ପୁରୀ: ବଦଳିବ ସତ୍ୟବାଦୀ ବନବିଦ୍ୟାଳୟର ରୂପରେଖ। ନୂଆ ରୂପରେ ଝଲସିବ ବକୁଳବନ। ଏନେଇ ପ୍ରଶାସନ ପକ୍ଷରୁ ବ୍ଲୁପ୍ରିଣ୍ଟ ପ୍ରସ୍ତୁତ ହୋଇସାରିଛି। ପୁରୀ ଜିଲ୍ଲା ସାକ୍ଷୀଗୋପାଳ ଥିବା ସତ୍ୟବାଦୀ ବନବିଦ୍ୟାଳୟର ସ୍ଥିତି ପରଖିଛନ୍ତି ପୁରୀ ଜିଲାପାଳ ସମର୍ଥ ବର୍ମା। ଖୁବ ଶୀଘ୍ର ସତ୍ୟବାଦୀ ବନବିଦ୍ୟାଳୟର ଉନ୍ନତିକରଣ କାମ ହେବ ବୋଲି କହିଛନ୍ତି ଜିଲ୍ଲାପାଳ। ଏହା ସହିତ ସାକ୍ଷୀଗୋପାଳ ମନ୍ଦିର ଉନ୍ନତି କରଣ କାମ ମଧ୍ୟ ହେବ। ମନ୍ଦିର ଚତୁର୍ପାଶ୍ୱ ସୌନ୍ଦର୍ଯ୍ୟକରଣ ସହ ତୀର୍ଥ ପୁଷ୍କରିଣୀ, ରାଧା କୁଣ୍ଡ, ଶ୍ୟାମ କୁଣ୍ଡ ଓ ଚନ୍ଦନ ପୁଷ୍କରିଣୀର ପୁନଃଋଦ୍ଧାର କାର୍ଯ୍ୟ ହେବ ବୋଲି ଆଲୋଚନା ହୋଇଛି। ସେହିପରି କୀର୍ତ୍ତିରାଜୀଗୁଡିକ କିଭଳି ରକ୍ଷଣାବେକ୍ଷଣ ହେବ ତାହାର ବ୍ୟବସ୍ଥା କରାଯିବ ବୋଲି କହିଛନ୍ତି ସମର୍ଥ ବର୍ମା। ତେବେ ପୁରୀ ଜିଲ୍ଲାପାଳଙ୍କ ଏହି ସମୀକ୍ଷାରେ ସତ୍ୟବାଦୀ ବିଧାୟକ ଓ ବିଭାଗୀୟ ଅଧିକାରୀ ଉପସ୍ଥିତ ଥିଲେ।
ବାଦୁଡ଼ିଙ୍କୁ ସୁରକ୍ଷା ଦେଉଛି ପୁରା ଗାଁ, ଶିକାର କଲେ ବସୁଛି ଗ୍ରାମସଭା ଆଦାୟ ହେଉଛି ଜରିମାନା
ବୌଦ୍ଧ: ବିଲୁପ୍ତ ଜୀବର ସୁରକ୍ଷାରେ ଗ୍ରାମବାସୀ। ବାଦୁଡିଙ୍କ ପାଇଁ ବସୁଛି ଗାଁ ବସୁଛି ଗ୍ରାମସଭା। ବାଦୁଡ଼ି ମାନଙ୍କର ଶିକାର କଲେ ଆଦାୟ ହେଉଛି ଜୋରିମନା। କରୋନାର କାୟା ଭିତରେ ଅନେକ ଦେଶରେ ବାଦୁଡ଼ି ମାନଙ୍କୁ ମାରିଦିଆଯାଉଛି। କିନ୍ତୁ ଏମିତି ଏକ ଗାଁ ରହିଛି ଯେଉଁ ବାଦୁଡ଼ି ମାନଙ୍କର ସୁରକ୍ଷାରେ ଲାଗିଛନ୍ତି ପୁରା ଗାଁ। କିଚିରିମିଚିର ଶଦ୍ଦରେ ଫାଟିବଡୁଛି ଅଞ୍ଚଳ। ନିର୍ଭୟରେ ଏ ଡାଳରୁ ସେ ଡାଳକୁ ଘୁରି ବୁଲୁଛନ୍ତି ବାଦୁଡି। ଏହି ବିରଳ ପ୍ରଜାତିର ଜୀବଙ୍କ ପାଇଁ ସୈନ୍ଦର୍ଯ୍ୟମୟ ହୋଇଛି ଅଞ୍ଚଳ।
କାରଣ ପୃଥିବୀ ପୃଷ୍ଠରୁ ବିଲୁପ୍ତ ହୋଇଯାଉଥିବା ଏହି ଜୀବକୁ ସୁରକ୍ଷା ଦେବା ପାଇଁ ଅଣ୍ଟା ଭିଡିଛନ୍ତି ବୌଦ୍ଧ ଜିଲ୍ଲା ରାମଗଡ଼ ଗାଁ ଲୋକେ। ଆଉ ଶିକାରୀଙ୍କ ଠାରୁ ବାଦୁଡିଙ୍କୁ ସୁରକ୍ଷା ଦେଉଛନ୍ତି।
