spot_img
Home Blog Page 5334

ପ୍ରେମ ସମ୍ପର୍କକୁ ନେଇ ମୁହଁ ଖୋଲିଲେ ଦୂତୀ, କହିଲେ ୨୪ରେ ବାହାହେବି..

ଭୁବନେଶ୍ୱର: ପ୍ରେମ ସମ୍ପର୍କକୁ ନେଇ ପୁଣି ଖୋଲିଲେ ଧାବିକା ଚାନ୍ଦ ।  ମୁଁ ଗୋଟିଏ ରିଲେସନସିପରେ ଅଛି  ।  ଯାହାକୁ ସାରା ଦୁନିଆ ଜାଣିଛି, ଏହି ସମ୍ପର୍କ 3ରୁ 4 ବର୍ଷର।  ମୋ ପାର୍ଟନରକୁ ବର୍ତ୍ତମାନ ୨୨  ବର୍ଷ। ସେହିପରି ଦୂତି କହିଛନ୍ତି ୨୦୨୪ ହେଉଛି ମୋର ଶେଷ ଅଲମ୍ପିକ। ଏହାପରେ ଆଉ ଅଲିମ୍ପିକ ଖେଳିବି ନାହିଁ ବୋଲି କହିଛନ୍ତି ଧାବିକା ଦୂତି ଚାନ୍ଦ  ।

ନନ୍ଦିଘୋଷ ଟିଭିକୁ ପ୍ରତିକ୍ରିୟା ଦେଇ ଦୂତି କହିଛନ୍ତି 2024 ପରେ ବିବାବ କରିବାର ଯୋଜନା ଅଛି, ଆଶା ଅଛି ମୋ ସ୍ୱପ୍ନ ସାକାର ହେବ। ଯେହେତୁ ମୋ relationship ଭଲ ଚାଲିଛି, କିଛି ଅସୁବିଧା ନାହିଁ । ମୋର ଦୃଢ ଆଶା ଅଛି ସ୍ୱପ୍ନ ସାକାର ହେବ। ଏବେ ପରିବାର ଲୋକ ମଧ୍ୟ ତାଙ୍କ ସମ୍ପର୍କକୁ ସ୍ୱୀକାର କରିଥିବା କହିଛନ୍ତି  । ଏହି ପ୍ରସଙ୍ଗରେ  ମୋତେ ବହୁତ ସହଯୋଗ ଏବଂ ସପୋର୍ଟ କରିବା ଆରମ୍ବ କଲେଣି।

ବିପର୍ଯ୍ୟୟ ଆଡକୁ ଗତି କରୁଛି ବିଶ୍ୱ ତାପମାତ୍ରା; ସତର୍କ କଲା ଜାତିସଂଘ

ନୂଆଦିଲ୍ଲୀ: ବିପଦ ପଥରେ ବିଶ୍ବ । କ୍ରମାଗତ ତାପମାତ୍ରା ବଢିବା ଯୋଗୁ କିଛି ବର୍ଷ ପରେ ଆସିପାରେ ଘୋର ବିପର୍ଯ୍ୟୟ । ଏନେଇ ସତର୍କ କରାଇଛି ଜାତିସଂଘ । ଚଳିତ ଶତାବ୍ଦୀର ଶେଷ ଭାଗ ଆଡକୁ ବିଶ୍ବରେ ତାପମାତ୍ରା ୨.୭ ଡିଗ୍ରି ସେଲସିୟସ ବୃଦ୍ଧି ପାଇବ। ଆମେରିକା ଓ ୟୁରୋପରେ ଗ୍ରୀଷ୍ମ ଋତୁରେ ଜଙ୍ଗଲରେ ବ୍ୟାପକ ନିଆଁ ଲାଗିବା, ଚୀନ ଓ ଜର୍ମାନୀରେ ପ୍ରଳୟଙ୍କରୀ ବନ୍ୟା ଆଦି ଏହାର ପୂର୍ବ ସଙ୍କେତ ।

