spot_img
Home Blog Page 5259

ପାରଳା ମହାରାଜା ଇଞ୍ଜିନିୟରିଂ କଲେଜ ଓ କେନ୍ଦୁଝର ଜିସିଇରେ ପ୍ରତିଷ୍ଠା ହେବ ଉତ୍କର୍ଷ କେନ୍ଦ୍ର

ଭୁବନେଶ୍ୱର: ଦକ୍ଷତା ବିକାଶ ଓ ବୈଷୟିକ ଶିକ୍ଷା ବିଭାଗ ଅଧୀନରେ ଥିବା ବ୍ରହ୍ମପୁରର ପାରଳା ମହାରାଜା ଇଞ୍ଜିନିୟରିଂ କଲେଜ ଓ କେନ୍ଦୁଝରର ଜିସିଇରେ ଉତ୍କର୍ଷ କେନ୍ଦ୍ର ପ୍ରତିଷ୍ଠା ହେବ । ଏନେଇ ୱାର୍ଲଡ ସ୍କିଲ୍ ସେଣ୍ଟରରେ ୩ଟି ଚୁକ୍ତିନାମା ସ୍ବାକ୍ଷର ହୋଇଛି । ଏନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏକ ଭିଡିଓ ବାର୍ତ୍ତା ଜରିଆରେ ଖୁସି ବ୍ୟକ୍ତ କରିଛନ୍ତି । ଏହି ୨ଟି ଇଞ୍ଜିନିୟରିଂ କଲେଜ ଟେକ୍ ମହିନ୍ଦ୍ରା ଓ ଡାସୌଲ୍ଟ ସିଷ୍ଟମ ଇଣ୍ଡିଆ ସହ ୩ଟି ଉତ୍କର୍ଷ କେନ୍ଦ୍ର ସ୍ଥାପନ ପାଇଁ ଏମଓୟୁ ସ୍ବାକ୍ଷର ହୋଇଛି ।

ଏହି ଉତ୍କର୍ଷ କେନ୍ଦ୍ର ରାଜ୍ୟର ଦକ୍ଷତା ବିକାଶ କାର୍ଯ୍ୟକ୍ରମକୁ ଆହୁରି ଆଗେଇ ନେବ । ନୂଆ ଦିଗନ୍ତ ପ୍ରଦାନ ସହ ନିଯୁକ୍ତି ସୁଯୋଗ ସୃଷ୍ଟି କରିବ ବୋଲି ମୁଖ୍ୟମନ୍ତ୍ରୀ କହିଛନ୍ତି । ଉତ୍କର୍ଷ କେନ୍ଦ୍ର ଶିକ୍ଷାର୍ଥୀଙ୍କୁ ନୂଆ ଜ୍ଞାନକୌଶଳ ସହ ଉନ୍ନତମାନର ପ୍ରଶିକ୍ଷଣ ପାଇବାରେ ସହାୟକ ହେବ । ରାଜ୍ୟର ଟାଲେଣ୍ଟ ପୁଲ୍ ବୃଦ୍ଧି କରିବାରେ ପ୍ରମୁଖ ଭୂମିକା ଗ୍ରହଣ କରିବ । ଦକ୍ଷତା ବିକାଶ କ୍ଷେତ୍ରରେ ଓଡ଼ିଶା ଦେଶର ପ୍ରମୁଖ ରାଜ୍ୟ ଭାବେ ଉଭା ହେବା ସହ ପରବର୍ତ୍ତୀ କାଳରେ ସାଇବର ସିକ୍ୟୁରିଟି ଓ କ୍ଲାଉଡ କମ୍ପ୍ୟୁଟିଂ ମାଧ୍ୟମରେ ତଥ୍ୟ ସୁରକ୍ଷିତ ରହିପାରିବ ।

ବିଶ୍ୱ ଡାକ ଦିବସ: ଜାଣନ୍ତୁ ଦୁନିଆରେ ପ୍ରଥମେ କିଏ କାହା ପାଇଁ ପ୍ରେମପତ୍ର ଲେଖିଥିଲେ..

ପ୍ରେମ ମନୁଷ୍ୟ ଇତିହାସ ପରି ଏକ ଆଦିମ ଅନୁଭବ । ଯେବେଠୁ ଏ ଧରାପୃଷ୍ଟରେ ଜୀବନ ଅଛି, ସେବେଠୁ ପ୍ରେମ ଏବଂ ପ୍ରେମର ଅଭିବ୍ୟକ୍ତି ରହିଆସିଛି । ପୃଥିବୀରେ ବୋଧହୁଏ ଏମିତି କେହି ବ୍ୟକ୍ତି ନଥିବେ ଯିଏକି କେବେ କାହାକୁ ପ୍ରେମ ପତ୍ର ଲେଖିନଥିବେ । ସମସ୍ତଙ୍କୁ ପ୍ରେମ ପତ୍ର ପଠାଯାଏନି ଏବଂ ପଠାଯାଇଥିବା ସମସ୍ତ ପ୍ରେମ ପତ୍ର ଠିକଣା ଜାଗାରେ ପହଞ୍ଚି ପାରେନି । ତେବେ କେବେ ଭାବିଛନ୍ତି କି, ଦୁନିଆରେ ପ୍ରଥମେ କିଏ କାହାକୁ ପ୍ରେମ ପତ୍ର ପଠାଇଥିଲେ…


ରୁକ୍ମିଣୀ କୃଷ୍ଣଙ୍କୁ ଲେଖିଥିଲେ ବିଶ୍ୱର ପ୍ରଥମ ପ୍ରେମ ପତ୍ର-
ସବୁ ତଥ୍ୟ ଉପରେ ଅନୁସନ୍ଧାନ କରିବା ଭଳି, ଐତିହାସିକମାନେ ପ୍ରେମ ପତ୍ର ଉପରେ ମଧ୍ୟ ଅନୁସନ୍ଧାନ କରିବା ଭୁଲିନଥିଲେ । ବିଶ୍ୱରେ ପ୍ରଥମ ପ୍ରେମ ପତ୍ରର ଲିଖିତ ପ୍ରମାଣ କେଉଁଠାରେ ଅଛି ଜାଣିବାକୁ ଏକ ପ୍ରୟାସ କରିଥିଲେ ଅନୁସନ୍ଧାନକାରୀ । ଆପଣ ଜାଣି ଆଶ୍ଚର୍ଯ୍ୟ ହେବେ ଯେ ଦୁନିଆର ପ୍ରଥମ ପ୍ରେମ ପତ୍ରର ଲିଖିତ ପ୍ରମାଣ ଭାରତୀୟ ପୁରାଣରେ ମିଳିଥାଏ । ପ୍ରାୟ ୫୦ ହଜାର ବର୍ଷ ପୂର୍ବେ ରୁକ୍ମିଣୀ କୃଷ୍ଣଙ୍କୁ ଏକ ଚିଠି ଲେଖି ତାଙ୍କ ବନ୍ଧୁ ସୁନନ୍ଦାଙ୍କ ହାତରେ କୃଷ୍ଣଙ୍କ ନିକଟକୁ ପଠାଇଥିଲେ । ଏହି କାହାଣୀର ଉଲ୍ଲେଖ ଭାଗବତ ପୁରାଣର ୫୨ ତମ ସ୍ଥାନରେ ଆସିଛି । ଭଗବତ ପୁରାଣ ହେଉଛି କୃଷ୍ଣଙ୍କ ପ୍ରତି ଭକ୍ତିଭାବରେ ଲିଖିତ ଏକ ସଂସ୍କୃତ ଉପନ୍ୟାସ । ଐତିହାସିକମାନେ ଏହାର ସୃଷ୍ଟି ସମୟକୁ ୮୦୦ ରୁ ୧୦୦୦ ଖ୍ରୀଷ୍ଟ ମଧ୍ୟରେ କୁହନ୍ତି ।

