spot_img
Home Blog Page 5288

ଲଦାଖ ମାଟିରେ ନରଓ୍ବାଣେଙ୍କ ବୟାନ,କହିଲେ ସମ୍ପୂର୍ଣ୍ଣ ପ୍ରସ୍ତୁତ ରହିଛି ଭାରତ..

ଲଦାଖ:ଶୁକ୍ରବାର ଦିନ ଦୁଇ ଦିନିଆ ପୂର୍ବ ଲଦାଖ ଗସ୍ତରେ ଯାଇଛନ୍ତି ସେନା ମୁଖ୍ୟ ଜେନେରାଲ ଏମଏମ ନରଓ୍ବାଣେ..ସେଠାରେ ସେ ବର୍ତ୍ତମାନର ସୁରକ୍ଷା ପରିସ୍ଥିତିକୁ ଅନୁଧ୍ୟାନ କରିଛନ୍ତି.. ପ୍ରକୃତ ନିୟନ୍ତ୍ରଣ ରେଖା ବା ଏଲଏସିରେ ଚୀନ ନିଜର ପ୍ରଭୁତ୍ବ ବିସ୍ତାର କରିବା ସହ ବିଭିନ୍ନ ଭିତ୍ତିଭୂମି ପ୍ରତିଷ୍ଠା କରିଛି । ମାତ୍ର ସେଠାରେ ସ୍ଥିତିର ମୁକାବିଲା ଲାଗି ଭାରତୀୟ ସେନା ପ୍ରସ୍ତୁତ ରହିଛି ବୋଲି କହିଛନ୍ତି ସେନାମୁଖ୍ୟ ଜେନରାଲ ଏମଏମ ନରଓ୍ବାଣେ । ସେ କହିଛନ୍ତି- ଏଲଏସି ଆରପାଖରେ ଚୀନ୍ ଅନେକ ଭିତ୍ତିଭୂମି ପ୍ରତିଷ୍ଠା କରିଛି । ସେଥିପ୍ରତି ଭାରତ ସଜାଗ ରହିଛି । ଯେ କୌଣସି ପରିସ୍ଥିତିର ସମ୍ମୁଖୀନ ହେବା ଲାଗି ଭାରତ ପ୍ରସ୍ତୁତ । ଏଲଏସିରେ ଭାରତ ଅନେକ ଅତ୍ୟାଧୁନିକ ଅସ୍ତ୍ରଶସ୍ତ୍ର ଠୁଳ କରୁଛି । ସମ୍ଭାବ୍ୟ ବିପଦର ମୁକାବିଲା ଲାଗି ଭାରତ ପ୍ରସ୍ତୁତ ରହିଛି । ଆଜି ପୂର୍ବ ଲଦାଖକୁ ଦୁଇ ଦିନିଆ ଗସ୍ତରେ ଯାଇଥିବା ଜେନରାଲ ନରଓ୍ବାଣେ କହିଛନ୍ତି- ”ଏଲଏସି ପ୍ରତି ଭାରତ ସମ୍ପୂର୍ଣ୍ଣ ସଜାଗ ରହିଛି । ଏଲଏସିରେ ଚୀନ ପକ୍ଷରୁ ବିଭିନ୍ନ ସମରସଜ୍ଜା କରାଯାଉଥିବାବେଳେ ଭାରତ କିଛି ମାସ ଧରି ଚିନ୍ତାବ୍ୟକ୍ତ କରିଆସୁଛି । ଗତ ଅଗଷ୍ଟରେ ଦୁଇ ଦେଶ ମଧ୍ୟରେ ସୈନ୍ୟ ପ୍ରତ୍ୟାହାର ନେଇ ଆଲୋଚନା ହୋଇଥିବା ସତ୍ତ୍ବେ ଚୀନ ଏଲଏସିରେ ଆଧିପତ୍ୟ ବିସ୍ତାର କରୁଛି ।”

ସେନା ମୁଖ୍ୟ କହିଛନ୍ତି, ଚୀନ୍ ଅଧିକ ସେନା ମୁତୟନ କରିବା ପାଇଁ ଏହାର ସୀମାରେ ଅନେକ ନିର୍ମାଣ କାର୍ଯ୍ୟ କରିଛି। ସେ ଅଗ୍ରଗାମୀ କ୍ଷେତ୍ରରେ ନିୟୋଜନ ବୃଦ୍ଧି କରିଛନ୍ତି। ଏହା ଆମ ପାଇଁ ଚିନ୍ତାର ବିଷୟ | କିନ୍ତୁ ଆମେ ଏହା ଉପରେ ନଜର ରଖିଛୁ। ଯାହାଫଳରେ ଆମେ ଉତ୍ତର ଦେବାକୁ ପ୍ରସ୍ତୁତ | ସେ କହିଛନ୍ତି ଯେ ଭାରତୀୟ ସେନା ମଧ୍ୟ ଆଧୁନିକ ଅସ୍ତ୍ରଶସ୍ତ୍ର ନିୟୋଜିତ କରିଛନ୍ତି। ଆମେ ସବୁ ପରିସ୍ଥିତିର ସାମ୍ନା କରିବାକୁ ପ୍ରସ୍ତୁତ। ତେବେ ସେନା ମୁଖ୍ୟ କହିଛନ୍ତି ଯେ ସୀମାରେ ପରିସ୍ଥିତି ନିୟନ୍ତ୍ରଣରେ ରହିଛି। ଆମେ ନିୟମିତ ଅନୁସନ୍ଧାନ କରୁଛୁ | ଚୀନ୍ ସହିତ ସୀମା ବିବାଦର ସମାଧାନ ପାଇଁ ସବୁ ସ୍ତରରେ ଆଲୋଚନା ଚାଲିଛି। ଏପର୍ଯ୍ୟନ୍ତ ୧୨ ରାଉଣ୍ଡ ଆଲୋଚନା ସରିଛି । ଖୁବ ଶୀଘ୍ର ୧୩ ତମ ରାଉଣ୍ଡ ଆଲୋଚନା ହେବ | ଆମେ ଆଶା କରୁଛୁ ଶୀଘ୍ର ସମସ୍ତ ସମସ୍ୟାର ସମାଧାନ ହେବ |

ସେନା ମୁଖ୍ୟ ପାକିସ୍ତାନ ଉପରେ କ’ଣ କହିଛନ୍ତି?

