ଚଣ୍ଡିଖୋଲ: ବଢୁଛି ବିଜେଡିର ବଳ । ଯାଜପୁର ଜିଲ୍ଲା ବଡ଼ଚଣା ବିଜେଡିର ମିଶ୍ରଣ ପର୍ବ ଅନୁଷ୍ଠିତ ହୋଇଛି । ବହୁ କଂଗ୍ରେସ ଓ ବିଜେପି କର୍ମୀ ବିଜେଡିରେ ସାମିଲ ହୋଇଛନ୍ତି । ବଡ଼ଚଣା ନିର୍ବାଚନ ମଣ୍ଡଳୀର ସୁଙ୍ଗୁଡ଼ା ଓ ଧାନମଣ୍ଡଳ ପଞ୍ଚାୟତର ବହୁ ବିଜେପି ଓ କଂଗ୍ରେସ କର୍ମୀ ଦଳରେ ସାମିଲ ହୋଇଛନ୍ତି । ଚଣ୍ଡିଖୋଲରେ ବଡ଼ଚଣା ବ୍ଲକ ବିଜେଡି ସଭାପତି ଅରବିନ୍ଦ ସାମଲଙ୍କ ଅଧକ୍ଷତାରେ ଅନୁଷ୍ଠିତ ହୋଇଥିବା ଏହି ମିଶ୍ରଣ ପର୍ବରେ ବଡ଼ଚଣା ବିଧାୟକ ଅମର ପ୍ରସାଦ ଶତପଥୀ ଯୋଗ ଦେଇଥିଲେ । ମୁଖ୍ୟମନ୍ତ୍ରୀଙ୍କ ନୀତି ଆଦର୍ଶରେ ଅନୁପ୍ରାଣିତ ହୋଇ ବହୁ କଂଗ୍ରେସ ଓ ବିଜେପି କର୍ମୀ ଦଳରେ ସାମିଲ ହୋଇଛନ୍ତି । ଆଗାମୀ ଦିନରେ ଏହା ଦଳକୁ ଆହୁରି ମଜବୁତ କରିବ ବୋଲି ବଡ଼ଚଣା ବିଧାୟକ କହିଛନ୍ତି ।
କ୍ରାଇମବ୍ରାଞ୍ଚ ଅଫିସରେ ପହଞ୍ଚିଲେ କେନ୍ଦ୍ରମନ୍ତ୍ରୀଙ୍କ ପୁଅ ଆଶିଷ ମିଶ୍ର
ଲକ୍ଷ୍ନୗେ: କ୍ରାଇମବ୍ରାଞ୍ଚ ନିକଟରେ ଶନିବାର ଦିନ ହାଜର ହୋଇଛନ୍ତି କେନ୍ଦ୍ର ଗୃହ ରାଷ୍ଟ୍ରମନ୍ତ୍ରୀ ଅଜୟ ମିଶ୍ରଙ୍କ ପୁଅ ଆଶିଷ ମିଶ୍ର। ନିର୍ଦ୍ଧାରିତ ସମୟର ୧୫ ମିନଟ ପୂର୍ବରୁ ହାଜର ହୋଇଛନ୍ତି ଆଶିଷ । ଉତ୍ତରପ୍ରଦେଶର ଲଖିମପୁର-ଖେରି ଚାଷୀ ମୃତ୍ୟୁ ମାମଲାରେ ତାଙ୍କୁ ସମନ କରିଥିଲା ପୋଲିସ।
ଜେରା ସମୟରେ ଡିଜିପି ଓ ଡିଏସପି ମଧ୍ୟ ଉପସ୍ଥିତ ଅଛନ୍ତି । ସମ୍ଭାବ୍ୟ ଉତ୍ତେଜନା ଆଶଙ୍କାରେ ଲଖିମପୁର ଜିଲ୍ଲାରେ ଇଣ୍ଟରନେଟ ସେବା ବନ୍ଦ କରାଯାଇଛି । ଗତକାଲି ତାଙ୍କୁ ସମନ କରାଯାଇଥିଲେ ମଧ୍ୟ ସେ ହାଜର ହୋଇନଥିଲେ । ଯାହା ପରେ ତାଙ୍କୁ ଆଉ ଥରେ ସମନ କରାଯାଇଥିଲା ।
#WATCH Son of MoS Home Ajay Mishra Teni, Ashish Mishra arrives at Crime Branch office, Lakhimpur
He was summoned by UP Police in connection with Lakhimpur violence. pic.twitter.com/g6wMpHYOKr
