ଗୁଣୁପୁର: ହୋଟେଲ ରୁମରେ ଖୋଲା ଡିଲ୍ । ଚାଲିଛି ଟଙ୍କା କାରବାର । ମଦ ବ୍ୟବସାୟୀଙ୍କ ଠାରୁ ଟଙ୍କା ନେଉଛନ୍ତି ଅବକାରୀ ବିଭାଗର କନେଷ୍ଟବଳ । ଖଟ ଉପରେ ଅନନ୍ତ ଶୟନ ମୁଦ୍ରାରେ ଅଛନ୍ତି ଖୋଦ ଅବକାରୀ ଅଧିକ୍ଷକ । କେତେ ବାକି ଥିଲା, କେତେ ଆଡଭାନ୍ସ ଦେବେ ସବୁର ହିସାବ ଦେଉଛନ୍ତି କନେଷ୍ଟବଳ । ରାୟଗଡ଼ା ଅବକାରୀ ବିଭାଗରେ ଚାଲିଛି ଏଭଳି କାରବାର । ମଦବ୍ୟବସାୟୀଠୁ ଟଙ୍କା ନେଇ କମିଶନ ଭାଗବଣ୍ଟା ବି ହେଇଛି । ଯାହାର ଭିଡିଓ ଏବେ ଭାଇରାଲ ହୋଇଛି । ଆଉ ପଦାରେ ପଡ଼ିଛି ଅବକାରୀ ବିଭାଗର କଳାକାରନାମା । ଜଣେ କନେଷ୍ଟବଳଙ୍କୁ ଢାଲ କରି ଅବକାରୀ ଅଧିକ୍ଷକ ଲୁଟୁଛନ୍ତି ଟଙ୍କା । ସେପଟେ ଭିଡିଓ ଭାଇରଲ୍ ପରେ ଜିଲ୍ଲାପାଳଙ୍କ ନିର୍ଦ୍ଦେଶ କ୍ରମେ ଘଟଣାର ତଦନ୍ତ କରିଛନ୍ତି ଅତିରିକ୍ତ ଜିଲ୍ଲାପାଳ । ଭିଡିଓ ରେ ଥିବା କନେଷ୍ଟବଳଙ୍କୁ ନିଲମ୍ବିତ କରାଯାଇଛି । ରିପୋର୍ଟ ପରେ ପରବର୍ତ୍ତୀ କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛନ୍ତି ଜିଲ୍ଲାପାଳ ।
ଭାରତ-ଇଂଲଣ୍ଡ ଦ୍ୱିତୀୟ ଟେଷ୍ଟ: ୧୫୧ ରନ୍ରେ ଲର୍ଡସ ଟେଷ୍ଟ ଜିତିଲା ଭାରତ
ଲର୍ଡସ: ଇଂଲଣ୍ଡ ବିପକ୍ଷ ଦ୍ୱିତୀୟ ଟେଷ୍ଟରେ ଭାରତୀୟ ଟିମ୍ର ଦମଦାର ବିଜୟ ।୧୫୧ ରନ୍ର ବୃହତ୍ତ ବିଜୟୀ ହାସଲ କରିଛି ଭାରତୀୟ ଦଳ । ଶେଷ ଦିନରେ ଚମତ୍କାର ବିଜୟ ହାସଲ କରିଛି ଟିମ୍ ଇଣ୍ଡିଆ । ଶେଷ ଦିନରେ ଭାରତୀୟ ବୋଲରଙ୍କ ଦମଦାର ପ୍ରଦର୍ଶନ ଫଳରେ ଏହି ଐତିହାସିକ ବିଜୟ ହାସଲ କରିପାରିଛି ଦଳ । ଏଥିସହିତ ୫ ଟିକିଆ ସିରିଜ୍ରେ ୧-୦ରେ ଆଗୁଆ ରହିଛି ଭାରତୀୟ ଦଳ ।
ଦ୍ୱିତୀୟ ଟେଷ୍ଟର ପଞ୍ଚମ ଦିନରେ ମହମ୍ମଦ ସାମି ଓ ବୁମରାହ୍ଙ୍କ ଲଢ଼ୁଆ ବ୍ୟାଟିଂ ପରେ ୨୯୮/୮ରେ ପାଳି ଘୋଷଣା କରିଥିଲା ଟିମ୍ ଇଣ୍ଡିଆ । ଏହାପରେ ଭାରତୀୟ ବୋଲର କମାଲ ଦେଖିବାକୁ ମିଳିଥିଲା । ଇଂଲଣ୍ଡ ଦଳର ଓପନରଙ୍କୁ ବିନା କୌଣସି ସ୍କୋରରେ ପ୍ୟାଭିଲିୟନ୍ ପଠାଇଥିଲେ । ଏହାପରେ ଇଂଲଣ୍ଡ ଉପରେ ଚାପ ପଡ଼ିବା ସହ ଗୋଟିଏ ପରେ ଗୋଟିଏ ଓ୍ୱିକେଟ ହାସଲ କରିବାରେ ସଫଳ ହୋଇଥିଲା ଭାରତୀୟ ବୋଲର । ମହମ୍ମଦ ସିରାଜ ୪, ବୁମରା ୩, ଇଶାନ୍ତ ୨ ଓ ଶାମି ୧ ଓ୍ଵିକେଟ୍ ଅକ୍ତିଆର କରିଥିବା ବେଳେ ମାତ୍ର ୧୨୦ ରନ୍ରେ ସୀମିତ ହୋଇଯାଇଥିଲା ଇଂଲଣ୍ଡ ।
ସ୍ମାର୍ଟସିଟିର ସର୍ବୋତ୍କୃଷ୍ଟ ଦର୍ଶନୀୟ ସ୍ଥଳ ହେବ ମାଷ୍ଟର କ୍ୟାଣ୍ଟିନ ଛକ: ମଙ୍ଗଳବାର ଠାରୁ ଆରମ୍ଭ ହେବ କାମ