ଜେନେରାଲ କହିଛନ୍ତି, ପାକିସ୍ତାନ ସହିତ  ସିଜ୍ ଫାୟାର ଚୁକ୍ତି ବହୁତ ଭଲ ଥିଲା | କିନ୍ତୁ ଗତ ଦୁଇ ମାସରୁ ଅନୁପ୍ରବେଶ ଉଦ୍ୟମ ପୁଣିଥରେ ବୃଦ୍ଧି ପାଇଛି | ପାକିସ୍ତାନୀ ସେନାର ବିନା ଅନୁମତିରେ ଅନୁପ୍ରବେଶ ଉଦ୍ୟମ ହେବା ସମ୍ଭବ ନୁହେଁ । ଗତ ୧୦ ଦିନରେ ଦୁଇଥର ସିଜ୍ ଫାୟାର ନିୟମ ଉଲ୍ଲଂଘନ କରାଯାଇଥିଲା। ସବୁସ୍ତରରେ ଆଲୋଚନା  ଜାରି ରହିଛି..

ହିନ୍ଦୁ ରାଷ୍ଟ୍ର ଦାବି ରହିଗଲା ଅଧୁରା, ଜଳସମାଧି ନେବା ପୂର୍ବରୁ ସନ୍ଥ ଗିରଫ

ଅଯୋଧ୍ୟା: ଭାରତକୁ ଅକ୍ଟୋବର ଦୁଇ ତାରିଖ ସୁଧା ହିନ୍ଦୁ ରାଷ୍ଟ୍ର ଘୋଷିତ ନକଲେ ଜଳ ସମାଧି ନେବାକୁ ଘୋଷଣା କରିଥିବା ମହନ୍ତ ପରମହଂସଙ୍କୁ ପୋଲିସ ଶନିବାର ଦିନ ଗିରଫ କରିଛି। ସୂଚନାଯୋଗ୍ୟ ଯେ, ଅଯୋଧ୍ୟାର ତପସ୍ୱୀ ଛାଉଣୀର ଉତ୍ତରାଧିକାରୀ ମହନ୍ତ ପରମହଂସ ହିନ୍ଦୁ ରାଷ୍ଟ୍ର ମାନ୍ୟତା ଦାବିରେ ଶନିବାର ଦିନ ଜଳ ସମାଧି ନେବାକୁ ଆଗରୁ ଘୋଷଣା କରିଥିଲେ। ଯାହାକୁ ନେଇ ପୋଲିସ ପକ୍ଷରୁ ବ୍ୟାପକ ବନ୍ଦୋବସ୍ତ କରାଯାଇଥିଲା ।

ମହନ୍ତଙ୍କ ଆଶ୍ରମକୁ ଚାରିପଟୁ ପୋଲିସ ଘେରାଉ କରିଥିଲା । ନିର୍ଦ୍ଧାରିତ ସମୟ ଆଗରୁ ପୋଲିସ ମହନ୍ତଙ୍କୁ ନିଜ ହେପାଜତକୁ ନେଇଥିଲା । ସୂଚନାଯୋଗ୍ୟ ଯେ, ଆଗରୁ ମଧ୍ୟ ଅନେକ ଥର ଏହି ଭଳି ଘୋଷଣା କରି ମହନ୍ତ ଚର୍ଚ୍ଚା ଭିତରକୁ ଆସିଛନ୍ତି ।

 

WhatsApp ୟୁଜର୍ସଙ୍କୁ ବଡ ଝଟକା,ବ୍ୟାନ ହେଲା ୨୦ ଲକ୍ଷରୁ ଅଧିକ ୟୁଜର୍ସଙ୍କ ଆକାଉଣ୍ଟ

ନୂଆଦିଲ୍ଲୀ: ହ୍ବାଟସ ଆପ୍ ବନ୍ଦ କରିଛି ୨୦ ଲକ୍ଷରୁ ଅଧିକ ଲୋକଙ୍କ ଆକାଉଣ୍ଟ  | ଫେସବୁକ୍ ମାଲିକାନା ହ୍ବାଟସ ଆପ୍ ବର୍ତ୍ତମାନ ନୂତନ ଆଇଟି ନିୟମ ମାନିବା ଆରମ୍ଭ କରିଛି। ଏହାକୁ ଦୃଷ୍ଟିରେ ରଖି ଏହି ମାସରେ କମ୍ପାନୀ ୨୦ ଲକ୍ଷରୁ ଅଧିକ ଭାରତୀୟ ଆକାଉଣ୍ଟ ଉପରେ ପ୍ରତିବନ୍ଧକ ଲଗାଇଛି। ଅଗଷ୍ଟ ମାସରେ, କମ୍ପାନୀ ୪୨୦ ଅଭିଯୋଗ ସମ୍ବନ୍ଧୀୟ ଏକ ରିପୋର୍ଟ ଗ୍ରହଣ କରିଥିଲା, ଯାହା ଉପରେ କାର୍ଯ୍ୟାନୁଷ୍ଠାନ ନେଇ ଏହିଭଳି କାମ କରିଛି ହ୍ବାଟସ ଆପ୍  | ହ୍ବାଟସ ଆପ୍ ତାର  ଅନୁପାଳନ ରିପୋର୍ଟରେ ଏହି ସୂଚନା ଦେଇଛି। ଜୁନ୍ ୧୬ ରୁ ଜୁଲାଇ ୩୧ ମଧ୍ୟରେ ଏହି ୪୬ ଦିନ ମଧ୍ୟରେ ହ୍ବାଟସ ଆପ୍ ଭାରତରେ ୩,୦୨୭,୦୦୦ ଆକାଉଣ୍ଟ ଉପରେ ପ୍ରତିବନ୍ଧକ ଲଗାଇଥିଲା।

୨୦,୭୦,୦୦୦ ଭାରତୀୟଙ୍କ ଆକାଉଣ୍ଟ ବ୍ୟାନ

ସୋସିଆଲ ମିଡିଆ କମ୍ପାନୀ ଫେସବୁକ ଅଗଷ୍ଟ ମାସରେ ୧୦ ଟି ନିୟମର ଉଲ୍ଲଂଘନ କରିଥିବା ୩.୧୭ କୋଟି ବିଷୟବସ୍ତୁ ଉପରେ ପଦକ୍ଷେପ ନେଇଥିଲା। ଏହାପରେ ହ୍ବାଟସ ଆପ୍ ମଧ୍ୟ ନିଜ ରିପୋର୍ଟରେ କହିଛି ଯେ ଅଗଷ୍ଟ ମାସରେ ୨୦ ଲକ୍ଷରୁ ଉର୍ଦ୍ଦ ଭାରତୀୟ ଆକାଉଣ୍ଟକୁ ଉପରେ ରୋକ ଲଗାଇଛି । ତେବେ ଏହା କାହିଁକି ?

