spot_img
Home Blog Page 5398

ବଙ୍ଗୋପସାଗରରେ ଦାନା ବାନ୍ଧୁଛି ୩ ଲଘୁଚାପ

ଭୁବନେଶ୍ୱର: ବଙ୍ଗୋପସାଗରରେ ଦାନା ବାନ୍ଧୁଛି ତିନି ତିନିଟି ଲଘୁଚାପ। ଆନ୍ଧ୍ର ଉପକୂଳ ଏବଂ ଏହାର ଆଖପାଖରେ ଏକ ଘୂର୍ଣ୍ଣିବଳୟ ସୃଷ୍ଟି ହୋଇଥିବା ବେଳେ ଆଉ ଏକ ଘୂର୍ଣ୍ଣିବଳୟ ପୂର୍ବ କେନ୍ଦ୍ରୀୟ ବଙ୍ଗୋପସାଗରରେ ସୃଷ୍ଟି ହୋଇଛି।

ସେହିପରି ଆସନ୍ତା ୬ ତାରିଖ ବେଳକୁ ଉତ୍ତର ଏବଂ କେନ୍ଦ୍ରୀୟ ବଙ୍ଗୋପସାଗରରେ ଏକ ଲଘୁଚାପ କ୍ଷେତ୍ର ସୃଷ୍ଟି ହେବାର ସମ୍ଭାବନା ରହିଛି । ଘନିଭୂତ ହେବା ପରେ ଏହା ପଶ୍ଚିମ ଏବଂ ଉତ୍ତର ପଶ୍ଚିମ ଦିଗରେ ଗତି କରିବ । ଏହି ତିନୋଟି ସିଷ୍ଟମ୍ ପ୍ରଭାବରେ ରାଜ୍ୟରେ ବର୍ଷାର ପରିମାଣ ବଢିବ ।

ଆସନ୍ତା ୨୪ ଘଣ୍ଟା ମଧ୍ୟରେ ଉତ୍ତର ଉପକୂଳ ଓଡ଼ିଶା ସମେତ ଦକ୍ଷିଣ ଓଡ଼ିଶାର କିଛି ଜିଲ୍ଲାରେ ଘଡଘଡି ବିଜୁଳି ସହ ବର୍ଷା ହେବ ବୋଲି ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ କେନ୍ଦ୍ର । ବିଶେଷ କରି କୋରାପୁଟ, ନବରଙ୍ଗପୁର, କଳାହାଣ୍ଡି ଏବଂ ନୂଆପଡାରେ ପ୍ରବଳ ବର୍ଷା ସମ୍ଭାବନା ଥିବାରୁ ୟେଲୋ ଆଲର୍ଟ ଜାରି କରିଛି ପାଣିପାଗ କେନ୍ଦ୍ର । ୬ ତାରିଖରେ ମାଲକାନଗିରି, କୋରାପୁଟ, ଗଞ୍ଜାମ, ଗଜପତି, ପୁରୀ, ଖୋର୍ଦ୍ଧା, ଜଗତସିଂହପୁର, ନୟାଗଡ ଏବଂ କଟକରେ ପ୍ରବଳ ବର୍ଷା ପାଇଁ ସତର୍କତା ଜାରି କରାଯାଇଛି ।

ଏହି ବର୍ଷା ୮ ତାରିଖ ପର୍ଯ୍ୟନ୍ତ ଲାଗି ରହିବ ବୋଲି ସୂଚନା ଦେଇଛି ପାଣିପାଗ କେନ୍ଦ୍ର । ଜୁନ୍ ୧ ତାରିଖରୁ ସେପ୍ଟେମ୍ବର ୩ ତାରିଖ ପର୍ଯ୍ୟନ୍ତ ରାଜ୍ୟରେ ୬୭୧.୬ ମିଲିମିଟର ବର୍ଷା ରେକର୍ଡ କରାଯାଇଛି । ରାଜ୍ୟର ୨୪ଟି ଜିଲ୍ଲାରେ ନିଅଣ୍ଟିଆ ବର୍ଷା ହୋଇଥିବା ବେଳେ ୬ଟି ଜିଲ୍ଲାରେ ସ୍ବାଭାବିକ ବର୍ଷା ରେକର୍ଡ କରାଯାଇଛି । ନିଅଣ୍ଟିଆ ବର୍ଷା ପାଇଁ ଯାଜପୁର, ଭଦ୍ରକ, ବଲାଙ୍ଗିର, ଝାରସୁଗୁଡା ଏବଂ ଅନୁଗୁଳ ଜିଲ୍ଲା ସବୁଠାରୁ ଅଧିକ ପ୍ରଭାବିତ ହୋଇଛି ।

