spot_img
Home Blog Page 5290

ଝିଅକୁ ନୁହେଁ ପ୍ରେସର କୁକରକୁ ବାହା ହେଲେ ଯୁବକ

ନୂଆଦିଲ୍ଲୀ: ବିବାହ ଦିନ ସମସ୍ତଙ୍କ ପାଇଁ ସ୍ୱତନ୍ତ୍ର ହୋଇଥାଏ । ସେ ପୁଅ ହେଉ କିମ୍ବା ଝିଅ, ବିବାହକୁ ନେଇ ଉଭୟଙ୍କର ଅନେକ ସ୍ୱପ୍ନ ରହିଥାଏ । କେବଳ ଏତିକି ନୁହେଁ ସମସ୍ତେ ଚାହାଁନ୍ତି ସେମାନଙ୍କ ଲାଇଫ୍ ପାର୍ଟନର ଲଭିଂ ଓ କେୟାରିଂ ହେଉ ବୋଲି।

କିନ୍ତୁ ବିବାହର ଏଭଳି ଏକ ମାମଲା ସାମ୍ନାକୁ ଆସିଛି ଯାହା ସମସ୍ତଙ୍କୁ ଚକିତ କରିଛି।  ଏଭଳି ଏକ ମାମଲା ଦେଖିବାକୁ ମିଳିଛି ଇଣ୍ଡୋନେସିଆରେ । ଜଣେ ଯୁବକ ଝିଅକୁ ନୁହେଁ ବରଂ ଏକ ଇଲେକ୍ଟି୍ରକ୍ ପ୍ରେସର କୁକରକୁ ବିବାହ କରିଛନ୍ତି । ସୋସିଆଲ୍ ମିଡିଆରେ ବିବାହର ଫଟୋ ଶେୟାର କରିବା ପରେ ଖୁବ୍ ଭାଇରାଲ୍ ହେବାରେ ଲାଗିଛି।

ଏହି ବ୍ୟକ୍ତିଙ୍କ ନାମ ଖୋଇରୁଲ ଅନାମ ହୋଇଥିବା ବେଳେ ସେ ନିଜ ବିବାହ ଫଟୋକୁ ସୋସିଆଲ୍ ମିଡିଆରେ ଶେୟାର କରିଛନ୍ତି ।

ଏହି ଫଟୋରେ ଯୁବକ ଜଣକ ବିବାହ ପୋଷାକ ପିନ୍ଧିଥିବା ବେଳେ ହାତରେ ପ୍ରେସର କୁକର ଧରିଛନ୍ତି । ଏହି ଚିତ୍ର ଟ୍ୱିଟରରେ @lagidirumah ନାମକ ଏକ ଆକାଉଣ୍ଟ ସହିତ ସେୟାର କରାଯାଇଛି |

GST ସଂଗ୍ରହରେ ଓଡ଼ିଶାର ଆଉ ଏକ ରେକର୍ଡ, ଗତବର୍ଷ ଅପେକ୍ଷା ୪୦% ଅଧିକ

ଭୁବନେଶ୍ୱର: ଓଡ଼ିଶାର ଆଉ ଏକ ରେକର୍ଡ । କୋଭିଡ୍‌ ସ୍ଥିତି ସତ୍ତ୍ୱେ ଚଳିତ ଆର୍ଥିକବର୍ଷର ଦ୍ୱିତୀୟ ତ୍ରୟମାସିକ ଶେଷସୁଦ୍ଧା ୩ ହଜାର ୩୨୬ କୋଟି ଟଙ୍କା ଜିଏସ୍‌ଟି ସଂଗ୍ରହ ହୋଇଛି । ଯାହା ଗତବର୍ଷ ତୁଳନାରେ ୪୦ ପ୍ରତିଶତ ଅଧିକ । ସର୍ବଭାରତୀୟ ସ୍ତରରେ ଓଡ଼ିଶାର ରାଜସ୍ୱ ସଂଗ୍ରହ ୨୩ ପ୍ରତିଶତ ଅଭିବୃଦ୍ଧି ପାଇଛି । ବିଶେଷଜ୍ଞ କହିଛନ୍ତି, ଅନଲକ୍‌ ପରେ ବଜାର ଅବସ୍ଥା ସୁଧୁରିଛି। ଆଉ ଲକଡାଉନ୍‌ ସ୍ଥିତି ନଆସିଲେ, ଆଗକୁ ଲୋକଙ୍କ କ୍ରୟ ଶକ୍ତି ବଢ଼ିବ ଓ ଅଧିକ ରାଜସ୍ୱ ସଂଗ୍ରହ ହେବ ।

