spot_img
Home Blog Page 5383

ଦୁନିଆର ପ୍ରଥମ ଦେଶ ଭାବେ ୨ ବର୍ଷରୁ ଛୁଆଙ୍କୁ କରୋନା ଟିକା ଦେଲା କ୍ୟୁବା

ନୂଆଦିଲ୍ଲୀ: ଛୁଆଙ୍କୁ କରୋନା ଟିକା ଦେବା ନେଇ ଦୁନିଆ ବ୍ୟାପୀ ଏବେ ଅଧ୍ୟୟନ କିମ୍ବା ପରୀକ୍ଷଣ ଜାରି ରହିଛି । ଭ୍ୟାକ୍ସିନକୁ ଛୁଆଙ୍କ ରୋଗ ପ୍ରତିଶେଧକ କ୍ଷମତା ଉପରେ ପରୀକ୍ଷଣ କରି ସେମାନଙ୍କ ଲାଗି ସୁରକ୍ଷିତ କରାଯାଉଛି । ବଡ଼ ବଡ଼ ରାଷ୍ଟ୍ର ଛୁଆଙ୍କ ଟିକାକରଣ ଆରମ୍ଭ କରିନଥିବା ବେଳେ କ୍ୟୁବା ନେଇଛି ବଡ଼ ପଦକ୍ଷେପ । ପୂର୍ବରୁ କ୍ୟୁବାରେ ୧୨ ବର୍ଷରୁ ଅଧିକ ବୟସର ଛୁଆଙ୍କୁ କରୋନା ଟିକା ଦିଆଯାଇଥିଲା । ଏବେ ୨ ବର୍ଷ ବୟସରୁ ଅଧିକ ଛୁଆଙ୍କୁ ଟିକାକରଣ ଆରମ୍ଭ ହୋଇଛି । ୨ ବର୍ଷର ଛୁଆଙ୍କୁ କରୋନା ଟିକା ଦେବାରେ କ୍ୟୁବା ଦୁନିଆରେ ପ୍ରଥମ ।

ମିଡିଆ ରିପୋର୍ଟ ଅନୁସାରେ, ଏବେ କ୍ୟୁବାରେ ଲୋକଙ୍କୁ ୨ ପ୍ରକାରର କରୋନା ଟିକା ଦିଆଯାଉଛି । ଅବଦଲା ଓ ସୋବେରନା ଟିକା କ୍ୟୁବାରେ ଦିଆଯାଉଛି । ଛୁଆଙ୍କ ଉପରେ ମଧ୍ୟ ଏହି ଟିକାର ମେଡିକାଲ ପରୀକ୍ଷଣ ସରିଛି । ତେବେ ଏହି ୨ ଟିକା ବିଶ୍ୱ ସ୍ୱାସ୍ଥ୍ୟ ସଂଗଠନ ଏ ପର୍ଯ୍ୟନ୍ତ ଅନୁମତି ଦେଇ ନାହିଁ ।

କ୍ୟୁବାରେ ସେପ୍ଟେମ୍ବର ୩ରୁ ୧୨ ବର୍ଷରୁ ଅଧିକ ବୟସ୍କ ଛୁଆଙ୍କୁ ଟିକା ଦେବା ଆରମ୍ଭ ହୋଇଥିଲା । ଏହାପରେ ସୋମବାର ୨ରୁ ୧୧ ବର୍ଷ ବୟସ୍କ ଛୁଆଙ୍କୁ ଟିକା ଦିଆଯାଉଛି । ଏବେ ଦୁନିଆରେ ଛୁଆଙ୍କୁ ଟିକା ଦେବା ନେଇ ପରୀକ୍ଷଣ ଚାଲିଛି । ଚୀନ, ୟୁଏଇ ଓ ଭେନଜୁଏଲା ଭଳି ଦେଶ ଛୁଆଙ୍କୁ କରୋନା ଟିକା ଦେବା ନେଇ ଘୋଷଣା କରି ଥିବାବେଳ ଟିକାକରଣ ଆରମ୍ଭ ହୋଇନାହିଁ । ଭାରତରେ ମଧ୍ୟ ୧୨ ବର୍ଷରୁ ଊର୍ଦ୍ଧ୍ୱ ଛୁଆଙ୍କୁ ଟିକା ଦେବା ନେଇ ପ୍ରସ୍ତୁତି ଆରମ୍ଭ ହୋଇଛି । ଏଥିପାଇଁ ଜାଇଡସ୍ କ୍ୟାଡିଲାର କରୋନା ଟିକାକୁ ଜରୁରୀକାଳୀନ ବ୍ୟବହାର ଅନୁମତି ମିଳିଛି ।

ବିଧାନସଭାରେ ଆଗତ ହେଲା ଓଡ଼ିଶା ପଞ୍ଚାୟତ ଆଇନ ସଂଶୋଧନ ବିଲ୍-୨୦୨୧, ସଂରକ୍ଷିତ ରହିବ ୫୦ପ୍ରତିଶତ ସିଟ୍‌

