spot_img
Home Blog Page 5289

ଚୀନର ମୁଖ୍ୟାଳୟରେ ନିୟୋଜିତ ପାକ୍‌ ସେନା ଅଫିସର

ନୂଆଦିଲ୍ଲୀ: ଭାରତ ବିରୋଧରେ ଚୀନ ଓ ପାକିସ୍ତାନର ପୁଣି ଷଡଯନ୍ତ୍ର କରୁଛନ୍ତି। ଚୀନର ବିଭିନ୍ନ ମୁଖ୍ୟାଳୟରେ ନିୟୋଜିତ ହୋଇଛିନ୍ତି ପାକିସ୍ତାନୀ ସେନା ଅଫିସର । ଦୁଇ ଦେଶ ମଧ୍ୟରେ ହୋଇଥିବା ଗୋପନ ବୁଝାମଣା ଅନୁସାରେ ପିପୁଲସ ଲିବରସେନ ଆର୍ମି ଓ ପାକିସ୍ତାନ ଗୁଇନ୍ଦା ଅଫିସରମାନେ ଏହି କାର୍ଯ୍ୟ ଜାରି ରଖିଛନ୍ତି ।

ରିପୋର୍ଟ ଅନୁସାରେ ଚୀନର ପଶ୍ଚିମାଞ୍ଚଳ ଥିଏଟର କମାଣ୍ଡ ଓ ଦକ୍ଷିଣାଞ୍ଚଳ ଥିଏଟର କମାଣ୍ଡରେ ପାକିସ୍ତାନର ଲିଆସନ ଅଫିସରମାନଙ୍କୁ ନିୟୋଜିତ କରାଯାଇଛି । ଗତ ମାସରେ ଚୀନର ପଶ୍ଚିମାଞ୍ଚଳ ଥିଏଟର କମାଣ୍ଡର ମୁଖ୍ୟ ଭାବେ ଜେନରାଲ ଓ୍ବାଙ୍ଗ ହାଇଜାଙ୍ଗଙ୍କୁ ନିଯୁକ୍ତି ଦିଆଯାଇଥିବା ବେଳେ ନିୟନ୍ତ୍ରଣ ରେଖାରେ ଦୁଇ ଦେଶ ମଧ୍ୟରେ ଉତ୍ତେଜନା ବୃଦ୍ଧି ପାଇଛି । ଲଦାଖ ଅଞ୍ଚଳରେ ଦୁଇ ଦେଶ ମଧ୍ୟରେ ସହବସ୍ଥାନ ଠିକ୍ ନଥିବାବେଳେ ଚୀନର ଏହି ପଦକ୍ଷେପ ଭାରତ ଲାଗି ଅଧିକ ଚିନ୍ତାର କାରଣ ହୋଇଛି।

ସେହିପରି ଚୀନର କେନ୍ଦ୍ରୀୟ ସାମରିକ କମିଶନର ଜଏଣ୍ଟ ଷ୍ଟାଫ ଡିପାର୍ଟମେଣ୍ଟରେ ପାକିସ୍ତାନ ସେନାର କର୍ଣ୍ଣେଲ ରାଙ୍କର ଅଫିସରମାନଙ୍କୁ ନିଯୁକ୍ତି ଦିଆଯାଇଛି । ସେଣ୍ଟ୍ରାଲ ମିଲିଟାରି କମିଶନ ବିଭନ୍ନ ଲଢୁଆ ମୁକାବିଲା, ଯୋଜନା, ପ୍ରଶିକ୍ଷଣ, କୌଶଳଗତ କାର୍ଯ୍ୟକ୍ରମରେ ପ୍ରମୁଖ ଭୂମିକା ଗ୍ରହଣ କରିଥାଏ । ଏପରିକି ବେଜିଂସ୍ଥିତ ଷ୍ଟେଟ କାଉନସିଲ ଅଫ ଚୀନରେ ୧୦ଜଣ ଅତିରିକ୍ତ ସେନା ଅଫିସରମାନଙ୍କୁ ନିଯୁକ୍ତି ଦିଆଯାଇଛି । ଏହି ଅଧିକାରୀମାନେ ଗୁଇନ୍ଦା କାର୍ଯ୍ୟରେ ନିୟୋଜିତ ହେବା ସହ ବିଭିନ୍ନ ପ୍ରକଳ୍ପରେ କାର୍ଯ୍ୟ କରିଥାନ୍ତି ।