ଏକ ବଡ଼ ବିପର୍ଯ୍ୟୟ ଆଡକୁ ବିଶ୍ବ ଗତି କରୁଛି ବୋଲି କହିଛନ୍ତି ଜାତିସଂଘ ମହାସଚିବ ଆଣ୍ଟୋନିଓ ଗୁଟେରସ । ବୈଜ୍ଞାନିକଙ୍କ ମତରେ ବିଶ୍ବର ତାପମାତ୍ର ପ୍ରାକ୍ ଶିଳ୍ପସ୍ତର ଠାରୁ ୧.୫ ଡିଗ୍ରି ସେଲସିୟସରୁ କମ୍ ରହିବା ଆବଶ୍ୟକ। ଏଥିଲାଗି ସମସ୍ତ ରାଷ୍ଟ୍ର ପଦେକ୍ଷେପ ଲାଗି ପ୍ୟାରିସ ରାଜିନାମାରେ ଗୃହିତ ହୋଇଥିଲା । ମାତ୍ର ତାପମାତ୍ରା ବୃଦ୍ଧି ପାଉଥିବାରୁ ଏହାର ପ୍ରଭାବ ଜୀବନ ଓ ଜୀବିକା ଉପରେ ଗୁରୁତର ଭାବେ ପଡୁଛି । ବର୍ତ୍ତମାନ ହାତରୁ ସମୟ ସରି ସରି ଆସୁଛି ବୋଲି କହିଛନ୍ତି ଗୁଟେରସ ।

Climate Change Report On Earth Climate Predict Above 2 Degree Rise In Temperature By 2100

୨୦୩୦ ସୁଦ୍ଧା ବିଶ୍ବର ନିର୍ଗମନ ପରିମାଣ ୪୫ ପ୍ରତିଶତ ହ୍ରାସ କରିବା ଲାଗି ପଦକ୍ଷେପ ନିଆଯାଉଛି। ମାତ୍ର ଏହା ସମ୍ଭବ ହୋଇନାହିଁ। ବର୍ତ୍ତମାନର ଧାରାକୁ ଆକଳନ କଲେ ସ୍ପଷ୍ଟ ହେଉଛି ଯେ ୨୦୩୦ ବେଳକୁ ନିର୍ଗମନ ପରିମାଣ ୧୬ ପ୍ରତିଶତ ବୃଦ୍ଧି ପାଇବ । ଫଳରେ ବିଶ୍ବ ତାପମାତ୍ରା ୨.୭ଡିଗ୍ରି ସେଲସିୟସ ବଢିବାର ଆଶଙ୍କା ରହିଛି ।

Climate Change Report On Earth Climate Predict Above 2 Degree Rise In Temperature By 2100

ଗତ ଅଗଷ୍ଟରେ ପ୍ରକାଶିତ ରିପୋର୍ଟରେ ବର୍ତ୍ତମାନ ସୁଦ୍ଧା ବିଶ୍ବରେ ତାପମାତ୍ରା ୧.୨ ଡିଗ୍ରି ସେଲସିୟସ ବଢିଥିବା ଦର୍ଶାଯାଇଥିଲା । ଅଙ୍ଗାରକାମ୍ଳ ହ୍ରାସ ନେଇ କୌଣସି ରାଷ୍ଟ୍ର ଗୁରୁତ୍ବ ଦେଉନାହାନ୍ତି। ଏନେଇ ବିଭିନ୍ନ ବିକାଶଶୀଳ ରାଷ୍ଟ୍ରଗୁଡିକୁ ଶିଳ୍ପୋନ୍ନତ ରାଷ୍ଟ୍ରଗୁଡିକ ସହାୟତା କରିବା ସହ ୧୦୦ ବିଲିୟନ ଡଲାରର ପ୍ରସ୍ତାବ କାର୍ଯ୍ୟକାରୀ କରିବା ଲାଗି ଗୁଟେରସ ଆହ୍ବାନ ଦେଇଛନ୍ତି ।

Climate Change Report On Earth Climate Predict Above 2 Degree Rise In Temperature By 2100

