spot_img
Home Blog Page 5387

ରେଡ୍ ଜୋନ୍‌କୁ ଫେରିଲା ଖୋର୍ଦ୍ଧା: ଭୟଭୀତ ନହେବାକୁ ସ୍ୱାସ୍ଥ୍ୟ ବିଭାଗର ପରାମର୍ଶ

ଖୋର୍ଦ୍ଧା: ରେଡ୍‌ ଜୋନକୁ ଫେରିଲା ଖୋର୍ଦ୍ଧା। ଜନସଂଖ୍ୟା, ପ୍ରବାସୀ ଓ ଅଧିକ ଟେଷ୍ଟିଂ ପାଇଁ ଜିଲ୍ଲାରେ ବଢୁଛି ସଂକ୍ରମିତଙ୍କ ସଂଖ୍ୟା । ତେବେ ଏଥିରେ ଭୟଭୀତ ନହେବାକୁ ସ୍ୱାସ୍ଥ୍ୟ ବିଭାଗ ପରାମର୍ଶ ଦେଇଛି । ତୃତୀୟ ଲହର ପୂର୍ବରୁ ମୁକାବିଲା ପାଇଁ ପ୍ରସ୍ତୁତ ରାଜ୍ୟ ସରକାର । ଶିଶୁଙ୍କ ଚିକିତ୍ସା ପାଇଁ ସ୍ୱତନ୍ତ୍ର ବ୍ୟବସ୍ଥା କରାଯାଇଛି। ସେପଟେ ଶିଶୁଙ୍କ ସୁରକ୍ଷା ନେଇ ନିୟମ କଡ଼ାକଡ଼ି ପାଳନ  କରିବା ଉପରେ ଜୋର୍‌ ଦେଇଛନ୍ତି ଶିଶୁ ଅଧିକାର ସୁରକ୍ଷା କମିଶନ ଅଧ୍ୟକ୍ଷା।

ଖୋର୍ଦ୍ଧା ଜିଲ୍ଲା ଓ ଭୁବନେଶ୍ୱର ମହାନଗର ନିଗମ। ଦୈନିକ ଲୋକଙ୍କ ସମାଗମ ବଢୁଛି। ଟେଷ୍ଟିଂ ବଢୁଥିବାରୁ ଅଧିକ ସଂକ୍ରମିତ ଚିହ୍ନଟ ହେଉଛନ୍ତି। ତେବେ ରେଡ ଜୋନ୍‌ ଚିହ୍ନଟ ହେବା ପରେ ମୁକାବିଲା ଜୋରଦାର କରାଯାଇଛି । ଏଯାଏ ଡେଲ୍ୱା ଭ୍ୟାରିଆଣ୍ଟ ଭୟ ଟଳିନି। ଜଣଙ୍କ ଠାରୁ ଅନ୍ୟ ଜଣଙ୍କୁ ସଂକ୍ରମଣ ଭୟ ଥିବାରୁ, ସାମାଜିକ ଦୂରତା ରକ୍ଷା ଉପରେ ଗୁରୁତ୍ୱ ଦିଆଯାଉଛି। ଅନ୍ୟପଟେ ସଫଳତା ସହ ଟିକାକରଣ ଚାଲିଥିବା ବେଳେ ନକଲି ଟିକା ଚିନ୍ତା ବଢାଉଛି । ହେଲେ ଓଡ଼ିଶାରେ ଏଯାଏ ନକଲି ଟିକା ଦୃଷ୍ଟିକୁ ଆସିନଥିବା ଆଶ୍ୱସ୍ତି ଆଣିଛି ।

ଶିଶୁଙ୍କୁ ଅନେକ ଟିକାର ବୁଷ୍ଟର ଡୋଜ ଦିଆଯାଇଛି। ଯାହା ପ୍ରତିଷେଧକ ଭାବେ କାମ କରୁଛି । ହେଲେ ସେମାନଙ୍କ ଯତ୍ନ ଅଧିକ ଗୁରୁତ୍ୱପୂର୍ଣ୍ଣ । କାରଣ ଶିଶୁ ସଂକ୍ରମଣ ବଢୁଛି । ବିଶେଷ କରି ପରିବାର ଲୋକଙ୍କ ଦାୟିତ୍ୱହୀନତା ଯୋଗୁଁ ଶିଶୁ ସଂକ୍ରମିତ ହେଉଛନ୍ତି । କୋଭିଡ ସମୟରେ ଶିଶୁଙ୍କ ଉତ୍ତମ ସ୍ୱାସ୍ଥ୍ୟଗତ ପରିଚାଳନା ପାଇଁ ଜିଲ୍ଲାପାଳଙ୍କୁ ଚିଠି ଲେଖିଛନ୍ତି ଶିଶୁ ଅଧିକାର ସୁରକ୍ଷା କମିଶନ ଅଧ୍ୟକ୍ଷା । ଶିଶୁଙ୍କ ଟିକାକରଣ ପାଇଁ ଗବେଷଣା ଚାଲିଛି । ସେପଟେ ବିନା ପାର୍ଶ୍ୱ ପ୍ରତିକ୍ରିୟାରେ ଏକ ଲକ୍ଷ ୧୪ ହଜାର ଗର୍ଭବତୀଙ୍କୁ କୋଭିଡ୍‌ ଟିକା ଦିଆଯାଇଛି ।

