spot_img
Home Blog Page 5245

ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହ ଅସୁସ୍ଥ, ଏମ୍ସରେ ଭର୍ତ୍ତି

ନୂଆଦିଲ୍ଲୀ: ଏମ୍ସରେ ଭର୍ତ୍ତି ହେଲେ ମନମୋହନ ସିଂହ । ଜର ହେବା ପରେ ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହଙ୍କୁ ଏମ୍ସରେ ଆଡମିଟ୍ କରାଯାଇଛି । ସୂତ୍ର ଅନୁସାରେ, ଦୁଇଦିନ ତଳେ ମନମୋହନଙ୍କୁ ଜର ହୋଇଥିଲା । ଡାକ୍ତରଙ୍କ ପରାମର୍ଶ କ୍ରମେ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ତେବେ ତାଙ୍କ ସ୍ୱାସ୍ଥ୍ୟାବସ୍ଥା ସ୍ଥିର ଥିବା ଜଣାପଡ଼ିଛି ।

ମନମୋହନ ସିଂହ ଚଳିତବର୍ଷ କରୋନାରେ ସଂକ୍ରମିତ ହୋଇଥିଲେ । ୧୯ ଏପ୍ରିଲରେ କରୋନା ପଜିଟିଭ୍ ରିପୋର୍ଟ ଆସିବା ପରେ ତାଙ୍କୁ ଏମ୍ସର ଟ୍ରମା କେୟାରରେ ଭର୍ତ୍ତି କରାଯାଇଥିଲା । ଏପ୍ରିଲ୍ ୨୯ରେ ମେଡିକାଲରୁ ଡିସଚାର୍ଜ କରାଯାଇଥିଲା । ମନମୋହନ କରୋନା ଟିକାର ଦୁଇଟି ଯାକ ଡୋଜ୍ ମଧ୍ୟ ନେଇଛନ୍ତି ।

ମନମୋହନଙ୍କୁ ୮୮ ବର୍ଷ ହୋଇଥିବା ବେଳେ ସେ ମଧୁମେହରେ ପୀଡ଼ିତ । ତାଙ୍କର ଦୁଇଥର ବାଇପାସ୍ ସର୍ଜରୀ ହୋଇଛି ।

ପାତ୍ରପଡ଼ାରେ ମନିଷ ମୃତ୍ୟୁ ମିଷ୍ଟ୍ରି: ସୈତାନ ସାଜିଲେ ରାତିର ସାଥି !

ଭୁବନେଶ୍ୱର: ସନ୍ଦେହ ଘେରରେ ଭନ୍ଧୁଙ୍କ ଭୂମିକା । ସାଙ୍ଗ ଥିବା ବ୍ୟକ୍ତି ସୈତାନ ହୋଇଗଲେ ନାହିଁ ତ ? କାରଣ ମନିଷ ଅନୁରାଗ ମୃତ୍ୟୁର ଆଙ୍ଗେଲ କେବଳ ସେଇଆଡକୁ ହିଁ ଟାଣି ନେଉଛି  । ରାତି ସାରା ସାଥିରେ ଥିବା ବନ୍ଧୁ ଫେରିଲା ବେଳକୁ କୁଆଡ଼େ ଗଲେ  । ବେଳକୁ ବେଳ ଖୋଲୁଛି ଗୁମର, ହଟୁଛି ସସପେନ୍ସ । ମୃତ୍ୟୁ ପୂର୍ବରୁ ମନିଷଙ୍କ ସାଙ୍ଗରେ ଥିବା ୨ ସନ୍ଦିଗ୍ଧ କନ୍ଧମାଳରେ ସରେଣ୍ଡର କରିଛନ୍ତି । ମନୀଷଙ୍କ ମୃତ୍ୟୁ କେମିତି ହେଲା ପୋଲିସକୁ କହିଲେ କଳାରାତିର ସତ । ପୋଲିସ ସ୍କାନରରେ ମୁଖ୍ୟ କାର୍ପଟଦାର ଅମ୍ରିତ ବିଶ୍ବାଳ ।

