spot_img
Home Blog Page 5287

ବାହାଘରର ୪ ବର୍ଷ ପରେ ଅଲଗା ହେଲେ ସାଉଥର ଏହି ସୁପରହିଟ୍ ଯୋଡି..

ମୁମ୍ବାଇ:ଦକ୍ଷିଣ ଭାରତୀୟ ଚଳଚ୍ଚିତ୍ର ଅଭିନେତ୍ରୀ  ସାମନ୍ଥା ପ୍ରଭୁ ଓ ଅଭିନେତା ନାଗା ଚୈତନ୍ୟ  ଅଲଗା ହେଲେ । ସେମାନଙ୍କ ଅଲଗା ହେବାର ନିଶ୍ଚିତ ସୂଚନା ଦେଇଛନ୍ତି ଏହି ଯୋଡି । ସୋସିଆଲ ମିଡିଆ ମାଧ୍ୟମରେ ନିଜ ଅଲଗା ହେବାର ଖବର ଦୁନିଆକୁ ଜଣାଇଲେ ଦୁହେଁ ।  ସାମନ୍ତା ଇନଷ୍ଟାଗ୍ରାମରେ ପୋଷ୍ଟ କରିଛନ୍ତି ଯେ ସେ ଏବଂ ନାଗା ସ୍ୱାମୀ-ସ୍ତ୍ରୀ ଭାବରେ ଅଲଗା ହେବାକୁ ନିଷ୍ପତ୍ତି ନେଇଛନ୍ତି। କିଛି ସମୟ ପାଇଁ ଉଭୟଙ୍କ ମଧ୍ୟରେ ମତଭେଦ ଏବଂ ଛାଡପତ୍ର ହେବାର ଖବର ଆସିଥିଲା। ବର୍ତ୍ତମାନ ସେ ନିଜେ କହିଛନ୍ତି ଯେ ଉଭୟ ଅଲଗା ଅଛନ୍ତି। ସାମନ୍ତ ଏବଂ ନାଗା ଚେତନ୍ୟ ୨୦୧୭ ରେ ବିବାହ କରିଥିଲେ |

କିଛି ସମୟ ପାଇଁ ପରସ୍ପରକୁ ଡେଟ କରିବା ପରେ ସାମନ୍ଥା ପ୍ରଭୁ ଏବଂ ନାଗା ପରସ୍ପରର ନିକଟତର ହୋଇଥିଲେ । ପ୍ରେମରୁ ବିବାହର ରାସ୍ତା ଖୁବ ସୁନ୍ଦର ଥିଲା ଏହି ହିଟ୍ ଯୋଡିଙ୍କର.. ଉଭୟଙ୍କୁ ଦକ୍ଷିଣ ଭାରତୀୟ ସିନେମାର ପ୍ରିୟ ଦମ୍ପତି ଭାବରେ ବେଶ୍ ଜଣାଯାଏ । ତେବେ ସେମାନଙ୍କ ବିବାହ ମାତ୍ର ଚାରି ବର୍ଷ ପର୍ଯ୍ୟନ୍ତ ହିଁ ତିଷ୍ଠି ପାରିଲା । ଦୀର୍ଘ ସମୟ ଧରି, ସେମାନଙ୍କ ସମ୍ପର୍କର ଦୂରତା ଖବର ବାହାରକୁ ଆସୁଥିଲା, କିନ୍ତୁ ଏହି ଖବରକୁ ସହଜରେ ଗ୍ରହଣ କରିପାରିନଥିଲେ ସେମାନଙ୍କର ଫ୍ୟାନ୍ସ । କିଏ ଏହାକୁ ମିଛ ଅପ୍ରଚାର କହୁଥିଲା ତ ପୁଣି କିଏ ସେମାନଙ୍କ ଆଗାମୀ ଫିଲ୍ମର କାହାଣୀ କହୁଥିଲା,କିନ୍ତୁ ସବୁ କଳ୍ପନା ଜଳ୍ପନାର ଅନ୍ତ ଘଟାଇ ମିଛ ଖବରକୁ ସତ କରିଦେଇଛନ୍ତି ସାମନ୍ଥା ପ୍ରଭୁ ଓ ନାଗା ଚେତନ୍ୟ..  ଏବେ ଦୁହେଁ ବାଛିନେଲେ ଦୁହିଁଙ୍କ ପାଇଁ ଭିନ୍ନ ଭିନ୍ନ ରାସ୍ତା ।

ତେଲୁଗୁ ସିନେମାର ଏହି ପ୍ରସିଦ୍ଧ ଯୋଡିକୁ ଲୋକମାନେ ବହୁତ ପସନ୍ଦ କରିଛନ୍ତି | ଦୁହେଁ ଅନେକ ଚଳଚ୍ଚିତ୍ରରେ ଏକାଠି କାମ ମଧ୍ୟ କରିଛନ୍ତି, ସେଥିମଧ୍ୟରୁ ସବୁଠାରୁ ହିଟ୍ ଥିଲା ୨୦୧୦ର ଚଳଚ୍ଚିତ୍ର ‘ୟେ ମାୟା ଚେସାଭ୍’ | ୨୦୧୯ ମସିହାରେ ଦୁହେଁ ଏକାଠି ମାଜିଲି ଫିଲ୍ମରେ ନଜର ଆସିଥିଲେ। ସମ୍ପ୍ରତି, ମନୋଜ ବାଜପେୟୀଙ୍କ ୱେବ୍ ସିରିଜ୍ ଦି ଫ୍ୟାମିଲି ମ୍ୟାନ୍ ୨ ରେ ସାମନ୍ତା ତାଙ୍କର ଚମତ୍କାର ପ୍ରଦର୍ଶନ ଦ୍ୱାରା ସମସ୍ତଙ୍କୁ ପ୍ରଭାବିତ ମଧ୍ୟ କରିଥିଲେ |

ଉତ୍ତର ଭାରତରେ ତାଙ୍କର ବହୁତ ପ୍ରଶଂସକ ମଧ୍ୟ ଅଛନ୍ତି | ନିକଟରେ ସାମନ୍ଥା ପ୍ରଭୁ ଏବଂ ନାଗା ଚୈତନ୍ୟ ନିଜ ଭବିଷ୍ୟତ ଉତ୍ତରାଧିକାରୀ ପାଇଁ ଯୋଜନା କରୁଥିବାର ମଧ୍ୟ ଖବର ଆସିଥିଲା। ହେଲେ ଅଚାନକ ଏହି ଦୁଇ ପ୍ରେମୀଜୁଗଳଙ୍କ ଛାଡପତ୍ର କଥା କାହାକୁ ବିଶ୍ବାସ ହେଉନାହିଁ..କାରଣ ଅନେକ ସୁପରହିଟ୍ ଲଭଷ୍ଟୋରୀର କଥା ଉଠିଲେ ନାଗା  ଚୈତନ୍ୟ ଓ ସାମନ୍ଥା ପ୍ରଭୁଙ୍କର ନାଁ ଆସେ..

