spot_img
Home Blog Page 5247

ମାଓ ମୁକାବିଲା ଦିଗରେ ମାଲକାନଗିରି ପୋଲିସକୁ ବଡ଼ ସଫଳତା: ଜିଲ୍ଲା ଗସ୍ତରରେ ଯିବେ ଡିଜିପି

ମାଲକାନଗିରି: ଗତ କିଛି ଦିନ ପରେ ମାଲକାନଗିରି ପୋଲିସକୁ ମିଳିଲା ଏକ ବଡ଼ ଧରଣର ସଫଳତା। ମାଲକାନଗିରି ଜିଲ୍ଲାକୁ ଏକ ସମ୍ପୂର୍ଣ୍ଣ ମାଓମୁକ୍ତ ଅଞ୍ଚଳ ଭାବେ ପରିଣତ କରିବାକୁ ପୋଲିସର ଏହା ଏକ ଦୃଢ଼ ପଦକ୍ଷେପ। ମାଥିଲି ବ୍ଲକ ଅନ୍ତର୍ଗତ ତୁଳସୀ ପାହାଡ଼ ସବୁବେଳେ ମାଓବାଦୀଙ୍କ କାର୍ଯ୍ୟକଳାପ ପାଇଁ ପୋଲିସ ପାଇଁ ଏକ ବଡ଼ ଚ୍ୟାଲେଞ୍ଜ ସୃଷ୍ଟି କରିଥିଲା। ଏହି ପାହାଡର ଅପର ପାର୍ଶ୍ଵରେ ଛତିଶଗଡ଼ ରହିଥିବା ଯୋଗୁଁ ମାଓବାଦୀଙ୍କ ପାଇଁ ସୁରକ୍ଷା ସ୍ଥଳୀ ଭାବେ ପରିଗଣିତ ହୋଇଆସୁଛି। ହେଲେ ଏହି ଅଞ୍ଚଳ ଉପରେ ଏବେ ପୋଲିସ ଓ ସୁରକ୍ଷା ବାହିନୀର ଫୋକସରେ ରହିଛି ।

ଗତକାଲି ଆରମ୍ଭ ହୋଇଥିଲା ମାଓଦମନ ଅପରେସନ। ସାମିଲ ହୋଇଥିଲେ SOG ଓ DVF ଯବାନ । ସର୍ଚିଂ ଅପରେସନ କରିବା ବେଳେ ମୁହାଁମୁହିଁ ହୋଇଥିଲେ ମାଓବାଦୀଙ୍କ ସହ। ଯବାନଙ୍କୁ ଦେଖି ମାଓବାଦୀ ଗୁଳି ଚଳାଇବାରୁ କାଉଣ୍ଟର ଜବାବ ଦେଇଥିଲା ପୋଲିସ । ଏହି ଘଟଣାରେ ୨ ମହିଳା, ମାଓବାଦୀ ସମେତ ୩ଜଣ ନିହତ ହୋଇଥିଲେ। ତୁଳସୀ ପାହାଡ଼ ଅପରେସନ ସାରି ଆଜି ଫେରିଛନ୍ତି ପୋଲିସ ଟିମ। ଦୀର୍ଘ ୧୮ ରୁ ୨୦ ଘଣ୍ଟାର ଅପରେସନ ଚାଲିଥିଲା । ୩ ମାଓବାଦୀଙ୍କ ଶବ ଓ ମାଓ ସାମଗ୍ରୀ ସହ ଫେରିଲା ଏହି ଦଳ। ଆଜି ଡିଜିପି ଅଭୟ କୁମାର ମାଲକାନଗିରି ପହଁଚି ଘଟଣାର ସମୀକ୍ଷା କରୁଛନ୍ତି । ତୁଳସୀ ପାହାଡ଼ ଏନକାଉଣ୍ଟର ଘଟଣାର ମଧ୍ୟ ସେ ସମୀକ୍ଷା କରୁଛନ୍ତି । ଜିଲ୍ଲାରେ ସୁରକ୍ଷା ବ୍ୟବସ୍ଥା ଓ ମାଓଦମନ ନେଇ ମଧ୍ୟ ବରିଷ୍ଠ ଅଧିକାରୀଙ୍କ ସହ ଆଲୋଚନା ମଧ୍ୟ କରିବେ।

