spot_img
Home Blog Page 5627

ରାଜ୍ୟରେ ଟିକା ଅଭାବ, ଆଜି ୧୧ ଜିଲ୍ଲାରେ ବନ୍ଦ ରହିବ ଟିକାକରଣ

ଭୁବନେଶ୍ୱର: ମହାମାରୀ କରୋନା ବିରୋଧରେ ଏକମାତ୍ର ଅସ୍ତ୍ର ଭାବେ ଉଭା ହୋଇଛି କରୋନା ଟିକା । ହେଲେ ରାଜ୍ୟରେ କରୋନା ଟିକାର ଅଭାବ ଚିନ୍ତା ବଢ଼ାଇଛି । କେନ୍ଦ୍ର ସରକାର ଜୁନ୍ ମାସ ପାଇଁ ଆବଶ୍ୟକ ଟିକା ଦେଇନଥିବାରୁ ଟିକାର ଅଭାବ ଦେଖାଦେଇଛି । ଫଳରେ ଆଜି ରାଜ୍ୟର ୧୧ ଜିଲ୍ଲାରେ ଟିକାକରଣ ବନ୍ଦ କରାଯାଇଛି । ଅନୁଗୁଳ, ବଲାଙ୍ଗିର, ବାଲେଶ୍ୱର, ଭଦ୍ରକ, ଢେଙ୍କାନାଳ, ଯାଜପୁର, ଗଞ୍ଜାମ, ଝାରସୁଗୁଡ଼ା, ସୋନପୁର, କେନ୍ଦ୍ରାପଡ଼ା ଓ କୋରାପୁଟ ଜିଲ୍ଲାରେ ଆଜି ଟିକାକରଣ ବନ୍ଦ ରହିବ ।

Covishield Shortage In Odisha, Vaccination Stopped In 11 District

ଏଭଳି ସ୍ଥିତିରେ କେନ୍ଦ୍ର ସରକାର ଖୁବଶୀଘ୍ର ଟିକା ନଦେଲେ ଟିକାକରଣ ଆହୁରି ବାଧାପ୍ରାପ୍ତ ହେବ । କୋଭିସିଲ୍ଡ ଟିକାର ଅଭାବ ଦେଖା ଦେଇଥିବାରୁ କେନ୍ଦ୍ର ସରକାର ତୁରନ୍ତ ଜୁନ ମାସର ୬ ଲକ୍ଷ ଡୋଜ୍ ଦେବା ପାଇଁ ରାଜ୍ୟ ଦାବି କରିଛି । ଏନେଇ କେନ୍ଦ୍ରକୁ ରାଜ୍ୟ ସ୍ୱାସ୍ଥ୍ୟମନ୍ତ୍ରୀ ଚିଠି ମଧ୍ୟ ଲେଖିଛନ୍ତି । ହେଲେ କେନ୍ଦ୍ର ସରକାର ଏ ପର୍ଯ୍ୟନ୍ତ ଟିକା ଦେଇନଥିବାରୁ ଅନେକ ଟିକାଦାନ କେନ୍ଦ୍ର ବନ୍ଦ ହେବାରେ ଲାଗିଛି ।

Covishield Shortage In Odisha, Vaccination Stopped In 11 District

ଜୁନ୍ ୨୧ ପରେ ଜୁନ୍ ୩୦ରେ ସବୁଠୁ କମ୍ କେନ୍ଦ୍ରରେ କୋଭିଡ୍ ଟିକା ଦିଆଯିବ । କୋଭିସିଲ୍ଡ ଟିକାର ଅଭାବ ଯୋଗୁଁ ଏଭଳି ସ୍ଥିତି ଉପୁଜିଛି । ଏବେ ରାଜ୍ୟ ପାଖରେ କୋଭିସିଲ୍ଡ ଟିକାର ମାତ୍ର ୩୮ ହଜାର ୩୮୦ ଡୋଜ୍ ଟିକା ଉପଲବ୍ଧ ଅଛି । ଜୁଲାଇ ୨ରେ କୋଭିସିଲ୍ଡ ଟିକା ରାଜ୍ୟକୁ ମିଳିବାର ସମ୍ଭାବନା ରହିଛି ।

ଜାତୀୟ ପୋର୍ଟ ବିଲ ୨୦୨୧କୁ ନେଇ ଆପତ୍ତି ଉଠାଇଲା ଓଡ଼ିଶା

ଭୁବନେଶ୍ୱର: ପ୍ରସ୍ତାବିତ ଜାତୀୟ ପୋର୍ଟ ବିଲ ୨୦୨୧କୁ ନେଇ ଆପତ୍ତି ଉଠାଇଲା ଓଡ଼ିଶା। ଚିଠା ବିଲ ପ୍ରସ୍ତୁତି ପୂର୍ବରୁ ରାଜ୍ୟମାନଙ୍କ ମତାମତ ନିଆଯାଇ ନାହିଁ। ଏହାକୁ ନେଇ କେନ୍ଦ୍ର ବନ୍ଦର ଓ ଜାହାଜ ଚଳାଚଳ ମନ୍ତ୍ରୀଙ୍କୁ ଚିଠି ଲେଖିଛନ୍ତି ରାଜ୍ୟ ପରିବହନ ମନ୍ତ୍ରୀ ପଦ୍ମନାଭ ବେହେରା। ତରବରିଆ ଭାବେ ଜାତୀୟ ବିଲ୍ ପ୍ରସ୍ତୁତ ନକରିବାକୁ ମନ୍ତ୍ରୀ ବେହେରା ଚିଠିରେ ଉଲ୍ଲେଖ କରିଛନ୍ତି। ଉପକୂଳ ରାଜ୍ୟଗୁଡ଼ିକର ଅଭିଯୋଗ ଆଧାରରେ ବିଲରେ ସଂଶୋଧନ କରାଯାଉ ବୋଲି ଚିଠିରେ ଦାବି କରାଯାଇଛି। ଓଡ଼ିଶା ସରକାର ମେରିଟାଇମ ବୋର୍ଡ ପ୍ରକ୍ରିୟାରେ ଅଛନ୍ତି।