ଅମ୍ରିତ ଓ ହିମାଂଶୁ ନାମକ ଜଣ ଯୁବକକୁ ଉଠାଇ ଜେରା କରୁଥିବା ବେଳେ ସାମ୍ନାକୁ ଆସିଥିଲା ଦିନେଶ ମହାପାତ୍ର ଓ ମୃତ୍ୟୁଞ୍ଜୟ ମିଶ୍ରଙ୍କ ଚେହେରା । ୨ ଜଣଙ୍କୁ ଧରିବାକୁ ପୋଲିସ ପିଛା କରୁଥିବା ବେଳେ ଫୁଲବାଣୀ ଟାଉନ ଥାନାରେ ଦୁଇ ଜଣଙ୍କ ଆତ୍ମସମର୍ମପଣ କରିଥିଲେ । ମନୀଷ ମୃତ୍ୟୁର ସତ ଜାଣିବାକୁ ୫ ଜଣଙ୍କୁ ମାରାଥନ ଜେରା କରୁଛି ସ୍ପେଶାଲ ଟିମ । ସିସିଟିଭି ଫୁଟେଜ ଆଧାରରେ ହୋଟେଲ ଭିତର ରହସ୍ୟ ଖୋଜୁଛି ପୋଲିସ ।

୪ ଘଣ୍ଟା ଧରି ମନୀଷଙ୍କ ସହ କିଏ କିଏ ଥିଲେ । ମନୀଷଙ୍କ ସାଙ୍ଗରେ ଯାଇଥିବା ଦିନେଶ ଓ ମୃତ୍ୟୁଞ୍ଜୟ କାହିଁକି ମନୀଷକୁ ଛାଡି ଆଗୁଆ ଗଲେ । ମୃତ୍ୟୁ ପୂର୍ବରୁ ମନୀଷଙ୍କ ସାଙ୍ଗରେ ଦିନେଶ ଓ ମୃତ୍ୟୁଞ୍ଜୟ ପରେ ଆଉ କିଏ କିଏ ଥିଲେ ? ହୋଟେଲ ଭିତରେ କଣ ଘଟିଥିଲା ? ମନୀଷଙ୍କ ମୃତ୍ୟ କେମିତି ହେଲା ? ଏସବୁ ଦିଗକୁ ନେଇ ଜେରା କରୁଛି ଟିମ । ପ୍ରାଥମିକ ପୋଷ୍ଟମର୍ଟମ ରିପୋର୍ଟରେ ମନୀଷଙ୍କ ଶରୀରେ କ୍ଷତ ଚିହ୍ନ ନାହିଁ । ସେ ପାଣିରେ ବୁଡି ମରି ନାହାନ୍ତି । ତାଙ୍କର ଶ୍ବାସ ରୁଦ୍ଧ ଯୋଗୁ ମୃତ୍ୟୁ ହୋଇଛି ।

ସ୍ତ୍ରୀ ଉପରେ ନାଗ ସାପ ଛାଡ଼ି ହତ୍ୟା, ସ୍ୱାମୀଙ୍କୁ ଦୁଇଥର ଆଜୀବନ ଜେଲ୍

ଥିରୁଅନନ୍ତପୁରମ: ସ୍ତ୍ରୀ ଉପରେ ସାପ ଛାଡ଼ି ହତ୍ୟା ମାମଲାର ରାୟ ଆସିଛି । ଅଭିଯୁକ୍ତ ସ୍ୱାମୀଙ୍କୁ ଲଗାତାର ଦୁଇଥର ଆଜୀବନ କାରାଦଣ୍ଡାଦେଶ ଦେଇଛନ୍ତି କୋର୍ଟ । ଏଥିସହ କୋର୍ଟ ଅଭିଯୁକ୍ତ ସରୋଜ କୁମାରଙ୍କୁ ୫ ଲକ୍ଷ ଟଙ୍କା ଜରିମାନା କରିଛନ୍ତି । ସରୋଜ ଲଗାତାର ୧୦ ଓ ୭ ବର୍ଷ କରି ସଜା କାଟିବ । ଏହି ରାୟ ଶୁଣାଇଛନ୍ତି କୋଲାମ ଅତିରିକ୍ତ ଜିଲ୍ଲା ଓ ଦୌରା ଜଜ୍ ।

Kerala man jailed for killing wife with cobra in Kerala

୨୦୨୦ ମେ ୭ ତାରିଖରେ ସ୍ୱାମୀ ସରୋଜ, ସ୍ତ୍ରୀ ଉଥ୍ରା ଶୋଇଥିବା ବେଳେ ବିଷାକ୍ତ ନାଗ ସାପ ଛାଡ଼ି ଦେଇଥିଲା । ଏହାକୁ ଅଘଟଣର ରୂପ ଦେବାକୁ ଚେଷ୍ଟା କରିଥିଲା ସରୋଜ । ଉଥ୍ରାଙ୍କ ପରିବାର ସରୋଜକୁ ସନ୍ଦେହ କରିଥିଲେ । ଅଭିଯୋଗ କରିଥିଲେ ସୁନା ଓ ଟଙ୍କା ପାଇଁ ଉଥ୍ରାଙ୍କୁ ସରୋଜ ମାରି ଦେଇଛି ।

