spot_img
Home Blog Page 5249

ଚୀନ୍ ଟିକା ପ୍ରଭାବି ନୁହେଁ, ତୃତୀୟ ଡୋଜ୍ ଜରୁରୀ

ଭାରତ ସମେତ ସାରା ଦୁନିଆ କରାେନା ସଂକ୍ରମଣ ବିରୋଧରେ ଲଢେଇ କରିବା ଲାଗି ଭ୍ୟାକ୍ସିନର ଦ୍ୱିତୀୟ ଡୋଜ ନେଉଛି । କିନ୍ତୁ ୬୦ ବର୍ଷରୁ ଅଧିକ ବୟସ୍କ ଯେଉଁ ବ୍ୟକ୍ତି ଚାଇନା ଭ୍ୟାକ୍ସିନର ଦୁଇଟି ଡୋଜ୍ ନେଇଛନ୍ତି । ସେମାନଙ୍କୁ ଟିକାର ତୃତୀୟ ଡାେଜ୍ ଦେବା ଉଚିତ୍ ବୋଲି ଦାବି କରିଛି ବିଶ୍ୱ ସ୍ୱାସ୍ଥ୍ୟ ସଙ୍ଗଠନ ।

ଦୁର୍ବଳ ଇମ୍ୟୁନ ସିଷ୍ଟମ୍ ର ଲୋକମାନଙ୍କୁ ସମସ୍ତ କରୋନା ଭାଇରସ୍ ସଂକ୍ରମଣରୁ ରକ୍ଷା ପାଇଁ ଆଉ ଏକ ଅତିରିକ୍ତ ଡୋଜ୍ ଦେବାକୁ ସୁପାରିଶ କରିଛି WHOର ଭ୍ୟାକ୍ସି୍ନ୍ ଆଡଭାଇଜରୀ। ଏନେଇ ବିଶେଷଜ୍ଞ ମାନେ ମଧ୍ୟ କହିଛନ୍ତି ଯେ ଇମ୍ୟୁନିଟି ପାୱାର କମ୍ ଥିବା ବ୍ୟକ୍ତିମାନଙ୍କୁ ଅତିରିକ୍ତ ଡୋଜ୍ ଦିଆଯିବା ଆବଶ୍ୟକ । ଏମାନଙ୍କ ଶରୀରରେ ଟିକା ପର୍ଯ୍ୟାପ୍ତ ପରିମାଣରେ କାମ କରିବା ସମ୍ଭାବନା କମ୍ ଥିବା ବେଳେ କରୋନା ସଂକ୍ରମଣର ଆଶଙ୍କା ଅଧିକ ରହିଥାଏ ।

ଚୀନର ସିନୗେବେକ୍ ଓ ସିନୋଫାର୍ମ ଭ୍ୟାକ୍ସିନ ନେଇଥିବା ୬୦ ବର୍ଷରୁ ଅଧିକ ବୟସ୍କଙ୍କୁ କରୋନାର ତୃତୀୟ ଡୋଜ୍ ଦେବା ଉଚିତ୍ ବୋଲି କହିଛି ବିଶ୍ୱ ସ୍ୱାସ୍ଥ୍ୟ ସଙ୍ଗଠନ । ଏପରିକି ଏହି ଦୁଇ ଭ୍ୟାକ୍ସିନ ଲାଗି ହୋମେଲାଗସ୍ ଟିକାର ଏକ ଅତିରିକ୍ତ କିମ୍ବା ତୃତୀୟ ଡୋଜ୍ ଦେବା ଉଚିତ୍ ।

SAGEର କହିବାନୁଯାୟୀ, ଏହି ସୁପାରିଶକୁ ଲାଗୁ କରିବା ପୂର୍ବରୁ ସବୁ ନାଗରିକଙ୍କୁ ୨ୟ ଡୋଜ୍ ଟିକା ଦେବାକୁ ଲକ୍ଷ୍ୟ ରଖିବା ଜରୁରୀ । ଏହା ପରେ ଯାଇ ୩ୟ ଡୋଜର ପ୍ରସ୍ତୁତି ଆରମ୍ଭ କରାଯିବ । ଆଉ ଏହାକୁ ପ୍ରଥମେ ବୟସ୍କ ମାନଙ୍କୁ ଦିଆଯିବ ଉଚିତ୍ ।