ଭୁବନେଶ୍ୱର: ମାଷ୍ଟର କ୍ୟାଣ୍ଟିନ୍ ଛକର ବଦଳିବ ଚିତ୍ର । ନୂଆ ରୂପରେ ଚମକିବ ଯୋଦ୍ଧା ଘୋଡ଼ା । ମାଷ୍ଟର କ୍ୟାଣ୍ଟିନ୍ ଛକ ହେବ ସ୍ମାର୍ଟସିଟିର ସର୍ବୋତ୍କୃଷ୍ଟ ଦର୍ଶନୀୟ ସ୍ଥଳ । ଦୁଇରୁ ଅଢେଇ ମାସ ମଧ୍ୟରେ ଶେଷ ନିର୍ମାଣ ଓ ସୌନ୍ଦର୍ଯ୍ୟକରଣ କାର୍ଯ୍ୟ । ସ୍ଥପତି ପଦ୍ମବିଭୁଷଣ ସୁଦର୍ଶନ ସାହୁଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ନିର୍ମାଣ ହେବ ପ୍ରକଳ୍ପ କାର୍ଯ୍ୟ । ବୈଷୟିକ ଟିମ୍ର ଘଟଣା ସ୍ଥଳ ପରିଦର୍ଶନ ପରେ ମଙ୍ଗଳବାର ଠାରୁ ଆରମ୍ଭ ହେବ ନିର୍ମାଣ କାର୍ଯ୍ୟ
ବଦଳିବ ମାଷ୍ଟରକ୍ୟାଣ୍ଟିନ୍ ଛକର ନକ୍ସା । ଚମକିବ ଯୋଦ୍ଧା ଘୋଡା । ମଙ୍ଗଳବାର ଠାରୁ ଆରମ୍ଭ ହେବ ପ୍ରକଳ୍ପ କାର୍ଯ୍ୟ । ଅଢେଇ ମାସ ମଧ୍ୟରେ ଶେଷ ହେବ ପ୍ରକଳ୍ପ । ହଟିବନି ଯୋଦ୍ଧା ଘୋଡା । ନିର୍ମାଣ ବି ହେବନି ମାଷ୍ଟର କ୍ୟାଣ୍ଟିନ୍ ଛକରେ ଫ୍ଲାଇ ଓଭର ବ୍ରିଜ୍ । କୌଣସି ପରିସ୍ଥିତିରେ ଯୋଦ୍ଧା ଘୋଡାର ସମ୍ମାନ ହାନି ହେବାକୁ ଦିଆଯିବନି । ମୁଖ୍ୟମନ୍ତ୍ରୀଙ୍କ ହସ୍ତକ୍ଷେପ ପରେ ବିବାଦର ଅନ୍ତ ଅବସାନ ହୋଇଥିବା ବେଳେ ଯୋଦ୍ଧା ଘୋଡାର ଆବଶ୍ୟକ ମରାମତି ସହ ଏହାର ସୌନ୍ଦର୍ଯ୍ୟକରଣ କରାଯିବ । ଏନେଇ ରାଜ୍ୟ ସରକାରଙ୍କ ନିଷ୍ପତ୍ତି ପରେ ଗଠିତ ହୋଇଥିଲା ସ୍ୱତନ୍ତ୍ର ବୈଷୟିକ ଟିମ୍ । ଆଜି ସ୍ଥପତି ପଦ୍ମବିଭୁଷଣ ସୁଦର୍ଶନ ସାହୁଙ୍କ ନେତୃତ୍ୱରେ ସ୍ମାର୍ଟସିଟି, ବିଏମ୍ସି, ବିଡିଏ ଓ ପୂର୍ତ୍ତ ବିଭାଗ ଅଧିକାରୀ ଘଟଣାସ୍ଥଳ ପରିଦର୍ଶନ କରିଛନ୍ତି । ମଙ୍ଗଳବାର ଠାରୁ ପ୍ରକଳ୍ପ କାର୍ଯ୍ୟ ଆରମ୍ଭ ହୋଇ ଅଢେଇ ମାସ ମଧ୍ୟରେ ଶେଷ ହେବ ସୌନ୍ଦର୍ଯ୍ୟକରଣ କାର୍ଯ୍ୟ ।
ମାଷ୍ଟର କ୍ୟାଣ୍ଟିନ୍ ଗୋଲେଇ ଛକ ଏବେ ହେବ ଅଣ୍ଡାକୃତି । ୪୦ଫୁଟର ଗୋଲେଇ ୧୪ଫୁଟର ଅଣ୍ଡାକୃତିର ରୂପ ନେବ । ଚତୁଃପାର୍ଶ୍ୱରେ ଥିବା ନର୍ତ୍ତକୀଙ୍କ ମଧ୍ୟରୁ ଅନେକ ହଟିବ । ଗଛ ଥିବା କାରଣରୁ ଯୋଦ୍ଧା ଘୋଡା ସମ୍ପୂର୍ଣ୍ଣ ଦୃ୍ଶ୍ୟମାନ ହେଉନଥିବା କାରଣରୁ ସେଠାରୁ ଗଛଗୁଡିକୁ ମଧ୍ୟ ହଟାଯିବ । ହାଇମାଷ୍ଟ ଲାଇଟ୍ ସହ ଛୋଟ ଗଛ ଲଗାଯାଇ ଏହାର ସୌନ୍ଦର୍ଯ୍ୟକରଣ କରାଯିବ । ସ୍ଥପତି ପଦ୍ମବିଭୁଷଣ ସୁଦର୍ଶନ ସାହୁଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଏହି ପ୍ରକଳ୍ପ କାର୍ଯ୍ୟ କରାଯିବ ମାଷ୍ଟର କ୍ୟାଣ୍ଟିନ୍ ଛକର ଯୋଦ୍ଧା ଘୋଡ଼ା ଦିବଗଂତ ପଦ୍ମବିଭୁଷଣ ରଘୁନାଥ ମହାପାତ୍ରଙ୍କ ସ୍ମୃତି । ଏଣୁ ଏହି କାର୍ଯ୍ୟରେ ମଧ୍ୟ ସ୍ୱର୍ଗତ ମହାପାତ୍ରଙ୍କ ପରିବାର ସଦସ୍ୟଙ୍କୁ ପ୍ରାଥମିକତା ଦିଆଯିବ ବୋଲି ଜଣାପଡ଼ିଛି ।
ଏଥିସହିତ ପଢ଼ନ୍ତୁ: ୩୯ଟି ସ୍କୁଲର ରୂପାନ୍ତରୀକରଣ କାର୍ଯ୍ୟ ସମ୍ପୂର୍ଣ୍ଣ: ଆସନ୍ତା ୨୧ରେ ମୁଖ୍ୟମନ୍ତ୍ରୀ କରିବେ ଶୁଭାରମ୍ଭ
ଆଫଗାନିସ୍ତାନ ସ୍ଥିତି ନେଇ ମିଳିତ ଜାତିସଂଘ ବୈଠକରେ ଆଲୋଚନା: ବିଶ୍ୱ ସମୁଦାୟକୁ ଏକ ହେବାକୁ ୟୁଏନ୍ ମହାସଚିବଙ୍କ ଆହ୍ୱାନ