ଏଥିସହିତ ପଢ଼ନ୍ତୁ: ଟ୍ରାଫିକ୍ ନିୟମ ଉଲ୍ଲଂଘନ ଅଭିଯୋଗରେ ମୃତବ୍ୟକ୍ତିଙ୍କ ନାଁରେ ଚାଲାଣ କଟିଲା

ଚାକିରି ଦରମା ନ ଅଣ୍ଟିବାରୁ ଖୋଲିଲେ ଚା’ ଦାେକାନ: ଆଉ ଏବେ…

0

ରାଉରକେଲା: ଚା’ ଦୋକାନ  କରିଛନ୍ତି ଜଣେ ଯୁବ ଇଞ୍ଜିନିୟରି । ଇଞ୍ଜିନିୟରିଂ ଚାକିରି ଛାଡ଼ି ରାଉରକେଲା ସହରର ଉଦିତ ନଗର ଠାରେ ଚା ’ ଦୋକାନ କରି ନିଜର ଆର୍ଥିକ ସ୍ଥିତି ସ୍ୱଚ୍ଛଳ କରିଛନ୍ତି  ।  ନିଜେ ସ୍ୱାବଲମ୍ୱୀ ହେବା ସହ ଅନ୍ୟ ୩ ଜଣ ଯୁବକଙ୍କୁ ବି ଦେଇଛନ୍ତି ନିଯୁକ୍ତି ସୁଯୋଗ । ଇଞ୍ଜିନିୟରଙ୍କ ୨୦ରୁ ଅଧିକ ପ୍ରକାରର ସୁସ୍ୱାଦୁ ଚା’ ଓ କଫି ଗ୍ରାହକଙ୍କ ବେଶ୍ ପସନ୍ଦ ପାଲଟିଛି  ।

ଚାଏ କୁଲାଡ କାଫରେ ମିଳୁଛି ଇଞ୍ଜିନିୟରିଂ ଚାଏ  । ଚା ବିକ୍ରି କରୁଛନ୍ତି ଯୁବ ଇଞ୍ଜିନିୟର । ଚମତ୍କାର ଚା’ ସାଙ୍ଗକୁ ମିଳୁଛି ସୁଆଦିଆ କଫି  । ରାଉରକେଲା ସହରର ଉଦିତନଗରର, ଏ ହେଉଛି ଯୁବ ଇଞ୍ଜିନିୟର ଶତ୍ରୁଘ୍ନ ପ୍ରଧାନଙ୍କ ଚା’ ଦୋକାନ  । ଏଠାରେ ମିଳୁଛି ୨୦ ପ୍ରକାରରୁ ଅଧିକ ଚା ଓ କଫି । ଇଲାଇଚି ଚା, ଅଦରକ ଚା, ଲଵଙ୍ଗ ଚା, କଡକ ମସଲା ଚା ଓ କେଶର ଚା ଭଳି ବିଭିନ୍ନ ପ୍ରକାର ସୁଆଦିଆ କଫି ମଧ୍ୟ ପ୍ରସ୍ତୁତ ହେଉଛି । ମାଟି କପରେ ଚା ପିଇବା ପାଇଁ ସକାଳୁ ସଞ୍ଜ ଯାଏ ଜମୁଛି ଗ୍ରାହକଙ୍କ ଭିଡ଼  ।

ପରିବାର ପ୍ରତିପୋଷଣ ପାଇଁ ଆବଶ୍ୟକ ଟଙ୍କା ରୋଜଗାର ନେହେବାରୁ ଇଞ୍ଜିନିୟର ଚାକିରି ଛାଡ଼ିଥିଲେ ଶତ୍ରୁଘ୍ନ  । ସେ ଏବେ ନିଜେ ଚା ଦୋକାନ କରି ଭଲ ଦୁଇ ପଇସା ରୋଜଗାର କରୁଛନ୍ତି । ନିଜେ ସ୍ୱାବଲମ୍ୱୀ ହେବା ସହ ଅନ୍ୟ ୩ ଜଣ ଯୁବକଙ୍କୁ ବି ଦେଇଛନ୍ତି ନିଯୁକ୍ତି ସୁଯୋଗ । କର୍ମ କେବେ ବି ଛୋଟ କିମ୍ବା ବଡ ହୋଇ ନଥାଏ  । ଇଞ୍ଜିନିୟରଙ୍କ ଏହି ବାର୍ତ୍ତା ନିଶ୍ଚିତ ରୂପେ ଯବ ପିଢ଼ିଙ୍କୁ ପ୍ରେରଣା ଯୋଗାଇବ  ।

ପ୍ରଧାନମନ୍ତ୍ରୀଙ୍କ ଉଚ୍ଚସ୍ତରୀୟ ବୈଠକ, ତାଲିବାନକୁ ନେଇ ପାକିସ୍ତାନ ଓ ଚୀନର ନରମ ଆଭିମୁଖ୍ୟ ଉପରେ ଆଲୋଚନା

ନୂଆଦିଲ୍ଲୀ: ଆଫଗାନିସ୍ତାନରେ ଲାଗି ରହିଥିବା ସ୍ଥିତିକୁ ନେଇ ପ୍ରଧାନମନ୍ତ୍ରୀଙ୍କ ଉଚ୍ଚସ୍ତରୀୟ ବୈଠକ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଦିଲ୍ଲୀ ସ୍ଥିତ ବାସଭବନରେ ଆୟୋଜିତ ବୈଠକରେ ଆଫଗାନ୍ ସ୍ଥିତି ଉପରେ ଆଲୋଚନା ହୋଇଛି। ଏବେ ସେଠାରେ କିଭଳି ରହିଛି ସ୍ଥିତି ତାହା ଉପରେ ବରିଷ୍ଠ ମନ୍ତ୍ରୀଙ୍କ ସହ ମୋଦି ଆଲୋଚନା କରିଛନ୍ତି।