ପ୍ରାଚୀନ ମିଶରରେ ପ୍ରେମ ପତ୍ରର ଲିଖିତ ପ୍ରମାଣ-
ଭାରତୀୟ ପୁରାଣ ପରେ ପ୍ରେମ ପତ୍ରର ଦୃତୀୟ ପ୍ରମାଣ ଇଜିପ୍ଟରେ ଦେଖିବାକୁ ମିଳିଛି । ପ୍ରାଚୀନ ଇଜିପ୍ଟର ବିଧବା ରାଣୀ ଅନଖେସେନାମୁନ୍ ହିଗିତ ରାଜାଙ୍କୁ ଏକ ଚିଠି ଲେଖି ଅନୁରୋଧ କହିଥିଲେ ଯେ, ସେ ତାଙ୍କ ପୁତ୍ରଙ୍କୁ ମିଶର ଦେଶକୁ ପଠାଇ ତାର ବିବାହ ଅନଖେସେନାମୁନ୍ ସହ କରାନ୍ତୁ ।
ପ୍ରାଚୀନ ଚାଇନାର ପୌରାଣିକ ସାହିତ୍ୟରେ ମଧ୍ୟ ଏକ ରୋମାଣ୍ଟିକ୍ ପ୍ରେମ ପତ୍ରର ପ୍ରମାଣ ଦେଖିବାକୁ ମିଳେ । ସେଥିରେ ଉଲ୍ଲେଖ ରହିଛି ଯେ, ବାପା ମାଆ ଯେତେବେଳେ ଝିଅର ବିବାହ ତାର ଇଚ୍ଛା ବିରୁଦ୍ଧରେ ଅନ୍ୟତ୍ର କରିବା ପାଇଁ ନିଷ୍ପତ୍ତି ନେଇଥିଲେ ସେତେବେଳେ ଯୁବତୀ ଜଣଙ୍କ ନିଜ ପିଲାବେଳର ପ୍ରେମିକକୁ ପ୍ରେମ ପତ୍ର ଲେଖିଥିଲେ । ସେହିଭଳି, ପ୍ରାଚୀନ ରୋମ ସାହିତ୍ୟରେ ମଧ୍ୟ ପ୍ରେମ ପତ୍ରର ସ୍ପର୍ଶକାତର ଏବଂ ରୋମାଣ୍ଟିକ୍ ଅଭିବ୍ୟକ୍ତିରେ ପରିପୂର୍ଣ୍ଣ ପ୍ରମାଣ ରହିଛି ।


ପ୍ରଥମ ଓ ଦ୍ୱିତୀୟ ବିଶ୍ୱଯୁଦ୍ଧ ବେଳେ ଲେଖାଯାଇଛି ସବୁଠୁ ଅଧିକ ପ୍ରେମପତ୍ର –
ଏହା ପରେ, ଉନବିଂଶ ଏବଂ ବିଂଶ ଶତାବ୍ଦୀରେ, ସମଗ୍ର ବିଶ୍ୱର ସାହିତ୍ୟ ପ୍ରେମ ପତ୍ରର ବର୍ଣ୍ଣନାରେ ପରିପୂର୍ଣ୍ଣ । ଆମେରିକାରେ ଅନେକ ଦଶନ୍ଧି ପୂର୍ବରୁ କରାଯାଇଥିବା ଏକ ଅଧ୍ୟୟନରେ କୁହାଯାଇଛି ଯେ ବୋଧହୁଏ ଦୁଇ ବିଶ୍ୱଯୁଦ୍ଧ ସମୟରେ ଦୁନିଆରେ ସବୁଠାରୁ ଅଧିକ ପ୍ରେମ ପତ୍ର ଲେଖାଯାଇଥିଲା ଏବଂ ପଠାଯାଇଥିଲା । ଯେତେବେଳେ ମନୁଷ୍ୟ ପାଖରେ ଯୋଡ଼ି ହୋଇରହିବା ପାଇଁ ସେତିକି ସାଧନ ନଥାଏ, ଟେଲିଫୋନ ସେତିକି ସାଧାରଣ ଜିନିଷ ନଥିଲା । ଦୁନିଆ ବିଶ୍ୱଯୁଦ୍ଧର ନିଆଁରେ ଜଳୁଥିଲା, ଜୀବନ ଭୟ, ଅନିଶ୍ଚିତତା ଏବଂ ଆକାଂକ୍ଷା ଭିତରେ ଘେରି ହୋଇ ରହିଥିଲା । ସେତେବେଳେ ବୋଧେ ମନୁଷ୍ୟ ପାଇଁ ସବୁଠୁ ଜରୁରୀ ହୋଇଉଠିଥିଲା ନିଜ ପ୍ରେମକୁ ପରିପ୍ରକାଶ କରି ନିଜ ମନ କଥା କହିଦେବା, କାରଣ ଏଭଳି ଘଡ଼ିସନ୍ଧି ମୁହୂର୍ତ୍ତରେ କେତେବେଳେ ଯେ ଜୀବନ ଚାଲିଯିବ କେହି ଜାଣିନଥିଲେ ।

ପାନକାର୍ଡରେ କରିବେ କି ସଂଶୋଧନ ? ତାହାଲେ ତୁରନ୍ତ ଆପଣାନ୍ତୁ ଏହି ଦୁଇଟି ଉପାୟ

ନୂଆଦିଲ୍ଲୀ:ସାଧାରଣତଃ ବିନା ଡକ୍ୟୁମେଣ୍ଟରେ କିଛି ବି କାମ ହୁଏନାହିଁ । ଆମ ପାଖରେ ଥିବା ସମସ୍ତ ଗୁରୁତ୍ୱପୂର୍ଣ୍ଣ ଡକ୍ୟୁମେଣ୍ଟର ଏକ ନିଦ୍ଧିଷ୍ଟ ସମୟସୀମା ମଧ୍ୟ ରହିଥାଏ । ଏହିସବୁ ଡକୁମେଣ୍ଟ ଭିତରେ ଏକ ଜରୁରୀ ଜିନିଷ ହେଉଛି ଆମ ପାନ୍ କାର୍ଡ । କୌଣସି ବ୍ୟାଙ୍କରେ ଖାତା ଖୋଲିବା ହେଉ କି, PF ପାଇଁ ଆବେଦନ ହେଉ, ଲୋନ ପାଇଁ ଆବେଦନ କରନ୍ତୁ କି ଆପଣଙ୍କର ସିଭିଲ୍ ସ୍କୋର ଯାଞ୍ଚ କରନ୍ତୁ, କିମ୍ବା ଆୟକର ରିଟର୍ଣ୍ଣ ଫାଇଲ୍ କରନ୍ତୁ | ଏହି ସମସ୍ତ କାର୍ଯ୍ୟ ପାଇଁ, ଆପଣଙ୍କୁ ଏକ ପାନ୍ କାର୍ଡର ଦରକାର ପଡିଥାଏ । ଯଦି ଆପଣ ବ୍ୟାଙ୍କ ଆକାଉଣ୍ଟରୁ ୫୦ ହଜାର ଟଙ୍କା ଉଠାନ୍ତି କିମ୍ବା ଅଧିକ ଜମା କରନ୍ତି,ତାହାଲେ ବି ପାନ୍ କାର୍ଡର ବ୍ୟବହାର ଆପଣଙ୍କ ପାଇଁ ବାଧ୍ୟତାମୂଳକ ହୋଇଯାଏ |

