spot_img
Home Blog Page 5628

ସଂପୂର୍ଣ୍ଣ ସୁରକ୍ଷା ପାଇଁ କୋଭିଡର ସବୁ ନିୟମ ପାଳନ କରିବାକୁ ମୁଖ୍ୟମନ୍ତ୍ରୀ ନିବେଦନ

ଭୁବନେଶ୍ୱର: ସଂକ୍ରମଣ ହାର ଅଧିକ ଥିବା ଜିଲ୍ଲାରେ କୋଭିଡ ନିୟମକୁ କଡାକଡି ଭାବରେ ପାଳନ କର। ଘରକୁ ଘର ସର୍ଭେକୁ ଆହୁରି ତ୍ୱରାନ୍ୱିତ କର। ଟିକାକରଣ ଓ ଶିଶୁ ମାନଙ୍କ ସ୍ୱାସ୍ଥ୍ୟ ସୁରକ୍ଷାକୁ ଦିଅ ବିଶେଷ ଗୁରୁତ୍ୱ। ଆଜି କୋଭିଡ ସ୍ଥିତି ସମୀକ୍ଷା କରି ଏପରି ନିର୍ଦ୍ଦେଶ ଦେଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ମୁଖ୍ୟତଃ ଅଧିକ ସଂକ୍ରମଣ ହାର ଥିବା ଜିଲ୍ଲା ଉପରେ ଫୋକସ କରିବା ସହିତ କୋଭିଡ ନିୟମର କଡାକଡି ଅନୁପାଳନ ଉପରେ ଗୁରୁତ୍ୱ ଆରୋପ କରିଛନ୍ତି ମୁଖ୍ୟମନ୍ତ୍ରୀ। ରାଜ୍ୟରେ ସଂକ୍ରମଣ ହାର କମୁଛି। ଅଳ୍ପ କେତେକ ଜିଲ୍ଲାରେ ଉଚ୍ଚ ସଂକ୍ରମଣ ହାରକୁ ଦୃଷ୍ଟିରେ ରଖି ସତର୍କତା ଅବଲମ୍ବନ କରିବାକୁ ମୁଖ୍ୟମନ୍ତ୍ରୀ ଗୁରୁତ୍ୱ ଦେଇଛନ୍ତି। ଏହାସହିତ ଘରକୁ ଘର ବୁଲି ଚାଲିଥିବା ସର୍ଭେ କାର୍ଯ୍ୟକ୍ରମ ଦ୍ୱାରା କୋଭିଡ ତଥା ଅନ୍ୟନ୍ୟ ରୋଗୀ ମାନଙ୍କର ଚିହ୍ନଟ କରାଯାଉଛି।

ତୁରନ୍ତ ଚିକିତ୍ସା ବ୍ୟବସ୍ଥା କରାଯାଇପାରୁଥିବାରୁ ମୁଖ୍ୟମନ୍ତ୍ରୀ ସନ୍ତୋଷ ପ୍ରକାଶ କରି ଏହାକୁ ଆହୁରି ଗୁରୁତର ସହ କାର୍ଯ୍ୟକାରୀ କରିବା ପାଇଁ ସେ ପରାମର୍ଶ ଦେଇଛନ୍ତି। ତୃତୀୟ ଲହର ପାଇଁ ଶିଶୁ ରୋଗ ଚିକିତ୍ସା ପାଇଁ ସମସ୍ତ ବ୍ୟବସ୍ଥା କରିବାକୁ କହିଛନ୍ତି। ଡାକ୍ତରମାନଙ୍କର ତାଲିମକୁ ପ୍ରାଥମିକତା ଦେଇ ସଂପୂର୍ଣ୍ଣ ପ୍ରସ୍ତୁତ ରହିବା ପାଇଁ ମୁଖ୍ୟମନ୍ତ୍ରୀ ପରାମର୍ଶ ଦେଇଛନ୍ତି। ସେହିପରି ବିଭିନ୍ନ ଡାକ୍ତରଖାନାରେ ଅକ୍‌ସିଜେନ ପ୍ଲାଣ୍ଟ କାର୍ଯ୍ୟକ୍ଷମକୁ ସୁନିଶ୍ଚିତ କରିବା ଉପରେ ମୁଖ୍ୟମନ୍ତ୍ରୀ ଗୁରୁତ୍ୱ ଦେଇଛନ୍ତି। ଶୀଘ୍ର ଟିକାକରଣ ଆଗାମୀ କିଛି ମାସ ପାଇଁ ମୁଖ୍ୟ ଫୋକସ ହୋଇରହିବ। ବର୍ତ୍ତମାନ ଦୈନିକ ୩ ଲକ୍ଷ ଲୋକଙ୍କୁ ଟିକା ଦିଆଯାଉଛି। ସୁବିଧା ସୁନିଶ୍ଚିତ କରିବାପାଇଁ ଜିଲ୍ଲାପାଳ ମାନେ ବ୍ୟକ୍ତିଗତ ଭାବେ ଦୃଷ୍ଟି ଦେବା ପାଇଁ ସେ ପରାମର୍ଶ ଦେଇଛନ୍ତି। ତେବେ ରାଜ୍ୟର ଦକ୍ଷିଣ ଓ ପଶ୍ଚିମାଞ୍ଚଳର ୧୭ଟି ଜିଲ୍ଲାରେ ଆଂଶିକ ଅନ୍‌ଲକ୍‌ ପରେ ମଧ୍ୟ କୋଭିଡ କେସ୍‌ରେ କୌଣସି ବୃଦ୍ଧି ହୋଇନାହିଁ। କିନ୍ତୁ ଉପକୂଳ ଓ ଉତ୍ତର ଓଡିଶାର ଅବିଭକ୍ତ ପୁରୀ, କଟକ, ବାଲେଶ୍ୱର ଓ ମୟୁରଭଂଜ ଆଦି ଜିଲ୍ଲା ମାନଙ୍କରେ ସଂକ୍ରମଣ ହାର ଅଧିକ ଥିବାରୁ ଅଧିକ ସତର୍କ ଦୃଷ୍ଟି ରଖାଯାଇଛି।

ରାସ୍ତା କଡ଼ରେ ମରିଗଲା ମା’ର ମମତା, ନବଜାତକୁ ନଳାରେ ଫୋପାଡ଼ିଦେଇ ପଳାଇଲା ମା’

ନୂଆଦିଲ୍ଲୀ: ମା’ର ଅନେକ ରୂପ। ସେ ଜନ୍ମଦାତ୍ରୀ, ମମତାମୟୀ, ସ୍ନେହମୟୀ। କୁହାଯାଏ ତା’ରି ପଣତକାନୀ ପିଲାଙ୍କୁ ସବୁ ସଙ୍କଟ, ବାଧା ବିଘ୍ନରୁ ମୁକ୍ତି ଦିଏ। ମା’ ଥିବା ପିଲାଙ୍କର କେବେ କିଛି ଅଭାବ ହୁଏ ନାହିଁ।  ସେଥିପାଇଁ ଓଡ଼ିଆରେ କଥାଟିଏ ଅଛି: ମା’ ଅଛି ଯାହାର କୋଟି ଆନନ୍ଦ ତାହାର। ଆଉ ମା’ ନାହିଁ ଯାହାର, ସାହା ନାହିଁ ତାହାର ….

