ତିଆରି ହେଉଛି ବିଶ୍ୱର ସବୁଠାରୁ ବଡ଼ କୃଷ୍ଣଙ୍କ ମନ୍ଦିର। ଭଗବାନ କୃଷ୍ଣଙ୍କର ଜନ୍ମଦିନରେ ଆସିଛି ଏଭଳି ଭଲ ଖବର। ପଶ୍ଚିମବଙ୍ଗର ରାଜଧାନୀ କୋଲକାତା ଠାରୁ ୧୩୦ କିଲୋମିଟର ଦୂରରେ ଥିବା ନଦିଆ ଜିଲ୍ଲାର ମାୟାପୁରରେ ନିର୍ମାଣ ହେଉଛି ବିଶ୍ୱର ସବୁଠାରୁ ବଡ଼ କୃଷ୍ଣ ମନ୍ଦିର। ୬ ଲକ୍ଷ ବର୍ଗଫୁଟରୁ ଅଧିକ ଅଞ୍ଚଳରେ ୮ଶହ କୋଟି ଟଙ୍କାରେ ନିର୍ମିତ ଏହି ମନ୍ଦିର ୭ ମହଲା ବିଶିଷ୍ଟ ରହିଛି। ୨୦୨୩ ମସିହା ସୁଦ୍ଧା ଏହି ମନ୍ଦରର କାର୍ଯ୍ୟ ୮୦% ସମାପ୍ତ ହେବ ବୋଲି ଲକ୍ଷ ରଖାଯାଇଛି। ଏହାପରେ ଭକ୍ତମାନଙ୍କ ପାଇଁ ଏହାକୁ ଖୋଲିଦିଆଯିବ।

ମନ୍ଦିରର ନିର୍ମାଣ ଇଣ୍ଟରନ୍ୟାସନାଲ ସୋସାଇଟି ଅଫ୍ କୃଷ୍ଣ ଚେତନା ବା (ISKON) ଦ୍ୱାରା କରାଯାଉଛି। ଏହା ହେଉଛି ଏକ ଅନନ୍ୟ ମନ୍ଦିର। ମନ୍ଦିରକୁ ୭ ମହଲା ବିଶିଷ୍ଟ କରାଯାଇଥିବା ବେଳେ ମନ୍ଦିରର ଉଚ୍ଚତା ୩୫୦ ଫୁଟ ରହଛି ଏବଂ ଓସାର ୧୭୭ ମିଟର ରହିଛି। ମ୍ୟୁଜିୟମ ଫ୍ଲୋର ଦ୍ୱାରା ୟୁଟିଲିଟି ଫ୍ଲୋର, ପୂଜାରୀ ଫ୍ଲୋର, ମନ୍ଦିର ଫ୍ଲୋର ଏହିଭଳି ୭ ମହଲା ରହିଛି। ବିଶେଷ କଥା ହେଉଛି ପୂଜାରୀ ଫ୍ଲୋର ୨.୫ ଏକରରେ କରାଯାଇଛି। ଏଠାରେ ପୁଜାରୀ ମାନେ ଭଗବାନଙ୍କୁ ପୂଜା କରିବାର ବିଭିନ୍ନ ପ୍ରକାରର ପ୍ରସ୍ତୁତି କରିବେ। ମନ୍ଦିରର ସମ୍ମୁଖରେ ୪୫ ଏକର ଜମିରେ ଏକ ପାର୍କ କରାଯାଇଥିବା ବେଳେ ମନ୍ଦିରଟି ୧୨ ଏକର ଜମି ଉପରେ ନିର୍ମିତ ହୋଇଛି। ସେହିଭଳି ମନ୍ଦିରରେ କୀର୍ତ୍ତନ ପାଇଁ ହଲ୍ ୧.୫ ଏକରରେ କରାଯାଇଛି। ଯେଉଁଠାରେ ୧୦ ହଜାର ଭକ୍ତ ଏକାସାଙ୍ଗରେ କୀର୍ତ୍ତନ କରିପାରିବେ।