ହ୍ବାଟସ ଆପ୍ ପୂର୍ବରୁ କହିଥିଲା ​​ଯେ ନିଷିଦ୍ଧ ହୋଇଥିବା ୯୫% ରୁ ଅଧିକ ଆକାଉଣ୍ଟ ଗୁଡିକ ବଲ୍କ ବାର୍ତ୍ତାଗୁଡିକର ଅନଧିକୃତ ବ୍ୟବହାର ହେତୁ ହୋଇଛି। ସର୍ବଭାରତୀୟ ସ୍ତରରେ ହ୍ବାଟସ ଆପ୍ ଏହାର ପ୍ଲାଟଫର୍ମର ଅପବ୍ୟବହାର ପାଇଁ ପ୍ରତି ମାସରେ ହାରାହାରି ୮0 ଲକ୍ଷ ଆକାଉଣ୍ଟକୁ ଅବରୋଧ କରିଥାଏ | ହ୍ବାଟସ ଆପ୍ କହିଛି ଯେ ଏହା ଭାରତରେ ଉପଭୋକ୍ତାମାନଙ୍କ ଠାରୁ ମିଳିଥିବା ଅଭିଯୋଗ ଆଧାରରେ ହୋଇଥାଏ .. ବିଭିନ୍ନ ମାଧ୍ୟମରେ ହ୍ବାଟସ ଆପ୍ ପାଇଁ ସାଧାରଣ ଲୋକେ ଅସୁବିଧା ଭୋଗୁଛନ୍ତି..ଅନେକ ଠକାମିର ଶିକାର ହେଉଛନ୍ତି..ତେଣୁକରି ନିଜର ନିଦ୍ଧିଷ୍ଟ ନିୟମକୁ ବଜାଇ ରଖି ନିଜ ଆପ୍ର ଅପବ୍ୟବହାର ବୃଦ୍ଧି ଉପରେ ରୋକ ଲଗାଇବା ପାଇଁ ହ୍ବାଟସ ଆପ୍ ଏହିଭଳି ନିଷ୍ପତ୍ତି ନେଇଛି ..

ଏହା ବ୍ୟତୀତ ଫେସବୁକ୍ ଶୁକ୍ରବାର ଦିନ ପ୍ରକାଶିତ ଏହାର ଅନୁପାଳନ ରିପୋର୍ଟରେ କହିଛି ଯେ ଅଗଷ୍ଟ ୨୦୨୧ ରେ ଏହା ୩୧.୭ ନିୟୁତ ବିଷୟବସ୍ତୁ ପ୍ରକ୍ରିୟାକରଣ କରିଛି। ସେହିଭଳି ଇନଷ୍ଟାଗ୍ରାମ ଏହି ସମୟ ମଧ୍ୟରେ ନଅଟି ବିଭିନ୍ନ ବର୍ଗରେ ଏହାର ପ୍ଲାଟଫର୍ମରେ ପୋଷ୍ଟ ହୋଇଥିବା ୨୨ ଲକ୍ଷ ବିଷୟବସ୍ତୁ ଉପରେ ଅପସାରଣ ଏବଂ କାର୍ଯ୍ୟାନୁଷ୍ଠାନ ଗ୍ରହଣ କରିଛି | ଫେସବୁକ୍ କହିଛି ଯେ ଅଗଷ୍ଟ ୧-୩୧ ମଧ୍ୟରେ ଏହାର ଭାରତୀୟ ଅଭିଯୋଗ ପ୍ରଣାଳୀ ମାଧ୍ୟମରେ ୯୦୪ ଉପଭୋକ୍ତା ରିପୋର୍ଟ ଗ୍ରହଣ କରିଛି। ଏଥିମଧ୍ୟରୁ ୭୫୪ ଟି ମାମଲା ରୁଜୁ କରାଯାଇଥିଲା। କମ୍ପାନୀ ରିପୋର୍ଟରେ କହିଛି ଯେ ଏହି ବିଷୟଗୁଡିକର ୩୦ ନିୟୁତରୁ ଅଧିକ ବିଷୟବସ୍ତୁ ମଧ୍ୟରେ ସ୍ପାମ୍ (୨୯ ନିୟୁତ), ହିଂସାତ୍ମକ (୨୬ ନିୟୁତ), ବୟସ୍କଙ୍କ ନଗ୍ନତା ଏବଂ ଅଶ୍ଳିଳ କାର୍ଯ୍ୟକଳାପ (୨୦ ନିୟୁତ), ଖରାପ ବକ୍ତବ୍ୟ (୨୪୨,୦୦୦) ଅନ୍ତର୍ଭୁକ୍ତ। ତେବେ ସୋସିଆଲ ମିଡିଆର ଅପବ୍ୟବହାର କରୁଥିବା ଆକାଉଣ୍ଟ ଗୁଡିକୁ ଅପସାରଣ କରାଗଲା ଅପରାଧିକ ମାମଲା ମଧ୍ୟ କମିବ ବୋଲି ହ୍ବାଟସ ଆପ୍ ସୂଚନା ଦେଇଛି..

କୃଷି ଆଇନକୁ ବିରୋଧ ରାଜନୈତିକ ଧୋକାବାଜି: ପ୍ରଧାନମନ୍ତ୍ରୀ

ନୂଆଦିଲ୍ଲୀ : କୃଷି ଆଇନର ବିରୋଧୀଙ୍କୁ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପ୍ରଶ୍ନ ଉଠାଇଛନ୍ତି । କୃଷକ ସମର୍ଥକ ଆଇନର ବିରୋଧକୁ ସେ ‘ରାଜନୈତିକ ଧୋକାବାଜି’ ବୋଲି କହିଛନ୍ତି । ଏହା ସହିତ ସରକାର କୃଷକଙ୍କ ସହିତ ଆଲୋଚନା ପାଇଁ ପ୍ରସ୍ତୁତ ବୋଲି ସେ ପୁଣିଥରେ ଦୋହରାଇଛନ୍ତି । ନିକଟରେ ସୁପ୍ରିମକୋର୍ଟ ଦିଲ୍ଲୀ ସୀମାରେ ପ୍ରଦର୍ଶନ କରୁଥିବା କୃଷକଙ୍କୁ ହଟାଇବା ପାଇଁ ଉପାୟ କରିବା ନିମନ୍ତେ ସରକାରଙ୍କୁ କହିଥିଲେ । ଜନ୍ତର ମନ୍ତରରେ ପ୍ରଦର୍ଶନ ପାଇଁ ଅନୁମତି ମାଗିଥିବା କୃଷକ ସଂଗଠନଙ୍କୁ ସୁପ୍ରିମକୋର୍ଟ ଭର୍ତ୍ସନା କରିଥିଲେ ।

