spot_img
Home Blog Page 5719

ସଂକଟ କାଳରେ ଏବେ ସଂଜୀବନି ଯୋଗାଉଛି ଜୟ ଓଡ଼ିଶା ଫାଉଣ୍ଡେସନ

ଭୁବନେଶ୍ୱର: କରୋନା ସଂକଟ କାଳରେ ଏବେ ସଂଜିବନୀ ସାଜିଛି ଅକ୍ସିଜେନ୍ । ଗୁରୁତର ରୋଗୀଙ୍କୁ କିପରି ଏହାର ଅଭାବ  ନିରୀହ ସେଥିପାଇଁ ରାଜ୍ୟ ସରକାରଙ୍କ ପକ୍ଷରୁ କରାଯାଇଛି ସମସ୍ତ ବ୍ୟବସ୍ଥା । ଏହି ପ୍ରକ୍ରିୟାକୁ ଆଉଟିକେ ସରଳ କରିବାକୁ ଆଗେଇ ଆସିଛି ଜୟ ଓଡ଼ିଶା ଫାଉଣ୍ଡେସନ ।

ଆଜି ଯାଜପୁରରେ ପହଞ୍ଚି ଜିଲ୍ଲା ପ୍ରଶାସନକୁ ସହଯୋଗର ହାତ ବଢ଼ାଇବା ସହ ଅକ୍ସିଜେନ କନସନଟ୍ରେଟର ଦାନ କରିଛନ୍ତି । ଫାଉଣ୍ଡେସନ ପକ୍ଷରୁ ୧୦ ଲକ୍ଷରୁ ଉର୍ଦ୍ଧ୍ବ ଟଙ୍କା ବ୍ୟୟରେ ଯାଜପୁର ଜିଲା ପ୍ରଶାସନକୁ ୧୫ଟି ଅକ୍ସିଜେନ କନସେନଟ୍ରେଟର ଦାନ କରିଛନ୍ତି ।

ଜୟ ଓଡିଶାର ଏଭଳି ମହାନତା ପାଇଁ ଅନେକ ରୋଗୀଙ୍କ ଜୀବନ ବଂଚିବା ବୋଲି କୁହାଯାଇଛି । ଆଗକୁ ଆହୁରି କନନସଟ୍ରେଟର ଯୋଗାଇ ଦିଆଯିବ ବୋଲି ଫାଉଣ୍ଡେସନ ପକ୍ଷରୁ ପ୍ରତିଶ୍ରୁତି ଦିଆଯାଇଛି । ଜୟ ଓଡ଼ିଶାର ଏପରି ବଦାନ୍ୟତାକୁ ବିଭିନ୍ନ ମହଲରୁ ପ୍ରଶଂସା କରାଯାଇଛି ।

ଭାରତ-ଚୀନ ବିବାଦ ପ୍ରସଙ୍ଗରେ ଏମିତି କହିଲେ ଋଷ ରାଷ୍ଟ୍ରପତି ପୁତିନ

ନୂଆଦିଲ୍ଲୀ: ଚୀନ-ଭାରତ ସୀମା ବିବାଦ ସମ୍ପର୍କରେ ମତ ରଖିଲେ ଋଷର ରାଷ୍ଟ୍ରପତି ଭ୍ଲାଦିମିର ପୁତିନ । ଏନେଇ ଶନିବାର ଦିନ ପୁତିନ କହିଛନ୍ତି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ଚୀନ୍ ରାଷ୍ଟ୍ରପତି ସି ଜିନପିଙ୍ଗ ଦାୟିତ୍ୱବାନ ନେତା ତେଣୁ ଉଭୟ ସୀମା ବିବାଦର ସମାଧାନ କରିବାରେ ସକ୍ଷମ। ତେଣୁ ରାଷ୍ଟ୍ରପତି ପୁତିନ ଭାରତ ଏବଂ ଚୀନ୍ ମଧ୍ୟରେ କୌଣସି ହସ୍ତକ୍ଷେପକୁ ପ୍ରତ୍ୟାଖ୍ୟାନ କରିଛନ୍ତି । ଏହାସହ ସେ କହିଛନ୍ତି ଯେ, ଭାରତ-ଚୀନ୍ ଦ୍ୱିପାକ୍ଷିକ ପ୍ରସଙ୍ଗରେ କୌଣସି ତୃତୀୟ ଦେଶର ହସ୍ତକ୍ଷେପ ଉଚିତ୍ ନୁହେଁ ।

ଋଷର ରାଷ୍ଟ୍ରପତିଙ୍କ ଏହି ମନ୍ତବ୍ୟ ଏପରି ଏକ ସମୟରେ ଆସିଛି, ଯେତେବେଳେ କି ବର୍ଷରୁ ଅଧିକ ସମୟ ଧରି ସୀମାରେ ଭାରତ ଏବଂ ଚୀନ୍ ମଧ୍ୟରେ ମୁହାଁମୁହିଁ ପରିସ୍ଥିତି ସୃଷ୍ଟି ହୋଇଛି । ଏହି ସମୟରେ ଗଲୱାନ ଘାଟିରେ ଉଭୟ ଦେଶର ସେନା ମଧ୍ୟରେ ବିବାଦ ହୋଇଥିଲା । ଏହି ବିବାଦକୁ ଶେଷ କରିବା ଏବଂ ସ୍ଥିତିକୁ ଫେରିବା ପାଇଁ ଭାରତ ଏବଂ ଚୀନ୍ ମଧ୍ୟରେ ଅନେକ ଥର ଆଲୋଚନା ହୋଇଛି, କିନ୍ତୁ ଏହା ପରେ ମଧ୍ୟ କୌଣସି ନିର୍ଦ୍ଦିଷ୍ଟ ସମାଧାନ ମିଳିପାରି ନାହିଁ ।

‘କ୍ୱାଡ’ ଉପରେ ପୁତିନ କହିଛନ୍ତି

ଭାରତ, ଜାପାନ, ଆମେରିକା ଏବଂ ଅଷ୍ଟ୍ରେଲିଆ ମଧ୍ୟରେ ଗଠିତ ‘କ୍ୱାଡ’କୁ ନେଇ ପୁତିନ କହିଛନ୍ତି ଯେ, ଋଷ କୌଣସି ବି ରାଷ୍ଟ୍ରର କିଛି ବି ପ୍ରସଙ୍ଗରେ ଯୋଗଦାନକୁ ବାରଣ କରିଛି । ଭ୍ଲାଦିମିର ପୁତିନ କହିଛନ୍ତି ଯେ, ଭାରତ ସହ ଋଷର ଭାଗିଦାରୀ ଏବଂ ମସ୍କୋ-ବେଜିଂ ସମ୍ପର୍କ ମଧ୍ୟରେ କୌଣସି ପ୍ରତିବାଦ ନାହିଁ ଏବଂ ଭାରତ- ଋଷ ସମ୍ପର୍କ ବିଶ୍ୱାସ ଉପରେ ଆଧାରିତ । ଉନ୍ନତ ଅସ୍ତ୍ରଶସ୍ତ୍ର ପ୍ରଣାଳୀ ଏବଂ ପ୍ରଯୁକ୍ତିବିଦ୍ୟା ଉତ୍ପାଦନରେ ଭାରତ ହେଉଛି ଋଷର ଏକମାତ୍ର ଅଂଶୀଦାର ବୋଲି ଋଷର ରାଷ୍ଟ୍ରପତି କହିଛନ୍ତି।