ମନ୍ଦିର ନିର୍ମାଣ ପାଇଁ ରାଜସ୍ଥାନର ମକରାନା ଏବଂ ଭିଏତନାମରୁ ଧଳା ମାର୍ବଲ, ଫ୍ରାନ୍ସରୁ ରେଡ ମାର୍ବଲ, ଇଟାଲୀରୁ ବ୍ଲୁ ମାର୍ବଲର ଅଡର ଦିଆଯାଇଛି। ସ୍ପେନରୁ ମଧ୍ୟ ମାର୍ବଲ ଆସିଛି। ଯେଉଁ ଦେଶରେ ଯେଉଁ ମାର୍ବଲ ସବୁଠାରୁ ଭଲ ସେହିଠାରୁ ସେହି ମାର୍ବଲ ଆମଦାନୀ ହୋଇଛି। ଯାହା ଦ୍ୱାରା ଏହି ମନ୍ଦିର ଦୁନିଆର ସବୁଠୁ ସୁନ୍ଦର ମନ୍ଦିର ଭାବେ ନିର୍ମାଣ ହୋଇପାରିବ।

ଏହି ମନ୍ଦିର ପଛରେ ଭଗବଦ୍ ଗୀତାର ଦାର୍ଶନିକ ତଥ୍ୟ ରହିଛି। ମନ୍ଦିରର ଉଭୟ ଆଧ୍ୟାତ୍ମିକତା ଏବଂ ବିଜ୍ଞାନ କୁ କେନ୍ଦ୍ର କରି ହୋଇଛି। ବ୍ରହ୍ମାଣ୍ଡର ମଡେଲ ମନ୍ଦିରର ଗମ୍ବୁଜରେ ଦେଖାଯିବ। ଯାହା ଜଗତର ସୃଷ୍ଟି ବିଷୟରେ ମନ୍ଦିରକୁ ଆସୁଥିବା ଦର୍ଶକଙ୍କୁ କହିବ। ଏହା ହେଉଛି ବିଶ୍ୱର ପ୍ରଥମ ମନ୍ଦିର ଯେଉଁଠାରେ ମନ୍ଦିର ଏବଂ ପ୍ଲାନେଟୋରିୟମ୍ ଏକାଠି ରହିବ।

ଲୋକଙ୍କ ମନରେ ଏବେ ପ୍ରଶ୍ନ ଆସୁଥିବ ମାୟାପୁରରେ କାହିଁକି ଏହି ମନ୍ଦିର ନିର୍ମାଣ ହେଲା। ରାଧା ଏବଂ କୃଷ୍ଣଙ୍କର ଅବତାର ବୋଲି କୁହାଯାଉଥିବା ଚୈତନ୍ୟ ମହାପ୍ରଭୁ ମାୟାପୁରରେ ଜନ୍ମଗ୍ରହଣ କରିଥିଲେ। ଏହା ମଧ୍ୟ ISKCON ର ଆଧ୍ୟାତ୍ମିକ ମୁଖ୍ୟାଳୟ। ସଂସ୍ଥା ଏହିଠାର ତାର ବିଚାରକୁ ସାରା ବିଶ୍ୱରରେ ପ୍ରଚାର କରିପାରିବ ବୋଳି ମାୟାପୁରରେ ମନ୍ଦିର ନିର୍ମାଣ ହୋଇଛି।

ଯଦି ଦେଖିବା ଏହାକୁ ଖାଲି ମନ୍ଦିର କହିବା ଠିକ ହେବ ନାହିଁ। ବରଂ ଏହା ଭଗବାନଙ୍କ ଉପରେ ଏକ ଶିକ୍ଷାଦାନ କେନ୍ଦ୍ର। କାରଣ ଏଠାରେ ଭଗବଦ୍ ଗୀତାଙ୍କ ଦର୍ଶନିକତାକୁ ବୁଝିହେବ। ଦୁନିଆ କାହିଁକି ସୃଷ୍ଟି ହେଲା, ଏହା କିପରି ସୃଷ୍ଟି ହେଲା, କିଏ ଏହାକୁ ତିଆରି କଲା, ଏହି ଜିନିଷ ବୈଜ୍ଞାନିକ ତଥ୍ୟ ସହିତ ଜାଣିବାକୁ ମିଳିପାରିବ। ବୈଦିକ ଶାସ୍ତ୍ରରର ମହତ୍ୱକୁ ବୁଝିବା ପାଇଁ ଏହା ଏକ ଭଲ ସ୍ଥାନ ହେବାକୁ ଯାଉଛି।