ତେବେ ପ୍ୟାରିସ ରାଜିନାମାରେ ୧୯୧ଟି ରାଷ୍ଟ୍ର ସ୍ବାକ୍ଷର କରିଥିବା ସତ୍ତ୍ବେ ନିର୍ଗମନ ହ୍ରାସ ନେଇ ଗୁରୁତ୍ବ ନଦେବା କ୍ଷୋଭର ବିଷୟ। ଚଳିତ ଦଶନ୍ଧି ଶେଷ ସୁଦ୍ଧା ମିଥେନ ନିର୍ଗମନ ପରିମାଣ ୩୦ ପ୍ରତିଶତ ହ୍ରାସ କରିବା ଲାଗି ଆମେରିକା ଓ ୟୁରୋପୀୟ ରାଷ୍ଟ୍ରସଂଘ ଅଭିଯାନ କରିବେ ବୋଲି ଗତ ଶୁକ୍ରବାର ଘୋଷଣା କରିଥିଲେ ଆମେରିକା ରାଷ୍ଟ୍ରପତି ଜୋ ବିଡେନ।

 

୧୦ ଗେଟ୍ ଦେଇ ପ୍ରବାହିତ ହେଉଛି ହିରାକୁଦରୁ ଜଳ

ସମ୍ବଲପୁର: ଖୋଲିଲା ହୀରାକୁଦର ଆଉ ୩ଗେଟ୍ । ବାମପଟର ୭ ଓ ଦକ୍ଷିଣପଟର ୩ଗେଟ୍‌ ସହ ମୋଟ୍‌ ୧୦ଟି ଗେଟ୍‌ ଦେଇ ଜଳ ନିଷ୍କାସିତ ହେଉଛି । ପ୍ରତି ସେକେଣ୍ଡରେ ଜଳଭଣ୍ଡାରକୁ ୧ଲକ୍ଷ ୭୭ହଜାର ୬୯୧ କ୍ୟୁସେକ୍ ଜଳ ପ୍ରବେଶ କରୁଛି । ୧୦ଟି ଗେଟ୍ ଦେଇ ୧ ଲକ୍ଷ ୪୪ହଜାର ୨୨୮ କ୍ୟୁସେକ୍ ଜଳ ନିଷ୍କାସନ ହେଉଛି ।

ମିଳିଥିବା ସୂଚନା ମୁତବାକ ବର୍ତ୍ତମାନ ହିରାକୁଦ ଜଳଭଣ୍ଡାରର ଜଳସ୍ତର ୬୨୯.୫୪ଫୁଟ୍ ରହିଛି । ଖଇରମାଳ, ବରମୂଳ ଓ ମୁଣ୍ଡଳୀରେ ଧିରେ ଧିରେ ଜଳସ୍ତର ହ୍ରାସ ପାଉଛି । ବରମୂଳରେ ୪ଲକ୍ଷ ୨୬ହଜାର ୧୧୨ କ୍ୟୁସେକ୍ ଜଳ ପ୍ରବାହିତ ହେଉଥିବା ବେଳେ ଖଇରମା ଳରେ ୧ଲକ୍ଷ ୭୮ ହଜାର ଓ ବରମୂଳରେ ୨ଲକ୍ଷ ୮୬ହଜାର ୫ଶହ କ୍ୟୁସେକ୍ ଜଳ ପ୍ରବାହିତ ହେଉଛି ।

ଦାୟିତ୍ୱ ନେଉନେଉ ଚରଣଜିତଙ୍କ ମାଷ୍ଟରଷ୍ଟ୍ରୋକ୍, ଛାଡ କଲେ ବିଜୁଳି ବିଲ୍

ଚଣ୍ଡିଗଡ: ପଞ୍ଜାବର ନୂଆ ମୁଖ୍ୟମନ୍ତ୍ରୀ ଚରଣଜିତ୍ ସିଂହ ଚନ୍ନି ସୋମବାର ଦିନ ଶପଥ ନେବା ପରେ ପ୍ରଥମ ସାମ୍ବାଦିକ ସମ୍ମିଳନୀ କରିଛନ୍ତି । ଏହି ଅବସରରେ ସେ କହିଛନ୍ତି, କଂଗ୍ରେସ ହାଇକମାଣ୍ଡ ଜଣେ ସାଧାରଣ ଲାେକଙ୍କୁ ପଞ୍ଜାବର ଶାସନ ଭାର ଦେଇଛନ୍ତି। ଦିନେ ଯାହାର ଘର ଉପରେ ଛାତ ନଥିଲା ଆଜି ତାକୁ କଂଗ୍ରେସ ଦଳ ମୁଖ୍ୟମନ୍ତ୍ରୀ ବନାଇଛନ୍ତି ।