ଆପଣଙ୍କ ଶରୀରରେ ଦେଖାଯାଉଛି କି ଏସବୁ ଲକ୍ଷଣ; ଭୁଲରେ ବି କରନ୍ତୁନି ଅଣଦେଖା…

କାହାକୁ କେତେବେଳେ ହାର୍ଟ ଆଟାକ୍ ହେବ ତାହା କଳ୍ପନା କରିବା କଷ୍ଟ । ଦେଶରେ ହୃଦଘାତରେ ଅସମୟରେ ଅନେକ ଲୋକଙ୍କର ପ୍ରାଣହାନୀ ମଧ୍ୟ ଘଟୁଛି । ଏ ଯେମିତି ମାତ୍ର ୪୦ ବର୍ଷ ବୟସରେ ହୃଦଘାତରେ ପ୍ରାଣ ହରାଇଛନ୍ତି ବିଗ୍ ବସ୍ ୧୩ର ବିଜେତା ତଥା ଲୋକପ୍ରିୟ ଅଭିନେତା ସିଦ୍ଧାର୍ଥ ଶୁକ୍ଲା।

ନା ତାଙ୍କର ବୟସ ଅଧିକ ଥିଲା, ନା ହିଁ ତାଙ୍କ ଶରୀର ଅସୁସ୍ଥ ଥିଲା । ତେବେ ଏହିଭଳି ଅଚାନକ ତାଙ୍କର ମୃତ୍ୟୁ ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଛି। ହାର୍ଟ ଆଟାକ୍ ଏଭଳି ଏକ ରୋଗ ଯାହା ପ୍ରତିବର୍ଷ ବହୁ ଲୋକଙ୍କର ଜୀବନ ନେଇଥାଏ। ବିଶେଷଜ୍ଞଙ୍କ ଅନୁସାରେ ଏହି ସମସ୍ୟା ୬୦ ବର୍ଷରୁ ଅଧିକ ବୟସ୍କ, ମେଦ ବହୁଳ, ଡାଏବେଟିସ୍, ହାଇ କୋଲେଷ୍ଟ୍ରଲ ଏବଂ ଉଚ୍ଚ ରକ୍ତଚାପରେ ପୀଡିତ ଲୋକଙ୍କଠାରେ ଦେଖାଯାଏ। କେବଳ ଏତିକି ନୁହେଁ, ଆଜିକାଲି ଲୋକଙ୍କ ଜୀବନଶୈଳୀରେ ପରିବର୍ତ୍ତନ ମଧ୍ୟ ହୃଦଘାତର ସମସ୍ୟାକୁ ଅଧିକ ବଢାଉଛି । ତେବେ ଚାଲନ୍ତୁ ଜାଣିବା ହୃଦଘାତର ଲକ୍ଷଣ ବିଷୟରେ, ଯାହାକୁ ଅଣଦେଖା କରିବା ବିଲକୁଲ ବି ଉଚିତ୍ ନୁହେଁ।

ଛାତିରେ ଯନ୍ତ୍ରଣା
ଛାତିରେ ଯନ୍ତ୍ରଣା ଅନୁଭବ କରିବା ଏକ ସାଧାରଣ କଥା। ଖାସ୍ କରି ହାର୍ଟ ବ୍ଲକେଜ୍ ଓ ହାର୍ଟ ଆଟାର୍କ ସମୟରେ ଏଭଳି ଅନୁଭବ ହୋଇଥାଏ । ହେଲେ ସମସ୍ତଙ୍କ କ୍ଷେତ୍ରରେ ଏହି ଅନୁଭବ ଭିନ୍ନ ଭିନ୍ନ ହୋଇଥାଏ । କିଛି ଲୋକଙ୍କ ଛାତିରେ ଯନ୍ତ୍ରଣା ହେଉଥିବା ବେଳେ ଆଉ କେତେଜଣ ଛାତିରେ କିଛି ଫୋଡି ହେଇଯାଉଥିବା ଅନୁଭବ କରିଥାନ୍ତି । ଆଉ କିଛି ଲୋକଙ୍କୁ ହାର୍ଟ ଆଟାକ୍ ସମୟରେ ଛାତିରେ ଜଳାପୋଡା, ପେଟରେ ଯନ୍ତ୍ରଣା ଅନୁଭବ ହୋଇଥାଏ। ତେବେ ପୁରୁଷଙ୍କ ତୁଳନାରେ ମହିଳାଙ୍କ ଶରୀରରେ ଏହା ଅଧିକ ଦେଖାଦେଇଥାଏ ।