ନୂଆଦିଲ୍ଲୀ: ପାରା ଅଲିମ୍ପିକ୍ସରେ ଭାରତକୁ ମିଳିଲା ପ୍ରଥମ ସ୍ୱର୍ଣ୍ଣ ପଦକ। ସୁଟିଂରେ ପ୍ରଥମ ଥର ପାଇଁ ଇତିହାସରେ ଭାରତ ହାତେଇଛି ସ୍ୱର୍ଣ୍ଣ।  ସୁନା ଜିତିଛନ୍ତି ସୁନା ଝିଅ ଅବନୀ ଲେଖାରା। ମହିଳା ୧୦ମିଟର ଏୟାର ପିସ୍ତଲ ଫାଇନାଲରେ ଭାରତ ପାଇଁ ଆଣିଛନ୍ତି ଗର୍ବ ଓ ଗୌରବ। ୧୯ ବର୍ଷୀୟ ଅବନୀ ୨୪୯.୬ ସ୍କୋର କରି ପ୍ରଥମ ସ୍ଥାନ ଅକ୍ତିଆର କରିବା ସହ ଗୋଲ୍ଡ ମେଡାଲ ହାସଲ କରିବାରେ ସକ୍ଷମ ହୋଇଛନ୍ତି। ପାରା ଅଲିମ୍ପିକ୍ସ ଇତିହାସରେ ସୁଟିଂରେ ଭାରତକୁ ସ୍ୱର୍ଣ୍ଣ ପଦକ ମିଳିବା ପ୍ରଥମ। ଜୟପୁରର ଅବନୀ ଲେଖାରା ଚୀନର ଝାଙ୍ଗ କୁଇପିଙ୍ଗ ଓ ୟୁକ୍ରେନର ଇରିୟାନାଙ୍କୁ ହରାଇଛନ୍ତି।

ସୁନା ଝିଅ ଅବନୀଙ୍କ ଜୀବନରେ ଆସିଛି ଅନେକ ଝଡ଼ଝଞ୍ଜା। ଅନେକ ବାଧାବିଘ୍ନକୁ ଖାତିର ନକରି ଜୀବନର ଯୁଦ୍ଧରେ ଆଗେଇ ଚାଲିଛନ୍ତି। ଆଜି ପାରା ଅଲମ୍ପିକରେ ବାହା ବାହା ନେଉଥିବା ଅବନୀଙ୍କ ଜୀବନ ଏତେ ସହଜ ନଥିଲା। ଜୟପୁରର ବାସିନ୍ଦା ଅବନୀଙ୍କର ୯ ବର୍ଷ ପୂର୍ବରୁ ଏକ କାର ସହ ଦୁର୍ଘଟଣା ହୁଏ। ଏହି ଦୁର୍ଘଟଣା ତାଙ୍କ ଜୀବନର ଗତିପଥକୁ ସରଳରୁ ମନ୍ଥର ଆଡ଼କୁ ନେଇଯାଏ। ଚେତାଶୂନ୍ୟ ହୋଇପଡ଼ିଥିବା ଅବନୀଙ୍କ ଚେତା ଫରିବା ବେଳକୁ ସବୁକିଛି ଓଲଟ ପାଲଟ ହୋଇଯାଇଥିଲା। କାରଣ ସେ ତାଙ୍କର ଦୁଇଟିଯାକ ଗୋଡ ଦୁର୍ଘଟଣାରେ ହରାଇ ବସିଥିଲେ। ଏହାପରେ ଅବନୀଙ୍କ ସାହାର ପାଲଟିଥିଲେ ହ୍ୱିଲ ଚେୟାର।