— ANI UP/Uttarakhand (@ANINewsUP) October 9, 2021
ଗତକାଲି ସୁପ୍ରିମକୋର୍ଟରେ ୟୁପି ସରକାର ମାମଲାର ଷ୍ଟାଟସ ରିପୋର୍ଟ ରଖିଥିବା ବେଳେ ତଦନ୍ତରେ ଅବହେଳା ନେଇ ପ୍ରବଳ ବର୍ଷିଥିଲେ କୋର୍ଟ । ମାମଲାରେ ସରକାରଙ୍କ କାର୍ଯ୍ୟାନୁଷ୍ଠାନ ଆଦୌ ସନ୍ତୋଷଜନକ ନୁହେଁ । ହତ୍ୟା ଅଭିଯୁକ୍ତଙ୍କୁ ଧରିବା ପାଇଁ ଏମିତି ସମନ କରାଯାଏ କି ବୋଲି ପ୍ରଶ୍ନ ପଚାରିଥିଲେ ସର୍ବୋଚ୍ଚ ଅଦାଲତ ।
ଅଧନକ ପଢନ୍ତୁ- ଲଖିମପୁର-ଖେରି ହିଂସା; ପୋଲିସ ନିକଟରେ ହାଜର ହେବେ କେନ୍ଦ୍ର ମନ୍ତ୍ରୀଙ୍କ ପୁଅ ଆଶିଷ ମିଶ୍ର
ରାଜସ୍ଥାନରୁ ନନ୍ଦନକାନନକୁ ଆସିଲେ ନୂଆ ଅତିଥି
ମେଣ୍ଢାଶାଳ: ନନ୍ଦନକାନନକୁ ଆସିଲେ ରାଜସ୍ଥାନ ଅତିଥି । ରାଜସ୍ଥାନ ନହରଘର ବାୟୋଲୋଜିକାଲ ପାର୍କରୁ ନନ୍ଦନକାନନକୁ ଆସିଲେ ୮ଟି ନୂଆ ଅତିଥି । ଏମାନଙ୍କ ମଧ୍ୟରେ ଦୁଇଟି ଗଧିଆ, ଦୁଇଟି ଘଡିଆଳ, ଦୁଇଟି କଲରାପତରିଆ ବାଘ , ଦୁଇଟି ଚିଙ୍କାରା ହରିଣ ରହିଛନ୍ତି । ଏମାନେ ଗତ କାଲି ବିଳମ୍ବିତ ରାତିରେ ନନ୍ଦନକାନରେ ପହଞ୍ଚିଛନ୍ତି । ସେମାନଙ୍କର ସ୍ୱାସ୍ଥ୍ୟପରୀକ୍ଷା କରାଯାଇ ନନ୍ଦନକାନ କ୍ୱାରେଣ୍ଟାଇନ୍ରେ ରଖାଯାଇଛି । କେନ୍ଦ୍ରୀୟ ଚିଡିଆଖାନା କର୍ତ୍ତୃପକ୍ଷଙ୍କ ଅନୁମୋଦନ କ୍ରମେ ଗତ ମାର୍ଚ୍ଚ ମାସ ୧୭ରେ ଏଠାରୁ ଦୁଇଟି ମହାବଳ ବାଘ ସମେତ ୪୮ଟି ଜୀବଜନ୍ତୁ ରାଜସ୍ତାନର ନହରଘର ବାୟୋଲୋଜିକାଲା ପାର୍କ ପଠାଯାଇଥିଲା । ଜନ୍ତୁ ଅଦଳ ବଦଳ ପ୍ରକିୟା ସମୟ ଅବଧି ୬ମାସ ଭିତରେ ଥିବା ବେଳେ କିଛି ସମସ୍ୟା ଯୋଗୁ ଏହା ବିଳମ୍ବ ହୋଇଥିଲା ।
ଏଥି ଜୀବନ୍ତ ବଜ୍ରକାପ୍ତା ଉଦ୍ଧାର: ଡିଲ୍ ବେଳେ ମାଡ଼ିବସିଲା ବନ ବିଭାଗ
କୋଲକାତାରେ ବିଶ୍ୱର ସବୁଠୁ ଉଚ୍ଚ ଅଟାଳିକା ‘ବୁର୍ଜ ଖଲିଫା’; ଶୋଭା ପାଇବେ ମା’ ଦୁର୍ଗା