ତେବେ ପିଏଲଏର ବିଭିନ୍ନ ବିଭାଗରେ ପାକିସ୍ତାନ ସେନା ଅଫିସରଙ୍କ ସଂଖ୍ୟା କ୍ରମାଗତ ବୃଦ୍ଧି ପାଉଛି । ଏହା ସହ ଚୀନ-ପାକିସ୍ତାନ ଅର୍ଥନୈତିକ କରିଡରର ସୁରକ୍ଷା ଲାଗି ପାକିସ୍ତାନ ପକ୍ଷରୁ ଏକ ନିରାପତ୍ତା ଡିଭିଜନ ପ୍ରତିଷ୍ଠା କରାଯାଇଛି ଯେଉଁଥିରେ ୯ ହଜାର ସୈନ୍ୟ ଓ ୬ ହଜାର କର୍ମଚାରୀ ରହିଛନ୍ତି । ପୂର୍ବରୁ ଚୀନ ନାଗରିକଙ୍କ ସୁରକ୍ଷା ଲାଗି ପାକିସ୍ତାନ ବିଭିନ୍ନ ଡିଭିଜନ ପ୍ରତିଷ୍ଠା ଲାଗି ଘୋଷଣା କରିଥିଲା ।

ନମ୍ବର ପ୍ଲେଟ୍ ବଦଳାଇ ଗଞ୍ଜେଇ ଚାଲାଣ, ଧରାପଡିଲେ ୨ ବେପାରୀ

ବ୍ରହ୍ମପୁର: ଫିଲ୍ମି ଷ୍ଟାଇଲରେ ଗଞ୍ଜେଇ ବେପାର କରୁଥିଲେ । ଅବକାରୀ ଗୁଇନ୍ଦା ବିଭାଗକୁ ଚକମା ଦେବାକୁ ମାଷ୍ଟରପ୍ଲାନ୍ କରିଥିଲେ। ନମ୍ବର ପ୍ଲେଟ୍ ବଦଳାଇ ଗଞ୍ଜେଇ ଚାଲାଣ ବେଳେ ୨ ବେପାରୀଙ୍କୁ ଧରିଛି ଗୁଇନ୍ଦା ବିଭାଗ।

ସୂଚନା ଅନୁଯାୟୀ, ସିକ୍ରେଟ ଚାମ୍ବରରେ ଗଞ୍ଜେଇ ଚାଲାଣ କରୁଥିଲେ ଦୁଇ ରାଜସ୍ଥାନୀ ଯୁବକ । ସେମାନଙ୍କ ଠାରୁ ୫୦୦ କିଲୋର ଗଞ୍ଜେଇ ଜବତ କରାଯାଇଛି। ତେବେ ଏ ଦୁହେଁ ଗଞ୍ଜେଇ ଧରି ପାଟପୁର ଥାନା କୃଷ୍ଣପୁର ଅଞ୍ଚଳରୁ ଗଞ୍ଜେଇ  ନେଇ ଯାଉଥିଲେ।

ତେବେ ସେମାନେ ଆଳୁ ଟ୍ରକରେ ଗଞ୍ଜେଇ ଚାଲାଣ କରୁଥିବା ନେଇ ଜଣାପଡିଛି ।

ଗାନ୍ଧୀ ଜୟନ୍ତୀରେ ସାଇକେଲ ରାଲି ଆୟୋଜିତ

ବାରିପଦା: ଗାନ୍ଧୀ ଜୟନ୍ତୀରେ ବାଘ ସୁରକ୍ଷାର ବାର୍ତ୍ତା। ସେଭ୍‌ ଟାଇଗର ଉଦେଶ୍ୟରେ ଦେଶର ବିଭିନ୍ନ ଟାଇଗର ରିଜର୍ଭରେ ସାଇକେଲ ରାଲି ଆୟୋଜିତ ହୋଇଥିବା ଦେଖିବାକୁ ମିଳିଛି।

ବାରିପଦାର ଶିମିଳିପାଳ ବ୍ୟାଘ୍ର ସଂରକ୍ଷଣ କାର୍ଯ୍ୟାଳୟ ପକ୍ଷରୁ ମଧ୍ୟ ଏକ ସାଇକେଲ ରାଲି କରାଯାଇଥିଲା । ଏହି କାର୍ଯ୍ୟକ୍ରମରେ ରାଜ୍ୟସଭା ସାଂସଦ ମମତା ମହାନ୍ତ, ଜିଲ୍ଲାପାଳ ବିନୀତ ଭରଦ୍ୱାଜ, ଉପଜିଲ୍ଲାପାଳ ଅନ୍ୟା ଦାସ ଓ ପିଡ଼ି ଡିଆରଡିଏ ଅନ୍ୱେଷା ରେଡ୍ଡୀ ସବୁଜ ପତାକା ଦେଖାଇ ଶୁଭାରମ୍ଭ କରିଥିଲେ। ପରେ ସାଇକେଲ ରାଲି ବାରିପଦା ସହର ପରିକ୍ରମା କରିଥିଲା।

ଜାତୀୟ ସ୍ତରୀୟ ପ୍ରଗତିଶୀଳ ତାଲିକାର ଶୀର୍ଷରେ ଗଜପତି

ଭୁବନେଶ୍ୱର: କେନ୍ଦ୍ର ନିତି ଆୟୋଗଙ୍କ ଜାତୀୟ ସ୍ତରରେ ପ୍ରଗତିଶୀଳ ତାଲିକାର ଶୀର୍ଷରେ ରହିଛି ଗଜପତି ଜିଲ୍ଲା। ୧୧୨ଟି ଜିଲ୍ଲାକୁ ନେଇ ପ୍ରସ୍ତୁତ ସର୍ଭେ ଅନୁସାରେ ଗଜପତି ଜିଲ୍ଲା ପ୍ରଥମ ସ୍ଥାନ ହାସଲ କରିଛି।

ଗତ ତିନି ମାସ ମଧ୍ୟରେ ହୋଇଥିବା ସ୍ବାସ୍ଥ୍ୟ, ପୋଷଣ, ଶିକ୍ଷା, କୃଷି ଓ ଜଳସମ୍ପଦ ଓ ମୈଳିକ ଭିତ୍ତିଭୂମି ବିକାଶ ଆଦି କ୍ଷେତ୍ରରେ ହେଉଥିବା ସକାରାତ୍ମକ ପ୍ରତିଯୋଗିତାରେ ଅଗଷ୍ଟ ମାସର ଡେଲଟା ରେଟିଂ ପ୍ରକାଶିତ ହୋଇଛି। ଯେଉଁଥିରେ ପ୍ରଥମ ସ୍ଥାନ ହାସଲ କରି ଶୀର୍ଷରେ ରହିଛି ଗଜପତି ଜିଲ୍ଲା।

କୃଷି ଓ ଜଳସମ୍ପଦ ବିକାଶ କ୍ଷେତ୍ରରେ ପ୍ରଥମ ସ୍ଥାନ ଅଧିକାର କରିଥିବା ବେଳେ ମୈାଳିକ ଭିତ୍ତିଭୂମି ବିକାଶ କ୍ଷେତ୍ରରେ ସର୍ବଭାରତୀୟ ସ୍ତରରେ ଗଜପତି ଜିଲ୍ଲା ଦ୍ବିତୀୟ ସ୍ଥାନରେ ରହିଛି। ଦେଶରେ ସାମଗ୍ରିକ ଭାବେ ପ୍ରଥମ ସ୍ଥାନ ଅଧିକାର କରିଥିବା ଯୋଗୁଁ ୫କୋଟି ଓ ବିଷୟ ଭିତ୍ତିରେ ପ୍ରଥମ ଓ ଦ୍ବିତୀୟ ସ୍ଥାନ ହାସଲ କରିଥିବା ଯୋଗୁ ଅତିରିକ୍ତ ୬କୋଟି ଅର୍ଥରାଶି ଅନୁଦାନ ଗଜପତି ଜିଲ୍ଲା ପାଇବ ବୋଲି ସୂଚନା ମିଳିଛି।

ଏନେଇ ଗଜପତି ଜିଲ୍ଲାପାଳ ଜିଲ୍ଲାର ସମସ୍ତ କର୍ମଚାରୀଙ୍କୁ ସୂଚନା ଦେଇଛନ୍ତି । କର୍ମଚାରୀଙ୍କୁ ଉତ୍ସାହିତ କରିବା ସହ ଅପହଞ୍ଚ ଇଲାକାର ସାମୁହିକ ବିକାଶ ପାଇଁ ସମସ୍ତଙ୍କ ମିଳିତ ଉଦ୍ୟମ ପାଇଁ ଆହ୍ବାନ ଦେଇଛନ୍ତି।