ଭୁବନେଶ୍ୱର: ପଞ୍ଚାୟତ ନିର୍ବାଚନ ପାଇଁ ଆଉ ପାଦେ ଆଗେଇଲେ ରାଜ୍ୟ ସରକାର । ବିଧାନସଭାରେ ଆଗତ ହୋଇଛି ଓଡିଶା ପଞ୍ଚାୟତ ଆଇନ ସଂଶୋଧନ ବିଲ୍‌-୨୦୨୧। ବିଲ୍‌ ଅନୁସାରେ ଅନୁସୂଚିତ ଜାତି ଓ ଜନଜାତି ଏବଂ ପଛୁଆ ବର୍ଗଙ୍କ ପାଇଁ ସଂରକ୍ଷଣ ୫୦ ପ୍ରତିଶତ ଭିତରେ ରହିବ। ଅର୍ଥାତ ସଂରକ୍ଷଣ ବ୍ୟବସ୍ଥା ୫୦ ପ୍ରତିଶତ ଅତିକ୍ରମ କରିବ ନାହିଁ । ପଛୁଆ ବର୍ଗଙ୍କ ପାଇଁ ୨୭ ପ୍ରତିଶତ ଭିତରେ ସଂରକ୍ଷଣ ଵ୍ୟଵସ୍ଥା ରହିବ। ପଛୁଆ ବର୍ଗଙ୍କ ସଂରକ୍ଷଣ ବ୍ୟବସ୍ଥାରେ ଯାହା ଲାଗୁ ହେବ ତାହା ପ୍ରାଧିକୃତ ଅଧିକାରୀ କାର୍ଯ୍ୟକାରୀ କରିବେ। ତ୍ରିସ୍ତରୀୟ ପଞ୍ଚାୟତରାଜ ବ୍ୟବସ୍ଥାରେ ଏସ୍‌ସି, ଏସ୍‌ଟିଙ୍କ ପାଇଁ ଆବଶ୍ୟକ ସଂଖ୍ୟକ ଆସନ ସଂରକ୍ଷଣ ହେବା ପରେ ଅବଶିଷ୍ଟ ଆସନଗୁଡିକ ପଛୁଆ ବର୍ଗଙ୍କ ଲାଗି ସଂରକ୍ଷଣ କରାଯିବ। କିନ୍ତୁ ତାହା ୨୭ ଭିତରେ ରହିବ। ଯେଉଁଠି ପେଶା ଆଇନ କାର୍ଯ୍ୟକାରୀ ହେଉଛି କିମ୍ବା ସିଡ୍ୟୁଲ ଏରିଆରେ ୫୦ ପ୍ରତିଶତ ସଂରକ୍ଷଣ ବ୍ୟବସ୍ଥା ଲାଗୁ ହେବନାହିଁ। ଏ ବିଲ୍‌ ବିଧାନସଭାରେ ପାରିତ ହେଲେ ପଞ୍ଚାୟତ ନିର୍ବାଚନ ପାଇଁ ବାଟ ଫିଟିବ। ଅନ୍ୟପକ୍ଷରେ ଓଡ଼ିଶା ପୌର ବିଧି ସଂଶୋଧନ ବିଧେୟକ ଗତକାଲି ଗୃହରେ ଉପସ୍ଥାପିତ ହୋଇଛି ।

ଏଥିସହିତ ପଢ଼ନ୍ତୁ: ୨ଟି ଗାଁ ପାଇଁ ଶିମିଳିପାଳକୁ ମିଳୁନି ପୂର୍ଣ୍ଣାଙ୍ଗ ଜାତୀୟ ଉଦ୍ୟାନ ମାନ୍ୟତା

କରୋନା ସଂକ୍ରମିତ ଚିହ୍ନଟ ହେବା ପରେ ୨ଟି ସ୍କୁଲ ବନ୍ଦ

ଭୁବନେଶ୍ୱର: ସ୍କୁଲରେ ଶିଶୁ ସଂକ୍ରମଣ ପ୍ରସଂଗରେ ପ୍ରତିକ୍ରିୟା ରଖିଛନ୍ତି ଗଣଶିକ୍ଷା ମନ୍ତ୍ରୀ ସମୀର ଦାଶ । କାମାକ୍ଷାନଗର ସରକାରୀ ସ୍କୁଲରେ ଜଣେ ଶିକ୍ଷକ ପଜିଟିଭ ବାହାରି ଥିଲେ । ହଷ୍ଟେଲ ପିଲାଙ୍କୁ ଟେଷ୍ଟ ପରେ ୧୪ ଜଣଙ୍କର ନମୁନା ପଜିଟିଭ୍ ଚିହ୍ନଟ ହୋଇଥିଲା । ପରେ ସେ ସ୍କୁଲକୁ ବନ୍ଦ କରାଯାଇଛି । ଗଣେଶ ପୂଜା ପରେ ୧୩ ତାରିଖରେ ସେ ସ୍କୁଲ ଖୋଲିବ । ବରଗଡ ଘରୋଇ ସ୍କୁଲରେ ମଧ୍ୟ ୨୧ ଜଣ ପିଲା ସଂକ୍ରମଣ ହୋଇଛନ୍ତି
ସେ ସ୍କୁଲ ମଧ୍ୟ ବନ୍ଦ କରିଦିଆଯାଇଛି । ତେବେ ଏ ନେଇ ଆତଙ୍କିତ ହେବାର ଆବଶ୍ୟକତା ନାହିଁ, କରୋନା କଟକଣା ମାନି ଶିକ୍ଷାଦାନ ଚାଲିଛି ।
ଯେଉଁଠି ସମସ୍ୟା ଆସୁଛି ସେଠି ପଦକ୍ଷେପ ନିଆଯାଉଛି । ପ୍ରଥମରୁ ଅଷ୍ଟମ ଶ୍ରେଣୀ ଖୋଲିବା ନେଇ କୌଣସି ନିଷ୍ପତ୍ତି ହୋଇନଥିବା କହିଛନ୍ତି ମନ୍ତ୍ରୀ  ।