କାବୁଲ: ଆଫଗାନିସ୍ତାନରେ ଲାଗି ରହିଥିବା ସ୍ଥିତିକୁ ନେଇ ଚିନ୍ତା ପ୍ରକଟ କଲା ଜାତିସଂଘ । ଜାତିସଂଘ ସୁରକ୍ଷା ପରିଷଦର ଗୁରୁତ୍ୱପୂର୍ଣ୍ଣ ବୈଠକ । ଭାରତ ଅଧ୍ୟକ୍ଷତାରେ ନ୍ୟୁୟର୍କରେ ଚାଲିଛି ବୈଠକ । ଏଭଳି ସମୟରେ ବିଶ୍ୱ ସମୁଦାୟ ଏକ ହେବାର ଆବଶ୍ୟକତା ରହିଛି କହିଲେ UN ମହାସଚିବ । ତାଲିବାନ ସଂଯମତା ରକ୍ଷା କରିବା ସହ ମାନବିକତା ପ୍ରତି ଦୃଷ୍ଟି ଦେବା ଉଚିତ୍ । ପଡୋଶୀ ରାଷ୍ଟ୍ରମାନେ ଆଫଗାନିସ୍ତାନବାସୀଙ୍କୁ ସହଯୋଗ କରିବା ଜରୁରୀ ଅଟେ ବୋଲି କହିଲେ UN ମହାସଚିବ । ସେପଟେ ଆଫଗାନିସ୍ତାନ ସ୍ଥିତି ଉପରେ ନଜର ରଖିଥିବା କହିଛି ଭାରତୀୟ ବୈଦେଶିକ ମନ୍ତ୍ରାଳୟ । ହିନ୍ଦୁ, ଶିଖ ସମ୍ପ୍ରଦାୟର ପ୍ରତିନିଧିଙ୍କ ସହ ଆଲୋଚନା ଚାଲିଛି । ଆଫଗାନିସ୍ତାନରେ ଥିବା ଭାରତୀୟମାନେ ତୁରନ୍ତ ସ୍ୱଦେଶ ଫେରିବା ପାଇଁ ସମସ୍ତ ବ୍ୟବସ୍ଥା କରାଯାଇଥିବା କହିଛି ବୈଦେଶିକ ମନ୍ତ୍ରାଳୟ ।
ଏଥିସହିତ ପଢ଼ନ୍ତୁ: ଚାରିଟା କାର ଓ ହେଲିକପ୍ଟରରେ ଟଙ୍କା ନେଇ ଦେଶରୁ ପଳାୟନ କରିଥିଲେ ଗନି
୩୯ଟି ସ୍କୁଲର ରୂପାନ୍ତରୀକରଣ କାର୍ଯ୍ୟ ସମ୍ପୂର୍ଣ୍ଣ: ଆସନ୍ତା ୨୧ରେ ମୁଖ୍ୟମନ୍ତ୍ରୀ କରିବେ ଶୁଭାରମ୍ଭ
ଭୁବନେଶ୍ୱର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିର୍ଦ୍ଦେଶକ୍ରମ ମୁଖ୍ୟମନ୍ତ୍ରୀଙ୍କ ସଚିବ (୫-ଟି) ଭି.କେ. ପାଣ୍ଡିଆନ୍ ୧୫ ଓ ୧୬ ତାରିଖ ଦୁଇ ଦିନ ଗଞ୍ଜାମ ଜିଲ୍ଲାର ହିଞ୍ଜିଳି ଓ ଶେରଗଡ଼ ଗସ୍ତ କରି ବିଭିନ୍ନ ଉନ୍ନୟନମୂଳକ କାର୍ଯ୍ୟର ସମୀକ୍ଷା କରିଛନ୍ତି। ଏହି ଅବସରରେ ମୁଖ୍ୟମନ୍ତ୍ରୀ ଭିଡ଼ିଓ କଲ୍ ଯୋଗେ ଶାସନ ଆମ୍ଵ ଗାଁର ବୃନ୍ଦାବନ ସ୍ମୃତି ବିଦ୍ୟାପୀଠର ଛାତ୍ରଛାତ୍ରୀ ମୀରା ସ୍ୱାଇଁ ଓ ଦୀପକ ଦଳାଇଙ୍କ ସହ କଥା ହୋଇ ସ୍କୁଲ ରୂପାନ୍ତରୀକରଣ କାମ ସମ୍ପର୍କରେ ପିଲା ତଥା ଅଭିଭାବକମାନଙ୍କ ମତାମତ ଲୋଡ଼ିଥିଲେ । ସେମାନେ ସ୍କୁଲ ରୂପାନ୍ତରୀକରଣ ଦିଗରେ ମୁଖ୍ୟମନ୍ତ୍ରୀଙ୍କ ପଦକ୍ଷେପର ଉଚ୍ଚ ପ୍ରଶଂସା କରିବା ସହ ଧନ୍ୟବାଦ ଜଣାଇଥିଲେ ।
ଶ୍ରୀ ପାଣ୍ଡିଆନ ପ୍ରଥମେ ହିଞ୍ଜିଳି ଓ ଶେରଗଡ଼ରେ ଥିବା ୩୯ଟି ହାଇସ୍କୁଲରେ ୫-ଟି କାର୍ଯ୍ୟକ୍ରମ ଅଧିନରେ ଚାଲିଥିବା ରୂପାନ୍ତରୀକରଣ କାମ ପର୍ଯ୍ୟବେକ୍ଷଣ କରିଥିଲେ। ଏହି ଅବସରରେ ସେ ସ୍କୁଲର ଛାତ୍ରଛାତ୍ରୀ ଓ ଶିକ୍ଷକଶିକ୍ଷୟିତ୍ରୀ, ଅଭିଭାବକ, ସ୍କୁଲ ପରିଚାଳନା କମିଟିର ସଦସ୍ୟ ଏବଂ ପଞ୍ଚାୟତ ପ୍ରତିନିଧି ମାନଙ୍କ ସହିତ ଏହି ଉନ୍ନତ ଶିକ୍ଷାଦାନ ବ୍ୟବସ୍ଥା ସମ୍ପର୍କରେ ଆଲୋଚନା କରିଥିଲେ। ଏହି ସ୍ମାର୍ଟ କ୍ଲାସ ରୁମ୍ କାର୍ଯ୍ୟକ୍ରମରେ ସ୍କୁଲ ଗୁଡିକରେ ଇ-ଲାଇବ୍ରେରୀ, ଆଧୁନିକ ପରୀକ୍ଷାଗାର, Hygenic toilet, ସ୍ୱଚ୍ଛ ପାନୀୟ ଜଳ ବ୍ୟବସ୍ଥା, ଖେଳପଡ଼ିଆ ଓ ବୃକ୍ଷରୋପଣ ଆଦି କାର୍ଯ୍ୟକ୍ରମକୁ ୫-ଟି ସଚିବ ପର୍ଯ୍ୟବେକ୍ଷଣ କରି ଅଗ୍ରଗତିର ସମୀକ୍ଷା କରିଥିଲେ। ଶ୍ରୀ ପାଣ୍ଡିଆନଙ୍କ ସମୀକ୍ଷାରୁ ଜଣାଯାଇଛି ଯେ ହିଞ୍ଜିଳି ଓ ଶେରଗଡର ୩୯ଟି ସ୍କୁଲରେ ସ୍ମାର୍ଟ କ୍ଲାସ ରୁମ କାମ ସମ୍ପୂର୍ଣ୍ଣ ହୋଇଛି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଅଗଷ୍ଟ ୨୧ ତାରିଖରୁ ଏହାକୁ ପର୍ଯ୍ୟାୟକ୍ରମେ ଛାତ୍ରଛାତ୍ରୀଙ୍କ ଉଦ୍ଦେଶ୍ୟରେ ଲୋକାର୍ପିତ କରିବେ ।
ସୂଚନାଯୋଗ୍ୟ ଯେ ସାରା ରାଜ୍ୟରେ ୧୦୭୨ଟି ସ୍କୁଲରେ ସ୍ମାର୍ଟ କ୍ଲାସ ରୁମ୍ ବିକାଶ କରାଯାଉଛି। ଏଥିରେ ପିଲାଙ୍କ ପାଇଁ କମ୍ପ୍ୟୁଟ ବ୍ୟବସ୍ଥା ସହିତ ଉନ୍ନତ ଲାବୋରେଟୋରୀ, ଲାଇବ୍ରେରୀ ଓ ଅନ୍ୟାନ୍ୟ ସୁବିଧା କରାଯାଉଛି । ଏହାପରେ ୫-ଟି ସଚିବ ଗଞ୍ଜାମର ପ୍ରସିଦ୍ଧ ତାରାତାରିଣୀ ମନ୍ଦିର ଗସ୍ତ କରି ମନ୍ଦିର ଓ ଏହାର ପାରିପାର୍ଶ୍ୱିକ୍ ବିକାଶ କାମ ପର୍ଯ୍ୟବେକ୍ଷଣ କରିଥିଲେ। ମନ୍ଦିରର ପ୍ରସାଦ ସେବନ ହଲ୍, ଦୀପଘର, ସ୍ନାନ ମଣ୍ଡପ, ଯଜ୍ଞ ମଣ୍ଡପ ଆଦି ପର୍ଯ୍ୟବେକ୍ଷଣ କରିଥିଲେ ଏବଂ ମନ୍ଦିର ପ୍ରାଙ୍ଗଣରେ ବୃକ୍ଷରୋପଣ କରିଥିଲେ। ଏହା କାର୍ଯ୍ୟକୁ ତ୍ୱରାନ୍ୱିତ କରିବା ପାଇଁ ପରାମର୍ଶ ଦେଇ ସେ ଅଧିକାରୀମାନଙ୍କୁ ମନ୍ଦିର ବିକାଶ କାର୍ଯ୍ୟକୁ ନଭେମ୍ବର ୨୦୨୧ ସୁଦ୍ଧା ସମ୍ପୂର୍ଣ୍ଣ କରିବା ପାଇଁ ନିର୍ଦ୍ଦେଶ ଦେଇଥିଲେ।
ପରେ ଶ୍ରୀ ପାଣ୍ଡିଆନ ପୁରୁଷୋତ୍ତମପୁର ଆଇ.ଟି.ଆଇ ପରିଦର୍ଶନ କରି ସେଠାରେ ଛାତ୍ରଛାତ୍ରୀ ଓ ଶିକ୍ଷକଶିକ୍ଷୟିତ୍ରୀମାନଙ୍କ ସହିତ ଆଲୋଚନା କରିଥିଲେ ଏବଂ ପିଲାମାନଙ୍କୁ ଶିକ୍ଷାଦାନ ପଦ୍ଧତିରେ ବିଭିନ୍ନ ଆଧୁନିକ ବ୍ୟବସ୍ଥା ସମ୍ପର୍କରେ ପଚାରି ବୁଝିଥିଲେ। ଏହି ଆଇ.ଟି.ଆଇରେ ପାଠ ପଢୁଥିବା ୯୦ ପ୍ରତିଶତ ପିଲା ଚାକିରି ପାଉଥିବାରୁ ସେମାନେ ଆଇ.ଟି.ଆଇ ଗୁଡିକର ଉନ୍ନତ ଶିକ୍ଷାଦାନ ବ୍ୟବସ୍ଥା ପାଇଁ ଧନ୍ୟବାଦ ଜଣାଇଥିଲେ।ଏହି କାର୍ଯ୍ୟକ୍ରମରେ ଗଞ୍ଜାମ ଜିଲ୍ଲାପାଳ, ଜିଲ୍ଲାର ଏସ୍.ପି ଓ ଜିଲ୍ଲା ଗ୍ରାମ ଉନ୍ନୟନ ସଂସ୍ଥାର ପ୍ରକଳ୍ପ ନିର୍ଦ୍ଦେଶକ ପ୍ରମୁଖ ଉପସ୍ଥିତ ଥିଲେ ।
ଏଥିସହିତ ପଢ଼ନ୍ତୁ: ଭିଡିଓ କଲ୍ରେ ସ୍ମାର୍ଟ କ୍ଲାସ୍ର ସ୍ଥିତି ଦେଖିଲା ପରେ ଛାତ୍ରଛାତ୍ରୀଙ୍କ ସହ କଥା ହେଲେ ମୁଖ୍ୟମନ୍ତ୍ରୀ
ପୋଲିସ ପରେ କାଳରାତିର ସତ ଖୋଜୁଛି କ୍ରାଇମବ୍ରାଞ୍ଚ: ଜାଣନ୍ତୁ କେଉଁ କେଉଁ ଦିଗୁକୁ ନେଇ ତଦନ୍ତ କରୁଛି ଟିମ୍