ଉକ୍ତ ଘଟଣାର ୯ ମାସ ପୂର୍ବରୁ ମଧ୍ୟ ବୋଡ଼ା ସାପ କାମୁଡ଼ାର ଶିକାର ହୋଇଥିଲେ ଉଥ୍ରା । ପୋଲିସ ମାମଲାର ତଦନ୍ତ କରି ଏକ ହଜାର ପୃଷ୍ଠାର ଚାର୍ଜସିଟ୍ ଦାଖଲ କରିଛି । ମାମଲାରେ ସରୋଜଙ୍କ ସହ ତାଙ୍କ ବାପା, ମାଆ ଓ ଉଭଣୀକୁ ପୋଲିସ ଗିରଫ କରିଥିଲା । ଏଭଳି କେସ୍ କ୍ୱଚିତ୍ ହୋଇଥିବା ବେଳେ କୋର୍ଟ ସ୍ୱାମୀଙ୍କୁ ଦୁଇଥର ଆଜୀବନ ସଜ୍ଜା ଶୁଣାଇଛନ୍ତି ।

ଗୁପଚୁପରେ ନିଶା ଦେଇ ଝିଅକୁ ହୋଟେଲରେ ଦୁଷ୍କର୍ମ

ଲକ୍ଷ୍ନୌ: ଉତ୍ତରପ୍ରଦେଶରେ ଘଟିଛି ଲଜ୍ଜା ଜନକ ଘଟଣା । ଲଲିତପୁର ଜିଲ୍ଲାର ଜଣେ ୧୭ ବର୍ଷର ଝିଅ ବାପା ବିରୋଧରେ ଆଣିଛନ୍ତି ସଂଗୀନ ଅଭିଯୋଗ । ଏକାଦଶ ଶ୍ରେଣୀରେ ପଢ଼ୁଥିବା ଝିଅ ଅଭିଯୋଗ ଅନୁସାରେ, ନିଜ ପିତା ସହ ସପା-ବସପା ନେତା କିଛି ବର୍ଷ ଧରି ଦୁଷ୍କର୍ମ କରୁଛନ୍ତି । ଝିଅର ଅଭିଯୋଗ ପ୍ରକାରେ, ପୋଲିସ ଦୁଷ୍କର୍ମ ସହ ଷଡ଼ଯନ୍ତ୍ର ରଚିବା ଆଦି ଦଫାରେ ମାମଲା ରୁଜୁ କରିଛି ।

ଛାତ୍ରୀଙ୍କ ଅଭିଯୋଗ ଅନୁସାରେ, ଷଷ୍ଠ ଶ୍ରେଣୀରେ ପଢ଼ୁଥିବା ବେଳୁ ପିତା ଶାରୀରିକ ଶୋଷଣ କରୁଛନ୍ତି । ସପା ଜିଲ୍ଲାଧ୍ୟକ୍ଷ ତିଲକ ଯାଦବ ମଧ୍ୟ ବାପାଙ୍କ ଆଗରେ ଦୁଷ୍କର୍ମ କରିଛନ୍ତି । ତିଲକଙ୍କ ୩ ଜଣ ସାନ ଭାଇ ମଧ୍ୟ ଦୁଷ୍କର୍ମ କରିଥିବା ଅଭିଯୋଗ କରିଛନ୍ତି ଛାତ୍ରୀ । ଏମିତି ଷଷ୍ଠ ଶ୍ରେଣୀରେ ପଢ଼ିବା ବେଳେ ଝିଅକୁ ବାପା ଅଶ୍ଲୀଳ ଭିଡିଓ ଦେଖାଇଥିଲେ । ବିରୋଧ କରିବାରୁ ବାପା ମାଡ଼ ମାରିଥିବା କହିଛନ୍ତି ଝିଅ ।

 Minor Girl Alleged Rape By Father In UP Lalitpur

ଏହାପରେ ବାରମ୍ବାର ପିତା ଦୁଷ୍କର୍ମ ଉଦ୍ୟମ କରିଥିବା କହିଛନ୍ତି ପୀଡ଼ିତା । ଗୋଟିଏ ଦିନ ଝିଅକୁ ସ୍କୁଲରୁ ଆଣି ଗୁପଚୁପରେ ନିଶା ଦେଇ ହୋଟେଲରେ ଦୁଷ୍କର୍ମ କରାଯାଇଥିବା ପୀଡ଼ିତା ଅଭିଯୋଗ କରିଛନ୍ତି । ପ୍ରତିବାଦ କରିବାରୁ ମାଆ, ଝିଅଙ୍କୁ ମାରିଦେବାକୁ ବାପା ଧମକ ଦେଇଥିଲେ । ଏହି ମାମଲାରେ ୩ ଅଜଣା ଓ ୨୫ ଜଣ ଜଣାଶୁଣା ବ୍ୟକ୍ତିଙ୍କ ବିରୋଧରେ ମାମଲା ରୁଜୁ କରି ପୋଲିସ ତଦନ୍ତ କରୁଛି ।

