spot_img
Home Blog Page 5388

ତାଲିବାନ କଲେଜ, ପୁଅ-ଝିଅଙ୍କୁ ଅଲଗା କରୁଛି ପରଦା

ନୂଆଦିଲ୍ଲୀ: ଆଫଗାନିସ୍ତାନ ତାଲିବାନ କବଜାରେ ଆସିବା ପରେ ତାଲିବାନୀ ଉଚ୍ଚ ଶିକ୍ଷା ମନ୍ତ୍ରାଳୟ ପକ୍ଷରୁ ଏକ ନିର୍ଦ୍ଦେଶନାମା ଜାରି କରାଯାଇଥିଲା। ଯେଉଁଥିରେ କୁହାଯାଥିଲା ଯେ କଲେଜରେ ପୁଅ ଓ ଝିଅଙ୍କ କ୍ଲାସ ଅଲଗା ଅଲଗା ହେବ । ଆଉ ଯଦି ଏହା ସମ୍ଭବ ନ ହୁଏ ତେବେ କ୍ଲାସ ମଝିରେ ଏକ ପରଦା ଟଙ୍ଗାଯିବ। ତେବେ ତାଲିବାନର ଏହି ଆଦେଶ ପରେ ଆଫଗାନିସ୍ତାନର ଏକ କଲେଜର ଫଟୋ ମଧ୍ୟ ଭାଇରାଲ ହେବାରେ ଲାଗିଛି।

ଏହି ଫଟୋରେ ଦେଖିବାକୁ ମିଳୁଛି ଯେ କ୍ଲାସରୁମରେ ପୁଅ ଝିଅ ଏକାଠି କ୍ଲାସ ତ କରୁଛନ୍ତି ହେଲେ ଅଲଗା ଅଏଲଗା ବସି। ଆଉ ଏମାନଙ୍କ ମଝିରେ ଏକ ବଡ଼ ପରଦା ବି ଲଗା ହୋଇଛି । ଏହି ଫଟୋଟି ସୋସିଆଲ ମିଡିଆରେ ବେଶ୍ ଭାଇରାଲ ହେଉଛି । କେବଳ ଏତିକି ନୁହେଁ କ୍ଲାସରେ ଛାତ୍ରମାନେ ପଠାନି କୁର୍ତ୍ତା ଓ ଝିଅମାନେ ନକାବ ପିନ୍ଧି ବସିଥିବା ଦେଖିବାକୁ ମିଳିଛି । ତାଲିବାନ ଜାରି କରିଥିବା ନିର୍ଦ୍ଦେଶାବଳୀରେ ଏହା ମଧ୍ୟ କୁହାଯାଇଛି ଯେ କେଲଜରେ ଛାତ୍ରୀମାନଙ୍କ ପାଇଁ ତୁରନ୍ତ ଶିକ୍ଷୟତ୍ରୀମାନଙ୍କୁ ନିଯୁକ୍ତ କରାଯାଉ । ନଚେତ କେବେଳ ବରିଷ୍ଠ ଶିକ୍ଷକ ହିଁ ଛାତ୍ରୀମାନଙ୍କୁ ପାଠ ପଢ଼ାଇପାରିବେ।

ଏହାବ୍ୟତୀତ ଏଥିରେ ଏହା ମଧ୍ୟ ଲେଖାଯାଇଛି ଯେ ସମସ୍ତ ୟୁନିଭରସିଟି ଓ କଲେଜରେ ପୁଅ ଓ ଝିଅଙ୍କ ଏଣ୍ଟ୍ରି ଏବଂ ଏଗଜିଟ୍ ଅଲଗା ଅଲଗା କରାଯିବ। ଏଥିସହ ଝିଅମାନେ ପୁଅମାନଙ୍କ ୫ ମିନିଟ୍ ପୂର୍ବରୁ ନିଜ କାମ ସାରି ବାହାରିବେ। ଯାହାଫଳରେ ସେମାନଙ୍କୁ ଆଉ ପୁଅଙ୍କ ସହ ମିଳିମିଶା କରିବାକୁ ସୁଯୋଗ ମିଳିବ ନାହିଁ । ଏବଂ କଲେଜରୁ ସବୁ ଝିଅ ଯାଇସାରିଲା ପରେ ଯାଇ ପୁଅମାନେ ବାହାରିବେ। ସେତବେଳ ପର୍ଯ୍ୟନ୍ତ ପୁଅମାନେ ୱେଟିଂରୁମରେ ବସିବେ।

ତେବେ ସବୁଠୁ ବଡ଼ କଥା ହେଉଛି ତାଲିବାନ ନିଜର ପ୍ରଥମ କାର୍ଯ୍ୟକାଳ (୧୯୯୬-୨୦୦୧)ରେ ମହିଳାଙ୍କ ସ୍ୱାଧିନତା ଓ ଅଧିକାର ଛଡ଼େଇନେଥିଲା । ହେଲେ ବର୍ତ୍ତମାନ ଆଫଗାନିସ୍ତାନରେ ଝିଅମାନଙ୍କୁ ସ୍କୁଲ କଲେଜ ଯିବାକୁ ଅନୁମତି ମିଳିଛି । ତାଲିବାନର କହିବା କଥା ଯେ ଏଥର ସେମାନେ ସମସ୍ତଙ୍କ ଅଧିକାରକୁ ସୁରକ୍ଷା ଦିଆଯିବ । କିନ୍ତୁ ତଥାପି ମହିଳାମାନେ ତାଲିବାନର ପୂର୍ବ ବର୍ବର୍ତାକୁ ଭୁଲିପାରୁନାହାଁନ୍ତି ଓ ଭୟରେ ଦେଶ ଛାଡ଼ି ପଳାଇବାକୁ ଚାହୁଁଛନ୍ତି।