ଭୁବନେଶ୍ୱର: କେମିତି ହେଲା ଏସିଏଫ୍ ସୌମ୍ୟରଞ୍ଜନଙ୍କ ମୃତ୍ୟୁ? ମାସେ ପରେ ବି ରହସ୍ୟ ଉପରୁ ହଟିନି ପରଦା। ପୋଲିସ ପରେ କାଳରାତିର ସତ ଖୋଜୁଛି କ୍ରାଇମବ୍ରାଞ୍ଚ । କେମିତି ପୋଡ଼ିହେଲେ ସୌମ୍ୟ, ତନାଘନା କରୁଛି ଟିମ୍ । ତଦନ୍ତର ତୃତୀୟ ଦିନରେ ମାରାଥନ୍ ଜେରା କରିଛି କ୍ରାଇମବ୍ରାଞ୍ଚ । ୨ଜଣ ଏସିଏଫ୍, ରୋଷେୟା ମନ୍ମଥ କୁମ୍ଭ ଓ ରାତ୍ରି ଜଗୁଆଳିଙ୍କୁ ପଚରାଉଚରା କରାଯାଇଛି । ଆଗକୁ ଡିଏଫଓ ଓ ବିଦ୍ୟାଭାରତୀଙ୍କୁ କ୍ରାଇମବ୍ରାଞ୍ଚ ଜେରା କରିପାରେ ।
ସୌମ୍ୟ ମୃତ୍ୟୁ ରହସ୍ୟ ଉପରୁ ହଟୁନି ପରଦା । ପୋଲିସ ପରେ କ୍ରାଇମବ୍ରାଞ୍ଚ ଖୋଜୁଛି ସତ । କେମିତି ପୋଡ଼ିହେଲେ ସୌମ୍ୟ? କାଳ ରାତିର ସତ କଣ? ହତ୍ୟା, ଆତ୍ମହତ୍ୟା ନା ଅଘଟଣ? ପୂରା ଘଟଣା ନେଇ ତନାଘନା କରୁଛି କ୍ରାଇମବ୍ରାଞ୍ଚ । ପୋଲିସଠାରୁ ଦସ୍ତାବିଜ ନେଇ ତର୍ଜମା କରିବା ସହ ମାରାଥନ୍ ଜେରା କରିଛି । ଦୁଇ ଜଣ ଏସିଏଫଙ୍କୁ ୪ଘଣ୍ଟା ଧରି ଗୁଡ଼େଇ ତୁଡ଼େଇ ପ୍ରଶ୍ନ ପଚାରିଛି କ୍ରାଇମବ୍ରାଞ୍ଚ। ଅଫିସକୁ ନେଇ ମାନସିକ ଚାପରେ ଥିଲେ କି ସୌମ୍ୟ? ଡିଏଫଓ ଓ ବିଦ୍ୟାଭାରତୀଙ୍କ ମଧ୍ୟରେ ଅନୈତିକ ସମ୍ପର୍କ ଅଭିଯୋଗର ସତ କ’ଣ? ଏନେଇ ମାରାଥନ୍ ଜେରା କରିଛି କ୍ରାଇମବ୍ରାଞ୍ଚ ।
ଏସିଏଫ୍ଙ୍କ ମୃତ୍ୟୁ ପାଇଁ ବିଦ୍ୟାଭାରତୀ, ଡିଏଫଓ ଓ ରୋଷେୟା ମନ୍ମଥ କୁମ୍ଭଙ୍କୁ ସିଧାସଳଖ ଦାୟୀ କରିଥିଲେ ସୌମ୍ୟଙ୍କ ପରିବାର ଲୋକେ । ପୋଲିସ ଡିଏଫଓ ଓ ରୋଷେୟାଙ୍କୁ କ୍ଲିନ୍ ଚିଟ୍ ଦେଇଥିଲା । ବିଦ୍ୟାଭାରତୀଙ୍କୁ ଦୁଇ ଦୁଇ ଥର ଜେରା କରିଥିଲା। ରୋଷେୟା ମନ୍ମଥ କୁମ୍ଭଙ୍କୁ ପୂରା ଘଟଣା ନେଇ ଜେରା କରିଛି କ୍ରାଇମବ୍ରାଞ୍ଚ । ପରବର୍ତ୍ତୀ ସମୟରେ ଡିଏଫଓଙ୍କୁ ବି ଜେରା କରାଯାଇପାରେ। ଡିଏଫଓ, ବିଦ୍ୟାଭାରତୀ ଓ ମମତା ପଣ୍ଡାଙ୍କୁ ପଚରାଉଚରା କରିବାକୁ ଦାବି କରିଛନ୍ତି ସୌମ୍ୟଙ୍କ ପରିବାର ।
ସୌମ୍ୟ ରଞ୍ଜନଙ୍କ ମୃତ୍ୟୁ ଛାଡ଼ିଯାଇଛି ଅନେକ ଅସମାହିତ ପ୍ରଶ୍ନର ଅଡୁଆ ସୂତା । ତଦନ୍ତକାରୀ ଅଧିକାରୀଙ୍କ ସହ ବିସ୍ତୃତ ଆଲୋଚନା କରିଛି କ୍ରାଇମବ୍ରାଞ୍ଚ ଟିମ୍ । ସୌମ୍ୟଙ୍କ ସରକାରୀ ବାସଭବନ ଯାଇ ତନ୍ନ ତନ୍ନ ଯାଞ୍ଚ କରିଛି । ପୋଲିସଠାରୁ ପାଇଥିବା ସମସ୍ତ ଦସ୍ତାବିଜକୁ ତର୍ଜମା କରିବା ସହ ମାରାଥନ୍ ଜେରା କରିଛି କ୍ରାଇମ୍ବ୍ରାଞ୍ଚ।
ଏଥିସହିତ ପଢ଼ନ୍ତୁ: ଚାରିଟା କାର ଓ ହେଲିକପ୍ଟରରେ ଟଙ୍କା ନେଇ ଦେଶରୁ ପଳାୟନ କରିଥିଲେ ଗନି
ଚାରିଟା କାର ଓ ହେଲିକପ୍ଟରରେ ଟଙ୍କା ନେଇ ଦେଶରୁ ପଳାୟନ କରିଥିଲେ ଗନି