କୋଭିଡରେ ପ୍ରଭାବିତ ହୋଇଛି ଜୀବନଜୀବିକା । କିନ୍ତୁ ପ୍ରଭାବିତ ହୋଇନି ରାଜ୍ୟ ଅର୍ଥନୀତି । ଗତବର୍ଷ ଅପେକ୍ଷା ଚଳିତବର୍ଷ ଜିଏସଟି ସଂଗ୍ରହରେ ରେକର୍ଡ କରିଛି ଓଡ଼ିଶା । ୨୦୨୦ ସେପ୍ଟେମ୍ବର ଶେଷରେ ଜିଏସଟି ଆଦାୟ ପରିମାଣ ଥିଲା ୨ ହଜାର ୩୮୪ କୋଟି ଟଙ୍କା । ଏବର୍ଷ ସେପ୍ଟେମ୍ବର ଶେଷ ସୁଦ୍ଧା ଆଦାୟ ହୋଇଛି ୩ ହଜାର ୩୨୬ କୋଟି । ଯାହାକି ଗତବର୍ଷ ଅପେକ୍ଷା ୪୦ ପ୍ରତିଶତ ଅଧିକ । ସର୍ବଭାରତୀୟ ସ୍ତରରେ ଓଡ଼ିଶାର ରାଜସ୍ୱ ସଂଗ୍ରହ ୨୩ ପ୍ରତିଶତ ବଢ଼ିଛି । ଗତ ସେପ୍ଟେମ୍ବର ଶେଷସୁଦ୍ଧା ଦେଶରେ ୧ ଲକ୍ଷ ୧୭ ହଜାର ୧୦ କୋଟି ଟଙ୍କାର ଜିଏସଟି ସଂଗ୍ରହ ହୋଇଛି । ମହାମାରୀ ସତ୍ତ୍ୱେ ରାଜ୍ୟରେ ଖଣିଜ କାରବାର ଜାରି ଥିବାରୁ ରାଜସ୍ୱ ସଂଗ୍ରହ ବଢ଼ିଛି ।

Odisha Collects Rs 3326 Crore GST Till September 2021

୨୦୨୦-୨୧ ଆର୍ଥିକ ବର୍ଷର ପ୍ରଥମ ଓ ଦ୍ୱିତୀୟ ତ୍ରୟମାସିକରେ ଲକ୍‌ଡାଉନ୍‌ ଯୋଗୁ ଜିଏସ୍‌ଟି ସଂଗ୍ରହ କମିଥିଲା । କିନ୍ତୁ ଏବର୍ଷ ସରକାର ଜୀବନ ସହିତ ଜୀବିକାକୁ ଗୁରୁତ୍ୱ ଦେଇ ଆଂଶିକ ଲକ୍‌ଡାଉନ୍‌ କରିଥିଲେ । ଏବେ ସବୁ ଖୋଲିଲାଣି । ଯେଉଁଥି ପାଇଁ ୨୦୨୧-୨୨ ଆର୍ଥିକ ବର୍ଷର ଦୁଇଟିଯାକ ତ୍ରୟମାସିକରେ ଜିଏସଟି ସଂଗ୍ରହ ଯଥେଷ୍ଟ ବଢ଼ିଛି ।

ଏହାଛଡ଼ା ସରକାର ବିଭିନ୍ନ ପ୍ୟାକେଜ ଦେବା ଦ୍ୱାରା ବଜାରରେ ବଢ଼ିଛି ନଗଦ କାରବାର । ଏଭଳି ସ୍ଥିତି ରହିଲେ ଜିଏସଟି ସଂଗ୍ରହ ଆହୁରି ବଢ଼ିବ ବୋଲି ବଜାର ବିଶେଷଜ୍ଞ ମତ ଦେଇଛନ୍ତି । ଓଡ଼ିଶା ସମେତ ସିକ୍କିମ୍‌, ଝାଡଖଣ୍ଡ ଓ କେନ୍ଦ୍ରଶାସିତ ଅଞ୍ଚଳ ଲଦାଖରୁ କେନ୍ଦ୍ର ସରକାର ଉଲ୍ଲେଖନୀୟ ଜିଏସ୍‌ଟି ସଂଗ୍ରହ କରିଛନ୍ତି ।

କୋରାପୁଟ କଫି କାଫେର ଶୁଭାରମ୍ଭ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ

ଭୁବନେଶ୍ୱର: କୋରାପୁଟ କଫି କାଫେର ଶୁଭାରମ୍ଭ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଭିଡିଓ କନଫରେନ୍ସିଂ ଯୋଗେ କୋରାପୁଟ କଫି କାଫେର ଶୁଭାରମ୍ଭ କରିଛନ୍ତି ମୁଖ୍ୟମନ୍ତ୍ରୀ । ଏହାସହ ଇ-କମର୍ସ ପୋର୍ଟାଲର ଶୁଭାରମ୍ଭ କରିଛନ୍ତି ମୁଖ୍ୟମନ୍ତ୍ରୀ। ‘କୋରାପୁଟ କଫି’ ବିକ୍ରି କରିବା ପାଇଁ ‘ଟାଟା କଫି’ ସହମତି ପ୍ରକାଶ କରିଛି। କଫି ଚାଷୀଙ୍କ ସାମାଜିକ-ଆର୍ଥିକ ଉନ୍ନତିରେ ଏହା ବଡ଼ ଭୂମିକା ନିର୍ବାହ କରିବ ବୋଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହିଛନ୍ତି । କୋରାପୁଟ ଜିଲ୍ଲାର ଏକ ନିର୍ଦ୍ଦିଷ୍ଟ ଅଞ୍ଚଳରେ କଫି ଉତ୍ପାଦନ ହେଉଥିବା ବେଳେ, ଟିଡିସିସିଓଏଲର ପ୍ରୟାସରେ ଓଡ଼ିଶାରୁ କଫି କ୍ରୟ କରିବାକୁ ଯାଉଛି ଟାଟା କଫି ।

