ମେଣ୍ଢାଶାଳ: ପର୍ଯ୍ୟଟକଙ୍କ ପାଇଁ ଖୁସି ଖବର । ଅଗଷ୍ଟ ପ୍ରଥମ ସପ୍ତାହରେ ଖୋଲିବ ନନ୍ଦନକାନନ । ସମସ୍ତ କୋଭିଡ ଗାଇଡ଼ଲାଇନ ପର୍ଯ୍ୟଟକମାନଙ୍କ ପାଇଁ ବାଧ୍ୟତାମୂଳକ ହେବ । ଜର, ଥଣ୍ଡା କାଶ ଥିଲେ ପର୍ଯ୍ୟଟକଙ୍କୁ ନନ୍ଦନକାନନ ମନା । ମାସ୍କ, ସାମାଜିକ ଦୂରତା, ଥର୍ମାଲ ସ୍କ୍ରିନିଂର ବ୍ୟବସ୍ଥା ରହିଛି । ନନ୍ଦନକାନନ ମଧ୍ୟରେ ଛେପ ପକାଇବାକୁ ବାରଣ କରାଯାଇଛି । ଜନ୍ତୁ ମାନଙ୍କୁ ଖୁଆଡ଼ ବ୍ୟାରିକେଟକୁ ଛୁଇଁବାକୁ ବାରଣ କରାଯାଇଛି । କରୋନା ଦ୍ୱିତୀୟ ଲହର ଯୋଗୁଁ ପଯ୍ୟଟକମାନଙ୍କ ସୁରକ୍ଷା ପାଇଁ କର୍ତ୍ତୃପକ୍ଷ 2021-ମେ ୧ତାରିଖ ଠାରୁ ବନ୍ଦ ରଖିଥିଲେ ନନ୍ଦନକାନନ । ପ୍ରଥମ ଲହର ଲକଡାଉନ ବେଳେ ୨୦୨୦-ମାର୍ଚ୍ଚ ୧୫-ରୁ ୭ମାସ ବନ୍ଦ ହୋଇ ଅକ୍ଟୋବର ୨ତାରିଖରେ ଖୋଲିଥିଲା । କୋଟି କୋଟି ରାଜସ୍ୱ କ୍ଷତି ହେବା ସହିତ, ପଯ୍ୟଟକଙ୍କ ସଂଖ୍ୟା ବି କମିବାରେ ଲାଗିଥିଲା । ଦ୍ୱିତୀୟ ଲହର ଲକଡାଉନରେ ୩-ମାସ ବନ୍ଦ ହୋଇ ଅଗଷ୍ଟ ପ୍ରଥମ ସପ୍ତାହ ରେ ଖୋଲିବାକୁ ଯାଉଛି । ସମ୍ପୂର୍ଣ କୋଭିଡି ଗାଇଡ଼ଲାଇନ ନିୟମ ସାହ ନନ୍ଦନକାନନ ଖୋଲାଯିବ ବୋଲି ସୂଚନା ଦେଇଛନ୍ତି ନନ୍ଦନକାନନ କର୍ତ୍ତୃପକ୍ଷ ।
CBSE Result 2021: ଜାଣନ୍ତୁ କିଭଳି ଡାଉନଲୋଡ୍ କରିବେ ଦଶମ ଓ ଦ୍ୱାଦଶ ଶ୍ରେଣୀ ଛାତ୍ରଛାତ୍ରୀଙ୍କ ରୋଲନମ୍ୱର
ନୂଆଦିଲ୍ଲୀ: ଖୁବଶୀଘ୍ର ସିବିଏସ୍ଇ ପକ୍ଷରୁ ବାତିଲ ହୋଇଥିବା ଦଶମ ଓ ଦ୍ୱାଦଶ ଶ୍ରେଣୀ ପରୀକ୍ଷା ଫଳ ଘୋଷଣା ହେବ । କରୋନା କାରଣରୁ ଏହି ସବୁ ପରୀକ୍ଷା ବାତିଲ ହୋଇଥିବା ବେଳେ ଛାତ୍ରଛାତ୍ରୀମାନେ ସେମାନଙ୍କ ରୋଲ ନମ୍ୱର ଥିବା କୌଣସି ଆଡମିଟ୍ କାର୍ଡ ପାଇନାହାନ୍ତି । ଏଣୁ ଛାତ୍ରଛାତ୍ରୀମାନଙ୍କୁ ରୋଲ ନମ୍ୱର ଯୋଗାଇଦେବା ନେଇ ବୋର୍ଡ ପକ୍ଷରୁ ଓ୍ୱେବସାଇଟରେ ବ୍ୟବସ୍ଥା କରାଯାଇଛି ।
