spot_img
Home Blog Page 5283

ମନ୍ତ୍ରୀଙ୍କୁ ବିରୋଧ ସମୟରେ ଚାଷୀଙ୍କ ଉପରେ ଚଢ଼ିଗଲା କାର, ୩ ଚାଷୀଙ୍କ ମୃତ୍ୟୁ ୮ ଗୁରୁତର

ଉତ୍ତରପ୍ରଦେଶ: ଉତ୍ତରପ୍ରଦେଶର ଲକ୍ଷ୍ମୀପୁର ଖେରୀର ତିକୁନିଆ ଅଞ୍ଚଳରେ ଏକ ବଡ଼ ଧରଣର ଅଘଟଣ ଘଟିଛି। ଜଣେ କାର ଡ୍ରାଇଭର ଚାଷୀଙ୍କ ଉପରେ କାର ଛଢ଼ାଇ ଦେଇଥିବା ଅଭିଯୋଗ ହୋଇଛି। ଯେଉଁଥିରେ ୩ ଜଣ କୃଷକଙ୍କ ମୃତ୍ୟୁ ହୋଇଥିବାବେଳେ ୮ ଜଣ କୃଷକ ଆହତ ହୋଇଥିବା କୁହାଯାଉଛି। ଏହି କୃଷକମାନେ ମନ୍ତ୍ରୀଙ୍କ ବିରୋଧରେ ବିକ୍ଷୋଭ ପ୍ରଦର୍ଶନ କରିବାକୁ ଯାଉଥିବା ବେଳେ ଏମିତି ଅଘଟଣ ଘଟିଥିଲା।

ସେହି ସମୟରେ କେନ୍ଦ୍ର ଗୃହ ରାଜ୍ୟମନ୍ତ୍ରୀଙ୍କ ପୁଅ ଆସିସ ମିସ୍ରାଙ୍କ ଗାଡ଼ି ଉପରକୁ ପଥର ମାଡ଼ କରିଥିଲେ। ସେଥିରୁ ବଞ୍ଚିବା ପାଇଁ ଡ୍ରାଇଭର ଚେଷ୍ଟା କରୁଥିବା ସମୟରେ ଗାଡ଼ି କୃଷକଙ୍କ ଉପରେ ମାଡ଼ିଯାଇଥିଲା। ଦୁର୍ଘଟଣା ପରେ ଉତ୍ତେଜନା ଆରମ୍ଭ ହୋଇଛି। ଘଟଣାସ୍ଥଳରେ ତିନୋଟି ଗାଡି ନିଆଁ ଲଗାଇ ଦେଇଛନ୍ତି ଉତ୍ୟକ୍ତ ଚାଷୀ। ଏହି ଅଞ୍ଚଳର ଅବସ୍ଥା ଖରାପ ହେବା ପରେ ରାଜ୍ୟର ମୁଖ୍ୟମନ୍ତ୍ରୀ ଏଡିଜି ଏଲ୍‌ ଓ ପ୍ରଶାନ୍ତ କୁମାରଙ୍କୁ ଲକ୍ଷ୍ମୀପୁର ଖେରୀକୁ ପଠାଇଛି।

କୁହାଯାଉଛି ଯେ ଲକ୍ଷ୍ମୀପୁର ଖେରୀରେ କେନ୍ଦ୍ର ଗୃହମନ୍ତ୍ରୀଙ୍କ ଗସ୍ତକୁ ଦୃଷ୍ଟିରେ ରଖି ଡେପୁଟି ସିଏମ ଗ୍ରହଣ କରିବାକୁ ଆସୁଥିବା ବିଜେପି ନେତାଙ୍କ ପୁଅ ଆଶିଷ ମିଶ୍ରଙ୍କ ବିରୋଧରେ ବିରୋଧ କରୁଥିବାବେଳେ କୃଷକମାନେ ବିରୋଧ କରିଥିଲେ। ଯେଉଁ ସମୟରେ ଏଭଳି ଘଟଣା ଘଟିଥିଲା ।

ରୋହିତ, ବିରାଟ ଏବଂ ରାହୁଲଙ୍କ ମଧ୍ୟରୁ କିଏ କରିବେ ଟି-୨୦ ବିଶ୍ୱକପ୍‌ରେ ଓପନିଂ, IPL ସ୍କୋର ବଢ଼ାଇଲା ଚିନ୍ତା

ଭୁବନେଶ୍ୱର: ଆଗକୁ ଆସୁଛି ୨୦-୨୦ ଏବଂ ୫୦-୫୦ ବିଶ୍ୱ କପ୍‌। ଯାହାକୁ ପୁରା ବିଶ୍ୱ ଅପେକ୍ଷା କରିଛି। ବିଶ୍ୱକପ୍‌ ଟାଇଟଲକୁ ହାତେଇବା ପାଇଁ ଆରମ୍ଭ ହୋଇ ସାରିଛି ଅଭ୍ୟାସ। ତେବେ ଯଦି ଭାରତୀୟ କ୍ରିକେଟ ଟିମ୍‌ କଥା ଆମେ କହିବା ତେବେ ଓପନିଂ କିଏ କରିବ ତାହାରି ଉପରେ ସମସ୍ତଙ୍କ ନଜର। କାରଣ ଭାରତୀୟ ଟିମ୍‌ରେ ଏବେ ଓପନିଂ କରିବା ପାଇଁ ୩ ଜଣ ଆଗଧାଡ଼ିର ଖେଳାଳି ରହିଛନ୍ତି।