ନ୍ୟାସନାଲ କ୍ରାଇମ ରେକର୍ଡ ବ୍ୟୁରୋର ତଥ୍ୟ ଅନୁସାରେ ହୃଦଘାତ ଜନିତ ମୃତ୍ୟୁ ସଂଖ୍ୟା ଗତ କିଛି ବର୍ଷ ଭିତରେ ଦେଶରେ ଦୃତ ଗତିରେ ବଢ଼ିବାରେ ଲାଗିଛି । ତଥ୍ୟ ଅନୁସାରେ, ଦେଶରେ ୨୦୧୪ରେ ୧୮ ହଜାର ୩୦୯, ୨୦୧୫ରେ ୧୮ ହଜାର ୮୨୦, ୨୦୧୬ରେ ୨୧ ହଜାର ୯୧୪, ୨୦୧୭ରେ ୨୩ ହଜାର ୨୪୬, ୨୦୧୮ରେ ୨୫ ହଜାର ୭୬୪, ୨୦୧୯ରେ ୨୮ ହଜାର ୫ଜଣଙ୍କର ହୃଦଘାତ ଯୋଗୁଁ ମୃତ୍ୟୁ ହୋଇଛି ।

ହାର୍ଟ ଆଟାକର ବିଭିନ୍ନ କାରଣ ରହିଛି

ସାମାନ୍ୟ ବାହୁ ଯନ୍ତ୍ରଣା ବି ହୃଦଘାତ ଜନିତ ସମସ୍ୟା ସୃଷ୍ଟିକରିପାରେ । ଏହି ଯନ୍ତ୍ରଣା ଛାତିରୁ ଆରମ୍ଭ ହୋଇ ବାହାରକୁ ଯାଇଥାଏ । କିନ୍ତୁ ଏମିତି ଅନେକ ରୋଗୀ ରହିଛନ୍ତି, ଯେଉଁମାନଙ୍କୁ ପ୍ରଥମେ ହାତରେ କଷ୍ଟ ହୋଇଥାଏ, ଯାହା ପରବର୍ତୀ ସମୟରେ ହାର୍ଟ ଆଟାକ୍ ରୂପ ନେଇଥାଏ ।

ଅନେକ ସମୟରେ ଆମେ ଓପାସରେ ରହିଥାଉ । ଯାହା ଫଳରେ ବହୁ ସମୟ ଯାଏଁ ନ ଖାଇ ରହିବା ଦ୍ୱାରା ମୁଣ୍ଡ ବୁଲାଏ । କିନ୍ତୁ ଯଦି ଆପଣ ହଠାତ୍ ଅସୁସ୍ଥତା ଅନୁଭବ କରନ୍ତି ଆଉ ନିଶ୍ୱାସ ନେବାରେ ଅସୁବିଧା ହୁଏ, ତେବେ ତୁରନ୍ତ ଡାକ୍ତରଙ୍କ ସହିତ ଯୋଗାଯୋଗ କରିବା ଆବଶ୍ୟକ । ଏହାକୁ ସାମାନ୍ୟ ଭାବି ଅଣଦେଖା କଲେ ହୁଏତ ଏହା ଘାତକ ସାବ୍ୟସ୍ତ ହୋଇପାରେ । ବିଶେଷଜ୍ଞଙ୍କ ମୁତାବିକ ଏହାର କାରଣ- ବ୍ଲଡ୍ ପ୍ରେସର ହ୍ରାସ କିମ୍ବା ହାର୍ଟ ଠିକ୍ ଭାବେ ଚାଲୁନାହିଁ । ଏହି କ୍ଷେତ୍ରରେ ହୃଦଘାତର ସମ୍ଭାବନା ଅଧିକ ରହିଥାଏ ।

ଏସବୁ ଲକ୍ଷଣ ଆପଣଙ୍କୁ ସାଧାରଣ ଲାଗିଲେ ବି ଏହା ମାରାତ୍ମକ । ବେକ ଓ ଥୋଡି ସହ ସିଧାସଳଖ ଛାତିର ସମ୍ପର୍କ ନଥିଲେ ବି ଯଦି ଏଥିରେ ଅଧିକ ଯନ୍ତ୍ରଣା ଅନୁଭୂତ ହୁଏ । ତେବେ ଏହା ହୃଦଘାତର ସଙ୍କେତ ଦେଇଥାଏ । ତେବେ ଏହିସବୁ ଲକ୍ଷଣ ସାଧାରଣ ଲକ୍ଷଣ ଲାଗିଲେ ବି ଏହା ହୃଦଘାତ ଭଳି ବଡ ରୋଗର କାରଣ ହୋଇପାରେ । ତେଣୁ ବେଳହୁଁ ସାବଧାନ ହୁଅନ୍ତୁ ଏବଂ ଡାକ୍ତରଙ୍କ ସହ ପରାମର୍ଶ କରନ୍ତୁ ।

ତାଲିବାନ କବଳକୁ ଗଲା ପଞ୍ଜଶିର, ଏବେ ପୂରା ଆଫଗାନିସ୍ତାନ ଉପରେ ରାଜ୍ !

