spot_img
Home Blog Page 5246

ମୋବାଇଲ ଛଡ଼ାଇ ନେବାରୁ ବାଳକର ଆତ୍ମହତ୍ୟା

କୋରାପୁଟ: କୋରାପୁଟରେ ଘଟିଛି ଅଭାବନୀୟ ଘଟଣା । ମୋବାଇଲ୍ ଛଡ଼ାଇ ନେବାରୁ, ବାଳକର ଆତ୍ମହତ୍ୟା ଅଭିଯୋଗ । କୋରାପୁଟ ଗୌତମନଗର ଅଞ୍ଚଳର ଘଟଣା । ବି.ମନୋହର ବାଇଲ୍‌ରେ ଖେଳୁଥିଲା । ବାପା ବି.ଶ୍ରୀନିବାସ ତାକୁ ତାଗିଦ କରିବା ସହ ମୋବାଇଲ୍‌ଟିକୁ ଛଡ଼ାଇ ନେଇଥିଲେ । ବାପାଙ୍କ ରାଗରେ ଉତ୍‌କ୍ଷୀପ୍ତ ହୋଇପଡିଥିଲେ ୧୩ ବର୍ଷର ପୁଅ  । ପରବର୍ତ୍ତୀ ସମୟରେ ନିଜକୁ ଘର ଭିତରେ ବନ୍ଦ କରି ବେକରେ ଲୁଗା ଲଗାଇ ଆତ୍ମହତ୍ୟା କରିଥିବା ଜଣାପଡିଛି  ।

ପରେ ପରିବାର ଲୋକେ ଏହା ଦେଖିବା ପରେ ଥାନାକୁ ଜଣାଇଥିଲେ । ଟାଉନ୍ ଥାନା ପୁଲିସ୍ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିଛି । ଏ ସମ୍ପର୍କରେ ଥାନାରେ ଏକ ଅପମୃତ୍ୟୁ ମାମଲା ରୁଜୁ କରାଯାଇଛି । ଏଭଳି ଏକ ଘଟଣା କୋରାପୁଟରେ ଘଟିଥିବାବେଳେ ସାଧାରଣ ଲୋକ ଏହାକୁ ନେଇ ଆଶ୍ଚର୍ଯ୍ୟ ପ୍ରକଟ କରିଛନ୍ତି  ।

ଆର୍ଯ୍ୟନଙ୍କ ଜାମିନ ଆବେଦନକୁ ଏନ୍‌ସିବିର ବିରୋଧ: କୋର୍ଟଙ୍କୁ କହିଲେ, ନିଶା କାରବାରେ ଆର୍ଯ୍ୟନଙ୍କ ସମ୍ପୃକ୍ତି ରହିଛି

ମୁମ୍ୱାଇ: ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ (ଏନସିବି) ମୁମ୍ୱାଇ କ୍ରୁଜରୁ ଡ୍ରଗ୍ସ ମିଳିବା ମାମଲାରେ କୋର୍ଟ ନିକଟରେ ନିଜ ଜବାବ ଦାଖଲ କରିଛି । ସେଥିରେ ଶାହାରୁଖଙ୍କ ପୁଅ ଆର୍ଯ୍ୟନ ଖାନଙ୍କ ଜାମିନକୁ ବିରୋଧ କରିଛି । ଏନ୍‌ସିବି ପକ୍ଷରୁ କୁହାଯାଇଛି ଯେ, ତାଙ୍କ ନିକଟରୁ ଡ୍ରଗ୍ସ ଜବତ ହୋଇନି, କିନ୍ତୁ ଆର୍ଯ୍ୟନ ସମେତ ଅନ୍ୟ ଗିରଫ ଅଭିଯୁକ୍ତ ଏଥିରେ ସାମିଲ ଅଛନ୍ତି । ଏନ୍‌ସିବି ପକ୍ଷରୁ କୁହାଯାଇଛି ଯେ, ଡ୍ରଗ୍ସ କାରବାର ବିଦେଶ ଲିଙ୍କ୍‌ ନେଇ ଯାଞ୍ଚ ଚାଲିଛି ଏବଂ ଏହା ଚାଲିବା ଦରକାର । ସ୍ୱତନ୍ତ୍ର ନାର୍କୋଟିକ ଡ୍ରଗ୍ସ ଆଣ୍ଡ ସବଟେନ୍ସ ଆକ୍ଟ (ଏନଡିପିଏସ୍) କୋର୍ଟରେ ଆର୍ଯ୍ୟନ ଖାନ୍ ଏବଂ ଅନ୍ୟମାନଙ୍କ ଜାମିନ ଆବେଦନ ଉପରେ ଦ୍ୱିପ୍ରହର ୨.୪୫ ମିନିଟରେ ଶୁଣାଣି ହେବ । ଅତିରିକ୍ତ ସଲିସିଟର ଜେନେରାଲ ଅନିଲ ସିଂହଙ୍କ କୋର୍ଟରେ ହାଜର କରାଯିବା ସମ୍ଭାବନା ରହିଛି ।