ଏଥିସହିତ ପଢ଼ନ୍ତୁ: ପିଲାମାନେ ସଂକ୍ରମିତ ହେବା ପଛରେ ପରିବାର ଲୋକଙ୍କୁ ପରୋକ୍ଷରେ ଦାୟୀ କଲା ସ୍ୱାସ୍ଥ୍ୟ ବିଭାଗ

ମଣିଷ ଭଳି ଅବିକଳ ସ୍ୱର କରି ପାରୁଛି ବତକ

ନୂଆଦିଲ୍ଲୀ: ମଣିଷର କଥାକୁ ନକଲ କରି ଶୁଆ କହୁଥିବା ଆପଣ ଦେଖିଥିବେ । ତେବେ କେବେ ଆପଣ ଦେଖିଛନ୍ତି କୌଣସି ପକ୍ଷୀ ମଣିଷ ଭଳି କହିବା । ଏହାର ଉତ୍ତୟ ନିଶ୍ଚୟ ନା । ତେବେ ଏକ ଗବେଷଣାରୁ ଦାବି କରାଯାଇଛି ଏକ ବିଶେଷ ପ୍ରଜାତିର ବତକ ମଣିଷର ସ୍ୱରକୁ ଅବିକଳ ନକଲ କରିପାରୁଛି ।

ରିପୋର୍ଟ ଅନୁସାରେ, ଅଷ୍ଟ୍ରେଲିଆନ୍ ବତକ ମଣିଷର ଭାଷା ସହ ଅନ୍ୟ କେତେକ ସ୍ୱରକୁ ନକଲ କରିପାରୁଛି । ଏଭଳି ଦାବି କରିଛନ୍ତି ଲିଡେନ ବିଶ୍ୱବିଦ୍ୟାଳୟ ଓ ଅଷ୍ଟ୍ରେଲିଆର ଅଧ୍ୟୟନକାରୀ । ଅଧ୍ୟୟନ ବେଳେ ଅଷ୍ଟ୍ରେଲିଆନ୍ ମସ୍କ ବାରମ୍ବାର ‘ୟୁ ବ୍ଲଡି ଫୁଲ୍’ କହୁଥିବା ରେକର୍ଡ କରାଯାଇଛି । ଏହି ବତକ ଦ୍ୱାର ବନ୍ଦ ହେବା ଶବ୍ଦ ବି କରିପାରେ । ବତକର ସ୍ୱରକୁ କ୍ୟାନବେରାର ଡିଟବିନବିଲା ନେଚର ରିଜର୍ଭରେ ରେକର୍ଡ କରାଯାଇଛି ।

ଅଧ୍ୟୟନକାରୀଙ୍କ ଅନୁସାରେ, ବତକଟି ଏହି ଶବ୍ଦକୁ ବାରମ୍ବାର ଶୁଣିଛି । ପରେ ବାରମ୍ବାର ଏହାର ନକଲ କରିଛି । ଏହି ବତକଠାରେ ଶୁଆ, ହମିଂବାର୍ଡ୍ସ, ୟୁରୋପୀୟ ଷ୍ଟାରଲିଂ, ମୈନା ପକ୍ଷୀ ଭଳି ନକଲ କରିବାର କ୍ଷମତା ରହିଛି ।

ଛତିଶଗଡ଼ ମୁଖ୍ୟମନ୍ତ୍ରୀ ଭୂପେଶ ବାଘେଲଙ୍କ ବାପା ଗିରଫ

ରାୟପୁର: ଛତିଶଗଡ଼ ମୁଖ୍ୟମନ୍ତ୍ରୀ ଭୂପେଶ ବାଘେଲଙ୍କ ବାପା ନନ୍ଦ କୁମାର ବାଘେଲଙ୍କୁ ପୋଲିସ ଗିରଫ କରିଛି । ବ୍ରାହ୍ମଣ ସମାଜ ବିରୋଧରେ ବିବାଦୀୟ ମନ୍ତବ୍ୟକୁ ନେଇ ରାୟପୁର ଡିଡି ନଗର ପୋଲିସ ଥାନାରେ ବାଘେଲଙ୍କ ବିରୋଧରେ ଅଭିଯୋଗ ହୋଇଥିଲା । ରାୟପୁର ପୋଲିସ ନନ୍ଦ କୁମାର ବାଘେଲଙ୍କୁ ଆଗ୍ରାରୁ ଗିରଫ କରିଛି ।

