spot_img
Home Blog Page 5335

ରାୟଗଡ଼ାରେ ଶଙ୍ଖ ନାଦ, କଂଗ୍ରେସରୁ ଭରସା ତୁଟାଇ ବିଜେଡିରେ ଯୋଗଦାନ

ଭୁବନେଶ୍ୱର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନୀତି ଆଦର୍ଶରେ ଅନୁପ୍ରାଣିତ ହୋଇ ରାୟଗଡ଼ା କଂଗ୍ରେସର ବହୁ ବରିଷ୍ଠ ନେତା ଓ କର୍ମୀ ବିଜେଡିରେ ଯୋଗଦେଇଛନ୍ତି । କଂଗ୍ରେସର ଗୋଷ୍ଠୀ କନ୍ଦଳ ଓ ନେତୃତ୍ବହୀନତା ଉପରେ ଭରସା ରଖିନପାରି ଏହି ନେତାମାନେ ବିଜେଡିରେ ଯୋଗଦେଇଛନ୍ତି । ବିଜେଡି ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ, ରାୟଗଡ଼ା ଜିଲ୍ଲା ବିଜେଡି ପର୍ଯ୍ୟବେକ୍ଷକ ଅତନୁ ସବ୍ୟସାଚୀ ନାୟକ, ରାଜ୍ୟସଭା ସଦସ୍ୟ ଏନ.ଭାସ୍କର ରାଓଙ୍କ ଉପସ୍ଥିତିରେ ଏହି ଅସନ୍ତୁଷ୍ଟ କଂଗ୍ରେସ ନେତାମାନେ ବିଜେଡିରେ ସାମିଲ ହୋଇଛନ୍ତି ।

ଏହାଦ୍ବାରା ରାୟଗଡ଼ାରେ ବିଜେଡି ଆହୁରି ଶକ୍ତିଶାଳୀ ହୋଇଛି । ଆଗାମୀ ଦିନରେ ରାୟଗଡ଼ା ଜିଲ୍ଲାରେ ବିଜେଡି ସଂଗଠନ ଅଧିକ ମଜଭୁତ ହେବ । ଲୋକ ଜାଣିଛନ୍ତି, ନବୀନ ପଟ୍ଟନାୟକ ଲୋକଙ୍କ ପାଇଁ କାମ କରନ୍ତି । ତେଣୁ ସେମାନେ ବିଜେଡି ଉପରେ ଆଶା ଓ ଭରସା ରଖିଛନ୍ତି । ସେହିଭଳି ବିଜେଡିରେ ମିଶିଥିବା ରାୟଗଡ଼ାର ପୂର୍ବତନ କଂଗ୍ରେସ ନେତା ରାବଳା ମାଝୀ ମଧ୍ୟ ନବୀନଙ୍କ ଲୋକାଭିମୁଖୀ କାମରେ ଉତ୍ସାହିତ ହୋଇ ବିଜେଡିରେ ଯୋଗଦେଇଥିବା କହିଛନ୍ତି ।

ସ୍ୱାମୀ ସୌମ୍ୟଙ୍କ ପ୍ରଶ୍ନ କରିବାରୁ ଲାଇଡିଟେକ୍ସନ ଟେଷ୍ଟରେ ଭାବବିହ୍ୱଳ ହେଲେ ବିଦ୍ୟାଭାରତୀ

ଭୁବନେଶ୍ୱର: ଏସିଏଫ ମୃତ୍ୟୁ ଘଟଣାର ଅନ୍ତିମରେ ପହଁଚିବାକୁ ଚାହୁଁଛି କ୍ରାଇମବ୍ରାଞ୍ଚ  । ଘଟଣାରେ ପର୍ଦ୍ଦାଫାସ କରିବାକୁ ପ୍ରୟାସରତ ତଦନ୍ତ ଟିମ  । ଯେଉଁଥିପାଇଁ ଫରନେସିକ ଲାଇବ୍ରେରୀରେ ପ୍ରଥମେ ଡିଏଫଓଙ୍କ ଲାଇ ଡ଼ିଟେକ୍ସନ ଟେଷ୍ଟ କରିଥିଲା କ୍ରାଇମବ୍ରାଞ୍ଚ  । ଆଉ ଏହା ପରେ ଆଜି ମୃତ ସୌମ୍ୟ ରଞ୍ଜନଙ୍କ ପତ୍ନୀ ବିଦ୍ୟାଭାରତୀଙ୍କ ମଧ୍ୟ ଲାଇଡ଼ିଟେକ୍ସନ ଟେଷ୍ଟ ଜାରି ରହିଛି  । କ୍ରାଇମବ୍ରାଞ୍ଚ ବିଦ୍ୟା ଭାରତୀଙ୍କୁ କରିଛି ମାରାଥନ ଜେରା  । ଆଉ ଏହି ସମୟରେ ଏସିଏଫଙ୍କ ପତ୍ନୀ ବିଦ୍ୟାଭାରତୀ ଭାବବିହ୍ୱଳ ହୋଇପଡିଥିବା ଜଣା ପଡିଛି  ।