ଏଥିସହିତ ପଢ଼ନ୍ତୁ: ଆସନ୍ତା ୨୪ ଘଣ୍ଟା ମଧ୍ୟରେ ଲଘୁଚାପର ରୂପ ନେବ ଆଣ୍ଡାମାନ ସାଗରେ ସୃଷ୍ଟ ଘୂର୍ଣ୍ଣିବଳୟ

ଲାଞ୍ଜିଗଡ଼ରେ ହାତୀ ଉତ୍ପାତ: ଘରେ ପଶି ଆସବାବପତ୍ର ଭାଙ୍ଗିଲେ

କଳାହାଣ୍ଡି: ଲାଞ୍ଜିଗଡ ବ୍ଳକର ଛତ୍ରପୁର ପଞ୍ଚାୟତ ମସ୍କାପଦର ଗାଁରେ ହାତୀ ଆତଙ୍କ । କଲୋନୀ ପଡ଼ାର ଲିଙ୍ଗରାଜ ମାଝୀ ଓ ଖଜୁରପଦର ଗାଁର ସୁବର୍ଣ୍ଣ ମାଝୀ, ମେଣ୍ଡି ମାଝୀଙ୍କ ଘରେ ଗତକାଲି ବିଳମ୍ବିତ ରାତିରେ ହାତୀଙ୍କ ଉତ୍ପାତ । ହାତୀପଲ ପଶି ସେମାନଙ୍କ ଘର ଭାଙ୍ଗିବା ସହ ଘରେ ଥିବା ଆସବାବ ପତ୍ର ଓ ଧାନ ଚାଉଳ ନଷ୍ଟ କରିଦେଇଛନ୍ତି। ଘଟଣା ସମ୍ପର୍କରେ ସ୍ଥାନୀୟ ବିଡ଼ିଓ ଜାଣିବା ପରେ କ୍ଷତିଗ୍ରସ୍ତ ପରିବାର ଲୋକଙ୍କୁ ଚାଉଲ ଯୋଗାଇ ଦିଆଯିବ ବୋଲି କହିବା ସହ ପାଇଁ ତହସିଲଦାର ପଲିଥିନ ଓ ବନ ବିଭାଗ ପକ୍ଷରୁ ସେମାନଙ୍କୁ କ୍ଷତିପୂରଣ ଦିଆଯିବ ବୋଲି ରେଞ୍ଜ ଅଧିକାରୀ କହିଛନ୍ତି ।

ଏଥିସହିତ ପଢ଼ନ୍ତୁ: ଶିକ୍ଷକ କଲୋନୀରେ ବଡ଼ ଧରଣର ଲୁଟ: ଦେଢ଼ ଲକ୍ଷ ନଗଦ ସହ ୩ଭରି ସୁନା ଲୁଟ୍

ଶିକ୍ଷକ କଲୋନୀରେ ବଡ଼ ଧରଣର ଲୁଟ: ଦେଢ଼ ଲକ୍ଷ ନଗଦ ସହ ୩ଭରି ସୁନା ଲୁଟ୍

ବୌଦ୍ଧ: ପୁରୁଣାକଟକ ଥାନା ଚାରି ଛକ ସ୍ଥିତ ଏସବିଆଇ ଶାଖା ନିକଟରେ ଥିବା ଶିକ୍ଷକ କଲୋନୀରେ ଏକ ବଡ଼ ଧରଣର ଲୁଟ ହୋଇଥିବା ଜଣାପଡ଼ିଛି । ପ୍ରାପ୍ତ ସୂଚନା ସମତେ ଶିକ୍ଷକ ଦାମଦର ରାଉତ ଏବଂ ତାଙ୍କ ପତ୍ନୀ ସ୍ୱାସ୍ଥ୍ୟ ଚିକିତ୍ସା ପାଇଁ ୩ଦିନ ପୂର୍ବରୁ ବାହାରକୁ ଯାଇଥିଲେ।ଘରେ କେହି ନଥିବା ବେଳେ ସେମାନଙ୍କ ଅନୁପସ୍ଥିତିର ସୁଯୋଗ ନେଇ ଘରର ତାଲା ଓ ଗଡ଼ରେଜ ଭାଙ୍ଗି ଅଜଣା ଦୁର୍ବୃତ୍ତ ମାନେ ଦେଢ଼ ଲକ୍ଷ ଟଙ୍କାରୁ ଊର୍ଦ୍ଧ୍ୱ ନଗଦ ଟଙ୍କା, ସୁନା ୩ ଭରି ଓ ରୁପା ୫୦ ଗ୍ରାମ ଚୋରି ହୋଇଥିବା ଅଭିଯୋଗ ହୋଇଛି ।