ଏନସିବି ମୁମ୍ୱାଇ କ୍ରୁଜ ସିପ୍ ଡ୍ରଗ୍ସ ମାମଲାରେ ଫିଲ୍ମ ନିର୍ମାତା ଏବଂ ବାନ୍ଦ୍ରାର ବିଲ୍ଡର ଇମ୍‌ତିଆଜ କ୍ଷେତ୍ରୀଙ୍କୁ ପଚରାଉଚରା ନେଇ ନୋଟିସ କରିଛି । ତୃତୀୟ ଥର ପାଇଁ ଏନ୍‌ସିବି ତାଙ୍କୁ ନୋଟିସ କରିଛି । ମଙ୍ଗଳବାର ଇମ୍‌ତିଆଜ୍ କ୍ଷେତ୍ରୀଙ୍କୁ ଏନ୍‌ସିବି ୩ଘଣ୍ଟା ଯାଏଁ ପଚରାଉଚରା କରିଛି ଏବଂ ପରେ ଛାଡ଼ିଦେଇଛି । ତାଙ୍କୁ ପୁଣି ଏଜେନ୍ସି ସାମ୍ନାରେ ହାଜର ହେବାକୁ ପଡ଼ିବ, କାହିଁକି ନା ବିସ୍ତୃତ ବୟାନ ଦାୟର ହେବାର ଅଛି । ଏନ୍‌ସିବି ପକ୍ଷରୁ କୁହାଯାଇଛି ଯେ, ଶାହାରୁଖଙ୍କ ପୁଅ ଆର୍ଯ୍ୟନ ଖାନ କ୍ରୁଜ ସିପରେ ଡ୍ରଗ୍ସ ସେବନ କରିଛି । ଏହା ନାର୍କୋଟିକ୍ସ ଡ୍ରଗ୍ସ ଆଣ୍ଟ ସାଇକୋଟ୍ରାପିକ୍ ସବ୍‌ଟେନ୍ସ ଆକ୍ଟ ୧୯୮୫ ଅନୁଯାୟୀ ଭାରତରେ ଏହା ଏକ ଅପରାଧ । ଏନସିବି ଆର୍ଯ୍ୟନ ଖାନ୍ ଉପରେ ଅବୈଧ ଡ୍ରଗ୍ସ ବିକ୍ରି ନେଇ ମଧ୍ୟ ଅଭିଯୋଗ କରିଛି ।

ଏଥିସହିତ ପଢ଼ନ୍ତୁ: ନିଖୋଜ ଆଲିବାବା ଗ୍ରୁପର ପ୍ରତିଷ୍ଠାତା ଜାକ ମାଙ୍କ ମିଳିଲା ସନ୍ଧାନ!

ରାଜ୍ୟ କଂଗ୍ରେସ ଭବନରେ ଗୋଷ୍ଠୀ ସଂଘର୍ଷ: ଯୁବ କଂଗ୍ରେସର ଦୁଇ ଗୋଷ୍ଠୀ ମୁହାଁମୁହିଁ

ଭୁବନେଶ୍ୱର: ରାଜ୍ୟ କଂଗ୍ରେସ ଭବନରେ ଗୋଷ୍ଠୀ ସଂଘର୍ଷ  । କଂଗ୍ରେସ ଭବନ ଭିତରେ ଯୁବ କଂଗ୍ରେସର ଦୁଇଗୋଷ୍ଠୀ ମୁହାଁମୁହିଁ । ଯୁବ କଂଗ୍ରେସ ସଭାପତିଙ୍କ ଅଫିସରେ ବ୍ୟାପକ ଭଙ୍ଗାରୁଜା । ଗତକାଲି ରାତିରେ ଦୁଇ ଗୋଷ୍ଠୀ ହୋଇଥିଲେ ମୁହାଁମୁହିଁ । ରାଜ୍ୟ କଂଗ୍ରେସରେ ଆଭ୍ୟନ୍ତରୀଣ କନ୍ଦଳ ଦିନକୁ ଦିନ ବଢ଼ିବାରେ ଲାଗିଛି । ସାଂଗଠନିକ ମୁଖ୍ୟକୁ ନେଇ ଦଳ ଭିତରେ ଅସନ୍ତୋଷ ଥିବା ଗୋଟିଏ ପରେ ଗୋଟିଏ ନିର୍ବାଚନରେ ଦଳର ନୈରାଶ୍ୟଜନକ ପ୍ରଦର୍ଶନ ଦଳୀୟ କର୍ମୀଙ୍କୁ ଅଧିକ ହତୋତ୍ସାହିତ କରିବା ସହ କ୍ଷୁବ୍ଧ କରୁଛି । ଏଣୁ ବିଭିନ୍ନ ସମୟରେ ଦଳର ରାଜ୍ୟ ନେତୃତ୍ୱକୁ ନେଇ ବିରୋଧ ପ୍ରଦର୍ଶନ ହୋଇଆସୁଛି ।