ସ୍ବାମୀ ସୌମ୍ୟରଞ୍ଜନଙ୍କ ସମ୍ପର୍କରେ କ୍ରାଇମବ୍ରାଞ୍ଚର ଗୁଡ଼ିଆ ତୁଡ଼ିଆ ପ୍ରଶ୍ନରେ  ଭାବବିହ୍ବଳ ହୋଇପଡିଲେ ବିଦ୍ୟାଭାରତୀ । କିନ୍ତୁ ବିଦ୍ୟାଭାରତୀ କେତେ ସତ କହୁଛନ୍ତି ଲାଏ ଡିଟେକ୍ସନ ଟେଷ୍ଟରୁ ତାହା ସ୍ପଷ୍ଟ ଜଣାପଡ଼ିବ ।  ପୂର୍ବରୁ ଡିଏଫଓ ଏବଂ ରୋଷେୟାଙ୍କର ମଧ୍ୟ ଲାଏ ଡିଟେକ୍ସନ ଟେଷ୍ଟ ଶେଷ ହୋଇଛି । ଏହାସହ ସୌମ୍ୟଙ୍କ ପରିବାର ଓ ବିଦ୍ୟାଭାରତୀଙ୍କୁ ଜେରା କରିଛି କ୍ରାଇମବ୍ରାଞ୍ଚ ।

ସୌମ୍ୟ ରଞ୍ଜନଙ୍କ ମୃତ୍ୟୁ ଘଟଣାରେ ସନ୍ଦେହରେ ରହି ଆସିଛନ୍ତି ଡ଼ିଏଫଓ ସଂଗ୍ରାମ କେଶରୀ ବେହେରା  । ସେପଟେ ମୃତ ଏସିଏଫ ସୌମ୍ୟ ରଞ୍ଜନ ପତ୍ନୀଙ୍କ ସହ ବିଦ୍ୟା ଭାରତୀଙ୍କ ସମ୍ପର୍କ ରହିଥିବା ମଧ୍ୟ ଅଭିଯୋଗ କରିଛନ୍ତି ପରିବାର ଲୋକ  । ସୌମ୍ୟ ଆତ୍ମହତ୍ୟା ନୁହେଁ ହତ୍ୟା କରିଥିବା ମଧ୍ୟ ସୌମ୍ୟଙ୍କ ପରିବାର ଲୋକ ଅଭିଯୋଗ କରିଛନ୍ତି  । ଏବଂ ଏହି ଘଟଣାରେ ସିଧାସଳଖ ବିଦ୍ୟା ଭାରତୀ ଏବଂ ଡ଼ିଏଫଙ୍କର ସମ୍ପୃକ୍ତି ରହିଥିବା ପ୍ରକାଶ କରିଛନ୍ତି ପରିବାର ଲୋକ  ।

ମୁଖ୍ୟମନ୍ତ୍ରୀ ଭାବେ ଶପଥ ନେଲେ ଚରଣଜିତ ସିଂହ ଚନ୍ନୀ

ଅମୃତସର: ପଞ୍ଜାବ ମୁଖ୍ୟମନ୍ତ୍ରୀ ଭାବେ ଶପଥ ନେଇଛନ୍ତି ଚରଣଜିତ ସିଂହ ଚନ୍ନୀ। ସକାଳ ୧୧ଟାରେ ରାଜଭବନରେ ଆୟୋଜିତ ଶପଥ ଗ୍ରହଣ ସମାରୋହରେ ଶପଥ ନେଇଛନ୍ତି ଚରଣଜିତ । ଶପଥ ଉତ୍ସବରେ ସାମିଲ ହୋଇଛନ୍ତି ପଞ୍ଜାବ କଂଗ୍ରେସର ସମସ୍ତ ବିଧାୟକ, ସାଂସଦ ଓ ନେତା । ତେବେ ପୂର୍ବତନ ମୁଖ୍ୟମନ୍ତ୍ରୀ କ୍ୟାପଟେନ୍ ଅମରିନ୍ଦର ସିଂ ଶପଥ ଗ୍ରହଣ ସମାରୋହରେ ସାମିଲ  ହୋଇନଥିବା ବିଶେଷ ସୁତ୍ରରୁ ସୂଚନା ମିଳିଛି । ଶପଥ କାର୍ଯ୍ୟକ୍ରମରେ ପଞ୍ଜାବ କଂଗ୍ରେସ ଅଧ୍ୟକ୍ଷ ସିଦ୍ଧୁ ଉପସ୍ଥିତ ରହିଥିଲେ  ।