ଏବେ ବି କିଛି ଭାରତୀୟ ଆଫଗାନିସ୍ତାନରେ ଫସି ରହିଥିବାରୁ ସେମାନଙ୍କୁ କିଭଳି ଉଦ୍ଧାର ଯିବ ସେ ନେଇ ମଧ୍ୟ ଆଲୋଚନା ହୋଇଛି। ଖାସ୍‌ କରି ତାଲିବାନକୁ ନେଇ ପାକିସ୍ତାନ ଓ ଚୀନର ନରମ ଆଭିମୁଖ୍ୟ ଉପରେ ଆଲୋଚନା କରିଛନ୍ତି ପ୍ରଧାନମନ୍ତ୍ରୀ। ବୈଠକରେ ପ୍ରଧାନମନ୍ତ୍ରୀଙ୍କ ସହ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ, ଗୃହମନ୍ତ୍ରୀ ଅମିତ ଶାହା, NSA ଅଜିତ୍ ଡୋଭାଲ, CDS ବିପିନ୍ ରାୱତ ପ୍ରମୁଖ ଉପସ୍ଥିତ ଥିଲେ।

କରୋନା କଟକଣା ଯୋଗୁଁ ନିରୁତ୍ସାହିତ ପୂଜା ମଣ୍ଡପ କର୍ମକର୍ତ୍ତା: ମୂର୍ତ୍ତି ପୂର୍ବଭଳି ବଡ଼ କରିବାକୁ ଦାବି

0

କଟକ ପ୍ରସିଦ୍ଧ ଦୁର୍ଗାପୂଜା । ସିଲଭର ସିଟିରେ ଦଶହରା ବେଶ୍‌ ଧୁମଧାମରେ ପାଳନ କରାଯାଉଥିବା ବେଳେ କରୋନା ପାଇଁ ଲଗାଯାଇଥିବା କଟକଣା ବିଭିନ୍ନ ପୂଜା ମଣ୍ଡପ କର୍ମକର୍ତ୍ତାଙ୍କୁ ନିରୁତ୍ସାହିତ କରିଛି । କଟକଣା କୋହଳ ପାଇଁ ବିଭିନ୍ନ ସାମାଜିକ ସଂଗଠନ ପ୍ରତିବାଦ ଜାରି ରଖିଛନ୍ତି । ସାମାଜିକ ସଂଗଠନ ପକ୍ଷରୁ ଚାଲିଥିବା ପ୍ରତିବାଦ ଆଜି ସପ୍ତମ ଦିନରେ ପହଞ୍ଚିଛି । ମୂର୍ତ୍ତି ପୂର୍ବଭଳି ବଡ଼ କରାଯିବା ସହ ଆବଦ୍ଧ ମଣ୍ଡପରେ ପୂଜା ନିଷ୍ପତ୍ତିର ପୁନର୍ବିଚାର ପାଇଁ ସଂଗଠନ ପକ୍ଷରୁ ଦାବି ହୋଇଛି । ଆଜି ଜିଲ୍ଲାପାଳଙ୍କୁ ଭେଟି ଏ ନେଇ ସଂଗଠନ ପକ୍ଷରୁ ଏକ ସ୍ମାରକପତ୍ର ପ୍ରଦାନ କରାଯାଇଛି । ତେବେ ଏ ସମ୍ପର୍କରେ ସରକାରଙ୍କୁ ଅବଗତ କରାଯିବ ବୋଲି କହିଛନ୍ତି କଟକ ଜିଲ୍ଲାପାଳ ଭବାନୀଶଙ୍କର ଚୟନୀ । ଅନ୍ୟପଟେ ଦୁର୍ଗାପୂଜା ପାଳନ ଉପରେ କଟକଣାକୁ ବିରୋଧ କରିଛି ବିଜେପି । ଆସନ୍ତା ୧୩ ତାରିଖରେ କଟକ ନଗର ବିଜେପି ପକ୍ଷରୁ କଟକ ବନ୍ଦ ଡାକରା ଦିଆଯାଇଛି ।

ଏଥିସହିତ ପଢ଼ନ୍ତୁ: ସ୍ୱଦେଶ ପେରିଲେ ସ୍ୱର୍ଣ୍ଣ ବିଜେତା ପ୍ରମୋଦ, କହିଲେ ସହଯୋଗ ପାଇଁ ମୁଖ୍ୟମନ୍ତ୍ରୀଙ୍କ ନିକଟରେ କୃତଜ୍ଞ

ନୃଶଂସ ତାଲିବାନ: ୮ ମାସର ଗର୍ଭବତୀ ପୋଲିସ ଅଧିକାରୀଙ୍କୁ କଲା ହତ୍ୟା

ନୂଆଦିଲ୍ଲୀ: ତାଲିବାନୀ ବର୍ବରତାର ଆଉ ଏକ ଭୟଙ୍କର ଚିତ୍ର ସାମ୍ନାକୁ ଆସିଛି। ଘୋର୍ ପ୍ରଜାତନ୍ତ୍ରର ଫିରୋଜକୋରେ ଜଣେ ମହିଳା ପୋଲିସ ଅଧିକାରୀଙ୍କୁ ହତ୍ୟା କରିଛନ୍ତି ତାଲିବାନୀ। ମହିଳା ଅଫିସର ଜଣକ ଏକ ଜେଲରେ କାର୍ଯ୍ୟରତ ଥିଲେ। ସେ ୮ ମାସର ଗର୍ଭବତୀ ଥିବା ବେଳେ ସ୍ୱାମୀ ଓ ପରିବାର ସଦସ୍ୟଙ୍କ ଆଗରେ ଏହି ମହିଳାଙ୍କୁ ତାଲିବାନ ବର୍ବର ହତ୍ୟା କରିଛି।