ଏପରି ପରିସ୍ଥିତିରେ, ପାନ୍ କାର୍ଡର ଆବଶ୍ୟକତାକୁ ବୁଝି ସମସ୍ତେ ଏହାକୁ ତିଆରି କରନ୍ତି  । ତେଣୁକରି ଯଦି ଆପଣ ଭାବୁଛନ୍ତି ଯେ ଆପଣଙ୍କର ନାମ କିମ୍ବା ଅନ୍ୟ କୌଣସି ବି ଭୁଲ ଆପଣଙ୍କ ପାନ୍ କାର୍ଡରେ ହେଇଛି କିମ୍ବା ଆପଣ କିଛି ପରିବର୍ତ୍ତନ କରିବାକୁ ଚାହୁଁଛନ୍ତି  ।  ତେବେ ଏହା କେମିତି ହେଇପାରିବ ତାର ଉତ୍ତର ଜାଣିରଖନ୍ତୁ  । ଏଥିପାଇଁ ଏକ ସରଳ ଉପାୟ ଅଛି, ଯାହା ବିଷୟରେ ଆମେ ଆପଣଙ୍କୁ କହିବାକୁ ଯାଉଛୁ | ତେବେ ଆସନ୍ତୁ ଜାଣିବା ଆପଣ କିପରି ନିଜ ପାନ୍ କାର୍ଡରେ ସଂଶୋଧନ କରିପାରିବେ ।ପାନକାର୍ଡରେ କିଛି ଭୁଲ୍ କିମ୍ବା ତ୍ରୁଟି ଥିଲେ, ଆପଣ ଏହାକୁ ଅଫଲାଇନ କିମ୍ବା ଅନଲାଇନ ଦୁଇଟି ଉପାୟରେ ସଂଶୋଧନ କରିପାରିବେ ।

ଅଫଲାଇନ୍ ପାଇଁ ଏହି ଉପାୟ କରନ୍ତୁ-

ଅଫଲାଇନ୍ ପାଇଁ ନିଜ ଘର ନିକଟସ୍ଥ ପାନକାର୍ଡ ସୁବିଧା କେନ୍ଦ୍ରକୁ ଯାଆନ୍ତୁ  ।  ସେଠାରେ ଏକ ଫର୍ମ ପୂରଣ କରି ନୂଆ ପାର୍ନକାର୍ଡ ପାଇଁ ଆବେଦନ କରନ୍ତୁ..ଯାହାର ଅଳ୍ପଦିନ ପରେ ଆପଣଙ୍କ ନୂଆ ପାନକାର୍ଡ ଉପଲବ୍ଧ ହୋଇଯିବ ।

ଅନଲାଇନ ପାଇଁ ଏହି ଉପାୟ କରନ୍ତୁ-

ଅନଲାଇନ ଦ୍ବାରା ଯଦି ପାନକାର୍ଡର ସଂଶୋଧନ କରିବାକୁ ଚାହୁଁଛନ୍ତି ତାହାଲେ NSDLର ସର୍ଭିସ-onlineservices.nsdl.com/paam/endUserRegisterContact.html କିମ୍ବା UTIITS ର ସର୍ଭିସ UTIITSL at myutiitsl.com/PAN-ONLINE/CSFPANApp ରେ ଯାଇ ଆବେଦନ କରିପାରିବେ ..

ତାସହ ଆପଣ NSDL ରୁ ୧୮୦୦-୧୮୦-୧୯୬୧ ଓ ୦୨୦-୨୭୨୧୮୦୮୦ ରେ ସଂମ୍ପର୍କ କରିପାରେ ।

ଘରେ ବସି ନିଶ୍ଚିନ୍ତରେ ଅନଲାଇନରେ ନିଜର ପାନକାର୍ଡକୁ ସଂଶୋଧନ କରିପାରିବେ ।

ଯଦି ଆପଣଙ୍କର ପାନ୍ କାର୍ଡ କେଉଁଠି  ହଜିଯାଇଛି କିମ୍ବା ଚୋରି ହୋଇଛି, ତେବେ ଆପଣଙ୍କର ଅନେକ ପ୍ରକାରର କାମ ଉପରେ ପ୍ରଭାବ ପଡିପାରେ  | ଏହି କ୍ଷେତ୍ରରେ ଆପଣଙ୍କୁ ଚିନ୍ତା କରିବାର କିଛି ବି ଆବଶ୍ୟକତା ନାହିଁ | ଆପଣ ଇ-ପାନ୍ କାର୍ଡ ଡାଉନଲୋଡ୍ କରିପାରିବେ ଯଥା ଘରେ ବସି ପାନ୍ କାର୍ଡର ଡିଜିଟାଲ୍ କପି  ବାହାରକରିପାରିବେ | ଆୟକର ବିଭାଗ ଗତ ମାସରେ ଏକ ନୂତନ ୱେବସାଇଟ୍ ଲଞ୍ଚ କରିଛି। ଏହା ମାଧ୍ୟମରେ, ଆପଣ ଘରେ ବସି କିଛି ମିନିଟରେ ଆପଣଙ୍କର ଇ-ପାନ୍ କାର୍ଡ (ଇ-ପାନ୍) ଡାଉନଲୋଡ୍ କରିପାରିବେ |

ସର୍ବପ୍ରଥମେ ଆୟକର ବିଭାଗର ୱେବସାଇଟ୍ (https://www.incometax.gov.in/) କୁ ଲଗ୍ ଇନ୍ କରନ୍ତୁ |
ଏଠାରେ ଆପଣଙ୍କୁ ‘ଇନଷ୍ଟାଣ୍ଟ ଇ-ପାନ୍’ ଅପ୍ସନ୍ ଉପରେ କ୍ଲିକ୍ କରିବାକୁ ପଡିବ | ଯଦି ଏହି ବିକଳ୍ପ କାମ ହୁଏ ନାହିଁ, ତେବେ ଆପଣ ଶୋ ମୋର୍ ’ଉପରେ କ୍ଲିକ୍ କରିବା ମାତ୍ରେ ଏହା ଦେଖାଯିବ | ନୂତନ ପୃଷ୍ଠା ଖୋଲିବା ପରେ, ଏଠାରେ ଥିବା ‘ନୂତନ ଇ ପାନ୍’ ଅପ୍ସନ୍ ଉପରେ କ୍ଲିକ୍ କରନ୍ତୁ |ଏଠାରେ ଆପଣଙ୍କର ପାନ୍ ନମ୍ବର ପ୍ରବେଶ କରନ୍ତୁ | ଯଦି PAN ନମ୍ବର ମନେ ନାହିଁ, ତେବେ ଆପଣଙ୍କ ପାଖରେ ଆଧାର ନମ୍ବରର ବିକଳ୍ପ ଅଛି | ଏଠାରେ ଦିଆଯାଇଥିବା ସର୍ତ୍ତାବଳୀ  ଉପରେ କ୍ଲିକ୍ କରନ୍ତୁ | ବର୍ତ୍ତମାନ ଆପଣଙ୍କର ପଞ୍ଜୀକୃତ ମୋବାଇଲ୍ ନମ୍ବରରେ ଏକ OTP ଆସିବ |

ଲକ୍ଷାଧିକ ଟଙ୍କା ନେଇ କଟକ ଯାଉଥିଲେ ଜଳ ସମ୍ପଦ ବିଭାଗ ଅଧିକ୍ଷଣ ଯନ୍ତ୍ରୀ, ମାଡି ବସିଲା ଭିଜିଲାନ୍ସ