ଏ ସମ୍ପର୍କିତ ପ୍ରସ୍ତାବ ଏବେ ରାଷ୍ଟ୍ରପତିଙ୍କ ଅନୁମୋଦନ ଅପେକ୍ଷାରେ ରହିଛି। ପୋର୍ଟ ବିଲ୍‌ରେ ରାଜ୍ୟ ମେରିଟାଇମ ବୋର୍ଡ ଗଠନ ନେଇ କୌଣସି ସୂଚନା ନାହିଁ। ତେଣୁ ଏହି ବିଲରେ ସଂଶୋଧନ କରିବାକୁ ଦାବି କରିଛି ଓଡ଼ିଶା। ପ୍ରସ୍ତାବିତ ବିଲରେ ମେରିଟାଇମ ରାଜ୍ୟ ଉନ୍ନୟନ ପରିଷଦର ପ୍ରସ୍ତାବ ରହିଛି। ଏହି ପରିଷଦ ଦ୍ୱାରା ରାଜ୍ୟମାନଙ୍କ ଅଧିକାର କ୍ଷୂଣ୍ଣ ହେବ। ଉପକୂଳ ରାଜ୍ୟଗୁଡ଼ିକରେ ବନ୍ଦର ବିକାଶ ବାଧାପ୍ରାପ୍ତ ହେବ। ଏହା ସଂଘୀୟ ବ୍ୟବସ୍ଥାର ପରିପନ୍ଥୀ ବୋଲି ମନ୍ତ୍ରୀ ପଦ୍ମନାଭ ବେହେରା ଚିଠିରେ ଉଲ୍ଲେଖ କରିଛନ୍ତି। ପରିଷଦର କ୍ଷମତା କେବଳ ପ୍ରସ୍ତାବ ଓ ପରାମର୍ଶରେ ସୀମିତ ରହୁ। ପରିଷଦରେ ଉପକୂଳ ରାଜ୍ୟମାନଙ୍କୁ ସଦସ୍ୟ ଭାବେ ଗ୍ରହଣ କରିବାକୁ ଚିଠିରେ ଦାବି କରାଯାଇଛି।

ଆଉ ନାହାଁନ୍ତି ପ୍ରସିଦ୍ଧ ରେଡିଓ ଖବର ପାଠକ ଉପେନ୍ଦ୍ର କୁମାର ପାହାଡ଼ସିଂହ

ଭୁବନେଶ୍ୱର: ଆଉ ନାହାଁନ୍ତି ପ୍ରସିଦ୍ଧ ରେଡିଓ ଖବର ପାଠକ ଉପେନ୍ଦ୍ର କୁମାର ପାହାଡ଼ସିଂହ। ଦୀର୍ଘ ଦିନ ଧରି ଦିଲ୍ଲୀ ଆକାଶବାଣୀରେ ସମ୍ବାଦ ଉପସ୍ଥାପକ ଭାବେ କାର୍ଯ୍ୟକରିଥିବା ଉପେନ୍ଦ୍ରଙ୍କର ୮୪ ବର୍ଷ ବୟସରେ ଦେହାନ୍ତ ଘଟିଛି। ଦିଲ୍ଲୀର ଏକ ଘରୋଇ ହସପିଟାଲରେ ପରଲୋକ ଘଟିଛି। ନିଜର ଗୁରଗମ୍ଭୀର ସ୍ୱର ପାଇଁ ସେ ଓଡ଼ିଶାର ଘରେ ଘରେ ବେଶ ପରିଚିତ ଥିଲେ।

ଜଣେ ଲିଜେଣ୍ଡଙ୍କ ବିୟୋଗରେ ସବୁ ମହଲରେ ଶୋକର ଛାୟା ଖେଳିଯାଇଛି। ନବେ ଦଶକରେ ଆକାଶବାଣୀର ସବୁଠୁ ଲୋକପ୍ରିୟ ସମ୍ବାଦ ପାଠକ ଥିଲେ ଉପେନ୍ଦ୍ର କୁମାର ପାହାଡ଼ସିଂହ। ତାଙ୍କ ନିଆରା ସମ୍ବାଦ ପଠନ ଶୈଳୀ ଆଜିବି ରେଡିଓ ଶ୍ରୋତାଙ୍କ ମନ ଭିତରେ ଛାପ ହୋଇ ରହିଛି। ଦିଲ୍ଲୀରୁ ପ୍ରସାରିତ ଓଡ଼ିଆ ସମ୍ବାଦ ପାଠକ ଭାବେ ଲୋକେ ତାଙ୍କୁ ଆଜି ବି ମନେ ରଖିଛନ୍ତି। ଚାକିରିରୁ ଅବସର ପରେ ସେ ଆକାଶବାଣୀ କଲୋନୀରେ ରହୁଥିଲେ।