ବର୍ତ୍ତମାନ ତାଲିବାନ ଘରକୁ ଘର ବୁଲି ଟାର୍ଗେଟରେ ଥିବା ଲୋକଙ୍କୁ ସନ୍ଧାନ କରି ହତ୍ୟା କରୁଛି। ପୂର୍ବରୁ ମହିଳା ବିଚାରପତି ମାନଙ୍କୁ ତାଲିବାନ ଟାର୍ଗେଟ କରିଆସୁଛି। ଜୀବନ ବିକଳରେ ସେମାନେ ଦେଶ ଛାଡି ଚାଲିଯିବା ସହ ଅନ୍ୟମାନେ ଆଶଙ୍କା ଘେରରେ ରହିଛନ୍ତି। ସେପଟେ ଦେଶରୁ ବିପନ୍ନଙ୍କୁ ଉଦ୍ଧାର ପ୍ରକ୍ରିୟା ପୁଣି ଆରମ୍ଭ କରିବା ନେଇ ତାଲିବାନ ସହ କଥାବାର୍ତ୍ତା କରିବାକୁ ପ୍ରସ୍ତାବ ଦେଇଛନ୍ତି ଜର୍ମାନ ଚାନସେଲର ଆଞ୍ଜେଲା ମର୍କେଲ। ଆଫଗାନିସ୍ତାନରେ ସରକାର ଗଠନ ହେବା ମାତ୍ରେ ଏହି ପ୍ରକ୍ରିୟା ଆରମ୍ଭ ହେବା ନେଇ ସେ ସୂଚନା ଦେଇଛନ୍ତି । ଯେଉଁମାନେ ଦେଶ ଛାଡି ପଳାୟନ କରିବାକୁ ଚାହୁଁଛନ୍ତି ସେମାନଙ୍କୁ ସହାୟତା କରାଯିବ ବୋଲି ସେ ପ୍ରସ୍ତାବ ଦେଇଛନ୍ତି ।

ପେଟ୍ରୋଲ ଓ ଡିଜେଲରୁ ୧ଲକ୍ଷ କୋଟିରୁ ଅଧିକ ଆୟ କଲେ କେନ୍ଦ୍ର ସରକାର: ଆୟରେ ୪୮ ପ୍ରତିଶତର ବୃଦ୍ଧି

ନୂଆଦିଲ୍ଲୀ: ଚଳିତ ବର୍ଷ ପେଟ୍ରୋଲ ଏବଂ ଡିଜେଲ ଭଳି ପେଟ୍ରୋଲିୟମ୍ ପଦାର୍ଥ ଉପରେ ଲାଗୁ ଟ୍ୟାକ୍ସ ଜରିଆରେ ସରକାର ୧ଲକ୍ଷ କୋଟି ଟଙ୍କାରୁ ଅଧିକ ଆୟ କରିଛନ୍ତି, ଯାହା ହାରାହାରି ପୂର୍ବ ଆଦାୟ ଅପେକ୍ଷା ୪୮ ପ୍ରତିଶତ ଅଧିକ । ଅର୍ଥମନ୍ତ୍ରାଳୟର କଣ୍ଟ୍ରୋଲର ଜେନେରାଲ୍ ଅଫ୍ ଆକାଉଣ୍ଟସ(ସିଜିଏ)ଙ୍କ ରିପୋର୍ଟରେ ପ୍ରକାଶ ।

वित्त मंत्रालय के आंकड़ों से यह जानकारी सामने आई

ସୂଚନା ଯୋଗ୍ୟ ଯେ, ୨୦୧୬ରେ ବସ୍ତୁ ଏବଂ ସେବା କର ବା ଜିଏସ୍‌ଟି ବ୍ୟବସ୍ଥା ଆରମ୍ଭ ହୋଇଥିଲା । ପରେ ଆଭିଏସନ୍ ଟର୍ବାଇନ୍ ଫର୍ମୁଲା, ପେଟ୍ରୋଲ, ଡିଜେଲ ଏବଂ ପ୍ରାକୃତିକ ଗ୍ୟାସ ଉପରେ କେନ୍ଦ୍ର ସରକାର କେନ୍ଦ୍ରୀୟ ଉତ୍ପାଦ ଶୁଳ୍କ ଆଦାୟ କରୁଛନ୍ତି । ଏତଦ୍‌ବ୍ୟତୀତ ଅନ୍ୟ ସବୁ ଉତ୍ପାଦ ଉପରେ ମଧ୍ୟ ଜିଏସଟି ଆଦାୟ କରାଯାଏ । ଚଳିତ ଆର୍ଥିକ ବର୍ଷର ପ୍ରଥମ ଚାରି ମାସରେ ଆଦାୟ ହୋଇଥିବା ଟିକସ ପରିମାଣରେ ୪୮ ପ୍ରତିଶତର ବୃଦ୍ଧି ଘଟିଛି ।

