spot_img
Home Blog Page 5313

ଜାତିସଂଘରେ ପାକିସ୍ତାନର ଚାମଚାଗିରି, ତାଲିବାନ ସରକାରକୁ ଶକ୍ତିଶାଳୀ କରିବାକୁ କହିଲେ ଇମ୍ରାନ

ନୂଆଦିଲ୍ଲୀ: ଆନ୍ତର୍ଜାତିକ ସ୍ତରରେ ବି ତାଲିବାନ ଲାଗି ଚାମଚାଗିରି । ଆଫଗାନିସ୍ତାନର ତାଲିବାନ ସରକାରକୁ ଶକ୍ତିଶାଳୀ କରିବା ସହ ସେହି ଦେଶରେ ସ୍ଥିରତା ବଜାୟ ରଖିବା ଲାଗି ଜାତିସଂଘ ସାଧାରଣ ଆସେମ୍ବ୍ଲିରେ କହିଛନ୍ତି ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାଁ । ଇମ୍ରାନ କହିଛନ୍ତି ତାଲିବାନ ସରକାରକୁ ସ୍ବୀକୃତି ଦେବା ସହ ତାହାକୁ ଶକ୍ତିଶାଳୀ କରିବା ଲାଗି ବିଶ୍ବ ସମୁଦାୟ ଆଗେଇ ଆସିବା ଉଚିତ । ୭୬ତମ ସାଧାରଣ ଆସେମ୍ବ୍ଲିରେ ଉଦବୋଧନ ଦେଇ ଇମ୍ରାନ କହିଛନ୍ତି- ଆଫଗାନିସ୍ତାନବାସୀଙ୍କ ସ୍ବାର୍ଥ ଲାଗି ସାରା ବିଶ୍ବ ତାଲିବାନ ସରକାରକୁ ଶକ୍ତିଶାଳୀ କରିବା ଉଚିତ ।

ଆଫଗାନିସ୍ତାନ ଲାଗି ବର୍ତ୍ତମାନ ଦୁଇଟି ବିକଳ୍ପ ରହିଛି । ପ୍ରଥମ ହେଉଛି ସେହି ଦେଶକୁ ଗୁରୁତ୍ବ ନଦେବା । ଦ୍ବିତୀୟ ହେଉଛି ସେଠାରେ ଏକ ସ୍ଥିର ସରକାର ଗଠନ ଲାଗି ଉଦ୍ୟମ କରିବା । ଯଦି ଜାତିସଂଘ ଅନୁସାରେ ସେହି ଦେଶକୁ ଅବହେଳା କରାଯିବ ତେବେ ଆସନ୍ତା ବର୍ଷ ସୁଦ୍ଧା ୯୦ ପ୍ରତିଶତ ଲୋକ ଦାରିଦ୍ର୍ୟ ସୀମାରେଖା ତଳକୁ ଚାଲିଯିବେ । ଜାମ୍ମୁ ଓ କାଶ୍ମୀର ପ୍ରସଙ୍ଗରେ ମଧ୍ୟ ଇମ୍ରାନ ଦେଇଛନ୍ତି ବିବାଦୀୟ ବିବୃତି । ପାକ୍ ଅଧିକୃତ କାଶ୍ମୀରରୁ ତୁରନ୍ତ ଭାରତ ହଟିଯାଉ ବୋଲି ସେ ଦାବି କରିଛନ୍ତି ।

ସେପଟେ ଇମ୍ରାନଙ୍କ ଏଭଳି ଘୃଣ୍ୟ ଯୁକ୍ତିକୁ ତୀବ୍ର ବିରୋଧ କରିଛି ଭାରତ । ଆତଙ୍କବାଦୀଙ୍କୁ ସମର୍ଥନ କରିବା ନେଇ ଇମ୍ରାନଙ୍କ ଉପରେ ବର୍ଷିଛନ୍ତି ଜାତିସଂଘରେ ଭାରତର ପ୍ରଥମ ସଚିବ ସ୍ନେହ ଦୁବେ । ସେ କହିଛନ୍ତି- ଜାମ୍ମୁ ଓ କାଶ୍ମୀର ଏବଂ ଲଦାଖ ଭାରତର ଅବିଚ୍ଛିନ୍ନ ଅଙ୍ଗ ହୋଇରହିବ । କୌଣସି ବାହ୍ୟ ରାଷ୍ଟ୍ରର ଚକ୍ରାନ୍ତ ଫଳପ୍ରଦ ହେବ ନାହିଁ । ସେ କହିଛନ୍ତି ଭାରତ ବିରୋଧରେ ପାକିସ୍ତାନ ସର୍ବଦା ଆତଙ୍କବାଦୀ କାର୍ଯ୍ୟକଳାପକୁ ପ୍ରୋତ୍ସାହନ ଦେଇଆସୁଛି । ବର୍ତ୍ତମାନ ବି ଓସମା ବିନ ଲାଡେନକୁ ପାକିସ୍ତାନ ସହିଦ ବୋଲି ଦାବି କରିଆସୁଛି ବୋଲି ସେ କହିଥିଲେ ।

ମହାନଦୀ ପଠାରୁ ମିଳିଲା ନିଖୋଜ ଓଡ୍ରାଫ ଯବାନଙ୍କ ମୃତଦେହ

ଭୁବନେଶ୍ୱର: ମିଳିଲା ନିଖୋଜ ଓଡ୍ରାଫ ଯବାନ ସୀତାରାମ ମୁର୍ମୁଙ୍କ ମୃତଦେହ। ମହାନଦୀର କଖଡି ଘାଟରୁ ସୀତାରାମଙ୍କ ମୃତଦେହ ମିଳିଥିବା ସୂଚନା ମିଳିଛି।ଗତକାଲି ମହାନଦୀରେ ଫସି ରହିଥିବା ହାତୀକୁ ଉଦ୍ଧାର ବେଳେ ଓଲଟି ପଡିଥିଲା ଓଡ୍ରାଫ୍ ବୋଟ୍। ଆଉ ନିଖୋଜ ହୋଇଯାଇଥିଲେ ଏହି ଓଡ୍ରାଫ ଯବାନ ଜଣଙ୍କ। ପୂର୍ବରୁ ନିଖୋଜ ଯବାନଙ୍କୁ ଖୋଜିବା ଲାଗି ଓଡ୍ରାଫ୍ ଓ ଏନଡିଆରଏଫର ଦୁଇଟି ବୋଟ୍ ସର୍ଚ୍ଚ ଅପରେସନରେ ଲାଗିଥିଲା।