ଦିଲ୍ଲୀରେ ଯୁଗ୍ମ ଅଯୁଗ୍ମ ଆଧାରରେ ଖୋଲିବ ଦୋକାନ, ଦ୍ୱନ୍ଦରେ ବେପାରୀ

 ନୂଆଦିଲ୍ଲୀ:  ଏବେ ଦିଲ୍ଲୀରେ ଲକଡାଉନ କୋହଳ କରିବେ ସରକାର । ମୁଖ୍ୟମନ୍ତ୍ରୀ କେଜରିଓ୍ୱାଲ ଏହାକୁ ନେଇ ବଡ଼ ଘୋଷଣା କରିଛନ୍ତି । କରୋନା ଭୂତାଣୁ ଚେନ୍‌ଭାଙ୍ଗିବା ପାଇଁ ଏପ୍ରିଲ୍‌୧୯ ତାରିଖରୁ ଦିଲ୍ଲୀରେ ଜାରି ହୋଇଥିବା ‘ଲକ୍‌ଡାଉନ୍‌’ ବଳବତ୍ତର ରହିବ ବୋଲି କହିବା ସହ କେତେକ କଟକଣା କୋହଳ କରାଯିବ ବୋଲି ଶନିବାର ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ୍‌ଘୋଷଣା କରିଛନ୍ତି।

ଦିଲ୍ଲୀରେ ଯୁଗ୍ମ ଅଯୁଗ୍ମ ଆଧାରରେ ସ୍ଥାନୀୟ ବଜାର ସବୁ ଖୋଲି ପାରିବ ବୋଲି ସେ କହିଛନ୍ତି। ମଲ୍‌ସବୁ ବି ଖୋଲି ବ୍ୟବସାୟ ଚଳାଇ ପାରିବେ କିନ୍ତୁ, ସେମାନଙ୍କ ପାଇଁ ମଧ୍ୟ ଯୁଗ୍ମ ଅଯୁଗ୍ମ ଗାଇଡ୍‌ଲାଇନ୍ ପ୍ରଯୁଜ୍ୟ ହେବ। ଅନ୍ୟପଟେ ପାଖାପାଖି ଲାଗି ରହିନଥିବା ଦୋକାନ ଗୁଡ଼ିକ ଦୈନିକ ଖୋଲିପାରିବ ବୋଲି କୁହାଯାଇଛି ।

କେବଳ ସେତିକି ନୁହେଁ ବରଂ ମୁଖ୍ୟମନ୍ତ୍ରୀ ଏହା ମଧ୍ୟ କହିଛନ୍ତିଯେ, ୫୦ ପ୍ରତିଶତ କର୍ମଚାରୀଙ୍କୁ ନେଇ ଘରୋଇ ଅଫିସ ସବୁ କାର୍ଯ୍ୟ କରିବା ପାଇଁ ଅନୁମତି ପାଇବେ। ସରକାରୀ ଅଫିସ୍‌ସବୁ ୧୦୦ ପ୍ରତିଶତ ‘ଗ୍ରୁପ୍‌ଏ’ ଏବଂ ୫୦ ପ୍ରତିଶତ ‘ଗ୍ରୁପ୍‌ବି’ କର୍ମଚା‌ରୀମାନଙ୍କୁ ନେଇ କାର୍ଯ୍ୟ କରିପାରିବେ। ୫୦ ପ୍ରତିଶତ ଯାତ୍ରୀଙ୍କୁ ନେଇ ଦିଲ୍ଲୀ ମେଟ୍ରୋ ସେବା ଆରମ୍ଭ କରାଯାଇ ପାରିବ ବୋଲି ସେ ସୂଚନା ଦେଇଛନ୍ତି।

ମୁଖ୍ୟମନ୍ତ୍ରୀ କହିଛନ୍ତିଯେ, କୋଭିଡ୍-୧୯ର ପରବର୍ତ୍ତୀ ପ୍ରବାହର ମୁକାବିଲା ନିମନ୍ତେ ଦିଲ୍ଲୀ ପ୍ରସ୍ତୁତ ଅଛି। କୋଭିଡ୍‌୧୯ ତୃତୀୟ ପ୍ରବାହ ମୁକାବିଲା ନିମନ୍ତେ ୪୨୦ ଟନ୍‌ଅମ୍ଳଜାନ ଷ୍ଟୋରେଜ୍ କ୍ୟାପାସିଟି ପ୍ରସ୍ତୁତି ହେଉଛି। ତୃତୀୟ ପ୍ରବାହରେ ପିଲାମାନେ ଆକ୍ରାନ୍ତ ହେବେ ବୋଲି ଆଶଙ୍କା କରାଯାଉଥିବାରୁ ‘ପେଡିଆଟ୍ରିକ୍‌ଟାସ୍କ୍‌ଫୋର୍ସ’ ଗଠନ କରାଯାଇଛି ବୋଲି ସେ ସୂଚନା ଦେଇଛନ୍ତି।
ଅନ୍ୟପଟେ ଏହି ଅଡ ଇଭେନ ଫର୍ମୁଲାକୁ ନେଇ ଦ୍ୱନ୍ଦରେ ପଡ଼ିଛନ୍ତି ବେପାରୀ ।

ଏଟା: କନ୍ୟା ୧ ବର ୨, ଜଣେ ପିନ୍ଧିଲା ବରମାଳା ଆଉ ଜଣେ ଶିଶୁପାଳ

ଏଟା: ଉତ୍ତରପ୍ରଦେଶର ଏଟା ଜିଲ୍ଲାରେ ଏକ ଅଜବ ଘଟଣା ଦେଖିବାକୁ ମିଳିଛି । ଏଠାରେ ଜଣେ କନ୍ୟାକୁ ବିବାହ କରିବା ପାଇଁ ପହଞ୍ଚିଥିଲେ ୨ଟି ବର । ଜଣେ କନ୍ୟାକୁ ବରମାଳା ପିନ୍ଧାଇଲେ ତ ଆଉ ଜଣେ ଶିଶୁପାଳ ହୋଇ ଫେରିଲେ । ଯାହାକୁ ନେଇ ସ୍ଥାନୀୟ ଅଞ୍ଚଳରେ ଖୁବ୍ଚର୍ଚ୍ଚା । ଘଟଣା ଏଭଳି ହେଲାଯେ, ପରିସ୍ଥିତି ସମ୍ଭାଳିବା ମଧ୍ୟ କଷ୍ଟସାଧ୍ୟ ହୋଇଗଲା ।