ମାମଲା ରୁଜୁ ପରେ ଅଭିଯୁକ୍ତ ସମାଜବାଦୀ ପାର୍ଟିର ଜିଲ୍ଲା ଅଧ୍ୟକ୍ଷ ତିଳକ ଯାଦବ ନିଜକୁ ନିର୍ଦ୍ଦୋଷ କହିଛନ୍ତି । ଏଥିସହ ମାମଲାର ନିରପେକ୍ଷ ତଦନ୍ତ ଦାବି କରିଛନ୍ତି ସେ । ଏପରିକି ନିରପେକ୍ଷ ତଦନ୍ତ ନହେଲେ ମଝି ରାସ୍ତାରେ ଆତ୍ମହତ୍ୟା କରିବେ, ଯେଉଁଥିପାଇଁ ଜିଲ୍ଲା ପ୍ରଶାସନ ଦାୟୀ ରହିବ ବୋଲି ସେ କହିଛନ୍ତି ।

ଜଗନ୍ନାଥ ଷ୍ଟାଡିୟମ ନିର୍ମାଣ କାର୍ଯ୍ୟର ସମୀକ୍ଷା କଲେ 5T ସଚିବ

ପୁରୀ: ଶ୍ରୀକ୍ଷେତ୍ରରେ ଷ୍ଟାଡିୟମ ନିର୍ମାଣ କାର୍ଯ୍ୟର ସମୀକ୍ଷା କରିଛନ୍ତି 5ଟି ସଚିବ ଭି.କାର୍ତ୍ତିକେୟ ପାଣ୍ଡିୟାନ । ପୁରୀରେ ୧୩ ଏକର ପରିମିତ ଅଞ୍ଚଳରେ ଚାଲିଛି ଷ୍ଟାଡିୟମ ନିର୍ମାଣ କାର୍ଯ୍ୟ  । ପୁରୀ ପେଣ୍ଠକଟା ନିକଟରେ ଏହି ଷ୍ଟାଡିୟମ ନିର୍ମାଣ କରାଯାଉଥିବା ବେଳେ, ଏହାକୁ ଜଗନ୍ନାଥ ଷ୍ଟାଡିୟମ ନାଁରେ ନାମିତ କରାଯାଇଛି । ଏଠାରେ ଏକ କ୍ରିକେଟ ଗ୍ରାଉଣ୍ଡ ସହ ସୁଇମିଙ୍ଗ ପୁଲ, ଶହେ ଶଯ୍ୟା ବିଶିଷ୍ଠ କ୍ରୀଡ଼ା ଛାତ୍ରାବାସ ଓ ଇଣ୍ଡୋଲ ହଲ ମଧ୍ୟ ନିର୍ମାଣ କରାଯାଇଛି ।

ପୁରୀରେ ଏହି ଅତ୍ୟାଧୁନିକ ଷ୍ଟାଡ଼ିୟମ ନିର୍ମାଣ କରିବା ନେଇ ରାଜ୍ୟ ସରକାର ବ୍ୟୟ ବରାଦ କରିଥିଲେ  । ସେପଟେ ଏହି ନିର୍ମାଣ କାର୍ଯ୍ୟ କେତେଦୂର ଅଗ୍ରଗତି ହୋଇଛି  । ଏନେଇ 5t ସିଚବ ଆଜି ପୁରୀ ଗସ୍ତରେ ଯିବା ସହ ଏହି ସମସ୍ତ କାର୍ଯ୍ୟର ସମୀକ୍ଷା କରିଥିଲେ । 5T ସଚିବଙ୍କ ଏହି ଗସ୍ତ ସମୟରେ  ପୁରୀ ଜିଲ୍ଲାପାଳ ଓ ଅନ୍ୟ ବରିଷ୍ଠ ଅଧିକାରୀ ଉପସ୍ଥିତ ରହିଥିଲେ  ।

ସୀମା ବିବାଦକୁ ନେଇ ଭାରତକୁ ଚୀନ ଗଣମାଧ୍ୟମର ଧମକ- ‘ଯୁଦ୍ଧ କଲେ ହାରିବ’