ସୂଚନାରୁ ପ୍ରକାଶ, ଆକାଶବାଣୀର ଲୋକପ୍ରିୟ ସମ୍ବାଦପାଠକ ଉପେନ୍ଦ୍ର କୁମାର ପାହାଡ଼ସିଂହ ଗତ କିଛି ଦିନ ଧରି ଅସୁସ୍ଥ ହୋଇପଡ଼ିଥିଲେ। ତାଙ୍କୁ ଦିଲ୍ଲୀରେ ଏକ ପ୍ରାଇଭେଟ୍‌ ମେଡିକାଲ୍‌ରେ ଭର୍ତ୍ତି ହୋଇଥିଲେ। ସେଠାରେ ଚିକିତ୍ସାଧୀନ ଅବସ୍ଥାରେ ଆଜି ତାଙ୍କର ବିୟୋଗ ହୋଇ ଯାଇଛି। ତାଙ୍କ ବିୟୋଗରେ ବିଭିନ୍ନ ମହଲରେ ଶୋକର ଛାଇ ଖେଳି ଯାଇଛି।

ଜୀବନର ମୋଡ଼ ବଦଳାଇ ଦେଇଛି କରୋନା, ଉଚ୍ଚଶିକ୍ଷିତ ପତିପତ୍ନୀ ଢାବା କରି ରୋଜଗାରର ରାସ୍ତା ବାଛିଛନ୍ତି

ଭଦ୍ରକ: କରୋନା ବଦଳାଇଦେଇଛି ଜୀବିକା। ଢାବା କରି ଆତ୍ମନିର୍ଭର ହେବାର ନୂଆ ରାସ୍ତା ଆପଣାଇଛନ୍ତି ଉଚ୍ଚଶିକ୍ଷିତ ପତିପତ୍ନୀ। ଭଦ୍ରକ ନଳାଙ୍ଗ ନିକଟରେ ଢାବା କରି ରୋଜଗାରର ରାସ୍ତା ବାଛିଛନ୍ତି ସିଭିଲ ଇଞ୍ଜିନିୟର ଲିପିକା ଦାସ ଏବଂ ତାଙ୍କ ସ୍ୱାମୀ। ସେପଟେ ଯାତ୍ରାରେ କଟକଣା କାରଣରୁ ଦୁର୍ଦ୍ଦିନରେ ଅଭିନେତା ଦାମ ପଣ୍ଡା। ପରିବାର ଚଳାଇବା ପାଇଁ ଏବେ ଛୋଟ ଦୋକାନ ଉପରେ ଭରସା କରିଛନ୍ତି।

ଏ ହେଉଛନ୍ତି ଲିପିକା ଦାସ। ଶିକ୍ଷାଗତ ଯୋଗ୍ୟତା ସିଭିଲ ଇଞ୍ଜିନିୟରିଂ। ହେଲେ କରୋନା ବଦଳାଇଦେଇଛି ଜୀବିକାର ମାଧ୍ୟମ। ଆଉ ଉଚ୍ଚଶିକ୍ଷିତ ମହିଳାଙ୍କ କାନ୍ଧରେ ଏବେ ଢାବାର ଦାୟିତ୍ୱ। ଭଦ୍ରକ ୧୬ ନମ୍ବର ଜାତୀୟ ରାଜପଥ ନଳାଙ୍ଗ  ନିକଟରେ ଲିପିକା ଏବଂ ତାଙ୍କ ସ୍ୱାମୀ ଆରମ୍ଭ କରିଛନ୍ତି ଏହି ବ୍ୟବସାୟ। ନିଜେ ପରିବା କାଟିବା ସହିତ ରୋଷେଇ କରିବା, ଲୋକଙ୍କୁ ପାର୍ସଲ ଦେବା କାର୍ଯ୍ୟ କରୁଛନ୍ତି ପତିପତ୍ନି। ଲିପିକାଙ୍କ ସ୍ୱାମୀ ବାଙ୍ଗାଲୋରରେ ଇଲେକ୍ଟ୍ରିକାଲ କଣ୍ଟ୍ରାକ୍ଟର ଭାବେ କାର୍ଯ୍ୟ କରୁଥିଲେ। ମାତ୍ର କରୋନା କାରଣରୁ ଗାଁକୁ ଆସି ଏହି ନୂଆ ବ୍ୟବସାୟକୁ ଆପଣାଇଛନ୍ତି। ଶିକ୍ଷିତ ଦମ୍ପତ୍ତିଙ୍କ ଏଭଳି ଆତ୍ମନିର୍ଭର ଉଦ୍ୟମକୁ ପ୍ରଶଂସା କରିଛନ୍ତି ଅଞ୍ଚଳବାସୀ।

ଦାମ ପଣ୍ଡା । ଯାତ୍ରା ଦୁନିଆର ଜଣାଶୁଣା ନାଁ। ପେଣ୍ଡାଲ ଉପରେ ମନୋରଞ୍ଜନ ଭରିଦେଦେଉଥିବା ଏହି କଳାକାରଙ୍କର ଜୀବନର ମୋଡ ବଦଳାଇଦେଇଛି ଭୂତାଣୁ। କରୋନା ଯାତ୍ରା କଳାକାରଙ୍କ ମେରୁଦଣ୍ଡ ଭାଙ୍ଗିଦେଇଥିବାବେଳେ ଦାମ ପଣ୍ଡା ଆପଣାଇଛନ୍ତି ନୂଆ ରାସ୍ତା। ବାଲେଶ୍ଵର ଜିଲ୍ଲା କଣ୍ଟାବଣିଆ ଗାଁରେ ଛୋଟ ଦୋକାନଟିଏ କରି ଚଳିବା ପାଇଁ ସେ ସଂଘର୍ଷ କରୁଛନ୍ତି। କଟକଣା କାରଣରୁ ଯାତ୍ରା ବନ୍ଦ ଥିବାରୁ ରୋଜଗାର ପାଇଁ ଏହି ଦୋକାନ ଉପରେ ଆଶାପ୍ରକାଶ କରିଛନ୍ତି ଦାମ। ଏଭଳି ଦୁର୍ଦ୍ଦିନରେ କଳାକାରଙ୍କୁ ସହାୟତା ଯୋଗାଇଦେବାକୁ ସେ ସରକାରଙ୍କୁ ଅନୁରୋଧ କରିଛନ୍ତି।