କାବୁଲ: ଆଫଗାନିସ୍ତାନ ରାଷ୍ଟ୍ରପତି ଅସରଫ୍ ଗନି ରବିବାର ଚାରୋଟି କାର୍ ଏବଂ ନଗଦ ଟଙ୍କା ଭର୍ତ୍ତି ହେଲିକପ୍ଟର ସହିତ ରାଜଧାନୀ କାବୁଲରୁ ପଳାୟନ କରିଛନ୍ତି । ଋଷ ଦୂତାବାସ ପ୍ରବକ୍ତା ନିକିତା ଇସ୍ଚୋକେଙ୍କ କହିବା ହେଲା ଯେ, ଚାରୋଟି କାରରେ ଟଙ୍କା ଭର୍ତ୍ତି ହୋଇଥିଲା । ସେ ଆହୁରି କିଛି ନଗଦ ଟଙ୍କା ଅନ୍ୟ ଏକ ହେଲିକପ୍ଟରରେ ଭର୍ତ୍ତି କରିବାକୁ ଚେଷ୍ଟା କରିଥିଲେ କିନ୍ତୁ ସବୁତକ ଟଙ୍କା ଭର୍ତ୍ତି ହୋଇପାରିନଥିଲା । ଏଣୁ କିଛି ଟଙ୍କା ରୋଡ ଉପରେ ମଧ୍ୟ ପଡ଼ିଥିବା ଦେଖିବାକୁ ମିଳିଥିଲା । ଏ ନେଇ ଋଷ ଖବର ସରବରାହ ସଂସ୍ଥା ପକ୍ଷରୁ ସୂଚନା ଦିଆଯାଇଛି ।
କାବୁଲକୁ ନିଜ କବ୍ଜାକୁ ନେଇ ସାରିଛି ଆଫଗାନିସ୍ତାନ । ଆଉ ଏହା ପରେ ଆଫଗାନିସ୍ତାନର ଭବିଷ୍ୟତ ନେଇ ଅନିଶ୍ଚିତତା ଦେଖାଯାଇଛି । ଏବେ ଗାନିଙ୍କ ଠିକଣା ସମ୍ପର୍କରେ ସ୍ପଷ୍ଟ ହୋଇପାରିନି । ମିଳିଥିବା ସୂଚନା ମୁତାବକ ଗାନିଙ୍କ ହେଲିକପ୍ଟରକୁ ତାଜକିସ୍ତାନରେ ଅବତରଣ ଅନୁମତି ନ ମିଳିବା ପରେ ଏବେ ସେ ଓମାନ୍ରେ ଥିବା ଜଣାପଡ଼ିଛି । ମିଳିଥିବା ସୂଚନା ମୁତାବକ ସେ ଯୁକ୍ତ ରାଷ୍ଟ୍ର ଆମେରିକା ଯିବା ନେଇ ପ୍ରସ୍ତୁତ ହେଉଛନ୍ତି ।
ରକ୍ତପାତକୁ ଏଡ଼ାଇବା ପାଇଁ ସେ ଦେଶ ଛାଡ଼ିଥିବା ନିଜ ଫେସବୁକ୍ ପୋଷ୍ଟରେ ଲେଖିଛନ୍ତି । ଅନ୍ୟପକ୍ଷରେ କାବୁଲକୁ ନିଜ ଅକ୍ତଆରକୁ ନେବା ପରେ ତାଲିବାନୀ ନେତାଙ୍କୁ ରାଷ୍ଟ୍ରପତି ଭବନରେ ଦେଖିବାକୁ ମିଳିଥିଲା ।
ତେବେ ଆଫଗାନିସ୍ତାନ ରାଜଧାନୀକୁ କବ୍ଜାକୁ ନେବା ପରେ ଏବେ ସବୁଠି ଆତଙ୍କର ମହୋଲ ଦେଖିବାକୁ ମିଳିଛି । ବଡ଼ ବଡ଼ ଛକମାନଙ୍କରେ ତାଲିବାନୀ ସୈନ୍ୟ ମୁତୟନ ରହିଛନ୍ତି । ଯାତାୟତ କରୁଥିବା ଯାନବାହନକୁ ତନଖି କରୁଥିବା ଦେଖିବାକୁ ମିଳିଛି । ଅନ୍ୟପକ୍ଷରେ ଯୁଦ୍ଧ ଶେଷ ନେଇ ତାଲିବାନ ପକ୍ଷରୁ ଘୋଷଣା କରାଯାଇଥିଲେ ହେଁ, ନିଜ ଦେଶରେ ନିଜକୁ ସୁରକ୍ଷିତ ମଣୁନାହାନ୍ତି ସାଧାରଣ ଜନତା । କାବୁଲ ଛାଡ଼ି ଅନ୍ୟତ୍ର ପଳାୟନ ନେଇ ଜୀବନକୁ ବାଜି ଲଗାଉଛନ୍ତି ଲୋକେ । ଯାହାର ଭିଡିଓ ଏବେ ସୋସିଆଲ ମିଡିଆରେ ଖୁବ୍ ଭାଇରାଲ ହୋଇଛି ।
ଭିଡିଓଟି କାବୁଲର ହାମିଦ କର୍ଜାଇ ଅନ୍ତର୍ଜାତୀୟ ବିମାନବନ୍ଦର । ଯେଉଁଠାରେ କାବୁଲ ଛାଡ଼ି ପଳାୟନ କରିବାକୁ ଜନ ସମୁଦ୍ର ଦେଖିବାକୁ ମିଳିଛି । ସ୍ଥିତି ଏପରି ହୋଇଛି ଯେ ଦଳାଚକଟା ପରିସ୍ଥିତି ସୃଷ୍ଟି ହୋଇଛି । ଲୋକେ ଯେକୌଣସି ଉପାୟରେ କାବୁଲ ଛାଡ଼ିବାକୁ ଚାହୁଁଛନ୍ତି । ଏଥିପାଇଁ ନିଜର ଜୀବନକୁ ମଧ୍ୟ ବାଜି ଲଗାଇବାକୁ ପଛଘୁଞ୍ଚା ଦେଉନାହାନ୍ତି ।
ଏଥିସହିତ ପଢ଼ନ୍ତୁ: ଜୀବନକୁ ବାଜି ଲଗାଇ ଆଫଗାନିସ୍ତାନ ଛାଡ଼ୁଛନ୍ତି ଲୋକେ: ବିମାନରୁ ଖସି ପଡ଼ିଲେ ୩ଜଣ, ଦେଖନ୍ତୁ ଭଡିଓ
ଲଘୁଚାପର ରୂପ ନେଲା ପଶ୍ଚିମ କେନ୍ଦ୍ରୀୟ ବଙ୍ଗୋପସାଗରରେ ସୃଷ୍ଟ ଘୂର୍ଣ୍ଣିବଳୟ: ୫ ଜିଲ୍ଲାକୁ ୟେଲୋ ଓ୍ୱାର୍ଣ୍ଣିଂ