ମାମଲା ଏଟା ଜିଲ୍ଲାର କୋତବାଲି ଦେହାତ ଅଞ୍ଚଳର ସିସଙ୍ଗ ଗାଁର । ଏଠାରେ ଜଣେ ଝିଅକୁ ବିବାହ କରିବା ପାଇଁ ପହଞ୍ଚିଥିଲେ ଦୁଇଟି ଯୁବକ। ପ୍ରଥମେ ପହଞ୍ଚିଥିବା ବର ସହିତ ଝିଅ ଜଣକ ବରମାଳା ପିନ୍ଧାଇଲେ ସତ କିନ୍ତୁ ବିବାହ କଲେ ପରବର୍ତ୍ତୀ ମୁହୂର୍ତ୍ତରେ ପହଞ୍ଚିଥିବା ପୁଅକୁ । ଯାହାପରେ ବରମାଳା ପିନ୍ଧିଥିବା ପୁଅର ପରିବାର ଉତ୍ୟକ୍ତ ହୋଇ ଝଗଡ଼ା ଆରମ୍ଭ କରିଦେଲେ ଏବଂ ଥାନାରେ ଅଭିଯୋଗ କଲେ । ଥାନାରେ ଅଭିଯୋଗ ପରେ ପୋଲିସ ଉକ୍ତ କନ୍ୟାଙ୍କ ବାପା ଏବଂ ବିବାହ କରିଥିବା ବରର ପରିବାର ସଦସ୍ୟଙ୍କୁ ହେପାଜତକୁ ନେଇଛି ।

ସିସଙ୍ଗ ଗାଁରେ ଏହାକୁ ନେଇ ଚର୍ଚ୍ଚା କମୁନାହିଁ । କିଏ କହୁଛି ବିବାହ କରିଥିବା ଯୁବକଙ୍କ ବୟସ କମ୍ତ କିଏ କହୁଛି ଏହା ବିବାହ ନୁହେଁ ଠକାମି । କିନ୍ତୁ ପୋଲିସ ଏହାକୁ ନେଇ ତଦନ୍ତ ଜାରି ରଖିଛି ।

ଅପରେସନ ବ୍ଲୁ ଷ୍ଟାର ! ଜାଣନ୍ତୁ ଭାରତୀୟ ଇତିହାସରେ ଆଜିର ଦିନରେ କଣ ଘଟିଥିଲା ?

ଆଜି ହେଉଛି ୫ଜୁନ୍ । ଆଜିର ତାରିଖରେ ଭାରତୀୟ ଇତିହାସରେ ଏମିତି କିଛି ଘଟିଥଲା ଯାହା ପ୍ରତ୍ୟେକ ଦେଶବାସୀଙ୍କ ପାଇଁ ସ୍ମରଣୀୟ । କାହିଁକି ନା ଆଜିର ତାରିଖରେ ହୋଇଥିଲା ଅପରେଶନ ବ୍ଲୁ ଷ୍ଟାର । ଭାରତୀୟ ସେନା ସୀମାରେ ଶତ୍ରୁଦେଶ ସହ ଲଢି ଆମକୁ ସୁରକ୍ଷା ଦିଅନ୍ତି । କିନ୍ତୁ ଜୁନ୍ ୫ ତାରିଖରେ ଏକ ବଡ ଧରଣର ମିଶନକୁ ନିଜ ଦେଶ ଭିତରେ ହିଁ ସଫଳ କରିବାରେ ସକ୍ଷମ ହୋଇଥିଲା ଭାରତୀୟ ସେନା । ଓ ସେହି ଅପରେସନର ନାଁ ଥିଲା ବ୍ଲୁ ଷ୍ଟାର । କିନ୍ତୁ ଏହି ଅପରେସନ କରିବାର ଉଦ୍ଦେଶ୍ୟ କଣ ଥିଲା ? ଆଉ କାହିଁକି ଏହି ଘଟଣା ଭାରତୀୟ ଇତିହାସର ଏକ ବଡ ଘଟଣା ପାଲଟିଗଲା ।

ପୁରୁଣା ଦିନ କଥା ମନେପକାଇଲେ ମନକୁ ଆସେ ଭାରତ ପାକିସ୍ଥାନର ବିଭାଜନର ଘଟଣା । ଭାରତୀୟ ଉପ ମହାଦେଶର ବିଭାଜନରୁ ଜନ୍ମ ନେଇଥିଲେ ଦୁଇଟି ରାଷ୍ଟ୍ର । ଭାରତ ଓ ପାକିସ୍ତାନ । କିନ୍ତୁ ବିଭାଜନ ଶାନ୍ତିପୂର୍ଣ୍ଣ ନଥିଲା । ଜିନ୍ନାଙ୍କ ମୌଳବାଦୀ ଚିନ୍ତାଧାରା ପାଇଁ ଦେଶରେ ଆରମ୍ଭ ହୋଇଯାଇଥିଲା ଦଙ୍ଗା । ଦଙ୍ଗା ଦ୍ୱାରା ବେଶି ପ୍ରଭାବିତ ଥିଲେ ପାକିସ୍ତାନରୁ ଆସୁଥିବା ହିନ୍ଦୁ ଓ ଶିଖ । ବିଭାଜନର ଅଧିକ ଶିକାର ପଂଜାବୀ ହିନ୍ଦୁ ଓ ଶିଖ୍ ହୋଇଥିଲେ । କାରଣ ସ୍ୱାଧିନତା ପୂର୍ବରୁ ଅବିଭକ୍ତ ପଂଜାବ ଭିତରେ ଆସୁଥିଲା ଏବେକାର ପାକିସ୍ତାନର ପଂଜାବ ବା ଇଷ୍ଟ୍ ପଂଜାବ । ଯେଉଁଠି ଥିଲା ଲାହୋର । ଲାହୋର ଥିଲା ମହାରାଜା ରଣଜିତ ସିଂଙ୍କ ଶିଖ ସାମ୍ରାଜ୍ୟର କେନ୍ଦ୍ର । ଲାହୋର ପାକିସ୍ତାନ ଭାଗରେ ପଡିବା ପରେ ସେଠାରେ ରହୁଥିବା ୬୦ ପ୍ରତିଶତ ହିନ୍ଦୁ ଓ ଶିଖଙ୍କ ଉପରେ ଆରମ୍ଭ ହୋଇଥିଲା ଆକ୍ରମଣ । ସେମାନେ ଭାରତ ମୁହାଁ ହେବାକୁ ଲାଗିଲେ ।