କୋଲକାତା: କୋଲକାତାର ଦୁର୍ଗା ପୂଜା ମଣ୍ଡପରେ ଦୁନିଆର ସବୁଠୁ ଉଚ୍ଚ ଅଟାଳିକା ବୁର୍ଜ ଖଲିଫାର ଝଲକ ଦେଖିବାକୁ ମିଳିଛି। ଯେଉଁମାନେ ଦୁବାଇ ଯାଇ ବୁର୍ଜ ଖଲିଫା ଦେଖି ପାରିବେ ନାହିଁ ସେମାନେ କୋଲକାତାରେ ଏହାକୁ ଦେଖିପାରିବେ। କୋଲକାତାର ଶ୍ରୀଭୁମି ସ୍ପୋର୍ଟିଂ କ୍ଲବରେ ୧୫୦ ଫୁଟ ଉଚ୍ଚର ବୁର୍ଜ ଖଲିଫାର ପ୍ରତିକୃତି ତିଆରି ହୋଇଛି, ଯେଉଁଠି ବିରାଜମାନ କରିବେ ୪୦ କିଲୋ ଅଳଙ୍କାରରେ ସୁସଜ୍ଜିତ ମା’ ଦୁର୍ଗା ।
ଖାସ୍ କଥା ହେଉଛି ୩୦୦ଟି ଭିନ୍ନ ଭିନ୍ନ ପ୍ରକାରର ଆଲୋକରେ ସଜ୍ଜିତ ହୋଇଛି ଏହି ବୁର୍ଜ ଖଲିଫା । ଯାହାରାତି ସମୟରେ ଏହାର ସୗେନ୍ଦର୍ଯ୍ୟକୁ ଦ୍ୱିଗୁଣିତ କରିଦେବ । ୧୫୦ ଫୁଟର ଉଚ୍ଚତା ଏବଂ ବିଶାଳ ମୋଟେଇ ଦର୍ଶକଙ୍କ ପାଇଁ ଆକର୍ଷଣର କେନ୍ଦ୍ର ପାଲଟିବ|

ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ କ୍ୟାବିନେଟରେ ଅଗ୍ନିଶମ ମନ୍ତ୍ରୀ ସୁଜିତ ବସୁ ଏହି କ୍ଲବର ମୁଖ୍ୟ। ଏହାକୁ ନେଇ ସେ କହିଛନ୍ତି ଯେ ଦୁବାଇରେ ବିଶ୍ୱର ଉଚ୍ଚତମ କୋଠା ନିର୍ମାଣ ପାଇଁ ୬ ବର୍ଷ ସମୟ ଲାଗିଥିଲା ବେଳେ କୋଲକାତାରେ ଏହାର ପ୍ରତିକୃତି ତିଆରି ପାଇଁ ମାତ୍ର ଦୁଇ ମାସ ଲାଗିଥିଲା । ଯାହାର ପ୍ରସ୍ତୁତିରେ ଲାଗିଥିଲେ ୨୫୦ ଜଣ ଶ୍ରମିକ ।
ଏସିଏଫ୍ ସୌମ୍ୟରଞ୍ଜନଙ୍କ ମୃତ୍ୟୁ ମାମଲା: ଡିଏଫ୍ଓ ଓ ରୋଷେୟାଙ୍କୁ କ୍ଳିନ୍ଚିଟ୍
ପାରଳାଖେମୁଣ୍ଡି: ସୌମ୍ୟ ମୃତ୍ୟୁ ମାମଲାରେ ଡିଏଫଓ ଓ ରୋଷେୟାଙ୍କୁ କ୍ଲିନ୍ଚିଟ୍ । ବିଦ୍ୟାଭାରତୀଙ୍କ ନାଁରେ ଦୁଇଟି ଦଫା ଲାଗିଛି । ଏଥିସହ ବିଦ୍ୟାଭାରତୀଙ୍କ ବିରୋଧରେ ଚାର୍ଜସିଟ୍ ଦାଖଲ କରିଛି କ୍ରାଇମବ୍ରାଞ୍ଚ । ଏସିଏଫ୍ ସୌମ୍ୟରଞ୍ଜନଙ୍କ ମୃତ୍ୟୁ ଏକ ଦୁର୍ଘଟଣା ବୋଲି କ୍ରାଇମବ୍ରାଞ୍ଚ ଏଡିଜି ସଞ୍ଜୀବ ପଣ୍ଡା କହିଛନ୍ତି । ସେଦିନ ସୌମ୍ୟଙ୍କ ଦେହରେ ନିଆଁ ଲାଗିବା ଆକସ୍ମିକ ଦୁର୍ଘଟଣା ଥିଲା । ତେବେ ବିଦ୍ୟାଭାରତୀ ନିଆଁ ଲିଭାଇବା ପାଇଁ ଯଥେଷ୍ଟ ଚେଷ୍ଟା କରିନଥିଲେ । ଏଭଳିକି ସହାୟତା ପାଇଁ ଲୋକଙ୍କୁ ବି ଡାକିନଥିଲେ । ସ୍ୱାମୀ ନିଆଁରେ ପୋଡ଼ି ହେଉଥିବା ବେଳେ କୌଣସି ତତ୍ପରତା ଦେଖାଇନଥିଲେ ପତ୍ନୀ ବିଦ୍ୟାଭାରତୀ ।
