spot_img
Home Blog Page 5311

ମହା ଅଘୋଡ଼ିରେ ମହାଫାଟ: ଉଦ୍ଧବ ଠାକେରଙ୍କ ବିରୋଧରେ ରାଜ୍ୟପାଳଙ୍କୁ ଭେଟିଲେ କଂଗ୍ରେସ ନେତା

ମୁମ୍ବାଇ: ମହା ଅଘୋଡ଼ିରେ ମହାଫାଟ  । ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକେରଙ୍କ ବିରୋଧରେ ରାଜ୍ୟପାଳଙ୍କୁ ଭେଟିଲେ କଂଗ୍ରେସ ନେତା  । ମୁଖ୍ୟମନ୍ତ୍ରୀ ଆସନରେ ବସିଥିବା ଉଦ୍ଧବ ଠାକେରଙ୍କ କାର୍ଯ୍ୟରେ ଅସନ୍ତୋଷ ପ୍ରକାଶ କରି ଖୋଦ ତାଙ୍କରି ମେଣ୍ଟର ନେତା ମେଳି ବାନ୍ଧିଲେଣି  । କଂଗ୍ରେସ ନେତା ବିଶ୍ୱବନ୍ଧୁ ରାୟ ମହାରାଷ୍ଟ୍ର ରାଜ୍ୟପାଳ ମଗତ ସିଂହ କେଶିୟାରୀଙ୍କୁ ଭେଟିଛନ୍ତି  । ଏବଂ ଉଦ୍ଧବ ଠାକେର କ୍ଷେତ୍ରୀୟ ରାଜନୀତି କରୁଥିବା ଅଭିଯୋଗ ଆଣିଛନ୍ତି  ।

ନିଜର ଭୋଟ ହାର ବଢାଇବା ପାଇଁ ମନମୁତାବକ କାର୍ଯ୍ୟ କରୁଛନ୍ତି  । ଯେଉଁଠି ତାଙ୍କ ଦଳ ଶିବସେନାକୁ ଫାଇଦା ମିଳିବ ସେହିଠାରେ ହିଁ ଶାସନକଳକୁ ନିୟୋଜିତ କରୁଛନ୍ତି  । ରାଜ୍ୟରେ ଗୋଟେପଟେ ମହିଳା ମାନଙ୍କ ପ୍ରତି ଅତ୍ୟାଚାର, ଦୁଷ୍କର୍ମ ହାର ବଢୁଥିବା ବେଳେ ମୁଖ୍ୟମନ୍ତ୍ରୀ ଏଥିପ୍ରତି ନିରବ ଦ୍ରଷ୍ଟା ସାଜିଛନ୍ତି  । କେବଳ ଗୋଟିଏ ନିର୍ଦ୍ଧିଷ୍ଟ ସମ୍ପ୍ରଦାୟ ଏବଂ ଗୋଷ୍ଠୀକୁ ଅତ୍ୟଧିକ ପ୍ରୀତି ଦେଖାଉଥିବା ଅଭିଯୋଗ କରିଛନ୍ତି କଂଗ୍ରେସ ନେତା ବିଶ୍ୱବନ୍ଧୁ ରାୟ  ।

ଘଣ୍ଟା ପ୍ରତି ୭ କିମି ବେଗରେ ମାଡ଼ି ଆସୁଛି ବାତ୍ୟା ‘ଗୁଲାବ’

ଭୁବନେଶ୍ୱର: ବାତ୍ୟାରେ ପରିଣତ ହେଲା ଗଭୀର ଅବପାତ । ଉତ୍ତରପଶ୍ଚିମ ଓ ତତସଂଲଗ୍ନ ପଶ୍ଚିମ-କେନ୍ଦ୍ରୀୟ ବଙ୍ଗୋପସାଗରରେ ସୃଷ୍ଟ ଗଭୀରତ ଅବପାତ ବାତ୍ୟାର ରୂପ ନେଇଛି । ଉତ୍ତର ଆନ୍ଧ୍ରପ୍ରଦେଶ ସହ ଦକ୍ଷିଣ ଓଡ଼ିଶା ଜିଲ୍ଲାକୁ ଅରେଞ୍ଜ ଆଲର୍ଟ ଦିଆଯାଇଛି । ବାତ୍ୟା ‘ଗୁଲାବ’ ଘଣ୍ଟାପ୍ରତି ୭ କିଲୋମିଟର ବେଗରେ ବିଗତ ୬ ଘଣ୍ଟା ହେଲା ପଶ୍ଚିମ ଦିଗରେ ଗତି କରୁଛି ।

ବାତ୍ୟା ‘ଗୁଲାବ’ ଏବେ ଗୋପାଳପୁର ଠାରୁ ପୂର୍ବ-ଦକ୍ଷିଣପୂର୍ବରେ ୩୭୦ କିଲୋମିଟର ଦୂରରେ ରହିଛି । ସେହିଭଳି ଆନ୍ଧ୍ରର କଳିଙ୍ଗପାଟଣମ ଠାରୁ ପୂର୍ବରେ ୪୪୦ କିମି ଦୂରରେ ରହିଛି ବାତ୍ୟା ‘ଗୁଲାବ’ । ଏହା ପଶ୍ଚିମକୁ ଗତି କରି ଉତ୍ତର ଆନ୍ଧ୍ରପ୍ରଦେଶ ଓ ଦକ୍ଷିଣ ଓଡ଼ିଶା ଉପକୂଳର କଳିଙ୍ଗପାଟଣମ ଓ ଗୋପାଳପୁର ମଧ୍ୟରେ ୨୬ ସନ୍ଧ୍ୟାରେ ଅତିକ୍ରମ କରିପାରେ ।