ନୂଆଦିଲ୍ଲୀ: ଗତବର୍ଷ ଜୁନରେ ଲଦାଖର ଗଲୱାନ ଘାଟିରେ ହୋଇଥିବା ହିଂସାତ୍ମକ ସଂଘର୍ଷ ପରେ ଚୀନ-ଭାରତ ମଧ୍ୟରେ ଉତ୍ତେଜନା ଲାଗି ରହିଛି । ଏବେ ଏବେ ସୀମା ବିବାଦକୁ ନେଇ ୧୩ତମ ସିନିୟର ସୈନ୍ୟ କମାଣ୍ଡର ବୈଠକ ବି ବଫଳ ହୋଇଛି । ଆଲୋଚନା ପରେ ଭାରତୀୟ ସେନା ପକ୍ଷରୁ କୁହାଯାଇଥିଲା, ଚୀନକୁ ଉପଦେଶ ଦିଆଯାଇଥିବା ବେଳେ ମାନିବାକୁ ପ୍ରସ୍ତୁତ ନୁହେଁ । ସେହିଭଳି ଚୀନ କହିଛି, ଭାରତ ଭୁଲ୍ ଆକଳନ କରୁଛି । ଏବେ ଏହି ମାମଲାରେ ଚୀନର ପ୍ରମୁଖ ସମ୍ବାଦପତ୍ର ବିବାଦୀୟ ଲେଖା ଲେଖିଛି ।

ଗ୍ଲୋବାଲ ଟାଇମ୍ସର ସମ୍ପାଦକୀୟରେ ଲେଖା ଯାଇଛି, ଭାରତ ସହ ସମ୍ପର୍କ ଖରାପ ହେଉଥିବା ବେଳେ ଚୀନର ସୈନ୍ୟ ସଂଘର୍ଷ ପାଇଁ ପ୍ରସ୍ତୁତ ରହିବା ଦରକାର । ଆହୁରି ଲେଖାଯାଇଛି ଭାରତ ଗୋଟିଏ ଜିନିଷ ଭଲ ଭାବେ ବୁଝିବା ଦରକାର- ଭାରତକୁ ସୀମା ସେଭଳି ମିଳିବ ନାହିଁ, ଭାରତ ଯେଭଳି ଚାହୁଁଛି । ଯଦି ଭାରତ ଯୁଦ୍ଧ ଚାହୁଁଛି ତ, ନିଶ୍ଚିତ ଭାବେ ତାକୁ ପରାଜିତ ହେବାକୁ ପଡ଼ିବ । କୌଣସି ପ୍ରକାର ରାଜନୈତିକ ଚାପରେ ଚୀନ ଦବିବ ନାହିଁ । ଭାରତ ଯେତେ ଅସୁବିଧା କରାଇଲେ ବି ଚୀନର ଅଞ୍ଚଳ ଚୀନର ହୋଇ ରହିବ । ଭାରତ ଏବେ ସୀମା ବିବାଦକୁ ନେଇ ଆଖି ବୁଜି ଶୋଇଛି, ଆମେ ତାକୁ ଉଠିବା ପର୍ଯ୍ୟନ୍ତ ଅପେକ୍ଷା କରିବା ବୋଲି ଲେଖିଛି ଗ୍ଲୋବାଲ୍ ଟାଇମ୍ସ ।

ଚୀନର ଲୋକ ଜାଣିଛନ୍ତି ଭାରତ ଓ ଚୀନ ଦୁଇଦେଶ ଶକ୍ତିଶାଳୀ । ଯାହାଙ୍କ ପାଖରେ ସୀମାରେ ଲମ୍ବା ଯୁଦ୍ଧ ପାଇଁ ପର୍ଯ୍ୟାପ୍ତ ଶକ୍ତି ଓ ସମ୍ବଳ ରହିଛି । ଭାରତ ଓ ଚୀନ ମଧ୍ୟରେ ଏଭଳି ଉତ୍ତେଜନା ଦୁଃଖଦାୟକ । ତେବେ ଭାରତ ସେଭଳି କଲେ ଚୀନ୍ କେବେ ପଛକୁ ହଟିବ ନାହିଁ । ଗଲୱାନ ଘାଟି ସଂଘର୍ଷ ପରେ ଜଣାପଡ଼ୁଛି କ୍ଷେତ୍ରର ସୁରକ୍ଷା ଲାଗି ଭାରତ, ଚୀନ କେବେ ବୁଝାମଣା କରିବେ ନାହିଁ । ଚୀନର ଦୃଢ଼ ସଂକଳ୍ପକୁ ଯଦି ଭାରତ କମଜୋର ଭାବେ ତାହେଲେ ତାହା ଭାରତ ପାଇଁ ଅସୁବିଧା ସୃଷ୍ଟି କରିବ । ଏପରିକି ଭାରତକୁ କ୍ଷତି ପହଞ୍ଚାଇବ ।

