍ ୨୦ ଜଣଙ୍କୁ ଗିରଫ କରିଛି । ଗିରଫଙ୍କ ମଧ୍ୟରେ ୪ ଜଣ ଡ୍ରଗ୍ସ ମାଫିଆ ଅଛନ୍ତି ।

ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହ ଅସୁସ୍ଥ, ଏମ୍ସରେ ଭର୍ତ୍ତି

ନୂଆଦିଲ୍ଲୀ: ଏମ୍ସରେ ଭର୍ତ୍ତି ହେଲେ ମନମୋହନ ସିଂହ । ଜର ହେବା ପରେ ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହଙ୍କୁ ଏମ୍ସରେ ଆଡମିଟ୍ କରାଯାଇଛି । ସୂତ୍ର ଅନୁସାରେ, ଦୁଇଦିନ ତଳେ ମନମୋହନଙ୍କୁ ଜର ହୋଇଥିଲା । ଡାକ୍ତରଙ୍କ ପରାମର୍ଶ କ୍ରମେ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ତେବେ ତାଙ୍କ ସ୍ୱାସ୍ଥ୍ୟାବସ୍ଥା ସ୍ଥିର ଥିବା ଜଣାପଡ଼ିଛି ।

ମନମୋହନ ସିଂହ ଚଳିତବର୍ଷ କରୋନାରେ ସଂକ୍ରମିତ ହୋଇଥିଲେ । ୧୯ ଏପ୍ରିଲରେ କରୋନା ପଜିଟିଭ୍ ରିପୋର୍ଟ ଆସିବା ପରେ ତାଙ୍କୁ ଏମ୍ସର ଟ୍ରମା କେୟାରରେ ଭର୍ତ୍ତି କରାଯାଇଥିଲା । ଏପ୍ରିଲ୍ ୨୯ରେ ମେଡିକାଲରୁ ଡିସଚାର୍ଜ କରାଯାଇଥିଲା । ମନମୋହନ କରୋନା ଟିକାର ଦୁଇଟି ଯାକ ଡୋଜ୍ ମଧ୍ୟ ନେଇଛନ୍ତି ।

ମନମୋହନଙ୍କୁ ୮୮ ବର୍ଷ ହୋଇଥିବା ବେଳେ ସେ ମଧୁମେହରେ ପୀଡ଼ିତ । ତାଙ୍କର ଦୁଇଥର ବାଇପାସ୍ ସର୍ଜରୀ ହୋଇଛି ।