କିନ୍ତୁ ଯେତେବେଳେ ୧୯୮୧ରେ ହିନ୍ଦି ସମାଚାର ପଂଜାବ କେଶରୀ ଖବରକାଗଜର ସମ୍ପାଦକଙ୍କର ହତ୍ୟା ହେଲେ । ତାପର ଠୁ ହିଂସାକାଣ୍ଡ ପଞ୍ଜାବ ପାଇଁ ନିତିଦିନିଆ କଥା ପାଲଟିଗଲା । କିନ୍ତୁ ଏସବୁ ଘଟଣାକୁ ଦେଖି ରାଜ୍ୟସରକାର କିମ୍ବା କେନ୍ଦ୍ରସରକାର କେହି ବି ଆକ୍ସନ ନେଉନଥିଲେ ବୋଲି ଆରୋପ ଲାଗିଲା । କିନ୍ତୁ ଅନେକଥର ଭିଣ୍ଡର ୱାଲାଙ୍କୁ ଗିରଫ କରାଯାଇଛି । କିନ୍ତୁ ପରବର୍ତ୍ତୀ ମୂହୂର୍ତ୍ତରେ ଛାଡିଦିଆଯାଇଛି । କିନ୍ତୁ ଏହି ହିଂସାକାଣ୍ଡ ଥମିବାର ନାଁ ହିଁ ଧରିଲାନି । ୧୯୮୩ ଏପ୍ରିଲରେ ପଞ୍ଜାବ ପୋଲିସ ଡିଆଇଜିଙ୍କୁ ସ୍ୱର୍ଣ୍ଣ ମନ୍ଦିର ଭିତରେ ଗୁଳି ମାରି ନିର୍ମମ ଭାବେ ହତ୍ୟା କରାଗଲା । ସେ ସମୟରେ ସେ ସ୍ୱର୍ଣ୍ଣମନ୍ଦିରକୁ ଦର୍ଶନ କରିବାକୁ ଯାଇଥିଲେ । ଏହିଭଳି ଅନେକ ଘଟଣା ଘଟିଲା ଯେଉଁଥିରେ ହିନ୍ଦୁମାନଙ୍କୁ ଦିନଦ୍ୱିପହରରେ ମାରିଦିଆଗଲା । ଶେଷରେ ଇନ୍ଦିରାଗାନ୍ଦୀ ସରକାର ରାଷ୍ଟ୍ରପତି ଶାସନ ଲାଗୁ କରିବାକୁ ବାଧ୍ୟ ହେଇଗଲେ । ଏବଂ ଆରମ୍ଭ ହେଲା ଅପରେଶନ ବ୍ଲୁ ଷ୍ଟାରର ଯୋଜନା ।

ଏହି ସମୟରେ ହିଁ ଖଲିସ୍ତାନ ଗଠନକୁ ନେଇ କିଛି ଶିଖ୍ ବିଛିନ୍ନତାବାଦୀ ସ୍ୱପ୍ନ ଦେଖିଥିଲେ । କିନ୍ତୁ ୧୯୭୫ ପରେ ପରେ ଜେନରାଲ ଭିନ୍ଦରୱାଲା ଭଳି ବ୍ୟକ୍ତି ଏହି ଆନ୍ଦୋଳନକୁ ଅଧିକ ତେଜିଥିଲା । ଭିନ୍ଦରୱାଲାକୁ ଇନ୍ଦିରା ଗାନ୍ଧୀଙ୍କ ଅମଳରେ କଂଗ୍ରେସ ସୃଷ୍ଟି କରିଥିଲେ । ଉଦ୍ଦେଷ୍ୟ ଥିଲା ପଂଜାବ ରାଜନୀତିରେ ଅକାଳୀ ଦଳଙ୍କ ପ୍ରଭାବ ହ୍ରାସ କରିବା ପାଇଁ ଆଉ ଗୋଟିଏ ଧର୍ମୀୟ,ମୌଳବାଦ ଚିନ୍ତାକୁ ଅଧିକ ଶକ୍ତିଶାଳୀ କରିବା । କିନ୍ତୁ ଭିନ୍ଦରୱାଲା ୧୯୭୫ ପରଠାରୁ କଂଗ୍ରେସ ନିୟନ୍ତ୍ରଣରୁ ବାହାରି ଭସ୍ମାଷୁର ହୋଇ ସାରିଥିଲା । ସେ ଏବେ ଚାହୁଁଥିଲା ନିଜର ଦେଶ । ଖଲିସ୍ତାନ । ଭିନ୍ଦରୱାଲାର ହିଂସା ପ୍ରବଚନ ଶିଖ ଓ ହିନ୍ଦୁଙ୍କ ମଧ୍ୟରେ ଖାଇ ସୃଷ୍ଟି କରିଥିଲା । ୧୯୮୧ ମସିହାରେ ହିନ୍ଦି ଖବର କାଗଜ ପଂଜାବ କେଶରୀର ସମ୍ପାଦକଙ୍କର ହତ୍ୟା ହୋଇଥିଲା । ଭିନ୍ଦରୱାଲା ଆଦେଶରେ ଏହି ହତ୍ୟା ହୋଇଥିଲା । । ତାପର ଠୁ ହିଂସାକାଣ୍ଡ ପଞ୍ଜାବ ପାଇଁ ନିତିଦିନିଆ କଥା ପାଲଟିଗଲା ।

କିନ୍ତୁ ଏସବୁ ଘଟଣାକୁ ଦେଖି ରାଜ୍ୟସରକାର କିମ୍ବା କେନ୍ଦ୍ରସରକାର କେହି ବି ଆକ୍ସନ ନେଉନଥିଲେ ବୋଲି ଆରୋପ ଲାଗିଲା । ତେବେ ଅନେକଥର ଭିଣ୍ଡର ୱାଲାଙ୍କୁ ଗିରଫ କରାଯାଇ ପରେ ଛାଡି ଦିଆଯାଇଥିଲା । ୧୯୮୩ ଏପ୍ରିଲରେ ପଞ୍ଜାବ ପୋଲିସ ଡିଆଇଜିଙ୍କୁ ସ୍ୱର୍ଣ୍ଣ ମନ୍ଦିର ଭିତରେ ଗୁଳି ମାରି ନିର୍ମମ ଭାବେ ହତ୍ୟା କରାଗଲା । ସେ ସମୟରେ ସେ ସ୍ୱର୍ଣ୍ଣମନ୍ଦିରକୁ ଦର୍ଶନ କରିବାକୁ ଯାଇଥିଲେ । ଏହିଭଳି ଅନେକ ଘଟଣା ଘଟିଲା ଯେଉଁଥିରେ ହିନ୍ଦୁମାନଙ୍କୁ ଦିନଦ୍ୱିପହରରେ ମାରିଦିଆଗଲା । ଶେଷରେ ଇନ୍ଦିରାଗାନ୍ଦୀ ସରକାର ରାଷ୍ଟ୍ରପତି ଶାସନ ଲାଗୁ କରିବାକୁ ବାଧ୍ୟ ହେଇଗଲେ । ଏବଂ ଆରମ୍ଭ ହେଲା ଅପରେଶନ ବ୍ଲୁ ଷ୍ଟାରର ଯୋଜନା ।