ଆକାଶରେ ଧ୍ବଂସ ହେଲା ଏୟାର ଆମ୍ବୁଲାନ୍ସ ,ଚାଲିଗଲା ୪ ଜୀବନ

ୟୁଏଇ: ସଂଯୁକ୍ତ ଆରବ ଏମିରେଟ୍ସ (ୟୁଏଇ) ପୋଲିସ ଦ୍ୱାରା ଉଡାଯାଇଥିବା ଆବୁଧାବି ଏୟାର ଆମ୍ବୁଲାନ୍ସ ଶନିବାର ଦୁର୍ଘଟଣାଗ୍ରସ୍ତ ହୋଇଛି। ଏହି ଦୁର୍ଘଟଣାରେ ୪ ଜଣଙ୍କର ମୃତ୍ୟୁ ହୋଇଛି। ଏଥି ସହିତ ଆବୁଧାବି ପୋଲିସ ଏହି ଦୁର୍ଘଟଣା କେଉଁଠାରେ ଘଟିଛି ଏବଂ ଏହି ଦୁର୍ଘଟଣାର ପ୍ରକୃତ କାରଣ କଣ ସେ ସମ୍ପର୍କରେ କିଛି ସୂଚନା ଦେଇ ନାହିଁ। ତେବେ ଏହି ଦୁର୍ଘଟଣାରେ ଦୁଇ ପାଇଲଟ, ନାଗରିକ ଡାକ୍ତର ଏବଂ ଜଣେ ନର୍ସଙ୍କ ମୃତ୍ୟୁ ହୋଇଥିବା ପୋଲିସ ନିଶ୍ଚିତ ଭାବେ ସୂଚନା ଦେଇଛନ୍ତି। ଆବୁଧାବି ହେଉଛି ସଂଯୁକ୍ତ ଆରବ ଏମିରେଟ୍ସର ରାଜଧାନୀ |

ଶନିବାର ଏୟାର ଆମ୍ବୁଲାନ୍ସ ଦୁର୍ଘଟଣାରେ ୪ ଜଣଙ୍କର ମୃତ୍ୟୁ ହୋଇଥିବା ଆବୁଧାବି ପୋଲିସ କହିଛି। ଏକ ଟୁଇଟ ଜରିଆରେ ଅଧିକାରୀମାନେ କହିଛନ୍ତି ଯେ ମୃତକଙ୍କ ମଧ୍ୟରେ ଦୁଇଜଣ ପାଇଲଟ ଅଛନ୍ତି। ମୃତକଙ୍କ ମଧ୍ୟରେ କାମିସ୍ ସଇଦ ଅଲ-ହୋଲି, ମହମ୍ମଦ ଅଲ-ରସିଡି, ସହିଦ ଫାରୁକ୍ ଗୋଲାମ ଏବଂ ଜୋଏଲ କ୍ୟୁଇ ସାକାରା ମିନଟୋ ଅଛନ୍ତି। ଘଟଣା ସମ୍ପର୍କରେ କର୍ତ୍ତୃପକ୍ଷ ସ୍ପଷ୍ଟ ସୂଚନା ଏଯାଏଁ ପ୍ରଦାନ କରିନାହାଁନ୍ତି। କିନ୍ତୁ ଏକ ଟୁଇଟରେ କୁହାଯାଇଛି ଯେ ଦୁର୍ଘଟଣା ସମୟରେ ଏହି ସମସ୍ତ ଲୋକ ଡ୍ୟୁଟିରେ ରହିଥିଲେ। ଘଟଣାର କିଛି ସମୟ ପରେ ଆବୁଧାବି ପୋଲିସ ଘନ କୁହୁଡ଼ି ହେତୁ ସଂଯୁକ୍ତ ଆରବ ଏମିରେଟ୍ସରେ ଗତି ଉପରେ ପ୍ରତିବନ୍ଧକ ଲଗାଇଥିଲା।

ସାବଧାନ୍… ଦୂର୍ଗାପୂଜା ବଟି ମାଗିଲେ ବାନ୍ଧିବ ପୋଲିସ

ଭୁବନେଶ୍ୱର: ମା ଆସୁଛନ୍ତି  । ଦଶହରାରେ ଦର୍ଶନ ଦେବେ ମା ଦୂର୍ଗା  । ଏହା ପୂର୍ବରୁ ଶାନ୍ତି ଶୃଙ୍ଖଳାକୁ ନେଇ ସଜାଗ ହୋଇଛି କମିସନରେଟ ପୋଲିସ  ।   ଦ୍ବୈତନଗରୀରେ ଦାଦାବଟିକୁ ନା । ଏଥର ଚାନ୍ଦା ମାଗିଲେ ବନ୍ଧା ହେବେ ଅଭିଯୁକ୍ତ । ଦୁର୍ଗାପୂଜା ପାଇଁ ଟୁଇନସିଟିର ଅଫିସରଙ୍କୁ ଏନେଇ କଡା ନିର୍ଦ୍ଦେଶ ଦେଇଛନ୍ତି ପୁଲିସ କମିସନର । ଚାନ୍ଦା ମାଗୁଥିବା ବ୍ୟକ୍ତିଙ୍କ ସମ୍ପର୍କରେ ପୋଲିସକୁ ଖବର ଦେବାକୁ କହିଛି ଦୈତ ନଗର ପୋଲିସ  ।