କେନ୍ଦୁଝର: ଭିଜିଲାନ୍ସ ଜାଲରେ ଜଳ ସମ୍ପଦ ବିଭାଗର ଅଧିକ୍ଷଣ ଯନ୍ତ୍ରୀ । ଗାଡ଼ିରେ ଲକ୍ଷାଧିକ ଟଙ୍କା ନେଇ ଘରକୁ ଫେରୁଥିବାବେଳେ ମାଡି ବସିଲା ଭଜିଲାନ୍ସ ଟିମ୍  ।  ମିଳିଥିବା ସୂଚନା ମୁତାବକ  ବୈତରଣୀ ଜଳ ସମ୍ପଦ ବିଭାଗର ସୁପରିଟେଣ୍ଡ ଇଞ୍ଜିନିୟର ବିଧାନ ଚନ୍ଦ୍ର ସାହୁ ନିଜ ବାସଭବନକୁ ଯିବା ସମୟରେ ଭିଜିଲାନ୍ସ ତାଙ୍କ ଗାଡି ଉପରେ ରେଡ କରିଥିଲା  । କେନ୍ଦୁଝରରୁ କଟକ ଯାଉଥିବା ସମୟରେ  ଯାଜପୁର ଏନସି କଲେଜ ନିକଟରେ ୧୦ ଲକ୍ଷ ଟଙ୍କା ସହ କାବୁ କରିଛି ଭିଜିଲାନ୍ସ  ।

ପରେ ଭିଜିଲାନ୍ସ ବିଭାଗ ଦ୍ୱାରା ସେ ଅଟକ ରହିଥିବା ଜଣାପଡିଛି  ।  ଯାଜପୁର ଭିଜିଲାନ୍ସ ବିଭାଗ ସହ କଟକ ଭିଜିଲାନ୍ସ ଏସ୍ପି ଅକ୍ଷୟ ମିଶ୍ର ଏହି ଟିମରେ ସାମିଲ ଥିଲେ  । ପୂର୍ବ ସୂଚନା ମୁତାବକ ଯାୟଜପୁର ଏନସି କଲେଜ ନିକଟରେ ଯେତେବେଳେ ଜଳ ସମ୍ପଦ ବିଭାଗର ଉକ୍ତ ଅଧିକାରୀ ଜଣଙ୍କ ପହଁଚିଥିଲେ  । ସେହି ସମୟରେ ତାଙ୍କ କାର ଅଟକାଇବା ସହ ରେଡ କରିଥିଲେ ଭିଜିଲାନ୍ସ ଟିମ  ।

ସ୍କୁଟରରେ ଆସିଲେ ଆଶିଷ ମିଶ୍ରା, ଡ୍ରାଇଭର ସାଜିଲେ ବିଜେପି ବିଧାୟକ

ନନ୍ଦିଘୋଷ ବ୍ୟୁରୋ: କେନ୍ଦ୍ର ଗୃହ ରାଷ୍ଟ୍ରମନ୍ତ୍ରୀ ଅଜୟ ମିଶ୍ରଙ୍କ ପୁଅ ଆଶିଷ ମିଶ୍ରା  । ଚାଷୀଙ୍କୁ ଗାଡ଼ି ଚଢାଇ ହତ୍ୟା କରିବା ଅଭିଯୋଗର ମୁଖ୍ୟ କାର୍ପଟଦାର  । ଶୁକ୍ରବାର କ୍ରାଇମବ୍ରାଞ୍ଚର ନୋଟିସ ପରେ ଶନିବାର ହାଜର ହୋଇଛନ୍ତି  । ଚାଷୀଙ୍କୁ ହତ୍ୟା କରିଥିବାନେଇ ଗୋଟେପଟେ ସମଗ୍ର ଦେଶରେ ଆନ୍ଦୋଳନର ନିଆଁ କୁହୁଳୁଛି  । ଅନ୍ୟପଟେ ପୋଲିସ କାହିଁକି କେନ୍ଦ୍ରମନ୍ତ୍ରୀଙ୍କୁ ପୁଅକୁ ଗିରଫ କରୁନାହିଁ, ସେନେଇ ମଧ୍ୟ ୟୁପି ପୋଲିସ ଉପରେ ପ୍ରଶ୍ନର ପାହାଡ଼ ଠିଆ ହୋଇଛି  । ଏହାରି ଭିତରେ ଆଜି ଖେରିର କ୍ରାଇମବ୍ରାଞ୍ଚ କାର୍ଯ୍ୟାଳୟରେ ହାଜର ହେବା ନେଇ ନୋଟିସ ଜାରି କରାଯାଇଥିଲା  । ସମୟସର ମହଲତ ଥିଲା ଦିନ ୧୧ଟା  । ସକାଳୁ ଗଣମାଧ୍ୟମର ଗହଳି  । ଚାରିଆଡେ ଛାଇ ଯାଇଛି କ୍ୟାମେରା  । ସମସ୍ତଙ୍କ ନଜର ଥାଏ କେତେବେଳେ କାର୍ଯ୍ୟାଳୟରେ ହାଜିର ହେବେ କେନ୍ଦ୍ରମନ୍ତ୍ରୀଙ୍କ ପୁଅ ଆଶିଷ ମିଶ୍ରା  ।

ଘଣ୍ଟାରେ ସମୟ ୧୦.୩୮ ବାଜିଥାଏ  । କ୍ରାଇମବ୍ରାଞ୍ଚ ଅଫିସ ମଧ୍ୟକୁ ପ୍ରବେଶ କରେ ଏକ ସ୍କୁଟର  । ସ୍କୁଟରରେ ଥାଆନ୍ତି ଦୁଇ ଜଣ ବ୍ୟକ୍ତି  । ଉଭୟେ ସମାନ ରଙ୍ଗର ପୋଷାକ ପରିଧାନ କରିଥାନ୍ତି  । ଅର୍ଥାତ ଦୁଇ ଜଣ ବ୍ୟକ୍ତି ଧଳା ରଙ୍ଗର କୁର୍ତ୍ତି ପାଇଜାମା ପିନ୍ଧିଥାନ୍ତି  । ଏବଂ ଠିକ ଏତିକି ବେଳେ ହଲଚଲ ହୋଇଯାଇଥିଲା କ୍ରାଇମବ୍ରାଞ୍ଚ ଅଫିସ ପରିସର  । ଚଳଞ୍ଚଚଳ ହୋଇଯାଇଥିଲେ ଉପସ୍ଥିତ ଗଣମାଧ୍ୟମ ପ୍ରତିନିଧି  । ସମସ୍ତଙ୍କ କ୍ୟାମେରାର ଲେନ୍ସ ଥାଏ ଜଣଙ୍କୁ ଉପରକୁ  । ସେହି ବ୍ୟକ୍ତି ଜଣଙ୍କ ହିଁ ସ୍କୁଟରର ପଛ ସିଟରେ ବସିଥାନ୍ତି  । ଆଗରେ ଡ୍ରାଇଭିଂ କରୁଥିବା ବ୍ୟକ୍ତି ଜଣଙ୍କ ପରିଚୟ ମଧ୍ୟ ସମସ୍ତକୁ ଚକିତ କଲାଭଳି ।