୪ ଦିନ ହେଲା କେବଳ ବିସ୍କୁଟ୍ ଖାଉଛନ୍ତି ଶାହରୁଖଙ୍କ ପୁଅ

ମୁମ୍ବାଇ: ମହଲ ଭଳି ଘରେ ରହୁଥିବା ଅଭିନେତା ଶାହରୁଖ ଖାନଙ୍କ ପୁଅ ଆର୍ଯ୍ୟନ ଖାନ ୫ଦିନ ଧରି ଆର୍ଥର ରୋଡ ଜେଲରେ ରହୁଛନ୍ତି। ତାଙ୍କୁ ଅକ୍ଟୋବର ୮ ତାରିଖ ଦ୍ୱିପ୍ରହରରେ ଏଠାକୁ ଅଣାଯାଇଥିଲା । ହେଲେ ଜେଲକୁ ଆସିବା ପରଠାରୁ ଆର୍ଯ୍ୟନ୍ ଠିକ୍ ଭାବେ ଖିଆପିଆ କରୁନଥିବା ଖବର ସାମ୍ନାକୁ ଆସିଛି । ଏପରିକି ଗତ ୪ ଦିନ ହେବ ସେ (ପାର୍ଲେ ଜି) ବିସ୍କୁଟ ଖାଉଛନ୍ତି ।

ଜେଲ୍ ଅଧିକାରୀମାନେ ତାଙ୍କୁ ବାରମ୍ବାର ବୁଝାସୁଝା କରୁଥିଲେ ମଧ୍ୟ ଭୋଗ ଲାଗୁନି କହି ସେ କିଛି ଖାଉନଥିବା ଜଣାପଡିଛି ।  ଆଜି ସକାଳେ ଆମଡ ୱାର୍ଡ ର ବାବା (କନଷ୍ଟେବଳ) ଆର୍ଯ୍ୟନଙ୍କୁ କିଛି ପାର୍ଲେ ଜି ବିସ୍କୁଟ ଆଣିକି ଦେବାପରେ ଘଟଣା ଲୋକଲୋଚନକୁ ଜଣାପଡିଥିଲା । ଏହାବ୍ୟତୀତ ଆର୍ଯ୍ୟନଙ୍କ ପାଖରେ ମାତ୍ର ୩ ବୋତଲ ପାଣି ବଳକା ରହିଛି,  ସେ ଜେଲରେ ପ୍ରବେଶ ପୂର୍ବରୁ ଏକ ଡଜନ ବୋତଲ ପାଣି କିଣିଥିଲେ।

ମାତ୍ର ୨୫୦୦ ଟଙ୍କା ନେଇ ଜେଲ୍ ଭିତରକୁ ଯାଇପାରିବେ କଏଦୀ

ଜେଲ ମାନୁଆଲ ଅନୁଯାୟୀ ଜଣେ କଏଦୀ ନିଜ ସହିତ କେବ୨୫୦୦ ଟଙ୍କା ନେଇ ପାରିବେ। ଏହି ଟଙ୍କା ଜେଲର ଆକାଉଣ୍ଟରେ ଜମା ହେଉଥିବା ବେଳେ ପ୍ରତିବଦଳରେ କଏଦୀଙ୍କୁ ଏକ ମାସ କୁପନ୍ ଦିଆଯାଏ । ଏହି କୁପନଗୁଡିକୁ ବ୍ୟବହାର କରି ସେ ଜେଲ କ୍ୟାଣ୍ଟିନରୁ ଖାଦ୍ୟ ସାମଗ୍ରୀ, ସାବୁନ, ତେଲ ଏବଂ ଟୁଥପେଷ୍ଟ କିଣି ପାରିବେ । ଜେଲ କ୍ୟାଣ୍ଟିନରେ ବିସ୍କୁଟ ଏବଂ ଚିପ୍ସ ମଧ୍ୟ ଉପଲବ୍ଧ ହୋଇଥାଏ ।

୪ଦିନ ହେଲା ଗାଧୋଇ ନାହାଁନ୍ତି ଆର୍ଯ୍ୟନ

ଜେଲ ପକ୍ଷରୁ ମିଳିଥିବା ସୂଚନାନୁଯାୟୀ, ତିନିରୁ ଚାରି ଦିନ ହେବ ଆର୍ଯ୍ୟନ ଶୗେଚାଳୟ ଯାଇନଥିବାରୁ ତାଙ୍କ ସ୍ୱାସ୍ଥ୍ୟବସ୍ଥା ଖରାପ ହୋଇପାରେ ବୋଲି ଜେଲ କର୍ତ୍ତୃପକ୍ଷ ଚିନ୍ତିତ । ଆର୍ଯ୍ୟନଙ୍କ ସହ ଅରବାଜଙ୍କୁ ଗୋଟିଏ ସେଲରେ ରଖାଯାଇଛି । ଆର୍ଯ୍ୟନଙ୍କ ଘରୁ ଦୁଇଟି ଚାଦର ଓ କିଛି କପଡା ଆସିଥିବା ବେଳେ ଜେଲ୍ ତରଫରୁ ବିଛାଇବା ପାଇଁ କମ୍ବଳ ମିଳିଛି । ଏପରିକି ସେ ୪ଦିନ ହେବ ଗାଧୋଇନଥିବା ଜଣାପଡିଛି । ହେଲେ ନିୟମ ଅନୁସାରେ ପ୍ରତିଦିନ ତାଙ୍କୁ ସେଭିଂ କରାଇବାକୁ ପଡୁଛି ।