ଏଥର ଦୂର୍ଗା ପୂଜାରେ ଯଦି କୈଣସି ବ୍ୟକ୍ତି ଚାନ୍ଦା ମାଗନ୍ତି ତେବେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବ ପୋଲିସ  । ଏନେଇ ଜନସାଧାରଣ ମାନେ ସିଧାସଳଖ ପୁଲିସକୁ ଖବର ଦେବେ, ସେମାନଙ୍କ ନାଁ ଗୋପନ ରଖାଯିବ । ଯିଏ ଜବରଦସ୍ତି ଚାନ୍ଦା ମାଗିବାକୁ ଉଦ୍ୟମ କରିବ କିମ୍ବା ଚାନ୍ଦା ମାଗିବ, ତାଙ୍କୁ ଛଡା ଯିବ ନାହିଁ ବୋଲି ପୁଲିସ କମିଶନରଙ୍କ ସୂଚନା ଦେଇଛନ୍ତି ।

ସେପଟେ ଗତକାଲି ଭୁବନେଶ୍ୱରରେ ବାର କର୍ମଚାରୀଙ୍କୁ ଦାଦାବଟି ମାଗିବା ସହ ୨ ଜଣଙ୍କୁ ମରଣାନ୍ତକ ଆକ୍ରମଣ କରିଥିବା ନେଇ ଅଭିଯୋଗ ହୋଇଥିଲା । ଏନେଇ ପୋଲିସ ତଦନ୍ତ ଆରମ୍ଭ କରିଥିଲା  । ଆଜି ଉକ୍ତ ମାମଲାରେ ଲକ୍ଷ୍ମୀସାଗର ଥାନା ପୋଲିସ ୨ ଜଣଙ୍କୁ ଅଟକ ରଖିଛି ।

ଦେଶରେ ବଢୁଛି ଶିଶୁ ନିର୍ଯାତନା,କୋଭିଡ ସଙ୍କଟ କାଳରେ ବାଦ୍ ପଡିନାହାନ୍ତି ଶିଶୁ

 ଦିନକୁ ଦିନ ଦେଶରେ ଶିଶୁଙ୍କ ପ୍ରତି ନିର୍ଯାତନା ବଢିବାକୁ ଲାଗୁଛି। ଏମିତିକି କୋଭିଡ ସଙ୍କଟ କାଳରେ ବି ବାଦ୍ ପଡିନାହାନ୍ତି ଶିଶୁ । ଗତବର୍ଷ ଶିଶୁଙ୍କ ବିରୋଧରେ ଦୈନିକ ୩୫୦ ଟି ଅପରାଧ ଘଟଣା ଘଟିଥିଲା । ଏହି ସମୟକାଳ ମଧ୍ୟରେ ମୋଟ ୧ ଲକ୍ଷ, ୨୮ହଜାର ୫୩୧ ଟି ଅପରାଧ ପଞ୍ଜିକୃତ ହୋଇଥିଲା । ଜାତୀୟ ଅପରାଧ ରେକର୍ଡ ବ୍ୟୁରୋ ବା ଏନସିଆରବିର ତଥ୍ୟ ଆଧାରରେ ଏକ ବେସରକାରୀ ସଂଗଠନ ପକ୍ଷରୁ ଏହି ରିପୋର୍ଟ ପ୍ରକାଶ ପାଇଛି । ଚାଇଲଡ ରାଇଟ୍ସ ଆଣ୍ଡ ୟୁ ବା କ୍ରାଏ ସଂସ୍ଥା ପକ୍ଷରୁ କୁହାଯାଇଛି ୨୦୧୯ ରେ ଦେଶରେ ଶିଶୁଙ୍କ ବିରୋଧରେ ଅପରାଧ ସଂଖ୍ୟା ହୋଇଥିଲା ୧ ଲକ୍ଷ ୪୮ ହଜାର ୧୮୫। ଏହା ଅର୍ଥ ପ୍ରତିଦିନ ୪୦୦ଟି ଅପରାଧ ଶିଶୁଙ୍କ ବିରୋଧରେ ସଂଗଠିତ ହୋଇଥିଲା । ବାଲ୍ୟ ବିବାହ ସଂଖ୍ୟା ୫୦ ପ୍ରତିଶତ ବଢିଥିବାବେଳେ ଅନଲାଇନରେ ସେମାନଙ୍କ ବିରୋଧରେ ଅପରାଧ ଘଟଣା ୪୦୦ ପ୍ରତିଶତ ବଢିଥିଲା ।

ଗତ ଦଶନ୍ଧି ତଥା ୨୦୧୦ରୁ ୨୦୨୦ ବର୍ଷରେ ଶିଶୁଙ୍କ ବିରୋଧରେ ଅପରାଧ ସଂଖ୍ୟା ୩୮୧ ପ୍ରତିଶତ ବଢିଥିଲା ଯାହାକି ଅତ୍ୟନ୍ତ ଚିନ୍ତାଜନକ । କେବଳ ମଧ୍ୟପ୍ରଦେଶ, ଉତ୍ତରପ୍ରଦେଶ, ମହାରାଷ୍ଟ୍ର, ପଶ୍ଚିମବଙ୍ଗ ଓ ବିହାରରେ ଯେତେ ସଂଖ୍ୟକ ଅପରାଧ ଘଟିଥିଲା ତାହା ଜାତୀୟ ହାରର ୫୦ ପ୍ରତିଶତ । ଦେଶରେ ଶିଶୁଙ୍କ ଅଧିକାର ସୁରକ୍ଷା କ୍ଷେତ୍ରରେ ଏହା ଏକ ବିଫଳ ପ୍ରକ୍ରିୟା ବୋଲି କହିଛନ୍ତି କ୍ରାଏର ନୀତି ଗବେଷଣା ନିର୍ଦ୍ଦେଶିକା ପ୍ରୀତି ମହାରା । କୋଭିଡ କାଳରେ ସ୍କୁଲ ବନ୍ଦ, ପାରିବାରିକ ଆର୍ଥିକ ଦୁରବସ୍ଥା, ଖାଦ୍ୟ ନିରାପତ୍ତା ସଂକଟ ଆଦି କାରଣରୁ ଶିଶୁଙ୍କ ବିରୋଧରେ ଅପରାଧ ବଢିଥିଲା । ଏହା ସହ ଶିଶୁଶ୍ରମିକ ସଂଖ୍ୟା, ବାଲ୍ୟ ବିବାହ ଓ ଲିଙ୍ଗଭିତ୍ତିକ ଅପରାଧ ସଂଖ୍ୟା ବଢିଥିଲା ବୋଲି ସେ କହିଛନ୍ତି । ଆଇନ ଉଲ୍ଲଂଘନ କରି ୨୦୧୯ରେ ଦେଶରେ ୫୨୫ଟି ବାଲ୍ୟ ବିବାହ ଘଟଣା ଘଟିଥିବାବେଳେ ୨୦୨୦ରେ ୭୮୫ଟି ବାଲ୍ୟ ବିବାହ ଘଟଣା ଘଟିଥିଲା । ବିଶେଷ କରି ଦୁର୍ବଳ ବର୍ଗର ପିଲାମାନେ ଏହି ଅପରାଧର ଅଧିକ ଶିକାର ହୋଇଥିଲେ ।