उत्पाद शुल्क का संग्रह 1 लाख करोड़ रुपये से ज्यादा

ଗତ ବର୍ଷ ସରକାର ପେଟ୍ରୋଲ ଉପରେ ଏକ୍ସାଇଜ୍ ଡ୍ୟୁଟିକୁ ୧୯.୯୮ ପ୍ରତିଶତକୁ ବୃଦ୍ଧି କରି ଲିଟର ପିଛା ଦର ୩୨.୯ ଟଙ୍କା କରିଛନ୍ତି । ସେହିପରି ଡିଜେଲ ଉପରେ ୩୧.୮୦ ପଇସା ପ୍ରତି ଲିଟର ଶୁଳ୍କ ଆଦାୟ ହୁଏ । ଗତ ବର୍ଷ ତୁଳନାରେ ଚଳିତ ଥର ଅତିରିକ୍ତ ଟ୍ୟାକ୍ସ କଲେକ୍ସନ ହୋଇଛି । ସରକାରଙ୍କ ପକ୍ଷରୁ ଅଏଲ ବଣ୍ଡ ବାବଦକୁ ଦେବାକୁ ଥିବା ଟଙ୍କା ଠାରୁ ଚଳିତ ଆର୍ଥିକ ବର୍ଷରେ ୩ଗୁଣା ଅଧିକ ଟ୍ୟାକ୍ସ ଆଦାୟ ହୋଇଛି । ସିଏଜି ରିପୋର୍ଟ ଅନୁଯାୟୀ ଅପ୍ରେଲରୁ ଜୁଲାଇ ମଧ୍ୟରେ ଉତ୍ପାଦ ଶୁଳ୍କ ସଂଗ୍ରହ ୧ଲକ୍ଷ କୋଟି ଟଙ୍କାରୁ ଅଧିକ ଅର୍ଥାତ ୧୦୦୩୮୭ ହୋଇଛି । ଯେତେବେଳେ କି ଗତ ବର୍ଷ  ଏହି ଅବଧି ମଧ୍ୟରେ ସଂଗ୍ରହ ୬୭ହଜାର ୮୯୫ କୋଟି ସଂଗ୍ରହ କରିଥିଲେ ।

उत्पाद शुल्क का संग्रह 1 लाख करोड़ रुपये से ज्यादा

ଅର୍ଥାତ ଚଳିତ ବର୍ଷ ସରକାର ୩୨ହଜାର ୪୯୨ କୋଟି ଟଙ୍କାର ଅତିରିକ୍ତ ଟ୍ୟାକ୍ସ ଆଦାୟ କରିଛନ୍ତି । ଯେତେବେଳେ କି ପୂରା ବର୍ଷର ଅଏଲ ବଣ୍ଡ ବାବଦକୁ ସରକାରଙ୍କୁ ୧୦ହଜାର କୋଟି ଟଙ୍କା ଦେବାକୁ ପଡ଼ିଥାଏ । ଅଏଲ ବଣ୍ଡ ଏକ ସ୍ୱତନ୍ତ୍ର ଧରଣର ସିକ୍ୟୁରିଟି, ଯାହାକୁ ସରକାରଙ୍କ ପକ୍ଷରୁ ମାର୍କେଟିଂ କମ୍ପାନୀଙ୍କୁ କ୍ୟାସ୍ ସବ୍‌ସିଡି ଆକାରରେ ଦିଆଯାଏ । ଯାହା ଦ୍ୱାରା ତୈଳ ଦର ବୃଦ୍ଧିର ବୋଝ ସାଧାରଣ ଜନତାଙ୍କ ଉପରେ ପଡ଼ିବ ନାହିଁ ।

ଏଥିସହିତ ପଢ଼ନ୍ତୁ: IPL ବିଡିଂ ପ୍ରକ୍ରିୟାରେ ସାମିଲ ହେଲା କଟକ, ୨ଟି ନୂଆ ଟିମ ହେଲେ ସାମିଲ୍

ସ୍ୱଦେଶ ପେରିଲେ ସ୍ୱର୍ଣ୍ଣ ବିଜେତା ପ୍ରମୋଦ, କହିଲେ ସହଯୋଗ ପାଇଁ ମୁଖ୍ୟମନ୍ତ୍ରୀଙ୍କ ନିକଟରେ କୃତଜ୍ଞ

ନୂଆଦିଲ୍ଲୀ: ଟୋକିଓ ଅଲମ୍ପିକ୍ସରେ ସ୍ୱର୍ଣ୍ଣ ପଦକ ଜିତିବା ପରେ ସ୍ୱଦେଶକୁ ଫେରିଛନ୍ତି ବ୍ୟାଡମିଣ୍ଟନ ଷ୍ଟାର୍ ପ୍ରମୋଦ ଭାଗତ। ଦିଲ୍ଲୀରେ ପହଁଚିବା ପରେ ତାଙ୍କୁ ସ୍ପୋର୍ଟସ ଅଥୋରିଟି ଅଫ୍ ଇଣ୍ଡିଆ ପର୍ଷରୁ ଭଗ୍ୟ ସ୍ୱାଗତ ସମ୍ବର୍ଦ୍ଧନା ଦିଆଯାଇଛି। ଏହି ଅବସରରେ ସେ ଓଡିଶା ସରକାର ଓ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ପ୍ରଶଂସା କରିଛନ୍ତି।