ଯେଉଁ ଜେଲରେ ସଞ୍ଜୟ ଦତ୍ତ ରହୁଥିଲେ, ଏବେ ସେଠାରେ ଆର୍ଯ୍ୟନ

ସୂଚନାନୁସାରେ, ତାଙ୍କୁ ବର୍ତ୍ତମାନ ଶିଶୁ ୱାର୍ଡ ତଳେ ଥିବା କୋଠରୀରେ କ୍ୱାରେଣ୍ଟାଇନ୍ କରି ରଖାଯାଇଛି। ତାଙ୍କ ସହିତ ସେଲରେ ଦୁଇଜଣ ବୃଦ୍ଧ, ଜଣେ ଭିନ୍ନକ୍ଷମଙ୍କ ସମେତ ତିନିଜଣ ବିଚାରଧୀନ କଏଦୀ ରହିଛନ୍ତି। ସଞ୍ଜୟ ଦତ୍ତ ମଧ୍ୟ ଏହି ସେଲରେ କିଛି ଦିନ ରହିଥିଲେ। ଆର୍ଯ୍ୟନଙ୍କ କ୍ୱାରେଣ୍ଟାଇନ୍ ଅବଧି ଶେଷ ହେବା ପରେ ତାଙ୍କୁ ସାଧାରଣ ୱାର୍ଡକୁ ପଠାଯିବ । ସେହି ୱାର୍ଡରେ ଏକାସାଙ୍ଗରେ ୫୦୦ ଜଣ ରହିବାର ବ୍ୟବସ୍ଥା ରହିଛି।

ଜାମିନ ଆବେଦନ ଖାରଜ ପରେ ସମସ୍ୟା ବଢିପାରେ
ଆର୍ଯ୍ୟନ୍ ରହୁଥିବା ୱାର୍ଡ ପାଖରେ ଏକ କ୍ୟାଣ୍ଟିନ ରହିଛି | ଯେଉଁଥିପାଇଁ ଜିନିଷ କିଣିବାରେ ତାଙ୍କୁ କୗେଣସି ଅସୁବିଧା ହେଉନାହିଁ । କିନ୍ତୁ ଯଦି ବୁଧବାର ଦିନ ତାଙ୍କ ଜାମିନ ଆବେଦନ ଖାରଜ ହୁଏ, ତେବେ ତାଙ୍କ ପାଇଁ ଅସୁବିଧା ବଢିପାରେ | ସେହିପରି ଆସନ୍ତା ମାସରେ ସେ ମନିଅର୍ଡର ଦ୍ୱାରା ଜେଲକୁ କେବଳ ଅଢେଇ ହଜାର ଟଙ୍କା ମଗାଇପାରିବେ ।

ଆର୍ଯ୍ୟନଙ୍କ ଉପରେ ୨୪ ଘଣ୍ଟିଆ ନଜର

୪ ଦିନ ହେବ ଆର୍ଯ୍ୟନଙ୍କୁ କେହି ଭେଟିବାକୁ ଆସିନଥିବା ବେଳେ ତାଙ୍କ ଉପରେ ୨୪ ଘଣ୍ଟିଆ ନଜର ରଖାଯାଉଛି ।

କେନ୍ଦ୍ର ରାଷ୍ଟ୍ରମନ୍ତ୍ରୀ ବିଶ୍ୱେଶ୍ୱର ଟୁଡୁଙ୍କ ଆଚରଣକୁ OAS ସଂଘର ନିନ୍ଦା

ବାରିପଦା: କେନ୍ଦ୍ର ଜଳଶକ୍ତି ଏବଂ ଆଦିବାସୀ ବ୍ୟାପାର ରାଷ୍ଟ୍ରମନ୍ତ୍ରୀ ବିଶ୍ୱେଶ୍ୱର ଟୁଡୁଙ୍କ ପାଇଁ ଅଡୁଆ ବଢିବାରେ ଲାଗିଛି । ସରକାରୀ ଅଧିକାରୀ ଓ କର୍ମଚାରୀଙ୍କ ପ୍ରତି ଅଶାଳୀନ ଆଚରଣ ପ୍ରଦର୍ଶନ କରିବା ତାଙ୍କ ପାଇଁ ମହଙ୍ଗା ପଡ଼ିଛି । ରାଷ୍ଟ୍ରମନ୍ତ୍ରୀ ଟୁଡ଼ୁଙ୍କ କାର୍ଯ୍ୟକ୍ରମ ବର୍ଜନ କରିବା ପାଇଁ ଓଏଏସ ସଂଘ ଚେତାବନୀ ଦେଇଛି । ମନ୍ତ୍ରୀଙ୍କ ଏଭଳି ଆଚରଣକୁ ସଂଘ ନିନ୍ଦା କରିଛି । ରାଜ୍ୟ ସରକାରଙ୍କ ମାଧ୍ୟମରେ କେନ୍ଦ୍ର ସରକାରଙ୍କୁ ଏ ସମ୍ପର୍କରେ ଅବଗତ କରାଯିବ ବୋଲି ସଂଘର ସଭାପତି ସରୋଜ ସାମଲ ସାମ୍ବାଦିକ ମାନଙ୍କୁ କହିଛନ୍ତି ।