ମା ଖାଲି ସନ୍ତାନକୁ ଜନ୍ମ ଦିଏନାହିଁ, ରାହା ବି ଦେଖାଏ। ସେ ନିଜେ ଭୋକରେ ରହି, ସନ୍ତାନ ପାଇଁ ଖାଇବା ଯୋଗାଡ କରିଥାଏ। ସେଥିପାଇଁ ମାଆ କୁ ଭଗବାନଙ୍କ ଅବତାର ସହିତ ତୁଳନା କରାଯାଏ।

କିନ୍ତୁ ଆଜି ଏହି ଭିଡିଓ ରେ ଏମିତି ଜଣେ  ମା’ ବିଷୟରେ କହିବି , ଯିଏ ମା’ ତ ନୁହେଁ ବରଂ ଆପଣ ତାଙ୍କୁ ମା’ ନା ରେ କଳଙ୍କ ବୋଲି କହିପାରିବେ।  ଆପଣ ଏହି ଭିଡିଓ ଦେଖିଲେ ନିଶ୍ଚିତ କହିବେ :  ଧିକ ତୋ ମାଆ ପଣିଆ …..

ପଞ୍ଜାବ ରଜ୍ୟେର ଚଣ୍ଡିଗଡ଼ର ଘଟଣା ଇଏ। ରାଏ ପୁରସନୀ ନାମକ ଏକ ଗାଁରେ ଜଣେ ଗର୍ଭବତୀ ମହିଳା ଏକ ମୋଟର ସାଇକେଲରେ ବସି ଆସିଲେ। ତାଙ୍କୁ ଜଣେ ପୁରୁଷ ବନ୍ଧୁ  ଏବଂ ଆଉ ଜଣେ ମହିଳା ସାଙ୍ଗରେ ନେଇ ଆସିଥିଲେ। ପୁରୁଷ ଜଣକ  ମୋଟର ସାଇକେଲ୍ ଚଳାଉଥିଲେ। ପାଖରେ ଥିବା ଏକ ମେଡିକାଲ୍ ଷ୍ଟୋର ପାଖରେ ତିନିଜଣ ଯାକ ରହିଗଲେ। ଆଉ ସେଇଠି ଆସନ୍ନ ପ୍ରସବା ଜଣକ ଜନ୍ମ ଦେଲେ ଜଣେ ନବଜାତକଙ୍କୁ।

ଆଉ ତା’ ପରେ… ଦୁନିଆର ସବୁଠାରୁ ହୀନ କାର୍ଯ୍ୟ ସେଇ ମା’ଟି ହାତରେ ଘଟିଲା। ମା’ଟି ସେଇ ଶିଶୁଟିକୁ ନଳାରେ ଫୋପାଡ଼ି ଦେଲା।

ଏହି ପୁରା ଘଟଣାଟିକୁ ନିକଟସ୍ଥ ଏକ ଘରେ ଲାଗିଥିବା ସିସିଟିଭି କ୍ୟାମେରା ରେକର୍ଡ଼ କରୁଥିଲା। ସେ ଘରର ମାଲିକ ଦୀପକ କୁମାରଙ୍କ କହିବା ଅନୁସାରେ, ସକାଳେ ତାଙ୍କ ସ୍ତ୍ରୀ ଘର ସଫା କରୁଥିବା ସମୟରେ, ଘର ପାଖରେ ଥିବା ଏକ ନାଳ ରେ ନବଜାତ ଶିଶୁର ମୃତ ଦେହ ପଡିଥିବାର ଦେଖିଥିଲେ। ତା ପରେ ମା’ଟି ସେ ମୃତ ନବଜାତ ଶିଶୁକୁ ନାଳରୁ କାଢି ଗୋଟେ ପେଟିରେ ରଖିଥିଲେ। ଏହାପରେ ସେମାନେ ଗାଁର ସରପଞ୍ଚ ଓ ସ୍ଥାନୀୟ ପୋଲିସକୁ ଏ ବିଷୟରେ ଅବଗତ କରାଇଥିଲେ। ପୋଲିସ ଏସଆଇ , ମୋହନ ଖାନ , ଏସ , ଆଇ ,ଆଶିଷ , ପି.ସି .ଆର  ୨୯ ଆଉ ୩୦ କର୍ମଚାରୀ ସେଠାରେ ସାଙ୍ଗେସାଙ୍ଗେ ପହଞ୍ଚିଥିଲେ।

ଘରେ ଲାଗିଥିବା ସିସି ଟିଭି ଫୁଟେଜ ଅନୁସାରେ, ଦୁଇଜଣ ମହିଳା ଓ ଜଣେ ପୁରୁଷ ବ୍ୟକ୍ତିଙ୍କ ସହିତ ଏକ ମୋଟର ସାଇକେଲ ରେ ଆସି, ସେଠି ଥିବା ମେଡିକାଲ ଷ୍ଟୋର ପାଖରେ କିଛି ସମୟ ଛିଡା ହେଇ ଯାଇଛନ୍ତି। ତା କିଛି ସମୟ ପରେ ମହିଳା ଜଣକ ସେଠି ଏକ ଶିଶୁକୁ ଜନ୍ମ କରି , ନିଜ ହାତରେ ସେ ଶିଶୁଟିକୁ , ସେହି ପାଖରେ ଥିବା ଏକ ନାଳରେ ଫିଙ୍ଗି ଦେଇଥିଲା। ଏବେ ଏହାର ତଦନ୍ତ ଚାଲିଛି।

ପାକିସ୍ତାନର ଲାହୋରରେ ଏକାଥରକେ ଫାଟିଲା ୧୦ ଗ୍ୟାସ୍‌ ସିଲିଣ୍ଡର

ନୂଆଦିଲ୍ଲୀ: ଥରିଲା ପାକିସ୍ତାନ। ଲାହୋରରେ ଫାଟିଲା ସିଲିଣ୍ଡର। ଗୋଟିଏ କି ଦୁଇଟି ନୁହେଁ ଏକା ଥରକେ ୧୦ଟି ଗ୍ୟାସ ସିଲିଣ୍ଡର ଫାଟିଲା ଲାହୋର ସହରର ବରକତ୍ ମାର୍କେଟରେ। ବିସ୍ଫୋରଣ ଏତେ ଭୟାବହ ଥିଲା ଯେ ପ୍ରାୟ ଦୁଇ କିଲୋମିଟର ଯାଏ ଏହା ଶବ୍ଦ କରିଥିଲା। ଗ୍ୟାସ ସିଲିଣ୍ଡର ଫାଟିବା ଫଳରେ ସ୍ଥାନୀୟ ଅଞ୍ଚଳରେ ନିଆଁ ଲାଗିଥିଲା। ଦମକଳ ବାହିନୀ ପହଞ୍ଚି ନିଆଁକୁ ଆୟତ୍ତ କରିବାରେ ସଫଳ ହୋଇଛି।