ମିଛ ଡ଼ାଇରେକ୍ଟର, ସତ ଠକେଇ: ମଡ଼େଲିଂ କରିବାକୁ କହି ନେଇଗଲେ ଲକ୍ଷାଧିକ ଟଙ୍କା

ଭୁବନେଶ୍ୱର: ମଡେଲିଂ କରିବାକୁ ଡାକିଲେ  । ବଡ଼ ଡାଇରେକ୍ଟର ବୋଲି ମଧ୍ୟ ପରିଚୟ ଦେଲେ  । ଏମିତିକି ବଲିଉଡରେ ସେ କାମ କରିଥିବା ପ୍ରଲୋଭନ ଦେଖାଇଲେ  । ବଡ଼ ପୋଷ୍ଟରରେ ନିଜ ଫଟୋ ଛାପିବାର ମୋହରେ ପଡିଗଲେ ଯୁବତୀ  । ଆଉ ଏହାପରେ ଲକ୍ଷାଧିକ ଟଙ୍କା ଠକିନେଇ ଫେରାର ହୋଇଗଲେ ଜଣେ ଯୁବକ  । ଏମିତି କିଛି ଘଟଣା ଘଟିଛି ରାଜଧାନୀ ଭୁବନେଶ୍ୱରରେ  ।

ଜଣେ ଯୁବକ ନିଜକୁ ବଲିଉଡର ଡାଇରେକ୍ଟର ପରିଚୟ ଦେଇ ଠକିନେଲେ ଲକ୍ଷାଧିକ ଟଙ୍କା  । ଯୁବତୀଙ୍କୁ ମଡ଼େଲିଂ କରିବାର ପ୍ରଲୋଭନ ଦେଖାଇ ଚୂନ ଲଗାଇଛନ୍ତି  । ନିଜର ଗୋଟିଏ ୱେବ ଚ୍ୟାନେଲ ଥିବା ସହ ସେ ଅନେକ ଫିଲ୍ମରେ ଡାଇରେକ୍ଟର ଥିବାର ପରିଚୟ ଦେଇଥିଲେ  । ଆଡ଼ ସୁଟ କରିବାର ଆଶା ଦେଖାଇ ୧୦ ଜଣ ଯୁବତୀ ଓ ୮ ଜଣ ଯୁବକଙ୍କ ଠାରୁ ୮୦ ହଜାରରୁ ଲକ୍ଷେ ଟଙ୍କା ପର୍ଯ୍ୟନ୍ତ ଠକି ନେଇଥିବା ଅଭିଯୋଗ ହୋଇଛି  ।

ଏନେଇ ଭୁବନେଶ୍ୱର ନୟାପଲ୍ଲୀ ଥାନାରେ ଅଭିଯୋଗ କରିଛନ୍ତି ଏହି ଯୁବକ, ଯୁବତୀ  । ଉକ୍ତ ଠାକ ଡାଇରେକ୍ଟରକୁ ଧରିବା ସହ ଠକି ନେଇଥିବା ଟଙ୍କା ଫେରି ପାଇବା ନେଇ ଥାନାର ଦ୍ୱାରସ୍ଥ ହୋଇଛନ୍ତି  । ତେବେ ପୋଲିସ ଏହି ଘଟଣାରେ କଣ ପଦକ୍ଷେପ ନେଉଛି  । ଏହି ଘଟଣାକୁ କେତେଦୂର ଗୁରୁତ୍ୱର ସହ ଗ୍ରହଣ କରି କାର୍ଯ୍ୟାନୁଷ୍ଠାନ ନେଉଛି, ତାହା  ପରବର୍ତ୍ତୀ ସମୟରେ ଜଣା ପଡ଼ିବ  ।

କରୋନାକୁ ମାତ୍ ଦେବା ପାଇଁ ମାର୍କେଟକୁ ଆସୁଛି ୨୦ରୁ ଅଧିକ ଔଷଧ,କେବଳ ମଞ୍ଜୁରୀ ପାଇଁ ଅପେକ୍ଷା..

ପ୍ରାୟ ଦୁଇ ବର୍ଷ ପୂର୍ବେ ଚାଇନାରେ କୋରାନା ଜୀବାଣୁ (କୋଭିଡ -୧୯) ଚିହ୍ନଟ ହୋଇଥିଲା, କିନ୍ତୁ ସେବେଠାରୁ ଏହି ବିପଦଜନକ ଜୀବାଣୁକୁ ମାରିବା ପାଇଁ କୈାଣସୀ ପ୍ରଭାବଶାଳୀ ଔଷଧ ପ୍ରକାଶ କରାଯାଇ ନାହିଁ। କେଉଁ ଔଷଧରେ ଭଲ ହେବେ କରୋନା ରୋଗୀ,ତାର ଚାଲିଛି ଗବେଷଣା..କରୋନା ସଂକ୍ରମିତ ରୋଗୀଙ୍କୁ ଏହି ଭୟଙ୍କର ଜୀବାଣୁ ସହ ଲଢିବା ପାଇଁ ବର୍ତ୍ତମାନ ଟୀକା ନେବା ଜରୁରୀ ହୋଇପଡିଛି | ତେବେ,ବର୍ତ୍ତମାନ ଏକ ଖୁସି ଖବର ମଧ୍ୟ ସାମ୍ନାକୁ ଆସିଛି.. କରୋନା ସହିତ ଲଢିବା ପାଇଁ  ଆସୁଛି ଔଷଧ | ବର୍ତ୍ତମାନ ଭାରତରେ ପ୍ରାୟ ୨୦ଟି କରୋନା ମେଡିସିନ ଉପରେ ଚାଲିଛି ପରୀକ୍ଷା । ଏଥିମଧ୍ୟରୁ କିଛି ଶୀଘ୍ର ଗ୍ରୀନ ସିଗନାଲ୍ ପାଇପାରନ୍ତି ବୋଲି ଆଶା କରାଯାଉଛି |