ରାଜନୀତିରେ ଅନେକ ଅନୁଭବ ରହିଛି ଚରଣଜିତଙ୍କର । ପ୍ରକାଶ ସିଂହ ବାଦଲ ମୁଖ୍ୟମନ୍ତ୍ରୀ ଥିବା ବେଳେ ବିରୋଧୀ ଦଳର ନେତା ଥିଲେ ଚରଣଜିତ୍ । ଚମକୌର ସାହିବ ଆସନରୁ ଏବେ ବିଧାୟକ ଅଛନ୍ତି ଚରଣଜିତ । ଅମରିନ୍ଦରଙ୍କ କ୍ୟାବିନେଟରେ ବୈଷୟିକ ଶିକ୍ଷା ବିଭାଗର ମନ୍ତ୍ରୀ ଥିଲେ । ଆଗାମୀ ବିଧାନସଭା ନିର୍ବାଚନକୁ ନଜରରେ ରଖି ଚରଣଜିତଙ୍କୁ ଟପ୍‌ ପୋଷ୍ଟରେ ବସାଇବାକୁ ସହମତି ପ୍ରକାଶ ପାଇଛି ।

ବିଜେଡିର ମେଗା ମିଶ୍ରଣ ପର୍ବ, ଶଙ୍ଖ ଫୁଙ୍କିଲେ ଶତାଧିକ JMM ନେତା

ଭୁବନେଶ୍ୱର: ବିଜୁ ଜନତା କାର୍ଯ୍ୟାଳୟରେ ମେଗା ମିଶ୍ରଣ ପର୍ବ । ବିଜେଡି ପାର୍ଟି ଅଫିସରେ ଅନୁଷ୍ଠିତ ହୋଇଯାଇଛି ମିଶ୍ରଣ ପର୍ବ । ମୟୂରଭଞ୍ଜର ଜେଏମଏମ ନେତା କର୍ମୀ ବିଜେଡିରେ ମିଶିଥିବା ବେଳେ ବିଜେଡି ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାଶଙ୍କ ଉପସ୍ଥିତିରେ ମିଶିଛନ୍ତି । JMMର ଶତାଧିକ ନେତା ଓ କର୍ମୀ ବିଜେଡ଼ିରେରେ ବିଲୟ ହୋଇଛନ୍ତି ।

ରାଜ୍ୟ କାର୍ଯ୍ୟାଳୟରେ ବିଜେଡ଼ି ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସଙ୍କ ନେତୃତ୍ୱରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବିକାଶଧାରାରେ ସାମିଲ ହୋଇଛନ୍ତି ଏହି କର୍ମୀ । ମିଶ୍ରଣ ପର୍ବରେ ରାଜ୍ୱସ ମନ୍ତ୍ରୀ ସୁଦାମ ମାର୍ଣ୍ଡି ଉପସ୍ଥିତ ରହିଥିଲେ  ।

ଜେଏମଏମର ପୂର୍ବତନ ରାଜ୍ୟ ସଭାପତି ମହେଶ ହେମ୍ବ୍ରମ, ଜେଏମଏମର ପୂର୍ବତନ ରାଜ୍ୟ ଉପସଭାପତି ରାମଚନ୍ଦ୍ର ମୁର୍ମୁ , ଜେଏମଏମ ମୟୂରଭଞ୍ଜ ଜିଲ୍ଲା ସାଧାରଣ ସଂପାଦକ, କୁସୁମୀ ବ୍ଲକ ଅଧ୍ୟକ୍ଷା ଚନ୍ଦ୍ରିକା ଟୁଡୁ ବିଜେଡିରେ ମିଶିଛନ୍ତି ।

ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବିକଳ୍ପ ନାହିଁ। ତାଙ୍କ ନୀତି ଆଦର୍ଶ ଓ ପ୍ରଣବ ପ୍ରକାଶ ଦାସଙ୍କ ଦୃଢ଼ ନେତୃତ୍ୱରେ ଆମେ ବିଜେଡିରେ ଯୋଗ ଦେଲୁ। ମୋଦି ସରକାର ଆଦିବାସୀଙ୍କ ପାଇଁ ଯେଉଁ ନୀତି କରୁଛନ୍ତି, ସେଥିରେ ନବୀନଙ୍କ ବିକଳ୍ପ ନାହିଁ ବୋଲି କହିଛନ୍ତି ଦଳରେ ମିଶିଥିବା ନେତା  ।

ବିଦ୍ୟାଭାରତୀଙ୍କ ଲାଏ ଡିଟେକ୍ସନ ଟେଷ୍ଟ ଆରମ୍ଭ, ପୂର୍ବରୁ DFOଙ୍କ ହୋଇଥିଲା ଟେଷ୍ଟ

ଭୁବନେଶ୍ୱର: ପାରଳାଖେମୁଣ୍ଡି ଏସିଏଫ ସୌମ୍ୟ ରଞ୍ଜନ ମହାପାତ୍ର ମୃତ୍ୟୁ ମାମଲା । ଷ୍ଟେଟ୍ ଫରେନ୍ସିକ୍ ଲ୍ୟାବରେ ପତ୍ନୀ ବିଦ୍ୟାଭାରତୀଙ୍କର ଆରମ୍ଭ ହେଲା ଲାଏ ଡିଟେକ୍ସନ ଟେଷ୍ଟ । ବାପାଙ୍କ ସହ ବିଦ୍ୟାଭାରତୀ ପହଞ୍ଚିଥିବା ବେଲେ ସ୍ବାମୀ ସୌମ୍ୟରଞ୍ଜନ ମୃତ୍ୟୁ ମାମଲା ସତ କହିବେ ବିଦ୍ୟା । ବିଦ୍ୟାଭାରତୀ କେତେ ସତ କହୁଛନ୍ତି ଲାଏ ଡିଟେକ୍ସନ ଟେଷ୍ଟରୁ ଜଣାପଡ଼ିବ ।

ସେହିପରି ଡିଏଫଓଙ୍କ ସହିତ ସମ୍ପର୍କ ନେଇ ମଧ୍ୟ ପ୍ରଶ୍ନ କରିବ କ୍ରାଇମବ୍ରାଞ୍ଚ । ପୂର୍ବରୁ ଡିଏଫଓ ଏବଂ ରୋଷେୟାଙ୍କର ମଧ୍ୟ ଲାଏ ଡିଟେକ୍ସନ ଟେଷ୍ଟ ଶେଷ ହୋଇଛି । ଏହାସହ ସୌମ୍ୟଙ୍କ ପରିବାର ଓ ବିଦ୍ୟାଭାରତୀଙ୍କୁ ଜେରା କରିଛି କ୍ରାଇମବ୍ରାଞ୍ଚ । ଜେରା ବେଳର ବୟାନ ସହିତ ତଥ୍ୟକୁ ତର୍ଜମା କରାଯିବ । ଡିଏଫଓଙ୍କ ବୟାନ ସହିତ ବିଦ୍ୟାଭାରତୀଙ୍କ ବୟାନକୁ ମେଳ କରିବ ତଦନ୍ତକାରୀ ଟିମ୍ ।

୧୯ ଘଣ୍ଟାର ଅପରେସନ ପରେ ମିଳିଲା ନିଖୋଜ ନାବାଳକଙ୍କ ମୃତ ଦେହ, ଭାସି ଯାଇଥିଲେ ୩ କି.ମି

ଭୁବନେଶ୍ୱର: ପାଖାପାଖି ୨୦ ଘଣ୍ଟାର ଅପରେସନ ପରେ ମିଳିଲା ନିଖୋଜ ଦଶମ ଶ୍ରେଣୀ ଛାତ୍ରଙ୍କ ମୃତଦେହ  । ଗତକାଲି ଟ୍ୟୁସନ ଯାଇ ଫେରିନଥିବା ଜ୍ୟୋତି ପ୍ରକାଶ ବେହେରାଙ୍କ ମୃତ ଶରରୀକୁ ପଞ୍ଚଶଖା ନଗରର ଡ୍ରେନରୁ ଉଦ୍ଧାର କରିଛି ଅଗ୍ନିଶମ ବାହିନୀ  । ଅପରାହ୍ନରୁ ଡ୍ରେନ ପାଣିରେ ଭାସିଯାଇଥିଲେ  । ଖବର ପାଇବା ପରେ ଅଗ୍ନିଶମ ବିଭାଗର ୬ ଜଣିଆ ଟିମ ସର୍ଚ୍ଚ ଉପରେସନରେ ନିୟୋଜିତ ଥିଲେ  ।  ଦୀର୍ଘ ୧୯ ଘଣ୍ଟାରୁ ଅଧିକ ସମୟ ଧରି ଖୋଜିବା ପରେ ଆଜି ପଞ୍ଚଶଖା ନଗର ଡ୍ରେନରୁ ନିଖୋଜ ଦଶମ ଶ୍ରେଣୀ ଛାତ୍ର ଜ୍ୟୋତି ପ୍ରକାଶ ବେହେରାଙ୍କ ମୃତ ଶରୀରକୁ ପାଇବାରେ ସଫଳ ହୋଇଛି ଅଗ୍ନିଶମ ବାହିନୀ  ।