ମାର୍ଚ୍ଚରେ ଇଂଲଣ୍ଡ ବିପକ୍ଷ ଟି -୨୦ ସିରିଜ ପରେ ଟିମ୍ ଇଣ୍ଡିଆର ଅଧିନାୟକ ବିରାଟ କୋହଲି କହିଛନ୍ତି ଯେ ସେ ଟି -୨୦ ବିଶ୍ୱକପରେ ଓପନିଂ କରିପାରନ୍ତି। ଅକ୍ଟୋବର ୧୭ରୁ ୟୁଏଇରେ ବିଶ୍ୱକପ୍ ପାଇଁ କ୍ୱାଲିଫାଇଁ ମ୍ୟାଚ୍ ଆରମ୍ଭ ହେବାକୁ ଯାଉଛି। ଏହାପୂର୍ବରୁ, ୟୁପିରେ ଆଇପିଏଲ୍ ୨୦୨୧ର ଦ୍ୱିତୀୟ ପର୍ଯ୍ୟାୟର ମ୍ୟାଚ୍ ଖେଳାଯାଉଛି। ଯଦି ଦେଖିବା ଏହି ଆପିଏଲ୍‌ ମ୍ୟାଚ୍‌କୁ ଟି-୨୦ ବିଶ୍ୱକପ ପାଇଁ ଏକ ପ୍ରସ୍ତୁତି ରୂପେ ଦେଖାଯାଉଛି। ଟୁର୍ଣ୍ଣାମେଣ୍ଟରେ ଓପନର୍ ଭାବରେ ବିରାଟ କୋହଲି, ରୋହିତ ଶର୍ମା ଏବଂ କେ.ଏଲ୍ ରାହୁଲଙ୍କ ପ୍ରଦର୍ଶନକୁ ଦେଖି ରୋହିତ ଏପର୍ଯ୍ୟନ୍ତ ଭଲ ପ୍ରଦର୍ଶନ କରିପାରିନାହାନ୍ତି। ଯାହା ଟିମ୍‌ ଇଣ୍ଡିଆର ଚିନ୍ତା ବଢ଼ାଇ ଦେଇଛି। କାରଣ ଭଲଫର୍ମରେ ଥିବା ରୋହିତ ଏବେ ତାଙ୍କର ଫର୍ମକୁ ହରାଇ ବସିଛନ୍ତି।

ୟୁଏଇରେ ଆୟୋଜିତ ଆଇପିଏଲର ଦ୍ୱିତୀୟ ପର୍ଯ୍ୟାୟର ମ୍ୟାଚ୍ ବିଷୟରେ ଯଦି କହିବା ତେବେ ରୋହିତ ତାଙ୍କର ଭଲ ପ୍ରଦର୍ଶନ କରିପାରିନାହାନ୍ତି। ରୋହିତ ଶର୍ମା ଓପନର ଭାବରେ ୪ ଇନିଂସରେ ଯଥାକ୍ରମେ ୩୩, ୪୩, ୮ ଏବଂ ୭ ରନ୍ କରିଛନ୍ତି। ରୋହିତ ଏପର୍ଯ୍ୟନ୍ତ ଅର୍ଦ୍ଧଶତକ ହାସଲ କରିବାରେ ସକ୍ଷମ ହୋଇନାହାଁନ୍ତି ଏବଂ ୪ ଟି ମ୍ୟାଚ୍‌ରେ ମାତ୍ର ୯୧ ରନ୍ ସ୍କୋର କରିବାରେ ସକ୍ଷମ ହୋଇଛନ୍ତି। ଏହି ସମୟରେ ତାଙ୍କର ଷ୍ଟ୍ରାଇକ୍ ହାର ମଧ୍ୟ ଭଲ ନାହିଁ।

ସେପଟେ ଯଦି ଦେଖିବା ବିରାଟ କୋହଲି ୟୁଏଇରେ ଏପର୍ଯ୍ୟନ୍ତ ୫ ଟି ଇନିଂସରେ ୨ଟି ଅର୍ଦ୍ଧଶତକ ହାସଲ କରିଛନ୍ତି। ପାଞ୍ଚଟି ଇନିଂସରେ ବିରାଟ ୫,୫୩,୫୧,୨୫ ଏବଂ୨୫ ରନ୍ ସ୍କୋର କରିଥିଲେ। ବିରାଟ ଏବଂ ରୋହିତଙ୍କ ମଧ୍ୟରେ ତୁଳନା କଲେ ବିରାଟ ରୋହିତଙ୍କ ଠାରୁ ଅଧିକ ରନ୍‌ କରିଛନ୍ତି । ୫ଟି ଇନିଂସରେ ବିରାଟ ୧୫୯ ରନ୍ ସ୍କୋର କରିଛନ୍ତି। କିନ୍ତୁ ପାୱାରପ୍ଲେ ପରେ ତାଙ୍କ ଷ୍ଟ୍ରାଇକ୍ ହାର ହ୍ରାସ ହେବା ନେଇ ପ୍ରଶ୍ନ ଉଠିଛି। ହେଲେ ବିଶ୍ୱକପ ସମୟରେ ୟୁଏଇର ପିଚ୍ ଆହୁରି ମନ୍ଥର ହୋଇପାରେ। ଆଉ ସ୍ଲୋ ପିଚ୍‌ରେ କୋହଲିଙ୍କ ଓପନର୍ ଭାବରେ ପ୍ରଦର୍ଶନକୁ ଅଣଦେଖା କରାଯାଇପାରିବ ନାହିଁ।

କେଏଲ ରାହୁଲ ଏପର୍ଯ୍ୟନ୍ତ ୪ ଟି ମ୍ୟାଚରେ ୪୯,୨୧,୬୭ ଏବଂ ୨୧ ରନ କରିଛନ୍ତି। ଅର୍ଥାତ୍ ସେ ପ୍ରତ୍ୟେକ ମ୍ୟାଚ୍ ରେ ଭଲ ଆରମ୍ଭ କରିଛନ୍ତି। ସେ ୪ଟି ଇନିଂସରେ ୧୫୮ ରନ୍ ସଂଗ୍ରହ କରିଛନ୍ତି। ଏଭଳି ପରିସ୍ଥିତିରେ ଯଦି ଆମେ ତିନିଜଣ ଖେଳାଳିଙ୍କ ପ୍ରଦର୍ଶନକୁ ଦେଖିବା, ତେବେ ରାହୁଲ ଏକ ନମ୍ବରରେ, କୋହଲି ଦ୍ୱିତୀୟ ଏବଂ ରୋହିତ ଶର୍ମା ତୃତୀୟ ସ୍ଥାନରେ ରହିଛନ୍ତି। ଏଭଳି ପରିସ୍ଥିତିରେ ଟି -୨୦ ବିଶ୍ୱକପରେ ଓପନର୍ ଭାବରେ ଦଳକୁ କିଏ ପିଚ୍‌କୁ ଓହ୍ଲାଇବ ତାହା ଉପରେ ସମସ୍ତଙ୍କ ନଜର ରହିଛି।