ଅଲମ୍ପିକ୍ସ ପ୍ରସ୍ତୁତି ସମୟରେ ପ୍ରମୋଦଙ୍କୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସବୁ ପ୍ରକାର ସହଯୋଗ ଯୋଗାଇଦେଇଥିବାରୁ ସେ କୃତଜ୍ଞତା ଜ୍ଞାପନ କରିଛନ୍ତି। ପ୍ରମୋଦ ତାଙ୍କ ବିଜୟର ଶ୍ରେୟ ମୁଖ୍ୟମନ୍ତ୍ରୀଙ୍କୁ ଦେଇଛନ୍ତି । ସେ କହିଛନ୍ତି ଯେ ଫାରାଲିମ୍ପିକ୍ସ ପାଇଁ  ତାଙ୍କୁ ଯାହା ବି ସହୋଯୋଗ ଦରକାର ଥିଲା ସେ ସବୁକିଛି ମୁଖ୍ୟମନ୍ତ୍ରୀ ଯୋଗାଇଦେଇଥିଲେ। ଏମିତିକି କୋଭିଡ ମହାମାରୀ ଭିତରେ ମଧ୍ୟ ରାଜ୍ୟ ସରକାର ତାଙ୍କ ଟ୍ରେନିଂର ପୂରା ଧ୍ୟାନ ରଖିଥିଲେ । ତାଙ୍କ ଟ୍ରେନିଂ ପ୍ରତି ଯେମିତି କିଛି ବି ଆଞ୍ଚ ନ ଆସେ ସେଥିପ୍ରତି ବିଶେଷ ଧ୍ୟାନ ଦିଆଯାଇଥିଲା।

ତେବେ କେବଳ ପ୍ରମୋଦ ନୁହେଁ ତାଙ୍କ ସହ ଅନ୍ୟ କ୍ରିଡାବିତମାନେ ମଧ୍ୟ ଆଜି ସ୍ଫେୱଦେଶକୁ ଫେରିଛନ୍ତି। ଏବଂ ଦିଲ୍ଲୀ ବିମାନବନ୍ଦରରେ ସମସ୍ତଙ୍କୁ ଭବ୍ୟ ସମ୍ବର୍ଦ୍ଧନା ମଧ୍ୟ ଦିଆଯାଇଛି।

 

IPL ବିଡିଂ ପ୍ରକ୍ରିୟାରେ ସାମିଲ ହେଲା କଟକ, ୨ଟି ନୂଆ ଟିମ ହେଲେ ସାମିଲ୍

ନୂଆଦିଲ୍ଲୀ: ଇଣ୍ଡିଆନ୍ ପ୍ରିମିୟର ଲିଗ୍ (ଆଇପିଏଲ୍) ୨୦୨୧ର ଦ୍ୱିତୀୟ ପର୍ଯ୍ୟାୟ ସେପ୍ଟେମ୍ବର ୧୯ରୁ ଆରମ୍ଭ ହେଉଛି, କିନ୍ତୁ କ୍ରିକେଟ୍ ବୋର୍ଡ ଅଫ୍ ଇଣ୍ଡିଆ (ବିସିସିଆଇ) ଆସନ୍ତା ବର୍ଷର ଆଇପିଏଲ୍ ପାଇଁ ପ୍ରସ୍ତୁତି ଆରମ୍ଭ କରିସାରିଛି। କ୍ରିକବଜ୍ ରିପୋର୍ଟ ଅନୁଯାୟୀ, ଆଇପିଏଲ୍ ୨୦୨୨ ପାଇଁ ବିସିସିଆଇ ୬ଟି ସହର ଚୟନ କରିଛି, ସେଥିମଧ୍ୟରୁ ଦୁଇଟି ନୂତନ ଦଳ ଘୋଷଣା କରାଯିବ। ଏହି ୬ଟି ସହରରେ କଟକ ମଧ୍ୟ ସାମିଲ ହୋଇଛି । ପୂର୍ବାଞ୍ଚଳ ପାଇଁ ଗୁଆହାଟି, ରାଞ୍ଚି ଓ କଟକ ବିଡିଂରେ ସାମିଲ ହୋଇଥିବାବେଳେ ପଶ୍ଚିମରୁ ଅହମ୍ମଦାବାଦ, ସେଣ୍ଟ୍ରାଲ ଜୋନରୁ ଲକ୍ଷ୍ନୌ ଏବଂ ଦକ୍ଷିଣରୁ ଧର୍ମଶଳା ସାମିଲ ହୋଇଛି।

ଏହି ୬ଟି ସହର ପାଇଁ ନିଲାମ ତାରିଖ ସ୍ଥିର ହୋଇନାହିଁ, କିନ୍ତୁ  ଏହି ପ୍ରକ୍ରିୟା ପାଖାପାଖି ଆଉମାସେ ଲାଗିବ ବୋଲି ଆଶା କରାଯାଉଛି। ନୂଆ ଦଳ ପାଇଁ 2000 କୋଟି ଟଙ୍କାର ପ୍ରାରମ୍ଭିକ ମୂଲ୍ୟ ସ୍ଥିର କରାଯାଇଛି। ସୂଚନା ଅନୁଯାୟୀ, ହିନ୍ଦୀ ଭାଷାଭାଷୀ ଅଞ୍ଚଳରେ କ୍ରିକେଟ୍ ଦର୍ଶକଙ୍କ ସଂଖ୍ୟା ଏତେ ଅଧିକ ଯେ ଏହା ଅନ୍ୟ ଅଞ୍ଚଳର ଭାଷା ଏହାର ନିକଟତର ବି ନୁହେଁ। କ୍ରିକବଜ୍ ଦେଇଥିବା ତଥ୍ୟ ଅନୁଯାୟୀ, ୨୦୨୦ରେ ଷ୍ଟାର୍ ସ୍ପୋର୍ଟ୍ସର ଚାରି ବିଲିୟନ ମିନିଟ୍ ଆଇପିଏଲ୍ କଭରେଜର ୬୫ ପ୍ରତିଶତ ଦର୍ଶକ ହିନ୍ଦୀ ଅଞ୍ଚଳର ଥିଲେ।