CM Naveen Inaugurates Koraput Coffee Cafe

କୋରାପୁଟ କଫି ଜରିଆରେ ଆଦିବାସୀଙ୍କ ଜୀବିକା ସୁରକ୍ଷିତ କରିବା ପାଇଁ ରାଜ୍ୟ ସରକାର ସ୍ୱତନ୍ତ୍ର ଯୋଜନା ପ୍ରସ୍ତୁତ କରିଛନ୍ତି। କଫି ଚାଷୀଙ୍କୁ ୪୬ ହଜାର ଏକର ଜଙ୍ଗଲ ଜମି ଅଧିକାର ପ୍ରଦାନ କରାଯାଇଛି। ୨୦୨୦-୨୧ରେ କୋରାପୁଟ ଜିଲ୍ଲାର ଲକ୍ଷ୍ମୀପୁର, କାଶୀପୁର, ଦଶମନ୍ତପୁର, ନନ୍ଦପୁର, ଲମଟାପୁଟ, କୋରାପୁଟ ଓ ପଟ୍ଟାଙ୍ଗି ବ୍ଲକର ୧୯୩ ଜଣ ଆଦିବାସୀ କଫି ଚାଷୀଙ୍କଠାରୁ ଟିଡିସିସିଓଏଲ ୨୮ ହଜାର ୭୯୦ କେଜି କଫି ଚେରି ସଂଗ୍ରହ କରିଛି। ୨୦୨୧-୨୨ ବର୍ଷରେ ଅଧିକ ୮୦ ହେକ୍ଟର ଜମିରେ କଫି ଉତ୍ପାଦନ ପାଇଁ ଲକ୍ଷ୍ୟ ରହିଛି। ଚଳିତବର୍ଷ କଫି ଉତ୍ପାଦନକାରୀଙ୍କୁ ଦକ୍ଷତା ବୃଦ୍ଧି ତାଲିମ ଦିଆଯାଇଥିବାରୁ ଆଗାମୀ ଦିନରେ କଫି ଉତ୍ପାଦନ ବୃଦ୍ଧି ପାଇବ ବୋଲି ଆଶା ରଖାଯାଇଛି ।

ସିଙ୍ଗଲ୍ ୱିଣ୍ଡୋ ବୈଠକରେ ୧୪୧୧ କୋଟିରୁ ଅଧିକ ଟଙ୍କାର ପ୍ରକଳ୍ପକୁ ମଞ୍ଜୁରୀ

ଭୁବନେଶ୍ୱର: ମୁଖ୍ୟ ଶାସନ ସଚିବ ସୁରେଶ ଚନ୍ଦ୍ର ମହାପାତ୍ରଙ୍କ ଅଧ୍ୟକ୍ଷତାରେ ବସିଥିବା ସିଙ୍ଗଲ୍ ୱିଣ୍ଡୋ ବୈଠକରେ ୧୪୧୧ କୋଟି ଟଙ୍କାର ୯ଟି ପ୍ରକଳ୍ପକୁ ମଞ୍ଜୁରୀ ମିଳିଛି । ଏହିସବୁ ପ୍ରକଳ୍ପରେ ୨୮୪୬ ଜଣଙ୍କ ପାଇଁ ନିଯୁକ୍ତି ସୁଯୋଗ ସୃଷ୍ଚି ହେବ । ମୁଖ୍ୟତଃ ଖାଦ୍ୟ ପ୍ରକ୍ରିୟାକରଣ, ସାର, ଇସ୍ପାତ ଡାଉନ ଷ୍ଟ୍ରିମ୍ ପ୍ରକଳ୍ପ ରହିଛି । ଗଞ୍ଜାମ ଗୋପାଳପୁର ଏସଇଜେଡରେ ସମୁଦ୍ର ପାଣିରୁ ମଧୁର ଜଳ ପ୍ରସ୍ତୁତ ପାଇଁ ୧୦୭ କୋଟି ଟଙ୍କା ନିବେଶ କରିବ ଟାଟା । ବର୍ଷକୁ ୫ ହଜାର ୪୭୫ ନିୟୁତ ଲିଟର ମଧୁର ଜଳ ଉତ୍ପାଦନ ହେବ ।