Deep Depression Intensified Into Cyclone Gulab

ପ୍ରଭାବରେ ୨୬ ସକାଳୁ ପବନର ବେଗ ବୃଦ୍ଧି ପାଇବ । ଘଣ୍ଟାପ୍ରତି ପବନର ବେଗ ୭୫ରୁ ୮୫ କିମି ରହିବ । ଝଟକା ପବନର ବେଗ ଘଣ୍ଟାପ୍ରତି ୯୫ କିମି ବେଗ ରହିବ । ୨୬ ତାରିଖ ପାଇଁ ଦକ୍ଷିଣ ଓଡ଼ିଶାର ୭ ଜିଲ୍ଲା ଗଞ୍ଜାମ, ଗଜପତି, କନ୍ଧମାଳ, ରାୟଗଡ଼ା, ନବରଙ୍ଗପୁର, କୋରାପୁଟ ଓ ମାଲକାନଗିରି ଜିଲ୍ଲାକୁ ରେଡ୍ ୱାର୍ଣ୍ଣିଂ ଜାରି କରାଯାଇଛି । ସେହିଭଳି ପୁରୀ, ଖୋର୍ଦ୍ଧା, ନୟାଗଡ଼ ଓ କଳାହାଣ୍ଡିକୁ ଅରେଞ୍ଜ ୱାର୍ଣ୍ଣିଂ ଜାରି ହୋଇଛି । ବାଲେଶ୍ୱର, ଭଦ୍ରକ, କେନ୍ଦ୍ରାପଡ଼ା, ଜଗତସିଂହପୁର, ଯାଜପୁର, କଟକ, ବୌଦ୍ଧ, ସୋନପୁର, ବଲାଙ୍ଗିର ଓ ନୂଆପଡ଼ା ଜିଲ୍ଲାକୁ ୟେଲୋ ଆଲର୍ଟ ଦିଆଯାଇଛି ।

ଏଥିସହ ପଢ଼ନ୍ତୁ: ଗୋପାଳପୁର ଠାରୁ ୪୧୦ କିମି ଦୂରରେ ସମ୍ଭାବ୍ୟ ବାତ୍ୟା ‘ଗୁଲାବ’, ଜାଣନ୍ତୁ ‘ଗୁଲାବ’ର ଅର୍ଥ

ସମୁଦ୍ର ଅଶାନ୍ତ ରହୁଥିବାରୁ ୨୭ ତାରିଖ ଯାଏଁ ମତ୍ସ୍ୟଜୀବୀଙ୍କୁ ବାରଣ କରାଯାଇଛି । ଓଡ଼ିଶାର ସମସ୍ତ ବନ୍ଦରରେ ୩ ନମ୍ବର ବିପଦ ସଂକେତ ଜାରି ହୋଇଛି । ବାତ୍ୟା ସ୍ଥଳଭାଗ ଛୁଇଁବା ବେଳେ ସମୁଦ୍ରରେ ୦.୫ ମିଟରର ଜୁଆର ଆସିବ ।

ସମାଜସେବା କାର୍ଯ୍ୟକ୍ରମରେ ସାମିଲ୍ ହେବାକୁ ମୁଖ୍ୟମନ୍ତ୍ରୀଙ୍କ ଆହ୍ୱାନ

ଭୁବନେଶ୍ୱର: ଗାନ୍ଧୀ ଜୟନ୍ତୀରୁ ଜନ ସଚେତନତା ଅଭିଯାନ ପରିବର୍ତ୍ତେ ବିଜେଡି ମାସେ ଯାଏଁ ଜାରି ରଖିବ ବିଭିନ୍ନ ସମାଜସେବା କାର୍ଯ୍ୟକ୍ରମ । ମହାମାରୀ କୋଭିଡ୍ ସଂକ୍ରମଣକୁ ଦୃଷ୍ଟିରେ ରଖି ଦଳ ଏଭଳି ନିଷ୍ପତ୍ତି ନେଇଛି । ଅକ୍ଟୋବର ୨ରୁ ନଭେମ୍ବର ୨ ପର୍ଯ୍ୟନ୍ତ ବିଭିନ୍ନ ସମାଜସେବା କାର୍ଯ୍ୟକ୍ରମ ଜାରି ରଖିବା ନେଇ ନିଷ୍ପତ୍ତି ନେଇଛନ୍ତି ବିଜେଡି ସଭାପତି ନବୀନ ପଟ୍ଟନାୟକ । ପ୍ରେସବାର୍ତ୍ତାରେ ମୁଖ୍ୟମନ୍ତ୍ରୀ କହିଛନ୍ତି, ସାଢ଼େ ଚାରିକୋଟି ଓଡ଼ିଶାବାସୀ ଆମର ପରିବାର । ବିଗତ ଦୁଇ ଦଶନ୍ଧିରୁ ଅଧିକ ସମୟ ଧରି ଆମେ ସେମାନଙ୍କ ସେବାରେ ନିୟୋଜିତ ରହିବା ସହ ପରିବାରର ସଦସ୍ୟ ଭଳି ସୁଖଦୁଃଖର ସାଥୀ ହୋଇ ଆସିଛେ ।