ପ୍ରଥମେ https://www.cbse.gov.in/cbsenew/cbse.html କୁ ଯିବେ । ଓ୍ୱେବସାଇଟ ଖୋଲିଲା ପରେ ତଳେ ଦେଇଥିବା ରୋଲ୍ ନମ୍ୱର ଫାଇଣ୍ଡର ଲିଙ୍କ ଉପରେ କ୍ଳିକ୍ କରିବେ ।

ଏହାପରେ କଣ୍ଟିନିୟୁ ଉପରେ କ୍ଳିକ୍ କରିବେ ।

ଏହାରେ ଯଦି ଆପଣ ଦଶମ ଶେଣୀ ଛାତ୍ର ତେବେ ଦଶମ ଅବା ଦ୍ୱାଦଶ ଶ୍ରେଣୀ ଛାତ୍ର ତେବେ ଦ୍ୱାଦଶ ଉପରେ କ୍ଳିକ୍ କରିବେ ।

ଏହାରେ ଓ୍ୱେବସାଇଟରେ ମଗାଯାଇଥିବା ବିବରଣୀ ପ୍ରଦାନ କରିବେ । ଏଭଳି ଭାବେ ଆପଣ ଆପଣଙ୍କ ରୋଲ ନମ୍ୱର ପାଇପାରିବେ ।

ଆସନ୍ତା ୨୪ ଘଣ୍ଟା ମଧ୍ୟରେ ୬ ଜିଲ୍ଲାରେ ପ୍ରବଳରୁ ଅତି ପ୍ରବଳ ବର୍ଷା ସମ୍ଭାବନା
ବାଂଲାଦେଶ ଏବଂ ପଶ୍ଚିମବଙ୍ଗ ଆଖପାଖରେ ଥିବା ଓ୍ୱେଲମାର୍କ ଲୋ ପ୍ରେସର ପଶ୍ଚିମ ମୁହାଁ ହୋଇଛି । ଆସନ୍ତା ୨୪ ଘଣ୍ଟା ମଧ୍ୟରେ ଏହା ଝାଡଖଣ୍ଡ ଏବଂ ପଶ୍ଚିମବଙ୍ଗ ମୁହାଁ ହେବ । ପ୍ରଭାବରେ ସାରା ରାଜ୍ୟରେ ଲାଗି ରହିଛି ବର୍ଷା । ବିଶେଷ କରି ଉତ୍ତର ଏବଂ ଉପକୂଳ ଓଡିଶାରେ ବର୍ଷା ଲାଗି ରହିଛି । ଆସନ୍ତା ୨୪ ଘଣ୍ଟା ମଧ୍ୟରେ ସୁନ୍ଦରଗଡ଼, ଝାରସୁଗୁଡ଼ା, ବରଗଡ଼, ସମ୍ବଲପୁର, ବଲାଙ୍ଗୀର ଏବଂ ନୂଆପଡ଼ା ଜିଲ୍ଲାର ଗୋଟିଏ ଦୁଇଟି ସ୍ଥାନରେ ପ୍ରବଳ ବର୍ଷାର ସମ୍ଭାବନା ରହିଛି । ଏଥିପାଇଁ ଏହି ସବୁ ଜିଲ୍ଲାକୁ ୟେଲୋ ଆଲର୍ଟ ଜାରି କରାଯାଇଛି । ଲଘୁଚାପର ପ୍ରଭାବ ଅଗଷ୍ଟ ୧ ତାରିଖ ସକାଳ ସାଢେ ୮ଟା ପର୍ଯନ୍ତ ରହିବ । ବର୍ଷା ପବନ ପାଇଁ ଆସନ୍ତା ୨୪ ଘଣ୍ଟା ପର୍ଯ୍ୟନ୍ତ ମତ୍ସଜୀବୀଙ୍କୁ ସମୁଦ୍ର ଯିବାକୁ ବାରଣ କରାଯାଇଛି । ସେପଟେ ଜୁନ୍ ୧ ତାରିଖରୁ ଆଜି ପର୍ଯ୍ୟନ୍ତ ୫୩୮ ମିଲିମିଟର ବର୍ଷା ରେକର୍ଡ ହେବା କଥା । କିନ୍ତୁ ବର୍ତ୍ତମାନ ସୁଦ୍ଧା ରାଜ୍ୟରେ ୪୨୭.