ସେହିପରି କୋଣାର୍କରେ ସି-ସ୍କୋପ୍ କମ୍ପାନୀ ୧୦୦ କୋଟି ଟଙ୍କା ଖର୍ଚ୍ଚ କରି ହୋଟେଲ ନିର୍ମାଣ କରିବ । ବାରଙ୍ଗରେ ଡ୍ରେନେଜ୍ ଏବଂ ସ୍ୱେଜ ବ୍ୟବସ୍ଥାରେ ବ୍ୟବହୃତ ହେଉଥିବା ଉପକରଣ ପାଇଁ କାରଖାନା ନିର୍ମାଣ ହେବ । ଓଡ଼ିଶା କଂକ୍ରିଟ ପ୍ରା.ଲି ଏଥିରେ ୫୪.୪୨ କୋଟି ଟଙ୍କା ନିବେଶ କରିବାକୁ ଥିବାବେଳେ ୧୦୬ ଜଣଙ୍କୁ ନିଯୁକ୍ତି ମିଳିବ । ବାରିପଦାରେ ୫୫ କୋଟି ଟଙ୍କାର ଖର୍ଚ୍ଚରେ ଅତ୍ୟାଧିୁନିକ ଟେକନୋମେକ କାରଖାନା ସମ୍ପ୍ରସାରିତ ହେବ । ଏଥିରେ ୫୬୮ ଜଣଙ୍କୁ ନିଯୁକ୍ତି ମିଳିବ ।

ସେହିପରି ଅନୁଗୁଳ, ବରଗଡ଼, ଯାଜପୁର, ଝାରସୁଗୁଡ଼ା ଏବଂ ସମ୍ବଲପୁରରେ ୩୧୯ କୋଟି ଟଙ୍କା ବ୍ୟୟରେ ବାୟୋ ଗ୍ୟାସ କାରଖାନା ହେବ । ଏଥିରେ ୧୨୫୦ ଜଣଙ୍କ ଲାଗି ନିଯୁକ୍ତି ସୁଯୋଗ ସୃଷ୍ଟି ହେବ । ଏହାସହ କଳାହାଣ୍ଡିର ଜୁନାଗଡ଼ରେ ୨୩୫ କୋଟି ଟଙ୍କା ଖର୍ଚ୍ଚରେ ଇଥାନଲ ଉତ୍ପାଦନ ହେବ । ଏଥିରେ ନିଯୁକ୍ତି ପାଇବେ ୨୦୦ ଜଣ । ପାରାଦୀପ ଇଫକୋରେ ବର୍ଷକୁ ୩୩ ହଜାର କିଲୋ ଲିଟର କ୍ଷମତା ବିଶିଷ୍ଟ ନୂଆ ୟୁରିଆ ୟୁନିଟ ତିଆରି ହେବ । ଯେଉଁଥିରେ ୨୦୦ ଲୋକ କାମ ପାଇବ । ଏହିସବୁ ପ୍ରକଳ୍ପ କିପରି ଖୁବଶୀଘ୍ର ଆରମ୍ଭ ହୋଇପାରିବ ସେଥିପାଇଁ ପଦକ୍ଷେପ ନେବାକୁ ମୁଖ୍ୟ ଶାସନ ସଚିବ ନିର୍ଦ୍ଦେଶ ଦେଇଛନ୍ତି ।

ଖୁବ୍‌ଶୀଘ୍ର ଆସୁଛି କରୋନା ବଟିକା; କମାଇବ ମୃତ୍ୟୁ ଆଶଙ୍କା

ନୂଆଦିଲ୍ଲୀ: ଖୁବ୍‌ଶୀଘ୍ର ଆସୁଛି କରୋନା ବଟିକା। ସଂକ୍ରମିତଙ୍କ ଗୁରୁତର ଆଶଙ୍କାକୁ ୫୦ ପ୍ରତିଶତ କମାଇବ ଏହି ବଟିକା। ମେଡିକାଲରେ ଆଡମିଶନ କରିବା ପାଇଁ ମଧ୍ୟ ଆବଶ୍ୟକ ପଡିବ ନାହିଁ । ମର୍କ, ଫାଇଜର ଏବଂ ରୋଚେ କମ୍ପାନୀ ମିଳିତ ଭାବେ ପ୍ରସ୍ତୁତ କରିଛନ୍ତି ଔଷଧ । ଏହାର ନାଁ ରଖାଯାଇଛି ମୋଲନୁପିରାଭିର।

ସୂଚନା ଅନୁଯାୟୀ, ସଂକ୍ରମଣର ୫ଦିନ ମଧ୍ୟରେ ଏହି ଔଷଧକୁ ଖାଇବାକୁ ପଡିବ। ଏଫଡିଏର ଅନୁମତି ମିଳିଲେ ଜରୁରିକାଳୀନ ବ୍ୟବହାର କରାଯିବ । ଅନ୍ୟ କୌଣସି ରୋଗରେ ପୀଡିତ ଥିଲେ ମଧ୍ୟ କାମ କରିବ ଏହି ମୋଲନୁପିରାଭିର। କରୋନା ସଂକ୍ରମିତଙ୍କ ଉପରେ ଏହି ଔଷଧ ପରୀକ୍ଷଣ ହୋଇଥିବା ବେଳେ ଏହା ସଫଳ ହୋଇଥିବା ମର୍କ କମ୍ପାନୀ ପକ୍ଷରୁ କୁହାଯାଇଛି।