ଗତକାଲି ବିଳମ୍ବିତ ରାତିରେ ସେମାନେ ଘରକୁ ଫେରି ଘରର ବିଭିନ୍ନ ବଖରାର ତାଲା ଓ ଗଡ଼ ରେଜ ସବୁ ଭଙ୍ଗା ଯାଇଥିବା ଦେଖିବାକୁ ପାଇବା ପରେ ପୁରୁଣାକଟକ ଥାନାକୁ ଜଣାଇଥିଲେ।ପୋଲିସ ଘଟଣା ସ୍ଥଳକୁ ଯାଇ ପ୍ରାଥମିକ ତଦନ୍ତ କରି ଚୋରୀ ହୋଇଥିବା ଘର ପାଖରେ ରହୁଥିବା ପଶ୍ଚିମବଙ୍ଗ ଅଞ୍ଚଳର ବଙ୍ଗାଳି ମିସ୍ତ୍ରୀ ମାନଙ୍କୁ ଅଟକ ରଖି ପଚରା ଉଚରା କରୁଛି।

ମଣ୍ଡପରେ ଆଜି ମାଆଙ୍କ ମହାଷ୍ଟମୀ, ପୀଠରେ ନବମୀ: କୋଭିଡ କଟକଣା ମଧ୍ୟରେ ଚାଲିଛି ଆରାଧାନା

କଟକ/ଭୁବନେଶ୍ୱର: କୋଭିଡ ସଂକଟରେ ଧରାବତରଣ କରିଛନ୍ତି ମାଆ । କଟକଣାରେ ଚାଲିଛି ମାଆଙ୍କ ପୂଜାର୍ଚ୍ଚନା । ନାହିଁ ସୁଉଚ୍ଚ ତୋରଣ କିମ୍ବା ଆଖି ଝଲସିଲା ପରି ଆଲୁଅ ମାଳା । କେବଳ ବିଧି ଅନୁସାରେ ଚାଲିଛି ମାଆଙ୍କ ଆରାଧନା । ଆଜି ମଣ୍ଡପରେ ମାଆଙ୍କର ମହାଷ୍ଟମୀ, ପୀଠରେ ନବମୀ ପୂଜା । ଆଜି ଅଷ୍ଟମୀରେ ବ୍ରତ ପୂଜା କରାଯିବାର ପରମ୍ପରା ରହିଛି ।

ମହିଳା ମାନେ ମଣ୍ଡପରେ ଦୁର୍ଗାଷ୍ଟମୀ ବ୍ରତ ପୂଜା କରି ଧାରଣ କରିବେ । ଅନ୍ୟପକ୍ଷରେ ରାଜ୍ୟର ବିଭିନ୍ନ ଶକ୍ତି ପୀଠରେ ଷୋଡଶ ଉପଚାର ପୂଜାର୍ଚ୍ଚନା ହେଉଛି । ଆଜି ମାଆ କଟକ ଚଣ୍ଡୀ ଗଡଚଣ୍ଡୀ ସହିତ ଅନ୍ୟ ଶକ୍ତିପୀଠରେ ମଧ୍ୟ ନବମୀ ପୂଜା ଅନୁଷ୍ଠିତ ହେବ । ମହାଲକ୍ଷ୍ମୀ ବେଶରେ ଦର୍ଶନ ଦେଉଛନ୍ତି କଟକ ଚଣ୍ଡୀ । ସେହିଭଳି ଗଡଚଣ୍ଡୀ ମହାକାଳି ବେଶରେ ଦର୍ଶନ ଦେଉଛନ୍ତି । ଆସନ୍ତାକାଲିଠୁ ସନ୍ଧିପୂଜା ସହିତ ବଙ୍ଗୀୟ ମେଢ ଗୁଡିକରେ ସିନ୍ଦୁର ଖେଳ ହେବ । ଶୁକ୍ରବାର ଦଶମୀରେ ପୂଜା ଅନୁଷ୍ଠିତ ହେବ ।