ଦୀର୍ଘ ଦେଢ଼ ବର୍ଷ ପରେ ଖୋଲିଛି ଏକାମ୍ର ହାଟ

ଭୁବନେଶ୍ୱର: ଗାନ୍ଧୀ ଜୟନ୍ତୀ ଅବସରରେ ନୂଆ ରୂପରେ ଖୋଲିଛି ଏକ୍ରାମ ହାଟ। ପାଖାପାଖି ଦୀର୍ଘ ଦେଢ଼ ବର୍ଷ ପରେ ଏକାମ୍ର ହାଟ ଖୋଲିଥିବା ଜଣାପଡିଛି।

କୋଭିଡ କଟକଣା ଯୋଗୁଁ ତଥା ହାଟର ମରାମତି ଓ ପୁନଃରୁଦ୍ଧାର କାର୍ଯ୍ୟ ପାଇଁ ଗତ ୨୦୨୦ ମାର୍ଚ୍ଚ ମାସରୁ ଏକାମ୍ର ହାଟ ବନ୍ଦ ରହିଥିଲା। ହାଟର ପରିଚାଳନା ଦାୟିତ୍ବ ଇଡକୋ ଠାରୁ ସିଡାକକୁ ଦିଆଯାଇଛି । ହାଟରେ ପୂର୍ବଭଳି ସମସ୍ତ କାର୍ଯ୍ୟକ୍ରମ ଚାଲୁ ରହିବ ବୋଲି ଆଜି ମୁଖ୍ୟ ଶାସନ ସଚିବ ଏହାକୁ ଉଦଘାଟନ କରିବାର କାର୍ଯ୍ୟକ୍ରମ ରହିଛି।

ଉତ୍ତରାଖଣ୍ଡରେ ବରଫ ଅତଡା ଧସି ନୗେସେନାର ୫ ଯବାନ ନିଖୋଜ

ଚାମୋଲି: ଉତ୍ତରପ୍ରଦେଶର ଚାମୋଲି ଜିଲ୍ଲାରେ ହିମସ୍ଖଳନ ହୋଇଛି । ଯେଉଁଥିରେ ଭାରତୀୟ ନୗେସେନାର ପର୍ବତାରୋହୀ ଦଳର ୧୦ ଜଣ ବରଫା ଅତଡାରେ ଧସି ଯାଇଥିଲେ। ହେଲେ ପରବର୍ତ୍ତୀ ସମୟରେ ୫ ଜଣ ପର୍ବତାରୋହୀଙ୍କୁ ଉଦ୍ଧାର କରାଯାଇଥିଲା ବେଳେ ସର୍ଚ୍ଚ ଅପରେସନ୍ ଜାରି ରହିଛି ।

ଖବର ପାଇ ଉତ୍ତରକାଶୀ ସ୍ଥିତ ନେହେରୁ ପର୍ବତାରୋହଣ ପ୍ରତିଷ୍ଠାନର ଏକ ଉଦ୍ଧାରକାରୀ ଦଳ ପ୍ରିନ୍ସପାଲ୍ କର୍ଣ୍ଣଲ୍ ଅମିତ ବିଷ୍ଟଙ୍କ ନେତୃତ୍ୱରେ ବିଦାୟ  ଘଟଣାସ୍ଥଳୀକୁ ଯାଇଛନ୍ତି ।

ସୂଚନା ଅନୁଯାୟୀ, ଉତ୍ତରାଖଣ୍ଡର ଚାମୋଲି ଏବଂ ବାଗେଶ୍ୱର ଜିଲ୍ଲାର ଜଙ୍କସନର ୭,୧୨୦ ମିଟର ଉଚ୍ଚ ଶିଖର ମାଉଣ୍ଟ ତ୍ରିଶୂଲ ଅବସ୍ଥିତ | ଭାରତୀୟ ନୗେସେନାର ୨୦ ଜଣିଆ ପର୍ବତାରୋହୀ ଦଳ ଯାଇଥିଲେ। ସେଠାରେ ଶୁକ୍ରବାର ଦିନ ବରଫ ଅତଡା ଧସିବାରୁ ଦଶ ଜଣ ପର୍ବତାରୋହୀ ନିଖୋଜ ହୋଇଯାଇଥିଲେ।