୩୦ ବର୍ଷ ହେଲା ସ୍ଥାନୀୟ କେଦାରେଶ୍ୱର ପୀଠ ପରିସରରେ ହଜାର ହଜାର ବାଦୁଡି ରହିଆସୁଛନ୍ତି। ବାଦୁଡି ଶିକାର ଦଣ୍ଡନୀୟ ଅପରାଧ ଘୋଷଣା ହେବା ପରେ ଗ୍ରାମବାସୀ ଏମାନଙ୍କୁ ସୁରକ୍ଷା ଦେଉଛନ୍ତି। କେହି ଯଦି ଶିକାର କରନ୍ତି, ସେମାନଙ୍କ ଠାରୁ ଗ୍ରାମସଭାରେ ଜୋରିମନା ଅଦାୟ କରାଯାଉଛି। ତେବେ ବନବିଭାଗ ଆଗଭର ହେଲେ ଏମାନଙ୍କ ବଂଶ ବିସ୍ତାର ହୋଇପାରନ୍ତା ବୋଲି କହିଛନ୍ତି ଗ୍ରାମବାସୀ।
ଶ୍ରାବଣ ମାସରେ ଏହି ରାଶିର ବ୍ୟକ୍ତିଙ୍କୁ ମିଳିବ ଚାକିରିରେ ନୂଆ ସୁଯୋଗ, ଧନ ଲାଭ ସହିତ ବଢିବ ମାନ-ସମ୍ମାନ
ଶ୍ରାବଣ ମାସ ଆରମ୍ଭ ହୋଇ ଯାଇଛି । ଏହା ଜୁଲାଇ ୨୫ରୁ ଆରମ୍ଭ ହୋଇ ଅଗଷ୍ଟ ୨୨ରେ ଶେଷ ହେବ । ଏହି ମାସରେ ଭଗବାନ ଶିବଙ୍କୁ ପୂଜା କରିବାର ବିଶେଷ ମହତ୍ୱ ରହିଛି । ଭଗବାନ ଶିବଙ୍କ ପ୍ରିୟ ଶ୍ରାବଣ ମାସରେ କିଛି ରାଶିର ବ୍ୟକ୍ତିଙ୍କ ଉପରେ ତାଙ୍କର କୃପା ଦୃଷ୍ଟି ରହିବ। କୁହାଯାଏ ଆନ୍ତରିକତାର ସହିତ ତାଙ୍କୁ ଆରାଧନା କରୁଥିବା ବ୍ୟକ୍ତିଙ୍କୁ ଭୋଳୋନାଥ ଆଶୀର୍ବାଦ ପ୍ରଦାନ କରନ୍ତି । ଆସନ୍ତୁ ଜାଣିବା କେଉଁ ରାଶିର ବ୍ୟକ୍ତିଙ୍କ ଉପରେ ରହିବ ଶିବଙ୍କ କୃପା ଦୃଷ୍ଟି …
ମିଥୁନ ରାଶି :
ଶ୍ରାବଣ ମାସ ଆପଣଙ୍କ ପାଇଁ ଲାଭଦାୟକ ହୋଇପାରେ । ଏହି ସମୟରେ ଭାଗ୍ୟଦୋୟ ହୋଇପାରେ । ପରିଶ୍ରମର ସମ୍ପୂର୍ଣ୍ଣ ଫଳ ମିଳିବ । ଶତ୍ରୁମାନଙ୍କୁ ପରାସ୍ତ କରିବେ। ଦୀର୍ଘ ବିଚାରାଧୀନ କାର୍ଯ୍ୟ ସମାପ୍ତ ହେବ । ଟଙ୍କା ରୋଜଗାରର ସୁଯୋଗ ବୃଦ୍ଧି ପାଇବ ।
କର୍କଟ ରାଶି :
ଏହି ରାଶିର ବ୍ୟକ୍ତିଙ୍କ ଉପରେ ଭଗବାନ ଶିବଙ୍କର କୃପା ଦୃଷ୍ଟି ରହିବ । ପରିବାରରେ ଧାର୍ମିକ ପରିବେଶ ରହିବ । ବାପା-ମାଙ୍କ ସହଯୋଗ ପ୍ରାପ୍ତ ହେବ । ଧନ ଲାଭ ହୋଇପାରେ । ନୂତନ ଯୋଜନା ଉପରେ କାମ ଆରମ୍ଭ କରିବେ ।
ତୁଳା ରାଶି :
ଦୀର୍ଘ ଦିନରୁ ଅଟକି ରହିଥିବା ଧନ ଫେରି ପାଇବେ । ବାପା-ମାଙ୍କ ସହଯୋଗରେ ଅନେକ ମହତ୍ୱପୂର୍ଣ୍ଣ କାର୍ଯ୍ୟ ହୋଇପାରେ । ବ୍ୟାପାରରେ ଉନ୍ନତି ଯୋଗ ରହିବ ।