 

ଟ୍ରାଫିକ୍ ନିୟମ ଉଲ୍ଲଂଘନ ଅଭିଯୋଗରେ ମୃତବ୍ୟକ୍ତିଙ୍କ ନାଁରେ ଚାଲାଣ କଟିଲା

ଭୁବନେଶ୍ୱର: ଟ୍ରାଫିକ୍ ନିୟମ ଉଲ୍ଲଂଘନ ଅଭିଯୋଗରେ ମୃତ ବ୍ୟକ୍ତିଙ୍କ ନାଁରେ କଟିଲା ଚାଲାଣ । ତମାଣ୍ଡ ଗାଁର ମୃତ ସୁଦାମ ପ୍ରଧାନଙ୍କ ନାଁରେ ଚାଲାଣ କାଟିଛି ପୋଲିସ । ଆଉ ଏହି ଚାଲାଣ କଟାଯିବା ନେଇ ମୃତ୍ୟ ବ୍ୟକ୍ତିଙ୍କ ପୁଅ ନିକଟକୁ ମେସେଜ୍ ଆସିଛି । ଯାହାକୁ ଦେଖି ଆଶ୍ଚର୍ଯ୍ୟ ହୋଇପଡ଼ିଛନ୍ତି ପୁଅ । ଚାଲାଣ କଟାଯାଇଥିବା OD-02-5725 ନମ୍ୱର ବିଶିଷ୍ଟ ଗାଡ଼ିଟି ଗତ ୧ ବର୍ଷ ହେବ ଭଙ୍ଗା ଦଦରା ଅବସ୍ଥାରେ ଘରେ ପଡ଼ିରହିଛି ବୋଲି ପୁଅ କହିଛନ୍ତି । ତେବେ ସମାନ ନମ୍ୱର ଥିବା ଗାଡ଼ିଟି ହେଉଛି ହୋଣ୍ଡା ୟୁନିକର୍ଣ୍ଣ । ଯେଉଁଥରେ ଯୁବକ-ଯୁବତୀ ଯାଉଥିବା ବେଳେ ଟ୍ରାଫିକ୍ ନିୟମ ଉଲ୍ଲଂଘନ କରିିଥିଲେ । ଯେଉଁଥିଲାଗି ଚାଲାଣ କଟାଯାଇଥିବା ଜଣାପଡ଼ିଛି । ତେବେ ସେହି ଗାଡ଼ିର ମଧ୍ୟ ସମାନ ନମ୍ୱର ଥିବା ବେଳେ ସେମାନେ ନକଲି ନମ୍ୱର ପ୍ଳେଟ୍ ବ୍ୟବହାର କରୁଛନ୍ତି ବୋଲି ଜଣାପଡ଼ିଛି । ଏହାପରେ ଉକ୍ତ ନକଲି ନମ୍ୱର ପ୍ଳେଟ୍ ଧାରୀ ବ୍ୟକ୍ତିଙ୍କ ବିରୋଧରେ କାର୍ଯ୍ୟାନଷ୍ଠାନ ଗ୍ରହଣ କରାଯାଉ ବୋଲି ସେମାନଙ୍କ ଠାରୁ ଫାଇନ୍ ଆଦାୟ ହେଉ ବୋଲି ମୃତବ୍ୟକ୍ତିଙ୍କ ପୁଅ ପ୍ରଭାତ ପ୍ରଧାନ କହିଛନ୍ତି ।

ଏଥିସହିତ ପଢ଼ନ୍ତୁ: ଦୂତୀଙ୍କୁ ନେଇ ମିଥ୍ୟା ଖବର ପ୍ରସାରଣ ମାମଲା: ରିମାଣ୍ଡରେ ଗଲେ ସୁଧାଂଶୁ ଓ ସ୍ମୃତି ରଞ୍ଜନ

ଜାତୀୟ ରାଜପଥରେ ହେବ ଭାରତୀୟ ବାୟୁସେନା ବିମାନର ଜରୁରୀକାଳୀନ ଅବତରଣ

0

ଭାରତୀୟ ବାୟୁସେନାର ଏକ ବିମାନ ଚଳିତ ସପ୍ତାହରେ ରାଜସ୍ଥାନର ବାଡ଼ମେରାରେ ଏକ ଜାତୀୟ ରାଜପଥ ଉପରେ ଜରୁରୀକାଳୀନ ଅବତରଣର ଅଭ୍ୟାସ କରିବ । ଆଉ ଏହି ବିମାନରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଏବଂ କେନ୍ଦ୍ର ସଡ଼କ ପରିବହନ ମନ୍ତ୍ରୀ ନୀତୀନ ଗଡ଼କରୀ ଉପସ୍ଥିତ ରହିବେ । ସୂଚନା ମୁତାବକ ଦୁଇ ମନ୍ତ୍ରୀ ବାଡ଼ମେରାରେ ଜାତୀୟ ରାଜପଥ ଉପରେ ୩.୫ କିଲୋମିଟର ଲମ୍ୱ ପଥର ଉଦ୍‌ଘାଟନ କରିବେ ଯେଉଁଥିରେ ବାୟୁସେନାର ଯୁଦ୍ଧ ବିମାନ ଏବଂ ଅନ୍ୟ ବିମାନର ଜରୁରୀକାଳୀନ ଅବତରଣ କରାଯାଇପାରିବ ।