ସୂଚନା ଯୋଗ୍ୟ ଯେ, କଂଗ୍ରେସରେ କିଛି ଭଲ ନାହିଁ । ଏ କଥାକୁ ମାନିଛନ୍ତି ଦଳର ବରିଷ୍ଠ ନେତା ଚିରଞ୍ଜୀବ ବିଶ୍ୱାଳ । ରାଜ୍ୟ କଂଗ୍ରେସ ଏବେ ଏକ ଘଡ଼ିସନ୍ଧି ସମୟ ଦେଇ ଗତି କରୁଥିବା ଗତ କିଛି ଦିନ ତଳେ ସ୍ୱୀକାର କରିଥିଲେ ଚିରଞ୍ଜୀବ । ପିପିଲିରେ କଂଗ୍ରେସ ମାତ୍ର ୪ ହଜାର ଭୋଟ୍ ପାଇବା ଦଳର ନେତା ଓ କର୍ମୀଙ୍କୁ କ୍ଷୁବ୍ଧ କରିଛି । ଯାହାର ପ୍ରତିଫଳନ କଂଗ୍ରେସ ଭବନ ସମ୍ମୁଖରେ ହୋଇଥିଲା । କିଛି କଂଗ୍ରେସ କର୍ମୀ ଦଳୀୟ ସଭାପତିଙ୍କ ବିରୋଧରେ ବିକ୍ଷୋଭ ପ୍ରଦର୍ଶନ କରିବା ସହ ନେତୃତ୍ୱ ପରିବର୍ତ୍ତନ ପାଇଁ ଦାବି କରିଥିଲେ ।

ଏଥିସହିତ ପଢ଼ନ୍ତୁ: ଘଡ଼ିସନ୍ଧି ସମୟ ଦେଇ ଗତି କରୁଛି ରାଜ୍ୟ କଂଗ୍ରେସ: ଚିରଞ୍ଜୀବ ବିଶ୍ୱାଳ

ବଢ଼ୁଛି ଦୈନିକ ସଂକ୍ରମଣ: ରେଡ୍ ଜୋନ୍‌କୁ ଫେରିଲା ଖୋର୍ଦ୍ଧା

ଭୁବନେଶ୍ୱର: ରାଜ୍ୟରେ ପୁଣି ବଢିଲା ସଂକ୍ରମଣ । ଦିନକରେ ୬୧୫ ସଂକ୍ରମିତ ଚିହ୍ନଟ ହୋଇଥିବା ବେଳେ ପୁଣି ରେଡ୍ ଜୋନକୁ ଫେରିଲା ଖୋର୍ଦ୍ଧା । ଦିନକରେ ଖୋର୍ଦ୍ଧାରୁ ୩୨୩ ସଂକ୍ରମିତ ଚିହ୍ନଟ ହୋଇଛନ୍ତି । ପର୍ବ ପର୍ବାଣୀ ଯୋଗୁ ଭିଡ଼ ବଢିଛି । ଖୋର୍ଦ୍ଧା ଓ କଟକ ଜିଲ୍ଲାରେ ସଂକ୍ରମଣ ବଢିଛି । ରାଜ୍ୟର ସଂକ୍ରମଣ ଉପର ତଳ ହେଉଛି । ଏନେଇ ଚିନ୍ତା ପ୍ରକଟ କରିଛନ୍ତି ଡିଏମଇଟି ନିର୍ଦ୍ଦେଶକ ସିବିକେ ମହାନ୍ତି । ତେବେ ଟେଷ୍ଟ ପିଜିଟିଭ ରେଟ, ଆକ୍ଟିଭ କେସକୁ ଦେଖି ଖୋର୍ଦ୍ଧାକୁ ରେଡ୍ ଜୋନ୍ ଘୋଷଣା କରିଛି ସ୍ୱାସ୍ଥ୍ୟ ବିଭାଗ । ସଚେତନତା ହିଁ ସଂକ୍ରମଣ ରୋକିବ । ତେଣୁ ପାର୍ବଣରେ ଭିଡ ନକରି ସଚେତନ ରହିବାକୁ ପରାମର୍ଶ ଦେଇଛନ୍ତି ଡିଏମଇଟି ନିର୍ଦ୍ଦେଶକ ସିବିକେ ମହାନ୍ତି ।

ସୂଚନା ଯୋଗ୍ୟ ଯେ, ଆଜି ରାଜ୍ୟରେ ମୋଟ ୬୧୫ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । କ୍ୱାରେଣ୍ଟାଇନ୍‌ରୁ ୩୫୭ ଜଣ ଚିହ୍ନଟ ହୋଇଥିବା ବେଳେ ସ୍ଥାନୀୟ ଅଞ୍ଚଳରୁ ୨୫୮ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି ।

 