ଠିକ୍ ସମୟରେ ବଞ୍ଚାଇବା ପାଇଁ ଚେଷ୍ଟା କରିଥିଲେ ଅଘଟଣକୁ ଏଡାଇ ଦିଆଯାଇ ପାରିଥାନ୍ତା । ଅବହେଳା ପାଇଁ ସୌମ୍ୟଙ୍କ ଜୀବନ ଯାଇଛି । ବିଦ୍ୟା ଓ ସୌମ୍ୟଙ୍କ ବୈବାହିକ ସମ୍ପର୍କ ଭଲ ନଥିଲା । ନିଆଁ ଲିଭାଇବାରେ ବିଦ୍ୟାଭାରତୀଙ୍କ ଅବହେଳା ପାଇଁ କାର୍ଯ୍ୟାନୁଷ୍ଠାନ ହୋଇପାରେ । ବିଦ୍ୟାଙ୍କ ବିରୋଧରେ ୨୮୫ ଓ ୩୦୪ (A) ଧାରାରେ ମାମଲା ରୁଜୁ ହୋଇଛି । ଦୋଷୀ ସାବ୍ୟସ୍ତ ହେଲେ ୭ବର୍ଷ ଜେଲ ଦଣ୍ଡ ହୋଇପାରେ । CRPC ୪୧ (A) ଆଧାରରେ ବିଦ୍ୟାଙ୍କୁ ନୋଟିସ୍ ପଠାଯାଇଛି । ଧାରା ୨୮୫ ହେଉଛି ନିଆଁ ଲିଭାଇବାରେ ଅବହେଳା ଓ ୩୦୪ (A) ହେଉଛି ଅବହେଳା ଯୋଗୁଁ ମୃତ୍ୟୁ । ଗତକାଲି କାରଳାଖେମୁଣ୍ଡି କୋର୍ଟରେ ଚାର୍ଜସିଯ୍ ଦାଖଲ କରିଛି କ୍ରାଇମବ୍ରାଞ୍ଚ । ଘଟଣାରେ ୮୦ ଜଣଙ୍କୁ ଜେରା ହୋଇଥିବା ବେଳେ, ସମସ୍ତଙ୍କ କଲ୍ ରେକର୍ଡ, ପୋଷ୍ଟମର୍ଟମ ରିପୋର୍ଟ, ଏସଏଫଏଲ ରିପୋର୍ଟ, ଲାଇ ଡିଟେକ୍ସନ ଟେଷ୍ଟ ରିପୋର୍ଟର ସମସ୍ତ ଦସ୍ତାବିଜ କୋର୍ଟରେ ଦାଖଲ କରିଛନ୍ତି ତଦନ୍ତକାରୀ ଅଧିକାରୀ ।
ଜୀବନ୍ତ ବଜ୍ରକାପ୍ତା ଉଦ୍ଧାର: ଡିଲ୍ ବେଳେ ମାଡ଼ିବସିଲା ବନ ବିଭାଗ
କଣ୍ଟାବାଞ୍ଜି: ପୁଣି ଜବତ ହେଲା ଜୀବନ୍ତ ବଜ୍ରକାପ୍ତା । ବଲାଙ୍ଗୀର ଖପ୍ରାଖୋଲରୁ ଗୋଟିଏ ଜୀବନ୍ତ ବଜ୍ରକାପ୍ତା ଉଦ୍ଧାର ହୋଇଛି । ବଜ୍ରକାପ୍ତା ଚାଲାଣ ନେଇ ମହରାପଦର ଗାଁ ଠାରେ ଡିଲ୍ ହେଇଥିବା ବେଳେ ଜବତ କରିଛି ବନ ବିଭାଗ । ଲାଠୋର ଓ ଖପ୍ରାଖୋଲ ବନ ବିଭାଗ ମିଳିତ ଭାବେ ଗ୍ରାହକ ବେଶରେ ଯାଇ ଅଭିଯୁକ୍ତଙ୍କୁ ଗିରଫ କରିଛି ।