ଏହି ସାମ୍ବାଦିକ ସମ୍ମିଳନୀରେ ଚନ୍ନିଙ୍କ ସହିତ  ପଞ୍ଜାବ କଂଗ୍ରେସ୍ ର ପ୍ରଦେଶ ଅଧ୍ୟକ୍ଷ ନବଜୋତ ସିଂହ ସିଦ୍ଧୁ, ପ୍ରଭାରୀ ହରିଶ ରାୱତ ମଧ୍ୟ ଉପସ୍ଥିତ ଥିଲେ । ଚନ୍ନି ଆହୁରି ମଧ୍ୟ କହିଛନ୍ତି ଯେ, ୩ କୃଷି ଆଇନକୁ ହଟାଇବା ପାଇଁ ସେ କେନ୍ଦ୍ର ସରକାରଙ୍କ ନିକଟରେ ଅପିଲ୍ କରିବେ । ଯଦି ଆଇନ ଫେରାଇ ନନିଆଯାଏ ତେବେ କୃଷି ଶେଷ ହୋଇଯିବ ଆଉ ଯାହାର ପ୍ରଭାବ ପଞ୍ଜାବର ସବୁ ପରିବାର ଉପରେ ପଡିବ । ପଞ୍ଜାବର କୃଷି ମାନଙ୍କୁ ଦୁର୍ବଳ ହେବାକୁ ଦେବୁନି । ଯଦି ସେମାନଙ୍କ ଉପରେ ଟିକେବି ଆଞ୍ଚ ଆସେ ତାହେଲେ ନିଜ ମୁଣ୍ଡ ଦେଖାଇଦେବୁ ।

ସବୁ ଗରିବ ପରିବାରର ବିଲ୍ ଛାଡ କରିବା ନେଇ ସେ ଘୋଷଣା କରିଥିବା ବେଳେ ଏହି ନିଷ୍ପତ୍ତି କ୍ୟାବିନେଟରେ ପାସ୍ ହୋଇଥିବା ନେଇ ସେ ପ୍ରକାଶ କରିଛନ୍ତି । ସମସ୍ତଙ୍କର ପୁରୁଣା ବିଲ୍ ଛାଡ କରିଦିଆଯିବ । କଂଗ୍ରେସ ହାଇକମାଣ୍ଡ ଆମକୁ ୧୮ଟି ପ୍ରସଙ୍ଗ ଦେଇଛନ୍ତି, ଯାହାକୁ ଏହି କାର୍ଯ୍ୟକାଳ ମଧ୍ୟରେ ସମାପ୍ତ କରିବୁ ।

ଅଧିକ ପଢନ୍ତୁ- ମୁଖ୍ୟମନ୍ତ୍ରୀ ଭାବେ ଶପଥ ନେଲେ ଚରଣଜିତ ସିଂହ ଚନ୍ନୀ

ତେବେ ଯେଉଁ କୃଷକ ମାନଙ୍କର ବିଜୁଳି କାଟି ଦିଆଯାଇଛି, ସେମାନଙ୍କର ସବୁ ଦେୟ ଛାଡ କରାଯିବା ସହ କନେକସନ୍ ଦିଆଯିବ । ସୂଚନାଯୋଗ୍ୟ, ସକାଳ ୧୧ଟାରେ ରାଜଭବନରେ ଆୟୋଜିତ ଶପଥ ଗ୍ରହଣ ସମାରୋହରେ ଶପଥ ନେଇଛନ୍ତି ଚରଣଜିତ । ଶପଥ ଉତ୍ସବରେ ସାମିଲ ହୋଇଛନ୍ତି ପଞ୍ଜାବ କଂଗ୍ରେସର ସମସ୍ତ ବିଧାୟକ, ସାଂସଦ ଓ ନେତା । ତେବେ ପୂର୍ବତନ ମୁଖ୍ୟମନ୍ତ୍ରୀ କ୍ୟାପଟେନ୍ ଅମରିନ୍ଦର ସିଂ ଶପଥ ଗ୍ରହଣ ସମାରୋହରେ ସାମିଲ  ହୋଇନଥିବା ବିଶେଷ ସୁତ୍ରରୁ ସୂଚନା ମିଳିଛି । ଶପଥ କାର୍ଯ୍ୟକ୍ରମରେ ପଞ୍ଜାବ କଂଗ୍ରେସ ଅଧ୍ୟକ୍ଷ ସିଦ୍ଧୁ ଉପସ୍ଥିତ ରହିଥିଲେ  ।