କୋଭିଡ୍ ମହାମାରୀର ଭୟାବହତା ସମୟରେ ଆପଣମାନେ ଅସୀମ ଦୃଢ଼ତା ପ୍ରଦର୍ଶନ କରି ପ୍ରତ୍ୟେକ ଘରର ସଦସ୍ୟମାନଙ୍କ ନିକଟରେ ଠିଆ ହୋଇ ଧୈର୍ଯ୍ୟ ଓ ତ୍ୟାଗର ନିଦର୍ଶନ ଦେଖାଇଛନ୍ତି । ସେଥିପାଇଁ ମୁଁ ଆପଣମାନଙ୍କ ନିକଟରେ କୃତଜ୍ଞ ବୋଲି କହିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏବେ ସେହି ସାମାଜିକ ପ୍ରତିବଦ୍ଧତାକୁ ଆଉ ପାଦେ ଆଗକୁ ନେଇ ଶ୍ରମଦାନ କରି ବିଦ୍ୟାଳୟ ତଥା ଅନ୍ୟାନ୍ୟା ଶିକ୍ଷାନୁଷ୍ଠାନ ପରିସର, ଶିକ୍ଷାନୁଷ୍ଠାନର ରାସ୍ତାଘାଟ ତଥା ସାଧାରଣ ସୁବିଧା କେନ୍ଦ୍ର ପ୍ରଭୃତି ପ୍ରଭୃତି ସ୍ଥାନକୁ ପରିଷ୍କାର, ପରିଚ୍ଛନ୍ନ ରଖିବା ସହିତ ରକ୍ତଦାନ ଭଳି ମହତ୍ କାର୍ଯ୍ୟରେ ଅଂଶଗ୍ରହଣ କରିବା ପାଇଁ ମୁଖ୍ୟମନ୍ତ୍ରୀ ଆହ୍ୱାନ ଦେଇଛନ୍ତି ।

ଅକ୍ଟୋବର ୨ ତାରିଖରେ ଗାନ୍ଧୀ ଜୟନ୍ତ୍ରୀ ଏବଂ ୧୧ ତାରିଖରେ ଲୋକନାୟକ ଜୟପ୍ରକାଶ ଜୟନ୍ତୀ ନିରାଡ଼ମ୍ବର ଭାବରେ ପାଳନ କରିବା ସହିତ ଗାନ୍ଧୀ ଜୟନ୍ତୀରୁ ପ୍ରତ୍ୟେକ ନିର୍ବାଚନ ମଣ୍ଡଳିରେ ଦଳର କର୍ମୀ, ବିଭିନ୍ନ ପ୍ରମୁଖ ଦଳୀୟ ସଂଗଠନର କର୍ମକର୍ତ୍ତାମାନଙ୍କ ସହଯୋଗରେ ଆପଣମାନେ କୋଭିଡ୍ ନିୟମ ପାଳନ ପୂର୍ବକ ଏହିଭଳି ଗୁରୁତ୍ୱପୂର୍ଣ୍ଣ ସମାଜସେହା କାର୍ଯ୍ୟକ୍ରମକୁ ହାତକୁ ନେବେ ବୋଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହିଛନ୍ତି ।

ବିଶ୍ୱ ମଞ୍ଚରେ ତାଲିବାନକୁ ଟାର୍ଗେଟ, ମୋଦି କହିଲେ ଭାରତର ବିକାଶରେ ବିଶ୍ୱର ବିକାଶ

ନ୍ୟୁୟର୍କ: ଶୁଭ କର୍ମୋ ପଥେ, ଧରୋ ନିର୍ଭୟ ଗାନ  । ସବ ଦୁର୍ବଲ ଶନ୍ୟ ହୁଅ ଅବଶାନ  । ବିଶ୍ୱ ମଞ୍ଚରେ ନୋବେଲ ବିଜେତା ରବିନ୍ଦ୍ର ନାଥ ଟାଗୋରଙ୍କ ବାର୍ତ୍ତା  । ଜାତିସଂଘରେ ଭାରତର ପ୍ରଧାନମନ୍ତ୍ରୀଙ୍କ ହୁଙ୍କାର  । ବିଶ୍ୱରେ ଶାନ୍ତି ପ୍ରତିଷ୍ଠାର ପ୍ରାଥମିକତା ହେଉଛି ଆତଙ୍କବାଦର ନାଶ  । ଆତଙ୍କବାଦର ପାଠଶାଳା ପାକିସ୍ତାନର ନାଁ ନେଇ ପାକିସ୍ତାନକୁ ଟାର୍ଗେଟ । ଆତଙ୍କବାଦର ଆଧିପତ୍ୟ ବିସ୍ତାର କରୁଥିବା ତାଲିବାନକୁ ପ୍ରଧାନମନ୍ତ୍ରୀ ମୋଦିଙ୍କ କଡ଼ା ଭତ୍ସର୍ନା  । ବିଶ୍ୱରେ ଶାନ୍ତି ଏବଂ ସମୃଦ୍ଧି ସେତେବେଳେ ସମ୍ଭବ ହୋଇପାରିବ, ଯେତେବେଳେ ବିଶ୍ୱରୁ ହିଂସା, ସଂଘର୍ଷର ବୀଜକୁ ଭସ୍ମ କରାଯିବ  । ଜାତିସଂଘ ସାଧାରଣ ଆସେମ୍ବ୍ଲିରେ ଉଦବୋଧନ ଦେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଫଗାନିସ୍ତାନକୁ ଟାର୍ଗେଟ କରି କହିଛନ୍ତି- ଆତଙ୍କବାଦକୁ ବର୍ତ୍ତମାନ କିଛି ଦେଶ ରାଜନୈତିକ ଟୁଲ୍ ଭାବେ ବ୍ୟବହାର କରୁଛନ୍ତି ।