ବଲାଙ୍ଗୀର ଡିଏଫଓ ନୀତିଶ କୁମାରଙ୍କ ନିର୍ଦ୍ଦେଶ କ୍ରମେ ଏକ ସ୍ୱତନ୍ତ୍ର ଟିମ୍ ଗ୍ରାହକ ସାଜି ଅଭିଯୁକ୍ତ ମାନଙ୍କୁ ଧରିଥିଲେ । ତିନି ଜଣ ଅଭିଯୁକ୍ତ ଡିଲରେ ସାମିଲ ଥିବା ବେଳେ ବନ ବିଭାଗର ଦୁଇ ଜଣକୁ କାବୁ କରିବାକୁ ସକ୍ଷମ ହୋଇଥିଲା । ଗିରଫ ଦୁଇ ଅଭିଯୁକ୍ତ ମହରାପଦରର ସୁଶୀଲ ଧାରୁଆ ଓ ସର୍ଗୀପାଳି ଗାଁର ବଜରଙ୍ଗ ଧରୁଆ ବୋଲି ସୂଚନା ଦେଇଛି ବନ ବିଭାଗ। ତେବେ ଏହି ଘଟଣାରେ ଆଉ କିଏ କିଏ ସାମିଲ ରହିଛନ୍ତି ଏନେଇ ତଦନ୍ତ ଚାଲିଛି । ଘଟଣାସ୍ଥଳରୁ ମୁଖ୍ୟ ଅଭିଯୁକ୍ତ ଫେରାର ହୋଇଯାଇଛି । ଉଦ୍ଧାର ବଜ୍ରକାପ୍ତା କେଉଁ ସ୍ଥାନକୁ ଚାଲାଣ ହୋଇଥାନ୍ତା ଜଣାପଡ଼ିନାହିଁ ।
ଏଥିସହିତ ପଢ଼ନ୍ତୁ: ଉତ୍ତର ଆଣ୍ଡାମାନ ସାଗରରେ ସୃଷ୍ଟି ହେବ ଲଘୁଚାପ: ପାଗ ଅନୁକୂଳ ରହିଲେ ବାତ୍ୟାରେ ପରିଣତ ହେବ
ମୋଲନୁପିରାଭିରର ଫେଜ୍-୩ ଟ୍ରାଏଲ୍ ରୋକିବାକୁ ଅନୁମତି ମାଗିଲା କମ୍ପାନୀ
ନୂଆଦିଲ୍ଲୀ: ଆମେରିକୀୟ କମ୍ପାନୀ ମର୍କର କୋଭିଡ ଔଷଧ ମୋଲନୁପିରାଭିରର ତୃତୀୟ ପର୍ଯ୍ୟାୟ ଟ୍ରାଏଲ ରୋକିବାକୁ ଡ୍ରଗ୍ସ କଣ୍ଟ୍ରୋଲର୍ ଜେନେରାଲ୍ ଅଫ୍ ଇଣ୍ଡିଆ (DCGI)କୁ ଅନୁମତି ମାଗିଛନ୍ତି ଭାରତର ଦୁଇଟି ଫାର୍ମାସ୍ୟୁଟିକାଲ କମ୍ପାନୀ। ମଧ୍ୟମ ଧରଣର କୋଭିଡ ସଂକ୍ରମଣ କ୍ଷେତ୍ରରେ ଏହି ଔଷଧ ସମ୍ପୂର୍ଣ୍ଣ ସଫଳ ହୋଇଛି ବୋଲି ଦର୍ଶାଇଛି କମ୍ପାନି । କମ୍ପାନୀଗୁଡିକ ଏହି ଔଷଧକୁ ‘ସାମାନ୍ୟ ଗୁରୁତର’ ଅର୍ଥାତ୍ ମଧ୍ୟମ ଏବଂ ସାମାନ୍ୟ ଲକ୍ଷଣ ଥିବା ରୋଗୀଙ୍କ କ୍ଷେତ୍ରରେ ଟ୍ରାଏଲ୍ କରୁଛନ୍ତି । କିନ୍ତୁ ବର୍ତ୍ତମାନ ମଧ୍ୟମ ଲକ୍ଷଣ ଥିବା ରୋଗୀମାନଙ୍କ ପାଇଁ ଫେଜ୍-୩ ଟ୍ରାଏଲ୍ ରୋକିବାକୁ ଦାବି କରାଯାଇଛି।

ବଟିକା ଭାବେ ସେବନ କରାଯାଇପାରୁଥିବା ଏହି ଔଷଧକୁ ଯଦି ଅନୁମତି ମିଳେ, ତେବେ ଏହା ଏକ ଗେମ୍ ଚେଞ୍ଜର ହେବ ଏଂବ ପ୍ରଥମ ଭୂତାଣୁନାଶକ ଔଷଧ ଭାବେ ସାବ୍ୟସ୍ତ ହେବ । ଅବବିନ୍ଦ ଫାର୍ମା ଓ ଏମଏସଏନ ଲାବରେଟୋରି ପକ୍ଷରୁ ଏହି ଔଷଧ ପ୍ରସ୍ତୁତ ହୋଇଛି । ଏହାର ଅନ୍ତରୀଣ ଫେଜ-୩ ଟ୍ରାଏଲ ରିପୋର୍ଟ ବିଷୟଗତ ବିଶେଷଜ୍ଞ କମିଟି ବା ଏସଇସି ନିକଟରେ ଦାଖଲ କରାଯାଇଛି। ନିୟମ ଅନୁସାରେ ନୂଆ ଔଷଧ, ଟିକା ଓ କ୍ଲିନିକାଲ ଟ୍ରାଏଲ ସମ୍ପର୍କିତ ରିପୋର୍ଟ ଡିସିଜିଆଇଙ୍କ ନିକଟରେ ଏସଇସି ଦାଖଲ କରିବା ପରେ ଚୂଡାନ୍ତ ନିଷ୍ପତ୍ତି ନିଆଯାଇଥାଏ ।
ମୋଲନୁପିରାଭିରର ୨୦୦ ମିଲିଗ୍ରାମ ଓ ୪୦୦ ମିଲିଗ୍ରାମ କ୍ୟାପସୁଲର ଟ୍ରାଏଲ କରାଯାଇଛି । ଗତ ଅକ୍ଟୋବର ୪ ତାରିଖରେ ଏହି ଦୁଇ କମ୍ପାନୀ ଦର୍ଶାଇଥିଲା ଯେ, ମଧ୍ୟମ ଧରଣର କୋଭିଡ କ୍ଷେତ୍ରରେ ସେମାନଙ୍କ ଫେଜ ୩ ଟ୍ରାଏଲ ବନ୍ଦ କରିବା ସହ ସାମାନ୍ୟ ଧରଣର କୋଭିଡ କ୍ଷେତ୍ରରେ ଫେଜ-୩ ଟ୍ରାଏଲ ଲାଗି ଅନୁମତି ଦିଆଯାଉ ।

ସେହିପରି ଗତ ଅକ୍ଟୋବର ୧ ତାରିଖରେ ମର୍କ ପକ୍ଷରୁ ଘୋଷଣା କରାଯାଇଥିଲା ମୃତ୍ୟୁ ବା ହସ୍ପିଟାଲରେ ଭର୍ତ୍ତି ହେବାର ରିସ୍କକୁ ଏହି ଔଷଧ ୫୦ ପ୍ରତିଶତ ହ୍ରାସ କରିବାକୁ ସକ୍ଷମ । ଏହି ଔଷଧ ପ୍ରସ୍ତୁତି ଲାଗି ସିପଲା, ଡକ୍ଟର ରେଡିସ, ସନ ଫାର୍ମା, ହେଟେରୋ, ଏମକ୍ୟୁୟର, ଅରବିନ୍ଦ ଫାର୍ମା ଓ ଏମଏସଏନ ଲାବରେଟୋରି ସହ ମର୍କ କମ୍ପାନୀ ସ୍ବେଚ୍ଛାକୃତ ଲାଇସେନସିଂ ରାଜିନାମା ସ୍ବାକ୍ଷର କରିଛି । ମର୍କ ପକ୍ଷରୁ ବି କୁହାଯାଇଛି ମୋଲନୁପିରାଭିର ସେବନ ପରେ ରୋଗୀଙ୍କ ମୃତ୍ୟୁ ଘଟିବା ଦେଖାଯାଇନାହିଁ ।
ପୋଖରୀକୁ ଖସିପଡ଼ିଲା କାର୍: ଜଣେ ମୃତ
କେନ୍ଦୁଝର: କେନ୍ଦୁଝର ଜିଲ୍ଲା ସଦର ଥାନା ୪୯ ନମ୍ବର ଜାତୀୟ ରାଜପଥ ଜାମୁଡିହା ନିକଟରେ ଦୁର୍ଘଟଣା । ପୋଖରୀରେ ପଶିଗଲା କାର୍ । ଜଣେ ମୃତ । ବିଳମ୍ବିତ ରାତିରେ କାରଟି ରାସ୍ତାରେ ଯାଉଥିବା ସମୟରେ ଭାରସାମ୍ୟ ହରାଇ ୪୦ ଫୁଟ ତଳେ ଥିବା ପୋଖରୀ ମଧ୍ୟକୁ ଖସି ପଡ଼ିଥିବା ଅନୁମାନ କରାଯାଉଛି । ଖବର ପାଇ ଘଟଣାସ୍ଥଳରେ ଅଗ୍ନିଶମ ବିଭାଗ ପହଞ୍ଚି କାର୍ ପାଣିରୁ ବାହାର କରିବା ସହ ପୋଖରୀରୁ ଜଣେ ବ୍ୟକ୍ତିଙ୍କର ମୃତଦେହ ଉଦ୍ଧାର କରିଛନ୍ତି । ମୃତକ କେନ୍ଦ୍ରାପଡା ଜିଲ୍ଲାର ବୋଲି ସୂଚନା ମିଳିଛି ।