IPL 2021: ଦ୍ୱିତୀୟ କ୍ୱାଲିଫାୟାରରେ ମୁହାଁମୁହିଁ ହେବେ ଦିଲ୍ଲୀ କ୍ୟାପିଟାଲ୍ସ – କୋଲକାତା ନାଇଟ ରାଇଡର୍ସ

ଦୁବାଇ: ଫଟାଫଟ କ୍ରିକେଟରେ ଆଜି ଖେଳାଯିବ ଗୁରୁତ୍ୱପୂର୍ଣ୍ଣ ମ୍ୟାଚ୍ । ଚଳିତ ଆଇପିଏଲରେ ଆଜି ଦ୍ୱିତୀୟ କ୍ୱାଲିଫାୟାର ମ୍ୟାଚ୍ । ମୁହାଁମୁହିଁ ହେବେ ଦିଲ୍ଲୀ କ୍ୟାପିଟାଲ୍ସ ଓ କୋଲକାତା ନାଇଟ ରାଇଡର୍ସ । କିଏ ପାଇବ ଫାଇନାଲ୍ ଟିକେଟ୍ । ଶକ୍ତିଶାଳୀ ଚେନ୍ନାଇକୁ କିଏ ଦେବ ଚ୍ୟାଲେଞ୍ଜ ? ଏନେଇ ଆଜି ମ୍ୟାଚରେ ହେବ ଫଇସଲା । ସନ୍ଧ୍ୟା ୭ଟା ୩୦ରୁ ଆରମ୍ଭ ହେବ ହାଇଭୋଲଟେଜ୍ ମ୍ୟାଚ୍ ।

ପୂର୍ବରୁ ପ୍ରଥମ କ୍ୱାଲିଫାୟାର ମ୍ୟାଚରେ ଚେନ୍ନାଇଠୁ ପରାସ୍ତ ହୋଇ ଦ୍ୱିତୀୟ ସୁଯୋଗ ପାଇଛି ଦିଲ୍ଲୀ । ଏହାର ଫାଇଦା ଉଠାଇ ଚେନ୍ନାଇକୁ ପୁଣି ଟକ୍କର ଦେବାକୁ ଆପ୍ରାଣ ଉଦ୍ୟମ କରିବ ଦଳ । ସେପଟେ ଏଲିମିନେଟର୍ ମ୍ୟାଚରେ ଆରସିବିକୁ ଚେକ୍ ଦେଇ କ୍ୱାଲିଫାୟାରକୁ ଆସିଛି କେକେଆର୍ । କୋଲକାତା ମଧ୍ୟ ଆଜିର ମ୍ୟାଚ୍ ଜିତି ଟ୍ରଫି ହାତେଇବା ଦିଗରେ ଅଗ୍ରସର ହେବାକୁ ଚେଷ୍ଟା କରିବ । ତେବେ ଫଳାଫଳ ଅପେକ୍ଷାରେ ରହିଛନ୍ତି କ୍ରିକେଟ ପ୍ରେମୀ ।

 

ମହାମାରୀର କଟକଣା ଭିତରେ ଚାଲିଛି ମାଆ ମାଣିକେଶ୍ୱରୀଙ୍କ ଛତର ଯାତ୍ରା: ଅପରାହ୍ଣ ୪ଟା ପର୍ଯ୍ୟନ୍ତ ୧୪୪ ଧାରା ଲାଗୁ

0

କଳାହାଣ୍ଡି: ଚାଲିଛି କଳାହାଣ୍ଡିର ଅଧିଷ୍ଠାତ୍ରୀ ଦେବୀ ମାଆ ମାଣିକେଶ୍ୱରୀଙ୍କ ପ୍ରସିଦ୍ଧ ଛତର ଯାତ୍ରା । କଳାହାଣ୍ଡି ଜିଲ୍ଲାରେ ଚଳିତ ବର୍ଷ ବି ଛତର ଯାତ୍ରା କୋଭିଡ କଟକଣାରେ ବିଧିରକ୍ଷା ପୂର୍ବକ ପାଳନ କରାଯାଉଛି । ରକ୍ତ ରଞ୍ଜିତ ହେବ ଜେନାଖାଲରୁ ମନ୍ଦିର ରାସ୍ତା । ମାଆଙ୍କ ପୀଠରେ ମୁଣ୍ଡବସା ଠାରୁ ଆରମ୍ଭ କରି ମହାଷ୍ଟମୀ ପର୍ଯ୍ୟନ୍ତ ସ୍ୱତନ୍ତ୍ର ନୀତିକାନ୍ତିରେ ପୂଜାର୍ଚ୍ଚନା ଚାଲିଥାଏ ।