ଲକ୍ଷ୍ମୌରେ ନନ୍ଦ କୁମାର ବାଘେଲ ବିବାଦୀୟ ମନ୍ତବ୍ୟ ଦେଇଥିଲେ । ଟିପ୍ପଣୀକୁ ନେଇ ବ୍ରାହ୍ମଣ ସମାଜ ମଧ୍ୟରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଥିଲା । ଏଫଆଇଆର୍ ରୁଜୁ ପରେ ବାଘେଲଙ୍କୁ ଗିରଫ ପାଇଁ ୟୁପି ଯାଇଥିଲା ରାୟପୁର ପୋଲିସର ସ୍ୱତନ୍ତ୍ର ଟିମ୍ । ଆଗ୍ରାରୁ ନନ୍ଦ କୁମାର ବାଘେଲଙ୍କୁ ଗିରଫ ପରେ ପୋଲିସ ତାଙ୍କୁ ଆଣି ରାୟପୁର କୋର୍ଟରେ ହାଜର କରିଛି ।

ଗିରଫଦାରୀ ପରେ ସେ କହିଛନ୍ତି, ମୁଁ ଏହା ବିରୋଧରେ ସୁପ୍ରିମକୋର୍ଟ ଯିବି । ରାୟପୁର କୋର୍ଟ ବାଘେଲଙ୍କୁ ୧୫ ଦିନ ଲାଗି ବିଚାର ବିଭାଗୀୟ ହାଜତକୁ ପଠାଇ ଦେଇଛନ୍ତି । ସେପ୍ଟେମ୍ବର ୨୧ ତାରିଖରେ ଏହି ମାମଲାର ପରବର୍ତ୍ତୀ ଶୁଣାଣି ହେବ । ତେବେ କୋର୍ଟରେ ହାଜର ବେଳେ ବାଘେଲ ଜାମିନ୍ ଆବେଦନ କରିନାହାଁନ୍ତି ।

ପୋଖରୀରେ ବୁଡ଼ି ବାପା-ଝିଅଙ୍କ ମୃତ୍ୟୁ

0

ନୂଆପଡ଼ା ଜିଲ୍ଲା ସଦର ମହକୁମା ସାଲେଭଟା ଗାଁରେ ଅଘଟଣ । ପୋଖରୀରେ ବୁଡ଼ି ବାପା ଓ ଝିଅଙ୍କ ମୃତ୍ୟୁ ଘଟିଛି । ଆଜି ଦିନ ସକାଳ ୧୧ଟା ବେଳେ ରୋହିତ ମାଝି ଓ ତାଙ୍କ ଝିଅ ଦେବକୀକୁ ଧରି ପୋଖରୀକୁ ଗାଧୋଇବା ପାଇଁ ଯାଇଥିଲେ । ହେଲେ ଗାଧୋଇବାବେଳେ ଝିଅ ଦେବକୀର ଗୋଡ଼ ଖସି ଯାଇଥିଲା । ଝିଅ ପାଣିରେ ବୁଡ଼ୁଥିବା ଦେଖି ରୋହିତ ଉଦ୍ଧାର କରିବାକୁ ଯାଇ ସେ ବି ପାଣିରେ ବୁଡ଼ି ଯାଇଥିଲେ । ଖବରପାଇ ସ୍ଥାନୀୟ ଲୋକେ ବାପା ଓ ଝିଅଙ୍କୁ ଉଦ୍ଧାର କରିଥିଲେ । ମାତ୍ର ସେତେବେଳକୁ ସେମାନଙ୍କ ପ୍ରାଣବାୟୁ ଉଡିଯାଇଥିଲା । ଏହି ଦୁଃଖଦ ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଶୋକାର ଛାୟା ଖେଳିଯାଇଛି ।

ଏଥିସହିତ ପଢ଼ନ୍ତୁ: ଗୋଟିଏ ଅଟୋ ସହ ଜବତ ହେଲା ବିପୁଳ ପାରିମାଣର ନକଲି ଜର୍ଦ୍ଦା

 

ଦୀପାବଳି ପୂର୍ବରୁ ୬ କୋଟି EPFO ସଦସ୍ୟଙ୍କୁ ମିଳିପାରେ ଉପହାର

ନୂଆଦିଲ୍ଲୀ: କର୍ମଚାରୀ ଭବିଷ୍ୟନିଧି ପାଣ୍ଠି (EPFO) ଦେବାକୁ ଯାଉଛି ଖୁସି ଖବର । ପାର୍ବଣ ପୂର୍ବରୁ ପିଏଫ୍ ଆକାଉଣ୍ଟଧାରୀଙ୍କ ଖାତାକୁ ୮.୫ ପ୍ରତିଶତ ଦରରେ ସୁଧ ମିଳିପାରେ । ଇପିଏଫ୍ ପ୍ରତ୍ୟେକ ଆର୍ଥିକ ବର୍ଷରେ ପିଏଫ୍ ଜମା ଉପରେ ସୁଧ ଘୋଷଣା କରେ । ଚଳିତ ଆର୍ଥିକ ବର୍ଷରେ ଇଫିଏଫ୍ ୮.୫ ପ୍ରତିଶତ ହାରରେ ସୁଧ ଦେବାକୁ ଘୋଷଣା କରିଛି ।