ହିନ୍ଦୀ ଭାଷାକୁ କେନ୍ଦ୍ର କରି ଏହି ସହରଗୁଡ଼ିକୁ ଚୟନ କରାଯାଇଛି। ତେଣୁ ଏଥିରେ କୋଚି ଏବଂ ବିଶାଖାପାଟନମ୍ ଅନ୍ତର୍ଭୁକ୍ତ ନ କରାଯିବାର କାରଣ ଦକ୍ଷିଣ ଭାରତର ତିନିଟି ଦଳ ପୂର୍ବରୁ ଆଇପିଏଲର ଅଂଶବିଶେଷ, ଯେଉଁଥିରେ ସନରାଇଜର୍ସ ହାଇଦ୍ରାବାଦ, ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଏବଂ ଚେନ୍ନାଇ ସୁପର କିଙ୍ଗ୍ସ ଅନ୍ତର୍ଭୁକ୍ତ। ତେବେ ବର୍ତ୍ତମାନ ପାଇଁ ଆଇପିଏଲରେ ଦକ୍ଷିଣ ଜୋନର ଦିଲ୍ଲୀ କ୍ୟାପିଟାଲ୍ସ ଏବଂ ପଞ୍ଜାବ କିଙ୍ଗ୍ସ, ପୂର୍ବର କୋଲକାତା ନାଇଟ୍ ରାଇଡର୍ସ, ପଶ୍ଚିମରୁ ମୁମ୍ବାଇ ଇଣ୍ଡିଆନ୍ସ ଏବଂ ସେଣ୍ଟ୍ରାଲ ଜୋନରୁ ରାଜସ୍ଥାନ ରୟାଲ୍ସ ସାମିଲ ରହିଛି।

ସୂଚନାମୁତାବକ IPL ୨୦୨୨ ପାଇଁ ନିଲାମ ପ୍ରକ୍ରିୟା ଚଳିତ ବର୍ଷ ଶେଷସୁଦ୍ଧା ଅନୁଷ୍ଠିତ ହୋଇପାରେ । ଏହି ମେଗା ଅକ୍ସନରେ ଅନେକ ଖେଳାଳିଙ୍କୁ ଅଲଗା ଅଲଗା ଦଳରେ ଦେଖିବାକୁ ମିଳିବ। ଏହା ସହିତ ଦୁଇଟି ନୂଆ ଦଳରେ ନୂଆ ଅଧିନାୟକଙ୍କ ସହିତ ନୂଆ ଖେଳାଳି ବି ଚୟନ କରାଯିବ । ବର୍ତ୍ତମାନ, ଆଇପିଏଲ୍ ୨୦୨୧ର ଦ୍ୱିତୀୟ ପର୍ଯ୍ୟାୟ ୟୁଏଇରେ ଆରମ୍ଭ ହେବ, ଅବଶିଷ୍ଟ ମ୍ୟାଚ୍ ଦୁବାଇ, ଆବୁଧାବି ଏବଂ ଶାରଜାହଠାରେ ଖେଳାଯିବ। ପ୍ରଥମ ମ୍ୟାଚ୍ ଚେନ୍ନାଇ ସୁପର କିଙ୍ଗ୍ସ ଏବଂ ମୁମ୍ବାଇ ଇଣ୍ଡିଆନ୍ସ ମଧ୍ୟରେ ଖେଳାଯିବ।

ଟ୍ୱିନ୍‌ସିଟିରେ ଅମାନିଆଙ୍କ ଠାରୁ ଆଦାୟ ହୋଇଛି ୨୧ କୋଟିରୁ ଊର୍ଦ୍ଧ୍ୱ ଟଙ୍କାର ଜରିମାନା

0

ଭୁବନେଶ୍ୱର: ଟ୍ୱିନ୍ ସିଟିରେ ଅମାନିଆଙ୍କ ଠାରୁ ଆଦାୟ ହୋଇଛି ୨୧କୋଟି ୬୨ଲକ୍ଷ ୯୯ହଜାର ୧୦୦ ଟଙ୍କା ଜରିମାନା । ୨୦୨୦-୨୧ ବର୍ଷ ଅଗଷ୍ଟ ମାସ ଶେଷ ସୁଦ୍ଧା ଏହି ଜରିମାନା ଆଦାୟ କରିଛି ପୋଲିସ ।  ଟ୍ରାଫିକ ନିୟମ ଉଲଘଂନ କରି ୮ ମାସରେ ୧୧ କୋଟି ୮୩ ଲକ୍ଷ ୬୫ ହଜାର ୭୦୦ ଟଙ୍କା ଫାଇନ ଆଦାୟ ହୋଇଛି । ବିନା ହେଲମେଟ ଧାରୀଙ୍କ ଠୁଁ ୯ କୋଟି ୨୦ ଲକ୍ଷ ୯ ହଜାର ୩ ଶହ ଆଦାୟ ହୋଇଛି । ବିନା ସିଟ ବେଲ୍ଟ ୫୬ ଲକ୍ଷ ୬ ହଜାର ୧୦୦ ଟଙ୍କା ଫାଇନ ଆଦାୟ ହୋଇଛି । ବିନା ମାସ୍କ ଧାରୀଙ୍କଠୁଁ ୩ ଲକ୍ଷ ୧୮ ହଜାର ଟଙ୍କା ଆଦାୟ ହୋଇଥିବା ଗୃହରେ ଉତ୍ତର ରଖିଛନ୍ତି ସ୍ୱରାଷ୍ଟ୍ର ମନ୍ତ୍ରୀ ଦିବ୍ୟ ଶଙ୍କର ମିଶ୍ର । କମିଶନରେଟ୍ ପୋଲିସ ଅଞ୍ଚଳରେ ଜରିମାନା ଆଦାୟ ସମ୍ପର୍କରେ ବିଧାୟକ ସୌଭିକ୍ ବିଶ୍ୱାଳ ପଚାରିଥିବା ପ୍ରଶ୍ନର ଉତ୍ତର ଏହା କହିଛନ୍ତି ମନ୍ତ୍ରୀ ଶ୍ରୀ ମିଶ୍ର ।