କୁମ୍ଭ ରାଶି :
ମାନ-ସମ୍ମାନ ବୃଦ୍ଧି ହେବ । ଏହି ମାସ କୌଣସି ନୂତନ କାର୍ଯ୍ୟ ପାଇଁ ଶୁଭ ହେବ । ଚାକିରି କ୍ଷେତ୍ରରେ ଶୁଭ ଫଳ ପ୍ରାପ୍ତ ହେବ । ଧନ ଲାଭ ହେବ ।
ବର୍ଷା ଆସିଲେ ମରଣଯନ୍ତା ପାଲରେ ଗାଁକୁ ସଂଯୋଗ କରୁଥିବା ଏକମାତ୍ର ରାସ୍ତା
ସାଲେପୁର: ବିପଦସଂକୁଳ ଅବସ୍ଥାରେ କେନାଲ ରୋଡ। ଅସରାଏ ବର୍ଷାରେ ରାସ୍ତା ଉପରେ ଢେଉ ଭାଙ୍ଗୁଛି ବର୍ଷା ପାଣି। ବର୍ଷା ଦିନ ଆସିଲେ ମରଣଯନ୍ତା ପାଲଟୁଛି କେନାଲ ରୋଡ। ପାଦେ ପାଦେ ରେ ବିପଦ ଗାଁ ଆମ୍ବୁଲାନ୍ସ ଆସିବାକୁ ବି ମନାକରିଦେଉଛି। ଏଭଳି ଦୃଶ୍ୟ ଦେଖିଲେ ଭୃକୁଞ୍ଚନ ହୁଏ। ସ୍ୱାଧୀନ ଭାରତରେ ଏମିତିବି ରାସ୍ତା ଏବେ ରହିଛି ବୋଲି ମଦକୁ ପ୍ରଶ୍ନ ଉଠେ। ଏମିତି ଦୃଶ୍ୟ ଦେଖିବାକୁ ମିଳିଛି ସାଲେପୁରରେ।

ଖାଲଖମାରେ ଭର୍ତ୍ତି ହୋଇଛି କଟକ ଜିଲ୍ଲାର ସାଲେପୁର-କିଶୋରନଗର ରାସ୍ତା। ଦୀର୍ଘ ଦିନ ହେଲା ଜଳସମ୍ପଦ ବିଭାଗ ଅଧିନରେ ଥିବା ଏହି ରାସ୍ତା ମରାମତି ହେଉନଥିବାରୁ ମରଣଯନ୍ତା ପାଲଟିଛି। ଫଳରେ ଗାଡି ମୋଟର ସବୁ ବିପଦ ସଂକୁଳ ଅବସ୍ଥାରେ ଯାତୟାତ କରୁଛନ୍ତି। ଯାହାକୁ ନେଇ ସ୍ଥାନୀୟ ଲୋକଙ୍କ ମଧ୍ୟରେ ଅସନ୍ତୋଷ ବଢୁଥିବା ବେଳେ ମରାମତି ପାଇଁ ଦାବି କରିଛନ୍ତି। ସେପଟେ ବାରମ୍ବାର ଅଭିଯୋଗ ପରେ ମରାମତି ପାଇଁ ପ୍ରତିଶ୍ରୁତି ଦେଇ ବସିପଡିଛି ପ୍ରଶାସନ।
ସାଲେପୁର-କିଶୋରନଗର-ଜଗତସିଂହପୁରର ଲାଇଫ୍ଲାଇନ ଏହି ରାସ୍ତା। ଏହା ଉପରେ ପ୍ରତିଦିନ ହଜାର ହଜାର ଲୋକ ନିର୍ଭର କରନ୍ତି। ମାତ୍ର ରାସ୍ତା ମରାମତି କାମ ହେଉନଥିବାରୁ ଜରୁରୀକାଳୀନ ସେବା ବାଧାପ୍ରାପ୍ତ ହେଉଥିବା ଅଭିଯୋଗ ହୋଇଛି। ସେପଟେ ରାସ୍ତାକୁ ନେଇ ଅନୁଧ୍ୟାନ କରାଯାଇଛି, ଉପରିସ୍ଥ ଅଧିକାରୀଙ୍କୁ ଅବଗତ କରାଯିବ ବୋଲି କହିଛନ୍ତି ଜଳସମ୍ପଦ ବିଭାଗର ନିର୍ବାହୀ ଯନ୍ତ୍ରୀ। ଅନ୍ୟପଟେ ଖୁବ୍ ଶୀଘ୍ର ରାସ୍ତା ମରାମତି କାମ ଆରମ୍ଭ ହେବ ବୋଲି କହିଛନ୍ତି ସାଲେପୁର ବିଧାୟକ।
ରିଲିଜ ପୂର୍ବରୁ ସୋସିଆଲ ମିଡିଆରେ ଲିକ୍ ହେଲା ‘ମିମି’
