spot_img
Home Blog Page 5523

ରାଜ୍ୟରେ ବାରମ୍ବାର କମିବାରେ ଲାଗିଛି ବାଘଙ୍କର ସଂଖ୍ୟା

ଭୁବନେଶ୍ୱର: ବଢୁଛି ଶିକାର, କମୁଛି ବାଘସଂଖ୍ୟା। ୨୦୦୪ରେ ରାଜ୍ୟରେ ରୟାଲ ବେଙ୍ଗଲ ଟାଇଗରଙ୍କ ସଂଖ୍ୟା ଥିଲା ୧୯୨। ୨୦୦୬ରେ ୪୫କୁ ଖସିଆସିଲା। ୨୦୧୦ରେ ୩୨ ଓ ୨୦୧୪ରେ ବାଘ ସଂଖ୍ୟା ୨୮କୁ ଖସିଆସିଲା। ୨୦୧୪ରେ ରାଜ୍ୟ ସରକାର ନିଜସ୍ୱ ବାଘ ଗଣନା କରି ୫୮ଟି ମହାବଳ ବାଘ ଥିବା କହିଥିଲେ। ୨୦୧୮ରେ ଜାତୀୟ ବ୍ୟାଘ୍ର ସଂରକ୍ଷଣ କର୍ତ୍ତୃପକ୍ଷଙ୍କ ଗଣନା

ଅନୁସାରେ ବାଘସଂଖ୍ୟା ଥିଲା ୨୮। ଗତ ୭ ମାସରେ ୮୪ଟି ବାଘଙ୍କ ମୃତ୍ୟୁ ହୋଇଥିବା ସୂଚନା ମିଳିଛି। ବନ୍ୟଜନ୍ତୁ ଶିକାର ନେଟଓ୍ବର୍କ ବଢ଼ିଥିବା ପିସିସିଏଫ୍ ସ୍ୱୀକାର କରିଛନ୍ତି। ତେବେ ସ୍ୱତନ୍ତ୍ର ବ୍ୟାଘ୍ର ପ୍ରକଳ୍ପ ସାଙ୍ଗକୁ ଅପରାଧ ନିୟନ୍ତ୍ରଣ ପାଇଁ ଡିଜିଟାଲ ପ୍ଲାଟଫର୍ମ ଉପରେ ଫୋକସ କରାଯାଉଥିବା ସେ କହିଛନ୍ତି।

ୱାଇଲ୍ଡ ଲାଇଫ୍ କ୍ରାଇମ୍ କଣ୍ଟ୍ରୋଲ ବ୍ୟୁରୋ ଓ ଡବ୍ଲୁସିସିବି ସହ ରାଜ୍ୟ ବନ ବିଭାଗ ଇଣ୍ଟେଲିଜେନ୍ସ ସେୟାର କରି ସଫଳତା ପାଇଛି ସତ, କିନ୍ତୁ ଅପରାଧୀ ନିଜ କାୟା ବିସ୍ତାର କରିଚାଲିଛନ୍ତି। ଗତ ୮ ବର୍ଷରେ ରାଜ୍ୟରେ ୨୫୦ ବାଘଛାଲ ଜବତ ହେବା ଅପରାଧୀଙ୍କ ସକ୍ରିୟତାକୁ ସ୍ପଷ୍ଟ କରୁଛି। ଶିମିଳିପାଳରେ ବାଘସଂଖ୍ୟା କମୁଥିବା ବେଳେ ସାତକୋଶିଆରେ ବି ଫେଲ୍ ମାରିଛି ବାଘସଂଖ୍ୟା ବୃଦ୍ଧି ଯୋଜନା।

ଏବେ ସୁନାବେଡ଼ା ହିଁ ଭରସା ବୋଲି କୁହାଯାଉଛି। ବାଘର ସ୍ୱାସ୍ଥ୍ୟାବସ୍ଥାରୁ ଜଙ୍ଗଲର ସ୍ୱାସ୍ଥ୍ୟ ଜଣାପଡ଼େ। ଜୈବ ବିବିଧତା କିପରି କାମ କରୁଛି ତାହା ବାଘସଂଖ୍ୟାରୁ ସ୍ପଷ୍ଟ ହୁଏ। ତେଣୁ ଜଙ୍ଗଲ ସୁରକ୍ଷା ଓ ବନ୍ୟଜନ୍ତୁ ଶିକାର ରୋକି ପାରିଲେ ବାଘସଂଖ୍ୟା ବଢ଼ିବ ବୋଲି ବିଶେଷଜ୍ଞ ମତ ଦେଇଛନ୍ତି। ବାଘସଂଖ୍ୟା ବଢ଼ାଇବାକୁ ପ୍ରଜନନ ପାଇଁ ମାଷ୍ଟର ପ୍ଲାନ କରିବାକୁ ହେବ। ନହେଲେ ପରପିଢ଼ି ବାଘକୁ କେବଳ ଚିତ୍ର କି ଚିଡ଼ିଆଖାନା ଦେଖିବାକୁ ପାଇବେ।

୨୯ ସାମ୍ବାକିକଙ୍କ ନାଁରେ ମାନହାନି ମକଦ୍ଦମା ଦାୟର କଲେ ଶିଳ୍ପା

ମୁମ୍ବାଇ: ଅଭିନେତା ଶିଳ୍ପା ଶେଟ୍ଟୀ ‘ମିଥ୍ୟା ରିପୋର୍ଟିଂ ଏବଂ ତାଙ୍କ ଭାବମୂର୍ତ୍ତିକୁ ବଦନାମ କରିବା’ ଅଭିଯୋଗରେ ବମ୍ବେ ହାଇକୋର୍ଟରେ ୨୯ ଜଣ ମିଡିଆ କର୍ମଚାରୀ ଏବଂ ମିଡିଆ ହାଉସ ବିରୋଧରେ ମାନହାନି ମକଦ୍ଦମା ଦାୟର କରିଛନ୍ତି । ତାଙ୍କ ସ୍ୱାମୀ ରାଜ କୁନ୍ଦ୍ରାଙ୍କ ସହ ଜଡ଼ିତ ପର୍ଣ୍ଣୋଗ୍ରାଫୀ ମାମଲାରେ ହେଉଥିବା ରିପୋର୍ଟିଂ ବାବଦରେ ଶିଳ୍ପା ଅଭିଯୋଗ ଆଣିଥିବା ANI ରିପୋର୍ଟରେ ଦର୍ଶାଯାଇଛି  । କାଲି ଏହି ମାମଲାର ଶୁଣାଣି ହେବ ।