କାବୁଲ: ଘମାସାନ ଯୁଦ୍ଧ ପରେ ତାଲିବାନ କବଳକୁ ଗଲା ପଞ୍ଜଶିର। କିଛି ଦିନର ଲଢେଇ ପରେ ବିଦ୍ରୋହୀଙ୍କ ପରାଜୟ ହୋଇଥିବା କୁହାଯାଇଛି। କିନ୍ତୁ ପଞ୍ଜଶିରର ପତନ ହୋଇନାହିଁ ବୋଲି ଦାବି କରିଛନ୍ତି ବିଦ୍ରୋହୀ ଗୋଷ୍ଠୀ ନେତା ତଥା ପୂର୍ବତନ ଉପରାଷ୍ଟ୍ରପତି ଅମରୁଲ୍ଲା ସାଲେହ। ଏହାବ୍ୟତୀତ ସେ ଦେଶ ଛାଡି ଚାଲିଯାଇଥିବା ଖବରକୁ ମଧ୍ୟ ଖଣ୍ଡନ କରିଛନ୍ତି।

Taliban Are All Set To Form Government In Afghanistan After Friday Prayers

ନିଜକୁ ଆଫଗାନିସ୍ତାନର ରାଷ୍ଟ୍ରପତି ବୋଲି ଦାବି କରୁଥିବା ଅମରୁଲ୍ଲା କହିଛନ୍ତି, ସେ ପଞ୍ଜଶିରରେ ହିଁ ଅଛନ୍ତି । ଏବଂ ଅନ୍ୟ ଦେଶକୁ ଚାଲିଯିବା ଖବର ଗୁଜବ । ତାଲିବାନ ବିରୋଧରେ ଯୁଦ୍ଧ ଜାରି ରହିବ ଏବଂ ସେ ସ୍ୱାଭିମାନର ସହ ନିଜ ଜନ୍ମମାଟି ଲାଗି ଲଢେଇ ଜାରି ରଖିବେ। ଅମରୁଲ୍ଲାଙ୍କ ପୁଅ ଅବଦୁଲ୍ଲା ସାଲେହ ମଧ୍ୟ କହିଛନ୍ତି ପଞ୍ଜଶିର ତାଲିବାନ ହାତକୁ ଯାଇନାହିଁ।

Afghanistan Crisis Taliban Violets Ceasefire Attack In Panjshir

ଅପରପକ୍ଷେ ଅମାନୁଲ୍ଲାଙ୍କ ସହଯୋଗୀ ଅହମ୍ମଦ ମାସୁଦ କହିଛନ୍ତି, ପଞ୍ଜଶିର ଏବେ ବି ତାଙ୍କ କବଜାରେ ରହିଛି । ଏହା ତାଲିବାନ ହାତକୁ ଯାଇନାହିଁ । ସାରା ଆଫଗାନିସ୍ତାନକୁ ତାଲିବାନ କବଜା କରିଥିବା ବେଳେ କେବଳ ପଞ୍ଜଶିର ସେମାନଙ୍କ ହାତକୁ ଯାଇ ନଥିଲା। ଏବେ ବି ଅହମ୍ମଦ ମାସୁଦ ଓ ଅମରୁଲ୍ଲାଙ୍କ ନେତୃତ୍ୱରେ ହଜାର ହଜାର ବିଦ୍ରୋହୀ ତାଲିବାନର ପ୍ରତିରୋଧ କରୁଥିବା କୁହାଯାଉଛି।

ସେପଟେ ମହିଳା ବିଚାରପତିଙ୍କ ବିରୋଧରେ ପଦକ୍ଷେପ ନେଇଛି ତାଲିବାନ। ଯେଉଁ ମହିଳା ବିଚାରପତିମାନେ ତାଲିବାନ କର୍ମୀଙ୍କୁ ବିଭିନ୍ନ ଦଣ୍ଡ ଶୁଣାଇଥିଲେ ସେମାନଙ୍କୁ ଖୋଜିବା ଆରମ୍ଭ କରିଛନ୍ତି । ଦେଶର ୨୫୦ରୁ ଅଧିକ ମହିଳା ବିଚାରପତିଙ୍କ ଜୀବନ ଏବେ ବିପଦରେ ଥିବା ବେଳେ କିଛି ବିଚାରପତି ଦେଶ ଛାଡି ଚାଲିଯାଉଥିବା ସୂଚନା ମିଳିଛି। ଏନେଇ ସେମାନେ ବିଶ୍ୱ ସମୁଦାୟର ଦୃଷ୍ଟି ଆକର୍ଷଣ କରିଛନ୍ତି ।