ଅକ୍ଟୋବର ୨୦୧୭ରେ ବୟୁସେନାର ଯୁଦ୍ଧ ବିମାନ ଏବଂ ପରିବହନ ବିମାନ ଲକ୍ଷ୍ଣୌ-ଆଗ୍ରା ଏକ୍ସପ୍ରେସ ଓ୍ୱେ ଉପରେ ଅବତରଣର ଅଭ୍ୟାସ କରିଥିଲା । ନ୍ୟାସନାଲ ହାଇଓ୍ୱେ ଅଥରିଟି ଅଫ୍ ଇଣ୍ଡିଆ (ଏନ୍‌ଏଚ୍ଏଆଇ)ର ଅଧିକାରୀ ବାଡ଼ମେରରେ ହାଇଓ୍ୱେକୁ ରନ୍‌-ଓ୍ୱେ  ଶୈଳୀରେ ବିକାଶିତ କରିବା ପାଇଁ ବାୟୁସେନା ଅଧିକରୀଙ୍କ ସହ ଯୋଗାଯୋଗରେ ରହିଛନ୍ତି । ଏଥିସହିତ ଦେଶର ମୋଟ ୧୨ଟି ସ୍ଥାନରେ ଜାତୀୟ ରାଜପଥକୁ ରନ୍-ଓ୍ୱେ ଶୈଳୀରେ ବିକଶିତ କରାଯାଉଛି ଯାହା ଦ୍ୱାରା ଜରୁରୀକାଳୀନ ଅବତରଣ କରାଯାଇପାରିବ ।

ଏଥିସହିତ ପଢ଼ନ୍ତୁ: ମୁଲ୍ଲା ବରାଦର ନୁହେଁ ହସନ୍ ଆଖୁଁଦ ହେବେ ଆଫଗାନିସ୍ତାନର ନୂଆ ରାଷ୍ଟ୍ରପତି

ହୀରା ମୁଦି ନଦେବାରୁ ଭାଙ୍ଗିଲା ନିର୍ବନ୍ଧ, କନ୍ୟାକୁ ପିଟିଲେ ପୁଅ ପକ୍ଷ

0

ଜଲନ୍ଧର: ପଞ୍ଜାବର ଜଲନ୍ଧରରେ ଘଟିଛି ଏକ ଅଭାବନୀୟ ଘଟଣା।  ବରକୁ ହୀରା ମୁଦି ନମିଳିବାର ଏଠି ଭାଙ୍ଗିଗଲା ନିର୍ବନ୍ଧ । କେବଳ ଏତିକି ନୁହେଁ ବରକୁ ହୀରା ମୁଦି ନ ଦେବାରୁ ବରପକ୍ଷ କନ୍ୟା ପକ୍ଷ ମଧ୍ୟରେ ମାରପିଟ୍ ବି ହୋଇଛି । ଜଲନ୍ଧରର  ରାମାମଣ୍ଡିର ଏକ ହୋଟେଲରେ ଚାଲିଥିବା ନିର୍ବନ୍ଧନରେ ହୀରା ମୁଦି ନେଇ କନ୍ୟା ଏବଂ ବର ପରିବାର ସଦସ୍ୟଙ୍କ ମଧ୍ୟରେ ଢଗଡ଼ା ହୋଇଥିଲା। ଝଗଡ଼ା ଏତେ ବଢ଼ିଗଲା ଯେ ଉଭୟ ପକ୍ଷ ମଧ୍ୟରେ ମାରପିଟ୍ ଆରମ୍ଭ ହୋଯାଇଥିଲେ ହୋଇଥିଲା। କେବଳ ଏତିକି ନୁହେଁ ହୀରା ମୁଦି ନ ପାଇବା କାରଣରୁ ପୁଅ ଘର ଲୋକେ କନ୍ୟାକୁ ଚୁଟି ଟାଣି ମାଡ଼ ମାରିଥିବା ଅଭିଯୋଗ ବି ହୋଇଛି।

ବର ପରିବାର ଲୋକେ ହୀରା ମୁଦି ନମିଳିବାରୁ ଝିଅକୁ ମାଡ଼ ମାରିବାପରେ ଘଟଣାସ୍ଥଳରୁ ଫେରାର ହୋଇଯାଇଛନ୍ତି। ଝିଅ ପକ୍ଷ ଅଭିଯୋଗରେ ପୋଲିସ ସେମାନଙ୍କୁ ଖୋଜୁଛି। ତେବେ ଏହି ସମୟରେ ପୁରା ଘଟଣା ସିସିଟିଭି କ୍ୟାମେରାରେ କଏଦ ହୋଇଛି। ସମସ୍ତ ଫୁଟେଜକୁ ଜବତ କରି ପୋଲିସ କାର୍ଯ୍ୟାନୁଷ୍ଠାନ ଆରମ୍ଭ କରିଛି।