ଆଜି ଦେଶ ପାଳୁଛି ଗାନ୍ଧୀ ଜୟନ୍ତୀ, ଶ୍ରଦ୍ଧାଞ୍ଜଳି ଜଣାଇଲେ ପ୍ରଧାନମନ୍ତ୍ରୀ ଓ ମୁଖ୍ୟମନ୍ତ୍ରୀ

ନୂଆଦିଲ୍ଲୀ: ଆଜି ହେଉଛି ଜାତିର ପିତା ମହାତ୍ମାଗାନ୍ଧୀ ଓ ଶାସ୍ତ୍ରୀଙ୍କ ଜନ୍ମ ଜୟନ୍ତୀ । ଅକ୍ଟୋବର ୨ ତାରିଖ ୧୮୬୯ ମସିହାରେ ଗୁଜୁରାଟର ପୋରବନ୍ଦରରେ ଜନ୍ମଗ୍ରହଣ କରିଥିଲେ ବାପୁ । ଦେଶକୁ ଇଂରେଜ ଶାସନରୁ ମୁକ୍ତ କରିଥିବା ମହାନ ଯୁଗପୁରୁଷ ହେଉଛନ୍ତି ମହାତ୍ମା ଗାନ୍ଧୀ । ଅହିଂସା ଉପାୟରେ ଦେଶରୁ ଇରେଜ ସରାକରଙ୍କୁ ତଡ଼ି ସ୍ୱାଧୀନତା ଆଣିଥିବା ମହାନ ପୁରୁଷ ହେଉଛନ୍ତି ଜାତିର ଜନକ ମହାତ୍ମା ଗାନ୍ଧୀ ।

ତାଙ୍କ ନେତୃତ୍ୱରେ ହିଁ ଦେଶ ଇଂରେଜମାନଙ୍କ କବଳରୁ ମୁକ୍ତ ହୋଇପାରିଥିଲା। ସେହିପରି ଦେଶର ପୂର୍ବତନ ପ୍ରଧାନମନ୍ତ୍ରୀ ଲାଲ ବାହାଦୂର ଶାସ୍ତ୍ରୀ ଆଜିର ଦିନରେ ଅକ୍ଟୋବର ୨ତାରିଖ ୧୯୦୪ ମସିହାରେ ଜନ୍ମଗ୍ରହଣ କରିଥିଲେ । ଶାସ୍ତ୍ରୀଜୀ ଦେଶର ପ୍ରଧାନମନ୍ତ୍ରୀ ଥିବା ସମୟରେ ପାକିସ୍ତାନ ସହ ଯୁଦ୍ଧଲଢ଼ି ନିଜର ପରାକ୍ରମ ଦେଖାଇପାରିଥିଲା ଭାରତ । ଏହି ଦୁଇ ମହାପୁରୁଷଙ୍କୁ ଜନ୍ମ ଜୟନ୍ତୀରେ ମନେପକାଇ ଶ୍ରଦ୍ଧାଞ୍ଜଳି ଜଣାଉଛି ଭାରତ।

ଏହି ଅବସରରେ ଦୁଇ ମହାନ ବ୍ୟକ୍ତିତ୍ୱଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ।

ପିପିଲି ଉପନିର୍ବାଚନ; କାଲି ଆସିବ ଫଳାଫଳ

ଭୁବନେଶ୍ୱର: କିଏ ଜିତିବ ପିପିଲି ବାଜି ? ଇଭିଏମରେ ପ୍ରାର୍ଥୀଙ୍କ ଭାଗ୍ୟ ସିଲ୍ ହୋଇଥିବା ବେଳେ କାଲି ରେଜଲ୍ଟ ଆସିବ। ଏହି ନିର୍ବାଚନ ଫଳାଫଳ ପୂର୍ବରୁ ତିନି ପ୍ରମୁଖ ରାଜନୈତିକ ଦଳ ବିଜେଡି, ବିଜେପି ଓ କଂଗ୍ରେସ ଭବିଷ୍ୟବାଣୀ କରିଛନ୍ତି । ୨୦୧୪, ୨୦୧୯ ନିର୍ବାଚନ ଅପେକ୍ଷା ଏଥର ପିପିଲିରେ ରେକର୍ଡ ସଂଖ୍ୟକ ମତଦାନ ହୋଇଛି ।