OAS Association Condemned Central Minister Bisweswar Tudu

ପ୍ରଥମେ କେନ୍ଦୁଝର ଜିଲ୍ଲା ଚମ୍ପୁଆ ଆଇଟିଡିଏ ସମ୍ମିଳନୀ କକ୍ଷରେ ଜଣେ ଜେଇଙ୍କୁ ରାଷ୍ଟ୍ରମନ୍ତ୍ରୀ ଟୁଡୁ ଅତି ଅଶାଳୀନ ଆଚରଣ ପ୍ରଦର୍ଶନ କରିବା ସହ କୁକୁର ଭଳି କାହିଁକି ହେଉଛୁ ? କାହାର ଗୋଲାମ, ମୟୂରଭଞ୍ଜ ଆସିଲେ ମାଡ଼ ପଡ଼ିବ ବୋଲି ଧମକ ଦେଇଥିଲେ । ଏହା ପରେ ପରେ ସମ୍ବଲପୁର ଜିଲ୍ଲା କୁଚିଣ୍ଡାରେ ମଧ୍ୟ ସମାନ ଆଚରଣ ଦେଖାଇଥିଲେ ମନ୍ତ୍ରୀ । ସମ୍ବଲପୁର ଡିଆରଡିଏ ପିଡିଙ୍କୁ ଅତି କଟୁ ଶବ୍ଦ ପ୍ରୟୋଗ କରିଥିଲେ । ୯ତାରିଖ ଦିନ ରାଷ୍ଟ୍ରମନ୍ତ୍ରୀ ମୟୂରଭଞ୍ଜ ସର୍କିଟ ହାଉସ୍ ଠାରେ ସ୍ଥାନୀୟ ଏଡିଏମଙ୍କୁ ମଧ୍ୟ ଦୁର୍ବ୍ୟବହାର ପ୍ରଦର୍ଶନ କରିଥିଲେ । ଏହାର ପ୍ରତିବାଦରେ ମୟୂରଭଞ୍ଜ ଜିଲ୍ଲା ଓଏଏସ ସଂଘ ଗତକାଲି କଳାବ୍ୟାଚ୍ ପରିଧାନ କରି ବିରୋଧ ପ୍ରଦର୍ଶନ କରିଥିଲା ।

OAS Association Condemned Central Minister Bisweswar Tudu

ଅଶାଳୀନ ବ୍ୟବହାର ପ୍ରଦର୍ଶନ କରିବା ପରେ ମଧ୍ୟ ମନ୍ତ୍ରୀ ବିଶ୍ୱେଶ୍ୱର ଟୁଡୁ କୌଣସି ପଶ୍ଚାତାପ କରିନାହାନ୍ତି । ବରଂ ନିଜ ଅଶାଳୀନ ବ୍ୟବହାରକୁ ଯୁକ୍ତି ଦର୍ଶାଇ ଠିକ୍ ବୋଲି କହିବାକୁ ଉଦ୍ୟମ କରିଛନ୍ତି । ଆଉ ପାଦେ ଆଗକୁ ଯାଇ ରାଷ୍ଟ୍ରମନ୍ତ୍ରୀ ଟୁଡୁ ଗଣମାଧ୍ୟକୁ କହିଛନ୍ତି ଯେ, ସେ ମାଡ଼ ପଡିବ ବୋଲି କହିନଥିଲେ । ହେଲେ ଏଥର ସତରେ ମାଡ଼ ପଡିବ  । ଗଣତାନ୍ତ୍ରିକ ବ୍ୟବସ୍ଥା ଭିତରେ କାମ କରୁଥିବା ଜଣେ ମନ୍ତ୍ରୀ ଦେଶର ନିୟମକୁ ମଧ୍ୟ ଖାତିର୍ କରିନାହନ୍ତି । ମାଡ଼ ମାରିବାକୁ ଧମକ ଦେବା ଭାରତ ଦଣ୍ଡବିଧି ଆଇନ୍ ଅନୁସାରେ ଅପରାଧ । ଅର୍ଥାତ ମନ୍ତ୍ରୀ ଅପରାଧ କରିବାକୁ ମଧ୍ୟ ପଛାଇନାହାନ୍ତି । ମନ୍ତ୍ରୀଙ୍କ ଏହି ଧମକ ଆଧାରରେ ଫୌଜଦାରୀ ମକଦ୍ଦମା ହେବା କଥା ବୋଲି ସାଧାରଣରେ ମତ ପ୍ରକାଶ ପାଇଛି ।