ସୂଚନା ଅନୁଯାୟୀ, କନ୍ୟା ପରିବାର ପୋଲିସକୁ ଦେଇଥିବା ବୟାନରେ କହିଛନ୍ତି ଯେ ନିର୍ବନ୍ଧ ପୂର୍ବରୁ ପୁଅ ଘର ଲୋକେ ହୀରା ମୁଦି କହିଥିଲେ। କିନ୍ତୁ ଯେତେବେଳେ ରବିବାର ଦିନ ନିର୍ବନ୍ଧନରେ ମୁଦି ପିନ୍ଧା ପ୍ରଥା ଆରମ୍ଭ ହୋଇଥିଲା।, ପୁଅଘର ଲୋକ ଦୁଇଟି ହୀରା ମୁଦି, ସୁନା ବଳା ଏବଂ କାନଫୁଲ ମାଗିଥିଲେ । ଯାହାପରେ ଉଭୟ ପକ୍ଷ ମଧ୍ୟରେ ଢଗଡ଼ା ଆରମ୍ଭୱ ହୋଇଥିଲା ଯାହାପରେ ସେମାନେ ମାରପିଟ୍ କରିବା ଆରମ୍ଭ କରିଦେଇଥିଲେ । ତେବେ ପୋଲିଟ ମଧ୍ୟସ୍ଥିକୁ ପଚରାଚରା କରିବାପରେ ଜଣାପଡ଼ିଥିଲା ଯେ ପୁଅ ପୂର୍ବରୁ ବିବାହିତ ଏବଂ ତାଙ୍କର ଦୁଇଟି ସନ୍ତାନ ମଧ୍ୟ ଅଛି। ପ୍ରଥମ ପତ୍ନୀଙ୍କୁ ସେ ଛାଡିଦେଇଛନ୍ତି। ଏହାଜାଣିବା ପରେ କନ୍ୟା ଘର ଲୋକେ ଆହୁରି ରାଗିୟାଇଥିଲେ।

 

ମୁଲ୍ଲା ବରାଦର ନୁହେଁ ହସନ୍ ଆଖୁଁଦ ହେବେ ଆଫଗାନିସ୍ତାନର ନୂଆ ରାଷ୍ଟ୍ରପତି

କାବୁଲ: କିଏ ହେବ ଆଫଗାନିସ୍ତାନର ରାଷ୍ଟ୍ରପତି ? ଦେଶ ଉପରେ ତାଲିବାନ କବଜାର ୧୫ ଦିନ ପରେ ଲାଗୁଛି ଏହାର ଉତ୍ତର ମିଳିଯାଇଛି । ଆଗରୁ ଯେଉଁ ମୁଲ୍ଲା ବରାଦରଙ୍କ ନାମ ରାଷ୍ଟ୍ରପତି ପଦ ପାଇଁ ଉଠୁଥିଲା ସେ ରାଷ୍ଟ୍ରପତି ହେଉ ନାହାନ୍ତି । ତାଙ୍କ ବଦଳରେ ହସନ ଅଖୁଁଦ ରାଷ୍ଟ୍ରପତି ହେବେ ବୋଲି ଖବର ଆସୁଛି । ଅଖୁଁଦ ବୁଧବାର ଦିନ ରାଷ୍ଟ୍ରପତି ଭାବେ ଦାୟିତ୍ୱ ଗ୍ରହଣ କରିବାର ସମ୍ଭାବନା ରହିଛି ।
ପାକିସ୍ତାନୀ ୱେବସାଇଟ୍ ଦ ନ୍ୟୁଜକୁ ଦେଇଥିବା ସାକ୍ଷାତକାରରେ ଏଭଳି ଦାବି କରିଛନ୍ତି ଜଣେ ଟପ୍ ତାଲିବାନ କମାଣ୍ଡର । ଏହି କମାଣ୍ଡରଙ୍କ ଅନୁସାରେ ମୋମିନିନ୍ ଶେଖ ହୈବତୁଲ୍ଲା ଅଖୁଁଜାଦା ନିଜେ ମୁଲ୍ଲା ମହମ୍ମଦ ହସନ ଅଖୁଁଦର ନାମକୁ ଦେଶର ସର୍ବୋଚ୍ଚ ପଦବୀ ପାଇଁ ସୁପାରିସ କରିଥିଲେ । ମୁଲ୍ଲା ବରାଦ ଓ ମୁଲ୍ଲା ଅବ୍ଦୁସ ସଲାମା,ଅଖୁଁଦଙ୍କ ପ୍ରତିନିଧି ଭାବେ କାର୍ଯ୍ୟ କରିବେ ।
କାନ୍ଦାହରରେ ଜନ୍ମ
ଅଖୁଁଦର ଜନ୍ମ କାନ୍ଦାହାର ନିକଟରେ ଥିବା ଏକ ଗ୍ରାମରେ ହୋଇଥିଲା । ଏବେ ଅଖୁଁଦ ତାଲିବାନର ରହବାରୀ ଶୂରା ବା ନେତୃତ୍ୱ ପରିଷଦର ମୁଖ୍ୟ ଅଛି ।ଅଖୁଁଦ ତାଲିବାନର ପ୍ରତିଷ୍ଠାତା ସଦସ୍ୟଙ୍କ ମଧ୍ୟରୁ ଜଣେ । ରହବାରୀ ଶୁରାର ପ୍ରମ୍ମୁଖ ଭାବେ ୨୦ ବର୍ଷ କାମ କରି ସାରିଥିବା ଅଖୁଁଦର ତାଲିବାନ ପ୍ରମ୍ମୁଖ ଅଖୁଁଦଜାଦା ସହିତ ଭଲ ସମ୍ପର୍କ ରହଛି । ସାମରିକ ପୃଷ୍ଟଭୂମିରୁ ଆସିନଥିବା ଅଖୁଁଦଙ୍କୁ ମୁଲ୍ଲା ୟାକୁବଙ୍କ ସାହାଯ୍ୟ ମିଳିବ ବୋଲି ଆଶା କରାଯାଉଛି । ମୁଲ୍ଲା ୟାକୁବ,ତାଲିବାନ ପ୍ରତିଷ୍ଠାତା ମୁଲ୍ଲା ଓମାରର ପୁଅ । ମୁଲ୍ଲା ୟାକୁବକୁ ତାଲିବାନ ପ୍ରତିରକ୍ଷା ବିଭାଗର ମୁଖ୍ୟ କରାଯିବା ଏକାରକମ ସୁନଶ୍ଟିତ ବୋଲି କୁହାଯାଉଛି ।