 

ବିଜେଡି ସବୁ ରେକର୍ଡକୁ ଭାଙ୍ଗି ବଡ଼ ବ୍ୟବଧାନରେ ବିଜୟ ଲାଭ କରିବ ବୋଲି ଦମ୍ଭୋକ୍ତି ଦେଖାଇଛି ବିଜେଡି । ବିରୋଧୀ କଂଗ୍ରେସ କହିଛି ପିପିଲିରେ ବିଜେଡି ଏକ ନମ୍ବର, ବିଜେପି ଦ୍ବିତୀୟ ଓ କଂଗ୍ରେସ ତୃତୀୟ ସ୍ଥାନରେ ରହିବ । ସେପଟେ ବିଜେପି କହିଛି ପିପିଲିରେ ଭୋଟ ପ୍ରତିଶତ ବଢିବା ପରିବର୍ତ୍ତନର ସଂକେତ ଦେଉଛି । ପିପିଲି ଉପନିର୍ବାଚନରେ ୧୦ ଜଣ ପ୍ରାର୍ଥୀଙ୍କ ଭିତରେ ଲଢେଇ ହେଉଥିବାବେଳେ ନଜରରେ ରହିଛନ୍ତି ବିଜେଡି, ବିଜେପି ଓ କଂଗ୍ରେସ ପ୍ରାର୍ଥୀ ।

ଗତ ସେପ୍ଟେମ୍ବର ୩୦ ତାରିଖ ସକାଳ ୭ଟାରୁ ଭୋଟ ଗ୍ରହଣ ଆରମ୍ଭ ହୋଇ ସଂଧ୍ୟା ୬ଟା ଯାଏଁ ଚାଲିଥିଲା। ଏହାବ୍ୟତୀତ ୨୦୧ ସମ୍ବେଦନଶୀଳ ବୁଥ୍ ଉପରେ କଡ଼ା ନଜର ରଖାଯାଇଥିବା ବେଳେ ଦିବ୍ୟାଙ୍ଗ ଭୋଟରଙ୍କ ପାଇଁ ସ୍ୱତନ୍ତ୍ର ବ୍ୟବସ୍ଥା କରାଯାଇଥିଲା। ମାଇକ୍ରୋ ଅବଜର୍ଭର ଓ ସେଣ୍ଟ୍ରାଲ ଫୋର୍ସ ମୁତୟନ କରାଯାଇଥିଲା । ଉପନିର୍ବାଚନ ପାଇଁ ୨ହଜାର ୨୦୦ ପୋଲିଂ କର୍ମଚାରୀ ଥିବା ବେଳେ ୨ହଜାର ପୋଲିସ, ୩୨ଟି ମୋବାଇଲ ପାର୍ଟି ମଧ୍ୟ ନିୟୋଜିତ ହୋଇଥିଲେ ।

ଅକ୍ଟୋବର ୨୬ରେ ବିବାହ କରିବେ ଜାପାନ ରାଜକୁମାରୀ

ଟୋକିଓ: ଆସନ୍ତା ଅକ୍ଟୋବର ୨୬ ତାରିଖରେ ବିବାହ ବନ୍ଧନରେ ଆବଦ୍ଧ ହେବେ ଜାପାନ ରାଜକୁମାରୀ ମାକୋ । ନିଜର ସହପାଠୀ କେଇ କୋମୁରୋଙ୍କୁ ବିବାହ କରିବା ପରେ ତାଙ୍କ ରାଜକୀୟ ମାନ୍ୟତା ପ୍ରତ୍ୟାହାର ହେବ। ଜାପାନର ପୂର୍ବତନ ସମ୍ରାଟ ଆକିହିତୋଙ୍କ ୨୯ ବର୍ଷ ବୟସ୍କା ନାତୁଣୀଙ୍କ ବିବାହକୁ ନେଇ ଦେଶରେ ଲାଗିଥିଲା ଚର୍ଚ୍ଚା ।