ଭୂତାଣୁର ଆତଙ୍କରେ ସାରା ମାନବଜାତି ହନ୍ତସନ୍ତ ହେଉଛି। ଉଭୟ ଜୀବନ ଆଉ ଜୀବିକାକୁ ବେଶ୍ ପ୍ରଭାବିତ କରିଛି କରୋନା। ଜୀବନ ଚାଲିଯାଉଥିବାବେଳେ ଜୀବିକା ମୋଡ ବଦଳିଯାଉଛି।

ଜାମ୍ମୁରେ ଡ୍ରୋନ୍‌ ଷ୍ଟ୍ରାଇକ ପରେ ପ୍ରଧାନମନ୍ତ୍ରୀଙ୍କ ଉଚ୍ଚସ୍ତରୀୟ ବୈଠକ

ଜାମ୍ମୁ: ଜାମ୍ମୁରେ ଡ୍ରୋନ୍‌ ଷ୍ଟ୍ରାଇକ ପରେ ପ୍ରଧାନମନ୍ତ୍ରୀଙ୍କ ଉଚ୍ଚସ୍ତରୀୟ ବୈଠକ । ସୁରକ୍ଷା ନେଇ ସ୍ଥିତି ସମୀକ୍ଷା କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଜାତୀୟ ନିରାପତ୍ତା ପରାମର୍ଶଦାତା ଅଜିତ ଡୋଭାଲ, ଗୃହମନ୍ତ୍ରୀ ଅମିତ ଶାହ ଓ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂଙ୍କ ଉପସ୍ଥିତରେ ସ୍ଥିତି ସମୀକ୍ଷା କରିଛନ୍ତି ପ୍ରଧାନମନ୍ତ୍ରୀ । ଜାମ୍ମୁ ଏୟାରଷ୍ଟ୍ରାଇକରେ ୨ ଜଣ ଯବାନ ଆହତ ହୋଇଥିବାବେଳେ ଏକ ବିଲ୍‌ଡିଂର କିଛି ଅଂଶ ହୋଇଥିଲା କ୍ଷତିଗ୍ରସ୍ତ ହୋଇଛି ।

ପ୍ରତିରକ୍ଷା ମନ୍ତ୍ରୀ କହିଛନ୍ତି, ଜାମ୍ମୁ ବିସ୍ଫୋରଣ ପରେ କାଲୁଚକରେ ଦେଖାଦେଇଥିବା ଡ୍ରୋନ ପଛରେ ଲସକର୍‌ର ହାତ ଥାଇପାରେ । ଏହି ବିସ୍ଫୋରଣ ପଛରେ ଲସକର- ଏ -ତୋଏବା ସଂଗଠନର ହାତ ଥିବା କୁହାଯାଉଛି । ସେପଟେ ଜାମ୍ମୁରେ ତଦନ୍ତ ଚଳାଇଛି ଏନଆଇଏ । ପ୍ରତିରକ୍ଷା ମନ୍ତ୍ରୀ ରାଜନାଥ ଓ ସେନାମୁଖ୍ୟ ଜେନରାଲ ଏମଏମ ନରବାଣେ ଲଦାଖ ଗସ୍ତରେ ଥିବାବେଳେ ଏହି ବିସ୍ଫୋରଣ ଘଟିଥିଲା ।

ପଶ୍ଚିମବଙ୍ଗ ନିର୍ବାଚନ ହିଂସା: ଯାଞ୍ଚ ସମୟରେ ସାମ୍ନାକୁ ଆସିଲା ୪୦ଘର ଭାଙ୍ଗିଥିବା ଘଟଣା

କୋଲକାତା: ପଶ୍ଚିମବଙ୍ଗରେ ବିଧାନସଭା ନିର୍ବାଚନ ପରେ ହିଂସା ସମୟରେ ହୋଇଥିବା ମାନବିକ ଅଧିକାରର ଉଲ୍ଲଂଘନ ଘଟଣାର ଚାସିଛି ଅନୁସନ୍ଧାନ । ଅନୁସନ୍ଧନ କରିବାକୁ ବଙ୍ଗଳାକୁ ଆସିଥିବା ଜାତୀୟ ମାନବ ଅଧିକାର ଆୟୋଗ (NHRC) ର ଅଧିକାରୀମାନେ ମଙ୍ଗଳବାର ଦିନ କହିଛନ୍ତି ଯେ ଏଠାରେ ଚାଳିଶରୁ ଅଧିକ ଘର ନଷ୍ଟ ହୋଇଯାଇଛି। ଯାଞ୍ଚ ସମୟରେ ଏହା ସାମ୍ନାକୁ ଆସିଛି ଯେ ଯାଦବପୁରରେ ହୋଇଥିବା ହିଂସାରେ ୪୦ରୁ ଅଧିକ ଘର ନଷ୍ଟ ହୋଇଯାଇଛି। କେବଳ ଏତିକି ନୁହେଁ ଗୁଣ୍ଡାଙ୍କ ଦ୍ୱାରା ଆକ୍ରମଣ କରାଯାଉଛି।