ଟିକା ନେଇଥିଲେ ବି କ୍ୱାରେଣ୍ଟାଇନରେ ରହିବେ ଭାରତ ଆସୁଥିବା ବ୍ରିଟେନ ନାଗରିକ

ନୂଆଦିଲ୍ଲୀ: କରୋନା ଭାଇରସକୁ ପ୍ରତିହତ କରିବା ଲାଗି ସବୁଠାରୁ ବଡ ଅସ୍ତ୍ର ପାଲଟିଛି ଭ୍ୟାକ୍ସିନ୍ । ଏହି ପରିପ୍ରେକ୍ଷୀରେ ବ୍ରିଟେନରୁ ଭାରତକୁ ଆସୁଥିବା  ନାଗରିକଙ୍କ ପାଇଁ ସରକାର ନୂଆ ଘୋଷଣା କରିଛନ୍ତି । ଭାରତରେ ପହଞ୍ଚିବା ପରେ ନାଗରିକ ମାନଙ୍କୁ ୧୦ ଦିନ ଯାଏଁ ବାଧ୍ୟତାମୂଳକ ଭାବେ କ୍ୱାରେଣ୍ଟାଇନ ହେବାକୁ ପଡିବ। ଏଥିସହ ଭାରତରେ ପହଞ୍ଚିବା ମାତ୍ରେ ବ୍ରିଟେନ ନାଗରିକଙ୍କର କୋଭିଡ ଟେଷ୍ଟ ହେବ । ପୂର୍ବରୁ ବ୍ରିଟେନ ମଧ୍ୟ ଭାରତୀୟ ନାଗରିକଙ୍କ ପାଇଁ  କଟକଣା ଜାରି କରିଥିଲା ।

କରୋନା ଟିକା ନେଇ ଭାରତ ଏବଂ ବ୍ରିଟେନ ମଧ୍ୟରେ ବିବାଦ ଲାଗି ରହିଛି। ନିକଟ ଅତୀତରେ ବ୍ରିଟେନ ଭାରତର କରୋନା ଟିକାକୁ ଅନୁମୋଦନ ଦେଇନଥିଲା । ପରେ ଭାରତର କଠୋର ଆଭିମୁଖ୍ୟ ଯୋଗୁଁ ବ୍ରିଟେନ ଭାରତୀୟ ଭ୍ୟାକ୍ସିନକୁ  ମଞ୍ଜୁରୀ ଦେବା ସହ କିଛିଟା କଟକଣା ଲାଗୁ କରିଥିଲା । ଯାହାର ଜବାବ ଦେଇଛି ଭାରତ।

ସୂଚନା ଅନୁଯାୟୀ, ଅକ୍ଟୋବର ୪ ତାରିଖରୁ ବ୍ରିଟେନରୁ ଭାରତକୁ ଆସୁଥିବା ସମସ୍ତ ନାଗରିକଙ୍କୁ ୧୦ ଦିନ ଯାଏଁ କ୍ୱାରେଣ୍ଟାଇନରେ ରହିବାକୁ ପଡିବ। ଏହି ନିୟମ ଉଭୟ ଟିକା ନେଇଥିବା ଓ ନନେଇଥିବା ବ୍ୟକ୍ତିଙ୍କ ପାଇଁ ଲାଗୁହେବ । ଏଥିସହିତ ଯାତ୍ରାର ୭୨ ଘଣ୍ଟା  ପୂର୍ବରୁ କୋଭିଡ RT-PCR ପରୀକ୍ଷା ମଧ୍ୟ କରିବାକୁ ପଡିବ ।

 

ବଡ଼ ବଡ଼ କମ୍ପାନୀ ଉପରେ ବକେୟା ପଡ଼ିଛି ୨୪୧ କୋଟିରୁ ଅଧିକ ଟଙ୍କାର ଜଳକର

ରାଉରକେଲା: ସୁନ୍ଦରଗଡ଼ ଜିଲ୍ଲାର ୩୦ରୁ ଅଧିକ ଶିଳ୍ପ ସଂସ୍ଥା ନିୟମିତ ଜଳକର ଦେଉନଥିବା ଅଭିଯୋଗ ହେଉଛି । ୨୦୨୧ ମାର୍ଚ୍ଚ ମାସ ସୁଦ୍ଧା ଜିଲ୍ଲାରେ ବିଭିନ୍ନ ଫାଇନ୍ ସହିତ ୨୪୧ କୋଟିରୁ ଅଧିକ ଟଙ୍କା ଜଳକର ବାକି ରଖିଥିବା ଆରଟିଆଇ ତଥ୍ୟରୁ ଜଣାପଡ଼ିଛି । ସେପଟେ ଅଧିକ ଫାଇନ୍ ଧାର୍ଯ୍ୟ କରାଯାଇଥିବାରୁ ଶିଳ୍ପପତିମାନେ ବକେୟା ଜଳକର ଦେଉନଥିବା ଶିଳ୍ପ ଓ ବଣିକ ସଂଘ ପକ୍ଷରୁ କୁହାଯାଇଛି । ତେବେ ଜଳକରର ପରିମାଣ ଠାରୁ ଜରିମାନା ଅର୍ଥ ୫ ଗୁଣ ରହିଥିବା ବେଳେ ପୈଠର ନାଁ ଧରୁନାହାଁନ୍ତି କମ୍ପାନୀ ।

Companies In Sundargarh Not Paying Water Tax More Than 241 Crore (3)