୧ ମିଲିମିଟର ବର୍ଷା ରେକର୍ଡ କରାଯାଇଛି, ଯାହା ସ୍ୱାଭାବିକ ବର୍ଷା ଠାରୁ ୨୧ ପ୍ରତିଶତ କମ୍ ବର୍ଷା । ରାଜ୍ୟରେ ବର୍ତ୍ତମାନ ସୁଦ୍ଧା ୧୫ଟି ଜିଲ୍ଲାରେ ସ୍ୱାଭାବିକ ବର୍ଷା ହୋଇଥିବା ବେଳେ ୧୫ଟି ଜିଲ୍ଲାରେ ନିଅଣ୍ଟିଆ ବର୍ଷା ରେକର୍ଡ ହୋଇଥିବା ଆଞ୍ଚଳିକ ପାଣିପାଗ କେନ୍ଦ୍ର ପକ୍ଷରୁ ସୂଚନା ଦିଆଯାଇଛି । ୨ଟି ଜିଲ୍ଲା ଭଦ୍ରକ ଏବଂ ଯାଜପୁରରେ ୪୦ ରୁ କମ୍ ବର୍ଷା ହୋଇଛି ।
ଏଥିସହିତ ପଢ଼ନ୍ତୁ: ରାଜଧାନୀରେ ଡେଙ୍ଗୁ ଆତଙ୍କ, ଗତ ୨୪ ଘଣ୍ଟାରେ ୨୯ ଡେଙ୍ଗୁ ରୋଗୀ ଚିହ୍ନଟ
ରାଜ୍ୟରେ ପ୍ରଥମ ଥର ପାଇଁ ମାଲକାନଗିରିରେ ପ୍ରୋଟିନ ଯୁକ୍ତ ଚାଉଳ ଯୋଗାଇଲେ ରାଜ୍ୟ ସରକାର
ମାଲକାନାଗିରି: ରାଜ୍ୟରେ ପ୍ରଥମ ଥର ପାଇଁ ମାଲକାନଗିରିରେ ପ୍ରୋଟିନ ଯୁକ୍ତ ଚାଉଳ ଯୋଗାଇଲେ ରାଜ୍ୟ ସରକାର। ଆଜି ଗୋଟିଏ ଦେଶ ଗୋଟିଏ ରାସନ ଆରମ୍ଭ କରି ଭିଡିଓ କନ୍ଫରେସିଙ୍ଗ ଜରିଆରେ ମାଲକାନଗିରିରେ ପ୍ରୋଟିନ ଯୁକ୍ତ ଖାଦ୍ୟ ଯୋଗାଇଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। କାର୍ଯ୍ୟକ୍ରମରେ ମାଲକାନଗିରି ଜିଲ୍ଲାପାଳ ଵିଶାଲ ସିଂ, ଆଇଟି ମନ୍ତ୍ରୀ ତୁଷାର କାନ୍ତି ବେହେରା ଓ ଚିତ୍ରକୋଣ୍ଡା ବିଧାୟକ ପୂର୍ଣ୍ଣ ଚନ୍ଦ୍ର ବାକା ଉପସ୍ଥିତ ଥିଲେ। ମାଲକାନଗିରିରେ ମୋଟ ୧ ଲକ୍ଷ ୫୭ ହଜାର ୮୩ ପରିବାର ବସବାସ କରୁଥିବା ବେଳେ ୫ ଲକ୍ଷ ୪୬ ହଜାର ୫୦୧ ଜଣ ହିତାଧିକାରୀ ଏହାଦ୍ଵାରା ଉପକୃତ ହେବେ। ମାସକୁ ପ୍ରାୟ ୩୨ ଲକ୍ଷ ୧୦ ହଜାର ୩୧୩ କ୍ୱିଣ୍ଟାଲ ଚାଉଳ ମାଲକାନଗିରି ଜିଲ୍ଲାରେ ବଣ୍ଟାଯିବ। ୧୧୭ ଟି ବିତରଣକେନ୍ଦ୍ରରୁ ଏହି ରାସନ ପାଇପାରିବେ।
ରାଜଧାନୀରେ ଡେଙ୍ଗୁ ଆତଙ୍କ, ଗତ ୨୪ ଘଣ୍ଟାରେ ୨୯ ଡେଙ୍ଗୁ ରୋଗୀ ଚିହ୍ନଟ