ତୃତୀୟ ଲହର ପାଇଁ ସମୀକ୍ଷା ବୈଠକ, ଆସନ୍ତା ନଭେମ୍ବର ପର୍ଯ୍ୟନ୍ତ ସଜାଗ ରହିବାକୁ ଆହ୍ୱାନ

ଭୁବନେଶ୍ୱର: କେନ୍ଦ୍ର ସ୍ବାସ୍ଥ୍ୟ ବିଭାଗ ସହିତ ସମସ୍ତ ରାଜ୍ୟର ସ୍ବାସ୍ଥ୍ୟ ବିଭାଗର ତୃତୀୟ ଲହର ପାଇଁ ସମୀକ୍ଷା ବୈଠକ । ସାମ୍ଭାବ୍ୟ କରୋନାର ତୃତୀୟ ଲହରର ପ୍ରସ୍ତୁତି ନେଇ ହୋଇଥିଲା ଆଲୋଚନା । ଆସନ୍ତା ନଭେମ୍ବର ପର୍ଯ୍ୟନ୍ତ ସଜାଗ ରହିବାକୁ ପଡିବ । ରାଜ୍ୟରେ କରୋନା ସଂକ୍ରମଣ କିଭଳି କମିବ ତାହା ଦେଖିବାକୁ ପଡିବ । ତାପାଇଁ ଟିକାକରଣ ଚାଲୁଛି, ସର୍ଭିଲାନ୍ସ ଚାଲୁଛି ଏବଂ ଶିଶୁଙ୍କ ଚିକିତ୍ସା ଉପରେ ଦିଆଯିବ ଗୁରତ୍ବ ।

ଏଥିରେ 3ଟି ଜିନିଷ ଉପରେ ଗୁରୁତ୍ୱ ଦିଆଯାଉଛି । ଯାହା ଚିକିତ୍ସା ଭିତ୍ତିଭୂମି, ଅକ୍ସିଜେନ ଏବଂ ତାଲିମ । ଯଦି କଟକଣା ନ ମାନିବା ତେବେ ସଂକ୍ରମଣ ବଢିବାର ଚାନ୍ସ ଅଧିକ ରହୁଛି । ଏହାକୁ ବ୍ରେକ କରିବାର ଗୋଟିଏ ବାଟ ହେଉଛି ମାକ୍ସ ପିନ୍ଧିବା, ସାମାଜିକ ଦୂରତା ବଜାଇ ରଖିବା । ଆବଶ୍ୟକ ହେଲେ ବାହାରକୁ ଯାଆନ୍ତୁ, ଆବଶ୍ୟକତା ନଥିଲେ ଘରେ ରୁହନ୍ତୁ ବୋଲି କହିଛନ୍ତି ସ୍ବାସ୍ଥ୍ୟ ବିଭାଗ ନିର୍ଦ୍ଦେଶକ ବିଜୟ ମହାପାତ୍ର ।

ଋଷର ୟୁନିଭର୍ସିଟିରେ ଆଖିବୁଜା ଗୁଳିକାଣ୍ଡ; ୮ ମୃତ, ଭୟରେ ବିଲ୍ଡିଂରୁ ଡେଇଁ ପଡିଲେ ଛାତ୍ରଛାତ୍ରୀ