ବିନା ଅନୁମତିରେ ଦାଣ୍ଡିଆ ପାର୍ଟି, ହୋଟେଲ ସିଲ କଲା ବିଏମସି

ଭୁବନେଶ୍ୱର: କଟକଣା ସ୍ୱତେ ଚାଲିଥିବା ଦାଣ୍ଡିଆ ନାଚ  । ପ୍ରଶାସନର ବିନା ଅନୁମତିରେ ଡିଜେ ନାଇଟ କାର୍ଯ୍ୟକ୍ରମ ଆୟୋଜନ ପଡ଼ିଲା ମହଙ୍ଗା  ।  ନିକୋ ପାର୍କ ନିକଚସ୍ଥ  9ଥ ଷ୍ଟ୍ରିଟ ବଂକ୍ୱୟେଟ ହୋଟେଲରେ ବିଏମସିର କଟକଣାକୁ ଧୂଆଣବାଣ କରାଯାଇଥିଲା  । ଅର୍ଥାତ ପ୍ରଶାସନର ବିନା ଅନୁମତିରେ ଭୁବନେଶ୍ୱରରେ ଚାଲିଥିଲା ଦାଣ୍ଡିଆ ଓ ଡିଜେ ପାର୍ଟି  ।

ବିଏମସି କମିସନର ଏନେଇ ଖବର ପାଇବା ପରେ ଏକ ଟିମକୁ ଉକ୍ତ ହୋଟେଲକୁ ପଠାଇଥିଲେ  । ଦକ୍ଷିଣ ପୂର୍ବ ଜୋନାଲ ଡେ଼ପୁଟି କମିଶନର ଅଂଶୁମାନ ରଥଙ୍କ ନେତୃତ୍ୱରେ ଏକ ସ୍ୱତନ୍ତ୍ର ସ୍କ୍ୱାର୍ଡ ଘଟଣାସ୍ଥଲରେ ପହଗଁଚିଥିଲେ  । ଏବଂ କଟକଣାର ସମ୍ପୂର୍ଣ୍ଣ ଉଲ୍ଲଂଘନ ଘଟିଥିବା ଦେଖିବାକୁ ପାଇଥିଲେ  । ଉକ୍ତ ହୋଟେଲ ମଧ୍ୟ ବିଏମସିର ଅନୁମତି ଆଣିନଥିବା ଗୋଟର ହେବା ପରେ ସ୍ପେସାଲ ସ୍ୱାର୍ଡ ହୋଟେଲକୁ ସିଲ କରିଥିଲେ  ।

ସେପଟେ ହୋଟେଲ 9ଥ ଷ୍ଟ୍ରିଟ ବଂକ୍ୱୟେଟ ସୋସିଆଲ ମିଡିଆରେ ଟିକେଟ ମୂଲ୍ୟ 649ଟଙ୍କା ଥିବା ନେଇ ବିଜ୍ଞାପନ ପ୍ରାଚର ପ୍ରସାର କରିଥିଲେ  ।  ମିଳିଥିବା ସୂଚନା ମୁତବାକ ହୋଟେଲ ପକ୍ଷରୁ ଦୁଇ ଦିନିଆ କାର୍ଯ୍ୟକ୍ରମ ରହିଥିଲା  । ଅର୍ଥାତ ୧୩ ଓ ୧୪ ତାରିଖ ଦୁଇ ଦିନିଆ ଡିଜେ ଏବଂ ଦାଣ୍ଡିଆ ପୋଗ୍ରାମ ଆୟୋଜନ କରିବାର ସୂଚୀ ନିର୍ଦ୍ଧାରଣ କରିଥିଲେ ହୋଟେଲର ଆୟୋଜକ  ।

 

ମଧୁସୂଦନ ଆଇନ ବିଶ୍ୱବିଦ୍ୟାଳୟକୁ ମିଳିଲା ୟୁଜିସି ମାନ୍ୟତା

ଭୁବନେଶ୍ୱର:  ମଧୁସୂଦନ ଆଇନ ବିଶ୍ୱବିଦ୍ୟାଳୟ ପାଇବାରୁ ଯାଉଛି ୟୁଜୁସି ମାନ୍ୟତା   ।  ୟୁଜୁସି  ଅଧିନିୟମ 1956, ଧାରା 2(ଏଫ୍) ଅନୁଯାୟୀ ୟୁନିଭରସିଟି ଗ୍ରାଣ୍ଟ କମିସନ (ୟୁଜିସି) ବିଶ୍ୱବିଦ୍ୟାଳୟର ମାନ୍ୟତା ଦେବା ସହ ବିଶ୍ୱବିଦ୍ୟାଳୟ ତାଲିକାରେ ଅନ୍ତ୍ରର୍ଭୁକ୍ତ କରାଯାଇଥିବା ସୂଚନା ପ୍ରଦାନ କରିଛନ୍ତି କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ  ।