ଅଶ୍ଳୀଳ ଚଳଚିତ୍ର ପ୍ରସ୍ତୁତ କରିବା ଏବଂ ପ୍ରକାଶନ ସହ ଜଡିତ ଥିବା ଅଭିଯୋଗରେ ଶିଳ୍ପା ଶେଟ୍ଟୀଙ୍କ ସ୍ୱାମୀ ରାଜ କୁନ୍ଦ୍ରାଙ୍କୁ ଜୁଲାଇ ୧୯ ତାରିଖରେ ଗିରଫ କରାଯାଇଥିଲା । ମୁମ୍ବାଇର ଏକ କୋର୍ଟ କୁନ୍ଦ୍ରାଙ୍କ ନ୍ୟାୟିକ ହେପାଜତକୁ ୧୪ ଦିନ ବୃଦ୍ଧି କରିଥିଲେ ।

ANI ସୂଚନା ମୂତାବକ, SEBI (Securities and Exchange Board of India) ଇନସାଇଡର୍ ଟ୍ରେଡିଂ ନିୟମ ଉଲ୍ଲଂଘନ କରିବା ଅଭିଯୋଗରେ ଅଭିନେତା ଶିଳ୍ପା ଶେଟ୍ଟୀ, ସ୍ୱାମୀ ରାଜ କୁନ୍ଦ୍ରା ଏବଂ ତାଙ୍କ କମ୍ପାନୀ ଭିଆନ୍ ଇଣ୍ଡଷ୍ଟ୍ରିଜ୍ ଉପରେ ୩ ଲକ୍ଷ ଟଙ୍କା ଜୋରିମାନା ଲଗାଇଛି।

ମୁମ୍ବାଇ କ୍ରାଇମ ବ୍ରାଞ୍ଚର ଜଣେ ଅଧିକାରୀ ଏହା ପୂର୍ବରୁ ANI କୁ ସୂଚନା ଦେଇଥିଲେ ଯେ ଶିଳ୍ପା ଶେଟ୍ଟୀଙ୍କୁ ଏହି ମାମଲାରେ କ୍ଲିନ୍ ଚିଟ୍ ଦିଆଯାଇ ନାହିଁ ଏବଂ ଫୋରେନସିକ୍ ଅଡିଟର ସମ୍ପୃକ୍ତ ସମସ୍ତ ଟ୍ରାନଜାକ୍ସନ ଉପରେ ନଜର ରଖିବେ।

କଳା ମାଧ୍ୟମରେ ଲୋକଙ୍କୁ ଡେଙ୍ଗୁନେଇ ସଚେତନ କରାଉଛନ୍ତି ଯୁବଶିଳ୍ପୀ

ଭୁବନେଶ୍ୱର: କରୋନା ପରେ ରାଜଧାନୀରେ ଡେଙ୍ଗୁ ଆତଙ୍କ। ସଚେତନ ପାଇଁ ସବୁ ମହଲରୁ ପ୍ରୟାସ। ନିଆରା ଉଦ୍ୟମ କଲେ ଯୁବ ଶିଳ୍ପୀ। ଭୁବନେଶ୍ୱରରେ ଡେଙ୍ଗୁ ରୋଗୀଙ୍କ ମୃତ୍ୟୁ ପରେ ଏବେ ଲୋକଙ୍କ ମଧ୍ୟରେ ଭୟ ସୃଷ୍ଟି ହୋଇଛି। ତେବେ ଏହାକୁ ରୋକିବାକୁ ଚିକିତ୍ସା ଯେତିକି ଜରୁରୀ, ତାଠାରୁ ଅଧିକ ଆବଶ୍ୟକ ସଚେତନତା। ଏଥିପାଇଁ ନିଜର କଳା ମାଧ୍ୟମରେ ଲୋକଙ୍କୁ ସଚେତନ କରିବାକୁ ଅଣ୍ଟା ଭିଡିଛନ୍ତି ଯୁବ ଶିଳ୍ପୀ ପ୍ରିୟରଞ୍ଜନ ବରାଳ।

ସାଧାରଣତଃ ଟାୟାର, ନଡିଆ ସଢ଼େଇ ଓ ଫୁଲକୁଣ୍ଡ ଭଳି ଜିନିଷରେ ପାଣି ଜମି ମଶା ବଂଶ ବୃଦ୍ଧି ହୋଇଥାଏ। ତେଣୁ ଏସବୁକୁ ଏଣେତେଣ ନଫୋପାଡିବାକୁ ଅବ୍ୟହୃତ ଇଲୋକ୍ରୋନିକ୍ସ ଓ ଲୁହାରୁ ସେ ତିଆରି କରିଛନ୍ତି ଡେଙ୍ଗୁ ମଶା। ଏହାସହ ଅବ୍ୟବହୃତ ଟାୟାରରୁ ତିଆରି କରିଛନ୍ତି ଗାର୍ଡେନ ସୋଫା। ଏହାକୁ ତିଆରି କରିବା ପାଇଁ ୫ ରୁ ୬ ଦିନ ତାଙ୍କୁ ସମୟ ଲାଗିଛି।

ପ୍ରିୟଙ୍କ ଦ୍ୱାରା ତିଆରି ଏସବୁ ଜିନିଷ ଦେଖିବାକୁ ଯେତିକି ସୁନ୍ଦର ସେତିକି ହୃଦୟସ୍ପର୍ଶି। ପୂର୍ବରୁ ମଧ୍ୟ କରୋନାର ପ୍ରଥମ ଲହର ସମୟରେ ପ୍ରିୟ ଓ ତାଙ୍କ ଗ୍ରୁପର ଅନ୍ୟ ସଦସ୍ୟମାନେ ଅନୁରୂପ ଭାବେ ଭୂତାଣୁର ପ୍ରତିକୃତି ତିଆରି କରି ଭୁବନେଶ୍ୱରର ପ୍ରମୁଖ ଛକ ଗୁଡିକରେ ସ୍ଥାପନ ସହ ପ୍ରାଚୀରରେ ଚିତ୍ର କରି ସଚେତନତା କରିଥିଲେ।

ବିଏମସି ପକ୍ଷରୁ ଆରମ୍ଭ ହୋଇଛି e ୱେଷ୍ଟ ସଂଗ୍ରହ ଅଭିଯାନ। ପ୍ରିୟଙ୍କ ଓଡ଼ିଶା ପ୍ରୋଗ୍ରେସିଭ ଆର୍ଟିଷ୍ଟ ଗ୍ରୁପ ଦ୍ୱାରା ବର୍ଜ୍ୟବସ୍ତୁରୁ ପ୍ରସ୍ତୁତ ଏଭଳି ସାମଗ୍ରୀ ବିଏମସିର ଅଭିଯାନକୁ ଭିନ୍ନ ଏକ ଦିଗ ଦେବାରେ ସହାୟକ ହୋଇପାରିବ।

କେମିତି ଅଛି ଉଠା ଦୋକାନୀଙ୍କ ସ୍ୱାସ୍ଥ୍ୟ, ଟିକାକରଣ ସହ ସଚେତନ ପାଇଁ ଜୟ ଓଡ଼ିଶାର ଅଭିଯାନ ଆରମ୍ଭ

ଭୁବନେଶ୍ୱର: କେମିତି ଅଛି ଉଠାଦୋକାନୀଙ୍କ ସ୍ୱାସ୍ଥ୍ୟ ? କରୋନା ଟିକା ନେଇଛନ୍ତି ତ ? ଯଦି ନେଇନାହାଁନ୍ତି ତେବେ କାରଣ କଣ ? ହାଟ ବୁଲିବୁଲି ଏଭଳି ସର୍ଭେ କରୁଛନ୍ତି ସାମାଜିକ ସଂଗଠନ ଜୟ ଓଡ଼ିଶାର ସଦସ୍ୟ। ଉଠାଦୋକାନୀଙ୍କ ଟିକାକରଣ ଏବଂ ସ୍ୱାସ୍ଥ୍ୟାବସ୍ଥା ସଂପର୍କରେ ବୁଝି ସଚେତନ କରୁଛନ୍ତି। ଏ ଦୃଶ୍ୟ ହେଉଛି ଲିଙ୍ଗରାଜ ପରିବା ମାର୍କେଟର। ଯେଉଁମାନେ ଟିକା ନେଇଛନ୍ତି ସେମାନଙ୍କ ଦୋକାନ ସମ୍ମୁଖରେ ‘ମୁଁ ଟିକା ନେଇଛି’ ବୋଲି ପୋଷ୍ଟର ମାରୁଛନ୍ତି ସ୍ୱେଚ୍ଛାସେବୀ। ଏହାସହ ବରିଷ୍ଠ ନାଗରିକମାନେ ମାସ୍କ ବଣ୍ଟନ କରି ଲୋକଙ୍କ ମଧ୍ୟରେ ସଚେତନତା ସୃଷ୍ଟି କରୁଛନ୍ତି।

ସ୍ଥିତି ଧିରେ ଧିରେ ସ୍ୱାଭାବିକ ହେଉଥିବା ବେଳେ ଅନ୍‌ଲକ୍ ହେଉଛି ଓଡ଼ିଶା। ତେଣୁ ଏଭଳି ସମୟରେ ବଜାରକୁ ସାମଗ୍ରୀ କିଣିବାକୁ ଆସିଥିବା ଗ୍ରାହକ ଜାଣିବା ଦରକାର ସେ ଯାହାଠୁ ସଉଦା ନେଉଛନ୍ତି ସେ ଟିକା ନେଇସାରିଛନ୍ତି। ଏହାସହ ଯେଉଁମାନେ ଟିକା ନେଇ ନାହାଁନ୍ତି ସେମାନେ କିଭଳି ଟିକା ନେଇପାରିବେ ସେ ବ୍ୟବସ୍ଥା ମଧ୍ୟ ସଂଗଠନ ପକ୍ଷରୁ କରାଯାଉଛି। ସଂଗଠନର ଏଭଳି ପଦକ୍ଷେପକୁ ଉଠାଦୋକାନୀମାନେ ବେଶ୍‌ପ୍ରଶଂସା କରିଛନ୍ତି। ଏବେ ରାଜ୍ୟର ସବୁ ଜିଲ୍ଲାରେ ସଂକ୍ରମଣ ତଳମୁହାଁ ହୋଇଥିବା ବେଳେ ଖୋର୍ଦ୍ଧା ଜିଲ୍ଲା ସବୁଠୁ ଅଧିକ ରହୁଛି। ତେଣୁ ରାଜଧାନୀରେ ଟିକାକରଣ ବଢାଇବା ପାଇଁ ଜୟ ଓଡ଼ିଶା ଉଦ୍ୟମ ଆରମ୍ଭ କରିଛି।