ମସ୍କୋ: ଋଷର ଏକ ୟୁନିଭର୍ସିଟିରେ କେହି ଅଜଣା ବନ୍ଧୁକଧାରୀ ବ୍ୟକ୍ତି ଅଚାନକ ଆଖିବୁଜା ଗୁଳି ଚାଳନା କରିଥିଲା । ଯେଉଁଥିରେ ୮ ଜଣଙ୍କ ମୃତ୍ୟୁ ଘଟିଥିବା ଜଣାପଡିଛି । ଆଉ ଏଭଳି ଆକ୍ରମଣରୁ ନିଜକୁ ରକ୍ଷା କରିବାକୁ ଯାଇ କିଛି ଛାତ୍ରଛାତ୍ରୀ ସଭାଗୃହ ଓ ହଲରେ ଲୁଚି ଯାଇଥିଲେ । ସୋସିଆଲ୍ ମିଡିଆରେ ଶେୟାର କରାଯାଇଥିବା ଏକ ଭିଡିଓକୁ ଦେଖିଲେ ଯେକେହିବି ଚକିତ ହୋଇପଡିବ । ଗୁଳିମାଡ଼ରୁ ବର୍ତ୍ତିବାକୁ ଶିକ୍ଷକ ଓ ଛାତ୍ରଛାତ୍ରୀ ମାନେ ନିଜକୁ ଗୃହରେ ବନ୍ଦ କରିଥିଲେ । ଆଖିବୁଜା ଗୁଡ଼ିମାଡ଼ରୁ ଜୀବନ ରକ୍ଷା ପାଇଁ ଛାତ୍ରଛାତ୍ରୀ ମାନେ ଛାତ ଓ ଝରକାରୁ ଡ଼େଇଁଥିବା ନଜର ଆସିଥିଲା।

ଋଷିଆ ଟୁଡେର ରିପୋର୍ଟ ଅନୁଯାୟୀ, ଏହି ଆକ୍ରମଣରେ ୮ ଜଣଙ୍କର ମୃତ୍ୟୁ ଘଟିଥିବା ବେଳେ ୬ ଜଣ ଆହତ ହୋଇଛନ୍ତି । ପର୍ମ ଷ୍ଟେଟ୍ ୟୁନିଭର୍ସିଟିରେ ଏହି ଅଘଟଣ ହୋଇଥିଲା ।

ତେବେ ଗଣମାଧ୍ୟମ ମୁତାବକ, ସମ୍ପୃକ୍ତ ସୁଟର ଜଣକ ୧୮ ବର୍ଷୀୟ ତିମୁର ବେକମାନସୁରୋଭ ବୋଲି ଜଣାପଡିଛି । ଯିଏକି ଶରୀରରେ ଗୁଳି ବାଜିବା ଯୋଗୁଁ ନିଜେ ମଧ୍ୟ ମୃତ୍ୟୁବରଣ କରିଛି । ସେହିପରି ଅନ୍ୟ ଏକ କ୍ଲିପରେ ଆଉ ଜଣେ ବ୍ୟକ୍ତି ହାତରେ ହତିଆର ଧରି ପର୍ମ ସହର ସ୍ଥିତ ୟୁନିଭର୍ସିଟିର ବିଲ୍ଡିଂ ଆଡକୁ ଯାଉଥିବା ନଜର ଆସିଛି ।  ଉକ୍ତ ଆତତାୟୀର ପରିଚୟ ମିଳି ନଥିବାବେଳେ କାହିଁକି ସେ ଏହି କାଣ୍ଡ ଘଟାଇଲା ସେ ସମ୍ପର୍କରେ ସୂଚନା ମିଳିପାରିନାହିଁ । ୟୁନିଭରସିଟି ପରିସରରେ ଆତଙ୍କ ଖେଳାଇ ଥିବା ଏହି ଗନ୍ ମ୍ୟାନକୁ କାବୁ କରିଛି ପୋଲିସ ।

ଦୁର୍ଗମ ରାସ୍ତାରେ ଗର୍ଭବତୀଙ୍କୁ ୭ କିମି ବୋହିଲେ 108 ଆମ୍ବୁଲାନ୍ସ କର୍ମଚାରୀ

ଗଜପତି: ମାନବିକତା ଦେଖାଇଲେ 108 ଆମ୍ବୁଲାନ୍ସ କର୍ମଚାରୀ । ଗର୍ଭବତୀ ମହିଳାଙ୍କୁ ଷ୍ଟ୍ରେଚରରେ ବୋହିଲେ 7 କିଲୋମିଟର । ଏଭଳି ଏକ ଘଟଣା ଦେଖିବାକୁ ମିଳିଛି ଗଜପତି ଜିଲ୍ଲା ମୋହନା ସିଂକୁଳି ପଦର ଓଲୋଣ୍ଡା ଗାଁରେ। ସୂଚନା ଅନୁଯାୟୀ, ରାସ୍ତା ଖରପ ଥିବାରୁ ଗାଁ ଭିତରକୁ ଆମ୍ବୁଲାନ୍ସ ଯିବା ସମ୍ଭବ ନଥିଲା ।