ଉଲ୍ଲେଖଯୋଗ୍ୟ, ଗତକାଲି ହାତୀ ଉଦ୍ଧାର ବେଳେ ଓଡ୍ରାଫ୍ ବୋଟ୍ ଓଲଟି ଯାଇଥିଲା। ବୋଟ୍ ଓଲଟିବା ପରେ ଭାସି ଯାଇଥିବା ଗଣମାଧ୍ୟମ ପ୍ରତିନିଧି ଅରିନ୍ଦମ ଦାସଙ୍କ ଅକାଳ ବିୟୋଗ ହୋଇଥିଲା। ବୋଟ୍ ଓଲଟିବା ପରେ ଓଡ୍ରାଫ୍ ଟିମ୍ ସହ ଘରୋଇ ଟିଭି ଚ୍ୟାନେଲର ପ୍ରତିନିଧି ଓ କ୍ୟାମେରାମ୍ୟାନ ଭାସି ଯାଇଥିଲେ । ଭାସିଯିବାର କିଛି ସମୟ ପରେ ଖୋଜାଖୋଜି ଆରମ୍ଭ ହୋଇଥିଲା । ଦେଶୀ ଡଙ୍ଗାରେ ଅରିନ୍ଦମଙ୍କୁ ମୁର୍ମୁଷୁ ଅବସ୍ଥାରେ ଉଦ୍ଧାର କରାଯାଇଥିଲା ।

ପରବର୍ତ୍ତୀ ସମୟରେ ୪ ଜଣଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ ଏସସିବିରେ ଭର୍ତ୍ତି କରାଯାଇଥିଲା। ୨ ଗଣମାଧ୍ୟମ ପ୍ରତିନିଧିଙ୍କ ଅବସ୍ଥା ଗୁରୁତର ରହିଥିଲା। ଏହି ଅଘଟଣରେ ଅରିନ୍ଦମ ଦାସଙ୍କ ଅକାଳ ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ କଟକ ବଡ ମେଡିକାଲରେ ଚିକିତ୍ସାଧୀନ ରହିଛନ୍ତି ।

ବିଏସଏଫ୍ କ୍ୟାମ୍ପରେ ଅଘଟଣ, ସର୍ଟ ସର୍କିଟ ଯୋଗୁଁ ଯବାନ ମୃତ

0

ଉମରକୋଟ: ବିଏସଏଫ୍ କ୍ୟାମ୍ପରେ ସର୍ଟ ସର୍କିଟ ଯୋଗୁଁ ଅଘଟଣ ଘଟିଛି । ଜଣେ ଯବାନଙ୍କ ମୃତ୍ୟୁ ହୋଇଥିବାବେଳେ ଅନ୍ୟ ଦୁଇ ଜଣ ଯବାନ ଆହତ ହୋଇଛନ୍ତି । ଏଭଳି ଅଭାବନୀୟ ଘଟଣା ଘଟିଛି ନବରଙ୍ଗପୁର ଜିଲ୍ଲା ରାଇଘର ସ୍ଥିତ ବିଏସଏଫ୍ କ୍ୟାମ୍ପରେ।

ସୂଚନା ଅନୁଯାୟୀ, ୧୧ କେ.ଭି. ବିଦ୍ୟୁତ ତାର ସଂସ୍ପର୍ଶରେ ଆସି ସମଗ୍ର କ୍ୟାମ୍ପ ଚାର୍ଜ ହୋଇଯାଇଥିଲା । ଯାହା ଫଳରେ ବିଦ୍ୟୁତ୍ ଆଘାତ ଲାଗି ଜିଲ୍ଲା ପୋଲିସର ଜଣେ କାର୍ଯ୍ୟରତ ଯବାନଙ୍କ ମୃତ୍ୟୁ ହୋଇଛି। ମୃତ ଯବାନ ଜଣକ ଇସାକ୍ ହରିଜନ ଏବଂ ତାଙ୍କ ଘର ନବରଙ୍ଗପୁର ଜିଲ୍ଲା ଜଟାବାଲ ବୋଲି ଜଣା ପଡିଛି ।

ତେବେ ଆହତ ଯବାନଙ୍କ ମଧ୍ୟରେ ଜଣେ ତାରାଗାଁ ଗ୍ରାମର ଟଙ୍କ ସୋରୀ ହୋଇଥିବା ବେଳେ ଅନ୍ୟ ଜଣେ ପାପଡାହାଣ୍ଡି ହିର୍ଲି ଗ୍ରାମର ଈଶ୍ବର ମାଝୀ ବୋଲି ଜଣାପଡିଛି। ଆହତ ଦୁଇ ଯବାନଙ୍କୁ ଚିକିତ୍ସା ନିମନ୍ତେ ଉମରକୋଟ ଗୋଷ୍ଠୀ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି।

ଇମ୍ରାନଙ୍କୁ ତାଲିବାନର ଝଟକା,କହିଲା ‘ତୁମେ କଣ୍ଢେଇ,ଆମ ମାମଲାରେ ମୁଣ୍ଡ ଖେଳାଅ ନାହିଁ’