ରାଜଧାନୀରେ ଟ୍ରାଫିକ୍‌ ବ୍ୟବସ୍ଥାରେ କାର୍ଯ୍ୟକାରୀ ହୋଇପାରୁନି ନୂଆ ଯୋଜନା, ଅଫିସର ବଦଳିଲେ ବଦଳୁଛି ଯୋଜନା

ଭୁବନେଶ୍ୱର: କୁଆଡେ ଗଲା ଲେନ୍ ଡ୍ରାଇଭିଂ, ଡ୍ରୋନ୍ ? ନୋ ଓଭରଟେକିଂ ଜୋନ୍‌ରେ ବେପରୁଆ ଡ୍ରାଇଭିଂ। ଅଫିସର ବଦଳିଲେ ବଦଳୁଛି ଯୋଜନା। ପରିବହନ ବିଭାଗ ଓ NHAI ମଧ୍ୟରେ ରହୁନି ତାଳମେଳ। ରୋଡ଼ ରୋମିଓଙ୍କୁ ସାବାଡ଼ କରିବା ବେପରୁଆ ଗାଡିଚାଳନା ରୋକିବାକୁ ରବୀନ୍ଦ୍ର ମଣ୍ଡପ ଛକଠାରୁ ଏୟାରପୋର୍ଟ ଛକ ପର୍ଯ୍ୟନ୍ତ କରାଯାଇଥିଲା ନୋ ଓଭରଟେକିଂ ଜୋନ୍। ତତ୍କାଳୀନ ଟ୍ରାଫିକ୍ ଡିସିପି ସାଗରିକା ନାଥ ଏହି ଯୋଜନା ଆରମ୍ଭ କରିଥିଲେ। ଏହି ରାସ୍ତାରେ ଡ୍ରୋନ ଉଡିବା ସହ ଉଲ୍ଲଙ୍ଘନକାରୀଙ୍କୁ ଫାଇନ କରିବା ନେଇ ମଧ୍ୟ ହୋଇଥିଲା ବ୍ୟବସ୍ଥା।

ସଚିବାଳୟ, ଏଜି ଅଫିସ, କ୍ୟାପିଟାଲ ହସ୍ପିଟାଲ, ଭିଆଇପି କ୍ୱାର୍ଟର ଗୁଡିକ ଏହି ରାସ୍ତାରେ ଥିବାରୁ ସ୍ୱତନ୍ତ୍ର ବ୍ୟବସ୍ଥା ଗ୍ରହଣ କରାଯାଇଥିଲା। କିନ୍ତୁ ଟ୍ରାଫିକ୍ ଡିସିପିଙ୍କ ବଦଳି ପରେ ବାଟବଣା ହୋଇଛି ଏହି ବ୍ୟବସ୍ଥା। ଟ୍ରାଫିକ କର୍ମଚାରୀ ଡ୍ରୋନ୍ ସମ୍ପର୍କରେ ସ୍ୱତନ୍ତ୍ର ତାଲିମ ପାଇଥିଲେ ମଧ୍ୟ ଏହି ବ୍ୟବସ୍ଥାରେ ତ୍ରୁଟିକୁ ନେଇ ଉଦବେଗ ପ୍ରକାଶ କରିଛନ୍ତି ବିଶେଷଜ୍ଞ।

ଜାତୀୟ ରାଜପଥରେ ଅନ୍ତର୍ଜାତୀୟ ସ୍ତରର ଗାଡି ଚାଳନା ଓ ଦୁର୍ଘଟଣା ରୋକିବା ପାଇଁ ଲେନ୍ ଡ୍ରାଇଭିଂର ପ୍ରସ୍ତାବ ଦିଆଯାଇଥିଲା। ସରକାର ଏ ନେଇ ସବୁଜ ସଙ୍କେତ ଦେବା ସହ ପୋଲିସ ଡିଜିଙ୍କୁ ତୁରନ୍ତ କାର୍ଯ୍ୟକାରୀ କରିବାକୁ ନିର୍ଦ୍ଦେଶ ଦେଇଥିଲେ। ସଡକ ସୁରକ୍ଷାର ଗୁରୁତ୍ୱ ଦୃଷ୍ଟିରୁ ଭିତ୍ତିଭୂମିକୁ ମଧ୍ୟ ସୁଦୃଢ଼ କରିଥିଲେ ସରକାର। କେଉଁ ଧାଡିରେ କେତେ ବେଗ ରହିବ, ସେ ନେଇ ମଧ୍ୟ ବିଶେଷଜ୍ଞଙ୍କ ମତ ନିଆଯାଇଥିଲା। କିନ୍ତୁ ପରବର୍ତ୍ତୀ ସମୟରେ ଟ୍ରାଫିକ, ପରିବହନ ବିଭାଗ ଓ ଜାତୀୟ ରାଜପଥ ପ୍ରାଧିକରଣ କର୍ତ୍ତୃପକ୍ଷଙ୍କ ସମନ୍ୱୟ ଅଭାବରୁ ଏହି ଯୋଜନା ମଧ୍ୟ କେବଳ ପରିକଳ୍ପନା ରେ ସୀମିତ ଥିବା କହିଛନ୍ତି ବିଶେଷଜ୍ଞ। ଦୁର୍ଘଟଣା ଜନିତ ମୃତ୍ୟୁ ରାଜ୍ୟ ପାଇଁ ଚିନ୍ତାର କାରଣ ପାଲଟିଥିବା ବେଳେ ସଡକ ସୁରକ୍ଷା ସହ ଯୋଜନାର କାର୍ଯ୍ୟକାରିତା ଦିଗରେ ମଧ୍ୟ ଗୁରୁତ୍ୱ ଦେବାର ଆବଶ୍ୟକତା ରହିଛି ।

ରାଉରକେଲା ସହରରେ ଶିଶୁ ବିକ୍ରି ଘଟଣା, ଶିଶୁ ମଙ୍ଗଳ କମିଟି ଓ ଚାଇଲ୍ଡ ଲାଇନ ପକ୍ଷରୁ ତଦନ୍ତ ଆରମ୍ଭ