ମୁମ୍ବାଇ: ବଲିଉଡ୍ ଅଭିନେତ୍ରୀ କ୍ରୀତି ସାନନ୍ଙ୍କ ଅଭିନୀତ ନୂଆ ଚଳଚ୍ଚିତ୍ର ‘ମିମି’ ମୁକ୍ତିଲାଭ କରିବାର ଚାରିଦିନ ପୂର୍ବରୁ ସୋସିଆଲ୍ ମିଡିଆରେ ପ୍ରଘଟ (ଲିକ୍) ହେଇଯାଇଛି। ଏହାର ଅଫିସିଆଲ୍ ରିଲିଜ୍ ନେଟ୍ଫ୍ଲିକ୍ସରେ ହେବାକୁ ନିଷ୍ପତ୍ତି ନିଆଯାଇଥିଲା। ହେଲେ ଆଶ୍ଚର୍ଯ୍ୟର କଥା ‘ମିମି’ ନିର୍ଦ୍ଧାରିତ ତାରିଖରେ ରିଲିଜ୍ ପୂର୍ବରୁ ଅନ୍ଲାଇନ୍ ପାଇରେସିର ଶିକାର ହେଇଛି।

ରିପୋର୍ଟ ଅନୁସାରେ ଜିଓ ଷ୍ଟୁଡିଓ ଓ ମେଡାକ୍ ଫିଲ୍ମସ୍ ଦ୍ବାରା ପ୍ରସ୍ତୁତ ‘ମିମି’ର ପାଇରେଟେଡ୍ ଭର୍ସନ୍ ଗତ ୨୬ ତାରିଖରେ ଟେଲିଗ୍ରାମ୍ରେ ଦେଖିବାକୁ ମିଳିଛି। ଟେଲିଗ୍ରାମ୍ ହେଉଛି ପାଇରେସି କରିବାର ସହଜ ମାଧ୍ୟମ। ଅତୀତରେ ଏମିତି ରିଲିଜ୍ ପୂର୍ବରୁ କେତେକ ଚଳଚ୍ଚିତ୍ର ପ୍ରଘଟ ହେବାର ନଜିର ରହିଛି। ଏହା ଜଣାପଡ଼ିବା ପରେ ପ୍ରଯୋଜନା ସଂସ୍ଥା ପକ୍ଷରୁ ଧରପଗଡ଼ ପ୍ରକ୍ରିୟା ଆରମ୍ଭ ହେଇଯାଇଛି।

‘ମିମି’ର ନିର୍ଦ୍ଦେଶନା ଦେଇଛନ୍ତି ଲକ୍ଷ୍ମଣ ଉତେକର। ଏଥିରେ ଜଣେ ମହିଳା ବିବାହ ପୂର୍ବରୁ କିପରି ଅନ୍ୟ ଏକ ଦମ୍ପତିଙ୍କ ପାଇଁ ପିଲାଜନ୍ମ କରିବାକୁ କୌତୁହଳପ୍ରଦ ଢଙ୍ଗରେ ତୟାର ହେଇଛି, ତାହା ଦେଖିବାକୁ ମିଳିବ। ଏଥିପାଇଁ କ୍ରୀତିଙ୍କୁ ପେଟ ଉପରେ ୧୫ କେ.ଜି. ଓଜନର ସାମଗ୍ରୀ ଧରି କ୍ୟାମେରା ସାମ୍ନାରେ ଅଭିନୟ କରିବାକୁ ପଡ଼ିଛି। ଏଥିରେ କ୍ରୀତିଙ୍କ ବ୍ୟତୀତ ପଙ୍କଜ ତ୍ରିପାଠୀ, ସାଇ ତମହଙ୍କର ଓ ସୁପ୍ରିୟା ପାଠକ ଅଭିନୟ କରିଛନ୍ତି।
ବନ୍ୟା ପୂର୍ବରୁ ମରାମତି ହେଲା ଦେବୀନଦୀ ବନ୍ଧ, ଭୟରୁ ଆଶ୍ୱସ୍ତ ଏବେ ଲୋକେ
ଜଗତସିଂହପୁର: ଜଗତସିଂହପୁର ଜିଲ୍ଲାକୁ ଆଉ ନାହିଁ ଦଳେଇ ଘାଇ ବିପଦ। ଜଳସମ୍ପଦ ବିଭାଗ ବନ୍ଧ ମରାମତି କରିବା ପରେ ନଦୀକୂଳିଆ ଲୋକଙ୍କ ଭୟ ଦୂର ହୋଇଛି। ଦେବୀନଦୀ ବନ୍ଧ ମରାମତି ପରେ ବନ୍ଧ ସୁରକ୍ଷିତ ଓ ମଜଭୁତ୍ ହୋଇଛି। ଫଳରେ ଚଳିତବର୍ଷ ଦେବୀନଦୀରେ ପ୍ରଥମ ବନ୍ୟାଜଳ ପ୍ରବେଶ କରିଥିଲେ ମଧ୍ୟ କୌଣସି ବିପଦ ନଥିବା ସ୍ଥାନୀୟ ଲୋକ କହିଛନ୍ତି ।

ମରାମତି ହୋଇଛି ଦେବୀନଦୀ ବନ୍ଧ। ଟଳିଛି ଦଳେଇ ଘାଇ ବିପଦ। ଆଶ୍ୱସ୍ତ ଏବେ ନଦୀକୂଳିଆ ଲୋକେ। ଚଳିତବର୍ଷ ଜଗତସିଂହପୁର ଜିଲ୍ଲାର ଦେବୀନଦୀରେ ପ୍ରଥମ ବନ୍ୟାଜଳ ଆସିଛି। କିନ୍ତୁ ଲୋକଙ୍କ ମନରେ ପୂର୍ବ ଭଳି ଭୟ ନାହିଁ। କାରଣ ଆଗୁଆ ପଦକ୍ଷେପ ନେଇଛି ଜଳସମ୍ପଦ ବିଭାଗ। ଏହି ଘାଇ ସହିତ ବିଲୁଆଖାଇ, ହାଜିପୁର, ବିରିଡ଼ି ଆଦି ଅଞ୍ଚଳର ନଦୀବନ୍ଧ ମରାମତି ସହିତ ୪ ଫୁଟ୍ ଉଚ୍ଚ କରି ସୁଦୃଢ଼ କରାଯାଇଛି।
୧୯୮୨ରେ ଦଳେଇଘାଇ ଭାଙ୍ଗିଥିଲା। ପ୍ରଭାବିତ ହୋଇଥିଲା ପୂରା ଜଗତସିଂହପୁର ଜିଲ୍ଲା। ତା’ପରଠୁ ବର୍ଷା ଋତୁ ଆସିଲେ ଲୋକ ଆତଙ୍କିତ ହୋଇପଡୁଥିଲେ। ତେବେ ଜଳସମ୍ପଦ ବିଭାଗ ପକ୍ଷରୁ ଦଳେଇଘାଇଠାରୁ ଆରମ୍ଭ କରି ୨୨ମୌଜା, ଶଙ୍ଖାରିସାହି, ଭଣ୍ଡିସାହି ପର୍ଯ୍ୟନ୍ତ ନଦୀବନ୍ଧ ଉଚ୍ଚା ଓ ପଥର ପ୍ୟାକିଂ କରିଯାଇଛି । ଟଳିଛି ବନ୍ୟା ବିପଦ।।
ଦୁର୍ଘଟଣାଗ୍ରସ୍ତ ଦୁଇ ମହିଳାଙ୍କୁ ରାସ୍ତାରୁ ଉଠାଇ SCBରେ ପହଞ୍ଚାଇଲେ କଟକ ଚୌଦ୍ୱାର ବିଧାୟକ ସୌଭିକ
କଟକ: ଚୌଦ୍ୱାର ବିଧାୟକ ସୌଭିକ ବିଶ୍ୱାଳଙ୍କ ମହାନତା। ରାସ୍ତାରେ ଦୁର୍ଘଟଣାର ଶିକାର ହେଇଥିବା ଦୁଇଜଣ ମହିଳାଙ୍କୁ ଡାକ୍ତରଖାନା ନାଇ ସେମାନଙ୍କର ଚିକିତ୍ସା କରାଇଛନ୍ତି। ସୂଚନା ମୁତାବକ ସୌଭିକ ବିଶ୍ୱାଳ ଜରୁରୀ କାର୍ଯ୍ୟରେ ଭୁବନେଶ୍ୱର ଯାଉଥିବା ବେଳେ କଟକ ପ୍ରତାପ ନଗରୀ ନିକଟରେ NH ରେ ଦୁଇ ଜଣ ଯୁବତୀ ଦୁର୍ଘଟଣା ହୋଇ ରାସ୍ତାରେ ପଡିଥିଲେ।

କୌଣସି ଏକ ଗାଡ଼ି ସେମାନଙ୍କୁ ପିଟି ଚାଲିଯାଇଥିଲା। ଦୁର୍ଘଟଣାରେ ଜଣେ ଯୁବତୀଙ୍କ ଗୋଡ଼ ଉପରେ ଗାଡି ଚଢିଯାଇଥିବା ବେଳେ ଅନ୍ୟ ଜଣେ ଯୁବତୀଙ୍କ ଛାତିରେ ଗୁରୁତର ଆଘାତ ଲାଗିଥିଲା। ଏହା ଦେଖି ସୌଭିକ ସଙ୍ଗେ ସଙ୍ଗେ ଗାଡିରୁ ବାହାରି ଆସି ତୁରନ୍ତ ତାଙ୍କ ଗାଡ଼ିରେ ଦୁଇ ଯୁବତୀଙ୍କୁ ବସାଇ SCB ମେଡିକାଲ କୁ ଆଣିଥିଲେ। ସେଠାରେ ତାଙ୍କର ଚିକିତ୍ସା କରାଇ ଘରକୁ ଛାଡ଼ିଥିଲେ । ତେବେ ତାଙ୍କର ଏଭଳି ଭଲ କାର୍ଯ୍ୟ ପାଇଁ ଚର୍ଚ୍ଚାରେ ରହିଛନ୍ତି ସୌଭିକ୍।