ଭୁବନେଶ୍ୱର: ଲଘୁଚାପର ରୂପ ନେଲା ପଶ୍ଚିମ କେନ୍ଦ୍ରୀୟ ବଙ୍ଗୋପସାଗର ଏବଂ ଉତ୍ତର ଆନ୍ଧ୍ର ଉପକୂଳରେ ସୃଷ୍ଟି ହୋଇଥିବା ଘୂର୍ଣ୍ଣିବଳୟ । ଘନୀଭୂତ ହେବା ପରେ ଏହା ଦକ୍ଷିଣ ଓଡ଼ିଶା, ଉତ୍ତର ଆନ୍ଧ୍ର ପ୍ରଦେଶ ଏବଂ ପଶ୍ଚିମ କେନ୍ଦ୍ରୀୟ ସଂଲଗ୍ନ ଉତ୍ତର ପଶ୍ଚିମ ବଙ୍ଗୋପସାଗର ମଧ୍ୟରେ ରହିଛି । ଲଘୁଚାପ ପ୍ରଭାବରେ ଆସନ୍ତା କାଲି ୫ଟି ଜିଲ୍ଲା ମାଲକାନଗିରି, କୋରାପୁଟ, ନବରଙ୍ଗପୁର, ଗଜପତି ଏବଂ ରାୟଗଡା ଜିଲ୍ଲାରେ ପ୍ରବଳରୁ ଅତି ପ୍ରବଳ ବର୍ଷା ପାଇଁ ୟେଲୋ ଆଲର୍ଟ ଜାରି କରାଯାଇଛି । ସେହିପରି ଗଞ୍ଜାମ, ପୁରୀ, କଟକ, ଖୋର୍ଦ୍ଧା, କନ୍ଧମାଳ, ବାଲେଶ୍ୱର ଏବଂ ମୟୁରଭଞ୍ଜ ଜିଲ୍ଲାରେ ପ୍ରବଳ ବର୍ଷା ହେବାର ସମ୍ଭାବନା ଥିବାରୁ ୟେଲୋ ଆଲର୍ଟ ଜାରି କରାଯାଇଛି । ୧୭ ତାରିଖରେ କନ୍ଧମାଳ, ବୌଦ୍ଧ, ପୁରୀ, କଳାହାଣ୍ଡି ଏବଂ କଟକ ଜିଲ୍ଲାରେ ପ୍ରବଳ ବର୍ଷା ହେବାର ସମ୍ଭାବନା ରହିଛି । ୧୮ ତାରିଖରେ ଆଭ୍ୟନ୍ତରୀଣ ଓଡ଼ିଶାର କିଛି ଜିଲ୍ଲାରେ ବର୍ଷା ହେବ ବୋଲି ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ କେନ୍ଦ୍ର । ଲଘୁଚାପର ପ୍ରଭାବ ୧୮ ତାରିଖ ପର୍ଯ୍ୟନ୍ତ ରହିବ । ବର୍ଷା ସମୟରେ ପବନର ବେଗ ଘଣ୍ଟା ପ୍ରତି ୪୦ ରୁ ୫୦ କିଲୋମିଟର ରହିବ । ସମୁଦ୍ର ଅଶାନ୍ତ ରହିବା କାରଣରୁ ୧୭ ଏବଂ ୧୮ ତାରିଖରେ ମତ୍ସଜୀବୀ ମାନଙ୍କୁ ସମୁଦ୍ର ମଧ୍ୟକୁ ଯିବାକୁ ବାରଣ କରାଯାଇଛି । ସେପଟେ ରାଜ୍ୟରେ ମୌସୁମୀ ଦୁର୍ବଳ ରହିଥିବାରୁ ଏବେ ବି ନିଅଣ୍ଟିଆ ବର୍ଷା ରେକର୍ଡ କରାଯାଇଛି । ଜୁନ୍ ୧ ତାରିଖରୁ ଅଗଷ୍ଟ ୧୬ ପର୍ଯ୍ୟନ୍ତ ରାଜ୍ୟରେ ୭୬୧.୮ ମିଲିମିଟର ବର୍ଷା ରେକର୍ଡ ହେବା କଥା । କିନ୍ତୁ ବର୍ତ୍ତମାନ ସୁଦ୍ଧା ୫୩୭.୪ ମିଲିମିଟର ବର୍ଷା ରେକର୍ଡ କରାଯାଇଛି । ଯାହା ସ୍ବାଭାବିକ ବର୍ଷା ଠାରୁ ୨୯ ପ୍ରତିଶତ କମ୍ । ରାଜ୍ୟର ୨୫ ଟି ଜିଲ୍ଲାରେ ନିଅଣ୍ଟିଆ ବର୍ଷା ହୋଇଥିବା ବେଳେ ୫ଟି ଜିଲ୍ଲାରେ ସ୍ବାଭାବିକ ବର୍ଷା ହୋଇଛି । ଯାଜପୁରରେ ସର୍ବନିମ୍ନ ୫୪ ପ୍ରତିଶତ କମ୍ ବର୍ଷା ହୋଇଥିବା ବେଳେ ଭଦ୍ରକରେ ୫୨, ବଲାଙ୍ଗିରରେ ୪୨, କେନ୍ଦୁଝର, ଝାରସୁଗୁଡା ରେ ସ୍ବାଭାବିକ ଠାରୁ ୪୧ ପ୍ରତିଶତ ଏବଂଅନୁଗୁଳ ସ୍ୱାଭାବିକ ଠାରୁ ୪୦ ପ୍ରତିଶତ ନିଅଣ୍ଟିଆ ବର୍ଷା ହୋଇଛି ବୋଲି ଆଞ୍ଚଳିକ ପାଣିପାଗ କେନ୍ଦ୍ର ପକ୍ଷରୁ କୁହାଯାଇଛି ।
ଏଥିସହିତ ପଢ଼ନ୍ତୁ: ଏମ୍ସିଏଲ୍ ଆଣୁଛି ତାଳଚେର ବାସୀଙ୍କ ପାଇଁ ବିପଦ: ଖନନ ପରେ କରାଯାଉନି ବାଲି ଭର୍ତ୍ତି, ବଢ଼ିଲା ଭୂକମ୍ପ ଭୟ
ଏମ୍ସିଏଲ୍ ଆଣୁଛି ତାଳଚେର ବାସୀଙ୍କ ପାଇଁ ବିପଦ: ଖନନ ପରେ କରାଯାଉନି ବାଲି ଭର୍ତ୍ତି, ବଢ଼ିଲା ଭୂକମ୍ପ ଭୟ