ଉପାନ୍ତ ଅଞ୍ଚଳରେ ବରଦାନ ସାଜିଛି ବିଏସ୍‌କେଓ୍ୱାଇ ଯୋଜନା: ମାଗଣା ଅପରେସନ ପରେ ଘରକୁ ଫେରିଲେ ପିତ୍ତ ରୋଗୀ

କାଲିମେଳା: ସାହା ହେଲା ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନାର ସ୍ମାର୍ଟକାର୍ଡ । ଅପରେସନ ପରେ ସୁସ୍ଥ ରୋଗୀ । ଉପାନ୍ତ ଅଞ୍ଚଳରେ ବରଦାନ ସାଜିଛି ରାଜ୍ୟ ସରକାରଙ୍କ ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନା । ସ୍ମାର୍ଟ ହେଲ୍ଥକାର୍ଡରେ ଉତ୍ତମ ସ୍ବାସ୍ଥ୍ୟସେବା ପାଉଛନ୍ତି ହିତାଧିକାରୀ ।

ମାଲକାନଗିରି ଜିଲ୍ଲା ଏମଭି-୭୪ ଗାଁରେ ପ୍ରଭା ଦାସ । ଦୀର୍ଘ ଦିନ ହେଲା ପିତ୍ତରୋଗରେ ପୀଡ଼ିତ ହୋଇ ସଂଘର୍ଷ କରୁଥିଲେ । ଅପରେସନ ପାଇଁ ଆବଶ୍ୟକ ଅର୍ଥ ନଥିବାରୁ ରୋଗଶଯ୍ୟାରେ ପଡିରହିଥିଲେ ପ୍ରଭା । ମାତ୍ର ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନାର ସ୍ମାର୍ଟକାର୍ଡ ସହାୟତାରେ ମାଗଣାରେ ତାଙ୍କର ଅପରେସନ ହୋଇଛି  । ସେ ସୁସ୍ଥ ହୋଇ ଘରକୁ ଫେରିଛନ୍ତି ।

ବିଏସ୍‌କେୱାଇ ସ୍ମାର୍ଟକାର୍ଡରେ କାଲିମେଳା ବ୍ଲକର ୫ଜଣ ହିତାଧିକାରୀ ସ୍ବାସ୍ଥ୍ୟସେବା ପାଇ ସୁସ୍ଥ ହୋଇଛନ୍ତି । ନବରଙ୍ଗପୁର ଜିଲ୍ଲା ଖ୍ରୀଷ୍ଟିଆନ ହସ୍ପିଟାଲରେ ସମସ୍ତଙ୍କର ମାଗଣାରେ ଚିକିତ୍ସା କରାଯାଇଛି ।  ସ୍ମାର୍ଟକାର୍ଡରେ ହିତାଧିକାରୀ ମାଗଣାରେ ଚିକିତ୍ସା ସେବା ପାଉଥିବାରୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ କୃତଜ୍ଞତା ଓ ଧନ୍ୟବାଦ ଜଣାଇଛନ୍ତି । ବିଏସ୍‌କେୱାଇ ସ୍ମାର୍ଟକାର୍ଡରେ ରାଜ୍ୟର ସମସ୍ତ ଡାକ୍ତରଖାନା ସହ ରଜ୍ୟ ବାହାରର ୨୦୦ରୁ ଅଧିକ ଘରୋଇ ହସ୍ପିଟାଲରେ ମାଗଣା ଚିକିତ୍ସା ମିଳୁଛି  । ଏଥିରେ  ମହିଳାଙ୍କୁ ୧୦ ଲକ୍ଷ ଓ ପୁରୁଷଙ୍କୁ ୫ ଲକ୍ଷ ଟଙ୍କା ପର୍ଯ୍ୟନ୍ତ ଚିକିତ୍ସା ସହାୟତା ମିଳୁଛି ।

ପିପିଲି ଉପ-ନିର୍ବାଚନ: ବିଜେଡି ପ୍ରାର୍ଥୀ ରୁଦ୍ର ମହାରଥୀ ବିଜୟୀ, ପିପିଲିବାସୀଙ୍କୁ ଧନ୍ୟବାଦ ଜଣାଇଲେ ମୁଖ୍ୟମନ୍ତ୍ରୀ

ପୁରୀ: ପିପିଲିରେ ବାଜି ମାରିନେଇଛି ବିଜୁ ଜନତା ଦଳ । ବିଜେଡି ବିଜୟୀ ହୋଇଛି ଆଉ ଏକ ଉପ-ନିର୍ବାଚନ ।  ବିଜେପି ପ୍ରାର୍ଥୀ ଆଶ୍ରିତ ପଟ୍ଟନାୟକଙ୍କୁ ପ୍ରାୟ ୨୦ ହଜାରରୁ ଊର୍ଦ୍ଧ୍ୱ ଭୋଟରେ ପରାସ୍ତ କରିଛନ୍ତି ବିଜେଡି ପ୍ରାର୍ଥୀ ତଥା ପୂର୍ବତନ ବିଧାୟକ ପ୍ରଦୀପ ମହାରଥୀଙ୍କ ପୁଅ ରୁଦ୍ର ମହାରଥୀ । ଭୋଟ ଗଣନା ଆରମ୍ଭରୁ ବିଜେଡିର ଦବଦବା ଜାରି ରହିଥିବା ବେଳେ  କୌଣସି ବି ରାଉଣ୍ଡରେ ବିଜେଡି ପ୍ରାର୍ଥୀ ଅନ୍ୟ ଦଳର ପ୍ରାର୍ଥୀଙ୍କ ଠାରୁ ପଛୁଆ ନଥିଲେ । ଚଳିତ ନିର୍ବାଚନରେ ଗତ ସାଧାରଣ ନିର୍ବାଚନ ଅର୍ଥାତ ୨୦୧୯ ନିର୍ବାଚନ ଠାରୁ ମଧ୍ୟ ଅଧିକ ଭୋଟ ପାଇଛନ୍ତି ବିଜେଡି ପ୍ରାର୍ଥୀ । ଗତ ନିର୍ବାଚନରେ ବିଜେଡି ପ୍ରାର୍ଥୀ ସ୍ୱର୍ଗୀୟ ପ୍ରଦୀପ ମହାରଥୀ ପାଇଥିଲେ ୮୮୫୧୮ ଖଣ୍ଡ ଭୋଟ ।

ମୋଟ ୨୬ ରାଉଣ୍ଡ ଶେଷ ସୁଦ୍ଧା ବିଜେଡି ପ୍ରାର୍ଥୀ ୯୬୩୯୨ ଖଣ୍ଡ ଭୋଟ ପାଇଥିବା ବେଳେ ବିଜେପି ପ୍ରାର୍ଥୀ ୭୨୩୨୧ ଖଣ୍ଡ ଭୋଟ ପାଇଥିବା ବେଳେ କଂଗ୍ରେସ ପ୍ରାର୍ଥୀ ୪୧୫୫ ଖଣ୍ଡ ଭୋଟ ପାଇଛନ୍ତି । ଏଥିସହିତ କଳିଙ୍ଗ ସେନାର ପିଙ୍କଲିନ୍ ମହାନ୍ତି ୧୫୫, ରିପବ୍ଲିକ୍ ପାର୍ଟି ଅଫ୍ ଇଣ୍ଡିଆର ମହମ୍ମଦ ଇମ୍ମାମୁଦିନ୍ ୨୪୪, ସ୍ୱାଧୀନ ପ୍ରାର୍ଥୀ ନଗେନ୍ଦ୍ର ନାଥ ମିଶ୍ର ୪୧୩ ଖଣ୍ଡ, ସୁଲୋଚନା ସାହୁ ୨୬୪, ସପ୍ନେଶ୍ୱର ନାୟକ ୩୭୦ ଖଣ୍ଡ ଭୋଟ ପାଇଥିବା ବେଳେ ନୋଟାକୁ ଯାଇଛି ୮୩୧ ଖଣ୍ଡ ଭୋଟ ଅର୍ଥାତ ୮୩୧ ଜଣ ଭୋଟର କୌଣସି ବି ପ୍ରାର୍ଥୀଙ୍କୁ ପସନ୍ଦ କରିନାହାନ୍ତି ।

ଅପରପକ୍ଷରେ ପିପିଲରେ ବିଜେଡିର ବିପୁଳ ବିଜୟ ନେଇ ପିପିଲିବାସୀଙ୍କୁ ଧନ୍ୟବାଦ ଜଣାଇଛନ୍ତି ବିଜୁ ଜନତା ଦଳ ସଭାପତି ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । । ଟ୍ୱିଟ୍ କରି ବିଜେଡି ସଭାପତି ନବୀନ ଦଳୀୟ ପ୍ରାର୍ଥୀ ରୁଦ୍ର ପ୍ରତାପ ମହାରଥୀଙ୍କୁ ବିପୁଳ ଜନସମର୍ଥନ ଦେଇଥିବାରୁ ପିପିଲିବାସୀଙ୍କୁ ଆନ୍ତରିକ ଧନ୍ୟବାଦ ଜଣାଇଛନ୍ତି ।  ଏଥିସହିତ ଦଳର ସମସ୍ତ କର୍ମୀ ଓ ନେତୃବୃନ୍ଦଙ୍କୁ ମଧ୍ୟ ଶୁଭେଚ୍ଛା ଜଣାଇଛନ୍ତି ମୁଖ୍ୟମନ୍ତ୍ରୀ । ବିଜୁ ଜନତା ଦଳ ଆପଣମାନଙ୍କର ଦଳ । ଆପଣମାନଙ୍କ ସେବାରେ ଆମେ ସର୍ବଦା ସମର୍ପିତ ବୋଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଟ୍ୱିଟ୍ କରି ଜଣାଇଛନ୍ତି ।

ଟିମ୍‌କୁ ଏକ ନମ୍ବର କରିବାକୁ ହେଲେ ଛାଡ଼ିବାକୁ ପଡ଼ିବ ଚା ଏବଂ ଏସି, ରମିଜ୍‌ଙ୍କ PCBକୁ ଉପଦେଶ

ଲାହୋର: ଚର୍ଚ୍ଚାରେ ପାକିସ୍ତାନର ପୂର୍ବତନ କ୍ରିକେଟର ରମିଜ ରାଜା। ପାକିସ୍ତାନ କ୍ରିକେଟ୍ ବୋର୍ଡର ଚେୟାରମ୍ୟାନ୍ ଭାବରେ ଦାୟିତ୍ୱ ଗ୍ରହଣ କଲା ପରେ ରମିଜ ରାଜା ଏବେ ଚର୍ଚ୍ଚାକୁ ଆସିଛନ୍ତି। ରମିଜ ଏବେ ପିସିବିର ଭିତରେ ଅନେକ ଜିନିଷ ବଦଳାଇବାକୁ ଚେଷ୍ଟା କରୁଛନ୍ତି ବୋଲି ଖବର ଆସୁଛି। ଅଫିସ୍‌ ଭିରେ ଚା ଠାରୁ ଆରମ୍ଭ କରି ଏସି ବ୍ୟବହାର ଉପରେ କଟକଣା ଲଗାଇଛନ୍ତି। କର୍ମଚାରୀ ମାନଙ୍କୁ ଚା ଗୋଟଏ କପ୍‌, ଏସିର ବହୁତ କମ ବ୍ୟବହାର ଏବଂ ଅଫିସ ସରିବା ପରେ ଠିକ୍‌ ସମୟରେ ଲାଇଟ ମନ୍ଦ କରିବା ପାଇଁ ନିର୍ଦ୍ଦେଶ ଦେଇଛନ୍ତି।