କାବୁଲ: ଆଫଗାନିସ୍ତାନରେ ତାଲିବାନ ପ୍ରତ୍ୟାବର୍ତ୍ତନକୁ ନେଇ ଖୁସି ହେଉଥିବା ପାକିସ୍ତାନକୁ ଲାଗିଛି ଜୋରଦାର ଝଟକା । ତାଲିବାନକୁ କଣ୍ଢେଇ କରି ଆଫଗାନିସ୍ତାନ ଉପରେ ରାଜ କରିବାର ସ୍ୱପ୍ନକୁ ଲାଗିଛି ଜୋରଦାର ଆଘାତ । ଓଲଟା ତାଲିବାନ ତାଲିବାନ ପାକିସ୍ତାନୀ ପ୍ରଧାନମନ୍ତ୍ରୀଙ୍କୁ କଣ୍ଢେଇ ବୋଲି କହିଛି । ଯାହା ସପକ୍ଷରେ ପାକ୍ ପ୍ରଧାନମନ୍ତ୍ରୀ ଇମ୍ରାନ ଖାନ ଓକିଲାତି କରି ଥକୁ ନାହାନ୍ତି ସେହି ତାଲିବାନ ତାଙ୍କୁ କଣ୍ଢେଇ ବୋଲି କହିବାକୁ ପଛାଇ ନାହିଁ । ତାଲିବାନର ସୋସିଆଲ ମିଡିଆ ମୁଖ୍ୟ ଜେନରାଲ ମୁବିନ ଇମ୍ରାନଙ୍କୁ ଆଫଗାନିସ୍ତାନ ମାମଲାରେ ହସ୍ତକ୍ଷେପ ନକରିବାକୁ କହିଛନ୍ତି । ମୁବିନ୍ ନିଜ ବୟାନରେ ଇମ୍ରାନଙ୍କୁ ଶଖି କଣ୍ଢେଇ ବୋଲି କହିବାକୁ ପଛାଇ ନାହାନ୍ତି ।

ସୂଚନାଯୋଗ୍ୟ ଯେ, ଦିନକ ତଳେ ବିବିସିକୁ ଏକ ସାକ୍ଷାତକାର ଦେଇ ଇମ୍ରାନ ତାଲିବାନୀ ନେତାଙ୍କୁ ଆଫଗାନିସ୍ତାନରେ ସବୁ ପକ୍ଷର ପ୍ରତିନିଧିତ୍ୱରେ ସରକାର ଗଠନ ପାଇଁ ଉପଦେଶ ଦେଇଥିଲେ । ଇମ୍ରାନ କହିଥିଲେ ଯେ, ସରକାରରେ ଯଦି ସବୁ ପକ୍ଷ ସାମିଲ ନହୁଅନ୍ତି ତେବେ ଦେଶରେ ଗୃହଯୁଦ୍ଧ ପରିସ୍ଥିତ ସୃଷ୍ଟି ହେବ । ଏମିତିରେ ଦେଶ ଆତଙ୍କବାଦୀଙ୍କ ପାଇଁ ସ୍ୱର୍ଗ ପାଲଟିଯିବ ।
ଇମ୍ରାନଙ୍କ ଏହି ବକ୍ତବ୍ୟ ତାଲିବାନକୁ ଚିଡାଇ ଦେଇଛି । ଜେନରାଲ ମୁବିନ କହିଛନ୍ତି ଯେ, ଆମ ଦେଶ ମାମଲାରେ ହସ୍ତକ୍ଷେପ କରିବାର ଅଧିକାର ଇମ୍ରାନଙ୍କର ନାହିଁ । ଯଦି ସେ ଏମିତି କରନ୍ତି ତେବେ ଆମକୁ ମଧ୍ୟ ତାଙ୍କ ଦେଶ ମାମଲାରେ ମୁଣ୍ଡ ଖେଳାଇବାର ହକ୍ ମିଳିଯିବ ।

କେବଳ ଏତିକି ନୁହେଁ ମୁବିନ୍ ମଧ୍ୟ ଇମ୍ରାନଙ୍କ ପ୍ରଧାନମନ୍ତ୍ରିତ୍ୱ ଉପରେ ପ୍ରଶ୍ନ ଚିହ୍ନ ଲଗାଇ ଦେଇଛନ୍ତି । ସେ ପଚାରିଛନ୍ତି ଯେ, ଇମ୍ରାନ ନିଜେ ମଧ୍ୟ ନିର୍ବାଚିତ ପ୍ରଧାନମନ୍ତ୍ରୀ ନୁହନ୍ତି । ଆମ ଦେଶ ମାମଲାରେ ମୁଣ୍ଡ ଖେଳାଇଲେ ଆମେ ତୁମ ମାମଲାରେ ହସ୍ତକ୍ଷେପ କରିବୁ ବୋଲି ମୁବିନଙ୍କ ଧମକ ପାକିସ୍ତାନୀ ତାଲିବାନକୁ ସମର୍ଥନ ଆଡକୁ ଇଶାରା ଭାବେ ନିଆଯାଉଛି । ଆଫଗାନିସ୍ତାନରେ ତାଲିବାନ କ୍ଷମତାକୁ ଆସିବା ପରେ ତେହରିକ୍ ଏ ତାଲିବାନ ପାକିସ୍ତାନର ମୁଖ୍ୟକୁ କାବୁଲ ଜେଲରୁ ମୁକ୍ତ କରିଦିଆଯାଇଥିଲା । ପାକିସ୍ତାନୀ ତାଲିବାନ ପାକ୍ ସେନା ପାଇଁ ବଡ଼ ବିପଦ । ଏହି ସଂଗଠନ ପାକିସ୍ତାନରେ ଆଫଗାନିସ୍ତାନ ଢାଂଚାରେ ଇସଲାମିକ୍ ଶାସନ ଚାହୁଁଛି ।

ଆମେରିକା ପୋଲିସକୁ ରାକ୍ଷୀ ବାନ୍ଧି ଚର୍ଚ୍ଚାରେ ମହିଳା

 ନୂଆଦିଲ୍ଲୀ:  ରକ୍ଷାବନ୍ଧନ ଏଭଳି ଏକ ପର୍ବ ଯାହା ଭାଇ ଭଉଣୀର ପବିତ୍ର ସମ୍ପର୍କକୁ ସମାଜରେ ପ୍ରତିଫଳିତ କରେ । ଏହି ଦିନ ଅଲିଅଳି ଭଉଣୀ ଭାଇ ହାତରେ ରାକ୍ଷୀ ବାନ୍ଧି ଭାଇର ଶୁଭ ମନାସନ୍ତି । ଅନ୍ୟପଟେ ଭାଇ ଭଉଣୀକୁ ସବୁ ବିପଦରୁ ରକ୍ଷା କରିବା ପାଇଁ କଥା ଦିଏ । ନିକଟରେ ଏହି ପବିତ୍ର ରକ୍ଷାବନ୍ଧନକୁ ନେଇ ଏଭଳି ଏକ ଭିଡ଼ିଓ ଭାଇରାଲ ହେଉଛି, ଯାହା ଆପଣଙ୍କ ହୃଦୟକୁ ଛୁଇଁଯିବ ।