ଜିଲ୍ଲାର ଆଧୁନିକ ମେଟାଲିକ୍ ସର୍ବାଧିକ ପେନାଲଟି ସହିତ ୭୩ କୋଟି ୨୪ ଲକ୍ଷ ୬୯ ହଜାର ୭୦ ଟଙ୍କା ବକେୟା ରଖିଛି । କେବଳ ଜଳକର ବାବଦରେ ୧୨ କୋଟି ୫୯ ଲକ୍ଷ ୧୦ହଜାର ୫୫ ଟଙ୍କା ବକେୟା ରଖିଥିବାରୁ ଜରିମାନା ବାବଦରେ ୬୦ କୋଟି ୬୫ ଲକ୍ଷ ୫୯ ହଜାର ୧୫ ଧାର୍ଯ୍ୟ କରାଯାଇଛି । ସେହିପରି ଓସିଏଲ ଆଇରନ୍ ଆଣ୍ଡ ଷ୍ଟିଲ୍ ଜଳକର ଓ ଜରିମାନା ବାବଦରେ ୧୦ କୋଟି ୧୩ ଲକ୍ଷ ୫୯ ହଜାର ୧୦୮ ଟଙ୍କା, ବରସୁଆଁ ଆଇରନ୍ ମାଇନ୍ସ ଟେନସା ଜରିମାନା ସହିତ ୩ କୋଟି ୭୫ ଲକ୍ଷ ୧୭ ହଜାର ୭୭୮ଟଙ୍କା ବକେୟା ରଖିଥିବା ଜଣାପଡ଼ିଛି ।

Companies In Sundargarh Not Paying Water Tax More Than 241 Crore (3)

ବିଆର୍ ସ୍ପଞ୍ଜ ତୁମକେଲା ଜରିମାନା ସହିତ ୩ କୋଟି ୧୫ ଲକ୍ଷ ୨୭ ହଜାର ୨୯୮ ଟଙ୍କା ଓ ଜୟ ଆଇରନ୍ ଆଣ୍ଡ ଷ୍ଟିଲ୍ କାରଖାନାର ଜରିମାନା ସହିତ ୪ କୋଟି ୨୫ ଲକ୍ଷ ୧୮ ହଜାର ୧୫୦ ଟଙ୍କା ବକେୟା ରହିଛି । ସୁନ୍ଦରଗଡ଼ ଜିଲ୍ଲାରେ ୧୪୨ଟି ବଡ଼ବଡ଼ ଶିଳ୍ପ ସଂସ୍ଥା ସହିତ ଖଣି ଓ ହୋଟେଲ ରହିଛି । ତେବେ ୨୦୨୧ ମାର୍ଚ୍ଚ ମାସ ସୁଦ୍ଧା ୪୨ କୋଟି ୯୫ ଲକ୍ଷ ୮୫ ହଜାର ୬୫୪ ଟଙ୍କା ଜଳକର ବକେୟା ରଖିଥିବା ଆରଟିଆଇ ତଥ୍ୟରୁ ଜଣାପଡ଼ିଛି ।

Companies In Sundargarh Not Paying Water Tax More Than 241 Crore (3)

ଜଳକର ଦେଉନଥିବାରୁ ବିଭିନ୍ନ ଶିଳ୍ପସଂସ୍ଥା ଉପରେ ୧୯୮ କୋଟି ୮୪ ଲକ୍ଷ ୧୨ ହଜାର ୭୦୮ ଟଙ୍କା ଜରିମାନା କରାଯାଇଛି । ସେପଟେ ଅଧିକ ଜରିମାନା ଧାର୍ଯ୍ୟ କରାଯାଇଥିବାରୁ ଶିଳ୍ପପତିମାନେ ବକେୟା ଜଳକର ଦେଇପାରୁନଥିବା ରାଉରକେଲା ଶିଳ୍ପ ଓ ବଣିକ ସଂଘ ପକ୍ଷରୁ କୁହାଯାଇଛି । ତେବେ ବାକି ଆଦାୟ ପାଇଁ ପଦକ୍ଷେପ ନିଆଯାଉଥିବା କହିଛନ୍ତି ଜଳସମ୍ପଦ ବିଭାଗ ଅଧିକ୍ଷଣ ଯନ୍ତ୍ରୀ । ଜିଲ୍ଲାରେ ଜରିମାନା ସହିତ ୨୪୧ କୋଟି ୭୯ ଲକ୍ଷ  ୮୬ ହଜାର ୨୮୪ ଟଙ୍କା ବକେୟା ପଡ଼ିଛି ।

କାରରେ ଆସୁଥିଲେ, ଜଙ୍ଗଲରେ ଜୁଆ ଖେଳୁଥିଲେ…

ଗୁଣୁପୁର: ଗୁଣୁପୁର ପୋଲିସକୁ ବଡ଼ ସଫଳତା । ହାଇପ୍ରୋଫାଇଲ୍ ଜୁଆ ଆଡା ଉପରେ ଅତର୍କିତ ଚଢ଼ାଉ କରିଛି ଗୁଣପୁର ପୋଲିସ । ରେଗେଡା ଗାଁ ନିକଟ ଏକ କାଜୁ ଜଙ୍ଗଲରେ ଜୁଆ ଖେଳ ଚାଲୁଥିବା ନେଇ ପୋଲିସ ବିଶ୍ୱସ୍ତ ସୂତ୍ରରୁ ଖବର ପାଇ ଚଢ଼ାଉ କରିଥିଲା ।