ଇଂରାଜୀ ପତ୍ରିକା ଓପନକୁ ଦେଇଥିବା ସାକ୍ଷାତକାରରେ ପ୍ରଧାନମନ୍ତ୍ରୀ ମୋଦି କହିଛନ୍ତି ଯେ, ‘‘କୃଷକ ସମର୍ଥକ ସୁଧାରକୁ ଯେଉଁମାନେ ବିରୋଧ କରୁଛନ୍ତି ସେମାନଙ୍କୁ ଯଦି ଆପଣ ଦେଖିବେ ତେବେ ଏଥିରେ ଆପଣଙ୍କୁ ବୌଦ୍ଧିକ କପଟତା ଓ ରାଜନୈତିକ ଧୋକାବାଜି ନଜର ଆସିବ । ପ୍ରଥମେ ପ୍ରତିଶ୍ରୁତି ଦିଅ ଓ ସେଥିପାଇଁ ବିତର୍କ କର କିନ୍ତୁ ପରେ ବିନା କୌଣସି ନୈତିକ ସୂତ୍ର ଆଧାରରେ ସେହି କଥାକୁ ବିରୋଧ କର’’।

12 opposition parties extend their support to Samyukta Kisan Morcha

ସେ ଅଭିଯୋଗ କରିଛନ୍ତି ଯେ, କୃଷି ଆଇନକୁ ଯେଉଁମାନେ ଏବେ ବିରୋଧ କରୁଛନ୍ତି ସେମାନେ ଆଗରୁ ଏଭଳି ପରିବର୍ତ୍ତନ ଚାହୁଁଥିଲେ । ସେ କହିଛନ୍ତି ଯେ, ‘‘ ଏମାନେ ସେହି ଲୋକ ଯେଉଁମାନେ ଆଗରୁ ମୁଖ୍ୟମନ୍ତ୍ରୀମାନଙ୍କୁ ଠିକ୍ ଏହି ଭଳି କରିବାକୁ କହୁଥିଲେ,ଯେମିତି ଆମ ସରକାର କରିଛନ୍ତି । ଏମାନେ ସେହି ଲୋକ ଯେଉଁମାନେ ନିଜ ନିର୍ବାଚନ ଘୋଷଣପତ୍ରରେ ଆମେ ଯେଉଁ ପରିବର୍ତ୍ତନ ଆଣିଛୁ ତାହା ସେମାନେ ଆଣିବେ ବୋଲି ଆଗରୁ କହୁଥିଲେ । ଲୋକଙ୍କ ଆର୍ଶିବାଦ ପ୍ରାପ୍ତ ଅନ୍ୟ ଗୋଟିଏ ଦଳ ଯେତେବେଳେ ସେହି ସୁଧାର ଆଣିଲା ସେତେବେଳେ ସେମାନେ ୟୁ-ଟର୍ଣ୍ଣ ନେଇଗଲେ’’।

କଂଗ୍ରେସ ଦଳ ମହା ସମୁଦ୍ର, କେହି ଗଲେ ଫରକ୍ ପଡିବନି: ସୁର ରାଉତ

ଭୁବନେଶ୍ୱର: ଗତ କିଛି ଦିନ ହେବ ରାଜ୍ୟ କଂଗ୍ରେସରେ କନ୍ଦଳ ଦେଖାଯାଇଛି । ଯାହାକୁ ନେଇ କିଛି ଦଳୀୟ କର୍ମୀ ଦିଲ୍ଲୀରେ ଯାଇ ରାହୁଲ ଗାନ୍ଧୀଙ୍କୁ ଭେଟୁଥିବାର ଚର୍ଚ୍ଚା ମଧ୍ୟ ହେଉଛି । ନିକଟରେ ପିସିସି କାର୍ଯ୍ୟକାରୀ ସଭାପତି ପ୍ରଦୀପ ମାଝୀ ଓ ଭକ୍ତ ଦାସ ରାହୁଲ ଗାନ୍ଧୀଙ୍କୁ ଭେଟିଥିବା ବେଳେ ନେତା ଓ କର୍ମୀଙ୍କ ମଧ୍ୟରେ ବାକ୍ ବିବାଦ ଦେଖାଦେଇଛି।

ପିସିସି କାର୍ଯ୍ୟକାରୀ ସଭାପତି ରାହୁଲଙ୍କୁ ଭେଟିବା ପ୍ରସଙ୍ଗରେ ପ୍ରତିକ୍ରିୟା ରଖିଛନ୍ତି ଜଟଣୀ ବିଧାୟକ ସୁରେଶ ରାଉତରାୟ। ସେମାନଙ୍କ ଉଦ୍ଦେଶ୍ୟରେ ବିଧାୟକ କହିଛନ୍ତି, ବାରମ୍ବାର ଦିଲ୍ଲୀ ଗସ୍ତ କରି ଅଯଥାରେ ଦଳକୁ ବଦନାମ କରିବା ଛଡା ଆଉ କିଛି ନୁହଁ। ଯଦି ଦଳରେ ରହିବାର ଅଛି ରୁହ, ଆଉ ଯଦି ଦଳ ଛାଡିବାର ଅଛି ଛାଡ଼। କଂଗ୍ରେସ ଦଳ ମହାସମୁଦ୍ର। କିଏ ରହୁ କି ଯାଉ, କିଛି ଫରକ ପଡିବନି ବୋଲି କଂଗ୍ରେସ ବରିଷ୍ଠ ବିଧାୟକ ସୁରେଶ ରାଉତରାୟ କହିଛନ୍ତି।

କେହି ଦୁଇ ପ୍ରକାର କଥା କୁହନି ରହିବାରେ ଥିଲେ ରୁହ ନହେଲେ ଦଳ ଛାଡି ପଳାଅ ବୋଲି ସେ କ୍ଷୋଭର ସହ କହିଛନ୍ତି ।

ଗାନ୍ଧୀ ଜୟନ୍ତୀରେ ବିଶ୍ୱ ଦେଖିଲା ସବୁଠୁ ବଡ଼ ଖଦି ତ୍ରିରଙ୍ଗା

ନୂଆଦିଲ୍ଲୀ: ଅକ୍ଟୋବର ୨ ତାରିଖ ଗାନ୍ଧୀ ଜୟନ୍ତୀ ଅବସରରେ ଲେହ ଅଞ୍ଚଳରେ ଦୁନିଆର ସବୁଠୁ ବଡ଼ ତ୍ରୀରଙ୍ଗାର ଅନାବରଣ କରାଯାଇଛି । ଜାତୀୟ ପତାକାକୁ  ଲେହର ଜନସ୍କାର ପାହାଡ ଉପରେ ଲଗାଯାଇଛି । ଯାହାର ଓଜନ ରହିଛି ୧୪୦୦ କିଲୋଗ୍ରାମ୍ ରହିଥିବା ବେଳେ ଲମ୍ବା ୨୨୫ ଫୁଟ୍ ଓ ଚଉଡା ୧୨୫ ଫୁଟ୍ ରହିଛି ।