ନିକଟରେ କିଛି ମହିଳା ଆମେରିକା ପୋଲିସ କର୍ମଚାରୀଙ୍କୁ ରାକ୍ଷୀ ବାନ୍ଧିଛନ୍ତି । ଯାହାର ଫଟୋ ସୋସିଅଲ ମିଡିଆରେ ଖୁବ୍‌ଭାଇରାଲ ହେଉଛି । ଏହି ପୋଷ୍ଟରେ ଏକାଧି ଲୋକଙ୍କ ପ୍ରତିକ୍ରିୟା ଦେଖିବାକୁ ମିଳିଛି ।

ସୋସିଅଲ ମିଡିଆରେ ଭାଇରାଲ ହେଉଥିବା ଏହି ଫଟୋକୁ Irving Police Departmentର ଅଫିସିଆଲ ଫେସବୁକ ଆକାଉଣ୍ଟରେ ଶେୟାର କରାଯାଇଛି । ଏହା ସହିତ କ୍ୟାପ୍ସନରେ ଲେଖାଅଛିଯେ, ଧନ୍ୟବାଦ ହିନ୍ଦୁ ସ୍ୱେୟଂସେବକ ସଂଘ ।
ଏହି ପୋଷ୍ଟକୁ ୫ ହଜାରରୁ ଅଧିକ ଲାଇକ୍‌ମିଳିଥିବା ବେଳେ ୫ ହଜାରରୁ ଅଧିକ ଲୋକ ଏହି ପୋଷ୍ଟକୁ ଶେୟାର କରିଛନ୍ତି । ଜଣେ ୟୁଜର ଏହି ଫଟୋ କିଏ ଲେଖିଛନ୍ତି ଏହା ଆମ ସଂସ୍କୃତି ତ କିଏ ଲେଖିଛନ୍ତି ଏହା ଆମ ଭାରତୀୟ ସଂସ୍କୃତି ।

ଯେବେ ମୋଦିଙ୍କୁ କୁହନ୍ତି ବାଇଡେନ୍: ‘ ଏ କେବେ ମୋର ସିଟ୍ ଥିଲା, ଏବେ ଆପଣ ବସନ୍ତୁ…’

ୱାସିଂଟନ: ବିଶ୍ୱର ଦୁଇ ଶକ୍ତିଶାଳୀ ରାଷ୍ଟ୍ରମୁଖ୍ୟଙ୍କ ମଧ୍ୟରେ ଦୀର୍ଘ ସମୟ ଧରି ଦୁଇ ଦେଶର ସୁରକ୍ଷା, ସାମରିକ ଏବଂ ବନ୍ଧୁତ୍ୱକୁ ନେଇ ଜାରି ରହିଥିଲା ବୈଠକ । ଜୋ ବାଇଡେନ ରାଷ୍ଟ୍ରପତି ହେବା ପରେ ପ୍ରଥମ ଥର ପାଇଁ ସାକ୍ଷାତ କରୁଥାନ୍ତି ପ୍ରଧାନମନ୍ତ୍ରୀ ମୋଦି  । ସଭିଙ୍କ ମନରେ ଉତ୍ସୁକତା, ଆଗ୍ରହ ଯେ ପ୍ରଥମ ଥର ପାଇଁ କଣ କଥା ହେବେ ମୋଦି- ବାଇଡେନ ? ପ୍ରଧାନମନ୍ତ୍ରୀ ମୋଦିଙ୍କୁ ପାଛୋଟି ନେବା ପାଇଁ ଅପେକ୍ଷା କରିଥାଏ ୱାଇଟହାଉସ  । ଚାହିଁ ରହିଥାନ୍ତି ବିଶ୍ୱର ଶକ୍ତିଶାଳୀ ରାଷ୍ଟ୍ର ମୁଖ୍ୟ  ।  ପ୍ରବେଶ କରୁଥାନ୍ତି ଭାରତ ପ୍ରଧାନମନ୍ତ୍ରୀ  । ବାଇଡେନଙ୍କୁ ହାତଯୋଡ଼ି ନମସ୍ତେ କହୁଥାନ୍ତି ମୋଦି ଏବଂ ବାଇଡେନ କହୁଥାନ୍ତି ୱେଲକତମ ବ୍ୟାକ  । ଏହାରି ଭିତରେ ଭଉୟେ ଭଭୟଙ୍କ ହାତକୁ ଜାବୁଡ଼ି ଧରିଥାନ୍ତି  ।

ମୁହଁରେ ମାସ୍କ ଥିଲେ ମଧ୍ୟ ଚେହେରା ଥାଏ ସ୍ମିତହାସ୍ୟ  । ବାଇଡ଼େନ ମୋଦିଙ୍କ କାନ୍ଧରେ ହାତ ଥୋଇ ପାଛୋଟି ନେଇଥିଲେ ଚେୟାର ପାଖକୁ  । ହସି ହସି କହିଥିଲେ ଦିନେ ଏହି ଚେୟାରରେ ମୁଁ ବସୁଥିଲି  । ଆଜି ଆପଣ ବସନ୍ତୁ  । ଯେବେ ଉପରାଷ୍ଟ୍ରପତି ଥିଲି ଏହା ମୋର ଆସନ ଥିଲା  । ଆଜି ରାଷ୍ଟପତି ହୋଇଗଲିଣି  । ମୋଦି ମଧ୍ୟ ହସିଥିଲେ  । ଏବଂ ସେହି ଆସନରେ ବସାଇବାର ସୁଯୋଗ ଦେଇଥିବାରୁ ବାଇେଡେନଙ୍କୁ ଜଣାଇଥିଲେ ଧନ୍ୟବାଦ  । ଭାରତର ପ୍ରଧାନମନ୍ତ୍ରୀଙ୍କୁ ଏହି ସମ୍ମାନ ପ୍ରଦାନ କରିଥିବାରୁ ଗର୍ବିତ ବୋଲି କହିଥିଲେ ମୋଦି  । ବାଇଡେନ ମଧ୍ୟ ପ୍ରତିକ୍ରିୟା ଦେଇ କହିଥିଲେ ମୋତେ ମଧ୍ୟ ଗର୍ବ ଅନୁଭବ ହେଉଛି  । ଆଜି ସମଗ୍ର ବିଶ୍ୱ ଦୁଇ ଦେଶର ବନ୍ଧୁତାକୁ ଦେଖୁଛି  । ଦୁଇ ରାଷ୍ଟ୍ରନେତାଙ୍କ ବଣ୍ଡିଙ୍ଗ ସବୁ କିଛି ପ୍ରମାଣିତ କରୁଛି । ପ୍ରାୟ ଏକ ଘଣ୍ଟା ଧରି ମୋଦି ବାଇଡେନଙ୍କ ଭେଟଘାଟ ପରୋକ୍ଷରେ ବିଶ୍ୱକୁ ଦେଉଥାଏ ଭିନ୍ନ ସନ୍ଦେଶ  ।