ବିସ୍ଫୋରଣରେ କାହାର ମୃତ୍ୟୁ ହୋଇନଥିବା ଜଣାପଡ଼ିଛି। ତେବେ ଅନେକ ଆହତ ହୋଇଥିବାବେଳେ ୧୦ ଜଣ ଗୁରୁତର ଭାବେ ହସ୍ପିଟାଲରେ ଭର୍ତ୍ତି ହୋଇଛନ୍ତି। ସିଲିଣ୍ଡର ଫାଟିବା କ୍ଷଣି ସ୍ଥାନୀୟ ଅଞ୍ଚଳକୁ ଖାଲି କରିଥିଲା ପ୍ରଶାସନ। କେଉଁ ଭଳି ପରିସ୍ଥିତିରେ ଏକାଥରକେ ଏତେ ସଂଖ୍ୟାରେ ସିଲିଣ୍ଡର ଫାଟିଲା ସେ ନେଇ ତଦନ୍ତ ଆରମ୍ଭ କରିଛି ସ୍ଥାନୀୟ ପ୍ରଶାସନ। କିଛି ଦିନ ପୂର୍ବରୁ ଜୋହର ଟାଉନରେ ଆତଙ୍କବାଦୀ ହାଫିଜ୍ ସଇଦ୍ ଘର ନିକଟରେ ବିସ୍ଫୋରଣ ହୋଇଥିଲା।

୧୩ ଯୋଡ଼ା ବିଶେଷ ଟ୍ରେନର ସେବା ଅବଧିରେ ବୃଦ୍ଧି

ଭୁବନେଶ୍ୱର: ଭୁବନେଶ୍ୱର-ବାଙ୍ଗିରିପୋଷି-ଭୁବନେଶ୍ୱର ବିଶେଷ ଟ୍ରେନର ପୂର୍ବ ବିଜ୍ଞପ୍ତିକୁ ପରିବର୍ତ୍ତିତ କରାଯାଇଅଛି। ଏହି ଟ୍ରେନ ଜୁଲାଇ ମାସ ୧୩ ତାରିଖ ମଧ୍ୟରେ ପ୍ରତି ଶନି, ରବିବାର ଓ ଛୁଟି ଦିନ ମାନଙ୍କରେ ବାତିଲ ରହିବ। ଭୁବନେଶ୍ୱର-ବାଙ୍ଗିରିପୋଷି-ଭୁବନେଶ୍ୱର ବିଶେଷ ଟ୍ରେନ ସେବା ଜୁଲାଇ ମାସ ୧୩ ତାରିଖ ମଧ୍ୟରେ ଭୁବନେଶ୍ୱର ଠାରୁ ଜୁଲାଇ ମାସ ୩ ଓ ୪ ତାରିଖ ଏବଂ ୧୦ ତାରିଖ ଠାରୁ ୧୨ ତାରିଖ ପର୍ଯ୍ୟନ୍ତ ବାତିଲ ରହିବ। ଏହି ଟ୍ରେନ (02891) ବାଙ୍ଗିରିପୋଷି ଠାରୁ ଜୁଲାଇ ମାସ ୪ ଓ ୫ ତାରିଖ ଏବଂ ୧୧ ତାରିଖ ଠାରୁ ୧୩ ତାରିଖ ପର୍ଯ୍ୟନ୍ତ ବାତିଲ ରହିବ।

ସେପଟେ ଆଠ ଯୋଡ଼ା ବିଶେଷ ଟ୍ରେନ ସେପ୍ଟେମ୍ବର ମାସ ଶେଷ ସପ୍ତାହ ପର୍ଯ୍ୟନ୍ତ ଚଳାଚଳ କରିବ । ଦୁଇ ଯୋଡ଼ା ବିଶେଷ ଟ୍ରେନ ଜୁଲାଇ ମାସ ଶେଷ ସପ୍ତାହ ପର୍ଯ୍ୟନ୍ତ ଚଳାଚଳ କରିବ । ଏକ ଯୋଡ଼ା ବିଶେଷ ଟ୍ରେନ ଅଗଷ୍ଟ ମାସ ଶେଷ ସପ୍ତାହ ପର୍ଯ୍ୟନ୍ତ ଚଳାଚଳ କରିବ । ଶାଲିମାର-ବିଶାଖାପାଟନମ୍ ଓ ସାନ୍ତ୍ରାଗଛି-ତିରୁପତି ବିଶେଷ ଟ୍ରେନ ପରବର୍ତ୍ତୀ ପରାମର୍ଶ ପର୍ଯ୍ୟନ୍ତ ଚଳାଚଳ କରିବ । ଯଶୋବନ୍ତପୁର-ଗୌହାଟୀ-ଯଶୋବନ୍ତପୁର ବିଶେଷ ଟ୍ରେନ ପରବର୍ତ୍ତୀ ପରାମର୍ଶ ପର୍ଯ୍ୟନ୍ତ ବାତିଲ ରହିବ। ଯାତ୍ରୀମାନଙ୍କ ସୁବିଧା ପାଇଁ ରେଳ ମନ୍ତ୍ରଣାଳୟ ପୂର୍ବ ତଟ ରେଳପଥ ପରିସୀମା ମଧ୍ୟରେ ଯାତାୟାତ କରୁଥିବା ୧୩ ଯୋଡ଼ା ଦୂରଗାମୀ ବିଶେଷ ଟ୍ରେନ ଗୁଡିକର ଚଳାଚଳ ଅବଧିକୁ ନିମ୍ନଲିଖିତ ଅନୁଯାୟୀ ବୃଦ୍ଧି କରିବାକୁ ନିଷ୍ପତ୍ତି ନେଇଛି।

ଜୁଲାଇ, ଅଗଷ୍ଟ ଏବଂ ସେପ୍ଟେମ୍ବର ମାସ ଶେଷ ସପ୍ତାହ ପର୍ଯ୍ୟନ୍ତ ସେବା ବୃଦ୍ଧି ପାଇବାକୁ ଥିବା ବିଶେଷ ଟ୍ରେନ ଗୁଡ଼ିକ ହେଉଛି।