ଟୋକିଓ ପାରା ଅଲମ୍ପିକ୍ସ: ଦମଦାର ପ୍ରଦର୍ଶନ ସହ ଫାଇନାଲରେ ପ୍ରବେଶ କଲେ ପ୍ରମୋଦ

ଟୋକିଓ: ଟୋକିଓ ପାରା ଅଲମ୍ପିକ୍ସରେ ଦମ୍ ଦେଖାଇଲେ ଓଡ଼ିଆ ପୁଅ ପ୍ରମୋଦ ଭଗତ। ପାରା ଅଲମ୍ପିକ୍ସରେ ସିଙ୍ଗଲ ବ୍ୟାଡମିଣ୍ଟନ ଇଭେଣ୍ଟରେ ଦମଦାର ପ୍ରଦର୍ଶନ କରି ଫାଇନାଲରେ ପ୍ରବେଶ କରିଛନ୍ତି ପ୍ରମୋଦ।

ଏହି ଦମଦାର ପ୍ରଦର୍ଶନ ସହ ପ୍ରମୋଦଙ୍କ ପଦକ ପକ୍କା ହୋଇଛି । ସେମିରେ ଜାପାନର ଦାଇସୁକ ଫୁଜିହାରାଙ୍କୁ ହରାଇ ଫାଇନାଲ ଟିକେଟ୍ ହାସଲ କରିଛନ୍ତି ପ୍ରମୋଦ । ପୁରୁଷ ସିଙ୍ଗିଲ SL -୩ ଇଭେଣ୍ଟରେ ପ୍ରମୋଦ ଦେଖାଇଛନ୍ତି ଜଲୱା ।

ସୂଚନା ଅନୁଯାୟୀ, ସ୍ୱର୍ଣ୍ଣ ପାଇଁ ଅପରାହ୍ଣରେ ମୁକାବିଲା ହେବ । ପ୍ରମୋଦ ୫ ଥର ବିଶ୍ୱ ଚାମ୍ପିୟନ ଟାଇଟଲ ହାତେଇଛନ୍ତି । ପାରା ଅଲମ୍ପିକସରେ ଭାରତ ଭଲ ପ୍ରଦର୍ଶନ ସହ ଏବେ ସୁଦ୍ଧା ଭାରତ ୧୩ ପଦକ ଜିତିଛି।

୨୦୧୯ରେ ବିଜୁ ପଟ୍ଟନାୟକ କ୍ରୀଡା ପୁରସ୍କାର ପାଇଥିଲେ ପ୍ରମୋଦ । ସେହିପରି ୨୦୧୯ରେ ରାଜ୍ୟର ପ୍ରଥମ ପାରା କ୍ରୀଡାବିତ୍ ଭାବେ ଅର୍ଜୁନ ପୁରସ୍କାର ପାଇଥିଲେ । ବରଗଡ଼ ଅତାବିରାରେ ଜନ୍ମିତ ପ୍ରମୋଦ ୧୩ ବର୍ଷରୁ ବ୍ୟାଡମିଣ୍ଟନ ଖେଳ ଆରମ୍ଭ କରିଥିଲେ ।

ପଳାଇଲେ ଅମରୁଲ୍ଲା, ଶେଷରେ ତାଲିବାନ ହାତକୁ ଗଲା ପଞ୍ଜଶୀର ଭ୍ୟାଲି

କାବୁଲ: ତାଲିବାନ ହାତକୁ ଗଲା ଆଫଗାନିସ୍ଥାନ ପଞ୍ଜଶୀର ଭ୍ୟାଲି । ନର୍ଦନ ଆଲିଆନ୍ସ ସହ ଘମାସାନ୍ ଲଢେଇରେ ତାଲିବାନ ବିଜୟ ହାସଲ କରିଛି । ପୂର୍ବତନ ଉପରାଷ୍ଟ୍ରପତି ଅମରୁଲ୍ଲା ସାଲେହ ଏବେ ତାଜିକିସ୍ତାନ ଚାଲିଯାଇଥିବା ସୂଚନା ରହିଛି । ପୂର୍ବରୁ ସମଗ୍ର ଆଫଗାନିସ୍ତାନକୁ କବଜା କରିଥିଲେ ବି ପଞ୍ଜଶୀରକୁ ପସି ପାରିନଥିଲା ତାଲିବାନ । ଶୁକ୍ରବାର କାବୁଲଠାରୁ ୧୫୦ କିମି ଦୂରରେ ଥିବା ଏହି ଅଞ୍ଚଳକୁ ପୁଣି ଅକ୍ତିଆର ପାଇଁ କରିଥିବା ଉଦ୍ୟମ ସଫଳ ହୋଇଥିବା ତାଲିବାନ ପକ୍ଷରୁ ଦାବି କରାଯାଇଛି ।

