ଯୁକ୍ତରାଷ୍ଟ୍ର ଆମେରିକା: Save us, Save Afghanistan । ହ୍ୱାଇଟ ହାଉସ ଆଗରେ ଆଫଗାନୀଙ୍କ ଜୋରଦାର ବିକ୍ଷୋଭ । ଆଫଗାନରେ ସୃଷ୍ଟି ହୋଇଥିବା ଭୟଙ୍କର ସ୍ଥିତି ପାଇଁ ଆମେରିକା ରାଷ୍ଟ୍ରପତି ଜୋ ବିଡେନ ଦାୟୀ ବୋଲି ସ୍ଲୋଗାନ ଦେଇ ବିକ୍ଷୋଭ କରାଯାଉଛି । ଆମେରିକା ସୈନ୍ୟ ପ୍ରତ୍ୟାହାର କରିନେବା ପରେ ଆଫଗାନିସ୍ତାନକୁ ନିଜ ଅଧୀନକୁ ନେଇଛି ତାଲିବାନ । ଆମେରିକା ସୈନ୍ୟ ପ୍ରତ୍ୟାହାର ନିଷ୍ପତ୍ତି ବିରୋଧରେ ଆକ୍ରୋଶ ବଢୁଥିବା ବେଳେ ଆଜି ହ୍ୱାଇଟ୍ ହାଉସ ଆଗରେ ବିକ୍ଷୋଭ ପ୍ରଦର୍ଶନ କରିଛନ୍ତି ଆଫଗାନସ୍ତାନ ବାସିନ୍ଦା ।
ୱାସିଂଟନଠାରେ ରହୁଥିବା ଆଫଗାନୀମାନେ ବାଇଡେନ ପ୍ରଶାସନକୁ ଦାୟୀ କରିବା ସହ ନାରାବାଜି କରିଛନ୍ତି । ଆମେରିକା ଆଫଗାନିସ୍ତାନକୁ ଧୋକା ଦେଇଛି ବୋଲି ଲେଖାଥିବା ପ୍ଲାକାର୍ଡ ଧରି ବିକ୍ଷୋଭ ପ୍ରଦର୍ଶନ କରିଛନ୍ତି ଆଫଗାନୀ । ଆଫଗାନିସ୍ତାନର ଏଭଳି ସ୍ଥିତି ପାଇଁ ଆମେରିକାକୁ ଦାୟୀ କରି ବିକ୍ଷୋଭ କରିଛନ୍ତି ଆଫଗାନୀସ୍ତାନ ଜନତା ।
ଆଫଗାନିସ୍ତାନ ଶାସନ ତାଲିବାନ ହାତକୁ ଚାଲିଗଲେ ହଜାର ହଜାର ଓସାମା ବିନ ଲାଡେନ ଜନ୍ମ ନେବେ, ପାକିସ୍ତାନ ସହ ମିଶି ତାଲିବାନୀ ସାରାବିଶ୍ୱରେ ଅରାଜକତା ସୃଷ୍ଟି କରିବେ ବୋଲି ବିକ୍ଷୋଭକାରୀ କହିଛନ୍ତି । ଆସନ୍ତା ସେପ୍ଟେମ୍ବର ୧୧ ସୁଦ୍ଧା ଆମେରିକା ସେନା ଆଫଗାନିସ୍ତାନ ଛାଡ଼ିବ ବୋଲି ବାଇଡେନ ଘୋଷଣା କରିଥିଲେ । ଏବେସୁଦ୍ଧା ୯୦ ପ୍ରତିଶତ ଆମେରିକା ସେନା ଆଫଗାନିସ୍ତାନ ଛାଡ଼ି ସାରିଛନ୍ତି ।