ବର୍ତ୍ତମାନ ସଂକ୍ରମଣ ହ୍ରାସ ପାଉଥିବାରୁ ବୋଧହୁଏ କରୋନା ଔଷଧର ଚାହିଦା ବର୍ତ୍ତମାନ ଟିକେ କମ୍ ହେବ, କିନ୍ତୁ ବିଶେଷଜ୍ଞମାନେ ମାନ୍ୟତା ଅନୁସାରେ ଆଗାମୀ ଦିନରେ ଏହି ଔଷଧ କରୋନାକୁ ମୂଳରୁ ହିଁ ଶେଷ କରିବ. ତାସହ ଏହିଭଳି ଲୋକଙ୍କ ପାଇଁ ଏହା ରାମବାଣ ସଦୃଶ କାମ ଦେବ ଯେଉଁମାନଙ୍କ ଭିତରେ ଖୁବ୍ କମ୍ ଇମ୍ୟୁନିଟି ରହିଛି| ସ୍ୱାସ୍ଥ୍ୟ ବିଶେଷଜ୍ଞ କହିବାନୁସାରେ, ଭାରତରେ କରୋନା ଭାଇରସ ବିରୋଧରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବ ଏହିସବୁ ଔଷଧ | ସେମାନଙ୍କ ଅନୁସାରେ କରୋନା ଟିକା କେବଳ ଲୋକଙ୍କୁ ପ୍ରତିରୋଧକ ଶକ୍ତି ଦେବ, କିନ୍ତୁ ଏହି ଜୀବାଣୁକୁ ସଂମ୍ପୂର୍ଣ୍ଣ ହଟାଇପାରିବ ନାହିଁ। ଏପରି ପରିସ୍ଥିତିରେ କରୋନା ଔଷଧ ବହୁତ ହିଁ ଲାଭଦାୟକ ହେବ |

ଟିକା ଥାଉ ଥାଉ ଔଷଧର ଆବଶ୍ୟକ କାହିଁକି ?-

ବିଶେଷଜ୍ଞମାନେ କହୁଛନ୍ତି ଯେ ଟିକା ନେବା ପରେ ବି କିଛି ଲୋକଙ୍କ ଭିତରେ ଇମ୍ୟୁନିଟି ପ୍ରତିକ୍ରିୟା ସୃଷ୍ଟି ହେଉନାହିଁ । ୧୦୦% ଜନସଂଖ୍ୟାକୁ ଟୀକା ଦେବା ଏବେ ବି ଅସମ୍ଭବ ଲାଗୁଛି ଏବଂ ଏପରି ପରିସ୍ଥିତିରେ କରୋନା ଭୂତାଣୁ ପାଇଁ ଔଷଧ ଖୋଜିବା ହିଁ ବୁଦ୍ଧିମାନର କାମ |

କେଉଁ କେଉଁ ଔଷଧର ପରୀକ୍ଷା ଚାଲିଛି?-

-ମଲୁନୁପିରବିର: ଆମେରିକାର ଜଣେ ଦିଗ୍ଗଜ ଫାର୍ମାଷିଷ୍ଟ ରିଜବ୍ୟାକ୍ ବାୟୋଥେରାପିଟିକ୍ସର ଓରାଲ୍ ଆଣ୍ଟିଭାଇରାଲ୍ ଔଷଧ ମଲୁନୁପିରବିର ବର୍ତ୍ତମାନ ପର୍ଯ୍ୟନ୍ତ କରୋନା ବିପକ୍ଷରେ ଭଲ ପ୍ରଦର୍ଶନ ଦେଖାଉଛି । ଏହି ଔଷଧ ସେବନ କରୁଥିବା ୫୦% ଲୋକ ଡାକ୍ତରଖାନାରେ ଭର୍ତ୍ତି ହେବାର ଆବଶ୍ୟକତା ହିଁ  ପଡୁନାହିଁ। ଏହା ସହିତ ଏହି ଔଷଧର ବ୍ୟବହାର ଯୋଗୁଁ ମୃତ୍ୟୁ ହାରରେ ୫୦% ପର୍ଯ୍ୟନ୍ତ ହ୍ରାସ ମଧ୍ୟ ଦେଖିବାକୁ ମିଳିଛି | ଭାରତରେ ଏହି ଔଷଧର ଟ୍ରାଏଲ ସିପ୍ଲା, ଡକ୍ଟରରେଡ୍ଡୀ ଲାବୋରେଟୋରୀ, ସନ୍ ଫାର୍ମାସ୍ୟୁଟିକାଲ୍ ଇଣ୍ଡଷ୍ଟ୍ରିଜ୍ ଏବଂ ଟୋରେଣ୍ଟ ଫାର୍ମାସ୍ୟୁଟିକାଲ୍ସ ମାଧ୍ୟମରେ ଏହି ଔଷଧ ଭାରତରେ ଟ୍ରାଇଲିଂ କରାଯାଉଛି।

-ଜାଇଡସ୍ କ୍ୟାଡିଲା: ଅହମ୍ମଦାବାଦ ସ୍ଥିତ ଜାଇଡସ୍ କ୍ୟାଡିଲା ହେଉଛି ଏକମାତ୍ର ଭାରତୀୟ କମ୍ପାନୀ ଯିଏ ମୋନୋକ୍ଲୋନାଲ ଆଣ୍ଟିବଡିକୁ ଅକାମୀ କରୁଥିବା ଏକ କକଟେଲ ଔଷଧ ବିକଶିତ କରିଥିବା ଦାବି କରିଛି। ସ୍ୱିଜରଲ୍ୟାଣ୍ଡର ଔଷଧ ନିର୍ମାତା ରୋଶ ଦ୍ୱାରା ନିର୍ମିତ ଏହି ଔଷଧ ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ଦିଆଯାଇଥିଲା। ଏହି ଔଷଧର ଦ୍ୱିତୀୟ ଏବଂ ତୃତୀୟ ପର୍ଯ୍ୟାୟ ପରୀକ୍ଷା ଭାରତରେ ଚାଲିଛି।