ସ୍ୱର୍ଣ୍ଣ ମନ୍ଦିରରେ ଅଂସଖ୍ୟ ଗୋଳାବାରୁଦ,ମାରାଣାସ୍ତ୍ର ରଖିଥିବା ଅତଙ୍କବାଦୀଙ୍କର ସାମ୍ନା କରିବାକୁ ପ୍ରସ୍ତୁତ ହେଲେ ଭାରତୀୟ ସେନା । ଜୁନ୍ ୩ ତାରିଖରୁ ୬ ତାରିଖ ଭିତରେ ସେନା ଓ ଅତଙ୍କବାଦୀଙ୍କ ଭିତରେ ଚାଲିଲା ଅହରହ ଗୁଳିଚାଳନା । ସେହି ସମୟରେ ଏହି ଅପରେଶନର ନେତୃତ୍ୱ ନେଇଥିଲେ ମେଜର ଜେନେରାଲ କୁଲଦୀପ୍ ସିଂ ବରାର । ଯିଏକି ନିଜେ ଜଣେ ସିଖ୍ ହିଁ ଥିଲେ । ସ୍ୱର୍ଣ୍ଣ ମନ୍ଦିରର ପୁରା ଘେରାବନ୍ଦୀ କରିବା ପରେ ୫ ଜୁନ ଭୋର ସାଢେ -୪ଟା ସମୟରେ ସେ ପ୍ରତ୍ୟେକ ବାଟାଲିୟନଙ୍କ ପାଖକୁ ଯାଇ ଭଲଭାବରେ ବୁଝାଉଥିଲେ ଯେ – ତୁମେ ମାନେ ବିଲକୁଲ ବି ଚିନ୍ତା କରନାହିଁ ଯେ ତୁମେମାନେ କେଉଁ ପବିତ୍ର ଧର୍ମସ୍ଥଳକୁ ନଷ୍ଟ କରୁଛ । ବରଂ ଏହା ଭାବ ଯେ ଏହି ପବିତ୍ର ସ୍ଥଳରେ ଜମିଥିବା ଦୂଷିତ ଆର୍ବଜନାକୁ ସଫା କରୁଛ । ଶେଷରେ ୬ଜୁନ୍ ସକାଳେ ଭିଣ୍ଡରୱାଲାର ମୃତ୍ୟୁ ହେଲା ଓ ସେନାଙ୍କ ବ୍ଲୁ ଷ୍ଟାର ଅପରେଶନ ସଫଳ ହେଲା । ଅପରେଶନ ବ୍ଲୁଷ୍ଟାରର ପରବର୍ତ୍ତି ପ୍ରଭାବ ଥିଲା ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କ ହତ୍ୟା । ବ୍ଲୁଷ୍ଟାର ପରେ ପାଖାପାଖି ୧୦ ବର୍ଷ ଯାଏ ପଂଜାବ ହିଂସାର ଶିକାର ଥିଲା । କିନ୍ତୁ ୧୯୯୩ ବେଳକୁ ପଂଜାବରେ ଶେଷରେ ଶାନ୍ତି ପ୍ରତିଷ୍ଠା ହୋଇଥିଲା ।

୧୦ ରୁ ୧୪ ତାରିଖ ମଧ୍ୟରେ ଓଡିଶା ଛୁଇଁବ ଦକ୍ଷିଣ ପଶ୍ଚିମ ମୌସୁମୀ ବାୟୁ

ଭୁବନେଶ୍ୱର : ଆସନ୍ତା ୧୦ ରୁ ୧୪ ତାରିଖ ମଧ୍ୟରେ ଓଡିଶା ଛୁଇଁବ ଦକ୍ଷିଣ ପଶ୍ଚିମ ମୌସୁମୀ ବାୟୁ। ୧୧ ତାରିଖରେ ଉତ୍ତର ବଙ୍ଗୋପସାଗରରେ ସୃଷ୍ଟି ହେବାକୁ ଥିବା ଲଘୁଚାପ ପ୍ରଭାବରେ ଓଡ଼ିଶାର ଅଧିକାଂଶ ଜିଲ୍ଲାରେ ପ୍ରବଳରୁ ଅତି ପ୍ରବଳ ବର୍ଷା ହେବାର ସମ୍ଭାବନା ରହିଛି । ଏନେଇ ପୂର୍ବାନୁମାନ କରିଛି ଭୁବନେଶ୍ବର ପାଣିପାଗ କେନ୍ଦ୍ର । ଆସନ୍ତା କାଲି ଠାରୁ ଓଡ଼ିଶାର ଅଧିକାଂଶ ଜିଲ୍ଲାରେ କାଳବୈଶାଖିର ପ୍ରଭାବ କମିବ । ଦକ୍ଷିଣ ଓଡ଼ିଶାର କିଛି ଜିଲ୍ଲାକୁ ଛାଡିଦେଲେ ବାକି ଜିଲ୍ଲାରେ ପାଗ ଶୁଖିଲା ରହିବ ।

ପୁଣି ୮ତାରିଖରୁ ଓଡ଼ିଶାର ଅଧିକାଂଶ ସ୍ଥାନରେ ଘଡଘଡି ବିଜୁଳି ସହ ବର୍ଷା ହେବ। ୧୦ ତାରିଖରୁ ୧୪ ତାରିଖ ମଧ୍ୟରେ ବର୍ଷାର ପରିମାଣ ବଢିବ। ୯ ତାରିଖରେ କାଳବୈଶାଖି ବର୍ଷା ପାଇଁ ୨୦ଟି ଜିଲ୍ଲାକୁ ୟେଲୋ ଆଲର୍ଟ ଜାରି କରାଯାଇଛି। ବିଶେଷ କରି ଉପକୂଳ ଓଡ଼ିଶା ସମେତ ଦକ୍ଷିଣ ଆଭ୍ୟନ୍ତରୀଣ ଏବଂ ପଶ୍ଚିମ ଓଡ଼ିଶାରେ ବିଜୁଳି ଘଡଘଡି ସହ ପ୍ରବଳ ବର୍ଷା ହେବ ବୋଲି ଆକଳନ କରାଯାଇଛି।

ମୌସୁମୀ ବାୟୁ କେରଳ ଛୁଇଁଥିବାବେଳେ ଓଡ଼ିଶା ଛୁଇଁବାକୁ ପ୍ରାୟ ୧୦ ଦିନ ଲାଗିପାରେ  । ମୌସୁମୀ ବାୟୁ ପ୍ରବାଭରେ ବର୍ତ୍ତମାନ ଘଡ଼ଘଡ଼ି ସହ ବର୍ଷା ମଧ୍ୟ ହୋଇପାରେ ବୋଲି ପୂର୍ବାନୁମାନ କରିଛି ଆଢ୍ଚଳିକ ପାଣିପାଗ ବିଭାଗ  । ବର୍ତ୍ତମାନ ମୌସୁମୀ ପ୍ରଭାବରେ ବର୍ଷା ହେଉଥିବାବେଳେ ମୌସୁମୀ ବାୟୁ ଆସିଲେ ବର୍ଷାର ପରିଣାମ ଅଧିକ ହୋଇପାରେ   । ଫଳରେ ଓଡ଼ିଶାର ଅଧିକାଂଶ ସ୍ଥାନରେ ବର୍ଷା ଓ ଘଡ଼ଘଡ଼ି ମଧ୍ୟ ହେବା ନେଇ ଆକଳନ କରିଛି ପାଣିପାଗ ବିଭାଗ  ।