ପଞ୍ଜଶୀର ଅକ୍ତିଆର ବେଳେ ତାଲିବାନ ଏବଂ ନର୍ଦନ ଆଲିଆନ୍ସ ଭିତରେ ଆକ୍ରମଣ ପ୍ରତିଆକ୍ରମଣ ହୋଇଥିଲା । ଏଥିରେ ଅନେକ ନର୍ଦନ ଆଲିଆନ୍ସ ସୈନ୍ୟଙ୍କ ମୃତ୍ୟୁ ହୋଇଥିବା ସୂଚନା ରହିଛି । ସେହିପରି ତାଲିବାନର ମଧ୍ୟ ୫୦ରୁ ଅଧିକ ବ୍ୟକ୍ତିଙ୍କର ମଧ୍ୟ ମୃତ୍ୟୁ ଘଟିଥିବା ନେଇ ଜାତୀୟ ଗଣମାଧ୍ୟମରେ ଚର୍ଚ୍ଚା ହୋଇଥିଲା  ।  ପୂର୍ବରୁ ରାଷ୍ଟ୍ରପତି ଘନି ଦେଶ ଛାଡି ଚାଲିଯାଇଥିବାବେଳେ ଏବଂ ଉପରାଷ୍ଟ୍ରପତି ଅମରୁଲ୍ଲା ସାଲେହ ମଧ୍ୟ ପଳାଇ ଯାଇଥିବା ନେଇ  ଏଥିସହ ପୁରା ଆଫଗାନିସ୍ତାନକୁ କବଜାକୁ ନେଇଛି ତାଲିବାନ ।

୫ ବର୍ଷ ପରେ ମିଳିଲା ନ୍ୟାୟ, ଦୁଷ୍କର୍ମ ଅଭିଯୁକ୍ତକୁ ୧୦ ଜେଲ ଦଣ୍ଡ

କନ୍ଧମାଳ: ବିଳମ୍ବରେ ହେଉ ପଛେ ମିଳିଲା ନ୍ୟାୟ । ୫ ବର୍ଷ ପରେ ଦୁଷ୍କର୍ମ ଅଭିଯୁକ୍ତକୁ ୧୦ ଜେଲ ଦଣ୍ଡ ସହ ୧୦ ହଜାର ଟଙ୍କାର ଜୋରିମାନା ଶୁଣାଇଛନ୍ତି କୋର୍ଟ । କନ୍ଧମାଳ ଜିଲ୍ଲା ଫିରିଙ୍ଗିଆ ଅଞ୍ଚଳର ଏକ ଦୁଷ୍କର୍ମ କେସ ବିଚାର କରିଛନ୍ତି ଫାଷ୍ଟ ଟ୍ରାକ ପୋସ୍କୋ କୋର୍ଟ  ।

ଫିରିଙ୍ଗିଆ ଅଞ୍ଚଳର ଅଭିଯୁକ୍ତ ଜୟ ଦିଗାଲକୁ ଦଶ ବର୍ଷ ସଶ୍ରମ କାରାଦଣ୍ଡରେ ଦଣ୍ଡିତ କରିବା ସହ ଦଶ ହଜାର ଟଙ୍କା ଜରିମାନା ଦେବାକୁ ନିର୍ଦ୍ଦେଶ ଦେଇଛନ୍ତି କୋର୍ଟ । ଜରିମାନ ଅନାଦେୟ ହେଲେ ୬ ମାସ ଅଧିକ ଜେଲ ଦଣ୍ଡ ଭୋଗିବାକୁ ନିର୍ଦ୍ଦେଶ ଦେଇଛନ୍ତି କୋର୍ଟ ।

ଭିନ୍ନକ୍ଷମଙ୍କୁ ମିଳିବ ଉନ୍ନତ ଚିକିତ୍ସା ସୁବିଧା, ଏସଆଇଇପି ପ୍ରତିଷ୍ଠାନ ଲୋକାର୍ପଣ

ଭୁବନେଶ୍ୱର: ଭିନ୍ନକ୍ଷମଙ୍କୁ ମିଳିବ ଉନ୍ନତ ଚିକିତ୍ସା ସୁବିଧା । ଏସଆଇଇପି ପ୍ରତିଷ୍ଠାନର ଲୋକାର୍ପଣ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ୧୩ କୋଟି ଟଙ୍କା ବ୍ୟୟ ଅଟ୍ଟକଳରେ ନିର୍ମିତ ଏହି ପ୍ରତିଷ୍ଠାନରେ ୭ କୋଟି ଟଙ୍କାର ଅତ୍ୟାଧୁନିକ ଚିକିତ୍ସା ଉପକରଣ ରହିଛି । ଏହା ଦ୍ୱାରା ଫିଜିଓଥେରାପି, ଅକ୍ୟୁପସନାଲ ଥେରାପି ଓ ମାନସିକ ରୋଗ ଥେରାପି ସହଜ ହୋଇପାରିବ ।