Gunupur Police Busted High Profile Gambling, 15 Arrested

ପୋଲିସ ୧୫ ଜଣଙ୍କୁ ଗିରଫ କରିବା ସହ ୧୨ଟି ଦାମୀ କାର୍, ଗୋଟିଏ ଅଟୋ ରିକ୍ସା, ୧୯ଟି ମୋବାଇଲ୍ ଫୋନ, ତାସ୍ ସହ ଜୁଆ ଖେଳରେ ବ୍ୟବହୃତ ରୟେଲ୍ସ କଏନ ଓ ୨ ଲକ୍ଷ ୨୫ ହଜାର ୯୯୦ ଟଙ୍କା ଜବତ କରିଛି ।

Gunupur Police Busted High Profile Gambling, 15 Arrested

ସମସ୍ତ ଜୁଆଡି ଆନ୍ଧ୍ର ଶ୍ରୀକାକୁଲମ ଜିଲ୍ଲା ଓ ପାରଳାଖେମୁଣ୍ଡି ଅଞ୍ଚଳର ବୋଲି ଜଣାପଡ଼ିଛି । ଆଗକୁ ଆହୁରି ଏଭଳି ଜୁଆ ଖେଳ ଉପରେ ପୋଲିସ୍ ତୀକ୍ଷଣ ନଜର ରଖି ରେଡ୍ କରିବ ବୋଲି ପୋଲିସ ସୂଚନା ଦେଇଛି ।

ଦିଲ୍ଲୀ ପହଞ୍ଚିଲା ଓଡ଼ିଶା କଂଗ୍ରେସ କନ୍ଦଳ, ପ୍ରଦୀପ କହିଲେ- ‘ମୁଁ ଦଳ ଛାଡ଼ିବା ଗୁଜବ’

ଭୁବନେଶ୍ୱର: କିଛି ଦିନର ନିରବତା ପରେ ପୁଣି ରାଜ୍ୟ କଂଗ୍ରେସରେ କମ୍ପନ । ଗୋଟିଏ ପଟେ ବିଧାୟକ ମହମ୍ମଦ ମୋକିମଙ୍କ ସରକାରୀ ବାସଭବନରେ ପିସିସି ସଭାପତି ନିରଞ୍ଜନ ପଟ୍ଟନାୟକଙ୍କ ବିରୋଧୀ ଗୋଷ୍ଠୀ ଏକାଠି ହୋଇଛନ୍ତି । ଅନ୍ୟପଟେ କଂଗ୍ରେସର କାର୍ଯ୍ୟକାରୀ ସଭାପତି ପ୍ରଦୀପ ମାଝୀ ଓ ଦଳର ବରିଷ୍ଠ ନେତା ଭକ୍ତ ଦାସ ଦିଲ୍ଲୀରେ କଂଗ୍ରେସ ସାଂସଦ ରାହୁଲ ଗାନ୍ଧୀଙ୍କୁ ଭେଟିଛନ୍ତି ।

Pradeep Majhi And Bhakta Das Met Rahul Gandhi

ରାହୁଲଙ୍କୁ ଭେଟି ଦଳୀୟ ପ୍ରସଙ୍ଗରେ ଆଲୋଚନା କରିଛନ୍ତି ଦୁଇ ନେତା । ଏନେଇ ଭକ୍ତ ଦାସ ପ୍ରତିକ୍ରିୟା ରଖି କହିଛନ୍ତି ରାଜ୍ୟ କଂଗ୍ରସରେ କନ୍ଦଳ ନାହିଁ । ଆସନ୍ତା ଦିନରେ ବହୁତ କିଛି ସୁଧୁରିବ । ଅନ୍ୟପଟେ ବେଶ୍ କିଛି ଦିନ ହେବ ପ୍ରଦୀପ ମାଝୀ ଦଳ ଛାଡ଼ିବା ନେଇ ଚର୍ଚ୍ଚା ହେଉଥିବା ବେଳେ ମୁହଁ ଖୋଲିଛନ୍ତି ପ୍ରଦୀପ ମାଝି । ସେ କଂଗ୍ରେସ ଛାଡ଼ୁନଥିବା କହିଛନ୍ତି ।

ଖାଲି ରାଜ୍ୟ ନୁହେଁ ଦେଶରେ କଂଗ୍ରେସ ଦଳକୁ ମଜଭୁତ୍ କରିବାକୁ ଦଳ ସହ ରହି କାମ କରିବେ ବୋଲି କହିଛନ୍ତି ପ୍ରଦୀପ ମାଝୀ । ମୁଁ ଦଳ ସହ ଅଛି ଆଉ ରହିବି । କଂଗ୍ରେସର ସଂଗଠନକୁ ସଜାଡ଼ିବା ନେଇ ଭକ୍ତ ଦାସ ଓ ପ୍ରଦୀପ ମାଝୀ ରାହୁଲଙ୍କ ସହ କଥା ହୋଇଛନ୍ତି । ଦିଲ୍ଲୀରେ କଂଗ୍ରେସର ଉତ୍ଥାନ ହେଲେ ରାଜ୍ୟରେ ବି ଦଳ ଭଲ ପ୍ରଦର୍ଶନ କରିବ ବୋଲି କହିଛନ୍ତି ପ୍ରଦୀପ ମାଝୀ ।