ଖୁବ୍ ଶୀଘ୍ର ବଜାରକୁ ଆସିବ 5G JioPhone ! ଏତେ ଶସ୍ତା ଯେ, ସହଜରେ କିଣି ପାରିବେ ସାଧାରଣ ଜନତା

ନୂଆଦିଲ୍ଲୀ:   ବିଳମ୍ବରେ ଆସିପାରେ ବହୁ ପ୍ରତିକ୍ଷିତ 5G JioPhone । ପୂର୍ବରୁ କୁହାଯାଉଥିଲା ଯେ, 5G JioPhone ସ୍ମାର୍ଟଫୋନ୍ ରିଲାଏନ୍ସ ଜିଓର AGM 2021ରେ ଲଞ୍ଚ କରାଯିବ । କିନ୍ତୁ ଏଥିରେ କିଛି ପରିବର୍ତ୍ତନ ଆସିଥିବାର ନଜର ଆସିଛି । ଜୁନ ୨୪ରେ ଏହା ବଜାରକୁ ଆସିବାର ଥିଲା କିନ୍ତୁ ନିକଟରେ ହୋଇଥିବା ସୂଚନା ଅନୁସାରେ କିଛି ଭିନ୍ନ ସୂଚନା ଦିଆଯାଇଛି । ନୂଆ ରିପୋର୍ଟରୁ ଜଣାପଡିଛି ଯେ ଚଳିତ ବର୍ଷ ଦୀପାବଳିରେ 5G JioPhone ଲଞ୍ଚ ହେବାକୁ ଯାଉଛି । ତେଣୁ ଯଦି ଆପଣ ଭାବୁଛନ୍ତି ଯେ Google-Jio 5G Smartphoneକୁ ଆପଣ ଶିଘ୍ର କିଣିପାରିବେ ତେବେ, ଆପଣଙ୍କୁ ଏଥିପାଇଁ ସାମାନ୍ୟ ଅପେକ୍ଷା କରିବାକୁ ପଡିବ।

ଅକ୍ଟୋବର-ନଭେମ୍ବର ମଧ୍ୟରେ ଲଞ୍ଚ କରାଯାଇପାରେ ଫୋନ୍

ନିକଟରେ ଗୁଗୁଲର ସିଇଓ ସୁନ୍ଦର ପିଚାଇ ସୂଚନା ଦେଇଥିଲେ ଯେ, ସେ ରିଲାଏନ୍ସ ଜିଓ ସହଭାଗୀତାରେ ଭାରତରେ 5G ସ୍ମାର୍ଟଫୋନ୍ ଲଞ୍ଚ କରିବା ଉପରେ କାର୍ଯ୍ୟ କରୁଛନ୍ତି। ଯଦିଓ ପିଚାଇ ଫୋନର କୌଣସି ଲଞ୍ଚ ତାରିଖ ଘୋଷଣା କରିନାହାଁନ୍ତି କି ଏନେଇ ରିଲାଏନ୍ସ ଜିଓ କିଛି ସୂଚନା ଦେଇ ନାହାଁନ୍ତି । ସଦ୍ୟ ରିପୋର୍ଟ ଅନୁଯାୟୀ, ଆଗାମୀ Google-Jio 5G Smartphone, ଯାହା 5G JioPhone ନାମରେ ଜଣାଶୁଣା, ତାହା ଅକ୍ଟୋବର-ନଭେମ୍ବର ମଧ୍ୟରେ ଲଞ୍ଚ ହୋଇପାରେ।

ଯଦିଓ ଏନେଇ କୌଣସି ସ୍ପଷ୍ଟ ସୂଚନା ମିଳିନାହିଁ । ରିଲାଏନ୍ସ କିମ୍ବା ଜିଓ ଏନେଇ ସୂଚନା ଦିଆଯିବା ଆବଶ୍ୟକ । ଏହାସହ ଯେଉଁମାନେ ଜିଓ କିମ୍ବା ରିଲାଏନ୍ସ ସହ ଜଡିତ ଅଛନ୍ତି ସେମାନେ କହିଛନ୍ତି ଯେ Jio Phone 5G ସ୍ମାର୍ଟଫୋନ୍ ଗବେଷଣା ଏବଂ ବିକାଶ ପର୍ଯ୍ୟାୟ ଅତିକ୍ରମ କରିସାରିଛି । ତେଣୁ ଏହା ଖୁବ ଶୀଘ୍ର ବଜାରକୁ ଆସିପାରେ ।

ଏହା ବ୍ୟତୀତ ଫୋନର ମୂଲ୍ୟ ସମ୍ପର୍କରେ ସାମାନ୍ୟ ସୂଚନା ଦିଆଯାଇଛି । ରିପୋର୍ଟ ଅନୁଯାୟୀ, ଆଗାମୀ Google Jio 5G ସ୍ମାର୍ଟଫୋନର ମୂଲ୍ୟ ୫୦ ଡଲାରରୁ କମ୍ ହୋଇପାରେ, ଯାହା ଭାରତୀୟ ମୁଦ୍ରା ଅନୁଯାୟୀ ପ୍ରାୟ ୩୬୫୦ ଟଙ୍କା ହୋଇପାରେ। ତେଣୁ ଆମେ ଅନୁମାନ ଲଗାଇପାରିବା ଯେ, Google Jio 5G ମୂଲ୍ୟ ୩୫୦୦ ଟଙ୍କା ପାଖାପାଖି ହେବ । ଏହା ମଧ୍ୟ ଜାଣିବାକୁ ମିଳୁଛି ଯେ 5G JioPhone ର ପ୍ରି-ବୁକିଂ ମଧ୍ୟ ଶୀଘ୍ର ଆରମ୍ଭ ହୋଇପାରେ । ଯଦିଓ ଏସମ୍ପର୍କରେ କୌଣସି ସଠିକ୍ ସୂଚନା ମିଳିପାରି ନାହିଁ ।

ଟ୍ୱିଟରକୁ ଶେଷ ସୁଯୋଗ, ନିୟମ ମାନିନିଅ ନଚେତ୍‌ ପରିଣାମ ଭୋଗିବାକୁ ପ୍ରସ୍ତୁତ ରୁହ

ନୂଆଦିଲ୍ଲୀ:  ନୂଆ ଆଇଟି ରୁଲ୍ସକୁ ନେଇ ଟ୍ୱିଟର ଏବଂ କେନ୍ଦ୍ର ସରକାରଙ୍କ ମଧ୍ୟରେ ବିବାଦ କମୁନାହିଁ ।  କେନ୍ଦ୍ର ସରକାରଙ୍କ ପକ୍ଷରୁ ଶନିବାର ଟ୍ୱିଟରକୁ ଫାଇନାଲ ନୋଟିସ୍‌ ଜାରି ହୋଇଛି ।  ଏହି ନୋଟିସରେ ଟ୍ୱିଟରକୁ  କଡ଼ା ଚେତାବନୀ ଦେଇ କୁହାଯାଇଛିଯେ, ନିୟମ ମାନ ନଚେତ୍‌ ପରିଣାମ ଭୋଗିବାକୁ ପ୍ରସ୍ତୁତ ହୋଇଯାଅ ।