ଦ୍ୱିପାକ୍ଷିକ ସମ୍ପର୍କ, ଆତଙ୍କତବାଦ ବିରୋଧୀ ନିଷ୍ପତି ଏବଂ ଉଭୟ ଦେଶର ବାଣିଜ୍ୟିକ ନୀତିକୁ ମଜବୁତ କରୁଥିଲା ଏହି ବୈଠକ  । ବାଇଡେନ ମନେପକାଇ ଦେଇଥିଲେ ୨୦୦୬ ମସିହାର କଥା  । ସେତେବେଳେ ଉପରାଷ୍ଟ୍ରପତି ଥାଆନ୍ତି ଜୋ ବାଇଡେନ  । ଭାରତ-ଆମେରିକା ଦ୍ୱିପାକ୍ଷିକ ବୈଠକରେ ପ୍ରତିନିଧ୍ୱିତ କରୁଥାନ୍ତି  । ଆଉ ଏହି ସମୟରେ ବାଇେଡେନଙ୍କ ବାଣୀ ଥିଲା, ୨୦୨୦ ମସିହା ବେଳକୁ ଆମେରିକାର ଘନିଷ୍ଠ ବନ୍ଧୁ ହୋଇସାରିଥିବ ଭାରତ  । ଠିକ ସେଇୟା ହିଁ ଘଟିଛି । ସତ ହୋଇଛି ସେତେବେଳେର ଉପରାଷ୍ଟ୍ରପତି ବାଇଡେନଙ୍କ ବାଣୀ  ।   ଆଉ ଫେରୁ ଫେରୁ ମୋଦି କହିଥିଲେ ଆହୁରି ମଜଭୁତ ହେବ ଭାରତ-ଆମେରିକା ବନ୍ଧୁତ୍ୱ….

କୁଆଡେ ଗଲା ମୁଣ୍ଡଳୀରେ ଫସି ରହିଥିବା ହାତୀ?

ଭୁବନେଶ୍ୱର: ଦୈନନ୍ଦିନ ଜୀବନରେ କେତେବେଳେ ଅଘଟଣ ଘଟିବ ସେନେଇ କିଛି ଆକଳନ କରାଯାଇପାରିବ ନାହିଁ । ପ୍ରତିଦିନ କର୍ମବ୍ୟସ୍ତତା ମଧ୍ୟରେ ଗତକାଲି ଘଟିଯାଇଛି ଏଭଳି ଏକ ଘଟଣା ଯାହାକୁ ନେଇ ସବୁଠୁ ଚର୍ଚ୍ଚା। ସକାଳୁ ସକାଳୁ ଖବର ଆସିଥିଲା ମହାନଦୀ ପାର୍ ହେଉଥିବା ଗୋଟିଏ ହାତୀ ଫସିଯାଇଛି । ପରବର୍ତ୍ତୀ ସମୟରେ ଯାହାକୁ ଉଦ୍ଧାର ପାଇଁ ଆରମ୍ଭ ହୋଇଥିଲା ‘ଅପରେସନ୍ ଗଜରାଜ’। ଶତ ପ୍ରଚେଷ୍ଟା ସତ୍ୱେ ରାତି ସୁଦ୍ଧା ହାତୀକୁ ଉଦ୍ଧାର କରାଯାଇପାରିନଥିବା ବେଳେ ଏବେ ପତ୍ତା ମିଳୁନି ।

କିନ୍ତୁ ଏବେ ପ୍ରଶ୍ନ ଉଠିଛି, ହାତୀ କୁଆଡେ ଗଲେ ଏବଂ ସୁରକ୍ଷିତ କି ନାହାଁ । ଏପଟେ ସାଧାରଣରେ ଯେଉଁ ଚର୍ଚ୍ଚା ହେଉଛି ହାତୀ ମୃତ୍ୟୁବରଣ କରିଛି ବୋଲି ତାହା କ’ଣ ସତ। ଯଦି ନୁହେଁ ତେବେ କୁଆଡେ ଗଲା ହାତୀ?

Operation Elephant In Cuttack Mundali

ଗତକାଲି ମହାନଦୀରେ ପାଣିର ସୁଅ ଅଧିକ ରହିଥିବା ବେଳେ ୭ ଟିକିଆ ହାତୀପଲ ପାର୍ ହେଉଥିଲେ। ଆଉ ଗୋଟିଏ ହାତୀ ପାଣି ସୁଅରେ ଭାସି ଆସି ମୁଣ୍ଡଳି ବ୍ରିଜର ଗୋଟିଏ ପଟେ ଲାଗି ରହିଥିଲେ। ଆଠଗଡ଼ ପଟୁ ୧୭ ଟିକିଆ ହାତୀପଲ ମହାନଦୀ ପାରି ହେଉଥିବା ବେଳେ ୭ଟି ହାତୀ ଭାସି ଯାଇଥିଲେ ବୋଲି ଆଠଗଡ଼ ରେଞ୍ଜର ସୂଚନା ମଧ୍ୟ ଦେଇଥିଲେ।

Operation Gajraj, Elephant Attacked Odraf Team

ଆଉ ହାତୀକୁ ଦେଖିବା ପାଇଁ ବ୍ରିଜ୍ ଉପରେ ଜମିଥିଲା ଶହଶହ ଲୋକଙ୍କ ଭିଡ଼। ଏଥିସହିତ ମୁଣ୍ଡଳି ବ୍ରିଜରେ ଆରମ୍ଭ ହୋଇଥିଲା ଅପରେସନ ଗଜରାଜ ।ଅକାତକାତ ପାଣି ଓ ମହାନଦୀର ପ୍ରଖର ସ୍ରୋତରୁ ହାତୀକୁ ଉଦ୍ଧାର କାର୍ଯ୍ୟ ଜାରି ରହିଛି । ବନବିଭାଗ ଓ ଓଡ୍ରାଫ୍ କର୍ମଚାରୀଙ୍କ ପକ୍ଷରୁ ଉଦ୍ୟମ ଜାରି ରହିଛି। ପାଣି ସୁଅ ଅଧିକ ଥିବାରୁ ଉଦ୍ଧାର କାର୍ଯ୍ୟ ସେତେଟା ସହଜ ହେଉନଥିଲା। ହାତୀ ମଧ୍ୟ ଜୀବନ ସଂଘର୍ଷ କରୁଥିବା ବେଳେ ତାକୁ କଦଳୀ ଲୋଭ ଦେଖାଇ ବନବିଭାଗ କଡ଼କୁ ଆଣିବାକୁ ଚେଷ୍ଟା କରିଥିଲା । ବିଭିନ୍ନ ଉପାୟ ଲଗାଇ ମଧ୍ୟ ହାତୀଟିକୁ ଉଦ୍ଧାର କରାଯାଇପାରୁ ନଥିଲା। କଟକ ମୁଣ୍ଡୁଳି ବ୍ୟାରେଜ ନିକଟରେ ଫସି ରହିଥିବା ଦନ୍ତା ହାତିଟିକୁ ରାତିରେ ନିଆଁ ହୁଳା ଦେଖାଇ ଉଦ୍ଧାର କରିବାକୁ ଚେଷ୍ଟା କରିଥିଲା ବନବିଭାଗ । କିନ୍ତୁ ତାକୁ ଉଦ୍ଧାର କରାଯାଇପାରିନଥିଲା । ରାତି ଯେତେ ଗଭୀର ହେଉଥିଲା ସମସ୍ତଙ୍କ ଚିନ୍ତା ସେତେ ଅଧିକ ବଢୁଥିଲା । ଧିରେ ଧିରେ ପାଣି ଭିତରେ ଆଉ ଦେଖାଯାଇନଥିଲା ହାତୀ । ହାତୀଟି ଜଙ୍ଗଲକୁ ପଳାଇ ଯାଇଛି କି ହାତିଟି ଭାସି ଯାଇଛି ସେ ନେଇ ବନ ବିଭାଗ ପାଖରେ ସବିଶେଷ ସୂଚନା ନାହିଁ।

Operation Gajraj, Elephant Attacked Odraf Team

ମୁଣ୍ଡଳିରେ ଫସିରହିଥିବା ହାତୀକୁ ଉଦ୍ଧାର କରିବାକୁ ଯାଇଥିବା ଓଡ୍ରାଫ ବୋଟରେ କ୍ୟାମେରାମ୍ୟାନ୍ ପ୍ରଭାତ ସିହ୍ନାଙ୍କ ସହ ଯାଇଥିଲେ ଗଣମାଧ୍ୟମ ପ୍ରତିନିଧି ଅରିନ୍ଦମ ଦାସ। ନଦୀ ମଝିରେ ଫସିଥିବା ହାତୀ ପାଖକୁ ଯାଇଥିଲା ଓଡ୍ରାଫ ଟିମ୍ । ହେଲେ ପ୍ରବଳ ସ୍ରୋତ ମୁହଁରେ ଦୁର୍ଭାଗ୍ୟବଶତଃ ବୋଟ ଓଲଟି ପଡିଥିଲା । ସଙ୍ଗେ ସଙ୍ଗେ ଉଦ୍ଧାର କାର୍ଯ୍ୟ ଆରମ୍ଭ ହୋଇଥିବା ବେଳେ ଅରିନ୍ଦମ ସ୍ରୋତ ମୁହଁରେ ଖସି ପଡିଥିଲେ। ଅରିନ୍ଦମଙ୍କୁ ଉଦ୍ଧାର କରି ଏସସିବି ମେଡିକାଲରେ ଭର୍ତ୍ତି କରାଯାଇଥିବା ବେଳେ ତାଙ୍କର ଜୀବନ ଦୀପ ଲିଭିଯାଇଥିଲା। ସେପଟେ ପ୍ରଭାତ ଓ ଓଡ୍ରାଫ୍ ଟିମର ଅନ୍ୟ ସଦସ୍ୟମାନେ ଚିକିତ୍ସାଧିନ ରହିଥିବା ବେଳେ ନିଖୋଜ ରହିଛନ୍ତି ସୀତାରାମ ମୁର୍ମୁ ।

ଆମେରିକା ରାଷ୍ଟ୍ରପତି ବାଇଡେନଙ୍କ ଭାରତ କନେକ୍ସନ, ଦସ୍ତାବିଜ୍‌ ନେଇ ହ୍ୱାଇଟ୍‌ ହାଉସରେ ପହଞ୍ଚିଲେ ମୋଦି

ଓ୍ୱାଶିଂଟନ୍‌: ଆମେରିକା ରାଷ୍ଟ୍ରପତି ଜୋ-ବାଇଡେନଙ୍କର ରହିଛି ଭାରତ ସହିତ ସଂଯୋଗ । କିନ୍ତୁ କେମିତି ? ଏହାକୁ ନେଇ ଏବେ ଖୁବ ଆଲୋଚନା ହେଉଛି । ନିକଟରେ ଆମେରିକା ଗସ୍ତରେ ଯାଇଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶୁକ୍ରବାର ପ୍ରଥମ ଦ୍ୱୀପାକ୍ଷୀୟ ପ୍ରତ୍ୟେକ୍ଷ ବୈଠକ ସମୟରେ ଆମେରିକା ରାଷ୍ଟ୍ରପତି ଜୋ- ବାଇଡେନଙ୍କୁ କହିଲେଯେ, ସେ ସାଙ୍ଗରେ ଏଭଳି କିଛି ଦସ୍ତାବିଜ ନେଇ ଯାଇଛନ୍ତି, ଯାହା ଦର୍ଶାଉଛିଯେ, ଭାରତରେ ବାଇଡେନ ସରନେମ ଥିବା ଲୋକଙ୍କର ଜୋ ବାଇଡେନଙ୍କ ସହ ସମ୍ପର୍କ ରହିଛି । ଅବଶ୍ୟ ଦୁଇ ନେତା ଏହାକୁ ନେଇ ଖୁବ୍‌ମଜାଳିଆ ଢଙ୍ଗରେ ଆଲୋଚନା କରିଛନ୍ତି ।