ରାଉରକେଲା: ଚିନ୍ତା ବଢାଇଛି ଶିଶୁ ବିକ୍ରି ଘଟଣା। ରାକେଟ୍ ଧରା ପଡିବା ପରେ ଫିଟୁଛି ଗୁମର। ଚାଇଲ୍ଡ ଲାଇନ୍ ପକ୍ଷରୁ ଆରମ୍ଭ ହେଲା ତଦନ୍ତ। ରାଉରକେଲା ପୋଲିସ ଜିଲ୍ଲାରୁ ନିଖୋଜ ଥିବା ୩୭ ଜଣ ଶିଶୁଙ୍କ ମଧ୍ୟରୁ ୧୬ ଜଣ ଶିଶୁ ଉଦ୍ଧାର ହୋଇଥିବା ବେଳେ ବାକି ୨୧ ଜଣ ଶିଶୁ ନିଖୋଜ ଅଛନ୍ତି। ନିଖୋଜ ଥିବା ୨୧ ଜଣ ଶିଶୁଙ୍କୁ ଉଦ୍ଧାର କରିବା ସହ ସହରରୁ ବିକ୍ରି ହୋଇଥିବା ୨୫ ଜଣ ଶିଶୁଙ୍କୁ କିପରି ଉଦ୍ଧାର କରାଯିବ ସେନେଇ ଜିଲ୍ଲା

ଶିଶୁ ମଙ୍ଗଳ କମିଟି ପକ୍ଷରୁ ଉଦ୍ୟମ ଆରମ୍ଭ ହୋଇଛି। ବିକ୍ରି ହୋଇଥିବା ୨୫ ଜଣ ଶିଶୁ ଓ ନିଖୋଜ ୨୧ ଜଣ ଶିଶୁ କେଉଁଠି ଅଛନ୍ତି ସେନେଇ ଜିଲ୍ଲା ଶିଶୁ ସୁରକ୍ଷା ଵିଭାଗ ଓ ଚାଇଲ୍ଡ ଲାଇନ ପକ୍ଷରୁ ତଦନ୍ତ ଆରମ୍ଭ ହୋଇଥିବା ଜିଲ୍ଲା ଶିଶୁ ମଙ୍ଗଳ କମିଟି ପକ୍ଷରୁ ସୂଚନା ଦିଆଯାଇଛି।

ରାଉରକେଲା ସହରରୁ ବିକ୍ରି ହୋଇଥିବା ୨୫ରୁ ଅଧିକ ଶିଶୁ ଓ ନିଖୋଜ ୨୧ ଜଣ ଶିଶୁଙ୍କୁ  ଉଦ୍ଧାର କରିବା ପରେ ଶିଶୁମାନଙ୍କ ଯତ୍ନ ଓ ସୁରକ୍ଷା ପ୍ରଦାନ କରାଯିବ ବୋଲି ଶିଶୁ ମଙ୍ଗଳ କମିଟି ପକ୍ଷରୁ ସୁଚନା ଦିଆଯାଇଛି। ଅନ୍ୟପକ୍ଷରେ ଶିଶୁ ବିକ୍ରି ରାକେଟରେ ଗିରଫ ୫ ମହିଳା ଓ ଦୁଇ ଯୁବକ ସମସ୍ତେ ସମ୍ଭ୍ରାନ୍ତ, ଭଦ୍ର ଓ ଶିକ୍ଷିତ। ଏହାସତ୍ତ୍ୱେ ସେମାନେ ଏହି ଘୃଣ୍ୟ କାର୍ଯ୍ୟରେ ଲିପ୍ତ ଥିବାରୁ ଦୃଢ କାର୍ଯ୍ୟାନୁଷ୍ଠାନ ପାଇଁ ବିଭିନ୍ନ ମହଲରେ ଦାବି ହୋଇଛି। ପ୍ଲାଣ୍ଟ ସାଇଟ ଥାନା ପୋଲିସ ଗତ ୨୬ ତାରିଖ ଶିଶୁ ବିକ୍ରି ରାକେଟର  ସାତଜଣ ସଦସ୍ୟଙ୍କୁ ଗିରଫ କରିଥିବାବେଳେ  ଅନ୍ୟ ଅଭିଯୁକ୍ତ ଏବେବି ଫେରାର ଅଛନ୍ତି।

କାର୍ଡ ଏକ ଫାଇଦା ଅନେକ, ରାଜ୍ୟରେ ଆରମ୍ଭ ହେଲା ୱାନ୍ ନେସନ୍ ୱାନ୍ ରାସନ କାର୍ଡ

ଭୁବନେଶ୍ୱର: ଆଜିଠୁ ରାଜ୍ୟରେ ଆରମ୍ଭ ହେଲା ୱାନ ନେସନ୍ ୱାନ ରାସନ୍ କାର୍ଡ ବ୍ୟବସ୍ଥା । ଏହାର ଶୁଭାରମ୍ଭ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଗତ ବର୍ଷେ ଧରି ଭୁବନେଶ୍ୱରରେ ପାଇଲଟ ପ୍ରକଳ୍ପ ଭାବେ କାର୍ଯ୍ୟକାରୀ ହେଉଥିବା ବେଳେ ଆଜିଠୁ ସାରା ରାଜ୍ୟରେ ଏହି ବ୍ୟବସ୍ଥା ଲାଗୁ ହୋଇଛି । ଏଥିରେ ଜାତୀୟ ଖାଦ୍ୟ ସୁରକ୍ଷା ଓ ରାଜ୍ୟ ଖାଦ୍ୟ ସୁରକ୍ଷା ଯୋଜନାରେ ସାମିଲ ପ୍ରାୟ ୯୨ଲକ୍ଷ ହିତାଧିକାରୀ ଉପକୃତ ହେବେ ।