ପୂର୍ବତନ ବ୍ୟାଟ୍ସମ୍ୟାନ୍ ପିସିବିର ମୁଖ୍ୟ ଭାବେ ତାଙ୍କ କାର୍ଯ୍ୟକାଳ ଆରମ୍ଭରୁ ହିଁ ବଡ଼ ସମସ୍ୟାର ସମ୍ମୁଖୀନ ହେବାକୁ ପଡ଼ିଛି। ନ୍ୟୁଜିଲ୍ୟାଣ୍ଡ ପରେ ଇଂଲଣ୍ଡର ପୁରୁଷ ଏବଂ ମହିଳା ଦଳ ସେମାନଙ୍କର ଯାତ୍ରା ବାତିଲ କରିଦେଇଛନ୍ତି। ଯେଉଁଥିପାଇଁ ପିସିବିକୁ ଆର୍ଥିକ ସମସ୍ୟାର ସାମ୍ନା କରିବାକୁ ପଡ଼ିଥିଲା। ବର୍ତ୍ତମାନ ପାକିସ୍ତାନରୁ ଆସିଥିବା କିଛି ଗଣମାଧ୍ୟମ ରିପୋର୍ଟରୁ ଜଣାପଡିଛି ଯେ ପାକିସ୍ତାନ କ୍ରିକେଟର ଉନ୍ନତି ତଥା ବିକାଶ ପାଇଁ ସଂଗଠନ ମଧ୍ୟରେ ଖର୍ଚ୍ଚ ହ୍ରାସ କରିବାକୁ ରମିଜ ବୋର୍ଡ ଅଧିକାରୀ ଏବଂ କର୍ମଚାରୀମାନଙ୍କୁ ନିର୍ଦ୍ଦେଶ ଦେଇଛନ୍ତି।

କେବଳ ଏତିକି ନୁହେଁ, ଲାହୋରର ଗାଡ୍ଡାଫି ଷ୍ଟାଡିୟମରେ ବିପୁଳ ବେତନ ପାଉଥିବା କର୍ମଚାରୀ ଏବଂ ଅଧିକାରୀଙ୍କ ଆଲୋଚନା କରିଛନ୍ତି। ପରୋକ୍ଷରେ ସେମାନଙ୍କୁ ଚେତାବନୀ ମଧ୍ୟ ଦେଇଛନ୍ତି ରମିଜ ରାଜା। ଏକ ରିପୋର୍ଟ ଅନୁଯାୟୀ, ରମିଜ ବୋର୍ଡର ଅଧିକାରୀ, ଗ୍ରାଉଣ୍ଡ ଷ୍ଟାଫ୍ ଏବଂ ମ୍ୟାନେଜମେଣ୍ଟକୁ କହିଛନ୍ତି ଯେ ଆମ ସ୍ଥିତିକୁ ଯଥାର୍ଥତା ଦେବା ପାଇଁ ଆମ ସମସ୍ତଙ୍କୁ କାର୍ଯ୍ୟ କରିବାକୁ ପଡିବ। ଯଦି ଦଳ ନମ୍ବର -୧ ନହୁଏ ତେବେ ଆମେ ସମସ୍ତେ ଏଠାରେ ରହିବାର କୌଣସି ଅର୍ଥ ନାହିଁ।

ରମିଜ ରାଜା କହିଛନ୍ତି, ‘ବୋର୍ଡର ଖର୍ଚ୍ଚ କାଟିବାକୁ ପଡ଼ିବ। ୨ ବଦଳରେ ୧ କପ୍ ଚା ପିଅନ୍ତୁ, କମ୍ ଏୟାର କଣ୍ଡିସନର ବ୍ୟବହାର କରନ୍ତୁ ଏବଂ ଯେତେବେଳେ ଆପଣ ଅଫିସ୍ ଛାଡନ୍ତି ସେତେବେଳେ ଲାଇଟ୍ ବନ୍ଦ କରନ୍ତୁ ବୋଲି ସମସ୍ତ ଷ୍ଟାଫଙ୍କୁ କହିଛନ୍ତି ରମିଜ। ଯଦି ଦେଖିବା ତେବେ ରମିଜ ରାଜାଙ୍କ ନିଯୁକ୍ତି ପରେ ପାକିସ୍ତାନ କ୍ରିକେଟ ଟିମ୍‌ରେ ଏକ ନୂଆ ଉତ୍ସାହ ଦେଖାଦେଇଛି। ନିଜକୁ ଉନ୍ନତ କରିବା ଦିଗରେ କାର୍ଯ୍ୟ କରିବାକୁ ସେ ସମସ୍ତଙ୍କୁ ଅନୁରୋଧ କରିଛନ୍ତି। ତୃଣମୂଳ ସ୍ତରରେ କ୍ରିକେଟର ଉନ୍ନତି ପାଇଁ ରାଜା ନିଜର ଇଚ୍ଛା ପ୍ରକାଶ କରିଛନ୍ତି। ଘରୋଇ ସ୍ତରର କ୍ରିକେଟରେ ପିଚ୍‌ର ଉନ୍ନତି ପାଇଁ ସେ ନିର୍ଦ୍ଦେଶ ଦେଇଛନ୍ତି।