-ଗ୍ଲେନମାର୍କ ନେଜାଲ୍ ସ୍ପ୍ରେ: ମୁମ୍ବାଇ ସ୍ଥିତ ଗ୍ଲେନମାର୍କ ଦ୍ୱାରା କୋଭିଡ -୧୯ ପାଇଁ ନାଇଟ୍ରିକ୍ ଅକ୍ସାଇଡ୍ ନାଜାଲ୍ ସ୍ପ୍ରେକୁ ଭାରତରେ ବ୍ୟାପକ ପରୀକ୍ଷଣ ପାଇଁ ଅନୁମୋଦନ କରାଯାଇଛି। ବ୍ରିଟେନରେ ଥିବା ସ୍ପ୍ରେ ଉପରେ ହୋଇଥିବା ଅଧ୍ୟୟନରୁ ଜଣାପଡିଛି ଯେ ଏହା କୋଭିଡ -୧୯ ରୋଗୀଙ୍କଠାରେ ଭାଇରାଲର ମାତ୍ରାକୁ ହ୍ରାସ କରିବାରେ ଏବଂ ଏହାର  ବିସ୍ତାରକୁ ରୋକିବାରେ ପ୍ରଭାବଶାଳୀ ପ୍ରମାଣିତ ହୋଇଛି। ଏହିଭଳି ଆହୁରୀ ଅନେକ ଔଷଧ ରହିଛି..ଯାହା କେବଳ ସରକାରଙ୍କ ମଞ୍ଜୁରୀକୁ ଅପେକ୍ଷା କରିଛନ୍ତି..

ଏବେ ଏହି ଔଷଧକୁ ସରକାରଙ୍କ ସହଯୋଗ ଆବଶ୍ୟକ-

ସ୍ୱାସ୍ଥ୍ୟ ବିଶେଷଜ୍ଞଙ୍କ ଅନୁଯାୟୀ, କୋଭିଡ -୧୯ ର ପରୀକ୍ଷାକୁ ସରକାର ସକ୍ରିୟ ଭାବରେ ସମର୍ଥନ କରିବା ଉଚିତ। ସ୍ୱାସ୍ଥ୍ୟ ଗବେଷକ କହିଛନ୍ତି, ବାସ୍ତବରେ ସରକାର ଟୀକାକରଣରେ ଯେପରି ସହଯୋଗ କରିଥିଲେ, ସେହିଭଳି ଏହିସବୁ ଔଷଧ ପାଇଁ ମଧ୍ୟ ସହଯୋଗ କରିବା ଉଚିତ୍ |

ଗାନ୍ଧୀ ଜୟନ୍ତୀ ଅବସରରେ ଓଡିଶା ମୋ ପରିବାର ପକ୍ଷରୁ ରକ୍ତଦାନ ଶିବିର

ଭୁବନେଶ୍ୱର: ଗାନ୍ଧୀ ଜୟନ୍ତୀ ଅବସରରେ ଓଡିଶା ମୋ ପରିବାର ପକ୍ଷରୁ ସ୍ୱତନ୍ତ୍ର କାର୍ଯ୍ୟକ୍ରମର ଆୟୋଜନ କରାଯାଇଛି। ବିଜେଡି ରାଜ୍ୟ କାର୍ଯ୍ୟାଳୟରେ ଆୟୋଜିତ ହୋଇଛି ରକ୍ତଦାନ ଶିବିର। ଜନତା ମୈଦାନ ସ୍ଥିତ ମହାତ୍ମା ଗାନ୍ଧୀଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରାଯାଇଛି।

ଏହି ଅବସରରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଆହ୍ୱାନ କ୍ରମେ ଓଡିଶା ମୋ ପରିବାର ସଦସ୍ୟମାନେ ଶପଥ ପାଠ କରିଥିଲେ। ସମାଜର ଅସହାୟ ଦୁର୍ବଳଙ୍କ ପାଇଁ ସେବାର ହାତ ବଢାଇବାକୁ ଶପଥ ନେଇଥିଲେ। ବିଜେଡି ଉପସଭାପତି ଦେବୀ ମିଶ୍ର ଶପଥ ପାଠ କରାଇଥିଲେ। ଏଥିରେ ଓଡିଶା ମୋ ପରିବାରର ଆବାହକ ଅରୁପ ପଟ୍ଟନାୟକ, ରାଜ୍ୟସଭା ସାଂସଦ ଅମର ପଟ୍ଟନାୟକ ଓ ସସ୍ମିତ ପାତ୍ର, ପୂର୍ବତନ ବିଧାୟକ ତଥା ମୋ କଲେଜ ଅଭିଯାନରଅଧ୍ୟକ୍ଷ ଆକାଶ ଦାସ ନାୟକ, ଭୁବନେଶ୍ୱର ଉତ୍ତର ବିଧାୟକ ଶୁଶାନ୍ତ ରାଉତ ପ୍ରମୁଖ ଉପସ୍ଥିତ ଥିଲେ। ରକ୍ତର ଅଭାବ ଯୋଗୁଁ ଯେଭଳି କାହାର ଜୀବନ ନଯାଏ ସେଥିପାଇଁ ରକ୍ତଦାନ ସଂଗ୍ରହ ଅଭିଯାନକୁ ବ୍ୟାପକ କରିବାକୁ ନିଷ୍ପତ୍ତି ହୋଇଛି।

ଆଜିଠାରୁ ନଭେମ୍ବର ୨ତାରିଖ ସୁଦ୍ଧା ଏକ ମାସ ମଧ୍ୟରେ ୨୦ହଜାର ୟୁନିଟ ରକ୍ତ ସଂଗ୍ରହ କରିବାକୁ ଲକ୍ଷ୍ୟ ରଖିଛି ଓଡିଶା ମୋ ପରିବାର। ଗାନ୍ଧି ଜୟନ୍ତୀରୁ ନଭେମ୍ବର ୨ ତାରିଖ ପଯ୍ୟନ୍ତ ମାସେ କାଳ ବିଭିନ୍ନ ସାମାଜିକ କାର୍ଯ୍ୟକ୍ରମ ହାତକୁ ନେଇଛି ଦଳ ।