କିଛି ଦେଶ ଆଫଗାନିସ୍ତାନକୁ ଆତଙ୍କବାଦର ପ୍ରୟୋଗଶାଳା କରିବାକୁ ଯାଉଛନ୍ତି  ।  ସେହି ରାଷ୍ଟ୍ରଗୁଡିକ ଜାଣିରଖିବା ଆବଶ୍ୟକ ଯେ ସେଗୁଡିକ ହିଁ ସେହି ରାଷ୍ଟ୍ର ପ୍ରତି  ବିପଦ ସାବ୍ୟସ୍ତ ହେବେ । ମୋଦି କହିଛନ୍ତି- ଭାରତ ହେଉଛି ଗଣତନ୍ତ୍ରର ମା । ଏଠାରେ ବିବିଧତା ମଧ୍ୟରେ ଐକ୍ୟ ରହିଛି । ଭାରତର ବିକାଶରେ ବିଶ୍ୱ ବିକାଶ । ଭାରତର ସଂସ୍କାରରେ ବିଶ୍ବର ପୁନଃସଂସ୍କାର । ଭାରତର ବିଜ୍ଞାନ ଓ ପ୍ରଯୁକ୍ତି ବିଶ୍ବରେ ଅତୁଳନୀୟ । ଗୋଟିଏ ଦିନରେ ଏକ କୋଟି ଟିକା ଦିଆଯାଇପାରିଛି । କୋଭିଡ ବିରୋଧରେ ଭାରତ ମହାସଂଗ୍ରାମ କରିଛି ।  ସାଧାରଣ ଲୋକଙ୍କ ସ୍ୱାଧିନତା ଭାରତର ପ୍ରାଥମିକତା  । ଜନଜୀବନର ସୁରକ୍ଷା ଆମର ସଦା ଦାୟିତ୍ୱ  । ତେଣୁ ଭାରତ ସରକାର କୋଭିଡ ମୁକାବିଲାକୁ ସଫଳ ଭାବେ ନିର୍ବାହ କରିଛନ୍ତି  । ଟିକାକରଣକୁ ବ୍ୟାପକ କରିଛନ୍ତି  । କେବଳ ଭାରତରେ ନୁହେଁ, ସମଗ୍ର ବିଶ୍ୱକୁ ଭ୍ୟାକ୍ସିନ ଏବଂ କୋଭିଡ ମୁକାବିଲା ପାଇଁ ଜରୁରୀ ପଡୁଥିବା ଆବଶ୍ୟକୀୟ ଉପକରଣ ପ୍ରଦାନ କରିଛି ଭାରତ  ।

ମାନବତା ପ୍ରତି ଦାୟିତ୍ବବୋଧ ଭାରତର ରହିଛି । ବିଶ୍ବର ସମସ୍ତ ଟିକାପ୍ରସ୍ତୁତାକାରୀ କମ୍ପାନିକୁ ଆସିବାକୁ ଆମନ୍ତ୍ରଣ କରାଯାଉଛି । ବିଶ୍ବ ଅର୍ଥ ବ୍ୟବସ୍ଥାକୁ ଅଧିକ ଅବଦାନ ଦେବ ଭାରତ । ଅର୍ଥନୀତି ଓ ପରିବେଶ ମଧ୍ୟରେ ସନ୍ତୁଳନ ହୋଇପାରିଛି । ଭାରତରେ ଗ୍ରୀନ ହାଇଡ୍ରୋଜେନ ହବ୍ ପ୍ରତିଷ୍ଠା ଲାଗି ଯୋଜନା କରାଯାଉଛି । ପ୍ରଗତିଶୀଳ ଚିନ୍ତାଧାରାକୁ ବିକାଶର ଧାରାରେ ପରିଣତ କରିବା ଆବଶ୍ୟକ । ଭାରତ ୭୫ଟି ଉପଗ୍ରହ ପ୍ରେରଣ କରିଛି । ସାମୁଦ୍ରିକ ସମ୍ପଦକୁ ବ୍ୟବହାର କରିବା ଆବଶ୍ୟକ । ଭବିଷ୍ୟତ ଲାଗି ସଞ୍ଚୟ କରିବା ଆବଶ୍ୟକ । ସୁରକ୍ଷା ପରିଷଦରେ ଭାରତର ସଭାପତିତ୍ବ କାଳରେ ନିରାପତ୍ତା ଲାଗି ମାର୍ଗ ପ୍ରଦର୍ଶନ କରାଯାଇଥିଲା । ଜାତିସଂଘ ଏପରି କାର୍ଯ୍ୟ କରିବା ଆବଶ୍ୟକ ଯେପରି ଏହା ଭବିଷ୍ୟତରେ ନିଜ ଯଥାର୍ଥତା ହରାଇବ ନାହିଁ । ଆଫଗାନିସ୍ତାନ ବ୍ୟାପାରରେ ସେ କହିଛନ୍ତି ଆଫଗାନିସ୍ତାନବାସୀଙ୍କୁ ବର୍ତ୍ତମାନ ସହାୟତା ଜରୁରୀ ଆବଶ୍ୟକତା ରହିଛି  ।