ମୋଦି ବାଇଡେନଙ୍କୁ କହିଲେଯେ, ମୁଁ ଭାରତରେ ଥିବା ବାଇଡେନ ସରନେମ ସହିତ ଜଡ଼ିତ ଦସ୍ତାବିଜ୍‌ସାଙ୍ଗରେ ନେଇ ଆସିଛି । ମୋଦିଙ୍କ କଥା ଶୁଣିବାମାତ୍ରେ ବାଇଡେନ ପଚାରିଲେଯେ, କ’ଣ ମୋର ଏହା ସହିତ କିଛି ସମ୍ବଦ୍ଧ ରହିଛି ? ମୋଦି ଉତ୍ତରରେ କହିଲେ ହଁ । ଏହା ସହିତ କହିଲେଯେ, ରାଷ୍ଟ୍ରପତି ମହୋଦୟ ଆପଣ ଆଜି ଭାରତରେ ବାଇଡେନ ସରନେମକୁ ନେଇ ଖୁବ୍‌ଚର୍ଚ୍ଚା କଲେ ଏବଂ ପୂର୍ବରୁ ମଧ୍ୟ ଏହା ବାବଦରେ ଆମେ ଚର୍ଚ୍ଚା କରିଥିଲେ । ତେବେ କିନ୍ତୁ ଆପଣ କହିବା ପରେ ମୁଁ ଏହାକୁ ନେଇ ଅଧିକ ଚିନ୍ତା କରିଥିଲି, ଆଉ ଦସ୍ତାବିଜ ମଧ୍ୟ ଏକାଠି କଲି । ସେହିଭଳି କିଛି ଦସ୍ତାବିଜ ମୁଁ ଆଜି ସାଙ୍ଗରେ ଆଣିଛି ।

ଆମେରିକା ରାଷ୍ଟ୍ରପତି ଜୋ ବାଇଡେନ ଶୁକ୍ରବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହିତ ପ୍ରଥମ ବୈଠକରେ ମଜାଳିଆ ଢ଼ଙ୍ଗରେ ବାଇଡେନ ସରନେମକୁ ନେଇ ଆଲୋଚନା କରିବା ବେଳେ ଏକ ଘଟଣାକୁ ନେଇ ଆଲେଚନା କଲେ । ଦୁଇଜଣଙ୍କ ମଧ୍ୟରେ ଏହାକୁ ନେଇ ଖୁବ୍‌ବାର୍ତ୍ତାଳନ ମଧ୍ୟ ହେଲା ।

ଆମେରିକା ରାଷ୍ଟ୍ରପତି କହିଲେଯେ, ମୁଁ ୧୯୭୨ରେ ୨୯ ବର୍ଷ ବୟସରେ ପ୍ରଥମ ଥର ନିର୍ବାଚିତ ହୋଇଥିଲି । ସେହି ସମୟରେ ମୋତେ ମୁମ୍ବାଇରୁ ବାଇଡେନ ସରନେମ ଥିବା ଜଣେ ବ୍ୟକ୍ତିଙ୍କ ଏକ ଚିଠି ଆସିଥିଲା । ତେବେ ଏହାର ପରଦିନ ତାଙ୍କୁ ଜାଣିବାକୁ ମିଳିଲାଯେ, ଭାରତରେ ବାଇଡେନ ସରନେମ ଥିବା ୫ ଜଣ ବ୍ୟକ୍ତି ରହୁଥିଲେ । କିନ୍ତୁ ଇଷ୍ଟ ଇଣ୍ଡିଆ କମ୍ପାନୀରେ ଜଜ୍‌ବାଇଡେନ ନାମକ ଜଣେ ବ୍ୟକ୍ତି ମଧ୍ୟ ଥିଲେ । କିନ୍ତୁ ଜଜ୍‌ବାଇଡେନ ଜଣେ ଭାରତୀୟ ମହିଳାଙ୍କୁ ବିବାହ କରିନେଲେ । କିନ୍ତୁ ଆଜି ପର୍ଯ୍ୟନ୍ତ ମୋତେ ଏହାର କବର ମିଳିଲାନି । ତେଣୁ ଆଜିର ବୈଠକର ପୂରା ଲକ୍ଷ୍ୟ ଏହାର ସମାଧାନ ବାହାର କରିବା । ଏହାକୁ ନେଇ ବୈଠକରେ ଉପସ୍ଥିତ ଥିବା ସମସ୍ତେ ହସିବାକୁ ଲାଗିଲେ ।

ତାଲିବାନ ଲାଗି ଚାମଚାଗିରି: ଆଫଗାନିସ୍ତାରେ ତାଲିବାନ ସରକାରକୁ ସୁଦୃଢ଼ ଓ ସ୍ଥାୟୀ କରିବାକୁ କହିଲେ ଇମ୍ରାନ୍‌ ଖାଁ