ଗତକାଲି ଟ୍ୟୁସନ ଯାଉଥିବା ବେଳେ ପାଣି ସୁଅରେ ସାଇକେଲ୍ ସହ ନାଳରେ ପଡିଯାଇଥିଲେ ଜ୍ୟୋତି । ଖବର ପାଇ ପୋଲିସ ଓ ଅଗ୍ନିଶମ ବାହିନୀ ପହଞ୍ଚି ସର୍ଚ୍ଚ ଅପରେସନକୁ ଜୋରଦାର କରିଥିଲେ । ବିଳମ୍ବିତ ରାତି ଯାଏ ଚାଲିଥିଲା ସର୍ଚ୍ଚ ଅପରେସନ । ଆଜି ଜ୍ୟୋତିପ୍ରକାଶଙ୍କ ମୃତଦେହ ଉଦ୍ଧାର ହୋଇଛି । ଗତକାଲି ଦୀର୍ଘ ସମୟ ଧରି ଖୋଜାଖୋଜି କରିଥିଲେ ପୋଲିସ ଓ ଅଗ୍ନିଶମ ବାହିନୀ । ହେଲେ ମିଳିନଥିଲା ଜ୍ୟୋତି ପ୍ରକାଶଙ୍କ ଖୋଜ ଖବର । ଟ୍ୟୁସନ୍ ଯାଉଥିବା ବେଳେ ଶତାବ୍ଦୀ ନଗର ମୁଖ୍ୟ ଡ୍ରେନର ପାଣିରେ ଭାସିଯାଇଥିଲେ ଜ୍ୟୋତି ।

ଶୋଇ ଥିବାବେଳେ ମାରିଦେଲେ ଦୃର୍ବୃତ୍ତ, କାରଣ ଖୋଜୁଛି ପୋଲିସ

ଗଞ୍ଜାମ: ପୁରୁଷୋତ୍ତମପୁର ଥାନା ଚୁଙ୍ଗୁଡିଘାଇ ଗ୍ରାମରେ ହତ୍ୟାକାଣ୍ଡ । ଗ୍ରାମର ବିନାୟକ ପ୍ରଧାନ ନାମକ ବ୍ୟକ୍ତିଙ୍କୁ ପଥରରେ ଛେଚି ହତ୍ୟା କରାଯାଇଛି । ସୂଚନା ଅନୁସାରେ, ବିନାୟକ ପ୍ରଧାନ ଗ୍ରାମର ଠାକୁରାଣୀଙ୍କ ମନ୍ଦିର ପାଖରେ ଶୋଇଥିବା ବେଳେ ତାକୁ କେହି ପଥରରେ ଛେଚି ହତ୍ୟା କରିଛି । ଖବର ପାଇ ପୁରୁଷୋତ୍ତମପୁର ଥାନା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।

ମୃତ ବିନାୟକ ପ୍ରଧାନ ଜଣେ ମଦ ବ୍ୟବସାୟ କରୁଥିବା ଜଣାପଡିଛି । ସେ ଗୋଟିଏ କାଉଣ୍ଟର କରି ମଦ ବିକ୍ରି କରନ୍ତି । ହେଲେ କିଛି ଲୋକ ଚୋରା ମଦ କାରବାର କରୁଥିବାରୁ ସେ ବାରମ୍ବାର ଅଭିଯୋଗ କରୁଥିଲେ । ସେହି ରାଗରେ ଦୃର୍ବୃତ୍ତ ବିନାୟକଙ୍କୁ ହତ୍ୟା କରିଥିବା ସନ୍ଦେହ କରାଯାଉଛି । ପୋଲିସ ଘଟଣାସ୍ଥଳରେ ପହଁଚି ତଦନ୍ତ ଆରମ୍ଭ କରିଛି  ।