ସେହିପରି ଶେଷରେ ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦି ବିଶ୍ୱକବି ତଥା ନୋବେଲ ବିଜେତା ରବିନ୍ଦ୍ର ନାଥ ଟାଗୋରଙ୍କ କବିତା ଗାନ କରିଥିଲେ  । ସମଗ୍ର ବିଶ୍ୱକୁ ଗୁରୁଦେବ ଟାଗୋରଙ୍କ ବାଣୀଙ୍କୁ ଶୁଣାଇଥିଲେ  । ଭାରତର ମହାନତା ଏବଂ ଭାରତର ଅଦିତୱୀୟ ଗଣତନ୍ତ୍ରକୁ ବିଶ୍ୱ ମଞ୍ଚରେ ଉପସ୍ଥାପନା କରିଥିଲେ  । ଶୁଭ କାର୍ଯ୍ୟ କଲାବେଳେ ଅର୍ଥାତ ସମାଜ ମଙ୍ଗଳର ମଙ୍ଗ ଧରିବା ପାଇଁ ଅଶୁଭ ତତ୍ୱକୁ ଦୂର କରିବାକୁ ପଡିବ  । ସେଥିପାଇଁ କେବଳ ସାହାସ ଏବଂ ଶୁଭ କର୍ମପଥର ଆବଶ୍ୟକତା ରହିଛି  । ସମସ୍ତ ଦୁର୍ବଳତା ଏବଂ ଶଙ୍କାର ସମାପ୍ତ କରି ରାଷ୍ଟ୍ର ହିତରେ ଏବଂ ବିଶ୍ୱ ହିତରେ  ଆଗେଇ ଆସନ୍ତୁ  । ବିଶ୍ୱକୁ ସୁସ୍ଥ-ସୁରକ୍ଷିତ-ସମୃଦ୍ଧ କରି ଗଢି ତୋଳିବାର ସାହାଜ ଜୁଟାଇବାର ଆହ୍ୱାନ ଦେଇ ନିଜ ବାର୍ତ୍ତାକୁ ବିରାମ ଦେଇଥିଲେ ଭାରତର ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦି  ।

୨୭ ତାରିଖ ଭାରତ ବନ୍ଦ ଡାକରାକୁ ସମର୍ଥନ କରିବ କଂଗ୍ରେସ

ଭୁବନେଶ୍ୱର: କେନ୍ଦ୍ର ସରକାରଙ୍କ ଦ୍ୱାରା ପ୍ରଣୀତ ତିନିଗୋଟି କୃଷି ଆଇନ୍ ପ୍ରତ୍ୟାହାର ଦାବିରେ ସଂଯୁକ୍ତ କୃଷକ ମୋର୍ଚ୍ଚା ପକ୍ଷରୁ ଆସନ୍ତା ୨୭ ତାରିଖ ଦିନ ଭାରତ ବନ୍ଦ ଡାକରା ଦେଇଛି । ଭାରତୀୟ ଜାତୀୟ କଂଗ୍ରେସ ଏହି ବନ୍ଦ ଡାକରାକୁ ସମର୍ଥନ କରିବା ପାଇଁ ନିଷ୍ପତ୍ତି ନେଇଛି । ୨୭ ତାରିଖ ଦିନ ଭାରତ ବନ୍ଦକୁ ଓଡ଼ିଶା ପ୍ରଦେଶ କଂଗ୍ରେସ କମିଟି ପକ୍ଷରୁ ପୂର୍ଣ୍ଣ ସମର୍ଥନ ଦିଆଯିବ ବୋଲି ପିସିସି ସଭାପତି ନିରଞ୍ଜନ ପଟ୍ଟନାୟକ ଏକ ପ୍ରେସ୍ ବିବୃତିରେ କହିଛନ୍ତି ।

ଜିଲ୍ଲାସ୍ତରରେ ଜିଲ୍ଲା କଂଗ୍ରେସ କମିଟି ପକ୍ଷରୁ ବନ୍ଦ କାର୍ଯ୍ୟକ୍ରମକୁ ପୂର୍ଣ୍ଣମାତ୍ରାରେ ସଫଳ କରିବାପାଇଁ ପିସିସି ସଭାପତି, ଜିଲ୍ଲା ସଭାପତି ମାନଙ୍କୁ ଚିଠି ଲେଖିଛନ୍ତି । ରାଜ୍ୟର ସମସ୍ତ କଂଗ୍ରେସ ନେତୃବୃନ୍ଦ, ସାଂସଦ, ବିଧାୟକ, ପୂର୍ବତନ ସାଂସଦ, ପୂର୍ବତନ ବିଧାୟକ, ସାମ୍ମୁଖ୍ୟ କର୍ମକର୍ତ୍ତା, ସାଂସଦ ଓ ବିଧାୟକ ପ୍ରାର୍ଥୀ, କୃଷକ, ଶ୍ରମିକ ଓ ଜନସାଧାରଣ ଏହି ବନ୍ଦକୁ ସଫଳ କରିବାକୁ ଅନୁରୋଧ କରିଛନ୍ତି ପିସିସି ସଭାପତି ।