ତାଓ୍ବାଙ୍ଗ ସେକ୍ଟରରେ ଭାରତ ଓ ଚୀନ ମଧ୍ୟରେ ଉତ୍ତେଜନା
ନୂଆଦିଲ୍ଲୀ: ଭାରତ ଓ ଚୀନ ମଧ୍ୟରେ କର୍ପସ କମାଣ୍ଡର ସ୍ତରୀୟ ଆଲୋଚନା ହେବାକୁ ଯାଉଥିବା ବେଳେ ସୀମାନ୍ତରେ ପୁଣି ଉତ୍ତେଜନା ଦେଖାଦେଇଛି। ଦୁଇ ଦେଶର ସୀମାନ୍ତ ଅନ୍ତର୍ଗତ ପୂର୍ବାଞ୍ଚଳ ସେକ୍ଟରରେ ଉଭୟ ସୈନ୍ୟବାହିନୀ ମଧ୍ୟରେ ଉତ୍ତେଜନା ପ୍ରକାଶ ପାଇଛି। ଅରୁଣାଚଳ ପ୍ରଦେଶ ଅନ୍ତର୍ଗତ ସୀମା ରେଖାରେ ଏହି ମୁହାଁମୁହିଁ ପରିସ୍ଥିତି ସୃଷ୍ଟି ହେବା ପରେ ଉଭୟ ପକ୍ଷ ସତର୍କ ରହିଛନ୍ତି।

ତାଓ୍ବାଙ୍ଗ ସେକ୍ଟରର ୟାଙ୍ଗସେ ଅଞ୍ଚଳରେ ଏହି ଉତ୍ତେଜନା ଘଟିଥିଲା। ଚୀନର ଏକ ବଡ ବାହିନୀ ସୀମାନ୍ତରେ ସଂଘର୍ଷର ସୂତ୍ରପାତ କରିବା ଲାଗି ଚାହିଁଥିଲେ ଏବଂ ଭାରତୀୟ ପାଟ୍ରୋଲିଂ ଟିମ୍ ଏହାର ସଫଳ ମୁକାବିଲା କରିବାରେ ସକ୍ଷମ ହୋଇଥିଲା। ତେବେ ପରେ ପରେ ଲୋକାଲ କମାଣ୍ଡରମାନଙ୍କ ହସ୍ତକ୍ଷେପ ଯୋଗୁ ଏହି ଉତ୍ତେଜନା ଥମିଥିଲା। ପ୍ରକୃତ ନିୟନ୍ତ୍ରଣ ରେଖା ନେଇ ସ୍ପଷ୍ଟତା ରକ୍ଷା କରାଯାଇ ନଥିବାରୁ ଦୁଇ ଦେଶର ସୀମାରେ ଏପରି ସ୍ଥିତି ସୃଷ୍ଟି ହେଉଛି । ତେବେ ଭାରତର ପ୍ରତିରକ୍ଷା ଭିତ୍ତିଭୂମି ପ୍ରତି ଆଞ୍ଚ ଆସିନାହିଁ ବୋଲି କୁହାଯାଇଛି।

ତାଓ୍ବାଙ୍ଗ ସେକ୍ଟରରେ ଗତ ୨୦୧୬ ମସିହାରେ ଏପରି ସମସ୍ୟା ସୃଷ୍ଟି ହୋଇଥିଲା। ମାତ୍ର ସ୍ଥିତିକୁ ନିୟନ୍ତ୍ରଣ କରାଯାଇଥିଲା । ଆସନ୍ତା କିଛି ଦିନ ମଧ୍ୟରେ ୧୩ତମ କର୍ପସ କମାଣ୍ଡରସ୍ତରୀୟ ଆଲୋଚନା ହେବାକୁ ଯାଉଥିବା ବେଳେ ସୀମା ଉତ୍ତେଜନା ଏଥିରେ ସ୍ଥାନ ପାଇବ ବୋଲି ଆଶା କରାଯାଉଛି। ହଟସ୍ପ୍ରିଙ୍ଗସର ଏକ ସ୍ଥାନରେ ଏବେ ବି ଚୀନ ସୈନ୍ୟ ରହିଛନ୍ତି। ଡେପସାଙ୍ଗ ପ୍ଲେନସରେ ବି ଭାରତୀୟ ସୈନ୍ୟଙ୍କୁ ଚୀନ ପ୍ରବେଶ ଅନୁମତି ଦେଉନାହିଁ । ଗତ ଅଗଷ୍ଟରେ ଉତ୍ତରାଖଣ୍ଡର ବାରାହୋତି ସେକ୍ଟରରେ ବି ୧୦୦ରୁ ଅଧିକ ଚୀନ ସୈନ୍ୟ ପ୍ରବେଶ କରି ଉତ୍ତେଜନା ସୃଷ୍ଟି କରିଥିଲେ।