ଯେଉଁ ସ୍କୁଟରଟି ୧୦.୩୮ ମିନିଚରେ କ୍ରାଇମବ୍ରାଞ୍ଚ ଅଫିସ ମଧ୍ୟକୁ ପ୍ରବେଶ କରିଥିଲା, ସେହି ସ୍କୁଟରରେ ବସିଥାନ୍ତି ଲଖିମପୁର ଖେରୀ ଛାଷୀ ହତ୍ୟା ଘଟଣାର ମୁଖ୍ୟ ଅଭିଯୁକ୍ତ କୁହାଯାଉଥିବା ଆଶିଷ ମିଶ୍ରା  । ଏବଂ ସ୍କୁଟର ଚଳାଉଥିବା ବ୍ୟକ୍ତି ଜଣଙ୍କ ଥିଲେ ଖେରୀ ସଦର ବିଧାନସଭା କ୍ଷେତ୍ରର ବିଜେପି ବିଧାୟକ  ଯୋଗେଶ ବର୍ମା  । ଚତୁର୍ପାଶ୍ୱରେ କଡ଼ା ସୁରକ୍ଷା ବଳୟର ପ୍ରହରା ଦେଉଥାଏ ପୋଲିସ  । ସମସ୍ତଙ୍କ ଆଶା ଥିଲା ନିଶ୍ଚେ ପୋଲିସର ସୁରକ୍ଷ ମଧ୍ୟରେ କାରରେ ଆସିବେ ଅଭିଯୁକ୍ତ କୁହାଯାଉଥିବା ଆଶିଷ  । କିନ୍ତୁ ଆଶିଷଙ୍କ ଏଣ୍ଟ୍ରି ସମସ୍ତଙ୍କୁ ଆଶ୍ଚର୍ଯ୍ୟ କଲାଭଳି ଥିଲା  । କାରଣ ଯେଉଁ ଘଟଣା ପାଇଁ ସମଗ୍ର ଦେଶରେ ଆନ୍ଦୋଳନ ଜାରି ରହିଛି  । ଯେଉଁ ବ୍ୟକ୍ତି ପାଇଁ ହିଂସାରେ ପାଖାପାଖି ୧୦ରୁ ଅଧିକ ଲୋକଙ୍କ ପ୍ରାଣହାନୀ ଘଟିଲାଣି  । ଏବଂ ଯେଉଁ ବ୍ୟକ୍ତି ପାଇଁ ଶାସନରେ ଥିବା ବିଜେପି ଏବେ କାଠଗଡ଼ାରେ  । ସେହି ବ୍ୟକ୍ତି ଏମିତି କେମିତି ଆସିପାରିଲେ  । ପୁଣି ତାଙ୍କୁ ଜଣେ ବିଧାୟକ ପଛରେ ବସାଇ ଆଣିବା ଘଟଣାକୁ ଆହୁରି ରୋଚକ କରିପକାଇଛି  ।

ସେପଟେ ଶନିବାର କ୍ରାଇମବ୍ରାଞ୍ଚରେ ହାଜର ହୋଇଥିବା କେନ୍ଦ୍ର ଗୃହମନ୍ତ୍ରୀ ଅଜୟ ମିଶ୍ରଙ୍କ ପୁଅ ଆଶିଷ ମିଶ୍ରଙ୍କୁ ପ୍ରଶ୍ନ ବାଣରେ ଘାଇଲା କରିଛି ୟୁପି କ୍ରାଇମବ୍ରାଞ୍ଚର ତଦନ୍ତକାରୀ ଟିମ  । ପୂର୍ବରୁ ଏହି ଘଟଣାରେ ଭାରତର ସର୍ବୋଚ୍ଚ ନ୍ୟାୟାଳୟ ମଧ୍ୟ ଯୁପି ସରକାରକୁ ରିପୋର୍ଟ ଦେବାକୁ ନୋଟିସ ଜାରି କରିଛନ୍ତି  । ଅନ୍ୟପଟେ କ୍ରାଇମବ୍ରାଞ୍ଚ ଆଶିଷ ମିଶ୍ରଙ୍କୁ ଗୋଟେଦିନ ପୂର୍ବରୁ ହାଜର ହେବାନେଇ ସମନ ଜାରି କରିଥିଲାବେଳେ ଅନୁପସ୍ଥିତ ରହିଥିଲେ କେନ୍ଦ୍ରମନ୍ତ୍ରୀଙ୍କ ପୁଅ  । ପରବର୍ତ୍ତୀ ସମୟରେ ପୁଣି ଥରେ ସାନି ତାରିଖରେ ହାଜର ହେବା ନେଇ ମଧ୍ୟ ଆଶିଷଙ୍କ ଘରେ ନୋଟିସ ଲଟକା ଯାଇଥିଲା  ।  ଶେଷରେ ଶନିବାର ୧୦.୩୮ରେ କ୍ରାଇମବ୍ରାଞ୍ଚ କାର୍ଯ୍ୟାଳୟରେ ହାଜର ହୋଇଥିଲେ ଖେରି ଘଟଣାର ମୁଖ୍ୟ ଅଭିଯୁକ୍ତ କୁହାଯାଉଥିବା ଅଜୟ ମିଶ୍ରଙ୍କ ପୁଅ ଆଶିଷ ମିଶ୍ର । ଆଉ ଏପର୍ଯ୍ୟନ୍ତ ମଧ୍ୟ ପଚରା ଉଚରା ଜାରି ରଖିଛି କ୍ରାଇମବ୍ରାଞ୍ଚ ଟିମ୍  ।

 

ମୁହଁ ଖୋଲିଲେ ସ୍ବରା,କହିଲେ”ଏଇଠି ଚାଷୀଙ୍କୁ ହତ୍ୟା କରିବା ଗ୍ରହଣୀୟ,କିନ୍ତୁ ଡ୍ରଗ୍ସ ଟାଣିବା ଜଘନ୍ୟ ଅପରାଧ ”

ମୁମ୍ବାଇ: ବର୍ତ୍ତମାନ ଦେଶରେ ଦୁଇଟି ଚର୍ଚ୍ଚିତ ଖବର । ଯାହା ଉପରୁ ହଟୁନି କାହାରି ନଜର। ଗୋଟିଏ ପଟେ ଜଣେ ସୁପରଷ୍ଟାରଙ୍କର ପୁଅର ଡ୍ରଗ୍ସଲିଙ୍କ ତ ଅନ୍ୟପଟେ ଚାଷୀଙ୍କ ଉପରକୁ ଗାଡି ଚଢାଇଥିବା କେନ୍ଦ୍ରମନ୍ତ୍ରୀଙ୍କ ହତ୍ୟାକାରୀ ପୁଅ । ନେତା ଓ ଅଭିନେତା ଏମିତିରେ ବି ଲାଇମ ଲାଇଟରେ ରୁହନ୍ତି,କିନ୍ତୁ ଏଥର ଅପରାଧ କ୍ଷେତ୍ରରେ ଲାଇମ ଲାଇଟରେ ରହି ଚର୍ଚ୍ଚିତ ଏହି ଦୁଇଟି ଘଟଣା  । ବର୍ତ୍ତମାନ ଏହି ଦୁଇଟିଯାକ ଖବର ସାରାଦେଶରେ ହଇଚଇ ସୃଷ୍ଟିକରିଛି । କିନ୍ତୁ କେଉଁଠି ନା କେଉଁଠି ଦୁଇଟି ଚର୍ଚ୍ଚିତ ଘଟଣା ଭିତରେ ଚାଲିଛି ପାତରଅନ୍ତର  । ଅର୍ଥାତ ଦୁଇଟିଯାକ ଖବର ଭିତରୁ କେଉଁ ଘଟଣା ଅଧିକ ଗୁରୁତ୍ବପୂର୍ଣ୍ଣ ଓ କେଉଁଟା ନୁହେଁ ତାହା ଉପରେ ଏବେ ସାଧାରଣରେ ଚାଲିଛି ଯୁକ୍ତି । ୟୁପିରେ ଚାଷୀଙ୍କ ପ୍ରତି ହୋଇଥିବା ଅମାନୁଷିକ କାଣ୍ଡ ଆଗରେ କ’ଣ ଜଣେ ସୁପରଷ୍ଟାରଙ୍କ ପୁଅର ଡ୍ରଗ୍ସଲିଙ୍ଗ ଘଟଣା ଭାରୀ ପଡିବା ଉଚିତ୍ । ଏଥିପାଇଁ ବଲିଉଡରେ ବି ଚର୍ଚ୍ଚାର ମାହୋଲ । ଏହାରି ଭିତରେ ଶାହରୁଖଙ୍କ ପୁଅଙ୍କ ପାଇଁ ମିଳୁଛି ଅନେକ ସପୋର୍ଟ । ଆର୍ଯ୍ୟନ୍ ଙ୍କ ଡ୍ରଗ୍ସ ଲିଙ୍କକୁ ଅଯଥା ଖବର ବନାଇ ପରିବେଷଣ କରାଯାଉଛି ବୋଲି ହେଉଛି ଚର୍ଚ୍ଚା। ଏନେଇ ଟୁଇଟରରେ ବି ଯୁକ୍ତି ଆରମ୍ଭ ହୋଇଗଲାଣି। ଅଭିନେତ୍ରୀ ସ୍ବରା ଭାସ୍କରଙ୍କ ଠାରୁ ସନୁସୁଦ ପର୍ଯ୍ୟନ୍ତ ସମସ୍ତଙ୍କର  ଆର୍ଯ୍ୟନଙ୍କୁ ମିଳୁଛି ଭାରୀ ସପୋର୍ଟ ।