୧୫ ଦିନ ତଳୁ ଫେରାର୍ ପ୍ରେମୀ ଯୁଗଳଙ୍କ ମିଳିଲା ଝୁଲନ୍ତା ମୃତଦେହ

ଉମରକୋଟ: ୧୫ ଦିନ ତଳରୁ ଫେରାର୍ ପ୍ରେମୀ ଯୁଗଳଙ୍କ ମୃତଦେହ ଝୁଲନ୍ତା ଅବସ୍ଥାରେ ମିଳିଛି । ବେକରେ ରଶି ଲଗାଇ ପ୍ରେମୀ ଯୁଗଳ ଆତ୍ମହତ୍ୟା କରିଥିବା ଅଭିଯୋଗ ହୋଇଛି । ନବରଙ୍ଗପୁର ଜିଲ୍ଲା ଚନ୍ଦାହାଣ୍ଡି ବ୍ଲକ ଶରଧାପୁର ଗାଁ ନିକଟ ଗଛରୁ ପ୍ରେମୀଯୁଗଳଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଛି । ସୂଚନା ଅନୁଯାୟୀ ଅଞ୍ଚଳର ଜଣେ ଯୁବତୀ ନୂଆପଡ଼ା ଜିଲ୍ଲାରେ ବାହା ହୋଇଥିଲେ ।

Lover’s Hanging Body Found From Tree Umerkote

ଗତ ପନ୍ଦର ଦିନ ତଳେ ପୂର୍ବ ପ୍ରେମିକଙ୍କ ସହ ଫେରାର ହୋଇ ଯାଇଥିଲେ ଯୁବତୀ । ଉଭୟଙ୍କ ପରିବାର ବହୁ ଖୋଜା ଖୋଜି କରିଥିଲେ ମଧ୍ୟ ପାଇ ନଥିଲେ । ଆଜି ଉଭୟଙ୍କ ମୃତଦେହ ଝୁଲନ୍ତା ଅବସ୍ଥାରେ ଦେଖିବାକୁ ପାଇଥିଲେ ଗ୍ରାମବାସ । ଏନେଇ ଚନ୍ଦାହାଣ୍ଡି ଥାନାକୁ ଖବର ଦେବାପରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।

ହତ୍ୟାକରି କ୍ରେନରେ ଝୁଲାଇ ରଖିଲେ ତାଲିବାନ, କହିଲେ ଏହା ହିଁ ଆମ ଶାସନ

କାବୁଲ: ଦେଶରେ ସରକାର ଗଢିବା ପୂର୍ବରୁ ତାଲିବାନ ଆଫଗାନିସ୍ତାନରେ କ୍ରୁରତା ପ୍ରଦର୍ଶନ କରିଛି  । ପୁଣି ଜଣାଇଦେଇଛି ଯେ, କେତେ କ୍ରୁର ହୋଇପାରେ ତାଲିବାନ  । କେତେ ନିଷ୍ଠୁର ଏବଂ ବର୍ବର ତାଲିବାନର ଶାସନ ପଦ୍ଧତି ତାହାକୁ ପୁନର୍ବାର ଦେଖାଇଛି ତାଲିବାନ  । କାବୁଲର ଏକ ଟ୍ରାଫିକ ପୋଷ୍ଟରେ ଜଣେ ବ୍ୟକ୍ତିଙ୍କୁ ହତ୍ୟା କରିବା ସହ ମୃତ ଶରୀରକୁ କ୍ରେନ ମାଧ୍ୟମରେ ଝୁଲାଇ ରଖିଛନ୍ତି  । ସାଧାରଣ ଲୋକଙ୍କ ମଧ୍ୟରେ ଭୟ ସଂଚାର ପାଇଁ ଝୁଲାଇ ରଖାଯାଇଛି  ।

ଦେଶରେ ସରିୟା ଆଇନ ଲାଗୁ କରିବା ପୂର୍ବରୁ ଏହାର ପ୍ରତିଫଳନ କରିଛନ୍ତି ତାଲିବାନ  । ମହିଳାମାନଙ୍କୁ ବର୍ବର ଘଟଣା ଦେଖାଇବା ସହ ସମଗ୍ର ଆଫଗାନିସ୍ତାନରେ ଭୟର ବାତାବରଣ ସୃଷ୍ଟି କରିଛନ୍ତି  । ଏହି ଘଟଣା ପୁନର୍ବାର ବିଶ୍ୱକୁ ଆହ୍ୱନ ଦେଉଛି  । ଯେତେବେଳେ ସମଗ୍ର ବିଶ୍ୱ ସାଧାରଣ ମଣିଷର ଅଧିକାର ପାଇଁ ଲଢୁଛି  । ସେତେବେଳେ ଆଫଗାନିସ୍ତାନରେ ମାନବୀୟ ଅଧିକାରକୁ କ୍ଷୁର୍ଣ୍ଣ କରାଯାଉଛି  । ଧର୍ମର ଦ୍ୱାହି ଦେଇ ସାଧାରଣ ମଣିଷକୁ ଅତ୍ୟାଚାର ଦିଆଯାଉଛି  । ଏମିତି ବି ସ୍ଥିତି ହୋଇଛି ଯେ, ହତ୍ୟା କରି ଟ୍ରାଫିକ ପୋଷ୍ଟରେ ଝୁଲାଇ ରଖାଯାଉଛି  ।