ବାସ୍ତବରେ ୨୫ ଫେବୃୟାରୀରେ ହୋଇଥିବା ନୂଆ ଆଇଟି ରୁଲ୍ସରେ ସରକାର ସଫା ସଫା କହି ଦେଇଥିଲେ, ଯେଉଁ ସୋସିଅଲ ମିଡିଆ ପ୍ଲାଟଫର୍ମରେ ୫୦ ଲକ୍ଷରୁ ଅଧିକ ୟୁଜର୍ସ ଥିବେ, ତାଙ୍କୁ ଭାରତରେ  ଅଭିଯୋଗ ଅଧିକାରୀ ନିଯୁକ୍ତ କରିବାକୁ ପଡ଼ିବ ।  ଏଥିପାଇଁ ସମୟସୀମା ଥିଲା ତିନି ମାସ ।  କିନ୍ତୁ ୨୫ ମଇକୁ ଏହାର ଅବଧି ଶେଷ ହୋଇଯାଇଛି । ଗତ ସପ୍ତାହରେ  ଟ୍ୱିଟର ପକ୍ଷରୁ ଦିଲ୍ଲୀ ହାଇକୋର୍ଟରେ କୁହାଯାଇଥିଲାଯେ,  ୨୮ ମଇକୁ ସେ ଅଭିଯୋଗ ଅଧିକାରୀ ନିଯୁକ୍ତ କରି ସାରିଛନ୍ତି । କିନ୍ତୁ  ସରକାର ଏଥିରେ ସନ୍ତୁଷ୍ଟ ନାହାଁନ୍ତି ।

ଆଇଟି ମନ୍ତ୍ରଣାଳୟ ପକ୍ଷରୁ ନୂଆ ନିୟମକୁ ନେଇ  ୨୬ ମଇରେ ପ୍ରଥମ ଥର ଟ୍ୱିଟରକୁ ନୋଟିସ୍‌ ପଠାଯାଇଥିଲା ।  ଏହାପରେ ୨୮ ମଇ ଏବଂ ୨ ଜୁନରେ ମଧ୍ୟ ନୋଟିସ୍‌ ଜାରି ହୋଇଥିଲା ।  ଏବେ ଶନିବାର ଶେଷ ନୋଟିସ୍‌ ପଠାଯାଇଥିଲା । ଆଇଟି ମନ୍ତ୍ରଣାଳୟ ପକ୍ଷରୁ ଲେଖା ଯାଇଥିବା ନୋଟିସରେ ଲେଖାଅଛିଯେ, ସରକାର ଟ୍ୱିଟର ଜବାବରେ ସନ୍ତୁଷ୍ଟ ନାହାଁନ୍ତି ।  ଟ୍ୱିଟର ପକ୍ଷରୁ ଭାରତରେ ଯେଉଁ ଅଧିକାରୀ ଏବଂ ନୋଡାଲ ଅଫିସରଙ୍କୁ ନିଯୁକ୍ତ କରାଯାଇଛି ସେମାନେ ଟ୍ୱିଟରର କର୍ମଚାରୀ ମଧ୍ୟ ନୁହଁନ୍ତି ।

ନୋଟିସରେ ଲେଖାଅଛିଯେ, ଭାରତ ହେଉଛି ସବୁଠାରୁ ବୃହତ୍‌ ଗଣତନ୍ତ୍ର ।  ଟ୍ୱିଟରକୁ ଏଠାରେ ଏକ ସ୍ୱତନ୍ତ୍ର ସ୍ଥାନ ଦିଆଗଲା । କିନ୍ତୁ ୧୦ ବର୍ଷ କାମ କରିବା ପରେ ମଧ୍ୟ ଟ୍ୱିଟର ଏଭଳି କୌଣସି ମେକାନିଜମ ତିଆରି କରିପାରିନାହିଁ, ଯେଉଁଥିରେ ଭାରତୀୟ ଲୋକଙ୍କ ଅଭିଯୋଗର ସମସ୍ୟାର ସମାଧାନ ହୋଇପାରିବ । ଯେଉଁ ଲୋକଙ୍କୁ ଟ୍ୱିଟର ପ୍ଲାଟଫର୍ମରେ ଅପଶବ୍ଦର ସାମ୍ନା କରିବାକୁ ପଡ଼ୁଛି ସେମାନଙ୍କ ସମସ୍ୟାର ସମାଧାନ ପାଇଁ ଜ୍ଞାନ କୌଶଳର ଆବଶ୍ୟକତା ରହିଛି । ୨୬ ମଇ ୨୦୨୧ ଠାରୁ ଟ୍ୱିଟରକୁ  ନିୟମ ମାନିବାକୁ ପଡ଼ିବ ।

Abusive Content Supreme Court Issues Notice To Centre And Twitter

ଏହା ସହିତ ଲେଖାଯାଇଛିଯେ,  ସଦଭାବନାକୁ ନଜରରେ ରଖି ନୂଆ ଆଇଟି ନିୟମର ପାଳନର ଏକ ଶେଷ ସୁଯୋଗ ଟ୍ୱିଟରକୁ ଦିଆଯାଉଛି ।  ଯଦି ନିୟମ ପାଳନ ନ ହୁଏ ତେବେ ଆଇଟି କାନୁନ ଧାରା ୭୯ ଅନୁସାରେ ଟ୍ୱିଟର ଦାୟୀତ୍ୱ ପ୍ରତ୍ୟାହାର କରିବ । ଏହା ସହିତ ପରିଣାମ ଭୋଗିବାକୁ ପଡ଼ିବ ।

ଜୁନ ୧୭ ତାରିଖ ପରେ ହୋଇପାରେ ଅନଲକ୍, କମୁଛି ସଂକ୍ରମଣ

ଭୁବନେଶ୍ୱର: ଜୁନ ୧୭ ତାରିଖ ପରେ ଆଉ ଲକ୍‌ଡାଉନ୍‌ର ଆବଶ୍ୟକତା ପଡ଼ିବ ନାହିଁ । କିନ୍ତୁ, ଲୋକମାନେ ଅଧିକ ସର୍ତକ ଓ ସଚେତନ ରହିବା ଆବଶ୍ୟକତା ରହିଛି । ସଂକ୍ରମଣ କମୁଥିବାବେଳେ ଏପରି ଏକ ଆସ୍ୱସ୍ତିକର ଖବର ଦେଇଛନ୍ତି ସ୍ବାସ୍ଥ୍ୟ ବିଶେଷଜ୍ଞ ଡାକ୍ତର ନିରୋଜ ମିଶ୍ର । ବର୍ତ୍ତମାନ ରାଜ୍ୟରେ ଦୈନିକ ୧୦ପ୍ରତିଶତ କରୋନା ପଜିଟିଭ ହାର ରହିଛି । ଜୁନ୍ ୧୭ ବେଳକୁ ଏହି ହାର ୫ପ୍ରତିଶତ ତଳକୁ ଖସିଯାଇଥିବ । ତେଣୁ ଆଉ ଲକଡାଉନର ଆବଶ୍ୟକତା ପଡିବ ନାହିଁ ବୋଲି ମତପ୍ରକାଶ କରିଛନ୍ତି ସ୍ବାସ୍ତ୍ୟ ବିଶେଷଜ୍ଞ।