କରୋନା ସ୍ଥିତି ନେଇ ରାଜ୍ୟ-କେନ୍ଦ୍ର ଆଲୋଚନା ଆଜି: କୋଭିଡ ଗାଇଡଲାଇନ ପାଳନ ସହ ଆଗାମୀ ଦିନ ପାଇଁ ପ୍ରସ୍ତୁତ ହେବ ରୂପରେଖ
ନୂଆଦିଲ୍ଲୀ: କରୋନା ସଂକ୍ରମଣ ସ୍ଥିତିକୁ ନେଇ ଆଜି ରାଜ୍ୟମାନଙ୍କ ସହ କେନ୍ଦ୍ର ସରକାରଙ୍କ ବୈଠକ ଅନୁଷ୍ଠିତ ହେବ । ଆଗାମୀ ୩ ମାସ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ହୋଇଥିବାରୁ ଏନେଇ କଣ କଣ ପଦକ୍ଷେପ ନିଆଯିବ ତା’ ଉପରେ ବିସ୍ତୃତ ଆଲୋଚନା ହେବ । ପାର୍ବଣ ଗାଇଡଲାଇନକୁ କଡ଼ାକଡ଼ି ପାଳନ କରାଯିବା ସହ ଆଗାମୀ ଦିନ ପାଇଁ ନୂଆ ରୂପରେଖ ପ୍ରସ୍ତୁତ କରାଯିବ । ଡିସେମ୍ବର ମାସରେ ବାହାରକୁ ଅନେକ ଲୋକ ବୁଲିବାକୁ ଯାଇଥାନ୍ତି । ହେଲେ ସଂକ୍ରମଣ କମିନଥିବାରୁ ଚିନ୍ତାପ୍ରକଟ କରିବା ସହ ସମସ୍ତଙ୍କୁ ସଚେତନ ରହିବା ପାଇଁ ପରାମର୍ଶ ଦେଇଛନ୍ତି କେନ୍ଦ୍ର ସରକାର ।
ସେପଟେ ରାଜ୍ୟର ସଂକ୍ରମିତ ସଂଖ୍ୟା ମଧ୍ୟରୁ ଅଧାରୁ ଅଧିକ ରାଜଧାନୀ ଭୁବନେଶ୍ୱରରେ ଚିହ୍ନଟ ହେଉଛନ୍ତି । ଭୁବନେଶ୍ୱରରେ କରୋନା ସଂକ୍ରମଣ ସ୍ୱାସ୍ଥ୍ୟ ବିଭାଗର ଚିନ୍ତା ବଢ଼ାଇବାରେ ଲାଗିଛି । ପ୍ରତ୍ୟେକ ଦିନ ୨୫୦ରୁ ୩୦୦ ସଂକ୍ରମିତ ଚିହ୍ନଟ ହେଉଛନ୍ତି । ଏଥିପାଇଁ ମୁଖ୍ୟତଃ ଭୁବନେଶ୍ୱରବାସୀଙ୍କୁ ଜଗିରଖି ଚଳିବା ପାଇଁ ପରାମର୍ଶ ଦେଇଛନ୍ତି ସ୍ୱାସ୍ଥ୍ୟ ନିର୍ଦ୍ଦେଶକ ବିଜୟ ମହାପାତ୍ର । କଟକଣା ମାନି ନଚଳିଲେ ସ୍ଥିତି ସମ୍ପୂର୍ଣ୍ଣ ବିଗିଡ଼ିପାରେ ବୋଲି ସ୍ୱାସ୍ଥ୍ୟ ବିଭାଗ କହିଛି । ଅକ୍ଟୋବର ପାର୍ବଣର ଋତୁ ହୋଇଥିବାରୁ ଏହି ସମୟରେ ଭିଡ଼ ଲାଗିରହେ । ସାମାଜିକ ଦୂରତା ରହୁନଥିବା ବେଳେ ମାସ୍କ ବ୍ୟବହାର କମ ଦେଖିବାକୁ ମିଳେ । ଏହାକୁ ନଜରରେ ରଖି କେନ୍ଦ୍ର ସରକାର ୩ ମାସ ପର୍ଯ୍ୟନ୍ତ ଅଧିକ ସଚେତନତ ରହିବାକୁ ପରାମର୍ଶ ଦେଇଛନ୍ତି ।