ଏହି ଘଟଣାକୁ ଆଫଗାନିସ୍ତାନର ଜଣେ ସାମ୍ବାଦିକ ହିଜ୍ଜାବୁଲ ଖାନ ଟ୍ୱିଟ କରିବା ସହ ଲେଖିଛନ୍ତି, ତାଲିବାନ ଏହି ମୃତ ଦେହରେ ପୋଷ୍ଟର ଲଗାଇ ଲେଖିଛନ୍ତି ଯେ, ଆମେ ସମଗ୍ର ସହରରେ ଏବେ ଶାସନ ଆରମ୍ଭ କରିଛୁ ଏବଂ ଏହା ତାହାର ପରିଣାମ  । ସେପଟେ ଅନେକ ନିରୀହ ଶିଶୁଙ୍କୁ ପରିବା ବିକିବା କାର୍ଯ୍ୟରେ ତାଲିବାନୀ ମାନେ ନିୟୋଜିତ କରୁଥିବା ଦେଖିବାକୁ ମିଳିଛି  । ଏଭଳି ଚିତ୍ର ଏବେ ପୁଣି ଥରେ ତାଲିବାନର କ୍ରୁର ଶାସନକୁ ପ୍ରତିଫଳନ କରିଛି  ।

ଆଇନ୍ ସେବା ଭବନର ଲୋକାର୍ପଣ କଲେ ପ୍ରଧାନ ବିଚାରପତି

କଟକ: ଲୋକାର୍ପିତ ହେଲା ଆଇନ୍ ସେବା ଭବନ । ପ୍ରଧାନ ବିଚାରପତି ଜଷ୍ଟିସ ଜଷ୍ଟିସ୍ ଏନ୍. ଭି. ରମଣା ଆଇନ୍ ସେବା ଭବନର ଲୋକାର୍ପିତ କରିଛନ୍ତି । ଆଇନ୍ ସେବାରୁ ବଞ୍ଚିତ ହେଉଥିବା ଜନସାଧାରଣଙ୍କୁ ଆଇନ୍ ସେବା ଯୋଗାଇବ ଆଇନ୍ ସେବା ଭବନ ।

 Aain Seva Bhawan Inaugurates By CJI NV Ramana

ମାମଲାରେ ଓକିଲ ଦେଇପାରୁ ନଥିବା ପକ୍ଷଙ୍କୁ ମାଗଣାରେ ଓକିଲ ଯୋଗାଇଥାଏ ଆଇନ୍ ସେବା ପ୍ରାଧିକରଣ । ଆଇନ୍ ସେବା ପ୍ରାଧିକରଣର ନିଜସ୍ୱ ବିଲ୍ଡିଂ ଆଇନ୍ ସେବା ଭବନ । ଏହି ଅବସରରେ ହାଇକୋର୍ଟ ନୂଆ ବିଲ୍ଡିଂ ତଳ ମହଲାରେ ମହାତ୍ମା ଗାନ୍ଧୀଙ୍କ ପ୍ରତିମୂର୍ତ୍ତିର ଅନାବରଣ କରିଛନ୍ତି ପ୍ରଧାନ ବିଚାପରତି ।

ବିନା ଭକ୍ତରେ ପାଳନ ହେବ ଛତର ଯାତ୍ରା

ଭବାନୀପାଟଣା: ଅକ୍ଟୋବର ୧୩ ତାରିଖରେ ଅନୁଷ୍ଠିତ ହେବ କଳାହାଣ୍ଡିର ଅଧିଷ୍ଠାତ୍ରୀ ଦେବୀ ମାଆ ମାଣିକେଶ୍ବରୀଙ୍କ ପ୍ରସିଦ୍ଧ ଛତର ଯାତ୍ରା । କୋଭିଡ ସଂକ୍ରମଣକୁ ଦୃଷ୍ଟିରେ ରଖି ଚଳିତ ବର୍ଷ ବିନା ଭକ୍ତରେ ପାଳନ ହେବ ଛତର ଯାତ୍ରା । ଯାତ୍ରା ଦିନ ଭବାନୀପାଟଣା ସହରରେ ୧୪୪ ଧାରା ଲାଗୁ ହେବ । ଏ ନେଇ ଜିଲ୍ଲାପାଳ ଗାଭାଲି ପରାଗ ହର୍ଷଦଙ୍କ ଅଧ୍ୟକ୍ଷତାରେ ଆଜି ଏକ ପ୍ରସ୍ତୁତି ବୈଠକ ବସିଥିଲା । ଯେଉଁଥିରେ ଛତର ଯାତ୍ରାକୁ ନେଇ ଆଲୋଚନା ହୋଇଛି ।