ଭୁବନେଶ୍ୱର: ରାଜଧାନୀ ଭୁବନେଶ୍ୱରରେ ବେକାବୁ ହେଉଛି ଡେଙ୍ଗୁ। ୨୪ ଘଣ୍ଟାରେ ପୁଣି ୨୯ ଜଣ ଡେଙ୍ଗୁ ରୋଗୀ ଚିହ୍ନଟ ହୋଇଛନ୍ତି। ନୂଆ ଆକ୍ରାନ୍ତଙ୍କୁ ମିଶାଇ ଭୁବନେଶ୍ୱରରେ ଆକ୍ରାନ୍ତଙ୍କ ସଂଖ୍ୟା ୪୮୨କୁ ବୃଦ୍ଧି ପାଇଛି। ବୁଧବାର ୩୨ଜଣ ଡେଙ୍ଗୁରୋଗୀ ଚିହ୍ନଟ ହୋଇଥିଲେ। ବର୍ତ୍ତମାନ ସୁଦ୍ଧା ଭୁବନେଶ୍ୱରରେ ସ୍ୱାସ୍ଥ୍ୟ ଟିମ ଦ୍ୱାରା ମୋଟ ୫ ହଜାର ୧୭୮ଟି ଘର ବୁଲି ତଥ୍ୟ ସଂଗ୍ରହ କରାଯାଇଛି। ସେହିପରି ୨୧ ହଜାର ୪୯୮ ଲୋକଙ୍କ ସ୍ୱାସ୍ଥ୍ୟଗତ ତଥ୍ୟ ସଂଗ୍ରହ କରାଯାଇଛି। ୧୩୯୦ ସ୍ଥାନରୁ ଡେଙ୍ଗୁ ମଶାର ସମ୍ଭାବ୍ୟ ବଂଶ ବୃଦ୍ଧିକୁ ରୋକାଯାଇଛି। ୫୩୩ଟି ସ୍ଥାନରେ ଏଡିସ ମଶାର ଲାର୍ଭା ଦେଖାଯାଇଛି। ଏଣୁ ସଚେତନତା ସହ ସଫେଇ ଉପରେ ଗୁରୁତ୍ୱ ଦେଇଛି ବିଏମସି।
ଜାତୀୟ ଶିକ୍ଷା ନୀତିକୁ ପୁରିଲା ଏକ ବର୍ଷ, ଦୀକ୍ଷା ପୋର୍ଟାଲ ଶିକ୍ଷା ନୀତି ପାଇଁ ମାଇଲଖୁଣ୍ଟ ହୋଇଛି
ନୂଆଦିଲ୍ଲୀ: ଜାତୀୟ ଶିକ୍ଷା ନୀତିକୁ ପୁରିଛି ଏକ ବର୍ଷ। ଏହି ଅବସରରେ ଦେଶର ସମସ୍ତ ଛାତ୍ରଛାତ୍ରୀଙ୍କୁ ଶୁଭେଚ୍ଛା ଜଣାଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। କରୋନା କାଳରେ ନୂଆ ଶିକ୍ଷା ନୀତିକୁ ନେଇ ଅନେକ କାମ ହୋଇଛି। ଗତ ଏକ ବର୍ଷ ଭିତରେ ଶିକ୍ଷା କ୍ଷେତ୍ରକୁ ବହୁ ମାତ୍ରାରେ ଗୁରୁତ୍ୱଦେଇଛନ୍ତି ସରକାର। ଜାତୀୟ ଶିକ୍ଷା ନୀତିରେ ବହୁ ନିଷ୍ପତ୍ତି ନିଆଯାଇଛି। ଆଞ୍ଚଳିକ ଶିକ୍ଷାରେ ଉଚ୍ଚଶିକ୍ଷା ପାଇଁ ଜାତୀୟ ଶିକ୍ଷା ନୀତିରେ ବ୍ୟବସ୍ଥା ରହିଛି। ଏହା ଖୁସିର କଥାଯେ ୮ ରାଜ୍ୟର ୧୪ ଇଞ୍ଜିନିୟରିଂ କଲଜରେ ୫ଟି ଭାଷାରେ ପାଠପଢା ହେବ। ହିନ୍ଦୀ, ତାମିଲ, ତେଲୁଗୁ, ମରାଠୀ ଓ ବଙ୍ଗଳା ଭାଷାରେ ଛାତ୍ରଛାତ୍ରୀ ପାଠ ପଢିପାରିବେ ବୋଲି କହିଥିଲେ ପ୍ରଧାନମନ୍ତ୍ରୀ। ନୂଆ ଶିକ୍ଷା ନୀତିରେ ସ୍କୁଲ ଶିକ୍ଷାଠାରୁ ଆରମ୍ଭ କରି ଉଚ୍ଚ ଶିକ୍ଷା କ୍ଷେତ୍ରରେ ଅନେକ ପରିବର୍ତ୍ତନ କରାଯାଇଛି। ଦୀକ୍ଷା ପୋର୍ଟାଲ ଶିକ୍ଷା ନୀତି ପାଇଁ ଏକ ମାଇଲଖୁଣ୍ଟ ପାଲଟିଛି। ଛାତ୍ରଛାତ୍ରୀମାନେ ଏବେ ଅନଲାଇନ୍ ଜରିଆରେ ପାଠ ପଢିବା ପାଇଁ ଅଧିକରୁ ଅଧିକ ଆଗ୍ରହ ପ୍ରକାଶ କରୁଛନ୍ତି। ଏହା ଡିଜିଟାଲ ଇଣ୍ଡିଆକୁ ନୂଆ ଗତି ଦେଇଛି। ରାଷ୍ଚ୍ର ନିର୍ମାଣରେ ନୂଆ ଶିକ୍ଷା ନୀତିର ଗୁରୁତ୍ୱପୂର୍ଣ୍ଣ ଯୋଗଦାନ ରହିଥିବା କହିଛନ୍ତି ମୋଦି। ଆଗରୁ ଆମ ଦେଶର ଛାତ୍ରଛାତ୍ରୀ ଉଚ୍ଚ ଶିକ୍ଷା ପାଇଁ ବିଦେଶ ଯାଉଥିଲେ, ହେଲେ ଏବେ ଦେଶରେ ନିଜ ଇଛା ଅନୁସାରେ ସମସ୍ତ ପାଠ ପଢି ପାରୁଛନ୍ତି ଛାତ୍ରଛାତ୍ରୀ। ବିଦେଶରୁ ଅନେକ ଛାତ୍ରାଛାତ୍ରୀ ମଧ୍ୟ ଭାରତ ଆସି ପାଠ ପଢୁଛନ୍ତି। ଗତବର୍ଷ ଆଜିର ଦିନରେ ୩୪ ବର୍ଷର ପୁରୁଣା ଶିକ୍ଷା ନୀତିରେ ପରିବର୍ତ୍ତନ କରିଥିଲେ କେନ୍ଦ୍ର ସରକାର।
ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ ଡିଜି ଭାବେ ଅତିରିକ୍ତ ଦାୟିତ୍ୱ ନେଲେ ସତ୍ୟ ନାରାୟଣ ପ୍ରଧାନ
ଭୁବନେଶ୍ୱର: ଓଡ଼ିଆ ପୁଅ ସତ୍ୟ ନାରାୟଣ ପ୍ରଧାନଙ୍କୁ ଗୁରୁ ଦାୟିତ୍ୱ। ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ ଡିଜି ଭାବେ ଅତିରିକ୍ତ ଦାୟିତ୍ୱ ନେଲେ ସତ୍ୟ ନାରାୟଣ ପ୍ରଧାନ । ଆଜି ରାକେଶ ଆସ୍ଥାନାଙ୍କ ଠାରୁ ଦାୟିତ୍ୱ ଗ୍ରହଣ କରିଛନ୍ତି ଏସ ଏନ ପ୍ରଧାନ। ଏବେ NDRF ଡିଜି ଥିବାବେଳେ ତାଙ୍କୁ ମିଳିଛି ଅତିରିକ୍ତି ଦାୟିତ୍ୱ। ପ୍ରାକୃତିକ ବିପର୍ଯ୍ୟୟର ସଫଳ ମୁକାବିଲା କରି ବେଶ ଚର୍ଚ୍ଚାରେ ଅଛନ୍ତି ସତ୍ୟ ନାରାୟଣ ପ୍ରଧାନ। ବାତ୍ୟା ସମୟରେ ଲୋତଙ୍କୁ ଉଦ୍ଧାର କରିବା ଓ ଏନଡିଏରଏଫକୁ ସୁ ପରିଚାଳନା କରିବା ଦିଗରେ ବଡ ଦାୟିତ୍ୱ ନେଇଥାଆନ୍ତି ଏସ ଏନ ପ୍ରଧାନ। ରାକେଶ ଆସ୍ଥାନା ଦିଲ୍ଲୀର ପୋଲିସ କମିଶନର ଭାବେ ନିଯୁକ୍ତି ହେବାପରେ ତାଙ୍କ ସ୍ଥାନରେ ୧୯୮୮ ବ୍ୟାଚ୍ ଝାଡ଼ଖଣ୍ଡ କ୍ୟାଡର ଓଡ଼ିଆ ଆଇପିଏସ୍ ସତ୍ୟ ନାରାୟଣ ପ୍ରଧାନଙ୍କୁ ମିଳିଛି NCB ଡିଜି ଦାୟିତ୍ୱ।