୧. 02835/02836 ହଟିଆ-ଯଶୋବନ୍ତପୁର-ହଟିଆ ବିଶେଷ ଟ୍ରେନ ହଟିଆରୁ ୨୬ ସେପ୍ଟେମ୍ବର ପର୍ଯ୍ୟନ୍ତ ଏବଂ ଯଶୋବନ୍ତପୁରରୁ ୨୮ ସେପ୍ଟେମ୍ବର ପର୍ଯ୍ୟନ୍ତ ଚଳାଚଳ କରିବ।

୨. 08117/08118 ହାଓଡ଼ା-ମହୀଶୂର-ହାଓଡ଼ା ବିଶେଷ ଟ୍ରେନ ହାଓଡ଼ାରୁ ୨୪ ସେପ୍ଟେମ୍ବର ପର୍ଯ୍ୟନ୍ତ ଏବଂ ମହୀଶୂରରୁ ୨୬ ସେପ୍ଟେମ୍ବର ପର୍ଯ୍ୟନ୍ତ ଚଳାଚଳ କରିବ।

୩. 08645/08646 ହାଓଡ଼ା-ହାଇଦ୍ରାବାଦ-ହାଓଡ଼ା ବିଶେଷ ଟ୍ରେନ ହାଓଡ଼ାରୁ ୨୭ ସେପ୍ଟେମ୍ବର ପର୍ଯ୍ୟନ୍ତ ଏବଂ ହାଇଦ୍ରାବାଦରୁ ୨୯ ସେପ୍ଟେମ୍ବର ପର୍ଯ୍ୟନ୍ତ ଚଳାଚଳ କରିବ।

୪. 02873/02874 ହାଓଡ଼ା-ଯଶୋବନ୍ତପୁର-ହାଓଡ଼ା ବିଶେଷ ଟ୍ରେନ ହାଓଡ଼ାରୁ ୨୭ ସେପ୍ଟେମ୍ବର ପର୍ଯ୍ୟନ୍ତ ଏବଂ ଯଶୋବନ୍ତପୁରରୁ ୨୯ ସେପ୍ଟେମ୍ବର ପର୍ଯ୍ୟନ୍ତ ଚଳାଚଳ କରିବ।

୫.  08047/08048 ହାଓଡ଼ା-ଭାସ୍କୋଡାଗାମା-ହାଓଡ଼ା ବିଶେଷ ଟ୍ରେନ ହାଓଡ଼ାରୁ ୨୫ ସେପ୍ଟେମ୍ବର ପର୍ଯ୍ୟନ୍ତ ଏବଂ ଭାସ୍କୋଡାଗାମାରୁ ୨୮ ସେପ୍ଟେମ୍ବର ପର୍ଯ୍ୟନ୍ତ ଚଳାଚଳ କରିବ।

୬. 02867/02868 ହାଓଡ଼ା-ପଣ୍ଡିଚେରୀ-ହାଓଡ଼ା ବିଶେଷ ଟ୍ରେନ ହାଓଡ଼ାରୁ ୨୬ ସେପ୍ଟେମ୍ବର ପର୍ଯ୍ୟନ୍ତ ଏବଂ ପଣ୍ଡିଚେରୀରୁ ୨୯ ସେପ୍ଟେମ୍ବର ପର୍ଯ୍ୟନ୍ତ ଚଳାଚଳ କରିବ।

୭. 02837/02838 ହାଓଡ଼ା-ପୁରୀ-ହାଓଡ଼ା ବିଶେଷ ଟ୍ରେନ ହାଓଡ଼ାରୁ ୨୮ ସେପ୍ଟେମ୍ବର ପର୍ଯ୍ୟନ୍ତ ଏବଂ ପୁରୀରୁ ୨୯ ସେପ୍ଟେମ୍ବର ପର୍ଯ୍ୟନ୍ତ ଚଳାଚଳ କରିବ।

୮. 02877/02878 ହାଓଡ଼ା-ଏର୍ଣ୍ଣାକୁଲମ-ହାଓଡ଼ା ବିଶେଷ ଟ୍ରେନ ହାଓଡ଼ାରୁ ୨୫ ସେପ୍ଟେମ୍ବର ପର୍ଯ୍ୟନ୍ତ ଏବଂ ଏର୍ଣ୍ଣାକୁଲମରୁ ୨୭ ସେପ୍ଟେମ୍ବର ପର୍ଯ୍ୟନ୍ତ ଚଳାଚଳ କରିବ।

୯. 08637/08638 ହଟିଆ-ବାଙ୍ଗାଲୋର କ୍ୟାଣ୍ଟ-ହଟିଆ ବିଶେଷ ଟ୍ରେନ ହଟିଆରୁ ୩୧ ଜୁଲାଇ ପର୍ଯ୍ୟନ୍ତ ଏବଂ ବାଙ୍ଗାଲୋରରୁ ୦୩ ଅଗଷ୍ଟ ପର୍ଯ୍ୟନ୍ତ ଚଳାଚଳ କରିବ।

୧୦. 02449/02450 ଶାଲୀମାର-ସିକନ୍ଦରାବାଦ-ଶାଲୀମାର ବିଶେଷ ଟ୍ରେନ ଶାଲୀମାରରୁ ୨୮ ଜୁଲାଇ ପର୍ଯ୍ୟନ୍ତ ଏବଂ ସିକନ୍ଦରାବାଦରୁ ୩୦ ଜୁଲାଇ ପର୍ଯ୍ୟନ୍ତ ଚଳାଚଳ କରିବ।

୧୧. 05228/05227 ମୁଜାଫରପୁର-ଯଶୋବନ୍ତପୁର-ମୁସାଫରପୁର ବିଶେଷ ଟ୍ରେନ ମୁଜାଫରପୁରରୁ ୩୦ ଅଗଷ୍ଟ ପର୍ଯ୍ୟନ୍ତ ଏବଂ ଯଶୋବନ୍ତପୁରରୁ ୧ ସେପ୍ଟେମ୍ବର ୨୦୨୧ ପର୍ଯ୍ୟନ୍ତ ଚଳାଚଳ କରିବ।

ଅପରାଧ ଏବଂ ନକ୍ସଲ ଆକ୍ରମଣ ରୋକିବା ପାଇଁ ପୂର୍ବାଞ୍ଚଳର ପୋଲିସ ଡିଜି ମାନଙ୍କୁ ନେଇ ଗୁରୁତ୍ୱପୂର୍ଣ୍ଣ ବୈଠକ