ଭାରତ ନିଜକୁ ଇସ୍ରାଏଲ ବୋଲି ଭାବିଲାଣି: ଇମ୍ରାନ

ନୂଆଦିଲ୍ଳୀ: ପାକିସ୍ତାନର ପ୍ରଧାନମନ୍ତ୍ରୀ ଇମ୍ରାନ୍ ଖାନ୍ ଭାରତ ଓ ଇସ୍ରାଏଲକୁ ବନ୍ଧୁ ବୋଲି ସମ୍ବୋଧନ କରିଛନ୍ତି । ଏଥିସହିତ କହିଛନ୍ତି ଯେ, ଇସ୍ରାଏଲ୍ ଗ୍ରସ୍ତ କରିବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ୨୦୧୯ ମସିହାରେ କାଶ୍ମୀରକୁ ନେଇ ବଡ଼ ନୀତି ଘୋଷଣା କରିଥିଲେ । ଏକ ଇଣ୍ଟରଭ୍ୟୁରେ ଆଫଗାନିସ୍ତାନ, ଭାରତ, ଇସ୍ରାଏଲ୍ ଓ ଆମେରିକା ସହ ସମ୍ପର୍କ ନେଇ କିଛି ମନ୍ତବ୍ୟ ରଖିଥିଲେ ।

Joe Biden Kamala Harris Win In Elections Imran Nawaz Congratulate Them Look Forward For PAK US Relations

ଫିଲିସ୍ତାନ ଓ କାଶ୍ମୀରର ସ୍ଥିତି ପ୍ରାୟ ସମାନ ଥିବା ବେଳେ ଭାରତ ଓ ଇସ୍ରାଏଲ୍ ର ବନ୍ଧୁତ୍ୱ କେତେ ଭୟାନକ ହେବ ବୋଲି ଇମ୍ରାନଙ୍କୁ ପ୍ରଶ୍ନ କରାଯାଇଥିଲା? ଯାହାର ଉତ୍ତରରେ ଇମ୍ରାନ କହିଥିଲେ- ଏଥିରେ କୌଣସି ଦ୍ୱିମତ ନାହିଁ ଯେ ଭାରତ ଓ ଇସ୍ରାଏଲ୍ ଖୁବ୍ ନିକଟତର ।

ଇସ୍ରାଏଲ୍ ଭଳି ଭାରତ କିଛି ଯୋଜନା କରି ବଞ୍ଚିପାରିବ

ଭାରତକୁ ଏହାର ଇସାରା ଇସ୍ରାଏଲ୍ ଠାରୁ  ମିଳିଥିବା ନେଇ ଅନୁମାନ କରାଯାଇପାରିବ କି ନାହିଁ ? ସେମାନେ ଏକ ମଜଭୁତ ତନ୍ତ୍ର ଗଠନ କରିଛନ୍ତି, ଫଳରେ ସେମାନେ ବୀରୋଧକୁ ଆରାମରେ ଦଳି ନଷ୍ଟ କରିପାରିବେ । ସେ ନିଜ ଲୋକଙ୍କୁ ପଠାଇ ଯାହାକୁ ମଧ୍ୟ ମାରି ପାରିବେ । ସଂଯୁକ୍ତ ରାଷ୍ଟ୍ର ଯାହା ବୟାନ ଦେଲେ ମଧ୍ୟ ଆମେରିକା ନିଜ ଭିଟୋ ପାୱାର ବ୍ୟବହାର କରି ତାଙ୍କୁ ବଞ୍ଚାଇ ପାରିବ ବୋଲି ସମସ୍ତେ ଜାଣିଛନ୍ତି ।

୬ ବର୍ଷର ଛୁଆକୁ ବାଘ ଝାମ୍ପିନେଲା: ରକ୍ତ ଚିହ୍ନ ଦେଖି ଦେଖି ଛୁଆ ପାଖରେ ପହଞ୍ଚିଲେ ବନ ବିଭାଗ ଅଧିକାରୀ

ଉମରକୋଟ : ବାଘ ଆକ୍ରମଣରେ ନବରଙ୍ଗପୁର ଜିଲ୍ଲା ବ୍ଲକ୍ ରାଇଘର ତୁରୁଡିହି ଗାଁର ଜଣେ ୬ବର୍ଷର ଜଣେ ବାଳକର ମୃତ୍ୟୁ ଘଟିଛି । ମୃତ ବାଳକଙ୍କ ବୟସ ସାଢ଼େ ୬ ବର୍ଷ  । ତାଙ୍କ ନାମ ଅମିତ୍ ମର୍କାମ ଏବଂ ତାଙ୍କ ପିତାଙ୍କ ନାମ ନରେନ୍ଦ୍ର ମର୍କାମ । ଅମିତ ପରିବାର ସହ ଛତିଶଗଡର ସିହାଓ୍ୱା ସ୍ଥିତ ଏକ ମନ୍ଦିରକୁ ସୃଙ୍ଗି ଋଷିଙ୍କ ଦର୍ଶନ ପାଇଁ ଯାଇଥିଲେ । ସେଠାରେ ଏକ ବଡ଼ ହନୁମାନ ମୂର୍ତ୍ତି ରହିଛି । ଏବଂ ତା’ ପାଖରେ ଚଢ଼ିବାକୁ ପାହାଚ ରହିଛି । ଅମିତ ସହ ଆଉ ଏକ ବାଳକ ରହିଥିଲା । ଦୁଇଜଣ ପାହାଚ ଚଢ଼ିବା ସମୟରେ ଅଚାନକ଼୍ ଏକ ଚିତାବାଘ ଅମିତକୁ ଆକ୍ରମଣ କରିଥିଲା।