ଇପିଏଫର କେନ୍ଦ୍ରୀୟ ବୋର୍ଡ ସୁଧ ବୃଦ୍ଧିକୁ ଅନୁମୋଦନ କରିଛି । ଏବେ ଏହା ଅର୍ଥ ମନ୍ତ୍ରଣାଳୟର ମଞ୍ଜୁରୀ ଅପେକ୍ଷାରେ ରହିଛି । ରିପୋର୍ଟ ଅନୁସାରେ, ଦୀପାବଳି ପୂର୍ବରୁ ସରକାର କେନ୍ଦ୍ର କର୍ମଚାରୀଙ୍କୁ ମହଙ୍ଗା ଭତ୍ତା ମଧ୍ୟ ଦେବେ । ସରକାରୀ ଅଧିକାରୀ କହିଛନ୍ତି ଅର୍ଥ ମନ୍ତ୍ରଣାଳୟର ମଞ୍ଜୁରୀ କେବଳ ପ୍ରୋଟୋକଲ ପାଳନ । ଇଫିଏଫର ଅନୁମୋଦନ ବିନା ସୁଧ ହାର ଦିଆଯାଇ ପାରିବ ନାହିଁ ।

ଗତ ଆର୍ଥିକ ବର୍ଷରେ ଇପିଏଫ୍ ୭୦,୩୦୦ କୋଟି ଟଙ୍କା ଆୟ କରିଛି । ଯେଉଁଥିରେ ଇକ୍ୱିଟି ନିବେଶର ଏକ ଅଂଶ ବିକ୍ରିରୁ ୪୦୦୦ କୋଟି ଟଙ୍କା ମିଳିଛି । କରୋନା ମହାମାରୀ ପାଇଁ ଲକ୍ଷ ଲକ୍ଷ ଲୋକ ଆକାଉଣ୍ଟରୁ ଟଙ୍କା ଉଠାଇଛନ୍ତି । ଏବେ ଦୀପାବଳି ପୂର୍ବରୁ କର୍ମଚାରୀଙ୍କୁ ସୁଧ ଟଙ୍କା ମିଳିପାରେ ।

ଏମିତି ଦେଖାଯାଉଥିଲେ ଆଫଗାନିସ୍ତାନର ଏୟାର ହୋଷ୍ଟେସ, ଯାହା ଏବେ ଇତିହାସ

କାବୁଲ: କାବୁଲ ବିମାନ ବନ୍ଦରରେ ଆକ୍ରମଣ ପରେ ପୁଣିଥରେ, ଆଫଗାନିସ୍ତାନର ସରକାରୀ ବିମାନ କମ୍ପାନୀ ଏରିୟାନା କାବୁଲରୁ ଦେଶର ତିନୋଟି ସହରକୁ ବିମାନ ସେବା ଆରମ୍ଭ ଏହି ବିମାନଗୁଡ଼ିକରେ ବହୁତ ଭିଡ଼ ବି ହେଉଛି ଏଥିରୁ ବହୁତ ଯାତ୍ରୀ ତଲକୁ ଓହ୍ଲାଉଥିବା ଦେଖିବାକୁ ମିଳିଛି। ପାଇଲଟମାନେ ବି ବିମାନରୁ ଓହ୍ଲାଇଥିବାର ନଜର ଆସିଛନ୍ତି। ଯଦି କେହି ନଜର ଆସୁନାହାଁନ୍ତି ସେ ହେଉଛି କେବଳ ଏୟାର ହୋଷ୍ଟେସ୍ । ଯେଉଁମାନେ  କିଛି ମାସ ପୂର୍ବରୁ ଏହି ବିମାନଗୁଡ଼ିକର ଏକ ଅତ୍ୟାବଶ୍ୟକ ଅଂଶ ଥିଲେ। ହେଲେ ବର୍ତ୍ତମାନ ଆଫଗାନିସ୍ତୈାନର ବିମାନରେ ଏମାନଙ୍କର ଚିହ୍ନ ବର୍ଣ୍ଣ ଦେଖିବାକୁ ମିଳୁନି।