୨୦୧୭ ମସିହାରେ ରାଜକୁମାରୀ ମାକୋ ତାଙ୍କର କଲେଜ ସହପାଠୀ କୋମୁରୋଙ୍କ ସହ ପ୍ରେମ ବନ୍ଧନରେ ବାନ୍ଧି ହୋଇଥିଲେ । ରାଜକୁମାରୀ ତାଙ୍କ ପ୍ରେମିକଙ୍କ ବିଷୟରେ ଜନସାଧାରଣଙ୍କ ସମାଲୋଚନାର ସମ୍ମୁଖୀନ ହେବା ପୂର୍ବରୁ ୧୫୦ ମିଲିୟନ୍ ୟେନ୍ ବା ୧୩ ଲକ୍ଷ ଡଲାର ଦେୟ ଛାଡିବାକୁ ଇଚ୍ଛା ପ୍ରକାଶ କରିଥିଲେ । ଫଳରେ ସରକାର ତାଙ୍କ ଇଚ୍ଛାକୁ ଗ୍ରହଣ କରିବାକୁ ନିଷ୍ପତ୍ତି ନେଇଥିଲେ।

ଜାପାନର ପୁରୁଷପ୍ରାଧାନ୍ୟ ରାଜପରିବାରର ନିୟମ ଅନୁସାରେ ଜଣେ ସଦସ୍ୟ ଯଦି ରାଜପରିବାର ବାହାରେ ବିବାହ କରିବେ ତେବେ ତାଙ୍କ ନିକଟରୁ ରାଜକୀୟ ମାନ୍ୟତା ପ୍ରତ୍ୟାହୃତ ହେବ।

ମଧ୍ୟପ୍ରଦେଶରେ ବର୍ବରତା; ମୂକ ଓ ବଧିର ନାବାଳିକାଙ୍କୁ ଦୁଷ୍କର୍ମ

ଭୋପାଳ: ମଧ୍ୟପ୍ରଦେଶରେ ଅମାନୁଷିକତା ଓ ବର୍ବରତା। ଜଣେ ମୂକ ଓ ବଧିର ନାବାଳିକାଙ୍କୁ ୬ଜଣ ଦୁଷ୍କର୍ମ କରିଥିବା ବେଳେ ସେମାନଙ୍କ ମଧ୍ୟରେ ଅଛନ୍ତି ୪ ନାବାଳକ। ମଧ୍ୟପ୍ରଦେଶର ସହଦୋଲରେ ଘଟିଛି ଏଭଳି ଅମାନୁଷିକ ଘଟଣା ।

ସୂଚନା ଅନୁସାରେ ନାବାଳିକା ଜଣକ ମୁକ ଓ ବଧିର ହୋଇଥିବା ଯୋଗୁଁ ଅଭିଯୁକ୍ତଙ୍କ ବିଷୟରେ କହିପାରିନଥିଲେ । କିନ୍ତୁ ଦୁଷ୍କର୍ମ ସମୟର ଫଟୋ ଅଭିଯୁକ୍ତ ମାନେ ଭାଇରାଲ କରିଥିଲେ। ଯେଉଁ ଫଟୋରୁ ସେମାନଙ୍କୁ ଚିହ୍ନଟ କରାଯାଇପାରିଥିଲା।

ପୋଲିସର କହିବାନୁଯାୟୀ, ନାବାଳିକା ଜଣକ ଘରେ ଥିବାବେଳେ ଅଭିଯୁକ୍ତମାନେ ତାକୁ ପ୍ରଲୋଭିତ କରି ଦୂରକୁ ନେଇଯାଇଥିଲେ । ପରେ ତାକୁ ଏକ କୁଡିଆରେ ଦୁଷ୍କର୍ମ କରିଥିଲେ ।  ପରେ ଅଭିଯୁକ୍ତମାନେ ଭାଇରାଲ କରିଥିବା ଫଟୋ ମଧ୍ୟରୁ ଜଣକୁ ନାବାଳିକାଟି ଚିହ୍ନଟ କରିବା ପରେ ଅଭିଯୁକ୍ତମାନେ ଧରାପଡିଥିଲେ । ପୀଡିତାଙ୍କ ମା କୋତଓ୍ବାଲି ଥାନାରେ ମାମଲା ଦାୟର କରିବା ପରେ ଘଟଣାର ତଦନ୍ତ କରାଯାଉଛି । ତଦନ୍ତ ଅନୁସାରେ ସମସ୍ତ ୬ ଅଭିଯୁକ୍ତଙ୍କୁ ଗିରଫ କରାଯାଇଥିବା ନେଇ କହିଛନ୍ତି ପୋଲିସ ଏସପି ଅବଧେଶ ଗୋସ୍ବାମୀ ।