ଏଥିସହିତ ପଢ଼ନ୍ତୁ: ପଞ୍ଜଶୀରରେ ନରସଂହାର ଆଶଙ୍କା: ତାଲିବାନ, ପାକିସ୍ତାନକୁ ଇରାନର ଚେତାବନୀ, ଲକ୍ଷ୍ମଣରେଖା ପାର ହୁଅନି

ପଞ୍ଜଶୀରରେ ନରସଂହାର ଆଶଙ୍କା: ତାଲିବାନ, ପାକିସ୍ତାନକୁ ଇରାନର ଚେତାବନୀ, ଲକ୍ଷ୍ମଣରେଖା ପାର ହୁଅନି

ତେହେରାନ: ରବିବାର ରାତିରେ ପାକିସ୍ତାନୀ ବାୟୁସେନା ସାହାଯ୍ୟରେ ତାଲିବାନ ପଞ୍ଜଶୀର ଉପରେ କବଜା କରିଛି । ପାକ୍ ଡ୍ରୋନ୍ ଆକ୍ରମଣରେ ପଞ୍ଜଶୀର ବିଦ୍ରୋହୀଙ୍କ ସୁରକ୍ଷା କବଚ ଧ୍ୱଂସ ହେବା ପରେ ବିଦ୍ରୋହୀଙ୍କ ନେତୃତ୍ୱ ନେଉଥିବା ପୂର୍ବତନ ଉପ-ରାଷ୍ଟ୍ରପତି ଅମରୁଲ୍ଲା ସାଲେହ ତାଜିକସ୍ତାନ ପଳାୟନ କରିଥିବା ବେଳେ ଅହମ୍ମଦ ମାସୁଦ ଅଜ୍ଞାତ ସ୍ଥାନରେ ଆତ୍ମଗୋପନ କରିଛନ୍ତି । ପଞ୍ଜଶୀରର ପତନ ପରେ ତାଲିବାନ ବିଦ୍ରୋହଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଧମକ ଦେଇଛି । ତାଲିବାନ ପଂଜଶୀରରେ ଗଣହତ୍ୟା କରିବାକୁ ଯୋଜନା କରୁଛି କିମ୍ବା ଆରମ୍ଭ କରିସାରିଲାଣି ବୋଲି ଆଶଙ୍କ ପ୍ରକାଶ କରୁଥିବା ବେଳେ ଇରାନ ପାକିସ୍ତାନ ଓ ତାଲିବାନକୁ ଚେତାବନୀ ଦେଇଛି ।
ପଞ୍ଜଶୀରରେ ତାଲିବାନ ଚଳାଇଥିବା ଗଣହତ୍ୟା ଉପରେ ପ୍ରଥମ ଥର ପାଇଁ ପଡ଼ୋଶୀ ଇରାନ ପ୍ରତିକ୍ରିୟା ପ୍ରକାଶ କରିଛି । ଇରାନ ବୈଦେଶିକ ବିଭାଗ ନିଜ ପ୍ରତିକ୍ରିୟାରେ କହିଛି ଯେ, ତାଲିବାନ ଲକ୍ଷ୍ମଣ ରେଖ ଅତିକ୍ରମ ନକରୁ । ଏହାସହିତ ପଞ୍ଜଶୀର ଆକ୍ରମଣରେ ପାକ୍ ବାୟୁସେନାର ଭୂମିକା ଉପରେ ଆମେ ତଦନ୍ତ କରୁଛୁ ବୋଲି ମଧ୍ୟ ଇରାନ କହିଛି । ସୂଚନାଯୋଗ୍ୟ ଯେ, ସିଆ ବହୁଳ ଇରାନ ତାଲିବାନ ବିରୋଧୀଙ୍କୁ ଆଗରୁ ସାହାଯ୍ୟ କରୁଥିଲା । ୧୯୯୬ରେ ଇରାନ ତାଜିକ୍ ବିଦ୍ରୋହୀଙ୍କୁ ସାହାଯ୍ୟ କରିଥିଲା । ଚଳିତ ସଂକଟ କାଳରେ ଇରାନ ଖୋଲାଖୋଲି ତାଲିବାନ ବିରୋଧୀ ମେଣ୍ଟକୁ ସମର୍ଥନ କରିନାହିଁ । କିନ୍ତୁ ଇରାନର ଏହି ନୂଆ ବୟାନ ନିଶ୍ଚିତ ଭାବେ ପାକିସ୍ତାନ ଓ ତାଲିବାନକୁ ଚିନ୍ତିତ କରିବ ।
ତେହେରାନ ଟାଇମ୍ସ ଇରାନ ବୈଦେଶିକ ମନ୍ତ୍ରଣାଳୟର ମୁଖପାତ୍ରଙ୍କ ବୟାନ ପ୍ରକାଶିତ କରିଛି । ଏହି ବୟାନରେ ମୁଖପାତ୍ର ଖତିବ ଜାଦେହ କହିଛନ୍ତି ଯେ, ପଞ୍ଜଶୀର ଆକ୍ରମଣ କାଳରେ ପାକିସ୍ତାନୀ ହସ୍ତକ୍ଷେପ ଯାଞ୍ଚ ହେଉଛି । ବିଭିନ୍ନ ଆଫଗାନୀ ଗୋଷ୍ଠୀଙ୍କ ମଧ୍ୟରେ ଆଲୋଚନା ଦ୍ୱାରା ହିଁ ଆଫଗାନ ସମସ୍ୟାର ସମାଧାନ ହୋଇ ପାରିବ ବୋଲି ଆମେ ଭାବୁଛୁ । ମୁଁ ଚେତାବନୀ ଦେବାକୁ ଚାହୁଁଛି ଯେ, ସମସ୍ତେ ଲକ୍ଷ୍ମଣରେଖାକୁ ଅତିକ୍ରମ ନକରନ୍ତୁ ଓ ଅନ୍ତର୍ଜାତୀୟ ନିୟମ ଅନୁସାରେ ନିଜ ଦାୟିତ୍ୱ ନିର୍ବାହ କରନ୍ତୁ ।