ସ୍ୱରା ଟ୍ୱିଟ୍ କରି କହିଛନ୍ତି: ” ମନ୍ତ୍ରୀଙ୍କ ପୁଅ ଯିଏ ଖୁବ ଚାଲାକିର ସହ ଚାରି ଜଣ ଚାଷୀଙ୍କୁ ହତ୍ୟା କରିଛି ,କିନ୍ତୁ (ଭିଡିଓରେ ପ୍ରମାଣ ଅଛି ) କିନ୍ତୁ ଅପରାଧୀ ଆରାମରେ ଘୁରିବୁଲୁଛି ,କିନ୍ତୁ ଶାହରୁଖ ଖାନଙ୍କ ପୁଅ ଆର୍ଯ୍ୟନ୍ ଖାନ୍ ଜେଲରେ ଅଛନ୍ତି। ଏହାର ଅର୍ଥ ହେଉଛି ଯେ ଆମ ନୂଆ ଭାରତରେ ନିର୍ଦ୍ଦୟଭାବେ ହତ୍ୟା କରିବା ଗ୍ରହଣୀୟ କିନ୍ତୁ ସାମାନ୍ୟ ଧୁମ୍ରପାନ କରିବା ଏକ ଜଘନ୍ୟ ଅପରାଧ। ” ସ୍ୱରାଙ୍କ ଟ୍ୱିଟରେ ଲଖୀମପୁର ହିଂସା ଘଟଣାରେ ମନ୍ତ୍ରୀଙ୍କ ପୁଅକୁ ଫୁର୍ତ୍ତି ଦିଆଯାଉଥିବା ବ୍ୟବହାରକୁ ଦୃଢନିନ୍ଦା କରାଯାଇଛି। ସ୍ୱରା ବ୍ୟତୀତ ସୋନୁ ସୁଦ ମଧ୍ୟ ପରୋକ୍ଷ ଭାବରେ ଆର୍ଯ୍ୟନ୍ ଖାନଙ୍କ ଗିରଫଦାରୀ ମାମଲାକୁ ନେଇ ମୁହଁ ଖୋଲିଛନ୍ତି।

ସୋନୁ ସୁଦ ମଧ୍ୟ  ଟ୍ବିଟ୍ କରି କହିଛନ୍ତି, ଯେ ଆଇନ ଏହାର ଠିକ୍‌ କାମ କରିବ। କିନ୍ତୁ ଏହି ସମୟରେ ମାନବିକତା ଓ ଆତ୍ମା ଉପରୁ ଯେଉଁ ପରଦା ଉଠିଛି ତାହା ସବୁବେଳେ ତୁମ ଚରିତ୍ରରେ ପ୍ରମାଣପତ୍ର ହୋଇ ରହିବ। କାଲି ଆଉ ଏକ ନୂଆ ସକାଳ ହେବ, କେବଳ ଧୈର୍ଯ୍ୟକୁ ଧରି ରୁହ। ସୋନୁ ସୁଦ ତାଙ୍କ ଟ୍ବିଟରେ ଆର୍ଯ୍ୟନଙ୍କ ନାମ ନେଇ ନାହାନ୍ତି କିନ୍ତୁ ତାଙ୍କର ଏଭଳି ଟ୍ବିଟ୍‌ରୁ ଏ କଥା ସ୍ପଷ୍ଟ ବାରି ହେଉଛି। ସୂଚନା ଅନୁଯାୟୀ, ଗତ କିଛି ଦିନ ପୂର୍ବରୁ ସୋନୁ ସୁଦଙ୍କ ଉପରେ ଇନ୍‌କମ୍‌ ଟ୍ୟାକ୍ସ ଚୋରୀ ଅଭିଯୋଗ ଲାଗିଥିଲା। ସେ ମଧ୍ୟ ଆଇନର  ଫାସରେ ପଡିଥିଲେ।

ଚଳନ୍ତା ଟ୍ରେନରେ ମହିଳାଙ୍କୁ ଗଣଦୁଷ୍କର୍ମ, ସ୍ୱାମୀଙ୍କ ସହ ଯାଉଥିଲେ

ମୁମ୍ବାଇ: ଲକ୍ଷ୍ନୌରୁ ମୁମ୍ବାଇ ଯାଉଥିବା ପୁଷ୍ପକ ଏକ୍ସପ୍ରେସରେ ଜଣେ ୨୦ ବର୍ଷୀୟ ଯୁବତୀଙ୍କ ସହ ଗଣଦୁୁଷ୍କର୍ମ ଭଳି ନିନ୍ଦନୀୟ ଘଟଣା ଘଟିଛି । ଏହି ଘଟଣା ଶୁକ୍ରବାର ରାତି ପ୍ରାୟ ୮ଟାରେ ହୋଇଥିବା ଜଣାପଡିଛି ।

ସୂଚନା ଅନୁଯାୟୀ, ୮ ଜଣ ବଦମାସ ଇଗତପୁରୀ-କସାରା ଷ୍ଟେସନ ମଧ୍ୟରେ ଯାତ୍ରୀଙ୍କ ଠାରୁ ଲୁଟ୍ କରିଥିଲେ । ସ୍ଲିପର ବଗିରେ ଦୁବୃର୍ତ୍ତ ମାନେ ଚଢିବା ସହ ଲଟପାଟ୍ କରିଥିଲେ । ଏହି ସମୟରେ ସ୍ୱାମୀ ସହ ଯାତ୍ରା କରୁଥିବା ଜଣେ ୨୦ ବର୍ଷୀୟ ଯୁବତୀଙ୍କ ସହ ଗଣଦୁଷ୍କର୍ମ କରିଥିଲେ ।

କସାରାରେ ପହଞ୍ଚିବା ପରେ ଯାତ୍ରୀ ମାନେ ରେଳବାଇକୁ ସହାୟତା ମାଗିବା ପରେ ଜିଆରପି ତୁରନ୍ତ ସେମାନଙ୍କୁ ଧରିବା ପାଇଁ କାର୍ଯ୍ୟାନୁଷ୍ଠାନ ଗ୍ରହଣ କରିଥିଲା । କଲ୍ୟାଣ ଥାନାରେ ଏନେଇ ମାମଲା ରୁଜୁ କରାଯାଇଥିବା ନେଇ ସୂଚନା ଦେଇଛି ମୁମ୍ବାଇ ଜିଆରପି । ଆଇପିସିର ଧାରା ୩୯୫,୩୯୭, ୩୭୬ (ଡି), ୩୫୪, ୩୫୪ (ବି) ଓ ଭାରତୀୟ ରେଲୱେ ଆକ୍ଟ ୩୭ ଏବଂ ୧୫୩ ଅଧିନରେ ମାମଲା ରେକର୍ଡ କରାଯାଇଛି ।

ଜିଆରପି କମିଶନର  କେସର ଖାଲିଦ କହିଛନ୍ତି ଯେ ପ୍ରାୟ ୮ ଜଣ ବଦମାସ ଟ୍ରେନରେ ଚଢିବା ସହ ଲୁଟିଥିଲେ ଯାତ୍ରୀଙ୍କୁ। ଯାହାପରେ ସମ୍ପୃକ୍ତ ଯୁବତୀଙ୍କ ସହ ଦୁଷ୍କର୍ମ କରିଥିଲେ । ଆଉ ଏହି ଘଟଣାରେ ୪ଜଣ ଅପରାଧିଙ୍କୁ ଧରା ଯାଇଥିବା ବେଳେ ଆଉ ୪ଜଣଙ୍କ ତଲାସୀ ଜାରି ରହିଛି ।