ପୁରୀରେ ବ୍ରାଉନସୁଗାର କାରବାର: ୫ଜଣ ଡ୍ରଗ୍ସ ବେପାରୀ ଗିରଫ, ୨୫୨ ଗ୍ରାମ ଜବତ

ପୁରୀ: ବ୍ରାଉନ ସୁଗାର ବିକ୍ରି ଅଭିଯୋଗରେ ୫ ଜଣ ଡ୍ରଗ୍ସ ବ୍ୟବସାୟୀ ଗିରଫ । ୫ ଜଣ ଡ୍ରଗ୍ସ ବ୍ରବସାୟୀଙ୍କୁ ଗିରଫ କରିଛି ପୁରୀ ଏସଟିଏଫ୍ । ଏନେଇ ବଳିଆପଣ୍ଡା ଥାନାରେ ମାମଲା ରୁଜୁ ହୋଇଛି । ଗିରଫ ଅଭିଯୁକ୍ତଙ୍କ ପାଖରୁ ୨୫୨ ଗ୍ରାମ ବ୍ରାଉନ ସୁଗାର ଜବତ ହୋଇଛି । ଘଟଣାରେ ଗୋଟିଏ ବାଇକ, ଗୋଟିଏ କାର, ୧୧ଟି ମୋବାଇଲ ଫୋନ, ଦୁଇଟି ଡେବିଟ କାର୍ଡ ଜବତ ହୋଇଛି । ଅଭିଯୁକ୍ତ ମାନେ ବଳିଆପଣ୍ଡା ବାଇପାସ ରାସ୍ତାରେ ଡ୍ରଗ୍ସ ବ୍ୟବସାୟ କରିବା ପାଇଁ ଯୋଜନା କରୁଥିବା ବେଳେ ପୋଲିସ ଓ ଏସଟିଏଫ ମିଳିତ କରି ଏମାନଙ୍କୁ ଗିରଫ କରିଛି ।

ଏଥିସହିତ ପଢ଼ନ୍ତୁ: ଖୋଲୁଛି ମନୀଷଙ୍କ ମୃତ୍ୟୁ ରହସ୍ୟ: ଆତ୍ମସମର୍ପଣ କଲେ ୨ ସନ୍ଦିଗ୍ଧ

 

ପାକିସ୍ତାନୀ ଆତଙ୍କବାଦୀର ସ୍ୱୀକାରୋକ୍ତି: ୨୦୧୧ ହାଇକୋର୍ଟ ବିସ୍ଫୋରଣରେ କରିଥିଲା ରେକି

ନୂଆଦିଲ୍ଲୀ: ସନ୍ଦିଗ୍ଦ ପାକିସ୍ତାନୀ ଆତଙ୍କବାଦୀଙ୍କ ଠାରୁ ବହୁ ଗୁରୁତ୍ୱପୂର୍ଣ୍ଣ ତଥ୍ୟ ହାସଲ କରିଛି ଦିଲୀ ପୋଲିସ । ସ୍ୱତନ୍ତ୍ର ସେଲ ମଙ୍ଗଳବାର ଯେଉଁ ସନ୍ଦିଗ୍ଧ ପାକିସ୍ତାନୀ ଆତଙ୍କୀ ମହମ୍ମଦ ଅସରଫଙ୍କୁ ଧରିଥିଲେ ସେ ପଚରାଉଚରା ବେଳେ ବହୁ ବିଷୟରେ ଖୁଲାସା କରିଛି । ମିଳିଥିବା ସୂଚନା ମୁତାବକ, ୨୦୧୧ ମସିହାରେ ହାଇକୋର୍ଟ ବାହାରେ ଯେଉଁ ବ୍ଳାଷ୍ଟ ହୋଇଥିଲା ସେହି ସମୟରେ ଏହି ଅଭିଯୁକ୍ତ ଜଣଙ୍କ ରେକି କରିଥିଲେ ।