ଭୁବନେଶ୍ୱର: ପୂର୍ବାଞ୍ଚଳର ପୋଲିସ ଡିଜିଙ୍କୁ ନେଇ ଗୁରୁତ୍ୱପୂର୍ଣ୍ଣ ବୈଠକ। ଓଡ଼ିଶା ସମେତ ପଶ୍ଚିମବଙ୍ଗ, ଝାଡଖଣ୍ଡ, ଛତିଶଗଡ ଓ ବିହାରର ପୋଲିସ ଡିଜି ଉର୍ଚୁଆଲରେ ସାମିଲ ହୋଇ ଅନେକ ପ୍ରସଙ୍ଗରେ ଆଲୋଚନା କରିଥିଲେ। ବିଶେଷକରି ନକ୍ସଲ ବିରୋଧୀ ଅପରେସନ୍, ଗୁଇନ୍ଦା, ଆଭ୍ୟନ୍ତରୀଣ ନିରାପତ୍ତା, ସଙ୍ଗଠିତ ଅପରାଧ, ସାଇବର ଅପରାଧ, ମାଦକ ଦ୍ରବ୍ୟ ଚୋରାଚାଲଣ ଓ ମାନବ ଚାଲାଣ ପ୍ରସଙ୍ଗରେ ଆଲୋଚନା ହୋଇଥିଲା। କିଭଳି ଅପରାଧର ପୃଷ୍ଣଭୂମି ଉପରେ ରୋକ ଲାଗିବ ସେ ନେଇ ପ୍ରସ୍ତୁତ ହୋଇଛି ବ୍ଲୁ ପ୍ରିଣ୍ଟ। ବୈଠକରେ ଓଡ଼ିଶା ପୋଲିସ ଡିଜି ଅଭୟଙ୍କ ସହ ରାଜ୍ୟ ଗୁଇନ୍ଦା ନିର୍ଦ୍ଦେଶକ ଆଇପିଏସ ଲଳିତ ଦାସ, ଅତିରିକ୍ତ ପୋଲିସ ମହାନିର୍ଦ୍ଦେଶକ ଆଇପିଏସ ସଞ୍ଜିବ ପଣ୍ଡା, ଆଇନ୍ ଶୃଙ୍ଖଳା ଅତିରିକ୍ତ ଡିଜି ଆଇପିଏସ ଆର.କେ ଶର୍ମା, ଆଇ.ଜି ଅପରେସନ୍ ଅମିତାଭ ଠାକୁର ଓ ସିଆଇଡି ଏବଂ କ୍ରାଇମବ୍ରାଞ୍ଚ ଆଇଜି ଅମିତେନ୍ଦ୍ରନାଥ ସିଂ ପ୍ରମୁଖ ଉପସ୍ଥିତ ଥିଲେ।

ସେହିପରି ଏହି ବୈଠକରେ ନକ୍ସଲ ମୁକାବିଲାର ବ୍ଲୁପ୍ରିଣ୍ଟ ପ୍ରସ୍ତୁତ ହୋଇଛି। ଲାଲବାହିନୀକୁ ମୁହଁତୋଡ ଜବାବ ଦେବା ଲାଗି ଏକ ହୋଇଛନ୍ତି ଓଡ଼ିଶା, ପଶ୍ଚିମବଙ୍ଗ, ଝାଡଖଣ୍ଡ, ଛତିଶଗଡ ଓ ବିହାର। ୫ ରାଜ୍ୟର ଡିଜିପିମାନଙ୍କ ବୈଠକରେ ନିଆଯାଇଛି ଅନେକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି। ନକ୍ସଲ ବିରୋଧୀ ଅପରେସନ୍, ଗୁଇନ୍ଦା, ଆଭ୍ୟନ୍ତରୀଣ ନିରାପତ୍ତା ନେଇ ବୈଠକରେ ହୋଇଥିଲା ଆଲୋଚନା। ଏହା ସହ ସଙ୍ଗଠିତ ଅପରାଧ, ସାଇବର ଅପରାଧ, ମାଦକ ଦ୍ରବ୍ୟ ଚୋରାଚାଲଣ ଓ ମାନବ ଚାଲାଣ ରୋକିବା ଲାଗି ୫ ରାଜ୍ୟର ଡିଜିପି ଦେଇଛନ୍ତି ଆହ୍ୱାନ।

ପରସ୍ପର ସହ ସମନ୍ୱୟ ରଖି ଏହି ଚାଲେଞ୍ଜଗୁଡିକର ମୁକାବିଲା ଲାଗି ହୋଇଛନ୍ତି ସହମତି। ଅପରାଧର ପୃଷ୍ଣଭୂମି ଉପରେ ରୋକ ଲଗାଇବା ଲାଗି ମଧ୍ୟ ଏକ ହୋଇଛନ୍ତି ୫ ରାଜ୍ୟ। ବୈଠକରେ ଓଡ଼ିଶା ପୋଲିସ ଡିଜି ଅଭୟଙ୍କ ସହ ରାଜ୍ୟ ଗୁଇନ୍ଦା ନିର୍ଦ୍ଦେଶକ ଆଇପିଏସ ଲଳିତ ଦାସ, ଅତିରିକ୍ତ ପୋଲିସ ମହାନିର୍ଦ୍ଦେଶକ ଆଇପିଏସ ସଞ୍ଜିବ ପଣ୍ଡା, ଆଇନ୍ ଶୃଙ୍ଖଳା ଅତିରିକ୍ତ ଡିଜି ଆଇପିଏସ ଆର.କେ ଶର୍ମା, ଆଇ.ଜି ଅପରେସନ୍ ଅମିତାଭ ଠାକୁର ଓ ସିଆଇଡି ଏବଂ କ୍ରାଇମବ୍ରାଞ୍ଚ ଆଇଜି ଅମିତେନ୍ଦ୍ରନାଥ ସିଂ ପ୍ରମୁଖ ଉପସ୍ଥିତ ଥିଲେ।