ଆଫଗାନିସ୍ତାନ ଘଟଣାକ୍ରମ ଉପରେ ନଜର
ଇରାନୀ ବୈଦେଶିକ ବିଭାଗ ମୁଖପାତ୍ରଙ୍କ ଅନୁସାରେ ତାଙ୍କ ଦେଶ ଆଫଗାନିସ୍ତାନରେ ଯାହା କିଛି ଘଟୁଛି ତାହା ଉପରେ ନଜର ରଖିଛି । ପଂଜଶୀର ଆକ୍ରମଣରେ ପାକିସ୍ତାନୀ ବାୟୁସେନାର ଭୂମିକା ଓ ନରସଂହାରରେ ପାକ୍ ସୈନିକଙ୍କ ସଂଲିପ୍ତତାକୁ ନେଇ ଯାଂଚ୍ ଚାଲୁଛି ବୋଲି ମଧ୍ୟ ସେ କହିଛନ୍ତି ।
ଇରାନ ଚାହେଁ ନିର୍ବାଚନ
ଆଫଗାନିସ୍ତାନରେ ତୁରନ୍ତ ନିର୍ବାଚନ ହେଉ ବୋଲି ଇରାନ ଚାହୁଁଛି । ଇରାନ ଅନୁସାରେ ଆଫଗାନିସ୍ତାନରେ ନିର୍ବାଚନ ଦ୍ୱାରା ସରକାର ଗଠନ ହେବା ଉଚିତ । ବାହ୍ୟ ହସ୍ତକ୍ଷେପ ଦ୍ୱାରା ଗଠିତ ସରକାର କେବେ ମଧ୍ୟ ଆଫଗାନିସ୍ତାନରେ ତିଷ୍ଟିନାହିଁ ବୋଲି ସେ କହିଛନ୍ତି ।

ଏଥିସହିତ ପଢ଼ନ୍ତୁ:ତାଲିବାନକୁ ପଞ୍ଜଶୀର ଦେଲା ପାକିସ୍ତାନ, ଡ୍ରୋନ୍ ଆକ୍ରମଣ କାରଣରୁ ଦେଶ ଛାଡ଼ିଲେ ସାଲେହ

ସେପ୍ଟେମ୍ବର ୨୭ରେ ଚାଷୀ ସଂଗଠନର ଭାରତ ବନ୍ଦ ଡାକରା

ନୂଆଦିଲ୍ଲୀ: ପୁଣି ତେଜୁଛି ଚାଷୀ ଆନ୍ଦୋଳନ। କେନ୍ଦ୍ର ବିରୋଧରେ ପୁଣି ସ୍ୱର ଶାଣିତ କରିବାକୁ ଚାଷୀ ଏକାଠି ହୋଇଛନ୍ତି। କେନ୍ଦ୍ର ସରକାରଙ୍କ ଚାଷୀ ବିରୋଧୀ ଆଭିମୁଖ୍ୟକୁ ବିରୋଧ କରି ଚାଷୀ ସଂଗଠନ ଭାରତ ବନ୍ଦ ଡାକରା ଦେଇଛନ୍ତି। ଆସନ୍ତା ୨୭ ତାରିଖରେ ଭାରତ ବନ୍ଦ ଡାକରା ଦିଆଯାଇଛି।