ପ୍ରତିଷ୍ଠାନରେ ଏକାକାଳୀନ ୨ଶହ ଜଣଙ୍କ ଚିକିତ୍ସା କରାଯାଇପାରିବ । ଆଗାମୀ ଦିନରେ ରାଜ୍ୟରେ ଏଭଳି ୧୦ଟି ବ୍ରାଞ୍ଚ ଖୋଲିବା ପାଇଁ ଯୋଜନା ରହିଛି । ରାଜ୍ୟ ତଥା ରାଜ୍ୟ ବାହାରର ଶହ ଶହ ରୋଗୀ ଏହା ଦ୍ୱାରା ଚିକିତ୍ସା ସୁବିଧା ପାଇପାରିବେ ।

ଦୂରଦର୍ଶୀ କ୍ରୀଡା ସମ୍ନାନ ପାଇଲେ ନନ୍ଦିଘୋଷ ଟିଭି ସ୍ପୋର୍ଟସ ରିପୋର୍ଟର୍ ଦେବୀ ପ୍ରସନ୍ନ ପାଣିଗ୍ରାହୀ

ଭୁବନେଶ୍ୱର: ନନ୍ଦିଘୋଷ ଟିଭିର ସ୍ପୋର୍ଟସ ରିପୋର୍ଟର୍ ଦେବୀ ପ୍ରସନ୍ନ ପାଣିଗ୍ରାହୀଙ୍କୁ ଦୂରଦର୍ଶୀ କ୍ରୀଡା ସମ୍ନାନ।  ରାଜ୍ୟ କ୍ରୀଡାମନ୍ତ୍ରୀଙ୍କ ଠାରୁ  ଦୂରଦର୍ଶୀ କ୍ରୀଡା ସମ୍ମାନ ଗ୍ରହଣ କରିଛନ୍ତି ଦେବୀପ୍ରସନ୍ନ ପାଣିଗ୍ରାହୀ। ଏହି ଅବସରରେ ହକି କୋଚ୍ କାଳୁ ଚୌଧୁରୀ, ମହିଳା ଅନ୍ତର୍ଜାତୀୟ କ୍ରିକେଟର ସୁଶ୍ରୀ ଦିବ୍ୟଦର୍ଶିନୀ ପ୍ରମୁଖଙ୍କୁ ଏହି ସମ୍ମାନ ପ୍ରଦାନ କରାଯାଇଛି।

ଦୂରଦର୍ଶୀ ପକ୍ଷରୁ କ୍ରୀଡା ସାମ୍ବାଦିକତା ଓ କ୍ରୀଡା କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ଦୀର୍ଘ ବର୍ଷ ଧରି ଏହି ସମ୍ମାନ ଦିଆଯାଉଅଛି । ଆଜିର ଉତ୍ସବରେ କ୍ରୀଡା ମନ୍ତ୍ରୀ ତୁଷାରକାନ୍ତି ବେହେରା, ବିଧାୟକ ଅନନ୍ତ ନାରାୟଣ ଜେନା, ସୁଶାନ୍ତ ରାଉତ ପ୍ରମୁଖ ଅତିଥି ଭାବେ ଯୋଗଦେଇଥିଲେ  ।

୨୫ ଏକର ଜମିରେ ନିର୍ମାଣ ହେବ ଆଇକନିକ୍ ଆଦର୍ଶ ବିଦ୍ୟାଳୟ, ପଢିବେ 500 ଛାତ୍ରଛାତ୍ରୀ

ଭୁବନେଶ୍ୱର: ଶିକ୍ଷା କ୍ଷେତ୍ରରେ ରାଜ୍ୟ ସରକାରଙ୍କ ଗୁରୁତ୍ୱପୂର୍ଣ୍ଣ ଘୋଷଣା । ଭୁବନେଶ୍ୱର ଅନ୍ଧାରୁଆରେ ପ୍ରତିଷ୍ଠା ହେବ ଆଇକନିକ୍ ଆଦର୍ଶ ବିଦ୍ୟାଳୟ । 25 ଏକର ଜମିରେ ଏହା ପ୍ରତିଷ୍ଠା ହେବ । ଏହି ବିଦ୍ୟାଳୟରେ 500 ଛାତ୍ରଛାତ୍ରୀ ଯୁକ୍ତଦୁଇ ପଢିବାର ବ୍ୟବସ୍ଥା ରହିବ । ରାଜ୍ୟରେ ଥିବା 314 ବ୍ଲକରେ ଥିବା ଆଦର୍ଶ ବିଦ୍ୟାଳୟରୁ ବଛାବଛା ମେଧାବୀ ଛାତ୍ରଛାତ୍ରୀ ଏହି ସ୍କୁଲରେ ପଢିବାର ସୁବିଧା ପାଇବେ । ଆସନ୍ତା ୫ତାରିଖରେ ଆଇକନିକ୍ ଆଦର୍ଶ ବିଦ୍ୟାଳୟ ଶୁଭ ଦିଆଯିବ ।