ଏହାପରେ ସ୍ଥିତିରେ ସୁଧାର ଆସିବ । ଏହି ସ୍ଥିତିରେ ଲକଡାଉନ ନୁହେଁ କେବଳ କିଛି କଟକଣା ମଧ୍ୟରେ ଅନଲକ ପ୍ରକ୍ରିୟା ଆରମ୍ଭ କରାଯାଇପାରିବ । ଭୁବନେଶ୍ବରରେ କୋଭାକ୍ସିନ୍ ଟିକା ଉପଲବଧ୍ ନଥିଲେ, କୋଭିସିଲ୍ଡ ଟିକା ଲୋକଙ୍କୁ ଦେବାକୁ ସ୍ବାସ୍ଥ୍ୟ ବିଶେଷଜ୍ଞ ଡାକ୍ତର ନିରୋଜ ମିଶ୍ର ପରାମର୍ଶ ଦେଇଛନ୍ତି । ହେଲେ କାହାକୁ ମିକ୍ସଡ୍ ଡୋଜ ଦିଆନଯାଉ କହିଛନ୍ତେ ସେ ।

ପ୍ରଥମ ଡୋଜ୍ ଯେଉଁ ଟିକା ନେଇଥିବେଦ୍ବିତୀୟ ଡୋଜ୍ ମଧ୍ୟ ସେହି ଟିକା ନେବା ଜରୁରୀ ରହିଛି । କୋଭିଡ ସମୁଦାୟ ଭାବେ ହଟିନି ତଥାପି ଆମକୁ ସତର୍କ ଏବଂ ସଚେତନ ରହିବା ଆବଶ୍ୟକ । କିନ୍ତୁ ଆଗକୁ ଅର୍ଥାତ ଜୁନ ୧୭ ପରେ ସ୍ଥିତିରେ ସୁଧାର ଆସିବାରେ ଲାଗିବ । ସେହି ସ୍ଥିତିରେ ଆଉ ଲକଡାଉନ ନୁହେଁ ବଂର ଅନଲକ ହୋଇଯିବ ବୋଲି ଆକଳନ କରିଛନ୍ତି ନିରୋଜ ମିଶ୍ର ।

ପର୍ଲ ବି ପୁରୀଙ୍କୁ ମିଳିଲାନି ଜାମିନ୍‌, ଦୁଷ୍କର୍ମ ଅଭିଯୋଗରେ ୧୪ ଦିନର ନ୍ୟାୟିକ ହେପାଜତ

ମୁମ୍ବାଇ: ଦୁଷ୍କର୍ମ ଅଭିଯୋଗରେ ଗିରଫ ହୋଇଥିବା ଟିଭି ଆକ୍ଟର ପର୍ଲ ବି ପୁରୀଙ୍କ ସମସ୍ୟା ଅଧିକ ଜଟିଳ ହୋଇଯାଇଛି । ପର୍ଲଙ୍କୁ କୋର୍ଟ ୧୪ ଦିନିଆ ନ୍ୟାୟିକ ହେପାଜତରେ ପଠାଇ ସାରିଛନ୍ତି । ଏହା ପୂର୍ବରୁ ପର୍ଲଙ୍କ କଥିତ ଏକ୍ସ ଗର୍ଲଫ୍ରେଣ୍ଡ ଏବଂ ଅଭିନେତ୍ରୀ କରିସ୍ମା ତନ୍ନା ପର୍ଲଙ୍କୁ ଜାମିନ୍‌ମିଳି ସାରିଥିବା କଥା ସୋସିଅଲ ମିଡିଆରେ ଶେୟାର କରିଥିଲେ । କିନ୍ତୁ ବର୍ତ୍ତମାନ ଆସିଥିବା ଖବର ଅନୁସାରେ ପର୍ଲଙ୍କୁ ଜାମିନ୍‌ମିଳିନାହିଁ, ବରଂ ତାଙ୍କ ୧୪ ଦିନିଆ ନ୍ୟାୟିକ ହେପାଜତକୁ ପଠାଯାଇଛି ।

 

 

View this post on Instagram

 

A post shared by Karishma Tanna (@karishmaktanna)

ପର୍ଲ ବି ଦୁଷ୍କର୍ମ ମାମଲାରେ ଗିରଫ ହେବା ଘଟଣା ସମସ୍ତଙ୍କୁ ଆଶ୍ଚର୍ଯ୍ୟ କରିଛି । କରିସ୍ମା ତନ୍ନାଙ୍କ ସମେତ ଏକାଧିକ ସେଲିବ୍ରିଟି ପର୍ଲଙ୍କ ସମର୍ଥନରେ ଆସିଛନ୍ତି । କରିସ୍ମା ପର୍ଲଙ୍କ ସହିତ ଏକ ଫଟୋ ଶେୟାର କରି ଲେଖିଛନ୍ତି, ସତ୍ୟମେବ ଜୟତେ । ଅନ୍ୟପଟେ ପର୍ଲଙ୍କ କୋ-ଷ୍ଟାର ଅନୀତା ହସନନ୍ଦନୀ ମଧ୍ୟ ଏକ ପୋଷ୍ଟ ଶେୟାର କରି ପର୍ଲ ବି ପୁରୀଙ୍କୁ ସମର୍ଥନ କରିଛନ୍ତି । ନିର୍ଦ୍ଦେଶକ ଏବଂ ପ୍ରଯୋଜକ ଏକତା କପୂରଙ୍କ ପ୍ରତିକ୍ରିୟା ମଧ୍ୟ ସାମ୍ନାକୁ ଆସିଛି ।

ସୂଚନାଯୋଗ୍ୟ ପର୍ଲଙ୍କ ଉପରେ ନାବାଳିକାକୁ ଦୁଷ୍କର୍ମ କରିଥିବା ଅଭିଯୋଗ ହୋଇଛି । ଶୁକ୍ରବାର ପୀଡ଼ିତାଙ୍କ ବୟାନ ପରେ ପର୍ଲଙ୍କ ବିରୋଧରେ ମାମଲା ରୁଜୁ ହୋଇଛି । ଯାହାପରେ ପର୍ଲଙ୍କୁ ଗିରଫ କରାଯାଇଛି ।

ପର୍ଲ ନାଗିନ୍‌ବ୍ୟତୀତ ଦିଲ କି ନଜର ସେ ଖୁବସୁରତ ଏବଂ ଫିର ଭି ନା ମାନେ ବତମିଜ ଦିଲ ଭଳି ଏକାଧିକ ଟିଭି ଶୋ’ରେ ନଜର ଆସିଛନ୍ତି ।