ବାଇକରେ ଚାଉଳ ଯୋଗାଣ ହୋଇଥିବା ରେକର୍ଡ ଦର୍ଶାଇବା ଘଟଣା, ବହିଷ୍କୃତ ହେଲେ ଦୁଇଜଣ ଯୋଗାଣ ସହାୟକ

ରାଉରକେଲା: ନନ୍ଦିଘୋଷ ଟିଭିର ମହାପ୍ରଭାଵ। ବାଇକରେ ୩୨୦ ବସ୍ତା ସରକାରୀ ଚାଉଳ ଯୋଗାଣ ହୋଇଥିବା ରେକର୍ଡ ଦର୍ଶାଇଵା ଘଟଣା। ଦୁଇ ଗ୍ରାମ ପଞ୍ଚାୟତର  ଦୁଇଜଣ ଯୋଗାଣ ସହାୟକ ଚାକିରିରୁ ବହିଷ୍କୃତ। ସୁନ୍ଦରଗଡ଼ ଜିଲ୍ଲା ପୁରୁଣାପାଣି ଗ୍ରାମ ପଞ୍ଚାୟତ ଓ ଜାହାଡିଟୋଲି ଗ୍ରାମ ପଞ୍ଚାୟତର ଯୋଗାଣ ସହାୟକ ଚାକିରିରୁ ବହିଷ୍କୃତ। ଜିଲ୍ଲାପାଳଙ୍କ ନିର୍ଦ୍ଦେଶରେ ନୁଆଗାଁ ଵିଡିଓ ଦୂଇ ଯୋଗାଣ ସହାୟକଙ୍କୁ ଚାକିରୀରୁ ଵହିସ୍କୁତ କଲେ। ଦୁଇ ଗ୍ରାମ ପଞ୍ଚାୟତର ନିର୍ବାହୀ ଅଧିକାରୀଙ୍କୁ ନୁଆଗାଁ ବିଡିଓ କାରଣ ଦର୍ଶାଅ ନୋଟିସ ଜାରି କରିଛନ୍ତି। ପୁର୍ବରୁ ପରିବହନ ଠିକାଦାର ଓ  ଗୋଦାମ ପିଆଇଙ୍କୁ ନିଲମ୍ବନ କରାଯାଇଛି।

ଏସଟିଆଇ ଯୋଗାଣ ବିଭାଗ ଗୋଦାମରୁ ପୁରୁଣାପାଣି ଗ୍ରାମ ପଞ୍ଚାୟତକୁ ବାଇକରେ ଚାଉଳ ଯାଇଥିବା ରେକର୍ଡ ଦର୍ଶାଯାଇଥିଲା। ଗତ ୧୯ ତାରିଖ  ଗାଡି ନମ୍ବର OR 14U 6429 ରେ ୩୨୦ ଵସ୍ତା ଚାଉଳ ଯାଇଥିବା ରେକର୍ଡ ଦର୍ଶାଯାଇଥିଲା, କିନ୍ତୁ ପରିବହନ ବିଭାଗ ରେକର୍ଡ ରେ OR 14U 6429 ପଲସର ବାଇକ ଥିବା ଜଣାପଡିଥିଲା। ଏସମ୍ପର୍କରେ ନନ୍ଦିଘୋଷ ଟିଭିରେ ଖବର ପ୍ରସାରିତ ହୋଇଥିଲା।

ଦାଦନ ଶ୍ରମିକରୁ ସ୍ୱୀକୃତିପ୍ରାପ୍ତ ଏଣ୍ଟରପ୍ରାଇଜର, ନିଜସ୍ୱ କୌଶଳରେ ନିର୍ମାଣ କଲେ “ଅକ୍ସିଜନ କନସେଣ୍ଟଟେଟର”

କଳାହାଣ୍ଡି: ଇଚ୍ଛା ଶକ୍ତି ଆଗରେ ହାର ମାନିଛି ଦାରିଦ୍ର୍ୟତା। ଶିଶୁ ଶ୍ରମିକରୁ ସ୍ୱୀକୃତିପ୍ରାପ୍ତ ଉଦ୍ୟୋଗୀ। ଏବେ ଦୂର ହେବ ଅକ୍ସିଜେନ ସମସ୍ୟା। ନୂଆପଜା ଜିଲ୍ଲା କଣ୍ଟାମାଳର ଲକ୍ଷ୍ମଣ ଦୁଣ୍ଡି ନିର୍ମାଣ କରିଛନ୍ତି ଅକ୍ସିଜନ କନସେଣ୍ଟଟେଟର। ଯାହା ବଜାର ମୂଲ୍ୟର ୩ ଭାଗରୁ ଭାଗେ ହୋଇଥିବାବେଳେ ଏହାର ଡେମୋ ଦେଖି ସନ୍ତୋଷ ପ୍ରକାଶ କରିଛନ୍ତି ଡାକ୍ତରୀ ଟିମ୍।

ଶିଶୁ ଶ୍ରମିକରୁ ସ୍ୱୀକୃତିପ୍ରାପ୍ତ ଏଣ୍ଟରପ୍ରାଇଜର। ଓଡ଼ିଶା ଯୁବକଙ୍କ ନିଆରା ସୃଷ୍ଟି। ନିଜସ୍ୱ କୌଶଳରେ ନିର୍ମାଣ କଲେ “ଅକ୍ସିଜନ କନସେଣ୍ଟଟେଟର”। ଦେଶରେ ଦୂର ହେବ ଅମ୍ଲଜାନ ସମସ୍ୟା। ନୂଆପଡ଼ା ଜିଲ୍ଲା କଣ୍ଟାମାଳର ଯୁବ ଏଣ୍ଟରପ୍ରାଇଜର ଲକ୍ଷ୍ମଣ ଦୁଣ୍ଡି ନିର୍ମାଣ କରିଛନ୍ତି ଅକ୍ସିଜନ କନସେଣ୍ଟଟେଟର”। ସ୍ୱଦେଶୀ ଜ୍ଞାନକୌଶଳରେ ନିର୍ମିତ ଏହି ମେସିନ୍ ବଜାର ଦାମର ୩ ଭାଗରୁ ଭାଗେ ହେବ ବୋଲି ଲକ୍ଷ୍ମଣ କହିଛନ୍ତି। କମ୍ପ୍ରେସର ମାଧ୍ୟମରେ ନାଇଟ୍ରୋଜେନ ଗ୍ୟାସକୁ ବିଚ୍ଛିନ୍ନ କରି ଏହି ମେସିନ୍ ବିଶୁଦ୍ଧ ଅମ୍ଳଜାନ ଉତ୍ପାଦନ କରୁଛି। ଭବାନୀପାଟଣା ମୁଖ୍ୟ ଚିକିତ୍ସାଳୟରେ ଏକ ଡାକ୍ତରୀ ଟିମକୁ ଏହାର ଡେମୋ ଦେଖାଇଛନ୍ତି ଲକ୍ଷ୍ମଣ। ମେସିନକୁ ନେଇ ଡାକ୍ତରୀ ଟିମ୍ ସନ୍ତୋଷ ପ୍ରକାଶ ହୋଇଥିବାବେଳେ ଭବାନୀପାଟଣା ବିଶ୍ୱବିଦ୍ୟାଳୟର ରସାୟନ ବିଜ୍ଞାନ ବିଭାଗରେ ଯାଞ୍ଚ ପାଇଁ ସୁପାରିଶ କରିଛନ୍ତି। ଯଦି ଏହାର ଅମ୍ଳଜାନ ସ୍ତର ଠିକ୍ ରହେ ତେବେ ଏହା ବଡ଼ ସଫଳତା ହେବ ବୋଲି ଜିଲ୍ଲା ମୁଖ୍ୟ ଚିକିତ୍ସାଳୟ ଅଧିକାରୀ କହିଛନ୍ତି।