ମହାଷ୍ଟମୀ ରାତିରେ, ଗୁପ୍ତପୂଜା ଓ ମାଆଙ୍କ ପୀଠରେ ଅଷ୍ଟବଳି ପଡ଼ିବା ପରେ ମହାକାଳ ଭୈରବଙ୍କ ପାଖରେ ପୋଢବଳି ଦିଆଯାଏ । ଜେନାଖାଲଠାରୁ ମନ୍ଦିର ପର୍ଯ୍ୟନ୍ତ ପ୍ରାୟ ୪ କିଲୋମିଟର ରାସ୍ତା ପଶୁ ପକ୍ଷୀଙ୍କ ବଳିରେ ରକ୍ତରଞ୍ଜିତ ହୋଇଥାଏ । ଲାଲଛିଟ କନାରେ ଆବୃତ ଦେବୀଙ୍କ ଛତର ରକ୍ତାକ୍ତ ପଥ ଅତିକ୍ରମ କରି ମନ୍ଦିରକୁ ପ୍ରବେଶ କରିଥାନ୍ତି । ଛତର ଯାତ୍ରାକୁ ଦୃଷ୍ଟିରେ ରଖି ଆଜି ଅପରାହ୍ନ ୪ଟା ପର୍ଯ୍ୟନ୍ତ ଭବାନିପାଟଣା ସହରରେ ୧୪୪ ଧାରା ଲାଗୁ ହୋଇଛି । ସହରର ସମସ୍ତ ପ୍ରବେଶ ପଥକୁ ସିଲ କରାଯିବା ସହିତ ୧୦ ପ୍ଲାଟୁନ ଫୋର୍ସ ମୁତୟନ ହୋଇଛନ୍ତି ।

 

ଆସନ୍ତା ୨୪ ଘଣ୍ଟା ମଧ୍ୟରେ ଲଘୁଚାପର ରୂପ ନେବ ଆଣ୍ଡାମାନ ସାଗରେ ସୃଷ୍ଟ ଘୂର୍ଣ୍ଣିବଳୟ

ଭୁବନେଶ୍ୱର: ଧୀରେ ଧୀରେ ଘନୀଭୂତ ହେଉଛି ଘୂର୍ଣ୍ଣିବଳୟ । ବିଳମ୍ବ ହେଉଛି ଲଘୁଚାପ । ଉତ୍ତର ଆଣ୍ଡାମାନ ସାଗରରେ ସୃଷ୍ଟି ହୋଇଥିବା ଘୂର୍ଣ୍ଣିବଳୟ ଆସନ୍ତା ୨୪ ଘଣ୍ଟା ମଧ୍ୟରେ ଲଘୁଚାପର ରୂପ ନେବାର ସମ୍ଭାବନା ରହିଛି । ୧୫ କିମ୍ବା ୧୬ ତାରିଖ ବେଳକୁ ଏହା ଅଧିକ ଘନୀଭୂତ ହୋଇ ପଶ୍ଚିମ ଉତ୍ତର ପଶ୍ଚିମ ଦିଗରେ ଗତିକରିବ । ଓ୍ୱେଲମାର୍କ ଲୋ ପ୍ରେସର ହୋଇ ଉତ୍ତର ଆନ୍ଧ୍ରପ୍ରଦେଶ ଏବଂ ଦକ୍ଷିଣ ଓଡ଼ିଶା ଉପକୂଳରେ ସ୍ଥଳଭାଗ ଛୁଇଁବ ବୋଲି ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ କେନ୍ଦ୍ର ।