ରାଜ୍ୟ ସରକାର ଶିକ୍ଷାକୁ ଗୁରୁତ୍ୱ ଦେହବା ସହ ପ୍ରାଥମିକ ଶିକ୍ଷାରେ ଯେପରି ରାଜ୍ୟର ସମସ୍ତ ଛାତ୍ରଛାତ୍ରୀ ଜଡ଼ିତ ହୋଇପାରିବେ ସେନେଇ ଗୁରୁତ୍ୱ ଦେଇଛନ୍ତି  । ଗଞ୍ଜାମ ଜିଲ୍ଲାରେ ୫T ଅନ୍ତ୍ରର୍ଗତରେ ମଡେଲ କ୍ଲାସରୁମ ମଧ୍ୟ ନିକଟରେ ଉଦଘାଟନ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ  । ନିକଟରେ 25 ଏକର ଜମିରେ ରାଜଧାନୀ ଉପକଣ୍ଠ ଅନ୍ଧାରୁଆରେ ନିର୍ମିାଣ ହେବାକୁ ଯାଉଛି ନୂତନ ଆଦର୍ଶ ବିଦ୍ୟାଳୟ  ।

 

ଆସିଲା ପଞ୍ଜାବ ନିର୍ବାଚନର ଏବିପି ସିଭୋଟର ତାଲିକା, କଂଗ୍ରେସକୁ ପଛରରେ ପକାଇଲା ଆପ୍‌

0

ନୂଆଦିଲ୍ଲୀ: ଆସନ୍ତା ବର୍ଷ ହେବାକୁ ଥିବା ବିଧାନସଭା ନିର୍ବାଚନ ପୂର୍ବରୁ ପଞ୍ଜାବରେ ରାଜନୈତିକ ମାହୋଲ ସରଗରମ ହେବାରେ ଲାଗିଛି।  ନିର୍ବାଚନକୁ ନେଇ ହୋଇଥିବା ଏବିପି-ସି ଭୋଟର ସର୍ଭେରେ ପରେ ଏବେ ନିର୍ବାଚନୀର ରଙ୍ଗରେ ପରିବର୍ତ୍ତନ ହୋଇଛି। କାରଣ ପଞ୍ଜାବରେ ବଡ଼ ଧରଣର ପରିବର୍ତ୍ତନ ହେବାର ସମ୍ଭାବନା ରହିଛି। ଏହି ସର୍ଭେରେ ପଞ୍ଜାବରେ କଂଗ୍ରେସ ତାର ସତା ହରାଉଛି ବୋଲି ପୂର୍ବାନୁମାନ କରିଦେଇଛି। କଂଗ୍ରସକୁ ହରାଇ ଆସନ୍ତା ବର୍ଷ ଆପ୍‌ ପଞ୍ଜାବରେ ସରକାର ଗଢ଼ିବ ବୋଲି ସିଭୋଟର ଆଗୁଆ ହିଣ୍ଟ ହେଇଛି। ଏହି ସର୍ଭେରେ ଆମ୍ ଆଦମୀ ପାର୍ଟିକୁ ପଞ୍ଜାବରେ ସର୍ବାଧିକ ୫୧ ରୁ ୫୭ ଟି ସିଟ୍ ମିଳିବ ବୋଲି ହୋଉଛି ଯୋରସୋରରେ ଚାର୍ଚ୍ଚା। ଶାସକ କଂଗ୍ରେସ ଦଳରର ଭୋଟ ବକ୍ସରେ ୩୮ରୁ ୪୬ ଟି ଆସନ ଆସିପାରେ ବୋଲି ପୂର୍ବାନୁମାନ କରାଯାଇଛି।

ବାସ୍ତବରେ, ପଞ୍ଜାବରେ ବିଧାନସଭା ନିର୍ବାଚନ ପୂର୍ବରୁ ଶାସକ କଂଗ୍ରେସ ଦଳବାଦ ସହ ଲଢ଼ୁଛି। କଂଗ୍ରେସ ସଭାପତି ନବଜୋତ ସିଂ ସିଦ୍ଧୁ ଏବଂ ମୁଖ୍ୟମନ୍ତ୍ରୀ କ୍ୟାପଟେନ ଅମରିନ୍ଦର ସିଂଙ୍କ ମଧ୍ୟରେ ବିବାଦ କହାକୁ ବି ଅଛପା ନାହିଁ। ଏହା ବ୍ୟତୀତ ଶିରୋମଣି ଅକାଳୀ ଦଳ ଏବଂ ମୁଖ୍ୟ ବିରୋଧୀ ଆମ୍ ଆଦମୀ ପାର୍ଟି ଅମରିନ୍ଦର ସରକାର ଉପରେ କ୍ରମାଗତ ଟାର୍ଗେଟ କରୁଛନ୍ତି। ଏହି ସମୟରେ ସି ଭୋଟର ସର୍ଭେ ପଞ୍ଜାବରେ ରାଜନୈତିକ ମାହୋଲକୁ ସରଗରମ କରିଦେଇଛି