‘ପୂଜା ସମୟରେ ଦୈନିକ ସଂକ୍ରମଣ ସଂଖ୍ୟା ଉପରେ ନଜର ରହିବ’

ଭୁବନେଶ୍ୱର: କେନ୍ଦ୍ର ସ୍ୱାସ୍ଥ୍ୟମନ୍ତ୍ରାଳୟ-ରାଜ୍ୟ ସ୍ୱାସ୍ଥ୍ୟ ବିଭାଗଗ ମଧ୍ୟରେ ଭିଡିଓ କନ୍‌ଫରେନ୍ସିଂ ଜରିଆରେ ଆଲୋଚନା ।  ଏ ନେଇ ସ୍ୱାସ୍ଥ୍ୟ ନିର୍ଦ୍ଦେଶକ ବିଜୟ ମହାପାତ୍ରଙ୍କ ସୂଚନା । ସ୍ୱାସ୍ଥ୍ୟ ବିଭାଗ ପାଇଁ ପୂଜା ପାଖରୁ ଚ୍ୟାଲେଞ୍ଜ ଆରମ୍ଭ ହୋଇଗଲା । ଟିକେ ବ୍ୟତିକ୍ରମ ହେଲେ ସଂକ୍ରମଣ ବଢ଼ିବାର ଯଥେଷ୍ଟ ସମ୍ଭାବନା ଅଛି । ସଂକ୍ରମଣ ବଢ଼ିଲେ କଣ୍ଟେନମେଣ୍ଟ ଜୋନ୍ କରିବା ନେଇ କେନ୍ଦ୍ର ସରକାରଙ୍କ ପକ୍ଷରୁ ନିର୍ଦ୍ଦେଶ ରହିଛି । କଟକ -ଭୁବନେଶ୍ୱର ସଂକ୍ରମଣ ଅଧିକ ରହୁଛି । ନିୟମ କଡ଼ାକଡ଼ି ପାଳନ ଉପରେ ଅଧିକ ଗୁରୁତ୍ୱ ଦିଆଯାଉଛି । ଭିଡ଼କୁ ଏଡ଼ାଇବା ପାଇଁ ଅଧିକାରୀଙ୍କୁ କୁହାଯାଇଛି । ପୂଜାରେ ସତର୍କ ରହିବା ଦରକାର । ପୂଜା ସମୟରେ କେଉଁ ଜିଲ୍ଲାରେ କେତେ ସଂକ୍ରମଣ ବଢୁଛି ତାହାର ଦୈନିକ ଅନୁଶୀଳନ କରାଯିବ ।

ଏଥିସହିତ ପଢ଼ନ୍ତୁ: ଏସିଏଫ୍ ସୌମ୍ୟରଞ୍ଜନଙ୍କ ମୃତ୍ୟୁ ମାମଲା: ଡିଏଫ୍‌ଓ ଓ ରୋଷେୟାଙ୍କୁ କ୍ଳିନ୍‌ଚିଟ୍

 

 

ମୁମ୍ବାଇ ଡ୍ରଗ୍ସ ମାମଲା; ପ୍ରଯୋଜକ ଇମତିଆଜ ଖତ୍ରିଙ୍କ ଅଫିସ ଓ ଘରେ NCBର ରେଡ୍

ମୁମ୍ବାଇ: ବହୁଚର୍ଚ୍ଚିତ ମୁମ୍ବାଇ ଡ୍ରଗ୍ସ ମାମଲାରେ ଫିଲ୍ମ ପ୍ରଯୋଜକ ଇମତିଆଜ ଖତ୍ରିଙ୍କ ଅଫିସ ଓ ଘରେ ରେଡ କରିଛି ଏନସିବି। ବାନ୍ଦ୍ରାସ୍ଥିତ ଇମତିଆଜଙ୍କ ଅଫିସରେ ଏହି ରେଡ ହୋଇଛି। ଗତବର୍ଷ ଅଭିନେତା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ମାମଲାରେ ମଧ୍ୟ ଇମତିଆଜଙ୍କ ନାଁ ପଦାକୁ ଆସିଥିଲା।

ସୁଶାନ୍ତ ସିଂ ରାଜପୁତଙ୍କ ପୂର୍ବତନ ମ୍ୟାନେଜର ଶ୍ରୁତି ମୋଦିଙ୍କ ଓକିଲ ଅଶୋକ ସାରାଓଗି ମଧ୍ୟ ସୁଶାନ୍ତ ମୃତ୍ୟୁ ମାମଲା ନେଇ ଇମିତିଆଜଙ୍କ ଉପରେ ଦୋଷାରୋପ କରିଥିଲେ । ସେ ଦାବି କରିଥିଲେ ଯେ ସୁଶାନ୍ତ ରାଜପୁତ ଓ ରିଆ ଚକ୍ରବର୍ତ୍ତୀଙ୍କୁ ଇମିତିଆଜ ଡ୍ରଗ୍ସ ଯୋଗାଇଥିଲେ । ଏନସିବି ପକ୍ଷରୁ ଡ୍ରଗ୍ସ ମାମଲାରେ ଅଧିକ ଖୋଳତାଡ ଜାରି କରିଥିବାବେଳେ ବର୍ତ୍ତମାନ ବି ରେଡ ଜାରି ରଖିଛି ।

ସେପଟେ ଆର୍ଯ୍ୟନ ଖାନଙ୍କୁ ବନ୍ଧୁ ଅରବାଜ ମର୍ଚ୍ଚାଣ୍ଟ ୬ ଗ୍ରାମ ଚରସ ନିଜ ଜୋତାରେ ନେଇଥିବା ଖୋଳତାଡରୁ ଜଣାପଡିଛି। କର୍ଡେଲିଆ କ୍ରୁଜରେ ଏହି ଡ୍ରକ୍ସ ପାର୍ଟି ଚାଲିଥିବା ବେଳେ ରେଡ କରିଥିଲା ଏନସିବି । ଏଥିରେ ଆର୍ଯ୍ୟନ, ଅର୍ବାଜଙ୍କ ସହ ୧୬ ଜଣଙ୍କୁ ଗିରଫ କରାଯାଇଛି । ବୟାନ ରେକର୍ଡ ବେଳେ ଆର୍ଯ୍ୟନ୍ ଓ ଅରବାଜ ମିଶି ଡ୍ରକ୍ସ ଓ ଚରସ୍ ସେବନ କରନ୍ତି ବୋଲି ମାନିଥିବା ଏନସିବି ପକ୍ଷରୁ ସୂଚନା ରହିଛି ।

Mumbai Cruise Drugs Case, NCB Arrested An Odia

ଅପରପକ୍ଷେ ଆର୍ଯ୍ୟନଙ୍କ ଗତକାଲି ବେଲ ଖାରଜ ହେବାପରେ ତାଙ୍କୁ ମୁମ୍ବାଇ ଆର୍ଥର ରୋଡ ଜେଲକୁ ପଠାଇ ଦିଆଯାଇଛି । ଏହି ଜେଲରେ କୁଖ୍ୟାତ ଆତଙ୍କବାଦୀ ଠାରୁ ବଡ ବଡ ଅଭିଯୁକ୍ତ ସଜ୍ଜା କାଟିଛନ୍ତି । ୨୦୦୮ରେ ମୁମ୍ବାଇ ଆକ୍ରମଣ ଘଟଣାରେ ଧରାପଡିଥିବା ପାକିସ୍ତାନୀ ଆତଙ୍କବାଦୀ ଅଜମଲ କସାବଙ୍କୁ ଏହି ଜେଲରେ ବନ୍ଦୀ କରାଯାଇଥିଲା । ଏହି ଜେଲରେ ଅଭିନେତା ସଞ୍ଜୟ ଦତ୍ତ ମଧ୍ୟ ସଜ୍ଜା କାଟିଥିଲେ ।