odia-boy-attacked-by-tiger-at-chattisgarh

ଜୀବନ ବଞ୍ଚାଇବା ପାଇଁ ସମସ୍ତେ ଦୌଡୁଥିବା ବେଳେ ବାଳକ ଅମିତ୍ ବାଘ ହାବୁଡରେ ପଡି ଯାଇଥିଲେ। ବାଘ ଅମିତ କୁ ଟାଣି ନେଇ ପାହାଡ଼କୁ ଚାଲି ଯାଇଥିଲା । ଖବର ପାଇ ଜଙ୍ଗଲ ବିଭାଗ ଅଧିକାରୀ ଏବଂ ସିହାଓ୍ୱା ପୋଲିସ ଲୋକଙ୍କ ସହାୟତାରେ ଜଙ୍ଗଲ ଭିତରକୁ ଯାଇଥିଲେ ରକ୍ତ ଚିହ୍ନ କୁ ଦେଖି ଦେଖି ବହୁ ବାଟ ଯିବାକୁ ପରେ ଗୁରୁତର ଅବସ୍ଥାରେ ଅମିତକୁ ଉଦ୍ଧାର କରି ସିହାଓ୍ୱା ଡାକ୍ତରଖାନାରେ ନେଇଥିଲେ । କିନ୍ତୁ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ।

ଏଥିସହିତ ପଢ଼ନ୍ତୁ: ଖୋଲୁଛି ମନୀଷ ଅନୁରାଗଙ୍କ ମୃତ୍ୟୁ ରହସ୍ୟ: ୨ସାଙ୍ଗଙ୍କୁ ଉଠାଇ ନେଇ ପୋଲିସର ପଚରାଉଚରା

ମାଆ ତାରାତାରିଣୀ ମନ୍ଦିରରେ ଅଗ୍ନିକାଣ୍ଡ: ମାନସିକଧାରୀଙ୍କ ଦୀପ ଦାନ ବେଳେ ଲାଗିଲା ନିଆଁ

ପୁରୁଷୋତ୍ତମପୁର: ମାଆ ତାରାତାରିଣୀ ମନ୍ଦିରରେ ଅଘଟଣ। ଦୀପ ଘରେ ଲାଗିଲା ନିଆଁ । ଶତାଧିକ ଦୀପ ଲାଗିଥିବା ବେଳେ ହଠାତ ଲାଗିଲା ନିଆଁ । ଘଟଣାସ୍ଥଳରେ ପୁରୁଷୋତ୍ତମପୁର ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଛି । ମା’ଙ୍କ ନବରାତ୍ର ଚାଲିଥିବା ବେଳେ ମାନସିକଧାରୀ ମାନେ ପୀଠରେ ଦୀପ ଲଗାଇଥିଲେ । ଆଉ ଏହି ସମୟରେ ଦୀପ ଘରେ ନିଆଁ ଲାଗିଥିଲା । ଖବର ପାଇଁ ଘଟଣାସ୍ଥଳରେ ଦମକଳ ସେବା ବାହିନୀ କର୍ମଚାରୀ ପହଞ୍ଚିଛନ୍ତି । ଏବଂ ନିଆଁକୁ ଆୟତ୍ତ କରିଛନ୍ତି ।

‘ଆଜାଦୀ କା ଅମୃତ ମହୋତ୍ସବ’ ରାଜଧାନୀରେ ବ୍ଳାକ୍ କମାଣ୍ଡୋଙ୍କ ରାଲି

ଭୁବନେଶ୍ୱର: ରାଜଧାନୀରେ ଏନଏସଜି ବ୍ଲାକ କ୍ୟାଟ୍‌ କମାଣ୍ଡୋ ରାଲି । ଅକ୍ଟୋବର ୨ ତାରିଖରୁ ଅଜାଦୀ କା ଅମୃତ ମହୋତ୍ସଵ ଅବସରରେ ଲାଲକିଲ୍ଲା ରୁ ଆରମ୍ଭ ହୋଇଥିବା NSGର କାର୍‌ ରାଲି ଭୁବନେଶ୍ୱରରେ ପହଞ୍ଚିଛି । ଦେଶର ୧୨ ଟି ରାଜ୍ୟର ୧୮ ଟି ସହର ଦେଇ ଏହି ରାଲି ଯାଇଛି । ୪୯ ଜଣ କମାଣ୍ଡୋ ୭ହଜାର ୫ଶହ କିମି ରାଲିରେ ଦେଉଛନ୍ତି ସଚେତନତାର ବାର୍ତ୍ତା । ଏହି ଅବସରରେ ଭୁବନେଶ୍ୱର ପୋଲିସ ଭବନରେ ସ୍ୱତନ୍ତ୍ର କାର୍ଯ୍ୟକ୍ରମ ଆୟୋଜିତ ହୋଇଛି । ଓଡିଶାର ଲୋକ କଳା ମଧ୍ୟ ପ୍ରଦର୍ଶନ ହୋଇଛି । ମୁଖ୍ୟ ଅତିଥି ଭାବେ ପୋଲିସ ଡ଼ିଜି ଅଭୟ ଯୋଗ ଦେଇ NSG କମାଣ୍ଡୋ ଟିମକୁ ସମ୍ବର୍ଦ୍ଧିତ କରିଛନ୍ତି । ଭୁବନେଶ୍ୱରରୁ ଏହି ରାଲି ଗୋପାଳପୁର ପରେ ହାଇଦ୍ରାବାଦ ଯିବ ।