ବିଚକ୍ଷଣ ଶିଶୁ: ୨୩ ମିନିଟ ୪୮ ସେକେଣ୍ଡରେ ୨୭ଟି ପୁସ୍ତକ ପଢ଼ି ସୃଷ୍ଟି କଲେ ରେକର୍ଡ
ପଞ୍ଜାବ: ଗୋଟିଏ ପ୍ରସିଦ୍ଧ ଲୋକ କଥା ରହିଛି, ବୟସ କେବଳ ଗୋଟିଏ ସଂଖ୍ୟା ମାତ୍ର । ଏହାକୁ ବାସ୍ତବରେ ପରିଣତ କରି ଦେଖାଇଛନ୍ତି, ଲୁଧିୟାନାର ବାସିନ୍ଦା ସାଢେ ୩ ବର୍ଷୀୟ କୁନୱର ପ୍ରତାପ ସିଂହ । କୁନୱରଙ୍କ ନାମ ଇଣ୍ଡିଆ ବୁକ୍ ଅଫ ରେକର୍ଡ ଓ ଆନ୍ତଃର୍ଜାତୀୟ ବୁକ୍ ଅଫ ରେକର୍ଡରେ ସ୍ଥାନ ପାଇଛି । ତାଙ୍କର ବିଚକ୍ଷଣ ସ୍ମରଣଶକ୍ତି ପାଇଁ ଚାଇଲ୍ଡ ପ୍ରୋଡିଜି ମାଗାଜିନ୍ ପାଇଁ ସେ ଭାରତର ୧୦୦ ପିଲାଙ୍କ ମଧ୍ୟରେ ମନୋନୀତ ହୋଇଛନ୍ତି ।

କୁନୱର ସରାଭା ନଗର ସେକ୍ରେଡ୍ ହାର୍ଟ କନଭେଣ୍ଟ ବିଦ୍ୟାଳୟର ଛାତ୍ର । ତାଙ୍କର ଚମତ୍କାରୀ ସ୍ମରଣ ଶକ୍ତି ପାଇଁ ସେ ଜଣେ ପଞ୍ଚମ ଶ୍ରେଣୀ ଛାତ୍ରଙ୍କୁ ପରାସ୍ତ କରିଛନ୍ତି । କୁନୱର ୧ ରୁ ୪୦ ପର୍ଯ୍ୟନ୍ତ ପଣିକିଆ, ବିଶ୍ୱର ସମସ୍ତ ଦେଶର ରାଜଧାନୀ ନାମ, ଯେକୌଣସି ସଂଖ୍ୟାର ଗୁଣନ, ଏହାସହ ୨୩ ମିନିଟ ୪୮ ସେକେଣ୍ଡରେ ୨୭ ପୁସ୍ତକ ପଢିବାର ରେକର୍ଡ ସୃଷ୍ଟି କରିଛନ୍ତି । କୁନୱରଙ୍କୁ ନିଜ କଲୋନୀର ସମସ୍ତ ଲୋକଙ୍କର ନାମ, ଘର ନାମ ଆଦି ମନେ ଅଛି ।

ପୁସ୍ତକ ପ୍ରତି ତାଙ୍କର ଆଗ୍ରହ, ପୁସ୍ତକ ପଢିବା, ବିିଭିନ୍ନ ଭାଷାରେ କଥା ହେବା ସହ କଠିନ ଶବ୍ଦର ଉଚ୍ଚାରଣ ସେ ଖୁବ ସହଜରେ କହିଥାଆନ୍ତି ।
କୁନୱରଙ୍କ ମାତାପିତାଙ୍କ କହିବାନୁଯାୟୀ, ତାଙ୍କୁ ନିଜ ସହ ଖେଳୁଥିବା ତାଙ୍କ ବୟସର ପିଲାଙ୍କୁ ପାଠ ପଢାଇବାକୁ ମଧ୍ୟ ଆଗ୍ରହ ପ୍ରକାଶ କରିଥାଆନ୍ତି ।
ଫଟୋ ଗୁଡିକୁ ଦେଖି ତାହାକୁ ସହଜରେ ମନେ ରଖିବା ସହ ଏକ ବର୍ଷ ପୂର୍ବରୁ ଘଟିଥିବା ଘଟଣା ଗୁଡିକୁ ମଧ୍ୟ ସେ ସହଜରେ ମନେ ରଖିଥାଆନ୍ତି । ଇଣ୍ଡିଆ ବୁକ୍ ଅଫ୍ ରେକର୍ଡରେ ତାଙ୍କୁ ୧ ମିନିଟରେ ୨୭ଟି ସ୍ମାରକର ନାମ, ୧ମିନିଟରେ ୧୪ କ ଯାଏଁ ପଣିକିଆ କହିବାରୁ ତାଙ୍କୁ ଗ୍ରାଣ୍ଡମାଷ୍ଟର ଆଖ୍ୟା ଦିଆଯାଇଥିଲା । ଏତେ କମ ବୟସରେ ତାଙ୍କ ନାମ ଅନ୍ତର୍ଜାତୀୟ ବୁକ ଅଫ ରେକର୍ଡରେ ସମସ୍ତ ଭାରତୀୟ ରାଜ୍ୟର ରାଜଧାନୀ ନାମକୁ ୪୮ ସେକେଣ୍ଡରେ ରେକର୍ଡ କରାଯାଇ ୨୩ ମିନିଟ ୪୮ ସେକେଣ୍ଡରେ ୨୭ଟି ପୁସ୍ତକ ପଢିବା ପାଇଁ ରେକର୍ଡ଼ କରାଯାଇଛି ।