ଓଡ଼ିଶା ଷ୍ଟାଟଅପ ଦ୍ୱାରା ସ୍ୱୀକୃତିପ୍ରାପ୍ତ ଦୁଣ୍ଡି ଇଲୋକ୍ଟୋଟ୍ରୋନିକସ ଆଣ୍ଡ ଇଲେକ୍ଟ୍ରିକାଲ ପ୍ରାଇଭେଟ୍ ଲିମିଟେଡର ଯୁବ ଏଣ୍ଟରପ୍ରାଇନର। ୧୦ ବର୍ଷ ତଳେ ନିଜ ବାପା ମା’ ସହ ସେ ଆନ୍ଧ୍ର ପ୍ରଦେଶରେ ଶିଶୁ ଶ୍ରମିକ ଭାବେ ଭାବେ କାମ କରୁଥିଲେ। ଏକ ସ୍ୱେଚ୍ଛାସେବୀ ସଂଗଠନ ଦ୍ୱାରା ଉଦ୍ଧାର ହୋଇ ସେ ଏବେ ବିଏସସି କରୁଛନ୍ତି।  ଭବିଷ୍ୟତରେ ନୂଆ ଉଦ୍ଭାବନ କରି ମଣିଷ କାମକୁ ସହଜ କରିବା ସହିତ ଲୋକଙ୍କୁ ରୋଜଗାର ଦେବାକୁ ସେ ଲକ୍ଷ୍ୟ ରଖିଛନ୍ତି।

ମେସିନର ଯାଞ୍ଚ ପରେ ଏହାର ସଫଳତା ମିଳିପାରିବ। ଏହା ଉପରେ ଦୃଷ୍ଟି ଦେଇ ପରୀକ୍ଷାକୁ ତ୍ୱରାନ୍ୱିତ କଲେ ମାନବ କଲ୍ୟାଣରେ ଏହାର ଉପଯୋଗ ହୋଇପାରିବ।

ଘାସରୁ ବାହାରୁଛି ତେଲ ଆଉ ସେଥିରେ ତିଆରି ହେଉଛି ସୁଗନ୍ଧ ଅତର, ବାସନା ମଜା ସାବୁନ ଏବଂ ବିଭିନ୍ନ ଔଷଧ

ବୌଦ୍ଧ: ଘାସରୁ ପ୍ରସ୍ତୁତ ହେଉଛି ତେଲ। ପାମାରୋସା ଏବଂ ଲେମନଗ୍ରାସ୍ ପରି ଗନ୍ଧଯୁକ୍ତ ଘାସରୁ ବାହାରୁଛି ତେଲ। ପାତନ ପ୍ରକ୍ରିୟାରୁ ଉତ୍ପାଦିନ କରି ଏହାକୁ କେବଳ ସ୍ୱାସ୍ଥ୍ୟ ପାଇଁ ନୁହେଁ ସୁଗନ୍ଧ ଅତର, ବାସନା ସାବୁନ ଏବଂ ବିଭିନ୍ନ ଔଷଧ ପାଇଁ ବ୍ୟବହାର କରାଯାଉଛି। ବୌଦ୍ଧ ଜିଲ୍ଲାର ବାଉଁଶୁଣି ଦିଗି ଅଞ୍ଚଳରେ ଏକର ଏକର ଚାଷଜମିରେ ପ୍ରସ୍ତୁତ ହେଉଛି ଏହି ତେଲ। ଆନ୍ଧ୍ରର କିଛି ଚାଷୀ ଏହି ଚାଷ ଆରମ୍ଭ କରିଥିବାବେଳେ କରୋନା କାଳରେ ଅଞ୍ଚଳର ଲୋକଙ୍କୁ ଯୋଗାଇଛନ୍ତି ରୋଜଗାର।

କ୍ଷେତରେ ହସୁଛି ପାମାରୋସା। ଫୁଟିଛି ଲେମନଗ୍ରାସର ଫୁଲ। ଭାରତର ମୂଲ୍ୟବାନ ଘାସ। ପ୍ରଥମକରି ବୌଦ୍ଧ ଜିଲ୍ଲା ମନୁପାଲ୍ଲୀ ଓ ବାଉଁଶୁଣି ପଞ୍ଚାୟତରେ ପ୍ରାୟ ୧୦୦ ଏକର ଜମିରେ ଲାଗିଛି ଏହି ଗନ୍ଧଯୁକ୍ତ ଘାସ। ଉଦ୍ଭିଦ ବିଜ୍ଞାନରେ ପାମାରୋସାକୁ ସିମ୍ବୋପୋଗୋନ ମାରଟିନି ମୋଟିଆ ଓ ଲେମନଗ୍ରାସକୁ ସିମ୍ବୋପୋଗୋନ କୁହାଯାଏ। ଏହି ଘାସକୁ ଚାଷକରି ପାତନ ପ୍ରକ୍ରିୟା ଦ୍ୱାରା ବାଷ୍ପଶୀଳ ତୈଳ ପ୍ରସ୍ତୁତ କରାଯାଏ। ଲେମନଗ୍ରାସରୁ ମୂଲ୍ୟବାନ ତୈଳ ବିଭିନ୍ନ ରୋଗର ନିରାକରଣ ଉଦ୍ଦେଶ୍ୟରେ ପ୍ରୟୋଗ କରାଯାଇଥାଏ। ସେହିପରି ପାମୋରୋସାରୁ ପ୍ରସ୍ତୁତ ତୈଳ ସୁଗନ୍ଧଅତର, ବାସନା ସାବୁନ ତିଆରି ପାଇଁ ବ୍ୟବହାର କରାଯାଏ। ଯାହାକୁ ବେଶ ପସନ୍ଦ କରିଛନ୍ତି ଏଠାକାର ଚାଷୀ।