ତେବେ ସେ ସେହି ବ୍ଳାଷ୍ଟରେ ସାମିଲ ଥିଲା କି ନାହିଁ ତାହା ପଚରାଉଚରା ପରେ ହିଁ ସ୍ପଷ୍ଟ ହେବ । ଅସରଫ୍ ଠାରୁ NIA, RAW’ ଏବଂ MI ମଧ୍ୟ ଦୀର୍ଘ ସମୟ ଧରି ପଚରାଉଚରା କରିଛି । ଏହା ବ୍ୟତୀତ ୨୦୧୧ରେ ଏହି ସନ୍ଦିଗ୍ଧ ଜଣଙ୍କ ଆଇଟିଆଇ ସ୍ଥିତ ହେଡକ୍ୱାଟର (ପୁରୁଣା ପୋଲିସ ହେଡକ୍ୱାଟର)ର ମଧ୍ୟ ରେକି କରିଥିଲା । ଏହି ବ୍ୟକ୍ତିଜଣଙ୍କ ଦେଇଥିବା ସୂଚନା ଅନୁଯାୟୀ ସେ ଥରେ ରେକି କରିଥିଲେ କିନ୍ତୁ କିଛି ବିଶେଷ ସୂଚନା ମିଳିନଥିଲା । କାହିଁକି ନାଁ ବାହାର ଲୋକଙ୍କୁ ପୋଲିସ ଡାଇରେକ୍ଟର ରହଣୀ ନେଇ ଅନୁମତି ଦେଉନଥିଲେ । ଏଥିସହିତ ଆଇଏସବିଟିର ମଧ୍ୟ ରେକି କରି ଏ ସମ୍ପର୍କିତ ସୂଚନା ପାକିସ୍ତାନ ହ୍ୟାଣ୍ଡଲର୍ସଙ୍କୁ ପଠାଇଥିଲା । ତେବେ ଅସରଫ୍ ଦିଲ୍ଳୀର କୌଣସି ବିସ୍ଫୋରଣରେ ସିଧାସଳଖ ସାମିଲ ରହିଛି କି ନାହିଁ ଏ ନେଇ ମଧ୍ୟ ତଦନ୍ତ ଚାଲିଛି ।

୧. ୨୦୦୯ ଜୁନ୍‌ରେ ଜମ୍ମୁ ବସଷ୍ଟାଣ୍ଡ ଉପରେ ବ୍ଳାଷ୍ଟ ହୋଇଥିଲା । । ୩ରୁ୪ ଜଣଙ୍କ ମୃତ୍ୟୁ ହୋଇଥିଲା । ଆଇଏସ୍ଆଇର ଅଧିକାରୀ ନାସିର କହିବା ପରେ ଆକ୍ରମଣ ହୋଇଥିଲା ।

୨, ୨୦୧୧ ମସିହାରେ ଦିଲ୍ଳୀ ହାଇକୋର୍ଟ ବ୍ଳାଷ୍ଟରେ ରେକି କରିଥିଲା । ଏହି ବିସ୍ଫୋରଣ ଭିଆଇବା ଲାଗି ୨ ଜଣ ପାକିସ୍ତାନୀ ଆସିଥିଲେ

୩. ଜମ୍ମୁ କଶ୍ମୀରରେ ୫ ଆର୍ମି ଯବାନଙ୍କୁ ଅତି ନିଷ୍ଠୁରତାର ସହ ହତ୍ୟା କରାଯାଇଥିଲା

୪. ଆଇଏସ୍‌ଆଇର ଅଫିସର ନାସିରର କହିବା ପରେ ଜମ୍ମୁ କଶ୍ମୀରରେ ଅସ୍ତ୍ର-ଶସ୍ତ୍ର ସପ୍ଳାଏ କରିବାକୁ ଯାଇଥିଲା ।

୫. ଆଇଏସ୍‌ଆଇ ଅଫିସର କଥାବାର୍ତ୍ତା ସବୁବେଳେ ଇ-ମେଲ ଜରିଆରେ ହିଁ ହୋଇଥାଏ । ଇମେଲ୍‌ରେ ଡ୍ରାଫ୍ଟରେ ମେସେଜ୍ ଛଡ଼ାଯାଏ

ଖୋଲୁଛି ମନୀଷଙ୍କ ମୃତ୍ୟୁ ରହସ୍ୟ: ଆତ୍ମସମର୍ପଣ କଲେ ୨ ସନ୍ଦିଗ୍ଧ

ଭୁବନେଶ୍ୱର: ମନୀଷ ଅନୁରାଗ ମୃତ୍ୟୁ ମିଷ୍ଟ୍ରି । ଖୋଲିଲା ଆଉ ଏକ ରହସ୍ୟ । ଫୁଲବାଣୀ ଟାଉନ ଥାନାରେ ଆତ୍ମସମର୍ପଣ କଲେ ଦୁଇ ସନ୍ଦିଗ୍ଧ । ଦୁଇ ସନ୍ଦିଗ୍ଧ ହେଲେ ଲିଟୁ ଓରଫ ଦିନେଶ ମହାପାତ୍ର ଓ ମୁନା ଓରଫ ମୃତ୍ୟୁଞ୍ଜୟ । ମୃତ୍ୟୁ ପୂର୍ବରୂ ଏହି ଦୁଇ ଜଣ ହୋଟେଲରେ ମନୀଷଙ୍କ ସହ ଥିଲେ । ସନ୍ଦେହରେ ପୋଲିସ ଉଭୟ ଲିଟୁ ଓ ମୁନ୍ନାଙ୍କୁ ଖୋଜୁଥିଲା ।