୧୮ ଘଣ୍ଟା ପରେ ବି ମିଳୁନି ନାବାଳକଙ୍କ ପତ୍ତା, ନାକେଦମ୍ ଅଗ୍ନିଶମ ଟିମ୍

ଭୁବନେଶ୍ୱର: ଅଠର ଘଣ୍ଟାରୁ ଅଧିକ ସମୟ ବିତିଗଲାଣି  । ଘରେ ମାଆର ଆଖିରୁ କମୁନି ଲୁହର ଧାର  । କେତେବେଳେ ବେହୋସ ହୋଇଯାଉଛି ତ, ଆଉ କେତେବେଳେ ମୋ ଧନକୁ ଫେରାଇ ଆଣ ବୋଲି ଅଳି କରୁଛି  । ସେପଟେ ପ୍ରତିଟି ଡ୍ରେନକୁ ତନଖି କରିବାରେ ଲାଗିଛନ୍ତି ଅଗ୍ନିଶମ ବାହିନୀ  । କିନ୍ତୁ ତଥାପି ମିଳୁନାହିଁ ଜ୍ୟୋତି ପ୍ରକାଶ ବେହେରାଙ୍କ କୈଣସି ସନ୍ଧାନ । ରବିବାର ଅପରାହ୍ନରେ ଟ୍ୟୁସନ ଯାଇଥିବା ବେଳେ ଡ୍ରେନ ପାଣିରେ ଭାସି ଯାଇଥିଲେ ଜ୍ୟୋତି  ।

ଗତକାଲି ଜାଗମରାରେ ଲେନ ୭ ଡ୍ରେନକୁ ତନଖି କରିବା ପରେ ବି ଅଗ୍ନିଶମ ଟିମ ହାତରେ ଜ୍ୟୋତିଙ୍କ କୈଣସି ପତ୍ତା ଲାଗିନଥିଲା  ।  ସେପଟେ ଆଜି ସର୍ଚ୍ଚ ଅପରେସନକୁ ଜୋରଦାର କରିଛି ଅଗ୍ୱିଶମବାହିନୀ  । ଆଜି ସକାଳୁ  Iter ପଞ୍ଚସଖା ନଗରରେ ଅଗ୍ନିଶମ ବିଭାଗର ସର୍ଚ୍ଚ ଅପରସେନ ଜାରି ରହିଛି  । ଯେହେତୁ  ପଞ୍ଚସଖା ନଗରରେ ଦୁଇଟି ନାଳ ଗୋଟିଏ ସ୍ଥାନରେ ମିଶିଛି  । ତେଣୁ ଏହି ସ୍ଥାନକୁ ସନ୍ଦେହରେ ରଖି ସର୍ଚ୍ଚ ଅପରେସନ ଚଳାଇଛି ଟିମ୍  । ଏଥି ସହିତ ସାଧାରଣ ଲୋକେ ମଧ୍ୟ ନିଖୋଜ ଦଶମ ଶ୍ରେଣୀ ଛାତ୍ର ଜ୍ୟୋତିଙ୍କୁ ଖୋଜିବାରେ ସାମିଲ ହୋଇଛନ୍ତି  ।

ଆଇପିଏଲ୍ ୨୦୨୧: ମୁମ୍ୱାଇ ବିପକ୍ଷ ମ୍ୟାଚ୍‌ରେ ୨୦ରନ୍‌ରେ ଚେନ୍ନାଇ ବିଜୟୀ

ଦୁବାଇ: ମୁମ୍ୱାଇ ବିପକ୍ଷ ମ୍ୟାଚ୍‌ରେ ୨୦ରନ୍‌ରେ ବିଜୟୀ ହୋଇଛି ଚେନ୍ନାଇ ସୁପରକଙ୍ଗସ୍ । ୧୫୭ରନ୍‌ର ବିଜୟ ଲକ୍ଷ୍ୟ ନେଇ ପଡ଼ିଆକୁ ଓହ୍ଲାଇଥିବା ମୁମ୍ୱାଇ ଇଣ୍ଡିଆନ୍ସ ଟିମ୍ ନିର୍ଦ୍ଦାରିତ ଓଭର ମଧ୍ୟରେ କେବଳ ୮ ଓ୍ୱିକେଟ ବିନିମୟରେ କେବଳ ୧୩୬ କରିବାକୁ ସମର୍ଥ ହୋଇଥିଲା । ମୁମ୍ୱାଇ ପାଇଁ ସୌରଭ ତିଓ୍ୱାରୀ ସର୍ବାଧିକ ୫୦(୪୦) ରନ୍‌ କରିବାରେ ସଫଳ ହୋଇଥିବା ବେଳେ ଓପନିଂ କରିବାକୁ ଆସିଥିବା କ୍ୱଣ୍ଟନ୍ ଡି କକ୍ ୧୭ ରନ୍ କରିବାରେ ସଫଳ ହୋଇଥିଲେ । ଚେନ୍ନାଇ ପକ୍ଷରୁ ବ୍ରାଭୋ ସର୍ବାଧିକ ୩ ଓ୍ୱିକେଟ ନେଇଥିବା ବେଳେ ଦୀପକ ଚହର ୨ ଓ ଶାର୍ଦ୍ଦୁଳ ଠାକୁର ଗୋଟିଏ ଓ୍ୱିକେଟ ନେବାରେ ସମର୍ଥ ହୋଇଥିଲା ।