ଗର୍ଭବତୀ ମହିଳା ଜଣଙ୍କ ଆମ୍ବୁଲାନ୍ସ  ପର୍ଯ୍ୟନ୍ତ ଆସିବା ସମ୍ବବପର ନଥିଲା  । ଫଳରେ ଆମ୍ବୁଲାନ୍ସ କର୍ମଚାରୀ ଜଣଙ୍କ ଷ୍ଟ୍ରେଚରରେ ବୋହିଥିଲେ । ୧୦୮ ଆମୁଲାନ୍ସର କର୍ମଚାରୀ, ଫାର୍ମାସିଷ୍ଟ, ଡ୍ରାଇଭର ଏବଂ ପରିବାର ଲୋକ ମିଶି ଷ୍ଟ୍ରେଚରରେ ମହିଳାଙ୍କୁ ବୋହି ଆମ୍ବୁଲାନ୍ସ ନିକଟକୁ ନେଇଥିଲେ । ପରେ ଆମ୍ବୁଲାନ୍ସରେ ନେଇ ତାଙ୍କୁ ଚନ୍ଦ୍ରଗିରି ହସ୍ପିଟାଲରେ ଭର୍ତ୍ତି କରାଯାଇଛି । ମହିଳାଜଣଙ୍କ ବର୍ତ୍ତମାନ ସୁସ୍ଥ ରହିଥିବା ଜଣାପଡିଛି   ।

କର୍ତ୍ତୃପକ୍ଷଙ୍କ ଭେଟ ନହେବାରୁ, CHSE କାର୍ଯ୍ୟାଳୟ ଆଗରେ ହାତ କାଟିଲେ ଛାତ୍ରୀ

ଭୁବନେଶ୍ୱର: CHSE କାର୍ଯ୍ୟାଳୟ ଆଗରେ ହାତ କାଟିଲେ ଯୁକ୍ତ ଦୁଇ ଡ୍ରପ ଆଉଟ୍ ଛାତ୍ରୀ   । ଆଜି CHSE କାର୍ଯ୍ୟାଳୟକୁ ଛାତ୍ରୀ ଜଣଙ୍କ ନିଜ ଅଭିଯୋଗ ଶୁଣାଇବାକୁ ଯାଇଥିବାବେଳେ କାଉନସିଲ କର୍ତ୍ତୃପକ୍ଷଙ୍କ ସହ କଥା ହେବାକୁ କହିଥିଲେ  । କିନ୍ତୁ କାଉନସିଲ କର୍ତ୍ତୃପକ୍ଷ କଥା ନହେବାରୁ ଛାତ୍ରୀ ଜଣଙ୍କ ହାତ କାଟି ଦେଇଥିବା ଜଣାପଡିଛି  ।

ସୂଚନା ମୁତାବକ ଛାତ୍ରୀ ଜଣଙ୍କର ଘର ଗଞ୍ଜାମ ଜିଲ୍ଲାରେ  । ଯୁକ୍ତ ଦୁଇ ଡ୍ରପଆଉଟ୍ ଓ ଏକ୍ସ-ରେଗୁଲାର ଛାତ୍ରଛାତ୍ରୀ ଧାରଣା ଦେଇଥିଲେ  । କିନ୍ତୁ ଛାତ୍ରୀ ଜଣଙ୍କ କାଉନସିଲ କର୍ତ୍ତୃପକ୍ଷଙ୍କ ସହ ଆଲୋଚନା କରିବାକୁ ଚାହୁଁଥିଲେ, ବିଫଳ ହେବାରୁ ପ୍ରତିବାଦ ସ୍ଥଳରେ ହାତ କାଟିଦେଇଥିଲେ  । ପରେ ତାଙ୍କୁ ମେଡିକାଲରେ ଭର୍ତ୍ତି କରାଯାଇଛି  ।