ଖଦି ବିକାଶ ବୋର୍ଡ ଓ ମୁମ୍ବାଇର ଏକ ପ୍ରିଣ୍ଟିଂ କମ୍ପାନୀର ସହଯୋଗରେ ତିଆରି କରାଯାଇଥିଲା । ଖଦିରେ ତିଆରି ଜାତୀୟ ପତାକାର ଅନାବରଣ କରିଛନ୍ତି ସେନା ମୁଖ୍ୟ ଜେନେରାଲ୍ ଏମ୍ ଏମ୍ ନରୱଣେ ଓ ଲଦାଖର ଲେଫ୍ଟନାଣ୍ଟ ଗଭର୍ଣ୍ଣର ଆର କେ ମାଥୁର କରିଛନ୍ତି। ଏହାବ୍ୟତୀତ ଜାତୀୟ ପତାକାକୁ ଅକ୍ଟୋବର ୮ ତାରିଖରେ ‘ଏୟାରଫୋର୍ସ ଡେ’ ଅବସରରେ ହିଣ୍ଡନ ନିଆଯିବ ।

ଆଜି ପୂର୍ବ ଲଦାଖକୁ ଦୁଇ ଦିନିଆ ଗସ୍ତରେ ଯାଇଥିବା ଜେନରାଲ ନରଓ୍ବାଣେ କହିଛନ୍ତି- ଏଲଏସି ପ୍ରତି ଭାରତ ସମ୍ପୂର୍ଣ୍ଣ ସଜାଗ ରହିଛି । ଏଲଏସିରେ ଚୀନ ପକ୍ଷରୁ ବିଭିନ୍ନ ସମରସଜ୍ଜା କରାଯାଉଥିବାବେଳେ ଭାରତ କିଛି ମାସ ଧରି ଚିନ୍ତାବ୍ୟକ୍ତ କରିଆସୁଛି । ଗତ ଅଗଷ୍ଟରେ ଦୁଇ ଦେଶ ମଧ୍ୟରେ ସୈନ୍ୟ ପ୍ରତ୍ୟାହାର ନେଇ ଆଲୋଚନା ହୋଇଥିବା ସତ୍ତ୍ବେ ଚୀନ ଏଲଏସିରେ ଆଧିପତ୍ୟ ବିସ୍ତାର କରୁଛି ।

ଆଫଗାନିସ୍ତାନ ଗଣମାଧ୍ୟମ ଉପରେ ଲାଗୁହେଲା ନୂଆ ନିୟମ,ଇସଲାମ ବିରୋଧରେ ଛାପିପାରିବେନି ଖବର..

କାବୁଲ: ଆଫଗାନିସ୍ତାନ ଉପରେ ତାଲିବାନଙ୍କର କବ୍ଜା ହେବାପରେ ବଦଳିଯାଇଛି ଆଫଗାନିସ୍ତାନର ରୂପରେଖ । ଗୋଟିଏ ଦେଶର ନିଜସ୍ବ ସ୍ବାଧୀନତା ଛଡାଇନେବା ପରେ ସତେ ଯେମିତି ପ୍ରାଣହୀନ ହୋଇପଡିଛି ଆଫଗାନିସ୍ଥାନ..ଏହାରି ଭିତରେ ଦେଖିବାକୁ ମିଳୁଛି ରାଜୁତି କରୁଥିବା ତାଲିବାନିଙ୍କ କ୍ରୁରତା । ଗୋଟିଏ ପରେ ଗୋଟିଏ ନୂଆ ନିୟମ ଲାଗୁ କରୁଛନ୍ତି ତାଲିବାନୀ..ଯାହାଫଳରେ କଟକଣା ଓ ଅତ୍ୟାଚାର ବଢିବାକୁ ଲାଗୁଛି । ବର୍ତମାନ ଆଫଗାନିସ୍ତାନର ଗଣମାଧ୍ୟମ ପାଇଁ ଏକ ନିୟମ ଲାଗୁ ହୋଇଛି । ଏହି ନିୟମ ଅନୁସାରେ କୌଣସି ବି ଗଣମାଧ୍ୟମ ଇସଲାମ ବିରୁଦ୍ଧରେ କିଛି ବି ରିପୋଟିଙ୍ଗ କରିପାରିବେ ନାହିଁ । ଏନେଇ ତାଲିବାନର ସୂଚନା ଓ ସଂସ୍କୃତି ମନ୍ତ୍ରଣାଳୟ ମିଡିଆ ସାମ୍ନାରେ ସମସ୍ତ ତଥ୍ୟ ପ୍ରକାଶ କରିଛନ୍ତି । ସେ କହିଛନ୍ତି ଯେ- ତାଲିବାନ ନେତୃତ୍ବର ମଧ୍ୟ କିଛି ବି ଆଲୋଚନା କରିବନି ଗଣମାଧ୍ୟମ ।

ହ୍ୟୁମାନ୍ ରାଇଟ୍ସ  ଗୋଷ୍ଠୀର ଏସିଆର ସହଯୋଗୀ ନିର୍ଦ୍ଦେଶକ ପାଟ୍ରିସିଆ ଗୋସମାନ କହିଛନ୍ତି ଯେ ତାଲିବାନର ନୂତନ ଆଦେଶ ପରେ ଗଣମାଧ୍ୟମକୁ ବର୍ତ୍ତମାନ ସବୁ ପ୍ରସଙ୍ଗରେ ସନ୍ତୁଳିତ ରିପୋଟିଙ୍ଗ କରିବାକୁ ପଡିବ। ଯେତେପର୍ଯ୍ୟନ୍ତ ତାଲିବାନ ଅଧିକାରୀଙ୍କ ଅନୁମତି ନ ମିଳିଛି ସେତେ ପର୍ଯ୍ୟନ୍ତ ସେହି ପ୍ରସଙ୍ଗରେ କିଛି ପ୍ରକାରର ବି ଖବର ପ୍ରକାଶ ପାଇବ ନାହିଁ। ଅନ୍ୟପକ୍ଷରେ, ବର୍ତ୍ତମାନ ମହିଳା ସାମ୍ବାଦିକଙ୍କ କାମ ଉପରେ ସମ୍ପୂର୍ଣ୍ଣ ନିଷିଦ୍ଧ ଲଗାଯାଇଛି । ଆପଣ ଜାଣିଲେ  ଆଶ୍ଚର୍ଯ୍ୟ ହେବେ ଯେ ତାଲିବାନ ଆଫଗାନିସ୍ତାନକୁ ନିୟନ୍ତ୍ରଣ କରିବା ପରଠାରୁ ଏପର୍ଯ୍ୟନ୍ତ ୭୦୦୦ ସାମ୍ବାଦିକଙ୍କୁ କଏଦ କରାଯାଇଛି ।