ସୂଚନା ଯୋଗ୍ୟ ଯେ, ଆଜିର ମ୍ୟାଚ୍‌ରେ ଚେନ୍ନାଇ ସୁପରକିଙ୍ଗସ୍‌ ପ୍ରଥମେ ଟସ୍‌ ଜିତି ବ୍ୟାଟିଂ କରିବାର ନିଷ୍ପତ୍ତି ନେଇଛି। ତେବେ ଚେନ୍ନାଇକୁ ପ୍ରାରମ୍ଭିକ ଝଟକା ଲାଗିଛି  । ଓପନିଂ ବ୍ୟାଟିଂ କରିବାକୁ ଆସିଥିବା ଫାଫ୍ ଡୁପ୍ଳେସିସ୍ ବିନା କୌଣସି ରନ୍ କରି ଫେଭିଲିୟନ୍ ଫେରିଯାଇଥିବା ବେଳେ ୩ ନମ୍ୱରରେ ବ୍ୟାଟିଂ କରିବାକୁ ଆସିଥିବା ମୋଇନ ଅଲ୍ଲୀ ମଧ୍ୟ ବିନା କୌଣସି ରନ୍ କରି ଆଉଟ ହୋଇଛି । ତାଙ୍କ ପଛକୁ ବ୍ୟାଟିଂ କରିବାକୁ ଆସିଥିବା ଅମ୍ୱାତି ରାଇଡୁ ଆହତ ହୋଇ ଫେଭିଲିୟନ୍ ଫେରିଛନ୍ତି । ତାଙ୍କ ପଛକୁ ବ୍ୟାଟିଂ କରିବାକୁ ଆସିଥିବା ସୁରେଶ ରାଇନା ମଧ୍ୟ ନିରାଶ କରିଛନ୍ତି । ମାତ୍ର ୪ରନର ବ୍ୟକ୍ତିଗତ ସ୍କୋରରେ ଟ୍ରେଣ୍ଟ ବୋଲ୍ଟଙ୍କ ଶିକାର ହୋଇଛନ୍ତି ଚେନ୍ନାଇ ଷ୍ଟାର ବ୍ୟାଟ୍ସ ମ୍ୟାଚ୍ ରାଇନ୍ ହୋଇଥିଲେ ।

କ୍ୟାପଟେନ୍ ଧୋନିଙ୍କ ଉପରେ ଟିମ୍ ଆଶାବାଦୀ ଥିବା ବେଳେ ସେ ମଧ୍ୟ ନିରାଶ କରିଥିଲେ। ଧୋନି ବ୍ୟକ୍ତିଗତ ୩ ରନ୍ କରି ମିଲନେଙ୍କ ଶିକାର ହୋଇଥିଲେ। ୨୪ ରନରେ ୪ ୱିକେଟ୍ ହରାଇ ଚେନ୍ନାଇ ବ୍ୟାକଫୁଟକୁ ଚାଲିଆସିଥିଲା। ତେବେ ଋତୁରାଜଙ୍କୁ ଭରପୂର ସହଯୋଗ କରିଥିଲେ ରବୀନ୍ଦ୍ର ଜାଡେଜା। ଦୁହେଁ ପଞ୍ଚମ ୱିକେଟ୍ ହରାଇ ୮୧ ରନର ଭାଗିଦାରୀ କରିଥିଲେ। ଜାଡେଜା ୨୬ ରନ୍ କରି ଯଶପ୍ରୀତ ବୁମ୍ରାଙ୍କ ବଲରେ ଆଉଟ୍ ହୋଇଥିଲେ। । ଏହା ପରେ ବ୍ୟାଟିଂ କରିବାକୁ ଆସିଥିବା ବ୍ରାଭୋଙ୍କ ଧୂଆଁଧାର ସ୍କୋାର ଏହି ସମ୍ମାନଜନକ ସ୍କୋର କରିବାରେ ସହାୟକ ହୋଇଥିଲା ।