ପୂର୍ବରୁ ହସ ଖୁସିରେ କଟୁଥିବା ଜୀବନ ସ୍ଥାଣୁ ପାଲଟିଯାଇଥିଲା। ଦୁର୍ଘଟଣା ପରେ ସବୁବେଳେ ଚୁପଚାପ ରହୁଥିଲେ ଅବନୀ। ଜୀବନର ରାସ୍ତାରେ ପୁରା ଭାଙ୍ଗିପଡ଼ିଥିଲେ। ଅବନୀଙ୍କ ଦୁଃଖରେ ପରିବାର ଲୋକ ମଧ୍ୟ ଭାଙ୍ଗି ପଡ଼ିଥିଲେ। ଏହାପରେ ଅବନୀଙ୍କୁ ଖେଳରେ ଭର୍ତ୍ତି କରିବା ପାଇଁ ତାଙ୍କ ବାପା ଚିନ୍ତା କରିଥିଲେ। ପ୍ରଥମେ ତୀରନ୍ଦାଜରେ ଚେଷ୍ଟା କରାଯାଇଥିଲା, କିନ୍ତୁ ଅବନୀ ଏତେ ଦୁର୍ବଳ ହୋଇପଡ଼ିଥିଲେଯେ ସେ ଦଉଡି ଟାଣି ପାରିନଥିଲେ। ଏହା ପରେ ତାଙ୍କୁ ସୁଟିଂ ବା ବନ୍ଧୁକ ଚାଳନାରେ ଭର୍ତ୍ତି କରାଯାଇଥିଲା। ପ୍ରଥମେ ପ୍ରଥମେ ଅବନୀଙ୍କୁ ବନ୍ଧୁକ ଉଠାଇବା ପାଇଁ ବହୁତ କଷ୍ଟ ହେଉଥିଲା। କିନ୍ତୁ ଆଜି ଟୋକିଓ ପାରାଲିମ୍ପିକ୍ସ ପୋଡିୟମରେ ଅବନୀଙ୍କ ପାଇଁ ଜାତୀୟ ସଂଗୀତ ସ୍ୱର ଗୁଞ୍ଜରିତ ହୋଇଛି।

ଦୁର୍ଘଟଣା ପରେ ଅବନୀଙ୍କ ମନକୁ ଖୁସି କରିବା ପାଇଁ ତାଙ୍କୁ ସୁଟିଂ ଶିଖିବା ପାଇଁ ନିଆଯାଉଥିଲା। ସେହିଠାରୁ ସେ ଜୀବନର ହଜିଯାଇଥିବା ଲକ୍ଷକୁ ବନ୍ଧୁକ ମୁନରେ ଖୋଜିବା ଆରମ୍ଭ କରିଥିଲେ। ଅଧିକରୁ ଅଧିକ ସମୟ ବନ୍ଧୁ ଚାଳନାରେ ଅଭ୍ୟାସ କରିବାକୁ ଲାଗିଲେ। ଯେପର୍ଯ୍ୟ ସେ ନ ଥକିଛନ୍ତି ସେପର୍ଯ୍ୟନ୍ତ ଅଭ୍ୟାସ କରୁଥିଲେ ଅବନୀ। କୋଭିଡ ସମୟରେ ମଧ୍ୟ ଅଟକି ନଥିଲେ ସେ। ଯେତେବେଳେ ସୁଟିଂ ରେଞ୍ଜ ବନ୍ଦ ହୋଇଯାଇଥିଲା, ସେତେବେଳେ ଘରକୁ ଡିଜିଟାଲ ଟାର୍ଗେଟକୁ ଆଣିବାକୁ ବାଧ୍ୟ କରିଥିଲେ ଏବଂ ଅଭ୍ୟାସକୁ ଜାରି ରଖିଥିଲେ।

ପାରାଲିମ୍ପିକ୍ ଇତିହାସରେ ଭାରତ ପାଇଁ ମହିଳା ଆଣିଛନ୍ତି ତୃତୀୟ ପଦକ। ପୂର୍ବରୁ ସଟ୍  ପୁଟରେ ଦୀପା ମଲିକ୍ ଏବଂ ଟେବୁଲ୍ ଟେନିସରେ ଭବୀନା ପଟେଲ।