ଏହା ସହିତ ଆଗାମୀ ଦିନରେ ମଧୁସୂଦନ ଆଇନ ବିଶ୍ୱବିଦ୍ୟାଳୟ ୟୁଜିସି ଅଧିନିୟମ 1956, ଧାରା 12(ବି) ଅନୁସାରେ ଖୁବ ଶୀଘ୍ର କେନ୍ଦ୍ରୀୟ ଅନୁଦାନ ପାଇବ । ଏହା ନିଶ୍ଚିତ ଭାବରେ ଓଡ଼ିଶାର ଆଇନ ବିଦ୍ୟାର୍ଥୀଙ୍କ ଆଶା ଓ ଆକାଂକ୍ଷାକୁ ପୂରଣ କରିବ ବୋଲି ମତ ପ୍ରକାଶ କରିଛନ୍ତି କେନ୍ଦ୍ରଶିକ୍ଷା ମନ୍ତ୍ରୀ  ।  

ଓଡିଶାରେ ଆଇନଜୀବୀ ଛାତ୍ରମାନେ ଏହା ଦ୍ୱାରା ଫଳପ୍ରଦ ପାଇବା ସହ ଆଗାମୀ ଦିନରେ ଅଧିକ ଶିକ୍ଷଣୀୟ ତଥ୍ୟ ହାସଲରେ ସହାୟକ ହେବ  । କଟକ ମଧୁସୂଦନ ଆଇନ ବିଶ୍ୱବିଦ୍ୟାଳୟ ଓଡ଼ିଶାର ଏକ ପୁରାତନ ଶିକ୍ଷାନୁଷ୍ଠାନ  । ଏହି ବିଶ୍ୱବିଦ୍ୟାଳୟ ୟୁଜିସି ମାନ୍ୟତା ପାଇବା ପରେ ଅଧିକ କ୍ରିୟାଶୀଳ ହେବ  ।

ପୁଲୱାମାରେ ସେନାର ଏନକାଉଣ୍ଟର, ଜୈଶର ଟପ୍ କମାଣ୍ଡର ଶମ ସୋଫି ମୃତ

ଶ୍ରୀନଗର: ଘାଟିରେ ଜାରି ରହିଛି ଆତଙ୍କବାଦୀ ବିରୋଧୀ ଅପରେସନ୍ । ବୁଧବାର ପୁଲୱାମାର ଟ୍ରାଲ ଅଞ୍ଚଳରେ ସୁରକ୍ଷାକର୍ମୀଙ୍କ ଏନକାଉଣ୍ଟରରେ ଜୈଶ ଏ ମହମ୍ମଦର ଟପ୍ କମାଣ୍ଡର ଶମ ସୋଫି ନିହତ ହୋଇଛି । ଏବେବି ଗୁଳିବିନିମୟ ଜାରି ରହିଛି । ସେନା ଓ ପୋଲିସ ଅଞ୍ଚଳକୁ ଘେରାବନ୍ଦୀ କରି ନେଇଛନ୍ତି । ଜୈଶର ଟପ୍ କମାଣ୍ଡର ନିହତ ନେଇ ଜାମ୍ମୁ-କାଶ୍ମୀର ଆଇଜି ସୂଚନା ଦେଇଛନ୍ତି । ବିଗତ ତିନିଦିନ ଭିତରେ ସେନା ୮ ଜଣ ଆତଙ୍କବାଦୀଙ୍କୁ ଗୁଳି କରିଛି ।

Top Jaish commander Sham Sofi killed in an encounter in J&K's Pulwama

ଦକ୍ଷିଣ କାଶ୍ମୀରର ପୁଲୱାମାର ତିଲବାନୀ ମୋହଲ୍ଲାରେ ଆତଙ୍କବାଦୀ ଛପିଥିବା ପୋଲିସକୁ ସୂଚନା ମିଳିଥିଲା । ଗୁପ୍ତ ସୂଚନା ପରେ ଅଞ୍ଚଳକୁ ଘେରି ଯାଇଥିଲେ ସୁରକ୍ଷା ବଳ । ପ୍ରଥମେ ଆତଙ୍କବାଦୀ ଗୁଳି ଚାଳନା କରିବା ପରେ ଜବାବ ଦେଇଥିଲା ସେନା । ଏଥିରେ ଜୈଶର ଟପ୍ କମାଣ୍ଡର ଶମ ସୋଫି ନିହତ ହୋଇଛି ।