ଆଫଗାନିସ୍ତାନ ମହିଳାମାନେ ତାଲିବାନ ଶାସନର ସବୁଠୁବଡ କଷ୍ଟ ଭୋଗୁଛନ୍ତି। ଏହି ନିୟମ ଅନୁଯାୟୀ, ମହିଳାମାନେ ସର୍ବସାଧାରଣରେ ଥଟ୍ଟାମଜା କରିପାରିବେ ନାହିଁ | ସେମାନଙ୍କୁ ଏକୁଟିଆ ବାହାରକୁ ଯିବାକୁ ମଧ୍ୟ ବାରଣ କରାଯାଇଛି। ନିଜକୁ ସମ୍ପୂର୍ଣ୍ଣ ଭାବେ ଘୋଡେଇ ରଖିବା ସେମାନଙ୍କ ପାଇଁ ବାଧ୍ୟତାମୂଳକ କରାଯାଇଛି। ମହିଳାମାନେ ସୁନ୍ଦରତା ପାଇଁ କିଛି ବି କସମେଟିକ ସାମଗ୍ରୀର ବ୍ୟବହାର କରିପାରିବେ ନାହିଁ| ଆହୁରି ମଧ୍ୟ, ମହିଳାମାନେ ପୁରୁଷଙ୍କ ସହ ହାତ ମିଳାଇ ପାରିବେ ନାହିଁ ଏବଂ ଅଧିକ ଜୋରରେ ହସି ପାରିବେ ନାହିଁ | ମହିଳାମାନେ ଟ୍ୟାକ୍ସିରେ ଯାଇପାରିବେ ନାହିଁ | ଏହା ବ୍ୟତୀତ ମହିଳାମାନଙ୍କ ପାଇଁ ବାଇକ୍, ସାଇକେଲ ଚଲାଇବା, କ୍ରୀଡା ଉପରେ ମଧ୍ୟ ନିଷେଧାଦେଶ ରହିଛି।

ତାଲିବାନ ଆଫଗାନିସ୍ତାନ ଦଖଲ କରିବା ପରେ ତାଲିବାନ ଗୋଟିଏ ପଟେ ସାଧାରଣ ନାଗରିକଙ୍କୁ ନିର୍ଯାତନା ଦେଉଛି। ଅନ୍ୟପକ୍ଷରେ ସେ ଭୟଙ୍କର ଅପରାଧୀଙ୍କୁ ଜେଲରୁ ମୁକ୍ତ କରୁଛି.. ତାଲିବାନ ଅନେକ ଅପରାଧୀଙ୍କୁ କାବୁଲର ଜେଲରୁ ମୁକ୍ତ କରିଛି। ଏଭଳି ପରିସ୍ଥିତିରେ, ବର୍ତ୍ତମାନ ଏହି ଭୟଙ୍କର କଏଦୀମାନେ ସେମାନଙ୍କୁ ଦଣ୍ଡିତ କରିଥିବା ମହିଳା ବିଚାରପତିଙ୍କୁ ଖୋଜୁଛନ୍ତି। ଆଫଗାନିସ୍ତାନରେ ୨୦୦ ରୁ ଅଧିକ ମହିଳା ବିଚାରପତି ଅଛନ୍ତି ଯେଉଁମାନେ ଏହି ବନ୍ଦୀମାନଙ୍କଠାରୁ ଧମକପୂର୍ଣ୍ଣ ବାର୍ତ୍ତା ପ୍ରତ୍ୟେକ ଦିନ ପାଉଛନ୍ତି। ସେମାନଙ୍କୁ ପ୍ରତି ସମୟରେ ନିଜକୁ ରକ୍ଷା କରିବା ପାଇଁ ବିଭିନ୍ନ କଠିନ ପରିସ୍ଥିତି ଦେଇ ଗତି କରିବାକୁ ପଡୁଛି ।

ଭଡ଼ାଘର, ସାଧାରଣ ଜୀବନ: ୨୧ ହଜାର କୋଟି ଟଙ୍କାର ହେରୋଇନ୍ ସ୍ମଗ୍ଲିଂ ଅଭିଯୋଗରେ ଗିରଫ ପତିପତ୍ନୀଙ୍କ କାହାଣୀ

ଚେନ୍ନାଇ: ନିକଟରେ ଗୁଜରାଟର କଚ୍ଛ ଜିଲ୍ଲାସ୍ଥିତ ମୁନ୍ଦ୍ର ବନ୍ଦରରୁ ୨୧ ହଜାର କୋଟି ଟଙ୍କାର ହେରୋଇନ୍ ଜବତ ହୋଇଥିଲା । ୩ ହଜାର କିଲୋର ଏହି ହେରୋଇନ୍ ଜବତ ମାମଲାରେ ତାମିଲନାଡୁର ଏକ ଦମ୍ପତ୍ତିଙ୍କୁ ଗିରଫ କରାଯାଇଛି । ଏହି ପତିପତ୍ନୀ ଚେନ୍ନାଇର ଏକ ଆପାର୍ଟମେଣ୍ଟରେ ରୁହନ୍ତି । ଇଣ୍ଡିଆନ ଏକ୍ସପ୍ରେସରେ ପ୍ରକାଶିତ ଏକ ଖବର ଅନୁସାରେ ଏହି ଦୁଇଜଣଙ୍କ ଜୀବନଶୈଳୀକୁ ଦେଖିଲେ ସେମାନଙ୍କର ୨୧ ହଜାର କୋଟି ଟଙ୍କାର ହେରୋଇନ୍ ସ୍ମଗ୍ଲିଂ ସହିତ ସମ୍ପର୍କ ଥିବାର କଳ୍ପାନ ଅସମ୍ଭବ ଲାଗେ । । ଗିରଫ ପତିପତ୍ନୀ ଏବେ ତଦନ୍ତକାରୀ ଏଜେନ୍ସିଙ୍କ ହେପାଜତରେ ଅଛନ୍ତି ।

ଇଣ୍ଡିଆନ୍ ଏକ୍ସପ୍ରେସ ଅନୁସାରେ ଦମ୍ପତ୍ତି ଚେନ୍ନାଇର କୋଲାପକ୍କମର ବିଓସିରେ ଥିବା ଗୋବର୍ଧନ ଗିରିର ଆପାର୍ଟମେଣ୍ଟରେ ରୁହନ୍ତି । ସେମାନଙ୍କର ଜଣେ ପଡ଼ୋଷୀ ଖବରକାଗଜକୁ କହିଛନ୍ତି ଯେ, ୧୭ ଡିସେମ୍ବର ସକାଳେ ସେ ଗିରଫ ଦମ୍ପତ୍ତିଙ୍କ ଘରେ ଭିଡ ଦେଖିଥିଲେ । ପରେ ସେ ହେରୋଇନ୍ କାରବାର ସହିତ ଦମ୍ପତ୍ତିଙ୍କ ସମ୍ପର୍କ ବାବଦରେ ଜାଣିବାକୁ ପାଇଥିଲେ ।