ଆଜି ଉଭୟଙ୍କୁ ଭୁବନେଶ୍ୱର ଆଣି ଅଧିକ ପଚରାଉଚରା କରିବ ପୋଲିସ । ଲିଟୁ ଓ ମୁନ୍ନାଙ୍କୁ ଘଟଣା ଦିନ ଫେରାର କରିବା ଅଭିଯୋଗରେ ହିମାଂଶୁ ନାମକ ଜଣେ ଯୁବକଙ୍କୁ ଅଟକ ରଖିଛି ପୋଲିସ । ସମୁଦାୟ ୪ ଜଣଙ୍କୁ ଅଟକ ରଖି ପୋଲିସ ମନୀଷ ମୃତ୍ୟୁ ରହସ୍ୟ ଖୋଜିବାରେ ଲାଗିଛି । ସେପଟେ ଗତକାଲି ମନୀଷଙ୍କ ମୃତ୍ୟୁ ପୂର୍ବର ଶେଷ ଫଟୋ ସାମ୍ନାକୁ ଆସିଥିଲା ।

 

ପାତ୍ରପଡ଼ା ସାଉଥ୍‌ ସିଟି ବାର ନିକଟ ରାସ୍ତାରେ ଚାଲି ଯାଉଥିବାର ସିସିଟିଭି ଫଟୋ ଆସିଥିଲା । ହୋଟେଲ୍‌ରୁ ବାହାରି ମନୀଷ ସାଙ୍ଗଙ୍କ କାର ନିକଟକୁ ଯାଉଥିବା ବେଳର ଏହି ଦୃଶ୍ୟ ସିସିଟିଭି କ୍ୟାମେରାରେ କଏଦ ହୋଇଥିଲା । ହୋଟେଲ୍‌ରୁ ବାହାରିବା ପରେ ମନୀଷ କୁଆଡ଼େ ଯାଇଥିଲେ ? କେମିତି ହୋଇଥିଲା ମୃତ୍ୟୁ ? ପୋଖରୀ ପାଖକୁ କେମିତି ଗଲେ ମନୀଷ ? ମୃତ୍ୟୁ ପଛରେ ରହିଛି କି ସାଙ୍ଗଙ୍କ ଲିଙ୍କ ? ଶେଷ ଫଟୋରୁ ମନୀଷ ମୃତ୍ୟୁର ସୁରାକ୍‌ ଖୋଜୁଛି ପୋଲିସ ।

ଏଥିସହିତ ପଢ଼ନ୍ତୁ: ଡାକ୍ତରୀ ଛାତ୍ରୀ ନିରୁପମାଙ୍କ ଆସିଲା ପୋଷ୍ଟମର୍ଟମ ରିପୋର୍ଟ, ଭାଙ୍ଗିଛି ବେକ ହାଡ଼

ନିଖୋଜ ଆଲିବାବା ଗ୍ରୁପର ପ୍ରତିଷ୍ଠାତା ଜାକ ମାଙ୍କ ମିଳିଲା ସନ୍ଧାନ!

ନୂଆଦିଲ୍ଲୀ: କଳ୍ପନା ଜଳ୍ପନାର ଅବସାନ । ନିଖୋଜ ଆଲିବାବା ଗ୍ରୁପର ପ୍ରତିଷ୍ଠାତା ଜାକ ମାଙ୍କ ମିଳିଛି ସନ୍ଧାନ । ସେ ହଂକଂରେ ରହିଛନ୍ତି ଏବଂ ସେଠାରୁ ନିଜର ବ୍ୟବସାୟ ପରିଚାଳନା କରୁଛନ୍ତି ବୋଲି ରିପୋର୍ଟ ପ୍ରକାଶ ପାଇଛି । ଗତବର୍ଷ ଅକ୍ଟୋବରରେ ସେ ସାଂଘାଇରେ ଏକ ସଭାରେ ଚୀନର ଆର୍ଥିକ କଟକଣା ବିରୋଧରେ ସ୍ବର ଉତ୍ତୋଳନ କରିବା ପରେ ପରେ ନିଖୋଜ ହୋଇଯାଇଥିଲେ । ଏନେଇ ଅନେକ ପ୍ରକାର ଚର୍ଚ୍ଚା ହେଉଥିଲା । ସେ ହଂକଂରେ ସାଧାରଣ ଲୋକଙ୍କ ପରି ରହିଛନ୍ତି ଏବଂ କମ୍ପାନିର ଅଫିସରମାନଙ୍କୁ ଭେଟୁଥିବା ଜଣାଯାଇଛି । ଚୀନର ଆର୍ଥିକ ନୀତିକୁ ସମାଲୋଚନା କରିବା ପରେ ତାଙ୍କ ସ୍ଥିତି ଏପରି ହୋଇଥିଲା ଯେ, ସେ ନିଜର ଆଣ୍ଟ ଗ୍ରୁପର ମେଗା ଆଇପିଓ ରଦ୍ଦ କରିଥିଲେ ।

 