ପିପିଲି ଉପନିର୍ବାଚନ: ତ୍ରି ସ୍ତରୀୟ ସୁରକ୍ଷା ବ୍ୟବସ୍ଥାରେ କାଲି ଭୋଟ୍ ଗଣତି

ଭୁବନେଶ୍ୱର: ପିପିଲି ଉପନିର୍ବାଚନ ରେଜଲ୍ଟ ପାଇଁ ଆସନ୍ତାକାଲି ଭୋଟ୍ ଗଣତି। ଏନେଇ ପ୍ରସ୍ତୁତି ସରିଥିବା ବେଳେ ରବିବାର ଦିନ ସକାଳ ୮ରୁ ଆରମ୍ଭ ହେବ ଭୋଟ୍ ଗଣତି । ୩ଟି ହଲରେ କାଉଣ୍ଟିଂ ହେବାକୁ ଥିବା ବେଳେ ୨ଟି ହଲରେ ଇଭିଏମ୍, ଗୋଟିଏ ହଲରେ ପୋଷ୍ଟାଲ ବାଲଟ କାଉଣ୍ଟିଂ ହେବ। ସକାଳ ୮ରୁ ପୋଷ୍ଟାଲ ବାଲଟ ଗଣତି ହେବାକୁ ଥିବା ବେଳେ ସାଢେ ୮ରୁ ଇଭିଏମ୍ କାଉଣ୍ଟିଂ ହେବ ।

କାଉଣ୍ଟିଂର ଭେନ୍ୟୁ ରହିଛି ପୁରୀ ପେଣ୍ଠକଣ୍ଟାର ଇଭିଏମ୍ ୱେୟାର ହାଉସ୍ । ୩ ଜଣ ଆଡିସନାଲ୍ ଏଆରଓଙ୍କ ନୁଯୁକ୍ତି କରାଯାଇଛି । ନିର୍ବାଚନ ଅବଜରଭରଙ୍କ ତତ୍ୱାବଧାନରେ ଭୋଟ୍ ଗଣତି ହେବ । କାଉଣ୍ଟିଂ ହଲରେ କାଉଣ୍ଟିଂ ଅଫିସର, ସୁପରଭାଇଜର ଓ ମାଇକ୍ରୋ ଅବଜରଭର ରହିବେ ବୋଲି ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ ସୁଶୀଲ ଲୋହାନୀ ସୂଚନା ଦେଇଛନ୍ତି ।

ଗଣତିରେ ସରକାରୀ କର୍ମଚାରୀଙ୍କୁ ନିୟୋଜିତ କରାଯିବ। ECI ଗାଇଡଲାଇନ୍ ଅନୁଯାୟୀ, ଯେଉଁମାନେ ଭୋଟିଂ କେନ୍ଦ୍ରରେ ରହିବେ ସେମାନେ କରୋନା ପ୍ରୋଟୋକଲ୍ ସହ ୨ ଡୋଜ୍ ଭ୍ୟାକ୍ସିନ ନେଇଥିବା ଜରୁରୀ । ସେନେଇ ନଜର ରଖାଯାଇଥିବା ବେଳେ ସମସ୍ତଙ୍କର ଥର୍ମାଲ ସ୍କ୍ରିନିଂ ହେବ । ପ୍ରତି ରାଉଣ୍ଡର ଫଳ ବଡ଼ ସ୍କ୍ରିନରେ ଡିସପ୍ଲେ ହେବ ବୋଲି ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ ସୁଶୀଲ ଲୋହାନୀ ସୂଚନା ଦେଇଛନ୍ତି ।

୫ଟି ଟେବୁଲରେ ରେଜଲ୍ଟ ଓ ଭିଭିପାଟ୍ ମ୍ୟାଚ୍ ହେବ । ଭୋଟ୍ ଗଣତି ପାଇଁ ତ୍ରିସ୍ତରୀୟ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି । ପିପିଲି ରେଜଲ୍ଟ ନିର୍ବାଚନ ଅଧିକାରୀଙ୍କ ୱେବସାଇଟରେ ମଧ୍ୟ ପ୍ରକାଶ ପାଇବ ।

 

ଗାନ୍ଧି ଜୟନ୍ତୀରେ ଟ୍ୱିଟରରେ ଗଡସେ ଟ୍ରେଣ୍ଡ୍, ବରୁଣ କହିଲେ ଏଭଳି ଲୋକ ଦେଶକୁ ଲଜ୍ଜିତ କରୁଛନ୍ତି

ନୂଆଦିଲ୍ଲୀ : ଗାନ୍ଧି ଜୟନ୍ତୀରେ ସୋସିଆଲ ମିଡିଆରେ ନାଥୁରାମ ଗଡସେ ଜିନ୍ଦାବାଦ ଟ୍ରେଣ୍ଡିଂ କରୁଛି । ଯାହାକୁ ନେଇ ବିଜେପି ନେତା ବରୁଣ ଗାନ୍ଧି ଅସନ୍ତୋଷ ବ୍ୟକ୍ତ କରିଛନ୍ତି । ସେ କହିଛନ୍ତି ଯେ, ଏଭଲି ବ୍ୟକ୍ତିମାନଙ୍କ ପାଇଁ ଦେଶ ଲଜ୍ଜିତ ହେଉଛି । ଏଭଳି ବ୍ୟକ୍ତିମାନେ ଦାୟିତ୍ୱହୀନ ଭାବେ ଦେଶକୁ ଲଜ୍ଜିତ କରୁଛନ୍ତି । ସୂଚନାଯୋଗ୍ୟ ଯେ, ୧୯୪୮ ଜାନୁଆରୀ ୩୦ ତାରିଖରେ ମହାତ୍ମା ଗାନ୍ଧିଙ୍କ ହତ୍ୟା ହୋଇଥିଲା । ପରେ ଏହି ହତ୍ୟା ପାଇଁ ନାଥୁରାମ ଗଡସେଙ୍କୁ ଫାଶୀ ଦଣ୍ଡରେ ଦଣ୍ଡିତ କରାଯାଇଥିଲା ।
ଟ୍ୱିଟରରେ ଶନିବାର ସକାଳୁ ନାଥୁରାମ ଗଡସେ ଜିନ୍ଦାବାଦ୍ ଟ୍ରେଣ୍ଡ୍ କରିବା ଆରମ୍ଭ କରିଥିଲା । ଯାହାକୁ ବିରୋଧ କରି ବରୁଣ ଟ୍ୱିଟ୍ କରିଥିଲେ ଯେ, ଭାରତ ସବୁବେଳ ଆଧ୍ୟାତ୍ମିକ ମହାଶକ୍ତି ଥିଲା । କିନ୍ତୁ ସିଏ କେବଳ ମହାତ୍ମା ଗାନ୍ଧୀ ଥିଲେ ଯିଏ ଆମ ଦେଶର ଆଧ୍ୟାତ୍ମିକ ଆଧାରକୁ ନିଜ ଅସ୍ଥିତ୍ୱ ମାଧ୍ୟମରେ ବ୍ୟକ୍ତ କରିଛନ୍ତି ଓ ଆମକୁ ଏକ ନୈତିକ ଆଧାର ପ୍ରଦାନ କରିଛନ୍ତି ଯାହା ଆଜି ଆମର ସବୁଠାରୁ ବଡ଼ ଶକ୍ତି ।