୨ରୁ ୧୮ ବର୍ଷର ପିଲାଙ୍କ ଲାଗି ଖୁବ୍ ଶୀଘ୍ର ଆସିପାରେ କୋଭାକ୍ସିନ

ନୂଆଦିଲ୍ଲୀ: ୨ରୁ ୧୮ ବର୍ଷ ବୟସ୍କ ପିଲାଙ୍କୁ କୋଭାକ୍ସିନ ଟିକାକରଣ ସକାଶେ ଭାରତ ବାୟୋଟେକ ପକ୍ଷରୁ ତଥ୍ୟ ଉପସ୍ଥାପନ କରାଯାଇଛି। ଭାରତର ଔଷଧ ମହାନିୟନ୍ତ୍ରକ ବା ଡିସିଜିଆଇଙ୍କ ନିକଟରେ ଏହି ତଥ୍ୟ ଦାଖଲ କରିଛି ଭାରତ ବାୟୋଟେକ। ଏନେଇ ସୂଚନା ଦେଇଛନ୍ତି କମ୍ପାନୀର ଅଧ୍ୟକ୍ଷ ତଥା ପରିଚାଳନା ନିର୍ଦ୍ଦେସକ ଡାକ୍ତର କ୍ରିଷ୍ଣା ଏଲ୍ଲା। ଭାରତ ବାୟୋଟେକ ଗତ ସେପ୍ଟେମ୍ବରରେ ୨ରୁ ୧୮ ବର୍ଷ ବୟସ୍କ ପିଲାଙ୍କ ଲାଗି ଫେଜ-୨ ଓ ଫେଜ-୩ ଟ୍ରାଏଲ ଶେଷ କରିଥିଲା। ଏହାର ସବିଶେଷ ତଥ୍ୟ ବର୍ତ୍ତମାନ ଡିସିଜିଆଇଙ୍କ ନିକଟରେ ଦାଖଲ କରାଯାଇଛି।

ସେପଟେ ବିଶ୍ୱ ସ୍ୱାସ୍ଥ୍ୟ ସଂଗଠନ ପକ୍ଷରୁ କୋଭାକ୍ସିନର ଜରୁରିକାଳୀନ ବ୍ୟବହାର ପାଇଁ ମଞ୍ଜୁରୀ ଏହି ମାସରେ ମିଳିପାରେ। ଗତ ଜୁଲାଇ ୯ ତାରିଖରେ ବିଶ୍ୱ ସ୍ୱାସ୍ଥ୍ୟ ସଂଗଠନ ନକିଟରେ ଭାରତ ବାୟୋଟେକ ସବିଶେଷ ରିପୋର୍ଟ ଦାଖଲ କରିଥିଲା। ଯଦି କୋଭାକ୍ସିନକୁ ସଂଗଠନ ଅନୁମତି ଦିଏ ତେବେ ଆନ୍ତର୍ଜାତିକ ସ୍ତରରେ ଯାତ୍ରୀମାନଙ୍କ ଲାଗି ଏହା ସକାରାତ୍ମକ ସାବ୍ୟସ୍ତ ହେବ ଏବଂ ଅନ୍ୟ ଦେଶକୁ ଗଲେ ବାଧ୍ୟତାମୂଳକ କ୍ୱାରେଣ୍ଟାଇନର ଆବଶ୍ୟକତା ପଡିବ ନାହିଁ।

Pipili By-Election: ୧୭ତମ ରାଉଣ୍ଡ ସୁଦ୍ଧା ୧୯ହଜାର ୩୨୮ ଭୋଟରେ ଆଗୁଆ ବିଜେଡି

ପୁରୀ: ବିଜୟ ମୁହାଁ ବିଜେଡି । ପିପିଲି ଉପନିର୍ବାଚନରେ ବିଜେଡି ପ୍ରାର୍ଥୀ ପ୍ରତି ରାଉଣ୍ଡରେ ଆଗୁଆ ରହୁଛନ୍ତି । ରାଉଣ୍ଡ ପରେ ରାଉଣ୍ଡ ଭୋଟ୍ ଗଣତି ଚାଲିଥିବା ବେଳେ ବଢ଼ି ଚାଲିଛି ଭୋଟ୍ ବ୍ୟବଧାନ । ୧୭ତମ ରାଉଣ୍ଡ ସୁଦ୍ଧାବିଜେଡି ପ୍ରାର୍ଥୀ ରୁଦ୍ର ପ୍ରତାପ ମହାରଥୀ ୧୯ ହଜାର ୩୨୮ ଭୋଟରେ ଆଗୁଆ ରହିଛନ୍ତି ।

୧୭ ତମ ରାଉଣ୍ଡ ସୁଦ୍ଧ ବିଜେଡିକୁ ୬୭୯୨୫ ଭୋଟ୍ ମିଳିଥିବା ବେଳେ ବିଜେପି ଖାତାକୁ ଯାଇଛି ୪୮୫୯୭ଭୋଟ୍ । ଅମାନତ ହରାଇବାକୁ ଯାଉଥିବା କଂଗ୍ରେସକୁ ମିଳିଛି ମାତ୍ର ୩୨୯୩ ଭୋଟ୍ ।

 