କାବୁଲ: ଆନ୍ତର୍ଜାତିକ ସ୍ତରରେ ବି ତାଲିବାନ ଲାଗି ଚାମଚାଗିରି । ଆଫଗାନିସ୍ତାନର ତାଲିବାନ ସରକାରକୁ ଶକ୍ତିଶାଳୀ କରିବା ସହ ସେହି ଦେଶରେ ସ୍ଥିରତା ବଜାୟ ରଖିବା ଲାଗି ଜାତିସଂଘ ସାଧାରଣ ଆସେମ୍ବ୍ଲିରେ କହିଛନ୍ତି ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାଁ । ଇମ୍ରାନ କହିଛନ୍ତି ତାଲିବାନ ସରକାରକୁ ସ୍ବୀକୃତି ଦେବା ସହ ତାହାକୁ ଶକ୍ତିଶାଳୀ କରିବା ଲାଗି ବିଶ୍ବ ସମୁଦାୟ ଆଗେଇ ଆସିବା ଉଚି । ୭୬ତମ ସାଧାରଣ ଆସେମ୍ବ୍ଲିରେ ଉଦବୋଧନ ଦେଇ ଇମ୍ରାନ କହିଛନ୍ତି- ଆଫଗାନିସ୍ତାନବାସୀଙ୍କ ସ୍ବାର୍ଥ ଲାଗି ସାରା ବିଶ୍ବ ତାଲିବାନ ସରକାରକୁ ଶକ୍ତିଶାଳୀ କରିବା ଉଚିତ ।

ଆଫଗାନିସ୍ତାନ ଲାଗି ବର୍ତ୍ତମାନ ଦୁଇଟି ବିକଳ୍ପ ରହିଛି । ପ୍ରଥମ ହେଉଛି ସେହି ଦେଶକୁ ଗୁରୁତ୍ବ ନଦେବା । ଦ୍ବିତୀୟ ହେଉଛି ସେଠାରେ ଏକ ସ୍ଥିର ସରକାର ଗଠନ ଲାଗି ଉଦ୍ୟମ କରିବା । ଯଦି ଜାତିସଂଘ ଅନୁସାରେ ସେହି ଦେଶକୁ ଅବହେଳା କରାଯିବ ତେବେ ଆସନ୍ତା ବର୍ଷ ସୁଦ୍ଧା ୯୦ ପ୍ରତିଶତ ଲୋକ ଦାରିଦ୍ର୍ୟ ସୀମାରେଖା ତଳକୁ ଚାଲିଯିବେ । ଜାମ୍ମୁ ଓ କାଶ୍ମୀର ପ୍ରସଙ୍ଗରେ ମଧ୍ୟ ଇମ୍ରାନ ଦେଇଛନ୍ତି ବିବାଦୀୟ ବିବୃତି । ପାକ୍ ଅଧିକୃତ କାଶ୍ମୀରରୁ ତୁରନ୍ତ ଭାରତ ହଟିଯାଉ ବୋଲି ସେ ଦାବି କରିଛନ୍ତି ।

ସେପଟେ ଇମ୍ରାନଙ୍କ ଏହି ନିର୍ଲ୍ଲଜ ଯୁକ୍ତିକୁ ତୀବ୍ର ବିରୋଧ କରିଛି ଭାରତ । ଆତଙ୍କବାଦୀଙ୍କୁ ସମର୍ଥନ କରିବା ନେଇ ଇମ୍ରାନଙ୍କ ଉପରେ ବର୍ଷିଛନ୍ତି ଜାତିସଂଘରେ ଭାରତର ପ୍ରଥମ ସଚିବ ସ୍ନେହ ଦୁବେ । ସେ କହିଛନ୍ତି- ଜାମ୍ମୁ ଓ କାଶ୍ମୀର ଏବଂ ଲଦାଖ ଭାରତର ଅବିଚ୍ଛିନ୍ନ ଅଙ୍ଗ ହୋଇରହିବ । କୌଣସି ବାହ୍ୟ ରାଷ୍ଟ୍ରର ଚକ୍ରାନ୍ତ ଫଳପ୍ରଦ ହେବ ନାହିଁ । ସେ କହିଛନ୍ତି ଭାରତ ବିରୋଧରେ ପାକିସ୍ତାନ ସର୍ବଦା ଆତଙ୍କବାଦୀ କାର୍ଯ୍ୟକଳାପକୁ ପ୍ରୋତ୍ସାହନ ଦେଇଆସୁଛି । ବର୍ତ୍ତମାନ ବି ଓସମା ବିନ ଲାଡେନକୁ ପାକିସ୍ତାନ ସହିଦ ବୋଲି ଦାବି କରିଆସୁଛି ବୋଲି ସେ କହିଥିଲେ ।

ସାମ୍ବାଦିକ ଅରିନ୍ଦମ ଦାସଙ୍କ ବିୟୋଗ; ୪ ଲକ୍ଷ ଟଙ୍କା ସହାୟତା ରାଶି ଘୋଷଣା କଲେ ମୁଖ୍ୟମନ୍ତ୍ରୀ

ଭୁବନେଶ୍ୱର: ସାମ୍ବାଦିକ ଅରିନ୍ଦମ ଦାସଙ୍କ ପରିବାର ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ୪ ଲକ୍ଷ ଟଙ୍କାର ସହାୟତା ରାଶି ଘୋଷଣା କରିଛନ୍ତି । ଜର୍ଣ୍ଣାଲିଷ୍ଟ ୱେଲଫେୟାର ଫଣ୍ଡରୁ ଏହି ସହାୟତା ରାଶି ଘୋଷଣା କରାଯାଇଥିବା ଜଣାପଡିଛି । ଏନେଇ ଟ୍ୱିଟ୍ କରି ସୂଚନା ଦେଇଛନ୍ତି ରାଜ୍ୟ ସରକାରଙ୍କର ଗଣମାଧ୍ୟମ ପରାମର୍ଶ ଦାତା ମାନସ ମଙ୍ଗରାଜ ।

ଗତକାଲି ମୁଣ୍ଡଳିରେ ଫସିଥିବା ହାତୀକୁ ଉଦ୍ଧାର ପାଇଁ ଯାଇଥିବା ଓଡ୍ରାଫ୍ ବୋଟରେ ଥିଲେ ଦୁଇ ଗଣମାଧ୍ୟମ ପ୍ରତିନିଧି । ବୋଟ୍ ଓଲଟି ପଡିବା ଯୋଗୁଁ ଭାସି ଯାଇଥିଲେ ଅରିନ୍ଦମ ଦାସ । ଆଉ ଦୁର୍ଭାଗ୍ୟବଶତଃ ଅରିନ୍ଦମଙ୍କ ଅକାଳ ବିୟୋଗ ହୋଇଥିଲା।