ଆଫଗାନିସ୍ତାନର ଏୟାରଲାଇନ୍ସ ନିଜ ୱେବସାଇଟ୍ ମାଧ୍ୟମରେ ବିମାନ ସେବା ପୁନଃ ଆରମ୍ଭ ବିଷୟରେ ସୂଚନା ଦେଇଛି। ପାଇଲଟ ଏବଂ ମେଲ ଏୟାର ଆଟେଣ୍ଡାଣ୍ଟଙ୍କ ଗ୍ରୁପ୍ ଫଟୋ ମଧ୍ୟ ସାଇଟରେ ପୋଷ୍ଟ କରାଯାଇଛି, କିନ୍ତୁ ଏହି ଗ୍ରୁପ୍ ଫଟୋରେ କୌଣସି ବି ସ୍ଥାନରେ ଏୟାରହୋଷ୍ଟେସ୍ ନାହାନ୍ତି । ୱେବସାଇଟରୁ ଏୟାର ହୋଷ୍ଟେସଙ୍କ ସମସ୍ତ ଫଟୋକୁ ହଟାଇଦିଆଯାଇଛି।

ଆଫଗାନିସ୍ତାନ ତାଲିବାନ କବଜାକୁ ଆସିବା ପୂର୍ବରୁ  ଏଠାକାର ସରକାରୀ ବିମାନରେ ଏୟାରହୋଷ୍ଟେସ ଏକ ମୁଖ୍ୟ ଅଂଶ ଥିଲେ। ଏମାନେ ସମସ୍ତ ଯାତ୍ରୀଙ୍କୁ ସ୍ୱାଗତ କରୁଥିଲେ। କିଛି ଦିନ ପୂର୍ବରୁ ସେମାନଙ୍କର ବେଶଭୂଷା ମଧ୍ୟ ବଦଳାଯାଇଥିଲା। ଅବଶ୍ୟ ଏହା ପୂର୍ବରୁ ଏମାଙ୍କ ପୋଷାକ ଅଲଗା ଥିଲା । କିନ୍ତୁ ତାଲିବାନ କବଜା କରିବା ପରେ ଏମାନଙ୍କ ପୋଷାକରେ ପରିବର୍ତ୍ତନ କରାଯାଇଥିଲା । ଏମିତିରେ ବି ତାଲିବାନୀ ଶାସନକୁ ଆସିବା ପରେ ବୋଧହୁଏ ବିମାନରେ ଆଉ ଏୟାରହୋଷ୍ଟେସଙ୍କୁ ଦେଖିବାକୁ ନମିଳିପାରେ।

ଏହି ଫଟୋଟି ଆଫଗାନିସ୍ତାନର କ୍ୟାମ ଏୟାରଲାଇନ୍ସର ଫଟୋ । କୁହାଯାଏ ଏହି ଏୟାରଲାଇନ୍ସ ବେଶି ମହିଳାଙ୍କ ସହିତ ହିଁ କାମ କରେ । କ୍ୟାମରେ ପାକାପାଖି ୧୦୬ ଜଣ ମହିଳା କାମ କରିଥିୱଲେ । ଯେଉଁଥିରେ ୪୬ ଜଣ ଏୟାରହୋଷ୍ଟେସ ଥିଲେ । ଓ ଅନ୍ୟମାନେ ପାଇଲଟ, ମ୍ୟାନେଜର ଓ ଅନ୍ୟାନ୍ୟ ପଦରେ କାର୍ଯ୍ୟରତ ଥିଲେ। ଏହି ଫଟୋଟି ଗତ ମାର୍ଚ୍ଚ ମାସର ଯେବେ ଏବି ବିମାନ କାବୁଲରୁ ହେରାତକୁ ଯାତ୍ରା କରିଥିଲା । ଆଉ ଏହି ଉଡାଣର ବିଶେଷତ୍ତ୍ୱ ଏହା ଥିଲା ଯେ ଏଥିରେ ପାଇଲଟଠୁ ଆରମ୍ଭ କରି ଆେମ୍ଟାଣ୍ଟ ସମସ୍ତେ ମହିଳା ହିଁ ଥିଲେ ।

ଆଉ ଏହି ଫଟୋ ହେଉଛି ଆଫଗାନିସ୍ତାନର ଏକ ଘରୋଇ ବିମାନ ସୈଫିର ଏକ ବିଜ୍ଞାପନ, ଯେଉଁଥିରେ ଜଣେ ପୁରୁଷ ଆଟେଣ୍ଟାଣ୍ଟଙ୍କ ସହ ଜଣେ ଏୟାରହୋଷ୍ଟେସ ବି ନଜର ଆସୁଛନ୍ତି। ଏହି ବିଜ୍ଞାପନ ମାଧ୍ୟମରେ ଲୋକଙ୍କୁ ବିମାନଯାତ୍ରା କରିବାକୁ ନିବେଦନ କରାଯାଏ। ଏହି ବିମାନର ଏୟାରହୋଷ୍ଟେସ୍ ସବୁଠାରୁ ଗ୍ଲାମରସ୍ କୁହାଯାଉଥିଲା। ତେବେ ବର୍ତ୍ତମାନ ଏହି ଘରୋଇ ବିମାନ ବନ୍ଦ ରହିଛି। ଏହି ବିମାନ କମ୍ପାନୀ ସୁନ୍ଦର ଏବଂ ଗ୍ଲାମରସ୍ ଏୟାରହୋଷ୍ଟେସଙ୍କୁ ନିୟୋଜିତ କରିବା ସହ, ତାଙ୍କର ପୋଷାକ ବି ବେଶ୍ ଗ୍ଲାମରସ ରଖିଥଲେ। ଏୟାରହୋଷ୍ଟେସଙ୍କ ଗାଢ଼ ନୀଳ ରଙ୍ଗର ପୋଷାକ ବହୁତ ଆକର୍ଷଣୀୟ ଏବଂ ସ୍ମାର୍ଟ ଥିଲା  ହେଲେ ବର୍ତ୍ତମାନ ଏସବୁ କେବଳ ଅତୀତର କାହାଣୀ ହୋଇ ରହିଯାଇଛି । କାରଣ ବର୍ତ୍ତମାନ ଏଠି ଏମାନଙ୍କର ଚିହ୍ନବର୍ଣ୍ଣ ବି ଦେଖିବାକୁ ମିଳୁନି ।