କ୍ରୁଜ୍‌ରେ ଡ୍ରଗ୍ସ ପାର୍ଟିକୁ ନେଇ ଗିରଫ ହେଲେ ଶାହାରୁଖଙ୍କ ପୁଅ ଆର୍ଯ୍ୟନ୍‌ ଖାନ୍‌

ମୁମ୍ବାଇ: ସୁପରଷ୍ଟାର ଶାହରୁଖ ଖାନ୍‌ଙ୍କ ପୁଅ ଆର୍ଯ୍ୟନ ଖାନ୍‌ଙ୍କୁ ଗିରଫ କଲା ଏନ୍‌ସିବି। ମଝି ଦରିଆରେ ରେଭ ପାର୍ଟିରେ ଡ୍ରଗ୍ସ ବ୍ୟବହାରକୁ ନେଇ ଗିରଫ କରିଛି ଏନ୍‌ସିବି। ଘନ ଘନ ଜେରା ପରେ ଗିରଫ କରାଯାଇଛି। କର୍ଡେଲିଆ କ୍ରୁଜରେ ରେଭ ପାର୍ଟିରେ ଯୋଗଦେଇଥିଲେ ଆର୍ଯ୍ୟନ। ତେବେ ଆର୍ଯ୍ୟନ୍‌ଙ୍କୁ ଏନଡିପିଏସ ଆକ୍ଟରେ ଏନସିବି ଗିରଫ କରିଥିବା ସୂଚନା ମିଳିଛି। ମଝିଦରିଆରେ ଛଦ୍ମବେଶରେ ଏନସିବି କରିଥିଲା ରେଡ୍।

ଜାହାଜ ମୁମ୍ବାଇ ଛାଡିବା ପରେ ରେଡ୍ କରିଥିଲା ଏନସିବି। କର୍ଡେଲିଆ କ୍ରୁଜରେ ଚାଲିଥିଲା ରେଭ ପାର୍ଟି। ଏହି ପାର୍ଟିରୁ ଜବତ ହୋଇଥିଲା ଏମଡିଏମଏ, କୋକେନ, ମେଫେଡ୍ରୋନ ଓ ଚରସ। ଆର୍ଯ୍ୟନଙ୍କ ସହ ଅନ୍ୟ ୭ ଜଣଙ୍କୁ ମଧ୍ୟ ଗିରଫ କରାଯାଇଛି। ମୋଟ ୮ ଜଣଙ୍କୁ ଗିରଫ କରିଛି ଏନ୍‌ସିବି। ତେବେ ଜେରା ସମୟରେ ବ୍ୟାପକ ବୟାନ ରେକର୍ଡିଂ ପରେ ଏନ୍‌ସିବି ଗିରଫ କରିଥିବା ସୂଚନା ମିଳିଛି।

ଆର୍ଯ୍ୟନ୍‌ଙ୍କ ବ୍ୟତିତ ଏହି ସବୁ ବ୍ୟକ୍ତି ମାନଙ୍କୁ ମଧ୍ୟ ଗିରଫ କରାଯାଇଛି। ମୁମ୍ବାଇର କ୍ରୁଜ୍ ଜାହାଜରେ ଆୟୋଜିତ ଡ୍ରଗ୍ସ ପାର୍ଟିରେ ଏନସିବି ଦ୍ୱାରା ଗିରଫ ହୋଇଥିବା ଲୋକଙ୍କ ନାମ ସାମ୍ନାକୁ ଆସିଛି। ଶାହାରୁଖ ଖାନଙ୍କ ପୁଅ ଆର୍ଯ୍ୟନ ଖାନଙ୍କ ବ୍ୟତୀତ ଏଥିରେ ଆଉ ୭ ଜଣ ଜଡିତ ଅଛନ୍ତି। ସେମାନଙ୍କର ନାମ ହେଉଛି – ମୁମୁନ୍ ଧାମେଚା, ନୁପୁର ସାରିକା, ଇସ୍ମିତ ସିଂ, ମୋହକ ଜୟସୱାଲ, ବିକ୍ରାନ୍ତ ଚୋକର, ଗୋମିତ ଚୋପ୍ରା ଏବଂ ଅରବାଜ ମର୍ଚେଣ୍ଟ।

ସାମ୍ନାକୁ ଆସିଲା ଆର୍ଯ୍ୟନ୍‌ଙ୍କ ଅନ୍ୟ ୭ ସହଯୋଗୀଙ୍କ ନାମ, ସେପଟେ ବନ୍ଦ ହୋଇପାରେ ଶାହାରୁଖଙ୍କ ଫିଲ୍ମ ପଠାନ୍‌ର ସୁଟିଂ

ମୁମ୍ବାଇ: ମଝି ଦରିଆରେ ଡ୍ରଗ୍ସ ପାର୍ଟିର ଖୋଲୁଛି ଗୋଟିଏ ପରେ ଗୋଟିଏ ଗୁମର। ଆର୍ଯ୍ୟନ୍‌ଙ୍କୁ ଜେରା ପରେ ବଲିଓଡ୍‌ର କଳା କାରନାମା ସାମ୍ନାକୁ ଆସିବାରେ ଲାଗିଛି। ଆର୍ଯ୍ୟନ୍ ଖାନଙ୍କ ବ୍ୟତିତ ଅନ୍ୟ ୭ ଜଣଙ୍କର ନାମ ଏବେ ସାମ୍ନାକୁ ଆସିଛି। ଏହା ପୂର୍ବରୁ ଆର୍ଯ୍ୟନ୍‌ଙ୍କ ଫୋନ୍‌ ଯାଞ୍ଚ ପରେ ଜଣାପଡ଼ିଥିଲା ସେ ପ୍ରତିଦିନ ଡ୍ରଗ୍ସ ନିଅନ୍ତି ବୋଲି। ତେବେ ଶନିବାର ଦିନ ଏନ୍‌ସିବି କ୍ରୁଜ୍‌ରେ ରେଡ ପରେ ଧରାପଡ଼ିଥିଲେ ଆର୍ଯ୍ୟନ୍‌। ନିଶାସକ୍ତ ଅବସ୍ଥାରେ ତାଙ୍କୁ ରେଡ ବେଳେ ଧରିଥିଲା ଏନ୍‌ସିବି।