ପଶ୍ଚିମବଙ୍ଗରେ ବିଧାନସଭା ନିର୍ବାଚନ ପରେ ହିଂସା ସମୟରେ ମାନବିକ ଅଧିକାରର ଉଲ୍ଲଂଘନ ଘଟଣାର ଅନୁସନ୍ଧାନ ପାଇଁ ମଙ୍ଗଳବାର ଦିନ ଜାତୀୟ ମାନବ ଅଧିକାର ଆୟୋଗ (NHRC) ଦ୍ୱାରା ଗଠିତ ଏକ କମିଟି ମଧ୍ୟ ହିତାଧିକାରୀଙ୍କ ସହ କଥାବାର୍ତ୍ତା କରିଛି । କଲିକତା ହାଇକୋର୍ଟଙ୍କ ନିର୍ଦ୍ଦେଶରେ ଆୟୋଗର ଅଧ୍ୟକ୍ଷ ଏହି କମିଟି ଗଠନ କରିଥିଲେ।

ନିର୍ବାଚନ ପରବର୍ତ୍ତୀ ହିଂସା ସମୟରେ ମାନବିକ ଅଧିକାରର ଉଲ୍ଲଂଘନ ଅଭିଯୋଗର ଯାଞ୍ଚ କରିବା ପାଇଁ କୋର୍ଟ ଏହାକୁ ଗଠନ କରିଥିଲେ। ଏହି କମିଟି ମଙ୍ଗଳବାର ଦିନ ପଶ୍ଚିମବଙ୍ଗ ରାଜ୍ୟ ମାନବ ଅଧିକାର ଆୟୋଗ କାର୍ଯ୍ୟାଳୟ ସାଲ୍ଟ ଲେକରେ ଏହି ଅଭିଯୋଗ ଗ୍ରହଣ କରିଛି । ଏହାପୂର୍ବରୁ କମିଟିର ସଦସ୍ୟମାନେ ସୋମବାର ପର୍ଯ୍ୟନ୍ତ ସଲ୍ଟ ଲେକରେ ଥିବା ସେଣ୍ଟ୍ରାଲ ରିଜର୍ଭ ପୋଲିସ ଫୋର୍ସ (CRPF)ର ଷ୍ଟାଫ୍ ଅଫିସର ମେସରେ ପୀଡିତମାନଙ୍କୁ ଭେଟି ସେମାନଙ୍କ ଅଭିଯୋଗ ଗ୍ରହଣ କରଥିଲେ।

NHRC ଅଧିକାରୀଙ୍କ ଅନୁଯାୟୀ, କମିଟି ଏବଂ ଆୟୋଗର ଅନେକ ଟିମ୍ ରାଜ୍ୟର ବିଭିନ୍ନ ସ୍ଥାନ ପରିଦର୍ଶନ କରି ଅଭିଯୋଗର ଯାଞ୍ଚ କରୁଛନ୍ତି। ହାଇକୋର୍ଟର ଏକ ପାଞ୍ଚ ଜଣିଆ ଖଣ୍ଡପୀଠ ଜୁନ୍ ୧୮ରେ ନିର୍ଦ୍ଦେଶ ଦେଇଛନ୍ତି ଯେ, କମିଟି ଆହୁରି ପଦକ୍ଷେପ ନେବାକୁ ପରାମର୍ଶ ଦେବ ଯାହା ଦ୍ୱାରା ପୀଡିତାମାନେ ନିଜ ଘରେ ଶାନ୍ତିରେ ରହି ସେମାନଙ୍କ ବ୍ୟବସାୟ ଜାରି ରଖିବେ ।

ଦେବଗଡରେ ୧୦୦ ଶଯ୍ୟା ବିଶିଷ୍ଟ କୋଭିଡ ହସ୍‌ପିଟାଲ ଉଦ୍‌ଘାଟନ କଲେ ମୁଖ୍ୟମନ୍ତ୍ରୀ

ଭୁବନେଶ୍ୱର: କୋଭିଡ ମୁକାବିଲା ଏକ ମିଳିତ ସାମାଜିକ ଦାୟିତ୍ୱ। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହା କହିଛନ୍ତି। ମହାମାରୀର ମୁକାବିଲା ପାଇଁ ସମସ୍ତଙ୍କ ସହଯୋଗ ଦରକାର। ଏ ଦିଗରେ ବେସରକାରୀ ଚିକିତ୍ସାଳୟ ମାନଙ୍କ ସହିତ କର୍ପୋରେଟ୍‌ ସେକ୍ଟର, ରାଜ୍ୟ ଓ କେନ୍ଦ୍ର ସରକାରଙ୍କ PSU ମାନେ ଆଗେଇ ଆସିବା ଖୁସିର କଥା। ତେଣୁ ସମସ୍ତେ ନିଜ ନିଜ ସ୍ତରରେ ମୁକାବିଲା କରିବା ପାଇଁ କାମ କରିବା ଦରକାର ବୋଲି ମୁଖ୍ୟମନ୍ତ୍ରୀ କହିଛନ୍ତି। କରୋନା ସଂକଟରେ ସ୍ୱାସ୍ଥ୍ୟ ଭିତ୍ତିଭୂମିକୁ ଗୁରୁତ୍ୱ ଦେଉଛନ୍ତି ରାଜ୍ୟ ସରକାର। ଦେବଗଡରେ ୧୦୦ ଶଯ୍ୟା ବିଶିଷ୍ଟ କୋଭିଡ ହସ୍‌ପିଟାଲ ଉଦ୍‌ଘାଟନ କରିଛନ୍ତି।