 

ଚୀନର ଧମକ, ଭାରତ ସହିତ ଯୁଦ୍ଧ ପାଇଁ ପ୍ରସ୍ତୁତ ରୁହ

ଚୀନର ସରକାରୀ ଖବରକାଗଜ ଗ୍ଲୋବାଲ୍ ଟାଇମ୍ସରେ ଭାରତକୁ ଧମକ ଦେବା ଭଳି ସମ୍ବାଦ ପ୍ରକାଶ ପାଇଛି। ଏହାର ସମ୍ପାଦକୀୟ ପୃଷ୍ଠାରେ ଉଲ୍ଲେଖ ହୋଇଛି ଯେ ଚୀନ୍ ସରକାରକୁ ଯୁଦ୍ଧ ପାଇଁ ପ୍ରସ୍ତୁତ ରହିବାକୁ ହେବ । କାରଣ  ସୀମାରେ ଭାରତ ସହ ସ୍ଥିତି ବିଗିଡିବାରେ ଲାଗିଛି।

ନିଜ ଇଚ୍ଛା ଅନୁସାରେ ସୀମାରେ ଜାଗା ମିଳିବ ନାହିଁ ବୋଲି ଭାରତକୁ ବୁଝିବା ଆବଶ୍ୟକ ବୋଲି ଖବରକାଗଜରେ ଉଲ୍ଲେଖ ରହିଛି । ଆଉ ଯଦି ଯୁଦ୍ଧ ହୁଏ ତାହେଲେ ଭାରତ ନିଶ୍ଚିତ ରୂପେ ହାରିବ । କୌଣସି ପ୍ରକାର ରାଜନୈତିକ ଚାପକୁ ଚୀନ୍ ବରଦାସ୍ତ କରିବ ନାହିଁ। ସୀମା ବିବାଦକୁ ନେଇ ଚୀନ୍ ଦୁଇଟି କଥା ଉପରେ ଫୋକସ୍ ରଖିଛି ।

ପ୍ରଥମଟି ଭାରତ ଯେତେ ହଇରାଣ କଲେ ମଧ୍ୟ ଚୀନ୍ ନିଜ ସିଦ୍ଧାନ୍ତରୁ ହଟିବ ନାହିଁ। ଚୀନର ସୀମା କେବଳ ଚୀନର ହିଁ । ଆଉ ଦ୍ୱିତୀୟଟି ହେଉଛି ସୀମା ମାମଲାରେ ଭାରତ ନୀଦରେ ଶୋଇଛି, ସେ ଉଠିବା ଯାଏଁ ଆମେ ଅପେକ୍ଷା କରିବୁ । ଚୀନର ଲୋକେ ଜାଣନ୍ତି ଭାରତ ଓ ଚୀନ୍ ଦୁହେଁ ମହାଶକ୍ତି ବୋଲି । ଦୁଇ ଜଣଙ୍କ ପାଖରେ ପର୍ଯ୍ୟାପ୍ତ କ୍ଷମତା ରହିଥିବା ଯୋଗୁଁ ସୀମା ବିବାଦ ଲମ୍ବା ସମୟ ଧରି ଚାଲି ରହିବ। ଏଭଳି ଘଟଣା ବହୁ ଦୁଃଖଦାୟକ । ଯଦି ଭାରତ ଏହିପରି କରିବାକୁ ଚାହୁଁଛି ତାହେଲେ ଚୀନ୍ ଶେଷ ଯାଏଁ ଏହାକୁ ଜାରି ରଖିବ ।