ଏହି ଘାସ ଚାଷର ଚାହିଦା ଓଡ଼ିଶାରେ ସେତେଟା ନଥିବାବେଳେ ଏହାକୁ ହାଇଦ୍ରାବାଦ, ଦିଲ୍ଲୀ, ମୁମ୍ବାଇରେ ବିକ୍ରି କରାଯାଉଛି। ତେଣୁ କରି ଏହାର ମୂଲ୍ୟ ଆକାଶଛୁଆଁ। ବର୍ଷକୁ ୪ ଥର ଅମଳ ହୁଏ ଏହି ଘାସ। ଏକ ଏକର ଲେମନଗ୍ରାସରୁ ୯୦ଲିଟର ତେଲ ପ୍ରସ୍ତୁତ ହେଉଥିବାବେଳେ ପାମୋରୋସାରୁ ୫୦ ଲିଟର ବାହାରେ। ଆନ୍ଧ୍ରର କିଛି ଚାଷୀ ବୌଦ୍ଧକୁ ଆସି ଏହି ଚାଷୀ ଏହାକୁ ଆରମ୍ଭ କରିଛନ୍ତି। ଏଥିରୁ ତେଲ ପ୍ରସ୍ତୁତ କରି ବାହାରକୁ ପଠାଇବା ସହ ଅଞ୍ଚଳର ଅନେକଙ୍କ ଯୋଗାଇଛନ୍ତି ରୋଜଗାର ରାସ୍ତା। ସେପଟେ ଓଡ଼ିଶା ଚାଷୀଙ୍କ ଏଥିପ୍ରତି ଆଗ୍ରହ ଥିଲେ ସୁଦ୍ଧା ଏଠି ଚାହିଦା ନଥିବାରୁ ଚାଷ ହେଉ ନଥିବା କହିଛନ୍ତି ଉଦ୍ୟାନ ନିର୍ଦ୍ଦେଶକ। ଓଡ଼ିଶାରେ ଏହାର ଚାହିଦା ବଢିଲେ ଅନେକ ଚାଷୀ ଏହାଦ୍ୱାର ଉପକୃତ ହୋଇପାରନ୍ତ ବୋଲି କହିଛନ୍ତି ବୁଦ୍ଧିଜୀବୀ।

ଦେଶରେ ହ୍ରାସ ପାଉଛି କରୋନା ମୃତ୍ୟୁ ସଂଖ୍ୟା, ୯୬. ୯ ପ୍ରତିଶତରେ ପହଞ୍ଚିଛି ଆରୋଗ୍ୟ ହାର

ନୂଆଦିଲ୍ଲୀ: ଦେଶରେ ଲଗାତାର ଭାବେ କମିଚାଲିଛି କରୋନା ସଂକ୍ରମିତଙ୍କ ସଂଖ୍ୟା। ମୃତ୍ୟୁ ସଂଖ୍ୟା ବି ହ୍ରାସ ପାଇବାରେ ଲାଗିଛି। ଯାହାଫଳରେ ଦେଶରେ ଏବେ ଆରୋଗ୍ୟ ହାର ୯୬. ୯ ପ୍ରତିଶତରେ ପହଞ୍ଚିଛି। ଦେଶରେ ମେ ୭ରୁ ରେକର୍ଡ ହୋଇଥିବା ପିକ ଏବେ ୯୧ ପ୍ରତିଶତ ହ୍ରାସ ପାଇଥିବା କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟ ପକ୍ଷରୁ ସୂଚନା ଦିଆଯାଇଛି। ଏବେ ସୁଦ୍ଧା ହୋଇଥିବା ଟିକାକରଣରେ ଆମେରିକାକୁ ପଛରେ ପକାଇଛି ଭାରତ। ୧୬୩ ଦିନରେ ଭାରତରେ ୩୨ କୋଟି ଲୋକ ଟିକା ନେଇ ସାରିଛନ୍ତି। ଏହି ୩୨ କୋଟି ଟିକା ଦେବା ପାଇଁ ଆମେରିକାକୁ ୧୯୩ ଦିନ ଲାଗିଥିଲା। ଗ୍ରାମାଞ୍ଚଳରେ ୫୬ ପ୍ରତିଶତ ଟିକାକରଣ ହୋଇଥିବାବେଳେ ସହରାଞ୍ଚଳରେ ୪୪ ପ୍ରତିଶତ ଟିକାକରଣ ହୋଇଛି। ଦେଶବାସୀଙ୍କୁ ଦିଆଯାଉଥିବା ଟିକା ସମ୍ପୂର୍ଣ୍ଣ ଭାବେ ନିରାପଦ ଓ କୋଭିଡ୍ ବିରୋଧରେ ଫଳପ୍ରଦ ସାବ୍ୟସ୍ତ ହେଉଥିବା କହିଛନ୍ତି କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟର ଯୁଗ୍ମ ସଚିବ ଲବ୍ ଅଗ୍ରଓ୍ୱାଲ। ସାରା ଦେଶରେ ୫୧ ଜଣ ଡେଲ୍ଟା ପ୍ଲସ୍ ଭାରିଆଣ୍ଟ ଚିହ୍ନଟ ହୋଇଥିବା ନେଇ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟ ପକ୍ଷରୁ ସୂଚନା ଦିଆଯାଇଛି।

ଓଡ଼ିଶାର ୮ଟି ଜିଲ୍ଲାରେ ହଲମାର୍କ ସୁନା ବିକ୍ରିକୁ ବାଧ୍ୟତାମୂଳକ କଲେ ସରକାର

ଭୁବନେଶ୍ୱର: ଏଣିକି ଦୋକାନୀ ବିକିବେ କେବଳ ହଲମାର୍କ ସୁନା। ଓଡ଼ିଶାରେ ୮ଟି ଜିଲ୍ଲାରେ ହଲମାର୍କ ସୁନା ବିକ୍ରିକୁ ବାଧ୍ୟତାମୂଳକ କରିଛନ୍ତି ସରକାର। ଏହି ଜିଲ୍ଲାଗୁଡ଼ିକ ହେଉଛି ବାଲେଶ୍ୱର, ଭଦ୍ରକ, କଟକ, ଗଞ୍ଜାମ, ଯାଜପୁର, ଖୋର୍ଦ୍ଧା, ମୟୁରଭଞ୍ଜ ଓ ସମ୍ବଲପୁର। ଏନେଇ ଟ୍ୱିଟ୍ କରି ସୂଚନା ଦେଇଛନ୍ତି ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁ। ହଲମାର୍କ ସୁନା ବିକ୍ରିକୁ କେନ୍ଦ୍ର ସରକାର ବାଧ୍ୟତାମୂଳକ କରିଛନ୍ତି।

ଏହି ନିୟମ ଯୋଗୁ ଗ୍ରାହକ ୨୪ କ୍ୟାରେଟ୍‌ର ସୁନା ପାଇବା ସହିତ ବିକ୍ରି କରିବା ସମୟରେ କେବଳ ମେକିଂ ଚାର୍ଯ କାଟି ପାରିବ। ଦୋକାନୀମାନେ ମଧ୍ୟ ବ୍ୟବସାୟରେ ଗ୍ରାହକଙ୍କ ନିକଟରେ ବିଶ୍ୱାସ ଭାଜନ ହୋଇପାରିବେ। ରାଜ୍ୟର ୮ଟି ଜିଲ୍ଲାରେ ଏହି ନିୟମ ବାଧ୍ୟତାମୂଳକ କରାଯାଇଥିବା ବେଳେ ଗ୍ରାହକ ଓ ସୁନା ବ୍ୟବସାୟୀ ଏହାକୁ ସ୍ୱାଗତ କରିଛନ୍ତି।