Pradeep Majhi And Bhakta Das Met Rahul Gandhi

ପିସିସି ସଭାପତି ପରିବର୍ତ୍ତନ ନେଇ ରାହୁଲଙ୍କ ସହ କୌଣସି ଆଲୋଚନା ହୋଇନି । ପଞ୍ଚାୟତ ନିର୍ବାଚନ ପୂର୍ବରୁ ମଧ୍ୟ ପିସିସି ସଭାପତି ପରିବର୍ତ୍ତନର ସମ୍ଭାବନା ନାହିଁ ବୋଲି କହିଛନ୍ତି ପ୍ରଦୀପ । ବାରମ୍ବାର ସଭାପତି ପରିବର୍ତ୍ତନ ପରିବର୍ତ୍ତେ ଦଳକୁ ସଜାଡ଼ିବା ନେଇ ରାହୁଲଙ୍କ ସହ କଥା ହୋଇଛନ୍ତି ।

ଚଣ୍ଡିଗଡ଼ର ହରନାଜ ସନ୍ଧୁ ଜିତିଲେ ମିସ୍ ଡିଭା ୟୁନିଭର୍ସ ୨୦୨୧ ଟାଇଟଲ୍, ମିସ୍ ୟୁନିଭର୍ସ ପାଇଁ କରିବେ ଭାରତର ପ୍ରତିନିଧିତ୍ୱ

ମୁମ୍ବାଇ: ‘ଲିଭା ମିସ୍ ଦିଭା’ର ଗ୍ରାଣ୍ଡ ଫିନାଲେ ବିଜେତା ହୋଇଛନ୍ତି ଚଣ୍ଡୀଗଡର ଝିଅ ହରନାଜ ସନ୍ଧୁ । ମୁମ୍ବାଇରେ ହୋଇଥିବା ଏହି ଆୟୋଜନରେ ବଲିଉଡଷ୍ଟାର ମଲାଇକା ଆରୋରା ଓପନିଂ ପରଫରମା୍ସ ଦେଇଥିଲେ। ଚଳିତ ବର୍ଷ ପାଜେଣ୍ଟର ଭର୍ଚୁଆଲ ହୋଷ୍ଟ କରାଯାଇଥିଲା।  ମିସ୍ ଡିଭା ୟୁନିଭର୍ସ ୨୦୨୧’ର ଟାଇଟଲ ଜିତିବା ପରେ ହରନାଜ ମିସ୍ ୟୁନିଭର୍ସ ୨୦୨୧ ରେ ଭାରତର ପ୍ରତିନିଧିତ୍ୱ କରିବେ।

ମିସ୍ ଦିଭା ୟୁନିଭର୍ସ ୨୦୨୧ ରେ ପୁନେର ରିତିକା ଖତନାନି ସୁପର ନାଚୁରାଲ ୨୦୨୧ ହୋଇଛନ୍ତି। ସେଭଳି ଜୟପୁରର ସୋନଲ କୁକରେଜା ଲିଭା ମିସ୍ ଦିଭାର ଫାଷ୍ଟ ରନ୍‌ର-ଅପ୍ ରହିଛନ୍ତି। ହରନାଜ୍ ମିସ୍ ୟୁନିଭର୍ସ ୨୦୨୧ ରେ ଭାରତର ପ୍ରତିନିଧିତ୍ବ କରିବେ। ୭୦ ତମ ମିସ୍ ୟୁନିଭର୍ସ ପାଜେଣ୍ଟର ଆୟୋଜନ ଚଳିତ ବର୍ଷ ଡିସେମ୍ବରରେ ହେବ। ଗତ ବର୍ଷ ମେକ୍ସିକୋର ମଡେଲ ଆଣ୍ଡ୍ରିୟା ମେଜା ଏହି ଟାଇଟଲ ନିଜ ନାମରେ କରିଥିଲେ। ଚଳିତ ବର୍ଷ ଆଣ୍ଡ୍ରିୟା ନିଜର ମୁକୁଟ ନୂଆ ବିଜେତାଙ୍କୁ ପିନ୍ଧାଇବେ।

ଖବର ଅନୁସାରେ, ହରନାଜ କୌର ସନ୍ଧୁ ଇନଫରମେସନ୍ ଟେକ୍ନୋଲୋଜିର (ଆଇଟି)ର  ଦ୍ବିତୀୟ ବର୍ଷ ଛାତ୍ରୀ। ସେ ୨୦୧୯ର ମିସ୍ ଇଣ୍ଡିଆ ପଞ୍ଜାବ ଟାଇଟଲ ଜିତିଥିଲେ। ଏହାପରେ ସେ ମିସ୍ ଇଣ୍ଡିଆ ପାଜେଣ୍ଟରେ ମଧ୍ୟ ଯୋଗ ଦେଇଥିଲେ।