ଏଥିସହିତ ପଢ଼ନ୍ତୁ: ଟ୍ରାଫିକ୍ ନିୟମ ଉଲ୍ଲଂଘନ ଅଭିଯୋଗରେ ମୃତବ୍ୟକ୍ତିଙ୍କ ନାଁରେ ଚାଲାଣ କଟିଲା

ଅତିରିକ୍ତ ଜିଲ୍ଲପାଳଙ୍କ କାର୍ଯ୍ୟାଳୟ ସମ୍ମୁଖରେ ସ୍ୱାମୀ-ସ୍ତ୍ରୀ’ଙ୍କ ମାରପିଟ୍‌: ଥାନାରେ ଅଟକ

ବାଲେଶ୍ୱର: ଜିଲ୍ଲାପାଳଙ୍କ କାର୍ଯ୍ୟାଳୟ ପରିସରରେ ଦେଖିବାକୁ ମିଳିଛି ଏକ ଅଭାବନୀୟ ଘଟଣା । ଅତିରିକ୍ତ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଭାଇ, ଭଉଣୀଙ୍କ ସହିତ ଅନ୍ୟ ଦୁଇଜଣ ମହିଳା ମାରପିଟ୍ କରୁଥିବାର ଦେଖିବାକୁ ମିଳିଥିଲା । ସ୍ୱାମୀ-ସ୍ତ୍ରୀଙ୍କ ମଧ୍ୟରେ ଥିବା ବିବାଦ ଯୋଗୁଁ ଏଭଳି ଘଟଣା ଘଟିଥିବା ଜଣାପଡ଼ିଛି । ବାଲେଶ୍ୱର ଟାଉନ ଥାନା ଅନ୍ତର୍ଗତ ବଙ୍କାଖଜୁରୀ ଛକ ନିକଟରେ ଥିବା ଆକଟପୁର ଗାଁର ସିଦ୍ଧାର୍ଥ ନାୟକ ଗତ ୨୦୧୮ ମସିହା ଜୁଲାଇ ୭ ତାରିଖରେ ବାହାନଗା ବ୍ଲକ୍‌ ଗଣ୍ଡସ୍ଥପୁର ଗାଁର ସୁବାସିନୀ ମହାନ୍ତିଙ୍କ ସହିତ ବିବାହ କରିଥିଲେ । ବିବାହ ପରଠାରୁ ସୁବାସିନୀଙ୍କୁ ପରିବାର ଲୋକେ ନିର୍ଯାତନା ଦେଉଥିବା ଅଭିଯୋଗ ହେଉଥିଲା । ତେବେ ଗତ ୨୦୨୦ ମସିହା ସେପ୍ଟେମ୍ବର ୨୨ ତାରିଖରେ ସୁବାସିନୀଙ୍କୁ ସ୍ୱାମୀ ସିଦ୍ଧାର୍ଥ, ନଣନ୍ଦ ମଧୁସ୍ମିତା ଓ ପରିବାର ଲୋକେ ମାଡ଼ ମାରି ଘରୁ ବାହାର କରିଦେଇଥିଲେ । ସେହି ଗାଁର ଅଙ୍ଗନବାଡ଼ି କର୍ମୀ ଗୌରୀ ନାୟକଙ୍କ ସହଯୋଗରେ ସୁବାସିନୀ ଶ୍ୱଶୁର ଘର ଲୋକଙ୍କ ବିରୋଧରେ ଥାନାରେ ଏତାଲା ଦେଇଥିଲେ । ଆଜି ଏହି ମାମଲାର ବାଲେଶ୍ୱର ପରିବାର ଅଦାଲତରେ ପ୍ରଥମ ତାରିଖ ଥିଲା । ଉଭୟ ସ୍ୱାମୀ-ସ୍ତ୍ରୀ ଅଦାଲତରେ ହାଜର ହୋଇ ଫେରିବା ସମୟରେ ବଚସା ହୋଇଥିଲେ । ଉଭୟେ ଉତକ୍ଷୀପ୍ତ ହେବା ପରେ ହତାହତି ହୋଇଥିଲେ । ତାଙ୍କ ସହିତ ଥିବା ଅଙ୍ଗନବାଡ଼ି କର୍ମୀ ଗୌରୀଙ୍କୁ ମଧ୍ୟ ସିଦ୍ଧାର୍ଥ ଓ ତାଙ୍କ ଭଉଣୀ ମଧୁସ୍ମିତା ମାଡ଼ ମାରିଥିବା ଅଭିଯୋଗ ହୋଇଛି । ସହଦେବଖୁଣ୍ଟା ଥାନାରେ ଅଭିଯୋଗ ହେବାପରେ ପୋଲିସ ସିଦ୍ଧାର୍ଥ ଓ ମଧୁସ୍ମିତାଙ୍କୁ ଥାନାରେ ପଚରା ଉଚରା କରୁଛି ।

ଏଥିସହିତ ପଢ଼ନ୍ତୁ: ଟ୍ରାଫିକ୍ ନିୟମ ଉଲ୍ଲଂଘନ ଅଭିଯୋଗରେ ମୃତବ୍ୟକ୍ତିଙ୍କ ନାଁରେ ଚାଲାଣ କଟିଲା