ଜାତୀୟ ଖାଦ୍ୟ ସୁରକ୍ଷା ଆଇନ ବଳରେ ରାଜ୍ୟ ତଥା ଦେଶର ଯେକୌଣସି ଡିଲରଙ୍କଠାରୁ ଖାଉଟି ରାସନ ସାମଗ୍ରୀ ପାଇପାରିବେ । ଖାଉଟିଙ୍କୁ ମିଳୁଥିବା ସରକାରୀ ଚାଉଳ ବା ଗହମର ମାସିକ କୋଟା ପାଇବାକୁ ଏଣିକି ନିର୍ଦ୍ଦିଷ୍ଟ ଡିଲରଙ୍କ ଉପରେ ନିର୍ଭର କରିବାକୁ ପଡିବନି । ଖାଉଟିମାନେ ଜାତୀୟ ଖାଦ୍ୟ ସୁରକ୍ଷା ଆଇନ ରାସନ କାର୍ଡରେ ରାଜ୍ୟ କିମ୍ବା ଦେଶ ଭିତରେ ଯେ କୌଣସି ଚିହ୍ନିତ ଡିଲରଙ୍କଠାରୁ ମାସିକ ଖାଦ୍ୟ ସାମଗ୍ରୀ ପାଇପାରିବେ ।

ସେହିପରି ରାଜ୍ୟ ଖାଦ୍ୟ ସୁରକ୍ଷା ଯୋଜନା ହିତାଧିକାରୀ ରାଜ୍ୟ ଭିତରେ ଯେକୌଣସି ଚିହ୍ନିତ ଡିଲରଙ୍କଠାରୁ ନିଜ ମାସିକ ଖାଦ୍ୟ ସାମଗ୍ରୀ ପାଇ ପାରିବେ । ଏଥିସହ ମାଲକାନଗିରି ଜିଲ୍ଲାରେ ସ୍ବାସ୍ଥ୍ୟବର୍ଦ୍ଧକ ଭିଟାମିନ୍ ଯୁକ୍ତ ଚାଉଳ ବଣ୍ଟନ ଆରମ୍ଭ ହୋଇଛି । ଏହି ଚାଉଳରେ ଭିଟାମିନ୍ ଡି ଓ ଫୋଲିକ ଏସିଡ୍ ରହିଛି ।

୧୩୯ ଦିବ୍ୟାଙ୍ଗ ପିଲାଙ୍କ ମାଟ୍ରିକ ପରୀକ୍ଷା ପ୍ରସଙ୍ଗ, ସମସ୍ତ ଦାୟିତ୍ୱ ରାଜ୍ୟ ସରକାରଙ୍କୁ ନେବାକୁ ନିର୍ଦ୍ଦେଶ ଦେଲେ ମାନବାଧିକାର କମିଶନ

ଭୁବନେଶ୍ୱର: ୧୩୯ ଦିବ୍ୟାଙ୍ଗ ପିଲାଙ୍କ ମ୍ୟାଟ୍ରିକ ପରୀକ୍ଷା ପ୍ରସଙ୍ଗ। ଆସନ୍ତାକାଲି ପରୀକ୍ଷା ଥିବା ବେଳେ ମାନବାଧିକାର କମିଶନଙ୍କର ବଡ଼ ଶୁଣାଣି। ସମସ୍ତ ଦାୟିତ୍ୱ ରାଜ୍ୟ ସରକାରଙ୍କୁ ବହନ କରିବାକୁ ନିର୍ଦ୍ଦେଶ ଦେଇଛନ୍ତି ରାଜ୍ୟ ମାନବାଧିକାର କମିଶନ। ଏହାସହ ବୋର୍ଡ ଓ ସଶକ୍ତୀକରଣ ବିଭାଗକୁ ମଧ୍ୟ ନିର୍ଦ୍ଦେଶ ଦିଆଯାଇଛି। OHRCଙ୍କ ଦ୍ୱାରସ୍ତ ହୋଇଥିଲେ ମାନବାଧିକାର କର୍ମୀ। ତେବେ ଚଳିତ ବର୍ଷ କରୋନା ପାଇଁ ମାଟ୍ରିକ ପିଲାଙ୍କ ପରୀକ୍ଷା ନକରି ପୂର୍ବ ପରୀକ୍ଷାର ନମ୍ବର ଆଧାରରେ ରାଜ୍ୟର ୬ ଲକ୍ଷ ପିଲାଙ୍କ ରେଜଲ୍ଟ ବୋର୍ଡ କର୍ତ୍ତୃପକ୍ଷ ପ୍ରକାଶ କରିଥିବା ବେଳେ ୧୩୯ ଦିବ୍ୟାଙ୍ଗ ପିଲାଙ୍କୁ ପରୀକ୍ଷା ଦେବାକୁ କହିଥିଲେ। ଏହି ସମସ୍ୟାକୁ ନେଇ ହ୍ୟୁମାନ ରାଇଟ୍ସ ଫ୍ରଣ୍ଟ ଇଣ୍ଡିଆର ଅଧ୍ୟକ୍ଷ ମନୋଜ ଜେନା ରାଜ୍ୟ ମାନବାଧିକାର କମିଶନଙ୍କ ଦ୍ୱାରସ୍ଥ ହୋଇଥିଲେ।