ଭଲ ବର୍ଷା ହେବା ପାଇଁ ଡ଼ଙ୍ଗର ବୁଢାକୁ ପୂଜା କଲେ ଆଦିବାସୀ ସମ୍ପ୍ରଦାୟର ଲୋକେ
ବଲାଙ୍ଗୀର: କେତେବେଳେ ପାହାଡ଼ ପର୍ବତ କୁ ନେଇ ପୂଜା ତ ଆଉ କେତେବେଳେ ସୂର୍ଯ୍ୟ, ଚନ୍ଦ୍ର ଆକାଶ କୁ ନେଇ। ପୁଣି କେତେବେଳେ ଗଛଳତା ପାଣି ପବନ କୁ ନେଇ ପୂଜାର୍ଚନା ଆମେ ଦେଖିବାକୁ ପାଇଛେ। ଓଡ଼ିଶାର କୋଣ ଅନୁକୋଣ ପାରମ୍ପରିକ ମହକରେ ମହକି ଉଠେ। ପିଚୁ କଂକ୍ରିର ଜଙ୍ଗଲରୁ ବଣ ପାହାଡ଼ ଘେରା ଜଙ୍ଗଲକୁ ଚାଲି ଗଲେ ଏମିତି କିଛି ପରମ୍ପରା ଦେଖିବାକୁ ମିଳିଥାଏ ଯେଉଁଠି ପଠରେ ଥିବା ଭଗବାନଙ୍କୁ ନୁହେଁ ପ୍ରକୃତିର ଭଗବାନଙ୍କୁ ପୂଜା କରାଯାଏ। ଆଦିବାସୀଙ୍କ ରୀତିନୀତି ସମ୍ପୂର୍ଣ୍ଣ ଅଲଗା ।
ବାଜୁଛି ଢୋଲ, ନିଶାନ, ତାଷା। ଆଉ ମୁହୁରୀର ପଞ୍ଚବାଦ୍ୟର ତାଳରେ ଗାଁ ଦାଣ୍ଡରେ ଖଣ୍ଡା, ତଳବାର, ଧନୁ ତୀର ଧରି ଚାଲିଛି ନାଚ ଗୀତ। ବେଶ ଧୁମଧାମରେ ବାଦ୍ୟର ତାଳେ ତାଳେ ନାଚି ଜଙ୍ଗଲ ଆଡ଼କୁ ମୁହାଁଇଛନ୍ତି ଡଙ୍ଗରିଆ ଆଦିବାସୀ। ଏ ଦୃଶ୍ୟ ହେଉଛି ବଲାଙ୍ଗିର ଜିଲା ଟିଟିଲାଗଡ଼ ନିକଟରେ ଥିବା ଶଗଡ଼ଘାଟ ଗ୍ରାମ ପଂଚାୟତର। ବର୍ଷାର ଅଭାବ ହେଲେ ଏହି ପୂଜା କରିଥାନ୍ତି ଆଦିବାସୀ ସମ୍ପ୍ରଦାୟର ଲୋକେ। ନାଚ ଗୀତ ପରେ ୪ କିଲୋମିଟର ପାହାଡ଼ ଉପରୁ ଯାଇ ସେଠାରେ ଡଙ୍ଗର ବୁଢ଼ାକୁ ପୂଜା ସାରିବା ପରେ ଛେଳୀର ବଳି ପକାଇଥାନ୍ତି ଆଦିବାସୀ ଲୋକେ। ଏମାନଙ୍କ ବିଶ୍ୱାସ ଯେ ଡ଼ଙ୍ଗର ବୁଢା କୁ ପୂଜା କଲେ ଭଲ ବର୍ଷା ହୁଏ ଏବଂ ଭଲ ଫସଲ ମଧ୍ୟ ହୁଏ।
ତେବେ ବଲାଙ୍ଗିର ଜିଲା ଟିଟଲାଗଡ଼ରେ ଏଥର କମ୍ ବର୍ଷା ହୋଇଛି। କମ୍ ବର୍ଷା ଯୋଗୁଁ ମରୁଡ଼ି ପରିସ୍ଥିତି ସୃଷ୍ଟି ହୋଇଛି। ଫଳରେ ଫସଲ ଉପରେ ବହୁଳ ମାତ୍ରାରେ ପ୍ରଭାବ ପଡ଼ିଛି। ତେବେ ଆଗକୁ ଭଲ ବର୍ଷା ହେବା ପାଇଁ ଏମିତି ପୂଜା କରିଛନ୍ତି ଆଦିବାସୀ ଲୋକେ।