ଏଥିରେ ଶିଶୁ ଶଯ୍ୟା ସହିତ ୧୨ଟି ICU, ୩୨ଟି HDU, ସ୍ୱତନ୍ତ୍ର ଶିଶୁ ୱାର୍ଡ ସହିତ ସମସ୍ତ ଅତ୍ୟାଧୁନିକ ଚିକିତ୍ସା ଉପକରଣ ଓ ପରୀକ୍ଷାଗାରର ସୁବିଧା ରହିଛି। ଏଥିସହ ରାଜ୍ୟର ୩୦ଟି ଜିଲ୍ଲାରେ ଅକ୍‌ସିଜେନ ବ୍ୟବସ୍ଥା ସହିତ ସ୍ୱାସ୍ଥ୍ୟ ଭିତ୍ତିଭୂମିକୁ ମଜବୁତ କରାଯାଇଛି। କୋଭିଡ ପରିଚାଳନାରେ ରାଜ୍ୟ ସରକାରଙ୍କ ନୀତି ହେଉଛି, ସବୁ ଜୀବନ ମୂଲ୍ୟବାନ। ଟିକା ଆମକୁ ସୁରକ୍ଷା ଦେବ। କିନ୍ତୁ ସଂପୂର୍ଣ୍ଣ ସୁରକ୍ଷା ପାଇଁ କୋଭିଡର ସବୁ ନିୟମ ପାଳନ କରିବାକୁ ମୁଖ୍ୟମନ୍ତ୍ରୀ ନିବେଦନ କରିଛନ୍ତି। ରାଜ୍ୟରେ ଟିକା ଉତ୍ପାଦନ ପାଇଁ ରାଜ୍ୟ ସରକାରଙ୍କ ଉଦ୍ୟମକୁ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ପ୍ରଶଂସା କରିଛନ୍ତି।

ସଂପୂର୍ଣ୍ଣ ସୁରକ୍ଷା ପାଇଁ କୋଭିଡର ସବୁ ନିୟମ ପାଳନ କରିବାକୁ ମୁଖ୍ୟମନ୍ତ୍ରୀ ନିବେଦନ

ଭୁବନେଶ୍ୱର: ସଂକ୍ରମଣ ହାର ଅଧିକ ଥିବା ଜିଲ୍ଲାରେ କୋଭିଡ ନିୟମକୁ କଡାକଡି ଭାବରେ ପାଳନ କର। ଘରକୁ ଘର ସର୍ଭେକୁ ଆହୁରି ତ୍ୱରାନ୍ୱିତ କର। ଟିକାକରଣ ଓ ଶିଶୁ ମାନଙ୍କ ସ୍ୱାସ୍ଥ୍ୟ ସୁରକ୍ଷାକୁ ଦିଅ ବିଶେଷ ଗୁରୁତ୍ୱ। ଆଜି କୋଭିଡ ସ୍ଥିତି ସମୀକ୍ଷା କରି ଏପରି ନିର୍ଦ୍ଦେଶ ଦେଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ମୁଖ୍ୟତଃ ଅଧିକ ସଂକ୍ରମଣ ହାର ଥିବା ଜିଲ୍ଲା ଉପରେ ଫୋକସ କରିବା ସହିତ କୋଭିଡ ନିୟମର କଡାକଡି ଅନୁପାଳନ ଉପରେ ଗୁରୁତ୍ୱ ଆରୋପ କରିଛନ୍ତି ମୁଖ୍ୟମନ୍ତ୍ରୀ। ରାଜ୍ୟରେ ସଂକ୍ରମଣ ହାର କମୁଛି। ଅଳ୍ପ କେତେକ ଜିଲ୍ଲାରେ ଉଚ୍ଚ ସଂକ୍ରମଣ ହାରକୁ ଦୃଷ୍ଟିରେ ରଖି ସତର୍କତା ଅବଲମ୍ବନ କରିବାକୁ ମୁଖ୍ୟମନ୍ତ୍ରୀ ଗୁରୁତ୍ୱ ଦେଇଛନ୍ତି। ଏହାସହିତ ଘରକୁ ଘର ବୁଲି ଚାଲିଥିବା ସର୍ଭେ କାର୍ଯ୍ୟକ୍ରମ ଦ୍ୱାରା କୋଭିଡ ତଥା ଅନ୍ୟନ୍ୟ ରୋଗୀ ମାନଙ୍କର ଚିହ୍ନଟ କରାଯାଉଛି।