ଆର୍ଯ୍ୟନ୍‌ଙ୍କ ବ୍ୟତିତ ଏହି ସବୁ ବ୍ୟକ୍ତି ମାନେ ମଧ୍ୟ ରହିଛନ୍ତି ସାମିଲ। ଯେଉଁ ମାନଙ୍କୁ ଏବେ ଆର୍ଯ୍ୟନ୍‌ ସହ ଜେରା କରାଯାଉଛି। ମୁମ୍ବାଇର କ୍ରୁଜ୍ ଜାହାଜରେ ଆୟୋଜିତ ଡ୍ରଗ୍ସ ପାର୍ଟିରେ ଏନସିବି ଦ୍ୱାରା ଗିରଫ ହୋଇଥିବା ଲୋକଙ୍କ ନାମ ସାମ୍ନାକୁ ଆସିଛି। ଶାହାରୁଖ ଖାନଙ୍କ ପୁଅ ଆର୍ଯ୍ୟନ ଖାନଙ୍କ ବ୍ୟତୀତ ଏଥିରେ ଆଉ ୭ ଜଣ ଜଡିତ ଅଛନ୍ତି। ସେମାନଙ୍କର ନାମ ହେଉଛି – ମୁମୁନ୍ ଧାମେଚା, ନୁପୁର ସାରିକା, ଇସ୍ମିତ ସିଂ, ମୋହକ ଜୟସୱାଲ, ବିକ୍ରାନ୍ତ ଚୋକର, ଗୋମିତ ଚୋପ୍ରା ଏବଂ ଅରବାଜ ମର୍ଚେଣ୍ଟ।

ପୁଅ ଆର୍ଯ୍ୟନ ଖାନ ଡ୍ରଗ୍ସ ମାମଲାରେ ଫସିଯିବା ପରେ ଶାହାରୁଖ ଖାନଙ୍କ ବିଷୟରେ ବଡ ଖବର ଆସୁଛି। କୁହାଯାଉଛି ଯେ ଶାହାରୁଖ ଖାନ ତାଙ୍କ ଫିଲ୍ମ ପଠାନର ସୁଟିଂ ବାତିଲ କରିପାରନ୍ତି। ଫିଲ୍ମ ପଠାନର ସୁଟିଂ ପାଇଁ ଶାହାରୁଖଙ୍କୁ ସ୍ପେନ ଯିବାକୁ ଥିଲା । କିନ୍ତୁ ଏବେ ତାହା ଅସମ୍ଭବ ଭଳି ଲାଗୁଛି। ଯେଉଁଥି ପାଇଁ ଏବେ ସୁଟିଂ ବାତିଲ ହୋଇପାରେ କିମ୍ବା କିଛି ସମୟ ପାଇଁ ସ୍ଥଗିତ ରଖାଯାଇପାରେ ବୋଲି ସୂଚନା ମଳିଛି।

ପିପିପି ମୋଡରେ ଭୁବନେଶ୍ୱର ରେଳ ଷ୍ଟେସନରେ ସ୍ଥାପନ ହେବ ଆଉ ଏକ ପ୍ଳାଟଫର୍ମ

ଭୁବନେଶ୍ୱର: ପିପିପି ମୋଡରେ ହେବ ଭୁବନେଶ୍ୱର ଷ୍ଟେସନର ବିକାଶ । ଆଗାମୀ ଦିନରେ ଆଉ ଏକ ପ୍ଲାଟଫର୍ମ ଓ ୨ଟି ରେଳ ଟ୍ରାକ୍ ବଢିବ । ରେଳ ଜମିରେ ରେଳ ମନ୍ତ୍ରଣାଳୟ ଓ  ପାଖ ଜମିରେ ବିଡିଏ କରିବ ବିକାଶ । ଓଡିଶାରେ ଥିବା ବିଭିନ୍ନ ରେଲଓ୍ବେ ପ୍ରକଳ୍ପର ତ୍ବରାନ୍ବିତ ବିକାଶ ପାଇଁ ଅର୍ଥର ଅଭାବ ରହିବ ନାହିଁ । ଜମି ଅଧିଗ୍ରହଣ ସମସ୍ୟାର ସମାଧାନ ପାଇଁ ରାଜ୍ୟ ସରକାର ସମ୍ପୂର୍ଣ୍ଣ ସହଯୋଗ କରୁଛନ୍ତି ।  ଖୁବ୍‌ଶୀଘ୍ର  ପାରାଦୀପ- ହରିଦାସପୁର ରେଳଲାଇନରେ ଯାତ୍ରୀବାହୀ ଟ୍ରେନ ଚଳାଚଳ କରିବ । ଭୁବନେଶ୍ୱର ଷ୍ଟେସନ ସହିତ ନ୍ୟୁ ଭୁବନେଶ୍ବର ଷ୍ଟେସନର ବି ବିକାଶ କରାଯିବ । ବିଶ୍ବ ସ୍ତରୀୟ ଷ୍ଟେସନ ହେବାପାଇଁ ପ୍ରକ୍ରିୟାକୁ ଜୋରଦାର କରାଯିବ। । କାର୍ଯ୍ୟର ବ୍ୟୟ ଅଟକଳ ଖୁବ୍ ଶୀଘ୍ର ପ୍ରସ୍ତୁତ କରାଯିବ  । ତେବ ଦିନିକିଆ ଗସ୍ତରେ ଆସି ରେଲଓ୍ବେ ବୋର୍ଡର ଅଧ୍ୟକ୍ଷ ଓ ମୁଖ୍ୟ ନିର୍ବାହୀ ଅଧୀକାରୀ ସୁନୀତ ଶର୍ମା ଷ୍ଟେସନ ବୁଲି ଦେଖିବା ସହ ଯାତ୍ରୀମାନଙ୍କ ସୁବିଧା ଓ ଅସୁବିଧା ପଚାରି ବୁଝିଲେ ।

ଏଥିସହିତ ପଢ଼ନ୍ତୁ: Pipili By-Election: ୧୩ତମ ରାଉଣ୍ଡ ସୁଦ୍ଧା ୧୪ ହଜାରରୁ ଅଧିକ ଭୋଟରେ ଆଗୁଆ ରୁଦ୍ର