ମଧ୍ୟବିତ୍ତ ପରିବାର
ଯେଉଁ କଣ୍ଟେନରରୁ ହେରୋଇନ୍ ଜବତ ହୋଇଥିଲା ସେହି କଣ୍ଟେନର ଓଶି ଟ୍ରେଡିଂ କମ୍ପାନୀ ନାମରେ ପଂଜିକୃତ ହୋଇଥିଲା । ଏହି କମ୍ପାନୀକୁ ଏମ. ସୁଧାକର ଓ ତାଙ୍କ ପତ୍ନୀ ଜି.ଦୁର୍ଗା ପରିଚାଳନା କରନ୍ତି । ଉଭୟ ଚେନ୍ନାଇ ବିମାନବନ୍ଦର ନିକଟରେ ଭଡା ଘରେ ରୁହନ୍ତି । ସେମାନଙ୍କର ୧୧ ଓ ୧୬ ବର୍ଷର ଦୁଇଟି ପିଲା ରହିଛନ୍ତି । ସେମାନେ ଗତ ୬ ବର୍ଷ ଧରି ସେହି ଆପାର୍ଟମେଣ୍ଟରେ ରହୁଥିବା ଜଣା ପଡିଛି । ସେମାନଙ୍କ ଫ୍ଲାଟର ଭଡା ମାସିକ ୧୦ ହଜାର ଟଙ୍କା ଥିବା ଜଣା ପଡିଛି ।

ଓଶି ଟ୍ରେଡିଂ କମ୍ପାନୀ ଜରିଆରେ କାରବାର
ଗତ ଲକଡାଉନ୍ ସମୟରେ ସୁଧାକରଙ୍କ ଚାକିଲି ଚାଲି ଯାଇଥିଲା । ସେହି ସମୟରେ ଓଶି ଟ୍ରେଡିଂ କମ୍ପାନୀ ଆରମ୍ଭ ହୋଇଥିଲା । ଗତବର୍ଷ ଅଗଷ୍ଟ ମାସରେ ସୁଧାକର ଏହାକୁ ନିଜ ପତ୍ନୀଙ୍କ ନାମରେ ଆରମ୍ଭ କରିଥିଲେ । ଆନ୍ଧ୍ରପ୍ରଦେଶର ବିଜୟବାଡାରେ ସତ୍ୟାନାରାୟଣ ପୁରମରେ ଥିବା ନିଜ ଶାସୁଙ୍କ ଘରକୁ ସୁଧାକର କମ୍ପାନୀର ଆଧିକାରିକ ଠିକଣା ଭାବେ ଦର୍ଶାଇ ଥିଲେ । କମ୍ପାନୀ ପାଖରେ ବିଦେଶରୁ ମାଲ ଆମଦାନୀ ଓ ରପ୍ତାନୀର ଲାଇସେନ୍ସ ରହିଛି ।

ପରିବାର ଅତ୍ୟନ୍ତ ଭଦ୍ର
ପଡ଼ୋଶୀଙ୍କ ଅନୁସାରେ ସୁଧାକର ଓ ତାଙ୍କ ପତ୍ନୀ ଧାର୍ମିକ ଥିଲେ । ତାଙ୍କ ଘରକୁ କୌଣସି ସନ୍ଦିଗ୍ଧ ବ୍ୟାକ୍ତିଙ୍କ ଯିବା ଆସିବା ନଥିଲା । ମଝିରେ ମଝିରେ କେବଳ ସୁଧାକରଙ୍କ ମା’ ତାଙ୍କ ଘରକୁ ଆସୁଥିଲେ । ଏହି ପରିବାର ମୁଳତଃ ଆନ୍ଧ୍ରପ୍ରଦେଶର ଥିଲେ କିନ୍ତୁ ଅନେକ ବର୍ଷ ଧରି ତାମିଲନାଡୁରେ ରହୁଥିବା କାରଣରୁ ଧାରାପ୍ରବହାର ତାମିଲ କହୁଥିଲେ । ସୁଧାକର ମଧ୍ୟ ଭଲ ହିନ୍ଦି କହି ପାରୁଥିଲେ । ନିକଟରେ ନିଜ ଶଳାଙ୍କ ବାହାଘରରେ ସାମିଲ ହେବାକୁ ସୁଧାକର ଆନ୍ଧ୍ରପ୍ରଦେଶ ଯାଇଥିଲେ ବୋଲି ପଡ଼ୋଶୀ କହୁଛନ୍ତି।

ଚିନ୍ତା ବଢାଉଛି ତୈଳ ଦାମ୍; ମାଲକାନଗିରିରେ ଶହେ ଟପିଲା

ଭୁବନେଶ୍ୱର: ଚିନ୍ତା ବଢାଉଛି ତୈଳ ଦର। ଅକ୍ଟୋବରରେ କ୍ରମାଗତ ଭାବେ ତୖେଳ ଦର ବଢୁଥିବା ବେଳେ ଆଜି ମଧ୍ୟ ପେଟ୍ରୋଲ-ଡିଜେଲ ଦର ବୃଦ୍ଧି ପାଇଛି। ରାଜଧାନୀ ଦିଲ୍ଲୀରେ ଡିଜେଲ ଲିଟର ପିଛା ୯୦ ଟଙ୍କା ଅତିକ୍ରମ କରିଥିବା ବେଳେ ପେଟ୍ରୋଲ ଦର ୧୦୨ ଟଙ୍କାରେ ପହଞ୍ଚିଛି। ପେଟ୍ରୋଲ ଲିଟର ପିଛା ୨୫ ପଇସା ଓ ଡିଜେଲ ଲିଟର ପିଛା ୩୦ ପଇସା ବୃଦ୍ଧି ପାଇଛି ।