ଶାହରୁଖଙ୍କ ବିଜ୍ଞାପନ ବନ୍ଦ କଲା ବାଇଜୁ’ସ୍, ବାର୍ଷିକ ମିଳୁଥିଲା ୩ରୁ ୪କୋଟି ଟଙ୍କା

ନୂଆଦିଲ୍ଲୀ: ଡ୍ରଗ୍ସ ମାମଲାରେ ଫସି ରହିଥିବା ଆର୍ଯ୍ୟନ୍ ଖାନଙ୍କ ଘଟଣା ଏବେ ତାଙ୍କ ପିତା ଶାହାରୁଖ ଖାନଙ୍କ ପ୍ରଫେସନ୍ ଉପରେ ପ୍ରଭାବ ପକାଇବା ଆରମ୍ଭ କରିଛି। ଲର୍ନିଂ ଆପ୍ BYJU’s ଏହି ବଲିଉଡ ଅଭିନେତାଙ୍କର ସମସ୍ତ ବିଜ୍ଞାପନ ଉପରେ କଟକଣା ଲଗାଇଛି | କେବଳ ଏତିକି ନୁହେଁ, ଶାହାରୁଖଙ୍କ ପ୍ରି-ବୁକିଂ ବିଜ୍ଞାପନ ରିଲିଜ୍ ମଧ୍ୟ ଏବେ ହୋଇପାରିବ ନାହିଁ।

ଶାହରୁଖଙ୍କର ସ୍ପୋନସରସିପ୍ ଡିଲରେ BYJU’s ସବୁଠାରୁ ବଡ ବ୍ରାଣ୍ଡ ଥିଲା। ଏହି ବ୍ରାଣ୍ଡ ପାଇଁ ଶାହରୁଖଙ୍କୁ ବାର୍ଷିକ ୩ରୁ ୪କୋଟି ଟଙ୍କା ମିଳୁଥିଲା । ୨୦୧୭ ମସିହା ଠାରୁ ସେ କମ୍ପାନୀର ବ୍ରାଣ୍ଡ ଆମ୍ବାସାଡର ରହିଆସିଛନ୍ତି । ଏହା ବ୍ୟତୀତ ଆଇସିସିଆଇ ବ୍ୟାଙ୍କ, ରିଲାଏନ୍ସ ଜିଓ, ​​ଏଲଜି, ଦୁବାଇ ଟୁରିଜିମ୍, ହୁଣ୍ଡାଇ ପରି ପ୍ରାୟ ୪୦ କମ୍ପାନୀର ଏଣ୍ଡୋର୍ସମେଣ୍ଟ ତାଙ୍କ ପାଖରେ ରହିଥିଲା ।

ଆର୍ଯ୍ୟନଙ୍କ ଗିରଫଦାରୀ ପରେ ସୋସିଆଲ୍ ମିଡିଆରେ ଶାହରୁଖଙ୍କୁ ଟ୍ରୋଲ୍ କରିବା ଆରମ୍ଭ କରିଥିଲେ ୟୁଜର୍ସ । ଏପରିକି ଶାହରୁଖଙ୍କ ପ୍ରମୋସନ୍ କରୁଥିବା ବ୍ରାଣ୍ଡ ଗୁଡିକୁ ମଧ୍ୟ ଟାର୍ଗେଟ୍ କରିବାକୁ ପଛାଇନଥିଲେ ଲୋକମାନେ ।

ସୋସିଆଲ୍ ମିଡିଆରେ ୟୁଜର୍ସ ବାରମ୍ବାର BYJU’sକୁ ପ୍ରଶ୍ନ କରିଥିଲେ ଯେ ଶାହରୁଖଙ୍କୁ ବ୍ରାଣ୍ଡ ଆମ୍ବାସଡର କରି କମ୍ପାନୀ କ’ଣ ମେସେଜ୍ ଦେବାକୁ ଚାହୁଁଛି? । କ’ଣ ଅଭିନେତା ତାଙ୍କ ପୁଅଙ୍କୁ ଠିକ୍ ରାସ୍ତା ଦେଖାଇ ପାରିଛନ୍ତି କି?

Paytm ପରେ ସବୁଠୁ ବଡ଼ ଷ୍ଟାର୍ଟଅପ୍ ହେଉଛି BYJU’S

ବାଇଜୁ ରବିନ୍ଦ୍ରନଙ୍କ ଏଡୁଟେକ୍ ଷ୍ଟାର୍ଟଅପ୍ BYJU’S ଡେକାକର୍ନ କ୍ଲବରେ ସାମିଲ ରହିଛି । ସାଧାରଣତଃ ୧୦ ବିଲିୟନ୍ ଡଲାରର ଭେଲ୍ୟୁସନ୍ ହାସିଲ୍ କରିଥିବା ଷ୍ଟାର୍ଟଅପକୁ ଡେକାକର୍ନ କୁହାଯାଇଥାଏ। ଏହା ଷ୍ଟାର୍ଟଅପ୍ ଲାଗି ଏକପ୍ରକାର ସମ୍ମାନଜନକ ଉପଲବ୍ଧି । ସିଲିକନ୍ ଭେଲିର ନିବେଶକ ଓ ଏନାଲିଷ୍ଟ ମେରି ମିକର୍ସଙ୍କ ଇନଭେଷ୍ଟମେଣ୍ଟ କମ୍ପାନୀ ବଣ୍ଡ୍ କ୍ୟାପିଟାଲ୍ ପକ୍ଷରୁ BYJU’Sରେ ୧୦.୫ ବିଲିୟନ୍ ଡଲାରର ନିବେଶ କରାଯାଇଥିଲା ।

କୋଚିଂ କ୍‌ଲାସରୁ ଆରମ୍ଭ BYJU’Sର ଯାତ୍ରା

୩୯ ବର୍ଷୀୟ ରବିନ୍ଦ୍ରନ୍ କ୍ୟାଟର ପ୍ରସ୍ତୁତି କରାଇବା ଲାଗି ୨୦୦୭ରେ କୋଚିଂ କ୍ଲାସ୍ ଆରମ୍ଭ କରିଥିଲେ । ୨୦୦୯ ବେଳକୁ ଅନେକ ଛାତ୍ର ତାଙ୍କ ସହ ସାମିଲ ହୋଇଥିଲେ । ପରେ ୨୦୧୧ ବେଳକୁ ସେ ଥିଙ୍କ ଆଣ୍ଡ୍ ଲର୍ଣ୍ଣ ପ୍ରାଇଭେଟ୍ ଲି. ସହ ନିଜ କମ୍ପାନୀକୁ ରେଜିଷ୍ଟ୍ରେଟ୍ କରାଇଥିଲେ ।

ପରେ ୨୦୧୫ ରେ ଆପ୍ ଲଞ୍ଚ କରିବା ସହ କମ୍ପାନୀକୁ ବଡ଼ ସଫଳତା ମିଳିଥିଲା । ଯାହା ପରେ ଦୁନିଆର ପ୍ରତିଷ୍ଠିତ କମ୍ପାନୀ ମାନେ ଏଥିରେ ନିବେଶ କରିବା ଆରମ୍ଭ କରିଥିଲେ । ୨୦୧୮ ବେଳକୁ କମ୍ପାନୀର ଭେଲ୍ୟୁସନ୍ ୧ ବିଲିୟନ୍ ଡଲାରରେ ପହଞ୍ଚିଥିଲା ।