ସୂଚନା ମୁତାବକ ଏହିଦିନ ସାରା ଦେଶରେ ଟ୍ରେନ ଏବଂ ବସ ଚଳାଚଳ ବନ୍ଦ କରାଯିବ। ଏହାଛଡ଼ା ଆଗାମୀ ଦିନରେ ଉତ୍ତରପ୍ରଦେଶ, ଉତ୍ତରାଖଣ୍ଡ ଏବଂ ଅନ୍ୟାନ୍ୟ ନିର୍ବାଚନରେ ବିଜେପି ବିରୋଧରେ ଚାଷୀ ସଂଗଠନ ରାଲି କରିବ ବୋଲି ଚାଷୀ ନେତା ରାକେଶ ଟିକାୟତ କହିଛନ୍ତି । କରୋନାଠାରୁ କେନ୍ଦ୍ର ସରକାରଙ୍କ କୃଷି ଆଇନ ଓ ଅନ୍ୟାନ୍ୟ ଆଇନ ଅଧିକ ଭୟାନକ ବୋଲି ଟିକାୟତ କହିଛନ୍ତି। ଦିଲ୍ଲୀ ସୀମାରେ ଦୀର୍ଘ ମାସ ଧରି ଚାଷୀ ଆନ୍ଦୋଳନରେ ବସିଥିଲେ ବି ଚାଷୀଙ୍କ ପ୍ରତି ସରକାର ଯେଉଁ ଭଳି ଆଭିମୁଖ୍ୟ ଦେଖାଇଛନ୍ତି, ତା’ର କଡ଼ା ପ୍ରତିବାଦ କରିବାକୁ ପ୍ରସ୍ତୁତ ହୋଇଛି ରଣନୀତି ।

ସେପ୍ଟେମ୍ବର 12 ତାରିଖରେ ହେବ ନିଟ୍ ପରୀକ୍ଷା, ପିଟିସନ ଖାରଜ କଲେ ସୁପ୍ରିମକୋର୍ଟ

ନୂଆଦିଲ୍ଲୀ: ସେପ୍ଟେମ୍ବର 12 ତାରିଖରେ ହେବ ନିଟ୍ ପରୀକ୍ଷା । ପରୀକ୍ଷା ତାରିଖ ଘୁଞ୍ଚାଇବା ପିଟିସନ ଖାରଜ କରିଛନ୍ତି ସୁପ୍ରିମକୋର୍ଟ । ଆଶାୟୀ ଛାତ୍ରଛାତ୍ରୀଙ୍କ ଆବେଦନ ଖାରଜ କରିଛନ୍ତି ସୁପ୍ରିମକୋର୍ଟ ଖଣ୍ଡପୀଠ । ସିବିଏସଇ କମପାର୍ଟମେଣ୍ଟାଲ ପରୀକ୍ଷା ଦେଉଥିବା ଛାତ୍ରୀଛାତ୍ର ଓ ରେଜଲ୍ଟରେ ଅସନ୍ତୁଷ୍ଟ ଥିବା ପିଲାମାନେ ନିଟ୍ ପରୀକ୍ଷା ଘୁଞ୍ଚାଇବାକୁ ପିଟିସନ ଦାଏର କରିଥିଲେ ।

ମାତ୍ର ଏହି ଆବେଦନକୁ ସୁପ୍ରିମକୋର୍ଟ ଖଣ୍ଡପୀଠ ଅଗ୍ରାହ୍ୟ କରିଦେଇଛନ୍ତି । ୧୬ଲକ୍ଷ ପିଲାଙ୍କ କଠିନ ପରିଶ୍ରମକୁ ଅଣଦେଖା କରି ପରୀକ୍ଷା ସ୍ଥଗିତ କରିହେବନି ବୋଲି ଖଣ୍ଡପୀଠ କହିଛନ୍ତି । ନିର୍ଦ୍ଧିଷ୍ଟ ତାରିଖରେ ହିଁ ପରୀକ୍ଷା ହେବା ନେଇ ସ୍ପଷ୍ଟ କରିଛନ୍ତି ସର୍ବୋଚ୍ଚ ଅଦାଲତ  । କୋଭିଡ ସମୟରେ ସଂକ୍ରମଣକୁ ଦୃଷ୍ଟିରେ ରଖି ପରୀକ୍ଷା କରାଇବା ସମ୍ଭବପର ହୋଇନଥିଲା  ।

ପଞ୍ଜଶୀରରେ ପାକିସ୍ତାନର ଡ୍ରୋନ ଆକ୍ରମଣକୁ ଇରାନର କଡ଼ା ନିନ୍ଦା

କାବୁଲ: ଆଫଗାନିସ୍ତାନର ପଞ୍ଜଶୀରରେ ପାକିସ୍ତାନୀ ବାୟୁସେନା କରିଥିବା ଡ୍ରୋନ୍ ଆକ୍ରମଣକୁ ଇରାନ ଉତକ୍ଷିପ୍ତ ହୋଇଛି । ଇରାନ କହିଛି ଯେ କୌଣସି ବାହ୍ୟ ଶକ୍ତି ଦ୍ୱାରା ଏପରି ଆକ୍ରମଣ ଭୁଲ ଏବଂ ଏହାର ଅନୁସନ୍ଧାନ କରାଯିବା ଉଚିତ। ଉ