ଚୀନ ସରକାରଙ୍କୁ ବିରୋଧ କରିବା ପରଠାରୁ ସେ ଖୁବ୍ କମ୍ ଲୋକଙ୍କୁ ଭେଟିଥିଲେ । ପରେ ସେ ନିଖୋଜ ହୋଇଯାଇଥିଲେ । ତାଙ୍କ ସମ୍ପର୍କରେ ବି ଆଲିବାବା କମ୍ପାନୀ କର୍ତ୍ତୃପକ୍ଷ ନୀରବ ରହିଥିଲେ । ଚୀନର ସବୁଠାରୁ ଶକ୍ତିଶାଳୀ କମ୍ପାନିର ମାଲିକ ଭାବେ ଜାକ ମା ଚୀନ ସରକାରଙ୍କ ସବୁଠାରୁ ବଡ଼ ସମାଲୋଚକ ଥିଲେ । ନିଖୋଜ ହେବା ପୂର୍ବରୁ ଜାକ ମା ପୂର୍ବ ଚୀନର ହାଙ୍ଗଝୁ ସହରରେ ରହୁଥିଲେ । ସେଠାରୁ ସେ ତାଙ୍କ ବ୍ୟବସାୟ ସାମ୍ରାଜ୍ୟ ସମ୍ଭାଳୁଥିଲେ । ତିନିମାସ ତଳେ ଏକ ଭିଡିଓରେ ସେ କିଛି ଶିକ୍ଷକଙ୍କ ସହ ଆଲୋଚନା କରୁଥିବା ଦେଖାଯାଇଥିଲା । ମାତ୍ର ତାଙ୍କ ସମ୍ପର୍କରେ କିଛି ସ୍ପଷ୍ଟ ସୂଚନା ମିଳି ନଥିଲା । ଗତ ମେ ମାସରେ ସେ ହାଙ୍ଗଝୁସ୍ଥିତ ନିଜ ଘରକୁ ଯାଇଥିଲେ ବି ଏହା ଅତି ଗୋପନୀୟ ଥିଲା । ଗତ ସେପ୍ଟେମ୍ବର 1ରେ ବି ସେ ଝେଜିଆଙ୍ଗ ପ୍ରଜାତନ୍ତ୍ରକୁ ଯ଼ାଇଥିବା ନେଇ ଚର୍ଚ୍ଚା ହୋଇଥିଲା ।

ଅପରାହ୍ଣରେ ଆର୍ଯ୍ୟନଙ୍କ ଜାମିନ ଆବେଦନର ଶୁଣାଣି

ମୁମ୍ୱାଇ: ଆଜି କୋର୍ଟରେ କଣ ହେବ ଆର୍ଯ୍ୟନଙ୍କ ଭାଗ୍ୟ । ବେଲ୍ ମିଳିବ ନା ପୁଣି ଜେଲ । କ୍ରୁଜ ଡ୍ରଗ୍ସ ପାର୍ଟି ମାମଲାରେ ଗିରଫ ଶାହାରୁଖଙ୍କ ପୁଅ ଆର୍ଯ୍ୟାନଙ୍କ ଆଜି ପୁଣି ହେବ ଜାମିନ ଶୁଣାଣି । ଅପରାହ୍ନ ୨ଟା ୪୫ରେ ଜାମିନ ଆବେଦନର ଶୁଣାଣି କରିବେ କୋର୍ଟ । ପୂର୍ବରୁ ବେଲ୍ ଆବେଦନ କରି ତିନି ଥର ନିରାଶ ହୋଇ ସାରିଛନ୍ତି ଆର୍ଯ୍ୟନ । ଗତ ୧୧ ତାରିଖରେ ଆର୍ଯ୍ୟନଙ୍କ ଜାମିନ ଆବେଦନର ଶୁଣାଣି ହେବାର ଥିଲା ।

ମାତ୍ର କୋର୍ଟ ତାହାକୁ ଆଜି ପାଇଁ ସ୍ଥଗିତ ରଖିଥିଲେ । ଗିରଫ ପରେ ବାରମ୍ବାର କୋର୍ଟରୁ ନିରାଶ ହୋଇ ଆର୍ଯ୍ୟନ ଏବେ ମୁମ୍ବାଇ ଜେଲରେ ଅଛନ୍ତି । ମାମଲା ଗମ୍ଭୀର ଥିବାରୁ ତଳ କୋର୍ଟରେ ନୁହେଁ, ସେସନ୍ କୋର୍ଟକୁ ଯିବା ପାଇଁ ପୂର୍ବରୁ ଆର୍ଯ୍ୟନଙ୍କ ଓକଲିଙ୍କୁ କହିଥିଲେ କୋର୍ଟ । କୋର୍ଟରେ ଶୁଣାଣି ବେଳେ ଏନସିବି ଓ ଆର୍ଯ୍ୟନଙ୍କ ଓକିଲଙ୍କ ମଧ୍ୟରେ ହୋଇଥିଲା ଜବରଦସ୍ତ ଯୁକ୍ତିତର୍କ । ତଥାପି ଏପର୍ଯ୍ୟନ୍ତ ଆର୍ଯନଙ୍କୁ ଜାମିନ ମିଳିପାରିନାହିଁ । ତେବେ ଆଜି ତାଙ୍କୁ ଜାମିନ ମିଳିବ କି ନାହିଁ ତାହା ଉପରେ ନଜର ।