ଏହାର ପ୍ରଭାବରେ ଆଜି ଉତ୍ତର ଓଡ଼ିଶା ଏବଂ ଦକ୍ଷିଣ ଓଡ଼ିଶାର କିଛି ଜିଲ୍ଲାରେ ହାଲୁକାରୁ ମଧ୍ୟମ ଧରଣର ବର୍ଷା ହେବ । ଆସନ୍ତାକାଲିଠୁ ଧିରେ ଧିରେ ବର୍ଷାର ପରିମାଣ ବଢିବ । ବିଶେଷ କରି ଉପକୂଳ ଓଡ଼ିଶାରେ ପ୍ରବଳ ବର୍ଷା ହେବାର ସମ୍ଭାବନା ରହିଛି । ସେପଟେ ରାଜ୍ୟର ୧୧ ଜିଲ୍ଲାରୁ ଫେରିଗଲା ଦକ୍ଷିଣ ପଶ୍ଚିମ ମୌସୁମୀ ବାୟୁ । ଅଧିକାଂଶ ଅଞ୍ଚଳରୁ ମୌସୁମୀ ଫେରିଯାଇଥିବା ଆଞ୍ଚଳିକ ପାଣିପାଗ କେନ୍ଦ୍ର ସୂଚନା ଦେଇଛି ।

ଏଥିସହିତ ପଢ଼ନ୍ତୁ: ବାତ୍ୟାର ମାସ ଅକ୍ଟୋବର, ୨ ଦଶନ୍ଧି ଭିତରେ ଓଡ଼ିଶା ସାମ୍ନା କରିଥିବା ୪ ବାତ୍ୟା

ଡାକ୍ତରୀ ଛାତ୍ରୀ ନିରୁପମାଙ୍କ ଆସିଲା ପୋଷ୍ଟମର୍ଟମ ରିପୋର୍ଟ, ଭାଙ୍ଗିଛି ବେକ ହାଡ଼

ବଲାଙ୍ଗିର: ଭୀମଭୋଇ ମେଡିକାଲ କଲେଜର ଦ୍ୱିତୀୟ ବର୍ଷ ଛାତ୍ରୀ ନିରୁପମା ନନ୍ଦଙ୍କ ସନ୍ଦେହଜନକ ମୃତ୍ୟୁ ଘଟଣା । ଆସିଲା ଶବ ବ୍ୟବଚ୍ଛେଦ ରିପୋର୍ଟ । ରାତି ପ୍ରାୟ ୧୨ଟାରୁ ୧୨ଟା ୧୮ମିନିଟ ଭିତରେ ନିରୁପମାଙ୍କ ମୃତ୍ୟୁ ହୋଇଥିବା ରିପୋର୍ଟରେ ଉଲ୍ଲେଖ କରାଯାଇଛି । ନିରୁପମାଙ୍କ ଦେହରେ ଅନ୍ୟ ସ୍ଥାନରେ କୋଣସି କ୍ଷତ ଚିହ୍ନ ନଥିବା ବେଳେ, ତାଙ୍କ ବେକର ହାଡ଼ ଭାଙ୍ଗିଛି । ଶବ ବ୍ୟବଚ୍ଛେଦ ରିପୋର୍ଟ ଆସିଥିବା ବେଳେ ଭିସେରା ରିପୋର୍ଟ ଆସିନାହିଁ । ଛାତ୍ରୀ ଜଣକ ମୃତ୍ୟୁ ପୂର୍ବରୁ କ’ଣ ଖାଇଥିଲେ ତାହା ଜଣା ପଡ଼ିନାହିଁ ।

 Balangir MBBS Student Nirupama Postmortem Report

ଘଟଣା ଦିନ ମେଡିକାଲ କଲେଜ ଡିନ ଡକ୍ଟର ସବିତା ମହାପାତ୍ର ନିରୂପମାଙ୍କ ରୁମରୁ କେମିକାଲ ଗନ୍ଧ ଆସୁଥିବା କହିଥିଲେ, କିନ୍ତୁ ଶବ ବ୍ୟବଚ୍ଛେଦ ରିପୋର୍ଟରେ କେମିକାଲର କୌଣସି ବିଷୟ ଉଲ୍ଲେଖ କରାଯାଇନାହିଁ । ଶ୍ୱାସରୁଦ୍ଧ ହୋଇ ତାଙ୍କ ମୃତ୍ୟୁ ହୋଇଥିବା ନେଇ ପୋଷ୍ଟମର୍ଟମ ରିପୋର୍ଟରେ ଦର୍ଶାଯାଇଛି । ଗତ ୬ ତାରିଖରେ ଛାତ୍ରୀ ନିବସର ୩୦୮ ନମ୍ବର ରୁମରୁ ନିରୁପମାଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଥିଲା  । ମୃତ୍ୟୁ ଦିନ ରାତି ୧୧ଟା ୨୭ମିନିଟ ପର୍ଯ୍ୟନ୍ତ ପରିବାର ଲୋକଙ୍କ ସହ ଭିଡିଓ କଲରେ କଥାବାର୍ତ୍ତା  କରିଥିଲେ । ୧୧ଟା ୪୫ମିନିଟରେ ନିରୁପମା ଆତ୍ମହତ୍ୟା କରିଥିବା ନେଇ ହଷ୍ଟେଲ ପକ୍ଷରୁ ପରିବାର ଲୋକଙ୍କୁ ସୂଚନା ଦିଆଯାଇଥିଲା ।