ଡାକ୍ତରୀ ପାଠ୍ୟକ୍ରମରେ ପଛୁଆ ବର୍ଗଙ୍କ ପାଇଁ ୨୭% ଏବଂ ଅର୍ଥନୈତିକ ଦୁର୍ବଳ ବର୍ଗଙ୍କ ପାଇଁ ୧୦% ସଂରକ୍ଷଣ
ଭୁବନେଶ୍ୱର: ମେଡିକାଲ ପାଠ୍ୟକ୍ରମରେ ଲାଗୁହେଲା ନୂଆ ସଂରକ୍ଷଣ ବ୍ୟବସ୍ଥା। ଗ୍ରାଜୁଏଟ ଓ ପୋଷ୍ଟ ଗ୍ରାଜୁଏଟ ମେଡିକାଲ କୋର୍ସ ଲାଗି ସର୍ବଭାରତୀୟ କୋଟା ଯୋଜନା ଲାଗୁ ହୋଇଛି। ଏଥର ଅନ୍ୟାନ୍ୟ ପଛୁଆ ବର୍ଗର ଛାତ୍ରଛାତ୍ରୀଙ୍କ ପାଇଁ ୨୭ ପ୍ରତିଶତ ସରଂକ୍ଷଣ ଲାଗି ହୋଇଛି ବଡ ନିଷ୍ପତ୍ତି। ଖାଲି ବଛୁଆ ବର୍ଗର ଛାତ୍ରଛାତ୍ରୀଙ୍କ ପାଇଁ ନୁହେଁ ବରଂ ଅର୍ଥନୈତିକ ଦୁର୍ବଳ ବର୍ଗର ଛାତ୍ରଛାତ୍ରୀଙ୍କ ଲାଗି ମଧ୍ୟ ୧୦ ପ୍ରତିଶତ ସଂରକ୍ଷଣ ଲାଗି ମେଡିକାଲ ପାଠ୍ୟକ୍ରମରେ ନିଷ୍ପତ୍ତି କରାଯାଇଛି। ଏହି ଯୋଜନା ଦ୍ୱାରା ଉପକୃତ ହେବେ ୫ହଜାର ୫୫୦ ଜଣ ଛାତ୍ରଛାତ୍ରୀ। ଏହି ଯୋଜନା
୨୦୨୧-୨୨ ଲାଗି ଲାଗୁ କରାଯିବ। ଏହି ଯୋଜନା ମାଧ୍ୟମରେ ୧୫୦୦ ଓବିସି ଛାତ୍ରଛାତ୍ରୀ ଏମବିବିଏସରେ ଓ ୨୫୦୦ ଛାତ୍ରଛାତ୍ରୀ ପିଜି ସଂରକ୍ଷଣ ସୁବିଧା ପାଇବେ। ସେହିପରି ଆର୍ଥିକ ପଛୁଆ ବର୍ଗର ୫୫୦ ଏମବିବିଏସ ଓ ୧୦୦୦ ପିଜି ଛାତ୍ରଛାତ୍ରୀ ଉପକୃତ ହେବେ। ୧୯୮୬ରେ ଏହି ଯୋଜନା ଆରମ୍ଭ ହୋଇଥିଲା । ଅଲ୍ ଇଣ୍ଡିଆ କୋଟା ସ୍କିମ୍ (AIQ) ଅନୁଯାୟୀ, ଏହି ସୁବିଧା ରାଜ୍ୟ ସରକାରଙ୍କ ଦ୍ୱାରା ପରିଚାଳିତ ଅନୁଷ୍ଠାନରୁ ନିଆଯାଇପାରିବ। ଏହା ପୂର୍ବରୁ ଏହି ଯୋଜନା କେନ୍ଦ୍ରର ଅନୁଷ୍ଠାନଗୁଡ଼ିକରେ କାର୍ଯ୍ୟକାରୀ ହୋଇଛି।
୨୦୦୭ରେ, ଯେତେବେଳେ କେନ୍ଦ୍ରୀୟ ଶିକ୍ଷାନୁଷ୍ଠାନ (ଆଡମିସନ୍ ରେ ରିଜର୍ଭେସନ୍) ଆକ୍ଟ ଲାଗୁ ହେଲା, ସେତେବେଳେ ପଛୁଆ ବର୍ଗର ଛାତ୍ରଛାତ୍ରୀ ମାନେ ୨୭ % ସଂରକ୍ଷଣର ଲାଭ ପାଇଥିଲେ। ବର୍ତ୍ତମାନ ପର୍ଯ୍ୟନ୍ତ ଏହି ସୁବିଧା କେନ୍ଦ୍ରୀୟ ଶିକ୍ଷାନୁଷ୍ଠାନ ରେ ପ୍ରଯୁଜ୍ୟ ଥିଲା। କିନ୍ତୁ ଏବେ ଏହାକୁ ରାଜ୍ୟ ମେଡିକାଲ ଏବଂ ଡେଣ୍ଟାଲ କଲେଜରେ କାର୍ଯ୍ୟକାରୀ କରାଯାଇଛି। ଯାହାଫଳରେ ବର୍ତ୍ତମାନ ଓବିସି ଛାତ୍ରମାନେ ଏହି ସୁବିଧା ପାଇବେ।