 

 

ମାଓ ମୁକାବିଲା ଦିଗରେ ମାଲକାନଗିରି ପୋଲିସକୁ ବଡ଼ ସଫଳତା: ଜିଲ୍ଲା ଗସ୍ତରରେ ଯିବେ ଡିଜିପି

ମାଲକାନଗିରି: ଗତ କିଛି ଦିନ ପରେ ମାଲକାନଗିରି ପୋଲିସକୁ ମିଳିଲା ଏକ ବଡ଼ ଧରଣର ସଫଳତା। ମାଲକାନଗିରି ଜିଲ୍ଲାକୁ ଏକ ସମ୍ପୂର୍ଣ୍ଣ ମାଓମୁକ୍ତ ଅଞ୍ଚଳ ଭାବେ ପରିଣତ କରିବାକୁ ପୋଲିସର ଏହା ଏକ ଦୃଢ଼ ପଦକ୍ଷେପ। ମାଥିଲି ବ୍ଲକ ଅନ୍ତର୍ଗତ ତୁଳସୀ ପାହାଡ଼ ସବୁବେଳେ ମାଓବାଦୀଙ୍କ କାର୍ଯ୍ୟକଳାପ ପାଇଁ ପୋଲିସ ପାଇଁ ଏକ ବଡ଼ ଚ୍ୟାଲେଞ୍ଜ ସୃଷ୍ଟି କରିଥିଲା। ଏହି ପାହାଡର ଅପର ପାର୍ଶ୍ଵରେ ଛତିଶଗଡ଼ ରହିଥିବା ଯୋଗୁଁ ମାଓବାଦୀଙ୍କ ପାଇଁ ସୁରକ୍ଷା ସ୍ଥଳୀ ଭାବେ ପରିଗଣିତ ହୋଇଆସୁଛି। ହେଲେ ଏହି ଅଞ୍ଚଳ ଉପରେ ଏବେ ପୋଲିସ ଓ ସୁରକ୍ଷା ବାହିନୀର ଫୋକସରେ ରହିଛି ।

ଗତକାଲି ଆରମ୍ଭ ହୋଇଥିଲା ମାଓଦମନ ଅପରେସନ। ସାମିଲ ହୋଇଥିଲେ SOG ଓ DVF ଯବାନ । ସର୍ଚିଂ ଅପରେସନ କରିବା ବେଳେ ମୁହାଁମୁହିଁ ହୋଇଥିଲେ ମାଓବାଦୀଙ୍କ ସହ। ଯବାନଙ୍କୁ ଦେଖି ମାଓବାଦୀ ଗୁଳି ଚଳାଇବାରୁ କାଉଣ୍ଟର ଜବାବ ଦେଇଥିଲା ପୋଲିସ । ଏହି ଘଟଣାରେ ୨ ମହିଳା, ମାଓବାଦୀ ସମେତ ୩ଜଣ ନିହତ ହୋଇଥିଲେ। ତୁଳସୀ ପାହାଡ଼ ଅପରେସନ ସାରି ଆଜି ଫେରିଛନ୍ତି ପୋଲିସ ଟିମ। ଦୀର୍ଘ ୧୮ ରୁ ୨୦ ଘଣ୍ଟାର ଅପରେସନ ଚାଲିଥିଲା । ୩ ମାଓବାଦୀଙ୍କ ଶବ ଓ ମାଓ ସାମଗ୍ରୀ ସହ ଫେରିଲା ଏହି ଦଳ। ଆଜି ଡିଜିପି ଅଭୟ କୁମାର ମାଲକାନଗିରି ପହଁଚି ଘଟଣାର ସମୀକ୍ଷା କରୁଛନ୍ତି । ତୁଳସୀ ପାହାଡ଼ ଏନକାଉଣ୍ଟର ଘଟଣାର ମଧ୍ୟ ସେ ସମୀକ୍ଷା କରୁଛନ୍ତି । ଜିଲ୍ଲାରେ ସୁରକ୍ଷା ବ୍ୟବସ୍ଥା ଓ ମାଓଦମନ ନେଇ ମଧ୍ୟ ବରିଷ୍ଠ ଅଧିକାରୀଙ୍କ ସହ ଆଲୋଚନା ମଧ୍ୟ କରିବେ।

ଏଥିସହିତ ପଢ଼ନ୍ତୁ: ଆସନ୍ତା ୨୪ ଘଣ୍ଟା ମଧ୍ୟରେ ଲଘୁଚାପର ରୂପ ନେବ ଆଣ୍ଡାମାନ ସାଗରେ ସୃଷ୍ଟ ଘୂର୍ଣ୍ଣିବଳୟ