ଏଥିସହିତ ପଢ଼ନ୍ତୁ: ଆରସିବି ଅଧିନାୟକ ପଦରୁ ଓହରିବେ ବିରାଟ କୋହଲୀ

ଆରସିବି ଅଧିନାୟକ ପଦରୁ ଓହରିବେ ବିରାଟ କୋହଲୀ

ବେଙ୍ଗାଲୁରୁ: ରୟାଲ ଚାଲେଞ୍ଜର୍ସ ବେଙ୍ଗାଲୁରୁର ଅଧିନାୟକ ପଦରୁ ଓହରିବେ ବିରାଟ କୋହଲୀ । ରବିବାର ଏ ନେଇ ଘୋଷଣା କରିଛନ୍ତି ଏହି ଷ୍ଟାର ବ୍ୟାଟ୍ସମ୍ୟାନ୍ । ଚଳିତ ଆଇପିଏଲ୍ ସିଜିନ୍‌ର ଶେଷରେ ସେ ଅଧିନାୟକ ପଦରୁ ଓହରିବେ । ଟ୍ୱିଟ୍ କରି ଏ ନେଇ ସେ ପ୍ରଶଂସକୁ ଅବଗତ କରାଇଛନ୍ତି । ସେ କହିଛନ୍ତି ଅଧିନାୟକ ଭାବେ ଏହା ଶେଷ ଆଇପିଏଲ୍ କିନ୍ତୁ ଆରସିବି ପାଇଁ ଖେଳ ଜାରି ରଖିବି ବୋଲି ସେ କହିଛନ୍ତି । ଏଥିସହିତ ଆରସିବିର ପ୍ରଶଂସକୁ ତାଙ୍କ ଉପରେ ଭରସା କରିଥିବାରୁ ଧନ୍ୟବାଦ ଜଣାଇଛନ୍ତି କୋହଲୀ ।

ସୂଚନାଯୋଗ୍ୟ ଯେ, କୋହଲୀ ୨୦୧୩ ମସିହାରୁ ବେଙ୍ଗାଲୁରୁ ଟିମ୍‌ର ଅଧିନାୟକ ଭାବେ ଦାୟିତ୍ୱ ନିର୍ବାହ କରିଆସୁଛନ୍ତି । ଏବେ ଯାଏଁ ବିରାଟ ଗୋଟିଏ ବି ହେଲେ ଆଇପିଏଲ୍‌ ଟ୍ରଫି ଜିତିନାହାନ୍ତି । ୨୦୧୬ ପରେ ଆରସିବି ଟିମ୍‌ ଗତ ବର୍ଷ ପ୍ଲେ-ଅଫ୍‌କୁ କ୍ୱାଲିଫାଇ କରିଥିଲା । ୨୦୧୭ ଓ ୨୦୧୯ରେ ଅଙ୍କ ତାଲିକାରେ ବେଙ୍ଗାଲୁରୁ ସବୁଠାରୁ ତଳେ ରହିଥିଲା । କିନ୍ତୁ ୨୦୧୮ରେ ଟିମ୍‌ ତାଲିକାର ୬ ତମ ସ୍ଥାନରେ ରହିଥିଲା ।

୨୦୧୬ରେ କୋହଲିଙ୍କ ଫର୍ମ ବହୁତ ଭଲ ଥିଲା । ସେ ଏହି ସମୟରେ ମୋଟ ୯୭୩ ରନ୍‌ ସଂଗ୍ରହ କରିଥିଲା । ସେହିପରି ୨୦୧୮ରେ ମାତ୍ର ୫୦୦ ରନ୍‌, ୨୦୨୧ରେ ୭ଟି ମ୍ୟାଚ୍‌ରେ ୩୩ ପ୍ରତିଶତ ହିସାବରେ ଗୋଟିଏ ମାତ୍ର ଅର୍ଦ୍ଦଶତକ ହାସଲ କରିଥିଲେ କୋହଲି । ଗତ କିଛି ଦିନ ପର୍ବେ ଟି-୨୦ ବିଶ୍ୱକପ୍ ପରେ ଟି-୨୦ ଅଧିନାୟକ ପଦ ଛାଡ଼ିବା ନେଇ ମଧ୍ୟ ଘୋଷଣା କରିଛନ୍ତି କୋହଲୀ ।