Chhatara Jatra To Be Celebrated With Out Devotee

ସମସ୍ତ ନୀତିକାନ୍ତି ପରମ୍ପରା ଅନୁଯାୟୀ କରାଯିବ । ମାନସିକଧାରୀ ମାନେ କୁକୁଡ଼ା, ପାରା ,ବୋଦା ଇତ୍ୟାଦି ହଜାର ହଜାର ସଂଖ୍ୟାରେ ବଳି ଦେଇଥାନ୍ତି । ବଳି ବନ୍ଦ ନେଇ ବ୍ଲକ ଓ ପଞ୍ଚାୟତ ସ୍ତରରେ ସଚେତନତା ପାଇଁ ବ୍ୟବସ୍ଥା କରାଯାଇଛି । ନ୍ୟୁଜ୍ ଚ୍ୟାନେଲ ଓ ଫେସବୁକ୍ ଲାଇଭରେ ଘରେ ରହି ମାଆଙ୍କ ଦର୍ଶନ କରିବେ ଭକ୍ତ । ସୁରକ୍ଷା ପାଇଁ ୫ ପ୍ଲାଟୁନରୁ ଅଧିକ ଫୋର୍ସ ମୁତୟନ ହେବା ସହ ବରିଷ୍ଠ ପୋଲିସ ଅଧିକାରୀ ମାନେ ଉପସ୍ଥିତ ରହିବେ ।

ବିଜେପି-କଂଗ୍ରେସ କର୍ମୀଙ୍କ ମଧ୍ୟରେ ମାଡଗୋଳ, ଆହତ ହେଲେ ସାଂସଦ

ଲକ୍ଷ୍ନୌ: ଗୋଟିଏ କାର୍ଯ୍ୟକ୍ରମରେ ଦୁଇଦଳର କର୍ମୀ  । ଗୋଟିଏ ପୋଗ୍ରାମ କିନ୍ତୁ ଦୁଇଟି ଦଳ ବିଜେପି- କଂଗ୍ରେସ କର୍ମୀ ଏକାଠି ହୋଇଛନ୍ତି । ଉତ୍ତରପ୍ରଦେଶର ପ୍ରତାପ ଗଡ଼ରେ ଘଟିଲା ଅଘଟଣ  । ବିଜେପି ଏବଂ କଂଗ୍ରେସ କର୍ମୀଙ୍କ ମଧ୍ୟରେ ଗଣ୍ଡଗୋଳ ଘଟିବା ଫଳରେ ଆହତ ହେଲେ ବିଜେପି ସାଂସଦ  । ସଂଙ୍ଗମଲାଲ ଠାରେ ଦୁଇ ଦଳର କର୍ମୀ ହାତାହାତୀ ହେବା ଫଳରେ ସାଂସଦଙ୍କ ଗାଡ଼ି ଭାଙ୍ଗିଯାଇଛି  । ଏବଂ ଏହି ସଂଘର୍ଷରେ ଆହତ ହୋଇଛନ୍ତି ବିଜେପି ସାଂସଦ  ।

ସଂଙ୍ଗୀପୁର ବିକାଶ ଖଡ଼ରେ ଆୟୋଜିତ ଆରୋଗ୍ୟ କାର୍ଯ୍ୟକ୍ରମରେ ବିଜେପି ସାଂସଦ ଯୋଗଦେବାକୁ ଯାଇଥିଲେ  । ସାଂସଦ ପହଁଚିବା ବେଳକୁ ସେଠାରେ ସୃଷ୍ଟି ହୋଇ ସାରିଥିଏ ଅପ୍ରିତୀକର ପରିସ୍ଥିତି  । ଅଣାୟତ  ସାରିଥାଏ ସଭାସ୍ଥଳ  । ଏଠାରେ କଂଗ୍ରେସ ନେତା ପ୍ରମୋଦ ତିୱାରୀ ଏବଂ ବିଧାୟକ ଆରଧନା ମିଶ୍ର ମୋନା ପହଁଚିଥିଲେ  । କିନ୍ତୁ ଉଭୟଙ୍କ ସମର୍ଥକଙ୍କ ମଧ୍ୟରେ ସେତେବେଳକୁ ମାରମିଟ ତ୍ରୀବ ରୂପ ନେଇସାରିଥାଏ  ।

ଦୀନଦୟାଲା ଉପାଧ୍ୟାୟଙ୍କ ପୂଣ୍ୟ ତିଥିରେ କେନ୍ଦ୍ର ସରକାରଙ୍କ ପକ୍ଷରୁ ଜନ ଆରୋଗ୍ୟ କାର୍ଯ୍ୟକ୍ରମ ପ୍ରସ୍ତୁତ ହୋଇଥାଏ  । ସଭାସ୍ଥଳକୁ ବିଜେପି ଏବଂ କଂଗ୍ରେସ କର୍ମୀ ଯିବା ଫଳରେ କୈଣସି ଏକ କଥାକୁ ନେଇ ଦୁଇ ଦଳର କର୍ମୀଙ୍କ ମଧ୍ୟରେ ବଚସା ଆରମ୍ଭ ହୁଏ  । ସ୍ଥିତି ଏମିତି ହୁଏ ଯେ, ପରବର୍ତ୍ତୀ ସମୟରେ ଏହା ଗଣ୍ଡଗୋଳର ରୂପ ଧାରଣ କରେ  । ଫଳରେ ମୁଖ୍ୟମ ଅତିଥି ଭାବେ ନିମର୍ନ୍ତ୍ରୀତ ହୋଇଥିବା ରାଜ୍ୟସଭା ସାଂସଦ ପ୍ରତାପ ତିୱାରୀ ଆହତ ହୋଇଛନ୍ତି  ।