 Balangir MBBS Student Nirupama Postmortem Report

ପରିବାର ଲୋକେ ୧୨ଟା ୧୦ ରେ ପହଞ୍ଚିବା ବେଳକୁ ମେଡିକାଲ କଲେଜ କର୍ତ୍ତୃପକ୍ଷ ଓ ପୋଲିସ ମଧ୍ୟ ପହଞ୍ଚି ସାରିଥିଲେ । ପରିବାର ଲୋକେ ଯୋଜନାବଦ୍ଧ ହତ୍ୟା ନେଇ ଅଭିଯୋଗ ଆଣିଥିଲେ । ମୃତ୍ୟୁ ପୂର୍ବରୁ ଜଣେ ଯୁବକ ତାଙ୍କ ସହ ଫୋନରେ କଥାବାର୍ତ୍ତା କରିଛନ୍ତି ଓ ସେ ହିଁ ହଷ୍ଟେଲକୁ ଫୋନ୍ କରି ନିରୁପମାଙ୍କୁ ଦେଖିବାକୁ କହିଥିବା ପୋଲିସ ସିଡିଆର ରିପୋର୍ଟରୁ ଜାଣିବାକୁ ପାଇଛି । ଅନ୍ୟପଟେ ହଷ୍ଟେଲ କର୍ତ୍ତୃପକ୍ଷ ରାତି ୧୧ଟା ୪୫ରୁ ୫୯ ମିନିଟ୍ ଭିତରେ ପରିବାର ଲୋକଙ୍କୁ ମୃତ୍ୟୁ ଖବର ଦେଇଥିଲେ । ମାତ୍ର ଶବ ବ୍ୟବଚ୍ଛେଦ ରିପୋର୍ଟରେ ରାତି ୧୨ଟା ପରେ ମୃତ୍ୟୁ ହୋଇଥିବା ଦର୍ଶାଇଯାଇଥିବାରୁ ପ୍ରଶ୍ନବାଚୀ ସୃଷ୍ଟି ହୋଇଛି ।

ଆରପିଏଫ୍ ଯବାନଙ୍କ ମାଡ଼ରେ ଯୁବକଙ୍କ ମୃତ୍ୟୁ ଅଭିଯୋଗ, ବାଂଶପାଣି ଷ୍ଟେସନରେ ଉତ୍ତେଜନା

କେନ୍ଦୁଝର: ଯୋଡ଼ା ବାଂଶପାଣି ରେଳ ଷ୍ଟେସନରେ ଉତ୍ତେଜନା । ଆରପିଏଫ ଯବାନଙ୍କ ମାଡ଼ରେ ଯୁବକଙ୍କ ମୃତ୍ୟୁ ଅଭିଯୋଗ କରି ତୀବ୍ର ଉତ୍ତେଜନା ଦେଖା ଦେଇଛି । ମୃତକ ରାଧା ହଟିଂର ଲକ୍ଷ୍ମଣ ପାତ୍ର ବୋଲି ଜଣାପଡ଼ିଛି । ଲକ୍ଷ୍ମଣଙ୍କ ମୃତ୍ୟୁ ପରେ ସ୍ଥାନୀୟ ବସ୍ତି ବାସିନ୍ଦା ଉତ୍ତ୍ୟକ୍ତ ହୋଇ ପଡ଼ିଛନ୍ତି । ରେଳ ଷ୍ଟେସନ ଓ ଆରପିଏଫ ବାରାକରେ ଭଙ୍ଗାରୁଜା କରିଛନ୍ତି ଉତ୍ତ୍ୟକ୍ତ ଲୋକ ।