ପାକିସ୍ତାନୀ ଡ୍ରୋନ୍ ଆକ୍ରମଣକୁ ସୋମବାର ଇରାନର ବୈଦେଶିକ ମନ୍ତ୍ରଣାଳୟର ମୁଖପାତ୍ର ନିନ୍ଦା କରିଛନ୍ତି। ସେ କହିଥଛନ୍ତି ଯେ ରବିବାର ରାତିରେ ହୋଇଥିବା ଏହି ଆକ୍ରମଣ ଅତ୍ୟନ୍ତ ନିନ୍ଦନୀୟ। ଇରାନ ପାକିସ୍ତାନକୁ ପୁନଃ ଏଭଳି ନକରିବାକୁ ଧମକ ଦେଇଛି। ଏଥସହିତ ଏହି ଆକ୍ରମଣରେ ପ୍ରାଣ ହରାଇଥିବା ଆଫଗାନିସ୍ତାନ ନେତାମାନଙ୍କୁ ସେ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି।

ପଞ୍ଜଶୀରକୁ ନେଇ ସସପେନସ ଏବେ ବି ଜାରି ରହିଛି। ଏହାକୁ କବଜା କରିଥିବା ନେଇ ଦାବି କରିଛି ତାଲିବାନ। ପଞ୍ଜଶୀର ଗଭର୍ଣ୍ଣର କାର୍ଯ୍ୟାଳୟ ସମେତ ଅନ୍ୟାନ୍ୟ ସ୍ଥାନରେ ଉଡିଛି ତାଲିବାନୀ ପତାକା। ତାଲିବାନ ମୁଖପାତ୍ର ଜୁବିଉଲ୍ଲା ମୁଜାହିଦ୍ଦ କହିଛନ୍ତି ପଞ୍ଜଶୀର ଏବେ ତାଲିବାନ କବଳକୁ ଯାଇଛି । ସଂଘର୍ଷରେ ବିଦ୍ରୋହୀ ବାହିନୀର ମୁଖ୍ୟ କମାଣ୍ଡର ସାଲେହ ମହମ୍ମଦଙ୍କର ମୃତ୍ୟୁ ଘଟିଛି । ଅନେକ ବିଦ୍ରୋହୀ ଏବେ ପଞ୍ଜଶୀର ଛାଡି ଚାଲିଯିବା ପରିଲକ୍ଷିତ ହୋଇଛି। ଅନ୍ୟପଟେ ପଞ୍ଜଶିର ତାଲିବାନ ହାତକୁ ଯାଇନାହିଁ ବୋଲି ଦାବି କରିଛନ୍ତି ବିଦ୍ରୋହୀ

ଦୂତୀଙ୍କୁ ନେଇ ମିଥ୍ୟା ଖବର ପ୍ରସାରଣ ମାମଲା: ରିମାଣ୍ଡରେ ଗଲେ ସୁଧାଂଶୁ ଓ ସ୍ମୃତି ରଞ୍ଜନ

ଭୁବନେଶ୍ୱର: ଦୂତୀ ଚାନ୍ଦଙ୍କୁ ନେଇ ମିଥ୍ୟା ଖବର ପ୍ରସାରଣ ମାମଲା । ୱେବ ପୋର୍ଟାଲ ଫୋକସ ପ୍ଲସର ସମ୍ପାଦକ ସୁଧାଂଶୁ ରାଉତ ଓ ପୂର୍ବତନ ରିପୋର୍ଟର ସ୍ମୃତି ରଞ୍ଜନ ବେହେରାଙ୍କୁ ଦିନିକିଆ ରିମାଣ୍ଡରେ ନେଇଛି ପୋଲିସ । ଉଭୟଙ୍କୁ ଦିନିକିଆ ରିମାଣ୍ଡରେ ନେଇ ପଚରାଉଚରା କରୁଛି ମହିଳା ଥାନା ପୋଲିସ । ଗତ ଶନିବାର କୋର୍ଟରେ ହାଜର ବେଳେ ଉଭୟଙ୍କୁ ୭ ଦିନ ରିମାଣ୍ଡରେ ନେବା ଲାଗି ଆବେଦନ କରିଥିଲା ପୋଲିସ ।

କିନ୍ତୁ ଗୋଟିଏ ଦିନ ରିମାଣ୍ଡରେ ନେବାକୁ ଅନୁମତି ଦେଇଥିଲେ ଭୁବନେଶ୍ୱର ଏସଡିଜେଏମ୍ କୋର୍ଟ । ଫଳରେ ସୁଧାଂଶୁ ଓ ସ୍ମୃତି ରଞ୍ଜନକୁ ୧୪ ଦିନିଆ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଥିଲା । ସେହିପରି ଝାରପଡ଼ାରେ ଥିବା ଅଫିସକୁ ସିଲ୍ କରିଥିଲା ପୋଲିସ । କମ୍ପ୍ୟୁଟର, ଲାପଟପ୍ ସହ ବହୁ ଗୁରୁତ୍ବପୂର୍ଣ୍ଣ ସାମଗ୍ରୀ ଜବତ କରିଥିଲା ପୋଲିସ । ଅନ୍ୟପଟେ ଏବେ ବି ସୂଚନା ଅଧିକାର କର୍ମୀ ପ୍ରଦୀପ ପ୍ରଧାନଙ୍କ ଟେର ପାଉନି ପୋଲିସ ।