Top Jaish commander Sham Sofi killed in an encounter in J&K's Pulwama

ଗୋଟିଏ ଦିନ ପୂର୍ବରୁ ସୋପିଆଁରେ ଅଲଗା ଅଲଗା ଗୁଳିବିନିମୟରେ ୫ ଆତଙ୍କବାଦୀ ନିହତ ହୋଇଥିଲେ । ନିହତ ଆତଙ୍କବାଦୀଙ୍କ ମଧ୍ୟରୁ ଜଣେ ନିକଟରେ ବିହାରର ଗୁପଚୁପ୍ ବିକାଳୀଙ୍କୁ ହତ୍ୟା କରିଥିଲା । ୧୧ ଅକ୍ଟୋବରରେ ଅନନ୍ତନାଗ ଓ ବାନ୍ଦିପୁରାରେ ହୋଇଥିବା ଗୁଳି ବିନିମୟରେ ମଧ୍ୟ ୨ ଆତଙ୍କବାଦୀ ନିହତ ହୋଇଥିଲେ ।

ମୁଖ୍ୟମନ୍ତ୍ରୀଙ୍କୁ ଭେଟିଲେ DMK ସାଂସଦ କାନିମୋଝି କରୁଣାନିଧି

ଭୁବନେଶ୍ୱର: ମୁଖ୍ୟମନ୍ତ୍ରୀଙ୍କୁ ଭେଟିଲେ ଡିଏମକେ ସଂସଦୀୟ ଦଳ ନେତା କାନିମୋଝି କରୁଣାନିଧୀ  । ନବୀନ ନିବାସରେ ଡିଏମକେ ସଂସଦୀୟ ଦଳ ନେତା କାନିମୋଝି ମୁଖ୍ୟମନ୍ତ୍ରୀଙ୍କ ସହ ସୌଜନ୍ୟମୂଳକ ସାକ୍ଷାତ କରିଛନ୍ତି  । ମୁଖ୍ୟମନ୍ତ୍ରୀଙ୍କୁ କାନିମୋଝି ସାକ୍ଷାତ ଅବସରରେ ମୁଖ୍ୟମନ୍ତ୍ରୀଙ୍କ ବ୍ୟକ୍ତିଗତ ସଚିବ ଭିକେ ପାଣ୍ଡିୟାନ ଉପସ୍ଥିତ ରହିଥିଲେ  । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ କାନିମୋଝି ଭେଟିବା ସହ ଦୁଇ ରାଜ୍ୟର ବିଭିନ୍ନ ପ୍ରସଙ୍ଗ ଉପରେ ଆଲୋଚନା କରିଥିଲେ   ।

ଏହି ଅବସରରେ ସେ ତାମିଲନାଡୁ ମୁଖ୍ୟମନ୍ତ୍ରୀଙ୍କ ଚିଠି ନବୀନ ପଟ୍ଟନାୟକଙ୍କୁ ଦେଇଛନ୍ତି । NEETରେ ଗ୍ରାମାଞ୍ଚଳର ଗରିବ ଛାତ୍ରଛାତ୍ରୀଙ୍କ ସମସ୍ୟା ନେଇ ଚିଠିରେ ଉଲ୍ଲେଖ କରାଯାଇଛି । ସବୁବର୍ଗର ପିଲାଙ୍କୁ ଜାତୀୟ ପ୍ରବେଶିକା ପରୀକ୍ଷାରେ ସୁଯୋଗ ଦେବାକୁ ଦାବି କରାଯାଇଛି । ପୂର୍ବରୁ ମୁଖ୍ୟମନ୍ତ୍ରୀ ଏହି ପ୍ରସଙ୍ଗ କେନ୍ଦ୍ର ନିକଟରେ ଉଠାଇଥିଲେ । NEETରେ ସବୁସ୍ତରର ଛାତ୍ରଛାତ୍ରୀ ଭାଗ ନେଇପାରୁ ନାହାନ୍ତି । ଏପରିକି IIT ଓ UPSC ପରୀକ୍ଷାରେ ମଧ୍ୟ ସମାନ ସମସ୍ୟା ହେଉଛି । ଏଣୁ ସବୁବର୍ଗର ପିଲାଙ୍କୁ ଜାତୀୟ ପ୍ରବେଶିକା ପରୀକ୍ଷାରେ ସୁଯୋଗ ମିଳିବା ନେଇ ଦାବି ଉଠିଛି ।