ଆଫଗାନିସ୍ତାନରେ ସରକାରୀ ବିମାନ ସେବା ଏରିୟାନାର ଆରମ୍ଭ ୧୯୫୫ରେ ଆରମ୍ଭ ହୋଇଥିଲା । ଆଉ ଏ ହେଉଛି  ୬୦ ଦଶକର ଫଟୋ ଯେଉଁଥିରେ ମହିଳା ପାଇଲଟ ଓ ଏୟାରହୋଷ୍ଟେସଙ୍କୁ ଦେକଇବାକୁ ମିଳୁଛି ।

ତବେ ବର୍ତ୍ତମାନ ବୋଧହୁଏ ଆଫଗାନିସ୍ତାନରେ କୋଣସି ବି ବିମାନରେ ଆଉ ମହିଳା କର୍ମଚାରୀଙ୍କୁ ଦେଖିବାକୁ ମିଳିବନାହିଁ । କାରଣ ତାଲିବାନ ନିଜର ପ୍ରଥମ କାର୍ଯ୍ୟକାଳ (୧୯୯୬-୨୦୦୧)ରେ ମହିଳାଙ୍କ ସ୍ୱାଧିନତା ଓ ଅଧିକାର ଛଡ଼େଇନେଥିଲା, ଆଉ ଯିଏ ନିୟମ ମାନୁନଥିଲା ତାକୁ ହ୍ତ୍ୟା କରାଯାଉଥିଲା। ଆଉ ଏବେ ମଧ୍ୟ ସେମାନେ ନିଜର ଏହି ବର୍ବରତା ଜାରି ରଖିଛନ୍ତି ।

ଟ୍ରଲିର ତିନି ଚକରେ ଅଟକି ଯାଇଛି ୩ ଅନାଥ ଶିଶୁଙ୍କ ଭାଗ୍ୟ, ଶିକ୍ଷା ପାଇଁ ଅର୍ଥ ସାଜିଛି ବାଧକ

ଢେଙ୍କାନାଳ: ବହି,ବସ୍ତାନୀର ଭାର ନୁହେଁ ପରିବାର ଚଳାଇବାର ଭାର ନୁଆଁଦେଇଛି କଅଁଳ କାନ୍ଧ। ଖେଳକୁଦ ବୟସରେ ଚାଲିଛି ଜୀବନ ଯୁଦ୍ଧ। ଅଡ଼ୁଆ ସୁତାରେ ଛନ୍ଦି ହେବାରେ ଲାଗିଛି ପୁରା ଭବିଷ୍ୟତ। କୁନି ହାତରେ ଯେଉଁ ସମୟରେ କଲମ ରହିବା କଥା ସେହି ହାତରେ ରହିଛି ଜୀବନ ସଂଘର୍ଷର ରଥକୁ ଟାଣିବାର ଦଉଡ଼ି। ଅନାଥ ଓ ଅସହାୟତା ଭିତରେ ଚାପି ହୋଇ ଯାଇଛି ତିନି ନିରୀହ ଶିଶୁଙ୍କ ଭାଗ୍ୟ। ୩ ଅନାଥ ଶିଶୁଙ୍କ  ପାଇଁ ଜୀବନ ଭୂଗୋଳ ଭିତରେ ବଞ୍ଚିବା ରାହା ଖୋଜିବା ହୋଇ ପଡିଛି କଷ୍ଟ।