ଭିଜିଲାନ୍ସ ଜାଲରେ OCCLର ସିନିଅର ମ୍ୟାନେଜର, ଏକକାଳୀନ ୩ଟି ସ୍ଥାନରେ ରେଡ୍

ସମ୍ବଲପୁର: ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଭିଜିଲାନ୍ସର ରେଡ । ଭିଜିଲାନ୍ସ ଜାଲରେ ସମ୍ବଲପୁର OCCLର ସିନିଅର ମ୍ୟାନେଜର । ସିନିଅର ମ୍ୟାନେଜର ରଞ୍ଜନ କୁମାର ଡାଙ୍ଗଙ୍କ ସମ୍ବଲପୁର ସ୍ଥିତ ବାସଭବନରେ ଭିଜିଲାନ୍ସ ରେଡ୍ ଚାଲିଛି ।

ମିଳିଥିବା ସୂଚନା ମୁତବାକ ଏକକାଳୀନ ୩ଟି ସ୍ଥାନରେ ଚାଲିଛି ରେଡ୍ । ଭିଜିଲାନ୍ସର ୩ଟି ଟିମ ଚଢାଉରେ ସାମିଲ ହୋଇଛନ୍ତି । ସେପଟେ ବର୍ତ୍ତମାନ ସୁଦ୍ଧା ଲକ୍ଷେ ୪୫ହଜାର ଟଙ୍କା ଜବତ ହୋଇଥିବା ଜଣାପଡିଛି  ।

ପିପିଲିରେ ପ୍ରଚାର ପୂର୍ବରୁ ବିଏସଏଫର ଫ୍ଲାଗ ମାର୍ଚ୍ଚ

ଭୁବନେଶ୍ୱର:  ପିପିଲି ଉପନିର୍ବାଚନକୁ ଆଖିରେ ରଖି ବିଏସଏଫର ଫ୍ଲାଗ ମାର୍ଚ୍ଚ । ପିପିଲିରେ ମୁକ୍ତ ଓ ନିରପେକ୍ଷ ନିର୍ବାଚନ ପାଇଁ ପୁରୀ ଜିଲ୍ଲା ପୋଲିସ ପ୍ରଶାସନ ପକ୍ଷରୁ କଡା ସୁରକ୍ଷା ବ୍ୟବସ୍ଥା କରାଯାଇଛି । ପିପିଲି ଥାନାରୁ ପିପିଲି ବଜାର ଯାଏଁ ଫ୍ଲାଗ୍‌ ମାର୍ଚ୍ଚ କରାଯାଇଛି । ପିପିଲିରେ ରାଜନୈତିକ ହିଂସାକାଣ୍ଡକୁ ନଜର ରଖି ବିଏସଏଫ ଯବାନ ଏନ୍ଏସିରେ ପଇଁତରା ମାରିଛନ୍ତି ।

ନିର୍ବାଚନ ତାରିଖକୁ ଆଉ ୧୦ ଦିନ ବାକି ରହିଥିବାବେଳେ ଆଜିଠୁ ସମସ୍ତ ରାଜନୈତିକ ଦଳ ପ୍ରଚାର ଆରମ୍ଭ କରିବାକୁ ଯାଉଛନ୍ତି  । ତେଣୁ ଏପରି ସ୍ଥିତିରେ ଯେପରି ପିପିଲିରେ କୌଣସି ପ୍ରକାର ହିଂସା କିମ୍ବା ଅପ୍ରୀତିକର ପରିସ୍ଥିତି ନଉପୁଜେ, ସେଥି ପ୍ରତି ବିଶେଷ ସତର୍କ ରହିଛି ପୁରୀ ଜିଲ୍ଲା ପ୍ରଶାସନ  ।

ଯେଉଁଥି ପାଇଁ ୬ପ୍ଲାଟୁନ କେନ୍ଦ୍ରୀୟ ଫୋର୍ସ ଓ ୫ଜଣ ସିନିଅର ଅଫିସର ଏଥିରେ ସାମିଲ ହୋଇଛନ୍ତି । ଆଚରଣ ବିଧି ଉଲ୍ଲଂଘନ ଯେପରି ନହୁଏ ସେଥି ପ୍ରତି ସ୍ଵତନ୍ତ୍ର ଦୃଷ୍ଟି ଦିଆଯାଇଛି । ପିପିଲିର ସମସ୍ତ ସ୍ଥାନ ଉପରେ ପୋଲିସର କଡ଼ା ନଜର ରହିଛି  ।