୫୦ଲକ୍ଷ ଟଙ୍କାର ଗଞ୍ଜେଇ ଜବତ: ଜଣେ ଗିରଫ

ଆର.ଉଦୟଗିରି: ୫୦ ଲକ୍ଷରୁ ଅଧିକ ଟଙ୍କାର ଗଞ୍ଜେଇ ଜବତ । ଗଞ୍ଜାମ ଜିଲ୍ଲା ଆର ଉଦୟଗିରି ଥାନା ଅନ୍ତର୍ଗତ ପତେଇଗୁଡା ଓ ଅନୁଗୁରୁ ଗାଁ ନିକଟରୁ ବିପୁଳ ପରିମାଣର ଗଞ୍ଜେଇ ଜବତ ହୋଇଛି । ଗାଁ ନିକଟରେ ଥିବା ଜଙ୍ଗଲ ମଧ୍ୟରୁ ପୋଲିସ ୯ କୁଇଣ୍ଟାଲରୁ ଅଧିକ ଗଞ୍ଜେଇ ଜବତ କରିଥିବା ବେଳେ, ଜଣଙ୍କୁ ଗିରଫ କରିଛି ପୋଲିସ । ସୂଚନା ଅନୁସାରେ, ଗଜପତି ଆରକ୍ଷୀ ଅଧିକ୍ଷକଙ୍କ ନିର୍ଦ୍ଦେଶ କ୍ରମେ ଆର ଉଦୟଗିରି ଥାନା ପୋଲିସ ସମ୍ପୃକ୍ତ ଅଞ୍ଚଳରେ ପାଟ୍ରୋଲିଂ କରିଥିଲା । ପାଟ୍ରୋଲିଂ ବେଳେ ୯ କ୍ୱିଣ୍ଟାଲ ୭୮କେଜି ୯୦୦ ଗ୍ରାମ ଗଞ୍ଜେଇ ଜବତ କରିବା ସହ ଜଣଙ୍କୁ ଗିରଫ କରିବାରେ ସଫଳ ହୋଇଛି । ତେବେ ଘଟଣାସ୍ଥଳରୁ ୩ ଜଣ ଚାଲାଣକାରୀ ଫେରାର ହୋଇଯାଇଥିବା ଜଣାପଡ଼ିଛି ।

ଏଥିସହିତ ପଢ଼ନ୍ତୁ: ଖୋଲୁଛି ମନୀଷ ଅନୁରାଗଙ୍କ ମୃତ୍ୟୁ ରହସ୍ୟ: ୨ସାଙ୍ଗଙ୍କୁ ଉଠାଇ ନେଇ ପୋଲିସର ପଚରାଉଚରା

ଖୋଲୁଛି ମନୀଷ ଅନୁରାଗଙ୍କ ମୃତ୍ୟୁ ରହସ୍ୟ: ୨ସାଙ୍ଗଙ୍କୁ ଉଠାଇ ନେଇ ପୋଲିସର ପଚରାଉଚରା

ଭୁବନେଶ୍ୱର: ଖୋଲୁଛ ବରିଷ୍ଠ ସାମ୍ବାଦିକ ନବୀନ ଦାସଙ୍କ ପୁଅ ମନୀଷ ଅନୁରାଗଙ୍କ ମୃତ୍ୟୁ ରହସ୍ୟ । ବିଭିନ୍ନ ଦିଗକୁ ନେଇ ଛାନଭିନ ଆରମ୍ଭ କରିଛି ପୋଲିସ। ମନୀଷଙ୍କ ଦୁଇ ଜଣ ସାଙ୍ଗଙ୍କୁ ପୋଲିସ କାଲି ରାତିରେ ଉଠାଇ ନେଇଥିବା ଜଣାପଡିଛି । ରାତି ତମାମ ତାଙ୍କୁ ଜେରା କରାଯାଇଛି। ଭୋଜି ଭାତ କରିବାକୁ ଡାକି ନେଇ ମନୀଷଙ୍କୁ ତାଙ୍କ ସାଙ୍ଗମାନେ ହତ୍ୟା କରିଥିବା ମନୀଷଙ୍କ ବାପା କହିଛନ୍ତି । କିନ୍ତୁ ଅନ୍ୟପଟେ ମନୀଷଙ୍କ ଶବ ବ୍ୟବଚ୍ଛେଦ ରିପୋର୍ଟ ଓ ସଂଗୃହିତ ପାଣିର ଡାଏଟମ ଟେଷ୍ଟ ରିପୋର୍ଟ ଆସିବା ପରେ ହିଁ ପୋଲିସକୁ ଆଉ କିଛି ସୁରାକ୍ ମିଳିପାରିବ। ଗତକାଲି ସିଲ୍‌ ହୋଇଥିବା ସାଉଥ ସିଟି ବାର ମଧ୍ୟ ସନ୍ଦେହ ଘେରକୁ ଆସିଛି। ସାଙ୍ଗଙ୍କ ବୟାନ, ମନୀଷ ନେଇଥିବା ଧାର ଟଙ୍କା ଇତ୍ୟାଦିକୁ ଆଧାର କରି ପୋଲିସ ଛାନଭିନ ଚଳାଇଛି ।

ଏଥିସହିତ ପଢ଼ନ୍ତୁ: ‘ଭୋଜି କରିବାକୁ ଡାକି ନେଇ ମୋ ପୁଅକୁ ହତ୍ୟା କରିଛନ୍ତି’