ଇଏ ହେଉଛନ୍ତି ଢେଙ୍କାନାଳ ଜିଲ୍ଲା ଭୁବନ ବ୍ଲକ ମାର୍ଥାପୁର ଗାଁର ତିନି ଅନାଥ ଶିଶୁ। ସ୍ୱର୍ଣ୍ଣଲତା, ସୁଶ୍ରୀସଙ୍ଗୀତା ଏବଂ ସତ୍ୟବ୍ରତ। ଜୀବନ ସେମାନଙ୍କ ପାଇଁ ଯୁଦ୍ଧ। ବଂଚିବା ପାଇଁ ସଂଘର୍ଷ ନିତିଦିନର କାହାଣୀ। ଦିନେ ସେମାନେ ଥିଲେ ବାପା ମା’ଙ୍କ ଆଖିର ତାରା। କିନ୍ତୁ ୬ ବର୍ଷ ତଳେ ଭାଗ୍ୟ ଏମିତି କଡ ଲେଉଟାଇଲା ଯେ, ଏବେ ଜୀବନ ସେମାନଙ୍କ ପାଇଁ ଯନ୍ତ୍ରଣା। ୬ ବର୍ଷ ତଳେ କ୍ୟାନସରରେ ମାଆ କୁନି ସେଠୀ ଆରପାରିକୁ ଚାଲିଗଲେ। ଏହାପରେ ବାପା ବଳରାମ ସେଠୀ ମାନସିକ ଭାରସାମ୍ୟ ହରାଇ କେଉଁ ଆଡେ ଚାଲିଗଲେ। ଦୁଃଖର ସାଗରରେ ରହିଗଲେ ତିନି ଅନାଥ ଶିଶୁ।

ସେବେଠାରୁ ସତ୍ୟବ୍ରତ ପାଲଟି ଯାଇଛନ୍ତି ବାକି ଦୁଇ ଭଉଣୀଙ୍କ ପାଇଁ ବାପା ମା। ଗୋଟିଏ ଟ୍ରଲି ଟାଣି ସେ ଗଡ଼ାଇ ଚାଲିଛନ୍ତି ଜୀବନ ରଥ। ପୁରା ପରିବାର ପାଇଁ ଟ୍ରଲି ହେଉଛି ରୋଜଗାରର ଏକମାତ୍ର ଭରସ । ଯେଉଁଦିନ ଚକ ଅଟକି ଯାଏ ସେଦିନ ପୁରା ପରିବାରକୁ ପେଟ ଭୋକକୁ ପେଟରେ ମାରିବାକୁ ପଡେ। ଟ୍ରଲି ଚାଲିଲେ ଚୁଲି ଜଳେ। ପେଟକୁ ଗଣ୍ଡେ ଦାନା ମିଳେ ନହେଲେ ନାଇଁ। ୧୧ ବର୍ଷ ବୟସରେ ସତ୍ୟବ୍ରତର କାନ୍ଧ ଏବେ ବୋହୁଛି ପରିବାର ବୋଝ।

ସାହାରା କହିବାକୁ ଗଲେ ସରକାରଙ୍କ ତରଫରୁ ମିଳୁଥିବା ୫ କେଜି ଚାଉଳ, ଭଙ୍ଗା ଦଦାରା ଘର ଏବଂ ଗାଁ ଲୋକଙ୍କର ଦିନେ ଅଧିଆ ସାହାଯ୍ୟ। ପାଠ ପଢିବା ପାଇଁ ବହୁ ଆଶା ଓ ଆକାଂକ୍ଷା। ହେଲେ ଟ୍ରଲି ଟାଣି ୫୦ ରୁ ୬୦ ଟଙ୍କାର ରୋଜଗାର ସବୁ ଆଶକୁ ନିରାଶାରେ ପରିଣତ କରିଦେଉଛି। ଦୁଃଖ ଦରିଆରେ ବହୁ କଷ୍ଟରେ

 

ଗୋଟିଏ ଅଟୋ ସହ ଜବତ ହେଲା ବିପୁଳ ପାରିମାଣର ନକଲି ଜର୍ଦ୍ଦା

ଭଦ୍ରକ: ଭଦ୍ରକରୁ ବିପୁଳ ପାରିମାଣର ନକଲି ଜର୍ଦ୍ଦା ଜବତ। ଅଟୋ ସହ ଦେଢ଼ କୁଇଣ୍ଟାଲ ନକଲି ଜର୍ଦ୍ଦା ଜବତକଲା ପୁରୁଣା ବଜାର ପୋଲିସ। ସୂଚନା ମୁତାବକ, ଗୋଟିଏ ଅଟୋରେ ଭଦ୍ରକର ଲାହାପଟି ଅଞ୍ଚଳରୁ ଯାଜପୁରକୁ ନକଲି ଜର୍ଦ୍ଦା ଚାଲାଣ ହେଉଥିଲା। ଏନେଇ ବିଶେଷ ସୂତ୍ରରୁ ଖବର ପାଇଥିଲା ପୋଲିସ।

ଫଳରେ ଅଟୋକୁ ଯାଞ୍ଚ କରିବା ସହ ସେଥିରୁ ଦେଢ଼ କୁଇଣ୍ଟାଲରୁ ଅଧିକ ଜର୍ଦ୍ଦା ଜବତ କରିଛି। ଘଟରାରେ ଜଣେ ଅଭିଯୁକ୍ତକୁ ଗିରଫ କରିବାରେ ସଫଳ ହୋଇଛି ପୋଲିସ। ତେବେ ଏହି ଘଟଣାରେ ଆଉ କାର ସମ୍ପୃକ୍ତି ରହିଛି ସେ ନେଇ ଅଧିକ ତଦନ୍ତ ଚଳାଇଥିବା ପୋଲିସ କହିଛି।