ତାଳଚେର: କଳାହୀରାର ସହର ତାଳଚେରକୁ ପାତାଳୀ ଭୟ । ତାଳଚେବାସୀଙ୍କ ଜୀବନ ସହିତ ସାଂଘାତିକ ଖେଳ ଖେଳୁଛି ଏମ୍ସିଏଲ୍ । କୋଇଲା ଖନନ କରି ସାରିବା ପରେ ଭୁଲି ଯାଉଛି ଅଞ୍ଚଳବାସୀଙ୍କ ପ୍ରତି ଗୁରୁ ଦାୟିତ୍ୱ । ଖୋଳା ସରିଥିବା ଖଣିରେ ବାଲି ଭର୍ତ୍ତି କରିବାରେ ଅନିୟମିତତା ଯୋଗୁଁ ମାଟି ଭୁଶୁଡ଼ିବା ଆଶଙ୍କା ଦେଖାଦେଇଛି । ସାରା ସହରବାସୀ ଭୟଭୀତ ଅବସ୍ଥାରେ ଅଛନ୍ତି । ତାଳଚେର ଏବେ ଭୂକମ୍ପ ଜୋନ୍ରେ ଅଛି ।
ତାଳଚେରକୁ ପାତାଳୀ ଭୟ । କୋଇଲା ଉତ୍ତୋଳନ ନିୟମ ଉଲ୍ଲଂଘନ ଅଭିଯୋଗ । ଆସିପାରେ ଭୟଙ୍କର ଭୂକମ୍ପ । ଦେଶର ଅର୍ଥନୈତିକ ମାନଚିତ୍ରରେ ଚାଳଚେର ନିଜର ସ୍ୱତନ୍ତ୍ର ପରିଚୟ ସୃଷ୍ଟି କରିଛି । କିନ୍ତୁ ଏବେ ଏହା ସାଜିଛି ଅଭିଶାପ । କୋଇଲା ଖନନ କରି ଏମସିଏଲ୍ ଏବେ ଅଞ୍ଚଳବାସୀଙ୍କ ପାଇଁ ଲେଖୁଛି ମୃତ୍ୟର ଇସ୍ତାହାର । ମାଟି ତଳୁ କୋଇଲା ଖନନ କରିବା ପରେ, ସେଠାରେ ବାଲି ଭର୍ତ୍ତି କରିବାର ନିୟମ ଅଛି । କିନ୍ତୁ ନିୟମକୁ ଏମ୍ସିଏ୍ ଖୋଲା ଖୋଲି ଉଲ୍ଲଂଘନ କରୁଥିବା ତାଳଚେର ବାସିନ୍ଦା ଅଭିଯୋଗ କରିଛନ୍ତି ।
ଭୂତଳ କୋଇଲା ଖଣିଗୁଡ଼ିକରେ ବାଲି ଭର୍ତ୍ତି କ୍ଷେତ୍ରରେ ଅବହେଳା କରି ଲୋକଙ୍କୁ ଜାଣିଶୁଣି ମରଣ ମୁହଁକୁ ଠେଲି ଦିଆଯାଉଛି । ତାଳଚେର ଶକ୍ତିଶାଳୀ ଭୂକମ୍ପ ଜୋନ୍ରେ ଥିବା ଖଡ଼ଗପୁର ଆଇଆଇଟିର ବିଶେଷଜ୍ଞ ଟିମ୍ ରିପୋର୍ଟ ଦେଇଛନ୍ତି । ବିଭିନ୍ନ ସମୟରେ ତାଳଚେରରେ ଭୂସ୍ଖଳନ ଯୋଗୁ ଯାଇଛି ଅନେକ ଧନ ଜୀବନ । ତଥାପି ଚେତିନି ଏମସିଏଲ । ଏବେ ଏହି ଅଞ୍ଚଳରେ 2ରୁ 3 ମହଲା କୋଠା ନିର୍ମାଣ ମଧ୍ୟ ନିଷେଧ ହୋଇଛି । ଭୂମିକମ୍ପ ଆଶଙ୍କାରେ ଲୋକ ଭୟଭୀତ ଅଛନ୍ତି । ଶୀଘ୍ର ପଦକ୍ଷେପ ନିଆ ନଗଲେ ଆଗାମୀ ଦିନରେ ତାଳଚେରର ସ୍ଥିତି କ’ଣ ହେବ, କହିବା ମୁସକିଲ ।
ଏଥିସହିତ ପଢ଼ନ୍ତୁ: ଜୀବନକୁ ବାଜି ଲଗାଇ ଆଫଗାନିସ୍ତାନ ଛାଡ଼ୁଛନ୍ତି ଲୋକେ: ବିମାନରୁ ଖସି ପଡ଼ିଲେ ୩ଜଣ, ଦେଖନ୍ତୁ ଭଡିଓ
ସେପ୍ଟେମ୍ୱର ୧ରୁ ବିଧାନସଭାର ମୌସୁମୀ ଅଧିବେଶନ
ଭୁବନେଶ୍ୱର: ସେପ୍ଟେମ୍ୱର ପହିଲାରୁ ଆରମ୍ଭ ହେବ ରାଜ୍ୟ ବିଧାନସଭାର ମୌସୁମୀ ଅଧିବେଶନ । ସେପ୍ଟେମ୍ୱର ୧ରୁ ୯ ଯାଏଁ ଚାଲିବ ଅଧିବେଶନ । ୯ ଦିନ ମଧ୍ୟରୁ ୮ ଦିନ କାର୍ଯ୍ୟ ଦିବସ ରହିଛି । ୮ ଦିନରୁ ୭ ଦିନ ଅଫିସିଆଲ୍ ବିଜନେସ୍ ପାଇଁ ନିର୍ଘଣ୍ଟ ହୋଇଥିବା ବେଳେ ଗୋଟିଏ ଦିନ ଅର୍ଥାତ ୩ ସେପ୍ଟେମ୍ୱର ପ୍ରାଇଭେଟ୍ ମେମ୍ୱର୍ସ ବିଜନେସ୍ ପାଇଁ ଦିନ ଧାର୍ଯ୍ୟ ହୋଇଛି । ଏ ନେଇ ବିଧାନସଭା କାର୍ଯ୍ୟାଳୟ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି ।