spot_img
Home Blog Page 5416

ଶପଥ ନେଲେ ସୁପ୍ରିମକୋର୍ଟର ୯ ବିଚାରପତି, ୩ ଜଣ ମହିଳା ବିଚାରପତି ସାମିଲ

ନୁଆଦିଲ୍ଲୀ: ଶପଥ ନେଲେ ସୁପ୍ରିମକୋର୍ଟର ୯ ବିଚାରପତି। ଜଷ୍ଟିସ ବି .ଭି. ନାଗରତ୍ନାଙ୍କ ସମେତ ଶପଥ ନେଇଛନ୍ତି ୯ ବିଚାରପତି। ନୂଆ ବିଚାରପତିଙ୍କୁ ଶପଥ ପାଠ କରାଇଥିଲେ ପ୍ରଧାନ ବିଚାରପତି ଜଷ୍ଟିସ ଏନ୍‌. ଭି ରମଣା। କିଛି ଦିନ ତଳେ ସୁପ୍ରିମକୋର୍ଟରେ ୯ଜଣ ବିଚାରପତି ଯୋଗଦେବା ସଂକ୍ରାନ୍ତ କଲେଜିୟମ ସୁପାରିସକୁ ମଞ୍ଜୁରୀ ଦେଇଥିଲେ କେନ୍ଦ୍ର ସରକାର। ଶପଥ ନେବା ପରେ ଦେଶରେ ପ୍ରଥମ ଥର ଲାଗି ଜଣେ ମହିଳା ପ୍ରଧାନବିଚାପତି ଆସୀନ ହେବା ସମ୍ଭାବନା ଉଜ୍ଜ୍ବଳ ହୋଇଛି। ଏହି ୯ ଜଣ ବିଚାରପତି ହେଲେ କର୍ଣ୍ଣାଟକ ହାଇକୋର୍ଟର ମୁଖ୍ୟ ବିଚାପତି ଜଷ୍ଟିସ ଏଏସ ଓକା ଓ ଜଷ୍ଟିସ ବିଭି ନାଗରତ୍ନା, ତେଲଙ୍ଗାନା ହାଇକୋର୍ଟର ମୁଖ୍ୟ ବିଚାରପତି ଜଷ୍ଟିସ ହିମା କୋହଲି, ଗୁଜରାଟ ହାଇକୋର୍ଟର ମୁଖ୍ୟ ବିଚାରପତି ଜଷ୍ଟିସ ବିକ୍ରମନାଥ, ସିକ୍କିମ ହାଇକୋର୍ଟର ମୁଖ୍ୟ ବିଚାରପତି ଜଷ୍ଟିସ ଜେକେ ମାହେଶ୍ୱରୀ, କେରଳ ହାଇକୋର୍ଟର ଜଷ୍ଟିସ ସିଟି ରବିକୁମାର, ମାଡ୍ରାସ ହାଇକୋର୍ଟର ଜଷ୍ଟିର ଏମଏମ ସୁନ୍ଦ୍ରେଶ, ଗୁଜରାଟ ହାଇକୋର୍ଟର ଜଷ୍ଟିସ ବେଳା ଏମ ତ୍ରିବେଦୀ ପ୍ରମୁଖ। ଜଣେ ବରିଷ୍ଠ ଆଇନଜୀବୀ ପିଏସ ନରସିଂହ୍ମା ମଧ୍ୟ ଏହି ପଦକୁ ଉନ୍ନୀତ ହୋଇଛନ୍ତି। ଏମାନଙ୍କ ମଧ୍ୟରେ ୩ ଜଣ ମହିଳା ବିଚାରପତି ସାମିଲ ଅଛନ୍ତି। ଏମାନଙ୍କ ମଧ୍ୟରୁ ଜଷ୍ଟିସ ନାଗରତ୍ନା ଦେଶର ପ୍ରଧାନ ବିଚାରପତି ହେବା ଆଶା ରହିଛି। ୧୯୫୦ ଜାନୁଆରୀ ୨୬ରେ ପ୍ରତିଷ୍ଠିତ ସୁପ୍ରିମକୋର୍ଟରେ ଆଜିଯାଏଁ ମାତ୍ର ୮ ଜଣ ମହିଳା ବିଚାରପତି ନିଯୁକ୍ତି ପାଇଛନ୍ତି ଦେଶର ପ୍ରଥମ ମହିଳା ବିଚାରପତି ଥିଲେ ୧୯୮୯ରେ ନିଯୁକ୍ତ ଏମ. ଫାତିମା ବିବି।

ବିଳମ୍ବିତ ରାତିରେ ସଡ଼କ ଦୁର୍ଘଟଣା, ଏକା ସାଙ୍ଗରେ ଚାଲିଗଲେ ୭ ଜଣ

ନୂଆଦିଲ୍ଲୀ: ବେଙ୍ଗାଳୁରୁରେ ମର୍ମନ୍ତୁଦ ସଡ଼କ ଦୁର୍ଘଟଣା। ବିଳମ୍ବିତ ରାତିରେ କୋରମଙ୍ଗଳ ଅଞ୍ଚଳରେ ବିଦ୍ୟୁତ୍ ଖୁଣ୍ଟର ପିଟିହେଲା ଅଡି କାର୍। କାର୍‌ରେ ଥିବା ୭ଜଣ ଯାତ୍ରୀଙ୍କ ମୃତ୍ୟୁ ହୋଇଥିବା ସୂଚନା ମିଳିଛି । ଘଟଣାସ୍ଥଳରେ ହିଁ ୬ ଜଣଙ୍କର ମୃତ୍ୟୁ ହୋଇଥିବା ବେଳେ ଜଣଙ୍କୁ ଗୁରୁତର ଅବସ୍ଥାରେ ମେଡିକାଲ ନିଆଯାଇଥିଲା । ସେଠାରେ ତାଙ୍କର ମଧ୍ୟ ମୃତ୍ୟୁ ହୋଇଛି ।

ମୃତକଙ୍କ ମଧ୍ୟରେ ୩ଜଣ ମହିଳା ଅଛନ୍ତି । ଦୁର୍ଘଟଣାରେ କାର୍ ସଂପୂର୍ଣ୍ଣ ଭାଙ୍ଗିରୁଜି ଚୁରମାର ହୋଇଯାଇଛି । ରାତି ପ୍ରାୟ ଗୋଟାଏ ୪୫ରେ ଦ୍ରୁତ ଗତିରେ କାରଟି ବିଦ୍ୟୁତ୍ ଖୁଣ୍ଟକୁ ଧକ୍କା ଦେଇଥିଲା । ଘଟଣାସ୍ଥଳରେ ଆଦୁଗୋଡି ପୋଲିସର ତଦନ୍ତ ଜାରି ରହିଛି ।

ମୌସୁମୀ ଅଧିବେଶ ପୂର୍ବରୁ ସୁରକ୍ଷା ବ୍ୟବସ୍ଥା ଯାଞ୍ଚ କଲେ ଡିଜିପି ଅଭୟ, ଡିସିପିଙ୍କ ସୁପରଭିଜନରେ ରହିବ ସୁରକ୍ଷା ବ୍ୟବସ୍ଥା

ଭୁବନେଶ୍ୱର: କାଲିଠୁ ଆରମ୍ଭ ହେବାକୁ ଯାଉଛି ବିଧାନସଭା ମୌସୁମୀ ଅଧିବେଶନ। ଏନେଇ ସୁରକ୍ଷା ବଳୟ ଭିତରେ ରହିଛି ବିଧାନସଭା ଗୃହ। ତେବେ ଆଜି ବିଧାନସଭାର ସୁରକ୍ଷା ବ୍ୟବସ୍ଥାର ଯାଞ୍ଚ କଲେ ପୋଲିସ ଡିଜି ଅଭୟ। ବିଧାନସଭା ଭିତର ଓ ବାହାରର ସୁରକ୍ଷା ବ୍ୟବସ୍ଥା ତନତନ କରି ଯାଞ୍ଚ କରିଛନ୍ତି ଡିଜିପି। ବିଧାନସଭା ମୌସୁମୀ ଅଧିବେଶନ ପାଇଁ ତ୍ରିସ୍ତରୀୟ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଇଥିବା ବେଳେ ସୁରକ୍ଷା ବ୍ୟବସ୍ଥାରେ ସନ୍ତୋଷ ବ୍ୟକ୍ତ କରିଛନ୍ତି ଡିଜିପି।

ଡିସିପିଙ୍କ ସୁପରଭିଜନରେ ରହିବ ସୁରକ୍ଷା ବ୍ୟବସ୍ଥା। ୩୫ ପ୍ଲାଟୁନ ଫୋର୍ସ, ୧୫୦ପୋଲିସ ଅଧିକାରୀ ନିୟୋଜିତ ହୋଇଛନ୍ତି। ୬ ଅତିରିକ୍ତ ଡିସିପି , ୧୨ ଏସିପି, ୧୩ ଇନସ୍ପେକ୍ଟର, ୬୪ଏସଆଇ ଓ ଏଏସଆଇ, ୨ ୟୁନିଟ୍ ଏସଓଜି ଯବାନ ନିୟୋଜିତ ହୋଇଛନ୍ତି। କୁଇକ୍ ରିଆକ୍ସନ ଟିମ୍ ଓ ଷ୍ଟ୍ରାଇକିଂ ଫୋର୍ସ ନିୟୋଜିତ ହୋଇଥିବା ବେଳେ ୫ଟି କଣ୍ଟ୍ରୋଲ ରୁମ୍ ବ୍ୟବସ୍ଥା ହୋଇଛି। ଧାରଣାସ୍ଥଳ ଉପରେ ସ୍ୱତନ୍ତ୍ର ନଜର ରହିବ ବୋଲି କହିଛନ୍ତି ପୋଲିସ କମିଶନର। ୯ ଦିନିଆ ମୌସୁମୀ ଅଧିବେଶନ ସୁରୁଖୁରୁରେ ଚାଲିବ ବୋଲି କହିଛନ୍ତି ପୋଲିସ କମିଶନର। ନିୟମ ନମାନିଲେ କଡ଼ା କାର୍ଯ୍ୟାନୁଷ୍ଠାନ ହେବ ବୋଲି ସେ କହିଛନ୍ତି।

ରାଜ୍ୟରେ ଖସିବାରେ ଲାଗିଛି କରୋନା ସଂକ୍ରମଣ, ଚିହ୍ନଟ ହେଲେ ୬୩୮ ନୂଆ ସଂକ୍ରମିତ

ଭୁବନେଶ୍ୱର: ରାଜ୍ୟରେ ଆଉ ୬୩୮ କରୋନା ଆକ୍ରାନ୍ତ ଚିହ୍ନଟ। ଜନ୍ମରୁ ୧୮ ବର୍ଷ ମଧ୍ୟରେ ୧୧୦ ପଜିଟିଭ ଚିହ୍ନଟ ହୋଇଥିବା ବେଳେ ୨୪ଘଣ୍ଟାରେ ସୁସ୍ଥ ହୋଇଛନ୍ତି ୮୪୩ ଆକ୍ରାନ୍ତ। ୨୬ ଜିଲ୍ଲା ଓ ଷ୍ଟେଟପୁଲରୁ ସଂକ୍ରମିତ ଚିହ୍ନଟ ହୋଇଥିବା ବେଳେ କ୍ୱାରେଣ୍ଟାଇନରୁ ୩୬୭, ଲୋକାଲ କେସ୍ ୨୭୧। ଖୋର୍ଦ୍ଧାରୁ ସର୍ବାଧିକ ୨୬୦, କଟକ ଓ ଷ୍ଟେଟପୁଲରୁ ୫୭ଜଣ ଲେଖାଏଁ ସଂକ୍ରମିତ ଚିହ୍ନଟ ହୋଇଛନ୍ତି। ଯାଜପୁରରୁ ୩୪, ବାଲେଶ୍ୱରରୁ ୨୩, କେନ୍ଦ୍ରାପଡା ଓ ପୁରୀରୁ ୨୧ଜଣ ଲେଖାଏଁ, ମୟୂରଭଞ୍ଜରୁ ୨୦, ଜଗତସିଂହପୁର ଓ ସୁନ୍ଦରଗଡ଼ରୁ ୧୯ଜଣ ଲେଖାଏଁ, ଅନୁଗୁଳରୁ ୧୬, ଭଦ୍ରକ ଓ ବୌଦ୍ଧରୁ ୧୨ଜଣ ଲେଖାଏଁ, ଦେବଗଡ଼ରୁ ୧୧, ଢେଙ୍କାନାଳରୁ ୧୦, ନୟାଗଡ଼, ନୂଆପଡା, ରାୟଗଡ଼ା ଓ ସମ୍ବଲପୁରରୁ ୭ଜଣ ଲେଖାଏଁ, ବରଗଡ଼ରୁ ୬, ଗଞ୍ଜାମ, ଝାରସୁଗୁଡାରୁ ୪ଜଣ ଲେଖାଏଁ, ମାଲକାନଗିରିରୁ ୩, କନ୍ଧମାଳ, କେନ୍ଦୁଝର ଓ ନୂଆପଡାରୁ ୨ଜଣ ଲେଖାଏଁ, ଗଜପତି, କଳାହାଣ୍ଡିରୁ ଜଣେ ଲେଖାଏଁ ଆକ୍ରାନ୍ତ ଚିହ୍ନଟ ହୋଇଛନ୍ତି।

ପ୍ରବଳ ବର୍ଷା ସାଙ୍ଗକୁ ଘଡ଼ଘଡ଼ି, ବଜ୍ରାଘାତରେ ଚାଲିଗଲା ୨୫ ଗାଇଙ୍କ ଜୀବନ

ସମ୍ବଲପୁର: ବଜ୍ରାଘାତରେ ୨୫ ଗାଈ ମୃତ। ଏମିତି ଅଘଟଣ ଘଟିଛି ସମ୍ବଲପୁର ଜିଲ୍ଲା ରେଢାଖୋଲ ଅଞ୍ଚଳରେ। ଗତକାଲି ଅପରାହ୍ନରେ ପ୍ରବଳ ବର୍ଷା ସାଂଗକୁ ବଜ୍ରାଘାତ ହେବାରୁ ହୋଇଥିଲା। ଏହି ବଜ୍ରାଘାତ ସମୟରେ ଗାଈ ଗୋଠରେ ଥିବା ଗାଈ ମଧ୍ୟରୁ ୨୫ ଗାଈ ମୃତ ହୋଇଥିବା ବେଳେ କିଛି ଗାଈ ଗୁରୁତର ଓ ସାମାନ୍ୟ ଆହତ ହୋଇଛନ୍ତି। ରେଢ଼ାଖୋଲ ଉପଖଣ୍ଡ କିସିଣ୍ଡା ଥାନା ଜରେସିଙ୍ଘା ଗାଁରେ ଗାଈସବୁ ଏକ ଗଛମୂଳରେ ଗୋଠରେ ଥିବା ବେଳେ ହଠାତ ବଜ୍ରପାତ ହୋଇଥିଲା। ଫଳରେ ଘଟଣାସ୍ଥଳରେ ହିଁ ୨୫ଟି ଗାଈଙ୍କ ମୃତ୍ୟୁ ହୋଇଥିଲା।

ଆଫଗାନିସ୍ତାନରେ ଦୀର୍ଘ ୨୦ ବର୍ଷର ଆଧିପତ୍ୟରେ ପଡିଲା ପୂର୍ଣ୍ଣଚ୍ଛେଦ, ଶେଷ ହେଲା ସୈନ୍ୟ ପ୍ରତ୍ୟାହାର ପ୍ରକ୍ରିୟା

କାବୁଲ: ଆଫଗାନିସ୍ତାନରୁ ଶେଷ ହେଲା ଆମେରିକାର ସୈନ୍ୟ ପ୍ରତ୍ୟାହାର ପ୍ରକ୍ରିୟା। ଦୀର୍ଘ ୨୦ ବର୍ଷର ଆଧିପତ୍ୟରେ ପଡିଲା ପୂର୍ଣ୍ଣଚ୍ଛେଦ। ଆଫଗାନ ମାଟିରୁ ବିଦାୟ ନେଲା ଆମେରିକା। ଶେଷ ପର୍ଯ୍ୟାୟ ଉଦ୍ଧାର ପ୍ରକ୍ରିୟାରେ ଅବଶିଷ୍ଟ ସୈନ୍ୟଙ୍କୁ ଆମେରିକା ନେଇଯାଇଛି। ଆମେରିକା ସେଣ୍ଟ୍ରାଲ କମାଣ୍ଡ ମୁଖ୍ୟ ଜେନେରାଲା କେନେଥ ମାକେନଜି ଶେଷ ଘୋଷଣାରେ କହିଛନ୍ତି, ଆଫଗାନିସ୍ତାନରୁ ସମସ୍ତ ସୈନ୍ୟ ପ୍ରତ୍ୟାହାର କରାଯିବା ସହ ୨୦ବର୍ଷର ସାମରିକ ମିଶନର ଅନ୍ତ ଘଟିଛି।

ଗତକାଲି ଠିକ୍ ମଧ୍ୟରାତ୍ରୀରେ ସି୧୭ ସାମରିକ ବିମାନରେ ହମିଦ କାର୍ଜାଇ ଆନ୍ତର୍ଜାତିକ ବିମାନବନ୍ଦରରୁ ଅବଶିଷ୍ଟ ସୈନ୍ୟ ସ୍ୱଦେଶ ଫେରିଯାଇଥିଲେ। ଏହି ବିମାନରେ ମାର୍କିନ ସୈନ୍ୟ, କିଛି କମାଣ୍ଡର, ରାଷ୍ଟ୍ରଦୂତ ରସ୍ ଓ୍ୱିଲସନ ଓ ଅନ୍ୟ କିଛି କର୍ମଚାରୀ ଆଫଗାନ ମାଟି ଛାଡିଥିଲେ। ଏହା ସହ କାବୁଲସ୍ଥିତି ମାର୍କିନ ଦୂତାବାସରେ ମଧ୍ୟ ତାଲା ଝୁଲିବା ଦେଖାଯାଇଥିଲା। ପ୍ରାୟ ୧ ଲକ୍ଷ ୩୦ ହଜାର ଲୋକଙ୍କୁ ଉଦ୍ଧାର କରାଯିବା ସହ ସେମାନଙ୍କୁ ନିଜ ନିଜ ଦେଶକୁ ପଠାଇଦେବା ପରେ ଆମେରିକାର ମିଶନ ଶେଷ ହୋଇଥିଲା। ଶେଷ ପର୍ଯ୍ୟାୟ ସୈନ୍ୟ ପ୍ରତ୍ୟାହାର ପରେ ଆମେରିକା ରାଷ୍ଟ୍ରପତି ଜୋ ବିଡେନ କହିଛନ୍ତି, ୨୦ ବର୍ଷ ପରେ ଆମେରିକାର ଦାୟିତ୍ୱ ଶେଷ ହୋଇଛି।

ଏବେ ବଳକା ଲୋକଙ୍କୁ ନିରାପଦରେ ସେମାନଙ୍କ ନିଜ ନିଜ ଦେଶକୁ ଫେରାଇବା ଦାୟିତ୍ୱ ତାଲିବାନର। ଅଗଷ୍ଟ ୩୧କୁ ଡେଡଲାଇନ ବୋଲି ଆମେରିକା ରାଷ୍ଟ୍ରପତି ଜୋ ବିଡେନ ଘୋଷଣା କରିଥିବା ବେଳେ, ଏହି ତାରିଖ ସୁଦ୍ଧା ଦେଶ ଛାଡିବା ଲାଗି ତାଲିବାନ ବି ଡେଡଲାଇନ ଶୁଣାଇଥିଲା। ପୂର୍ବରୁ ବ୍ରିଟେନ, ଫ୍ରାନ୍ସ, ଜର୍ମାନୀ, କାନଡା ଆଦି ୨୦ରୁ ଅଧିକ ଦେଶ ପକ୍ଷରୁ ମିଶନ ଶେଷ ହୋଇଯାଇଥିଲା ଏବଂ ସେମାନଙ୍କ ଦେଶର ନାଗରିକମାନେ ସ୍ୱଦେଶ ଫେରିଯାଇଥିଲେ। ଗତ ୨୦୦୧ରେ ଆମେରିକାର ଟ୍ରେଡ ଟାଓ୍ୱାର ଉଡାଇ ଦେବା ପରେ ଅଲ କାଇଦା ଓ ଅନ୍ୟ ଆତଙ୍କବାଦୀ ସଂଗଠନ ବିରୋଧରେ କାର୍ଯ୍ୟାନୁଷ୍ଠାନ ସହ ଆଫଗାନ ମାଟିକୁ ଯେପରି ଆମେରିକା ବିରୋଧରେ ଉପଯୋଗ କରାଯାଇପାରିବ ନାହିଁ ସେନେଇ ଆମେରିକା ଓ ନାଟୋ ସୈନ୍ୟ ସେଠାରେ ମୁତୟନ ହୋଇଥିଲେ। ଡେଡଲାଇନ ସରିବା ଆଗରୁ କାବୁଲ ବିମାନ ବନ୍ଦରରେ ବିସ୍ଫୋରଣ ସହ ରକେଟ ଓ କ୍ଷେପଣାସ୍ତ୍ର ମାଡ ଘଟଣା ଦେଶର ଅସ୍ଥିରତାକୁ ଅଧିକ ଦୋହଲାଇ ଦେଇଥିଲା।

ଅଶ୍ଳିଳ ଭିଡ଼ିଓ ପଠାଇ ପ୍ରେମ ନିବେଦନ ଏବଂ ଶାରୀରିକ ସମ୍ପର୍କ ପାଇଁ ବାଧ୍ୟ କରୁଛନ୍ତି ଅଧ୍ୟାପକ

ଯାଜପୁର: କଲେଜ ଛାତ୍ରଙ୍କୁ ଶାରୀରିକ ସମ୍ପର୍କ ପାଇଁ ବାଧ୍ୟ କରୁଛନ୍ତି ଅଧ୍ୟାପକ। ରସିକିଆ ଅଧ୍ୟାପକ ପାଠ ପଢ଼ାଇବା ବଦଳରେ କରୁଛନ୍ତି ଶାରୀରିକ ସମ୍ପର୍କ ପାଇଁ ବାଧ୍ୟ। ଯାଜପୁର ଚିତାଳୋ କଲେଜର ଅଧ୍ୟାପକ ନିରଂଜନ ପଣ୍ଡାଙ୍କ ବିରୋଧରେ  କଲେଜ ଛାତ୍ର ଆଣିଛନ୍ତି ଏଭଳି ସାଂଘାତିକ ଅଭିଯୋଗ।

ଅଭିଯୋଗ ମୁତାବକ ଅଧ୍ୟାପକ ଜଣକ ବିଭିନ୍ନ ଛାତ୍ରଙ୍କୁ ଅଶ୍ଳିଳ ଭିଡ଼ିଓ ପଠାଇ ପ୍ରେମ ନିବେଦନ କରିବା ସହିତ ନିଜ ରୁମକୁ ଡକାଇଥାନ୍ତି। ତାଙ୍କୁ ପ୍ରେମ କରିବା ସହିତ ରାତିରେ ତାଙ୍କ ରୁମରେ ରହିବା ପାଇଁ ବାଧ୍ୟ କରନ୍ତି। ଅମାନ୍ୟ ହେଲେ ପରିକ୍ଷାରେ ମାର୍କ କମାଇ ଦେବାର ଧମକ ଦେଇଥାନ୍ତି। ଏପରିକି ଅଧ୍ୟାପକଙ୍କ ଅଶ୍ଳିଳ ବାର୍ତାଳପ ଏବଂ ମୋବାଇଲ ସ୍କ୍ରିନ ସଟ ଏବେ ଭାଇରାଲ ହୋଇଛି। ଅଧ୍ୟାପକଙ୍କ ଏଭଳି କାରନାମା ବିରୋଧରେ ଅଭିଯୋଗ କରିବା ପରେ ଛାତ୍ରଙ୍କୁ ମାଡ ମରାଯାଇଥିବା ଅଭିଯୋଗ ହୋଇଛି। ପୋଲିସ ଅଧ୍ୟାପକଙ୍କୁ ଅଟକ ରଢ଼ଖି ତଦନ୍ତ ଚଳାଇଛି।

ସଂସ୍କୃତି ବିଭାଗ ପୂର୍ବତନ ନିର୍ଦ୍ଦେଶକ ଅମରେନ୍ଦ୍ର ପଟ୍ଟନାୟକଙ୍କ ପରଲୋକ

ଭୁବନେଶ୍ୱର: ସଂସ୍କୃତି ବିଭାଗର ପୂର୍ବତନ ନିର୍ଦ୍ଦେଶକ ଅମରେନ୍ଦ୍ର ପଟ୍ଟନାୟକଙ୍କ ପରଲୋକ ହୋଇଛି । ୬୫ବର୍ଷ ବୟସରେ ଚିକିତ୍ସାଧୀନ ଅବସ୍ଥାରେ ତାଙ୍କର ଦେହାନ୍ତ ହୋଇଛି । କୋଭିଡରେ ଆକ୍ରାନ୍ତ ହୋଇ ଘରୋଇ ହସ୍ପିଟାଲରେ ଭର୍ତ୍ତି ହୋଇଥିଲେ ସେ । ହେଲେ ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ଘଟିଥିବା ସୂଚନା ରହିଛି । CHSEର ମଧ୍ୟ ଅଧ୍ୟକ୍ଷ ଥିଲେ ଅମରେନ୍ଦ୍ର ପଟ୍ଟନାୟକ ।

ଏଥିସହିତ ପଢ଼ନ୍ତୁ: ଆସନ୍ତାକାଲି ଆସିବ ସେପ୍ଟେମ୍ୱର ଗାଇଡଲାଇନ୍: ହଟିପାରେ ସପ୍ତାହାନ୍ତ ସଟ୍‌ଡାଉନ୍

ବିଜେପି ଛାଡ଼ିଲେ ମିଳୁଛି ଧମକ ଚମକ: ଏସ୍‌ପିଙ୍କୁ ଦେଲେ ଲିଖିତ ଅଭିଯୋଗ

ବାରିପଦା: ମୟୂରଭଞ୍ଜରେ ବିଦ୍ରୋହୀ ବିଜେପି ଜିଲ୍ଲା ପରିଷଦ ସଭ୍ୟ ସଭ୍ୟା ମାନଙ୍କ ପରିବାରକୁ ରହିଛି ବିପଦ । ସେମାନଙ୍କୁ ସୁରକ୍ଷା ଦେବା ସହିତ ଦୋଷୀମାନଙ୍କ ବିରୁଦ୍ଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ମୟୂରଭଞ୍ଜ ଜିଲ୍ଲା ଆରକ୍ଷୀ ଅଧିକ୍ଷକଙ୍କ ନିକଟରେ ଲିଖିତ ଅଭଯୋଗ ଜଣାଇଛନ୍ତି ଜିଲ୍ଲାର ବିଜେପିରୁ ଇସ୍ତଫା ଦେଇଥିବା କିଛି ଜିଲ୍ଲା ପରିଷଦ ସଭ୍ୟ ସଭ୍ୟା । ଗତ ୨୭ ତାରିଖରେ ଭାରତୀୟ ଜନତା ପାର୍ଟିର ପ୍ରାଥମିକ ସଦସ୍ୟ ପଦରୁ ଇସ୍ତଫା ଦେଇଥିଲେ ୧୫ଜଣ ବିଜେପିର ଜିଲ୍ଲା ପରିଷଦ ସଭ୍ୟ ସଭ୍ୟା ।

ଏନେଇ ବିଜେପିର ରାଜ୍ୟ ସଭାପତି ସମୀର ମହାନ୍ତିଙ୍କ ନିକଟକୁ ଇସ୍ତଫା ପତ୍ର ପଠାଇଥିଲେ । ଇସ୍ତଫା ଦେବା ପରେ ଗତ ୨ ଦିନ ଧରି ଭାରତୀୟ ଜନତା ପାର୍ଟି ତରଫରୁ ବିଭିନ୍ନ ପ୍ରକାର ଧମକ ଚମକ ଦିଆଯାଇଥିବା ଅଭିଯୋଗ ଆଣିଛନ୍ତି ଜିଲ୍ଲାର ବିଦ୍ରୋହୀ ବିଜେପି ଜିଲ୍ଲା ପରିଷଦ ସଭ୍ୟ ।

ଲିଖିତ ଅଭିଯୋଗ ଅନୁସାରେ ବିଜେପି ଦଳର ଗୁଣ୍ଡାମାନେ ପ୍ରାୟ ଶତାଧିକ ମୋଟର ସାଇକେଲରେ ଆସି ଇସ୍ତଫା ଦେଇଥିବା ସଭ୍ୟ ଓ ସଭ୍ୟମାନଙ୍କୁ ଜୀବନରୁ ମାରିଦେବାର ଧମକ ଦେଇ ବଳପୂର୍ବକ ସାଧା କାଗଜରେ ଦସ୍ତଖତ ନେଉଛନ୍ତି । ଯଦି ଦଳକୁ ନ ଫେରିବେ ତେବେ ବିଦ୍ରୋହୀ ବିଜେପି ସଭ୍ୟ ସଭ୍ୟା ମାନଙ୍କ ପରିବାରର ସଦସ୍ୟମାନଙ୍କ ଜୀବନ ପ୍ରତି ବିପଦ ରହିଥିବା ନେଇ ମୋବାଇଲରେ ଧମକ ଦେଉଥିବା ଅଭିଯୋଗ ହୋଇଛି ।

ଏଥିସହିତ ପଢ଼ନ୍ତୁ: ବିଜେପିରେ ବିରାଟ ଫାଟ, ଇସ୍ତଫା ଦେଲେ ୧୫ ଜିଲ୍ଲା ପରିଷଦ ସଦସ୍ୟ

ଏଥିସହିତ ପଢ଼ନ୍ତୁ: ଆସନ୍ତା ସେପ୍ଟେମ୍ବର ୪ ତାରିଖରୁ ରାଜ୍ୟରେ ବଢ଼ିବ ବର୍ଷାର ପରିମାଣ: ୫ ଜିଲ୍ଲାରେ ପ୍ରବଳ ବର୍ଷା ସମ୍ଭାବନା

 

ପାକିସ୍ତାନୀ NSAଙ୍କ ବୟାନ୍, ତାଲିବାନକୁ ସମର୍ଥନ ଦିଅ ନଚେତ ହୋଇପାରେ ୯/୧୧ ଭଳି ଆକ୍ରମଣ

ଇସଲାମାବାଦ: ପାକିସ୍ତାନ ବର୍ତ୍ତମାନ ବିଶ୍ୱ ସମ୍ମୁଖରେ ଖୋଲାଖୋଲି ଭାବେ ତାଲିବାନକୁ ସମର୍ଥନ କରୁଛି। ସୋମବାର ପାକିସ୍ତାନୀ ଜାତୀୟ ସୁରକ୍ଷା ପରାମର୍ଶଦାତା ମୋଇଦ ୟୁସୁଫଙ୍କ ବିବୃତ୍ତିରେ ଏହାର ପ୍ରମାଣ ଦେଖିବାକୁ ମିଳିଛି। ଅବଶ୍ୟ ବର୍ତ୍ତମାନ ନିଜର ଏହି ବିବୃତ୍ତିକୁ ବଦଳାଇ ଦେଇଛନ୍ତି। ଜାତୀୟ ଗଣମାଧ୍ୟମକୁ ଦେଇଥିବା ଏକ ସାକ୍ଷାତକାରରେ ମୋଇଦ ୟୁସୁଫ କହିଛନ୍ତି ଯେ ଯଦି ଆଫଗାନିସ୍ତାନର ନୂତନ ନେତୃତ୍ୱକୁ ସ୍ୱୀକୃତି ନ ଦିଆଯାଏ ତେବେ ପାଶ୍ଚାତ୍ୟ ଦେଶମାନେ ପୁଣି ଥରେ ୯/୧୧ ଭଳି ଆକ୍ରମଣର ଶିକାର ହୋଇପାରନ୍ତି। ଏଭଳି କହି ୟୁସୁଫ ପାଶ୍ଚାତ୍ୟ ଦେଶଗୁଡ଼ିକୁ ଖୋଲାଖୋଲି ଆକ୍ରମଣରଚେତାବନୀ ଦେଇଛନ୍ତି।

ସେ କହିଛନ୍ତି, ‘ଯଦି ୯୦ ଦଶକର ଭୁଲ ପୁନରାବୃତ୍ତି ହୁଏ ଏବଂ ଆଫଗାନିସ୍ତାନ ଏକୁଟିଆ କରିଦିଆଯାଏ, ତେବେ ଏହାର ପରିଣାମ ମଧ୍ୟ ସେହିଭଳି ହୋଇପାରେ। ଯଦି ସୁରକ୍ଷା ବ୍ୟବସ୍ଥାରେ ଟିକେ ବି ତ୍ରଟି ହୁଏ, ତେବେ ଏହାର ପରିଣାମ ପାକିସ୍ତାନ ହେଉ କି ପାଶ୍ଚାତ୍ୟ ଦେଶ ସମସ୍ତଙ୍କ ପାଇଁ ବିପଦଜନକ ହେବ।’

ତେବେ ଏହି ବିବାଦିୟ ବୟାନକୁ ନେଇ ସମାଲୋଚୋନା ହେବା ପରେ ୟୁସୁଫ ବର୍ତ୍ତମାନ ଖବରକାଗଜକୁ ସାକ୍ଷାତକାର ପ୍ରତ୍ୟାହାର କରିବାକୁ କହିଛନ୍ତି। ବାର୍ତ୍ତାଳାପକୁ ବିକୃତ କରାଯାଇଛି ବୋଲି ସେ କହିଛନ୍ତି।

ପ୍ରଧାନମନ୍ତ୍ରୀ ଇମ୍ରାନ ଖାନ ବି ତାଲିବାନକୁ କରିଛନ୍ତି ପ୍ରଶଂସା:

ଜଣାଇଦେବାକୁ ଚାହୁଁ ଯେ ଆଫଗାନିସ୍ତାନରେ ତାଲିବାନ କ୍ଷମତାକୁ ଆସିବା ପରେ ପାକିସ୍ତାନ ବିଶ୍ୱର ସେହିସବୁ ଦେଶ ମଧ୍ୟରେ ଅଛି ଯେଉଁମାନେ ଖୁସି ବ୍ୟକ୍ତ କରିଛନ୍ତି। ପ୍ରଧାନମନ୍ତ୍ରୀ ଇମ୍ରାନ ଖାନ ନିଜେ ତାଲିବାନକୁ ଅଭିନନ୍ଦନ ଜଣାଇଛନ୍ତି। ଏପରିକି ତାଲିବାନର କ୍ଷମତାକୁ ‘ଦାସତ୍ୱର ଶିକୁଳି ଭାଙ୍ଗିବା’ ଭଳି ପଦକ୍ଷେପ ବୋଲି ସେ କହିଥିଲେ। ତାଙ୍କ ପରେ ପାକିସ୍ତାନ ଅଧିକୃତ କାଶ୍ମୀରରେ ଜୈଶ-ଏ-ମହମ୍ମଦ ଏବଂ ଲଶ୍କର-ଏ-ତୋଇବା ଭଳି ଆତଙ୍କବାଦୀ ସଂଗଠନ ମଧ୍ୟ ତାଲିବାନକୁ ସମର୍ଥନ କରି ରାଲି କରିଥିଲେ। ଏହି ସମାବେଶର ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା। ପାକିସ୍ତାନ ବ୍ୟତୀତ ରୁଷ, ଚୀନ୍ ଏବଂ ତୁର୍କୀ ଭଳି ଦେଶ ମଧ୍ୟ ଆରମ୍ଭରୁ ତାଲିବାନ ସହିତ ଭଲ ସମ୍ପର୍କରେ ଥିବା ଦେଖିବାକୁ ମିଳୁଛି।