ଦ୍ୱାରସ୍ତ ହେବା ପରେ ୧୩୯ ପିଲାଙ୍କ ପରୀକ୍ଷାକୁ ନେଇ କମିଶନ ଶୁଣାଣି କରି କରିଥିଲେ। ୧୩୯ ପିଲାଙ୍କ ପରୀକ୍ଷା ଦ୍ୱାରା ଯେଉଁ ଅସୁବିଧା ସୃଷ୍ଟି ହେବ ସେଥିପାଇଁ ବୋର୍ଡ କର୍ତ୍ତୃପକ୍ଷ ଦାୟୀ ରହିବେ ବୋଲି ପୂର୍ବରୁ ରାୟ ଶୁଣାଇଥିଲେ। କିନ୍ତୁ ବୋର୍ଡ କର୍ତ୍ତୃପକ୍ଷ ଏହି ୧୩୯ ପିଲାମାନଙ୍କ କରେଶପଣ୍ଡେଣ୍ଟ କୋର୍ସ ମାଧ୍ୟମରେ ପରୀକ୍ଷା ପାଇଁ ଫର୍ମ ଫିଲପ କରିଥିବାରୁ ଏମାନଙ୍କର କୌଣସି ସ୍ଥାୟୀ ରେଜିଷ୍ଟ୍ରସେନ ନମ୍ବର ଓ ପୂର୍ବ ପରୀକ୍ଷାର ଆଇନ ସମ୍ମତ ତଥ୍ୟ ବୋର୍ଡ ପାଖରେ ନାହିଁ। ତେଣୁ ବୋର୍ଡ ଆଇନ ଅନୁଯାୟୀ ସେମାନଙ୍କୁ ଆକଳନ ଭିତିରେ ନମ୍ବର ଦେଇପାରିବ ନାହିଁ ବୋଲି କହିଥିଲା।

ତେଣୁ ପରୀକ୍ଷା ନକରି ରେଜଲ୍ଟ ବାହାର କରିବାକୁ ନିଜର ଆଇନଗତ ଅସମର୍ଥତା ଜଣାଇଥିଲା ବୋର୍ଡ। ତେବେ ଆସନ୍ତା କାଲି ପରୀକ୍ଷା ଥିବାରୁ ଆଜି ଏହି ମାମଲାର ଜରୁରୀ ଶୁଣାଣି ହୋଇଛି। ଜେନା ଦିବ୍ୟାଙ୍ଗ ପିଲାଙ୍କ ପାଇଁ ବଳିଷ୍ଠ ଯୁକ୍ତି ଉପସ୍ଥାପନ କରିଛନ୍ତି। ଏହି ପିଲାମାନେ ଦିବ୍ୟାଙ୍ଗ ହୋଇଥିବାରୁ ସାଧାରଣ ପିଲାଙ୍କ ଭଳି ତାଙ୍କ କଥା ବିଚାର ନକରି ତାଙ୍କ ସମସ୍ୟାକୁ ମାନବିକତା ଓ ସହୃଦୟତାର ସହିତ ବିଚାର କରିବାକୁ ଆଜିର ଶୁଣାଣି ସମୟରେ ଓଡ଼ିଶା ଅଭିଭାବକ ମହାଶଂଘର ସହ ଅଧକ୍ଷ୍ୟ ପ୍ରସନ୍ନ ବିଷୋୟୀ ମାନବାଧିକାର କମିଶନଙ୍କ ଦୃଷ୍ଟି ଆକର୍ଷଣ କରିଥିଲେ। ସମସ୍ତ ପରିସ୍ଥିତିକୁ ବିଚାରକୁ ନେଇ କମିଶନ ସେହି ପିଲାମାନଙ୍କ ପରୀକ୍ଷାର ସମସ୍ତ ଦାୟିତ୍ୱ ବୋର୍ଡ କର୍ତ୍ତୃପକ୍ଷ ଓ ଭିନ୍ନକ୍ଷମ ଉନ୍ନୟନ ବିଭାଗ ନେବାକୁ ନିର୍ଦେଶ ଦେଇଛନ୍ତି।

ଦିବ୍ୟାଙ୍ଗ ଦୃଷ୍ଟିହୀନ ପିଲାଙ୍କ ପରୀକ୍ଷା ଖାତାରେ ଉତ୍ତର ଲେଖିବା ପାଇଁ ଲିପିକାର, ପିଲାଙ୍କ ଗସ୍ତ ପାଇଁ ଆବଶ୍ୟକ ଗାଡି, ଖାଦ୍ୟ ପେୟ, ଆବଶ୍ୟକ ସ୍ଥଳେ ପରୀକ୍ଷା ଯୋଗୁ ରହଣି ପାଇଁ ଅଭିଭାବକଙ୍କ ସହିତ ପିଲାଙ୍କ ସମସ୍ତ ଆନୁସଙ୍ଗିକ ବ୍ୟବସ୍ଥା, ସ୍ୱାସ୍ଥ୍ୟ ସମସ୍ୟା ପାଇଁ ଡାକ୍ତରୀ ଚିକିତ୍ସା ଆଦି ସମସ୍ତ ବ୍ୟବସ୍ଥା କରିବାକୁ କମିଶନ ସରକାରଙ୍କୁ ନିର୍ଦ୍ଦେଶ ଦେଇଛନ୍ତି। ଆଜିର ଏହି ଶୁଣାଣି ସମୟରେ ହ୍ୟୁମାନ ରାଇଟ୍ସ ଫ୍ରଣ୍ଟର ସଂଯୋଜକ ରମେଶ ଭାରତୀ ମଧ୍ୟ ଉପସ୍ଥିତ ଥିଲେ।