ତୁରନ୍ତ ଚିକିତ୍ସା ବ୍ୟବସ୍ଥା କରାଯାଇପାରୁଥିବାରୁ ମୁଖ୍ୟମନ୍ତ୍ରୀ ସନ୍ତୋଷ ପ୍ରକାଶ କରି ଏହାକୁ ଆହୁରି ଗୁରୁତର ସହ କାର୍ଯ୍ୟକାରୀ କରିବା ପାଇଁ ସେ ପରାମର୍ଶ ଦେଇଛନ୍ତି। ତୃତୀୟ ଲହର ପାଇଁ ଶିଶୁ ରୋଗ ଚିକିତ୍ସା ପାଇଁ ସମସ୍ତ ବ୍ୟବସ୍ଥା କରିବାକୁ କହିଛନ୍ତି। ଡାକ୍ତରମାନଙ୍କର ତାଲିମକୁ ପ୍ରାଥମିକତା ଦେଇ ସଂପୂର୍ଣ୍ଣ ପ୍ରସ୍ତୁତ ରହିବା ପାଇଁ ମୁଖ୍ୟମନ୍ତ୍ରୀ ପରାମର୍ଶ ଦେଇଛନ୍ତି। ସେହିପରି ବିଭିନ୍ନ ଡାକ୍ତରଖାନାରେ ଅକ୍‌ସିଜେନ ପ୍ଲାଣ୍ଟ କାର୍ଯ୍ୟକ୍ଷମକୁ ସୁନିଶ୍ଚିତ କରିବା ଉପରେ ମୁଖ୍ୟମନ୍ତ୍ରୀ ଗୁରୁତ୍ୱ ଦେଇଛନ୍ତି। ଶୀଘ୍ର ଟିକାକରଣ ଆଗାମୀ କିଛି ମାସ ପାଇଁ ମୁଖ୍ୟ ଫୋକସ ହୋଇରହିବ। ବର୍ତ୍ତମାନ ଦୈନିକ ୩ ଲକ୍ଷ ଲୋକଙ୍କୁ ଟିକା ଦିଆଯାଉଛି। ସୁବିଧା ସୁନିଶ୍ଚିତ କରିବାପାଇଁ ଜିଲ୍ଲାପାଳ ମାନେ ବ୍ୟକ୍ତିଗତ ଭାବେ ଦୃଷ୍ଟି ଦେବା ପାଇଁ ସେ ପରାମର୍ଶ ଦେଇଛନ୍ତି। ତେବେ ରାଜ୍ୟର ଦକ୍ଷିଣ ଓ ପଶ୍ଚିମାଞ୍ଚଳର ୧୭ଟି ଜିଲ୍ଲାରେ ଆଂଶିକ ଅନ୍‌ଲକ୍‌ ପରେ ମଧ୍ୟ କୋଭିଡ କେସ୍‌ରେ କୌଣସି ବୃଦ୍ଧି ହୋଇନାହିଁ। କିନ୍ତୁ ଉପକୂଳ ଓ ଉତ୍ତର ଓଡିଶାର ଅବିଭକ୍ତ ପୁରୀ, କଟକ, ବାଲେଶ୍ୱର ଓ ମୟୁରଭଂଜ ଆଦି ଜିଲ୍ଲା ମାନଙ୍କରେ ସଂକ୍ରମଣ ହାର ଅଧିକ ଥିବାରୁ ଅଧିକ ସତର୍କ ଦୃଷ୍ଟି ରଖାଯାଇଛି।

ରାସ୍ତା କଡ଼ରେ ମରିଗଲା ମା’ର ମମତା, ନବଜାତକୁ ନଳାରେ ଫୋପାଡ଼ିଦେଇ ପଳାଇଲା ମା’

ନୂଆଦିଲ୍ଲୀ: ମା’ର ଅନେକ ରୂପ। ସେ ଜନ୍ମଦାତ୍ରୀ, ମମତାମୟୀ, ସ୍ନେହମୟୀ। କୁହାଯାଏ ତା’ରି ପଣତକାନୀ ପିଲାଙ୍କୁ ସବୁ ସଙ୍କଟ, ବାଧା ବିଘ୍ନରୁ ମୁକ୍ତି ଦିଏ। ମା’ ଥିବା ପିଲାଙ୍କର କେବେ କିଛି ଅଭାବ ହୁଏ ନାହିଁ।  ସେଥିପାଇଁ ଓଡ଼ିଆରେ କଥାଟିଏ ଅଛି: ମା’ ଅଛି ଯାହାର କୋଟି ଆନନ୍ଦ ତାହାର। ଆଉ ମା’ ନାହିଁ ଯାହାର, ସାହା ନାହିଁ ତାହାର ….

ମା ଖାଲି ସନ୍ତାନକୁ ଜନ୍ମ ଦିଏନାହିଁ, ରାହା ବି ଦେଖାଏ। ସେ ନିଜେ ଭୋକରେ ରହି, ସନ୍ତାନ ପାଇଁ ଖାଇବା ଯୋଗାଡ କରିଥାଏ। ସେଥିପାଇଁ ମାଆ କୁ ଭଗବାନଙ୍କ ଅବତାର ସହିତ ତୁଳନା କରାଯାଏ।

କିନ୍ତୁ ଆଜି ଏହି ଭିଡିଓ ରେ ଏମିତି ଜଣେ  ମା’ ବିଷୟରେ କହିବି , ଯିଏ ମା’ ତ ନୁହେଁ ବରଂ ଆପଣ ତାଙ୍କୁ ମା’ ନା ରେ କଳଙ୍କ ବୋଲି କହିପାରିବେ।  ଆପଣ ଏହି ଭିଡିଓ ଦେଖିଲେ ନିଶ୍ଚିତ କହିବେ :  ଧିକ ତୋ ମାଆ ପଣିଆ …..

ପଞ୍ଜାବ ରଜ୍ୟେର ଚଣ୍ଡିଗଡ଼ର ଘଟଣା ଇଏ। ରାଏ ପୁରସନୀ ନାମକ ଏକ ଗାଁରେ ଜଣେ ଗର୍ଭବତୀ ମହିଳା ଏକ ମୋଟର ସାଇକେଲରେ ବସି ଆସିଲେ। ତାଙ୍କୁ ଜଣେ ପୁରୁଷ ବନ୍ଧୁ  ଏବଂ ଆଉ ଜଣେ ମହିଳା ସାଙ୍ଗରେ ନେଇ ଆସିଥିଲେ। ପୁରୁଷ ଜଣକ  ମୋଟର ସାଇକେଲ୍ ଚଳାଉଥିଲେ। ପାଖରେ ଥିବା ଏକ ମେଡିକାଲ୍ ଷ୍ଟୋର ପାଖରେ ତିନିଜଣ ଯାକ ରହିଗଲେ। ଆଉ ସେଇଠି ଆସନ୍ନ ପ୍ରସବା ଜଣକ ଜନ୍ମ ଦେଲେ ଜଣେ ନବଜାତକଙ୍କୁ।

ଆଉ ତା’ ପରେ… ଦୁନିଆର ସବୁଠାରୁ ହୀନ କାର୍ଯ୍ୟ ସେଇ ମା’ଟି ହାତରେ ଘଟିଲା। ମା’ଟି ସେଇ ଶିଶୁଟିକୁ ନଳାରେ ଫୋପାଡ଼ି ଦେଲା।