ଏଥିସହ ପଢ଼ନ୍ତୁ: ଘରେ ଭିତରେ ପଶିଲା ଟ୍ରକ୍, ଅଳ୍ପକେ ବର୍ତ୍ତିଲେ ତିନି ପରିବାର

ଆନ୍ଦୋଳନକାରୀଙ୍କ ଆକ୍ରମଣରେ ୩ ଜଣ ଆରପିଏଫ ଯବାନଙ୍କ ଗୁରୁତର ଆହତ ହୋଇଥିବା ସୂଚନା ଆସୁଛି । ଜଣଙ୍କ ଅବସ୍ଥା ସଙ୍କଟାପନ୍ନ ରହିଛି । ଆହତ ଆରପିଏଫ ଯବାନଙ୍କୁ ଟାଟା ଷ୍ଟିଲ ଡାକ୍ତରଖାନାରେ ଭର୍ତ୍ତି କରାଯାଇଛି । ଏବେବି ପରିସ୍ଥିତି ଉତ୍ତେଜନାପୂର୍ଣ୍ଣ ରହିଛି ।

ଶହେ ସୈନିକ ସ୍କୁଲକୁ କେନ୍ଦ୍ର କ୍ୟାବିନେଟର ଅନୁମୋଦନ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ମୋଦିଙ୍କ ବାସଭବନରେ ବସିଥିବା କ୍ୟାବିନେଟ୍ ବୈଠକରେ ସାର ଉପରେ ସବସିଡିକୁ ମଞ୍ଜୁରୀ ଦିଆଯାଇଛି । ଏଥିସହ ସୈନିକ ସ୍କୁଲ୍ ସୋସାଇଟି ଅନ୍ତର୍ଗତ ଶହେ ଘରୋଇ ଓ ସରକାରୀ ସୈନିକ ସ୍କୁଲକୁ ମାନ୍ୟତା ଦେବା ପାଇଁ ନିଷ୍ପତ୍ତି ହୋଇଛି । ଏହାବାଦ୍ ଅଟଳ ନବୀକରଣ ଓ ପରିବର୍ତ୍ତନ ମିଶନ ୨.୦କୁ ମଞ୍ଜୁରୀ ଦେଇଛି କେନ୍ଦ୍ର କ୍ୟାବିନେଟ୍ ।

କେନ୍ଦ୍ର କ୍ୟାବିନେଟ୍ ଆଜି ଫସଫେଟ୍, ପଟାସ୍ ସାର ଉପରେ ସବସିଡି ପାଇଁ ଅତିରିକ୍ତ ୨୮, ୬୫୫ କୋଟି ଟଙ୍କା ଅନୁମୋଦନ କରିଛି । ଏହି ସବସିଡି ୧ ଅକ୍ଟୋବର ୨୦୨୧ରୁ ୩୧ ମାର୍ଚ୍ଚ ୨୦୨୨ ଯାଏଁ ଲାଗୁ ହେବ । ସୈନିକ ସ୍କୁଲ୍ ସୋସାଇଟି ସହ ସରକାରୀ ଓ ଘରୋଇ କ୍ଷେତ୍ରର ୧୦୦ ବିଦ୍ୟାଳୟକୁ ମାନ୍ୟତା ଦେବା ପାଇଁ ନିଷ୍ପତ୍ତି ନେଇଛି କେନ୍ଦ୍ର କ୍ୟାବିନେଟ୍ ।

ପ୍ରଥମ ପର୍ଯ୍ୟାୟରେ ଶହେ ସ୍କୁଲକୁ ମିଳିତ ଭାବେ ରାଜ୍ୟ, ସ୍ୱେଚ୍ଛାସେବୀ ସଂଗଠନ ଓ ଘରୋଇ କ୍ଷେତ୍ର ନେବେ । ଦେଶରେ ଏବେ ୩୩ଟି ସୈନିକ ସ୍କୁଲ୍ ଥିବାବେଳେ ଆଉ ଶହେଟି ସ୍କୁଲରେ ସମାନ ଅନୁଭୂତି ମିଳିବ । ଏଥିପାଇଁ ଘରୋଇ ଓ ସ୍ୱେଚ୍ଛାସେବୀ ସଂଗଠନ ଥାରୁ ପ୍ରସ୍ତାବ ଆହ୍ୱାନ କରାଯିବ ।