ଗାନ୍ଧି ଜୟନ୍ତୀରେ ଟ୍ରେଣ୍ଡ୍ କରିଲା ଗଡସେ ଜିନ୍ଦାବାଦ୍

୧୮୬୯ ମସିହା ଅକ୍ଟୋବର ଦୁଇ ତାରିଖରେ ମହାତ୍ମା ଗାନ୍ଧିଙ୍କ ଜନ୍ମ ଗୁଜୁରାଟର ପୋର ବନ୍ଦରରେ ହୋଇଥିଲା । ଅକ୍ଟୋବର ୨ ତାରିଖ ଭାରତରେ ଗାନ୍ଧୀ ଜୟନ୍ତୀ ଭାବେ ପାଳିତ ହୁଏ । କିନ୍ତୁ ଆଜି ସକାଳୁ ସକାଳୁ ଗଡସେ ଜିନ୍ଦାବାଦ ଟ୍ୱୁଟ୍ ଟ୍ରେଣ୍ଡ୍ କରିଥିଲା । ରିପୋର୍ଟ ଲେଖା ଯିବା ପର୍ଯ୍ୟନ୍ତ ପ୍ରାୟ ୬୧ ଏହି ଟପିକକୁ ଟ୍ୱିଟ୍ କିମ୍ବା ରିଟ୍ୱିଟ୍ କରିଥିଲେ । ଯାହାକୁ ସୋସିଆଲ ମିଡିଆରେ ଅଧିକରୁ ଅଧିକ ସଂଖ୍ୟାରେ ବିରୋଧ କରାଯାଉଛି ।

କିଏ କ’ଣ କଲା ତାହା ଆଭ୍ୟନ୍ତରୀଣ ବ୍ୟାପାର: ନିରଞ୍ଜନ ପଟ୍ଟନାୟକ

ଭୁବନେଶ୍ୱର: ନିକଟରେ ପିସିସି କାର୍ଯ୍ୟକାରୀ ସଭାପତି ପ୍ରଦୀପ ମାଝୀ ଓ ଭକ୍ତ ଦାସ ରାହୁଲ ଗାନ୍ଧୀଙ୍କୁ ଭେଟିଥିଲେ । ଯାହାକୁ ନେଇ ସରଗରମ ହୋଇପଡିଛି ରାଜ୍ୟ କଂଗ୍ରେସ । ଏପରିକି ନେତା ଓ କର୍ମୀଙ୍କ ମଧ୍ୟରେ ବାକ୍ ବିବାଦ ଦେଖାଦେଇଛି।

ପିସିସି କାର୍ଯ୍ୟକାରୀ ସଭାପତି ରାହୁଲଙ୍କୁ ଭେଟିବା ପ୍ରସଙ୍ଗରେ ପ୍ରତିକ୍ରିୟା ରଖିଛନ୍ତି  ପିସିସି ସଭାପତି ନିରଞ୍ଜନ ପଟ୍ଟନାୟକ। ସେ କହିଛନ୍ତି ‘‘କଂଗ୍ରେସ ଏକ ବୃହତ ଦଳ ହୋଇଥିବାରୁ କନ୍ଦଳ ଚାଲିଥାଏ। ତାକୁ ଧରି ବସିଲେ କିଛି କାର୍ଯ୍ୟ ହୋଇପାରିବନି । କିଏ କ’ଣ କଲା ସେଟା ଆଭ୍ୟନ୍ତରୀଣ ବ୍ୟାପାର, କେହି ଅସନ୍ତୁଷ୍ଟ ଥିଲେ ସମୟ କ୍ରମେ ସେମାନଙ୍କ ସମାଧାନ କରାଯିବ । ମୁଁ ଦଳ ପାଇଁ  କାର୍ଯ୍ୟ କରୁଥିଲି ଏବେବି ପ୍ରସ୍ତୁତ ଅଛି । ମୋର କାହା ପ୍ରତି ଅସନ୍ତୁଷ୍ଟତା ନାହିଁ’’।

ଏହାପୂର୍ବରୁ ବାରମ୍ବାର ଦିଲ୍ଲୀ ଗସ୍ତ କରି ଅଯଥାରେ ଦଳକୁ ବଦନାମ କରିବା ଛଡା ଆଉ କିଛି ନୁହଁ। ଯଦି ଦଳରେ ରହିବାର ଅଛି ରୁହ, ଆଉ ଯଦି ଦଳ ଛାଡିବାର ଅଛି ଛାଡ଼। କଂଗ୍ରେସ ଦଳ ମହାସମୁଦ୍ର। କିଏ ରହୁ କି ଯାଉ, କିଛି ଫରକ ପଡିବନି ବୋଲି କଂଗ୍ରେସ ବରିଷ୍ଠ ବିଧାୟକ ସୁରେଶ ରାଉତରାୟ କହିଥିଲେ।