ଏହି ପୁରା ଘଟଣାଟିକୁ ନିକଟସ୍ଥ ଏକ ଘରେ ଲାଗିଥିବା ସିସିଟିଭି କ୍ୟାମେରା ରେକର୍ଡ଼ କରୁଥିଲା। ସେ ଘରର ମାଲିକ ଦୀପକ କୁମାରଙ୍କ କହିବା ଅନୁସାରେ, ସକାଳେ ତାଙ୍କ ସ୍ତ୍ରୀ ଘର ସଫା କରୁଥିବା ସମୟରେ, ଘର ପାଖରେ ଥିବା ଏକ ନାଳ ରେ ନବଜାତ ଶିଶୁର ମୃତ ଦେହ ପଡିଥିବାର ଦେଖିଥିଲେ। ତା ପରେ ମା’ଟି ସେ ମୃତ ନବଜାତ ଶିଶୁକୁ ନାଳରୁ କାଢି ଗୋଟେ ପେଟିରେ ରଖିଥିଲେ। ଏହାପରେ ସେମାନେ ଗାଁର ସରପଞ୍ଚ ଓ ସ୍ଥାନୀୟ ପୋଲିସକୁ ଏ ବିଷୟରେ ଅବଗତ କରାଇଥିଲେ। ପୋଲିସ ଏସଆଇ , ମୋହନ ଖାନ , ଏସ , ଆଇ ,ଆଶିଷ , ପି.ସି .ଆର  ୨୯ ଆଉ ୩୦ କର୍ମଚାରୀ ସେଠାରେ ସାଙ୍ଗେସାଙ୍ଗେ ପହଞ୍ଚିଥିଲେ।

ଘରେ ଲାଗିଥିବା ସିସି ଟିଭି ଫୁଟେଜ ଅନୁସାରେ, ଦୁଇଜଣ ମହିଳା ଓ ଜଣେ ପୁରୁଷ ବ୍ୟକ୍ତିଙ୍କ ସହିତ ଏକ ମୋଟର ସାଇକେଲ ରେ ଆସି, ସେଠି ଥିବା ମେଡିକାଲ ଷ୍ଟୋର ପାଖରେ କିଛି ସମୟ ଛିଡା ହେଇ ଯାଇଛନ୍ତି। ତା କିଛି ସମୟ ପରେ ମହିଳା ଜଣକ ସେଠି ଏକ ଶିଶୁକୁ ଜନ୍ମ କରି , ନିଜ ହାତରେ ସେ ଶିଶୁଟିକୁ , ସେହି ପାଖରେ ଥିବା ଏକ ନାଳରେ ଫିଙ୍ଗି ଦେଇଥିଲା। ଏବେ ଏହାର ତଦନ୍ତ ଚାଲିଛି।

ପାକିସ୍ତାନର ଲାହୋରରେ ଏକାଥରକେ ଫାଟିଲା ୧୦ ଗ୍ୟାସ୍‌ ସିଲିଣ୍ଡର

ନୂଆଦିଲ୍ଲୀ: ଥରିଲା ପାକିସ୍ତାନ। ଲାହୋରରେ ଫାଟିଲା ସିଲିଣ୍ଡର। ଗୋଟିଏ କି ଦୁଇଟି ନୁହେଁ ଏକା ଥରକେ ୧୦ଟି ଗ୍ୟାସ ସିଲିଣ୍ଡର ଫାଟିଲା ଲାହୋର ସହରର ବରକତ୍ ମାର୍କେଟରେ। ବିସ୍ଫୋରଣ ଏତେ ଭୟାବହ ଥିଲା ଯେ ପ୍ରାୟ ଦୁଇ କିଲୋମିଟର ଯାଏ ଏହା ଶବ୍ଦ କରିଥିଲା। ଗ୍ୟାସ ସିଲିଣ୍ଡର ଫାଟିବା ଫଳରେ ସ୍ଥାନୀୟ ଅଞ୍ଚଳରେ ନିଆଁ ଲାଗିଥିଲା। ଦମକଳ ବାହିନୀ ପହଞ୍ଚି ନିଆଁକୁ ଆୟତ୍ତ କରିବାରେ ସଫଳ ହୋଇଛି।

ବିସ୍ଫୋରଣରେ କାହାର ମୃତ୍ୟୁ ହୋଇନଥିବା ଜଣାପଡ଼ିଛି। ତେବେ ଅନେକ ଆହତ ହୋଇଥିବାବେଳେ ୧୦ ଜଣ ଗୁରୁତର ଭାବେ ହସ୍ପିଟାଲରେ ଭର୍ତ୍ତି ହୋଇଛନ୍ତି। ସିଲିଣ୍ଡର ଫାଟିବା କ୍ଷଣି ସ୍ଥାନୀୟ ଅଞ୍ଚଳକୁ ଖାଲି କରିଥିଲା ପ୍ରଶାସନ। କେଉଁ ଭଳି ପରିସ୍ଥିତିରେ ଏକାଥରକେ ଏତେ ସଂଖ୍ୟାରେ ସିଲିଣ୍ଡର ଫାଟିଲା ସେ ନେଇ ତଦନ୍ତ ଆରମ୍ଭ କରିଛି ସ୍ଥାନୀୟ ପ୍ରଶାସନ। କିଛି ଦିନ ପୂର୍ବରୁ ଜୋହର ଟାଉନରେ ଆତଙ୍କବାଦୀ ହାଫିଜ୍ ସଇଦ୍ ଘର ନିକଟରେ ବିସ୍ଫୋରଣ ହୋଇଥିଲା।