ନୂଆ ରୂପରେ ଝଲସିବ ସତ୍ୟବାଦୀ ବନବିଦ୍ୟାଳୟ, ବ୍ଲୁପ୍ରିଣ୍ଟ ଅନୁଯାୟୀ ଶିଘ୍ର ଆରମ୍ଭ ହେବ କାର୍ଯ୍ୟ

ପୁରୀ: ବଦଳିବ ସତ୍ୟବାଦୀ ବନବିଦ୍ୟାଳୟର ରୂପରେଖ। ନୂଆ ରୂପରେ ଝଲସିବ ବକୁଳବନ। ଏନେଇ ପ୍ରଶାସନ ପକ୍ଷରୁ ବ୍ଲୁପ୍ରିଣ୍ଟ ପ୍ରସ୍ତୁତ ହୋଇସାରିଛି। ପୁରୀ ଜିଲ୍ଲା ସାକ୍ଷୀଗୋପାଳ ଥିବା ସତ୍ୟବାଦୀ ବନବିଦ୍ୟାଳୟର ସ୍ଥିତି ପରଖିଛନ୍ତି ପୁରୀ ଜିଲାପାଳ ସମର୍ଥ ବର୍ମା। ଖୁବ ଶୀଘ୍ର ସତ୍ୟବାଦୀ ବନବିଦ୍ୟାଳୟର ଉନ୍ନତିକରଣ କାମ ହେବ ବୋଲି କହିଛନ୍ତି ଜିଲ୍ଲାପାଳ। ଏହା ସହିତ ସାକ୍ଷୀଗୋପାଳ ମନ୍ଦିର ଉନ୍ନତି କରଣ କାମ ମଧ୍ୟ ହେବ। ମନ୍ଦିର ଚତୁର୍ପାଶ୍ୱ ସୌନ୍ଦର୍ଯ୍ୟକରଣ ସହ ତୀର୍ଥ ପୁଷ୍କରିଣୀ, ରାଧା କୁଣ୍ଡ, ଶ୍ୟାମ କୁଣ୍ଡ ଓ ଚନ୍ଦନ ପୁଷ୍କରିଣୀର ପୁନଃଋଦ୍ଧାର କାର୍ଯ୍ୟ ହେବ ବୋଲି ଆଲୋଚନା ହୋଇଛି। ସେହିପରି କୀର୍ତ୍ତିରାଜୀଗୁଡିକ କିଭଳି ରକ୍ଷଣାବେକ୍ଷଣ ହେବ ତାହାର ବ୍ୟବସ୍ଥା କରାଯିବ ବୋଲି କହିଛନ୍ତି ସମର୍ଥ ବର୍ମା। ତେବେ ପୁରୀ ଜିଲ୍ଲାପାଳଙ୍କ ଏହି ସମୀକ୍ଷାରେ ସତ୍ୟବାଦୀ ବିଧାୟକ ଓ ବିଭାଗୀୟ ଅଧିକାରୀ ଉପସ୍ଥିତ ଥିଲେ।

ବାଦୁଡ଼ିଙ୍କୁ ସୁରକ୍ଷା ଦେଉଛି ପୁରା ଗାଁ, ଶିକାର କଲେ ବସୁଛି ଗ୍ରାମସଭା ଆଦାୟ ହେଉଛି ଜରିମାନା

ବୌଦ୍ଧ:  ବିଲୁପ୍ତ ଜୀବର ସୁରକ୍ଷାରେ ଗ୍ରାମବାସୀ। ବାଦୁଡିଙ୍କ ପାଇଁ ବସୁଛି ଗାଁ ବସୁଛି ଗ୍ରାମସଭା। ବାଦୁଡ଼ି ମାନଙ୍କର ଶିକାର କଲେ ଆଦାୟ ହେଉଛି ଜୋରିମନା। କରୋନାର କାୟା ଭିତରେ ଅନେକ ଦେଶରେ ବାଦୁଡ଼ି ମାନଙ୍କୁ ମାରିଦିଆଯାଉଛି। କିନ୍ତୁ ଏମିତି ଏକ ଗାଁ ରହିଛି ଯେଉଁ ବାଦୁଡ଼ି ମାନଙ୍କର ସୁରକ୍ଷାରେ ଲାଗିଛନ୍ତି ପୁରା ଗାଁ। କିଚିରିମିଚିର ଶଦ୍ଦରେ ଫାଟିବଡୁଛି ଅଞ୍ଚଳ। ନିର୍ଭୟରେ ଏ ଡାଳରୁ ସେ ଡାଳକୁ ଘୁରି ବୁଲୁଛନ୍ତି ବାଦୁଡି। ଏହି ବିରଳ ପ୍ରଜାତିର ଜୀବଙ୍କ ପାଇଁ ସୈନ୍ଦର୍ଯ୍ୟମୟ ହୋଇଛି ଅଞ୍ଚଳ।

କାରଣ ପୃଥିବୀ ପୃଷ୍ଠରୁ ବିଲୁପ୍ତ ହୋଇଯାଉଥିବା ଏହି ଜୀବକୁ ସୁରକ୍ଷା ଦେବା ପାଇଁ ଅଣ୍ଟା ଭିଡିଛନ୍ତି ବୌଦ୍ଧ ଜିଲ୍ଲା ରାମଗଡ଼ ଗାଁ ଲୋକେ। ଆଉ ଶିକାରୀଙ୍କ ଠାରୁ ବାଦୁଡିଙ୍କୁ ସୁରକ୍ଷା ଦେଉଛନ୍ତି।

୩୦ ବର୍ଷ ହେଲା ସ୍ଥାନୀୟ କେଦାରେଶ୍ୱର ପୀଠ ପରିସରରେ ହଜାର ହଜାର ବାଦୁଡି ରହିଆସୁଛନ୍ତି। ବାଦୁଡି ଶିକାର ଦଣ୍ଡନୀୟ ଅପରାଧ ଘୋଷଣା ହେବା ପରେ ଗ୍ରାମବାସୀ ଏମାନଙ୍କୁ ସୁରକ୍ଷା ଦେଉଛନ୍ତି। କେହି ଯଦି ଶିକାର କରନ୍ତି, ସେମାନଙ୍କ ଠାରୁ ଗ୍ରାମସଭାରେ ଜୋରିମନା ଅଦାୟ କରାଯାଉଛି। ତେବେ ବନବିଭାଗ ଆଗଭର ହେଲେ ଏମାନଙ୍କ ବଂଶ ବିସ୍ତାର ହୋଇପାରନ୍ତା ବୋଲି କହିଛନ୍ତି ଗ୍ରାମବାସୀ।