ବର୍ତ୍ତମାନ ସମୟରେ ଦେଶର ସମସ୍ତ ସ୍ଥାନରେ ତୈଳ ଦର ଅଧିକ ସଂଖ୍ୟାରେ ବୃଦ୍ଧି ହେବାରେ ଲାଗିଛି। ମୁମ୍ବାଇକୁ ଟପିଛି ମାଲକାନଗିରି । ମାଲକାନଗିରି କାଲିମେଳାରେ ପେଟ୍ରୋଲ ଲିଟର ପିଛା ୧୦୯ ଟଙ୍କା ୬୪ ପଇସାରେ ପହଞ୍ଚିଛି । ସେହିପରି ଡିଜେଲର ଦର ଲିଟର ପିଛା ୧୦୫ଟଙ୍କା ୧ପଇସା ରହିଛି । ବର୍ତ୍ତମାନ ଓଡିଶା ସମେତ ମଧ୍ୟପ୍ରଦେଶ , ମହାରାଷ୍ଟ୍ର, ପଞ୍ଜାବ, ରାଜସ୍ତାନ, କେରଳ, ତାମିଲନାଡୁ, ଆନ୍ଧ୍ରପ୍ରଦେଶ, ତେଲେଙ୍ଗାନା, କର୍ଣ୍ଣାଟକ, ଜମ୍ମୁ ଓ କଶ୍ମୀର ଏବଂ ସିକ୍କିମ୍ ଭଳି ୧୪ ରାଜ୍ୟରେ ପେଟ୍ରୋଲ ଲିଟର ୧୦୦ ଟଙ୍କା ପାର କରିସାରିଲାଣି । ଏହାମଧ୍ୟରେ ରାଜସ୍ଥାନର ଶ୍ରୀ ଗଙ୍ଗାନଗରଠାରେ ପେଟ୍ରୋଲ ଲିଟର ପିଛା ୧୧୩ ଟଙ୍କା ୭୩ ପଇସା ଏବଂ ୧୦୩ ଟଙ୍କା ୯୦ ପଇସା ଛୁଇଁଛି ।

ମଧ୍ୟପ୍ରଦେଶରେ ସିବନୀରେ ସର୍ବାଧିକ ୧୧୩ଟଙ୍କା ୧୮ପଇସା ରହିଛି ପେଟ୍ରୋଲ ଲିଟର ପିଛା ଦର । ମୁମ୍ବାଇରେ ପେଟ୍ରୋଲ ଦର ୧୦୮ଟଙ୍କା ୧୯ପଇସା ଥିବା ବେଳେ ଡିଜେଲ ଦର ୯୮ଟଙ୍କା ୧୬ପଇସା ରହିଛି । ଦିଲ୍ଲୀରେ ପେଟ୍ରୋଲ ଦର ୧୦୨ଟଙ୍କା ୧୪ପଇସା ଓ ଡିଜେଲ ଦର ୯୦ଟଙ୍କା ୪୭ପଇସା ରହିଛି । ସେହିପରି ଚେନ୍ନାଇରେ ପେଟ୍ରୋଲ ଦର ୯୯ଟଙ୍କା ୮୦ପଇସା ଓ କୋଲକାତାରେ ପେଟ୍ରୋଲ ଦର ୧୦୨ଟଙ୍କା ୭୭ପଇସା ରହିଛି ।

ଏଣିକି ୪ ଦିନ ଭିତରେ ହେବ ପାସପୋର୍ଟ ଭେରିଫିକେସନ

ଭୁବନେଶ୍ୱର: କମ୍ ସମୟରେ ହେବ ପାସପୋର୍ଟ ଭେରିଫିକେସନ। ଅତିକମରେ ୪ଦିନ ଭିତରେ ପାସ୍‌ପୋର୍ଟ ଯାଞ୍ଚ ହୋଇପାରିବ ବୋଲି ଓଡିଶା ପୋଲିସ ପକ୍ଷରୁ ସୂଚନା ମିଳିଛି।

ସେପ୍ଟେମ୍ବର ପ୍ରଥମ ସପ୍ତାହରେ ଓଡ଼ିଶା ପୋଲିସ ମାତ୍ର ୪ଦିନରେ ପାସପୋର୍ଟ ଯାଞ୍ଚ ପ୍ରକ୍ରିୟା ଶେଷ କରିଛି । ଦେଶରେ ତ୍ବରିତ ପାସପୋର୍ଟ ଯାଞ୍ଚ ପ୍ରକ୍ରିୟା କରିବାରେ ରାଜ୍ୟ ବେଶ ସଫଳତା ହାସଲ କରିଛି । 5T ଅଧିନରେ ଏହା ଅନ୍ତର୍ଭୁକ୍ତ। ସବୁ ଥାନାକୁ ଟାବଲେଟ୍ ବଣ୍ଟନ କରାଯିବା ସହ ସ୍ବତନ୍ତ୍ର ଆପ୍ ଇନଷ୍ଟଲ ହୋଇଛି। ଏହି ଆପ୍ ବ୍ୟତୀତ ସ୍ପେଶାଲ୍ ବ୍ରାଞ୍ଚ ଅଧିକ ସ୍ପଷ୍ଟ ଭାବେ ଭେରିଫିକେସନ୍ ଯାଞ୍ଚକୁ ଗାଇଡ୍ କରିବା ସହ ମନିଟରିଂ କରିବା ଆରମ୍ଭ କରିଦେଇଛି ।

Police ASI To Get Investigation Power

ତେବେ ଅଗଷ୍ଟରେ ପାସପୋର୍ଟ ଯାଞ୍ଚ ପାଇଁ ୬ଦିନ ଲାଗୁଥିଲା । କିନ୍ତୁ ସେପ୍ଟେମ୍ବର ମାସର ପ୍ରଥମ ୧୫ ଦିନ ବେଳକୁ ପାସପୋର୍ଟ ଭେରିଫିକେସନ ପାଇଁ ଓଡ଼ିଶା ପୋଲିସକୁ  ୪ଦିନ ଲାଗିଥିଲା । ଏନେଇ ଡିଜିପି ଅଭୟ ସୂଚନା ଦେଇଛନ୍ତି ।ଏଭଳି କାର୍ଯ୍ୟ ପାଇଁ ଥାନା ସ୍ତରରେ ପୋଲିସ କର୍ମଚାରୀ ଓ ଜିଲ୍ଲା ସ୍ତରରେ ଏସଏସପି ଓ ସ୍ପେଶାଲ ବ୍ରାଞ୍ଚକୁ ଧନ୍ୟବାଦ ଜଣାଇଛନ୍ତି ଡିଜିପି ।

ତେବେ ପୂର୍ବରୁ ୨୦୧୮ ଓ ୧୯ ମସିହାରେ ପାସପୋର୍ଟ ଯାଞ୍ଚ ପାଇଁ ୨୬ଦିନ ସମୟ ଲାଗୁଥିଲା । ପରେ  ୨୦୨୦ରେ କରୋନା ଯୋଗୁଁ ଏଥିପାଇଁ ୩୬ ଦିନ ସମୟ ଲାଗିଥିଲା । ସେହିପରି ୨୦୧୭ରେ ୯୯ ଦିନ ଲାଗୁ ଥିବା ବେଳେ ୨୦୧୬ରେ ୯୦ ଦିନ ଏବଂ ୨୦୧୫ ମସିହା ବେଳକୁ ପାସପୋର୍ଟ ଯାଞ୍ଚ ପାଇଁ ୩୮ ଦିନ ସମୟ ଲାଗୁଥିଲା ।